sevda ©؛°¨غرامي مشارك¨°؛©

بسم الله الرحمن الرحيم
هالرواية راح تكون ثاني رواية اشارككم فيها و اعيشكم تفاصيلها ,, أتمنى من كل قلبي انها تعجب عدد كبير من الي راح يقرونها و أتمنى ما تكون جهودي راحت بدون ما اسعد قارئ او ارسم البسمة على ويهه او حتى تنزل دمعته و يتضايق على حدث من احداث روايتي الي حاولت اعيشها بتفاصيلها و حبيت اشارككم هالأحداث الي تمنيت بلحظة انها تصير واقعية و مو مجرد أفكار تنكتب بمسمى "رواية"
قراءة ممتعة للكل و سامحوني على ..:
#أي خطأ إملائي مو منتبهه عليه
#أي فكرة ما توضحت لكم
#أي خربطة صارت آنا مو ملاحظتها
بالنهاية هاذي أشياء معتادة و تصير لأحسن الكتاب و المؤلفين .............
*الرواية من تأليفي و مو من الواقع*

ومن هني ابدا لكم قصتي الي ابيكم كلكم تعرفون عنها
......
فتحت عيوني على نور الشمس من بعد غفوة النص ساعة الي غفيتها على غنفة داري من التعب ,,صار لي فترة ما انام اصلا و لو نمت يكون صدفة و من شدة الارهاق ,, طليت على الساعة و كانت الساعة 8 ونص الصبح ,, اللهم ارني خير مافي هذا اليوم و خير ما بعده و ابعد شر مافي هذا اليوم شر ما في بعده ,,قمت من مكاني و وقفت عند منطقة الصراحة , مرايتي الي ما عمرها خانتني و لا عمرها غدرت فيني ولا عمرها خدعتني و جذبت عليّ .. المرايه شي واييد صادق , يبين للانسان حقيقته و والواقع الي اهو عليه الحين , احيانا الانسان ما يكون عارف الواقع الي راح تبينه له هالمرايه و احيانا يكون متأكد من الي راح يجوفه , مثلي آنا تماما !! قابلت المرايه و ابتسمت بيأس ,,هالات سودا ,ويهي اصفر , واضح عليّ كل الي فيني من ضيق و اسى و حزن ,, مشكلتي ان كل شي يوضح على ملامحي و ماينخش شي ابد ,, آنا مثل الورقة الممتليه بالقلم الغامج ,كل شي يبين عليّ و بوضوح كبير , و كل شي فيني ينفهم و ينكشف واضح علي التعب الي ماني قادرة اشيله ابد لاني كل ما احاول اشيله بتجدد ,كأنه مستقر فيني و عالق مستحيل يروح
اييه !! آنا اهي البنت الي حياتها دمروها اثنين كانوا قطعة من قلبها ,, كانوا صندوق اسرارها ,,كانوا بير ثقة لها ,,كانوا اصدق واغلى البشر بحياتها ,,كانوا شي وايييد كبير لها و ما ينوصف ,,بأختصار كانوا كل شي لها بس بلحظة ؟؟ التفتت حوالينها و مالاقتهم ,,,,,,, آنا "أسماء" بنت ال 20 سنة ,,الي من يومي ما احب اتعلق بأحد و لا احب اعلق أحد فيني,, عندي كذا قانون اعيش عليهم و موقنة ان :,,:لكل فعل ردة فعل ,, لكل مشكلة حل ,, لكل انسان آمال بدنياه,,ماكو حزن الا وينتهي بفرحه ,,ما يصير شي بدون الصبر,,وايييد ناس يجوفوني قوية و حياتي بأحسن ما يكون ,,دومني مستانسة و مبتسمة لخلق الله ,,ما عندي وقت للزعل و النكد ,, كل الي ابيه عندي و موناقصني شي ,, محبوبة عند الكل للبعيد والقريب ,, و واييييييد حجي اسمعه من الناس و يكونون اهما حاطينه ببالهم الا ان ولا واحد منهم فاهمني عدل و يعرفني آنا على حقيقتي و ماكو احد راح يكتشفني الا شخص واحد ,,الي راح يلاقي مفتاح قلبي الكبير الي راح يخليه يتمكن من انه يدخل قلبي صج و يسكن فيه ومايطلع منه .........و للاسف ان هالانسان صعب ينوجد و لو انوجد صعب يلاقي ذاك المفتاح الاساسي الي يحل كل شي لانه راح يبدا بمفتاح صغير يدخله من مرحلة لمرحلة و آخر المراحل راح تخليه يملكني كلي ..........
رغم كل الحالات الصعبة الي عايشتها قاع ابتسم ,, قاع اعيش و احاول احس بيومي بكل متعة ,,متعلقة بهالحياة و احارب كل شي على شان ابقى فيها ,, حاربت مرض خطير ضيع لي سنين من عمري "لوكيميا" اخطر انواع السرطان ,, عشت ايام واييد صعبة عانيت فيها و عانوا معاي كل الي حولي ,, بلحظة حسيت ان كل شي راح يخلص و اني قاع افقد الامل بس بلحظة !!! كل الدنيا تفتحت بعيني , صار عندي امل ,تفاءل ,حسيت اني متعلقة بهالدنيا و ماراح اهدها و فعلا!! هذا الي صار آنا للحيني موجوده , و عايشه الدنيا طول بعرض ,,,,,,,,,,,,,,,,,, صج شفيت آنا بس ..... مابي احبطكم بس هذا الصج ,, اكتشفوا فيني اورام قاع تتكون من يد ويديد بس على مايقولون اني راح اتغلب و انهم شي بسيط ,,,,,,,, بأمر ربي كل شي راح يتحسن و آنا واثقة
آنا "أسماء" رغم كل الي يصير آنا بخير و مقاومة بهالحياة و قاع انطر من ربي كل خير و راحة على شان جذي خل اعيشكم معاي شوي جود آنا و انتوا نعرف مصيري و المكتوب لي سوى ..

فتحت الكبت و طلعت لي لبس حتى بدون لا اطالعه ولا اختاره مثل عادتي ...مشطت شعري بسرعة ولميته كامل بأي تسريحة تمشي الحال ...حاولت اعدل شكلي شوي و كثر ما اقدر لكن؟؟؟؟
ماطلع معاي شي ,تنهدت و طلعت من داري بكل هدوء ,محتاجة اغير جوي شوي و ارتاح و مالي غير حديقة بيتنا ,اكثر مكان يريحني بهالحياة و ادري اني ماراح الاقي غيره ابد
لقيت خالد بطريجي بالممر ,,خالد بروقان :صباحوو!!؟؟
طالعته ,ابتسمت ببرود و بدون نفس و تعديته ...آنا ايييييد احب جوفة خالد ,اخوي ,سندي ,عزوتي الي ماراح الاقي مثله ابد و احب كل كلمة منه بس الحين ؟؟ماني قادره احب أي شي لا منه ولا من غيره ,ولا بوجوده ولا بوجود غيره

توجهت للحديقة بشالي الأسود المعتاد ,,احب هالشال من زماان و ما ارتاح بدونه مادري شكو ؟بس آنا جذي لو حبيت الشي اتعلق فيه و مايعوضني شي غيره ابد
قعدت على الكرسي و تكودت على روحي ,ضامه ريولي لصدري و منزلة راسي ,,سكرت عيوني للحظة ومرت كل الاحداث ببالي
............
..............

sevda ©؛°¨غرامي مشارك¨°؛©

بعد محاظرتنا بالجامعة ,,الساعة 11 الصبح قعدت بستاربكس كافيه على شان آخذ لي
frappucino with coffee and caramel
الي احبه بالضبط و الي اطلبه دوم ....شربته و ييت بكتب لي كم كلمة جود افهم هالدرس المعقد الي خذته اليوم بس مامداني اكتب كلمتين حسيت ان اكو احد واقف وراي و عرفت انها اهي ..
عذاري سحبت الكرسي وقعدت ,,لاحظت عليها شاقه الحلج و يايتني بنفسية اصلا تفتح النفس ,,واضح عليها متحمسة و وراها سالفة
قعدت جدامي و اهي شاقه الحلج بالابتسامة وقاع اطالعها
سكرت الكتاب وغمزت لها ابيها تقول لي شنو موضوعها
عذاري :باريكيييييييييييييييلللللللييييييييي!!!!!!!!!!!!
آنا :مبروك ,,,على شنو ؟؟
عذاري :هاتي البشارة يا رفيجتي هاتيها
آنا :بشري !!
عذاري :قررنا
آنا مب مستوعبة للحين :ليكون للعرس ؟؟
عذاري هزت راسها بحماس
آنا بحماس اكثر :متى متى ؟؟
عذاري :بعد ثلاث اسابيع
ماصدقتها و شهقت من الوناسة :جذذذذذذذذذذذذذذاااااااااااااااااااابببببببببببببب بببببببببببببة!!!!!!!!!!!!!!؟؟؟؟؟؟؟؟؟؟؟
عذاري :والله والله
قمت من مكاني و حضنتها :بالمبارك حبيبتي مبرووووووووك ,,الله يسعدج ويهنيج و يعدي حياتج على خير
عذاري :آمين آمين ,,,عقبالج حبيبتي
ابتسمت بود و قلت لها من قلب :ان شالله,,,قاع انطر على احر من الجمر و انتي تدرين
عذاري ابتسمت
آنا :ها للحين مو ناوية توريني فارس احلامج ؟
عذاري :تريي ما باقي واييد
آنا :يا ربي !!مادري منو اهو يعني ؟؟ليكون امير سندريلا و آنا مادري ؟؟,,,,,,,ماجفته ابد حتى بالملجه ما حصل لي الشرف اني اجوفه
عذاري :قلنا لج تريي يالملقوفة
ابتسمت لها ببرود و سكتت ,,,,,صج صج من قلبي فرحت لها ,,صج اني زعلانة شوي على موضوع زواجها بس الله يوفقها ,,طول عمرها معاي و لا بعمر فارقتني ,,كل سوالفنا و ذكرياتنا عند بعض ,,رفيجتي من ايام الروضة للحين بالجامعة ,كبرت و تغيرت وايييد اشياء و كاهي بعد كم اسبوع راح تتزوج ,و يمكن تضعف علاقتنا و نقطع شوي لانها راح تنشغل مع ريلها و زواجها و هالضروف,هذا خوفي وهذا الي مزعلني بس مثل ما قلت آنا فرحانة لها و مابي لها الا الخير وعسى ربي يسعدها طول حياتها ولا يذوقها طعم الاسى و الحزن ,,اهي بحسبة اختي و ماقدر اجوفها غير بخير....صج انها من فترة متغيرة علي شوي وحاسه بشي مخليني بقلق تجاهها بس مو مهم هاذي رفيجتي و آنا ما اسمح لنفسي اشك فيها ابد
.................................................. .........
مرت الايام و كانا الحين ,,قاع نتزهب بقاعة عرسها ,,وحده ماسكتني و وحده ماسكتها و قاع يزهبوننا
آنا :لا لا لا مابي هالكحل ,,,مايطلع علي حلو الكحل الملون حطي لي اسود
فاتن(الي استلمتني):تأمري مدام
عذاري :اقولج طالعي ميك ابي شوي ,,ماتحسينه وايد افر!!؟
آنا :جنه يبي له شوي تخفيف
سارة (الي استلمت عذاري ):لا مدام هاد كتييير حلو وناعم و بينفع لك ,,انتي عروس كيف بدك يكون مكياجك ؟؟مابيصير يكون متل المكياج اليومي ما هيك ؟؟
عذاري تنهدت :اوك ,,كملي
قعدوا يشتغلون علينا و آنا خلصت بساعتين و عذاري بحدود الثلاث اربع ساعات ,,انهد حيلي لو تبون الصج ,,حاسه بأرهاق من قعدتي على الكرسي لمدة ساعتين و اهما بس قاع يصبغون بويهي و يهبلون بشعري
عذاري بخوف :مابقى واييد ,,,ياخي خلااااص هونت مابا خلاص
طالعتها وابتسمت لها :بتعدي حبيبتي ,,هالخوف كله بتنسينه لما تكونين معاه و بتقولين رفيجتي ما قالت ...تعالي قعدي انتي بس على شان بعد شوي راح تييلج المصممة و راح يطالعون عليج الفستان
عذاري :سكتي عاد هالفستان!!!قصة قصة اخاف ما يتسكر ياخي ,,احسني متنت وايييييييد !!
قلت لها :لا لا وين متنتي ؟؟يا حلوج زقطة بلقطة ماكو شي عاد بس يلا
,,,,
وصلت المصممة و معاها الفستان و دخلت عذاري تلبس الفستان داخل و فجأة رن فونها و كان غيري موجود على شان يرد على الفون
(bae) شليته و طالعت الاسم
ناديتها بصوت عالي شوي على شان تسمعني بس ماردت علي,, رديت ناديتها كذا مرة بس ماردت ابد
احترت لو ارد ولا لا ,,احس غلط الشي اني ارد عليه و بدون علمها بس ماكو غير هالحل لان الفون ماسكت ,,قررت ارد ولما ييت برد عليه يت عذاري و شالت الفون بسرعة كبيرة ,,استغربت موقفها هذا لان بعمرها ما سوت فيني هالحركة ولا بعمرها كانت بهالربكة و الغرابة بتصرفاتها ....نسيت الموضوع وتغاضيت عنه و قعدت على شان اريح روحي شوي ,,ادري ان ناطرني يوم طويل متعب و عشان اريح شلت فوني و دقيت عليه بأبتسامة ,,واثقة انه راح يرد علي كالعادة وانه راح يريحني و ينسيني هالتعب بس ,,شفيه ماقاع يرد ؟؟
اول ثلاث مرات مارد علي ابد و هذا الي خرعني عليه ,قلت يمكن صاير له شي ولا فيه شي بس المرة الرابعة ؟؟سكر بويهي و بعدها غلق الفون ,,,شكلي غلطانة بخرعتي عليه و محاتاتي له ............
بدت وناستنا و بدوا المعازيم يتكاثرون ويملون القاعة ,,كنت احاول الاقي ثواني بس على شان افضى و احاجيه بس ماني قادرة ,وحده ورا وحده وسافة ورا سالفة و وربشة المكان والازعاج و كل شي قاع يمنعني ,,,,,,,,,,,,,مرت الساعات ورا بعضها وكاها دخلت عذاري و آنا معاها ,قاع اشجعها بحجيي ,بنصايحي و بالخطوات الي اهي تحتاجها حاليا و وقفتي معاها الحين اكثر من اي وقت ,,,,,اليوم؟؟ آنا بالنسبة لها امها و اختها الي من الطبيعي يكونون معاها بهاليوم بس القدر خلاهم مو موجودين لانها وحيدة امها و ابوها الي مالها غيرهم و ضحية القدر الي خذا منها امها
قعدت ينبها بطلب منها و قعدت اصور معاها و قاع امشي بالقاعة و اتنقل من مكان لمكان وقايمه بكل شي مع اني مو واييد احب هالاشياء و هالتجمعات ,,طبعي هاااديه وباااردة و انطواية شوي ,ماحب الازعاج و التعامل مع كل البشر بس على شان رفيجتي ؟؟اغير كل اطباعي بالذات بهاليوم ,,اهي مالها غيري و آنا ملزومة فيها
بعد ما خلصنا آنا وياها من التصوير صعدوا البنات ,,,
ريم :يلا يلا سيلفي !!
مانتهت مرحلة التصوير الي ماتخلص و قعدنا نتصور سوى لي اعلنوا دخلة المعرس
و لما صارت حزة دخلة المعرس تسترت و قعدت بمكاني ينب و امي الي طبعا صعدت ووقفت ينبها ,,اهي عبارة عن كل خالاتها وعماتها والي تحتاجهم اليوم لانها وايييد تعز عذاري ومو مقصرة معاها ,,بحسبة بنيتها وفرحتها من فرحتها على بناتها
علياء :فيني فضول اطالع هالبدر مالها ,,, وااااي احسه مزه
تهاني :استحي على ويهج عاد ,, ريل ربيعتج هذا
علياء :اووه زين زين
شيخة :عقبالنا
كلهم الا بتول :آميييييييييييييييييييييييييييييييين!!!!!!!
كنت قاعده و ماسكه فوني قاع انطر اتصال ولا حتى مسج بس ماكو و بعد ثواني !!وصلني شي و فتحت الفون بسرعة ابي اقرا و ابي احاجيه و كانت المحادثة عبارة عن ....فراااااااااااااااااااااااااااااااااااااااااااا اااااااااااااااغ و كلمة (آسف ) واضحه بنص الصفحة
استغربت حدي و احترت ,,الف فكرة و فكرة يت ببالي بس ما لقيت شي و سكتت روحي ب عذر انه هالاسف على شان الحقران الي حقرني اياه ,,صج مو مقتنعة و آنا اصلا واييد اذكى من اني اقتنع بهالعذر الي حطيته له بس ابي اخفف على روحي و واقف هالتفكير ,,,,,,,,,رفعت راسي و ليتني ما رفعته ,,ليتها انكست رقبتي ولا ارفع راسي ,,الدنيا اغمجت بعيوني ,,ماني قادرة اطالع شي ,,ماني قادرة استوعب او اوصف الي طالعته حتى ,,,شنو الي جفته آنا ؟؟شنوووووووو!!!!!!!؟؟؟......................لا لا اكيد يتهيأ لي مو صج هذا اكيد مو صج ,,مايسوونها فيني ,,مايقدرون ,,مستحيل اصلا !! شفيني آنا ؟؟ قاع اتخيل اكيد
كانت عيون البنات كلها عليّ و قاع يطالعوني ,,, خايفين من ردة فعلي و اهما بروحهم مو فاهمين الي قاع يصير ,, بما انهم يعرفون بدر و يعرفون شكله عدل يعني اهما فاهمين الموضوع كامل ...........لا لا مستحيل مو صج اكيد مو صج
رفعت راسي للمرة الثانية على شان اتأكد و حسيت بعذاب الموت ,,ماني مصدقه ,,الي جفته صج يعني آنا ماقاع اتخيل ولا قاع اتهيأ والي جفته صح و صجي اميه بالاميه ,,,,,,,,,,,,,,,,,,,,,,,بدر !!!!!! هذا بدر !! اييه اهو .......بدر مع عذاري
رفعت الفون و قريت المحادثة ,,,,,آسف ؟؟؟؟....................آسف ؟؟ .......نهيت كل شي ب كلمة (آسف)!!!!!!!!....................... الحين بالذات عرفت سببها ,الحين بس فهمتها ,,,,آسف ؟؟؟ على شنو ولا شنو ؟؟شقصدك فيها ؟؟ شنو الي قاع اطالعه آنا ؟؟عذاري ؟؟رفيجة عمري ؟؟اختي ؟؟,,,مع منو ؟؟ مع بدر ؟؟حب حياتي و صندوق اسراري و سعادتي بهالحياة و مصدر ثقتي كلها ,,,,,,,,,,,,,,تكفون فهموني ,آنا ماني قادرة افهم ماني قادرة ,,شقاع يسوي بدر على الكوشة ؟؟شنوو !!!!!!!!!؟؟؟؟ ليتك خذيت روحي ياربي ,,ليتك خذيت روحي قبل لا اطالع هالموقف ..قبل لا انصدم و اطيح بهالحالة ,,ماني قادرة اتنفس ولاني قادرة استوعب ,,احس بشي كاتم على نفسي و بقلبي ,,حاسه بشعور ماينوصف خانقني لحد الموت ,,دموعي قاع تنزل وحده ورا الثانية و عيوني مو قادرة تطالع شي غيرهم ,,ماسك ايدينها و قاعديت عالكوشة و يسولفون ولا جنه صاير شي ,,, الدنيا عندهم ماشيه بكل سهالة و آنا دنيتي مسودة علي و الهم راكبني كلي
نزلت امي من على الكوشة و يت صوبي :شقاع تنطرين ؟؟يلا صعدي لاختج اكيد قاع تنطرج اهي
كنت قاع اسمع امي و قلبي يتقطع اكثر و اكثر ,,انتي لو تدرين يا يما ,,لو تدرين ان الي انتي تبيني اروح عندها شنو مسويه فيني ؟؟,,,اختي شنو سوت فيني ؟؟ ,,,ذبحوني يا يما ذبحوووووووووووني !! وخذوني منج و من الدنيا ومن الكل و من نفسي حتى ,,,,,,,,,,,,,,,واختي ؟؟ تقولين عنها اهي اختي ؟؟,,,,,,,,,هه حتى آنا عبالي انها اختي ,لي قبل خمس دقايق اهي اختي اعز بس الحين ؟؟ اهي الي ذبحتني ,,اهي الي سرقت مني حياتي ,,سرقت حبيبي مني ,,سرقت املي بهالحياة ,, وسرقت كل شي ,,,خذت حياتي مني و خذت عمري كامل .................
بتول كانت حيل مطنقرة و واضح عليها :والله لا اربيها ,, ما بسكت عن الي سووه فيج هالخمه صدقيني
ريم :خلاص بتول ,, اكسري الشر مانبا مشاكل
بتول كانت مصره تصعد و تقوم الدنيا و ماتقعدها بس مسكتها من كتفها و بكل هدوء :خلص بتول ,,, ماكو داعي تسوين شي
بتول تطالعني و اهي مو راضية تهدى ,, صج صج معصبة و مصدومة من الموقف ,, معاها حق وربي معاها حق ,,,,,,,,,,,إذا هذا اهو حال بتول شنو تهقون حالي آنا ؟؟ شنو احساسي؟؟ شنو وضعي ؟؟
تهاني بحسرة:ابد ماهقيتها منها ابد.......
شيخة يت مسكتني تبي تقعدني :تعالي ارتاحي اسوم ,,,قعدي
طنشتها ,, مسحت دموعي وخذت نفس عمييييييق ,,سكرت عيوني و مشيت ,,قاع امشي لهم بس حاسه اني قاع امشي بطريقي لجهنم ,,لعذابي ,,لنتيجة علاقاتي الفاشلة ,,لحقيقة البشر الي بحياتي ,,لواقع الخيانة الي ماني حابه اصدقها بس مردي اصدقها
و صلت عندهم بعد محاولات وايييده ,,عيونها كانت عليّ و وملامحها متضاربة ببعض ,,اما اهو كان واضح عليه انه مصدوم و واضحه عليه ردة فعله ,,شنو شعوركم وانتوا صاعدين تهنون فارس الاحلام والانسان الاول والاخير الي تمنيتوه لكم بيوم زواجه من اغلى رفيجه ؟؟...........آنا رغم كل هالمشاعر والاحاسيس مجبورة اصعد على شان ابين لنفسي ان هذا ولا شي ,على شان ابين لهم اني آنا بكل خير و مو هامني شي ولا مأثر فيني شي ,على شان اوريهم اني للحين بقوتي الي حاولوا ياخذونها مني ,على شان يدرون اني ما نكسرت مثل مايبون ولا انجرحت ,,,,,,,,,,,بالعكس ؟؟آنا حاليا بخير و بكل قوتي و بكامل قواي العقلية وفعلا رايحه لهم (هالخونه) الي كل كلمة منهم راح تكمل لي جنازتي ,,,,,,,بس بآخر اللحظات فضلت اني ما اصعد لمصلحتي ومصلحتهم ومصلحة الكل
انتهى هالعرس الي بالنسبة لي آنا جنازتي ويوم دفني ,,,و طلعوا الكل ,,,
تهاني :مصره تروحين معاهم ؟؟
مرديت عليهم و بقيت ساكتة و عيوني مركزة على المعاريس ,,(القتلة ) الي اقتلوني اليوم و اقتلوا كل شي حلو فيني
شيخة :اسوم انتي مو قد هالمواجهه ,, خلاص تعالي بوصلج انا
بتول :خلها تروح ,,,خل تاخذ حقها و تريح نفسها ,, انتوا ليش مو فاهمين ؟؟
كنت قاع اسمع كل حواراتهم الي كلها توتر و خوف و مشيت بدون لا التفت ولا ترمش عيني ,, ودموعي تنزل ورا بعض
و كانا !!وصلنا الفندق ,,,,امي وصلتهم لي الشقة و قعدت تحاجيهم و تعطيهم من الناصايح و عقبها نزلت
اما آنا ... للحين ما دخلت لهم ولا عتبت عتبة الباب ,, مترددة و مافيني القوة بس لازم لازم اروح
امي طلعت و حطت ايدينها على كتفي :آنا نازلة يما ,,سلمي و لحقيني
طنشتها ومشيت بخطوات بطيئة مترددة للدار
وقفت جدامهم و قعدت اطالعهم ,قعدت اتمقل فيها لفترة ,,الدمعة بعيوني بس الابتسامة للحينها تقاوم وتحارب على شان تبقى ولا تختفي ,,,شكثر وثقت فيج ؟؟شكثر حبيتج ؟؟شكثر امنت فيج ؟؟عديتج بحسبة اختي ؟؟سويت المستحيل على شانج ؟؟ساعدتج ؟؟غيرت حياتج ؟؟شلتج من وحدتج ؟؟دخلتج بيتي و سكنتي فيه ؟؟ضيعت سنين ومنييييييييييييييييين و آنا مع وحده اكتشفت توني اني ماعرفها ,,دخلتج حياتي بكل تفاصيلها لين وضحت لي النتيجة ,دخلتج فيها لي اخذتيها مني بكل تفاصيلها واحداثها و ماخليتي لي احد من الغاليين الي ما اطالع غيرهم ,,خذتي مني قلبي الي ما يتعوض ,,انسان مالي وجود بدونه ,,اتمنى اللحظة معاه ,,الي ماخذ كل عقلي و قلبي و ماخني كلي !!!......و خذتي مني رفيجتي ..خذتي مني عذاري رفيجتي الي ماراح الاقي مثلها ابد بدنيتي كلها ,,خذتي مني اغلى ثلاث اشخاص بحياتي و ماني عارفه شلون راح اتقبل ولا شلون راح اعيش بدونهم ........................ماني عارفه الومج انتي ولا الومه اهو الي تغافلني وقص علي و علقني على الحبلين وتزوج اقرب و اغلى رفيجاتي
بقيت على حالي قاع اطالعها واذكر كل لحظة بيني وبينها ,,قاع اعاتبها والومها ,,قاع اتحسر واتحسف على كل شي ,,ابي احاجيها و اقول لها و اعاتبها بس واضحه من الحين ,,ادري انها ماراح تغير شي ابد ولا راح تهز شعره فيها
مديت ايديني لها و قلت و آنا قاع ادوس على روحي :مبروك يا اغلى رفيجة ,,مبروك يا اختي ,,مبروك يا الي مالي غيرج ,,مبروك يا عذاري مبرووك !!
مادري ابارك لج و لا اعاتبج ولا ادعي عليج ولا شنو المفروض اسوي ولا اقول ,,,,,,,,,,,,,,,,,,,,,,تذكرين لما كنتي رفيجتي شنو كنت اقول ؟؟كنت اقول اني ماراح الاقي مثلج ابد ,,,,,اقول لج اياها الحين يا عذاري ,يا رفيجتي ,,(آنا صج ماراح الاقي مثلج ابد ) ابد ماراح الاقي مثلج ,,,لاني ماراح القى انسانه نذله وحقيرة و حاقده مثلج !!!!!!! صدمتيني و دمرتي حياتي ,,انتوا الاثنين دمرتوا حياتي و نهيتوها بأيدينكم نهييييييييتتتتتتووووووووههههااااا!!!
ما كان لها اي ردة فعل غير انها تبجي وتنوح بصوت عاليي ,بدون لا تنطق بأي كلمة ولا تبر ...........هه اصلا شنو تقدر تقول ؟؟شنو يحق لها تقول ؟!!!!!!
التفتت لبدر الي كان واضح عليه الخوف و الضيج ,كان قاع يطالع بنظرة تضيع كل شي ,احس فيه متضايق و مو مرتاح و احس انه ماله ذنب بشي ...........................بس لا !!!!!!!! ماراح ادافع عنه و اطلعه مو مذنب ابد ,,,,,كان واقف بدون لا ينطق بكلمة , قلت له بخنقه:انت بعد مادري شقول لك ,,مادري شقولللللللللل؟؟؟انت كان المفروض تيي تخطبني هالاسبوع يا بدر هالاسبوع ...تذكر ولا نسيت ؟؟..............شصار لك ؟؟شنو خلا الامور وصل لهالحد ؟؟منو السبب بكل هذا ؟؟منو الي لعبها علي منو ؟؟ *بدت تسوء حالتي و قعدت ابجي بطريقة مو طبيعية ,,احسني مخنوقة و مكبوت نفسي و الدموع قاع تتسابق مع بعض و هالاحساس الي داخلي ماله وصف*...........تحجوا!!!!!! يننتوني والله يننتوني تكفووووووووون تحجوا ماني قادرة افكر ماني قادرة اتصرف ماني فاهمه شي ,,,,آنا بهالحالة منو كنت الجأ له غيرك انت وياها ؟؟منو كان يهديني غيركم ؟؟منو كان ينسيني الضيق غيركم انتوا ؟؟َ!!!!!!!!! زين شنو تغي ؟؟شنو صار لكم ؟؟شلون قدرتوا ؟؟هنت عليك بدر ؟؟آنا حبيبتك الي سويت المستحيل على شان التفت لك ,,قدرت علي ؟؟ حتى انتي يا عذاري ؟؟ ......................*مسحت دموعي كلها مرة وحده و قعدت اطالعه بنطرة تعب ,نظرة عميييييييييقة لها معنى واااااييييد كبير * آنا كنت اتمنى جوفتك ومتلهفه عليك و كنت ابي اكون بهالقرب منك بس الحين ؟؟مابي المحك حتى ولا اطل بويهك ,,انت خذت رفيجتي مني خذيييتها ,,,و استانس لو تبي تراك خذت روحي و مابقى فيني روح
مسكت عذاري من ايدينها بكل هدوء: يا غبية احنا خوات ,,احنا اكثر من جذي ,,بيننا عشرة عمر والي بيننا مو شوي ,,ما يفرفنا ريال ما يفررررررررررقققققققنننننننننننا!!!!!!!!!! شلون سمحتي لهالشي ؟؟شلووون ؟؟ عذور اهو خذاج مني ,,خذا رفيجتي الي ماراح الاقي مثلها ورحتي مني خلص ,,احنا انتهينا تدرين شنو يعني انتهينا ؟؟تماما مثل مانتهيت آنا و بدر .................................................* بعد صمت طويل* تهنوا ببعض و اسعدوا بعض ترا ما ارضى واحد فيكم يتأذى ولا يصير فيه شي و ديروا بالكم على روحكم ,,عذاري تذكري كل نصايحي و الوصايا اليومية الي اعطيج اياهم وبدر نفس الشي ,,لا تهملون روحكم وابيكم دايما بخير ...........مع السلامة
طلعت من عندهم اركض ولا دريت عن شي بس دريت ان عذاري كانت قاع تبجي و تركض وراي و ان بدر قعد بضيقه عى زاوية ,,,,,,,,,,,,مادري ليش قطيت عليهم هالحجي مادري ,,ليته انقص لساني لا اقول لهم هالحجي ,,زعلتهم بيوم زواجهم وضيقت خلقهم بس والله مو بأيدي ابد مو بأيدي ,,,سامحوني تكفون ترا والله مو قصدي .................ربي يسعدكم للابد
طلعت من الفندق بخطوات بطيئة , آنا انتهيت خلص !!صج انتهيت , جنازتي صارت , حياتي انتهت بخيانة اثنين ما توقعتهم ,حاسه بأحساس يذبح ,بأحساس ما حسه حد من قبل ,مو قادرة اوصف الي فيني ابد ولا قادرة افهم ,آنا بروحي مو فاهمة الي فيني ,اول مرة اكون بهالحال ,مو قادرة اوقف بجي ,دموعي للحين ما جفت و ماضن انها راح تجف ,قاع تتكاثر و تزرع الالم اكثر و اكثر ,,,, حاسه بغصه , حاسه اني ابي اموت ,آنا مالي وجود بهالحياة خلص , خذ روحي و فكني يا ربي ,,خذها!!!!!
كنت قاع امشي خطوة بخطوة و حاسه بدوخه ,,الدنيا جدامي قاع تغمج و تدور و ماني قادره اطالع فيها شي ,,,, ساعدني يارب ,,ابد مو وقته ابد!!!
و بدون جدوى !!!!! صار الي ما كنت ابيه و كاني الحين على سرير المستشفى اسمع صوت الاجهزة , حاسه بالمغذي الي قاع يمشي بعروقي و حاسه بكل الي قاع يصير حولي ,,بجي امي و خواتي ,, دعاء ابوي وووو!!!!!! هذا صوت عذاري ...اييه هذا صوتها اهي !! شنو يابج بعد شننننننننننوووووووووووووووووو!!!!!!!!!!!!
شنو الي قاع يصير الحين ؟؟ آنا حاسه بكل شي و قاع اسمع كل شي بس !!!....... ليش ماني قادره افتح عيوني و اطالع شي ؟؟
حركت ايديني و اول اسم يا على لساني :يما!!
يتني امي بسرعة و مسكت ايدي و حطت ايدها الثانية على راسي :عيون امج ...قلبي انتي ... آمري!! ...شفيج ؟؟ شتبين ؟؟
كنت احاول اتكلم لكني مو قادره ,,قاع احاول كثر ما اقدر و قاع اقاوم بس ماكو ,كنت احاول انطق كلمة كلمة و اهجي الحروف , لي قلت :آنا .....آنا وين؟
امي :ارتاحي ارتاحي ,,,,ارتاحي امي انتي ارتاحي
يت صوبي وحده و بقت تبوسني و تحضنني و تبجي علي ,,,عرفتها من مجرد لمسة ايدينها ,,,,,:مهووور....شفيج قاع تبجين ؟؟آنا بخير بخير لا تحاتيني
امنية للحينها تبجي
آنا :تكفين امنية لا تبجين
عذاري :ممكن تخلوننا بروحنا شوي ؟
امي :اكيد .....يلا بنات يلا ,,يلا رناد علياء مهرة ,خلوهم بروحهم شوي
كنت ابي اتحجى و اقول لهم لا تروحون ,لا تخلوني بس ماقدرت .........مابي اقعد مع هالانسانة حتى لمدة ثواني بس ماقدرت اسوي شي
عذاري قعدت ينبي ,مسكت ايديني و حطت راسها علي :انا آسفة ...تكفين سامحيني ...سامحييييييينننننننييي!!!!
كنت اسمعها وقلبي يتقطع ,,شلون تبيني اسامحج ؟؟شلون تطلبين من السماح عذاري شلون ؟؟اسامحج على شنو ولا شنو ؟؟شششششششنننننننننننوووووووو!!!!!!!!
عذاري :انا غلطت ,,,غلطت بكل الي سويته و ادري بغلطتي ,حاسه فيها ,انا ندمانة والله ندمانة ,,دخيلج سامحيني ,,ووانا مابي اخسرج ماباااااا!!!!................
قلت لها بصعوبة و دموع تنزل ورا بعض :ولا آنا كنت ابي اخسرج بس ,,,,خلص خسرتيني وخلص ,,,, طاف وقت هالكلام ,,,,طاف من زماااان ,,,,من اللحظة الي وافقتي فيها انج تاخذينه وانتي تدرين بكل شي
عذاري بصياح يعور قلبي :صدقيني ابليس لعب بعقلي ,,,والله اني ندمانة
آنا بيأس:عذااري ....شلون صارت ؟؟....شنو صار ؟
عذاري:ياني عمي و قال لي انه بيزوجني واحد عنده املاك وعز و مو ناقصه شي و قال لي كل شي عنه ,,وافقت بدون لا اجوفه حتى و انتي تدرين بهذا ........بعدين عرفت انه بدر و مادري ليش ما رفضت ,,وافقت و طمعت و ماكان فبالي غير غيرتي منج .......ايوا انا اغار منج ....غرت منج و استغليتها فرصة .....كل الي تبينه عندج و مو ناقصج شي ......كل الي تتمنينه يوصل لج بسهولة و حبيت اخليج تجربين الي انا فيه للحظة ,,,,طمعت و وافقت و صار الي صار ,,,, بس والله اني ندمت ,,ندمت على ككل شي ,,,,,,كللللللللللللل شي ,,انا آسفة دخيلج ساااااممحيييييييينننننننننيييييي
كل كلمة منها تصدمني اكثر واكثر ,كل كلمة تندمني على عمر طوييييل ,على ثقة انوجدت ,على كل لحظة عشتها مع انسانة انانية حاقدة مثلها ,ماني عارفه شنو ارد عليها و بشنو ابرر و شنو اقول ,,,خلتني اعجز عن الحجي ,,,بس الغلطة مو منها كلها ,,,الغلطة على بدر ......... اهو شلون رضى انه يخطب ؟شلون قرر يتزوج و يخش عني ؟ شون قدر يمثل علي ويغشني ؟؟شنو هدفه ؟شنو مراده ؟شنو قصده ؟...........شنو و شنو و شنو ؟؟اسئلة واييييد ببالي مالها تفسير ولا لها جواب ,,الجواب عنده اهو وبس ,ماراح يجاوبني احد غيره اهو وبس
عذاري بعد هدوء:محتاجة تحاجينه اكيد
مارديت عليها ولا جاوبتها ابد .........شبيفيد حجيي معاه اصلا ؟؟ ما راح يغير شي
سمعتها تحاجي احد بالتلفون و تقول له ادخل و دريت انه اهو.....
دخل و قعد يحاجيني بحجي طوييييييل ما راح يجدم ولا يأخر ولا راح يفيدني ,,اهما كسروني ومشى الحال ,,شنو راح تفيدني فيه اعذارهم ؟
بدر :الي صار غصب عني صدقيني ,,,,ابوي جبرني ,,,, الا ابوي ماعمره راح يرضى اتزوج غير الي هو يباها ,,,,ما عمره راح يرضى اني اسوي غير عن الي هو يباه ,,,,و انا ما اقدر اطلع من شوره وانتي تدرين
آنا:شمعنى رفيجتي ؟؟
بدر :ما كنت ادري انها هي ,,و الله ماكنت ادري ,, هي بنت ربيع ابوي بس لا اكثر ولا اقل ,,بعمري ما جفتها ولا بعمري دريت انها هي عذاري الي كلمتيني عنها طول هالفترة الا بعد الملجه ,,بعد ما لاحظت ان كل المواصفات الي قلتي لي اياها فيها و تأكدت اليوم ,,انتي عبالج انا مستانس ؟؟مرتاح ؟؟قلبي ما يعورني ؟؟.............صدقيني متضايج و متكدر كثرج و اكثر بس ما بأيدي حيله
تنهدت ,مسحت دموعي وبقيت ساكته ,,,,,,,,,,احس ان عيوني قاع تعورني مادري ليش ,,,,,,,,,,, وحاسه اني ماقاع اطالع بوضوح ,,,,,,شوي يغمج النظر و شوي يوضح ,,,,,,,,,,ماني قادره افهم السبب بس عيوني مو طبيعيه
حاولت اتجاهل هالشي و التفت لعذاري و بدر الي كانوا واقفين جدامي و جنهم ينطرون مني شي ,,,قلت لهم :شنو الي تبونه مني ؟؟شتبون اكثر ؟؟
عذاري :سامحيني دخيلج ,,,خلينا نرجع لبعض ,,,انا مالي غيرج
ابتسمت غصب على الي سمعته منها :الحين فكرتي فيها ؟؟.................تبينا نرجع مثل قبل ؟؟..............شلون يا عذاري شلون ؟؟ آنا بروحي مو قادره ارجع لنفسي فاهمه شنو يعني ماني قادره ارجع لنفسي
بدا يزيد بجيها و صوتها بدا يعلى و قلبي قاع يتقطع اكثر و اكثر ...................مابي اقسى عليهم .................ابي كل شي يرجع مثل قبل و ابي اعيش جنه ولا شي صار بس غصب عل والله غصب علي ,,,,اهما طعنوني بظهري و ذبحوني و ماخلو لي حل ,,,,,,و كل الي قلته :ممكن تخلوني بروحي ......
عطيتهم ظهري و تغطيت و تركت العناء لعيوني و لمخدتي ,,,,,,,,,,,ليش جذي يصير فيني ياربي ليش ؟؟؟
مرت الايام و باليوم الثالث من قعدتي بالمستشفى بلغنا الدكتور بخبر على كثر قوته و الصدمة الي ممكن يعيشني فيها ؟الا اني ما اهتميت ابد ولا هز شعره مني ,,,,,,شنو في اقوى من ان احد اييلكم و يقول لكم ان انتوا حاليا في حالة (عمى رسمي) و انكم راح تبقون بظلمة ما يجوفها الا انتوا ؟؟ و كل الالوان عندكم لون واحد ؟؟انكم ماراح تطالعون الي تحبونهم ؟؟ ماراح تكونون مثل باقي البشر ؟؟ ان نعمة من نعم الله انأخذت منكم ؟؟ و ان واييد اشياء راح تتغير وتسوء بحياتكم ؟؟................كل الي راح تحسون فيه وراح تعيشونه من احزان آنا ماحسيت فيها ابد ,ما فرقت معاي و كل الي حطيته ببالي ان هذا قدر الله ...................قال لي الدكتور ان هالحالة مو للابد اهي بس لفترة محدده واني لازم اريح روحي و ما اتعب عيوني و استمر بعلاجات و بأذن الله نظري راح يرجع لي ...تدرون اني مابغيت نظري يرجع لي ابد ؟؟مابي اطالع خلص,,ابي ابقى عمياء طول عمري ولا اني اطالع دنيا بدون رفيجتي الي متعودة اصبح وامسي على ويهها بالجامعة و لاابي يمر علي يوم ما اطالع فوني و ما الاقي مسج من مسجات بدر و لا الاقي اسم عذاري في الاتصال و لا ايي يوم ما الاقي فيه بنقات عذاري لما تحرق فوني على شان بس ارد عليها .... و حتى اني ما ابي ايي يوم الاقيهم صدفة مع بعض و لا ابي المحهم حتى ,,شلون تبوني اتقبل فكرة اني اطالعهم سوى ؟ ايده بأيدها ؟ الضحكة من بينهم ؟ و الفرحة واضحه عليهم ؟ شلون تبوني اطالعهم بالالعاب مع عيالهم ؟ ولا بالبحر يتأملون الموج و لا اطالع اي لحظة من لحظاتهم ؟؟ او حتى المهم ؟؟..........................................مابي وربي مابي ,,افضل ابقى عمياء طول عمري ولا اني اطالعهم بيوم و لا اني اعيش يوم بدون جوفتهم ,,,,-ادري يمكن متناقضة بس ترا والله آنا بروحي مو فاهمتني ,كل شي عندي متخربط ومقلوب فوق تحت-
.......................
......................
.....................

sevda ©؛°¨غرامي مشارك¨°؛©

و كاني كملت خمس اشهر على كل هالاحداث الي بالنسبة لي الحين ؟؟ مجرد ذكرى تزورني و تروح والحمدلله نظري احسن من قبل الحين ,,و ياليت لو حالي كان مثل نظري ,,اتمنى من كل قلبي يتحسن حالي كثر ما تحسن نظري بس ماكو!! ماكو تغير ابد بالعكس حاسه ان حالي قاع يسوء اكثر ..شوق ..قهر ..ذكريات..امنيات و كل شي يرجعني لورا و يزيد الي فيني ..............................
<<
<<
آنا :يعني بدر متى ناوي تتقدم لي ؟ جم كملنا آنا وياك ؟؟
بدر :ترييني ,,, لو تحبيني ترييني
آنا :آنا صج احبك بدر بس هذا مو معناته انك تستغل حبي و ما تييلي ,, انت تدري شكثر قاع انطر هاللحظة الي تطق فيها باب بيتنا وتخطبني ؟؟
بدر :حتى آنا حياتي ,,, آنا اتمنى من اليوم قبل باجر بس تعرفين الظروف ,, والله مو بأيدي
آنا :شنو الي يمنعك بدر ؟؟ شنو !!!؟؟ الحمدلله ماكو شي مانعك ولا شي ناقصك ,,,,,,,, كل ما فتحت لك هالموضوع تحججت لي بالظروف
بدر :صدقيني ظروف ماقدر اتغلب عليها
آنا :زين قولي لي اياها راح نتغلب سوى صدقني
بدر :بس اسماء ,, لا تقعدين تحنين انهي هالموضوع قلت لج اترييني
آنا :انت تدري كم واحد رافضة آنا ؟؟ كم مرة رفضتهم ؟؟ تدري شنو وضعي ؟؟ تدري اني بنت و من حق اهلي يفرحون فيني ,, من حقي استقر بحياتي من حقي اتزوج و اعيش
بدر بجراءة :متحسرة عليهم روحي لهم ,,,, اقبليهم ,,,, تزوجي و فرحي اهلج و استقري بحياتج ,,,, روحي شو تتريين ؟؟
آنا بقهر :هذا الي فهمته من كلامي؟؟ هذا الي طلع معاك ؟؟ ماشي بدر ماشي
تنهد وقال :لو تحبيني صدق بتترييني
تنهدت و بخاطري :مصيري انطرك ,,, مالي غير جذي و راح انطرك لاخر عمري
بدر :تدرين شو ؟؟ مافي حل معاج و مع هالموضوع ,,,, يوم بتقتنعين و بتقررين دقي عليّ
<<
<<
هذا الي يصير كل ما اطري له موضوع الزواج ,,يحمق و يتهرب و يتحجج و ينهيها بجذي ,, كل مرة على نفس الحال ,, الظاهر كان مخطط من زمان و يدري ان هذا الي بيصير من جذي ما حاول يشرح لي ظرفه حتى ,, ذنبي الوحيد اني صدقته و وثقت فيه و ذنبه الوحيد انه علقني فيه لا اكثر ولا اقل
انقطعت كل هالذكريات بالحرب الي سووها هالنزغ الثلاث ,,عيال امي وابوي والي ما اسوى شي بدونهم ,عز الي اكبر مني بسنة و عمره 21 ,نزغة البيت و الي مسوي لنا اكشن دوم بصدعته و ازعاجه و استهباله ,, رناد و عمرها 23 ,نسختي الثانية بالشكل بس لا اكثر ولا اقل لان لو تحجينا عن الشخصيات بنكون جنه نار و ثلج ,,امنية آخر العنقود و دلوعتنا ,اصغر مني طبعا و عمرها 17
مريت على دار رناد و دخلت عندها كان واضح عليها متضايجة و قاعده على السرير
قعدت مجابلتها :شفيج ؟؟
رناد :ماكو شي
طالعتها بنص عين:عليّ آنا ؟
رناد تنهدت وصدت الصوب الثاني :منو غيره ؟ راشد ماكو غيره
ابتسمت لها :شسوى اليوم؟
رناد .........
<<
<<
رناد :بس راشد آنا ما قلت جذي
راشد :ولا كلمة خلاص
رناد بضيج :راشد انت تدري ان مو هذا قصدي ,, لا تفهمني على كيفك
راشد بنرفزة خفيفة :اشش ,, رناد قلت لج سكتي
تنهدت بضيج و سكتت و اهو قام عنها
قعدت تجوفه بعيون ضيقه :وين ؟؟
راشد :بروح عندي شغل
رناد "لا تروح " ,,, سكتت و قعدت تجوفه
راشد "قولي لي لا تروح والله مابروح"
رناد :زين مع السلامة
خلاها و طلع من الميلس
<<
<<
ابتسمت لها و مسكت ايدينها :متضايجة على شان جذي؟
رناد :والله يقهر !!! ودي يمر يوم ما يزعلني فيه
قلت لها :لا تحاتين ,, هاذي خلافات بسيطة تطلع من اسباب تافهه ,, المفروض تعودتي هذا شي واييد طبيعي بين كل اثنين
رناد :ادري بس آنا مابي جذي ,,,, تدرين فيني آنا انسانه ماحب التوتر و الصدعة ابي ابقى مرتاحة للابد ,,,, المشكلة اهو مايتحجى ما يبرر ما يقول اي شي يبرد القلب
آنا :راشد و تعرفينه ,,, كلنا نعرف انه هادي ومايطلع منه صوت
رناد :اففف منه و من هدوءه هذا الي بيجلطني بس شسوي ,,, من قرادة حظي حبيته اف
غمزت لها و طلعت من دارها و بطلعتي !!
وبطلعتي كانت امنية توها داخله و مطنقرة قاع تتأفف
ابتسمت نص ابتسامه :شفيج بعد ؟
امنية :جب مالي خلقج انتي بعد
رفعت حواجبي و طالعتها :بيه بيه بيه ,,,, دام هذا حالج اكيد متناجرة مع محمد
امنية :منو غيره هالحيوان ,,,, وربي افكر احرم اطب بيتهم والسبب اهو كل ما اجوفه لازم ينكد عليّ ,,, بعمري ما مضى عليّ يوم وماتضاربت معاه ,,,, ملللللليييييييييييييييييييييييييييق
قعدت اضحك عليها ,,, من صغرهم و اهما يتناجرون مع بعض على اتفه التوافه ولا يطيقون شوفة بعض ,,, ليش ؟؟ شنو السب؟؟ ماكو سبب بس محمد يعشق ينرفزها و اهي ماتتحمله ابد
امنية :ماكو شي يضحك انزين ؟
قلت لها :شسوى لج ؟
<<
<<
كانت قاع تمشي بدربها لغرفة نسمة و لاقته بويهها,,,"ياك الموت يا تارك الصلاة ,,, يا هالعله "
محمد :استغفرالله ,,مايمضي عليّ يوم بدون جوفتج شنو ؟
امنية :ممكن توخر من دربي ؟
محمد:ولو ما وخرت ؟
قعدت تطالعه و اهي ودها تطقه طق على شان يوخر
محمد :عفكرة ,,, اللبس الي لابسته ابد مو حلو عليج ,,, خليه للي يناسبهم
نزلت راسها قعدت تطالع الي لابسته ,, كان لبس وايييد عادي و مرتب
محمد:لا تلبسينه مرة ثانية,,, وصج تعالي انتي شلون راضيه تطلعين من بيتكم جذي؟
بدا يزيد تنفسها و واضح عليها انها بدت توصل حدها :انت شتبي مني؟,,, شدخلك فيني ؟
محمد بكل برود :ماكو مابي شي,,, و لي حق اتدخل انتي بنت خالتي بالنهاية
امنية :من قرادة الحظ اني بنت خالتك ترا ,,,,خلني بحالي و اطلع من مخي خلص ,,,, قطيعة !!
محمد:قضبي لسانج ,,,قطيعة تقطع ابليس و طوايفه,,يلا يلا يا يبا اختفي
امنية : صدقني راح اختفي بالوقت الي آنا ابيه ,,,,,,, و صدقني بملاقتك هاذي آنا راح اروح ولا راح تجوف ويهي ابد
تغيرت ملامحه و قعد يطالعه و عقبها قال :روحه بلا رده
عصبت ,, شالت بروحها و طلعت من البيت بكبره ,,,,قعد اهو بالصالة و طلعت بسمة :وين امنية؟؟
محمد بلا مبالاه:راحت
حطت ايدينها بخصرها و قعدت تطالعه :اكيد نرفزتها كالعادة , انت شمشكلتك؟
محمد :آنا بروحي مادري شنو مشكلتي ,, بس وناستي جوفتها مطنقرة
قالت له بنرفزة :مرييييييييييييض
محمد:انزين عالجيني جود اشفى
عطته بنظره و مشت و اهي لايعه جبدها من جوفته
<<
<<

عز يا صوبي نقزني :ها!! شنو مصيبتكم ؟؟
التفت له :خرعتني يا سخيف
ابتسم لي و مسكني من خصري
تعديته و توجهت لاقرب غنفة بالصالة و قعدت عليها
عز:انزين عطينا ويه شوي,,لي متى بتمين جذي نفسية ؟
آنا : تكفى خلص,,, آنا بروحي مادري لي متى ببقى نفسية على قولتك
امنية :شنو ؟؟ شنو الي تكفى و خلص ؟؟للابد يعني ؟؟
آنا :انتوا الحين شتبون ؟
رناد :نازل فلم يديد يجنن بالسينما و يبيلنا نروح نجوفه
قلت لهم بدون تفكير :لا لا مابي ,مالي خلق
عز بتحدي :و اذا قلت لج آنا بخلي فيج خلق غصب ؟
امنية :انزين انتي اعرفي شنو اهو الفلم اول ...
رناد :اييه والله
آنا بلا مبالاه :شنو اهو ؟
رناد :هالفلم الي كنتي تنطرينه من فترة و متحمسة له ,,كاه اخيرا نزل
امنية بحماس:The divergent
من سمعت انسدت نفسي ,,تدرون هالفلم كنت مخططه اجوفه مرتين ؟؟مرة مع عذور و مرة مع بدر لاني كنت حاطه ببالي اني راح اكون على ذمته لما ينزل هالفلم ,,,شكثر نطرته و تمنيت ينزلونه لاني آنا قاريه الكتاب بس الحين ؟؟حتى لما نزلوه صرت مابي اجوفه ولا اسمع طاريه ,,كرهته من دون لا اعرف احداثه
عز :اوووه يلا يلا يا يبا قوموا تزهبوا انتوا ,,هاذي غصب(ن) عنها راح تيي معانا مو بكيفها
امنية :اييه والله
قعدت اطالعه و رافعه حواجبي ,,شنو على كيفكم انتوا ؟؟
ما وعيت الا و عز يايني و شالني على ايدينه مرة وحده و مدخلني داخل ,,,حاولت انزل بس ماقدرت كان شالني وراص علي ,عاد آنا وين اقدر على قوة ريال !!؟ ,,,,,,,,,,,استسلمت و حطيت راسي على صدره لي نوصل ,,احب قربه واييد و احس بالامان عنده ,اقرب واحد لي بعايلتي كلها و اهو الوحيد الي يفهمني برمشة عين ,احيانا احس انه حنووون بطريقة مو معقولة حتى الحنان الي فيه اكثر من حنان ابوي و امي
وصلني لي باب داري و بعدها قال لي بأبتسامة تريح :مابي شي غير تغيير بسيط منج ,, وراح انطر لي بعد سنة مافرقت معاي المهم تردين لي
قعدت اطالعه بضيق ,ماني عارفه شقول له , ضايق خلقي عليه لاني مضايقته معاي واهو متحملني ,و قاع يسوي وايييد اشياء على شان يغير من حالي ويسعدني و آنا والله مقدرة له كل الي يسويه لي بس افهموني ,,مو قادره والله مو قادره فيني شي ما قاع يساعدني و مخليني عالقه بمرحلة طويييييييييلة صعبة لا تحتمل
لبست لي سكيني و قميص بنفسجي خفيف و نعال مصطح (برادا) و شنطة (برادا) سودا نفس لون النعال,حطيت عباتي و طلعت لهم ,كان عز جاهز و قاع ينطرنا بس مهرة وورناد للحينهم و مطولات بعد ,شوي ويا لنا خالد بروحه الحلوه و قاع يغني ,,:(مالت ,مالت عليك عيوني اول ما لمتك و فز قلبي )
عز كمل معاه :من مكانه وطار عقلي لما شفته
خالد يا لي عندي و قعد يغني لي :اييه صدقني غرورك حيل ميز لك حضورك
ابتسمت له بحيا و خوزته بعيد ,,بما اني واييد خجولة ما اتحمل حاقات زي كده يعني
خالد :ها خلصتوا ؟
عز :لا يا ريال للحين مطولين
آنا بتساؤل :ليش حتى انت ياي ؟
خالد :ليش ماقالوا لج ؟
عقدت حواجبي و حركت ايديني بتساؤل
عز :كلنا راح نروح ,,علايه و ريلها وبنتهم حياة و خالد و حتى امي
قلت له بتسليك :يلا عاد ...
خالد :والله من صجنا ترا ,,,متفقين نغير جو كلنا,,,تدرين فينا من زمان ما طلعنا كلنا و قلنا راح نروح السينما و ندخل الفلم الي انتي تبينه و نغير جوج شوي
عز :الكل مشتاق لج ,,و يبي شوفتج ,,يقولون صاروا ما يجوفونج ابد حتى بيمعات يوم الجمعة
تنهدت و سكتت ,,معاهم حق آنا كنت واييد متعلقة بالذات بالبنات بس الحين مادري عنهم و اهما بعد قاموا يتضايقون من حالتي وهم ما الومهم ,,محد مجبور يتحملني ويتحمل تقلباتي
عز :و عفكرة بعد السينما افكر نروح البحر
خالد :و لو تبين حتى بر بنوديج
آنا :لا لا تكفون بحر مانبي ,,بر اوك
سكتت وبعدها قلت :ولو تكنسلون موضوع البر بعد احسن
عز :ههه يا حرمه انسي آنا اليوم اوديج يعني اوديج ماكو مفر
خالد :هاذيلي وينهم ,,
خالد صرخ بصوت عالي على يسمعون :يلا يا ناس !!! ما صارت هاذي
آنا بعد ما خلصوا كل هالسوالف طالعتهم بجديه :شباب ,,,جد مالي خلق لبحر و بر تكفون خلوها لوقت ثاني
خالد تنهد :عراحتج حبيبتي
قعدنا ننطرهم مال ربع ساعة ويو لنا كلهم زاهبين ,,الخدم راحوا اهما و امي وابوي بسيارة
و خالد و رناد و امنية بسيارة خالد ............بس قبل لا يحركون ؟؟
خالد :شنو ما راح تصعدون ؟؟
عز مسك ايديني :لا لا بنيي بروحنا ,,روحوا انتوا
امنية فتحت الدريشة :يلا عاد ....تعالي
عز سحبني وراه :يلا يلا ,,توكلوا
امنية تطالع عز بشر :عفكرة انت حيوااان .........
عز:حيوان وانتي طلعتي علي
طول الدرب و آنا ساكتة وعز معلي آخر شي على الاغاني وقاع يغني ويرقص و مرتبش ,اما آنا فكنت قاع اتأمل الشوارع بهدوء,,,تصدقون اشتقت للشارع ؟؟ و اشتقت للحواطة و اشتقت ل ....
آنا بصوت يقدر يسمعه عز :اشتقت للسواقه
عز دعس بريك بنص الشارع و قعد يطالعني بنظرات مينونة :قولي والله؟؟
ابتسمت على ردة فعله و قلت له :اييه صج ليش ؟
عز بينان :بطلي الباب بسرعة بطلي ,
نزل من السيارة و يا صوبي و نزلني خلاني اروح مكانه و الي ورانا قاع يدقون هرنات و حارقين روحهم ,,يحليلهم ما يدرون عن عز ولا يدرون انه لما ايّن صج ما همه شي ...........ركبت بسرعة و مسكت السكان ب وله ,,,,,صج ولهت عليه ,,من زماااااااان ما سقت حتى لما اروح الجامعة اخلي احد يقطني ,يا السايق يا عز يا رناد او حتى ابوي او اي احد فاضي ويبي يوصلني
عز :ماكو داعي اعطيج تعليمات طبعا
غمزت له:ابد ....اذكر و جني سايقه امس
عز :كفو!!! يلا دوسسسسسسيييييي!!!!!!!!!
كنت صج متحمسة و حاسه بوناسة خفيفة فاقدتها من زمان ,,بس صج ماكو احد يفهم لي و يغير جوي غير عز .........
وصلنا دلما مول ,,اقرب مول لبيتنا ,,بمحمد بن زايد-ابوظبي- ,,,,,,,,,,,,,,احب هالمول لانه فيه كل شي ابيه وكل احتياجاتي هناك بس مشكلته وايييد كبير ويبي له مشي وايييد و آنا مافيني شده ابد
لما نزلت من السيارة عز مد لي ايده و مسكته و دخلنا ,,,
كان المول هادي و مو واييد زحمة لان بهالوقت مو كل الناس يهيتون و يروحون مولات ,,يعني الحين الساعة 11 و ربع و طبيعي يكون فاضي
دقت علي رناد ورديت عليها .............
آنا :الو...
رناد :وينكم في؟؟
آنا :كانا تونا واصلين
رناد :خمس دقايق لو ما ييتوا بندخل ترا
آنا:زين كانا يايين *سكرت عنها*
صعدنا فوق و قبل لا نروح عندهم عز وقف جابلني و مسك ايديني :الحين احنا رايحين عندهم ... والطلعه كلها لج و قايمه عليج ... مانبي ضيقة الخلق و حاولي تستانسين وتونسينهم زين ؟
آنا :بحاول
عز :عفية .......انزين ابتسمي
ابتسمت غصب و مشيت
دخلنا السينما و كانوا كللللهم موجودين ,,امي و ابوي و الخدم (كاجين و فوز) و علياء و فؤاد و حياة و رناد و امنية و خالد
سلمت على فؤاد و علياء و شليت حياة حضنتها ,, وايييد احبها و احب جوفتها ,,حبيبة خالتها الي تييب لها الامل صراحة اسم عى مسمى ,سموها حياة و اهي اساس الحياة ,,من 3 سنين و آنا لو بغيت الامل اطالعها و يزيد حبي للحياة بجوفتها و اتعلق بالحياة بمجرد ما انادي اسمها او حتى اسمعه
فؤاد :يلا يا يبا ,,الفلم بيبدي
امنية يت صوبي :لا تحاتين موضوع الفانتا و البوبكورن *تأشر على الكيس الي بأيدينها* موضوعهم خالص ....و على فكرة يايبه لعز فانتا و كندر و توبليرون (عشقه الابدي)
دخلنا القاعة و قعدنا كلنا ينب بعض ,بالبداية امي ينبها ابوي ينبه فؤاد و علياء و حياة و خالد و رناد و بعدها عز و آنا و آخر وحده امنية ,,قعدت بنص امنية و عز على شان ما يتناجرون علي لاني مو ناقصة
كنت قاع احاول اتحمس للفلم و اعيش جوه و اعيش الاكشن مثل ما كنت اخطط بس ما طلع معاي تماما مثل ما ابي بس تحديت روحي و كاني قاع اطالع الفلم و احاول اعيش كل كلمة تنقال ,,لاحظني عز وفهمني بمجرد نظرة ,شال ايدي و ضمه بين ايدينه وفهمت الي يبيه ,,,,,,بمجرد لمسته لايديني حسيت بطاقه خلتني انسجم بالفلم و ادخل بعالمه و عشته بكل تفاصيله ,,,الفلم وايييييييييييد عجيب و ينحب ,,,احلى من الكتاب حتى و احداثه حماسيه و ماكانت احداثه واييد تبجي بس آنا حساسه و ابجي على كل شي اطالعه ولانه يا موقف يبجي استغليتها فرصة و طلعت كل دموعي بصمت ,قاع ابجي على حال البطلة و قاع ابجي على حالي ,,كان المفروض اكون هني معاه هني ,,المفروض اهو الي يضم ايديني بأيدينه ,,اهو الي المفروض يكون يايبني هني ,,اهو الي المفروض يمسح دموعي و يهديني ,,اهو الي المفروض يكون معاي و يطالع الفلم بس ؟؟؟.............اهو مو موجود ,,مو بس مو موجود هني ,اهو مو موجود هني ولا بأي مكان ,اهو مو بحياتي اصلا بس بكل تأكيد اهو ساكن بالي
طلعنا من الفلم و اول شي سويته اني اروح الحمام و يو معاي خواتي
علياء :هوب هوب هوب ,,,لا تصدميني و تقولين لي ان الفلم بجاج؟؟
رناد تطالع امنية :حتى انتي ؟؟؟ ............لا تطلعوني من طوري !! ترا الفلم حده تافه و مافيه ولا لحظة اثرت فيني والله
آنا :بروحي مادري ليش قاع ابجي ,,ياخي تكسر الخاطر (تريس)
علياء عدلت شكلها بسرعة و طلعت اهي ورناد
امنية حضنتني :ادري فيج ما قاع تبجين على شان الفلم بس ...
مارديت عليها و كانت دموعي اهي الي ترد عليها
امنية :تحجي ..فضفضي .. قولي لي شفيج لان صدقيني ما راح ترتاحين جذي
وخرت عنها شوي و مسحت ويهي و قلت لها :آنا مرتاحة
امنية :تقصين علي ولا على روحج ؟؟
تجاهلتها و وقفت قبال المرايه ,,غسلت ويهي و لفيت شيلتي عدل و يايه بطلع بس قبل لا اطلع لفيت لامنية
آنا :عدة المكياج يا سيدة المكياج
امنية :من عيوني والله ,,ما طلبتي شي ,, و آنا بحطه بأيديني
آنا :بس مابيه واييد ,,خليه خفيف واييد بس ابيه يخش العيوب
امنية :خلي الموضوع لراعيته ,,تعرفين احتراف تجميل و ماكو اشطر مني ,,المكياج لعبتي و التجميل حياتي
وقفت و سلمتها ويهي ,,واثقة فيها و اعرف انها بتسوي الي يناسبني ,,امنية من صغرها تعشق الميك اب و سوالفه و ماتقعد بدونه ابد ,,خبره من سنين ومن لما كانوا امي وابوي اييبون لها الميك -اب اللعبة و ماشالله عليها تعرف كل انسان والي يناسبه بنظرة و تبدع بويهه ,, و آنا قمت اتعلم منها مع اني اعرف بس احب آخذ خبرتها
خلصت بخمس دقايق و طلعتني بأحسن من الي كنت ابيه ,آيلاينر , ماسكرا خفيفة ,بلشر عالخفيف ,شويه برونز ,و روج فاتح على لون البشرة و طلع واييد ناعم و حلو ......................................طلعنا من الحمام و طبعا ما كانوا موجودين لانهم قالوا لنا انهم راح يروحون يتمشون ,,كنت ابي اقعد بمكان واحد و ما امشي لان ابدا مالي خلق حق شي ولا لي خلق مشي و مشترى و الا ابي اطالع احد بس منو يقول؟؟.........الي عنده اخت مثل امنيوه ؟؟ مستحيل يسوي الي آنا ابيه لانها ما خلتني بحالي و خلتني غصب اتمشى و ادخل المحلات
امنية رافعه لي لبس :طالعي هذا؟؟
ما رديت عليها لاني حتى لو قلت لها مابيه راح تخليني آخذه غصب .....كل شوي توريني شي و كل شوي تطلع لي شي و طلعتني من المحل شاريه نص البضاعة و دافعه مال 1486 درهم ,,يعني هالمبلغ الي دفعته في العاده ادفعه لمحلين بس اهي دفعتني اياه بمحل واحد
من بعد هالمحل حلفت عليها اني ماراح اروح اي مكان زيادة من جذي دقينا عليهم و رحنا لهم على شان خلص نطلع من المول
رجعنا بنفس الطريقة ,آنا وعز والباقيين مثل ما كانوا
عز :الحين الساعة 2 صح؟
رفعت ساعتي طالعت وهزيت راسي
عز :لازم نوصل بسرعة و نزهب البيت لان اليوم يمعتنا ترا
آنا ببرود :يمعة شنو بعد ؟
عز :شنو فقدان ذاكرة ؟؟ اليوم يوم الجمعة و هذا يوم يمعتنا شنو بعد ؟
وصلنا البيت و بدينا بالترتيبات ,, كانت امنية قاع تسوي لنا عصاير و سويتات و رناد قاع ترتب البيت بكبره مع الخدم و آنا كنت اطالعهم و كل الي سويته اني بخرت البيت ,,ما كانوا يبون يشغلوني و يتعبوني عقولتهم : ارتاحي انتي مريضة مايصير نتعبج
مادري ليش كل يوم و الثاني يذكروني بالمرض و يتحججون فيه ,, آنا مو وايد فارقه معاي و مو واييد قاع احاتي هالمرض لاني حاسته شي عادي واييد بس اهما مكبرينها ,, من لما كنت بالروضة اكتشفوا اني آنا فيني نقص مناعه حاد ونتايجه قوية ,, فيني فقر دم وراثي من امي و ابوي ,,شفيت من سرطان اللوكيميا ,,بس ردت طلعت لي اورام او تكيسات بسييييطة ما تأثر الحين ابد طول ما الادوية موجودة ماعليّ خوف و ايماني بالله واييد قوي ولو راح يصير لي شي ترا هاذي كتبة و اللهم لا اعتراض,,,,,,,,,,,,,,,,,,,,,,,,بعد ما خلصنا قررت اصعد داري اريّح شوي لاني حسيت بشوية صداع

sevda ©؛°¨غرامي مشارك¨°؛©

بيكون موعد الرواية يوميا لي انتهي من الاحداث كلها ,, نطروني

sevda ©؛°¨غرامي مشارك¨°؛©

و بعدها بنص ساعة اندق عليّ الباب , ابتسمت و قمت بسرعة ,اعرف هالدقه عدل و مستحيل انساها ,, غييير عن كل الدقات و معروفه ..........قمت بطلت الباب و ما خاب الي توقعته !!...بالضبط اهي الي ببالي ,, من جفتها قلت لها بفرحه :شششششذذذذوووي!!قلبي!!
شذى حضنتني بأبتسامة تفتح النفس :عيون شذى انتي
بقيت حاضنتنها و مو قادره افج عنها ,,حاسه بأحساس غير ,,هاذي شذى ,,,بنت خالي شاهين ,, احبها واحب كل شي فيها لان مافيها شي ماينحب كامله و الكامل الله ,, كامله من داخل و من برا و مافيها شي ينعاب,, معاي بكل مكان ,, عمرها 20 يعني كبري بس فرق بيننا شهرين ,, اهي الاكبر ,, معاي بالابتدائية و الاعدادية و الثانوية والحين بالجامعة
شذى :انزين للابد بتبقين متعلقه فيني جذي ؟؟مابتفجين يعني ؟؟
ابتسمت لها و وخرت شوي شوي ,, ماودي اهدها لاني حيييييييل فاقدتها ,,اهي معاي واييد قريبة و مشاركتني بوايد اشياء و حتى انها معاي بنفس الكلاس الي بالجامعة
شذى تغمز لي :له له مب هينه بعد ,,,كاشخة بنت العمه
آنا :مو اكثر منج بنت الخال
شذى مسكت ايدي و سحبتني :بسرعة بسرعة بسرعة !!!!
آنا :شفيج انتي؟
شذى :يلا ننزل قاع ينطرونج اهما
ابتسمت لها بخفيف و مشيت وراها وكنت راح انزل بس فجأة وقفتني
شذى :ويت ويت وييت نطري وين نازله جذي ؟؟
قعدت اطالعها بأستغراب و رافعه حاجب
شذى :لا تطالعين جذي نطري *بطلت كبتي بسرعة و قعدت تدور بين ملابسي*
فتحت حلجي بصدمة :انتي هيييّ وش تبين ؟
شذى بأبتسامة : امبيييي!!!! للحين تذكرين لهجتنا ذيج ؟؟ ,,,وش تبين !! صج ذكرتيني بأياااااام
آنا :آنا لا يمكن اني انسى لهجتي الي متعلمتها من صغري ,,,لهجة الوالده هاذي شلون انساها؟
شذى كانت مندمجة بالكبت و قاع تعفسه وتقط الملابس وعاد الحين ؟؟ صج ينيت عليها ,,آنا ما احب العفسه و ما اتحمل اطالع احد يعفس شي خصوصا لو شي يخصني ,,,,كنت قاع اطالعها بعيون وسيييعة ومنصعقة منها :شقاع تسوين ؟؟
شذى :ابي منج تسكتين وبس ,,يا بنت شفيج مجنونة ؟؟ صبري شوي
قعدت اضحك على "المجنونة" الي قالتها !!!! شكلي عاديتها بلهجتي القديمة .......آنا صج اسكن بالإمارات و جوازي إماراتي و حياتي بالإمارات بس بعد متعلقه بقطر والكويت و عادتهم بلادي بعد مثل ما الامارات بلادي و عزوتي ,,,امي قطرية اصل بفصل و مافيها اي عرج إماراتي و ابوي إماراتي امه كويتيه بس حتى اهو معلق على اللهجة الكويتية من جذي آنا و اهلي كلنا لهجتنا جذي و تعودنا نتحجى جذي من صغرنا بس هذا مو معناه ان قعدتي بالإمارات ما فادت معاي لاني اكيد اعرف اتحجى إماراتي بالنهاية هاذي تنحسب لهجتي بعد
شذى لفت تطاعني بأنفعال :شنو هذا ما عندج ولا كندورة ؟؟ولا اي شي غير البناطلين ؟؟
هزيت راسي بمعنى لا ,,,بس شفيها هاذي ؟؟شتبي بالكنادير ؟؟
شذى :ولا دريس ولا اي شي ؟
آنا :لا!!؟ ليش انزين ؟
شذى بقت قاعده وتفكر و بعدها قالت لي :لحقيني دار رناد
آنا :ليش انزين ؟
شذى :مشي يا بنت
مشيت وراها وامري لله
دخلنا دار رناد و فتحت كبتها و طلعت لي مخوره من مخورات رناد ,,حطت المخورة عليّ و قالت لي بأستعيال:يلا يلا روحي لبسي
قعدت اطالعها بدون مبالاه ,,,,,شنو موضوعها هالبنت ؟؟ تدري اني ما احب مفهوم اللبس المسكر من تحت ,,حياتي كلها بناطلين و بس كل احد يدري ,,شنو هاذي ناوية تغير مفهوم لبسي ؟؟
شذى :لا تقعدين تطالعيني جذي انتي بعد ...كفاية تأخرنا يلا مشي
آنا بعناد :مابي يا امي ,,,حسستيني ماتعرفيني يعني
شذى :مو وقتج يلا
آنا :مابي يا امي ماااااااببببببييي!!!.........على اساس في حد غريب وما يعرفني و يعرف طريقتي باللبس ؟؟ ترا كل حد يعرف لبسي و لو عن الشباب تراني متعودة البس شال و شيلة او اي شي طويل مايبيله
شذى دزتني لي الحمام و قالت :ثلاث دقايق ابيج هني ,,,,,اففففففففففففففف !!! عنيييييييييييييييييييييييدة
بعد محاولات و حنة و خناق دخلت و لبست غصب لان امي يت و قعدت تترجاني على شان اخلص بسرعة و انزل
نادوا امنية من تحت و عدلت لي ويهي شوي ,,لبست مخورة رناد الزرقاء المفصصة ومطرزة بذهبي و شيلة بيت نفس لون الكندورة بالضبط و نزلت و مالاقيت احد بالصالة و استغربت طبعا ,,مشينا آنا وشذى بدربنا للميلس و استغربت لما دخلت ,,منو هاذيلي ؟؟ ,,هاذي اول مرة اجوفهم بحياتي كلها بس اشكالهم مو غريبة ,, مألوفة شوي ,,يعني على شان جذي شذى ذابحتني من ساعة و تسنع فيني!!؟ اوك بس اصلا شنو يبون ؟؟ شنو سبب هالزيارة ؟؟ صراحة !؟ واضح عليهم يايين على شان شي مهم و" مو اي شي "
ابوي بأبتسامة :حياج بنيتي ,,تعالي سلمي عليهم
اول ما دخلت لقيت الكل قاعد و قاع ينطرني ,,امي ,,ابوي ,,خوالي و خالاتي و اهلهم ,, سلمت عليهم وو.....
مشيت بأستغراب و رحت اسلم على الي موجودين بنهاية الميلس كانت مره كبيرة شوي و معاها ريلها ,,,,,,,هذا مو مهم الحين المهم ان هاذيل شنو يايين يسوون عندنا ؟؟
كانت إبتهاج يايه من المطبخ و لما جافتني سلمت عليّ و بصوت واطي شوي :اسووم ,,,حياتي عسى ما شر شفيه ويهج مصفر ؟
قلت لها :لا حبيبتي ما شر بس شوية تعب
المره :سلامتج
لفيت لها و ابتسمت بالغصب :الله يسلمج ؟
بسم الله الرحمن الرحيم!!! شلون سمعت هاذي؟؟
بعد ما سلمت على الكل قعدت ينب البنات ,, احنا ميلسنا تقدرون تقولون انه مقسوم قسمين ف كانوا البنات بالقسم الثاني شوي بعيد عنهم ,, قعدت بنص إكتمال و شذى و قعدت اطالعهم و مو فاهمه شي ابد ,,,؟؟ ليش هالناس هني ؟؟,,,, شحقه مشتطين و قاع يزهبون فيني من ساعة ؟؟ و شنو له كل هالرسميات الي قاع تصير !؟؟؟؟............................................ن طروا نطروا نطروا ,,ايّن عليكم آنا ترا ,,ترا بديت اشك بأشياء كبيرة آنا ,,,شنو ناويين عليه ؟؟ وشنو خاشين عني ؟ يعني آنا مو جاهله ولا مدمغة ,, واضح ليش يايين يعني بس تدرون شنو ؟؟ ماراح اسبق الاحداث و بنطر بالنهاية آنا ما قاع ادرس علم نفس على الفاضي
لفيت ل شذى و سألتها بصوت واطي :شدعوة قاعدين هني ؟؟
شذى :اوامر عليا
آنا بأستغراب :انزين ؟؟
شذى :سكتي و حاولي تفهمين ,, دارسه علم نفس عالفاضي انتي شنو ؟؟
قعدت اطالعها و قلت لها :شكو !؟
شوي و بنص رسميات امي وابوي و خوالي و خالاتي مع الضيوف هز الفون بجيبي رفعته ,,لاقيتهم قاع يتحاجون بالقروب الي فيه عيال العايلة
.
.

بسمة :قسم بالله بقوم بدفنهم كلهم الحين
شروق :تصدقين يبيله ؟؟
بسمة :فيني فضووووووووووووووووووووول شنو يبون ؟؟
امنية :من الصبح و اهما يسولفون و يخزون وحده وحده فينا عنبو دارهم شنو هذا ؟
عز داز فيسات تضحك:شسالفة !!!
رناد :السالفة و مافيها ان يايينا ضيوف غرب و قاعدين يحاجون كبار العايلة الحين و احنا قاعدين معاهم بس شوي بعيد ف ماندري شنو موضوعهم الحين و الفضول شال الدنيا لان الشك بيننا
حمد :ايييه و آنا جفت عيوز و شيبه داخلين ,, شكله هاذيلي اهما !!!
نسمة :استح على ويهك
مرجانة :مو زين عليك ,, هاذي غيبة ونميمة
نسمة :شكله وحده مننا بتودع الحرية
امنية :,,,تهقون لي آنا ؟
خالد دز لنا فيسات تضحك من بداية الصفحة لي تخلص
عز :جنج مصدقة روحج شوي
امنية :و ليش انشالله ؟
محمد(ولد خالتي):منو راح ياخذ ياهل ؟؟
امنية :ماني ياهل زين ؟؟ ,,,,استح على شنبك يا صبي كملت 17 سنة آنا
خالد:اهم شي انج under age
رناد :واااااااااااااااااي بالصميم وربي
آنا :اقول ,,,آنا ما احب الرسميات هاذي ترا ,,ماني متطمنه ,, اهما منو يايين على شانه ؟؟ ما تدرون ؟؟
إكتمال:لا والله ماندري ,,كل الي قالوه لي امي وابوي اننا راح نيي عندكم وراح يكون عندك ضيوف غرب
شمعة :شنو ؟؟ اهما يايين ينقون مبينا ولا شنو ؟؟ ترا للحين ما حددوا و قاع يطالعوننا كلنا و اهلنا مسوين احتياطاتهم علينا كلنا ,,,,شسالفة يعني ؟؟
حمد :انتوا خلكم برا ,,,للحينكم ياهال و ماراح يطل احد بويوهكم
شمعة :عساهم ما طلوا بويهي ,,,مابي وييه اسم الله عليّ
نسمة :شقاع يصير يا جماعة ؟
رناد :يعني نقول لج الموضوع جنه خطبة ,,شتبين يصير ؟؟
علياء دخلت فجأة بالقروب و قالت :لو تسكتون يكون احسن ...مو حلوة جدام الناس كلكم راضعين لي هالزفت الي بأيدينكم ترا
امنية :دام هذا حجيج يا العاجل يعني صج ,,,,و آنا اقول شفيكم مخلينا كلنا نلبس مخور و نصطلب و حركات
علياء:فكونا عاد ,,,, ترا اهما كل الي قالوه انهم يايين لنا بموضوع مهم ما اختاروا ولا شي من جذي
إبتهال : اقول ,,,شرايكم نسحب عليهم ونطلع ؟
شروق :تكفين !!! سويها والحين بعد خل نفتك
إبتهاج :يبيله !!!!!!............ آنا عن نفسي ؟؟راح انسحب من مسابقة الاختيار هاذي
علياء :والله!!! ...حركة وحده انهيكم سمعتوا ؟؟
بسمة :طبعا انتي و جوهرة و إكتمال عادينكم من كبار العايله العقلاء ,,, و حاليا مافيكم فضول و تدرون عن الي يصير و ينقال ,,, آنا !! آنا الي ميته حره و قلبي بينبط من الفضول
آنا :خلص سكتوا شوي ,,هدوا فوناتكم و ولا حركة صيروا اصنام مثل مايبون
امنية :اييه والله اصنام
بسمة :امانة جوجو امانة بس قولي لي منو هاذيل ,, شنو اساميهم شنو يصيرون ؟؟ منو يكونون؟؟
حمد :ول عليج وللل,, غربال بس بسسسسس شنو هالفضول شنو هاللقافة ؟؟؟
جوهرة :اللهم طولج ياروح ,,هاذي ام منصور و هذا الي معاها اخو ريلها و خلص اختفوا
شمعة :يعني هذا مو ريلها ؟
نسمة :يعني قالوا اخو ريلها
بسمة :و ريلها وينه مثلا ؟
حمد :حاله من حال ابوج ,,,,,, الله يرحمه

سكرت فوني و حطيته بأيدني و قعدت اطالعهم لي دخلوا بالموضوع الاساسي و مادري شنو له ضمونا بحديثهم هذا
عم منصور :ما بنطول عليكم اكثر ,,,,,,,نحن ما ييناكم اليوم الا ونحن متأكدين و نعرفكم عدل ونعرف سمعتكم المحترمة و تربيتكم الي ما نشك فيها ,,,,,,سمعنا عنكم واييد اشياء زينة و بالذات عن تربيتكم و بناتكم ,, حبينا نتعرف على الزين الي نسمعه لو لا الي نعرفه ما كنا بنيي بس انتوا ناس ما عليكم قصور ,, و دام انتوا الي ربيتوا ما نشك بتربيتكم
كنت قاع اسمعهم و استغرابي يزيد كل ماله ,,ماني فاهمه شي من الي يصير ابد ,,او بالاصح فاهمة بس اتغيشم ,مابي انصدم -_-
ام منصور :نحن يايين نخطب وحده من بنياتكم حق ولدنا منصور ونبيها تكون مرته على سنة الله ورسوله
كل وحده فينا كانت تطالع الثانية ,, آنا و كل بنات العايلة ,,جذي احنا بخطر صراحة لانهم اصلا حتى ما حددوا بنت منو !!شنو يعني نخطب وحده من (بنياتكم )؟؟ شنو الدنيا فوضى !!؟؟ هاذيلي يايين ينقون بيننا ولا شنو ؟؟ مكتب خدم ؟
ام منصور تطالعني بأبتسامة عريضة وآنا كنت بحالة لا وعي و لا ادراك و مو مستوعبة شي ابد
رناد لاحظتني وعلى شان ينقذني قال :مثل ما تدرون ترا احنا اهني عبارة عن خمس عوايل ,,خالي شاهين وبناته ,,خالي فري و بناته و خالاتي الثنتين و بناتهم و خواتي آنا ,,,,,,ممكن توضحون لو سمحتوا ,,,ما عليكم امر ,, يعني اضن انكم يايين و مو محددين الي ببالكم ؟؟....... جنه !؟
كان التوتر عام بيننا و للحين مستمرين كل وحده تطالع الثانية بس آنا تساؤلي ما عاد له داعي ,, فهمت كل الي لازم ينفهم ,,,,,,,,احساسي ما يخيب ابد

ام منصور بفرحة :معاج حق ,,, يعني اعذرونا مو قصدنا و لا ناسين المذهب بس ,, نحن يايين و ابد مب محددين ,,ولدي منصور يرفع الراس و انا مربتنه و تعبانه على تربيته هو واخوانه خصوصا بعد ما توفى بو منصور الله يرحمه ,, آنا عندي بنيتين شيخة و سحر ربي يخليهم و ثلاث اكبرهم منصور و صدقوني كل الي نباه هو الزين حق ولدي و الي نعرفه عنكم ما خلانا نتردد ابد و صراحة ما اقدر اختار وحده فيهن ,, كلهن يرفعن الراس والنعم فيهن بس صدقوني ما بنلقى حق وليدنا احسن من بنيتنا *كانت عيونها عليّ و تطالعني بفرحة *
سكرت عيوني بغصه ,,الي سمعته حيل صدمني ,,للحين ماني قادره اتصور جدية الموضوع و تفاصيله ,,آنا اليوم انخطبت ؟؟ انخطبت صج يعني ؟؟ و منو ياي يخطبني ؟؟ اخو واحد من رفيجاتي الي يعزون علي !!!؟؟
كنت ماسكه شذى الي كانت تحاول تهدي من حالي و متحملة هالقعده غصب ,,,حاسه بضيق مو فاهمه معناه ولا فاهمه اساسه يمكن لاني ما اتخيل روحي آخذ حد من بعد هذاك ...... يمكن لاني كرهت كل هالعلاقات .....لاني ما اتخيل روحي متزوجة ...... يمكن لاني ما افكر بهالموضوع ومو مستعدة ...... يمكن لاني كارهه كل الرياييل و صرت ما احب اتعامل مع البشر ........ ويمكن عشان كل الي ذكرته
همست بصوت واطي تقدر تمعه شذى بس :تكفين دبريني ,,تعذري اي شي خل نطلع من عندهم
حزتها رصت على ايديني و قومتني و قالت لهم :عن اذنكم شوي
طلعنا من الميلس و صعدت اركض لداري و خليتها ,,,,دخلت و قفلت الباب و آنا حاسه بخوف ماني عارفه سببه ,,,, موضوع اني انخطب ابد ما هقيته و لا حطيته ببالي ,,,,صج انها مو اول مرة ارفض الا انها ثامن مرة بس ماني قادرة استوعب ,,من لما تخرجت من ثانويتي و آنا انخطب و رفضت حتى اقرب واحد من بينهم بس هالمرة مو مستوعبة ,, حتى لو رفضت شنو راح تكون ردة فعل نورة ؟؟ اهل نورة ؟؟ شنو راح تكون ردة فعل الريال المسكين الي من لما دخلت و اهو عيونه عليّ ,, شنو ذنب الاهل الي متفاءلين من الموضوع,,آنا والله مابي اكسر احد ولا اجرح احد ,,يكفي اني قاع اجرح روحي كل يوم ,, ولا ابي اخسر علاقتي بشيخة .........................آآآآآآآآآآآآه ياربي ,,ساعدني يارب ساعدني !!!
كنت اسمع الباب يندق بس ما فتحت ,,كنت قاطه روحي بنص السرير ,متكورة و قاع ابجي ,, حاسه بأحبااااااط مابي ادخل بأي علاقة مع اي ريال بهالعالم كامل ...ماني جاهزة حق خطوة مثل جذي و لا ني مفكرة بموضوع من هالناحية بس كل شي قاع يتخربط الحين .........ليش جذي ياربي ؟؟ليييييييييييش!!!!؟؟
للحيني ما فتحت الباب و ادري انه عز و انه ماراح يروح الا لما افتح بس قعدت انطر شوي
عز :تدرين اني ما راح اهدج الا لما تفتحين الباب
مسحت دموعي و قممت فتح الباب شوي شوي ,, وقفت اطالعه و اهو واقف عند الباب و يطالعني بضيق ,,ادري فيه ما يحب يجوفني جذي بس والله مو بأيدي ,,كل شي قاع يصير غصب والله مو بأيدي

تجدم و لمني بحضنه و بقى يربت على ظهري و يهديني لي حسيت اني صرت حمل عليه ,,مسحت ويهي و وخرت شوي ,,:مافيني شي آنا ......مافيني شي
عز يحاول يهديني :زين قلبي زين ,,,آنا ماقلت ان فيج شي
من قال هالجملة مادري ليش زاد بجييّ و طحت بحضنه للمرة الثانية,,حط و ويهه على راسي و قعد يهديني و يحاجيني لي هديت ودخلنا الدار
عز :هالشي كان متوقع
كنت قاع اطالع و مارديت عليه
عز :كلنا ندري ان راح اييلج يوم وتنخطبين فيه
هم مارديت عليه و قعدت اطالعه بهدوء ,,شنو اقدر اقول بهاللحظة ؟؟,,,,,,,,,,آنا بروحي ماني عارفه شنو ابي اقول وشنو راح اقول
عز تنهد :تكفين فهميني ,,شنو الي صاير لج ؟؟ شنو كل الي معذبج و مخليج بهالاحوال؟
قمت من مكاني و رحت عند الجامه الي مجابله المسبح و الحديقة وقلت له :مافيني شي ..لا تحاتي
عز قام و توجه للباب :على راحتج ,,,زين ترا الناس راحوا من شوي ,,, نزلي تحت البنات كلهم قاع ينطرونج
آنا:انشالله كاني راح انزل الحين
طلع من الدار و نزل تحت عند الشباب
رحت عند التسريحة ,,عدلت على الكحل والمسكرا الي ساحوا من البجي ,,عدلت شكلي و نزلت لهم بالصالة الصغيرة الي كانوا قاعدين فيها البنات ,, واكثر مكان نتيمع فيه وكان حديثهم كله عن الفلم الي صار,, كنت واقفه عن الباب و مترددة ادخل حاسه بأحراج من الي صار ,, يمكن سرقت آمال وحده من البنات ؟؟ يمكن خذيت نصيبها ؟؟ او يمكن ...........................اووووووه لا لا ماكو شي من جذي عادي دخلي و لا كأنه شي صاير بالنهاية لازم يكون فيج ثقة و انتي ما سويتي شي و ما اهقى انهم راح ياخذون عني موقف ,, كزناتي و اعرفهم ابد مو جذي اهما
بسمة ناقعه ضحك :هههههههههههههههههههههههههههههههه لا لا لا فلم فلم ,,, هاذيلي ما يدرون وين الله قاطهم و يايين يخطبون
شمعة :شنو هذا ؟؟ كلش ما حبيت الي صار؟؟
امنية بقهر :ليش ما قالت بالغلط انها تبيني آنا !!؟؟؟
شذى بطنازة :قال شنو ؟؟ قال يايين يختارون بيننا ؟؟
بسمة :عبالهم بمكتب خدم احنا
دخلت لهم و قعدت ينب بسمة و شمعة
امنية تطالعني :نوّر نوّر
ابتسمت لهم بالخفيف و قعدت اسمع سوالف البنات ,,,,
بسمة تطالعني :عندي لج سوالف شكثثثثثثثثثثثثثثثثثثثر!!!!!!
قلت لها :آنا جاهزة ,,سمعيني
بسمة:تخيلي ان من جم يوم ببيتنا ..........
<<
محمد : يا صبي !!.....اصطلب من قاع تحاجي انت ؟؟
حمد نط من مكانه ولف صوبه بوهقه :ها!!؟؟ لا ماكو ماكو احد
محمد يهز راسه بتسليك :اييه ماكو احد ,,صح صح مادري لمنو قاع يقط هالحجي الحلو و الغزل كله
حمد : انت شتبي ؟؟ شتبي مناشبني ؟؟
محمد يقلد صوت البنات و يتعمد يعلي صوته ويقرب من الفون :حبيييبيي!!! شفيك ؟؟,,حس فيني ترا احبك والله
حمد قعد يطالعه بوسع عين و وده يطقه و ينهي حياته الحين ,,قفل الخط بسرعة و لف لمحمد الي كان رايح فيها من الضحك و الطنازة عليه
حمد :ولد كلللب!!!.........والله ضبطتها تصدق ؟ شلون لك تقلد هالكثر ؟؟
محمد يغمز له :بعد ..
حمد :والله اشكرك ,,فكيتني من مصيبة ما منها مفر ,,,,غثثثثثثثثثثثثثثثثثييييييييييييييييييييييييييثث ثثثثثثثة!!!!!!! وييييع يعني اكو بنات؟؟؟؟؟ صج مصيبة من الله
محمد :هههه ,,انت يايب لروحك من قال لك ؟؟...........يا صبي خلك مثل اخوك ريال و ما اعطي يه لاحد و لا عندي حركات اليمين يسار مالوتك هاذيلي
حمد يكشه بأيده :روح روووح .,... يالريال انت ,,,,,خلك ثقيل و ماعندك حركات يمين يسار على قولتك و بعدين لي طاف الوقت و تزوجت راح تتمنى لو انك عشت لحظة من لحظاتي الذهبية
محمد :عشتو!! قال لحظات ذهبية قال ,,,اي ذهبية الله يهداك ؟؟,,,,,,,,,,هالذهب الي طاير فيه ترا كل يصدي ما يدوم على لمعانه
حمد يحط ايدينه على راسه :واااااااااااااااااااي ,,,روح لا تكئبني روح تكفى
محمد هز راسه يمين يسار و هده
>>
إكتمال :ياخي بسووووووووم علي عالصوت شي نبي نسمع شفيج ؟؟
بسمة وقفت من سالفتنا و ردت عليهم و اهي مطنقرة :مو ماعندي الريموت شسوي ؟؟
شروق :زين زين يالمطنقرة ,,,,,,,,*علت صوتها* يا!! شفيكم وين الريموت انتوا ما تسمعون ؟؟
إكتمال :المقطع راح يطوووووفنييييييي!!!!!
نسمة :و قسم راح اربيكم كلكم ,,,الحماره الي شالتنه ترده الحين يلا راح يطوف المقطع عاد حرام عليكم
بسمة :فكونا!!! عاد مو لاقينه شنسوي لكم ؟؟خلونا بسالفتنا الحين
مرجانة :زين كملي شصار عقبها؟؟
بسمة : دخل حمد داره و درى اني كنت اراقبهم من بعيد ,,مصخرني و صك الباب بويهي*ابتسمت بقفطة*
قعدنا نضحك عليها ,,هالبسمة من يومها ملقوفة و حاشره روحها بكل شي ومايطوفها شي ,,حنانه و زنانه و ماكله روسنا كلنا من ازعاجها و ماترتاح الا لما تندقر !!!
إبتهاج :ههههههههههههههههههههههههههههههههههههههههههههههههه ههههههه لا لا مو صج
شمعة :وربي زين يسوي فيج ,,,ملقوووووووووووفة انتي مو من صجج
امنية :للحينه هذا على نزاغته ؟؟ ما يتوب ؟؟
نسمة تسوي روحها تضحك :هئ هئه هئئههه,,,لا ياعيوني ما يتوب ,,,,,هذا لو إبليس تاب؟؟ حمدو مااااااااااييييتووووووووووووب
شروق :صاجه والله
شذى :وييه حمدلله ,,اخواني كبار و عقّال ما عندهم هاللف والدوران
جوهرة :شهاب مرته صالبته و مخليه على كيفها و شامس و تدرون عن حاله
لفت طالعتني و بسرعة قالت :آسفة والله آسفة
ابتسمت لها ببرود و قلت :لا عادي
شمعة تطالع بسمة وامنية : خل نقول لهم عن سالفة نور ..
بسمة :قولي بس بعيد عنهم بس عند اسوم ,, مافينا على حلطمتهم
شمعة :اوك ......سمعوا السالفة ..... امس بالمدرسة ..........؟؟

<<
<<
يت بسمة تركض في الساحة ,,رايحه صوب شمعة
بسمة :شموووووع !!!! قومي قومي معاي ركض
شمعة :شفيج ؟؟؟
بسمة سحبتها من ايدينها و قومتها معاها
كانوا رايحين عند الباب الوراني للمدرسة الي بالساحة ,,ماكو احد ابد يروح هناك لان المكان هناك يخرع شوي و اكو فيه اشياء قديمة ,,,,
شمعة بخوف :شنو يايبنا هني ؟؟بسوم المكان يخرع وربي
بسمة حطت ايدها على حلج شمعة و انخشوا ورا مجموعة طاولات و كراسي و قعدوا يراقبون بهدوء من بعيد
كانت وحده من البنات الي عليها سبوتلايت بالمدرسة والعيون عليها موجودة هناك و اهما كانوا موجودين خصوصي على شان يراقبونها
كان اكو واحد واقف معاها و مجابلها و مد لها ظرف كبير لونه ابيض و طبعا اهما مايقدرون يجوفون الي داخله
كانت الصدمة مرسومه على ويه شمعة ومانها مصدقة الموقف اما بسمة فكانت عاااديييه ومانصدمت ابد
شمعة بصوت واطي :شنو قاع يصير !!؟؟
بسمة :نطري شوي راح تعرفين
جدمت بسمة شوي ,,كانت ناية تروح صوبهم بس شمعة سحبتها بخوف
شمعة :بسووم !! مو وقت الي قاع تسوينه ,,خليي فضولج على ناحية الحين ,,انتي شدراج هاذيلي شنو موضوعهم الحين ؟
بسمة كشها بأيدينها و توجهت لهم بكل فضول ,,,وقفت مجابلهم و اكيد انتبه عليها اهو بس البنت للحين ماتدري ,,كانت قاع تطالعه بكل خوف ومو فاهمه اهو شنو قاع يطالع حتى ,,,لين لفت شوي شوي وراها وشهقت من الصدمة :بسمة!!!!
بسمة بأبتسامة :اييه نعم بسمة
البنت بخوف وترجي :امانة بسمة اماانة ,,,لا تقولين حق احد تكفين
بسمة :نور...شنو موضوعج ؟
الي كان واقف :و انتي شو دخل ابوج بالموضوع ؟؟ شو تبين ؟؟
بسمة كتفت ايديها و تمت تطالعه :والله ....لازم اتدخل إذا كنت شاكة بنوع هالموضوع و لازم اتدخل لما اجوف صبي داخل مدرسة بنااات!! ,,,,,,,,انت الي شعندك ؟؟ شدخلك هني ؟؟ و شنو الي صاير و مخليك تيي كل يومين و تنكد على بنت الناس ؟؟
الصبي تقرب من بسمة خطوة بخطوة و وقف جدامها بالضبط :احذرج من الحين ....خلج بعييد عن هالموضوع و ياوييلج ان فتحتي حلجج بكلمة وحده سامعه ؟؟ ولا والله ثم والله لا اخليج وطي بهالموضوع و انتي الندمانة
بسمة ابتسمت بأستهزاء و قعدت تخزه ,,
نور كانت تحاول تخلي بسمة تروح:دخيلك بسمة روحي الحين ....لا تيبين لروحج المشاكل
بسمة : وانتي عادي تيبينها لروحج؟
نور نزلت راسها بقهر :انا خلاص يا بسمة ,,, طاف الوقت الي لازم افكر فيه من هالناحية
بسمة جافته :آنا ماعرف انت بالضبط شنو سويت ولا شنو موضوعك لكن صدقني انت الي راح تندم سامع ؟؟ عبالك عيال الناس لعبة بين ايدينك انت والخمه الي مثلك ؟؟
تقرب منها اكثر و مسكها من ايدنيها بالقو :انتي شكلج ما تفهمين الكلام
نور راحت عنده و قعدت تترجاه يهدها و اهي كانت تحاول تفلت ايدينها منه بس مانها قادره
نور :خلها ,,اهي مالها ذنب خلها ......انا انا بسويلك كل الي تباه بس لا تدخلها بهالسالفة مايخصها هي ,,,خلها سعد!!!
بسمة بعدها تقاوم :ايواا ....يعني اسمك سعد
سعد يحاجي نور بأسلوب ما يتحمل احد :هه ,,انتي جي ولا جي بتسوين كللل الي اباه منج ولا تعرفين شو النتايج *لف لبسمة* و دام انتي بعد دخلتي فيها بتسوين كل الي اباه و ماتقدرين تفتحين ثمج بحرف واحد عني لاني بلقاج من تحت الارض و براويج الشغل العدل
كانت بسمة ناويه تتحجى و تتخانق معاه بس لاحظوا صوت ياي و اهو فل مرة وحده و اهما انخشوا بسرعة ورا الكبت على شان ما يلاحظهم احد ,,,,,,بقوا يراقبون من ورا الكبت و بعدها بسمة قومتها من هني على شان يطلعون
نور بخوف و بصوت واطي :بيجوفونا كيف تبينا نطلع ؟
بسمة :قومي و آمني انتي ,,,هاذي شمعة و امنية
نور قامت براحة و طلعت لهم ,,,,
شمعة يت بسرعة و حضنت بسمة واهي ميته خوف عليها
بسمة تضحك عليها :شفيج ترا مافيني شي عادي
امنية :انتي تتغشمرين ؟؟ بايعه روحج ؟؟ آنا شمعة قالت لي كل شي توها و طيحت قلبي ,, شنو ما تخافين ؟؟
بسمة بثقة :لا طبعا؟؟ من متى اخاف آنا ؟؟,,,,,,,,,آنا صار لي فترة اطالع و شاكه بالموضوع و ماحظه حالة نور و اليوم سويت الي ابيه
نور لفت لها وهي متلومه :بس ما كان المفروض تطلعين ,,انتي ماتدرين هذا شو يقدر يسوي
امنية :و اهي الصاجه
بسمة :شنو راح يسوي ؟؟ ,, راح يهددني ؟؟ يحاول يخرعني ؟؟ بيتنقرش فيني ؟؟ ......زين خله يسوي الي يبيه آنا جاهزة
نور تهز راسها يمين و يسار بحسره :انتي للحين ما تعرفينه عدل
شمعة :انتي بأذونج سمعتيه شقال
بسمة :اووووه ما علينا الحين ,,,, نور ممكن تفهميني الموضوع بالضبط ؟
نور بقت ساكتة و ماردت عليها
بسمة :تحجي ,,,سكوتج هذا ما راح يفيد
بعد محاولة وتفكير نور وافقت انها تقول لبسمة كل السالفة
نور :بس توعدوني ما راح تطلع لبرا ؟؟ بيننا ؟؟
امنية :اكيد
بسمة :سرج فبير حبيبتي
شمعة تنهدت :انشالله
نور :من سنة تعرفت على واحد من شلة سعد ,,, بالبداية آنا ماكنت اعرف عنهم شي ولا كنت اعرف ان حمد عنده شله اساسا
بسمة :الي تعرفينه اسمه حمد ؟
نور هزت راسها
شمعة :انزيين ...
نور : شوي شوي بدا يتمادى بالموضوع و صار يطلب صوري و يتصل فيني و جذي
بسمة بأبتسامة :بداية ضياع البنات
نور :و بعدين صار يطلب يشوفني و طبعا رفضت بالبداية بس بعدين رضيت
امنية :مينونة انتي ؟؟
نور :شسوي ؟؟ كنت احبه و كنت مصدقته و واثقة فيه
بسمة : في وين ؟؟
نور :طبعا مو مكان عام على شان محد يجوفنا
شمعة بصدمة :عيل وين ؟؟
نور :بشقة كان يقول انها شقته اهو واخوه
بسمة :زين وبعدين ؟
نور :رحت له اول مرة و كان كل شي بخير و استمريت اروح كذا مرة و مرة من المرات كان موجود بالشقة اهو و شله كامله ,,شلة ربعه و كان الوضع ذاك اليوم قايم قاعد ,,,,, ما كنت مرتاحة اقعد و كنت ابي اطلع بس ما خلاني و رضيت لاني واثقة فيه و واثقة ان ما راح يصير لي شي ,,,,,بس بعدها دخل بالموضوع ممنوعات و تدخين و سكّر و اشياء ما عمري توقعت اني بكون جايفتها بحياتي
شمعة فاتحه عيونها كلها :شششششتتتتتت!!!!!!!!!
نور بدت تمتلي عيونها بالدموع : و بعدها ياني واحد من ربعه و اجبرني على الحرام ,,,, وضيعوني ! .........ضيعوني وقتها ضيعوووونيييي............
امنية :شنو!!!!!!؟؟؟؟؟.....................قولي انج ما تقصدين انهم .....
نور بدت تبجي و بأنهيار ,,,كلهم تيمعوا دور ما دارها و قعدوا يهدون فيها ويسكتونها
بسمة :و الحين شنو يبي منج هالسعد ؟؟ مو خلص سوو الي يبونه ؟؟
نور :طلعوا مصورين كلللللللل شي من اول مرة دخلت فيها هالشقة لي آخر مرة ,,من يومين
شمعة تغيرت ملامحها :للحين تروحين ؟؟
نور :غصبا عني ,,, عبالج بكيفي ؟؟
امنية :آه يا ملاعين الصير ,,,, عيال حرام
بسمة : شنو كنتوا متوقعين غير جذي ؟؟
شمعة :و اهو قاع ايي كل يوم على شنو ؟؟
نور :يهددني اني لو مارضيت ايي الشقة و ادبر لهم بنات راح توصل هالصور لاهلي و راح تنتشر ,,, وراح تكون بأيدين خطيبي اولهم
امنية : انتي مخطوبة ؟؟؟
بسمة :من اربع شهور
نور قعدت تطالعها بأستغراب
شمعة :لا تستغربين ,,,بسمة فضولها قوي و ماينخش عنها شي من جذي عرفت الي قاع يصير
بسمة عاقده حواجبها :يعني انتي قاع تاخذين بنات معاج ؟؟,,,,, قاع تضيعينهم معاج ؟؟
نور :مو بأيدي ,,, انتي تعرفين شو بيصير لو وصلت هالصور حق حد ؟؟..........
شمعة :حسبي الله ونعم الوكيل ...
امنية :وحمد مالج ؟؟ شنو فادج في ؟؟
نور بحسره :آه يا حمد ......حمد ؟؟ راضي بحالي و لا سأل عني ,,,,,,,,,,عيشني احلى لحظات حياتي بالحب و عقبها غرقني بهالحب لين وصلت لهالمواصيل
شمعة بذهول :نطري شوي نطري !! تبين تفهميني الحين انه ياي كل يوم و الثاني يبيج تضيعين البنات معاج و تدخلين بالقبر الي انتي فيه ؟ و تضيعونهم معاكم ؟؟
امنية لفت تطالعها :شمعة !!
نور منزلة راسها :معاها حق
رن جرس الساحة من بعدها و بدت الحصص ,,مسحت نور دموعها و قامت من مكانها و طبعا بما ان شمعة و بسمة وامنية بشعبة وحده دخلوا سوى
<<
<<

sevda ©؛°¨غرامي مشارك¨°؛©

شمعة : وهاذي كل السالفة
آنا بصدمة :من متى صاير كل هذا ؟؟
امنية :من امس
قلت لهم : و شلون ماتحجيتوا ؟؟ شنو له ما قلتي لي امنيوه؟؟
امنية :انتي اصلا متى آخر مرة قعدتي معاي و حسستيني انج موجودة عشان اسولف لج ؟؟...... بعدين ترا الا امس صاير هالموضوع
معاها حق ب الي تقوله ,, صج آنا من زمان ماقعدت معاهم و عطيتهم المجال حق اعرف سوالفهم و اسمعها,,, ما الومها لان هذا الصج
بسمة :شنو تبون بعد ؟؟ كانا قلنا لكم
امنية :المهم الحين شنو رايج انتي ؟؟ بسمة مانها ناوية تطلع من هالموضوع و مصره
لفيت لها : انتي قدها ؟؟
بسمة :طبعا ,,, تدرين فيني قد كل شي و مايصعب عليّ شي
آنا :ادري ادري
بسمة من يومها قدعة و ما ينخاف منها ,,, ماتخاف من شي و دومها واثقة و تتغلب على المشاكل الي تدورها دواره
شمعة بأستغراب :من صجج انتي ؟؟ راح تخلينها تطيح بهالمصيبة ؟؟
آنا بثقة : و آنا معاها بعد ,,, وانتوا راح تبتعدون خير شر لانكم مو قدها ومابي تصير اي مشاكل
بسمة تطالعني و اهي حدها طايرة من الوناسة و مو مصدقتني
امنية :انتي ينيتي ؟؟ تبين المشاكل ؟؟
بسمة :سكتي سكتي ,, احنا ما راح نسوي مشاكل احنا راح نحلها بس
شمعة :وييه كيفكم كيفكم
شروق تطالعني :امبي اسوم ماني مصدقه !! ... صج انخطبتي
إكتمال تحاجيني بجديه :شنو فبالج ؟؟.....شنو ناوية عليه ؟؟
قعدت اطالعهم وماعندي رد ,, ما عندي رد لنفسي حتى شلون يبوني ارد عليهم اهما ؟؟,, هالموضوع مدودهني و عافسني عفاس ,, هالمرة آنا مو نفس قبل ,, كنت ارفض بدون تردد بس الحين ؟؟ لا والله آنا مترددة و وحيل و ماني عارفه شنو اسوي بس الموضوع يبي له شوية وقت
نسمة سكرت التلفزيون و لفت جابلتني :لا تقررين بدون تفكير ,,,
شذى :اييه صج اسوم ... انتي تدرين شنو يعني ترفضين 8 مرات ؟.... تعرفين شنو راح تكون النتايج ؟؟ .... تعرفين شنو راح تكون ردة فعل نورة ؟؟ .... اهلج ؟ الناس ؟؟ ,,,,,فكري بكل هالامور
إبتهاج :صح المفروض تفكر بس لا تنسين روحج و حالج ,, ماكو شي غصب عنج
بسمة :اييه والله ,,,فكونا يا يبا شعليها اهي من الناس و مشاعرهم و طلايبهم ؟؟ اهم شي اهي ,,,,, *تتطنز على شذى* فكري بأهلج ,الناس ,ردة فعل نورة ,,,,,,,,,,,,,,,,,,شعليهاااا اهي !!!! بالطقاااااااااق !!!!
رناد :لا تزيدون همها بهم انتوا بعد
امنية تغمز لي :لا توافقين لا توافقين ,,,, تصدقي فيه حقي آنا محتاجة
قعدت اضحك عليها من قلب ,, صج ضحكتني , هالبنت مستخفة على الزواج على صغر و كل همها انها تتزوج و تحب و تعيش حياة وردية مثل الي ببالها واحلامها والي تطالعه بالافلام والمسلسلات ,,, و ناسية واقع هالحياة الي المشاكل فيها اكثر من الراحة ,, والاكاذيب فيها اكثر من الصدق ,, والخيانة فيها اكثر من الصون ,, والغدر اكثر من الامانة و الشين فيها اكثر من الزين ,,,,,,لا ؟؟ آنا ما اقصد ان هالدنيا مافيها ولو ذرة خير ,,بس ابصم ان الخير فيها مايسوى جدام الشر .........بس شنقول ؟؟ هذا حال الدنيا و حال البني آدم و الله كريم
دخلوا علينا علياء و جوهرة , و وقفوا عند الباب يطالعوننا
بسمة :شنو ؟؟ شفيكم قاع تطالعوننا جذي ؟؟
علياء يت يلست على الارض مجابلتنا : اييه ابي اطلب منكم طلب ياخي
احنا :شنو ؟
جوهرة :ابيكم تساعدوني ..شي يخص شهاب يعني
بسمة عفست ويهها :قطيييييييييييعة يهالشهاااب هذا ,,, دام شي يخصه مالي شغل ابد
جوهرة :يلا عاد تكفين ,, انتي بالذات محتاجتج آنا
بسمة بربع ابتسامة :محتاجتني ..آنا تحديدا؟
جوهرة هزت راسها
بسمة حطت ريل على ريل و نفشت ريشها : زين دام جذي عيل بفكر
قعدنا نضحك عليها كلنا ,,, اصلا محد يقدر يستغنى عنها هالبنت ,, كلنا محتاجينها ومحتاجين روحها المغامرة
إبتهال: زين ... شتبين ؟؟
علياء :بعد باجر عيد زواجهم الثاني .. و هي تبي تسوي له مفاجئة
بسمة :غيري رايج ,, هالفقمة محد يفاجئه مو ويه مفاجئات
شذى طالعت بسمة :بس عاد ,, خل نعرف شتبي
نسمة :زين شنو نقدر نفيدج فيه ؟؟
علياء:فندق ولا اروع ,, فيه مسبح داخلي خاص ,, خدمته سوبر بالذات لهالمناسبات ,,و جذي نبيكم تضبطون يعني
إبتهاج :هاذي خلوها عليّ
إبتهال : آنا و ابتهاج بنحل هالموضوع انسوه خلص ,, اعتبروا خلص
جوهرة :ابي إضاءات و شموع من احلى مايكون وورود بعد ,,جذي على شان يعطي منظر و دخله حلوه
شمعة :آنا *لفت لشروق* شرايج ؟؟
شروق :زين خلص علينا
بسمة :زين آنا شدخلني ؟؟ للحين مافهمت
علياء :انتي نطري شوي
جوهرة :نسمة و شذى وإكتمال تكفوووون ,,ابي لبسي عليكم انزين ؟؟
نسمة :من عيوني
جوهرة : وابي الاكسسوارات منج *تأشر على رناد* و النعال بعد و ابي الميك اب منج امنية
امنية :اكيد عليّ الميك اب ,, لعبتي هاذي
علياء :الحين يا دورج انتي*تأشر على بسمة *
بسمة :شنو؟؟
جوهرة :انتي الوحيدة الي تعرفين حق شهاب و تعرفين تنفذين الي تبينه و حنج وزنج يفيد معاه والحيده الي تعرفين تغصصين به و عندج مهارات إقناعية ,,,,,,, ف ابي منج تشغلينه و يعني تسوين اي شي بس المهم ما يكتشف خطتنا و بعدين تخلينه ايي الفندق غصب
بسمة تطالعهم بأستصغار :و شنو بسوي بالله على شان ما يكتشف ؟؟
علياء :غلسي عليه ,, خليه يطلعج ,, يننيه ,, قعديه بالبيت ,, سوي اييييييي شي المهم ما يحس بغيابنا
نسمة :يعني جوهرة !! ماراح تقولين له انج طالعه ؟
جوهرة :لا ماراح اقول لانه ماراح يخليني ,,, تدرون فيه واييد يحاتي و جذي
بسمة :قولي مععععععقد !!!
شذى :حرااام !! اهو مو معقد بس يخاف عليها ,,مايحبها تطلع بروحها
شمعة :بطعز عينج انتي ,,, طايحه بأخوي طيحة من الصبح
بسمة :زين خلص ,,,تم راح ايننه و ايّن عليه و ماراح اخلي فيه عقل و تعرفوني لي قلت شي اسويه بالذات لو كان شي يطفر الكريهين
إبتهال :احتياطا مرجانة و الماسة لازم يكونون معاهم لان شهاب عادي يرتكب جريمة ببسوم
شروق :اييه والله
مرجانة :لا لا آنا ماقدر
جوهرة :يلا عااد!!
مرجانة :لا لا لا تكفون تدرون فيني استحي ,,,مابي انشب لولد عمي ,,, تعرفون فيني ماعرف اتصرف
علياء :يلا عاااد ,,,مرة وحده هي
مرجانة بخوف :لا لا مابي ,,تعرفوني استحي و ماعرف اتصرف حرام عليكم
كلهم تمو يطالعونها يبونها تكون وياهم لان شهاب مايرد لها طلب بس اهي كلنا نعرفها خجوووولة واييد ,, ماتحب تختلط بأحد و تستحي وايد ,,ماتحب احد يجوفها و دومها متسترة من فوق لتحت و مايبين منها ولا اي شي غير سواد ,, على نياتها و ما على لسانها غير اسم الله و ادري فيها صعب عليها تتعامل مع الناس بالذات الي مثل شهاب ,, لان تحسون فيه شوي صعب او بسرعة ينفعل ,, على ما تقول بسمة (الكبر شين) صج انه مو واييد كبير و عمره للحين 27 بس كل مايكبر كل ما يدبر
آنا :خلص خلص خلوها ,,, خلو بسمة بروحها و الماسه
جوهرة :الماسه ياهل الا 12 سنة ,,, انتي روحي اسوم
تنهدت و بقيت ساكتة ,, من داخلي؟؟ مابي اروح لان احس بسمة تكفي و كفاية ان هاليوم بيكون عندي موعد تقويم و بعد ببقى معاها بالفندق و بساعدها وجذي ف ماينفع بعد اكون مع شهاب
بعد ما قطو علينا الشغل راحت علياء عند ريلها و جوهرة بقت يالسه : واييد ثنكس ترا
امنية :لا عادي ,,,
نسمة :بنسوي كل شي على شان يحلى يومكم هالسنة ,,, يكفي الي صار السنة الماضية ....
بسمة : يا خوفي يصير نفس الشي
جوهرة : لا تكفون تكفون لا تفاولون

المرة الي طافت ,,, جوهرة زهبت البيت و سوت له شي لا صار ولا استوى ,, طبخت و سوت له كل الي يحبه و زينت البيت و تزينت و كشخت و ساعدوها شذى وعلياء و إكتمال بس الي صار ...
<<
جوهرة :هلا حبيبي ,,, وينك ؟؟
شهاب :قلت لج طالع وين بكون
جوهرة :بتطول ؟؟
شهاب :مادري ... ليش شعندج ؟؟
جوهرة : لا بس ,, بغيت اتطمن
شهاب :زين تطمنتي؟
جوهرة بقت ساكته ,, المفروض تكون تعودت على هالاسلوب لانه عودها عليه ,, اهما تزوجوا زواج رسمي على شان اهلنا لا اكثر ولا اقل بس اهي كانت تحترمه و تتقبله لي حبته بس اهو للحين ما حسسها بأحساس انه مرتاح معاها او متقبلها و اهو للحين رسمي وجاف معاها
شهاب كان للحيه على الخط :بغيتي شي ؟؟
جوهرة :لا سلامتك
شهاب :زين ,, لا تسوين عشاء ,, ماني ياي و لا تنطريني يمكن ابقى عند واحد من الربع *سكر بويهها*
بقت ماسكه الفون بأيدينها و تحاول تمسك دموعها ,, تقاوم قبل لاتنزل الدمعه و يزيد هالجرح ,, حطت الفون على الطاولة , مسحت ويهها ,, عدلت شكلها و بقت واقفة و تتصنع الابتسامة الي مانها قادرة تمثلها ,,,,,,,ماحبت تبجي ولا تصرخ ولا تسوي اي شي الا انها خلت الجرح بقلبها و دخلت الدار بدلت وراح كل الي كانت مسويته و رتبت البيت و بعدها نامت ,, ماتبي تشوفه حتى
<<
و هذا كان اول عيد زواج لهم .....
الله يستر من الياي ,,, ماني متفاءلة بس ... اتمنى لها الخير لاني ادري فيه ولد خالي وقشر وكل احد يدري عنه
صارت الساعة 1 بالليل , الكل راح والحين علياء و ريلها راح يروحون ,,, آنا وامي وخواتي واقفين عند الباب نسلم عليم
رناد تترجى فؤاد :يلا عاد فؤاد ,,,تكفى خلها عندنا اليوم
امي تطالع رناد :عيب عليج خلي الريال ومرته ,,, ماعليه فؤاد روحوا الله وياكم
فؤاد :انشالله لما اسافر الاسبوع الياي راح تبقى عندكم اسبوعين ,, اشبعوا منها
امنية :راح تسافر ؟؟
فؤاد :مو اكيد ,, احتمال
امي :الله يحفظك بعينه الي ما تنام
كلنا : آمين
علياء كانت حدها تعبانة و قاع تقاوم النوم متعلق بكتف فؤاد و حاطه راسها و حياة اساسا نايمه و فؤاد حاملها
آنا :يلا فؤاد ,,, طالعهم كيف تعابى
فؤاد و علياء باسوا راس امي و سلمو علينا ,, آنا تقربت من حياة و بستها و بعدها راحوا و قعدنا بالصالة
قعدت على الكرسي و حطيت ايديني على بطني :ااااه والله تعبت من الصبح و آنا مرتبشة ......
رناد :اييه والله ,, حبايبي يو غيروا جونا شوي
يا فبالي عز و دايركت سألت عنه : وين عز ؟؟
امنية : مادري لو مرته شبتسوين معاه ؟؟
ابتسمت لها ,, ادري فيها تغار
رناد :عز طلع و يا خالد و محمد وحمد و شامس و شهاب ,,يقولون متفقين ويا جم واحد من الي يعرفونهم وراح يتيمعون بالباركنات الي بالفريج
امنية :الي قريب المدرسة ؟؟
رناد هزت راسها
آنا قمت عنهم : يلا بنات تصبحون على خير ,, آنا راح انام تعباااااااااااااااااانة
رناد :ربي يعافيج,,, شتسوين بعد ؟
آنا :الله كريم
امنية :زين روحي ....و مو تنسين الدوا
لوحت لهم بأيديني و صعدت داري ,,,,,, دخلت و تيددت و فرشت سيادة الصلاة و صليت سنتي و قعدت ادعي ربي ,, يحفظني و يحفظ لي كل اهلي و الي احبهم ,, دعيت لربي ييسر امري و يشرح صدري ,, وينسيني هالعذاب,, دعيت لربي يسامح كل الي اذاني و ضايقني بيوم ,, دعيت لربي يسعد عذاري و بدر و يبعد عنهم الشر و تأنيب الظمير ,, دعيت لربي ينسيني كل احزاني و الآمي ,, ودعيت بوايييد اشياء آنا اتمناها واهم شي موضوع خطبتي الي للحين بالي مو مرتاح بسبتها
صارت الساعة 3 الفير و آنا للحيني قاعده ,, صعدت عنهم على اساس انام بس ما ياني النوم ,, قعدت اقرا شوي قرآن جود ارتاح و فعلا حسيت براحة الحمدلله عليها ......
فجأة سمعت صوت الجرس ,, من تهقون ياي هالحزة ؟؟ ,, الله يستر !! من يايينا هالحزة ؟؟ ,,,,,ما اهقى عز وخالد لانهم لو بغوا اييون عندهم مفاتيح وبعدين آنا من شوي سامعه صوت السيارات و التفحيط الي شالين الدنيا فيه ,, معقولة اهما ؟؟
طلعت من داري ولقيت بويهي امنية كانت طالعه من دارها و اهي شبه نايمة و تمسح عيونها و بصوت يادوب ينفهم : من ياينا هالحزة؟؟
رفعت كتفي بمعنى اني ما ادري
امنية بخوف :تهقين حرامي ؟؟
قعدت اطالعها بدون لا اتحجى و بعدها قلت لها : لا والله ؟؟ لا لا من صجج انتي ,,, شنو هالحرامي المؤدب الي ياينا داق الجرس ؟؟
امنية :بعد ما تدرين
طنشتها ومشيت نازلة تحت ابي افتح الباب بس سحبتني و وقفتني :انتي ينيتي ؟؟ وين طالعه ؟؟ ما تخافين ؟؟
آنا :اوووه امنيوة روحي نامي احسن لج
كان الجرس قاع يدق وللمرة السادسة تقريبا و كلما لها امنية تخاف ,, لي قررت اني اطلع افتح الباب و امنية يت وراي بس كانت خافيه روحها وراي و متعلقة فيني بخرعه ,,,,,,فتحت الباب بشويش الحمدلله مثل ما قلت اكيد مو حرامي لان شنو هالحرامي المؤدب الي ياينا و يطق الجرس ؟؟
خالد بطفره : والله زين حد فيكم سمع وتكرم يفتح الباب
آنا :و عليكم السلام والله
خالد يا صوبي باس خدي و دخل
عز بدون كلام حضنني و ماطاع يفج لي استغربت منه و قلت له :عز!؟؟ شصاير ؟
عز وقف جابلني : ماكو بس ماحب اجوفج متضايقة ,, تعبت و آنا اجوفج جذي طول هالفترة ,, ماعاد فيني القوة
ابتسمت له بالخفيف ,سحبته و دخلنا بس انتبهت بعدها على امنية الي كانت واقفه ينب الباب و للحينها فاتحتها و قاع تخزنا بطرف عينها و حاطه ايدينها على خصرها
آنا : هه شفيج واقفة جذي ؟
عز لف و توه يطالعها : ويه بسم الله انتي من متى هني ؟؟
امنية : وييه ,, اهلين والله ,, حتى آنا اشتقت لك تصدق ؟؟ ......
عز راح لها و باسها بوسة طوييييييييله لي دزته :شفطت ويهي بس
عز :ههههههه على شان لما تتفلسفين تتذكرين وتهونين ,,,, غيييييرة!!
كان الجو واييد بارد برا و حسيت ان عظامي عورتني من البرد مع اني ماوقفت الا دقايق من جذي قلت لهم :برررررد ,,, يلا دخلوا دخلوا
عز يا صوبي وحط ايدينه على خصري و آنا قمت عنه
عز ابتسم :صج ......... نسيت انج تغارين
دخلنا و قفلنا البيبان و طفينا الليتات و دخل كل واحد فينا داره و انتهى يومنا على جذي ......

مر علينا يوم السبت نفس دوم بس الحمدلله آنا كنت احاول اتأقلم و اكون عاديه نفس عادتي ,, كان ذاك اليوم عليّ ثقيل شوي لاني كنت قاع اسوي كل البروجكتات و الاشياء الي طافتني لاني راح اداوم الاحد ,,,,,,,,,,,
و كاه اليوم يوم الاحد الساعة 7 ونص الصبح ,, لبست لي قميص كحلي بأكمام طويلة و سكني جينز فاتح و شنطة كحليه ,, حطت لي ميك اب وااايييييد خفيف عبارة عن كحل وايلاينر و مسكرا وروج فاااتتح و طبعا عباتي موجوده
نزلت تحت و كانوا كلهم قاعدين على الطاولة للريوق ,,, آنا :صباح الخير
ابوي :صباح النور بنيتي
كلهم :صباح الخير
امي :تعالي تريقي
رحت بين امي وابوي و بست روسهم اثنينهم و عقبها قعدت ينب عز على شان آخذ طاقة منه قبل الجامعة ,,
عز :فديت الي ما يقدر يطلع بدون جوفتي
كنت احاول اخفي ابتسامتي الي تبين الجواب و قلت له :لا تصدق روحك
آنا اطالعهم :عيل وينها رناد ؟؟
ابوي :طلعت مستعيلة تقول تبي تمر وحده من رفيجاتها
عز :قومي آنا بوصلج اليوم
خالد :وين وين ؟؟ ,, آنا بوصلها اليوم
امنية : ومنو بيوصلني ؟؟ حضرتك ناسيني سيد خالد ؟؟
خالد لف لها و قال :شلون انساج آنا ؟؟ شلووون ؟؟ يلا خلصتي ؟؟
امنية :اييه يلا قوم
خالد قام يطالعني :ها تبين اوصلج ؟؟
آنا قمت معاهم مرة وحده :لا لا روحوا انتوا ,, مابيكم تتأخرون اكثر ,, سيارتي عندي راح اروح بروحي
عز :اكيد ؟
هزيت راسي
آنا :يلا آنا رايحه
امي : ماكو داعي اقول ,,, تحملوا على روحكم وانتوا تسوقون ... اسماء انتي صار لج فترة مو سايقه لو ماتقدرين خلي عز يوصلج
آنا :ماكو داعي يما
ابوي :امنية ,, شدي حيلج وتشطري ترا مابي انصدم بالنتايج سامعه ؟؟
امنية راحت باست ابوي : تامر امر انت
عز :يلا باي
طلعنا كلنا يميع و كل واحد ركب سيارته و مشينا ,, آنا و رناد و شذى و شروق بنفس الجامعة , جامعة زايد الي ببوظبي اما إبتهال و إبتهاج في الكلية التقنية و نسمة في جامعة خليفة
و صلت الجامعة ,,شليت شنطة اللابتوب الي داخلها دفتر و و ايباد و الشحن و بأيديني كتابين ,, فصخت نظارتي الشمسية و خذت نفس عميق و خطيت اول خطوة لارض الجامعة ,, احس اشتقت لجامعتي و لرفيجاتي و دراستي و كل شي
اول ما دخلت يوني رفيجاتي الي ما اخلى منهم و مايفارقوني ابد و كانوا طول فترة غيابي متواصلات معاي و مو مقصرات بالسؤال و الزوارة ,, شيخة ,ريم,علياء,,تهاني,,كادي,,بتول,,, هاذيلي مو بس رفيجاتي ,, اهما خواتي الي ما راح القى احسن منهم,,,,كنا بيوم من الايام سبع خوات بس وحده منهم غدرتنا ,, مو معنى هذا ان ماعندي رفيجات غير بالعكس حوالي واييييد بس هاذيلي غير عن الكل
خذوني كلهم بالأحظان و اغلى التراحيب و قعدنا لي يبدا كلاسنا
تهاني :فقدناااااااااااااااااااااااااااااااااااج
بتول :و فقدنا كلامج المنقع ,, القطري
آنا :ههه حيوانة والله
بتول دايما تدقرني على شان لهجتي و كل كلمة تعلق عليها مادري ليش ,, بس ولو تمون اصلا
ريم :تخيلي ان اول ما دخلنا الجامعة اليوم ...

sevda ©؛°¨غرامي مشارك¨°؛©

<<
بتول و كادي متعودات اييون سوى لان بيوتهم ينب بعض ,اهما جيران و بنفس الوقت وصولوا شيخة و علياء الي تعودوا يمرون على بعض , بس مادخلوا و قعدوا ينطرون تهاني و ريم لي يوصلون
بتول بطفره :اففف وينهم هاييل ياخي ؟؟
شيخة :صبري شوي من شوي دقيت على تهاني قالت هي يايه في الدرب
كادي :حتى ريم قالت بتيي الحين
قعدوا البنات ينطرون مال عشر دقايق و وصلوا ريم تهاني ,, سلموا على بعض و كالعادة لازم بتول:
وينكم وينكم انتوا ؟؟,,,,,,,,شنو ؟؟ لازم التأخير ؟
تهاني :شنو يعني زحمة وبعيد
ريم :اقول .. مع نفسسسسسسسسسسسسج
بتول : امشي امشي لا اخليج الحين صدق مع نفسج
دخلوا الجامعة و طبعا تلاقوا ب رناد الي متعودة تقعد مجبال الباب ويا جم وحده من رفيجاتها و تعودوا البنات يروحون يسألونها عني
كادي :سلاام!!..؟
رناد :هلا هلا بنات
و سلموا كلهم على بعض وعلى رفيجات رناد
شيخة : لا تقولين اسوم مابتداوم اليوم بعد ...
رناد :مادري عنها والله ,, اهي ما حاجتكم ؟؟
ريم:امبلا ,,, قالت لي يمكن و بعدين بقرر و بقول لج بس ما قالت شي
بتول :هاي اختج ؟؟ حيواااانة !!!
علياء :فقدناها والله
رناد :نطروا راح ادق عليها
شيخة :لا لا خلاص لا تدقين ,, بنتريا شوي ولو ما يت بندق
رناد :اوك
كادي :يلا عن اذنج فديتج
رناد :اذنكم معاكم حبايبي
لما قرروا البنات يتركون رناد ويا رفيجاتها و يقعدون ينطروني بمكان ثاني ,, يت لهم نورة بطريقة مفاجئة
نورة فجأة:سلاااااااااااام !!
راحت سلمت على كادي :شحالج كادي ؟؟,,,,,,,,
كادي ابتسمت بمجامله :بخير حبيبتي
نورة تطالع جنطة كادي و يبين عليها و كانت قاع تتحجى مع البنات و تشاوح بالجنطة الي بأيدينها و البنات يطالعونها و مو بالعينها
نورة بدلع :شلونه ريلج كادي ؟
كادي بأستغراب :الحمدلله بخير ؟؟!
نورة :مدلعنج واضح عليج
قعدت تطالعها و تطالع البنات ,, شنو موضوع هالنورة بالضبط ؟؟
نورة تمد ايدها بويه البنات على شان يطالعون :آنا فديته سعيد حبيبي مو مقصر معاي بشي و مدلعني من فوقي لتحتي ومو مخلي عليّ شي ,, شكلي لاحقتنج بدربج يا كادي
علياء تضحك بمجامله وبصوت واطي :هييه هه شكله جذي ,,,ه ه قل اعوذ برب الفلق من شر ما خلق
نورة :قلتي شي؟
كادي :لا لا ماقلنا شي بس الله يهنيج حبيبتي
بعد فترة بتول ماقدرت تسكت و قالت :عفكرة جفنا الشنطة ,, عرفنا انها فندي ترا ,, اول مرة تشترين فندي شو ؟
نورة طلعت عيونها من الصدمة الي يتها من بتول قعدت تطالعها و سكتت
ريم خزت بتول و بهمس:سكي حلجج شوي
بتول :شو !!؟؟والله!!
علياء و شيخة كانوا يالله بالغصب يمسكون ضحكتهم بس ماقدروا من جذي خلوهم وراحوا
نورة كانت تحاول تفتك منهم و تحججت ب :عندي كلاس الحين باي
<<
<<
.................................................. ....................
بتول : وبس !! هاذي سالفتها هالنورة اليوم لا و تمت تتمشى بالجامعة تتخقق علينا بالشنطة الفندي الي يايبلها اياها خطيبها و الخاتم الي بمليون مال الخطبة
قعدت اضحك على السالفة ,, لانها صج ضحكتني مادري ليش بس ضحكتني ,, جذي احس يضحك الشي ,,,,,,, يحليلها نورة دايما حاسه انها غير عن باقي البشر ,, تتفاخر و تستهين بالواقع ,, تنسى ان الدنيا هاذي ماكو شي دايم فيها و ان رب العالمن يمكن يحرمها من الي مطيرها الحين و بأي لحظة
ريم : بس اسوم ما تحسينها تكسر الخاطر ,,
آنا بجديه :على حسب دراستي لشخصية الانسان يعني؟؟ اييه تكسر الخاطر و وايد بعد
علياء :اقول فكينا فكينا انت و دراستج هاذي الي مو فايدتنا بشي ومو يايبه الا عوار الراس
تهاني :مادري كيف متحمله تدرسين عن هالشي ,, الكل يدري انه صعب و معقد
علياء :والله مافي احلى من تخصصي enviromental science !!!
بتول :والله تخصصي الاحلى ,,, بذمتكم في احلى من الهندسة ؟؟
تهاني :صدقوني مافي احلى من الاعلام
كادي :ولا احلى من البزنز
ريم :ولا احلى من النووية و الطاقة ,,, ولا شرايج اسوم ؟؟
آنا :كل انسان يجوف ان الي اهو يبيه و يحبه اهو الافضل ,,, آنا احترم كل الي تحبونه و تبونه بس بالنسبة لي ؟؟ ماكو افضل لي من دراسة الانسان
بتول حطت ايدها على ويهها :وووووووووووووووووووووووويييييييييييه سكتوها هاذي سكتوها
علياء :فقتج!!
شيخة دخلت بالنص :صصصصصصصصصصصصححححح والله ماقلت لكم عن آخر التطورات ,,,
ريم و علياء : شو ؟
بتول :اي تطورات بعد ؟
شيخة : طلال السخيف اونه يبا يسافر ...
بتول :زين خله يسافر الولد و تبين ؟؟
تهاني :وين بيسير ؟
شيخة :مادري يقول يبا يسير ايطاليا ,,
علياء عافسه ويهها :ايطاليا عاد ؟؟
شيخة :ياخي قاهرني ,,,, يبا يتم هناك شهرين اونه
تهاني :وووووولللللل شهرين عاد ؟؟ ليش انزين ؟؟
شيخة :مادري ,, شكله يبا يغير جو و جي
بتول :نفسية هذا اخوج نفسيييية
ريم :حسييت
شيخة بضيج:والله ماعرف كيف بتم بدونه !! تعرفوني ما اسوى بدونه يعني يومي كامل معاه و كل سوالفي عنده و كل شي يخصني يخصه ,, مادري كيف بتحمل شهرين و مابجووفه !!!!!!!!!
آنا :الله يعينج والله ,,,, تبين الصج ؟؟ صعب تتأقلمين ,,,, سألي مجرب آنا لما راح عز انقلبت حياتي فوق تحت
علياء :الا!!؟؟ احيدج كيف كنتي
فجأة رن فون تهاني و كلنا لفينا عليها ,,, تهاني بحيا :شو فيكم ؟؟ كملوا سوالف كملوا
بتول :هو ؟؟
تهاني :هيه
علياء :شو تتريين ردي انزين
ردت تهاني على الفون و قعدت تسولف سبيكر على شان فضول البنات :
تهاني :الو ؟
سيف:عساج بخير ؟
تهاني :لو انت بخير انا بخير
سيف :و لو مش بخير ؟
تهاني بحيا :اكيد ما بكون بخير
سيف :عيل ببقى دومني بخير على شانج و بس
تهاني كان واضح عليها مستحية و تطالعنا من جذي شالت السبيكر و قامت

شيخة : يا ويييييييييلي !!! متى ياربي متى ؟؟
بتول حطت ايدينها على و يهها :البنت كانت بتسيح هني !!
علياء :والله انا مادري كيف هي واثقة ترمس واحد ما تعرفه ,, والله حرام و بعيدن الي تسويه غلط ,, ماتخاف على عمرها هاذي؟
ريم :هو قايل لها بياخذها ..... يعني الي بينهم جد شفيج ؟؟
علياء :دخيلج فيكنا ,, غيرها كانوا واثقين انه فارس الاحلام بياخذهم و انتي ادرى بالنتايج
كنت ادري انها تقصدني بس ما قلت شي ,,, علياء من يومها جذي الي في قلبها وبالها على لسانها ,, وااااضضحححححة وايييد و ماتحط حساب لشي ,,,, لو غيري راح تزعل و ماراح تسكت على هالقطه الي قطتها علياء بس لاني اعرفها عدل و مو متضايجة من حقيقة الي صاير لي ابتسمت و ماتحجيت ابد
كادي :صح اسوم ,,,شو صار بالورم ؟
آنا :شنو بيصير بعد ؟؟ الحمدلله قاع ابلع بالادوية و اسوي علاجات خفيفة ,, لاني تدرون هذا خفيف و بداية ورم ما وصل للمرحلة الي اسميه فيها "سرطان"
شيخة :تحملي على عمرج والله مب زين ,,, انتي تعرفين النتايج
علياء:يعني شو الاعراض ؟ شو تحسين ؟
قلت لها :مامو بس ارق وتعب ,, ماقدر اسوي جهد و احس اني بس ابي انام و جذي اعراض بسيطة و اهم شي !! شعري قاع يطيح واييد ....
ريم :الله يعيييينج ...
شيخة :والله لو صار لج شي ياويلج سامعه ؟؟ اهتمي بعمرج شوي ,, بس شوي
آنا :اكثر من جذي؟؟
كادي:اي اكثر من جي؟؟ انتي مو مقدرة عمرج ابد ولا شوي ..
علياء :هيه والله صح كلامهم انتي هامله نفسج و لو مو هامله نفسج جان مو هذا حالج ,, مو هاذي صحتج ولا هذا شكلج ,, ويه ذبلان و عيون واضح انها هلكانة من الصياح والسهر و لا كانت حياتج بتكون معفوسة فوق تحت
و قعدوا البنات يهزؤني و يعطوني من محاظراتهم و نصايحهم و آنا بس اسمعهم و اهز راسي ,,, شنو بقول بعد ؟؟ ماكو شي يخلصني من لسانهم هاذيلي لين لهوني عن الدوا بحجيهم و نسيت موضوعه
آنا :بس بس بس,,, يا كثر ما تهذرون ,,, حتى الدوا نسيت آخذه شرايكم ؟؟
ريم رافعه حواجبها :لاه!؟؟؟ اقولج روحي خذيه
بتول :قاعدين نتكلم عالفاضي نحن
قعدت اضحك عليهم و عقبها رحت خذيته ............

صارت الساعة 9 و 45 دقيقة و بدا اول كلاس ,,,,,, آنا هاذي ثاني سنة لي بالجامعة يعني تخصصت بالتخصص الي ابيه من سنين طوييييييييلة ((psychology من لما كنت صغيرة كنت افكر بهالتخصص لان امي درسته و كانت واييد تحاجينا عنه و كاهي الله وفقها و نجحت و صارت اخصائية اطباء النفسية و المسؤولة ف كل المستشفيات ,,,, و انشالله آنا بوصل لحلمي و مرادي و بكون مصدر فخر اهلي
كان دوامي متعب شوي اليوم لاني دخلت اربع كلاسات ورا بعض و كل كلاس اطول من الي قبله لي صارت الحين الساعة 3 و 32 دقيقة و كاني الحين طالعه ن الجامعة و واقفة معاهم عند باركنات الجامعة
بتول :انا بسير الوحده مول ,, ابا اتغدى هناك بتون ؟
شيخة :لا لا طلال يترياني في البيت الحين ,, مايحب ياكل بدوني تدرون
كادي بأبتسامة :ريلي قاع ينطرني بالبيت ,,, مابي اتأخر عليه
بتول :الت عليج انتي وريلج
كادي :يلا عاد مب على فهد
بتول :يلا انزين منو بيي ؟؟
ريم :تدرين شو ؟؟ امشي بيي وياج
علياء :حتى انا صراحة خاطري اسير هناك ,, ابي اشتري كذا غرض من اللولو
بتول :يلا عيل .. يلا اسوم
ابتسمت لهم بخفيف :هاف فن حبيباتي ,, آنا حدي تعبانة و مالي خلق على المول الحين وقت ثاني انشالله
علياء :انشالله
آنا :يلا بباي ...
كادي : بيننا الفون ها !!
تهاني :لو ريلج خلاج بحالج ,, لو الود وده يخليج له اهو بروحه وبس ,,, اللهم لا حسد
كادي :فديته والله
خليتهم و صعدت سيارتي بطريجي للبيت
و بالطريج رن فوني و رديت عليه ,, كانت امي المتصلة
آنا :هلا يما
امي :وينج الحين ؟
آنا :كاني بالدرب توني مخلصه كلاساتي
امي :سمعيني زين ,, من شوي دقت علي ام منصور
من سمعت طاريه سكتت
امي :اسوم؟ معاي ؟
آنا :ها ؟؟ اييه اييه يما معاج
امي:اقولج دقت عليّ من شوي
آنا كنت اسوي روحي ماعرف شتبي :زين يما ؟؟ شفيها لو دقت عليج ؟
امي:شنو شفيها ؟؟........ المره تبي تعرف ردنا .... ش قول لها ؟شعزمتي عليه ؟
قعدت افكر برد بس ماني لاقيه ,,, يعني مو جنهم مستعيلين شوي؟؟ آنا محتاجة وقت اكثر
امي :وااااااي راح تموتيني ناقصة عمر ,,, آنا راح انطرج بالبيت ,, يلا سرعي
سكرت الفون و rعدت افكر ,, شنو راح اقول لهم آنا ؟؟ شنو قراري؟؟ موافقة ؟؟ هه لا طبعا مو موافقة آنا ,, ما اتخيل روحي متزوجة الحين ,, و لو فرضت اني مو موافقة !! هم مايصير ,,,,,,,,,,شسوي ياربي ؟؟ شسوي !!؟....بس شوية وقت ,, آنا محتاجة بس شوية وقت
كنت قاع امشي بسرعة 60 ,, مابي اوصل البيت بسرعة ماااابي!! ماعرف شقول وربي ماعرف
و مالاقيت روحي الا واقفه عند باب البيت ,, بقيت قاعده بالسيارة مال ربع ساعة لين وصلت رناد و نزلت لما شفتها
رناد :هلا هلا ,,, متى طلعتي انتي ؟؟
آنا :مادري والله ,, بس والله كلاساتي طولت اليوم
رناد : حتى آنا والله
رناد :افففففففف والله اليوم صار لي موقف!!!!!!امبي امبي فششششششللللللة!!!
آنا :خل ندخل ,, قولي لي بعد الغدا
رناد :اوك بعد احسن , لان حدي يوعانة
دخلنا سوى و فعلا كانت امي قاعده على الغنفة تنطرني على نار
آنا و رناد :السلام عليكم
امي : وعليكم السلام ,,, اسوم لحقيني
رناد كانت مستغربة : شصاير؟؟
مارديت عليها و رحت مع امي الدار و قعدنا على غنفات الدار
امي :ها شقلتي ؟
آنا :مادري يما مادري
امي :انتي شنو برايج ؟؟
آنا :مادري يما ,, مو متأكدة ,, خايفة
امي :من شنو خايفة يا بنيتي ؟؟ هاذي سنة الحياة
آنا : اييه بس يما ..
امي :آنا راح اخليج الحين ,, ابيج تفكرين و تصلين استخارة لي ما تدق عليّ ام مايد ابي منج الرد زين ؟؟
هزيت راسي بالموافقة و قمت من مكاني ,, صعدت داري و كانت امنية قاعده تتابع مسلسل و خالد على الفون و رناد طبعا راحت دارها على شان تبدل
آنا بدون نفس :سلام ..
امنية :عليكم السلام
خالد :ها ؟؟ شفيج مشينه النفس بعد ؟
طالعته بنظره و قلت له :تكفى !!!اطلع من مخي مو ناقصتك
امنية :صاج اخوي شفيج؟
آنا :شنو بيكون فيني بعد ؟........... امكم ذابحتني بالطلعه و الدخله تسألني لو رضيت او لا ....... كفايه ماني مستوعبة الفكرة للحين
خالد :والله انتوا البنات ؟؟ ما يندرى عنكم ,,, حمدي ربج احد يايج و طالبج
طنشت خالد و قلت لامنية :مابي اكل ,, لا تحسبون حسابي
امنية :انزين ,, يلا يلا روحي
دخلت دار و بدلت و جابلت المرايه ,, شنو ابي آنا ؟؟ شنو راح يكون مصيري لو مارضيت ؟؟ شنو راح يصير لو رضيت ؟؟
فجأة اندق عليّ الباب و التفت
آنا :ادخل عز ..
عز:هلا!!! شلون الحلو اليوم؟
آنا ابتسمت له :الحلو محتاج جوفتك
عز :آنا بين ايدينج ....*طالعني* شنو له محتارة ؟
آنا :ام منصور دقت على امي
عز :و شنو قلتي ؟,,,شنو تبين ؟
آنا :مادري عز مااادري
عز :سألت عنه الصبي و كل احد يمدحه ,, ما عليه قصيره و ملتزم و سمعته زينه و يشتغل مسؤول قسم في ادنوك ,, يعطونه بيت و كل شي متوفر ما عليه مشاكل من هالناحية
آنا :تدري اني ما اهتم من هالناحية ,,,, اهم شي يعزني
عز يقردنني :بيعزج غصب عن الي خلفوه
آنا :يعني ؟؟
عز :انتي في شي يبيج توافقين ؟
آنا قعدت اطلاعها بدون لا ارد ,و في الواقع ؟ اييه في شي يبيني اوافق
عز :صليتي استخارة ؟
آنا :اييه واييد بعد
عز :يمكن من الاستخارة ارتحتي
رفعت كتوفي بمعنى مادري
عز :آنا ماراح افرض عليج رايي بس برايي؟؟ وافقي ........ماتدرين
تنهدت و لفيت
عز :يلا يلا غدا
قلت له :مالي نفس اتغدى ..
عز : عاد فهمي ابووج هالجي ,, تعرفينه ما يرتاح الا بوجودنا كلنا على السفرة
قمت وتوجهت للباب ابي انزل بس عز وقفني لما قال :خالد وراه شي
آنا :حسييييت !!
عز :يكابر على روحه
قلت له :امش امش ,,,بعدين راح اقول لك شي يخص هالموضوع
سكرت الباب وراي و نزلنا ,,, كالعادة الكل موجود على السفره و قاع ياكل اما آنا اكتفيت بكوب عصير فراولة
ابوي :شحقه ما كلتي بنيتي؟؟
آنا : ماني يوعانة يبا ...
ابوي :مو زين عليج يا يبا ,,, تدرين انج محتاجة تاكلين ,,, لاتنسين مدى اهمية وخطورة الي فيج ,,, انتي تدرين بالنتايج
امي :قلنا لها واييد ما تسمع الحجي بنتك ,, راسها يابس وعنيدة
ابوي :الا صج ,,, امج قالت لي انهم داقين عليها اليوم يب يعرفون ردج
بلعت ريجي و سكتت ,, يعني الموضوع وايد جدي !!
خالد :شنو رايج انتي ؟؟
كلهم لافين قاع يطالعوني ,, ينطرون الجواب
امي :ترا راح ارد عليهم اليوم ,,,, اتمنى تكون بشارة
آنا بلحظة و بدون لا افكر بأي شي قلت لهم : موافقة
ابوي :اكيد ؟؟... هالموضوع مافيه تردد يا بنيتي
امي مبتسمة ابتسامة عريضة و واضحة فرحتها :هذا عين العقل ,,, اخيرا راح نفرح فيج
خالد :مبروك ياخيتي ,,, الله يجدم لج الي فيه الخير
امنية :عقبالي!!!!!!!!!!!!!!!!!!!!!!!!!!!!!!!!!!!!!!!!!!!
رناد :عقبالنا كلنا والله
خالد :الحمدلله نعمة دايمة يارب *قام وطالعني *امنيوه , رناد ,عز و اسوم قوموا معاي شوي
قمت بسرعة ,,, ليتك قلتها من قبل يا خالد افففففف
دخلنا الصالة و قعدنا
رناد :ها ؟؟ شصاير؟
امنية :طيحت قلوبنا عنبو دارك شتبي؟
خالد :سيارتي ,,,,,, شبه تكنسلت !!
رناد :نعم؟؟
خالد : اليوم دعمتني وحده بقرة ماتعرف تسوق عنبوها
رناد :شششششت!!!!كيف؟

sevda ©؛°¨غرامي مشارك¨°؛©

<<
طلع خالد من مكتب العقارات الخاص فيه والي كان حلمه انه يفتحه و اهو حده مروق ,, صعد سيارته و قعد يسخنها شوي و كان معلي على الاغاني ويرقص والدنيا عنده كاااملة مكمملللة ...........و فجأة !!!!!!سمع صوت قوي !!!!!التفت يمينه و لقى سيارته ملتصقة بسيارة وحده و المصيبة انها داعمته من النص يعني البابين رايحين,, مدخله البابين داخل و ناهيه وجودهم حتى,,اهي كانت حيل منفعلة و تتحجى بالفون ,, الظاهر عندها شي شاغلها
خالد بطفرة :لاااا حووووووووووووووووووول!!!!!!!........
نزل من سيارته و هو حيل مقهور و اهي اساسا ماتدري عن شي حتى
خالد وقف يطالع سيارته و اهو حيييل متنرفز ,, خاسفه بحال السيارة و لا هامها ,, راح دق عليها الدريشة على شان يحاجيها حضرتها الي للحينها مو داريه عن شي
خالد كان مستمر ويدق ويدق و مابقت سبه ما قطها عليها بس ماكو رد
دق بقوة اكثر :انتي شنو ؟؟ عمياء و صمخه بنفس الوقت ؟؟ !!
بعد عدة محاولات مالقى غير انه يفتح عليها الباب ,, لانها جد مو معبرته اصلا
الحرمه هدت الفون و لفت له :انت شلون تتجرأ تفتح عليّ باب سيارتي ؟؟ شنو هالوقاحة ؟؟ لا لا لا مو صج ... لهالدرجة و صلت فيكم الجرأة يا الرياييل
خالد فاتح عيونه على وسعها :انتي اييه ,,, مصختيها ترا ,,, محسستني اني واييد غلطان
الحرمه بأصرار :طبعا غلطان
خالد يأشر على سيارته : والي انتي سويتيه شنو اسمه ؟؟؟ منو الغلطان ها ؟؟
الحرمه قعدت تتلفت يمين و يسار :انزين .... مانتبهت تراني
خالد :لا والله !!؟؟ و شلون امشيها هاذي ؟؟
الحرمه : انزين شسوي لك ؟؟ ما تفهم ؟؟ قايلتلك مااا نتبهت
خالد :عنج مانتبهتي ,,, سيارتي ابيها تتصلح انزين ؟
الحرمه : وشلون تبيني اصلحها بالله ؟
خالد رافع حواجبه :يا سلاااام ,,,,,,,, لاااا!! الظاهر انتوا يالحريم كلكم مفهيات و ماتعرفون لا تسوقون ولا تتصرفون بهالحياة
الحرمه :يلا عاد ,, عن الغلط
خالد بتهديد :سيارتي هاذي ابيها تتصلح و بأسرع وقت فاهمه ,,,؟؟
الحرمه :انت ما تفهم ولا شنو ؟
خالد :شكلج انتي الي مو قادره تفهمين ؟؟ ....
الحرمه :روح يا اخي ,, آنا عندي اشغال اهم منك انت وسيارتك ,, ترا ماصار لها شي وايد الا ان البابين انخسفوا ,, ودها انت وصلحها ترا التصليح سعره يمشي و ما راح ياخذ منك اكثر من شهرين
خالد "اللهم طولج ياروح ,,, آآآخ بس لو انج مو مره؟؟ جان دافنج هني "
الحرمه سكرت بابها و فتحت له الدريشة تبي تروح
خالد :سمعي يا بنت الناس ,, الدنيا مو لعبة عندج ,, الحين الظهر و آنا طالع من شغلي تعبان و ابي ارجع البيت اتغدى لاني يوعان مو ناقصج ,, كفاية انج كنسلتي سيارتي ,,,,,,,,,, للحين قاع احلها معاج بالطيب ترا
الحرمه رفعت ايدينها بويه خالد : صبر صبر صبر ,, ليش قاع تقول لي قصة حياتك ؟
خالد قاع يحاول يصبر روحه ,, لف ويهه عنها وقال :لا اله الا الله ,,, لا تخليني ابدا معاج
الحرمه :شنو ؟؟ شراح تسوي يعني ؟
خالد :الي مايعجبج اكيد
الحرمه بتحدي :شنو يعني ؟؟ الي بيديك سوه
خالد يحاول يمسك روحه لانه فيه جرعة نرفزة قالبة على ضحك ,, فيه ضحكة ومو قادر يمسكها من لما جاف هالبنيه
الحرمه :شنو قاع يضحكك؟
خالد وقف ضحك و قال لها :ياربي !!,,, انتي شنو موضوعج ؟؟ حتى الضحك عندج مايصير ؟؟........ ماعلينا الحين شقلتي ؟
الحرمه :شنو شقلت ؟؟ ماني ناقصتك يا اخي خلص ما صار شي
خالد : آنا للحين معاج اتعامل بطيب ,, لج ثواني ان حليتيها و خذتي سيارتي تصلحينها وتتكفلين فيها راح اخلي الشرطة يتصرفون
الحرمه حطت ايدينها على السكان :استغفرالله العلي العظيم ,,, آنا القاها من وين ولا من وين ؟؟ انتوا الرياييل كلكم كائن كريه و ماله حل
خالد واقف ويطالعها من طرف عيونه
الحرمه :خلص موافقة ,,,,*طلعت كرت* هذا *ركزت على الكلمة* "البززنزز كااارد" مالي دق عليّ بعد الساعة اربع و راح ارد عليك و اخليهم ياخذون السيارة و بتكفل فيها
خالد : وشنو يضمنني انشالله ؟
قعدت تستغفر ربها من الطفرة :ما راح افل ترا ,, موجودة هني آنا ,, تدري شلون ؟؟ عطني رقمك و احفظ رقم سيارتي بعد لو تبي بس المهم خلصني ترا اخرتني بما فيه الكفاية
خالد عطاها رقمه و خزن رقم السيارة و صرفها
قعد يتمقل بسيارته و عقبها حرك بدربه للبيت
<<
<<


خالد :و هاذي كل السالفة ,,,,,,قطييييييعة شكثر انتوا البنات كائن غبي
رناد :يلا عاد يلا ,, عن الغلط تكفى عاد انتوا الي ذكائكم فائق
امنية :والله ..
خالد :ياخي قلبي يعورني على سيارتي
عز :آنا اقول وينها السيارة اليوم ؟
خالد :حاليا موقفها عند المدرسة و ياي مشي على شان ابوك مايجوفها مالي خلق
آنا بأنفعال : انزين خلي كل هذا ,, انت صار لك شي ؟؟ اهي صار لها شي؟؟
عز : انتي تجوفين فيه شي ؟؟...... و بعدين لا تحاتين هاذيج ماراح يصير لها شي ,, بسبع ارواح مع لسانها
خالد :لا ماصار لنا شي ,,, بس سيارتي صار لها شي الله وكيلج
آنا :خلها السيارة نفاد
امنية :بس تبي الصج ؟؟ عجبتني البنيه ,, لسانها قوي
خالد :قولي ويهها لوح
عز :والله لو آنا كنت راح اطقها ,,, تعرفوني شلون ما احب الفلسفة
رناد تطالع خالد :من جذي آنا حبي اهو خالد ,,, الرجل المثالي والله مو انت
عز :افا!! آنا مو مثالي يعني ؟
امنية :انت المثالي لاسوم وبس ,, ماتطالع احد فينا حتى
آنا و عز قعدنا نطالع بعض و نبتسم
بنص سوالفنا سمعت صوت امي تناديني من برا و رحت لها و لحقوني اخواني
آنا :نعم يما ؟
امي يت صوبي و باستني و قال :الف الف مبروك ,,, ماني مصدقه اني اخيرا راح اجوفج تخطين هالخطوة و تصيرين عروس
كنت اطالعها و احاول ابتسم ,, مابي اهدم عليها هاللحظة ,, مو من حقي
عز : يعني ؟؟,, كل شي رسمي خلاص؟
امي :اييه ,, دقيت عليها و حاجيتها و اهي قالت لي مبروك علينا والله يجدم الي فيه الخير
كلهم قعدوا يباركون لي و فرحانين لي ,, جاملتهم شوي و عيشتهم الفرحة و بعدها صعدت داري
ما كنت ابي افكر و لا كنت ابي ابجي ولا اعاتب و لا اي شي من جذي كل الي سويته اهو ؟؟
قطيت روحي على الفراش و نمت ,, ما كنت ابي انام بس اجبرت روحي اني انام و فعلا نمت لي اذن العشاء توه ,,, قمت تيددت و صليت العشاء و استخرت بعد مرة رغم ان مضى الوقت بس دامي للحين على البر ماني خسرانة شي ,,,
دخلت عليّ امنية و قعدت
امنية :ادري مودج زفت ومالج خلق شي بس آنا يايه اونسج الحين
آنا بدون نفس :ماظن بتغيرينها لانها بتبقى دوم زفت بس حاولي
امنية :سمعي سمعي زين .......
<<
<<
دخلت امنية البيت و كانت الدخله فاضضضضيييييية غير العادة
خطت خطوة عند المسبح وطلع لها إبليس ,,, محمد الي تعودت تناديه إبليس ,,, كلنا نعرف ان بينها و بين محمد ماكو كيمستري ابد و كل لحظاتهم خناق و من تجوفه تترفز لانه يتعمد ينرفزها احيانا ,, غريب امرهم هالاثنين
محمد :يالله !!! الواحد مايقدر يرتاح ,,, حتى ببيته مناشبينه !!؟
لفت له و اهي عاقده حواجبه ,, ماتبي ترد عليه مشت عنه و طنشته
محمد :انتي شنو ماتفهمين ؟
امنية :قلت شي على شان افهمه ؟؟
محمد كان ماسك بأيدينه كوب عصير برتقال :انتي شنو ماعندج بيت ؟؟
امنية :تصدق مادري؟؟ علمني انت خلني اعرف لو في لي بيت ولا مقطوطة بالشوارع
محمد :اساسا كنت متوقع انج ما تدرين ,, انتي شنو تدرين عنه بهالحياة اصلا ؟؟
امنية بأستفزاز و نظرة مستفزة :صراحة؟ الي اعرفه ومتأكدة منه و لو شنو ما انساه انك انت وإبليس واحد و شوفتكم بالنسبة لي تخليني احس بنفس الاحساس
انعفس ويهه و اتضح انه انقهر
محمد :اقول ,,, نحن مانستقبل ياهال ببيتنا يلا روحي تلاقين امج وابوج قاع يدورونج الحين
امنية :شفيك قاضب لي ياهل وياهل ,,, مو تارسه عينك؟
محمد يحيس حلجه :كلش!!
امنية :كلش؟
محمد :ابدا ابدا
امنية :ماشي محمد
تقربت منه شوي و اهو رجع ورا ويطالعها بأستغراب لين ضمنت ان الطاولة وراه و طيحته بالمسبح مضمونه 100% بس يبيله خرطفه او خطوتين بسيطات بعدها ابتسمت له :جوف شنو تقدر تسوي فيك هالياهل ؟؟
كان يالله يالله مستوعب و قال :انتي شنو موضوعج ؟؟ متى تكبرين وتستحين على ويهج ؟؟ ماتستحين تكونين بهالقرب مني ؟؟ ما تعلمتي ولا شنو؟
امنية غمزت له :تصدق ؟؟
خطت خطوة واهو رجع ... دعم بالطاولة و طاحت ,, زلق وفقد توازنه وطاح فونه اليديد على الارض وانكسر و لما يا بيشيله طاح و كوب العصير لحقهم
امنية تطل بالمسبح و شاقه الحلج بخبث :تصدق ؟؟ كان شكل العصير يشهي بس تدري شلون ؟؟ اشرب ماي المسبح كامل جود تحس بطعمه و ترا حتى فونك كان بيوم من الايام حلو بس ما اقول الا عليك العوض ,, عاد مشكلة ان البلاكبيري لو طاح بالماي يخترب بدون مقدمات يحليله بروحه تكسر بس تدري ؟؟ نشف البطاريه بسشوار نسمة و حاول تصمغ الي تكسر ولا ليش ؟؟ *قربت و رفست قطع الفون الي تكسرت وبقت عالارض* ,, اسهل عليك الموضوع على شان تلاقي الاجزاء بسرعة ,, بعد عليك العوض والله قضاء وقدر هذا
كان قاع يطالعها وفاتح حلجه بذهول ,,,,,,,,,مو مصدق ولا شي من الي قاع يصير ,,, حقيييييييييرة!!! و راحت عليك يا محمد
لما جافته بدا يسبح طلعت تركض من البيت و دخلت بيتنا لان لو طاحت بايده راح يذبحها اكيد
<<
<<

قعدت اطالعها بذهول مو مصدقه الجراءة الي ياتها
امنية :ذيبة صح ؟
هزيت راسي يمين يسار ,, مو مصدقه شطانتها بس صج ؟؟ ضحكتني ,, والله و مصخرتك يا محمد بس اكيد راح ينتقم منها
آنا :راح ينتقم منج صدقيني
امنية :ادري من جذي مابطلع من البيت حتى بالحوش
آنا :هههههه مينونة مينونة انتي
يات الخدامة ونادتها لان الاندومي الي مايحلى لامنية الا بهالحزة جهز ,,, و راحت عني و رديت لحالي,, فتحت فوني و قريت المحادثات الي مطرشينها لي ,, دخلت محادثة رناد الي كانت اول محادثة الاقيها
.
.
.
رناد:اسوووووووووووم ,,,
اسوووم
اسسوووووووووووم
اسووووووووووووووووم!!!!
آنا :هلا؟؟
رناد :قسم بالله صايره معاي سالفة !!!
آنا :؟؟
<<
<<
قررت رناد انها تروح بيت خالتي ياقوتة و زوجها فارس على شان تقعد مع مرجانة بنت خالتي
كانوا مرجانة و رناد بالمطبخ قاع يسوون شوية خفايف للعشاء و بالوقت الي اهما كانوا قاع يطبخون فيه يت دخلت الماسه المطبخ
الماسة :مرجانة !! ,, تعالي معاي شوي
مرجانة :شبغيتي ؟
الماسة :ابيج تيين تشغلين لي الدي في دي بالتلفزيون الي بداري ,, ماني عارفه اشغله
مرجانة:نطري شوي حبيبتي ,, راح اشغل لج بعد ما اخلص
الماسة بأصرار :بس مرجانة ؟؟!!.. تكفييين
مرجانة لفت تطالع الماسة ,,رناد ابتسمت و قالت : حرام روحي شغلي لها ترا آنا اهني
مرجانة : زين * مسكت الماسه* شرفينا اختي العزيزة
طلعوا الماسة و مرجانة من المطبخ بهالوقت و بقت رناد قاع تطبخ و متفننة بالاكل ,, و لحسن الحظ انها لمحت ظل ياي من عند ممر المطبخ و سمعت صوت راشد و على شان تنقذ نفسها بغت تنخش بس ماعرفت وين ,, اهم شي تنقذ روحها و ماتنشاف بدون لا شيله ولا لبس يسترها ,صج انه عادي يجوفها جذي دام ملج عليها بس اهي تستحي للحين ,, بالذات ان لبسها مبين بطنها ,,قعدت تطالع و تدور مكان مناسب و مالاقت بس لانها سمعت صوت قبضة الباب ركضت و انخشت ينب الثلاجة ,, لان الثلاجة على طرف و ينبها مساحة صغيرة بس ضمت شروق و من هناك ماكو احد راح يقدر يجوفها الا الي ايي عند الثلاجة
دخل راشد المطبخ و فتح الجدور و قعد يطالع الاكل ,,
راشد يستنشق ريحة الكاسترد :واااي !! يا حلاة الريحة بس
رناد كانت قاع تطالعه وتراقبه و اهي رايحه فيها ,, خايفة ايي ينب الثلاجة بأي لحظة و تتفشل اكثر بس قعدت تنطره اهو المتفرغ الي قاع يمشي خطوة خطوة بكل روقان و يغني و يسمع اغاني و يتمشى بالمطبخ
اهي من روحها كانت خايفة من وقفتها بهالمكان بسبب الوايرات و الكهرباء بس ابد ما حسبت حساب للزهيوي الي طلع بالوقت الغلط و خلاها تصرخ بخوف من ما خلاه ينتبه و يتلفت يدور هالصوت و للاسف كاه قريب من الثلاجة و بخطوة وحده زيادة راح يجوفها و بكل وضوح ,, وقتها اهي ما فكرت بالفشلة ولا الاحراج لان لو جافها بيكون الاحراج اكثر بمليون مرة خصوصا انها مو متعودة واييد على راشد و لا متعودة على شوفته ,, كانت لابسة super skinny short < high waist و crop top مكتوب عليه (am crazy because of you ) يعني بطنها طالع و ريولها ايدينها كلها طالعه هذا غير شعرها الي مفلول عالاخير
و كان خوفها يطالعها و على شان جذي قالت له بفشلة و اهي مسكره عيونها و راصه على ايدينها من الخوف قبل الفشلة :تكفففففففففى راشد ,,,ممكن تطلع برا و ما تقرب اكثر ؟؟
راشد كان حده مستغرب و حتى مو قادر يعرف منو اهي ولا قادر يميز صوتها ,, بقى واقف لفترة و مفهي
رناد :راااشد ,,, يلا عاااد
راشد توه استوعب و قدر يميز الصوت ,, ماحاجاها و قعد يمشي بهدوء بحيث انها ماتلاحظه ,, لي وصل لمكانها و قعد يطالعها و عيونه تبرق و مركزه عليها ,, لا تجوفون رناد و الاحراج الي فيها ,, حطت ايدينها على ويهها من الفشله و سكرت عيونها ماتبي تجوفه
وقف جدامها و عيونه تبرق ,, سحرته بطلتها ,, قعد يتمقل فيها و يتأملها
راشد يبتسم بخبث :على هالطله من حقج تنخشين
رناد :..........................
راشد :مني آنا رنادو!؟ ,,,, من راشد ؟؟ ,, تحرمين ريلج من هالحلا كله !؟
رناد حدها مفتشلة!!!!!!!!!!!!! ويهها كان خططططططططططط _______________ ولا قادرة تسوي شي بس انها طلعت تركض من المطبخ و صعدت فوق عند مرجانة بس ما قالت لها الي صار
و اهو وقف مكانها وللحينه مسحور من شكلها ,,, بعمره ماجافها جذي لانها بأغلب الوقت تكون لامه شعرها الطويل و لابسه كنادير واشياء ستيرة يعني اليوم كان اول مرة يجوفها ماخذه راحتها جذي
<<
<<
آنا :امبي!!!!!!!!!! صج فشلة !!!!
رناد :وربي ما تدرين عن حالي ,,
آنا حطيت لها فيس يبتسم ببرود :شنو صار على الاكل الي كنتوا تطبخونه انزين ؟؟
رناد :انتي وين و آنا وين
حطيت لها فيس يضحك و طلعت من محادثتها ,,, ودخلت لمحادثة نسمة
نسمة :حرمت خلااااااااص,,, مابروح الجامعة بعد
آنا :شدعوة ؟
نسمة:اليوم .....
<<
<<
كان الكلاس الحين راح يبدا و هالمس الي عندهم معروفه دمها ثقيل و على اي شي بتهزاء .. من جذي نسمة تكون حاضرة اول وحده كلاسها بكرامتها بس هالمرة !!.......
نسمة توها توصل للجامعة و مامداها تسوي شي ,, كلاسها بالطابق الي فوق و بالقسم الاخير , بأختصار بعيد و اهي حدها رقيقة و برستيج و معروف انها ما راح تلحق عليه
حاولت تسرع من خطوتها و مشت بسرعة لي وصلت اخيرا !!!!
دخلت الكلاس شوي شوي بأحراج و دخلت قعدت مكانها واهي مسكره عيونها قعدت بنب رفيجتها دانة الي متعودة تكون وياها و حجاتها
دانة :جان ماييتي نسمة خانو
نسمة :تكفين بروحي مقهووورة لاني متأخرة
المستر دق على الطاولة و قال لها :you're already late, and you distributed my lesson while ou arrived and now you are talking ?? <<<oooouuuuuuuuttt!!!!!!!!
هني !! لحد يسأل عن نسمة لانها خذتها قوية صراحة ,, قصفت الجبهه من النص
دانة :forgive her this time
المستر يأشر على الباب و بأبتسامة خفيفة :both of you <<out and let me complete
كانت العيون كلها عليهم و مندمجين يطالعون و قاع يزيدونهم احراج ,,, لا تجوفون شكل دانة كيف حصلتها !! قوييية قويييية ما هقت ابد ان هذا راح يكون مصير الدفاع
شالوا اغراضهم بأدبهم و توجهوا لبرا القاعة و اهما حاقدين على هالنحيس الي من الصبح و اهو يهزأ فيهم .....
<<
<<
نسمة :حقيييير ,, قسم بالله نحيس لا و تخيلي ما راح يعيد الكلاس و راح يسوي تست قريب و آنا باكلها ,, استعيلت و تدودهت عالفاضي والله
آنا :بيييه ,,,, حسافة عاد صج نحيس
نسمة :عساهم يغيرونه اليوم قبل باجر يارب
دزيت لها فيس يضحك و طلعت
<<
<<
علياء :اسوم جفتي المسلسل الي قلت لج عنه ؟؟
آنا :اي واحد ؟
علياء:vampire diaries
آنا :لا ,, مو متحمستله
علياء :والله جوفيه اسوم يجنن!!! جي هم غير غير حبهم غير يجننون
آنا :بجوف بعدين
علياء :دشي الحين يوتيوب و كتبي damen& elena << does this feel wrong?
آنا :اوك الحين بجوف وبقول لج
عليا ء:والله جي ها احلى مقطع بالفلم ماتعرفين كيف ,,, ان جي تعرفين حبهم الحقير جي bad love
آنا :اييه عاد هذا حبج انتي كل شي حقير يعيبج
علياء :(فيسات تضحك) والله جي ماتعرفين كيف احب ال bad guys
<<
<<
طلعت من محادثتها ودخلت يوتيوب بسرعة حطيت الي تبيني اجوفه ,, من فترة و اهي تحن عليّ على شان اطالع هالمسلسل بس لاني مو متحمستله ما جفته بس عشانها بجوفه الحين ,,,,,,, قعدت اطالع المقطع و كان صج يجنن و صج صج !!؟ نزلت جم دمعة عليه ,, آنا جذي من نوع الي على الفرح ابجي وعلى الحزن ابجي و جذي...

وبعد ماخلصت كنت ابي ادخل كم محادثة بعد بس ما كان لي خلق صراحة من جذي اكتفيت اني ادق على علايه اختي
علياء :هلا ابوي هلا امي بهالصوت
ابتسمت و قلت :هلا والله بأخيتي
علياء :وينج يالقاطعة ؟؟ ما تسألين عن اختج العوده ولا دريتي عني؟
آنا :وين مادري عنج الله يسامحج ؟؟ من جم يوم تراج عندي
علياء :هه زين انتوا شلونكم؟؟
آنا :الحمدلله كلنا بخير
علياء :زين آنا انشالله راح اييلكم باجر او بعده
آنا :حياج
علياء :زين اخليج ,, راح اروح اجوف حياة مادري شفيها تبجي
آنا :فديييتها!! بوسي لي اياها الف بوسة و سلمي لي على فؤادون
علياء:يوصل حبيبتي يلا بباي ,, اموااح
سكرت الفون و بعدها سمعت ......
عز بصوت عالي :تعالي!!
فتحت الباب و دخلت عليه كان قاع يتعطر , الظاهر بيطلع
آنا :بتطلع يعني ؟
عز:طبعا اييه ,, ضايق خلقي من البيت
آنا :انت دوم ضايق خلقك من البيت
عز يضحك :المهم آنا راح اروح الحين رفيجي ينطرني ,,تبين شي ؟
آنا :لا سلامتك
فجأة حسينا ان الباب انكسر و صار علينا هجوم
امنية : آنا ابي ,, ييب لي معاك ماكدولندز
عز لف راسه شوي شوي و طالعها:حسبي الله عليج من اخت ,, كسرتي باب غرفتي
امنية :جب ابي ماك
عز :ماني يايب لج * توجه لباب الغرفة يبي يطلع*
بس امنية وقفت عند الباب و تساندت عليه :مالي شغل ماكو طلعه الا و انت يايب لي
عز بخبث :امنيوووه !!
امنية قعدت تطالعه و ما تحركت ,, تقرب منها و حط ايدينه على خصرها و قعد يدغدغها لي قامت عن الباب
امنية :خلص مابي مابي ,,, روح
عز :اييه جي زين
طرش لنا بوسة و راح
امنية تطالعني :عفكرة نحيس اخوج
ضحكت لها و طلعت من الدار رحت لخالد
كان منسدح على السرير و يطالع السقف و حاله صعب ,, رحت قعدت ينبه و قعدت اطالعه
آنا :ليش هالنفسية يعني ؟
خالد للحينه يطالع السقف :سكتي يا وخيتي ,, سيارتي حارقه قلبي
آنا :للحين ما خذوها ؟
خالد :لا...
آنا :شلون ؟ مو على اساس راح تدزهم يا خذون السيارة
خالد :على اساس بس اهي ما ترد على الرقم الي عاطيتني اياه اصلا
و سوتها فيك يا خالد !!....
آنا :ما عليه يمكن عندها ضروف
خالد :مو من جذي آنا صابر بس حتى لو ,, سيارتي تتصلح يعني تتصلح و ماراح اغير رايي ولا راح ادفع حتى ربع
آنا :مو مشكلة انشالله راح تتصلح
خالد :اقول يلا يلا خليني ارقد ,,, انتي راقده الظهر و تقومين فليل ؟؟ عكس الناس ؟
آنا :هه شسوي تعيبينه آنا ..
خالد :روحي عند اختج ,, اكيد تلاقينها قاع تحاجي راشد
آنا قمت من مكاني و توجهت للباب:اكيد
خالد :good night
طلعت من داره و مريت على رناد بس قبل لا امر نادتني امي الي كانت قاعده بالصالة
امي :تعالي يما تعالي قعدي
رحت و قعدت ينبها و ادري فيها تبي تقول شي عن موضوع هالمايد
امي :آنا طبعا حاجيت الناس و قلت لهم موافقة بس آنا يا يما للحين مادريت عن رايج
آنا بأبتسامة :خلص مضى وقت هالسؤال
امي تطالعني
آنا حطيت ايديني على فخذها و طبطت عليها :لا تحاتيني يما ,, آنا ما اسوي شي بدون تفكير
قمت عنها و دخلت داري قعدت شوي و عقبها سيرت على رناد الي كان واضح عليها انها طايره من الفرحة و حاضنه فونها
ابتسمت لها و دخلت :راشد ؟
رناد :اااااه فديت راشد و طاري راشد و طوايف راشد آنا
حست بوزي :ويه ويه شنو المناسبة ؟
كانت رناد راح تتحجى بس درعمت علينا امنية
امنية :آنا راح اروح بيت خالي فري راح تيون ؟
رناد :مالي خلق روحي انتي و سكري الباب
امنية :اسوم؟
هزيت راسي بالرفض و بدت رناد بالسالفة

ترانيم 1997 ©؛°¨غرامي مشارك¨°؛©

رااااااااااااااااااااااااااااااائعة ومشــــــــــــــــــــــــــــــــــــــرقة عزيزتي ... تابعي ... الان بدئت بمتابعة روااايتك ... قريت المقدمة وشكلها خطيــــــــرة ... سجليني من متابعينك

الاميرة الضائعه ©؛°¨غرامي مشارك¨°؛©

حماااس الرواية بأسلوبها وفكرتها وكل شيء تجنن
تحزن اسماء اللي تعرضت له من صديقتها وحبيبها مو سهل ابدا..متحمسة لحياتها الجديدة مع زوجها..
والله حبيبتي احس انه مخي ملحوس وناسية باقي الشخصيات هههههههههه
بس يعني اتذكر الاحداث بدون الاسماء تماماً..
الزبدة انه الرواية تجنن مرةةةةةةة وروووووعة ومادري كيف اوصفها<<مفهية هههههههههههههههه
ننتظر على احر من الجمر..انشري الرابط عشان المتابعين:-)


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1