غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-06-2015, 02:37 AM
Maryam Saif Maryam Saif غير متصل
©؛°¨غرامي جديد¨°؛©
 
الافتراضي رواية قلبي ينبض بأنفاسك/بقلمي


رواية : قــــلـــبـــي يــــنبــــــض بـــأنفــــــــآســك

بقلم : Maryam S


بسم الله الرحمن الرحيم هاي اول رواية لي واتمنى انكم تحبون الاحداث والشخصيات


.
.
.









بعرفكم على بطلتنا ملاك عمرها 22 سنه وعندها توأم اسمه محمد ساكنين فالبيت بروحهم لانه امها وابوها ماتوا وماعندها خوات واخوان غير محمد
...
لا اعرف من أين ابدا وماذا اقول ولكن شعرت بشعور غريب وانا في تلك اللحظه كنت نائمة وشعرت بحرارة شديدة وشعرت بقطرات العرق تسقط من جبيني هل انا مريضة ؟ ام اني احلم حلم ! .... حسنا لا اعرف حاولت الاستيقاظ من نومي وفتحت عيناي واذا بالنيران تداهم غرفتي , لا لا ليست غرفتي بل منزلي الذي يحترق ,, في ذلك الوقت لم ارى الا نافذة غرفتي فتحتها وقفزت الى الخارج , انه شعور غريب حقا ما الذي حصل كنت انظر الى المنزل الذي يحترق المنزل الذي مات فيه ابي وامي والمنزل الذي لم يتبقى فيه غيري وغير اخ... , اخي نعم اين اخي فتحت عيناي وفمي وصرخت بأعلى صوتي

ملاك : مممممممحححححححححححمممممد محمد مححممد ويينك !!!!

ولكن للاسف ماسمعت اي اجابة حاولت ادخل بس حسيت بحد يمسك يدي

: وقفي اختي ما يصير تدخلين احنا بنشوف
ملاك والدموع اللي ف عيونها : قوم عني اخوي داخل الله يخليك قوووم
الشرطي : يا اختي اقولج مايصير وقفي هني
يت يارتهم ام خالد وهي خايفة : ملاك حبيبتي شصار شفييييج وين اخووج
ملاك : مااعرف خالووووو ماعرف داااخل
ام خالد : ما عليه انزين تريي شوي بيطلع انشاءالله

....

وبعد انتظار طويل طلعوا بعض من الرياييل ووياهم شخص صعب انهم يشوفون ويهه بسبب ويهه الاسود شافت ملاك وركضت لهم وهي تحاول تسيطر على نبض قلبها

ملاك : مــ منووو هــ هــ ها ؟؟؟؟؟
الشرطي : والله ماعرف شو اقولج يوم دخلنا شفناه بالمطبخ وكان محترق من زمان الظاهر انه اخوج كان مشغل النار وصار اللي صار المهم الله يرحمه

ملاك ماقدرت تتمالك نفسها وماحست الا وهي طايحه على الارض من الصدمه ...



... وبعد مرور ثلاثة ايام ...
... في الساعه 12: 24 صباحا ...
... في المستشفى ...

...

قامت ملاك وهي تحس بالم شديد في كل جسمها
ام خالد : صباح الخير حبيبتي اخيرا قمتي
ملاك : خالوه ؟ انا وين وشو صار لي
ام خالد : حبيبتي انتي فالمستشفى من ثلاثة ايام طحتي ف غيبوبة من بعد ماعرفتي انه ...
ملاك : خالو الله يخليج اسكتي لا تذكريني
وبدأت تصيح لين ما نامت
دخل خالد الغرفه : ها امي قامت
ام خالد : هي ولد قامت وتمت تصييح ورقدت
خالد : اااه الله يعينها اخوها كان اخر واحد باقيلها من العايله اقولج اميه هي ماعندهاا اهل من ابوها او امها
ام خالد : اهل ابوها من عرفوا انه تزوج امها الامريكية تبروا منه واهل امها عاد تعرف محد يسأل عنها حتى تذكر يوم امها ماتت محد يا غير اخوانها
خالد : الله يعينها والحين شو بتسوي
ام خالد : افكر اشلها ويانا البيت عاد ماقدر اخليها بروحها فبيتهم
خالد : برايج اميه انزين بخليج انا
ام خالد : وين ؟
خالد ربيعي عازمني عالغداء
ام خالد : اوك حبيبي تحمل بعمرك


ام خالد عمرها 50 و مثل ما شفتوا طيبة وحنونه وتحب ملاك لانه امها كانت ربيعتها
وخالد 22 يدرس في الجامعه وساكن مع امه واخته وباقي اهله توفوا
...

... في الساعه 4 : 30 مساءا ...
... في المستشفى ...

...

ملاك : لا خالووه اسمحيلي ماقدر انا بسكن ف بيتنا
ام خالد : مايصير حبيبتي انتي بنت مايصير تقعدين فالبيت بروحج بدون حد
ملاك : عادي خالوه ما يهمني شي خلاص
ام خالد : خلاص حبيبتي براحتج بس بيتنا مفتوح حياج ف اي وقت
ملاك : مشكورة خالو ماتقصرين
وفي وسط الحديث دخل الدكتور
الدكتور : السلام عليكم
ام خالد و ملاك : وعليكم السلام
الدكتور : ما تشوفين شر ملاك اليوم تقدرين تطلعين وانا راح اكتب لج ادوية تستمرين عليها
ملاك : اوك دكتور مشكور ما قصرت
دخل خالد : هاه امي شو بيطلعونها
ام خالد : هيه اميه
خالد : عيل بسير اخلص اجرائات الخروج
ام خالد : وخذ الادوية الله يخليك
خالد : انشاءالله
طلع خالد وملاك مابعدت عينها عنه وفي نفسها ( الله يهديك يا خالد والله كنت بوافق عليك يوم خطبتني بس لو كنت مودر الشرب ذيج الايام )
ام خالد : يلا حبيبتي ملاك قومي لبسي عباتج عشان نسير
ملاك : اوك
استعدت ملاك للخروج ولكنها خائفه من الخروج لا تريد ان تعيش هذه الحياة وحيدة , ركبت سيارة خالد مع ام خالد وضلت تفكر كيف يمكنها تحمل هذه الحياة وعلى هذه الحاله وصلت الى البيت وقبل ان تنزل

ام خالد : ملاك اتمنى انج تفكرين مره ثانيه وتستوعبين انج بنت بروحج فالبيت
ملاك : مب مشكله خالوه تعودت ع الوحده
وبعد هاي الكلمات دخلت البيت اللي نصه محترق راحت الكرسي وطاحت فيه
ملاك : افففف شو بسوي الحين لا ام ولا ابو ولا اخو كيف بعيش كيف بصرف على نفسي كيييف
...
وبعد مرور اسبوع من النكد والضيج
وبعد التفكير الطويل قررت ملاك وتوجهت بسرعه لغرفة اخوها محمد
ملاك : ياربيييه وين بوكه
راحت الكبت ( الدولاب ) وشافت ثوبة دمعت عينها بس تمالكت نفسها ومسحتها وبدت بالبحث وشافت بوك اخوها , يا ترى شو كانت تدور


كانت تبا هويته عشان تكمل جامعته الي بداها اخوها من ثلاث سنين وكان باقيله سنه ف قررت تصير اخوها وتكمل اخر سنه عشان تصرف ع نفسها وتعيش ...

... الساعه 7 : 36 المغرب ..
... في بيت ام خالد ..

خالد : امييه الله يهديج كيف خليتيها بروحها فالبيت
ام خالد : شسوي ماحبيت اظغط عليها خلها براحتها
خالد تنرفز : انزين اميه اذا صار لها شي انتي مسؤؤله
طلع من البيت وهو معصب ولمح ملاك صوب الحديقة شافها شوي وراح لها
خالد : السلام عليج
ملاك اعتدلت فاليلسه : هلا خالد وعليكم السلام
يلس خالد : انتي ما تخافين ع عمرج
ملاك : خالد انا ماحب حد يشفق علي خلاص انا مرتاحه جي
خالد عصب وقام : برايج زين
شافته ملاك باستغراب ليش صار جي يعاملني بقسوة يمكن لاني صرت وحيدة عقب قالت بصوت مسموع : افففف شعلي منه باجر ببدأ حياتي اليديدة وبروح الجامعه والله يستر من الباقي .
اتصلت ملاك بربيعتها
ملاك : الو مها شحالج
مها : الحمدلله بخير وانتي
ملاك : بخير الحمدلله اقولج اباج ف خدمه
مها : امري حبيبتي
ملاك : اباج تحوليني ولد
مها : ههههههههه لا اكييد ينيتي
وقالت ملاك لمها شو اللي صار واصرت على رايها ووافقت مها
مها : خلاص انزين الحين بييج وبنروح السوق وبقص شعرج وكل شي
ملاك :اوك
راحت ملاك وتجهزت عشان تطلع وبالصدفه شافت خالد ينزل من السيارة
خالد : على وين ؟؟؟
ملاك : بطلع
خالد : ادري بتطلعين بس وين ؟
ملاك : بروح عند ربيعتي عندك مانع
خالد : شفيج انتي جي احترميني شوي بس انا الغلطان لاني معطيج ويه ولا انتي ما تستاهلين
شافته ملاك بحقد وخلته وراحت
خالد : انزين ملاك براويج هذا كله لاني ميت عليج

...

... الساعه 9 : 30 مساءا ...
... في غرفة مها ...


مها وهي ماسكه المقص : ها مستعده
ملاك غمضت عيونها : هيه يلا
وبدت مها تقص وتقص والخصلات تطيح وملاك تحس انه نبضها كل ما ويسرع
مها وهي تقص : ملاك لا تصيحين واذا غيرتي رايج عادي
ملاك رفعت راسها : لا لا كملي ماقدر ادرس اربع سنين كوني بنت لازم اصير اخوي واخلص السنه الاخيرة وعقب اشتغل
مها : انزين يلا شوفي عمرج خلصت
ملاك لفت للجامه وانصدمت صارت صج ولد بس ملامحها الجميله للحين تبرز جمالها
مها : ماشاءالله عليج حتى وانتي ولد حلوه الشباب بيتخبلون
ملاك : ههه الله يخسج بس تحسين ينعرف اني بنت
مها : لا لا تحاتين مع الغترة و الثوب مابيبين
وعلى هالحال خلصوا المهمه وردت ملاك البيت وهي مغطية شعرها عدل بالشيلة عشان محد يلاحظ ودخلت البيت بسرعه توجهت على طول غرفتها وشافت نصها محترق خذت بعض الاغراض وراحت غرفة اخوها رتبت كل شي حق باجر




... الساعه 8 : 15 صباحا ...
... في بيت ملاك ...



قامت ملاك عالمنبه ودخلت تاخذ شور عشان تصحصح عدل طلعت ولبست كندوره وبالغصب عرفت تلف العصامه خذت البوك والفون والسويج وليسن اخوها واوراق اخوها اللي تخص الجامعه نزلت تحت وفتحت الباب شوي شوي عشان تتاكد انه محد برع وركضت بسرعه للسياره وتوجهت للجامعه

...

ومن هنا ستبدأ القصه ماذا سيحدث لملاك هل ستستطيع اكمال هذه السنه ام ستفشل ومن ستواجه في الجامعه ؟؟


وصلت ملاك الجامعه وهي متردده تنزل وعقب خمس دقايق عدلت العصامه ونزلت , دخلت الجامعه وهي تشوف الشباب منتشرين ف كل مكان وفجأة واحد يا ودعمها وطاحت
: انت ما تشوف شو
ملاك وهي تغلض صوتها : اسف اخوي السموحه
تم الشاب يشوفها بنظره احتقار وراح عنها
ملاك : بلاه ها افف
وتوجهت للغرفه عشان تاخذ الجدول وبعد ربع ساعه يا دورها
الموظف : الهويه وصورة الجواز لو سمحت
عطته ملاك والموظف شاف البطاقه وعقب شاف ملاك وملاك ارتبكت
ملاك : خــ خـ خير اخوي في شي ؟
الموظف : هههه لا اخوي بس انت عطيتني الليسن بداال الهويه
ملاك : اوووه سوري

وبعد ما خلصت قالت فنفسها ( اففف ما بغيت اخلص امممم اليوم في كلاس من 10 لين 11 انزين الحين الساعه تسع شو اسوي )

وتمت تمشي لين ما حصلت كوفي راحت ويلست فيه وهي تشوف الشباب مسوين حشره فظيعه عقب راحت وطلبت لها كوفي وردت يلست وشافت واحد وياه شله كببيرة وكان وسيييم تمت ملاك تشوفه وعقب هو لمح انها يالسه تشوف وضحك وملاك حست ع عمرها ونزلت راسها

الشاب : شوفوا شوفوا الرقيق اللي هناك
كلهم لفوا ع ملاك وتموا يضحكون وهني ملاك عصبت وقامت ويوم شافوها قامت
الكل : يالرقييييييييق هههههههههههههههههههههههههههههههه
تمت ملاك تمشي وتقول لا لا مايصير جي احسهم بيكشفوني لازم اكون اقوى عن جي
: محححممدد
ملاك ما انتبهت انها محمد وما عطت للشخص اللي يزقرها اهميه الشاب مسكها من ايدها ولفها صوبه
: محححممد شفيييكك ما عرفتني
ملاك توترت : أءء ذكرني باسمك
: يالغبي شفيك انا راكان ربيعك
ملاك سوت عمرها تعرفه : ههههه يالس استهبل عليك معقوله انساك
راكان ضحك وحضن ملاك او خل نقول محمد
راكان : لك وحشه ياخي
ملاك ويهها احترق : وانت بعد
راكان تم يطالعها باستغراب وحس انه صار صج غير حتى صوته تغير : حمود شو السالفه اشوفك مستوي مؤدب وين حموود قبل اللي كله يسبني
ملاك اللي هي الحين محمد : الانسان يتغير
راكان ضربة ع جتفه وملاك هني تويعت لانها مب متعوده ع دفاشة الشباب : كل تبن لا
راكان شافه : لا وضحكتك صايره تخق شكلي بحط عيني عليك
ملاك سكتت ماعرفت شو تقول
راكان لاحظ : اففف امش امش مستوي نفسية بعد انت

... الساعه 10 صباحا ...
... في بيت ام خالد ...


نزل خالد وهو مستعيل
ام خالد : شوي شوي اميه شفيك جي مستعيل
خالد : اميه تاخرت ع الجامعه
ام خالد : انزين تعال اكل شي
خالد : مابا مابا باخذ شي فالدرب
وركض لسيارته وراح الجامعه وطبعا جامعته غير عن جامعة محمد اللي ملاك فيها الحين
ام خالد : مهرة سيري شوفي ملاك يمكن ناقصنها شي
مهره اخت خالد : اميه خليها اذا ناقصها شي بتقول وبعدين يمكن نايمه
ام خالد : خلاص انزين انا بسير اريح الحين
مهره : اوك



... الساعه10 : 30 ...
... جامعه ملاك ( في الكلاس )...


همس راكان لمحمد : اقولك حياتي وين نسير بعد مانخلص
ملاك : حياتي ف عينك
راكان : اففف مليت لاه
محمد : انا بعد بس شنسوي هاي الدنيا
راكان : عاد الحين حمود يوم يتفلسف اقوول اسكت
د.Alex : rakan please stop talking in class
راكان : حشى كيف سمعت
كل الطلاب : هههههههههههههه
واحد من الشباب ف الكلاس : شكلك للحين ماعرفته يسمع الذبابه شو تقول
راكان : عيل الله يعين
د.Alex : stoooop guys
راكان : انزيين انزيين كلتنا
ملاك كانت تشوف الموقف وتذكرت محمد فجاه و مصدومه ف نفس الوقت من جرأة الشباب
محمد يهمس لراكان : ما تخاف تكتشف انه يعرف عربي
راكان ضحك : هههه والله لو كان يعرف جان كلنا مفصولين ف الفتره اللي كنت مب موجود فيها سبوه سب وهو مسكين يتحرا يمدحونه ويالس يبتسم
محمد : هههههههههههههههههه بس بس اسكت عن يسمع الحين
وتموا جي سوالف لين ما خلص الكلاس

راكان : اخييييييييراااا افتكينا من هالويه
د . Alex : what ?
راكان : اوييه توهقت حمود ساعدني
د . Alex : rakan what you say now
راكان : امممم I say you have beautiful eyes
د . Alex : oh thanks dear rakan you too
كل الطلاب تموا يضحكون ع خبااال الدكتور والدكتور مستغرب
راكان : ايييه اسكتوا بيشك الحين
واحد من الشباب : راكان انا عازمنك اليوم عالغداء والله الكلاس طررر اليوم
راكان وهو ياشر ع محمد : حمدانووه ماتشوف زوجتي وياي
ملاك اتفشلت ونزلت راسها
راكان وحمدان : ههههههههههههههههههه
حمدان : خلاص خلاص انا عازمنكم ثنيناتكم
راكان : ويت ويت انا بختار المطعم عشان ماتسوي مثل هييج المره يوم عزمتني ع الكفتيريا اللي عند بيتكم
محمد : عادي ها مستواك
راكان مسك اذنه : نعم شقلت ؟
محمد : اااي يالجلب يععور
راكان : احسن
حمدان وهو يقلب بتلفونه : هاه وين الحين
راكان : امممم ابا مطعم Alforno
حمدان : خلاص اوك اشوفكم ف ...... مول الساعه 3

راكان : اوك
ملاك اقصد محمد : اسمحلي حمدان ماقدر ايي
حمدان : لا يالثور لا تستهبل شو ماقدر
راكان : اييه مب ع حبيبتي ثور محد غيرك
حمدان : هههههه جب لا بس صج ليش مابتي
محمد : مشغول شوي
راكان : حمدان حمدان ما عليك بيي غصبن عنه لا تحاتي انته بس جهز فلوسك وخل كل شي علينا
حمدان : ههههههههههههههههه لا تحاتي
وراح حمدان وتموا راكان وملاك يالسين فالكوفي
راكان : حمود قولي بشو مشغول
ملاك ارتبكت : اممم بالبيت وجي
راكان : ليش اختك فيها شي
ملاك استغربت انه يعرف انه محمد عنده اخت بس عقب قالت يمكن محمد قاله : اممم لا عادي مشاكل عاديه وبتنحل
راكان : اممم والله كنت احيدك تقولي كل شي ليش متغير
محمد : لا تحاتي برد لك نفس قبل الحين من المشاكل شوي
راكان : انزين بس لا تنساني اذا طحت ف مشكله قولي وانا اوعدك راح اساعدك
ملاك تمت تطالع بحنية ماتوقعت في حد طيب جي : مشكور راكان
راكان : اففف انا مب قايلك ماحب هالرسميات
محمد : هههههههههه انزين انزين يلا انا بسير البيت
راكان : انزين عيل اشوفك ف المول
محمد : هههه لا يكون عندك امل مره ثانيه انشاءالله
راكان : توعدني
محمد : اوعدك واستسمح لي من حمدان
راكان : خلاص تم لا تحاتي
وراحوا كل واحد ف طريج عشان يردون البيت















.
.
.





اتمنى تقولون لي رايكم بالبارت عشان اعرف اكمل او لا وشكرا



تعديل Maryam Saif; بتاريخ 16-06-2015 الساعة 04:03 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-06-2015, 05:20 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية قلبي ينبض بأنفاسك/بقلمي


صباح الخير .. ياهلا فيك بغرام .. موفقة بطرحك .. عندي بعض الملاحظات على روايتك الاحداث جدا سريعة وملاك ماحسينا انها حزنت على موت اخوها بالرغم انه الوحيد من عائلتها

والشئ الغير واقعي انها تتنكر بهوية اخوها بالرغم انك عارفة حكم البنت الي تتشبه بالاولاد انها ملعونة والي تسويه يغضب رب العباد اخوها مات ايش بيستفيد من الشهادة الي هي رايحة تاخذها بأسمه

ثاني شئ مستحيل انها نسخة من اخوها لدرجة ماحد يقدر يفرق مهما كان بنية الرجل غير بنية الحرمة وهي انثى مكتملة النضوج ومعالم الانوثة مهما حاولت مستحيل ماحد يكشفها الصوت مستحيل ماحد يميزه ونعومة البشرة

وطالما هي تؤم اخوها يعني مثله تدرس وباقي لها سنة تتخرج وتقدر تتوظف .. عزيزتي الفكرة جدا مستهلكة والقارئ ماعاد يقتنع فيها لانه عارف الاحداث الي بتدور وايش الغرض من هالفكرة وايش النهاية مافي واحد محترم بيقبل يتزوج وحدة ماهمها غضب ربها بتشبهها ورميها للحجاب الي هو واجب عليها حتى لو الرواية خيالية لكن يظل القارئ يبحث عن المعقول في الفكرة والاحداث حتى يتقبلها

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-05-2016, 02:35 PM
manorrf manorrf غير متصل
©؛°¨غرامي مشارك¨°؛©
 
الافتراضي رد: رواية قلبي ينبض بأنفاسك/بقلمي


كملي ياقلبي تجنن روايتك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-05-2016, 01:25 AM
صورة انِزَوَآءْ ! الرمزية
انِزَوَآءْ ! انِزَوَآءْ ! غير متصل
©؛°¨غرامي مجتهد¨°؛©
 
الافتراضي رد: رواية قلبي ينبض بأنفاسك/بقلمي


السلام عليكم حبيبتي ..
بداية موفقه .. تقريبا الكلام اللي كنت بقوله قالته الأخت " وردة الزيزفون "
شيء ضروري اذا تبغين تجذبين القارئ لروايتك لازم روايتك تكون أحداثها واقعيه مايمانع يكون فيها قليل من الخيال ولكن مو الشيء اللي ينفر القارئ .. لأنه تقريبا الروايات ذي صارت متكرره بشكل كبير ..
هذي هي وجة نظري
وبالتوفيق ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-06-2016, 01:54 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية قلبي ينبض بأنفاسك/بقلمي


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

رواية قلبي ينبض بأنفاسك/بقلمي

الوسوم
روايات -طويله , روايات روعه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية هناك / للكاتب ابراهيم عباس شرقاوية شيتونة أرشيف الروايات المغلقة - لعدم إكتمالها 7 22-01-2017 09:53 PM
رواية جريئة كادي فلسطين نقاش و حوار - غرام 32 29-07-2016 08:01 PM
رواية ممكن طلب ؟ابيك تحبني /بقلمي ريماس#* روايات - طويلة 7 28-05-2016 02:38 PM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية عروس البحر/بقلمي Goong روايات - طويلة 9 13-10-2015 01:41 AM

الساعة الآن +3: 05:14 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1