غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-06-2015, 04:15 AM
صورة غريب وسط غابه الرمزية
غريب وسط غابه غريب وسط غابه غير متصل
©؛°¨غرامي ماسي ¨°؛©
 
الافتراضي الله يخرب بيت النت وسنينه السودا


اهلا بكم
اكيد العنوان لفت نظركم واكيد لما تعرفوا الحكايه اللى دارت بين مسعود وزوجته مسعده
هتفهموا موضوع المناقشه وهتقولوا وجهه نظركم فى الاخر
مسعده لزوجها مسعود: قوم يا راجل من على النت اللى انت قاعد عليه ليل ونهار عشان عيالك عايزين
ياكلوا الله يخرب بيت النت وسنينه السودا
مسعود لزوجته: طيب ما ياكلوا هو انا مانعهم يا وليه؟
مسعده: ياكلوا ازاى والبيت مفهوش اكل عشان اطبخه؟
مسعود: طيب اصبرى الدنيا مش طارت نص ساعه وهقوم اشترى اكل
مسعده: بقالك خمس ساعات كل شويه تقولى نص ساعه واقوم هو النت هيأكلنا ويشربنا
دا حتى حرام عليك اللى بتعمله فيه انا والعيال
مسعود: يا وليه اهدى اهدى هقوم اهو بس بعد نص ساعه عشان مشيت مع اصحابى
مسعده: يعنى ايه مشيت عشان انا مش بفهم حاجه فى النت
مسعود: يا وليه يا جاهله مشيت يعنى عامل شات مع اصحابى فهمتى؟
مسعده: والله ما فهمت الكلمه الاولى هفهم الكلمه التانيه؟
مسعود: يا وليه ارحمينى وابعدى عنى الساعه دى لحسن ارمى يمين الطلاق عليكى
مسعده:يانهارك اسود ومنيل ومهبب للدرجه دى عايز تطلقنى عشان بقولك قوم هات اكل لعيالك
اهىء اهىء اهىء روح منك لله عشان عيالك بيصرخوا من الجوع وانت بتقولى مش عارفه بتعمل ايه مع اصحابك دا كان يوم اسود لما دخلنا النت بيتنا دا خراب مش نت
مسعود: يا وليه انا مش قولتلك هقوم بعد نص ساعه اتهدى بقى لحسن الشيطان بيلعب فى عبى
مسعده:يعنى هتعملى ايه هطلقنى زى ما قولت؟ طيب طلقنى بقى لو عايز انت كل يوم ليل ونهار قاعد على النت دا حتى اوقات مش بتروح الشغل عشان سهران طول الليل وبتنام بالنهار
مسعود: هو انتى ناقصك شىء فى البيت؟
مسعده: ناقصنا انت عشان مش بتقعد معانا انا وعيالك اما قاعد على النت او نايم وناقصنا الاكل والشرب متنفعش العيشه دى
مسعود: لو مش عاجبك العيشه دى الباب بيفوت جمل وانا بقى عليه الطلاق منك مش هقوم من على النت وعند فيكى هقعد على النت ليل ونهار ومش هقوم اجيب اكل للعيال عاجبك ولا مش عاجبك؟
مسعده: دى اخرتها يا مسعود عايز تبعنى عشان خاطر النت؟ الله يخرب بيت النت وسنينه السودا
منك لله يا مسعود اعمل ايه يا اخواتى حد يشوفلى حل للمشكله دى

تفتكروا الحل ايه فى المشكله دى؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-06-2015, 04:51 AM
صورة ورقه شجر الرمزية
ورقه شجر ورقه شجر غير متصل
©؛°¨غرامي متألق ¨°؛©
 
الافتراضي رد: الله يخرب بيت النت وسنينه السودا


السلام عليكم
اظن ان ال بيعانى منه مسعود هو ادمان على النت
وده وبالطريقه دى هيخرب بيته بيده لحد ميجى اليوم
ال هيقول يا ريت ال جرى ما كان
ولكن بعد ايه بعد ما خسر كل شى
لان النت مش كل حاجه فى حياتنا
واظن انه محتاج دكتور نفسانى يخرجه من ادمان النت
وتحاول العائله امها تشوف اى حاجه بيحبهاا وتشده
وبلتدريج بخفف من النت
ده فى وجه نظرى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-07-2015, 03:07 PM
صورة دقةة قلب الرمزية
دقةة قلب دقةة قلب غير متصل
©؛°¨غرامي نشيط¨°؛©
 
الافتراضي رد: الله يخرب بيت النت وسنينه السودا



مساء الخير

تسلم على الموضوع

فعلاا موضوع يستاهل اننا نتناقش فيه

بصراحه وجهة نظرى بتقول

ان اللى بيعمله دا نتيجة بعده عن ربنا

هوا لو كان قريب من ربنا استحاله كان هيعمل كدا لكن هوا سايب الباب للشيطان مفتوح ع البحرى ودا هييجى على دماغه هوا بعد مايهد كل اللى بناه

لكن هيفوق امتى ويعرف ربنا امتى ؟؟؟؟؟؟؟؟ الله اعلم

المفروض الزوجه ليها دوور اساسى فى انها هتفوقه وترجعه لبيته وحياته الطبيعيه

لانها سابته من الاول يبعد عن ربنا وحده وحده لحد ما وصل للحاله اللى هوا فيها دى

الحل دلوقتى فى ايد الزوجه والاولاد بعد ربنا

لازم يحاولوا يبعدوه عن النت وحده وحده زى ما ادمنه وحده وحده




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-07-2015, 07:01 AM
وِجْد وِجْد غير متصل
عضو موقوف من الإداره
 
الافتراضي رد: الله يخرب بيت النت وسنينه السودا


انا اعرف حقيقه ثابته وحيده النت عام 2007 لم يكن في كل بيت
وكل افترائتك على ناس ماعندها نت مردوده عليك جمله وتفصيلا
اذا رجال من ظهر رجال واجه اللي عندها نت وتعرف ماضيك كله بالتفصيل الممل :)


موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1