ريم$ ©؛°¨غرامي نشيط¨°؛©

بارت جميل سلمت يداك ....وبانتظارك ^_^

رغود* ©؛°¨غرامي جديد¨°؛©

الصراحه في أغلاط في اللهجه السعوديه ممكن انتي شامية او فلسطينيه
لان العيال الي عندك في الروايه مو مثل عيالنا

صح هاذي اول روايه وصح يكون فيها اخطاء بس مو باللهجة
وبالتوفيق

ريم$ ©؛°¨غرامي نشيط¨°؛©

اعتذر للتدخل
رغودصاحبة الروايه ما حددت مكان الروايه ولا حكت انها الروايه سعوديه !!!!!!!

وين المشكلة باللهجه عندك ؟؟

داماس عضو موقوف من الإداره

برررررررررررررررررررررررررافووو
تحيه من قلبي لجججججج
باارررررررررررت خطيرررررررر اتمنى تكتبين بارت الطويل طماعين نبي نعرف ف مستقبل ريم استمررررررررررره مبدعه

ضاقت أنفاسي مشـ© الروايات ©ـرفة

السلام عليكم .......اتمنى يكون الجميع بخير


بالبدايه اسيره الحريه الروايه لا تقتصر على المرحلة الطفوليه لريم فقط بل ستشمل مراحل اخرى بإذن الله .......
رغود حياك الله انا اتقبل النقد بس المفروض توضحين كيف اللهجه خطأ ؟؟ وكيف عيالكم يختلفوا عن الروايه ؟؟!!
يعني انا ما فهمت المطلوب مني يعني انا كتبت الروايه بطريقتي وبالاسلوب إلي يناسبني وبعدين ارجع لنقطه اللهجه يعني بتلاقي بالحاره كل بيت له طريقة بالكلام تختلف عن لهجة جاره مع انهم من نفس المنطقه فيا ليت توضحين اذا عندك نقطه محدده .......وحياك الله :)

البارت اليوم بإذن الله ....على الساعة 6.00 دمتم بخير :)

olli ©؛°¨غرامي فعال ¨°؛©

جمميل البارت وحماس
أتوقع نواف بدأ يتقبل ريم بس لسى شعور الكره مسيطر عليه وهو والعيلة
âک؛

ضاقت أنفاسي مشـ© الروايات ©ـرفة

البارت 28


*
*
*
*
*
*
*
في صباح جديد صحيت ريم على صوت الخدامه : يالله انت مدرسه دوم

انزعجت ريم من صوتها وعفست ملامحها بإنزعاج وبعدها فتحت عيونها وتذكرت المدرسة والاغراض للي اشترتها البارحة للمدرسه وقفت على حيلها بسرعه وهي متحمسه للمدرسه وتوجهت للحمام

كانت الخادمه تناظرها وعلامه الاستغراب على وجهها

*
*
*
*
كان الجد جالس وجنبه عاليمين الجده وبالجهة اليسرى نواف

الجده باستفسار وهي تشرب القهوة : خلص عزمت وما انت مغير قرارك

فتح نواف اذانه حتى يعرف وش هو القرار

الجدم بإصرار : تعرفين يا مزنه انا من زمان اخطط لهذا المشروع وافتحه بالخارج والحين جاتني الفرصه ماني بمضيعها

الجده نظرة للجد بتحقيق : ومن يشرف عليه هناك ؟؟!!
الجد نظر للجده بلوم : وانا ماني معبي عينك ؟؟

الجده اعترضت بضيق : وين ودك تروح هناك وتتركني هنا ؟؟

الجد بابتسامة : وش رايك ترافقيني ؟؟

الجده باعتراض : انا من ديرتي ما اطلع وبعدين نسيت العله للي فوق وين تروح فيها ؟؟ .

الجد باستسلام : على راحتك وبعدين ريم تروح معنا سكت لثواني وبعدها كمل انا رح اشرف عليه وارجع هنا واذا احتاجوني هناك اسافر وبعدين سلطان و سلمان هنا ماهو بناقصك شي بس لو تشيلي هالعناد من راسك وترضين تسافرين معي

كانت الجده ودها ترد بس قاطعها دخول ريم توجهت ريم وسحبت كرسي وجلست مقابل نواف بعد ما ردت السلام بصوت واطي

الجده بهجوم شرس وهي تناظر ريم : انت متى تتعلمين الاداب وتسلمين مثل الناس والعالم

الجد ناظر الجده : ما عليك منها وبعدها ناظر ريم يالله بسرعه افطري علشان ما تتأخرين عن المدرسه

ريم بهمس : ان شاء الله

استغرب الجد الهدوء النازل على ريم بس طنش والتفت على نواف : متى رايح تعمل اجراءات الجامعه ؟؟
نواف وهو يشرب الشاهي : انتظر سليمان اتفقنا نطلع من هنا على الساعه 8.00

الجد بارتياح : الله يوفقكم وبعدها ناظر ريم : يالله يا ريم عجلي وكملي الحليب بسرعة

ريم لوت بوزها : ما ابغى حليب ابغى شاهي

الجد بحزم : اشربي حليب افيد لك
ريم اشرت على نواف بقهر : ليه هذا يشرب شاهي وانا لا وبدلع غير مقصود يالله خليه يشرب حليب

نواف بنظرة احتقار لريم : اقول طيري ما بقى غيرك يعلمني وش اشرب يالبزر

الجد بحكمه : ريم انت بعدك صغيره لازم تشربين حليب علشان تكبري بسرعه اما نواف كبير لما تصيرين كبيره مثله انا بنفسي احط لك شاهي اتفقنا

ريم بدون نفس : اتفقنا وبعدها وقفت

الجد باهتمام : تعالي عندي هنا
تقدمت ريم من جدها مسك يدها وفتح كفها : خذي هذا مصروفك والحين عجلي عالمدرسه

ريم ترددت تاخذ بالبدايه بس بعدها تذكرت انهم اهلها وغصب عنهم لازم يصرفون عليها ردت على جدها : ان شاء الله

وتوجهت للمدرسه

بعد ما طلعت ريم الجده تلعب براس الجد : شفت قليله الحيا حتى كلمه شكر ما قالتها ولا سلمت مثل احفادنا اي اذا سامي اصغر منها بس تلاقيه اول ما يشوفك يسلم عليك ويبوس راسك مو مثل العله هاذي

الجد بهدوء : يا مزنه البنت تحتاج تربيه من اول وجديد وانا قاعد اعلمها الصح من الخطأ بالتدريج بدون ما تحس بس تحتاج وقت وإن شاء الله خير

لوت بوزها الجده مو عاجبها

اما نواف المستمع للي حصل خبر يسوى مليون علشان يخبر شلته ..........


*
*
*
*

كانت ريم بالصف وتعرفت على بنات صفها كونها انتقلت للصف الرابع وما ظلت مع صديقاتها بالصف الثالث

بالبداية شعرت بالرهبه والخوف لانها جديده بالصف بس تأقلمت بسرعة بس كانت منزعجه لانها دورت على جنى بس للاسف خبرتها بيان انه جنى رحلت مع اهلها ..........

*
*
*
بعد الغداء صعدت ريم لغرفتها بعد ما تناولت الغداء لوحدها لانه جدها بالشركة وجدتها عند عمها ابو سليمان

فتحت التي في وجلست على الرسوم المتحركه وهي تتذكر صديقاتها بالمدرسة وخاصه الجوري للي عوضتها عن فقدان جنى ......


صحيت ريم وجدت نفسها نايمه عالارض قدام التي في عرفت انها نامت بدون ما تدري عن نفسها قامت وهي تثاوب وتوجهت للبلكونه شافت انه الوقت بعد بعد العصر تذكرت اللعب وبسرعه طلعت من غرفتها شافت ميرفت نادتها وهي متحمسه
ميرفت : نعم
ريم قربت منها : تعرفين رقم بيت عمي سلطان

ميرفت : روح هناك في اسماء دليل

توجهت للهاتف الارضي بسرعة وهي تتلفت حولها رفعت السماعه بعدها رجعتها وقعدت تبحث عن اسم عمها سلطان
بعد جهد لقته مسجل باسم سلطان ابو بدر صارت تضرب الارقام ببطئ لانها مو متعودة عليه
بعد ما كملت حطت السماعه على اذنها
سامي : نعم

ريم بصوت منخفض : نادي لي عبود بسرعة
*
*
*
*
جلس عبود بالصاله الخارجيه عند امه وقرفان حاله من الدوام والواجبات

ام بدر : من امرك تطلع من غرفتك ارجع كمل دراسه بسرعة انت الحين بالصف الرابع ولازم تشد حيلك وتجيب علامه ترفع الراس

عبود بقهر مكبوت : يمه ارحميني كله دراسة دراسه دراسة اليوم اول يوم بالمدرسه ما اخذنا شي

ام بدر بدون اهتمام : حتى لو ما اخذتم شي حضر للدروس الجايه لعب السنوات الماضية والعطلة الصيفية انساه فاهم واعطته نظرة حازمه

وقفت ام بدر اذا رجعت وبعدك هنا انا رح اتصل بابوك وهي يتفاهم معك وسحبت نفسها وتوجهت للصاله الداخليه

عبود ودموعه على وشك النزول من القهر دخل سامي الصاله وهو طفشان رن الهاتف الارضي ركض سامي ورد بغرور يقلد ريان : نعم ..........عبود موجود ........بس مين انتي ؟؟
عبود لما سمع سامي بسرعه توجه له وسحب السماعه وباستغراب : الو .........مين انتي .......وش فيه .......امي مو راضيه اطلع ..........كيف ادبرها ........خلص دقايق واكون عندك ........طيب رح اجيب سامي وحموده .........لا لا دحوم مو هنا راح مع عمتي هيفاء .........سلام


سامي بتحقيق : مين هاذي البنت ؟؟

عبود : ما يخصك فاهم

سامي بخبث : الحين رح اقول لامي في بنت تتكلم مع عبود بالجوال

ومشى سامي خطوتين مسكه عبود بسرعه من بلوزته الخلفيه ولف وجه لجهته وبهمس : يا غبي هاذي ريم تبغانا نلعب معها وبدون نفس يالله وراي

سامي بتردد : وامي ؟؟

عبود بلامبالاه : ما عليك بس تعال ما رح تعرف
وبسرعة هربوا من البيت باتجاه بيت جدهم

*
*
*
*
*
*

نزلت الدرج تزحلق على الدرابزين لحسن حظها جدها ما كان موجود وبسرعة وهي مبسوطة توجهت للحديقه الخلفيه

وبعد دقايق حضر عبود وسامي وحموده وقسموا حالهم فريقين .........


جالسين بالحديقه بمكانهم المعتاد وعيونهم على الاولاد وخاصة ريم

نواف بابتسامه خبيثه : صحيح شباب قرب الانتقام

بدر بغباء : اي انتقام ؟؟

نواف اشر على ريم

سليمان بقله حيله : كيف ننتقم منها وجدي جالس دفاع عنها يا فهيم !!!

نواف بفرحه : يا خبل جدي نوى يفتح مشروعه بالخارج ورح يشرف عليه بنفسه

عمر : طيب وين الموضو سكت وبعدها فهم على نواف والله انك داهيه وقام وباس نواف على راسه

بدر وهو يناظر الشباب : يا جماعة فهموني وش قصدكم

سليمان : يا غبي جدي حيكون مسافر يعني نقدر ننتقم من ريم وما في حد يدافع عنها وبعدها التفت للشباب ترى بنختار الوقت للي يكون عمي سلطان وابوي بالشركه .........
بدر استوعب وبعدها التفت على نواف : يا داهيه ههههه

*
*
*
*
*
*
مرت ايام الاسبوع بسرعة خلال الاسبوع كانت ريم مبسوطه بالمدرسه ونفس الروتين حياتها نوم وتي في ولعب وتضايقت ام بدر وام سليمان من ريم لانها تلهي الاولاد عن الدراسه ولكن ريم تسمع من هنا وتطنش وكأنها ساحره الاولاد اتفقت معهم وقت اللعب ترن على عبود وعبود بعدها يجمع الاولاد
اليوم الخميس سافر الجد البارحه بالليل وبما انه عطله قررت ريم تطلع من غرفتها

نزلت وتوجهت للصاله الداخليه ولقت جدتها جالسه لوحدها توجهت لجدتها وجلست جنبها بهدوء

الجده بدون نفس : ليه ما انطقيتي بغرفتك وإلا جايه تغثيني ؟؟

ريم ببراءة : انا

الجده بكره : فنى للي يفنيك ويريحني منك قومي من هنا لا بارك الله فيك

دخلت المجلس رغد وهي تركض وتضحك .
الجده بابتسامة : هلا رغوده تعالي يا بنتي اجلسي هنا واشرت مكان ريم
وتكلمت وهي تناظر ريم بكره : قومي من هنا لا بارك الله فيك
وقفت ريم وبلعت غصتها ليه تعاملها بالجفا وتوجهت خارج المجلس بهدوء

استغربت الجده من ريم انها ما ردت عليها هزت كتفها وبعدها صارت تسأل رغد عن امها وابوها .......



*
*
*
*
جلست بالحديقه متضايقة وحاسه بالوحده تنهدت واخذت نفس يمكن ترتاح لكنها نقزت لما حست بحد مسك يدها

نظرت خلفها شافت سليمان يبتسم ابتسامه شريره : نقزتي لا تخافين وسحبها من يدها ووقفها وبعدها مسك يدينها وخلاهم ورى ظهرها وكتفها

وبعدها التفت للشباب : يالله نبلش
نواف : بالبداية رح تتعاقبين على المويه للي رشتيها علينا

وبعدها اشر لعمر جاب عمر الحبل وربطوا يدينها من الخلف وجلسوها على الارض

وبعدها تقدم بدر ومعه دلو مويه كبير
اشر له نواف مسك بد الدلو وفرغه فوق راس ريم كانت المويه بارده حيييل
شهقت ريم اول ما حست بالمويه ضحكوا الشباب عليها
وبعدها تقدم عمر بدلو مويه وفرغه فوق راسها شهقت للمره الثانيه وصارت ترجف لانه المويه بارده

بعدها تقدم سليمان ومسك الدلو وفرغه فوق راسها
كانت ريم منزله راسها وشفايفها يرجفوا من البرد

وبعدها تقدم نواف ومسك دلو وفرغه فوق راسها اختلطت دموعها بالمويه للي غرقتها كانت تشعر بالضعف ينقصها السند للي يوقفهم عند حدهم تذكرت ابوها وزادت دموعها بالنزول وين تركها هنا ليه ما اخذها حتى يوم العيد ما اتصل فيها ولا تطمن عليها تركها بمكان منبوذه فيه حتى ام بدر صرخت عليها الاسبوع الماضي وطلبت منها تبعد عن اولادها وعمها سلطان ما عاد يسال عنها وحتى جدها سافر ما في حد تشكيله ضعفها وحزنها
كانت غارقه بانكسارها وهي تسمع الشباب يضحكون عليها قطع افكارها صوت عبود وهي ينادي على الشباب وصل لعندهم وهو يلهث بتعب من الركض : شباب ابوي وعمي سلمان رجعوا

تقدم منها نواف وجلس على الارض وفك الحبل وبتهديد : هاذي مجرد قرصة اذن ويا ويلك مرة ثانيه تيجي صوبنا
وبعدها وقف يالله شباب لا تنسون الاغراض ويالله بسرعه عالملحق

عبود : وقف وقف انا ما اشتغل معكم مجانا وين اجرتي ؟؟
توجهوا الشباب للملحق وتكلم سليمان وهو يمشي : تعال للملحق خذ الفلوس علشان تشتري حلاوه

حست ريم بشي تكسر بداخلها عبود باعها مقابل حلاوه كرهت عبود وكرهت اهلها كلهم غمضت عيونها بألم وبعدها فتحتهم مسحت دموعها ووقفت كان حالها يكسر الخاطر شعرها مبلول وملابسها كمان كانت مبلوله شفتيها يرجفن من البرد توجهت للداخل التقت بعمها سلطان وعمها سلمان عند الباب الرئيسي
نظرت لعمها سلطان نظره عجز يفسر معناها هل هي نظره انكسار او لوم
وبعدها توجهت لغرفتها بدون ما تعبر جدتها للي كانت تناديها

دخل سلطان وسلمان
الجده بقهر : قليله الحيا اناديها ولا ردت علي وبعدها نظرت بتساؤل لسلطان : علامها كذا ملابسها كلها مويه انا ناقصها بعد تمرض وابتلش فيها من مستشفى لمستشفى

سلمان : يمه اذا ودك جالسة على هاذي السيره خلني ارجع للبيت

الجده بقهر : خلص تعال نجلس هنا بالصاله ونشرب قهوه راسي وده ينفجر

سلطان بخوف : سلامتك يمه بعيد عنك الشر ومسك يدها وتوجهوا للصاله .....


كانت ريم واقفه اخر الدرج ودموعها تنزل ما في احد يهتم فيها ويداريها او يسال عنها ضايقها كلام جدتها وحز بخاطرها بس حزنها ما يغير شي مسحت دموعها وتوجهت لغرفتها .......

*
*
*
*
*
في مكان اخر

بابتسامه : طال عمرك كل شي جاهز بس ننتظر اشاره منك

ضحك بخبث : ههههه ايام يا ابو سلمان وسمعتك على كل لسان هههههههههه
*
*
*
يتبع .....

التكمله يوم الاثنين بإذن الله ..... دمتم بخير

زخات اٌلمطر ©؛°¨غرامي مشارك¨°؛©

سلااااام حبي
امم كل بااارت احزن من الباارت لي قبله
الله يعينها لريم اصلا المفروض مااتامن بعبوود لانو مو اول مرة يبيعهاا
سليماان شنو القلب لي عندك حتى بعد ماا عرفت انو هي محيره لك مبطلت اتاذيهاا


مشكوووورة على البااارت

assyirt alhorrya ©؛°¨غرامي نشيط¨°؛©

السلام عليكم

يا بنت بعدين معك ؟
كل ما احكي انفرجت عن هالبنت بترجعي تسكريها بوجهها

عزا ما ضل الا ابكي عليها
يا بت بس اعطينا بصيص ضوء انك رح تفرجيها عليها بالاخر

يا لهوي على حالها

بس مين هاد اللي طلع بالسحبه بدة ينتقم من ابوسلمان؟؟

ووين امها لهلا ما انذكرت نهائيا ؟

شفقانة عليها للبنت

الكل طلع حقير من الشباب حتى نواف اللي حكيت عنه اصلحهم طلع اعطل منهم تفوووووو عليهم

وعبود تبيعها اللي دايما تلعب معك ؟ يا حيف على الالعاب اللي بيناتكوا

هلا انت حكيتي انها متفوقة دراسيا حتى انها بتوخذ سنتين بسنة
بس المشكلة انت ما بتذكري الدراسة نهائيا بحياتها
واجباتها ودراستها؟

بشوف انو من البارت الجاي تتركيها تركز ع الدراسة اكثر كنوع من انو هو سلاحها وهو اللي رح يكون مستقبلها
طبعا بتسمع هاد الحكي من معلمة عندها وبتقرر ما تترك دراستها ابدا وتتفوق دراسيا
ولو اجوها ليطلبوها للعب ما ترضى
طبعا ما بيعني هاد ما تلعب بالعكس تلعب بس مع حالها من دون حد
وينقهروا السباب لما يشوفوها كيف بتلعب بالكرة واشطر منهم بس رافضة انها تلعب معهم واذا شافت حد منهم تتركهم وتروح
ومع هيك تردها الهم للشباب ما تسكت

بانتظارك

ضاقت أنفاسي مشـ© الروايات ©ـرفة

المشاركة الأساسية كتبها زخات اٌلمطر اقتباس :
سلااااام حبي
امم كل بااارت احزن من الباارت لي قبله
الله يعينها لريم اصلا المفروض مااتامن بعبوود لانو مو اول مرة يبيعهاا
سليماان شنو القلب لي عندك حتى بعد ماا عرفت انو هي محيره لك مبطلت اتاذيهاا


مشكوووورة على البااارت





هلا وغلا
:)

نورتي روايتي بردودك .........
ومشكوره على ردودك ......دمتي بخير :)

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1