7sawya_q8 ©؛°¨غرامي مشارك¨°؛©

البارت الاول


******

كانت نايمه بدارها غفت عالفراش
تسلل بهدوء بوسط الظلمه قعد على اطرف السرير قعد يتأملها كان ميت عليها بس اهي تعطي ويه

تحركت وقف قلبه خاف تقعد بس اشوا قلبت الصوب الثاني عدل قعدته توب تحته شال القميص عنها شوي تحركت وكان قلبه يدق بس بعدها هدت تجنن على جسمها طار عقله بغى ياكلها
فل شعرها شوي شوي وقعد يلعب فيه
كانت جنها لعبه الجسم خيال بشرتها بيضه مثل اللولو ناعمه مثل الرخام صافيه وخدودها ورد شفايفها توتيه صغيره الشعر اسود ليليكي كثيف ماكان حيل طويل بس يفتن

رِن الفون اخترع خاف تقعد حاول يوصله ماقدر
رِن لين قال بس وأيده على قلبه ،، سكت
اتسحب شوي شوي ،،، وطلع بره الدار

((داخل الدار ))
قعدت من النوم على صوت التلفون قامت ردت : هلا حياتي ،، لا سوري كنت نايمه ماحسيت بنفسي .. من عيوني .. أنشالله

.. باي .. وانا احبك اكثر

سكرت الفون حطته عالكمودينه ردت بتنام حست ببروده شافت قميصها مو عليها قالت بقلبها " متأكدا أني كنت لابسته قبل لا انام " لمست شعرها : ياربيي انا شفيني قمت أنسى أشياء وايد


راحت قفلت الباب و ردت نامت

*****

عاليوم الثاني الصبح

قعدت من النوم فرشت وتوضت وصلت

هذا فونها حطته بجيب جاكيتها لبست نعال الارنوب مالها كانت مسويه شعرها كعكه
وطلعت الحديقة لقتهم كلهم قاعدين عمها ومرت عمها وبنت عمها والصبي ذاك

: صباح الخير
الابو : هلا يبه ريم قعدي

الباجي عليها ما عدا الصبي الي قاعد كان متعمد ما يطالعها كان ماسك جريده يتهرب فيها منها مع ان مايحب يقرا وايد

قعدوا يتريقون رِن فونها ردت بعد شوي قالت بفرحه : صج !! ،، واااي وناسه ناطرتكم ،،، باي ،، love u too !

سكرت

عمها : خير يبا ؟!
ريم بفرحه واسعه : باباتي راح يرد من السفر بعد يومين !!
عمها : يلا الحمدالله عالسلامه ،،، عاد مو تقطعينه !
ردت بنفس الفرحه : لا افا عليك كل يوم عندكم

قام الصبي : الحمدالله
عمها : ناصر وين رايح ؟!
ناصر : عندي شغل مواعد واحد من الربع
ام ناصر : بحفظ الله

رن فونها مره ثانيه شافت الاسم قامت : الحمدالله
بوناصر : وين يبه ؟!
ريم : الحمدالله شبعت وراح تبدي محاضرتي بعد ربع ساعه تأخرت

قامت باست راس عمها ومرت عمها وراحت

دخلت الدار وقعدت على اطرف السرير وردت ودقت : سوري حياتي كنت قاعده يم عمي " قعدت تسولف شوي " يسوف حياتي تأخرت عل المحاضره مابقى شي و تبدي ،،، انشالله حياتي ،، باي ،، يلا عاد تأخرت جد ،،، هههههه اوك يلا باي

بدلت وحطت ميك أب خفيف وتعطرت بسرعه وطلعت

ركبت سيارتها البورش وحركت

***********

وصلت الجامعه وصلت على آخر دقيقه قعدت جان يدش الدكتور
خلصت المحاضره طلعت بره قعدت مع البنات

بعدها بشوي بلشت المادة الثانية وما خلصت الا العصر قعدت بالكافييه

: واااي اخيراً مابغيت اخلص

" كان الدلع واضح من نبره صوتها ماكانت تتصنع اهو صوتها من الله دلوع "

سحب كرسي وقعد قبالها : اويلي عالتعبان انا !
ريم : هلا حياتي
يوسف : هلا ابوي ،، اقول حياتي ماني قادر أخذ راحتي بالكلام مني شرايج نروح مكان ثاني
ريم : وين نروح ؟!
يوسف : مكان صاد شوي اقدر اسولف في وياج عدل
ريم : اوك

قاموا ويا بعض ‏مشوا يم بعض عادي

*****

بالبيت كان قاعد بالصاله ويهز ريله بتوتر وكل شوي عيونه عالساعه : هاذي وينها تأخرت اووف !!

*****

بالجامعه

راحوا عند سيارته كان صافطها بمكان بعيد عن الناس فتح الباب الي ورا و دخل

ريم : منو راح يسوق ؟!
يوسف : محد تعال قعدي معاي
وقعدوا يسولفون ويسولفون شوي يضحكون وشوي عادي

يوسف : آآخ بس متى تكونين حقي مقي محد يلمسج غيري !
ريم : حقك محد راح يلمسني غيرك
يوسف : قصدي نتزوج يعني
ريم : باباتي راد من السفر بعد يومين تعال اخطبني منه
يوسف : انشالله حياتي
ريم : خالتكون بس خطبه لي ما نلخص جامعه
يوسف : مثل ماتامرين حبي

لفت على جنب صاروا قبال بعض : احبك
يوسف : وانا اموت فيج كل يوم أزيد عن الي قبله
ريم : مو بالشارع اخاف احد يشوفنا !
يوسف : لا تنسين انج انتي الي بديتي
ريم : اي بس عاد خلاصح !

رن الفون انقذها كان عمها يسأل عنها : بالطريج عمي ،، باي
يوسف : وقته
ريم : سوري تأخرت

قعدت تعدل شكلها وميك ابها : جذي زين
طبع بوسه سريعه على خدها : اي وايد زين هههه
ريم : خربتها !
يوسف : ابوي المعصب خلاص

طلعت وراحت سيارتها عدلت شكلها و راحت البيت

*****

اول ما دخلت

ناصر بعصبيه : وانتي لي وينج هالحزه !!
بو ناصر : هد يبا ،،، باباتي ريم وينج قعدنا نحاتيج ؟!
ريم : الطريج زحمة
بو ناصر : زين بدلي بسرعه ونزلي تغدي
ريم : انشالله

مرت من يم ناصر شم ريحه غريبة كانت مألوفة عنده بس ماقدر يحددها راحت فوق خذت شاور و نزلت تتغدى

كانت طول الوقت عين ناصر عليها شاك بشي بس مو عارف
قام : الحمدالله
بو ناصر : وين ما كملت ؟!
ناصر : لا الحمدالله كليت وايد

راح صعد فوق راح دارها قعد يدور الملابس الي بدلتهم لقاهم بالسله خذا القميص قعد يشمه يبي يتعرف عالريحه مو قادر يعرفها بس مو متذكر ريحة شنو !!
مخه مو راضي يساعده تنرفز رد القميص بالسله و راح داره شافته طالع من دارها استغربت راحت تشوف شنو كان يسوي ،، كان كل شي على حطته

****

بالليل

عالساعه ثمان وصل ناصر القهوه واهو ليلحين الفكرة تلعب براسه طلب جاي وكانت ليلحين الفكرة براسه وصل الجاي واهو ليلحين يفكر

والي كان صدفه كان يوسف قاعد بالطاوله الي يمه يعني كانت بينهم مساحه كانت الشاشه بيدينه واهو يسولف مع رفيجه : عسل و ربي عسل قيمر كيكه

رد عليه : يعني فليتها
يوسف : اعطيك بيوم تجربها
رد عليه مستغرب : من صجك !!
يوسف : اي واللہ عادي صقور انا وياك واحد
صقر : بس البنت تحبك ومأمنتك وانت تحبها شلون جذي ترضى ؟!
يوسف : أهي تحبني كيفها انا ما أحب وحده رخيصه

كانت ريحة المكان شيشه وزقاير
مر واحد من قبال ناصر ماسك زقاره مرت عليه الريحه مني تذكر !!

هد المكان و راح

****

كان دايس ومتنرفز مايبي يكون الي اب باله صح
وصل دخل البيت و راح على طول فوق

راح دار ريم فتح الباب و دخل ،،، عدلت قعدتها استغربت ما مداها تتكلم
قرب صوبها وقال : مع منو كنتي اليوم ؟!
ريم : محد
ناصر : لا تجذبين قولي وَيَا منو ترى ماني هندي تقصين علي ،، من وين ريحة الزقاير الي بملابسج !!
ريم : زقاير اي زقاير !!
ناصر : اي زقاير ها !!

لحظه راح ياب القميص وقطاه بويهها : شميي !!
ريم : عبالي عندك سالفه ،،، كنا قاعدين بالكافييه الطاوله الي قبالنا ذبحنا

بغى يصدقها بس ما صدق هدها ومشى

****

رد ابوها من السفر واجتمعت العايله الصغيرة يعني بس الخوال والعمام وعيالهم
عالغدا كانت اربع عيون عليها عيون ناصر وشخص ثاني

عقب الغدا كان الكل قاعد بالصاله ما عدا ريم رن فونها طلعت بره بعدها قعدت بره تحوس بفونها
يه وقعد بالكرسي الي قبالها : ريم شلونج ؟؟
عدلت قعدتها و ردت ببتسامه : هلا جاسم شخبارك
جاسم : بخير دامج بخير شلون دراستج ؟!
ريم : بخير الحمدالله

" كان يبي يفتح اي موضوع وياها بس مو عارف شنو يقول "

كانت قاعده عادي وفونها بيدها وعينه عليها

الاميرة المجهولة ... ©؛°¨غرامي فعال ¨°؛©

حبيبتي هي البداية رائعة بس اتمنى ما تكون فيه علاقات محرمه خاصة بطله اللاواية لان القارئ يحب يكون مثل


البطل او البطله و كذا لما يكون في علاقات محرمه بيصيروا ينفروا من الرواية اتمنى ما تزعلي



و اذا فيه مجال تعدلي البارت


و راح اكون من متابعينك ان شاء الله

7sawya_q8 ©؛°¨غرامي مشارك¨°؛©

انا كنت ناويه ألغيها واحطها عدل مثل الناس بس مو عارفه شلون الموقع متغير

7sawya_q8 ©؛°¨غرامي مشارك¨°؛©

دخلت من الاب مكان الرد مختفي صاير
مكانه اعلان ومايروح

وردة الزيزفون
✿ إدارة الإقسام ✿

صباح الخير .. ياهلا فيك بغرام .. موفقة بطرحك .. عندي بعض الملاحظات على الرواية الاسلوب جيد مع انها تحتاج لزيادة بوصف المكان ووضعية الشخصيات داخل الحدث وردات فعلهم

لكن الفكرة منفرة ابطالك كلهم يرتكبون محرمات ماترضي رب العباد .. ريم بالجامعة يعني مومراهقة وحدة ناضجة كيف ترضاها على نفسها تتصرف تصرفات وقحة مخالفة للشرع الجمال مو بالشكل الجمال بلاخلاق المصيبة لو كانت فكرة روايتك على تبرير كل تصرفات شخصياتك وبعد كل هالاشياء يعيشو ابطالك بحب وسعادة .. القارئ صار يميل للواقع اكثر في احداث اي رواية ياليت تعدلي بفكرة الرواية حتى ماتفقدي انجذاب القارئ للرواية

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

7sawya_q8 ©؛°¨غرامي مشارك¨°؛©

البارت الثاني

**********************
ريم : يلا جاسم اشوفك على خير
وقامت
قعد يتحلطم : غبي غبي ما اعرف اقول كلمتين على بعض اووووف !!
*****

بهالاسبوع كانت قاعده تدرس لان عندها فاينال بعده كان آخر كورس لها بعدها تتخرج
بعدها بيومين كان عندها عرس كانت توها طالعه من عرس ولد خالها رايحه البيت
كان نفنوها اسود توب قصير من جدام طويل من ورا كان الفستان فخم بمعنى الكلمه وكان شوي من كن تحت منفوش عالخفيف بس كان ابداع .. بماا انها موم تحجبه ف بس لبست فوقه جاكيت كانت مسويه تسريحه و رافعه شعرها لي فوق وحاطه ميك اب سموكي وحاطه حمره حمره لون دم الغزال كان لونها خقق واهي بشرتها بيضه يعني كانت طالعه سنو وايت
((بس توأمها الشرير عاللوك الاسود ههههه ))
رن فونها ردت : هلا حياتي
يوسف : وينج ؟
ريم : توي طالعه من العرس راده البيت
يوسف : شرايج تيين تشوفين بيتنا ؟
ريم : بيتكم بيتكم ! شفيه ؟
يوسف : مو بيت اهلي ! .. بيتنا انا وياج الي راح نسكنه عقب ما نتزوج !
ريم : ودي بس اخاف بالليل خليها الصبح
يوسف : لا ما ينفع تعالي الحين بس طلي و روحي وبالمره اشوف كشختج !
ريم : ادزلك الصور .. اخاف هالحزه وقت متأخر !
يوسف : تخافين وانا معاج ؟!!!
ريم : مو عن ...
يوسف : بس طالعيه من بره لا تدشين
ريم : اوك ... انت مناك ؟
يوسف : انا داخل البيت اعطيج العنوان واذا وصلتي عطيني رنه
ريم : اوكك
مشت بطريج ماتدري شنهايته

((وصلت ودقت عليه مثل ما قالها ))

داخل فوق شاف فونه يرن : وصلت
رد : وصلتي ؟
ريم : اي
يوسف : صعدي
ريم : قلت لك يوسف اخاف بالليل وانت قلت لي بس من بره لي بره !
يوسف : خلاص نازلج
*****
((عند ريم))
كانت قاعده بالسياره تنطرها ينزلها وكانت خايفه من المكان الوقت متأخر واهي قاعده بروحها انطق جام السياره فزت من مكانها لفت فتحت الدريشه
قعد يضحك عليها : ما توقعت انج خوافه
ريم : بروحي خايفه
قعد يضحك : زين لا تعصبين هههه
مد ايده لها : يلا امشي
ريم : وين ؟
يوسف : يعني عاجبتج قعدت السياره بس نوقف بره لا تخافين
نزلت : مني ؟
اشرلها عالعماره الي قباله : هاذي اهي بس جذي ماراح تقدرين تشوفينها بس نروح فوق نطل عالسريع ونطلع مانطول والله !
كانت متردده بس طمنها وقالها جم كلمه
ريم : مانطول !
يوسف : انا عمري قلت كلمه ما وفيت فيها ؟!
هزت راسها بلأ
يوسف : عيل امشي معاي اذا خايفه مسكي ايدي عشان شوي ترتاحين

كانت لامه ايده وتمشي .. كانت العماره شكلها كشخه وانيقه حلوه كانت في بوابه زجاج كبيره عند مدخل العماره وبعدها الاسنسيرات
وكان قبالهم حاطين مكتب والحارس قاعد فيه اشرله منو ؟ .. اشرله يوسف وقال زوجتي
حركوا و راحوا فوق
**********
بقاعة عرس الرجال
الكل قاعد سوالف وفله
واهو كان قاعد شوي سرحان شوي يسولف
ياله واحد من بعيد طقه على جتفه بغشمره قاله بضحكه : وين وصلت ؟
انتبهله وابتسم : هلا
يعقوب : اقول الحمدالله عالسلامه .. حجي جسوم لا يكون قلبت روميو بعد هههه
جاسم : هههه من وين بالله
يعقوب : اقول هد الي براسك وتعال سولف معانا
جاسم : يلا
*********
((عند ريم ))
وصلوا عند باب الشقه فتح الباب و دخلوا

يوسف : دخلي لا تخافين البيت بيتج " قفل الباب بدون ماتحس "
دخلها الصاله : قطي جاكيتج خل اشوفج
فصخته وحطته عالقنفه
يوسف : قعدي شوي بروح اييب شي و ارد

((راح الدار الثانيه ))
يوسف : تعال تراهي وصلت
رد عليه : يلا كاني
طلع وياه و راح الصاله

ريم : منو هاذا ؟
يوسف : هاذ رفيجي
ريم : قلت بس بتواريني البيت ماقلت بتراويني احد !؟
همس بذونه : كلها لك !!
راح قعد يمها وقعد يطالعها من فوق لي تحت
ريم : خير شطالع ؟
مد ايده يبي يجيسها وخرت ايدها عنه : شقاع تسوي ؟
صقر : والله مثل قلت حتى الكيكه شويه عليها
يوسف : Enjoy !!
قامت من مكانها : شنو تخليني مع هاذ بروحي !!
يوسف : اي عادي شفيها !
ريم : ريلي على ريلك ماتروح !
صقر : هاذي شكلها نسره لا يبا ابعد خليها لك هونت
يوسف : ترا بتندم !
صقر: الله ادري ماتطوف بس لسانها مايرحم اخاف تجيب العيد فيني تعرفني خفيف مو مثلك
يوسف : قلت لك
قاعده تطالع كلامهم جنها لعبه يتقاسمونها
ريم : هيي انت وياه تراني مو لعبه كل واحد يقطني عالثاني !!
صقر : مو قلت لك ههههه
يوسف : تعالي معاي بقولج كلمه راس بسرعه و روحي
قامت معاه
**********
بقاعة عرس الرجال
جاسم : يلا بالأذن الوقت تأخر
احمد : وين تو الناس !
جاسم : وين تو الناس بتصك الثنتين وباجر دوام ! انا ادوام حتى ويكند مو مثلكم !
ضحك : خلاص عذرناك اذلف هههه
طلع تمدد ركب سيارته وحرك
وبعدها الناس قاموا يطلعون
*****
بالشقه
خذاها من ايدها دخلها الدار وقفها عالجدار وسكر الباب حط ايد ورا ظهرها و ايد جدام قعد يساحلها بالكلام وقفل الباب بدون ماتحس لانهم كانوا واقفين عند الباب
: ياحياتي فهمتي الي قلته لج
همس بذونها : تراني احبج وماراح اخلي احد يجيسج غيري !! بس ممكن طلب صغير ؟
ريم : آمر تدلل كلي لك
يوسف : بس ابي بوسه وحده ممكن ؟
تعلقت برقبته : بس عنونو ماطلبت شي
طبعت بوسه سريعه على خده
يوسف : بس هاذي !
طبعت وحده ثانيه
يوسف : تقصين علي انتي شكلج ماتحبيني !
ريم : تشك بحبي لك !؟
يوسف : صراحه اي
ريم : شنو تبيني اسويلك ؟
همس : مو انتي الي راح تسوين انا الي راح اسوي بس انتي قربي شوي
بسرعه دزته
بعدت عنه : شتسوي !!
رد شدها لها حاولت تفج منه رد ضغط عليها اكثر قامت تعافر تبي توخر بس اهو ليلحين على وضعه شاد عليها حيل واهي مو قادره تقوم مدت ايدها ليدت الباب حاولت تفتحها لقتها مقفوله
حاولت تدزه وتدزه وتدزه طيحته عالارض و حاولت تنحاش راحت تفتح الباب بس ما لقت المفتاح عليه قعدت تطق الباب
قام انقض عليها ومسكها بعنف : قلت لج محد راح يلمسج غيري !!
قطاها عالارض بعنف كانت شوي وتبجي : تكفى خلني اروح
يوسف : مينون انا !! انتي الي ييتي بروحج محد قالج سلمي روحج لي !!
قامت انحاشت لحقها و دزها عالطوف قالت والدمعه على خذها: شفيك يوسف ماكنت جذي !
يوسف : لا يكون مصدقه نفسج اني صج احبج !! انا احب وحده سهله و رخيصه مثلج !
ماصدقت الكلام الي تسمعه بجت على روحها الف مره
كمل كلامه : بس مستحيل اطوفج !
حاولت تنحاش بس سندها عالجدار بغضب
قامت تبجي : حرام عليك الي تسوي فيني حرام عليك

*********
بره الدار
صقر خاف يسوي شي صج بالبنت راح طق عليهم الباب وذاك يحقره كسر الباب عليهم ما رد
صقر : يوسف افتح الباب لا اكسره ترى والله اسويها صج !!
فتحله الباب معصب : انت شتبي ؟
شافت الباب تبطل راحت ركضت بسرعه دزتهم وطلعت
مسكها يوسف من ايدها : هيي انتي وين رايحه !!
قامت تبجي : والي يخليك هدني حرام عليك
سحبها صقر سحبها منه : بس خلاص
يوسف : انت شتبي حبيبتي وكيفي !
صقر : حرام عليك شوف شسويت بالبنيه شققت ملابسها !
يوسف : مالك شغل !
سحبها مره ثانيه دزاه صقر عنها : خلاص روحي
ما صدقت على الله هداها انحاشت على طول بغى يلحقها صقر وقفه : خلاص ياخي حرام عليك هدها تروح بحال سبيلها في بدالها عشر
*******
طلعت ركض نزلت تحت وحالتها حاله ومبهذله حتى طلعت حافيه الحارس شافها بغى يسألها شفيها بس بسرعه راحت طلعت بره وصلت السياره حاولت تفتحها ما قدرت نست السويج فوق قعدت بالارض عند السياره وقامت تبجي
******
فوق بالشقه
قعدوا بالصاله
شاف صقر سويج مقطوط عالقنفه خذا : هاذا مالك ؟
يوسف : لا
صقر : شوف نست جاكيتها واغراضها والله حاله
يوسف : تولي
خذاله زقاره يصفي باله فيها
صقر : خل اوديلها اغراضها لا نبتلش مالنا خلق
خذا السويج والجاكيت دخل الدار ياخذاله جاكيت لقا الدنيا معفوسه فوف تحت : شكلها قايمه حرب مني !!
راح خذا الجاكيت لان بره الجو شوي برد بالليل يصير توه بيطلع من الدار شاف جوتيها عند الباب خذا ومشى
طلع من الدار : شكلك من زمان مو شايف فريسه هههه
خذا الاغراض ونزل
: هاذي من صجها نزلت حافيه الحمدالله والشكر !!
نزلها مايدري اي سياره اهي فطق علامة الجرس الي بالريموت
سمعت الصوت اخترعت ولمت روحها اكثر وقعدت تبجي خافت ايي احد يكمل عليها
وصلها صقر لقى حالتها حالته نزل لمستواها وخر شعرها عن ويهها رفعت ويهها وخافت اكثر رجعت لي ورا مع انها لازقه بالسياره ماتدري وين تروح
سمع صوت بجيها علا : خلاص اسف بس كنت بييب لج اغراضج نسيتيهم فوق "مد ايدها حط فيه السويج وسكرها " نصيحه مني اعتبريني اخو ولا لا اعتبريني الي تبين بس اخذيها نصيحه يوسف بعدي عنه ترى لعاب لعب على شكثر من قبلج و محد فيهم سلم انتي الله نجاج ولا تقربين صوب اي واحد ما تعرفينه انا صج رفيجه من عمر بس ما ارضى عالي يسويه وحتى لما قطاج علي ما كنت راح المس شعره منج
قالت من بين دموعها : وليش تقولي جذي؟
صقر : عشان مابيج تطيحين بنفس الغلط مره ثانيه وصدقيني ماكنت ادري ان راح يسويها صج عبالي يتغشمر لاني عمري ماكنت موجود واهو جذي يسوي توقعت بس يستعرض
مسكها من ايدينها وقومها وعطاها اغراضها : لبسي الجوتي لا تجرح ريولج
لبسته .. خذا جاكيته وغطاها فيه لان برد ولان نفنوها انعدم
: تذكري كلامي عدل واهم شي غيري خطج من باجر .. اهو شي عنده لج اغراض صور اي شي ؟
ردت بخوف على بجي : بس صور كلهم بتلفونه
صقر : انتي عندج اخوان ؟
ريم : لا انا وحيده ابوي
صقر : خلاص اعتبريني انا اخوج واعتبري موضوع يوسف خلاص انحل اعتمدي علي !
قامت تبجي اكثر : مشكور والله مادري شلون ارد لك جميلك من غيرك كنت بضيع !!
صقر : تشكريني اذا مسحتي دموعج و روحي البيت وسوي الي قلت لج عنه ولا تماشين الاشكال هاذي مره ثانيه
فتح باب السياره ركبها : يلا مع السلامه
سكر الباب شافها تروح يلا رد صعد فوق
****
فوق
يوسف : ذلفت ؟
صقر : اي راحت
****
عند ريم
كانت تمشي بسرعه ومو قادره تشوف الطريج من دموعها وقفت عالجنب وقعدت تبجي
*******

عند جاسم
صارله نص ساعه معلق بالزحمه : يالللللله !! مو وقته كلششششششش !!! نوصل الصبح انشالله !!
بعد خمس دقايق شوي شوي فج الطريج والسيارات حركوا وتحرك السيد
بعد فتره
واهو يمشي لقى سياره واقفه عالجنب : شكلها وقفه عليهم او شي خل اشوف شفيهم يمكن محتاجين احد شي خو انا تأخرت تأخرت ماراح تضر عشر دقايق
وقف ورا السياره نزل طق الجامه
رفعت راسها لقاها ريم وحالتها حاله وقف قلبه من شكلها من عرفته حركت بسرعه وانحاشت منه
تحير مايدري شفيها !
********
وصلت البيت
على طول دشت ركض دارها وقفلت الباب ودشت الحمام فصخت ملابسها شققتهم قطتهم زباله وبطلت الشاور وقعدت تحته تبجي
كانت 3 الفير والكل نيام اصلا البيت كله فاضي مافي غيرها اهي وابوها والخدم
*****
ظلت يومين بدارها لا لها نفس لا اكل لا شرب مالها خلق الدنيا كرهت الدينا بما فيها قضت فترة الويكند تحاسب روحها عالاشياء الغلط الي سوتها وتزف نفسها وتعاقب روحها
انطق الباب : تفضل
دخل اب بذلته العسكريه وقعد يمها : شفيها اميرتي الحلوه اليوم منو مزعلج ؟
ارتسمت ابتسامه صفره على شفايفها و ردت : مافيني شي بابا محد مزعلني
رد ابوها : تخشين على باباتج اصلا ملاحظج كله بالبيت والخدم يقولون انج ما تاكلين وكله حابسه روحج بدارج ليش شالي مضيق خلقج ؟
ريم : بابا والله مافيني شي .. بابا اقدر اقولك شي ؟
ابوها : امري تدللي قولي الي تبين
ريم : انا ليش ما عندي اخو مثل باجي الناس .. يهاوشني اذا سويت شي غلط... يقعد معاي يتغشمر يسولف
امير " اسمه " : تبين اخو ؟
ريم : يعني قصدي اخو وكبير وجذي
امير : تبين واحد ؟
ريم : بابا اتكلم جد والله
امير : وانا همن اذا صج تبين اخو اعتبريني انا اخوج تبيني اختح امج رفيجتج اصيرلج كل هاذا جم ريومه عندي انا !
لمته : الله لا يحرمني منك مابي شي انت كافي علي
امير : ولا منج
قعدت عدل : ما تأخرت على دوامك مو ناوي تروح ؟
امير : اروح واميرتي ضايق خلقها مايصير
ريم : لا انا زينه بس روح قبل لا تأخر
امير : الحين رايح وانتي ماعندج دوام ؟
ريم : عندي وحده الساعه 9 بس مالي خلق اروح
امير : لا مايصير قومي لبسي
ريم : تسع مو الحين
امير : قومي لبسي ومالج شغل
راحت داخل بدلت وطلعت بغت تاخذ سويج سيارتها
خذا منها : لا لا لا اليوم مافي سياره امشي معاي
ريم : اخاف أأخرك ؟
امير : باقي نص ساعه في وقت
طلعوا ركبوا السياره
((بالطريج))
بس اروح الدوام بالاول اوقع استأذن واطلع بعدين نروح المكان الي نبي
ريم بهدوء : ماكو مشكله
[/QUOTE]

7sawya_q8 ©؛°¨غرامي مشارك¨°؛©

عن نفسي البارت الاول مو عاجبني ومو عارفه شلون أغيره !

7sawya_q8 ©؛°¨غرامي مشارك¨°؛©

المشاركة الأساسية كتبها وردة الزيزفون اقتباس :
صباح الخير .. ياهلا فيك بغرام .. موفقة بطرحك .. عندي بعض الملاحظات على الرواية الاسلوب جيد مع انها تحتاج لزيادة بوصف المكان ووضعية الشخصيات داخل الحدث وردات فعلهم

لكن الفكرة منفرة ابطالك كلهم يرتكبون محرمات ماترضي رب العباد .. ريم بالجامعة يعني مومراهقة وحدة ناضجة كيف ترضاها على نفسها تتصرف تصرفات وقحة مخالفة للشرع الجمال مو بالشكل الجمال بلاخلاق المصيبة لو كانت فكرة روايتك على تبرير كل تصرفات شخصياتك وبعد كل هالاشياء يعيشو ابطالك بحب وسعادة .. القارئ صار يميل للواقع اكثر في احداث اي رواية ياليت تعدلي بفكرة الرواية حتى ماتفقدي انجذاب القارئ للرواية

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
اي ادري اصلا مو عاجبني حاولت أغيره بس مالقيت كلمه التعديل !!

7sawya_q8 ©؛°¨غرامي مشارك¨°؛©

لو ألغيها وارد احطها ﻤـِْرھ ثانيه ماعندي مشكله !!! المهم اعدل فيها !!

7sawya_q8 ©؛°¨غرامي مشارك¨°؛©

اصلا مابي أكملها اذا ماعدلتها

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1