غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-07-2015, 01:57 AM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي احلام محققة


بسم الله الرحمن الرحيم
اليوم اضع بين ايديكم روايتي الاولى واود منكم ان تكونو اساتذتي ارحب بنقدكم وارائيكم الى ان انهي هذه الرواية
وشكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-07-2015, 02:00 AM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي رد: احلام محققة


البارت الاول
دخلت من بوابة المدرسة وهي متوترة وخائفة هذا يومها الاول في هذة المدرسة قامت تقرأ الادعية في نفسها ولم تنتبه إلى السيارة التي كانت تراقبها فصخت عبايتها وعدلت شعرها ودخلت لجوة المدرسة جلست على احد المقاعد وهي تفكر كيف ستكون ايامها في هذة المدرسة قطع عليها تفكيرها الذي طال لمدة نصف ساعة صوت فتاة وهي تجلس بجانبها
..: هاي
تولين : هايات
..: كيفك ؟؟
تولين : تمام ، انتي كيفك ؟؟
..: ماشي الحال ممكن نتعرف ؟؟
تولين : اكيد انا تولين سنة ثانية ثانوي .
..: اشواق ، برضو سنة ثانية اتشرفت فيكي ان شاءالله نكون مع بعض فنفس الفصل .
تولين : ليا الشرف ، ان شاء الله .
اشواق : شوفي انا تقريبا اعرف كل اللي في المدرسة ممكن تعتبريني مرشدتك السياحية .
تولين :كويس يسير تعرفيني عليهم بس من بعيد لبعيد ،
اشواق : خلاص في الفسحة عشان يكونو كل البنات حاضرات تعالي دحين نشوف فين فصولنا .
تولين : يلا
راحو يدورو على فصولهم وطلهو مع بعض في نفس الفصل مرت ثلاث حصص مملة وفاضية ومافي ولا معلمة جاتهم
(في الفسحة )
اشواق : توليييييين يلا اتركي المراية عنك والله شكلك حلو بس امشي خلينا ننزل .
تولين رهيا تعدل نفسها في المراية : والله ما احس انو شكلي حلو شوفي غرتي مي راضية تزبط .
جات اشواق تبغا تتكلم بس قاطعها الباب وهو يترفز وداخلة بنت شكلها بوية وقالت : فين البنت الجديدة سمعت انها صاروخ
قربت اشواق من تولين وبصوت اقرب للهمس : هذي رزان بوية بس البنات مرة يحبوها لانها اكثر بوية مزة ..
قاطعتها رزان وهيا تأشر على تولين : اكيد انتي البنت الجديدة بس اش اسمك يحلو ؟؟
جات تولين تتكلم قاطعتها اشواق وقالت : تولين
طلت تولين في اشواق وهي شوية وتقتلها من القهر
جاتها رزان وقالت : انا رزان بس ناديني ركس .

ايش تتوقعو قصة تولين ؟؟
مين اللي في السيارة اللي تلاحق تولين وهل راح يضرها ؟!
اشواق راح يكون لها دور في الرواية ؟!
اتمنى اشوف ردودكم عشان اكمل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-03-2017, 12:12 AM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي رد: احلام محققة


البارت الثاني
اشواق : ايوة انا قلتلها عنك
رزان : ان شاء الله تكوني قلتي كلام حلو عني
اشواق : اكيد
تولين طفشت من الوضع وقامت تتمشى وتركت رزان واشواق يتكلموا ومحد انتبهلها
برا الفصل
هاجر : بنات انا خايفة من دي السنة اخاف ما اجيب درجات كويسة .
ندى : لا لاتخافي ان شاء الله راح نجيب درجات عاليه .
دنيا : يالله عادة الدوافير وخوفهم
اروى: اقول ايشرايك نروح نتمشى
دنيا : يلا
في مكان اخر في المدرسة
تولين تكلم نفسها يا ربي مدري ايش اللي خلاني اسيب مدرستي القديمة واجي هنا كلو بسسببك يا ماما قال ايش قال مفاجئة الله يسامحك
زينب : هاي
تولين : هاي
زينب : ايش يسوي الحلو لحالوا ؟
تولين : ولاحاجة استكشف المدرسة.
زينب : اها طيب تحتاجي مساعدة ؟
تولين: لا شكرا اصلا دحين تنتهي الفسحة .
زينب وهيا تطل في ساعتها : وانتي الصادقة انتي في اي فصل ؟
تولين : 2\2 وانتي؟
زينب : 2\1
تولين : فرصة سعيدة
زينب : وانا اسعد
رجعة تولين للفصل ولقت اشواق جالسة بس رزان خرجت
اشواق : فين رحتي خوفتيني عليكي ؟
تولين : لا لا تخافي بعدين ابغا اسألك سؤال انتي بأي حق تجاوبي عني ؟
اشواق : متى ؟
تولين : لا يا شيخة لمن سألت رزان عن اسمي ؟
اشواق: اهاا عادي مافيها شي
تولين : مرتانيه لا تردي عني انا عندي لسان واعرف اتكلم
اشواق : طيب يالنفسيه
تولين ما ردت عليها لانها مو فاضيتلها وراحت جلست لوحدها
هاجر : بنات شايفين البنت الجديدة جالسة لوحدها تعالوا نتعرف عليها
اروى طلت في دنيا وسكتوا
ندى : خلاص تعالي معايا
عند تولين جالتها هاجر ومعاها ندى
هاجر : كيفك ؟
تولين : تمام
ندى : ايش اسمك ؟
تولين : انا اسمي تولين وانتوا ؟
هاجر : انا هاجر وهذي ( وهيا تأشر على ندى ) وهذي ندى
تولين : عاشت الاسامي
ندى : تعيشي
هاجر : عاشت ايامك .
مر باقي الدوام ممل على تولين
جات الصرفة ورجت البيت واول مادخلت امها نادتها
امها : اسمعي الحمامات يبغالها تنظيف والدور اللي فوق لازم يتنظف ويتمسح زي الناس
تولين : حاضر
راحت تغير وبدأت تخلص شغل البيت
خلصت شغل البيت وقالت لامها الي قامت تشوف البيت كان البيت مرة نظيف وانقهرت ودخلت حمامها ونادت تولين وقالتلها
امها : ايش دا تسمي دا تنظيف شوفي الحمام كيف وصخ ارجعي نظفيه مرة ثانية وكل الحمامات كمان
تولين : حاضر ( في نفسها : الله ياخذني عشان ترتاحي )

نهاية البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-03-2017, 01:23 PM
صورة حبة لولو.. الرمزية
حبة لولو.. حبة لولو.. غير متصل
©؛°¨غرامي جديد¨°؛©
 
الافتراضي رد: احلام محققة


بااين ان الرواايه حلوووه


كملي بليييييز


بس ليييه امهاا كذا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-03-2017, 01:30 AM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي رد: احلام محققة


تكملة لعيون حبة لولو..

البارت الثالث
بعد ما خلصت تولين من الحمامات راحت ترتاح وتنام شوية عشان تقوم تذاكر حطت راسها على سريرها وسارة تتخيل فارس احلامها وكيف راح تكون حياتها معاه بس قطع حبل افكارها صوت اختها
تالا : تولين ماما تقلك غيري لتسنيم ملابسها
قامت تولين وهيا متكسرة عشان تغير لتسنيم بعد ما خلصت قررت انها تروح تاكل شي عشان هيا من امس ما اكلت ولا شي راحت المطبخ تدور شي تاكلوا بس ما لقت لقتهم مخلصين الغدا ومافي شي في البيت ممكن تاكلوا اتسدت نفسها عن الاكل وقررت تروح تذاكر بعدين تنام
مر اليوم بطئ زي اي يوم على تولين ما بين مضايقات اخوانها الاولاد ال4 وشكوى اخواتها ال3 وطلبات امها اللي ما تخليها تعرف تذاكر طلت في الساعة قبل ما تنام الساعة 3 في الليل يادوب تلحق تنام لازم تصحى 5 غشان تجهز الفطور وتجهز اخوانها حطت راسها بتنام وهيا تقول لنفسها والله لو اني سندريلا ما انكرفت زي ... ونامت قبل ما تكمل الجملة
الصباح الساعة 5 رن منبه الجوال حق تولين وصحيت جهزة الفطور وساندويشات اخوانها صحي ابوها وشافها تسوي السندويشات
ابو تولين ( سلطان) : يديكي العافية
تولين : يعافيك ها روح الحمام عبال ما اصحي البيت عشان الفطور
سلطان :خلاص خذي راحتك لا تستعجلي
راحت تولين تصحي اخوانها وبعدين مرت على امها اللي نزلت تفطر وخلت تولين تكوي ملابسها عشان هيا مدرسة ولازم تروح الشغل ( على فكرة ام تولين نقلتها من المدرسة عشان تسير معاها في المدرسة وتحت الملاحظة )
لمن خلصت تولين كوي كانوا خلصوا فطور وكل واحد راح يجهز لمت تولين الصفرة ورتبت الطاولة وراحت عشان تجهز تسنيم وتشيك على تالا وتقى وبعدين تجهز لمن خلصت وكانت نازلة للسارة نادتها امها
ام تولين ( امل ) : تولين غيري لبس تسنيم مو عاجبني
تولين : بس امس سألتك وقلتيلي تمام
ام تولين ( امل ): تكذبي عليا عيني عينك متى اصلا سألتيني ؟
تولين : بس كذا راح اتاخر
ام تولين ( امل ) لمن اقلك حاجة تسويها
تولين : حاضر
راحت تكوي ملابس ثانية لتسنيم وتجهزها وهذا خلاها تتاخر ولمن خرجت السيارة سمعت امها تقول لابوها
ام تولين (امل) : شفت بنتك هذي لازم كل يوم تأخرنا
سمعت تنهيدة من ابوها تدل على عصبيتوا وبلت غصتها ودمعتها وسكتت
اول ما دخلت المدرسة لقت اشواق في وجهها
اشواق: صباح الخير
تولين : صباح النور
اشواق : اشوفك داخله مع ابلة امل تقربلك ؟
تولين بحسن نيه : ايوة امي
اشواق: حركات المهم تعالي نروح الفصل عشان الطوابير خلصت والحصة الاولى خلاص راح تبدا
تولين : يلا
ايش راح تسوي اشواق بعد ماعرفت عن ام تولين ؟
ليش ام تولين كذا ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-03-2017, 09:16 PM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي رد: احلام محققة


البارت الرابع
بعد الثلاث الحصص الاولى جات الفسحى وتولين مرة جيعانة لانها من امس ما اكلت شي ومامعاها فلوس عشان تشتري من المقصف حبت تضيع جوعها دورة على اشواق ما لقتها وحست البنات يطلو فيها بطريقة غريبة المهم شافة هاجر والبنات جالسين راحتلهم
تولين : سلام
البنات : وعليكم السلام
تولين : عادي اجلس معاكم ؟
هاجر : اكيد تفضلي
تولين وهيا تطل في اروى ودنيا : ما تعرفت على اساميكم انا تولين وانتوا ؟
اروى : انا اروى وهذي ( اشرت على دنيا) دنيا
تولين : عاشت الاسامي عادة اسم دنيا مرة جمييل
دنيا : تسلمي
ندى: انتي جاية من اي مدرسة
تولين : جاية من الثانوية ال.....
ندى : وكانت مقررات ولا عادي
تولين : لا مقررات
هاجر : طيب ليش جيتي هنا ؟ وبعدين المقررات مو اسهل ؟
تولين : مو بيدي هنا اقرب من البيت , هواالمقررات اسهل ياريت كنت اقدر اكمل فيلوا
اروى : طيب عادي ارجعي حولي مقررات
تولين : ما ينفع ما تقدري تحولي غير مرة
انتهت الفسحى وطلعت تولين للفصل لقت اشواق في الفصل طنشتها وجلست مكانها جنب الباب بس الصف الثاني
وفي بنات متجمعين عند الباب شوية وجات اشواق جلست جنبها وجلست تطل في البنات اللي عند الباب وتطل فيها وقالتلها
اشواق : معليش ما قدرت اجلس معاكي في الفسحة
تولين : لا عادي ولا يهمك
تولين سمعة هاجر تقول للبنات اللي عند الباب : نعم ايش تبغوا ؟
وحدة من البنات : سمعنا انو في بنت جديدة جات
هاجر : طيب يعني اول مرة
البنت : لا بس هيا بنت ابلة امل
بنات الفصل كلهم طلوا في تولين وتولين طلت في اشواق مقهورة
جات الابلة وبدأ الدرس
في نهاية الدوام جلست تولين تلم اغراضها جاتها رزان ( ركس)
رزان: هاي
تولين:....
رزان: ردي ليش مرة شايفة نفسك
تولين:....
رزان : ترى انتي اللي خسرانة
تولين شالة اغراضها وخرجت وتركت رزان في الفصل لوحدة راحت تولين عند دفتر التوقيع تستنى امها تخرج جلست تستنى وتستنى لحد ما فضية المدرسة راحت تتأكد من مكتب امها ما لقتها خرجت برى تشوف سيارة ابوها جا ابوها على الساعة 2 وهيا خارجة من 12 ركبت السيارة وما اتكلمت بكلمة
ابو تولين : الناس تسلم لمن تدخل
تولين وهيا حاسة انها راح يغمى عليها : السلام عليكم
ابو تولين : بسببك اتأخرت على اخوكي ليش ما خرجتي بدري امك ما خلتني اخرج من البيت الا الساعة 2 الا ربع عشان قالت انك اتأخرتي عليها ما نزلتي بدري
تولين جلست تبكي بدون صوت
رجعت البيت دخلت مسحت دموعها وطلعت الدور الثاني وشافت امها تستناها
ام تولين : ايوة يا استاذة سنه ادور عليكي ليشما خرجتي اول ما صفرت تعبت وانا استناكي ....
تولين في نفسها ( والله ما اتأخرت غير دقيقتين اصلا انا اشك انك امي احس انك زوجة ابويا )
بعد ما خلصت امها نزلة سوتلها سندويش عشان تاكل وتبدا شغل

رزان هل راح يكون لها دور في القصة ؟
هل توقع تولين في امها صح ؟
ايش تتوقعوا تسير احداث كمان ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-04-2017, 02:06 AM
صورة تحطم حلم الرمزية
تحطم حلم تحطم حلم غير متصل
©؛°¨غرامي مشارك¨°؛©
 
الافتراضي رد: احلام محققة


البارت الخامس
مرت سنة وحياة تولين لم تتغير غدا حفل تخرجها دخلت امها وهي تجهز ملابسها للغد
ام تولين : ايش بتسوي انتي مفكرة انكراح تروحي بكرا لحفلة التخرج مع نفسك اذا ما تظف البيت وسار يلمع كلو حتى الحوش مافي روحة فاهمة
خرجت ام تولين وتركت تولين تبكي من القهر خلصت بكي وقامت تنظف البيت بدأت بالصالات البيت ما كان سهل البيت كان دورين الدور الارضي في مطبخ وصالة كبيرة وغرفة طعام ومجلس وغرفة اخوانه ومخزن و3 حمامات ( يكرم القارئ ) الدور العلوي 3 غرف نوم وصالتين كبيرة و3 حمامات ( يكرم القارئ) نرجع لتولين خلصت من البيت كلو بالمخزن والحوش ( الحوش كان دائري حولين البيت ) كانت الساعة حوالي 5 الفجر يادوب تبدأ تجهز نفسها وتجهز ملابس اخواتها وبعد ما جهزت وجات خارجة وقفتها امها وقالتلها
ام تولين : ترى ما نظفتي الشبابيك مليانة تراب بس راح اخليكي تروحي عشان تعرفي اني طيبة بس
تولين في نفسها : صح طيبة الا واللهخايفة من كلام المعلمات لمن يسألوها ليش بنتك ما جات
كان حفل التخرج جميل بالنسبة لتولين لانها اصلا الحفلة الوحيدة اللي ممكن تحضرها في حياتها بس خرب لحظتها السعيدة يوم نادوها المعلمات عشان ترقص مع امها لحظتها تمنت الارض تنشق وتبلعها بس اطرت انها ترقص انتهى باقي الحفل بسلام بالنسبة لتولين رجعت البيت ونامت لانها كانتمرة تعبانة امس ما نامت صحيت العصر على صوت امها
ام تولين : انتي يازفت خمجتي نوم قومي نظفي المطبخ ما كفاية ما طبختي الغدا
تولين حاضر

بعد اسبوعين
سافروا اهل تولين من المدينة لتبوك عند اهل ابو تولين وهناك حجزت عمتها استراحة وعزمت ناس عشان حفل تخرج تولين بس امها ما خلتها تروح قالت كفاية عليكي حفل المدرسة بس اليوم الثاني جدتها جمعت اعمامها وسوتلها حفلة في البيت طبعا امها مرة انقهرت

نهاية البارت
هل راح تسير حياة تولين اسهل ؟

الرد باقتباس
إضافة رد

احلام محققة

الوسوم
محققة , احلام
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
انا مجنونك / بقلمي؛كاملة بشـائر. روايات كامله - يتم نقل الرواية هنا بعد اكتمالها 19 12-10-2018 12:46 PM
الملكة احلام: يقولون على راسي ريشة "ريش مو ريشة" as3ad2 ارشيف غرام 2 09-06-2015 06:22 AM
بينيتيز يخطط لاحداث ثورة احلال وتبديل مع ريال مدريد الـ شــــموخي999 كوووره عالميه 2 04-06-2015 08:23 AM
يوفنتوس ينهي احلام برشلونة بالتعاقد مع بوغبا @yazeed@ كوووره عالميه 4 15-05-2015 08:32 AM
روايتي الأولى | " لقيطه بين غرباء , كأخوان! " روح كـ نقاء المطر روايات - طويلة 5 11-04-2015 07:55 PM

الساعة الآن +3: 09:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1