ضاقت أنفاسي مشـ© الروايات ©ـرفة

بعد ما خرجوا الجماعه والجد والاعمام دخلوا داخل توجهوا الشباب للحديقه
صقر بقهر وهو يجلس على الارض ويتربع : اخخخخ قهرتني تقول لي وهو يقلد صوتها انت ما لك دخل فاهم اخخخ قهرتني انتم ما شفتوها بزر

بدر قاطعه وهو يضحك : وانت وش للي قاهرك بقلعتها
صقر بقهر مكبوت : ما رح تفهموني
سليمان : والله اني كنت ودي اقوم وادفنها مكانها كيف فشلتنا قدام الجماعه للي يسمعها يقول عانس 40 سنه وخايفه العريس يطير وصار يقلدها موافقه يا شيخ حتى جدي تفشل وما عرف وش يقول من الفشيله
تقدم فيصل وابو سليمان وجلسوا مع الشباب بعد ما ردوا السلام
عمر باستفسار : وين جدي وعمي نايف ؟؟
فيصل وبعده معصب :نايف طلبوه المستشفى وابوي راح عند ريم الحيوانه تزغرد وترقص بصوت عالي مصدقه نفسها عروس
سامر ببرود : من الصبح وهي ترقص وتغني وما عمل لها جدي شي ما رح يعمل الحين شي لها

فيصل يبتسم بشماته وهو يناظر لبعيد : اتوقع تحصل لها كم طراق الحيوانه طلع عمرها 14سنه ومخبره ابوي انها اولى ثانوي وابوي معصب عالاخير حاولنا نهديه علشان صحته بس ما سمع لنا

نواف فتح عيونه : صغيره كثير كيف تزوجونها لازم تطلقونها باسرع وقت
صقر بقهر : وزياد كبير 28 سنه بينهم 14 سنه وباستهزاء ما ظنيت تقبل ريم بالطلاق لو شفتها ميته عليه
فيصل بقهر وهو يلعب بالعشب للي على الارض: ما خربها غير بنات المدرسه تقول كل صديقاتها خاطبات والحيوانه معترضه وترادد ابوي ودها تجلس معه وتطلع معه بالاسواق مثل صديقاتها فعلا قلة الحياء انا ما قاهرني الا لما شفتها وقسم بالله بنتي نوف مبينه اكبر منها بزر صغيره كثير وطولها شبر

صقر بقهر وهو يضغط على كف يده : كنت ابغى اطلع وانهي الموضوع واكنسله ركضت عند الباب ووقفت وتهدد بي اذا الغيت الملكه الا تطلع قدام الرجاجيل وتفشلنا

سليمان باستغراب : هي عملت وقالت لكم كذا ؟؟
فيصل : ايه قالت وتعمل اكثر من كذا شيطانه بجسد طفله
بعدها ناظر نواف بقهر انا قلت لك اخطبها لك علشان اسنعها بس انت ما تسمع الكلام وناظره بلوم
ابو سليمان بحكمه : يا فيصل البنت ملكت وبعدها صغيره بكره تكبر وبتعقل بس انت طول روحك شوي كل شي بالهداوه وعلشان يغير الموضوع متى رح يرجع خالد ؟؟

فيصل بقهر : هذا الثاني قاهرني كل مره يقول بعد شهر بعد شهرين بعد ست شهور كل ساع براي وتارك اولاده هنا ومزعجني اعطيني الاولاد اكلمهم

صقر بابتسامة : اولاده اكيد رح يشتاق لهم

فيصل بانزعاج : بس مو كل ساعة يرن والاولاد لما يكلموه خذ بكى ودهم ابوهم

عمر بابتسامة حتى يخفف عن عمه : والله يا عمي شكلك صرت شباب مع الصبغه الجديده مين يصدق انه عندك احفاد

فيصل ابتسم وهو يمسح على شعره والشماغ بحضنه : اسكت لا تذكرني كله بسبب الكلبه ريم تقول عني شايب وخبرهم بالموقف علشان كذا رحت صبغة شعري وخذ تعاليق من هنا ومن هنا
ضحكوا الشباب بهدوء على الموقف إلا
عمر انسدح عالارض : ههههههههه خطيره هاذي الربم لو ما ملكت كان خطبتها ههههههههه
فيصل وهو يرفع حاجب : تدري انك مخبول وش للي يضحكك بالموقف لهاذي الدرجه

عمر وهو يضحك : هههههه لا بس هههه تخيلت شكلك يا عمي هههههههههه وريم تقول لك كذا

فيصل وهو يرفع حاجب : اقول متى رح تعيد المواد للي حاملها بالجامعه
سكت عمر وناظر صقر بلوم للي ما خلى حد وقال له
ضحك صقر وهو يناظر فيصل : عرفت تسكته هههههه
فيصل بافتخار وهو يغمز لصقر : اعجبك .......
*
*
*
*
*
في مكان اخر ما دخلناه من قبل
حط الشماغ على الكنبه وبعصبيه مكبوته وهو يناظر ابوه : يبه وش هذا الموقف السخيف للي حطيتني فيه كذا تحرجني قدام الجماعه على الاقل لو حطيت عندي خبر مو اكون مثل المغفل
ابو زياد ببرود : يعني للي يسمعك يقول تطيعني ما كان في طريقه اني ازوجك الا كذا نسيت لما كنت ودي اخطب لك بنت عمتك ورفضت وقتها زعلت عليك طنشتني ولا اهتميت ودامك رافض فكره الزواج ما كان في حل الا الاحراج

زياد بقهر وهو يناظر ابوه : وانا اقول ليه الزمت علي اروح معك على ملكة حفيد ابو سلمان ولما شفت اعمامي استغربت بس طنشت وانا حاس في شي بالموضوع
ام زياد وهي توزع نظرها بينهم : وش صاير مو فاهمه شي ؟؟

زياد باستهزاء،: ابد يالغاليه بس زوجك إلي هو ابوي واشر عليه طلب مني احضر ملكة حفيدة ابو سلمان ولما وصلنا بعد ما ملك حفيده التفت الشيخ وسال وين المعرس الثاني اشر ابوي علي اتخيلي يمه موقفي حسيت حالي مغفل وعض على شفته من القهر

سوسن بلقافه : شفتها ؟ حلوه ؟ كم عمرها ؟

زياد لوى بوزه : اشتغلت اللقافه لا ما شفتها ممنوع عندهم جدها طلب اني ما اشوفها ولا ازورها ولا اتكلم معها حتى بالجوال ما يبغاني اكلمها اما عمرها يقولون انها اولى ثانوي والزواج طلبوا بعد سنتين حتى تكمل الثانويه ارتحتي الحين هذا للي اعرفه وبس

نوفه : لا تقول انك لما تتزوجها تعذبها وتنتقم منها مثل الروايات وغمزت له

ناظرها زياد وهو يرفع حاجبه : مو انا للي انتقم بامور سخيفه صحيح انه ابوي احرجني بس انا متأكد لو ما احرجني ابوي وسالني قبل ما نروح اكيد رح اوافق لانه ربنا كاتب انها تكون من نصيبي وهذا النصيب ما ما اعترض عليه بالعكس رح احطها بعيوني اما سخافاتك يا نوفه انتي وخيالاتك مو عندي
وبعدها التفت على ابوه وهو يضحك : شفت يبه كيف فشلتهم هههههه اما شكلها البنت نهفه هههههه
وخبرهم بالموقف
ام زياد وهي مو عاجبها هالشروط : وانت موافق على شروطهم
زياد بلامبالاه : اصلا موضوع الزواج كله مو ببالي فاعتبر نفسي اني ما خطبت وبعد سنتين يصير خير
ام زياد باعتراض : بس
قاطعها ابو زياد : لا بس ولا شي دام زياد موافق ما في مشكله وخلي الامور على ما هي ......

وبعدها استاذن زياد وطلع على غرفته وهو يفكر كيف شكل هالريم ...........

*
*
*
*
*
صحيت الصبح وانا حاسه راسي مصدع من كثره البكاء تنهدت بتعب وانا حاسه حالي مكسله بس لازم اروح عالمدرسه لاني غبت الاسبوع الماضي كله تذكرت بنات خالي يالله مشتاق لهن ولجلستهن وسوالفهن وخبالهن انا لازم اكلم جدي علشان ازورهن
قمت من السرير بكسل واتمايل وقبل ما ادخل الحمام ناظرت نفسي بالمرايه وانا احك شعري واتثاوب بكسل ناظرت وجهي كان فيه علامات خفيفة مكان الكفوف مسحت على وجهي بلطف
وبعدها ناظرت ملابسي يالله نسيت ابدل ملابسي نمت بالفستان اخذت ملابس ودخلت الحمام اخذ دش وانا اقوي نفسي واطنش كل من حولي
وبعد ما جهزت نفسي ومشطت شعري وعملته جدوله على جهة اليمين وربطتها بشبره حمراء وجدوله على جهة اليسار وربطتها بشبره حمراء وغرتي قصيره يعني للي يشوفني يفكرني بالابتدائي
لبست عباتي وحطيت الشيله على راسي وغطيت شعري كله وبعدها سمعت طرقات خفيفه على الباب كانت الخدامه جايبه الفطور طلبت منها ترجعه ما ودي افطر نفسي مسدوده من البارح كسروا فرحتي ونغصوا علي لكن بسيطه وقسم بالله اذا شفت سديم تجلس مع سليمان لولع الدنيا ليه هي تجلس مع خطيبها وانا لا
اه يا ترى كيف شكله انا لازم اسال عنه واخذ معلومات علشان البنات اذا سألوني اقدر اجاوبهم
وبعدها حملت حقيبة المدرسة للي كانت بمكانها من الاسبوع الماضي ما لمستها وتوجهت خارج غرفتي وانا اتثاوب بكسل وصلت عند الدرج ما قدرت اقاوم التزحلق على الدرابزين
تزحلقت وانا مبسوطة على الاخير لمحت زول جدي وبسرعه ركضت خارج البيت قبل ما يكتشفني ويشلع اذاني
وصلت البوابه كان صقر واقف عند سيارته ويكلم بالجوال كان يكلم بالجوال وهو يناظرني بس انا اعطيته طاف ومشيت وانا ادلع ولابسه كعب يمكن شبرين علشان ابين اني كبيره بس وقفني صوت صقر الحازم بعد ما تعديته بخطوتين : ريم
بدون ما الف عليه تكتفت : نعم
سمعت خطواته تقدم ووقف قدامي
بصراحة انقهرت مع اني لابسه كعب بس جنبه كنت قصيره كثير
ناظرني باستهزاء : اخذتي معك الرضاعه ؟؟
بصراحة قهرني يتمسخر رديت عليه وانا ارفع حاجبي بغرور : الطول طول نخله والعقل عقل صخله
ومشيت خطوه بس مسك يدي بعصبيه : وقسم بالله اذا كلامك هذا ينعاد لادفنك هنا وبسرعة غطي وجهك
ناظرته وانا اضحك بعد ما فكيت يدي منه : تعرف حيرتوني انت ودك تدفني هنا والشايب وده يدفني بالمكتب والعم فيصل وده يدفني بالصاله الداخليه
وبعدين معكم حددوا مكان واحد

ناظرني بغرور : يا سخافتك بسرعة غطي وجهك وبلا كثرة حكي والعبايه هاذي اذا شفتها عليك مره ثانيه احش رجولك قبل ما تطلعين فيها فاهمه

رديت علشان اغيضه تكلمت بدلع وانا اتخصر : مالك دخل وبعدين دامه وسبلت عيوني بدلع خطيبي زيود ما اعترض ما حد له دخل مفهوم

ناظرته وهو مفول من العصبيه : طالت وشمخت يالبزر وبعدها تكلم وهو يكتم عصبيته ريم انا طبعي هادي لا تعصبيني

شفت الباص وبسرعة ركضت وقبل ما اطلع وقفت وتكلمت باسلوب ينرفز : انا رح اغطي لانه خطيبي وده اياني اتغطى مو علشانك وبعدها مديت لساني وحطيت الشيله على وجهي وركضت بسرعه للباص ....
*
*
*
*

دخلت المدرسة وبالصف طول الوقت وانا سرحانه واتخيل شكل خطيبي ولا انتبهت للشرح وفجأة نقزت على صوت صراخ الابله : ريييم
ناظرتها بغباء : نعم
الابله بعصبية : انا لي ساعه اناديك وحضرتك مو معنا ليه ان شاء وبهدوء فيك شي يا ريم انت طالبه متفوقة وحافظي على تفوقك والحين يالله اطلعي عالسبورة وحلي هاذي المسأله
بصراحه بما اني نويت اعيش حياتي بالتطنيش والدراسه من ضمن التطنيش خلص ما في داع للدراسه وحبيت اقوم بدور البنت الغبيه وقفت وانا ابتسم بعباطه ووقفت عند السبوره وبابتسامه عبيطه : ابله اكتب من هنا والا من هنا
ناظرتني الابله وبعدها تكلمت بدون نفس : هنا المساله يالله عجلي بسرعة حليها
ناظرت المسأله وبديت اجيب واحط من عندي تخبيص وقفت الابله فوق راسي وبعصبيه : وش ذا التخبيص امحي بسرعة واشرت على حلي وارجعي مكانك وركزي معنا
مسحت السبوره كلها ومع المساله عصبت الابله : انا قلت لك امسحي االحل للي كتبتيه بس ليه مسحتي المسأله وبقهر ارجعي بسرع مكانك
رجعت مكاني وانا ابتسم لانه هذي الابله عصبيه واكره ما عليها حد يحل على السبورة غلط كانوا البنات يناظروني مستغربين لاني معروفه بذكائي واليوم ولا حصه شاركت واذا سألوني المعلمات اجيب من الغرب واحطه بالشرق هههه بصراحه عجبتني حياة الكسل يا ليتني رديت على الجوري كان الحين جالسه جنبها ومونسيتني
خلصت الحصة وبعدها كانت الفسحه وبسرعه ركضت للخارج مشتاق للجوري والنور واول ما شفتهن سلمت عليهم بحراره وجلسنا نسولف وخبرتهن باخر الاحداث واني ملكت
الجوري : يا غبيه لازم تتعرفي وتجلسين معه قبل الزواج حتى تتفاهمون مع بعض
النور : صحيح كلام الجوري انا اجلس مع خطيبي عادي ما فيها شي دامك ملكتي ما فيها حرام على الاقل تتكلمين معه بالجوال
لويت بوزي بقهر : من وين اجيب رقم جواله وانا اصلا ما معي جوال
الجوري بتفكير : لا تخافي رح ندبر لك حل المهم بنت عمك سديم حلوه
لويت بوزي بقرف من هالسيره : امممم هي امممم ايه حلوه
النور بلقافه : وصفي لنا شكلها
ناظرت النور وانا اتذكر شكلها : ما اعرف طولها بالضبط لانها كانت جالسه بشرتها حنطيه وعيونها وسط وانفها صغير كثير وفمها وسط عادي وعيونها بني غامق وشعرها اسود مو ناعم كثير بس حلوه فيها جاذبيه

الجوري بقهر : يعني احلى منك ؟؟
ابتسمت بعباطه : والله ما اعرف يمكن هي احلى مني يكفي انها مبينه وحده كبيره مو مثلي كل الناس تفكرني بزر وبقهر شوفو لي حل ودي اكبر
قبل ما يشوفني العريس ويتركني ويقول هاذي بزر

النور بتفكير : صحيح للي يشوفك يظن انك بالابتدائي ناظرتها بحده
النور تضحك : ههههه لا تناظريني كذا اخاف وبعدين اسمعي كلامي للاخر
ناظرتها واستهزاء : كملي يا حكيمه زمانك

النور بابتسامة : غصب عنك حكيمه المهم انت بعدك 14 يعني بسن النمو يمكن لما يصير عمرك 16 تتغيرين وتصيري كبيره مثلنا
رديت بقهر : طيب بنات جيلي طويلات واشرت على بنت من عمري شوفو هاذي من عمري بس شوفو الفرق بالطول مو مثلي قزمه
الجوري تبتسم : يا بنت الحلال ربنا خلقك كذا ما يصير تعترضين على خلقته قولي الحمد لله وانتبهي لغذائك واكلي كويس علشان تطولين وكثري اكل فستق يقولون انه يطول

رديت : الحمد لله خلص اليوم ودي اشتري فستق واظل اكل ليل ونهار ........
*
*
*
*
رجعت عالبيت وانا تعبانه وحاس نفسي ضايق من الشيله دخلت وبعدني راكبه اول درجتين وقفني صوت جدي : ريم
لفيت عليه وانا متغشيه :: نعم
تكتف وهو يناظرني بحده : وش علاقتك بزياد ؟؟
بصراحه استغربت السؤال ورديت بغباء : مين زياد ؟؟
الجد بعصبية : .........



*
*
*
1_مين الشخص للي كان وده يوافق على ريم بس تراجع ورفضها ؟؟؟

2_ ايش راي زياد اذا شاف ريم هل رح يكمل الخطوبه والا رح يفسخها ؟؟
3- نايف وسكوته ايش سببه ؟؟؟
4- الجد شو سبب سؤاله لريم وش سمع حتى يسألها هذا السؤال ؟؟؟


*
*
*
انتهى البارت ......البارت القادم يوم الاربعاء بإذن الله
دمتم بخير :)
[/size]

دععاء ©؛°¨غرامي جديد¨°؛©

بااااااااااااااااااااااارت مررررررره حماااااااس
ازبده اتوقع ريم لما يصير عمرها 16 بطول وكذا ويصير شكلها مررره جميل يعنى بنت بكامل الانوثه كذا
واتوقع ان حياته بتكون عسل مع زياد وبس استناك يوم لاربعاء

olli ©؛°¨غرامي فعال ¨°؛©

جمميل البارت وحماس
أتوقع نواف أو صقر أو بدر هو اللي يبغى ريم بس تردد في الموافقة بسبب تصرفاتها وشخصيتها القوية
أما نايف سبب سكوته هذا بسبب كلام أبوه له عن
âک؛

شذى المطر ©؛°¨غرامي مجتهد¨°؛©

السلام عليكم ورحمة الله وبركاته..كيفكم جميعا
البارت اليوم مفاجاه روعه فرحت وايدد..اما البارت قنبله ..قنبله
مفاجات ولا اروع..اه بس من ريم الشخص الي تردد يمكن صقر يمكن عبود
يمكن نايف حس بالذنب ..الباقي مدري..موقف ريم لما ردت على الشيخ ضحكت عليها من الخاطر تعجبني طولة لسانها
انا اتشابه معها بطولة اللسان والعناد ..ههه
حاليا ما عندي توقع لانك صرتي تفاجيئنا باشياء ما تخطر على بالنا
عسىىىى تقدمي البارت ..ما عندنا صبر..لكي احترامي

زخات اٌلمطر ©؛°¨غرامي مشارك¨°؛©

سلااام حبي

الصراحهه فاجئتيني بالتغير لي صار
بس اهم شي ما اخذت سليمان

1_مين الشخص للي كان وده يوافق على ريم بس تراجع ورفضها ؟؟؟
اممم اتوقع صقر هو لي كان ودة

2_ ايش راي زياد اذا شاف ريم هل رح يكمل الخطوبه والا رح يفسخها ؟؟
اامم احس عندة عادي يوافق بس اكو غيرة راح يخرب على هذا الزواج

3- نايف وسكوته ايش سببه ؟؟؟
اممم خوفة من ابوة يمكن

4- الجد شو سبب سؤاله لريم وش سمع حتى يسألها هذا السؤال ؟؟؟
اكيد سمع كل خير من صقر اتوقع هو لي بلش يخرب عليها وبلش من الجد وراح يطلع عليها كلام لان لاخ انعجب بيها ما توقعها كذا يعني كذا ولاكذا اتوقعها راح تنفصخ خطوبتها وتصير لصقر

لان صراحهه حسيت صقر انقهر لانها صارت الواحد من خارج العايلة ويحس هو اهم من غيره


بس الصراحهه الله يعينها على هذي المشاكل لاهي مرتاحه يوم اخذت منهم ولا هي مرتاحة يوم اخذت واحد من خارج العايلة


يعطيكي العااافية

ghadeer saedi99 ©؛°¨غرامي جديد¨°؛©

واخخخيراا كنت متحمستلها ووووايد
زياد شخصيه جديدهه طيرت حبي لصقر :rolleyes::rolleyes:
تهقون صقر حبها بعد ماشافها متشكهه بس خلاص صارتت لواحد تاني :cool::cool:
الجد وهو يوصف ريومم عيوني صارت قلوب وانا اتخيلها :)

نرجع للاسئلهه !!!

1_مين الشخص للي كان وده يوافق على ريم بس تراجع ورفضها ؟؟؟
صقر !!! يمكن نواف امممم :(

2_ ايش راي زياد اذا شاف ريم هل رح يكمل الخطوبه والا رح يفسخها ؟؟
يمكن يحبها او يمكن يشوفها صدفه مثلا او يتعرف عليها وهو يحسبها بزر وتتقوى علاقتهمم ويفهمها وبعدها يكتشف انو زوجته يلعن اومم الحممماس ~> ههه متاثره بالافلامم

3- نايف وسكوته ايش سببه ؟؟؟
اكيد واحد من الاثنين
يمكن مايبغى يزعل جدوو
او خلاص مدامها صارت على ذمه واحد افتكك من مسؤليتهاا !!


4- الجد شو سبب سؤاله لريم وش سمع حتى يسألها هذا السؤال ؟؟؟

يمكن صقر قالوو !! مع انو مااتوقع صقر ارقى من انو يسوي دي الحركات المبزرهه
او هو شاف الموقف بين صقر وريومم واخذ فكرهه !!!



وتسلمم يدينكك على هالبارت
ننتظركك

أرسلت من SM-T211 بإستخدام تاباتلك

assyirt alhorrya ©؛°¨غرامي نشيط¨°؛©

السلام عليكم

لك يا بت رفعتيلي ضغطي قسما بالله
ليه ما عرفتيهم بذكاءها ؟؟
وليه خليتيها تصير مهملة بدروسها؟

سؤال هلأ رح ترجعيها لشطارتها ولا رح تضل مثل ما هي وترجع لورا؟؟

بليز حدي بطريقها حد يوعيها ع دراستها بليز

عندي تصور كيف يكشفوا ذكاءها
تكون وحدة من البنات عندها امتحان ومش فاهمة شي من مادة الرياضيات اوكي
تصير تضحك عليها وتتمسخر
طبعا هم بردوها الها بس هي ما بتهتم بكلامها
فبقرر ةدهخا يعرف اذا هي جد باولى ثانوي ولا بتضحك عليه وخاصة لما تحكي انو هاي المادة سهله الحمار بفهمها وهم بحكولها شو عرفك بالمادة وتحكيلهم اخذتها السنة الماضية او القبلها طبعا ما بصدقوها بس جدها بصير عنده شكوك بكلتامها بتحداها تحل هالمسالة وهي بتحكيله مش بحاجة اثبت شي
فبحكيلها الك شو ما بدك اذا حليتيها
هلا هي بتستغل الوضع لصالحها وبتحكيله حتى لو طلبت ازور بنات خوالي؟
نايف بنرفز بس جدها بوافق
وبتحلها الها وبتفهمها الامتحان وبتحكيله هاي مني الك بس عشان تعرف اللي بكون كريم معاي بكرمه
كلهم بنصدموا وبتفاجؤوا من ذكاءها

بس واحد بقرر انو ما يسمحلها تشوف حالها عليهم فبحكيلها والله طلعتي حمارة وفهمتيها فعلا الحمار بيفهمها
حكتله هي باستهزاء انا حمارة بس بفهم العتب على الحمار وما فيه فهم هههههههههههههه

مستفزة بحب الاستفزاز

بس جد جد امانة حلفتك بالله ترجعيها لوعيها بالدراسة

مثلا المعلمات يلاح'وا تراجعها بالدراسة ويحكوا مع المرشدة تحكي معها قبل لا تحكي مع ولي امرها اوكي

والمرشدة تطلبها وتفهمها انو اذا مالت عليكي الدنيا بتميلي ع شهادتك وهي سلاح الك وبتحميكي من الناس بتشتغلي وما بتكوني بحاجة حد وهاد اكثر شي بشجعها انها ما تحتاجهم وترجع ادراستها

او يطلبوا سيدها ولما يحكي معها عن سبب تراجعها تحكيله كنت زمان اجتهد عشان ماما ترفع راسها في بس هلا لو انجحت ما حد داري عني ولا حد فرحانلي او مفتخر بنجاحي واكبر دليل ما كنتوا تعرفوا انا باي صف
بس سيدها بفهمها اهمية الشهادة ونجاحها الها مش لغيرها وانو ممكن تساعد ناس بعلمها وعن اهمية العلم في الاسلام وهيكا

المهم ترجع لعلمها ... بترجعيها صح بلييز بترجعيها ؟


المهم

اتوقع اللي كان بدة يوافق واتراجع صقر بحكم هو الوحيد اللي ما شافها وبحكم انو شافها بالمستشفى وكان يشفق عليها

بس احتمال يكون عبود كمان والله اعلم

رح يتفاجأ زياد ويحكي انها صغيرة ومن هالحكي
بس لما بتحكي معاه يعرف انها صغيرة عمر وحجم بس عقلها كبير ومع هيك يمكن يتركها

ما بعرف شو سبب سكوت نايف
بس يمكن قرر يتعدل معها او عشان يرتاح منها

يمكن سمعها وهي بتحكي مع صقر او صقر حكى كلامها للجد وخاصة لما حكت انو زيودها بدة اياها تتحجب فشك بالامر
واحتمال جدتها نفخت براسه من سمعت كلام صقر
بس المهم صقر السبب

بانتظارك على جمر

الاميرة الضائعه ©؛°¨غرامي مشارك¨°؛©

حمااااااااااااس الباااارت ويجنن والاهم انه كان طويل فرحتيني الله يفرح قلبك..

ريم..اهم شيء شكلها الظريف والكيووت حبيتها من قلب..وطول عمري بحبها حتى لو هي على غلط..بس اتمنى ترجع تركز في دراستها بلييييز خليها ترجع تركز ترى بدون الشهادة بتظل تحتاجهم للابد..والكل بيحسدها على زوجها زياد..اخيرا صار اللي كنت اتوقعه وارسمه في خيالي...

استمري&استمري&استمري

بلييييز استغلي كل لحظة فراغ في الكتابة<<كف

ننتظر على احر من الجمر..

نونو الشهري ©؛°¨غرامي فعال ¨°؛©

السلام عليكم ورحمت الله وبركاته
البارات كانت مرره روعه حزنت مره على ريم ماله داعي كلهم متحاملين عليها كذا صح هي بنت ساره بس مي ساره
المهم اتوقع الي تردد يرفض هو صقر
واتوقع زباد لو سافها بيفكر انهم خدعوه وزوجوه طفله ويزعل
يمكن نايف ساكت مخطط على شي ثاني او ىن احد قاله يبيها ولا يمكن الجد مهدده
ممكن يكون صقر قاله او هو شاف الموقف
بس بغيت استفسر عن شي ما وضحتيه
ثقر اش يصير لهم لىن في البارات الاولى كان ينادي نايف باسمه
ما قال عمي ولا فيه ذكر الاخوانه
واذا مو من احفادهم ليه عندهم على طول وبس
شكرا على البارات الجميله وننتظر الاربعاء بفارغ الصبر

اريجج ©؛°¨غرامي مشارك¨°؛©

سسسسلام ياقميلة
واااو بارت خيال وحلو
ريم مشكلة انها قصيرو مسببه لها ازمة اممم واحسن شيء ان اتزوجت واحد من برا العائلة وشكله كويس
مدري عن شخص لي كان بيوافق ورفض لاني اشوف انهم كلهم يكروها
اتوقع زياد بينصدم انها صغيره ذي الدرجة بس ما اتوقع ان يفسخ الخطوبة
وبس
ننتظرك ببارت جميل :)

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1