شموخي ما في مثله ©؛°¨غرامي مشارك¨°؛©

ابرررررااارررر متتتتتي البارت

ضاقت أنفاسي مشـ© الروايات ©ـرفة

يتبع

ركبت بالسياره من قدام
ومن الخلف روان وطيف ومصعب واحمد ونوف
بعدها حرك بهدوء

وصل البزران لمدارسهم وبعدها توجه لمدرسه
روان وريم
والصمت يعم السياره
بعد وقت قصير وقف خالد وبهدوء : يالله انزلن
نزلت روان بهدوء
ولما فتحت الباب انزل مسك يدي وبهدوء : اسمعي
انتبهي وانت تمشين ومكان فيه زحمه ابعدي عنه
ويا ويلك اسمع انك مخبره احد انك حامل
فاهمه
هزيت راسي وانا ماده البوز : ان شاء الله يا حضره الضابط
ناظرني بحزم : حضرتك تتريقين ؟؟؟
نزلت بدون نفس وما رديت عليه وضربت الباب
بأقوى ما عندي
ودخلت بسرعه
*
*
*

دخلت المدرسه واول ما شافت ليان
ركضت عليها وحضنتها : اشتقت لك يا دبه
ليان ضربتها على كتفها : احسن منك يالعصله
ريم بسعاده : ههههههههه اخبارك ؟؟؟
ليان بابتسامة : الحمد لله بخير
وانت اخبارك ؟؟
ريم بابتسامة : تزوجت
ليان فتحت عيونها : احلفي
ريم وهي تضحك : هههههه والله العظيم
ليان : مين هذا المغفل للي قبل فيك ؟؟؟
ريم ضربتها بخفه على راسها : مغفل بعينك
تزوجت ابن عمي
ليان : اي واحد ؟؟
ريم : ابن عمي فيصل اسمه خالد
ليان : ما لقيت الا ابن عمك فيصل ؟؟ اكيد
ناشب بحلقك ؟؟
ريم لوت بوزها : مثل الشوكه بحلقي
ليان : ما علينا منه تعالي ندخل مشتاق لك حيييل
ريم بابتسامة : يالله
طول الوقت ليان وريم يتهامسن لانه اول يوم
ما في حصص ودراسة
دخلت ابله الرياضيات
كانت طويله ونحيفه والشهاده لله جسمها يجنن
لون بشرتها اقرب للسمار بس ناعمه حيل
وعيونها وساع يعني حليوه
بس حسيتها مغروره بنفسها
المهم
دخلت وتعرفت علينا وبعدها صارت تتكلم عن الماده
ناظرت ليان وابتسمت كذا بدون سبب
بعدها ناظرت الابله ناظرتني وكأني ماكل حلالها : نعم خير تضحكين قايل انا نكته ؟؟؟
استغربت من اسلوبها انا ما عملت شي علشان
تعاملني كذا رديت عليها بدلع : لا ما قلتي نكته
بس تبسمك في وجه اخيك صدقه
اكيد حافظيته ؟!
احتدت ملامحها : لا وش رايك تيجين مكاني ؟؟
وقفت ريم وهي تبتسم وتتغنج بمشيتها
الابله بعصبية : هي انت وين رايحه ؟؟؟؟
ريم ابتسمت بعباطه : انت قلتي لي آجي مكانك
ضربت على الطاوله بعصبية : اقعدي مكانك لو
سمحتي
وحركاتك هذي ما تنعاد والا مره ثانيه تطلعين عند الاداره
ابتسمت ابتسامه نرفزتها : من عيوني
ابله منار وجهها صار احمر ورجعت تتكلم عن الماده والمنهاج
وتعطيني بين كل وقت نظره ناريه
وانا مبسوطة على الاخير اني قهرتها
مر ايام الدوام وانا الابتسامه ما فارقتني
احس بسعاده وانبساط مو طبيعي
احسن من القعده بالبيت وتعرفت على صديقات جديدات
خلص الدوام وانا طالعه فجأة التفتت للخلف
لما سمعت اسمي
نوفه بابتسامة اشرت لي
اقتربت منها وسلمت عليها
نوفه بابتسامة : اخبارك يا حلوه ؟؟؟
رديت بابتسامة : الحمد لله بخير
نوفه : تعالي شوفي شي
ومسكت يدي وسحبتني خارج المدرسه
وتوجهت لاحدى السيارات وانا مثل الهبله
مو فاهمه شي
نوفه طقت قزاز السياره
خلال ثواني نزل صاحب السياره قزاز الشباك
نوفه بفرحه : هذي ريم ودها تسلم عليك
فتحت عيوني عالاخير هالحيوانه احرجتني
صعب تسلم على شخص ما تعرفه
كيف لما يكون هذا الشخص خطيبك وبعدها يطلع خالك
يمكن اول مره تسجل بتاريخي اني استحيت
لو تشوفني جدتي ما رح تصدق ولا رح تعرفني
نزل من السياره
رفعت نظري على صوته : اخبارك يا ريم ؟؟
ناظرت يده الممدوده بتردد واحراج ووجهي
الوان : ها بببخير ومديت يدي
وانا خلاص ذبت من الحياء
زياد بهدوء : ولا تتصلين بخالك تتطمنين عليه ؟؟
ما رديت وانا افرك يديني بتوتر
والظاهر انه حس بتوتري : يالله اطلعي اوصلك
ناظرته باحراج وبعدها نزلت نظري : لا ممشكور
خالد على وصول
هز راسه بتفهم : يالله فرصه سعيده شفناك
وبعدها استأذنت وبسرعه دحلت المدرسة
وانا قلبي يدق بقوه اففففففف موقف محرج
لكن قسم بالله لتندم نوفه
قال ما تتصلين بخالك ليه حضرته ما يتصل
انا اذا اخوالي من ام واب مو معترف فيهم
اعترف بخال من الرضاعه
اصلا كل شي يخص امي ما ابغى اتقرب منه
نفخت خدودي بضجر حضرته الدكتور تأخر
وروان الظاهر انها رجعت لاني ما شفتها
مر اكثر من ربع ساعة على مغادره نوفه واخوها
افف وين طس زوج الغفله طقيت من الحر
افففففف بعد دقايق شرف الدكتور
طلعت وانا احس روحي بمناخيري
فتحت الباب وجلست بدون كلمه
ناظرني وهو رافع حاجب : السلام لله
وبعدها ناظرني بحده
انزلي وادخلي مره ثانيه وردي السلام بسرعه
قهرني ناقعني بالحر والحين جاي يتفلسف علي
زفرت بضجر
ونزلت من السياره وبعدها ركبت وانا ابتسم
بسخريه : السلام عليكم يا زوجي العزيز
ناظرني وصد نفسه بغرور : ترى مو ناقصني
هرج زايد حطي لسانك بحلقك يكون افضل
ناظرته بقهر وصديت لجهة الشباك
*
*
*
*
توجهت للمدرسه علشان اجيب الاميره بلقيس
وانا متنرفز من ابوها
قهرني بإسلوبه بالمكتب
ما ادري من وين نازله الحنيه بنته صار لي متزوجها ثلاث شهور ما شفته ولا مره
زارها
استغفر الله قهرني مع انه اعتذر مني لما
سمع مني
وحس بالندم على تسرعه وكلامه عني
بس ما يشفع له كيف يوجه كلامه هذا لي
انا مو شاب طايش همجي حتى يقول لي هذا الكلام
انا ولله الحمد عاقل وفهمان واعرف كيف اتصرف
مو لذي الدرجه حتىى اكون انسان متخلف
بالعكس انا مدرك لكل الامر
وللي زاد قهري الاميره بلقيس ركبت حتى
ما كلفت نفسها ترد السلام
ناظرتها وخدودها حمر من الحر
سألتها بهدوء متجاهل القهر للي فيني : كيف الدوام اليوم ؟؟
ناظرتني وردت من رؤوس خشومها : زينه
ولفت وجهها يقال انها زعلانه
وقفت السياره على جنب وناظرتها وبهدوء : زعلانه ؟؟؟
ناظرتني وهي ماده البوز : يعني لي ساعه انتظرك
بالحر وانت متأخر علي
تنهدت ونزلت من السياره وتوجهت للبقاله
اشتريت لها عصير ومثلجات ورجعت
دخلت السياره بهدوء
وناظرتها ومديت لها الكيس : خذي هذا رضاوه
لك لاني تأخرت عليك
ناظرت الكيس وكالعادة تبغى تدلل : لا ما ابغى
ولوت شفتها يقال انها زعلانه
ناظرتها ببرود : براحتك
وقبل ما اسحبه سحبته مني : بس لولا العطش
ما اخذت منك شي
بصراحه ضحكتني : هاتيه والحين انزل اجيب لك مويه
علشان العطش
ناظرتني بقهر : لا لا من دخل بيت ابي سفيان
فهو آمن
بعدين ذول تعويض عن الحر للي خليتني فيه
باكر اصير سوداء وما حد يرضى يخطبني
وقبل ما تكمل ضربتها على راسها : انت ما تعرفين تتكلمين ؟؟
انت متزوجه كيف تنخطبين ؟؟
ناظرتني وابتسمت : عادي بعد ما تطلقني
اخطب
قاطعتها : اوكي الحين نروح عند المحكمه
قاطعتني بندم : والله امزح انت كل شي تصدقه
حبيت اعطيها قرصه اذن وبحزم : بهذي الامور ما فيها مزح
والحين نروح على المحكمه
ناظرتني وحسستها انها الموضوع جدي مو مزح
صارت دموعها تنزل : والله ما اعيدها توبه توبه
استغربت من دموعها وفتحت عيوني على وسعهم بس لازم يكون الامر في جديه كلمتها بحزم : توعديني ما تكررين كلامك السخيف هذا ؟؟
بدون ما تناظرني وهي تمسح دموعها : والله اوعدك ما اعيدها
مديت يدي ومسحت دموعها وابتسمت على شكلها : ما
احب اشوف احد يبكي الحين اذا ما وقفتي بكاء
اروح للمحكمه
ابتسمت وهي تمسح دموعها : خلاص مسحتهم
استغربت
دموعها بسرعة ينزلوا وبسرعه يوقفوا
عجيبه هذي البنت استرقت لها النظر
وهي تشرب من العصير
ولا كأنها الحين كانت تبكي نفس طيف
تبكي ولما تحصل على الشي للي ودها إياه بسرعه
تخافي دموعها
تنهدت وحركت السياره بهدوء
رن جوالي ناظرت الاسم وعفست ملامحي
ورديت ببرود : الو ..........الله يسلمك. ..........بالطريق .........اكذب عليك يا عمي اذا قلت لك
اني ما زعلت ........حتى لو كان مو قصدك كلامك هذا ما تقوله لي وانت تعرفني ............ خلاص حصل خير .......... لا ما ابغى لا عزيمه ولا رضاوه ولا شي ...........خلاص اعتبرني ما زعلت وصدقني خلاص انسى الموضوع ومع الايام انسى ........ان شاء الله ......مع السلامه
قفلت من عمي نايف متصل يعتذر مني
لانه عرف بعد كلامي انه ظلمني
وعرف انه اخطأ بحقي
والله لولا اني ما ابغى اظلم ريم الا اقول له خذ بنتك
عندك ولا تنسى تشتري لها حليب
قسم بالله تصير مواقف تنرفزك
ناظرت ريم بتذكر : صحيح جهزي نفسك بعد العصر
علشان نروح عند الدكتوره
وقبل ما تسألين حجزت لك موعد عند الدكتوره نهى
هذي اشطر دكتوره وكل اسبوع رح تراجعين معها
اتفقنا
ناظرتني وهزت راسها ورجعت تاكل من المثلجات

*
*
*
*
*
*
*
دخلوا البيت بهدوء
ام خالد ناظرت ريم وخالد : ليه متأخرين ؟؟
ريم وهي تهف بيدها : انصهرت من الحر افففف
ام خالد : اطلعي بدلي بسرعة
خالد : وين مصعب وطيف ؟؟
ام خالد : تناولوا الغداء وناموا تحسهم تعبانين من الدوام
خالد ابتسم : ربي يحفظهم
ام خالد ناظرت خالد : تعال ابغاك بموضوع
ريم وعرق اللقافه اشتغل : وش تبغين منه ؟؟
خالد ناظرها بحزم : ريم
كشت عليه ريم وطلعت وهي تتحلطم
ام خالد بعد ما تأكدت انه ريم طلعت : شوف
يا خالد انا انصحك
ما يصير تطلع ريم بدون غطاء شفت جمالها
ما شاء الله وخاصه مع هالحر خدودها
حمر تجنن اكيد تلفت نظر الشباب
اذا انا حرمه ولفت نظري جمالها
انا ما اتدخل بس نصيحه انصحكم
هز خالد راسه وهو عارف انها جمالها ملفت للانظار بس حاليا ما يطلع بيده شي وخاصة بعد
الحمل : ان شاء يصير خير
وبعدها توجه للجناح

*
*
*
*
بعد ما رجعنا من الموعد عند الدكتوره
كان عمي فيصل وام خالد جالسين
بالصاله
توجهنا لهم وجلسنا بعد ما ردينا السلام
سألت خالتي خالد : وش قالت الدكتوره ؟؟
ناظرني خالد وبعدها ناظر امه ورد بهدوء : تقول
كل شي تمام ووضعه الجنين مستقر
ام خالد بتحقيق : ما قالت شي علشانها صغيره
شوي
فيصل قاطعها : وين صغيره الله يهداك ؟؟!!
هيفاء لما تزوجت كانت بحجمها وحملت من اول شهر وكانت قريبه من عمرها
وهذي هي كبرت وعندها عيال اطول منها
ام خالد وهي تناظرني : والله ما ادري وش اقول
فيصل ناظرني : كم طولك يا ريم ؟؟
ناظرته وابتسمت : مترين
قاطعها فيصل بحده : تستخفين دمك انا ما امزح
معك
خالد وهو يطالع عمي : سواء عرفت طولها او ما عرفت
ما رح يغير شي لانها خلاص تزوجت والحين حامل
وبعدين بدون ما تسأل باين طولها
1.49سم
ناظرته وانا نفسي انكسه قدام اهله
مغرور وشايف نفسه : غلط طولي مو متر 1.49
ناظرني باستخفاف وطنشني وصار يكلم عمي
قهرني وفشلني قدامهم

ناظرتني ام خالد : جدتك تقول انها تتوقع فيك بنت
خالد وقاط اذانه عندنا والظاهر تضايق انها بنت: وش عرفها جدتي ؟؟؟
فيصل ابتسم : علامك مو عاجبك بنت ؟؟ وش حلاتها البنت
وخاصه اذا كانت مؤدبه وناظرني بنغزه
اففففف يا هالعم للي ناشب لي شوكه بالحلق
خالد : مو كذا يبه انا ما اعترض انها بنت للي من عند الله راضي فيه ونعمه نشكره عليها
بس انا حاب يكون ولد
قلت بصوت هامس سمعه خالد لانه جنبي : ان شاء الله بنت وتبقى حسرتك بقلبك
ناظرني وابتسم : حاقده علي
ناظرته : وبقوه
مد يده وقرصني بكتفي بدون ما حد ينتبه علينا
قرصته ما توجع بس انا احب المبالغه واعطي الصوت العالي : آآآآآآآآآه
وفركت مكان القرصه
ناظرني عمي المنشغل بالحديث مع خالتي : وش
فيك تزاعقين ؟؟
ناظرت خالد وبعدها ناظرت عمي وابتسمت
بعباطه : عقرب قرصني
عقد حواجبه عمي : من جدك ؟؟ عقرب هنا ؟؟!!
ابتسمت واشرت على خالد : هذا هو مو شايفه
يا عمي
ام خالد بقهر من تصرفي : انت وجهك مغسول بمرقه ما تستحين على وجهك
وبعدين مو عيب تقولين عن زوجك كذا
ناظرتها : والله يا خالتي قرصته اقوى من قرصه
العقرب
ابتسم خالد وهمس: هذي قرصه لك علشان لسانك الطويل
تقصريه
دخلوا عصافير الحب الصاله ويدينهم ببعض
فقعوا مرارتي خايفبن يضيعون والله ما يضيعون
جلسوا مع بعض وسميه لابسه جلال الصلاه
ومو باين منها الا عيونها
قهرني عمي فيصل ناظر سميه،: اخبارك يا بنتي ؟؟
ان شاء الله مرتاحه ؟؟
سميه بصوت منخفض وهادي : يسرك الحال
ام خالد ناظرت سميه : وش صار على الوظيفه
سميه : رفضتها نواف ما يبغاني اشتغل
فيصل بفخر : ذول الحريم السنعات للي يسمعن
كلمه زوجهن وناظرني بنعزه
قهرني هالشايب حاط ضدي اففففف
وقفت وناويه اطلع للجناح احسن من مقابله
وجه عمي
سمعت صوت خالد يستأذن حتى يطمن
على عياله

*

*
*
توجهت للغرفه وانا نعسانه وقفني صوته : اسمعي
لفيت وجهي وناظرته بدون ما اتكلم
تكلم ببرود : بدلي وتعالي للصاله هنا حضري
لباكر
رفعت حاجب وبصوت عالي وانا اتخصر : نعم نعم
فتح عيونه على وسعهن وبعصبيه : نعامه ترفسك
بلعت ريقي لا تقولون قويه مو قويه ما ادري لما اشوف نظراته المعصبه اخاف
ما اعرف وش السبب ابتسمت بعباطه : قصدي
وحكيت راسي
اممم قصدي ابغى انام وبعد ما اصحى احضر دروسي
ناظرني بتعالي وبحزم : هي كلمه وما رح اكررها
انا طالع اشوف مصعب وطيف ارجع اشوفك
بالصاله تحضرين دروسك
وطلع قبل ما يسمع ردي
قهرني مغرور وشايف حاله على وش يا حظي
ضربت الارض برجلي بقوه
وبصرخه
اكرهك
فتح الباب وناظرني وهو رافع حاجب بغرور : قلتي شي ؟؟
ناظرته بقهر ودي اكسر راسه
ناظرني بحزم : صوتك هذا اخفيه من الوجود اذا
سمعته يلعلع
واعطاني نظره ناريه وطلع
عضيت على شفتي بقهر وتوجهت لغرفة النوم
وانا اتحلطم
*
*
*
*

جلست بالصاله وتمددت على الكنبه وحطيت
الكتاب على بطني
وجلست اطقطق بالجوال ومندمجه باللعبه
سمعت تصفيق فوق راسي : ما شاء الله هذي
الدراسه والتحضير
وسحب من يدي الجوال وناظر اللعبه وبعدها اشوف اصابعه على الشاشة ما اعرف
وش يعمل
وقفت طبعا مستحيل اشوف وش
يطقطق تكلمت بقهر : اعطيني الجوال
طنشني ولا كأني اتكلم
بعدها ناظرني ببرود : حذفت الالعاب بالجهاز
الدراسه بدت وما في وقت للعب اتوقع
قهرني وهو ببرود يتفلسف علي
وانا قضيت ليالي حتى وصلت هذي المرحله
احس بالقهر والنار بقلبي
كل تعبي وجهدي طار خلال ثواني
مستحيل احس فقدت عقلي والتفكير
ومثل البرق مسكت يده وعضيت عليها
بكل قوه
كل قهري حطيت فيه
كنت اسمعه يتكلم بس ما كنت ادري وش يقول
خلاص صرت لا ارسل ولا استقبل
بس ما كان عنده اي دفاع ولا ابعدني عنه
ولا حاول بس كان يتكلم بس ما ادري وش كان يقول
بعد ما طلعت قهري ابعدت عنه ومسحت اثار
الدم عني بقرف
واشمئزاز
ناظرت يده وابعدت عنه كم خطوه اكيد
الحين رح يدفني بمكاني
ناظرته بتردد لكني انصعقت لما شفته
يبتسم بوجهي
ما ادري هل هو الهدوء ما قبل العاصفه ؟؟؟!
رفعت نظري لما سمعته يكلمني : ارتحتي الحين ؟؟
اسف ما توقعت انك متعلقه باللعبة لذي الدرجه !!
بس اتوقع دراستك اهم
عموما اتوقع كل قهرك طلعتيه بيدي المسكينه
وناظر يده وابتسم بغموض
تنهد وبعدها ناظرني بهدوء تقدرين ترجعين تكملين
دراستك وجوالك هذا هو
وحطه على الطاوله بهدوء : مصعب وطيف خلفي
الحين يدخلون ما ابغى اسمع صراخك

وتوجه للمطبخ
حسيت حالي مجرمه لما شفت باطن يده
لو تشوفني ام خالد عز الله رحت فيها
هل الانسان رد فعله يحيرني
بس احس اني ارتحت طلعت كل الكبت للي
بداخلي
بس احس بالندم لاني عملت بيده كذا
وبنفس الوقت شي يقول لي يستاهل
علشان مره ثانيه يخرب لعبتي
جلست على الكنبه بضجر ومسكت الكتاب بدون
نفس
دخل مصعب وطيف بمرح
طلع خالد من المطبخ وكان لاف يده بالشاش
الظاهر حتى ما حد يشوف مكان اسناني
كنت استرق النظر له
خالد بهدوء : يالله يا بابا تعالوا ندرس ونحل الواجبات
طيف بضجر : بس بابا ما اخذنا شي
طنشها وجلس على الكنبه واشر بيده لهم : يالله بسرعه كل واحد فيكم يجيب كتبه
توجهوا لغرفهم
ناظرني بهدوء : اذا في شي صعب عليك اسأليني
واساعدك
ناظرته وانا محرجه من تصرفي وهمست : مشكور
ضحك بصوت عالي : ههههههههه سبحان الله
الادب نازل الحين وقبل شوي لسانك مترين
قاطعنا طيف ومصعب اصلا ما كنت ادري وش ارد عليه
بدأ يحضر ويشرح للطيف ومصعب وانا كل فتره
استرق النظر لهم
بعد مرور وقت تثاوب وهو يحط ظهر كفه اليسار
على فمه بعدها ناظر طيف ومصعب : خلاص كملنا يالله رتبوا الكتب مكانها
وكل شي ابغاه مرتب وبمكانه
هزوا راسهم وتوجه كل واحد لغرفته
ناظرني وبهدوء : تعالي
ناظرته باستغراب واشرت على نفسي : انا ؟؟؟!!
هز راسه بأسف : لا للي وراك
في حد غيرك بالصالة
وبحركه غبيه ناظرت الصاله وبعدها طالعته : لا ما في احد
مسح على وجهه بارهاق : انت غبيه والا تتغابين ؟؟
تعالي تعالي بسرعه
وقفت بتردد وانا متأكده يبغى يضربني
قويت نفسي مو خايفه منه انا للي وقفت بوجه
نايف وفيصل للي الكل يخاف منهم وما يراددهم
وانا بكل قوه وراددتهم
ما رح اخاف من خالد
توجهت وانا امشي بثقه وقفت قريب منه وتكتفت
وانا حاضنه الكتاب : نعم
ولويت شفتي
مسك يدي بسرعه وجلسني على الكنبه قريب منه
وسحب مني كتاب رياضيات
وتصفحه
بعدها ناظرني : حضرتي درس باكر ؟؟
هزيت راسي بالموافقة
ناظرني بتشكيك : ما ادري متى حضرتيه
طول الوقت وعينك علينا
بس الحين رح اكتب لك اسئله واشوف تحضيرك
واتأكد من شطارتك لانه بصراحه تيجيني شكوك
انه كله غش
مستحيل اصدق انك ذكيه كل تصرفاتك تثبت العكس
ناظرته بصدمه وبنفسي انا غبيه اخخخخ مغرور وشايف نفسه
دكتور يعني ذكي مالت عليك يا ابو طويله
ناظرته وهو يكتب اسئله
وبعدها مد لي ورقه فيها اسئله
تكلم بغرور : شوفي هذي الاسئله معك نصف ساعة تحليها
وتكرم مني اعطيك خمس دقايق زياده
مد الورقه لي بغرور
سحبتها وانا نفسي اكسر خشمه على هالغرور
وقررت بنفسي اقل من خمس دقايق لازم
احلها
واكسر غروره قال نص ساعة اقول طير يا شيخ
جلست بعيد عنه وناظرت الورقه اصلا الدرس سهل جدا وسخيف
وبديت احل بالاسئله استغرقت معي
حل الاسئله 5 دقايق
وقفت ومديت له الورقه
ناظرني بغرور : اي سؤال تبغين اوضحه لك ؟؟
ابتسمت بثقه : كملت
ناظرني بتشكيك وسحب الورقه وبثقه : اكيد كله
غلط
ابتسمت بنصر نفسي اشوف خشومه مكسره
ناظر الورقه وهو رافع حاجب ويهز راسه
بعدها رفع راسه : ما شاء الله ربي يحفظك من
العين
بس بصراحه ما تدخل عقلي غبائك بالبيت وذكائك
بالمدرسه
غريبه
عموما ما بقى وقت لصلاه المغرب
كملي تحضير وبعد المغرب اذا وجدتي صعوبه بالمواد
الثانيه انا موجود
بعدها وقف : يالله تبغين شي ؟؟
ابتسمت بحماس : ابغى حلاوه
ضربني على راسي بخفه : متى تعقلين وتكبرين ؟؟؟
ما اقول غير ربي يصبرني
لا تنسين الصلاه
هزيت راسي وانا اناظره وهو يطلع

*
*
*
*
*
مرت احداث اليوم الثاني بالمدرسه نفس الروتين
وزادت علاقتي بالبنات بالمدرسه
وعلاقتي بمعلمه الرياضيات زادت سوء
ما ادري ليه احسها تكرهني
المهم طلعت من المدرسة وشفت خالد ينتظرني للسياره فتحت الباب وجلست بهدوء
ورديت السلام
رد علي واسلوبه انه متنرفز
طالعني : وينك عن الجوال اتصل عليك ومغلق ؟؟
ناظرته باستغراب وطلعت الجوال : شوف جوالي
مفتوح
طالعني وبتفكير : لحظه رقمك كم ؟؟؟
قلت له رقمي وقارنه بين الرقم للي على جواله
كان نفسي اشوف وش مسجلني بس
ما شفت
المهم ناظرني وتنهد : الظاهر انه الرقم غلط
وبعدها حرك
*
*
*
*

مليت وانا انتظرها بالسياره واتصلت على رقمها
اكثر من عشر مرات
وكان مغلق بصراحه تضايقت اذكر لما كنت
مسافر اخذت رقمها من امي واتصلت عليها اكثر من اسبوع
ويكون مغلق
بعد وقت شرفت الاميره بلقيس
دخلت بهدوء ناظرتها وانا متنرفز
سألتها ليه جوالها مغلق واستغربت لما شفت جوالها مفتوح وقارنت رقمها مع الرقم المحفوظ عندي
طلع الرقم غلط
معقول امي تعمدت تعطيني الرقم غلط !!
لانها وقتها حسيتها تتهرب
ولما اطلب ريم اكلمها تعطيني مئه عذر
تنهدت يالله ظلمتها
وانا للي فكرتها متعمده ما ترد علي بالاتصالات
علشان كذا تجاهلتها بالسلام لما رجعت كنت زعلان
منها شهرين ما كلفت نفسها ترد علي
مسحت على وجهي
فعلا لازم الانسان يتأكد قبل ما يحكم على الشخص الثاني
*
*
*
*
*

كنت جالسه عند خالتي ونازل حش معها
ناظرتني خالتي وهي تقرص عيونها : ليه ما جبتي هديه خالد اشوفها
ناظرتها بورطه وش اقول لها
كملت خالتي : انا قلت له وش جاب لك قال
لي اطلبي من ريم تنزلها لك
وتشوفيها على ارض الواقع
ناظرتها وانا داخلي بركان قدام اهله
يظهر نفسه سنع وجايب لي هديه
وانا اتورط : خلاص لما اطلع انزلها لك
وسألتها اغير الموضوع اممم جدي متى يرجع
ام خالد : ما اعرف
دخلت سديم وهي نافشه ريشها من بعد ما طلع
لها جامعه يا لطيف
افففف يا كرهي لها
قررت اطلع قبل ما يفتحوا موضوع الهدايا
وقفت وطلعت ودخلت الجناح وانا مقهوره
قال شيخ ويكذب اعوذ بالله
جلست على الكنبه وانا افكر
وش ارد عل على خالتي اذا فتحت الموضوع
عضيت على شفتي وانا افكر
رفعت نظري لما شفته داخل الجناح
ناظرته بكره
رد السلام بهدوء
رديت بدون نفس
جلس وناظر المكان : ريم ليه ما نظفتي الجناح ؟؟
رديت بطفش : نسيت
ناظرني : كم مره قلت لك نظفي غرفه النوم ؟؟
ناظرته : نظفتها قبل كم يوم
طالعني وهو رافع حاجب : انا نفسي اعرف
شغلك غش ؟؟؟!!
من لما رجعت من السفر وانا اقول لك نظفي الغرفه
ورتبي الاغراض
تدرين للحين بعض الاغراض مكانها
ممكن اعرف كيف نظفتيها وهي موجوده مكانها ؟؟؟
ناظرته : يا رب لطفك تدقق على امور مو ظاهره
طالعني وهو مو عاجبه : ما شاء الله
تعرفين لولا تدقيق امي وحثها حتى تشوف
هديتك كان سكتت حتى اشوف متى ترتبي الحقيبه
وقف ومسكني من يدي وسحبني للغرفه
واشر على نهايه الغرفه تحت الشباك جنب
الستاره كان فيه حقيبه : شايفه هذي الحقيبه
من لما رجعت من السفر قلت لك رتبيها
مثل ما قال المثل
طاعه قرود والتنفيذ على الله
كل يوم ادخل واناظرها وانتظر متى ترتبينها
وانت ولا معك خبر
سحبني لعند الحقيبه واشر عليها : هذي فيها
هديتك
كنت ناوي اعطيك اياها بنفس اليوم بس
حبيت اعمل تغيير واخليها مفاجأه لك لما
تفتحيها
بس للاسف ما جاء الوقت
وكنت مستعد انتظر طول العمر بس للي
خرب خطتي امي
للي كل يوم تحن فوق راسي علشان تشوف هديتك
اشرت على الهديه مو مصدقه : هذي لي ؟؟؟
هز راسه وابتسم : افتحيها
مسكت الحقيبه وفتحتها كانت كلها هدايا
ناظرته بفرح : هذي كلها لي ؟؟؟
هز راسه :كلها لك
سعادتي ما توصف كانت فرحتي بالهدايا
كبيره
بس حبيت اعمل نفسي ثقيله وقفت وتركتهم
وعيني تسترق النظر للهدايا : مشكور
مو بحاجه لهداياك
يعني هذا مو اسلوب تحط الهدايا هنا وما تخبرني
وش ينقصك لو اعطيتني اياهم نفس اليوم
وش ينقصك ؟؟؟
والا تبغى تحسسني ناقصه عن غيري ؟؟
قاطعني وضربني على راسي بخفه : افكارك
الغبيه هذي ما تعيدينها
حظك انه زوجك ما يحب التقليد حبيت اعمل حركه جديده هههههههه
كيف هذي الحركه حلوه صح ؟؟؟
دفعته وانا امثل الزعل : سخيف
ورجعت جلست اناظر الهدايا بفرح
جلس على قربي ركبه ونص وابتسم : عجبوك ؟؟؟
كنت رح ارد بس قاطعني
دخول طيف وهي تبكي : بابا بابا احمد ضربني
وقف وكأنه مقروص توجه لطيف وحملها
وطلع من الغرفه وبعدها سمعت
صوت باب الجناح تقفل


*
*
*
*
*
*
انتهى البارت .......دمتم بخير .......البارت القادم
يوم الجمعه
*
*
*
*
*









*
*
*
*








كِـناز ©؛°¨غرامي فعال ¨°؛©

هههههههههههههههههههههه يلا عاد نزلي بلا نداله .. انا واختي واكيد صحبتي نستناكِ

sea ice ©؛°¨غرامي جديد¨°؛©

المشاركة الأساسية كتبها ضاقت انفاسي اقتباس :
جهزت البارت بس متعاجزه انزله هههههههه
بس مو طويل ^_*
لو عايزة تنزليه دلوقتي نزليه حتى لو مش طويل
ولو يعني ممكن تكتبي لمدة ساعتين كمان بعدين تنلي يبقى حلو (:

رغد عبدالرحمن ©؛°¨غرامي جديد¨°؛©

أبرار ليششش البارتت ققصيرر

sea ice ©؛°¨غرامي جديد¨°؛©

بارت روعة
صراحة بدأت أغير فكرتي عن خالد

شموخي ما في مثله ©؛°¨غرامي مشارك¨°؛©

بارت روووووعه وخالد بدأت اغير رائي فيه واحبه شوي علي الاقل هو ارحم من نايف وفيصل وبنتظار البارت الجديد يوم الجمعه وتسلم ايدك

Faadfaad ©؛°¨غرامي فعال ¨°؛©

البارت روعه

نستناكي في بارت جديد

sakkuru ©؛°¨غرامي مشارك¨°؛©

بارت رائع بس صغير
ننتظر الجمعة
تسلم يمينك

نونو الشهري ©؛°¨غرامي فعال ¨°؛©

بارات حلوه بس مرره مرره قصيره
يعني مطلعتينا ظالمين خالد بس حتى ولو انا قلبي ما صفي عليه لان اسلوبه وشوفت نفسه عليها مالها داعي يعني هذي زوجته ليه يشوف نفسه عليها واش صار بينه وبين نايف ما وضحتي
ومن حق نايف يخاف على بنته مع انه يمثل الحنيه ولا هو بحولهاريم بس لو تعقل شوي وتخلي حركات المرادد صح تطنش عشان تعيش لو بترد على كل واحد مراح تعيش الجد من تزوجت ريم معاد شفناه وينه
وشكرا ننتظرك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1