منتديات غرام روايات غرام أرشيف الروايات المغلقة - لعدم إكتمالها للمرة الميتين أقولك إن موطن العشق في نظرة العين/بقلمي
Saya Gash ©؛°¨غرامي جديد¨°؛©

[center]مولودتي الأولى // للمرة الميتين أقولك إن موطن العشق في نظرة العين..

أتيت أحمل بين ذراعي مولودتي الأولى وستعقبها الثانية والثالثة ان شاء الله ...وشعاري فيها (الابداع بقدر المستطاع )
سوف نعيش معها اجمل اللحظات ... واتعسها
سنعيش معاً لحظاتٍ من الحزن , الفرح , البكاء , الفضفضة...
مولودتي التي شجعني في الاعلان عنها أمي الغالية
..
الفضل لله ثم لأمي
..
أتقبل النقد قبل المدح..!
وسعوا خيالاتكم في التوقعات ...& من مرت من هنا فلتضع بصمتها
&&&&
ما نزلت الرواية وألفتها من فراغ لكن انا عندي حب التأليف والتفكير والابداع بقدر المستطاع
وغير كذا استغليت حبي للتأليف بتبيين بعض اخطاء مجتمعنا السعودي وبعض الحلول المستنتجة من القصص اللي تورد في الرواية وغير كذا بعض المفاهيم الخاطئة لدى البعض ابغا اعدلها بأسلوبي وبتوضيح اماكن الفكر الخاطئ عموماً الرواية مسلية لكن دسيت فيها بعض المواقف اللي راح تبين لنا كيف نفكر واول همنا المجتمع مو انفسنا لكن مو في كل شي يزبط دا التفكير
الأفكار والاحداث كلها من وحي الخيال لكن الشخصيات بعضها حقيقيه وانا شخصياً أتعايشت مع شخصيات كذا وبعضها من خيالي والبعض من مزيج من الشخصيات اللي حولي واذا كان فيه أي تشابه في الاسماء او الاحداث او الشخصيات فهو مجرد محط صدفة وليس اكثر ..!
ولما أتأخر في انزال البارتات حاولو قبل العتاب تذكر > .. (( التمس لأخيك سبعين عذراً))
أتمنى محد يعلق على تأخر البارتات عشان لا تضيع الصفحات لما احد يقرأ اللي يعلق يعلق ع التوقعات او ان عنده ملاحظات اما التأخر واستناكي ومتى حتنزلي البارت رجاء خفو فيها
إذا اتأخر عليكم رح انزل بارتين مع بعض طوال عشان اعوضكم عن التأخر ... ولحد يسأل عن موعد نزول البارت ما راح اعطيكم موعد عشان اعرف ظروفي شويتين متلخبطة بس ما راح اتأخر بين البارتين اكثر من 4 ايام بإذن الله وبالنسبة للبارتات يعني بين العشرين والثلاثين بارت , والخواطر بعضها منقولة وبعضها من تأليفي واللي من تأليفي راح أكتب آخرها
وبمناسبة إن اليوم عيد ميلادي << محد معبرها خخخخخ
بنزل أول بارت وإن شاء الله يكون حماسي ويعجبكم
(بقلمي/ ʂαყα ɠαʂԋ ♫♥♫)
الله يقدرني

هذه الرواية إهدآاآء مني إلى ((أمي الغالية))
لا أريد أن أطيل عليكم ....
أتمنى ان تنال اعجابكم واستحسانكم..
اترككم مع الرواية ..
@@@@@@@@@@@@@@@@
دَاَآآيَمَ يَقَوًّلَيَ: .... تَحَبَيَنَيَ؟
وًّيَسَألَنَيَ : تَحَبَيَنَيَ؟؟
((خَجَلَتَ )) وًّمَآ قَدَرَتَ أحَكَيَ..!
لَأنَ اَلَحَبَ .. مَوًّ كَلَمَةٍ يَغَنَيَ فَيَهَآ كَلَ لَسَاَنَ ..!
حَبَيَبَيَ , اَلَحَبَ هَوًّ إحَسَاَسَ..!
حَضَنَ دَاَفَيَ , أمَلَ وًّاَآاَفَيَ..!
وًّنَظَرَةٍ ... تَحَرَكَ اَلَوًّجَدَاَنَ..!
نَبَضَ طَاَهَرَ , صَدَقَ عَاَطَرَ..
وًّقَلَبَيَنَ فَـ/ جَسَدَ إنَسَاَنَ..!

@@@@@@@@@@@@@@@@
كان مكتفه على جدار الحديقة ومو مخليه يتحرك
مثنى:مين عمك؟
معن بعصبيه : يا كلب والله لاوريك اترك يدي
مثنى بضحكة : قول معن عمي , مين عمك؟
معن : كلللل زق واترك يدي والله لاوريك يالكلب
مثنى :ههههههههههههههههههههههههههههههه مين عمك؟
معن التفت حوله وابتسم بمكر : عمي؟؟
مثنى بإنتصار : ايوة مين ؟؟
معن بخبث : عمي – دف مثنى عالمسبح –
مثنى صرخ : هييييه – سحب معن معه –
اثنينهم صاروا غرقانين موية
مثنى بعصبية : معن يا غبي ورايا زواج فايز
معن خبط راسه بيده : حتى انا كنت بروحه
مثنى : افففف محد يمزح معاك
معن بثقة – كان بيطلع - : محد قلك تلعب مع الكبار ي بيبي
طااااااااااااااااااااااااااااااااااااااااااااااااا اااااااااخخ
مثنى سكت لحظات وانفرط يضحك :ههههههههههههههههههههههههههههههههههههههههههه ابو الثقه ههههههههههههههههه
معن قام من الارض : ااخخخ ظهري
( معن لما جا يطلع م انتبه للدرجة الاخيرة وطاح )
مثنى : ههههههههههههههههههه معن ههههههههههه
معن بقهر : مافي شي يضحك

@@@@@@@@@@@@@@@@
موجهة نظرها للشباك وتكلم الدكتورة
......: اتربيت في عائلة جوها يسوده عدم الاهتمام واللا مبالاة كلن في حاله مشغول ولا احد يسأل عن الثاني الا اذا يبي شي , مشاويرنا كل واحد يختلف عن الثاني لكل واحد مننا سواق وخادمة خاصين فيه عشان لا يعطل غيره
محد يدري وين الثاني كلن ملتهي في حياته الخاصه ولا همه الا مشاكله واللي فيه مكفيه طول 20 سنة هذا حالنا
مين درس مين ما درس مين راح مين جاء ما نعرف يمكن لو تسألين احد كم عددكم راح يقولك ما اذكر تسألي احد فينا عن حياة الثاني يخجل وش يقولك لأنه ما يعرف شي!!
ما نعرف ولا شي عن بعض غير اسم وشكل وصوت ..! حتى لو غبنا شهر شهرين ثلاثة اربع محد مو داري ولا احد مهتم اصلاً ..!
عندنا قاعده في البيت يتبعونها كلهم ..كلن لنفسه ومشاكله واللي يعنيه ... واللي ما يعنيه ما يدخل نفسه فيه..
اذكر مرة وحدة اجتمعنا فيها قبل 4 سنوات
( تجمعت في عينها الدموع )
الدكتورة : طيب وش سبب تجمعكم في ذاك الوقت؟؟
......: امي كانت مشتريه فلم ومجهزة سهرة واكل وعصيرات ونادتنا وكان اول يوم يمكن اعرف شخصيات اخواني واخواتي !
جلسنا نضحك
كان مدة الجلسة ذيك امممممم لمدة ساعه ونص
الدكتورة : ما حاولتي انتي او احد غيرك يعيد نفس الجو او يجمعكم مرة ثانية ؟؟؟
......بقهر / لا بس انا اللي حاولت اعيد الجمعة حقتنا لكن صار اللي صار (غمضت عيونها تمنع دموعها تنزل)
الدكتورة : طيب امممم روز انتي دحين عمرك 20 وعندك شركات داخل المملكة وخارجها وطبعاً كله ورث اللي بعمرك يادوب عايشين حياتهم طيش في طيش والاغلبيه مو الكل لو كان عنده ورثك كان ضاع في حياته بالذات ان ما له احد يسأل عنه كان ضاع .. ايش السبب اللي مخليكي ما تتبعي نفس الطريق؟؟
روز فتحت عيونها وضيعت نظراتها في الغرفة: اممممممم مدري يمكن اني عشان مكتفيه ( كملت بحزن ) بحب قديم عندي امل يرجع وكمان عندي صديقاتي اللي يغنوني والخدم عندي في القصر اعتبرهم عيلتي ويكفوني ..
كانت نبرة صوتها تهتز وكأنها تعلن حالة بكاء
الدكتورة : روز امك الله يرحمها وانا كنا صديقتين في حياتنا كلها الله وانا اعرفك من كنتي ببطن امك لين ما كبرتي لكن يا روز ايش اللي غيرك بعد موتهم سواكي كذا باردة وتخفي شعورك ؟؟ خبري روز اللي اعرفها تشيل الضيقه بمجرد ان احد يشوفها ؟
ما اتحملت ونزلت دموعها
الدكتورة بضغط اكبر عشان تخرج اللي في روز : ما كنتي جدية الا نادراً وكنتي طول وقتك وحدة اجتماعية وفلاوية وماخذة الحياة بشكل حلو كانت شخصيتك تعجبني لكن ليش اتغيرتي؟؟ كلهم فقدوكي
روز : يمكن الخدم وصديقاتي اللي اتعامل معاهم كذا عشان اقدر اخفي حزني او بالاصح يقدرو يشيلو الهم اللي فيا او ينسوني هو وحتى لو كان لحساب لحظات
@@@@@@@@@@@@@@@@
يِّآ سَّآﮝنِّ(نِّ) وٍّسَّطِّ قٍّلِّبٍّيِّ
وٍّيِّ مِّرِهِّفٍّ إحَّسَّآسَّيِّ
يِّآ ﮝلِّ حَّيِّآتٍّيِّ
وٍّﮝآمِّلِّ آنِّفٍّآسَّيِّ مِّقٍّدٍّرِ دٍّوٍّنِّﮝ أعَّيِّشِّ
وٍّآشِّوٍّفٍّ آلِّعَّآلِّمِّ تٍّطِّيِّشِّ
مِّنِّ دٍّوٍّنِّﮝ مِّآلِّيِّ عَّيِّشِّةٍّ وٍّلِّآ حَّيِّآةٍّ وٍّلِّآ رِوٍّحَّ
وٍّلِّآ تٍّنِّطِّآقٍّ دٍّوٍّنِّﮝ آلِّمِّعَّيِّشِّةٍّ وٍّتٍّبٍّقٍّىِّ ألِّمِّ وٍّجِّرِوٍّحَّ
مِّ آنِّآظِّرِ فٍّيِّ حَّيِّآتٍّيِّ مِّنِّ دٍّوٍّنِّﮝ
وٍّلِّآ آصِّحَّىِّ عَّلِّىِّ هِّمِّسَّﮝ وٍّعَّيِّوٍّنِّﮝ

بقلمي/ ʂαყα ɠαʂԋ ♫♥♫


@@@@@@@@@@@@@@@@
ابو عبدالرحمن(الجد طارق) : السلام عليكم
ابو سليمان (الجد طلال): وعليكم السلام حيا الله ابو عبدالرحمن
الجد طارق : الله يحييك وشلونك ؟؟
الجد طلال: نحمدالله انت شلونك وكيف العيال ؟
الجد طارق : بخير يسلمون عليك
الجد طلال بعتب : وش هالقطاعة يخوي ؟
الجد طارق : والله ياخوي اشغلتنا الشركة زي ما انت عارف مشاكلن مالها نهاية
الجد طلال : الله المعين
الجد طارق : أقول ياخوي والله حفيداتي جننوني يبغوني اطلبك
الجد طلال :سم
الجد طارق :يقولون ورا ما نروح المنتجع اللي بقرب البحر ودهم يغيرون الجو وحابينكم معانا وش قلت ياخوي؟
الجد طلال : والله وانا اخوك موافق بس اشوف الاهل بس كم تجلسون؟
الجد طارق : والله ودهم بشهر شعبان كله ويمكن لرمضان اذا استانسوا
الجد طلال: ان شاء الله انا اكلم الاهل واردلك
الجد طارق : بس هاه لا تتأخرون ودنا نبكر في الروحة خلهم ينبسطون
الجد طلال : بإذن الواحد الاحد
الجد طارق: توصي شي
الجد طلال: سلامتك , فمان الله
الجد طارق : فحفظ الرحمن
ابتسم بحنان هذا اخوه مهما طالت بهم البعد والمشاكل ومشاغل الحياة يرجعون حق بعض لان دمهم واحد لان قلوبهم على بعض الله يفرقنا ياخوي (اتنهد) الله يهدينا بس نحن اخوان وهالقد نتفارق , يعرف اخوه مهما صارت بينهم مشاكل ما يحب يعتذر بس يعزمهم على البر او بيته او مزرعتهم عشان يشوفون بعض ( اتنهد من جديد) هذا حالك يا طارق يا اخوي – المنتجع للجد طلال وطارق سوا النص بالنص اشتروه لأنهم ما يبغو يتفارقو في يوم من الايام (هذا تفكيرهم)-
لف راسه على فتحته الباب اللي خلته يفز من مكانه
ابرار , اسرار , غدير , الهنوف , الجوهرة , فجر
كلهم بصوت واحد : يبببببببببببه
الجد حط يده على قلبه مفجوع : بسم الله الرحمن الرحيم
كمل بعصبية ممزوجة بخوف : وشوله يبه بغيتوا تموتوني
ابرار بدلع : يبه اسم الله عليك من الموت
الهنوف: في عدوينك ولا فيك ان شاء الله
الجد : هاه يبه وش بغيتو امروني ؟
فجر بدلع : اممممممم يبه
الجد : يا عيون يبه امري؟
فجر , ابرار : يبه حبيبي قول تم
(ابرار واسرار وفجر والهنوف والجوهرة وغدير دلوعات الجد يموتو فيه وهو يموت فيهم وما يرفضلهم أي طلب وركزوا على أي طلب.. كلهم يقولوله يبه )
الجد : بقول تم مادام السالفه فيها انتم بس بقول كمان الله يعين منكم امروني يالغاليات امروني؟
اسرار تمثل البراءة : وي جديي لا تظلمنا بس بغينا نقلك
ابرار تكمل ببماطله : انوووو
غدير تتابع المماطلة : نبغاااا
الهنوف: نرووح
الجد بنفاذ صبر : ايواا؟
الجوهرة : مع جدي
فجر بدلعها المعتاد :طارق
الجد : حسبي الله عليكم هذا كله بس عشان تروحو رفعتوا ضغطي
بس ما دامني قلت تم ما اسحب كلمتي روحو كل وحدة تنادي ابوها ولا اقولكم خلاص روحو انتم وانا اتصرف
الجوهرة : قلب قلبي والله يبه
الجد : ايه ايه الدنيا مصالح اصير حبيبكم لما اخرجكم هاه
ابرار فتحت عيونها على وسعها : يبه انت من زمان حبيبنا
فجر تمثل الزعل : افا يبه نحن حق مصالح
الهنوف : يبه هذا ولا على قد حنا اللي مسوين الغدا لك انت اليوم وزي ما تحبه واسرار سوت الحلا وانا السلطة والباقين الاكل
فجر بدلع : وانا حطيت التمر لك
غدير طالعت فيها بنص عين : لا والله
الجد كتم ضحكته
الجوهرة : بلا بلا اسكتو خل نشوف قرار جدي .. (لفت على جدها) هاه جدي وش قلت ؟
الجد باستسلام : روحو شوفو اللي ناقصكم لشهر وزود
غدير : يسسسسسسس ثانكيو يبه (باستو على خده )
اسرار تمثل الحزن : بس يبه العيال اكيد راح ينكدون علينا وما راح يخلونا زي عائلة جدو طارق
فجر بدلع ممزوج بتمثيل الزعل : يبه حنا ما سوينا شي غلط يبه بس نلف الطرح ونلبس شي ساتر والله ويقولون حنا كبار ونحن لسه تونا ببداية عمرنا بس يبه والله نلبس لبس ساتر ونحط الطرح
غدير: ايه صح يبه وكمان نبغا الدبابات نركبها لان العيال ما يرضون
الجوهرة : يبه وكمان الخيول كلن بخيله بس العيال يخافون علينا ويقولون لا
اسرار : يبه وكمان كله العيال يروحو يخت عالبحر وحنا ما نروح
الهنوف : ايه يبه وكمان ما يخلوننا نركب دبابات البحر
الجد يطالع فيهم وحدة وحدة : ماشاء الله وست ابرار ما عندك مشكلة ابد؟
ابرار بابتسامه عريضه : يبه اصبر خليني افكر
الجد : ماشاء الله وبعد تفكرين!
ابرا : ايه صح يبه ونبي نسوق سيارات
الجد بتفكير : عندي فكرة حلوة
الكل تحمس (يعرفون افكار الجد موب هينة ) : قولها يبه
الجد بابتسامه : شرايكم تلبسون ثياب وتجلسون بدال العيال كمان ولا اقولكم خلاص العيال يروحون يطبخون وينظفون وانتم سوقو واركبو دبابات واركبو خيول ووش بعد كمان قلتو ؟
الكل فهم : هههههههههههههههههههههههه
ابرار : يبه نعتبرها تم؟
الجد : اذا تم بتخليكم تخرجون بقولها ألف تم
@@@@@@@@@@@@@@@@
أحياناً لا نريد العيش في هذه الحياة ..!
فهنالك أمور تؤلمنا حد الموت .. ولكن نضطر للعيش فيها لأسباب أخرى ..!
نضطر للكتمان كي لا نقع من أعين البعض وأحياناً كي لا نغير نظرة العالم إلينا ..
ومن ثم نفقد الإحترام ويتحول إلى أبشع الصفات ..1
يستعبدنا الحزن فنصبح خاضعين له وبأقرب مثال عندما ترى شخصاً قريباً من قلبك يتألم ..
(أم , أب , أخت , أخ , صديقة )
بقلمي/ ʂαყα ɠαʂԋ ♫♥♫
@@@@@@@@@@@@@@@@
نواف: رووووزا
رزان :هلا
نواف: شرايك بالجوهرة؟
رزان بفهاوة : منو الجوهرة (وشهقت ) وااااه (حطت يدها على فمها وبتردد ) الــ
نواف قاطعها : لا يا بلها جوجو بنت عمي جميل
زران بسرحان : آها احسب ...امممممممممم جيجي والله والنعم فيها وينشد فيها الظهر
نواف ما فهم : هاه وش ؟ رزان وش فيك عن منو تتكلمين؟
رزان بسرحان مرة تانية : ر... (واستوعبت وكملت بتوتر وهي تحك يدينها في بعض ) جيجي امممممم شيخه البنات جيجي
نواف بشك : وش كنتي بتقولين؟؟ قلتي حرف الراء
رزان بتصريف وارتباك : كنت بقول رجلها توجعها
نواف بعدم تصديق : امممم اها
رزان عدلت جلستها بإهتمام واضح : وش تبي في جيجي ؟ ليه تسأل عنها؟
نواف بإبتسامة تخفي وراها حزن كبييييير محد يفهمه غير رزان : أبيها .. (سكت شوي ) أبيها أبي أتزوجها .. أبيها زوجه ..يعني أبي
رزان قاطعتة : خلص خلاص عرفت أنك تبيها بس خلاص (وكملت وهي تقلده ) أبيها ابيها زوجه ابي اتزوجها ابي (وسكتت وهي تشوف نظراته )
طالعها بنص عين وهو يكتم ضحكته : ايه كملي وش بعد
رزان وهي تتفحصه : نواف ليه تبي الجوهرة؟ (وكملت بحزن ما قدرت تخفيه ) تظلمها إذا أخذتها لجل إسمها يا نواف تظلمها .. إذا انت واثق انك ماراح تظلمها وراح تعطيها حقها من الحب والاهتمام وغيره وتقدر تتناسى حبك مع الــ
قاطعها : بس بس بالعة راديو ؟؟ (وكمل بتردد) انا واثق انها راح تنسيني هي وطوايفها بعد يا روز بس ابيها تصبر علي شوي وبعدين انا ف الفترة الاخيرة (وكمل بإحراج) شفتها كذا مرة واعجبت فيها
رزان تصفق وهي تصفر : لا والله ياخوي طحت ومحد سما عليك ... والجوهرة امها داعيتلها بدعوة مستجابة
نواف بتردد : بس اممممممم
رزان بإهتمام : وش؟
نواف : أبيكي تجسين نبضها
رزان أبتسمت وبداخلها الجوهرة ترفضك يا نواف؟؟ وهي اللي تموت في ترابك وهي اللي تموت في عطرك وفي كل شي فيك؟؟ الله يجمعكم مع بعض والله كل واحد يستاهل الثاني
نواف : وي وي وي كله تفكرين يا روزا ( كمل بضيق ) قوليلي وش مضايقك؟؟
رزان دمعت : ولا شي – جات بتقوم مسكها نواف من يدها وجلسها قباله بعدما عدل جلسته بإهتمام –
مو اخت نواف اللي تتضايق لا وبعد تبكي
رزان بكذب : تخيلت تتزوجها وافقدك
نواف : مع اني ما صدقت بس بمشيها بمزاجي
رزان وقفت واتخصرت بدلع : لا والله
نواف رفع حاجبه : وش هالوقفة اوقفي عدل ( كمل بخبث ) عشان الحب جالس يتأمل فيكي
رزان وجهها أتلون وطالعت وراها ببطء وهي بداخلها تدعي ما تشوفه ورجعت لفت على نواف اللي متسطح ضحك
نواف وهو يمسح دموعه من الضحك : وجهك لو تشوفينه كيف صار (واتذكر شكلها ) ههههههههههههههههههههههههههههههههههههههههههههه روز ههههههههههههههههههههههه
رزان انقهرت من حركته مشيت من جنبه وصقعته على كتفه : سخيف
مشت لداخل وهي مقهورة منه ومن تصرفاته اللي تعتبرها تصرفات بزورة
طلعت جناحها وهي مبوزة
نواف تنهد ومسح وجهه بيده : طيب يالجوهرة دواكي عندي

الاميرة المجهولة ... ©؛°¨غرامي فعال ¨°؛©

اوووووووووول رد



روعة الصراحة فكرتها جديدة خاصة روز ابي اعرف حكايتها


و اتمنى تطولي البارت شوي و تحددي موعد الرواية



و راح اكون من متابعينك

Saya Gash ©؛°¨غرامي جديد¨°؛©

سوري بنات النت قطع عندي بس البارت ما كملته والحين بنزل التكمله

Saya Gash ©؛°¨غرامي جديد¨°؛©

@@@@@@@@@@@@@@@@
أجهلك ولي سنين أتخيلك!!
وجهك اللي قد نحته في عظامي والجوارح ..!
وجهك اللي قد حفظته وبتفاصيل الملامح ..!
ياللي كلي بك معرفه واجهلك!!

@@@@@@@@@@@@@@@@
حسن بجدية : بيبي
......: هلا عيوني
حسن : كم صار لنا مع بعض؟
......: امممممم مدري
حسن يمثل عتب: هذا وأنا حبيبك وما تدري ( سوا نفسه زعلان – لكن داخله يعرف انها حتى ادق التفاصيل هي تعرفها !-)
......: بيبي كنت امزح وربي (كملت بهيام ) تعرف اني اعرف عنك ادق التفاصيل تبغاني انسى اليوم اللي جمعني فيك؟
حسن بهيام: الله لا يحرمني منك ويجعلك من نصيبي
......دمعت : امييين ويخليك ليا ولا يحرمني منك ويجعلك من نصيبي مو من نصيب غيري
حسن : لا تصرفي يلا كم صارلنا؟
......:ماشين في السنه الخامسة وبنكملها بعد اربع اشهر وثلاث ايام
حسن بهيام : كماااان!؟ الله لا يحرمني منك
......: اميين ولا منك يا روحي انت
حسن بهدوء عكس التوتر اللي بداخله : تتزوجيني يا جوجو؟
جوجو ألجمتها الصدمة وسكتت – ماحسبت حساب هالشيء ما حطت حدود لأحلامها ولا كانت تدري وين بتوصلها أحلامها معه .. هي الحين في لحظة حقيقة إما إنها تقول الحقيقة أو تخسر حب حياتها للأبد بدون رجعة هي خدعته.. لالا ما خدعته هي قالت له لا تنصدم إن عرفت أنا منو إن عرفت حقيقتي يا حسن وش بتقول؟؟ بتركني؟؟ ولا بتسامحني؟؟
حسن بهدوء : يشهد الله علي إني احبك بصدق مو زي عيال هالأيام مقابلات ومدري وش يشهد الله اني ما اتمنيت اشوفك الا حلالي ولا اتمنيت المسك الا حلالي انا ابيكي لي زوجتي على سنة الله ورسوله أنا صبرت خمس سنين على حساب اسمع صوتك بس .. لكن جوجو جاوبيني هل عمري طلبت اشوفك؟؟ هل عمري طلبت صورك؟
جوجو ببكاء يتبعه شهقات صامته : لا
حسن يكمل : عمري طلبت منك نخرج؟
جوجو : لا
حسن : هذا أول دليل يثبت لي إني ما أكذب عليكي واني ابيكي لي يا جوجتي
جوجو: اممممم
حسن بعشق واضضح : تتزوجيني ؟ تصيري حرم الأستاذ حسن؟
جوجو بفرحه مختلطة بخجل : ايه
حسن قام بسرعة واتربع فوق السرير : عيدي ما سمعت عيدي؟؟
جوجو بخجل مختلط بحزن مخفي: ايه يا حسن ايه
حسن بفرح : كللللللللللللللوش انا بقفل وارسليلي رقم امك وابوكي بسرعة
جوجو غمضت عيونها بقوة : لأ يا حسن ..!
حسن رفع حواجبه : كيف أخطبك ؟ لسه مو واثقه فيني ولا كيف؟
جوجو بسرعه : لا لا لا لا مو عن كذا
حسن : طيب اممممم بيبي
جوجو : هلا عيوني
حسن : صار لنا خمس سنين وما اعرف اسمك ولا اسم ابوكي ولا اهلك ولا بيتك ولا أي شي عنك غير كم شيء بسيط وهذه رغبتك صح؟
جوجو : حسن
حسن ( لبيه يا اسمي بلسانها شحلاته ): هلا
جوجو : كم صار لنا سوا؟
حسن بفهاوة : ماشين في السنة الخامسة !!
جوجو : قدرت تصبرها ؟
حسن (ايه هين قدرت اصبرها بطلع الروح) : ايه بس بطلعت الروح
جوجو : اصبر بس ثمانية ايام وبتعرف اهلي وابوي وانا وكل شيء عني اوك؟
حسن : لا لا لا جوجو هذه مو لعبة ابيكي تقوليلي الحين
جوجو : حسن تكفه عشاني
حسن(عشانك امشي عالجمر يا حلات اسمي بلسانك) : اممممممم طيب بس ثمانية وبعدها لو اجلتي كمان يا ويلك انزين؟؟
جوجو بابتسامه : ي بيبي وعد ما أءجلها
حسن : توصيني شي ؟ الوالدة تبيني شوي
جوجو (يا حظها بتشوفك ): لا سلامتك انتبه لنفسك
حسن اتنهد: جوجو
جوجو (يااالبيييييييييه) :عيوني
حسن : انتبهيلك
جوجو دمعت (ما أستاهلك ...لا لا وش هالكلام ): من عيوني
حسن: باي
جوجو: باي
قفل منها وأتنهد براحة وحط يده على قلبه : آآآآآآآآآآه يا قلبي من أسمع صوتها أتلخبط
أبتسم على صدى صوتها وجلس يغني وهو يرتب غرفته (ما يحب الخدامة ترتبها )
حسن بصوت هادئ:
احبك مــــــوت كلمه مالـــــهــــــــا تفســـــــير
ولين الــيـــوم مـــــــدري كيـــف افســــــــرها
لانــــــي مـــن عرفتــــك وانـــا احســـك غــير
مثــــل روح(ن) لـــقـــت روح(ن) تــدورهــا
كأنــــي روضـتــك وانــتــا سـحــابه خـــــير
وصــــوتك لا هــــمــا روحــــي ابــشرهـــا
مـــعــك صــــار الـــغــلا اجــمــل بــلا تـبرير
لان الــنــاس لـلــنــاس الله ســخــــرهــــا
كـــبــير انـتــه في قلـــبي وفي عيــوني كبير
تــغـــار العــــيــــن من قلـــبي واصــبرهـــا
واهم بــأســمــك اســاســا مــاغــلا تــقــديــر
ونــفــســي فــي حــلالـــك كــيــف اخــيــرهــا
لــكــن وصــف وعــنــدك يــعــجــز الــتــعبــير
تــعــبــت اتــخيــل اوصــافــك واصــورهــا
فــي قــلــبن من طبــع مــينك يا فــال الخــير
وانــا الفــرحــه مــع انــفــاســي اكــررهــا
كــــلامــك عــذب ولحــروفــك عــلــي تـــأثير
مــثل يــاعــونــك اللــي مــن تــعــبـــرهــا
احــــس مــــن ودي اخــــذك واطــــــير
وألــــــف الدنـــــيا بحــــساسك واعــــطرها
نـــعم لعيــــونك اللـــي مايصـــــير يصــــــير
اجيــــــب النجــــــمه لــــو بــــالــــك تــصورها
وحـــــتى النـــــجمه لـو جــــاتك بهــــا تقــــصير
اســــافر للســـمــــا لأجــــلـــــك واغـــيــــرهــــا

@@@@@@@@@@@@@@@@

تعساً لمن ساقته أقداره ونكادة دهره إلى صحراءهم , وبئساً لمن تكسرت أمواج شوقه على صخرة جمودهم وبلادة مشاعرهم , حين تصبح عبارات الحب ولواعج الغرام التي ينشدها حائرة , ولا تستدل هدفها , ويغدو كالمغني على جوقة الصم والمتزين لجماعة العميان وكمن يزرع أشواقه حباً في قلوبهم ويتعهدها بالرعاية ويسقيها بماء عينيه , ثم يتفاجأ بأن جدب مشاعرهم أقوى من تصورهـ وأبعد من خيالاته ..!
حين لم تنبت قلوبهم القاحلة حباً..!
@@@@@@@@@@@@@@@@
وقفت بصدمة : يمه منو ؟
أم رزان : يمه وش فيك قلت رعد ولد عمك سليمان
رزان بخجل : عن إذنك يمه جوالي يرن فوق
- وطلعت على طول -
أم رزان بقلب صادق: الله يوفقك يمه
رزان دخلت غرفتها وقفلت الباب واستندت عليه ومسكت على قلبها " يعني هو يحبني يعني هو يبيني مثل ما أنا أبيه يمممممه قلبييييي فرحانه "
@@@@@@@@@@@@@@@@

أغار عليك فتشقيني الغيرة
أرى النساء حولك كواسر يشهرن أنيابهن
فأود أن أضعك في قلبي حماية لك
حتى ولو نهشته تلك الأنياب

@@@@@@@@@@@@@@@@
طاحت دموعها مصدومه منه يا الله هان عليك قد كذا ترخص فيني؟؟ طيب ليه ليييييه ليييه يا زوجي وابو عيالي.؟؟؟ مسحت دموعها على طول من سمعت صوت الباب تركت الجوال مكانه وراحت الطرف الثاني من السرير انسدحت وكتمت شهقاتها المتتالية..
خرج من غرفة الملابس وهو لابس ثوب اسود ورافع الأكمام ورش من عطرة المفضل (جيفينشي بلاي) وانتبه لجواله المقلوب ... كان الوجه حق الجوال على الكومدينة لما تركه لكن دحين الوجه على السقف (عمر : انسان غيرته الحياة وقساوتها بعد زواجه من العنود اللي كان رافضها جاب منها ريوف اللي عمرها 7 سنوات .. صح انو معيشته احلى حياة لكن تشك فيه من بعد سالفة قديمة وهو انسان فلاوي بالرغم من انه وقت الجد جدي بدرجة كبيرة لكنه دقييييييييق جداً في تنظيم حياته ودقة ملاحظته تساعده في دا الشيء كثير ... متزوج من العنود من 8 سنوات تقريباً لكنه ما يحبها بس يكن لها الإحترام لكن العنود تعشق ثراه)
اتنهد وراح عنده سحبه وسحب مفاتيح السيارة
عمر : بسك نوم قومي يلا بدلي وبنطلع عند أمي
العنود تداري شهقاتها : مابي تعبانة شوي عمر واللي يخليك اتركني اليوم تعبانة
عمر بعصبية راح لعندها ومسكها من معصمها وقومها بقوة : لكي عشرة دقايق تقومي تتسبحي وتبدلي وتنزلي ماراح انتظر كثير ولا تختبري صبري
وكمل بصراخ : لمتى يالعنود حتفضلي على هالحال على هالتصرفات الطفولية انا مليت منك يالعنود
أتعالت شهقاتها من يوم حست ألم ببطنها لأن يوم قومها دق بطنها في الكومدينه
وبقوة خرجت الحروف: أبعد عني ما أبيك أبعد عني أكرهك( وبصراخ ) أكررررررررررررررررررررررررهك بعععععععد
فلت يدها بقوة وطالع فيها بإحتقار : يعني انا اللي ميت عليكي
كان كلامه زي السكاكين اللي طعنتها , حست الدنيا تدور فيها بس قاومت واستندت على الجدار تركها واقفه ومتسندة على الجدار لف عنها
عمر: لما ترجعي عنود اللي اعرفها ذيك الساعة دوري علي وعلى فكرة يا ستي هانم اللي مسميها في جوالي روح الروح ذيك رزان رزان يا العنود رزاااااااااااااااااااان يالعنوووووود(رزان اخته بالرضاع)
ولف وكان راح يطلع لكن وقفه صوت التكسير لف هو ناوي يخلص عليها اليوم
عمر والشرر يطلع من عيونه من العصبية : العنــــــووووود
@@@@@@@@@@@@@@@@
الشوق يطعني وروحي تناديك
في غيبتك ما عاد للروح خاطر

@@@@@@@@@@@@@@@@
الجد طلال :السلام عليكم
الجد طارق: وعليكم السلام
الجد طلال: وشلونك يا خوي؟
الجد طارق :الحمدلله بصحة وسلامه انت شلونك وشلون الاهل؟
الجد طلال: الحمدلله في نعمة وعافيه
الجد طارق : آمر ياخوي
الجد طلال: ما يمر عليك ظالم وانا اخوك بس بغيت اقولك والله شاورت الاهل وقالوا مشينا
الجد طارق: خير ان شاء الله نمشي الخميس بإذن الله خلنا نمشي بعد صلاة الفجر علطول
الجد طلال : ان شاء الله
الجد طارق : اقول وانا اخوك
الجد طلال: هلا امر ياخوي ؟
الجد طارق : والله يا خوي انا حبيت انو نمشي سوا ونكون انا وانت بقرب بعض وكذا فقلت خلنا نستأجر باصين واحد واحد للرجاجيل والحريم والثاني للعيال
الجد طلال: عند شورك ياخوي ما عليك بس النص بالنص هاه
الجد طارق: والله حلفت لك انك ما تدفعن ولا قرش ولا هلله أنا عازمك وأنت أهل الدار
الجد طلال: الله يهديك يا خوي ليه تكلف نفسك , إن شاء الله خير
الجد طارق :ولو ياخوي نحن اخوان ما بيننا بإذن الله
الجد طلال : سلم لي على العيال والبنات
الجد طارق : ان شاء الله وانت كمان وصل سلامي
الجد طلال: وصل ياخوي
الجد طارق : فحفظ الرحمن
الجد طلال: فحفظ الباري
@@@@@@@@@@@@@@@@
انتشر خبر المنتجع للكل بأنه يوم الخميس والخميس اللي بعده في المنتجع ملكة رزان وكان اليوم سبت والكل يجهز ويخطط وش يسوي ووش ناقصه
إسراء: بنات اووووف ما يمدينا نروح السوق باقي بس ستة ايام !
فجر بدلع : ماعليه كل يوم ننزل شوي شوي أنا ناقصني اشياء وااااجد
العنود : طيب اليوم نروح السوق بعد العصر
عبير : ايه ونكمل بعد العشاء للصالونات ؟
الكل : ايوة
اسراء بحدة : الكل يكون جاهز بعد العصر علطول واللي تتأخر تلحقنا
(ملاحظة : اسراء رغم دلعها وهبالها الا انها منظمة العيلة تنظييييييييييم تمام ممشيتهم على اوقات محددة واللي يتخلف عنها يتحمل نتايج اهمالو)
الكل بأصوات متفرقة : يوووه .. ان شاء الله ..طيب ... اوك ... متى يمديني
بعد صلاة العصر الكل كان جاهز في الصلاة بس يستنو عبير تلبس شوزها الله يكرمكم
عبير : اووووباااا خلصت يلا نمشي؟
اسراء :يلا
كان ترتيبهم كذا..
اسراء ووعبير ورزان مع محمد سواق اسراء
نوف ومي والهنوف وفجر مع حامد سواق فجر
ابرار والجوهرة واسرار وغدير مع محمود سواق غدير
وصلوا ونزلوا ...
اسراء بحدة : كل اثنين سوا اتوزعو خذو اللي تبغوه وبعد ساعة بالضبط نتلاقى هنا فنفس دا المكان
الكل : اوك ..طيب
اتوزعوا
اسراء وعبير
اسرار وابرار
نوف ومي
الجوهرة وغدير ورزان
الهنوف وفجر
________
آمووت آمووت بعيونهْ ،،
لآ شآفني آسوي آلخطأ . .
مآ تكلم بس
لعن خآمس وآلديني بِنظرتهْ

________

اسرار كانت تمشي وتكتب في الايفون ملاحظاتها واللي اشترتو عشان تشوف الناقص وابرار كانت ماشية جنبها وتقرأ البي سيات اللي جاتها من صحباتها وفجأة ..
أبرار: هههههههههههههههههههههههههههههههههههههههههههههههههه هههههههههههه
اسرار خبطتها على كتفها بشويش: هيه هيه ترانا في مكان عام اتركي عنك الجوال
ابرار تكتم ضحكها : اوف خلاص طيــ(سكتت وهي تشوف واحد واقف جنب اسرار ويطالع لابرار متنح فيها )
ابرار بعصبية : هييييه هييييييه فين نحنا كذا تطالع ؟ شيل عيونك وبلا قلة أدب
اسرار اتفشلت وانسحبت بسرعة على المحل اللي جنبهم
الولد (ي لبيييه المعصبة فديتها) : والله انتي اللي فين تضحكي كذا مو بس انا اللي طالعت شوفي كل اللي في المكان طالعو
ابرار بعصبية : وانت وش دخلك كيف اضحك وجع ناس مريضة
وراحت ورا اسرار
اسرار وهي متفشلة : ابرار ما تتعبي من مشاكلك كل شوي هابه تتضاربين
ابرار بحلطمة : والله هو الغلطان
اسرار : ايه كل مرة هم الغلطانين وانتي الملاك
ابرار : بس سوسو تصدقي فيه شبه من اممممممممم مدري بس احس اني قد شفته او اعرف ملامحه
اسرار بلامبالاة : يمكن شبه بس
ابرار بتحطيم : اظنه في التلفزيون .. لا لا يشبه واحد من عيال عماني ... لا لا مدري والله
وكملو تسوق
__________________
اسراء: شوفي شوفي عبورة الفستان البنفسجي مرة يطلع كيوت عليكي خذيه لملكة رزان
https://bo7.net/wp-content/uploads/20...mages-2420.jpg
عبير بإعجاب: واو مرة كيوت ( وطلعت مقاسها منه وحطته على يدها مع باقي الملابس )
عبير بتفكير: امممممم سوسو حبيبي ليه ما نطقم كلنا نفس الفستان يصير مرة روعة صح؟
اسراء : امممممممم يب يب وارسلت للبنات كلهم انها اشترت لهم فستان لملكة رزان لا ياخذو ولا يقولو لأحد عشان يسووها مفاجأة والكل ارسلها موافقته لأنهم عارفين ذوقها مافي منو اثنين
اخذت على مقاسهم كلهم وحاسبت وطلعت متوجهين للشوزات الله يكرمكم
دخلوا
عبير تغطي انفها : افووووو وش ذي الريحة سوسو تعالي نخرج
اسراء بتقرف : اوووففف يلا
خرجو وراحو محل تاني وقبل لا يدخلو عبير شهقت واسراء التفتت عليها : وش فيك ؟
عبير بسرعة خرجت وسحبت اسراء : خالو عزوز
اسراء بإستغراب : يعني اشبو ؟؟ طيب
عبير من الخوف صار لون وجهها احمر
اسراء جات داخلة بس عبير سحبتها : لا لا خالو عزوز مع وحدة ثانية مو مع شهد ولا مع احد نعرفه من البنات
اسراء كانت شاكة فيه من أول : كنت عارفة انه يكلم وحدة بس ما وصلت المواصيل فيه يسوي كذا
طالعوا فيه كان يضحك من قلبه معاها وكان واضح الحب في عيونه وكان يتغزل بها كان واضح انها حبيبته من مسكة يده لها واختياره لأقمصة النوم
عبير كانت مركزة معاه لكن أنتبهت لحظة ما اسراء اتوجهت له ومسكته من يده ودارته
علطول راحت معاها
عبدالعزيز بإرتباك :أأء اسررررااء
اسراء بإحتقار : ايه اسراء يا عبدالعزيز
البنت اللي مع عبدالعزيز : حبيبي مين هاذي ؟
عبدالعزيز اتجاهلها ولف لإسراء يكلمها : وش جابكم ؟
اسراء بسخرية : وش جابنا ؟ ليكون مكان خاص فيك انت (وسكتت تطالع في البنت اللي متمسكة فيه من فوق لتحت بإحتقار وكملت )انت واللي جنبك ؟
عبدالعزيز: بننننت اتكلمي بأدب معايا
اسراء بإحتقار : ليه ؟ أمثالك وأمثالها يعرفو الأدب ؟
عبدالعزيز بعصبية : اتكلمي بأدب عشان لا أمد يدي عليكي يا قليلة الأدب
اسراء بسخرية : إذا انا قليلة ادب انت وش تصير ؟ ماشاء الله الادب كله هنا , خبري اللي يسوي الغلط ما يرفع عينه للي قدامه لا وبكل قوات عين ترفع عينك وماسك في الشي هذا (واشرت بطرف اصباعها على البنت اللي جنبه) كأنها بتضيع ... عبدالعزيز يعني عندك بالحلال تروح تاخذ بالحرام ليه ؟ لييييييييييييه ليه يا عبدالعزيز ؟ هذا وانت كنت
البنت قاطعتها بغرور : هيه هيه لمي لسانك ماهو الجازي بنت حسين الماجد اللي تتآخذ بالحرام هاه وأصلاً مين إنتي جايه تتكلمي بقوات عين ؟ ليكون تحبيه؟
اسراء انصدمت من الاسم حست الدنيا تدور فيها تمسكت بيد عبير " ليييه لا لا لا مو هي لا لا يتهيأ لي " اتصنعت السخرية وهي تطالع في عبدالعزيز المتوتر : والله وصرنا نتزوج من ورا اهلنا يعني شوفو نحنا كبار هاه يا عبدالعزيز .... لا ومين بنت الماجد يا عبدالعزيز ... (لفت تطالع على الجازي )وأنا من أكون ؟؟؟ أنا مين ؟؟؟
أنا بنت اخوه .. (وكملت بنبرة إستهزاء ) وصديقة زوجته شهد (وشددت على كلمتها ) اللي ماخذها قدام أهله الروح بالروح .. حسافة فيك شهد ما تستاهل خوان زيك
الجازي انصدمت" بنت اخوه وكذا تكلمه يعني راح تجيب العيد وتوطي راسه كله مني اوووف" : انتي اسراء صح ؟
اسراء : وي هه براااافو والله وكلمك عني اكيد
الجازي : شوفي يا اسراء انا وعبد العزيز متزوجين من 7 سنوات ومالك حق تسوي كذا فيه وتقولي خاين الشرع حلل 4 مو حرام يتزوج 4 ممرات يعني اوكيه؟واذا عن ليش ما قلكم بسبب ظروف مع السنين والايام الجايه راح تعرفوها وكنت راح اسويلكم مفاجأة على بعد كم يوم اجيكم لكن انتي سبقتيني وعرفتي سهلتي علي صدمة شخصين (وابتسمت ) أنا وعبدالعزيز الظروف اجبرتنا نسوي كذا يا اسراء يجيكي يوم وتعرفي وش معنى الظروف ولفت وجهها وكانت بتمشي مع عبدالعزيز لكن وقفها كلام اسراء
اسراء بحسرة : اعرف وش معنى الظروف يالجازي اعرف وا حسرتي فيكي يالجازي تعلميني وش معنى الظروف ؟؟ اخوكي سواها فيني وعلمني وش معنى الظروف بالفعل وانتي جايه تعلميني بالقول؟ (نزلت عينها ومسحت دموع القهر من عينها ورجعت رفعت راسها ) أخوكي اللي علمني , اخوكي اللي سوا عكس اقواله اخوكي اللي صار لي عشر سنين انتظره لكن ولا جاء ولا ادل له طريق ولا ابيه (واشرت على قلبها ) القلب عافه القلب عافه القلب عافه (وطالعت في عبدالعزيز وكملت) الله يعين قلبك ما لقيت الا عائلة حسين الماجد ؟ اللي يجري بدمهم الخيانة ؟ والنذالة ؟ بنت الماجد اللي فضلتها على شهد راح تخليك تندم انك عرفتها او سمعت اسمها
دارت ظهرها وسمحت لدموعها تتخطى عيونها وتنزل , لحقتها عبير وخرجوا يكملو تسوق بإصرار من اسراء اللي تبغى تفرغ غضبها بالتسوق
________
نوف : واااااو شوفي المزة ذاك
مي : واه يخقق الله يصيبو
نوف طالعت فيها بنص عين : يخقق فهمتها الله يصيبو ليه
مي << مو معاها خاقهه عند الولد
في مكان ثاني
قصي : حسان حسان شوف البنت المزة متنحة فيك
حسان : هههههههههههههه قول والله فينها؟
قصي أشرلو على مي
حسان بعصبية : قصي يا غبي هذي مي وجنبها نوف
قصي رفع حواجبه بهبال : طيب ما انا عارف بس اثير غيرتك ( وكمل بخبث) يالعاشق الولهان
حسان روق بس اتصنع العصبية : لا يا شيخ ايه اكيد اغار على بنات عمي – مشى وتركه وقصي لحقه-
@@@@@@@@@@@@@@@@
ذاك المكان ..
اللي جمعني ويآآك
ودي أمحيه عن الوجود ..!
لأن كل ما يمر الزمان ..
وكل ما أعبره يرجعلي ذكراك ..!
وكنك معي تعبر به هالحدود..

بقلمي/ ʂαყα ɠαʂԋ ♫♥♫
@@@@@@@@@@@@@@@@
عند الجوهرة وغدير ورزان
الجوهرة وغدير جالسين يطقطقو على رزان
الجوهرة تكتم ضحكتها : رزان شوفي هالفستان ينفع لصباحيتك
رزان دارت عليه وشهقت بقوة : يا كلبة يا وسخة هذا فستان فاصخ يالحمارة ياللي ما تستحين
غدير تكتم ضحكتها: ايه وحتى لونه مناسب
رزان طالعت فيهم بنص عين وحاسبت وخرجت ولحقوها الجوهرة وغدير بعد ما حاسبو
غدير : تعالو نعومي
رزان عصبت : وشله نعومي كمان لما تتزوجن انتم روحوله انا مالي صلاح فيكم انتم حرات انا ماني داخله المكان الفاصخ ذاك
الجوهرة : الله يهديكي روزا غدو قصدها ناخذ لنا ملابس داخليه
غدير بخبث : ايه ما قصدي شي (كملت ببراءة ) شي وصخ
رزان : ايه اشك صراحة بس هاك رقعتوها ومشيتها بكيفي
الجوهرة اتخصرت: لا والله ؟ يعني بتوقف الدنيا ان ما مشيتيها ؟
غدير دفتها : امشو انتم ومناحلتكم ما راح نخلص ولا بكرة
@@@@@@@@@@@@@@@@
الكل خلص ورجعو بيت الجد وانبهروا بذوق اسراء الروعة في اختيار الفستان
وفرحوا لأنه باقي خمس ايام على المنتجع والكل يخطط وش يسوي وكيف ومتى ووين ..
البعض نام فرحان
والبعض حزين
والبعض متحسف
والبعض مشتاآأآأآاق
والبعض متحمس
والبعض خايف وش تخبي لهم ايام المنتجع وملكة رزان
@@@@@@@@@@@@@@@@
ووهنا وصلنا مع بعض لنهاية البارت ..
إن شاء الله نال إعجابكم واستحسانكم ..!؟
إن عجبتك لا توقفيها عندك انشريها ولك دعوة بظهر الغيب
أدري إنه قصير لكن كإفتتاحية وكذا يعني
توقعاتكم؟؟؟
1- وش هي حكاية روز؟
2- العيال ؟ وراح يوافقو على طلبات البنات التعجيزية؟؟
3- نواف ؟ ووش يخبي للجوهرة ؟ ووش بينهم ؟ وليش قال (طيب يالجوهرة دواكي عندي)
4- رزان ؟ ومستقبلها مع حب طفولتها ؟
5- جوجو وحسن ؟ ومن تكون جوجو ؟ وكيف خدعته ؟
6- العنود وعمر ؟ وش راح يصير بينهم بعد صوت التكسير راح تتعدل حياتهم ولا راح تميل للأسوأ؟
7- ابرار؟ والولد اللي تنح فيها ؟ راح يكون له دور في الرواية ولا مجرد محط صدفة وعدا؟
8- عبدالعزيز؟ ومين هيا الجازي؟ووش حكايتهم ؟
9- اسراء ونايف؟ وش قصتهم ؟ ووينه نايف ؟
10- نوف ومي؟ قصي وحسان؟
11- هل راحح تستمر حياة جوجو وحسن ولا راح يخرب فرحتهم شي؟ ولا راح يكونو سعيدين ويتزوجو ويخلفو؟



@@@@
كل هذه الأحداث راح نعرفها في البارتات القادمة
ولي عودة مع احداث جديدة وشخصيات جديدة واحزان وافراح ومواقف جديدة مع بارت جديد بإذن الله

Saya Gash ©؛°¨غرامي جديد¨°؛©

المشاركة الأساسية كتبها الاميرة المجهولة ... اقتباس :
اوووووووووول رد



روعة الصراحة فكرتها جديدة خاصة روز ابي اعرف حكايتها


و اتمنى تطولي البارت شوي و تحددي موعد الرواية



و راح اكون من متابعينك

تسلمي حبيبتي احرجتيني والله ليا الشرف انك تكوني اول وحدة تقرأ وتعطيني رأيها الله يعطيكي العافية يا قلبي... ان شاء الله البارتات الجايه تعجبك اكثر ولعيونك بس اضفت من البارت الثاني شوي للبارت الأول ... ويا قلبي اني احدد موعد الرواية هذا شي ما اقدر اوعدكم فيه لأن ظروفي متقلبة واوعدك إن اتصلحت على طول احددها لكن ما راح اتأخر بإذن الله عن الاربع ايام
والله ليا الشرف انك تكوني من متابعيني يا عيوني

Saya Gash ©؛°¨غرامي جديد¨°؛©

المشاركة الأساسية كتبها رهوووفا اقتباس :
بداايه راااائعه



عيونك الروعة يا قلبي تسلمي

Saya Gash ©؛°¨غرامي جديد¨°؛©

البارت الثاني بإذن الله راح تكون بدايته تعريف بالشخصيات لأني عن نفسي حبيت أدخلكم في الموضوع دغري بعيد عن التفاصيل ولما توضح لكم فكرتي انزل الشخصيات

Saya Gash ©؛°¨غرامي جديد¨°؛©

أنا راح انقطع فترة معليش بس ظروفي شوي متطلبة وعارفين قبل العيد وكذا وانا اكبر بنت بالبيت وراح اكون مرا بيزي فأتمنى تعذروني وان شاء الله ما اأخر البارت الثاني على 8 يوم العيد

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1