منتديات غرام روايات غرام أرشيف الروايات المغلقة - لعدم إكتمالها روايتي الاولى:ودي اكون اجمل حدث في حياتك
5jlal3jme ©؛°¨غرامي جديد¨°؛©

السلام عليكم ورحمة وبركاته
مرحبا بالجميع وهلا وغلا بكل من مر م هنا
اليوم حابة اطرح اول كتاباتي محاولة ان أكون من ضمن الذين يكتبون فينجحون وان اخوض تجربة جديدة وكتابة قصة واقعية

للكاتبة|5jlal3jme
قصة تناقش الحب بجميع الظروف وبمختلف الأنواع
والاهم عندما يكون حب عصف بين قلبين لتهب عليهم اشد العواصف ويعاركوا اهواج التحديات حب لايعرف الاتهاء ...حب لايقيده حدود...حب وقع بالوقت الخطأ والمكان الخطأ ولكن اصبح حلم السنين وعذاب العاشقين وامنية مشتعلة ترجو ان تتحقق ولو بعد حين



تعالو معي نقوم بجولة بين كلمات من اجمل ماقيل لتتعرفو على سطور روايتي

رواية:ودي أكون اجمل حدث في حياتك رواية واقعة اقبل النقد واراء الجميع ولن اقبل او احلل بمن ينقل روايتي من غير ذكر اسمي


البارت الأول|part1

احداثنا راح تبدا بأحداث صارت قبل سنة ونصف وراح نتكلم فيها مع بداية الجزء الأول

في صباح يوم الاثنين كانت عائلة ال..من العائلات المعروفة والمرموقة في الكويت يستعدون لذهاب الى المكان المخصص لقضاء اجازاتهم العائلية مثل كل السنوات التي مضت و كانت بطلتنا جوانة تجهز جميع اغراضها لكي تذهب مع عائلتها وبيت اعمامها وعماتها في الشاليه الخاص فيهم بمنطقة العبدلي بمناسبة الاحتفال بالعيد الوطني لدولة الكويت بتاريخ25وو26فبراير
ــــــــــــــــــــــــــــــــــــــــــــــــــ ـــــــــــ
نعرفكم على عايلة جوانة:
جوانة:هي اصغر اخوانها والبنت الوحيدة لاهلها عمرها17سنة انسانة مثقفة تعشق القراءة وحب التطلع على الكتب تهتم لدراستها انسانة حساسة جدا طولها172 ةوزنها55 بشرتها بيضاء كبياض الثلج وعيونها خضر كلون العشب وشعرها اسود لظهرها
الاب :متوفي
الام ام فهد(مريم): العمر45سنة بيضاء البشره عيناها بني غامج طولها171 وزنها60 على كبر سنها الا ان محد يعطيها غير30سنة دكتوره جراحة في احدى المستشفيات الخاصة تخصص جراحة باطنية
الولد الكبير:(فهد):العمر25 سنة بشرته بيضا عيونه خضر جسمه رياضي شعره بني غامج طوله176
وزنه70 انسان يحب يطلع الى المخيمات او الدوانيات ومايقعد بالبيت وايد ويدير شركة ابوه انسان مخلص دراسته تخصصه هندسة معمارية بس فضل يشتغل بشركة ابوه فتعلم خبرة إدارة الاعمال
الولد الأوسط(عبدالعزيز):عمره23سنة طوله192 كان أطول اخوانه بشرته بيضا عيونه بنية فاتحه
يدرس بأمريكا باخر سنة له بالهندسة وتخصصه هندسة كيميائية بولاية سانديغو في أمريكا انسان يعشق الطلعات والسفر الدائم
الولد الأصغر(عبدالرحمن):عمره20سنة انسان جامعي تخصص هندسة ميكانيكية يكمل دراسته في أمريكا مع أخيه عبدالعزيز عيناه خضراوان انسان لايجلس ابدا بالمنزل يحب السفر الدائم والخروج للمجمعاات بصحبة أصدقائه طوله 175 وزنه67
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ام فهد(مريم):جوااانة جوااااانة وينج انزلي يلا احنا تأخرنا راح نمشي لازم نكون واصلين من زمان
جوانة نزلت تحت بعد ماسمعت امها تناديها : نعم يمه امري شفيج تصارخين
ام فهد(مريم): ياربي من هالبنت بارده الحين سمعتي الصراخ وماسمعتي اشقلت
جوانة:خلاص يمه لاتعصبين كاني خلصت وتجهزت
ام فهد: عطي كارمن ..*كارمن خدامتهم الفلبينية* الجناط خل تحطهم بسيارة ويلا امشي معاي
جوانة:دقايق يمه بصعد ايب تلفوني نسيته فوق
ام فهد(مريم):بسرعة لاتتاخرين ناطرتج
وصعدت جوانة تأخذ تلفونها ونزلت تحت وركبت مع السايق وامها متجهين الى الشاليه وكان الصمت سيد الموقف
في السياة"
جوانة:اقول يمه وين فاطمة ليكون نسيناها
ام فهد: محد ينسى بنته بس انتي التلفون اللي بأيدج مخرب عقلج
وفاطمة راحت مع عبدالرحمن اخوج يشتون شوية أغراض حق الشاليه
جوانة: شدعوه يمه كله تلفون وبعدين اكو اوادم يطلعون يشترون من 8 الصبح والله فاضين
ام فهد:قررت تطنش بنتها وتسكت تعرف نفسها ماتخلص من لسان جوانة
نسيت اعرفكم على فاطمة:
فاطمة تصير بنت خالة جوانة أبوها طلق أمها من كانت في بطن أمها لمن كانت في الأشهر الأولى من الحمل وتزوج من امرأ أخرى وبعد ولادة فاطة بشهر قررت ام فاطمة تتزوج زميل لها في العمل بعد ما اصر المتقدم انها تتخلى عن حضانة بنتها الوحيدة فتقبلت الشرط كونها توها صغيرة ومحتاجة زوج وتكفلت ام فهد برعايتها وتربيتها وربتها مع عيالها وعدتها وحده منهم وماتفرق بينهم
وفاطمة انسانة شاطره في دراستها ،،تدرس في المرحلة المتوسطة دائما الأولى في مرحلتها الدراسية والفائقة على زميلاتها عمرها 13سنة بشرتها بيضا وعيناها سود وشعرها اسود لظهرها وجسمها متناسق وزنها 50 وطولها 172

ــــــــــــــــــــــــــــــــــــــــــــــــــ ــــــــــــــــــــــــــــ
وصلت جوانة وامها الى الشاليه وصعدت جوانة فوق غرفتها المخصصة لها واللي ماشافتها أسبوعين من فارقتها قعدت ترتبها شوي وترتب الأغراض اللي اشترتهم وتحط ملابسها الجديدة
وام فهد طلعت ترتاح لها شوي لانها قعدت امبجر شوي من الصبح
والخدم ينظفون ويرتبون المكان
جوانة انتهت من تريب غرفتها وقررت تنزل تحت وتشوف الأوضاع بعد مانزلت مالقت أمها موجوده فقررت تدور عليها وقالو لها انها نايمة وطلبت يقعدونها بعد ساعة وبهذي اللحظة وصلت فاطمة بنت خالة جوانة مع اخو جوانة عبدالرحمن
جوانة راحت ركضت لاخوها تضمه لانه وصل من يوم من أمريكا وماشافته
عبدالرحمن: شوي شوي علي اكلتيني كل هذا شوق لي
جوانة: اشتقت لك ي دب لا مو شوق الا مصلحة علشان اشوف شنو يبت لي من أمريكا هدية
عبدالرحمن : انا قلت هالضمة مو ببلاش وراها مصلحة
جوانة:ههههههههههههههههههههه الا ماقلت لي اخبار عزوز ليش مايا وياك
عبدالرحمن:عنده شوية شغل يومين وراد الكويت
جوانة: أي زين الله يرده بسلامة
فاطمة:امين يارب
جوانة: انتي أخيرا طلع لسانج ليش ساكته شفيج
فاطمة : خفت تزعلين طلعنا بدونج
جوانة:هههههههههههههه وربي انج مسكينة جننت ماما بسيارة واقولها منو هالفاضي اللي يطلع من الصبح
فاطمة: تحذفها بالخدادية الشرها علي انا اللي ماكله همج لانج زعولة
جوانة:انا ازعل على الشي اللي ابيه واللي ما ابيه ما ازعل علي
فاطمة : مزاجية يعني
جوانة: يب يب اكيد ههههههههههه
فاطمة: ضحكتي بلا ضروس وجع أقول امشي فوق نقعدهني المكيف حار
جوانة:امشي يلا صح كلامج ...أقول حمني تصعد ويانا؟
عبدالرحمن: لا انا بنتظر واحد من الربع الحين يمرني.. الظهر بكون متواجد على الغدى
وصعدت جوانة مع فاطمة لفوق وراح عبدالرحمن مع صاحبه اللى كان منتظره لان كان مشتاق لشوفته بحكم مدة السفر لدراسه بالخارج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
فوق بالطابق الثاني عند جوانة وفاطمة
فاطمة:اقول جوانة الا وين فهد
جوانة:يقول بشركة معطي الموظفين عطلة حق العيد الوطني بس اهو عنده شوية شغل بالمكتب
فاطمة:اي زين الا لو تخرجتي وين ودج تدخلين
جوانة:الف مرة قلت لج ما ادري والله ضايعة بالاختيار كل يوم لي اختيار
فاطمة:انتي لازم تحددين لج صيري محامية؟
جوانة:لاويع ما احب هالمجال خل اتخرج ويصير خير بعدين
فاطمة : ي الخبلة اخر سنة لج المفروض تقررين من الحين
جوانة:يصير خير فطيم لاتحنين علي وايد
فاطمة:كيفج انا بروح اقعد امي مريم
جوانة: اوكي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
راحت فاطمة راحت تقعد خالتها من النوم اما جوانة ظلت تفكر بكلام فطوم اللي تدور مصلحتها من هالناحية وتفكيرها كان فعلا سليم
عند ام فهد من النوم ونزلت تحت وبلغتها فاطمة انها اشترت جميع الأغراض االللي طلبتها
ام فهد:يعطيج العافية بنتي فاطمة ماتقصرين
فاطمة:ولو يمه ماسويت شي
وبهالحظة وصلو اول بيت من اعمام جوانة
بيت العم عبدالرحمن :
العم عبدالرحمن العمر :42
زوجته عواطف :35
ابنه سالم:12يدرس في المرحلة المتوسطة
ابنته عايشة:11 تدرس في اول مرحلة لها في المتوسط
ابنه عبدالله :10 يدرس في المرحلة الابتدائية
ابنته لينا:3 سنوات
استقبلتهم ام فهد وجلسو في الصالة الداخلية
عواطف:شلونج ي مريم وشلون البنات
ام فهد(مريم): والله الحمدالله احنا بخير انتو شلونكم والله البنات بخير فاطمة راحت فوق تنادي جوانة شوي وينزلون لكم
عواطف: أي من زمان عنهم مغبرين والله
ام فهد(مريم):تدرين البنات امتحانات ودراسة وانا من الدوام والمناوبات وما القى وقت السموحة منكم
عواطف: لاعادي
العم عبدالرحمن: الا محد وصل من اخواني وخواتي يا ام فهد
ام فهد(مريم)ا: انا اتصلت عليهم والحين اهم بمسافة الطريق
وبهالاثناء نزلت جوانة وفاطمة لتحت
جوانة راحت تسلم على عمها ومرته وعيالهم
جوانة: حب راس عمها وقعدت يمه شلونك عمي شخبرك
العم عبدالرحمن:ا اعجب بتصرف بنت اخوه لحمدالله بخير شلون الدراسة وياج
جوانة :والله تعب اخر سنة لي الحين
العم عبدالرحمن:الله يوفقج ي بنتي
جوانة:امين
العم عبدالرحمن:اخبارج فاطمة
فاطمة:الحمدالله طيبة يا عم
عواطف: الا ماقلتي ي جوانة أي تخصص تبين تدخلين
جوانة:والله ما اخترت
العم عبدالرحمن:لامايفع لازم تختارين من الحين
ام فهد(مريم):والله تعبنا نقول لها ماتسمع الكلام لابد لكل انسان له طموح بهالحياة علشان يقدر يوصل للهدف اللي يتمناه ويحققه
عواطف: أي صح فكري بالتخصص اللي يناسبج جوانة
جوانة:ان شاء الله خالتي
ووصلو بهاللحظة بيت عمات جوانة اما اعمامها الباقي اعتذرو عن المجى
بيت العمة مها: العمر 43سنة
زوجها عمر :50سنة
ابنتهم خديجة :العمر 20 سنة متزوجة مع خالد وعمره 23سنة بشرتها اسمر فاتح على قليل من البياض قصيرة القامة طولها 162 وزنها 40 ضعيفة جدا شعرها بني غامج قصير وعيناها بنيتان غامج
ابنتهم حنين: عمرها 16سنة بيضا البشرة وعيناها بنيتان طولها 167 تدرس في المرحلة الثانوية شعرها بني غامج طويل
ابنتهم ليان:13سنة انسانة هادية جدا جميلة وبيضاء البشرة وعيونها بنيتان وطولها 160 وشعرها اسود طويل
ابنهم محمد: عمره 8سنوات
ــــــــــــــــــــــــــــــــــــــــــــــــــ ــــ
العمة هيام
انتها الكبرى لجين:17سنة بيضاء اعيناها زرقاوان كلون البحر شعرها اسود طويل طولها 173 وزنها 57
تدرس في اخر مرحلة بالثانوية مثل جوانة
ابنتها الصغرى جنان: 14سنة بيضاء وعيناها زرقاوان وشعرها اسود وتشبه اختها تماما وزنها 167 وزنها 50
وتدرس في المرحلة المتوسطة
_____________
قامت ام فهد باستقبالهم ودخولهم في صالة الضيوف الداخلية وقامت جوانة باستقبال عماتها والسلام عليهم ثم اخذت بنات عماتها وصعدت غرفتها
جوانة: بنات وحشتوووني
خديجة : السعودين يقولون وحشتوني احنا اشتقنالكم
جوانة: ي اخي احبهم مره واحب لهجتهم
لجين: الأخت قلبت سعودي
فاطمة: اهي كل مرة جذي
خديجة: ان شاء الله تأخذ لها سعودي وتفكنا من حنتها
فاطمة +لجين+خديجة+جنان= امين
الجميع :ههههههههههههههههههههه
لجين:اقول بنات ماخططو نسوي شي بهاليومين اللي راح نقضيهم هني
جوانة: انا يايبه شوية اشرطة حق بلستيشن 3 انما ايه كده
فاطمة: الأخت قلبت مصري
خديجة:ههههههههههههههههههههه حيل
حنين أخيرا تكلمت أقول انا جوعانة ماودكم ننزل نتغدى بعدين نكمل
الجميع بصوت واحد : الا يلا خل ننزل
لجين : انتو نزلو انا ابي جوانة بموضوع
الكل:اوكي
جوانة: احنا الحين بروحنا امري بغيتي شي
الجين: أي ابيج بخدمة
جوانة:امري
لجين: امي قطعت الانرنت عني علشان ورا العيد الوطني امتحانات وانا ماعندي انترنت وضفت قروبات امتحانات شلون بالله راح اغش
جوانة: انتي من صجج تبين تغشين لجين تكفين درسي مابغى شي ع الاختبارات ترا
لجين: جوانة انا تعودت اغش او رفيجلتي يساعدوني بس هالمرا بيفرقونها بالاارقام
جوانة: والمطلوب مني؟
لجين تضيفين القروب عندج بيبي ام وبعدين عقب مايدز امسحيه وخلاص
جوانة قالت لها اوكي بنفاذ صبر وضافته علشان تسكتها بس رمستحيل تمرر خطتة لجين الفاشلة
لجين : يلا خل ننزل نتغدى
جوانة: اوك
راحت لجين وجوانة تحت ولقت عبدالرحمن اخوها وصل اهو وفهد وتغدو مع الاهل وكملو سوالف وضحك وتعليقات لانتهتي
ــــــــــــــــــــــــــــــــــــــــــــــــــ ــــــ
وبعد الغدى اجتمعو البنات فوق بغرفة جوانة
يسولفون وجوانة بالها بعيد مو معاهم مع البرودكاست السياسي اللي وصلها واهي ماتحب هالنوع من السياسة بالذات

جوانة قررت تدخل تتكلم مع الشخص اللي داز هالبروكاست وتتناقش معاه
جوانة:السلام عليكم منو معاي
راشد: وعليكم السلام انتي منو
جوانة: انا ضفتك علشان قروب الامتحانات
راشد: أي بس الامتحانات ورا العيد الوطني
جوانة:اوكي مكن استفسر عن البرودكاست اللي دازه
راشد: أي عادي
جوانة:ليش تدز جذي
راشد: اعتقد هذا راي شخصي وانا حر
جوانة: اوكي باي
راشد: اوكي باي
ــــــــــــــــــــــــــــــــــــــــــــــــــ ــــــــــــ
قامت جوانة مع بنات عمها وعماتها ونزلو تحت يلعبون برشاشات الماي وبعد ماتعبو قررو يبدلون ملابسهم المتبللة بعد ما استبردو من الجو وكل وحده قررت تدخل تبدل اما جوانة بعد مابدلت راحت غرفتها والبنات قررو يطالعون فلم بغرفة فاطمة وظلت اهي بروحها بغرفتها تغني وتدندن على اغنية اذا ناوي تروح ابفهم وين اروح تخليني أعيش بعدك بألم وجروح ودزت بروكاست
في البيبي ام
*بنات منو تبيني ادق عليها*
ومن ضمن المضافين عندها وصل لها برودكاست من راشد وكتب : انا
جوانة استغربت من طلبه وقالت خل ادق عليه اشوف شنو يبي
جوانة: اوك الحين ادق اكتب الرقم
راشد: 67ـ ـ ـ ـ ـ اوك بأنتظارج
جوانة:الوو السلام
راشد : وعليكم السلام شلونج
جوانة: الحمدالله تمام
راشد : عسى دوم ان شاء الله ممكن نتعرف بالاسم
جوانة : امين يارب جوانة وانت؟
راشد : راشد ليش دازه برودكاست تبين احد فاضي تدقين عليه
جوانة: متمللة بصراحة بس ترا انا دقيت وكان مقصدي بنات وقلت بنات بس انت ما انتبهت
راشد: عفوا ما انتبهت
جوانة : لا عادي صار اللي صار
راشد: وينج
جوانة: بشاليه مع اهلي وانت
راشد: انا بالمخيم حق اهلي بروحي انتظر احد ايي فيهم
جوانة: اوكي اكلمك بعدين باي
راشد: اوك باي
وراحت جوانة عند البنات تكمل معاهم الفلم وتفكر براشد اللي سحرها صوته وانها لازم تمسحه من حياتها قبل مايتطور الموضوع
ااما راشد بالمخيم وينتظر احد من اهله ايي عنده وكان بروحه وعجبه صوت البنت اللي سمع صوتها وقال من نبرته تبين صغيرة

ـــــــــــــــــــــــــــــــــ
نسيت اعرفكم على بطلنا راشد:
راشد انسان يمتلك جسد رياضي جميل تتمناه أي بنت وطوله 176وعيونه سود وشعره اسود وداش نادي حديد وكان يلعب ملااكمة وعمره 20سنة
ــــــــــــــــــــــــــــــــــــــــــــــــــ ــــ

اقوم من ليل واصبح على ليل
وما ادري النهار اللي يقولون وينه
مشغلني ياللي مشغل البال بالحيل
واخفت شعاع الشمس غرة جبينه
المترف اللي تابعني بالمظاليل
واطبق جفونه بين عيني وبينه
لجله تحديت البشر والذي قيل
ولجله نذرت العمر واغلى سنينه
طرياه في شعري وصوت المواويل
واكيد عشاق السهر سامعينه
وذكراه في بالي وكل التفاصيل
هو بحري المواج وانا السفينة

هذي نهاية الجزء الأول من البارت

الاميرة المجهولة ... ©؛°¨غرامي فعال ¨°؛©

بداية موفقة بس عندي ملاحظات

1- اتمنى الخط يكون شوي كبير


2- كثري الوص مثلا كيف كانت الشخصية تتكلم بسخرية بغضب بحنان بقهر لنعيش الجو اكثر


3- اتمنى تكون الفكرة جيدة وغير مكررة



اتمنى ما تزعلى ومهما كان لا تتاثري بقلة الردود بعدين لما يصير في احداث بيصير في ردود وتشجيع وتفاعل


اتمنى تزوري روايتي https://forums.graaam.com/597601.html

5jlal3jme ©؛°¨غرامي جديد¨°؛©

ان شاء الله ي الاميرة المجهولة وشكرا على النصيحه ولانها هذي اول رواية لي ان شاء الله تكون بداية خير

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1