شله'ه خوقاقيه'ه `~ ©؛°¨غرامي مشارك¨°؛©

بين أحضان بيتٍ جمع الألم والفرح
بين أحضان أسرةٍ فككت بسبب " الأب "
إهمال
صراع
كره
حقد
ماذا نجني نحن الأبناء من هذا
سوى " الضيااااع "
قضينا ليالينا
نبكي
وننادي
"أين الحنااان "
وهذه أنا
هند الشحي
انقل لكم جانبا اسود مليئ بالحزن والهموم
من حياتي
هه يالها من حياه
لن اطيل عليكم بالمقدمات
سندخل في روايتنا مباشره
فألمي اكبر من اعبر عنه بسطوور
للأسف
من يوم الثلثاء مما يوافقه 9/6/2015
ابدأ في تربيه ابنتي بين يدي… لتكبر وتكتمل واتفاخر بها بين الناس
نعم ابنتي هي روايتي … سأصب فيها احزاني وافراحي …
ساروي لكم فيها آلام وأوهام
لعل هذا يشفي من جراحي
ويشفي من جراح أخوتي وأحبتي
———————————————
عن الكاتبه :
هند الشحي
اعلاميه << يالسه فالبيت هههههه … شاعره مبتدئه تقريبا … اهوى الشعر والنثر والخواطر … في سن ال25 … هذه الروايه ستكون مدخلا مهما من مداخل حياتي اليوميه … " حريم ابوي" … نعم انه عنوان غريب نوعا ما لكن سأدعكم تحكون مدى ملاأمته للروايه
—————————————————
عن الروايه :
روايتي هذه اتتني الفكره فيها عندما التفت الاستاذ : مايد المعمري الي مواهبي في الكتابه … واولها الكتابه القصصيه … ومن تشجيعه ايضا شجعنني صديقاتي ولهن خالص التقدير والعرفان لانهن سهر معي ليالي لكي ارتب افكار روايتي قبل البدء بتربيتها … وهذه الروايه فكرتها اتت من واقع حياتي الشخصيه … لكن بالنسبه للاحداث ساغير فيها فهذا اسلوب من اساليب الكتابه … يعني الاحداث وبعض الاشياء غير حقيقيه
————————————————-
كل الشكر والتقدير :
-ماما جولي
-اخوي خالد
-اخوي مهند
-اختي رنا
-الاستاذ: مايد المعمري
-الكاتبه المتألقه والاعلاميه :مي الميزه
-الصديقه الوفيه : سومي الشامسي
-غاليتنا : رشا
-فقيدتنا في بلاد الغرب : ميره الفلاسي

والمزيد من السكر لا يسعني ذكره وربما اذكره بعد انتهائي من روايتي
——————————————————
في بيت من بيوت دار الحي
دبي
تسكن عائلتي …
عايله غنيه … بيت كبير وفخم … كل سبل الراحه موفره
ما عدا اقوى الجرعات التي هي " الحنان"
—————————————————
في بيتنا الكبير
يسكن ابوي وزوجاته الاربع
اكبر زوجاته : خوله : طيبه بس ما يمنع انها تتصارع مع حريم زوجها " ضراتها او عدايلها مثل ما نقول فالامارات" هي الحرمه الاولى … وعلى نياتها مسكينه
-عندها اربع عيال : *عمر : متزوج بنت عمي حمده … وساكن فبوظبي ما اي الا نهايه الاسبوع … زوجته طيبه مرررره وعندهم ولدين حمد ومحمد … عمور حلوو بس ما بجمال اخوانه
*خالد: يشتغل مع ابوي فشركته اللي هي شراكه مع اعز صديق له " عمي سالم " عمره 26 وعزاااابي … كيووووت رغم سنه ويهه طفولي هههه … احلى كيوت فالدنيا فديييييته
*مهند : انسان فلللللله مصخره ع الاخر ما تحلى اليلسه بليااه عمره 20 … وحبوب… جمييييييل بشكل كبير … ومايل شكله لاشكال البدووو … احلى شي سمارته وعمازاته
*منيره : عمرها 18 حبوووبه وحلوه واموره امووووت عليها يالسه فالبيت ما تبا تدرس فالجامعه رغم معارضه الكل … لكن منور اللي فراسها تسويه … قالت لين ابوي انها بتشتغل وياه فالشركه وما مانع وهي الحين فاول اسابيع لها فالدوام … جميله وتشبه مهند بس مافيها غمازات وهذا اللي قاهرنها
حسنا: مغربيه … حيوااانه باختصار مع اسفي الشديد لاختي رنوو وحقوده درجه اولى وهي الزوجه الثانيه
*مثايل : اكرهها لدرجه فضيييييييعه … يعني باختصار نسخه مصغره من امها … عمرها 21 … بنشوف اسلوبها فالروايه ما تشتغل ودلوعه بشكل مقرف … ابوي مدلعنها مره… من ناحيه الجمال حلوه
*رنا: صدق يوم قالوا اصابع الايد مب سوا … مع انها اخت نوف لك فرق بين السما والارض … طيبه وحنونه …تواجه المستحيل عشان تطلع لنا وتيلس ويانا لان امها تمنعها عمرها 20 … تشتغل مع منيره فالشركه حلوه وشعرها بني وقصير … تشبه ابوي اكثر مما تشبه امها
-جولي : امي الغاليه … سوريه … بس رغم طيبتها تنجلب شي فضيع اذا الموضوع يتعلق بابوي … وطبعا منافسه قويه لباقي المفترسات " حريم ابوي " … ههههههه
*هند : انا â‌¤ï¸ڈ ههههه … امممممم شوفو بوصف نفسي على وصف الناس … يعني الناس ادري ما ابا امدح نفسي … شوي مغروره … بس احب اخواني موووووت … عمري 25 … ما بقول حلوه عن تقولون وايد متكبره … عيوني واسعه لونها بني فاتح … خشمي طويل … عندي غمازه وحده للاسف ع خدي اليسار … وبشرتي سمرا شوي … اشتغل فالشركه معاهم
*هيا و جنا : توأم … فديييتهم … عمرهم 22 … عندهم مشكله اللي هي التناسخ الروحي … يعني اذا وحده تتألم الثانيه بتحس بضيج وجذا … لكن مب دوم يصير هالشي … هم توأم متطابق … يشبهون بعض لو ما جنا عيونها خضرا وهيا عيونها عسلي ولا مااااشي فرق … ما يبون يشتغلون وعلى العرس قايلين مسوين اضرااااب … ما يبون يفترقون …
-حرمه ابوي الاخيره والدلوعه والسخيفه والحماره : منى … تخيلوا انها كبري عمرها 25 … دلوعه وما عندها عيال لانها ما تبا وابوي مقتنع … قالت له اونه بعد 10 سنوات … مالت عليج انا اقول
واساس العايله الغاااااااالي : ابوي حبيبي … طيب وحنون ،.. ومسكين الله بلاه يوم قرر يتزوج 4 مشيبينه … الله يعينه … رجل اعمال … عمره تقريبا اذا ما خاب ضني 43… من ناحيه الجمال جماله بدوي وطبعا يرمينا ع صوب ما نسوى جماله …
(من ناحيه عيشنا في فله وحده … كان ابوي قايل لكل حريمه ببني لكل وحده فله ع ذوقها واستمروا بالتخطيط وانبنت الفلل … 4 فلل … بس عاد الغيره … تمت كل وحده تقول فلة ذي اكبر وذيك احلى وما ادري شو … عصب ابوي وقال لهم بيأجر ولا بيبيع الفلل وبيخليهم يسكنون فاكبر فله … اللي كانت فلتنا هههه …
—————————————————
البارت التجريبي


العصر كانت هند فغرفتها تسمع اغاني << طبعا من عشاق الاغاني الاجنبيه ..
دق الباب
هند : تفضل
مهند دخل وسكر الباب
هند بابتسامه : هلا ببالطش والرش
مهند : هههههه
ويلس صوبها ع السرير : شتسوي القمر ؟
هند : ماشي يالسه …
مهند : ليش ما داومتي اليوم ؟
هند : اممممممم ما ادري …
مهند : انزين فيج شي ؟
هند : لا شو بيكون فيني !
مهند : عيل تعالي تحت شوفي خبال هيونه وجنا
هند : هههههه شو يسوون بعد ؟
مهند : تعالي وبتشوفين
هند: يلا دقايق ببدل ونازله
مهند: يلا اترياج
وطلع
هند بدلت ملابسها بلبس خفيف … عباره عن شورت وتي شيرت واسع … لان محد فالبيت بالاصل غير اخوانها والسواقين والحرس مكانهم بعيد
نزلت هند وضحححححكت على اشكال هيونه وجنى
اللي كانوا لابسين شورتات وتيشيرتات نفس الشي وفاتحين رشاشات الماي فالحديقه و يلعبون كوره واشكالهم طالعه كيووووووووت
مهند من وراها : هههههههه شفتيهم
هند : هههههههه هيه
مهند : هنود منور ورنوو تأخروا ولا
هند : هئئئئئئئئئئئئ خلود قايل بيطلعهم من يلطلعون من الشركه
مهند : هههههااي راحت عليج
هند : حرااااام نسيت … لو ما ناسيه كان داومت فدا الطلعه ويا خلود
مهند : والطلعه ويا مهند حب حياتج
هند تحظنه : فدييييت حب حيياتي
مهند : يلا روحي تلبسي وقولي لهيونه وجنا اذا بيروحون
هند تنط وتروح لهيونه وجنا
(للمعلوميه … اسلوب الكتابه حقي نفس اسلوب مي الميزه فرواياتها القبليه بس الفرق بسيط … لانا نفس التخصص ونفس السنه بس انا درست كم سنه وطلعت من الجامعه لاني حسيت الاعلام شي لو درسته ماله مستقبل خاصه ان دراستي تتعلق بالكتابه … وتوجهت للشركه )
هند : هيوووونه جنااا
هيونه وجنا ايونها تعبانين
هيا: شووو!
هند : حب حياتي بيطلعنا
جنا : رشوود؟<< ولد عمي اخو حمده زوجه اخوي عمور
هند تضربها ع راسها وهي مستحيه : جب جب … لا مهند
هيا : ههههههههااي يلا بنروح … منو تيه سيره ويا مهند ولا خلود وما يوافق
هند : خلود شال منور ورنووو
جنا: هىىىىىىى حلفي
هند : والله كنت بروح وياهم بس نسيت لانهم طالعين سيده من الشركه
هيا : يلا السيره ويا الغرشووب احلى
هند : ههههههه يلا نروح نبدل
هيا وجنا: يلااااااا
دخلوا داخل وبدلوا
وهم ونازلين
هند : دقايق ويوصل ابوي … خلونا نروح قبل لا تبدي الحرب
هيا : هيه والله يلاااا
مهند فطريجهم : شفيكم
جنا: خلنا نطلع قبل لا يوصل ابوي وتبدي الحرب
مهند : ههههههه يلا عيل
وطلعوا
فالسياره رقص وانواع الخبل
هند : حياتي مهند …
مهند : هلا
هند: اممممممممم …
هيا : هنود تعرفين نور ربيعتي شو الاسم اليديد اللي مطلعتنه حقي ههههه
جنا: هههههاااي وانا بعد …
مهند وهند: شووو
هيا : هيونه المزيونه
جنا: وانا جنونه المجنونه
مهند وهند : ههههههههههههههاي
مهند: الاسامي لااايقه مررره
جنا : كل خرااا … انا مجنونه !!
هند : صراحه اسم على مسمى ليش معترضه
جنا: والله حليلها لو ما مريضه بطيح بيها صح اني ما وايد ابلعها لكن تكسر خاطري
هيا بحزن : حرام عليج جنا
مهند : الله يشفيها ياهيا … مالها الا الدعاء ياقلبي
هيا تحس دموعها بدت تخونها وتنزل
جنا ما تتحمل حزن اختها وحظنتها
هند ومهند سكتوو عرفوا ان هيا حساسه واي كلمه بتجرحها
عكس جنا اللي ما يهمها شي وبالذات ان ذي صديقه عمرها واللي تعتبرها مثل اختها "نور"

وانتهى البارت التجريبي


شله'ه خوقاقيه'ه `~ ©؛°¨غرامي مشارك¨°؛©

هذه روايتي الاولى/ هند الشحي ... وفي نفس الوقت روايه فز قلبي الرابعه ...
وضعت بين يديكم بارتي التجريبي امانه اتمنى ان تصونوها بردود تثلج الصدر
ثقتي بالله ثم بكم كبيره لمساعدتي لأخطوا اول خطوه في عالم الكتابات القصصيه والاعلام
اتمنى لكم الخير
مع تحيات : الشاعره والاعلاميه / هند الشحي


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1