Nada22 ©؛°¨غرامي جديد¨°؛©

~
✿ بسم الله الرحمن الرحيم ✿
كل عام وأنتم بأتم الصحه والعافيه
رمضان كريم وتقبل الله منا صالح الأعمال
سعيده جدا بعودتي لكم بروايه أحسبها
شيقه ومثيرهه ليست بالكامله ولا أتمنى لها النقصان .. قد تروق لأحدكم .. وقد لاتروق للآخر .. لذا أسعدني بقراءتك لها وتعليقك ..
سواء سلبي أو إيجابي فهنا نتعلم ..
نشارك الافكار ..
نطمح ..
لنصل سويا الى مانريد ❤

✿ ملاحظـــــــات مهمة ..
✿ كتابة الروايه أخذت مني وقت وجهد في التفكير ورسم الأحداث والحوار والشخصيات باسلوب يروق لذائقتكم الأنيقة .. لذلك لطفا
عند نقل الرواية الرجاء ذكر المصدر ..
( الكاتبه الصغيره/ندو ❤) ..
كتقدير لمجهودي في ارضائكم .. !
✿ لاتلهيكم الرواية عن ذكر الله أو الصلاة ❤
✿ أي خاطره أو قصيده ستكون مقتبسه الا
ماكتبت اسفله #بقلمي ..
أترككم مع الروايه .. ❤ !
روايتي ✿
( ببقى أحبك لين تفارق الروح صدري ❤ )
الكاتبه الصغيرهه / ندو

Nada22 ©؛°¨غرامي جديد¨°؛©

مدخل .. !

تذكرتك بعد موتك بكيتـك وإنكسـر رجـال
ونثرت بمجلسك حسره وقصيدة وجد لوصالك


أشيل من الحزن حملٍ تثاقـل تنقلـه أجيـال
وأنا ماينفطر قلبي كثر حزني علـى أمثالـك


أخايل طيفك بعيني وأنزلهـا قـدر وإجـلال
لأنك عايـش بقلبـي ورب الكعبـه لحالـك


غيابك موتي يغيابك كأنه صيف دون ظـلال
أدور لك من الذكرى بقايا رسـوم لأطلالـك


رثيت الطيب من بعدك عسير وصار ماينطال
أحسه مات مع موتك بعـد ماغابـت أفعالـك


أحس الأرض من تحتي تنافض يايبه زلـزال
وأقول الحزن مارافق بهالدنيا سـوى عيالـك

الشاعر/عادل الظفيري
،
âœ؟ البارت الأول ...
ركض بسرعهه البرق لسيارته شغلها وبجنون قادها عبر الشوارع الضيقه تجاوز السيارات غير مبالي بصراخهم وبواريهم اللي انطلقت بناء على غضبهم وخوفهم من هذا المجنون !
ماهتم لسيارة الشرطه اللي خلفه كان يسوق وبباله مع ابوهه فقط ارعبته المكالمه اللي كانت مع ابوه صرخ بجنون وهو يشوف سيارات الاسعاف والشرطه تحيط بشركتهم نزل وركض بوسط الزحام دخل من بين الرجال بصعوبه وهمساتهم المسمومه تنغرس بقلبه وبعقله كان يردد لا لا لا ابوي بخير مافيه شي انا توي مكلمه ابوي بخير ابوي بخير ابوي بخ... بتر جملته وهو يشوف جثة ابوه الممده على ارضية المكتب الرخاميه بقع الدم تناثرت حوله والفوضى اللي غزت المكتب واللي صار اشبه بحاويه القمامه .. جلس القرفصاء تجمع الدمع بعيونه وتنقلت نظراته مابين ثوب أبوه الممزق وشفايفه السوداء وعيونه الشاخصه وواضح فيها الرعب .. غمض عيونه وبنحيب/يبه .. يبه الله يخليك لاتروح ! جاوبني يالغالي يبه انا حمد يبه الله يخليك رد علي لاتروووح لاتروووح ياضي حياتي يبه لاتتركني لحالي ماعيش بدونك يبه الله يخليك لاتروووح وتتركني يبه يييييبه .. صراخه تناهى لمسامع اخوه اللي كان ممسك بيد ابوه من الجهة الثانيه والدموع بعينه حالت بينه وبين شوفة اخوه تنهد بوجع مد يده وحطها ع كتف اخوه/راح الغالي ياحمد رااح ابوي رااح ..
صرخ حمد وجثى على صدر ابوه يبكيه يبكي الحنان والامان يبكي العطف يبكي حياته اللي اظلمت بموت ابوه يبكي وجعه ويبكي همه يبكي ويبكي ويبكي رمى كل شيء وراه واختلا بدموعه وجثة ابوووه ... !!
،
،
رفع رااسه عن المخده ودموعه لازالت تنزل غصه بحلقه اجبرته على النحيب بصوت مسموع .. صوت الباب اجبره على الصمت غمض عيونه وبصوت مبحوح/مابغى اشوف احد اطلعوا برى .. ماسمع رد بل خطوات هاديه تقترب من سريره حس بيد ضخمه على كتفه فتح عيونه وشاف اخوه .. نحف وهالات سوداء احاطت بعيونه وذقنه المهمل بشعر غير متساوي .. رفع نفسه وجلس على السرير بصمت دام لدقايق قبل مايتكلم اخوه/حمد .. ابوي مات من شهرين .. لاتذبح روحك وتروح بعده ..
حمد بألم/خلني أموت مامن حياة بعده يارايد
رائد/وانا وين اروح ياخوي .. قوتي منك وعزمي منك .. اذا انكسرت انا بنكسر .. حمد امي ماتت من 23 سنه وهذا هو ابوي يتبعها محد باقي لنا غيرك حمد انا ومها نحتاجك ياخوي .. لاتكسرنا بكسرك !!
حمد يغمض عيونه/اللي كاسرني ياخوي ان ابوي مات مقتول ! ابوي اللي طول عمره يحب الخير للناس ولايرضى على الناس الفقيره والمحتاجه .. من يقتله وليه وش مصلحتهم !
رايد بجمود/اقسم باللي خلقني مايهنى لي بال لين القاه واقتله مثل ماقتل ابوي وحرق قلوبنا عليه !!
حمد بتهديد/راايد ياويلك لو تفكر تسويها مو ابوك لحالك هو بعد ابوي ! لاتتصرف بمراهقه
رايد/ماكلمت المحقق .. !!
حمد بقرف/الا كلمته قبل يومين وبكل بساطه يقول مافيه أي دليل يثبت ان ابوك مقتول !!
رايد فار دمه/شلون مافيه اي دليل !
حمد/اللي وضح لهم من الطب الشرعي ان ابوي مات بجرعه مخدر زايده !
رايد/ابووووي ! مستحيل ابوي عمره ماشرب هالبلا !
حمد/ايه ابوي مات مقتول بسبه المخدر بس صدقني راح القاهم لو يروحون لأبعد مكان !
رائد/حسبي الله ونعم الوكيل . . المهم قوم أنت ألحين خذلك دش وبدل وتعال كلنا تحت نستناك !
حمد بتعجب/من كلكم !
رايد/انا ومها اختك .. وعيال عمامي تحت يبون يشوفونك .. !
حمد لوى فمه/لاتقول اختي هذي اللي ذبحت امي ...
رايد بتنهيده/لاحول ولاقوة الا بالله .. حمد هذا يومه ومها مالها دخل !
حمد يقوم من فراشه/الا لها دخل ونص ..
دخل الحمام وترك رايد يهز راسه باسف ع اخوه من 23 سنه وهو يكره مها وباعتقاده هي السبب في موت امههم.. !!
.
.

م€ٹ صقر بن حمد الراجح ! ..م€‹
صقر / رجل طيب وخلوق ومحترم مدير الشركه الخاصه فيه .. عادل جدا وحازم في عمله .. توفي مقتول زي ماشفتو فوق !
زوجته / متوفيه من ثلاثه وعشرين سنه .. !!
حمد / الابن الأكبر .. عمره خمسه وثلاثين سنه طويل ومعضل وحنطي البشره عيونه سوداء واسعه ورموشه كثيفه خشمه النحيف سكسوكته المرسومه .. دكتور جراح متفوق وناجح بحياته العمليه فقط  ^_* .. ثقيل ورزه جامد احيانا وعصبي دايم .. مع القصه بتعرفون شخصيته أكثر !!
رايد او رائد / الابن الثاني عمره تسعه وعشرين سنه رجل اعمال وله مؤسسه صغيره بادارته رجل هادي جدا حنون وعاطفي جدا .. ملامحه قريبه من اخوه .. اثنينهم يشتركون بالطموح والتفوق ودايم اسمهم فوووق في اعلى المراكز ...
مها / البنت الوحيده للعائله ناعمه جدا نحيفه وطولها متوسط عيونها عسلي وناعسه وبشرتها بيضاء شعرها لتحت اكتافها وناعم هاديه وحساسه جدا ..
.
.
وقفت على راس الطاوله وبمرح/صباحو يالعرسان ^_*
ابولينا/هههههههه وش عرسانه رااحت علينا
ام لينا/راحت عليك بس انا بعدني شباب وش زيني ..
لينا/ههههههههه شوفي ماما انتي زينه ايه بس صرتي عجوز خلاص ..
ابولينا/ههههههه ايه بعدي يابوي ..
ام لينا/والله يالينا ؟
لينا/ههههههههه ايه .. لفت ع ابوها/اش رايك بابا ازوجك ..
رفعت ام لينا يدها وضربت لينا ع كتفها /ياللي ماتستحين ..
هربت لينا من عندهم وتفرك مكان الضربه/هههههههه امزح يانوارتي اشبك ع طول تعصبين ..
وقفت ام لينا بعصبيه بس جلست وهي تضحك لانو لينا هربت قبل تتحرك لها ..
ابولينا/ههههههههههههه يالله انك تستر عليها وتحفظها ..
ام لينا/امين يارب والله انها ماليه علي البيت
ابولينا يمسك يد نوره ويبوسها بحب/وانتي مليتي علي كوني *_~ ..
اما لينا طلعت والضحكه ماليه وجهها الطفولي لبست نظارتها الشمسيه وركبت السياره/سلام
رغد حاطه يدها ع خدها/ بدري انزلي كملي نومتك ماتاخرنا ترى ..
لينا تشد ع خدود صحبتها/يؤؤؤبشني انا والله خلصت بدري بس قعدت احارش طيور الحب
رغد/ههههههههههههه انتي ماتتوبين ؟
لينا/هههههههه لا والله احب اناقرهم خاصة ماما تعصب بسرعهه ..
رغد تنهدت/ حظك يارغد ماشاء الله ..
لينا حضنت رغد/ ياروحي انتي والله اني اعتبرك مثل اختي انا ماعندي خوات بس والله اني عادتك اختي وتوأمي ..
رغد بحزن/لينا تعرفين انتي وش تعنين لي انا اتكلم عن ماما وبابا ... ع طول هواش ومناقره
لينا/طبيعي اي زوجين بالدنيا تحصل لهم مشاكل وهواشات ..
رغد/ههه بس امي وابوي حطمو الرقم القياسي بالهواش اتمنى بيت هادي مافيه مشاكل مافيه صراخ !!
لينا بتعاطف/هونيها وتهون ياروحي كل شيء راح يتعدل باذن الله ..
رغد/الله كريم ..
.
.
م€ٹ عائلة عبدالله بن محمد . .م€‹.
الأب عبدالله .. صاحب و مدير مدارس التفوق الأهليه .. !
الأم نورة .. مديرة مدرسه التفوق الأهلية ..
ثنائي زوجي هادي جدا ومثالي في التربيه والاحترام حنونين وعطوفين جدا .. !
لينا وحيدة اهلها عمرها اثنين وعشرين متوسطه الطول جسمها ريان ومفصل عيونها الواسعه العسليه ورموشها كثيفه بيضاء جدا وخدودها متورده شفايفها ورديه .. شعرها لاخر ظهرها اسود
.
.
عائلة يوسف بن راشد ..
 الاب يوسف .. يشتغل بالبنك .. مهمل جدا لبيته وأولاده عصبي جدا ودايم غايب عن بيته !
 الام مروه ... تحب نفسها ومهمله لبناتها همها الطلعات والمناسبات والافراح .. !
رنا البنت البكر عمرها خمسه وعشرين سنه متزوجه وعندها بنت ومستقله بحياتها وبعيده تمام البعد عن اهلها الا من اتصالات رسميه جدا !
رغد البنت الثانيه عمرهااثنين وعشرين هي صديقة لينا وتوامها من طفولتهم وهم مع بعض .. بنفس العمر والتخصص .. بطول لينا عربجيه نوعا ما شعرها بني لنص ظهرها ملامحها عاديه حنطيه البشره وعيونها سوداء انفها مدبب نوعا ما مرحه جدا ومن داخلها جدا مجروحه بس تكابر ! تدرس مع لينا بتخصص كيمياء !
وعد البنت الثالثه عمرها ثمانيه عشره¨..
،
،
بعيدا عن ضجيج المدن وصخب الحياة الغنيه في قرية ( المزون ) تبعد عن مدينة
( الرافيه ) ال 250 كيلو .. في منزل يشبه بقية المنازل المتراصه بعشوائية لاتفصل بينها مسافات كبيره .. بالتحديد في منزل شعبي ..
وقفت سيارة الددسن القديمه قدام باب البيت ونزل منها رجل بأواخر عمره الخمسين لابس ثوب اسود وعمامه على راسه فتح باب البيت وهو ينادي بأعلى صوته/ياصييييته !
صيييته .. صيييته ..
تقدمت منه إمرأه كبيره بسنها لابسه جلابيه بنيه ولافه شيلتها على راسها /سم يابو فهيد لبيه ..
ابوفهيد/اعنبو ابليسك انتي ماتسمعين لي ساعتن اناديك !
ام فهيد/السموحه يابوفهيد كنت بقصى البيت منيب حول الباب !!
ابوفهيد يجلس/ماعليه .. اسمعي انا اليوم رحت للمدينه وقابلت لي رجالن سنايدي وعلمته يدبر لبنتك شغل وقال الشغل موجود ومن زمان يدور له ع احدن يوظفه !
تهلل وجه ام فهيد وبفرح/الله يبشرك بالخير يالغالي ياوجه الخير .. والله اني كنت شايلتن هم بنيتي تغربل !
ابوفهد/عاد علمي بنتك الساعه ست المغرب تجهز اوديها للشغل .. هو يقول الساعه تسع يبدا دوامها وينتهي لاصبح الصبح !!
شهقت ام فهيد وهي تحط يدها ع راسها/ياويحي انت تبي بنتي تقعد لانصاف الليول عند ناسن غرب !!
ابوفهد/والله انتي قلتي تبين لبنتك شغل وهذا هو المووجود ابتسم بخبث وهمس بصوت مبحوح/وبعدين الرجال يقول بنعطيها خمسة الالاف ريال ..
لمعت عيون ام فهيد بطمع/كل شهر خمسة الالاف !
ابوفهد/ايه وان جازلهن شغلها بيزيدونها !!
ابتسمت ام فهيد/بروح ابشرها وبقولها تجهز .. ياعلني ماخلا منك يابو فهيد ..
راحت ام فهيد تخبر بنتها بالشغل الجديد واللي قوبل بالرفض من بنتها !
ام فهيد تشد اذنها/هاللحين عمك يتعب ويدور لك واخرتها تقولين مابيه !
ساره بوجع/يمه الله يخليك عورتيني انا ماقلت لك بشتغل يمه انا ابغى ادرس باقي لي سنه واخلص الثانوي !
ام فهيد/ايه مايخالف تشتغلين وتداومين !
ساره بقهر تفرك اذنها بعد ماتركتها امها/كيف اداوم واشتغل بنفس الوقت مايصلح !
ام فهيد/شغلك بيكون تسعه بالليل لين الساعه ثلاث او ثنتين !
شهقت ساره بفزع/يمه تبين ترميني لتالي الليول ماتخافين يصير بي بلا !
ام فهيد/موب صايرلك شيء الشغل مهوب عيب وانا امك انا تعبت وايديني طاحن من الخياطه ومعاش عمك مايكفي ولاتنسين اخوانك يبون لهم متطلبات مدارس وعلاج ومصاريف الله ياكافي !!
ساره/ولايهمك انا اشتغل عنك بالخياطه وبعدين الطبخات اللي يشترنها مني الجيران تدخل علينا بمصروف يغطي احتياجات الحاره كلها مو بس بيتنا !
ام فهيد تفتح دولاب بنتها/بس عمك يقول بيعطونك خمسة الالاف ريال بالشهر وان جاز لهن شغلك زادوك !!
ساره/يمه تكفين هوني عن الموضوع وبعدين انا وراي اختبارات بذاكر وبقوم اسوي الغدا ماغبت اليوم الا عشان اذاكر !
ام فهيد بغضب/سوير علمن ياصلك ويتعداك بتشتغلين يعني تشتغلين وياويلك لو ماتبيضين الوجه .. الساعه ست بياخذك عمك للمدينه ..
ساره بغيظ/ماجاتنا المصايب الا من عمي عسا تنعمي عيونه !
سكتت لما خزتها امها بنظره !!
طلعت ام فهيد وتركت ساره محتاره . . !
.
.
عائلة خالد بن فهيد ..
الأب خالد .. له مزرعه صغيره يتاجر بها بسيط جدا .. أناني ولاتهمه غير مصلحته ! يعشق الريال ويقدسه لو يبيع عياله في سبيله مايمانع !!
الأم صيته امراءه كبيرههه بسنها تزوجت رجل اسمه فالح وجابت منه بنتها سارهه .. وقدر الله انه يموت ! فتزوجت من خالد وجابت فهيد وساري !
ساره18 سنه عنيده جدا ومثابره ومكافحه تدرس بالثانوي ومعتمده على نفسها الطيب في الأكل تبيع ويدخل عليها بمدخول بسيط يرضيها .. بشرتها بيضاء وصافيه شعرها بني ملفلف طبيعي عيونها واسعه ونظرتها حاده ابتسامتها لؤلؤيه فيها عيب بسيط باسنانها مميزها وهو في نص سن راكب ع السن اللي جنبه بس معطيها ميزه وجاذبيه ذكية جدا ومغامره !
فهيد 15 سنه
ساري 12 سنوات ..
~
في مدينة الرافيه â‌¤ . .
تقدم وعبارات الترحيب تسبقه/هلا ومرحبا نور البيت .. حيا الله عيال العم !!
ابتسم بحب لولد عمه وحضنه بقووووة وكأنه يحسسه بالوجع اللي بقلبه .. !
حمد/حياكم منتم غرب .. والله هذي الساعهه المباركه ..
سلمان/المبارك وجهك ياولد الغالي ..
تنهد حمد وهو يهمس/ماعاد به غالي وانا اخوك ..
حط فيصل يده ع كتف حمد/تعوذ من ابليس هذا حال الدنيا وانا اخوك .. ابوك من شهرين متوفي وانت للحين مكسور عودك ..
سلمان/حمد ياخوي مايصلح كذا يعلم الله كلنا انكسرنا بموتة الغالي عمي الله يرحمه .. بس انت الحين صرت المسؤول عن اهلك لاتضعف بيضعفون ..
حمد بطفش/اي اهل راايد ورجال شهور ويصير تسعه وعشرين سنه ..
فيصل بنغزة/ومها لاتكون بنت الجيران ..
حمد بتأفف/هذي مهيب اختي وخلها تضعف والا تقعد ماتهمني ..
سلمان/اسمع ياحمد انا والله جايك وفيصل عشان تطلع من العزله اللي انت فيها !
ياولد مايصير كذا شركة أبوك ماعاد تدري عنها حلالكم بيضيع ان تركتوه للي ذبحو عمي !!
حمد بغضب/اقسم بالله ماخليهم بس احط يدي عليهم وربي لامحيهم من وجه الارض
فيصل/طيب انت اهدى الحين وجاوبني كيف بتلقاهم وتمحيهم ع قولك وانت قاعد بالبيت وتبكي مثل الحريم !
سلمان/حمد اذا تبي تلقى قاتل ابوك لازم تروح الشركه وتشوف كل شيء من جديد مع الوقت بتوصل لهم الا مايتركون دليل ورااهم
فيصل/مانقولك لاتحزن ع ابوك بس ماتجلس متخاذل امسك يد اخوك ومع بعض رجعو اسم شركة عمي الله يرحمه ..
حمد/الله يرحمه .. وقف /دقيقه لاتروحون
طلع غرفته على عجل وبدل بنطلونه بثوب ابيض وشماغ وجزمه بيضاء تعطر من عود ابوه وطلع بعد ما اخذ مفاتيح سيارته ..
ابتسم وهو يدخل المجلس/يلا قومو معاي بروح الشركه ..
ابتسمو سلمان وفيصل ووقفو معاه وطلعو متوجهين للشركه ويحاولون قد مايقدرون ينسونه همه .. !!
.
.
عائلة سعود بن حمد بن راجح .. م€‹
الاب سعود .. يتاجر تجاره حره وهو المسؤول عن المصنع الخاص بشركة اخوه .. ششخصيه انهزاميه وضعيفه جدا ! يسمع لكلام زوجته .. !
الأم منى مغروره جدا وسليطه لسان متسلطه ومتحكمه بزوجها !!
سلمان عمره 33 سنه ..
مدير لاحد الاقسام بشركة عمه صقر .. يملك مجله خاصه فيه وبكل عدد ينزل مقال يلاقي صدى جدا كبير .. غامض جدا جدا .. بعيد عن الصحافه مع انها تتمنى منه كلمه !
صديق فيصل و حمد اولاد عمه يعتبرهم كاتمين اسراره وصديقهم المقرب !
سيف عمره 30  سنه .. طول عمره بفرنسا !!
.
.
م€ٹ عائلة بندر بن فيصل السلطان .. م€‹
الأب .. بندر .. طيار .. !
الأم .. خلود بنت حمد بن راجح .. !
فيصل عمره35 سنه متزوج من ( روان ) .. عنده بنت اسمها لتين  .. !
رجل جاد وهادئ يحب زوجته بجنون وحياته مابين بيته وزوجته وعمله .. !
،
،
جلست بضيق/اوووف برد ياربي شوفو يديني تجمدت اااي ..
ناظرتها بنص عين/انتي مبالغه برد بس مو لدرجه تصيحين يالدلوعه ..
حركت شعرها بدلال/كيفي والله اتدلع ع كيفي انا حرررره ..
افففففف ..
التفت/خير انسه رغد ليه تتأففين ؟
رغد بضيق/شوفو من جاي لطاولتنا ..
لينا تنزل عصيرها ع الطاوله/عمري بحياتي ماراح ارتاح لها ..
تقدمت البنت من طاولتهم وبدلع مصطنع/كيفكم بنات ..
البنات/حمدلله ..
ردت وهي تنزل نظارتها عن عيونها/انا باحسن حالاتي النفسيه ..
رغد بسخريه/عساه دوم انسه نهى ..
نهى بضحكه مستفزه/وياك حبيبتي .. تفضلو مدت يدها فيها اربعه بطاقات صغيره ومرتبه ناظرت فيها لينا/اش هذا ؟
نهى تحط البطاقات ع الطاوله/بطاقة دعوه انا وشلتي مسوين بارتي لغاده تعرفون توها طلعت من حادث ..
لينا ببرود/حمدلله ع سلامتها ..
نهى/تعالو بليز خلونا نستانس ..
رغد بملل/ان شاء الله ..
نهى تلبس نظارتها وبدلع/بااااي !
لينا/اوووف هم ع قلبي شوفتها .
رغد/مي تو ماحبها متصنعه ..
تولين/عادي ما احس تجاهها اي شعور ..
جمانه/انا احسها طيبه حرام تقولون عنها كذا
لينا/طيبه انتي ياقلبي هذي حيه سوسه ..
رغد تقرأ البطاقه/اش رايكم نروح ؟
جمانه/ايه تكفون من زمان عن الحفلات
لينا بتعجب/من جدكم لا معليش روحو لحالكم انا هالبنت ما ارتاح لها ..
تولين بضحكه شرانيه/بنات خلونا نروح منها نستانس ومنها نجننهم ..
رغد بحماس/كيف نجننهم ؟
تولين/اممم ماعرف بس بندبر لهم مقلب يحبه قلبك هههههههه
رغد تصقع كفها بكف تولين/والله انك جبتيها من جد نستانس ونفلها ..
لينا/انا مو معكم ..
جمانه/انا بروح بس ماني معكم بالمقلب حراام
تولين/اشش بس انتي كل شيء عندك حرام ؟
التفتت على لينا/هيه انتي بتروحين يعني بتروحين ..
لينا تسند بيدها ع الطاوله/بنات والله ما ارتاح لها هالبنت سمعتها مو زينه وبعدين هي ماتطيقنا ودايم تتمشكل معنا .. ليه الحين تعزمنا ..
جمانه بطيبة قلب/يمكن تبي تبدى صفحه جديده معنا ..
تولين/لا انا ادري ليه .. بس تبغى تحرنا وتسوي فيها انها البنت الذوق والغنيه . . وحمدلله انا نعرف البير وغطاه !
رغد/توته انا معاك بس خلينا نفكر لها بمقلب محتررم ههههههههههه
تولين تناظر لينا/ترى بتروحين غصبا عنك ..
لفت ع رغد وجلسو يخططون وش يسوون بالحفله ... ^_^
.
.
م€ٹ عائلة سعد عبدالرحمن .. م€‹
سعد الأب رجل أعمال غني لكن أقل من عائلة الراجح .. هادي جدا وحياته كلها شغله !!
زوجته مطلقها من سنوات طويله .. !
روان البنت البكر شخصيه عنيده ومغروره عندها مشغل متخرجه من الثانوي وماكملت دراستها عمرها26 سنه متزوجه فيصل الراجح
تولين عمرها 22 سنه مجنونة مقالب ومرحه جدا وفرفوشه مهمله جدا بدراستها .. ! تدرس بتخصص إعلام .. !
.
.
م€ٹ عائلة سالم بن تركي .. م€‹
سالم الأب يشتغل بالشرطه .. !
جوهرة الام حنونه جدا وطيبه ع اولادها .. !
جمانه البنت البكر عمرها 22 سنه طيبه جدا وعلى نياتها هادئه .. ! تدرس تخصص حاسب آلي ..
عبير/عمرها 20 سنه جريئه وقويه تأخذ حقها وزود تدرس في إداره الأعمال .. !
،
،
تغلغلت ريحة الكشنه بأنفها حست بإنتعاش وهي تحرك الملعقه وشوي تحط ملح وتذوق الطبخه .. تموت بشي اسمه طبخ كانت تتنقل من قدر لقدر وبقمة سعادتها .. اشتهرت بين جيرانها بنفسها الطيب بالأكل .. جلست ع الارض وبدات تقطع السلطه بحماس .. فزت برعب ع شهقة امها ..ناظرت بالمطبخ مرتب ونظيف والقدور مافييها شي ..
ساره بتعجب/يمه ليش تصيحين وش فيه !
ام فهيد بغضب/هو انتي هبلا والا تستهبلين علي .. ؟
ساره باستفهام/وش فيك ؟
ام فهيد اعنبو دارك الساعه صارت ثنعش الظهر وانتي لهالحين تنفخين وتطبخين .
ساره/يمه انا دايم ارسل الاكل ع الساعه ثنتين ونص .. بدري .. ابتسمت بانجاز/واصلا خلصت بس هالسلطه اقطعهم ولاجات وحده وزعت الاكل والطلبات ..
ام فهيد/سوير انا قايلتن لك طبخ للناس ماعاد نبي خلاص اليوم اخر يوم تطبخين فيهه وبسرعه خلصي وروحي تجهزي عشان تروحين مع عمك ..
تأففت ساره بداخلها وجلست تكمل السلطه/يعني لازم يذكروني بالشغل اللي طاح ع راسي مدري من وين الله لايوفقك يا عمي ..
،
،
اغتصب ابتسامه على شفايفه.يجامل فيها الصحافه اللي ملئت الشركه .. مية سؤال وسؤال ينسأله بس كان يمشي بثبات وثقه ومتجاهل الأسئلة ..
وقف عند باب مكتب ابوه تنهد وبباله ذكرى مؤلمه تعب وهو يحاول ينسى شكل ابوه الغارق بدمه سمى بالله وفتح الباب ..فتح فمه من الصدمه .. المكتب اللي كان حايس وممتلى بريحة الموت والدم تغير جذري تقدم وبنظرة اعجاب صار يناظر جدران الغرفه المطليه بالأبيض المذهب وحواف الغرفه باللون الذهبي والمكتب الأبيض بكرسي أبيض وجلسة بيضاء مطرزه بذهبي .. ابتسم واستنشق ريحة العود من المبخره اللي ملئت المكان ..كان المكتب مرتب ونظيف ومهيئ لاستقبال مدير الشركه الجديد ..
حمد بن صقر بن رااجح ..
حس بيد سلمان ع كتفه/تدري عاد اني لفيت ثلاث محلات عشان القى المكتب المناسب لحضرتك ..
فيصل/مو بس كذا جلسنا اسبوع نقرر اش لون البويه ..
حمد/ههههههههههه ماقصرتو والله من جد المكان متغير 180 درجه ..
سلمان/اخترنا الأبيض عشان يعطيك طاقه ايجابيه وماتتنكد من اللون القاتم ..
حمد/صح اللون الابيض بارد وحلو ..
فيصل/دخلنا مع رايد ولمينا الاوراق اللي كانت منناثره بالارض والملفات والمستندات كلهم صارو بأمان مع رايد ..
حمد/متناثره ؟
فيصل/امممم ايه وشكلها يوحي بان اللي ذبح عمي كان يدور على شيء ..
حمد باهتمام/مالقيتو شي غريب ؟
سلمان/اغلب الاوراق كانت ملفات وصفقات مو شي غريب ..
حمد بتفكير/اهاا ..
فيصل/الحين انسى سالفة عمي ع الأقل لين ترجع الشركه لوضعها الطبيعي ..
سلمان/صحيح رايد يقول ان الشركه بتنهار والمستثمرين بدؤ يسحبون اسهمهم من الشركه ..
حمد بضيق/بس انا والله ماعرف للتجاره
سلمان/لاتكدر خاطرك احنا بنظل معك وخطوة بخطوة لين ترجع الشركه مثل ماكانت ..
حمد يجلس على الكنب وبملامح جامده/ ان شاء الله ..



âœ؟ انتهى البارت الأول . .

محمود الزهراني ©؛°¨غرامي مبدع¨°؛©

بدايه جميله ورائعه

موفقه ان شاء الله

طرح في قمة الروعه

يعطيك العافيه وما قصرتي

تشكرات كثيرات

أعجبني كثيراً , أستمري بالطرح

أسلوبك جداً جميل ورائع

تقبلي مروري / محمود

Nada22 ©؛°¨غرامي جديد¨°؛©

المشاركة الأساسية كتبها محمود الزهراني اقتباس :
بدايه جميله ورائعه

موفقه ان شاء الله

طرح في قمة الروعه

يعطيك العافيه وما قصرتي

تشكرات كثيرات

أعجبني كثيراً , أستمري بالطرح

أسلوبك جداً جميل ورائع

تقبلي مروري / محمود

سعيدة جدا بمرورك اخي محمود .. اتمنى تعجبك للنهايه

Nada22 ©؛°¨غرامي جديد¨°؛©

âœ؟ البارت الثاني ..
تنهدت بتوتر .. فتحت دولابها الخشبي الصغير اخذت اغراضها ودخلت الحمام الموجود بغرفتها .. تحممت ع السريع وطلعت جلست على سريرها وهي تحط من كريمها اللي جابته لها صديقتها .. سرحت بعيد عن واقعها المر سرحت بأفكار تكشف عن حالتها المتوتره انفاسها الغير منتظمه ونبضات قلبها المتسارعه .. قلبت شعرها وجلست تجففه لحظات قبل تدخل أمها الغرفه ... !
ام فهيد/سوير ماخلصتي عمك مل من الانتظار ..
ساره ببرود عكس التوتر اللي بداخلها/ بدري توها اربع ونص .. خليه ينتظر متى ما خلصت نزلت له ..
ام فهيد تجلس جنب بنتها/تعوذي من ابليس يامي .. باذن الله بيكون الشغل ممتاز ويكون فاتحة خير علينا يابنيتي !
ساره بمنطق/يمه انا بسألك هالحين الطلبيات حقت الاكل كم اربح من وراهن ؟
ام فهيد /نربح بحدود ثلاثة الالاف ريال ..
ساره/حلو ثلاث الالاف مع خمسمية راتب عمي وألف قيمه فساتينك اللي تخيطينهن اربعة الالاف ريال تكفينا وزود .. يمه الله يخليك دبريني وفكيني من هالشغل ..
ام فهيد بنرفزه/اسمعي ياسوير عمك تكسرت رجيلاته لين جابلك الشغل .. وبعدين انتي منتي بخاسرتن شي روحي يابنيتي وشوفي وشو من شغل كود انه يعجبك وتريحين نفسك من الطبخ والنفخ .. وارتاح انا من الخياطه ..
ساره برجاء/يمه لاتتعبين روحك وقفي الخياطه وانا برفع سعر الطلبيات وباذن الله نلقى خير ..
ام فهيد/قلت لك طبخ مانبي .. خلاص شوفي لبسك البسي واخلصي عمك ينتظرك من اليوم !
تأففت وهي تضرب رجلها بالأرض بملل من الشغل اللي طلع لها فجأه ..
فتحت دولابها واختارت اول شي قدامها كان عباره عن تنوره سوداء استرتش هلكت من كثى ماتلبسهم وبلوزه عاديه بيضاء لبستهم بعجل ولبست معهم صندل اسود .. مشطت شعرها ورفعته على فوق حطت مرطب وهو الوحيد اللي معها باعتبار انه عيب البنت تحط مكياج .. !!
اخذت عبايتها ساده واخذت شنطة سوداء حقت المدرسه حطت فيها كتابها ومرسام حطتها ع ظهرها وطلعت من غرفتها لعمها اللي وقف بدون مايناظر فيها .. !!
،
،
،تمددت على الكنبه المقابله للتلفزيون وبفتور قلبت القنوات توقفت على قناه فيها برنامج حواري مع ممثل حطت يدها ع خدها وصارت تتابعه بملل وبدون تركيز .. !
دقايق فقط قبل ماتسمع صوته متقدم لناحيتها ومبتسم/اش فيها الحلوه زعلانه ؟
جلست باستقامه/محد زعلني ؟
جلس جنبها وبحنان/اجل ليه قاعده لحالك ومبوزه ؟
ناظرته بعتب/ بالله .. وين اروح لا بنات عم ولا صحبات ولا اخوات .. ماعندي الا الجدران ذي والتلفزيون ..
حزن عليها/طيب اش رايك نطلع ؟
نطت بفررح/قول والله ..
رايد بابتساامه/والله نطلع نتمشى ونتعشى برا توسعين خاطرك شوي ..
مها تحضنه/ياربي لايحرمني منك يارودي دقيقه بس ابدل ..
ركضت بفرح بس انقتلت ابتسامتها لما شافت اخوها واقف عند الباب ومتكتف .. !
حمد/ع وين ان شاء الله ..
عجزت الحروف تطلع تملكتها رجفه من اعلاها حست بيد رايد ع كتفها وسمعته/بنطلع نتعشى برى تجي معنا .. ؟
حمد/ومن متى تطلعين بدون اذن ؟
رايد بتعجب/حمد اش فيك اختي وبتطلع معي اش المشكله !!
حمد/اطلع مكان ماتبي بس هي ماتطلع ليه الدنيا فوضى ما وراها والي تستأذنه !!
رايد بقهر/حمد انا اذنت لها اش يعني ماني مالي عينك .. !
حمد وعيونه ع مها/ اذنك لنفسك مها ماتطلع بدون اذني انا اخوها الكبير والحين انا المسؤول عنها بعد ابوي الله يرحمه ..
رايد بقلة صبر/تعوذ من ابليس ياحمد انا اخوها بعد وخلاص المره الجايه ناخذ اذنك وبهمس/لاتكسر كلمتي ياحمد ..
حمد بغضب/هذي المفروض مكانها السجن القتلة مو من حقهم يعيشون .. سحبها بقسوة من بلوزتها ودفها ع الدرج/انقلعي غرفتك ولاتشوفك عيني باي زمن .. !
رايد بغضب/حمممممد وبعدين معاك متى تفهم مها مالها دخل بموتة امي متى تستوعب !!
حمد بصراخ/الا لها سبب لو ماتعسرت ولادتها ماكان امي ميته الحين .. !
رايد/امك هي امها ياحمد بعدين ربي كتب لها الموت .. استوعب حرام عليك واترك هاليتيمه اللي ماشافت يوم حلو بحياتها . .
حمد يرفع يده بوجه اخوه بمعنى اسكت لف ظهره وطلع لجناحه بعد ماترك اخوه يغلي من تفكير اخوه وقسوته .. !
،
،
،
صمت ..هدوء .. قبضت على كفوفها تتعوذ من الشيطان ..ناظرت بعمها مركز نظره بالطريق ووجهه خالي من التعبير .. !!
تنهدت وبقلبها تقرأ المعوذات والاذكار .. ساعتين ونصف قضتها لين وصلت لأحد مجمعات المدينه فزت برعب .. !
ساره/عمي انا بشتغل هنا ؟
ابوفهيد/لا بس انتظر رجال بيوصلنا لشغلك !
تنفست براحه .. وناظرت بإعجاب للمجمع الضخم وانواره الساطعه وسيارات الفارهه والناس .. ظلت تتأمل بصمت .. نص ساعه وانتبهت لعمها اللي حرك السياره ناظرت قدامها وانتبهت للجيب الاسود اللي وقف بعيد بشوي عن المجمع .. نزل عمها لحظات وتقدم من بابها وفتحه/انزلي ..
ساره بخوف/ليه ؟
ابوفهيد/روحي اركبي في الجيب بيودونك للشغل ..
نزلت ساره بهدوء قربت من السياره ببطء انتبهت للرجال اللي واقف عند باب السائق طويل وبعضلات وببشره سمراء !
صرخت برعب وركضت بترجعع لسيارتهم قبل ماتعترض طريقها يد عمها اللي شد بها على كتفها وبهمس قريب لفحيح الأفعى/اقسم بالله لو ماركبتي وسويتي مشاكل انه ليكون اخر يوم بعمرس .. منيب فاضي للبزران انا اخلصي اركبي .. !!
ساره بدموع/عمي تكفى مابي اروح .. انا خايفه ..
فتح ابوفهيد الباب ودفها جوا السياره/الساعه وحده بجي اخذس .. اقسم بالله لو فشلتينا والا سويتي مشاكل ماتلومين الا نفسس .. !!
هزت ساره رأسها ودموعها بللت نقابها نزلت طرحتها على عيونها واستسلمت للبكاء بصمت خوف من المجهول .. رعب .. توتر .. اش الشعل اللي هي رايحه له .. من بتواجه .. اش بيصير .. عجز عقلها يتخيل الشغل المنتظرها تنهدت وظلت تستغفر لين هدت ... !!
،
،
،

جالس على سريره لابس بجامته الزرقاء مخططه خطوط خفيفه أسود يقلب صفحات المجله بدون اهتمام
دخلت عليه زوجته وقفت قدام التسريحه تمسح مكياجها نزل المجله ع الكمدينه وصار يناظرها وهي تمسح مكياجها وتنزل العدسات والرموش .. مسكت شعرها ولمته بعشوائيه بشباصه رفعت عيونها ع المراية وشافت زوجها يناظرها ... !!
روان/خير إن شاء الله .. فيه شي !!
فيصل بحب /زوجتي حلالي حرام اناظر فيك ؟
روان/مو حرام بس ماشبعت !!
فيصل بهيام/لو اجلس طول العمر اناظر بهالملاك ما أمل أبد .. !
روان بغرور/أكيد مو روان بنت سعد ...
دخلت غرفه الملابس وتركت فيصل مبتسم بحب لها مهما كانت مغرورة او عنيدة يعرف بداخلها قلب طيب انتبه عليها جات وانسدحت بمكانها من السرير .. 
فيصل يحط يده على كتفها/حبيبتي ..
روان بانزعاج/يووه فيصل وش تبي !!
فيصل/بدري عن النوم توها تسعه قومي اجلسي معي خلينا نسولف .. من زمان ماجلسنا سوى ..
روان/هففف انت فاضي فيصل جدا .. بنام بكرة عندي شغل .. !!
فيصل/وش شغله لايكون شركتك تنتظرك وانا مدري !
روان تجلس على يدها وتناظره/لا مو شركتي بكرة الساعه ظ،ظ عندي ظ£ عرايس وخواتهم .. !!
فيصل/انت بتسوينهم ..؟
روان/لا العاملات بس لازم اشرف عليهم ..
فيصل استانس انها تسولف معه/ خلاص يعني عادي تتأخرين .. جلس وسحبها لحضنه وحط خشمه على رقبتها .. 
روان تدفه بنرفزة/اوووووه فيصل لاتسوي لي فيها حركات غراميه ابي انااااام .. !!
فيصل زعل/انتي وبعدين معاك انا زوجك فوق انك ماتجلسين بالبيت تبين تحرميني منك . !
روان ترفع حاجبها/نعم نعم لايكون تبيني اجلس بالبيت حالي حال الخدم .. لا ياحبيبي انا روان بنت السعد !!
فيصل بضيقه/ماقلت اقعدي مثل الخدم بس انا رجال واجلس بالبيت اكثر منك مايصير كذا ما كأننا متزوجين حتى بنتك طول وقتها مع المربيه ماتلتفتين لها ولا كانها تعنيك !!
روان/فيصل انا مارديتك تبي تطلع اطلع ماقلت لك اقعد بالبيت وبنتي انا عارفه اكثر منك كيف اهتم فيها بليييز ماتتدخل يافيصل .. والحين ممكن تسكت لاني ابي انام ... !!
عطته ظهرها ونامت وفيصل انقهر منها صار لهم ظ£ سنوات متزوجين كل مرة يقول بتعقل بتنتبه لبيتها بس كل مالها تهملني وتهمل نفسها وبيتها .. !
وقف فيصل بدل ملابسه وطلع من البيت !
~
انتزعها صوته الضخم من سرحانها الطويل رفعت عينها ع الشباك وبشهقه خفيفه طلعت منها وهي تشوف القصر الفاخر جدا .. جدرانه العاليه والانوار الذهبيه واللي عكست بهدوء جمال الرخام الأبيض الممتد تحت رجولها ناظرت بذهول للحديقه الدائره حول الفيلا والمسبح الكبير وعلى أطرافه تماثيل لدلافين واسماك ذهبيه فاخره جدا وطاولات بيضاء بكراسي جميله .. ناظرت للباب الخشبي اللي انفتح وطلعت منه خادمه كوريه لابسه تنوره قصيره ازرق وبلوزه زرقاء وعليها سديري أبيض وفلات أبيض .. انحنت بهدوء وباحترام للرجال الواقف جنب سارهه ..
الخادمه بالانجليزي/تفضلو السيد بانتظارك !
تقدم الرجل / كينا من فضلك اصطحبي هذه الفتاه للمطبخ واشرحي لها عملها .. اهتمو بها
دخلت ساره بخطوات حذره تراقب البيت من الداخل .. صالات متداخله اسقف مرتفه مطليه بالذهبي والاضواء الذهبيه تزيد من فخامة القصر .. !!
ساره في نفسها/الله وش ذا العز ماشاء الله !
وقفت بتوقف الخادمه شافتها تأشر لها تدخل دخلت للمطبخ واللي كان فاضي الا من عاملتين ..
كينا/هذه الخادمه الجديده .. !
رولا/من تكون ! القصر ممتلئ بالخادمه !
كينا/لا أعلم السيد محمد احضرها لهنا ..
ساره مثل الأطرش بالزفه لغتها الانجليزيه محدوده جدا .. مافهمت شي بس حست باستنكارهم لها .. !
تقدمت العامله الاخرى واللي كانت من جنسيه لبنانيه مدت يدها تصافح ساره/ اهلا بيك .. انا ضي ..
ساره بابتسامه/وانا ساره ..
ضي تناظر بساره بقرف من شكلها/شو من خبرك ع هالمكان ؟
ساره/عمي
ضي/ليك حكياتك غريبه انتي من وين
ساره /من قريه ال .... !
ضي/هههههههههه يه وانا عم اؤول حكياتك كتير بلدي وشكلك و...
قاطعتها ساره/كلنا اولاد ادم .. ممكن اعرف انا وش شغلي ليه جايبيني هنا ..؟؟
ضي تمسح ع شعرها/خليكي هون بنادي لك مديرتو للأصر تخبريك شو تعملي .. وبضحكه/ مو ستايلك ههههههه ..
مافهمت ساره بس سكتت وهي تشوف ضي تتمخطر بمشيتها بتنورتها نص الفخذ واللي تكشف اكثر مما تستر .. !
،
،
،
مد له فنجال الشاي وجلس قريب منه/يعني مابتقول وش مضايقك ؟
رشف الاخر من فنجاله ونزله ع الطاوله/مو شي مهم وين الشباب اليوم ؟
سند سلمان ظهره على الكنبه/مدري رايد كلمني صوته ماعجبني متضايق وحمد يقول يقول بيخلص كم شغله ويجي !
فيصل/وسيفوه وش علومه !
سلمان/ههههه عجبتني سيفوه .. سيفوه ع ماقلت له غارق بعالمه مع الشقروات الحسنوات ..
فيصل يهز رأسه/وش يبي بديار الغرب تارك اهله وناسه ومتغرب بفرنسا حتى عزاء عمي ماجاء .. !
سلمان/والله علمي علمك .. تارك بنات الديره ملح وقبله اخوي ماعنده نظر ..
فيصل بنظره حاده/سلمان .. لاتكون
سلمان بابتسامه/ايوون وش ورانا نتسلى !
فيصل بضيق/مو منك من المتخلفات اللي مصدقينك وماشين وراك ..
سلمان يولع سيجارته ويحط رجل ع رجل/فلوس ياحبيبي تجيبهم ع وجيهم ..
فيصل/سلمان وانا اخوك مايصير تضيع مستقبلهم وبعد.... !
سلمان يقاطعه وينفث دخان سيجارته/ماجبرتهم هم اللي جوني .. ماضربتهم ع يدهم فيصل/بس كما تدين تدان ..
سلمان/ادان بمين ماعندي خوات �� ..
فيصل/مو شرط باختك بكره زوجتك والا بنتك يضيع مستقبلهم بسبة افعالك ..
سلمان يطفي سيجارته/مابيصير شي .. !
رفع جواله وابتسم بسخريه ورد/هلا حبيبتي
فيصل يتنهد بأسف من حال سلمان .. رفع فنجاله وجلس يشرب ويناظر سلمان .. !
سلمان/تمام حبيبتي انتي كيفك ؟ << بوجهه يسوي حركه وع عليها .. !
سلمان/وحشتيني >>مد لسانه وكانه يستفرغ
سلمان عدل جلسته وابتسم/والله جد ؟ اكيد حبيبتي يفداك القصر باللي فيه .. متى ؟ والله ؟ خلاص بانتظارك ياروحي .. يلا سلام !!
سكر السماعه بدون مايسمع ردها !
فيصل بقرف/مستانس ؟
سلمان/قممة الوناسه ..
فيصل/طيب تزوج وعف نفسك عن الحرام !
سلمان/اتزوج وتجيني وحده تقرفني بمنصب ابوها ..
فيصل/الحب ياسلمان عسا لاتجربه !
سلمان/وش رايك اضبط لك وحده ؟
فيصل بنظره/استح ع وجهك ..
سلمان/لالا تزوجها مسيار .. ترتاح من العله اللي عندك .. !
فيصل/اولا لاتسب .. ثانيا مابي اتزوج !
قاطعهم صوته الرجولي الهادي/وش الطاري اليوم سلمان صاير خطابه ..
سلمان يوقف يسلم ع ولد عمه/هلاوغلا بولد العم .. ابد والله راحم حاله ..
حمد يجلس جنب فيصل ويمد يده ع الكنب/خروف مرته فيصلوه ..
فيصل/خروف مرتي ولا خروف لبنات الناس
سلمان/اقول حمود وش رايك اضبطك مع وحده عجزت بذا << يأشر على فيصل ..
حمد/والله انت تعرفني ماحب هالسوالف تركتهم لك ..
سلمان يقدم بجسمه/اسمع الخميس فيه حفله وبنات على كيف كيفك ^_* .. تروح معي ..
حمد باشر بيده/لا والله ماني رايح ..
سلمان/روح معي ياولد وان ماجازلك الوضع اطلع محد ماسكك ..
حمد بتفكير /مدري انا مقد رحت لهالاماكن !
سلمان/بيعجبكم الجو صدقني ..
فيصل/حمد لاتسمع منه انت عندك اخت ماتخاف عليها ..
حمد بتجاهل لفيصل/خلاص بجي معك بس ماقلت لي اي يوم ؟
سلمان ابتسم وبحماس جلس يحكي لحمد بطولاته ومغامراته مع البنات .. !!
.

âœ؟ انتهى البارت الثاني ..

Nada22 ©؛°¨غرامي جديد¨°؛©

âœ؟ البارت الثالث ..
تعالت أصواتهم بغضب وكل واحد فيهم يثبت للآخر بصوته العالي انه الاقوى والاقدر .. !
في جهة أخرى وقفت ببجامتها امتلئت عيونها بالدموع ووخزات الصداع تغزو راسها انتحبت بوجع وركضت على سريرها غمضت عيونها وصرخت/بسسس بسسس خلاص ارحمووني
تسلل لاذنها رنين جوالها رفعته بدون ماتشوف الاسم ..
/نعم انت بعد وش تبي !
فاجأها صوتها الهادي/رغد اش فيك ؟
رغد/لينا ..
لينا/ايه لينا اش فيك ياقلبي وش صاير لك !
رغد تبكي ..
لينا بحنان/رغود امك وابوك تخاصمو صح ؟
رغد بألم/تعبت يالينا الله ياخذني وارتاح تعبت والله !
لينا/رغد ياقلبي كل اثنين بهالدنيا تصير بينهم مشاكل والله ماما وبابا احيانا يتخاصمون !
رغد بقهر/بس مو كل يوم يالينا مو كل يوم صياح كل يوم تعبت مافيه اي احترام ..
لينا/اهدئي ياروحي كل شيء بيتصلح باذن الله كل شيء ينتهي اهدئي انتي الحين .. !!
رغد تشهق/ اش بغيتي لينا ؟
لينا/مابي شي بس حسيت بضيقه وتوقعت انك تبكين فقلت اتصل اتطمن عليك â‌¤
رغد تنام ع ظهرها/اه يالينا محد يحس فيني غيرك ..
لينا/افا لاتقولين كذا احنا اخوات ..
رغد ابتسمت/ اكثر من خوات يالينا ..
لينا بحب/ يلا عاد مسحي دموعك يامدلعه وقولي لي وش قررتو تسوون انتي وتوته !
رغد/هههههههههه ..
لينا/هههههه دامك ضحكتي معناه شي كايد !
رغد/ تولين عليها عقل الله يستر منها ..
لينا/من جد لو تحط عقلها براسها وبدراستها
رغد/تولين تدرس احلمي واذا قلنا شي قالت انا تولين بنت السعد !
لينا/هههههههههه من جد والله كان الدراسه للناس العاديين بس بنات السعد لا ..
رغد/ صح عبيطه بس ترى قلبها ابيض ..
لينا/ يب يب .. المهم اش قررتو ؟
رغد/ شوفي للحين محنا متأكدين بس احتمال نسوي هالمقلب ..
لينا/اللي هو
رغد/ بنجيب ثعبان
لينا بفزع/مجنوووونه انتي !
رغد/ههههههه والله انا تحمست الفكره فكرة روان اخت توته .. وبتدبر لنا ثثعبان بس ودي والله اشوف شكل نهى ..
لينا/اجل هونت ماني رايحه ..
رغد/ والله تجين ورجلك فوق رقبتك !
لينا/مجانين انتم وانا والله اخاف . .
رغد/بلا جنان جمانه الثانيه والله تقهرون
لينا/يارغد انتي ماتدري اش ممكن تكون ردو فعلهم .. هذول بايعينها وروحتنا من الاساس غلط في غلط ..
رغد/ليه احنا رايحين بار والا مرقص ترى حفلة بنات ..
لينا/ايه حفلة بنات بس هالبنات اخلاقهم مو تمام وسمعتهم صايره مداس بالجامعه !
رغد/وش قصدك لينا هذي بدايه الاعذار !
لينا/مو عذر بس اقول لو نهون لانه والله قلبي موب مرتاح !!.
رغد/شوفي حبيبي احنا بنروح بنروح وانتي اول من يركب السياره ..
لينا تتنهد ..
رغد بلامبالاة/زين قولي وش قررتي تلبسين !
لينا/هههههههه خليني اقرر اروح اول عشان اقرر وش البس !
رغد/بتروحين غصبا عنك ..
لينا/يصير خير .. انتي اش بتلبسين !
رغد/بلبس بدله رسمي شريتها من شهر ومالبستها ..
لينا/السكريه !
رغد/ايووه هذي برافو عليك ..
لينا/حلو
<< نتركهم يسولفون ^_^
،
،

ملامح مكفهره وحاجبين معقدين جسمها السمين وشعرها المجعد كل مافيها يحذرك في تعاملك معها .. وقفت قدامها نزلت النظاره شوي عن عينها وناظرتها من فوق لتحت / انتي من جابك هنا ؟
ساره في نفسها ام النفسيه/جابني عمي
سعاد/تستهبلين !
ساره/لا والله عمي جابني ..
التفتت على ضي/من دخلها القصر من سمح لها ..
ضي/لك رؤئي شوبيك معصبه هيك .. هيدي جابتا الانسه كينا ..
سعاد تناظر كينا بغضب/ كينا من احضر هذه الفتاه الى هنا !
كينا بخوف/انه السيد محمد ..
وقفت سعاد بتمايل/ناقصنا خدم القصر مليان اش ضرورتك هنا اصلا .. بأمر/الحقيني !
طلعت سعاد وتبعتها ساره بفزع / اش هذا الاسلوب كاني ميته ع الشغل عندهم حسبي الله عليك ياعمي كانك بتبهذلني .. ناظرت بالقصر وبخاطرها/ماشاء الله ما اكبره اتوقع ديرتنا ماتجي ربع هالقصر ! فزت بفزع لما انتبهت لسعاد تدخل ممر طووويل فيه ابواب ع الجانبين وقفت عند اخر باب فتحته ودخلت كانت غرفه متوسطه فيها سرير وتسريحه وكنبه صغيره ومكتب صغير !
جلست سعاد ع الكنب وامرت ساره تجلس !
ساره تجلس ع السرير وتناظر بسعاد اللي نزلت نظارتها وفركت عيونها بتعب ..
سعاد بهدوء/ إش إسمك ؟
ساره بتوتر/اسمي ساره ..
سعاد ابتسمت بهدوء/طيب ياساره أعرفك بنفسي اول شي انا سعاد مديره المنزل والآمره والناهيه فيه بعد كلمة الاستاذ محمد والاستاذ سلمان .. اكيد تعرفين منهم !
ساره بخوف/ لأ ؟
سعاد بتعجب/منتي عارفه جايه تشتغلي عند مين !!
ساره/لا ..
سعاد/مو مشكله انتي الحين بقصر الاستاذ سلمان بن حمد بن راجح !!
ساره بدون اي تعبير ع وجهها/ايوه
سعاد بنرفزة/ اشوفك مانصدمتي !
ساره بتساؤل/ليه انصدم !
سعاد بهمس/الاستاذ سلمان هو حفيد الاستاذ حمد الراجح صاحب اكبر شركات المملكه !
سارة/والله مابعرفه احنا ع قد حالنا مالنا بالشركات واهلها .. لذلك ماقد سمعتهم !
سعاد بتعجب وتخوف من ساره/طيب ياساره اسمعيني زين .. بهالقصر فيه قوانين ماشيه على الكل .. اول شي لك لبس راح تجيبه لك الخادمه واجباري تلبسينه
ساره بفزع/لايكون الازرق القصير لا معليش ماني مضطره البس قصير ..
سعاد بلامبالاة /ثانيا كلمه لا ممنوعه منعا باتا الامر اللي يجيك يتنفذ بحذافيره والا عقابك عسير ..
ساره/بس ..
قاطعتها سعاد/ثالثا الخدم بهالقصر يلتزمون الصمت ولاغير الصمت اللت والعجن والثرثره ممنوعه ..
ساره بنفسها/كل شي ممنوع لاتمنعوني من اتنفس بعد !
سعاد/رابعا والمهم جناح الاستاذ سلمان ممنوع خط احمر .. بمعنى اصح الدور الثالث ممنوع تطلعين له منعا باتا .. اي جناح بالقصر لاتدخلينه الا باذن او بامر مني لغرض تنظفينه
ساره بكدر/طيب ..
سعاد/ الشي الاهم من هذا كله .. ممنوع منعا باتا تطلع كلمه وحده من هالقصر .. اي شي تسمعينه تنسينه اول ماتطلعي برا والا ماراح يكون عقابك بسيط صدقيني الاستاذ سلمان عصبي جدا وحذر في تعامله وغامض والصحافه تموت وتعرف عنه شي فلو طلع عنه كلمه انتي واهلك في المقبره ع طول ..
شهقت ساره/مجنووون
سعاد/ لسانك الزمي ادبك لا انا ولا انتي ولا حتى محمد نقدر ع الاستاذ سلمان بثانيه واحده ينهي حياتنا .. مفهوووم !
ساره بخوف/سعاد انا خايفه ..
سعاد حزنت عليها/ ساره انتي نفذي كلامي وصدقيني محد بيتعرض لك .. لاتنقلين اي كلمه برا القصر ولاتخطين الدور الثالث ..
ساره/اووك ..
سعاد/كمان فيه شي مهم .. اذا كان الاستاذ سلمان بمكان انتبهي تجين فيه .. لانه مايحب الزحمه ومخصص لنفسه خادمتين يرتبون جناحه ويهتمون بأموره .. لذلك لاتقربين صوبه ابد ..
ساره بهم كيف تعيش بهالجو/خلاص اوك ماراح اسوي شي ابد من اللي قلتيهم ..
سعاد ابتسمت/برافو عليك ساره .. حدك هالغرفه وشغلك .. فقط ..
ساره / طيب اش هوا شغلي ؟
سعاد/والله يابنتي مثل مانتي شايفه القصر مليان خدم اذا قررت لك شغل رااح ابلغك . اتركك الحين تأخرت ع شغلي ..
طلعت سعاد وتركت ساره تتنهد بقرف/اوووف وش هالعيشه ليكون ملاك من السماء وش هالحمايه عليه هههههههههه كاني اتخيل شكله قصير ودوبا وشعره شوشه هههههههههههههههههههههههههههههههههههههههههههههههههه هههههههههههههه !
،
،
،
دخل بهدوء استنشق ريحة الجناح الممتلئ برائحة عطرها .. تنهد بحزن ع حالهم مان يحلم بحياة جميلة وهادئه .. كان يفكرها تحبه بس اكتشف انه حب من طرف واحد .. انسدح ع سىريره وظل يناظر ملامحها الفاتنه بالنسبه له .. غمض عيونه واسترجع بذاكرته ... !
تحمم وطلع يدندن باغنيته المفضله .. رفع جواله اووووف عشر مكالمات من اصغر عماته .. اتصل عليها وفاجأه صوتها/فيصل الله يخليك تكفى !
فيصل/ندو اش بك ؟ اش فيكم ؟
ندى/مافينا شي تكفى فيصل نسيت فستاني الله يخليك اتصلت ع عمر مايرد الله يخليك جيبه تكفى ..
فيصل/وجعع طيحتي قلبي على بالي فيه شي مهم ..
ندى بغضب/وهذا مو شي مهم .. بسرررعه فصول امانه ..
فيصل /خلاص اهدي لاتبكين فيه عروس تبكي يوم زواجها ..
ندى تشهق/ ايه انا منحوسه من يومي !
فيصل/هههههههههه طيب ابشري دقيقه واكون عندك .. !
سكر السماعه ولبس ملابسه ع السريع اخذ فستان عمته وتوجه للمشغل اللي نزلهم فيهم اليوم زواج عمته ندى اصغر عماته ابتسم بحب لها/كبرت والله هالمجنونه وصارت عروس .. !
نزل من سيارته الفاخره واتصل عليها لحظات وردت بلهفه/ندو انا تحت انزلي خذي فستانك
ندى/لا فيييصل مقدر ..
فيصل/ارسلي اي احد بسرعه بروح موب فاضي !
ندى /دقيقه .. ابعدت الجوال عن اذنها سمع صوتها تكلم وحده جنبها/تكفين ارسلي اي احد يجيب منه الفستان تحت ..
.../وينه هو ؟
ندى/تحت قولي لاي عامله تكفين ..
..../خلاص انا بروح اجيبه اهدئي عشان مايخرب مكياجك ..
ندى/الله يسعدك .. رفعت جوالها/فصول صاحبة المشغل بتنزل تاخذه منك ..
فيصل/اوك ..
سكر منها واستند ع الدرج لحظات قبل مايفتح الباب وبصوت هامس جدا/ لوسمحت
تننح فيصل ومد يده بالفستان .. انتبه ليدها يوم مدتها ناعمه واصابعها الطويله والنحيله واظافرها مرتبه وحاطه مناكير وردي زادت يدها جمال .. فك فيصل الفستان من يده وطاح بالارض انتبه لما سمع صوتها/لاااا الفستان توصخ .. دنقت بعجل ورفعت الفستان وهي تنفضه وتنادي العاملات يساعدونها جاهله بنظرات فيصل اللي تعلقت بنعومتها وجسمها الرويان وشعرها النااااعم .. لف عيونه بسرعه وخطا لسيارته وبعجل حرك السياره ... !!
فتح عيونه وهو مبتسم على الذكرى اللي تمر السنين ماينساها .. رفع راسها وطبع قبله ع خد روان النايمه بسلام بجنبه/الله لايحرمني منك .. â‌¤
،
،
وقفت بتمايل ظهرها لمرااية التسريحه لابسه فستان أسود ضيق جدا ومكياجها الأحمر الفاقع رفعت شعرها بدلع/ يعني انت ليه متحمس هالكثر .. ؟
ناظرها وبعيونه سخريه/ابد متشوق للبنات ودي اغيرر عن المعتاد ..
بنرفزه/وش قصدك ؟؟
ضحك / ماقصدي شي نهى حبيبتي انتي تعرفين انك الاولى والأخيره !
نهى ابتسمت باحراج مصطنع/حبيبي انت .. تقدمت بدلال وجلست جنبه/زين ماقلت لي ماوحشتك سلوم !
سلمان/وش سلوم ذي اصغر عيالك !
نهى/ادلعك بيبي ..
سلمان/فيها بيبي بعد .. المهم ماقلت لي مين عزمتي للحفله ؟
نهى/سلمان انتي بتكون بالحفله بكره ؟
سلمان بتفكير/لا بكره مشغول مع اهلي
نهى/ايوا كويس ..
سلمان بنظره/تبين الفكه ؟
نهى/ههههههههه لا مو كذا بس نبي بارتي بنات بس ..
سلمان بخبث/ولايهمك حبيبتي بنات بنات .. خذو راحتكم .. والقصر ملكك ياقلبي ..
نهى تحضنه بحب/حبيبي انتت ..
سلمان يبادلها ببرود وتفكيره بعييييييييد جدا عنها ... !!
،
،
انسدحت بتعب على سريرها وتلحفت بمفرشها غمضت عيونها بهدوء قبل ماتفز برعب ع صوت الباب اللي انفتح بقوووة
ساره/يمه الله يخليك خوفتيني ..
ام فهيد/قومي يالغبرا ع طول انخشيتي !
ساره/يمه الساعه ثنين وانا من الصباح صاحبه ابي انام وراي اختبار ..
ام فهيد كانها ماسمعت/قولي لي وش شغلك الجديد ..
ساره نست النوم وجلست ع سريرها/فاااتك يمه والله عمي متعرف ع واحد بطرران يمه
ام فهيد/وشلون ..
ساره/تخيلي وداني المجمع اللي بالمدينه ونزلت وركبت بسياره وش كبرها بس فخممه تخيلي لحالي ورحت بطريق اول مره اشوفه لين وصلنا لقصر يمه كانك بحلم شي شي ياخذ عقلك !
ام فهيد بلهفه/ايه وبعدين ..
حكت ساره امها جمال القصر وفخامته وجماله والحراس اللي محوطين القصر بكبرهه وسعاد وقوانين القصر وكل شي !
ام فهيد/والله ياسوير انها رزقة من رب السماء ساره/يمه والله المكان ع جماله الا انه يخوف كبيير وكل اللي فيه ماشيين زي الساعهه .. !
ام فهيد/بس دامك طحتي ببيت الراجح فاني داعيتن لك يامي .. وش رايك تتركين الدراسه وتتداومين صبح وليل ..
ساره شهقت/وشووووو يمه الله يخليك انا ماوافقت الا عشانكم بتخلوني اكمل دراستي !
ام فهيد/طيب خلاص بس كل يوم بتروحين هذول عيال الراجح ياحظي !
ساره في نفسها/والتبن ..
طيب يمه انا بنام تبين شي ..
ام فهيد/انخمدي ..
طلعت ام فهيد وعيونها تلمع من الفرح اما ساره غفت عيونها ونامت بسلام .. !



âœ؟ إنتهى البارت الثالث ..
#توقعاتكم â‌¤

Nada22 ©؛°¨غرامي جديد¨°؛©

بليز ليه كذاا ركود مافيه اي تفاعل بالعاده منتدى غرام متفاعل وزحممممة تعليقات ماعجبتكم القصه والا :(
زعلتوني والله ابي ردوووووود عشان اتحمس والا بروح ابتسي :(

seroo_2001 ©؛°¨غرامي جديد¨°؛©

رووعه حبيبتي

اتوقع انه الحفله الي رايحين لها البنات بتكون في نفس القصر الي تشتغل فيه ساره

Nada22 ©؛°¨غرامي جديد¨°؛©

âœ؟ البارت الرابع ..
الساعه خمسه مساء â‌¤ ..
لبست فستانها القصير بلون البحر الهادي .. تركت لشعرها العنان وحريته .. لبست فلات ابيض .. كحلت عيونها الواسعه وحطت غلوس وردي يبرز جمال شفايفها المتورده .. رفعت العقد اللؤلؤي يزين عنقها الطويل ونحرها الأبيض .. ابتسمت برضا بعد ماشافت شكلهها بالمراية .. ارسلت بوسه بالهواء لنفسها وتعطرت من عطرها المفضل .. رفعت جوالها بعد ماسمعت رنينه/اهلين رغوده ..
رغد/هلا بالاميره لينا اللي ماترد اللي بعد عشر رنات ..
لينا/هههههههههه والله كنت اتحمم والبس مانتبهت له توي حطيته عام وانتبهت .
رغد/الله الله مو معقول لينا تحممت ولبست قبل المناسبه بثلاث ساعات وتقولين مابي اروح .
لينا تجلس ع كرسي التسريحه/والله يارغد اني مابي اروح بس عشانك انتي وتوته مجبوره عاد لاجل عين تكرم مدينه ..
رغد/تكفين لولو لاتربشيني وتجلسين توسوسين ع راسي خايفه وموب مرتاحه !
لينا/انا متأكده انك حاسه بنفس احساسي بس العناد اللي براسك ..
رغد/يظل احساس مابيودي ولايجيب ..
لينا/بس بعض الاحيان تصيب الاحاسيس !
رغد تتجاهل كلام لينا/روان دبرت لنا الثعبان
لينا تشهق/ياربي منكم .. !
رغد/متخيله اشكالهم وقت مايشوفونه مرررره متحمسه !!
لينا/ههههههههههههه صح اني خايفه بس متحمسه لهالحظه بس ..
رغد/ولايهمك بينفجر بطنك من الضحك â‌¤
لينا/الله يستر بس .. زين رغود بنزل اجلس مع ماما شوي قبل الوقت ..
رغد/خلاص اوك وتوته ترى بتمرنا ..
لينا/اوك اذا قربتو عطيني رنهه ..
رغد/ابشري سيو ..
لينا/سيو ..
نزلت لينا بخطوات ناعمه وشافت امها وابوها جالسين يتقهون جلست وسطهم وتمت تحارشهم وتسولف معهم .. !
اما رغد وقفت قدام مرايتها تناظر شكلها انتبهت ع اختها اللي دخلت وشهقت /ررررغد
رغد/هههههههه اش رايك ؟
وعد/مجنونه انتي وش مسويه بنفسك !
رغد تحرك شعرها/نيو لوك ..
وعد/نيولوك بعين ابليس ياويلك من ابوي لو شافك كذا قسم يذبحك .. !
رغد/هههههههههههه خليه يجي للبيت عشان يشوفني هييه وعد تدري اخر مره شفنا فيها ابوك متى قبل سنه !
وعد/تراه ابوك بعد ..
رغد/دخيلك انتي بعد لاتعكرين مزاجي ..
وعد تنط ع سرير رغد/طيب ماقلتي لي وش بتسوين مقلب بنهى .. !
جلست رغد قدام اختها وظلت تسولف لها عن خطتهم .. !!
،
،
تحط اللمسات الأخيره ع مكياجها وتدندن باغنيتها ناظرت بشكلها بالمرايه كانت لابسه تنوره بيضاء واسعه وفوق الركبه وبدي ملون وجاكيت جنز قصير .. رفعت شعرها الكستنائي بطريقه غجريه رايقه .. رفعت شنطتها وتأكدت من اغراضها اخذت عبايتها ونزلت بخطوات متمايله للصاله شافت اختها واقفه قدامها علبه كبييييره مغلفه بطريقه حلوه وجذابه .. !
تولين/وااااو روني تجنن !
روان تحط يدها ع خصرها/وش رايك بس باختك ..
تولين تحضنها بقوه/يخليلي اختي اللي تفهمني ..
روان/ههههههههه ولايهمك موضوع فيه نذاله انا له ..
تولين تجلس ع الكنبه/ههههههههههه عارفتك اختي .. المهم تعالي قولي لي ..
روان تجلس ع الكتبه وتسكر جوالها اللي كان يرن/امري وشو .. ؟
تولين/ هذا الشي ماراح يموت ؟
روان/لا انا فتحت له فتحات صغيره بس انتبهي تكونين جنبها عطيها العلبه وحطي رجلك ..
تولين/هههههههههه والله مرره متحمسه !
روان تسكر جوالها/هفففف قلق ..
تولين/مين ؟
روان/ومن غيره التبن فيصل !
تولين بتعجب/روان ياروحي فيصل يحبك ! ليه كذا تعاملينه !؟
روان تحرك شعرها بضيق/وانا ماحبه ! وانتي تعرفين اني مغصوبه عليه !
تولين/مو قالو مع العشره يجي الحب ليه ماحبيتيه ! يعني اسلوبه مو حلو والا مقصر عليك ..
روان بحسره/توته انتي تعرفين ان قلبي ملك له بس ولافيه غيره راح ياخذه ..
تولين/بس هو نساك نسساك وتزوج وعاش حياته ..
روان/مايحب زوجته يحبني انا ياتوته انا حبه الاول والاخر !
تولين/بالله عليك ودامه يحبك ليه ماجاء وقال لبابا ابيها ..
روان بغضب/جاء بس ابوك الكريم رفض لان فيصل ولد الراجح غصبا عني اخذه ..
تولين/اه ياماما تدرين لو هي معنا ماسمحت لبابا يزوجك غصب ..
روان دمعت عينها/الله يسامحها ..
تولين/طيب حبيبتي انا بروح يادوبك امر البنات ونروح المشوار .. عايزه حاقه ؟
روان/لا ياروحي انتبهي لنفسك .. !
تولين/سيو ..
،
،
بهدوء وقفت على باب القاعه الراقيه الموجوده بداخل القصر .. الاضاءه الذهبيه وطاولات الدائريه انتشرت بطريقه راقيه بقماش عودي وذهبي يناسب ديكور القاعه .. وعلى كل طاوله باقة ورد صغيره مرتبه وعلى أطراف القاعه سماعات الدي جيه مغطاه بتل ذهبي وورده عودي .. ! والسجاده الحمراء اللي امتدت من باب القاعه لاحدى الطاولات الموجوده بالقاعه وعليهاا باقة ورد كبيره وخمسهه كراسي .. !!
ابتسمت برضا واقتربت من مريم اللي كانت واقفه وبيدها مبخره ذهبيه تصاعدت منها ادخنه العود الففاخر .. ولابسه تنوره قصيره عودي وبلوزه عودي وجاكيت ذهبي ناعم .. هذا كان لبس كل العاملات بالقصر !
../يعطيكم العافيه من جد المكان مرتب ..
مريم/كل شي مثل ماطلبتي سعاد ..
سعاد/كويس .. ع الله يعجب الانسه نهى !
مريم/تحمد ربي كل هالاشياء من جيب السيد سلمان ..
سعاد تنزل نظارتها وتمسح عيونها/عاد اش نسوي تعرفين مكانتها عنده ..
مريم/صدقيني بيشوتها يوم من الايام بس يمل منها ..
..../تقدرين تقولين انه بدأ يمل منها ..
سعاد/أسماء ومريم وبعدين !
اسماء/والله من جد والا هذي من يتحملها !
سعاد/مو شغلنا .. كلها ساعه وبيجون الضيوف حاولو تقومون بشغلكم ع اكمل وجه .. وين ساره !
مريم/ماجات !
سعاد اشهق/شلون مو قلت لكم اتصلو عليها
مريم/اتصلت وقالت اوكي بس ماجات ..
سعاد/طيب ياساره دواها عندي !
راحت سعاد وظلت أسماء ومريم يحشون بنهى وسعاد وساره .. ماخلو أحد بحاله !!
،
،
وقفت على الدرج تتمايل بخطواتها لابسه تنوره غجريه أسود قصيره وبلوزه ابيض مطرزه باسود وفيها قبه ومسويه شعرها شينون ومعها شنطتها الماركه الفلانيه ومكياجها الأحمر الغامق .. !
..../سعاد
اقتربت سعاد بهدوء وبأدب/امري انسه نهى !
نهى بغرور/جهزتو كل شيء ؟
سعاد/كل شي ع اكمل وجه ومثل ماطلبتي !
نهى اقتربت من سعاد وبوقاحه/لو فيه شي ناقص مالك قعده بهالقصر ..
سعاد بهدوء/كل شي مثل ماطلبتي .. تفضلي
مشت نهى ووقع كعبها العالي يتردد في ارجاء القاعه/اممممم تمام برافو سعاد .. سماح هالمره .. جلست على الكرسي وبأمر/سعاد شغلك هنا خلص روحي المطبخ ولاتشوفك عيني عشان ماتفشليني ..
سعاد /حاضر ..
ابتعدت سعاد بخطوات ثابته وابتسامة نهى ماليه وجهها بوقاحه مارااعت كبر سعاد ولا احترامها .. ناظرت بالعاملات اللي اختارتهم للحفله ( مريم واسماء وضي وكينا )
نهى/غلطه بس راح اطردكم برا القصر مو القاعه بس .. علم ؟
الصمت كان الرد عليها .. ماحد نطق بحرف !
نهى/ههههههه كويس عسا دوم تنكتمون ماسمع لكم حس !
،
،
نفث دخان سيجارته وبضحكه/ايوه وش قلت بتسوي ياعبقري زمانك .. !؟
اتكأ الأخر على الكرسي/راح اسوي لهم كبسه ههههههههههههههههههه ..
اعتدل بجلسته وبجديه/سلمان لاتسوي شي يورطني انا وياك .. !
سلمان بغضب/حمد عيب عليك القصر قصري ومو سلمان الراجح اللي يتورط بشي !
حمد/طيب نهى بتزعل !
سلمان/ابرك الساعات عندها مية جدار تختار واحد وتطق راسها فيه ماتهمني ..
حمد/طيب اسمع الحين مو انت تقول انه اي وحده بتقدر تجيبها ع وجهها .. ليه ماتترك الحفله والبنات اللي فيها وتدور لك وحده ثانيه .. !
سلمان/لا البنات اللي بيجون كلهم بنات جامعيات ونهى ذوقها حلو وكل اللي عزمتهم تقول انهم احلا بنات الجامعه .. لذلك بندخل ونختار عاد حلوات وجو برجولهم لقصري !
حمد/والله ماندري وش اخرتها معك !
سلمان/ازهلها .. اسمع الساعه احدعش بالضبط بندخل .. وبنت ابوها اللي بتقول شي !
حمد/نشوف وش اخرة افكارك ياسلمان !
سلمان يرفع جواله واتصل ........ !
،
،
.../سااااااااااري وجع هات الريموت ..
ساي/مافيه انتي من الصباح عليه .
ساره/كيفي انا اكبر منك يلا هاته ..
ساري يجري/اخذيه اذا تبينه ..
ساره تركض وراه/اقووول جيييبه بلا في وجهك ..
ساري يضحك/اتحداك تاخذينه < يمد لها لسانه ..
ساره تنط ع الكنب وتنقز عليه وتمسك الريموت/هذا اللي ناقص بزران اخر زمن !
ساري يمسك يده/وجعع متوحشه انتي كيف صرتي بنت .
ساره بغضب/مو شغلك .
توجهت للصاله وتوها بتجلس دخل عمها وملامحه معصب /انتي وش تسوين هنا !؟
ساره مافهمت/اتفرج ..
ابوفهيد/تستهبلين !!
ساره/وش فيه ؟
ابوفهيد/قوومي البسي خلصيني اوديك لشغلك ..
ساره بخوف تخفيه/لا ياعمي اليوم ماني رايحه
ابوفهيد/وليه حضرتك انا اتعب وادور لك شغل واخرتها تلعبين !
ساره بنفسها/محد قالك دورلي شغل .. < لا ياعمي مديرة القصر اتصلت علي وقالت مالك شغل بس نحتاجك بنتصل عليك ... !
ابوفهيد/اها ..طيب اول مايدقون تقولين لي لاتتغيبين ولايوم فاهمه .
ساره/ان شاء الله ..
طلع الوفهيد وساره تنهدت برعب/حمدلله عدت .. حطت على قناتها المفضله وجلست تتفرج .. !
،
،
جلست بدلع بين صحباتها/فهمتو علي !
رغد/يب يب خلاص كل شي جاهز ..
لينا تناظر الكرتون/الله يستر من افكارك انتي واختك .. !
تولين/ههههههههه لبا خيتو ذكية من يومها ..
رغد/قولي نذاله مو ذكاء ..
لينا/ههههههههه من جد بس والله فكرتها رهيبه والله يستر من افكاركم .. !
رغد/كل شي بيجي زي مانبي لاتهتمون !
لينا/زين المهم لمتى بتقعدون !!
تولين/متى ماخلصت حفلتهم !
رغد/لا مانبي نتاخر عن 12
لينا/ايوه ماما برضو نبهتني ماتاخر عن12
تولين/اوك 12 وانتم ببيوتكم ولايهمك ..
..../مدام كلاص هدا بيت !.
تولين/مدام بعينك انسسه انسسه يالغبي !
كريم/اوك مدام .. !
تولين/اقول ثور يقول احلبوه ! يلا بس انزلو
لينا باعجاب/ماشاء الله القصر يجنن !
رغد/ماشاء الله معقول هذا بيتها !
لينا/وينك ياجمانه تقول تبي تفتح معنا صفحه جديده !
رغد/من جد والله باين تبي تورينا القصر هههههههههه ..
تولين/هههههههه قصر مين يامي انتي وياها اتحدى اذا ماكان لواحد من اللي متعرفه عليهم
حارتنا ضيقه ونعرف بعض !.
لينا/وش قصدك ؟
تولين/قصدي انو نهى حالها حال الناس بيتهم يحزززن ..
رغد/وش دراك ؟
تولين تعدل كعبها/مره وصلتها بيتها بالثانوي !
لينا/كذابه .
تولين/والله حالتهم حاله ..
رغد/اوك انا تحمست خلونا ندخل ..
تولين بالانجليزي/ليندا احضري العلبه واتبعيني ..
تحركت خطواتهم الناعمه بجنب بعض كلهم كانو كاشفين بس حجابات .. !
انفتح الباب الخشبي وبهدوء كانت مريم باستقبالهم/اهلا وسهلا ..
ابتسمت لينا/اهلين فيك ..
صعقت مريم من رد لينا وابتسامتها هي ورغد توقعتهم مغرورين مثل نهى وصحباتها .. !
تقدمت واخذت عباياتهم ومدتها لكينا اللي علقت بطريقه انيقه على علاقة العبايات .. !
تولين تشهق/أ . أنتي !
لينا/رغد ... !
ابتسمت /حلو ردة فعلكم هههههه ..
تولين تضربها على كتفها/انتي انهبلتي اش هذا اش مسويه في نفسك ؟؟
رغد تحرك شهرها المقصوص بوووي وتعدل جاكيت البدله الرسميه اللي لابستها وطلعتها بووووووووية بحت .. !
لينا بقهر/ليه يارغد ليييه كذا شكلك اول كان احلا ..
رغد/انا عاجبني شكلي .. لاتناقشون وتنكدون علينا .. يلا ماتبون ندخل .. !
لينا تقرص رغد/وعدك بس نطلع اوريك .. !
تقدمت مريم بهدوء/تفضلو من هنا ..
قادتهم عبر القصر الواسع الى القاعه الصغيره
وقفت نهى بدلال في استقبالهم/اهلين نورتو
تولين تصافحهم بطرف يدها/نورك نهى .. !
حمدلله ع السلامه غاده ..
غاده /الله يسلمك ..
تقدمو ثلاثتهم للطاوله بعيده شوي عن طاولة نهى وجلسو .. ثلاثتهم كانو ملفتين للنظر .. !
تولين بشخصيتها الواثقه ورزتها .. !
لينا بنعومتها وجمالها .. !
رغد بمظهرها الغريب ... !!

.
.
.
âœ؟ إنتههى البارت الرابع .. â‌¤
#توقعاتكم .. â‌¤
#تعليقاتكم على الروايه .. â‌¤
لينا ورغد وتولين واش منتظرهم بحفلة نهى !
سلمان وحمد وش بيسوون !
حمد هل بيكتشف قاتل ابوه .. !
ساره وسعاد .. !
مها وحياتها البائسه .. !
فيصل وروان .. !
البارت الجاي راح يكون يوم الخميس الجاي â‌¤
انتظركم بفارغ الصبر .. âœ؟ âœ؟
أحوووووبكم â‌¤â‌¤

Nada22 ©؛°¨غرامي جديد¨°؛©

أنززل البارت والا لا ؟
لييييييييييه مافيه تفاعل والله تحطططططططططططممممممممممممممتتتتتتتتتتت ع الاقل تعليق واحد حطو لو نقطه ياقلبييييييي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1