..مخملية.. ‏أنتمي لنون النسوة بـ أُنوثتي

لاحبيبتي الخط حلو وكبير اعمليه









ضاقت أنفاسي مشـ© الروايات ©ـرفة

البارت 24

*
*
*
*
*


الجد بهدوء : بالنسبة للموضوع للي جمعتكم عليه ريم رح تعيش عندي هنا


نايف باعتراض :،يبه الله يخليك ريم ودي اخذها معي

الجد بحزم : كلمتي ما اثنيها بنتك منت قادر تربيها ودك توخذها هناك وافرض انها شردت وين ودك تلاقيها ببلاد الغرب عالاقل هنا لما تشرد نلاقيها اما هناك ما رح تلقاها والتفت على ابو سليمان هاه وش رايك ؟؟

ابو سليمان بحكمه : بصراحه كلامك يبه صحيح بنتك يا نايف اكثر من مرة كررتها ولازم تحط كل الاحتمالات افرض انها شردت وين رح تلاقيها هناك انا اشوف الافضل تخليها عند ابوي وش رايك يا سلطان

سلطان : انا ما لي دخل فيها وبعدها وقف لو ادري انه الاجتماع لهذا الموضوع كان ما جيت والحين انا استأذن

الجد بحزم التفت لنايف بعد ما خرج سلطان : عاجبك للحين اخوك ماخذ بخاطره عليك

نايف بهدوء : يبه يعني اعتذرت له ووضحت له إنه ما كان قصدي بس هو راكب راسه بالعناد ومو راضي يقتنع وبعدها تنهد بقهر


الجد بحزم : ما علينا المهم بكره تجيب كل اغراض ريم هنا وما عليك بالباقي

نايف وهو يكتم عصبيته : يعني تعاملوني ولا كأنها بنتي ما إلي كلمه عليها لين متى هذا الحال اقولك خلص خذ ريم عندك وانا متبري منها ومن كل فعايلها ولا تيجي يوم تشكيها لاني خلص رفعت يدي منها

ابو سليمان : يا نايف ما توصل للدرجه ذي ما فيها شي لو عاشت هنا لا تكبر الموضوع ...

الجد بحزم : بربرتك هاذي وفرها لبعدين وهاذي رح تبقى بنتك غصب عنك فاهم ويالله الحين خلينا نطلع للمجلس

ابو سليمان بمزح : الله يسامحك يبه كان خبرتنا بالمجلس قدام الكل بدل هالمشوار لمكتبك

الجد : كلها كم متر ومتكاسل تمشيها بعدك بدايه الاربعين وهذا حالك اقول قوم وانت اشر على نايف لا تظل قالب بوزك تقول انك قابر مرتك

كان نايف وده يتكلم ويعترض لكن الجد اشر له امشي قدامي وبلا هذره كلام يالله

نايف بقله حيله انصاع لامر ابوه ......
*
*
*
*
*


كانوا الكل جالس بالمجلس وعندهم فضول يعرفون وش فيه بالمكتب حتى سلطان لما طلع ما تكلم بشيء وظل ساكت وإذا سألوه يقول لما يطلع ابوي يقول لكم

عمر بلقافه : اموت واعرف وش هو الموضوع

بدر بتأكيد : اكيد جدي خبر عمي نايف إنه وده يحيرها لسليمان
ما كمل بدر إلا علبه المناديل بوجه

سليمان بعصبية : بتعرف تخرس الحين وإلا اجي اخرسك

الجده التفت عليهم : علامكم تتناقرون وش فيه ؟؟


نواف وهو يسكر على الموضوع : لا ما في شي يتمازحون مع بعض صح شباب

كلهم تكلموا مع بعض : صح

بدر وهو يفرك مكان الضربه : الله ياخذك قال مزح

سليمان بحزم : عشان تعيد سخافتك مرة ثانية واعطاه نظره خلاه يبلع لسانه ويسكت
كان عمر وده يتكلم بس دخول الجد وبعده نايف وابو سليمان خلاه يسكت ويتابع الموقف بصمت


جلس الجد بمكانه المعتاد همس عمر للشباب : شباب وجه عمي نايف ما يطمن!!!!
اشر له نواف بمعنى اسكت

كان الكل ينظر للجد وينتظر يتكلم نظر الجد للجميع وبصوته الرزين للي يحسب له كل احفاده حساب : اكيد الحين ودكم تعرفون سبب تجميعكم هنا طبعا تعرفون إنه اكثر من مره حاولت ريم تشرد من البيت وحنا عايله لها سمعتها بالبلد واي شي يمسنا وكثير من الناس يدورون لنا الزله

وعشان كذا أنا عارضت إنه نايف ياخذها معه لأنه احتمال كبير تشرد هناك وقتها ما رح نقدر نلاقيها ببلاد الغرب


الجده : طيب ارجعوها لعند امها وش ودنا فيها ؟؟

الجد بحزم : رجاء وانا اتكلم ما حد يقاطعني واعطى زوجته نظره خلتها تبلع لسانها وتسكت اكمل الجد كلامها وبعدين نرجعها لأمها نسيتي إنها رمتها علينا وبعدين ريم بنتنا مو بنتهم ومصيرها لو عاشت عندهم ترجع هنا
عشان كذا أنا قررت إنه ريم رح تعيش عندي هنا

كانت الجد ودها تعترض لكن الجد سكتها بعصبية : انا لما اقول كلمتي ما أثنيها وقسم بالله يا ام سلمان إذا اعترضتي ليصير شي ما هو طيب لذلك اختصري والموضوع منهي وبكره رح تيجي هنا

وقف الجد بحزم : يالله وقت صلاة العشاء الحين وتوجه خارج المجلس متوجه للمسجد ....

قام نايف وسلطان وابو سليمان والشباب ما معهم خبر قاعدين يتناقشون صرخ عليهم ابو سليمان : صايبكم صمخ ما سمعتم الاذان يالله قدامي عالمسجد


قام الشباب وهم يتحلطمون ومو عاجبهم شي وخاصة تعامل مع ابو سليمان معهم ......

*
*
*
*
*
*
طلعوا الرجال للمسجد وبدت الجده باعتراضها وقهرها : انا اخر عمري بنت سارة تعيش عندي هزلت وعضت شفايفها بقهر

ساميا بحسن نيه : يا خالتي هدي شوي عشان صحتك

الجده بعصبية : انت وش عليك رمتيها وعلي ورح تسافرين وتظل هالريم شوكه بحلقي
بس ما اقول غير الله ياخذها

ام سليمان بقهر : الله يكون بعونك يا خالتي كيف رح تتحمليها ولوت بوزها بتكبر

الجده وداخلها بركان : متى افتك من خشتها متى ؟؟

ام سليمان : يعينك الله يا خالتي على هالبلوى بس انتي الحين هدي وان شاء الله ما يصير إلا كل خير

كانت ام بدر تستمع وهي ساكته مو قادرة تتكلم خوف من سلطان لانه ما يسمح لها ترادد امه حتى لو كان على امه الحق فالتزمت الصمت وهي تتابع الاحداث


*
*
*
*
*
*
صحيت الصبح على صوت جنى وهي تصحيها فتحت عيونها ريم بشويش وجلست على السرير بهدوء وفركت عيونها من النعس
جنى بسعاده : صباح الخير
ريم بنص ابتسامه وبعدها ما صحصحت كويس : صباح الورد

جنى مسكت يدها : يالله بسرعه غسلي وتعالي الفطور جاهز
توجهت ريم للحمام وغسلت وجهها ومشطت شعرها وربطته كعكوله ونزلت تحت بهدوء وجنى تمسك بيدها

دخلوا الصاله كانت ام جنى وعزام جالسين على الطاوله

عزام بابتسامة : يا هلا والله بالزين كله تعالوا افطروا بسرعة

جلست ريم بهدوء بعد رد السلام وبدت تتناول فطورها وهي تسمع سوالف عزام مع امه وهي ممتنه لهذا الشخص وما رح تنسى جميله ابدا

قطع كلام عزام رنين جواله فتح الخط ورد بهدوء : هلا والله .....الحمد لله بخير ....انا بالبيت انت وينك .....كانت تاخرت شوي خلها تلعب مع جنى شوي .......يا سخفك خلص الحين تجهز ....يالله بامان الله ....مع السلامه

قفل الخط ونظر لريم للي تغيرت معالم وجهها بعد الاتصال : يالله يا ريومه ابوك جاي على الطريق قريب من هنا جهزي نفسك ....

نزلت رأسها ريم وما ردت وكانت بداخلها ودها تقتل نايف وتتخلص منه وترتاح بس وين ما تهرب مصيرها ترجع له لذلك استسلمت للامر الواقع

وقفت ريم عزام باستغراب : كملي فطورك بعده ما وصل

ريم باستسلام : خلص شبعت .......

ونظرت لجنى للي كانت تبكي : ليه تبكين يا جنى انا زعلتك ؟؟؟

جنى وهي تمسح دموعها : خليك هنا لا تتركيني
كانت ريم ودها تتكلم بس سبقها عزام وبحزم : جنى بلا دلع يعني ريم لازم ترجع عند ابوها لا تخليني ازعل منك

مسحت جنى دموعها ونظرت لعزام : خلص لا تزعل وتقدمت من ريم وسلمت عليها ........

اما ريم كانت شارده تفكر بلقاءها مع نايف اكيد رح يضربها ويشتمها اخذت نفس حتى تطرد الخوف من قلبها .........
*
*
*
*
*
*
كنت انتظر بالسياره لحتى تنزل الاميره كنت للحين قلبي حاقد عليها شفتها كانت تمشي ويمسك عزام بيدها لا انكر اني تضايقت لكني طردت هذا الشعور
وصل عندي عزام وهو يهلي ويرحب بي كعادته يستخف دمه نزلت من السياره وسلمت عليه ونظرت لريم نظرت لي وبعدها ناظرت لعزام

وبتردد : انا اسفه ما رح اكررها

نظرت لها بتكبر وانا اعرف انه عزام طلب منها تعتذر طنشت اعتذارها
واشرت لها تركب مسك يدها عزام و
فتح باب السياره من الامام واجلس ريم برفق وسكر الباب وبعدها توجه لجهتي وبهمس بإذني :إذا لي خاطر عندك لا تضربها خلص سولافه صارت وانتهت اوكي

هزيت راسي له وما لي مزاج اتكلم وبعدها غادرت المكان بهدوء

كانت جالسه بجنبي وهاديه ما تكلمت معها لأنه مزاجي معكر من امس

وصلت بيت ابوي وقفت السيارة وطلبت منها تنزل
نزلت بهدوء،وعلى وجهها علامات استغراب ليه جايبها هنا
جاوبتها قبل ما تسأل : رح تعيشين هنا عند جدك

ريم بتفاجئ : تقصد اعيش عند عجوز النار ؟؟؟

نايف بعصبية : ريم للحين ماسك نفسي ما اعمل بوجهك خرايط فاحترمي نفسك اسلم لك فاهمه

وبعدين هاذي جدتك يا ويلك اذا ما احترمتيها والحين امشي قدامي

ريم بعناد : قلت لك ما ودي اعيش هنا رجعني عند جنى قبل ما افقد اعصابي

نايف وصبره نفذ : لا يا شيخه كل شي ولا صبرك ينفذ امشي قدامي بلا هذره زايده

نظرت ريم لنايف وعيونه حمر من العصبيه لوت بوزها ومشت باتجاه الفيلا

دخلوا داخل الفيلا كان الجد والجده جالسين دخل نايف ورد السلام وجلس على الكنبه بتعب وبعدها نظر لريم وبأمر : تعالي سلمي على جدك وجدتك بسرعة

ريم بنظرة غرور : تقدمت وسلمت باطراف اصابعها عليهم وكأنها منقرفه
كانت صدمه للجد والجده

الجد بعصبية : ليه ما تسلمين مثل العالم والناس يا قليله الحيا

ريم بنظره تكبر وهي رافعه حاجبها : هذا سلامي وإلي مو عاجبه بكيفه
وبامر يالله وين غرفتي ؟؟

الجد بعصبية : قسم بالله اذا ما عدلتي اسلوبك لتندمين فاهمه

نظرت بعفويه ريم لنايف للي كان ينظر. لها وعيونه حمر من العصبيه

حكت راسها ونظرت للجد بابتسامه امزح معك يا شيخ علامك صاير حريقة ما بتنطاق

بلعت ريم ريقها من صرخة ابوها : وقسم بالله اذا ما عدلتي اسلوبك لتندمين للحين ماسك نفسي فاختصري وامشي انقلعي من هنا بسرعه خلي الخدم يدلونك غرفتك

شافها بعدها واقفه صرخ : انقلعي من وجهي

نظرت ريم له ورفعت حاجب : اعصابك لتحرق البيت وركضت بسرعة مثل البرق قبل ما يمسكها نايف
وما انتبهت على إلي كانوا واقفين خلف الباب ويتسمعون خرج نايف خلفها وهو يتوعد فيها

شاف عند الباب الشباب واقفين
نايف بعصبية : نعم واقفين هنا وش ودكم بعدين من يوم رايح مو طالعين داخلين بنتي هنا بتعيش قبل ما تدخلون تستأذنوا فاهمين وطلع وتركهم متوجه لبيته لانه اذا بقى في بيت ابوه اكيد رح يطلعها جنازه .....
*
*
*
*
جلسوا بالحديقه وهم منسدحين على الارض من الضحك
بدر وهو يضحك : شفتم كيف ترادد جدي يا قوات عينها

نواف : والله انك صادق حنا صرنا كبار وللحين نحسب حساب لجدي ولا والمشكله تتكلم ببرود مع عمي نايف والله انا خفت منه وهي ولا على بالها ترادد

عمر: والله انها نهفه بس قهرني عمي نايف شفتم كيف يتكلم معنا وكاننا اطفال قال بنته موجوده من حلاتها حتى نستاذن قبل ما ندخل
سليمان بقهر : عنجد اسلوبه سيء جدا كان معنا اذا كان معصب يحط حرته فينا

نواف : خلينا من هاذي السوالف وش رايكم نروح على النادي اليوم ؟؟؟

وبدا الشباب يخططون لتضييع وقتهم بما انهم اليوم اكملوا امتحاناتهم ....

*
*
*
*
*
*
انتهى البارت ...دمتم بخير



زخات اٌلمطر ©؛°¨غرامي مشارك¨°؛©

سلااام حبي
مشكووورة على البااارتت الجميل
اما الريم عليهاا كلام اكبر من عمرهاا الصراحه تعجبني بردودها
الله يعينها على لي راح يصير وياها بيت جدها وخاصة جدتها لي مو متحملتهاا
ان شاءالله يحسنون من المعاملة معاها
اتوقع انو جدتها مراح تتحمل وتخبرها عن امها يكون هذا انتقامها من الريم لان خربت حياتهم

ضاقت أنفاسي مشـ© الروايات ©ـرفة

المشاركة الأساسية كتبها زخات اٌلمطر اقتباس :
سلااام حبي
مشكووورة على البااارتت الجميل
اما الريم عليهاا كلام اكبر من عمرهاا الصراحه تعجبني بردودها
الله يعينها على لي راح يصير وياها بيت جدها وخاصة جدتها لي مو متحملتهاا
ان شاءالله يحسنون من المعاملة معاها
اتوقع انو جدتها مراح تتحمل وتخبرها عن امها يكون هذا انتقامها من الريم لان خربت حياتهم


اهليين ومرحبتين فيك :)
وتسلمين يالغلا على ردودك وتوقعاتك وإن شاء الله الجمعه رح نشوف توقعاتك صح او لا :)

دمتي بخير :)

داماس عضو موقوف من الإداره

اهنيكي ع باررررررررررت ررررررروعه روعه رووعه
ياليت تخلين خط صغيرررررررر بصراحه اوفرر وكبيررر واجد ياليت تخلينا وسط بالتوفيق قدامممممممم معاج للنهايه

الاميرة الضائعه ©؛°¨غرامي مشارك¨°؛©

جناان البارت..

بصراحة في شيء غير منطقي في الرواية!! وشيء انا عن نفسي ما اقنعني ابداً<<اخلصي ههههههه
اللي هو..انهم يبغوا ريم تحترم ابوها نايف!! عجيييبةةةة الدنيا!! فعلاً اللي ماذاق الحرمان والتشتت ما يفهم هذا الأحساس! انه القلب يتقطع ويتألم واقرب الناس له يصده ويعذبه! وبعدها ينفجر الكبرياء في الداخل! تصير تقنع نفسك انك ماتحتاجهم! ومع الوقت فعلا تعتمد على نفسك وتتركهم!!
واول شيء يعبر عن غضبك اتجاههم..الوقاحة! الشتم!..انا بالنسبة لي عادي جداً انه ريم ترادد ابوها..بالعكس اتمنى انها ما تحبه ولا تعطيه حقه من الأحترام!! لأنه وببساطة مايستاهل!!
على العموم خلي فلمي الهندي على جنب هههههههههههههههه
ننتظر على احر من الجمور:-)

اريجج ©؛°¨غرامي مشارك¨°؛©

روااايتك تجنن وكذا حلوة
بس ناقصه الوصف يعني وصف المكان مثل في بارت الذي ذكرتي فيه انها دخلت على ام بدر وصفتي فيه المكان الصالة مع انه وصفه بسيط وسطحية فا اتمنى ان توصفين مكان تواجد الشخصيات وكيف وضعيتهم يعني جالسين واقفين او انهم يسسون شغله
وكمان وصف ملامح الشخصيات طبعا مو كل الشخصيات بس المهمه والاساسية في الرواية وكيفيه اسلوبهم بشكل بسيط عشان نقدر نندمج مع الرواية اكثر ونعيش احداثه

وصصفك لحالتهم المزاجيه حلوة واعجابتني
وبس هذا النقد الي عندي اتمنى انك ما تزعلي وتستفيدي :)

شخصية ريم مسكينة من مكان الي مكان وامها رمتها وشكلها مبسوطة مع زوجها ومخليتها ولا سئلت عنها واهتمت بحياتها هي
ودي في البارت الجاي تجيب مقطع له كيف عايشة وزي كذا
نايف انا احتقر هذا النوع من الاب يبغاها تتربى وتتعلم الادب بدون ما يعلمها بالله كيف تجي هذي وهو تفكيره متخلف بالله هذي طريق احد ينتقم فيها وبعدين اش استفاد لا اخوه رجع من الموت ولا شيء اخر شيء ان ريم المسكينة هي اكلتها
ششلة الاغبياء (عيال عمها هذا اسمهم عندي خخ)
سامجين ودي احد يعلمهم الادب بزران زي ما قال ابو سليمان ماهم رياججييل وتفكيرهم سطحي جدا


وبس واستمري في روايتك :)

طاير النورس ©؛°¨غرامي مشارك¨°؛©

مرحبا رواية حلوه
بس ينقصها شرح المكان العايشه فيه
أمها وأخواتها
بنات عمها
وفيه تنبيه هام
البارتات صغيرة جدا وصلت لى هاذي الصفحات
وهي لو جمعت بتاجي عشر صفحات
أتمنى ماكون تعديت عليك وشكرا لك

ضاقت أنفاسي مشـ© الروايات ©ـرفة

اشكركم على الردود الجميله

وبالعكس انبسط بالانتقاد الموجه للافضل
بس بالنسبة للانتقادات عن الوصف انا اكتب الروايه وما زلت بالبدايه وبطلت الروايه ما زالت بمرحله الابتدائية فأنا اكتب الوصف بمنظور طفله ووصف الاطفال يكون بسيط لكن لما تكبر ريم رح يتغير الوصف ويكون فيه دقه اكثر
ااما وصف الشخصيات انا ما ذكرت ذلك متعمده لاني افكر بإعطاء لمحات بسيطه عن الشخصيات وسيكون التفصيل متأخر قليلا
اما عدم ذكر كل الشخصيات مثل امها بنات عمها وكل العائله
ايضا تعمدت في عدم اخراج كل الشخصيات لانه بصراحه لا يعجبني سرد من بدايه الروايه جميع الشخصيات بل سأظهر كل شخصية في وقتها حتى يسهل على القارئ تذكر جميع الشخصيات
واما عدم ظهور امها بالبارتات كل اشي بوقته حلو لا تستعجلوا الاحداث :)

اما بالنسبه لصغر. البارتات احاول اطولها اكثر بإذن الله
واشكركم جميعا على ردودكم ....دمتم بخير :)

شذى المطر ©؛°¨غرامي مجتهد¨°؛©

سوري سوري سوري عزيزتي ما انتبهت لرسالتك اشكرك جدا جدا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1