عبث بنفسج ©؛°¨غرامي ذهبي¨°؛©

بارت جمييييل تسلمم يدكك ...

اريجج ©؛°¨غرامي مشارك¨°؛©

سسسلام
بارت جميل وكذا
احسن شيء صار في موضوع لما افترضوا ان ريم انقتلت ان طلعت ردات الفعل الحقيقة
وبردي حرتي من هالاغبياء اقسم بالله قاهرني

ننتظرك :)

بنت العميري ©؛°¨غرامي مشارك¨°؛©

بارت جميل.

asrar^ ©؛°¨غرامي مشارك¨°؛©

بباارت روعهه يعطيكك العافيه
امماا هالصقر سسوالهمم فلم هندي رهيبب
وقسسسم ضحكني .. ياخي هالسلمان ايش يبغى
من ريم مو خلاص ملك وش عاده يبي منههاا
ولا وقواعه عينه داقق يهدد زييااد .. بس مدري
احسس بالببارت الجاي راح يصير ششي بس
اممانه ممرا لا تسوين لزياد شي او ينجبر
ويطلق ريمم احسههم مع بعض حلوين
وبنتضارك في الجآيي بس امانه خلويه طوييل
شويتين ادري نتششرط بس انتي كريمه .

ابنة الربيع ©؛°¨غرامي مشارك¨°؛©

السلام عليكم
رواية رائعة تسلم ايدك و احداثها كثير مشوقة
مستنين البارت على نار

Najoudh ©؛°¨غرامي مجتهد¨°؛©

تسلمي علي البارت
نايف
افتكر بس انو ابوها وابها تحت سيطرتو
ونسي انو ليها اصلن حقوق ويستاهل الي سوا في الجد
كل مازعل
الجدة والجد
والله الجدة بجد الي ماتوقعت انها تميل وبالفعل ريم اجبرتهم علي حبها
تقديم الزواج
انا انبسط بي الموضوع وماتوقعت ابدا انها هتسير في دي الفترة
كل بالقليل يحتجلنا 10 بارتات
سلمان ونواف
استهجنت انهم ثارو علي زياد وسلمان بنفسو من الاساس ماكان طايقها ليش دحين اتغير رايو
بالنسية لنواف انا مصرة انو هو الشخص الي حاببة وعشان كدا مايبغاها تتزوج
بانتظارك

Yomi27 ©؛°¨غرامي مشارك¨°؛©

متى راح يكون البارت وااااااايد متحمسة

ضاقت أنفاسي مشـ© الروايات ©ـرفة

[size="6"] يتبع ......
&
&
&


بالمكتب جلس الحاضرين وبعدها بدقايق دخل خالد المكتب وكان الهدوء سيد الموقف
جلس خالد بهدوء جنب ابوه فيصل وناظر جده للي كان يناظر الورق للي قدامه
تنهد الجد وبعدها
رفع راسه بهدوء ووزع نظره بين الحاظرين وتكلم بهدوء وهو يحدد نظره على الاربعه : ممكن اعرف سبب هاذي السخافه للي عملتوها مع الرجال
بدر بنرفزه : لو انه رجال كان طلق ريم ومو يشتكي لك مثل الحريم كان واجهنا
قاطعه الجد بعصبية : انت اسكت ولما اسمح لك تتكلم وقتها تكلم وبحزم من متى هاذي المرجله بالفعل انه تفكيرك تفكير بزر
ناظره نايف بقهر كيف يلفظ اسم بنته بالسهوله هاذي وقدامه كتم غيضه وناظر ابوه يشوف وش اخر هاذي المهزله
الجد بحده ناظر نواف : ممكن تتكلم وتقول سبب هاذي السخافه
نواف ناظر اعمامه وبعدها ناظر جده بعد ما اخذ نفس وهو يرتب الكلام : الصراحه انا اعترف انا اخطينا يوم هددنا زياد المفروض فكرنا بطريقة ثانيه انه يطلق
قاطعه نايف بقهر وعيونه يتطاير منها الشرار : وانت وش عليك حتى تطلقها وش دخلك ببنتي وبحزم انا ساكت احترام لابوي وقسم بالله اذا دخلتم نفسكم ببنتي لتندمون واعطاه نظره قويه
سليمان وقف بعصبيه : وقسم بالله ما يتزوجها وعلى جثتي
وقف نايف وهو ثاير : انت ما لك دخل فاهم ورفع اصبعه بتهديد
وقف صقر وفرق بينهم جلس نايف وهو يعطي الشباب نظرات ناريه
الجد بعصبية ناظر الشباب : اعتقد اني قبل ما املك عليها
سألتكم وشاورتكم اذا حد منكم وده يملك عليها
وبقهر
كلكم رفضتم
وبصراخ
والحين لما ملكت البنت ودكم تطلقونها
خفف الجد عصبيته وبحزم
اعطوني سبب واحد لسخافتكم هاذي
سليمان ببرود : بنت عمنا ما تطلع غريبه اولاد عمي اولى بها
عمر بجديه : طلقها من زياد وانا مستعد املك عليها
ناظره بدر بتحدي : تخسى تملك عليها لانها من نصيبي فاهم
وقف بعصبيه واعطى بدر بوكس على وجهه
حط بدر يده مكان البوكس وتحسس دم خفيف من انفه وجن جنونه وهجم على عمر وهو يصرخ : والله ما تتزوجها
بعدوهم عن بعض وجلس كل واحد بجهه وكل واحد يناظر الثاني نظرات كره
ناظرهم ابو سليمان وكأنه عرف سبب المشكلة بينهم ناظرهم باحتقار : تتضاربون بسبب بنت من شهرين ما تكلمون بعض علشان بنت وهز راسه ومو عاجبه حالهم
فيصل بقهر : انتم الاثنين ما تحشمون حد
واشر على نايف
على الاقل احشموا ابوها قاعدين تتقاتلون علشان بنته
قاطعه صقر بعصبية : انتم دمكم من وش تتقاتلون على بنت متزوجه ورفع حاجب باستنكار وهو يردد
متزوجه متزوجه متزوجه وبصراخ تفهم وش يعني متزوجه
الجد بهدوء : على كل حال خلها حلقه بإذنك انتم الاثنين حريمتكم تتزوجون ريم وبعصبيه وقسم بالله طول ما انا على قيد الحياه والله ما يتزوجها واحد منكم للي رفضتم ريم والحين تبغونها
ا
وبحزم
يالله قدامي انتم الاربعه على بيت زياد وتعتذرون منه
وقفوا الاربعه وبصوت واحد وعصبيه : يخسى
وقف الجد بعصبية : من متى كلمتي تصير اثنتين ؟؟
والا كبرتم وصار شوركم براسكم
ارخى ملامحه شوي : خلاص اكسروا كلمتي يا عيال
نواف بقهر : جدي لا تفسر الكلام على كيفك حنا مو قصدنا نكسر كلمتك بس صعبه نروح نعتذر له
الجد ناظره وعافس ملامحه : ما شاء الله الحين دريت اني ما افهم الكلام وافسره على كيفي بس اعذرنا يا حضرة المهندس انت والدكتور للي معك
سليمان ما يهون عليه زعل جده : جدي مو قصدنا كذا
الجد وقف بحزم : الحين انا طالع واعتبروني اذا وصلت السياره وانتم الاربعة ما جيتم اعتبروا هذا البيت محرم عليكم تدخلونه وانت يا سليمان اعتبر خطبتك من سديم ملغيه وانت يا نواف انسى تتم ملكتك على سميه
وانتم الاثنين اشر على بدر وعمر
ممنوع تدخلون البيت ولا حتى بيت واحد من عيالي وحتى مصروف لو ريال واحد ما تشوفون
وطلع بدون ما يسمع رد فعلهم
ضرب سليمان بوكس بكف يده من القهر
ابو سليمان : يا عيال انتم اخطيتم وتحملوا نتايج طيشكم ترى ابوي جاد لا تضيعون مستقبلكم
نواف بقهر : عاجبك يا عم جدي وده يذلنا قدام زياد ما ادري وش يعجبه فيه
خالد بعجله : ترى مو وقت كرامه بسرعة لحقوا جدي قبل ما يصل السياره بسرعه
فيصل ناظرهم بقهر وطلع من المكتب ولحقه نايف بعد ما اعطى الشباب نظره ناريه
صقر ناظرهم بهدوء : تستاهلون ما جاكم و..
قاطعه سليمان بعصبية : حط لسانك بحلقك واشر للشباب الحقوني قبل ما يصل جدي سيارته
طلعوا الشباب وهم يتحلطمون
اطلق صقر ضحكه عاليه على اشكال الشباب
خالد بابتسامة : وش رايك نروح معهم ونصور الشباب فيديو وهم يعتذرون
نط صقر بخبث : والله انك داهيه يالله قدامي
طلع خالد وصقر وهم يتهامسون ويضحكون
&&
&&
&&
&&
&&
&&
&&
&&
جالسه على الارض وسانده راسها على الجدار وهي تتذكر لما تغدت اليوم في بيت ابوها غمضت عيونها وهي تتذكر الاحداث ... . . ..


بعد ما طلب مني ابوي الحقه وقفت لثواني وبعدها قررت اشوف وش يبغى
صعد الدرج وتبعته بهدوء وصلنا لوحده من الغرف
دخل وطلب مني ادخل وراه
دخلت بهدوء والقيت نظره على الغرفه وانا اتأملها
غرفه بناتيه وحلو ومرتبه
قاطع تأملي نايف : اجلسي يا ريم
جلست مكان ما اشر على طرف السرير
وجلس هو مقابلني على كرسي سكت لثواني وبعدها طالعني : اسمعي يا ريم لا تقولين عاجبتك حياتك هاذي
ناظرته وانا ساكته
كمل كلامه : اسمعي من الحين رح تعيشين هنا عندي مع اخوانك وحاولي تتأقلمي معهم
وما ابغى اسمع اعتراض
ناظرته ببرود : وجدي وافق ؟؟
ناظرني وهو يكتم غيضه : ما حد له دخل
وقف وناظرني
من اليوم روحه لبيت ابوي ممنوع الا بإذني
وجوال ما في
ومدرسه ما رح احرمك من الدراسه رح تدرسين بالبيت وانا مستعد اجيب لك مدرسات للبيت لوقت ما تتشافين وتتغطين
اما طول ما انتي تكشفين وجهك حتى حديقة البيت ما اسمح لك تتطلعين لها الا بحضوري
مفهوم
كنت ودي اتكلم بس اشر لي بحزم
بعدين نتفاهم بالموضوع وطلع من الغرفه وقفل الباب بالمفتاح
ناظرت باب الغرفه وانا مو مصدقه رجعت للسجن برجليني
معقول خطه من ساميا ونايف حتى يحتجزوني هنا وارجع اعيش نفس سجن الطفوله
تذكرت الغرفه للي عشت فيها سنيين من طفولتي اشتقت لها
اذكر وانا صغيرة طلبت مني ساميا تنقلني لغرفه ثانيه اكبر بس وقتها عاندت ورفضت
ناظرت الغرفه لون جدرانها نهدي وستائرها مدموجه بالموف والابيض
وفيها كبت مقارب للون الغرفه وفيها حمام السرير حجمه وسط غرفتي في بيت جدي احلى واكبر
مر وقت وانا جالسه ومليت ما ادري وانا صغيرة كيف كنت امضي الوقت لوحدي بدون العاب ولا تلفاز ولا شي يسليني
قررت اخذ قيلوله وبعدها اشوف وش اقدر اعمل
رميت نفسي على السرير وانا افكر بكلام نايف
كلامه منطقي المفروض اعيش هنا بس بدون سجن
ودخلت عالم الاحلام خلال دقايق ..........
&&
&&
&&
&&
&&
&&
ما ادري كم نمت من الوقت بس صحيت على ازعاج بالغرفه
فتحت عيوني بشويش وانا افرك فيهم وبعدها ناظرت بالغرفه
شفت نايف ناقل كل اغراضي هنا
تنهدت يعني ما في مفر من السجن ناظرت الاغراض
وسألته بهدوء : وين الاب توب
ناظرني : انسي اشي اسمه لاب مفهوم
انقهرت كل شي ممنوع وتاففت بصوت عالي افففف
ناظرني بتهديد : لا تتأففين مثلك مثل اخواتك فاهمه
قهرني بس في شي مقيدني ما اقل ادبي الابله الاسبوع الماضي خبرتنا بقصص عن عقوق الوالدين مع انه امي وابوي ما اعطوني حقوقي حتى ابرهم
بس مهما كان رضاهم من رضى رب العالمين <- ريم من النوع للي تأثر عليه القصص وتردعها وتستقبل امور الخير بسرعه بالرغم انه التزامها صفر بس لو وجدت بيئه توعيها ما كان حالها كذا

نرجع للاحداث

ناظرته بهدوء وما حبيت اجادله اخاف افقد اعصابي
واصير عاقه ففضلت السكوت

ناظرني وملامحه جامده يحاول يخفي شعوره بها : يالله رتبي الاغراض ورح ارجع لك بعدين نكمل تفاهم
طلع بدون ما يسمع مني كلمه واحده وقفل الباب بالمفتاح .........
تعاجزت ارتب الغرفه ورميت نفسي على السرير
وبدون ما احس غفيت
بعد مرور وقت صحيت على صراخ نايف ومسك يدي
بسرعه البسي عباتك
ناظرته بغباء مو فاهمه شي وقفني وناولني عباتي وبعجله : بسرعة البسي بسرعة
توترت وبسرعه لبست وحطيت الشيله على راسي وانا مو فاهمه شي والنعاس بعده بعيوني
مسكني من يدي وسحبني برا الغرفه وهو شبه يركض وانا مثل الهبله منظري يضحك من سحبته حتى ما اقع اركض معه
دخلني السياره وحركها بسرعه جنونيه كنت اناظر وانا خايفه وعلى راسي علامات استفهام ؟؟؟؟؟؟
بعد ما ابعدنا عن البيت خفف السرعه
سألته بهدوء وانا من داخلي خايفه : وش فيه ؟؟!!
طنشني وبعدها وقف على جنب الطريق ونزل وابتعد شوي عن السياره
كنت اشوفه واقف والظاهر انه يفكر وبعد ربع ساعه رجع وحرك السياره وطول الطريق كنت ساكته وهو ما تكلم ملامحه جامده
واخيرا وقف عند احد المولات وبهدوء : انزلي يا ريم
نزلت وانا مستغربه
دخلنا المول وبعدها توجهنا للمطاعم واختار طاوله وجلسنا بهدوء
تم ساكت لعدة دقايق بعدها ناظرني نظرات عجزت افسر معناها : عاجبك وضعك تطلعين بدون تغطايه
ما رديت
طلب لنا عصير بعد ما سألني وش اشرب
بعد ما وصل العصير شرب منه شوي وناظرني : تدرين ابوي حلف يمين ما تعيشين غير عنده ورفض انك تعيشين عندي
ما رديت
ناظرني بقهر : اكيد مبسوطة لانك رح تفتكين مني وساميا تتطلق
رفعت حاجب مستغربه وبهدوء : ليه انت طلقتها ؟ وش علاقتها بالموضوع ؟؟!!!!
رد علي بدون نفس : سالفه طويله
تدرين كنت ودي ارجعك تعيشين عندي واربيك من اول وجديد
ناظرته بقهر بس رديت بهدوء : ليه تربيني ؟؟ شايفني هايته من سوق لسوق ؟؟
ضحك باستهزاء : تعتبر حالك متربيه وانتي عايشه عند غاده وساره وأشكالهم ولوى بوزه باشمئزاز
قهرني رديت : دام مو عاجبينك ليه ترميني عندهم ؟؟؟
ناظرني بنظرات مو مفهومه : شي ما تدري عنه لا تسألي عليه فاهمه
المهم نرجع لموضوعنا تدرين يا ريم كنت بلحظات قبل شوي ودي اذبحك واقهر ابوي عليك
تفاجئت بكلامه ما توقعت لهاذي الدرجه حقده ابتسمت عكس الجروح للي بقلبي : يا ليت عملتها وريحتني من هالحياه تدري وقتها رح اكون شاكره لك ومستعده اكتب وصايه اني انا قتلت نفسي حتى ما تدخل السجن بس اهم شي اتخلص من الحياه
ناظرته بحماس وانا ابتسم من الالم للي بداخلي : وش رايك الحين اكتب لك الوصيه وانت تنفذ
ناظرني بملامح جامده : لذي الدرجه تكرهين حياتك ؟؟؟
جاوبته بألم : اكثر مما تتصور اكره حياتي
رد بهدوء : مهما تعرضتي لضغوط المفروض تكونين اقوى من كذا
سكت لثواني وبعدها سألني بتردد : تكرهيني اكثر واحد على وجه الارض صح ؟؟
ناظرته وابتسمت : اممممم تقدر تقول انت وساره اكثر شخصين اكرهم على وجه الارض
تفاجئ بكلامي : تكرهين امك ؟؟؟
اعترضت : لو سمحت انا ما لي ام ولا اب اسمها ساره
رفع حاجب مستغرب : كنت دايما تبكين تبغين امك والحين صارت اكره شخص على قلبك غريبه انت يا ريم
ابتسمت : ليه تستغرب ؟؟ هاذي الحقيقه
رد بهدوء : مستحيل توهمي نفسك بالكره لساره بس بالحقيقه تحسين نفسك تحنين لها وودك تشوفينها مع اني ما ادري سبب كرهك لها
كلامه صحيح على الرغم اني اكره ساره الا انه احيانا اشتاق لها
ناظرته بهدوء : حرمتوني من كل شي بدون ذنب ودكم إياني الاقيكم بالاحضان
ضحكت باستهزاء : لو فيه مشاعر اكبر من الكره كان وصفتكم فيها انت وساره
كان ساكت وهو يشرب العصير بعدها ناظرني : لا تغتري مشاعر متبادله لا تظنين الحين اموت عليك
وما اقدر اعيش دونك
ناظرته : طيب انا اكرهكم لاسباب كثيره واهمها حرمتوني اعيش مثل اي طفله بالدنيا
انت ليه تكرهني ؟؟؟
ناظرني : لانك نقطه سوداء بحياتي وتذكريني بأحقر وانجس ناس على وجه الارض وما اضمن انك تحملين دمهم وصفاتهم الخبيثه
ابتسمت رغم الالم : تدري ساره تكرهني لنفس السبب وابتسمت بألم سبحان الله كيف تكرهوني لنفس السبب وبدون ذنب
مع اني ما ادري وش سبب الخلاف بين العايلتين ولا ادري سبب الطلاق وبالرغم من اختلافكم ومشاكلكم الا انكم اتفقتم على شي واحد انكم كلكم تكرهوني
سكت وما رد علي وهو سارح بعدها ناظرني وابتسم : صح ما خبرتك زواجك بعد اسبوعين
ناظرته بدون اهتمام : قصدك بعد سنتين !!
ضحك بهدوء : يا خبله اقول لك بعد اسبوعين ابوي اليوم اتصل بزيادووووو وخبره الزواج بعد اسبوعين
ناظرته وانا مو مصدقه
ناظرني بجديه : ريم صدقيني بعدك صغيره فكري كويس واذا غيرتي رايك انا مستعد اخلي العرس يتاجل بعد سنتين
مسكت يده بلهفة : دخيلك لا خليه بعد اسبوعين احسن
تنهد : اسمعيني خلاص الحين لما نرجع اخذ اغراضك وارجعها لبيت ابوي مع اني كنت ودي تعيشين عندي
بس خلاص انسي وحتى انسي انه عندك ابو
ضحكت بتريقه : متى كان عندي ابو علشان انساه ؟؟!!
احتدت ملامحه وشد على اسنانه : ريم
ابتسمت وما علقت
وقف وبأمر : يالله قومي
ناظرته وانا جالسه وبعدها وقفت مسك يدي واتجه لمحلات الذهب
ناظرته باستغراب
جاوبني بدون ما اسأل : رح اشتري لك هدية الزواج وبعدها ابتسم على ملامح وجهي المتفاجئه
بعد ما اختار لي الهدية واطلعنا من المحل توجهنا للسياره
ركبت السياره ناظرته بهدوء : لا تفكر بهديتك رح تمحي الكره للي بقلبي لك
ناظرني ورفع حاجب : ومين قال لك اني اعطيتك الهديه علشان تحبيني
ضحك باستهزاء : عمرك ما همتيني الا انه اسمك بإسمي فقط
رديت بإبتسامه : اعرف وبعدها لفيت وجهي للشباك اناظر وانا ابلع غصاتي ........

قطع افكاري دخول طيف وهي تزاعق
ناظرتها بعد ما نقزت وقفت واتجهت لطيف وبهدوء : طيف ابو سلوم وين ؟؟
تخصرت طيف وناظرتني : والله لاقول لجدي انك تقولين عنه كذا
مسكتها من اذنها وشديتها انقلعي من وجهي
وسكرت باب الغرفه بالمفتاح حتى ما تدخل مرة ثانية وتزعجني
كنت اسمعها تتوعد بي بس طنشت وجلست على السرير وفتحت الاب وجلست اتصفح بعض مواقع الازياء ........
&&
&&
&&
&&
&&
&&
&&
&&
وصل الشباب عند الجد للي كان جالس على كرسي بالحديقه لما شافهم وقف : يالله قدامي
نواف برجى : تكفى يا جدي لا تذلنا قدامه تكفى مستعدين نعمل اي شي بس الا الإعتذار
ناظر الجد الشباب للي هزوا راسهم بالموافقه
حك لحيته وبجديه : مستعدين تنفذون اي شي اطلبه منكم
ردوا الشباب بصوت واحد : موافقين

الجد بحزم : ومو تتراجعون ابغى كلمة رجال
سليمان : جدي حنا رجال وعند كلمتنا وما رح نتراجع
ابتسم الجد بانتصار : للي ودي اياه ما ابغى تتعرضون لزياد ولو بكلمه وحده انتم بحالكم وهو بحاله واعطاهم نظره تحدي
انقهروا الشباب وتكلم سليمان بقهر : لك ما طلبت
وبعدها انسحبوا الاربعه بقهر خارج البيت
تنفس الجد براحه انه انهى مشكله زياد والشباب
بعدها توجه والباقي للداخل
خالد وهو يضحك : هههههههه مناظرهم تكسر الخاطر هههه
صقر وهو يحط يده على كتف خالد : عاد كان ودي ابوي يصمم على رايه ويروحون يعتذرون واصورهم ههههه
خالد : تدري ...
قاطعته عند باب الصاله بنته طيف وهي تركض و تبكي
انجن جنونه تقرب منها : وش فيك تبكين ؟؟
اشرت على اذنها
صقر لما شاف اذنها عرف انها ريم وبسرعة شال طيف وهو يبتسم : خلاص انا رح اذبحه احمد لانه ذبحك هالحيوان
طيف وهي تبكي وتدلع : لا مو
قاطعها صقر : رح اخذك معي اشتري لك حلاوه
وحملها وطلع قبل ما تقول طيف انه ريم ضربتها ما حب تصير مشكله بين ريم واخوه فيصل لانه اكثر من مره فيصل نبه على ريم ما تضرب طيف
توجه خالد لاخوه احمد وضربه ليه يضرب بنته واحمد يبكي ويحلف انه ما ضربها
فيصل عصب على خالد ليه يضرب اخوه الصغير
انقهر خالد وطلع من البيت معصب ......
&&
&&
&&.
&&
&&.
&&
&&
&&
&&
&&
كملت تصفح على النت وقررت تروح لجدها بجناحه طلعت من غرفتها وتوجهت لجناح جدها طقت الباب بهدوء
وبعد دقايق فتح لها الجد واستغرب وجودها وبهدوء : بغيتي شي ريم
ريم باحراج : اممم ابغى اكلمك بموضوع
جدي وهو يتثاوب بعد ما ناظر ساعته : الوقت تأخر وش رايك بكره تخبريني فيه
ابتسمت ريم : ما رح اخذ وقت بس خمس دقايق
فتح الباب الجد واشر لها بالدخول
دخلت ريم بهدوء وجلست بالصاله : ام سلوم وين ؟؟ جلس جدي مقابلني : ما تجوزي عن حركاتك يا ريم
وناظرني بجديه المهم وش الموضوع الخطير للي ما يتأجل ؟؟
ناظرته ريم بابتسامة : قول تم
ابتسم الجد : حسب الطلب
ناظرته برجى : تكفى قول تم
تثاوب جدي : طيب تم
ابتسمت ريم : ابغى اروح عند بنات خالي اجلس الاسبوعين عندهم قبل الزواج
احتدت ملامح الجد : لا مستحيل
ناظرته برجى : انت قلت تم
سكت دقايق : امممم طيب اسبوعين كثير
ردت ريم : طيب اسبوع وسبلت عيونها
الجد بهدوء : خلاص تجلسين عندهم يومين
قاطعته ريم : لا جدي قليل ابغى اسبوع
الجد بحزم : ثلاثه ايام او اكنسل الروحه كلها
لوت ريم بوزها بقهر : طيب خلاص موافقة 3 ايام بكره الصبح اروح 8:..
الجد : خلاص بكره اوصلك بنفسي بس لا تخبرين احد وخاصه فيصل ونايف تعرفين عصبيتهم
هزت ريم راسها واستأذنت وطلعت من الجناح تجهز اغراضها .........
&&
&&
&&
&&
&&
بالصاله الداخليه كانت الجده وام خالد وسديم وروان جالسات مع زوجة خالد
ونازلات حش فيها وهي مو فاهمه عليهم
الجده : تدرين يا ام خالد صحيح انها هالمخلوقه بيضاء بس ما في شي يجذب فيها
ام خالد ناظرت زوجه خالد : صادقه يا خالتي ما ادري هالخالد متعلق فيها شايفه حالها وتكلمنا برؤوس خشومها هالكافره
سديم بقهر تكلم زوجه خالد بالاجنبي< بس انا بكتب لكم الترجمه :)
: لماذا لا تذهبين للنوم ؟؟
ناظرتها زوجة خالد بغرور : اذا كنت متضايقه من وجودي فغادري انت
الجده تناظر سديم : هالملعونه وش تقول ؟؟
سديم لوت بوزها : اقول لها انقلعي على غرفتك تقول لي اذا متضايقه مني انقلعي من هنا
شفتي با جده تطردني بقوه عين
ناظرتهم بغرور وحقد وهي مو فاهمه عليهم
فجأة دخلت ريم المجلس بعد ما جهزت ملابسها
وبصوت عالي وهي تكرر حرف الراء : مرررررررحبا
لوت الجده بوزها : انت ما نمتي للحين
اقتربت ريم من جدتها وباستها باسلوب ينرفز : امواااح ما اقدر انام بدون ما اشوفك يا ام سلوم
مسحت الجده خدها وهي منقرفه
ناظرت ريم واشرت على زوجه خالد : مين هاذي ؟؟
ام خالد بدون نفس : زوجة خالد ابني
ابتسمت ريم وهي تهز راسها : ام طيف ومصعب ؟؟
الجده : ايوه
اقتربت ريم منها وهي تبتسم : اخبارك يا حلوه ؟؟
روان بغرور : مو عربيه هاذي اجنبيه ما رح تفهم عليك وش عرفك بلغتهم
قاطعتها ريم : طيب روحي انخمدي احسن لك واعطتها نظرة اشمئزاز
وبعدها ناظرت زوجه خالد وابتسمت ومدت يدها وسلمت
الجده : ابعدي عنها يا ريم يمكن تعديك وتصيرين كافره مثلها
تفاجئت ريم : مو مسلمه ؟؟
ام خالد ببرود : صار لنا 8 سنوات نقنع فيها هالكافره ومن دون فايده وناظرت زوجه خالد باشمئزاز
ناظرت ريم زوجه خالد وهي تشعر بالحزن مو قادرة تستوعب انها هاذي كافره
مستحيل تفرط بهاذي الفرصه وتضيعها منها لازم تقدم شي للاسلام
ابتسمت لزوجة خالد وجلست بجانبها وسألتها بالانجليزي : كيف حالك
قاطعتها سديم وروان بضحكة استهزاء : هههه حافظه هالجمله بالمدرسه وجايه تسمعينها هنا
ناظرتهن ريم بغرور وبعدها التفتت على زوجه خالد وابتسمت و بالانجليزي : سخيفات اليس كذلك ؟؟
روان بقهر : ما حد سخيف غيرك
طنشتها ريم ومسكت يد زوجه خالد وهي تبتسم : ما رايك ان تاتين معي لغرفتي نجلس براحتنا بعيد عن الازعاج
ابتسمت زوجه خالد لريم : حسنا
الجده بقهر : شوفي هالكافره من لما جت وهي ماده البوز والحين تبتسم مع هالقرده
ردت ريم وهي تتدلع وتسبل عيونها : ام سلوم كل هاذي الحلاه وتقولين قرده
روان بقهر : يقطع حلاتك انت والشيفه للي جنبك لايقات على بعض لانكم سخيفات
طنشتها ريم وهي تبتسم وتحرك حواجبها
وطلعت من الصاله وتوجهت لغرفتها فتحت ريم الباب وناظرت زوجه خالد بابتسامة : مرحبا بك في غرفتي
زوجة خالد بابتسامة: شكرا لك
جلست ريم وزوجة خالد على حافة السرير
ريم وهي مصممة انها ما تضبع الفرصه من يدها لكن بالبداية لازم تتعرف شوي عليها
ريم : ما اسمك ؟؟
زوجه خالد بابتسامة : كاترين وانتي ؟؟
ريم : اسمي ريم كم عمرك ؟؟
كاترين :26 سنه وبابتسامه وانت ؟؟
ريم :14 عام
كاترين : واو انت صغيره كما توقعت
ابتسمت ريم وبدت تحكي معها وتتعرف عليها وعلى جياتها بالخارج
من خلال حوارها عرفت انه علاقتها باهل خالد سيئه وانه اطفالها مو متعلقين فيها لانه دايما اهل خالد يبعدونهم عنها لانها مو مسلمه ويخافون على الاولاد منها فهي عناد بهم رفضت دخول الاسلام من تعاملهم الجاف معها
تعاطفت ريم معها وحست بالقهر من بيت عمها كيف نفروها من الاسلام بسبب تصرفاتهم المغروره
واستغلت ريم هاذي الثغره ودخلت منها وبدت تخبرها انه بيت عمها ما يمثلون الاسلام وكل الناس تخطئ طبعا ما اعطتها ادله من القران او السنه لانها اصلا لا تؤمن بالقران كيف تعطيها دليل منه بل استغلت تقنعها بالعقل والتفكر بهذا الكون وبعد نقاش طويل
وبكاء ريم خايفه على كاترين تموت وهي كافره
تاثرت كاترين بكلامها وخاصه انها مقتنعه بس عناد باهل خالد رفضت الاسلام
ريم من بين دموعها : اخاف ان يقبض الله روحك قبل ان تدخلين الاسلام
مسحت كاترين دموع ريم وعيونها مليانه دموع : لم اعلم ان هناك مسلمون رائعون مثلك يا ريم
لا انكر اني مقتنعه بالدخول لكن عنادي وترددي هما السبب في عدم دخولي الاسلام
بالرغم من محاولات خالد في اقناعي لكنك استطعتي ان تقنعيني شكرا لك
ريم بابتسامة وحماس : هيا لنردد الشهاده معا
هزت كاترين راسها بابتسامه وسعاده
ريم : اشهد
كاترين : اشهد
ريم : ان
كاترين : ان
ريم : لا
كاترين : لا
ريم : إله الا الله
كاترين : إله إلا الله
ريم : وان محمدا
كاترين :وان محمدا
ريم : رسول الله
كاترين : رسول الله
حضنت ريم كاترين وهي تبكي : الحمد لله الحمد لله

وقفت كاترين بفرحه : سأذهب اخبر خالد بهذا الخبر لقد انتظر هاذي اللحظه لمده طويله
ابتسمت ريم وهي تمسح دموعها
غادرت كاترين الغرفه وهي بقمه سعادتها
قفلت ريم الباب بالمفتاح وهي تردد الحمد لله انه ربي قدرني اقدم شي للاسلام الحمد لله
&&
&&
&&
&&
&&
&&

ضاقت أنفاسي مشـ© الروايات ©ـرفة

نزلت كاترين للصاله الداخليه وهي تبتسم شافت خالد جالس وقفت بابتسامة : خالد لدي خبر سيفرحك
خالد ببرود : ما هو ؟؟
الجده تناظرهم نظرات تضحك : هاذي وش تقول اخاف قاعده تشتم فينا وانت ساكت لها !!
كاترين ما اهتمت لكلام الجده لانها ما تفهمه ناظرت خالد : لقد اسلمت
خالد وهو مو مصدق : قولي قسم
كاترين معتاده على هاذي الكلمه من خالد ضحكت : قسم
وقف خالد بابتسامة : الحمد لله الحمد لله ضربها على راسها بالخفيف : ما الذي غير رايك ؟؟
ردت بابتسامة : فتاه هنا اسمها ريم اقنعتني ورددت الشهاده وراءها

ام خالد بابتسامة : الحمد طلع من ورى هالريم فايده
الجده : تراني ماني فاهمه شي !!
ام خالد : هاذي زوجة خالد اسلمت والقرده للي فوق هي للي اقنعتها
الجده بابتسامة : الحمد لله على نعمة الإسلام بس هالقرده ريم ما جلست معها ساعتين اقنعتها
خالد يناظر امه : هاذي البنت طلبها بلسانها مكافأة لها على هذا الانجاز والله تستاهل مو مثل اخواتي نفروها من الاسلام
الجده : لا تغتر تراها هالملسونه
قاطعها دخول فيصل وخبروه بالخبر وفرح وحمد الله انها اسلمت
وتعجب من هالريم : الحمد لله على الاقل طلع من وراها هالملسونه شي مفيد
الجده : صادق يا ابو خالد اثاوبت الجده تاخر الوقت اروح انام
ام خالد وقفت : صحيح تاخر الوقت الساعه 2.30
وين نواف
فيصل وهو يطلع من الصاله : بالملحق مع الشباب ودهم ينامون هناك
هزت راسها ام خالد وطلع الجميع كل واحد على جناحه .........

&&
&&
&&
&&
&&
&&
جالس نواف وسليمان وصقر جنب بعض
صقر وهو يناظر بدر وعمر : شوفوا اتوقع انهم انهبلوا
كان بدر وعمر يتهامسون ويضحكون
نواف : الحمد لله انهم رجعوا مثل اول وانتهى خلافهم بعد ما قطعوا الامل من جدي
سليمان وهو يسند راسه على الجدار : قلت لك رح يرجعون مثل قبل
نواف ناظر سليمان : مقهور مو قادر استوعب لو جدي صمم انروح نعتذر كيف رح يكون منظرنا
سليمان بعصبية : تدري يمكن وقتها ارتكب جريمه بزيادوووو
ابتسم صقر وبنفسه لو يدرون انه ابوي اتصل بزياد علشان يعتذرون بس رفض زياد انهم يعتذرون وحلف يمين
علشان كذا ابوي كنسل روحتهم
..............

&&
&&
&&
&&
&&
صحيت ريم الصبح وهي تثاوب تذكرت وقفت بسرعة
ومسكت الجوال وضربت على جدها بعد دقايق فتح خط
ريم بحماس : وينك ؟؟ متى نروح ؟؟
الجد بهدوء : اسمع الحين مو مناسب بعد ربع او نص ساعه اتصل عليك وتكون جاهز
عرفت ريم انه واحد من اعمامها موجود علشان كذا يتكلم معها بصيغة المذكر فاضطرت توافق : اوكي انتظرك
توجهت للحمام حتى تجهز نفسها للطلعه
&&
&&
&&
&&
&&
&&
&&
استأذن فيصل علشان يطلع يشوف عياله بالملحق ويصحيهم لصلاة الجمعه
انتهز الجد الفرصة واتصل على ريم بعد ما طلعت الجده للمطبخ
توجه لسيارته بهدوء وجلس ينتظر ريم وبعد دقايق كانت جالسه بالسياره وهي تلهث من التعب
وبعدها ناظرت جدها وابتسمت
رد الجد لها الابتسامه وحرك السياره
ريم بهدوء : امممم افكر اجهز للعرس مع بنات خالي
ناظرها الجد بهدوء : ريم نصيحتي لك ابعدي عن بنات خالك لا تظنين اني الحين ودي اتحكم فيك وافرض شخصيتي عليك
لا بالعكس انا ابغى مصلحتك
ريم بهدوء : بس هم طيبات معي
الجد بدون ما يناظرها : انا حذرتك ولا تنسي انهم مو من ثوبنا
وزياد لو يدري انك رايح لهم ما ظنيت يقبل لانه عيله ابو سعد معروفه كل شي فري عندهم
ناظرت ريم جدها : لا تخبر زياد لانها رح تكون اخر مره رد جدها : اصلا وافقت لانها رح تكون اخر مره وما حبيت ارفض طلب لك يا عروسه وابتسم
ريم بابتسامة : مشكور
مسك الجد يدها بجديه : ريم انا واثق فيك انتبهي للباسك
قاطعته ريم بابتسامة : ان شاء الله امممم حد يدري عن طلعتنا ؟؟
الجد بهدوء : لا ما حد يدري لما توصلين واطمن عليك وقتها اخبرهم
تعرفين نايف وفيصل ما حبيت اكدر خاطرك قبل ما تطلعين
لما ارجع بخبرهم وقتها ما يقدرون يعملون شي
ناظرت ريم جدها بامتنان : مشكور
&
&
&
&
&
&
&
&
الجده بالصاله الخارجيه جالسه لوحدها دخل فيصل
ناظر الصاله وجلس : ابوي وينه ؟؟
الجده بهدوء : والله ما ادري رجعت ما لقيته وسألت الخدم يقولون طلع انت ما شفته ؟؟
فيصل مسك الجوال : لا ما شفته الحين اتصل فيه
اتصل فيصل على الجد وبعد عده رنات فتح خط
فيصل بهدوء : الو ......وينك يبه ........طيب مع السلامه
ناظرته الجده وبيدها فنجان القهوة : وينه ؟؟
فيصل وهو يعدل جلسته : يقول قريب الحين يوصل
دخل خالد وبعده نايف وجلسوا معهم
وبعد عدة دقايق دخل الجد رد السلام وجلس بهدوء
فيصل : وين رحت يبه ؟؟
الجد بدون مبالاة : وصلت ريم لبيت جدها
فيصل وملامحه احتدت : نعم كأني سمعت غلط وين وديتها ؟؟
الجد وهو يشرب القهوة : صاير ما تسمع يا فيصل اقول لك ارسلت ريم لبيت جدها تجلس هناك 3 ايام قبل عرسها
فيصل بقهر : يبه
قاطعه الجد بحزم : ولا كلمه اسمع البنت عندي وارسلها واجيبها ما حد له دخل وللي عنده كلام يحطه بحلقه وناظر نايف وفيصل بحزم
نايف للي احمر وجهه من العصبيه بس كتمها ناظر الحاضرين بقهر وطلع من المجلس زعلان
الجده تناظر نايف لما طلع من الصاله : عجبك هذا نايف طلع زعلان
الجد بلامبالاه : للي يزعل بيرضى وناظر خالد اليوم اي ساعه طيارتك ؟؟
خالد بهدوء : بعد العصر ان شاء الله
الجده : متى تستقر هنا متى ؟؟
فيصل بقهر : خله عند الشقر احسن من شوفتنا عنده
ابتسم خالد : انتم اغلى من الدنيا كلها عندي
الجده بقهر : وملكة اخوك ما رح تحضرها وبعدها تذكرت شي
ناظرت الجد
طيب انت ارسلت ريم عند بيت جدها وبملكة نواف مين رح يجهزني ؟؟؟
الجد ببرود : اعتقد اني قلت 3 ايام رح تجلس و خطبه نواف يوم الخميس والاثنين ريم رح تكون هنا بإذن الله
خالد : طيب ليه ما تروحين على الصالون احسن لك ؟!!
دخلت ام خالد وبيدها صينيه حلا : اسكت هاذي البنت فنانه مكياج والله لو تشوف جدتك ما تعرفها تقول وحده بالثلاثين
الجده اعطتها نظره : ام خالد
ضحك الجميع على شكل الجده الا فيصل للي كان شاد على قبضه يده من القهر .....
ناظر خالد جده وبفرح : ما قلت لك يا جدي انها كاترين اسلمت وبدأ يخبره والجد مبسوط على الاخير وهو يحمد الله على هذا الخبر



&
&
&
&
&

دخلت ريم بيت جدها وكان البيت هادي دخلت الصاله وهي منحرجه شوي
وكان جدها وجدتها جالسين يتقهون سلمت عليهم وهي منحرجه
وطنشت نظرات الاستغراب واستأذنت منهم تطلع تكمل نومها فوق
صعدت لغرفة البنات وفتحتها بشويش وشافت البنات
نايمات
ابتسمت بشوق للبنات من زمان ما جلست معهن واستانست
رمت العبايه والشيله على الارض ورمت نفسها على سريرها القديم
ودخلت بعالم الاحلام ..........
بعد مرور ساعات صحيت ريم مفزوعه من المويه للي على وجهها
ناظرت حولها والبنات واقفات يناظرنها
ريم بصراخ : وقسم بالله لتندمن يا حيوانات ومسحت المويه عن وجهها
ضحكوا البنات وهجموا عليها يسلمون واصواتهم العاليه تضج بالمكان
قطعت عليهم الشغاله : يالله غداء جاهز
وقفوا البنات ومسكت ريم العبايه ولبستها وحطت الشيله على راسها
شروق : ليه لبستي العبابه ؟؟
ريم بدون اهتمام : اكيد اولاد خالي تحت
منار : ليه وسيعه كذا مو حلوه ولوت بوزها
ريم بابتسامة : انا عاجبيتني كذا
شوق بنغزه : عاجبيتك والا غصب عنك لبستيها ؟؟
تضايقت ريم من كلامها وخاصة انه صحيح
طنشت : يالله ننزل
سكتوا البنات ونزلوا تحت
دخلوا صاله الاكل وكان الجميع موجود سلمت عليهم ريم بهدوء
تفاجئ اغلبهم بوجودها بس ما حد علق
بعد الغداء انتقلوا وجلسوا بالمجلس الداخلي
دخلت ساره وتفاجئت بوجود ريم
ناظرتها ريم وتذكرت عقوق الوالدين وقفت وسلمت على ساره ببرود
ورجعت مكانها تتكلم مع البنات وتضحك قاطعها سؤال غاده : غريبه انك زرتينا كيف وافقوا انك تيجي ؟؟
ردت ريم بابتسامة : طلبت من جدي ازوركم واجلس عندكم كم يوم قبل العرس
جدتي بهدوء : عرس مين ؟؟
ريم بابتسامة : عرسي زواجي بعد اسبوعين
كل بالمجلس ناظروني باستغراب
ساره بقهر بنتها تتزوج وهي اخر من يعلم : انت من كل عقلك وافقتي تتزوجين اكيد ابوك زوجك حتى يرتاح منك
شوق بغيره : طيب من اولاد عمك ؟؟
ريم بهدوء : لا ابن صديق جدي اسمه زياد
وقف خالي محمد وهو مدهوش : زياد
وناظرني باستصغار وطلع
جدتي بغيره : الحين زياد خاطبك بس ما سمعت انه خطب واعطت ريم نظرة تشكيك
ردت ريم بهدوء : ملكنا من شهرين تقريبا
ساره بقهر : من شهرين وحنا اخر من يعلم
غادة وهي رافعه حاجب : يمكن خايفه حد يخطفه منها وما خبرت حد
ريم بهدوء وهي مطنشه نظراتهم : لا مو كذا بس ارقامكم مو عندي وانتم ما تسألون عني
وبعدها ناظرت ريم البنات وطلبت منهم يطلعون للغرفه
طلعوا البنات للغرفه
ساره بقهر : شفتي هالحقير مزوج البنت بدون علمي نفسي اقهره هالحقير
غاده بخبث : عندي خطه تخليه يولع ويموت قهر
ساره : لا تقولين نقنع ريم تكنسل الزواج
قاطعتها غاده : لا يا غبيه حتى لو ريم طلبت تكنسله
ما رح يسمعون لها
انتي ما عليك انا رح ارسم خطه تقهر نايف قهر
الجده وقفت : اتركي افكارك الخبيثه يا غاده وش عليك من الناس
&&
&&
&&
&&
&&
&&
&&
&&
شروق : وش رايك يا ريم اليوم نطلع للسوق وتشترين اغراض للزواج
ابتسمت ريم بهدوء : اوكي ما عندي مانع
وجلسوا البنات كالعاده ضحك ولعب ووناسه بعد المغرب تجهزوا البنات للطلعه
شوق رفعت حاجب : ريم وش هذا اللبس ؟؟ ودك تفشلينا بالسوق؟؟
منار : صحيح انا اعترض للي يشوفك يظنك الشغاله بهاذي العبايه حتى مكياج ما حطيتي !!
ريم بهدوء : خطيبي يزعل اذا لبست عبايه ضيقه او حطيت مكياج كذا احسن
جلست شروق : انا ما رح اطلع يعني يا ريم ودك تفشلينا شوفي عباتك سوداء بدون اي زخرفه

كانت ريم بصراع داخلي جلسوا البنات يقنعونها بكلامهم حست نفسها لانت
بس تذكرت كلام جدها وهو يوصيها على لباسها مستحيل تخذله وهو اكيد زعل اولاده علشان اجي هنا
ناظرت البنات وجلست على السرير بهدوء : خلص دام شكلي يفشل ما رح اطلع
ورمت الشيله على الارض
حاولوا البنات يقنعوها لكنها عاندت اضطروا البنات وطلعوا عالسوق كانت تشتري وهي مبسوطه وبنات خالها منشغلات بالترقيم وبنفس الوقت يختارن معها بعض القطع ......
كانت تقضي ريم وقتها مع بنات خالها بالضحك وما داومت بالمدرسه ولا حتى شافت ساره ولما تكون ساره موجوده ما تنزل بما انه امها ما تبغى تشوفها
خلاص ما في داعي للاحراج
اليوم الاثنين وجد ريم ما مر يوخذها وتحسفت انها ما اخذت الجوال معها
من السرعه نسيته في غرفتها مو عارفه كيف رح تتواصل مع جدها
وهي مو حافظه رقم حد من اهل ابوها
وقفت على الشباك وشافت امها وتساءلت بنفسها عن سبب الطلاق بين امها وابوها مع انه امها جميله حيل واحلى من ساميا !!
ليه ابوها طلق امها ؟؟؟
وش الخلاف للي يخلي العائلتين تحمل حقد على بعضها مثل كذا !!
كان نفسها تعيش بين ام واب متفاهمين !!
وش الماضي الاسود للي يقول عنه ابوها ؟؟!!
كيف تعرف ابوها على امها وتزوجوا ؟؟
اذا كانت جدتها تكره ساره طيب هي وش دخلها ؟؟
ليه يحطونها بوسط الخلاف ويحملونها هالغلطه ؟؟
ليه ليه كانت ريم تسأل نفسها ويرجع صدى
سؤالها على نفسها ما في اجابه عندها اااااااااا

مرت الايام وريم مو مرتاحه صحيح تضحك ومبسوطه مع البنات وكل يوم تطلع للسوق
بس في امور مكدره خاطرها
تدخل البنات بلبسها يخنقها واكثر من مره طلبت منهم ما يتدخلون
ومع ذلك كل ما يطلعون على السوق يفتحون نفس الاسطوانه
نظرات اهل جدها لها وكانهم يسألونها بنظراتهم متى ترجعين
الجفوه للي بينها وبين امها صارت اكبر والحواجز اقوى
جلست ريم على السرير وهي متضايقه
اخذت نفس وهي تقول بنفسها
اليوم السبت وجدها ما اخذها ولا حتى سأل عنها
غريبه وش صار عليهم ؟؟؟؟
والمدرسه ولا يوم داومت لو داومت كان سألت بنات عمها
محتاره وبنفس الوقت خايفه
وينهم لا حس ولا خبر ؟؟؟؟؟؟؟؟؟

**
**
**
**
**
**
**
**
انتهى البارت ....انتظروني يوم الخميس بإذن الله ...دمتم بخير
[/size]

Najoudh ©؛°¨غرامي مجتهد¨°؛©

تسلمي علي البارت
بجد خالاتها وستها شي غريب يلوموها
انها ماقالتلهم اخبارها طيب مو لمن تسالو ولا الام ماكيد سالتي عنها
ومنتي حابة تشوفيها فليش طيب تزعلي من نايف علي الاقل نسيبين نايف افضل منك
كون انها عايشة عندهم
وغادة وسارة
اعتقد سبب غياب الجد تخطيط من غادة
بانتظارك يوم الخميس

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1