ضاقت أنفاسي مشـ© الروايات ©ـرفة

[size="6"]



طلب الجد بعد العشاء من اولاده يتجمعون بالمكتب بعد ما خبرته الجده بالموضوع
بعد ما اجتمع كلهم بالمكتب
ناظرهم الجد بهدوء وركز نظره على نايف : اليوم
زارتنا ام راكان
وجلست مع امكم وخبرتها انهم ودهم يخطبون
ريم لراكان
سلطان باعتراض : يبه البنت صغيره ليه ودكم تزوجونها

فيصل مو عاجبه الوضع : وش عرفهم فيها ؟؟
الجد بدون ما ينتبه : راكان طلب من امه تخطبها
له
بعدها انتبه وسكت
نايف بغيض : وش عرفه فيها وهي بس من 3 اشهر
هنا
الجد يرقع : امه تكلمت قدامه انها تفركش موضوع
زواجها لانه خالها بالرضاع وبعدها طلب منها تخطبها
له نايف : هاذي السوالف ما تدخل راسي
يعني تفركش زواجها ييجي يخطبها ما ندخل عقلي السالفه
ابو سليمان بهدوء : علامك معصب ؟؟ راكان جار لنا
من هو بزر عمرنا ما شفنا عليه الزله
شاب ما شاء الله عليه محترم ومؤدب وخلوق
وملتزم بصلاه المسجد وش فيها لو خطب بنتك
يمكن شافها وهي رايحه للمدرسة ولا تنسى انه بنتك
ما تتغطى
صقر بنذكر : ايه صحيح تذكرت البارحه لما كنت قريب من
الالعاب كان معي مصعب واحمد وريم
وهناك التقيت براكان واكيد شافها معي
حتى صور مصعب وهو يبكي وارسلها لخالد
سكت نايف وتذكر انه صقر خبرهم البارحه بالموقف .بس تذكر شي وعصب : وش عرفه بإسمها ؟؟؟
صقر وهو يمسح على شعره باحراج : انا قلت اسمها
بدون قصد قدامه
صقر ناظره وعيونه يتطاير منها الشر : اخخخ منك
ودي اكسرك كيف تذكر اسمها قدام رجال غريب
الجد بحزم : خلاص يا نايف ما صار شي لو عنده
راكان شي عاطل ما ارسل امه تخطبها من ثاني يوم

سكت نايف لما شاف كلامهم صحيح اخذ نفس
وبعدها ناظر ابوه : انا ما عندي مانع موافق على
راكان
فيصل بحده : وانا مو موافق
نايف بهدوء : وش السبب ؟؟
فيصل ناظر ابوه : اولاد عمها اولى فيها من الغريب
صقر : اتوقع انه القرار للبنت ناخذ رايها

الجد بهدوء : بما انه وافق نايف خلاص انا حبيت اعلمكم
بالموضوع وبما انه نايف ما عنده مانع القرار الاخير
لي وبكره رح اسأل البنت بنفسي
واذا وافقت ما رح اقف بطريقها
فيصل بعصبية : يبه اكيد رح توافق نسيت يوم ملكتها على زياد
الجد ببرود : اذا وافقت على بركه الله الله يكتب لها الخير
وبعد اسبوع او اكثر نرد لهم خبر وما حد يتدخل
بالموضوع بعد كلامي هذا واعطى نظره حاده لفيصل
سكت الجميع وما حد علق


************************************
************************************
ثاني يوم دخل الجد بيت نايف وتوجه لغرفه
ريم بعد ما سأل عن مكان الغرفه
طق الباب بهدوء وفتح الباب بعد ما سمع صوتها
تقول : ادخل
دخل الجد بابتسامة تفاجئت ريم من وجوده ووقفت
على حيلها وتقدمت منه : هلا وغلا
الجد سلم عليها وجلس على طرف السرير : الله يحييك
اخبارك ؟؟
جلست ريم جنبه وبابتسامه : الحمد لله بخير
الجد بهدوء : والدراسه ؟؟
هزت راسها : الحمد لله
الجد بهدوء : الحمد لله
اسمعي يا ريم البارحه خطبك
تفاجئت ريم وقاطعته بهدوء : جدي لا تكمل انا ما ابغى اتزوج خلاص ودي اكمل دراستي
الجد : الشاب ما شاء الله عليه ملتزم وصيدلاني ويكون
جار لنا اسمه راكان
ريم بدون مبالاه : ما يهمني خلاص انا مرتاحه هنا
وما افكر بالزواج
حط الجد يده على جبهتها بمزاح : درجه حرارتك مرتفعه
مستحيل انت نفسك للي اكلتينا يوم ملكتك على زياد
اكيد انك مريضه اقول لك جايك عريس !!!

ابتسمت ريم : وانا اقول لك اني رافض
مستحيل اتزوج قبل ما اكمل دراستي للي ابغاها
الجد بابتسامة : الله يوفقك
مرتاحه هنا ؟؟
هزت ريم راسها بالموافقة
الجد باهتمام : اذا ضايقك بشي قولي لي وانا اتفاهم
معه
ردت ريم براحه : والله مرتاحه اكثر هنا
الجد وهو يقرص عيونه : وش قصدك ؟؟؟
ضحكت ريم : والله ما اقصد شي
وقف الجد : مصممه على رايك ؟؟
هزت ريم راسها
الجد : وش رايك تاخذين مهله يومين تفكرين
ريم بإصرار : لا لا ما افكر بالموضوع كله
هز الجد كتفه : براحتك
وبعدها طلع من الغرفه
رمت نفسها على السرير وهي تفكر
مستحيل تتزوج خلاص رح تبقى عازبه طول حياتها
راكان تذكرت موقف المول وحاولت تتذكر شكله
اكيد هذا للي صور مصعب
بدون مبالاه ان شاء الله وزير ما ابغى اتزوج
يمكن المره هاذي يطلع عمي بالرضاعه
عدلت جلستها وفتحت اللاب ورجعت على الصفحات

*****************
*****************
*****************
*****************
وقت الغداء نزلت بهدوء وتوجهت لصاله
الطعام
كان الكل متواجد ردت السلام بهمس وجلست
كالعاده جنب سلمى
نايف بهدوء : بسم الله اللهم بارك لنا في ما رزقتنا
وقنا عذاب النار
وبعدها بدأ الجميع بالاكل
لينا بابتسامة : بابا اليوم اخذت درجه كامله باختبار
العلوم
نايف بفرح : ما شاء الله رح اجيب لك هديه اليوم
سلمى بنعومه : وانا اخذت درجه كامله باختبار العلوم
نايف بابتسامة : وانتي برضو لك هديه
وانت يا سيف كيف امتحان اليوم ؟؟
سيف لوى بوزه : صعب الاختبار ما ادري من وين
يجيبون هاذي الاسئله
حتى الاول بالصف ما عرف يحل صلح الاستاذ ورقته
وقال له علامتك مو زينه
نايف رفع حاجب : وانت كم درجتك ؟؟
سيف : ما اخذتها باكر اخذها
نايف ناظره بحسره : ما ادري ليه مو طالع ذكي
بالمدرسة
يا خوفي تطلع لبدر وعمر
ساميا : لا حرام عليك والله انه ذكي بس يحتاج
وقت
نايف وما عجبه كلامها : متى ييجي هذا الوقت
يمكن طالع لاخوك محمد
ثلثين الولد لاخواله
ساميا لوت بوزها : مو عاجبينك اهلي ؟؟
نايف بابتسامة : اهلك على عيني اما اخوك محمد
هذا انا ما ابلعه
غثيث
لينا : ودايما يضربنا
لوت ساميا بوزها بقهر : ما اسمح لكم هذا اخوي
تتكلمون عليه كذا
نايف بتريقه : حاضر عمتي
كانت ريم تناظرهم وهم يتكلمون وهي مثل الكرسي
نزلت راسها واكلت لقمه صغيره من الرز
وبعدها وقفت وطلعت من الصاله
وحست بقهر ولا حد يهتم بأكلها
توجهت لغرفتها دخلت وقفلت الباب وطلعت بسكويت وجلست تاكل بهدوء
من اول ما جاءت عند نايف وهي تعتمد على البسكويت والعصائر وسلطه

&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&


ساميا : عاجبك اكلها لازم تكلمها تاكل يمكن تستحي
منا باكر يصيبها ضعف دم ما شفت كيف نحفانه
زياده
حرام كذا البنت ما تاكل شي
نايف بلامبالاه : ما حد مسك يدها وقال لها لا
تاكل شوفي الاكل يا كثره
ساميا ما عجبها كلامه سكتت وما ردت
*************
********_*****
***************

الجده بحرج : والله ما ادري وش اقول لك بس
البنت رافضة ودها تكمل دراسه
ام راكان بقهر : لا عادي كل شي قسمه ونصيب
الجده : الله يرزقه بنت الحلال للي تسعده
ام راكان : امين يالله ما اطول عليك
الجده : مع السلامة

قفلت الجوال وناظرت ابنها بقهر : ست الحسن
رفضت ما تبغى تتزوج ودها تكمل دراستها
راكان بهتت ملامحه : طيب انا مستعد ادرسها
وانتظرها تكمل
ام راكان بعصبيه : وش تبغى فيها بنت باعتبار
مطلقه وفيه 100 بنت تتمنى تخطبها
راكان بتصميم : عاجبيتني ورح اخطبها بنفسي
مره ثانيه من جدها
ام راكان بقهر : ليه تذل نفسك على شانها رفضتك
بقلعتها
راكان : اكيد رفضت لانها طالعه من تجربه واكيد
تأثرت نفسيتها
ما رح استسلم والحين رايح على جدها
ام راكان : خلاص البنت رفضتك ليه تركض وراها
وقف راكان عند الباب : عجبني ادبها واخلاقها
وطفولتها وكل شي
يطلع لها تتدلل
وبعدها طلع وام راكان حاسه بقهر ودها تاكل ريم
كسرت بخاطر ابنها

************************

دخل مجلس الرجال وبعد الترحيب
راكان ناظر الجد بتوتر : والله يا عم وصلنا ردكم
بس انا الحين اطلبها مره ثانيه على سنه الله ورسوله
الجد بحرج : بس والله البنت انا سألتها بنفسي
حتى رفضت بدون ما تعرف الشخص رافضة
الزواج نهائيا وحاولت فيها تفكر بالموضوع
وربي يشهد اني مدحتك امامها بس البنت رافضة
راكان بخيبه : طيب يا عم شاورها مره ثانيه وقول لها
اني مستعد ادرسها وانتظرها تكمل دراسه
فيصل كان يناظره ورافع حاجب مو عاجبه
خلاص البنت رفضت ليه يرجع مره ثانيه
الجد بهدوء : جيتك عزيزه علي
تكرم ما طلبت شي انا اليوم ارجع اكلمها
راكان ببصيص امل : مشكور يا عم ما تقصر
والحين اسمح لي تأخرت على الوالده
الجد بابتسامة : مسموح يا ابني
بعدها طلع راكان وعنده امل انها توافق
بعد ما طلع راكان
فيصل بقهر : وان شاء الله رح تسألها مره ثانيه ؟؟
الجد ببرود : رح احاول فيها مره ثانيه
فيصل بتفكير : غريبه ريم ترفض عريس !!
الجد : تقول ودها تكمل دراسه
وبعدها وقف : اروح اشوفها واسألها مره ثانيه

طلع الجد ودخل فيصل للصاله الداخليه
كانت زوجته وامه قاعدات
جلس فيصل جنب امه بهدوء
الجده بلقافه : وش يبغى راكان ؟؟؟
فيصل بقهر : جاي يخطبها مره ثانيه ابوي راح
يستشيرها مره ثانيه
ام خالد بفرحه : يا رب توافق وين تلقى احسن من
راكان
ناظرها فيصل بغل : اشوفك مبسوطة ؟؟!!
ام خالد : كيف ما انبسط اذا وافقت ارتاح انه ما ياخذها واحد من عيالي
فيصل بعصبية : وبعدين مع تفكيرك هذا
اخخخخخخخ لو يوافق ابوي وقسم
بالله الا اليوم تملك على سامر او نواف بس لو يوافق
ابوي
ام خالد سكتت لما شافت عصبيته ولوت بوزها بزعل
الجده : وبعدين معك وانت واياها
خلاص سكروا الموضوع
ام خالد بزعل : انا للي اسكر حلقي علشان بعض ناس ترتاح
وناظرت فيصل بزعل وطلعت
الجده زفرت بضيق : الله يصلحكم


************************
************************

ناظرها نايف ببرود : ليه رافضه ؟؟
ريم ناظرته وبعدها ناظرت جدها : ودي اكمل دراسه
الجد بهدوء : بس هو مستعد يدرسك وينتظرك حتى
تكملين دراسه
ريم بعناد : بس انا ما ابغى اتزوج مرتاح كذا
الجد : يعني الشاب رجع طلبك مني مره ثانيه
والله يعز علي ارد شاب مثله خلوق ومتعلم
سكتت ريم وناظرت ابوها : اذا وجودي يضايقك
اعتبرني موافقه
ناظرها نايف : ليه يضايقني وجودك وعدمه واحد
بالنسبة لي
الجد بحزم : نايف
ريم بابتسامة : خلاص قول لراكان ما في نصيب
انقهر نايف منها وكأنه يقول نكته قاعده تبتسم
الجد : خلاص براحتك
وبعدها طلع الجد و نايف
جلست ريم على السرير ومستغربه
من اصراره على خطبتها


*********************
رغد بحقد : قزمه وش عاجبه فيها حتى يخطبها
مرتين
ولا والاخت تدلل رفضته مرتين
روان بغيره : الحين تنفش ريشها بزياده انها
انخطبت ورفضت مالت عليها هالكلب
سديم : امي لما عرفت انها رفضته ارتفع ضغطها
وناظرت سميه : تعرفين ابوي ناوي يخطبها لنواف
او سامر
سميه بفجعه : طيب وانا ؟؟
روان : ابوي يقول مجرد خطبه وكلام لو فسخناها
ما يصير شي
سميه بحقد لريم : الله لا يوفقها اذا ودها تاخذ
خطيبي
مي : لا تستبعدي عنها شي هاذي حيه
رغد : الله ياخذها ويريحنا منها
سديم : امين


***********************
***********************

مر اسبوع على خطبه راكان لها
واليوم خبرها نايف علشان تروح تفك الجبيره
جهزت نفسها ونزلت بهدوء
وجلست بالصاله تنتظره بعدها نزل بهدوء
واشر لها
وقفت ومشت خلفه باتجاه السياره
جلست من الامام وهي متردده
وبعدها حرك نايف بهدوء
دخلت المستشفى وكملت الاجراءات والعلاج وجلست بكراسي الانتظار
نايف بهدوء : اجلسي هنا دقايق ما رح اناخر ويا ويلك
لو تحركتي من هنا
هزت راسها بهدوه
بعد ما راح نايف صارت تلعب بأصابعها
لدقايق رفعت نظرها واستغربت من هذا الشخص
للي قاعد يطالعها ومن عيونه واضح القهر
نزلت عيونها بسرعه للارض وصارت تطالع الارض
وعقلها يفكر ليه كذا يطالعها وكأنها ماكله حلاله
حست بيد على كتفها زعقت بخوف
ظنته الشاب
رفعت نظرها كان نايف ويناظرها بوعيد : اقطعي
صوتك فضحتينا حسابك بعدين
قومي يالله نرجع عالبيت
هزت راسها وقلبها يدق بقوه من الخرعه
وقفت ومشت خلفه
وقفت لما شافته وقف مع نفس الشاب للي كان
يطالعها
فتحت اذانها على وسعهم حتى تسمع وش يقولون
سمعت ابوها يقول له راكان
هذا راكان صحيح نفسه للي كان بالمول
علشان كذا يناظرني وزعلان
هزت راسها بتفهم بس صرخت صرخه هزت المكان
لما وضع شخص يده على كتفها
ناظرت خلفها وهي حاطه يدها على قلبها يدق بسرعه
وهي تحس خلاص خارت قواها قلبها ما يستحمل
هاذي النقزات
جلست على الارض وهي حاسه نفسها مو قادرة تاخذ النفس من الخوف
تناست كل من حولها وحطت يدها على قلبها
وهي تحاول تاخذ نفس مو قادرة
اقترب منها نايف وهو متفشل من هذا الموقف
صرخت بخوف : اااااااه
وبعدت عنه
مسكها صقر : بسم الله عليك بسم الله عليك
وش فيه
ريم وهي تحاول تبعده عنها ووجها صار احمر مايل للزرقه : م. خ. ن. و. ق. ه
حملها صقر وبسرعة توجه للطوارئ
لحقه نايف وهو مستغرب حالتها
حطوا لها اكسجين ومغذي
كانت مغمضه عيونها ودموعها تنزل
صقر باستغراب : وش صار عليها ؟؟؟
نايف رفع حاجبه : تركتها بالانتظار دقايق ورجعت
حطيت يدي على كتفها
نقزت وصرخت بصوت عالي الظاهر انها سرحانه
وبعدها مشت خلفي بهدوء وقفت وسلمت على
راكان انفجعت من صرختها
صقر بتبرير : والله مو قصدي شفتها تناظر الارض
وبعيده شوي عنك
بس حطيت يدي على كتفها وبعدها انفجعت
والله ما كنت ادري انه قلبها ضعيف وما تتحمل
مزح
نايف زفر بضيق : والله حسيت بالفشيله والناس تناظرنا
صقر بقهر : ما همك ابا الفشيله
سكت نايف وناظر ريم
اقترب صقر منها ومسح دموعها
وحط يده على قلبها ورفع حاجب : تعال شوف
قلبها للحين يدق بسرعة
اقترب نايف وحط يده : وش للي خلاها تخاف غريبه
مستحيل ودك تقنعني علشان حطيت يدك
عليها خافت معقول صار شي بغيابي
بس والله ما غبت عنها الا دقايق
انت شفت بعد ما جيت انت
واقتربت منها اسكتها كيف مرعوبه
صقر : لما تصحى نشوف وش صار عليها
هز نايف راسه وسكت
بعد ربع ساعة صحيت ريم وشافت صقر فوق راسها
ناظرت الغرفه وشافت نايف واقف عند الشباك
صقر بابتسامة : الحمد لله على سلامتك
وقف صقر الحين انادي الدكتوره
وبعد دقيقة دخل ومعاه الدكتوره
بعد ما اطلعت على وضعها
طمنتهم انها بخير وينتبهون ما يمزحون معها كذا
وكتبت لها خروج
ساعدها صقر ولبست الشيله ووقفت وحاسه قلبها
يدق بس مو مثل قبل يعني اقرب للانتظام
اخذت نفس
صقر بحنان : ليه خفتي ؟؟؟!!
ريم بابتسامة متعبه : خفت فكرت انك ودك تخطفني
نايف يدق على صدره : يا حسرتي على تفكيرك
مين للي وده يخطفك وانا معك فشلتينا
بالمستشفى
نفسي ادخل عقلك البزر واشوف وش تفكرين
صقر : وبعدين معك
هز نايف راسه بفقدان امل منها : شرفوا الحين
ناظرت ريم صقر وهزت راسها وطلعوا خلف نايف
وهي ماسكه يد صقر بقوه
كان يناظرهم من بعيد وارتاح لما شافها بخير
واستغرب سبب خوفها
معقول خافت مني ؟؟؟
قرر يتصل بصقر ويطمن عليها او ينتظره يرجع
لانه ما خلص دوامه
وبعد ربع ساعة دخل صقر المستشفى
اقترب منه وسأل عنها : كيفها الحين ؟؟
ضربه صقر على كتفه : متأكد ما شافت خشتك وبعدها
انصرعت
راكان بغرور: محترررررر لاني احلى منك
صقر كش عليه : تراك ماخذ بنفسك مقلب
راكان : يا كثر هرجك انا سألتك عن وضعها
صقر بابتسامة : احمد ربك انها مو من نصيبك
هاذي البنت نكته
تدري ليه صرخت وهذا الفلم الاكشن للي عملته
فكرتني ودي اخطفها
فعلا عقلها طفولي
ابتسم براحه وبعدها ناظر صقر بجديه : اممم حاول
معها مره ثانيه انا مستعد اخطبها مره ثالثه
صقر بجديه وتمثيل الحزن : اممممم شوف ما اتوقع توافق بعد
ما شافت خشتك هههههههههه
ضرب راكان صقر على راسه : مالت عليك من غيرتك
صقر وهو يضحك : امشي على مكتبي خلينا نتكلم
مو هنا
ناظره راكان ووده يدفنه يضحك وهو على اعصابه
توجهوا لمكتب صقر يتكلمون




^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^

بالطريق ناظرها نايف : كيف الحين تحسين ؟؟؟
ناظرته بابتسامة : اهتمام زائف ؟؟؟
ما اتوقع يهمك وجودي وعدمي واحد
وناظرته بابتسامة
نايف مع شبح ابتسامه : شطوره تحفظين الكلام
صحيح لا تنسي باكر تبدأ الامتحانات النهائية
واتوقع ارسلت لك البرنامج مع ساميا وصلك ؟؟
هزت راسها بهدوء
وبعدها التفتت للشباك
وصل البيت نزلت بهدوء وهو من خلفها
دخلوا بهدوء وتوجهت للدرج تصعد غرفتها
وقفها صوته : ريم
ناظرته بمعنى نعم ؟؟؟
نايف بأمر : مره ثانيه بالمستشفى ممنوع تكشفين
يكفي اليوم فشلتينا فاهمه
ناظرته وابتسمت هذا للي هامه : ان شاء الله
وصعدت لغرفتها
دخلتها ورمت الشيله على الارض والعبايه وتوجهت
للحمام تاخذ دش تريح فيه نفسها
لانها حست حالها انضغطت بالمستشفى
وقبل ما تدخل خبرت الشغاله انها ما ودها غداء
وما تصحيها لانها تعبانه ودها تنام

************************
************************
************************


بدت الامتحانات وكانت ريم تروح المدرسة
تختبر وضاق
صدرها من البنات ونغزاتهم عليها علشان زياد
كملت امتحاناتها وارتاحت خلاص
كملت اولى ثانوي بسهوله
بدت العطله واليوم اول ايام العطلة
وكالعاده ما طلعت من البيت
مع انه سلمى ولينا راحوا عند البنات بس
ما حد قال لها تروح
اصلا بيت جدها ما دخلته بعدها من اخر موقف
وللحين مصممه ما تروح
نادت سيف وجلست معه تلعب بلايستيشن
دخل عليهم نايف ورفع حاجب باستنكار : ريم ليه غرفتك كذا ؟؟
وقفت اللعبه ريم وناظرت الغرفه باحراج
ملابسها ملقاه على الارض
كتبها موزعه على الارض والسرير حوسه لوحده
ورق الشيبس والبسكويت على الارض
كانت الارض حوسه وعباره عن مزبله
نايف بحزم : من قبل كانت يدك مكسوره والحين ؟؟
وبصراخ
قومي الحين نظفيها ويا ويلك اذا رجعت ولقيتها
كذا
ريم ببرود : طيب خلي الشغاله تساعدني
نايف بعصبية : والله لتنظفيها انتي يالله بسرعه
واشر على سيف : ليه ما رحت مع اخواتك
سيف : ودي العب مع ريم بعدين ليه اروح معهم
خايف يضيعون ؟؟
نايف بصراخ : اسكت وتعال الحقني وانتي نظفي
المكان بسرعه
وطلع معصب
ريم مسكت سيف : خلينا نكمل الشوط
هز سيف راسه بالموافقة
بس نقز على صراخ نايف وهو واقف عند الباب : اقول لك تعال
وانتي قسما بالله اذا ما تعدلتي اكسره فوق راسه
واشر لسيف قدامي

طلع نايف ومعاه سيف جلست ريم على السرير وناظرت
الغرفه بعجز كيف تنظفها
وقفت بخمول مسكت العبايه والشيله ورمتهم بالخزانه بدون ترتيب
وتوجهت للارضيه وجمعت كتبها بضجر
وحطتهم بالحقيبه بعشوائيه
وبعدها صارت تحط الزباله بكيس
وجلست على السرير ترتاح مع انها ما انجزت شي
بس وش نقول مو معدله :)
رفعت نفسها لما سمعت صوت الباب
وبضجر : ادخل
دخلت ام خالد والشرار يطلع من عيونها : اسمعي
مني هالكلمتين
يا ويلك اذا وافقتي على ابني
صدقيني ما رح تتهنين واقعد لك مثل الشوكه
بحلقك واخليه يطلقك فاهمه
ناظرتها ريم بغباء مو فاهمه شي
ام خالد بقهر : لا تناظريني كذا هذا الناقص اخذ لابني مطلقه
وقفت سديم من خلفها : حنا حذرناك وتحملي النتايج بنفسك
ناظرتهم ريم ببرود : اذا كملتوا سكروا الباب وراكم
ورمت نفسها ترتاح من تنظيف الغرفه < مصدقه حالها باذله جهد الاخت :)
ام خالد بقهر : والله لتندمين يا ريم
نهضت نفسها ريم وبقرف : هي تراني انا ما انزل من مستواي
واخذ واحد من عيالك هذا الناقص
سديم تنرفزت : اصلا اخواني ما يتشرفون ياخذونك
ام خالد مسكت يد سديم : امشي الحين انا حذرتها
طلعوا من الغرفه
وريم تفرك عيونها اكيد هذا حلم
وبعدها ضحكت بصوت عالي على موقفهم ناس
عقولها ناقصه
ابنها قال اصلا ما تدري عن الموضوع
هزت بكتفها بلامبالاه ورجعت رمت نفسها على السرير
وهي تفكر بكلامهم وضحكت على الخفيف : ههههه يمه يخوفون

رن جوالي نقزت ومديت يدي وانا نايمه على السرير
فتحت الخط كان رقم غريب
كان صوت يغرد بأجمل الاصوات الله سبحان
من خلق جمال هذا الصوت
بعدت السماعه عن اذني وانا احس طبله اذني
ثقبت من صوتها النشاز
ام خالد بصراخ : انا حذرتك يا ريم يا ويلك اذا وافقتي
وقسم بالله لتندمين
ضحكت ضحكه تنرفز : هههههاي وش ودك تعملين ؟؟؟
ام خالد بقهر : اقول لك اختصري المشاكل وارفضي
وانتهينا
الظاهر انه الجده سحبت الجوال من ام خالد : ريم
خلاص اختصري المشاكل وارفضي
وبعدين لا تنسين انتي مو من ثوبنا وفرق بينا وبينك
مو من مستوانا ولا تناسبي عيالنا
فتحت عيونها ريم على وسعهم وش تخبص قال مو
من مستواهم سمعت طقه على الباب
قفلت الجوال بوجهم وهي متنرفزه من جدتها

*******
*******
*******
*******
*******
*******

ريم

دخل جدي وخلفه ابوي استغربت من بدايه العطله
وش يبغون مني
جلس جدي وهو متردد ونايف واقف وهو متكتف
جدي بهدوء : كيفك يا ريم ؟؟
رديت وانا احاول اكتم غيضي : بخير
جدي حس اني متضايقة : وش فيك ؟؟؟
ابتسمت بغباء : ها لا ولا شي بس تعبت وانا ارتب غرفتي
ناظر ابوي الغرفه باشمئزاز : كذا منظفيتها
وهز راسه مو عاجبه
جدي ضحك : الحين كبرتي لازم تتعلمين هاذي الامور
هزيت راسي وانا ابتسم بمعنى اخلص وش عندك
بس ما قدرت اقول لاني رح اطلع جنازه :)
جدي : شوفي يا ريم ابن عمك فيصل خطبك
مني
قاطعته لما تذكرت ام خالد وجدتي والله لاقهرهم
مثل ما قهروني : موافقه يا جدي
جدي بتفاجئ : موافقه
والدراسه ؟؟؟
ريم بابتسامة مكر : عادي بعد الزواج اكمل ما عندي
مشكله
وبنفسي اهم شي اقهر سديمووووووو وامها وجدتها ناظرت جدي ساكت : يعني انت مو موافق ؟؟
جدي : مو كذا على الاقل خذي يومين فكري فيهم
قاطعته : خلاص انا موافقه
وقفت بابتسامة عبيطه : والحين خليني اكمل تنظيف
الغرفه
نايف بحده : يعني طرده ؟؟
ابتسمت : لا لا مو كذا
جدي وقف : اتركها يا نايف يمكن البنت مستحيه
منا ودها ايانا نطلع
ناظرني نايف باستهزاء : مقطعها الحياء كثير واضح
وبعدها طلع وهو وجدي
بس نسيت اسألهم نواف والا سامر
ضحكت وانا اتخيل شكل ام خالد لما تسمع
خبر موافقتي

وبعد نص ساعة بدت الاتصالات من نفس رقم
ام خالد بس اعطيتها طاف وما رديت عليها
وانا اشعر بالانتصار

***************************************

جالس مع امه وحاس بخيبه
ام بدر : كل شي قسمه ونصيب
ريان زفر بضيق : لعله خير
ام بدر بقهر : هالبنت خبله ضيعت نفسها
عناد بام خالد وافقت
حتى بدون تفكير اعطت الجواب وحتى ما تعرف
مين للي خطبها
تقول لي لما سمعت انه من اولاد عمها فيصل
وافقت على طول
ريان بقهر : غبيه وطول عمرها غبيه هذا اهم قرار
بحياتها تتخذه عناد بدون تفكير
قسم بالله انها بعدها بزر وعقلها طفولي
ام بدر : حاولت فيها تتصل بجدها وتخبره انها ودها
تفكر بس رفضت قال خلي جدتها وام خالد يفقعون
من القهر
دخل سلطان بضيق : وقسم بالله اغبى من هالريم
ما شفت قال عناد بام خالد لا حول ولا قوة إلا بالله
ام بدر بهدوء : والعريس وش ردت فعله ؟؟
سلطان باستغراب : مبسوط اصلا هو خطبها من ابوي
بدون ما يقول لفيصل
وين بدر ؟؟؟
ام بدر ضحكت : قال عامل نفسه متضايق لانه
ما خطبها وقسم بالله انه نكته وشكله وهو معصب
نهفه وطلع لغرفته وقفل الباب على نفسه
وباستهزاء
عايش الاخ الدور
ضحك سلطان : هههههه يا ليتك صورتيه وقسم بالله
هذا الولد رح يجلطني بأفكاره الغبيه
وقف ريان ببرود واستأذن
بعد ما طلع ريان سلطان : والله كان ودي ريان يخطبها
بس ابوي الله يسامحه رفض وقال بعد ما يكمل دراسه
اذا كانت مو مخطوبه وقتها يصير خير
ام بدر :كل شي نصيب والولد عاقل ما شاء الله
عليه يقول لعله خير
مع اني تمنيت ريم تكون زوجه لواحد من اولادي
بس قدر الله وما شاء فعل
سلطان هز راسه بالموافقه

&&&&&&&&&&&&&&&&&

ام خالد بعد ما سمعت بموافقة ريم
جن جنونها واتصلت بريم تبرد حرتها
بس ريم ما ردت عليها
جلست بغرفتها وما طلعت وهي زعلانه بعد ما تشاجرت مع فيصل
سديم بحقد : وقسم بالله لطير عشها
ام خالد تحاول تهدي نفسها : مو كذا نسيتي انك
مخطوبه
مثل ما تعملي تلاقي بوجهك انت خليك بعيده
روان بنغزه : هاذي للي فضلتيها علينا وطول وقتك
معاها
ام خالد هزت راسها بقهر : انا ما بيني وبين البنت
شي
انا ما ابغى ساره تكون جدة احفادي وتمشي كلمتها
علي
اخخخخ ودي انقهر
سديم : خلاص الحل ما تحمل
قاطعتها امها بصراخ : اطلعن براااااااا

طلعت سديم وروان وزعلانات لانه امهم صرخت عليهم

**************************
**************************



ضاقت أنفاسي مشـ© الروايات ©ـرفة




اليوم التحليل
جهزت نفسها وهي ما تدري مين للي خطبها
ام بدر عصبت منها لانها وافقت
وما رضيت تقول لها من للي خطبها
وحست بالحرج تسأل مين للس خطبها
طلعت من الغرفه ونزلت بهدوء وهي حاسه
انها تسرعت
ناظرها نايف بهدوء : يالله يا ريم
طلعت معه وبعدها حرك السياره متوجه
للمستشفى
طول الوقت ما تكلم ولا هي تكلمت
ولما وصلوا المستشفى
نايف بحزم : حطي الشيله على وجهك
غطت ريم وجهها بالشيله بدون اعتراض
وبعدها نزلوا
اخذوا منها العينه وبعدها رجعها نايف على
السياره وطلب منها تنتظر بالسياره
دخل للمستشفى واتصل بالمعرس يسأله عن مكانه

جلست ريم تهز رجلها بملل
مر ثلث ساعه وابوها ما رجع حست بالضجر تكره الانتظار
ناظرت بوابه المستشفى وتذكرت اخر موقف
قبلها بالليل حضرت فلم رعب يخطف البنات
ويقطعهم كان مرعب بشكل كبير
ولما كانت سرحانه وحط صقر يده على كتفها
انهبلت والفلم يتصور بين عيونها
ورؤوس البنات المخطوفات مقطع ومشوهات
صرخت وقتها بدون وعي
كان بينها وبين الجنون شي بسيط
حست انه الفلم حقيقه وجاء دورها يخطفوها
ويقطعون راسها
نفضت راسها من التفكير بالفلم
تنفست بارتياح لما شافت ابوها طالع من باب المستشفى
دخل السياره بهدوء وقبل ما يحرك : اليوم بعد المغرب ملكتك
ناظرته تنتظر يقول اسم الشخص بس ما ذكره
وبعدها حرك
كانت تناظر للامام وتفكر بحياتها الجديده
وصلوا البيت نزلت بهدوء ودخلت البيت
وبسرعة توجهت لغرفتها
وكالعاده القت اغراضها على الارض بإهمال
وعقلها يحوس مين للي خطبها
سامر والا نواف
مو قادره تحدد مو عارفه تسأل مين وام بدر
حلفت يمين ما تقول لها
صارت تروح يمين ويسار وهي تفكر كيف تعرف
مين هو
وبالاخير بيأس القت نفسها على السرير بعشوائيه
وغمضت عيونها ونامت من كثر التفكير


«»««««»»««»»»»»»»»»»»»»»»»»»

سلطان بهدوء : يبه انت ما قلت لريم مين للي خطبها ؟؟؟
الجد بتفكير : امممم لا تدري نسيت اقول لها اي واحد
الله يصلحها وافقت بدون ما تسمعني
سلطان هز راسه باسف : للحين ما تدري على مين ملكتها
وين رح تكون الملكه هنا والا ببيت نايف ؟؟؟
الجد بهدوء : لا في بيت نايف وما في داعي للنسوان
الشيخ يملك وخلصنا
سلطان : على خير ان شاء الله
دخل صقر وسلم عليهم
الجد: وينك اتصل فيك تعطيني مشغول
صقر زفر بضيق : كنت هنا قريب مع راكان
الجد باستفسار : ومعاه خبر عن الخطبه ؟؟؟
هز صقر راسه : والظاهر انه زعلان يقول على حساب
ودها تكمل دراستها !!
سلطان : وش قلت له ؟؟؟
صقر بهدوء : قلت له البنت لما خطبتها كانت رافضة
الزواج نهائيا
وللحين بس عناد بأم العريس وافقت
الجد رفع حاجب باستنكار : ضروري تكشف صفحاتنا
للجيران
صقر بابتسامة : يبه راكان صديقي وبعدين حبيت اطيب
خاطره لما شفته متضايق وافهمه انها ما رفضته ريم لشخصه بس لانها رافضة فكره الزواج
وما وافقت الحين الا عناد بأم خالد
وخبرته انه بعده عقلها طفولي ومن هذا الكلام
الجد : وش قال ؟؟
صقر بابتسامة : ضحك من قلبه على تصرفها
وبعدين قال الله يوفقها
سلطان : الله يجيب للي فيه خير ......



&&&&&&&&&&&&&&&&&&&&&&&&&&

دخل غرفتها هو وصقر
انار الغرفه وكتم غيضه نايف لما شاف غرفتها
ناظر السرير وكانت نايمه بوسط السرير
ناظر صقر بمعنى عاجبك
ضحك صقر وتقدم منها وهزها عالخفيف : ريم ريم
فتحت عيونها بشويش ورجعت سكرتهم
صقر ويهزها من كتفها : ريم ريم قومي بسرعة
فتحت عيونها وجلست وهي تثاوب : وش فيه ؟؟
صقر بابتسامة : نسيتي اليوم ملكتك !!!
ناظرته وبعدها مو مصحصحه
تقدم نايف من السرير ومسكها
من يدها وسحبها معه وتوجه للحمام
غسل وجهها شهقت ريم من المويه
وبعدها صحصحت
نايف : واخيرا صحيتي تعالي انزلي تأخرنا على الجماعه علشان الشيخ يسمع موافقتك

طلعت معه وجلست على السرير ومد لها العبايه
لبست العبايه وحطت الشيله
صقر بابتسامة : يالله خالد ينتظر على نار
ريم وهي عاقده حواجبها : مين خالد ؟؟؟
صقر : وش فيك يا ريم خالد ابن عمك فيصل !!
ريم عقدت حواجبها : وش علاقته بالموضوع ؟؟؟
صقر فجر القنبله : خالد هو للي خطبك
ريم باندهاش :بس خالد متزوج وعنده اولاد !!!
نايف وببرود : غبيه حد يوافق على الزواج بدون ما يعرف
اسم العريس !!!
ريم بدهشه : طيب وزوجته ؟؟
نايف وهو يكتم غيضه ناظر صقر : ادفنها والا تدفنها
انت ؟؟؟
ابتسم صقر : هدي بالك شوي وناظر ريم
ريم خالد زوجته ماتت بعد ما سافرت بكم يوم
فتحت ريم عيونها بصدمه وحزنت : ماتت طيب ليه
ما احد خبرني ؟؟؟ وكيف ماتت ؟؟
نايف وهو يشد على اسنانه : صار معاهم حادث
خلصيني انزلي فتحتي تحقيق
وقفت ريم بعناد : بس انا ما ودي اتزوج خالد
نايف بعصبية : لا والله يعني لما جاء الملاك والمعازيم
ودك تفشلينا انزلي بسرعة بلا كلام فاضي
ريم بعناد اكبر : ما رح انزل ودك تزوجني لواحد عنده
عيال مستحيل وتكتفت
نايف وهو يتكلم من بين اسنانه : ريم وقسم بالله
ادفنك هنا انزلي اقول لك تأخرنا على الجماعه
حركت ريم حواجبها بالرفض
نايف بصراخ : ريم وقسم بالله ادفنك هنا اقول لك انزلي
صقر ناظر نايف : خلاص انت روح وانا الحقك وهي معي
نايف بعصبية : والله ما انزل الا وهي قدامي ويالله انزلي
علشان الشيخ يسمع موافقتك يالله
ريم بقهر وعناد : خالد مستحيل اخذه لو تقطعوني
تقدم منها نايف وضربها كف على وجهها : اقول قدامي
صقر انقهر من نايف وناظر ريم : خلاص ريم هذا اختيارك وانت وافقتي بدون ما تسمعين مواصفات العريس
يالله اختصري وانزلي وان شاء الله ما تندمي
ومسك يدها برجى : لا تفشلينا حنا ما نلعب
هذا اختيارك
هزت راسها بالموافقة وناظرت نايف : انا اسفه
ومشت باتجاه الباب
هز راسه نايف باستغراب من تقلب حالها
ناظر صقر وبعدها طلعوا خلفها
وقفت خلف الباب بهدوء
وسألها الشيخ اذا تقبل الزواج بخالد .....
ناظرت نايف بخبث ورفعت حاجب :
نايف فتح عيونه بصدمه ما توقع تصل فيها
الحقاره تفشلهم قدام المعازيم
علشان كذا اعتذرت الحقيره
علشان تنفذ مخططها وترفض براحتها
كيف رح يكون موقفه قدام اخوه وابوه
بزر ما قدر يربيها
شد على قبضه يده بس ارتخت
لما سمع صوتها الطفولي : موافقه يا شيخ
تنفس براحه لما سمع ردها كان وده يمسكها
ويخنقها على حركتها البايخه
اعطاها صقر الدفتر وقعت وابتسمت بهدوء
وبعدها طلعت بدون كلام
دخلت غرفتها وقفلت الباب بالمفتاح
وهي محتاره هل تسرعت والا لا
رمت نفسها باهمال على السرير وغطت
بالنوم وهي تفكر ......
&&&&&&&&&&&&&&
ام خالد بقهر : صدقني البنت ما تناسبك
خالد ببرود : يمه خلاص انا ملكت وكل شي انتهى
وبعدين انا حطيت البنت براسي من بعد اسلام كاترين
بس ما ردني عنها الا انها مخطوبه لزياد
هزت ام خالد راسها : صدقني انك فاهم الموضوع غلط البنت مو مثل انت متصورها
فيصل وقف : صدقني تسرعت يا خالد انا كنت ودي اخطبها لنواف او سامر
اما انت ما تناسبك ابدا
انت يناسبك بنت كبيره عاقله تراعي عيالك
قاطعه خالد : خلاص للي صار وانا مقتنع بقراري
رجاء ما حد يعارض ........


::::::::::::::::::::::::
انتهى البارت


[/size]

موتي ولا دمعـ أمي ــت ©؛°¨غرامي جديد¨°؛©

واااااااااااااااااااااو انا اول وحدة ترد على البارت

ماعندي توقعات للبارت غير ان ريم ماحتندم ويمكن ينفصلون مادري المهم متى البارت الجاي ماني قادرة اصبر

تحياتي

مجنونة & حبيبها ©؛°¨غرامي جديد¨°؛©

تسلم اناملك على هذا البارت ������������
اتوقع لما تزوج خالد يسافرون ونايف والجد ووو يفقدونها
ووو شسمه يارب مايكون البارت الجاي بعيد

noda youssef ©؛°¨غرامي جديد¨°؛©

أولا كل عام وانتم بخير عيد سعيد عليكم يارب
ثانيا لية كده انا بجد اتنكدت في ليلة العيد حرام اللي بيحصل فيها خفي عليها شوية مش لقيتي إلا خالد .

دععاء ©؛°¨غرامي جديد¨°؛©

كيف كذا انا مصدومه
لا اااااااا وش ذا ليه تدبس نفسها كذا
ااااه المهم متى البارت الجاي
واتمنى وتكفين كبري ريم خليها تطول بس بعقل عشان لما يشوفوها بالعرس ينهبلون جمال وطول وجسم كذا حتى ام خالد بتوقف بصفها مادا المظاهر تهمها اكثر
واو حماس متى البارت<<ثاني مره ترا من الحماس
ايه بسالك هل الرواية كامله ولا انتي تكتبيها على حسب البنات وش يقولون

ghadeer saedi99 ©؛°¨غرامي جديد¨°؛©

اوه ماي قاد اوه ماي قاد
جلطططططه خالد ! خالد ولد فبصل !!!!!
ماتوقعت ولاصفر بالميه انو خالد يكون لريم
صحيح تمنيت هدا الشي بس اوه ماي قااااد سبرايز احححلى مفاجاءهه
صحيح في البدايه استغربت ليه خالد في المستشفى بس ماتوقعت زوجته ماتت
تدرين شنو اتمنى انها تاخذهه وترتاح معاه
وخاصه انو خالد منفتح وعايش برا واتوقع انو عندهه اسلوب وكيف يتعامل رغم برودتهه
بس وش القنبله يابرو مبسووووطه حدي ربي يسعدك على هالبارت اللزيز

الكل حيكون ضد هالزواج وبيسون المستحيل عشان يفرقوهمم عن بعض
بس اتمنى انو المشاكل اللي بتصير تقوي حبهمم لبعض
مدري عن أي حب اتكلمم بس اتمنالهمم يكونوا مع بعض
احللللى ثنائي


اما الباقي ماعندي تعليق عليهمم



وكل عام وانتي بخير بروو

أرسلت من sm-t211 بإستخدام تاباتلك

Najoudh ©؛°¨غرامي مجتهد¨°؛©

تسلمي علي البارت
بجد اتمنيت تطولي شوي البارت
وقفتي في نقطة حماسية ماتخيلت ابدا انو يكون خالد
وخالد ماكنها مرتو ميتة ماجبتي ابدا سيرتها ولاشفنها انو هو حزين
بس ربما يكون هو الشخص الي يريحها ويعاملها كبنت 3 لي
رغم اني اتمنيت راكان بس بجد خالد كمان قليل ادب يعني صاحبو كان يبغاها
مرتو كيف نفسو هفتو يروح يخطبها
بانتظارك البارت الجاي

نسمةصبح ©؛°¨غرامي جديد¨°؛©

رووووعة
سلمت أناملك
انتي انسانة مبدعة


اكثر شي جميل


ان البارت طووووييييل

وهذا كان توقعي ان ريم تاخذ خالد

ومتى البارت القادم

دمتي بخير
وكل عام وانتم بخير
عيد سعيد على الجميع

olli ©؛°¨غرامي فعال ¨°؛©

كل عام وانت بخير

جمميل البارت وحماس
أتوقع زواج ريم من خالد راح يكون عقبة في حياتها بسبب فارق السن بينهم
والبقية ما عندي توقعات لهم âک؛

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1