ألماسة نوال ©؛°¨غرامي جديد¨°؛©

السلآلآلآلآم عليكم


اخباركم ان شاء الله مستانسين يارب

مبروك عليكم الشهر الكريم

اليوم وليس غداً بقدم لكم روايتي الثانية وهي








(((( احبك وما همني الي فيك ))))




نبتدي







الــــــــــــــــــــــــــبـــارت الأول

" التعريف بالعائلة "

عايلة ابو رفعة

ابو رفعة : ( علي ) عمرة 44 سنة يشتغل محاسب في شركة معروفة
ام رفعة : ميتة من كان عمر رفعة 3 سنوات
رفعة : عمرها 18 سنة ثاني سنة لها في الثانوية طيوبة وحبوبة حيل ووحيدة امها وابوها تحب ابوها ومتعلقة فيه

عايلة ابو اياد

ابو اياد : مساعد ميت من 3 سنوات

ام اياد : بسمة عمرها 47 سنة فاهمة ووعاية وعقلها كبير وحنونة وطيوبة لأبعد الحدود

اياد : عمرة 31 سنة متزوج وعنده بنت وولد ( بسمة عمرها 9 سنوات في ثالث ابتدائي، مساعد 6 سنوات في اول ابتدائي )

زوجة اياد : حلا عمرها 28 سنة مدرسة في مدرسة ابتدائية حنونه وطيبة ويتيمه امها وبوها ميتين واخذتها ام اياد وعاشت عندهم وحبها اياد وتزوجها لما استلم شركة ابوه وبدا يعتمد على نفسة

زياد : عمرة 29 سنة يحب بنت خالته ليال ومتملك عليها والعرس بعد الاختبارات النهائية عشان ليال تدرس وفي ثاني الثانوية

ياسر : عمرة 26 سنة كان عنده فشل كلوي في الكليتين وعنده إكتئاب حتى طعم الإبتسامة ما يعرفه يشتغل في شركة ابوه مع اخوانه وهمه الشغل وبس

داليا : آخر العنقود عمرها 18 سنة تدرس في نفس مدرسة ليال بنت خالتها وفي نفس الصف ومتعلقات في بعض حيل


الــــــــبـــــــدايــــة


رفعة : يووووه ديما من جدك ( رفعة عندها 5 صديقات راح نتعرف عليهم بعد شوي )

ديما : ايه علقت الجدول وبعد الإجازه الاختبارات بتبدي

رفعة بتوتر:طيب تعالي عندي البيت و عطيني الجدول

ديما: يا حبي لك من اليوم وانا ادور احد عشان يوديني المكتبة اشتري اغراض بيقبلون يودوني لبيتك يعني

رفعة بتفكير : طيب ارسلي لي رقم امك

ديما بأستغراب : ليش

" رفعة سكرت بوجهها "

" ديما ارسلت لها رقم امها مع تهديد عشان سكرت بوجهها "

رفعة ضحكت عليها ودقت على امها

.... : ألو

رفعة : السلام.. هذا رقم ام ديما

...: ههههه اختي انتي غلطانه

رفعة انصدمت : وشوووو

..... : اقول انتي غلطانة

رفعة:هذا مو رقم ام ديما

....: لا

رفعة بفشله : آسفه ازعجتك

..... : لا عادي

رفعة سكرت منه وشافت رسالة ديما

_} ههههههههه وش رايك بالمقلب {_
دقت على ديما

... : أ...

رفعة قاطعه بعصبية : انتي ل

....: اوب اوب اوب لحظه يالحبيبة انا مو ديما انا اخوها حمد

رفعة تفشلت : آسفة ممكن ديما

حمد ابتسم : ايه ممكن

رفعة سكتت وردت عليها ديما : ألو

رفعة بعصبية : وش ذالمقلب السخيف

ديما رفعت حاجبها بأستغراب وبعدين تذكرت: هههههههههههههههه وش رايك فيه

رفعة :مثل وجهك الشين

ديما : انتي اشين

رفعة : ها ها ها ها اقول باخذ الجدول من منيرة احسن من مقابل وجهك

" خذت الجدول من منيرة وراحت للغرفة وبدت تصمم جداول عشان تنظم وقتها وبتبدي فيها بكره "

"قبل هذي الأحداث "

....: يمة من كنتي تكلمين

امها : وحده غلطانه كانت تبي بنت اسمها ديما

....: هههههههههههه

امها : ليش تضحكين

...: يمكن هذي رفعة

امها بأستغراب : مين رفعة

" .. قالت له السالفة "
"على فكرة ديما اتفقت مع ...وقررت تعطيها رقم امها "

امها: حمد الله رب العالمين على نعمة العقل

.....: يمه ترى بنروح انا وليال لصديقتي رند

امها : ليش

.....: عشان الاختبارات قربت

فحبينا نغير جو قبل الاختبارات

امها : خلاص طيب بس لاتطولون الساعة 9 وانتوا هنا ولا والله معد فيه طلعه حتى المكتبة مافيه

.... : ان شاء يا أحلى ام بدنيا

امها : طيب من بيوديكم

......: زياد

امها : طيب يلا روحي

...... : ان شاء الله
" وراحوا "

الـــيوم الثاني
الــــــســــــــاعــــ11:41ـــة صــبــاحــاً
منيرة : رفعة مو كأنه بدري الوقت

رفعة : لا بدري ولا شي

منيرة : طيب دقايق واكون عندك

رفعة : لا تتأخرين بسرعه

منيرة : خلاص اوكيه

" وسكرت منها و10 دقايق ومنيرة عند رفعة وبعدين راحت لنوال واسماء وخلود وديما وراحوا للسوق "

منيرة : هاه انتوا كاملين

نوال : ايه ايه يلا حركي

منيرة : اعصابك

نوال : شسوي متحمسه

منيرة : راجو " سواقها " يلا امش

اسماء : بسرعه بسرعه

منيرة : يلا استلم بدت الثانية

" قعدوا يتهاوشون لين وصلوا "
الــــــــســـــــــوق

"البنات دخلوا محل"

خلود : بنات شوفوا هذي البلوزة

ديما : يع مو حلوة

خلود : ارحميني يأم الذوق

ديما : إي والله جد وع مو حلوة اكيد الي صممها عميان

خلود : اقول انتي العميانه انا بشتريها

ديما : واللهـ بكيفك

رفعة : بنات انا بتمشى في المحلات من بتجي معي

اسماء : انا

رفعة : يلا امشي

" طلعوا من المحل وفجأة "

طـــــــــــــــــراخ

رفعة : اااه عمى ما تشوف

....: لا انتي الي تشوفين

رفعة: أي اشوف مو مثلك

.....بسخرية:مو ياسر الـ... الي بنت فقر تـ
"ماكمل كلامه إلا بكف من رفعة"

رفعة : اذا انت غني وانا فقيرة بلفلوس مو معناته اني فقيرة بأخلاقي

ياسر يحط يده على خده : طيب يأم الأخلاق والله الكف هذا لأطلعه من عينك
" وراح"

رفعة : بنات خلونا نروح

" سكتوا البنات لأن إذا تكلموا بتصير مصيبة"

"نرجع لـ"

محمد : ههههههههههه والله وقدرت تهزك يا يسور

ياسر : تكفى محمد اكرمنا بسكوتك

محمد : اوكيه براحتك بس شفتها واللهـ انها صاروخ

ياسر : صاروخ الي يطير فيك

محمد : اوب اوب اعصابك بالحبيب لاتحط الحرة فيني انا مالي دخل

ياسر طنشه وشاف علي السرحان : علي

علي :..............................................

ياسر : ياهوووه

علي :................................................. ..

" ما كان معه كان مركز في الي كانت ماسكه فستان تيفاني"

نوال :بنات وش رايكم فيه

منيرة : رووووعة خذيه يجنن عليك

علي : ايه مره

"نوال الفتفتت على مصدر الصوت وانصدمت "

نوال بصدمه : انت

علي ابتسم : بشحمه ولحمه

نوال : ياخي وش تبي

علي : ابي اتعرف

نوال : اقسم بالله اذا ما رحت عني لأنادي الأمن

علي : ناديهم

نوال كانت بتروح بس وقفها صوته

علي :بس قبل لا تروحين يا نوال

نوال انصدمت : انت وشلون تعرف اسمي

علي : بطرقي الخاصه المهم " طلع كرت " هذا كرتي انتظر اتصالك الليل

نوال : ومن قالك اني باخذه

" علي رجع الكرت في بنطلونه "

علي : لا تاخذينه ما يحتاج انا عندي رقمك وحافظه اكثر من اسمي

"سكتت نوال وكانت بترد بس سبقتها منيرة "

منيرة بعصبية : انت وش تبغى بضبط

علي طنشها : ترى فيه مفاجأة حلوة بتجيك بكرة اذا ما اتصلتي

منيرة بنفس العصبية : انت هيه وش قله الأدب هذي ولا والمشكلة بكل وقاحة تقولها

انتهى البارت


الاميرة المجهولة ... ©؛°¨غرامي فعال ¨°؛©

بداية رائعة

اتمنى تنزلي بارتات كثيرة في البداية عشان تلقي تفاعل


و اتمنى تتابعي روايتيhttps://forums.graaam.com/597601.html

عــــأشق ألجـنانــــ ©؛°¨غرامي جديد¨°؛©

خطوات جميله كاتبتي العزيزه !! ,واتـــــــــــمنـــــــــى تزوريني فـــــــــي روايتــــــــي
^__^


- لؤي ©؛°¨غرامي متألق ¨°؛©

رواية معبرة و جميلة
يعافيك ربي على الاختيار

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1