ixmg_02 ©؛°¨غرامي جديد¨°؛©

روايية جميله وموفقه يارب
واتمنى تقرين روايتي وتختميها اعجابك
https://www.google.com.sa/url?sa=t&r...mg8wo-FtgB4ikw

ضاقت أنفاسي مشـ© الروايات ©ـرفة

داماس لا تخافي ما رح يكون حلم وبعدين انا مره وحده دخلت الحلم بروايتي إلى الان ^_^

اليوم إن شاء الله البارت .....لساتني بكتب فيه ورح اخليه طويل بإذن الله
انتظروني على الساعة 5.30 عصرا بإذن الله بتوقيت السعودية ......دمتم بخير :)

ضاقت أنفاسي مشـ© الروايات ©ـرفة

البارت 27

&
&
&
&
&
&

التفت الجد للبلكونه للي كانت مفتوحة وبسرعة توجه لها
وانصعق لما شاف ريم نايمه على البلكونة
جلس على الارض ومسك يدها وبسرعه نفض يدها
فيصل نظر لريم وبعدها للجد : وش فيها يبه يمكن تمثل
ما فيها شي

الجد بعصبية : اسكت البنت ممسخنه
حملها الجد بسرعه وتوجه للسرير ووضعها عليه برفق ونظر بانحاء الغرفه شاف كاس المويه على طاوله المكتب توجه بسرعة جابها وبدأ يمسح على وجهها وهو يسمي عليها

نظر الجد لصقر بحده : انت تدرس طب تعال شوف وضعها بسرعه

تقدم صقر لريم ومسك يدها وبذهول وبعدها وضع يده على جبهتها ورفع بلوزتها وحط يده على بطنها : درجة حرارتها مرتفعة اتوقع انها فوق الاربعين
ازاح يد الجد عن ريم بسرعة وحملها بسرعه وتكلم وهو متوجه للحمام : الحين احطها تحت المويه تبرد شوي درجة حرارتها وبسرعة جهزوا السياره

فيصل ببرود ظاهري : يعني حالتها تحتاج لمستشفى يا دكتور صقر قالها بتريقه

صقر وقف عند باب الحمام : اقول لك درجه حرارتها فوق الاربعين والبنت غايبه عن الوعي وبصراخ بسرعه جهز السياره وبعدها دخل للحمام


كان فيصل يناظر مكان صقر ومستغرب كيف يرفع صوته عليه نقز على صوت ابوه : تحرك تحرك بسرعة
نظر فيصل لابوه : ان شاء الله يبه وتوجه خارج الغرفة

الهنوف ودموعها على خدها : كنت مفكر نايف اخذها معه ما كنت ادري انها هنا ما حد قال لي

مسح الجد دموع الهنوف : لا تخافي يبه سخونه وان شاء الله تكون بخير

الهنوف وهي تبكي : يا رب اشفيها يا رب وجلست على السرير تدعي لريم

بعد خمس دقايق طلع صقر من الحمام وهو حامل ريم بين اديه وملابسها كلها مويه توجه خارج الغرفه ولحقه الجد بسرعه وخلفهم الهنوف ....&
&
&
&
&
دخل المجلس عبود وهو يلهث : جده جده ريم ودهم يوخذونها للمستشفى

وقفت الجده بسرعة وتوقعت زوجها طق ريم وعلشان كذا ودهم ياخذونها المستشفى اتوجهت للباب الخارجي بسرعه شافت صقر وهو حامل ريم
الجده ملامحها بهتت : وش فيه ؟؟؟

تجاوزها صقر وما رد عليها مستعجل الجده بعصبية لما شافت الجد طالع خلف صقر : خبروني وش فيه ؟ بشروني عساها ماتت

وقف الجد لثواني واعطى زوجته نظرة ناريه وتوجه لسياره فيصل وكانت الهنوف تركض ركض حتى تجاري مشيهم
تجاوزت الهنوف امها بدون ما ترد على تساؤلات امها ...........
&
&
&
&
&
&
&
&
ركبوا السياره الجد : بسرعة يا فيصل بسرعه يا ولدي

فيصل بنفسه مستغرب ليه مهتمين لبنت ساره بستين داهيه هي وامها بس ما قدر يتكلم خاف من عصبية ابوه فما كان رده إلا انه هز راسه وزاد السرعه

صقر كان خايف كثير وخاصة انه نبضها ضعيف كان حاطها بحضنه ويهز رجله بتوتر

اما الهنوف كالعاده دموعها تفسر حالها ......


*
*
*
*
*
*
جلست بالمجلس وهي معصبه الاخير : انا مزنه يحقروني وما حد يرد علي عشان هاذي الله ياخذها اخخخخخ يالقهر

بدر يزيد النار : والله يا جده ما لهم حق يحقرونك وانت شيخة الحريم وعلشان منو حقروك علشان وحده ما تسوى ريال وإلا وش رايكم يا شباب ؟؟؟
واطلع للشباب وغمز لهم بضحكه ماكره

عمر : او الله انك صادق على الاقل يقولون لك وش فيه مو يتركونك كأنك خدامه تسألينهم وما عبروك !!!

سليمان وده ينتقم من عمته الهنوف لانها دايما تلطعهم كلام : ولا تنسون ام دميعه عمتي الهنوف صايره حنونه ووجه كلامه للشباب تصدقون جدتي تسألها وهي مطنشه عالاخير والله لولا انها عمتي كان كسرت راسها

نظر نواف لجدته وشافها من العصبيه الشياطين تنطنط فوق راسها فما حب يزيد عليه وتتعب فأعطى للشباب نظرة بمعنى اختصروا
وطلع جواله ورن على صقر
الكل سكت لما شافوا نواف طلع جواله
نواف بعد عده رنات : الو
صقر : هلا
نواف : وش فيه ؟؟
تنهد صقر : ما في شي بس ريم حطوها تحت الملاحظه
نواف باستغراب : ليه وش فيها ؟؟

صقر : درجه حرارتها مرتفعة كثير وجسمها ما تحمل وعندها التهاب بالرئه يالله نواف مستعجل اكلمك بعدين وسكر الخط

نظر نواف للجوال وهو ماسكه ولوى بوزه وبعدها نظر للموجودين خبرهم بحالتها .........


&
&
&
&
بالمستشفى كانت حالتها تعبانه وطلب منهم الدكتور تتنوم بالمستشفى لحين يتحسن وضعها
بعد ما غادر الدكتور تكلمت الهنوف بحزن : انا رح ابقى عندها الليله

فيصل اعطاها نظرة حاده وبعصبيه : ناسيه يا مدام انك متزوجه وزوجك قبل ساعة اتصل علشان ترجعين وتروحين عند اهل زوجك وناسيه انك حامل وتعبك وكشر بملامحه امشي قدامي احسن ما اجرك جر

الهنوف بمعارضة : بس

الجد بحزم : انتي امشي ولا تهتمين انا بدبر امرها ما رح يضرها شي والممرضات عندها
ومسك يدها قبل ما تعارض القت الهنوف نظره على ريم كانت نايمه وتتنفس بصوت عالي شوي ووجها اصفر
وصدرها يطلع وينزل كان شكلها يكسر الخاطر

الجد بهدوء : يالله توكلنا على الله .....
*
*
*

*
*
بعد ما اغلق السماعه تنهد وهو يفكر بكلام ابوه عن ريم وعن مرضها
محتار بمشاعره المتضاربة ناحيتها لكن مشاعر الكره والحقد غالبه مشاعر الحب
رمى راسه على الكنبه وغمض عيونه وهو يتمنى يكون جنب ابوه واخوانه ويعيد عندهم.....

*
*
*
*
*
كان مجلس الرجال مليان بالرجال للي جايين يعيدو على الجد ويتحمدون بالسلامه لفيصل وعمل الجد عشاء بمناسبه زيارة فيصل لهم وما انتهت العزيمه وروحوا المعازيم إلا بعد الساعه 12 بالليل ومن التعب الجد حط راسه ونام ونسي ريم انها بالمستشفى ......
اما صقر بعد ما انتهت العزيمه توجه بسرعه مع الشباب للاستراحه للي مشتاق لها كثير ونسي ريم لانه اصلا مو متعود على وجودها ......

*
*
*
*
*
*
*
بالليل صحيت فتحت عيونها وغمضتم ورجعت فتحتهم حركت راسها يمين وشمال وهي تطالع الغرفه بوحشه ومو عارفه هي وين وخاصة اول مرة تدخل مستشفى
كانت خايفة وهي تشوف ابره المغذي بيدها صارة دموعها تنزل
دخلت الممرضة عندها شافت دموعها تنزل لوت بوزها الممرضة وبدون نفس : ليه تبكين وإلا بنت عز متعوده عالدلال
دخلت على جملتها ممرضه ثانيه تكلمت وهي تتوجه لريم : حرام عليك يا نوف البنت مريضه

ريم بتعب نقلت عيونها بين الممرضتين : وين انا ؟؟
الممرضه نوف : يمامي انتي بفندق خمس نجوم

الممرضه سوزان وهي تعمل بالمغذي:، انت بالمستشفى تعبتي والظهر جابوك اهلك هنا

الممرضة نوف : حطوك وما رجعوا بيفكرونا خدامات عندهم بيتكلموا معنا برووس خشومهم
وتوجهت خارج الغرفه عدلت الممرضه سوزان المغذي وبرقه : اذا احتجتي شي اضغطي على هذا الزر وحنا بنكون عندك اوكي

ريم بتعب وصوت مبحوح عالاخر : كم الساعة ؟؟

الممرضة وهي طالعه الساعه وحده بالليل نامي يا حلوه وبكره ان شاء الله رح تكوني بخير

وطلعت وسكرت الباب وراها بهدوء وما زالت كلمه الممرضة تتردد في اذنها حطوك وما رجعوا كان تفكر وهي تردد هاي الكلمه معقول رموها خنا وما يبونها واذا المستشفى طردوها وين تروح على دار الايتام بس نفضت هاذي الفكرة لان دار الايتام ودهم فلوس وهي ما معها ريال وصارت تفكر وين تروح تذكرت جنى بس صابها احباط هي ما تعرف بيتهم وما في مدرسة الحين حتى تقدر تشوفها عضت على شفتها السفليه ودموعها مليانه في وجهها وصارت تشهق بالخفيف وتدعي بصوت خفيف يا رب اموت وارتاح من هالدنيا يا رب اموت يا رب
قطعها صوت دخل الغرفة وما انتبهت لدخوله وهي سرحانه بفكرها : بعيد الشر عنك ليه تقولين كذا وجلس على السرير ومسح على شعرها بحنان

تفاجئت ريم بهذا الشخص وصارت تمسح دموعها بيدها الثانيه للي ما فيها مغذي ما ودها حدا يشوف دموعها

صقر بهدوء : ليه تدعين على نفسك ؟؟

ريم نظرة لصقر تذكرت نايف لانها كثير كانت تشوفه معه كرهته لانه بنظرها صديق نايف ردت بقرف : ما لك دخل وبشراسه فاهم

استغرب صقر معاملتها معه وردت فعلها فتح الكيس للي بيده اليسار وناولها بكيت بسكويت كبير وبحنيه : جبت لك هديه ومد يده حتى تتناول ريم منه

ريم حست انه ينظر لها بشفقه لانه اهلها ما حد يسأل عنها لا امها ولا ابوها حتى سلطان الحنون ما تذكرها بالعيد صارت دموعها تنزل غصب عنها

صقر بحنيه : يالله خذي هديتي
قاطعته ريم وضربت يده بعنف ووقع البسكويت على الارض واعطته نظرة كره : ما ابغى منك شي تفهم

تضايق صقر من تصرفها لكنه ما اظهر ابتسم لها : اكيد ما عجبك البسكويت وفتح الكيس وطلع منه شوكولاته اكيد رح يعجبك ومد يده يالله لا تفشليني

ريم بهدوء : مو محتاجه شفقة منك حتى لو امي وابوي رموني وما سألوا عني مو معناه انك تيجي وتجيب هداياك وتشفق علي ولفت جسمها وراسها للجهة الثانية

صقر نزل يده ورجع الشوكولاته للكيس وهو بنفسه مستغرب من عنادها
في هذه الاثناء بدت ريم تكح وكانت كحتها قويه تقرب منها صقر وجلسها على السرير : اناديلك الممرضه ؟؟

ريم من بين كحتها اشرت بيدها بمعنى لا بعد ما هديت الشوي
ريم بصوت مبحوح ومعالم صوتها رايحها : تعرف تفك هذا واشرت على المغذي ؟؟

صقر بشبح ابتسامه : ليه ودك تفكينها

ريم بتعب القت نفسها على السرير بهدوء
تقرب صقر منها ومسك يدها وفكه برفق غمضت عيونها شوي لانها شعرت بالالم وبعدها فتحت عيونها ونهضت من السرير ببطئ وتوجهت للحمام تحت اانظار صقر المراقبه لها

دخلت الممرضة الغرفه وشافت صقر لوحده بالغرفه : وين المريضة

صقر بدون ما يلتفت لها : داخل الحمام

بعدها بدقايق طلعت ريم من الحمام وشافت الممرضه واقفه تستنى لوت بوزها وتوجهت بحركة بطيئة للسرير مد صقر يده حتى يساعدها بس ريم ضمت يدها لصدرها دلاله على الرفض جلست بهدوء وعي تلهث من التعب تقدمت الممرضة منها ومسكت يدها
بتلقائيه سحبت ريم يدها وضمتها لصدرها

الممرضه : يا حلوه هاتي يدك ارجع المغذي بسرعه

ريم هزت راسها بالرفض
صقر بهدوء : ريم اعطيها يدك علشان تحط المغذي وتشفين بسرعة بإذن الله

ريم بعناد ضمت يدينها لصدرها بقوه
قام صقر وتوجه لريم ومسك يدها بقوه صارت ريم تبكي وترافس
الممرضة : ما ينفع كذا

صقر بعصبية : وبعدين معك يا ريم

ريم ببكاء : الحين توجعني ما ابغى يا رب اموت وارتاح منكم كلكم كلكم
وبعدها ارتخى جسم ريم وصارت تبلع شهقاتها

صقر عوره قلبه عليها وصار يمسح على راسها حس انها ودها تنام واشر للممرضه تطلع وصار يقرأ عليها قران بصوت شبه مسموع وبعد 10 دقايق دخلت ريم بسبات النوم وكانت وهي نايم ما زالت شهقات خفيفه

بعد ما تأكد صقر بنومها مسك يدها برفق وركب المغذي نظر لها بعد ما،ركبه عفست ملامحها لكنها بعدها ارتخت ملامحها
حط يده على جبهتها كانت درجة حرارتها شبه طبيعيه

باس راسها والقى عليها نظره اخيره وطلع لانه طيارته الساعة5 الفجر .........

*
*
*
*
*
*
*
قاعد يشرب قهوه بالصاله مع الجده وفيصل معهم
الجد براحه : الله يسهل دربه صقر ويرجع معه الشهاده للي ترفع الراس

فيصل : ان شاء الله

الجده : ربي يوفقه وين ما توجه وبعدها نظرت لفيصل علامه ولدك الكبير مقاطعنا ولا ييجي هالديره وإلا لحست عقله هاليهوديه

فيصل بابتسامة : الله يسامحك يمه انتي عارفه انه ما يقدر يترك اولاده هناك مع زوجته وخاصة انها رافضه تيجي هنا

الجده بقهر : ليه تبليه بوحده كافره هاه قولي ؟؟

فيصل مل من هالسيره دايما امه تفتحها ونفس هالاسئله ونفس الاجوبه يرد عليها : يمه لما سافرت معه علشان الدراسه خفت الولد ينحرف من هالبنات فقررت ازوجه حتى ابعده عن الحرام بس للي ما حسبت حسابه انه زوجته تحمل من اول شهرين

الجده بشوق : يالله كم مشتاق اشوف اولاده

الجد : الله يوفقه صحيح وسكت وكانه تذكر وضرب جبهته بخفه

فيصل رفع حاجب : وش فيه يبه ؟؟؟

الجد وقف : نسيت ريم بالمستشفى

الجده بلامبالاه : وانا على بالي تذكرت شي مهم

فيصل بدون نفس : اجلس يبه وش رح يصير عليها خليها هناك يهتمون بها ولما تتحسن رح يتصلون فينا وقتها نروح نجيبها
دخل ابو سليمان بعد ما استأذن قبل ما يدخل وسلم على الموجودين وجلس وهو يناظر ابوه : يبه اجلس في كلام لازم اخبرك فيه بالنسبه للفرع للي ودنا نفتحه بالخارج

جلس الجد باهتمام ونسي موضوع ريم ابتسم فيصل للجده بارتياح انه الجد نسي الموضوع .....
انشعل الجد مع ابو سليمان وهم يتناقشون لوقت اذان الظهر وبعدها توجهوا للمكتب وهم منشغلين بالمشروع الجديد ......

*
*
*
*
*
وهم بالمكتب بعد العصر رن جوال الجد رد وهو مشغول : الو
الهنوف : كيفك يبه ؟؟
الجد وهو مشغول بالاوراق : الحمد لله بخير
الهنوف بهدوء : بغيت اسالك عن ريم كيفها الحين ؟؟

الجد تذكر ريم : بخير يبه ما فيها الا العافيه يالله ودك شي مشغول الحين واقفل الخط وتنهد وفتح سجل المكالمات وشاف عنده عده مكالمات لم يرد عليها ومن ضمنها رقم المستشفى

ابو سليمان باهتمام : مين عالجوال يبه ؟؟

الجد رتب الاوراق قدامه بعد ما وضع الجوال بالجيب وبعدها وقف : الهنوف تسأل عن ريم

ابو سليمان : هي بعدها بالمستشفى ؟؟

الجد بلوم : الله يسامحك كله بسببك كنت الصبح ناوي اروح المستشفى بس انت اشغلتني بالمشروع والحين كمل الباقي انت وانا طالع للمستشفى

وتوجه خارج المكتب بدون ما ينتظر رد من ابنه ابو سليمان ........&
&
&
&
&
&
&
&
دخلت البيت وهي تتنفس بصعوبه شافت بالصاله فيصل وزوجته والجده جالسين ومستانسين

الجده متفاجئة : ريم انت جيتي من جابك ؟؟

نظرت ريم لجدتها من فوق لتحت وصوتها مبحوح وعلامات التعب واضحة على وجهها وبأمر: ارسلي حد يحاسب التاكسي واقف ينتظر عند البوابه

شهقت الجده وحطت يدها على صدرها : جاييه مع التاكسي لوحدك ؟؟

ريم بقرف وهي تأشر عل جدتها : اذا كنت تفكري يا عجوز النار ترميني بالمستشفى علشان تتخلصوا مني حامض على بوزكم رح ابقى شوكه بحلوقكم واشرت على حلقها
وبسرعة التاكسي ينتظر تحت وتوجهت للدرج ركبت اول درجتين بس في يد مسكتها بعنف ولفتها لجهتها
: اشوف لسانك اطول منك يا بنت ساره ورفع يده يضربها بس وقفه الصوت للي هز البيت : فيصل

تقدم الجد وسحب ريم من يد فيصل وبتهديد لفيصل : وقسم بالله لو شفت يدك تمدها على ريم اقصها لك وبصراخ فاهم

وبأمر : روح حاسب التاكسي بسرعه


ونظر لريم ومسك يدها برفق : يالله يا بنتي تعالي ارتاحي بغرفتك

نظرت ريم لجدها وهي تحاول ما تبين ضعفها هزت راسها وتوجهت مع الجد لغرفتها .....



فيصل بقهر طلع خارج البيت

الجده بقله حيله : حسبي الله عليك يا بنت سارة ورجعت جلست مكانها بالصاله وزوجة فيصل تعبي راسها ......
&
&
&
&
&

جلسها الجد على السرير وبعدها ناولها كأس المويه بعد ما شربت ريم تناول الكاس وارجعه مكانه وبحنيه : الحمد لله على سلامتك ماتشوفين شر

ريم بصوت مبحوح : الله يسلمك وبعدها نزلت راسها


جلس الجد بجانبها ورفع راسها بيده وبحنيه : مين قال لك انه حنا رميناك بالمستشفى علشان نخلص منك ؟؟؟

ريم وهي تطالع جدها وببراءه : سمعت الممرضه قالت رموها هني وما حد طل عليها

تنهد الجد ونظر لعيونها المليئه دموع : البارحه جانا ضيوف وما قدرت اجي واليوم من الصبح انشغلت بالمشروع وبعدين انا حطيت لك ممرضتين يهتمون بك وكنت طالع للمستشفى بس تفاجئت بوجودك واسألي عمك سلمان اذا ما صدقتيني

مسحت ريم دمعه عن خدها نزلت غصب عنها :،صدقتك ما له داعي اسأل

الجد باس رايها : طيب الحين المستشفى خرجوك ؟؟

ريم ببراءة : لا انا هربت واجيت مع تاكسي قلت له وصلني بيت سليمان ........

ضحك الجد : حافظه اسمي كامل وبعدها تغيرت ملامحه للجديه اسمعيني زين هذا الموقف ما ودي يتكرر تطلعين مع تاكسي وياما اطفال سرقوهم اصحاب التاكسي فانتبهي مرة ثانية وبعدين هذا بيتك وافكارك الغريبه شيليها من راسك مفهوم

ريم : مفهوم

وقف الجد : والحين نامي وارتاحي علشان لما تصحي تتعشين
خرج الجد وهو يتوعد المستشفى بإهمالهم ................

*
*
*
*
*
*
على طاوله العشاء سأل الجد ميرفت : طلعتي اكل لريم بغرفتها
ميرفت : نعم بابا

الجده بقهر : انا نفسي اعرف ليه مهتم فيها هالكثر

الجد بجديه : اكلي وبدون فلسفه وبعدها نظر لفيصل متى نويت ان شاء الله على السفر

فيصل وبعده زعلان من صراخ ابوه عليه وكانه طفل : بكره الفجر الساعه 5.30 ان شاء،الله

الجد : الله يسهل طريقك انت والعيال وبعدها نظر لنواف وانت ودك تسافر وإلا رح تبقى هنا

نواف براحه : لا هنا يا جدي

فيصل بمحاوله اقناع : تعال يا ولدي وادرس هناك افضل لك من هنا

سديم عمرها تقريبا 13 سنه : يا اهبل تعال معنا علشان يخطب لك ابوي هناك

نواف بتفكير : اذا فيها زواج خلص اروح معكم

فيصل بنفي : لا لا تحلم من بعد خالد مستحيل ازوجك من هناك وبعدها تحمل مرتك وتجيب توام مثل اولاد خالد لا لا توبه

نواف بلامبالاه : شايفين انتم ما ودكم إياني اروح معكم

الجد بجديه : اقول كمل عشاك بلا كثرة حكي

لوى بوزه نواف لانه جدهم لازم يفشلهم : حاااضر

سديم ترفع حواجبها لنواف : تم قصف الجبهة بنجاح
انقهر نواف وقام عن الاكل : الحمد لله اشبعت
*
*
*
*
*
*
سافر فيصل وزوجته واولاده وسلطان رجع هو وام بدر بعد ما تطمنوا على خالته وبطريقهم جابوا الاولاد للي ناموا عند اهل ام بدر


ريم تحسنت حالتها مع الايام وكان الجد يوميا يزورها بالغرفه ويطمئن عليها وهذا اكثر شي قاهر الجده
وامضت ريم العطله الصيفيه نغس البرنامج متابعة افلام الكرتون وتلعب بلايستيشن وبعد العصر كوره مع الاولاد .......



انتهت العطله الصيفيه وبكره دوام المدارس
نزلت ريم وهي تزحلق على الدرابزين لما قربت توصل لاخر الدرج نطت وبعدها وقفت وغمزة لجدها وجدتها : كيف هاذي الحركه

الجد يمثل العصبيه : ودي اكسر رجلينك على هذي الحركه كم مرة نبهتك اتركي عنك حركات القرود

ريم تنظر للجد بنص عين : انا الحين قرده وبعدها كملت ما هقيتها منك يالشايب

الجد وقف : الحين اراويك من الشايب ركضت ريم لجهة الباب وشافت نواف داخل ركضت لجهته وتخبت وراه وهي تضحك

نواف : ابعدي عني يالفتانه

وقف الجد وبامر : نواف جيب لي هالملسونه خلني اوريها من الشايب

نواف وكانه ينتظر هالفرصه : ما طلبت شي يالغالي ويمسك ريم للي متخبيه وراه ويجرها وريم تضحك وتصارخ علشان يفلتها

مسكها الجد من اذنها : مين الشايب ؟؟


ريم وهي تضحك : خلص توبه توبه ما اعيدها

الجد بابتسامة : يالكذوب دايما تقوليين توبه وترجعين وتعيديها بس يالله هاذي المره سماح ترك اذنها بسرعة يا ريم جهزي نفسك علشان نروح عالسوق

ريم رفعت حاجب : ليه السوق ؟

الجده بكره : علشان تشتري اغراض المدرسه يالفالحه


ريم نظرت لجدها : دقيقه واكون عندك وصعدت الدرج مثل البرق .....


نظر الجد للجده وبضحكه : حفيدتك هاذي عقلها فاصل

الجده : لا تقول حفيدتي واشاحت بوجهها
نواف كان يناظر مستغرب معامله جده لريم تختلف عن معاملته لهم صحيح انه يحبهم بس ما وصل لهاذي الدرجه بالتدليل لوى بوزه وطلع خارج البيت متضايق

الجد باستغراب،: علامه حفيدك هذا الثاني ؟؟؟

الجده بدون نفس : وانا وش عرفني


قاطعتهم ريم وهي نازله تزحلق عالدرابزين : يالله انا جيت

نظر لها الجد بقله حيله : عمرك ما تتوبين الا اذا تكسرتي من ورى هالزفت


نطت عالارض ووقفت عند الجد وضربت على صدرها : ما تخاف انا طرزان
وقفت الجده بتكاسل : مالت عليك وعلى طرزان

ريم بجديه نظرت لجدها : انا انصحك تتزوج عليها شوفها صايره عجوز ويالله تقدر تمشي

نظر الجد للجده وصر عيونه وهو يناظرها : كذا رايك يا ريم ؟

توجهت الجده للريم وبسرعة ومسكتها من اذنها : وقسم بالله اذانك هذول اقطعهم

ريم بضحكه : امزح معك امزح امزح اتركيني
شال الجد يد الجده عن اذن ريم : علامك البنت تمزح معك اصلا انتي شيخة الحريم ومسك يدها وتوجهوا خارج البيت وريم تمسح اذنها من الوجع ...........
*
*
*
*
*
*


انتهى البارت


ضاقت أنفاسي مشـ© الروايات ©ـرفة

انتظر ردودكم ....انتظروني البارت القادم يوم السبت بإذن الله على الساعه 5.30 بتوقيت السعودية

دمتم بخير :)

سراج الدرب ©؛°¨غرامي مشارك¨°؛©

واخييييرا حد طيوب مع ريم تسلمي على البارت الحلو وبنتظارك

زخات اٌلمطر ©؛°¨غرامي مشارك¨°؛©

مرررحبااااا حبي
الباااارت روووعة
اممم اتمنى تقنع الجد يزوج على الجدة حتى تكسر خشمهاا هذا العااالي

..مخملية.. ‏أنتمي لنون النسوة بـ أُنوثتي

واو الحمدلله جدها يحبها ويخاف عليها ويدلعها
فيصل احسن يسافر عشان يخف الشر شوي
الجده ما اطيقها خلاص لازم يتزوج عليها
الهنوف مسكينه وياحظ بناتها بيها
صقر احس بيكون له دور كبير

ربي يسعدك
...........










شذى المطر ©؛°¨غرامي مجتهد¨°؛©

السلام عليكم ..كيف حال الجميع
بارت بسيط وخفيف ومنعش..مع الوقت بيتعود الجميع على ريم
يوميات ريم كثري فيها الاشخاص والاحداث اذا ممكن
احترامي لكي

اريجج ©؛°¨غرامي مشارك¨°؛©

الحمد الله البارت مافيه نكد وحزن كثير
ريم كويس انه جدها يحبها ويدلعها وكذا يعني
تعجبني ريم لما تتأمر على الجده هههههههههه تبرد حرتي
نوافوه ذا كنت احسبه ان عقله كبير طلع العكس متضايق عشان جده يدلع ريم طيب هي كانها يتيمه محد مهتم فيها وهو عنده اهله يهتمون فيه على وشو يغار غغغبي
شلة الاغبياء ابغهم يتشتتون عن بعض اعوذ بالله جيبون الي المرض تف عليهم


احداث حلوة وجميلة
ننتظرك بالبارت الجاي
دمتي :)

assyirt alhorrya ©؛°¨غرامي نشيط¨°؛©

السلام عليكم

شلونك؟؟

سؤال بليز جاوبيني عليه والا بضل اسال اياه بكل مرة ههههههه
الرواية رح تستمر لتكبر ريم ولا كلها وهي صغيرة؟؟
واذا رح تكبر مطولة لتكبر ؟ كل القصص تقريبا صارت معها كطفلة لازم نطور الوضع شوي



انبسطت انو الهنوف رجعت
اتوقع هلا حالة ريم رح تبلش تتحسن من ناحية الاخلاق والترباية لانها رح تلاقي حد يردها اذا غلطت وبهيك بخف لسانها السليط عليهم مع انهم بستاهلوا

انا بس بدي افهم اللي بجاكروها شو شعورهم لما بحطوا راسهم براس طفلة؟
يعني مثلا بدهم اسفقلهم لانهم قدروا لبنت صغيرة؟؟ ويا ريت لو قادرين الها

يلا الحمد لله انه سيدها بحبها وبدللها وما برضى عليها بالغلط مع انه لسه بظن فيها ظن الغلط وهاد بين لما فقدوها يوم العيد بلش يتوعد ويتهدد ما فكر انو ممكن يكون فيها شي

واتوقعت بعد ما عاشت معاه فترة ما ينساها وخاصة لما يصبح ويكون الجو هادي على غير ما اعتاد بفترة وجودها عنده
بس نسيها يوم العيد ويوم ما كانت بالمستشفى

بس جدتها رح تحبها بيوم ؟
يخرب بيتها بنت ابنها ليه ما تفكر فيها على هالاساس

بصراحة روايتك مشوقة ويا ريت تطولي البارت اكثر

بانتظارك على احر من الجمر

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1