غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-07-2015, 03:29 AM
صورة عبيرالوردوالشوق الرمزية
عبيرالوردوالشوق عبيرالوردوالشوق غير متصل
©؛°¨غرامي مشارك¨°؛©
 
الافتراضي روايتي الثالثه:عاشق الخيانه




بِسْم الله الرحمن الرحيم
12-7-2015
عاشق الخيانه

روايتي بتكون عن قصة العشاق هي عاشق الخيانه

في خاطري كلمه بقولها كلمة وله ولا غلا ولا وجع

مادري ش حدد من الكلام بس الاكيد انه في داخلي كل الكلام

عاشق الخيانه لم احدد جنس الخاين لان الخيانه تصبح من الطرفين طرف يحب يخون وطرف يخون عشان يحب

ولا شرط في الخاينه انه زوج يخون زوجته او العكس صحيح

يمكن تكون خيانة الموظف للمدير!
أو خيانة البنت لاهلها!
وأخيانة الأخ لاخوه!

في الدنيا للخيانه أوجه كثيره.

في روايتي اللي راح تكون قصيره باْذن الله ولي ماراح أتكون أحداثها كثيره عشان ماتملون ببتديها معاكم

وأتمني انها تنول رضاكم

روايتي او قصتي بكتبها في خيالي وحروفها راح تكون في اوراقي🌹


اببتدي وماني داري وين اببتدي ؟


لو المشاعر في ملآمحنآ تبين ،،، كان الملامح كل ابوها حزينه



في بيت قديم الكل مجتمع فيه


أبي اتكلم عن بيتي ووصفه لكم

نبتدي مع الاولين مع ابونا العود وأمنا العوده في بيتنا الكبير اللي يتكون من سبع غرف وانتو بكرامه ثلاث حمامات والحوش الكبير اللي يكون في نص البيت ومطبخنا الكبيرهو مطبخ البيت ودوان الرياجيل ومقلطهم

بتنا العربي كان في منطقة شرق


كان يسكن فيه

جدي وجدتي

أمي أبوي وخواني. - هديل -راشد-نوران-يعقوب

عمي ومرت عمي وعيالهم معاذ-ريان-تركي-شيخه-شهد

وعمي الثاني ومرته وعياله بدر-بدور-حلا-ندي

وعمتي مع زوجها وعيالها ليان-نوره


هذي عائلتنا الجميله اللي تتكون من جدتي وجدي وعيالهم واحفادهم


في بيتنا اللي عشنا فيه ايامنا الحلوه كانت لقمتنا وحده نجتمع مع امي العوده وأبوي العود وعيالهم وأحفادهم غدانا ولا عشانا
كانت هذي الاوقات اجمل الأوقات تسعدنا

والعم ياخذ عياله وعيال اخوه ماكانت في تفرقه بينهم مثل وقتنا هذا

والعمه تحب بنات اخوانها وتعتبرهم بناتها

كانت ألعابنا بسيطه مافيها تكاليف كانت عروسه من صنع ادين جدتي

وكانت لعبة الأولاد بسيطه من ظمن هذي الألعاب التيله ولا تمشي في البراحات وصيد الحمام بالنباطه

كان البيت عباره عن مملكتنا كلنا كنّا نقاسم كل شي في البيت
ابسط الاشياء تجمعنا


هذي هي منطقتنا منطقة شرق


بعرفكم عن نفسي نوران

عمري25 انا ثالث وحده في اخواني موظفه في احد الوزارات

نسبة جمالي عادي كل شي فيني عادي بس اللي مميز فيني ضحكتي واسناني بشرتي حنطاويه طولي 170وزني70
عزباء الي اجل مسمي

أمي وأبوي الله يحفظهم مدلعيني علي الاخر

وأختي هديل طبعا اكبر مني بخمس سنين متزوجه وعندها فهد وشوق طبعا ماتدرون منو اخذت طبعت أخذت ولد عمي جاسم بدر اللي اصغر منها بسنتين بس تدرون شلون خذها الإكبار يخططون واللي ياكلونها الصغار

وعندي احن اخو علي الارض ابو فراس اخوي راشد اكبر مني بسنتين نعتمد عليه في كل شي وقلبه رحيم علينا نعتبره ابونا الثاني وطبعا متزوج شهد بنت عمي ناصر اصغر منه بسنتين وعندهم فراس ونمر فراس


ونروح حق اخوي الجعده يعقوب عمره22 المدلل بالعايله يدرس في المعهد التجاري وباقيله سنه ويتخرج حلو مثل اخته وكل اوامره مجابه متزن ومحترم واهم شي يخاف الله

هذي عائلة بطلتكم نوران

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-07-2015, 04:10 AM
صورة عبيرالوردوالشوق الرمزية
عبيرالوردوالشوق عبيرالوردوالشوق غير متصل
©؛°¨غرامي مشارك¨°؛©
 
Upload1120a2f436 رد: روايتي الثالثه:عاشق الخيانه


شوف جدتي مع امي والحريم يرقصون ويغنون واشوف عمتي وخالاتي عند هديل كل ماخرب مكياجها ردو عدلوهاا

بقولكم شعور هديل كانت رافضه الزواج من بدر ماتبي بدر بحكم انها اكبر منه لاكن ابوي العود فهد وأبوي سالم وعمي ناصر مصرين علي الزواج مايبون عيال العم وبنات العم يتزوجون من برا العايله

اما بدر ستسلم لهم ورضا بالوقع وأخذها غصب عنه ماكان يحبها ولا يدانها من وهم صغار

هديل : يما كلمي ابو مابي شلون اخذ واحد اصغر مني

ام راشد : هديل وبعدين معاج خلاص ملجنا ويوم جا حزت العرس ماتبين

هديل : يما من زمان وانا اقول مابيه مابيه

أم راشد :أذا انتي ماتبينه هو مايبيج بعد الحكم صدر عليكم ولازم تزوجون

هديل : يعني هو مايبيني وتزوجيني يما ليش جذي انا مو بنيتج ولا لاقيتني من الشارع

قامت تصيح هديل وتندب حظها اللي قردها مع بدر

دخلت عليها جدتها وهي فرحانه وتغني شافت هديل تصيح

أم سالم :هذي اكيد دموع الفرح

رفعت رأسها هديل وطالعت جدتها بنظرات انكسار

هديل : الا هذي دموع حظي الأغبر اللي تزوجت فيه

أم سالم : افا ياهديل ليش هذا الكلام هذا ولد عمج ويبيج وأحفادي لبعض محد ياخذ من برا

أسكتت هديل وبلعة الغصه

كل الكلام اللي دار بين امي وجدتي هديل كنت اسمعه ولازلت ذاكرته في مخي

قطع ذكرياتي صوت الباب

نوارن : منو

يعقوب : حبيب الشعب

نوران : ههههههه تعال ياحبيب الشعب

يعقوب : هلا باميرة الاميرات

نوران : بدون كلام حلو شتبي

يعقوب : أبي سلف

نوران وبطلة عيونها علي الاخر : تبي سلف وأعانتك وينها

يعقوب : هذي تسمينها فلوس المهم بتعطيني ولا لا

نوران : اي بعطيك بس تردهم جم تبي

يعقوب : 30دينار

نوران : خذ ولإعاد تعيدها

يعقوب وعطيها بوسات بالهوا وتركها وراح

ضحكة علي حركته وقالت ياربي لاتحرمني من عايلتي



في الجهه الثانيه


ابو معاذ : ام معاذ جم مره اقولج قولي لاختج ماعندنا بنات للزواج

أم معاذ : كيف يابو معاذ تقول ماعندك بنات للزواج وبنتي شيخه بتوقف حالها

أبو معاذ : وانا جم مره اقول بناتي مايطلعون عن عيال عمهم هذي وصية ابوي فهد لي ولخواني عيالنا ماياخذون الا بناتنا

أم معاذ : شنو هـ القرار الإجباري الله مايرضي يابو معاذ في هـ الظلم زوج البنت واستر عليها

أبو معاذ : وصية ابوي ولازم تمشي وخلاص لاتناقشيني

أم معاذ : الله يهديك يابو معاذ والله يسامح عمي اللي ربطنا ب القرار العوج اللي حكر البنت لولد عمها غصب طيب

تركها ابو معاذ وراح للديوان

اما ام معاذ قامت تشيل وتحط. في نفسها

كانت شيخه تسمع كلام أمها وابوهاا وماكان عاجبها رأي ابوها كيف يجبرهم علي عيال العم غصب طيب

أخذت جوالها وكلمة شهد

شيخه : الو شهد

شهد : اهلين شيوخ شلونج

شيخه : ماني زينه

شهد : افا شيوخ شفيج حبيبتي شنو اللي مضايقج

شيخه : اليوم خالتي كلمة امي تبي تخطبني لولدها وامي موافقه بس ابوي رافض يقول البنت ماتطلع من عيال عمها

شهد : استغفرالله مانخلص من هالسالفه الناس تطورت وصارت تاخذ من العوائل الثانيه لا اهلنا لي الحين ماتغيرو الله يسامحك ياجدي اللي ورطتنا في ب الزواج من الاقارب


هذي بعد عوائد القبلين في كل مكان تحجز البنت لولد عمها

والولد ينغصب علي الزواج من بنت عمه

في هذي الأوامر المجبرو عليها كلا العروسين تحدث احيان أمور

خارجه عن السيطره وامور ثانيه يجبر ان يعيش لمجرد الاوامر

اتمني هذي العاده تنقطع والكل ياخذ من برا العايله

في منطقه ثانيه من مناطق الكويت

في بيت مكون من اربع اشخاص نعرفكم فيهم

عمتي عاليه ومع بناتها ليان ونوره وأبوهم عمي حمد

ليان اكبر مني بسنه تشتغل في مهنة التدريس يعني بخرج علي أيدها اجيل

ونوره الجعده وعمرها18سنه بينها وبين ليان 9سنوات وليان تدرس

في المعهد العالي للموسيقي تحب تكون مدرسة موسيقي

وطبعا بقولكم عن عمتي قلبها طيب وتحب الكل بس عند حريم

اخوانها تقلب حرمه ثانيه دايم بينها مناوشات هي

ومرت عمي ناصر واذكر مره تهاوشت مع امي

الحين عمتي عاليه حامل للمره الثالثه في شهرها الثامن

بتقولون حامل وهي كبيره اي طبعا من كثر ماراحت

نص دكاترت الكويت تعالج تبي تحمل والحمد لله

ربي رزقها وان شاء الله تجيب فهد وتسميه علي اسم ابوها

ريدينا لعمتي ومناجزها مع مرت عمي ناصر

مرت علي بالي سالفتها لما قالت حق مرت عمي ناصر

عاليه : عيده ياعيده

عيده : هلا ام ليان شفيج تناديني

عاليه : اناديج من سواياج

عيده : من سواياي ليش شسويت ياعمري

عاليه : الكل تعزمينه لملجة بنت اخوي شهد وانتي ماتعزميني

عيده : ليش ماقالتلج ام راشد

عاليه : بلا قالتلي فيها الخير وذكرتني مو انتي ناسيتني

عيده : انا وأم راشد واحد اذا عزمتج جني انا اللي عازمتج

عاليه : لاموواحد ليش اكل بيساري عشان ماتعزميني هالمره جيت عشان خاطر اخوي ابو معاذ ولا ثاني مره احذرج

عيده : محشومه ياام ليان في زواج معاذ انتي اول المعزومين

ههههههه مت علي عمتي من الضحك كيف زعلانه علي سبب تافه

عدا اليوم علي خير وملجنا لاخوي راشد فرحنا ورقصنا

ومعانا عمتي فرحة ورقصة ونست هوشتها مع مرت عمي ناصر


.*


ما كرهت في حياتي الا ثلاثه القريب اللي ورا قربه (خباثه) والصديق اللي ورا هجره ( حسد) والصاحب اللي ورا صحبته ( غرض )

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-07-2015, 06:11 AM
صورة عبيرالوردوالشوق الرمزية
عبيرالوردوالشوق عبيرالوردوالشوق غير متصل
©؛°¨غرامي مشارك¨°؛©
 
B11 رد: روايتي الثالثه:عاشق الخيانه


السلام عليكم ورحمة الله وبركاته

اتمني تعطوني رايكم في مقدمة الروايه او اذا عجبتكم او ماعجبتكم

في دوني وفي ارايكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-07-2015, 06:15 AM
صورة محمود الزهراني الرمزية
محمود الزهراني محمود الزهراني غير متصل
©؛°¨غرامي مبدع¨°؛©
 
الافتراضي رد: روايتي الثالثه:عاشق الخيانه


طرح في قمة الروعه

يعطيك العافيه وما قصرتي

تشكرات كثيرات , أعجبني كثيراً

أستمري , أسلوبك جداً جميل

تقبلي مروري / محمود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-07-2015, 06:48 AM
صورة عبيرالوردوالشوق الرمزية
عبيرالوردوالشوق عبيرالوردوالشوق غير متصل
©؛°¨غرامي مشارك¨°؛©
 
01302798240 رد: روايتي الثالثه:عاشق الخيانه


الفٰٰٰصــل الـثـاني



*


‏حتى الطريق اللي تمرينه يقول :
أجمل نساء الأرض مرت من هنا . .💘




هناك مصدر امان في وجه الارض

مصدر كل ماضاقت فينا الايام نشتاقله

تعرفون شنو المصدر


أمـــــــي

اي نعم امي مصدر الحنان والامان



كانت امي تدارينا في حنانها كانت كل ماضاق ابوي تواسيه

او اذا جت هديل تشتكي من زوجها كانت تصبرها وتقولها مالج الا بيتج وزوجج

واخواني يعتبرون امي مصدر الراحه في كل ضيق ولا اتفهه الاسباب

يلجئون لامي لأنهم يدرون بيلقون الراحه عندنا




في شهرفبراير تبدا عندنا عطلة الربيع



قررنا نخيم في البر مع عائلتنا الكريمه واعمامي

معروف عندنا بالكويت تكون عطلة الربيع اللي تخيم الناس بالبر

15 او اكثر تكون معطله الناس من مدارسها


طبعا ابوي وعماني قررو انهم يخيمون في بر المطلاع اللي

يقرب للديره



ابوي عنده خيمتين

وعمي ابو معاذ عنده خيمتين

وعمي ابو بدر خيمه وحده

وطبعا عمتي معنا في كل رحلاتنا وعندها خيمه وحده

وطبعا غير خيمة المطبخ وخيمة تجمع الحريم وبيت الشعر مقلط الرجاجيل


كانت مقسمه الخيام علي عدادنا





ابو راشد : يعقوب تعال يابوك

يعقوب : سم يبا

ابوراشد : يابوك تعال حمل القش بالوانيت قبل لا يمسي علينا الليل

يعقوب : ابشر يبا الحين اخليهم ينزلون قشهم

ابوراشد : تبشر بالجنه ولا تنسي قعد راشد عشان يساعدك


دخل يعقوب داخل البيت وصار ينادي امه

يعقوب : يما يما

ام راشد : هلا بروح امه

يعقوب : المهلي مايولي ياجنتي ابوي يقولج طلعو اغراضكم بنحمل القش ونطلع للبر قبل لا يظلم الليل

ام راشد : ان شاء الله كل اغراضنا زاهببه

يعقوب : عساج علي القوه يما ولا تنسون قعدو راشد انا بروح اجيب السياره ودخلها الحوش

في الجهه الثانيه

نوران : شنو خذيتي معاج حق السهره

هديل : لا تحاتين كل اللي وصيتيني عليه خذيته

نوران : اكيد هدول ولا تسكتيني

هديل : نوران تدرين انه ماعندي اغلامنج خذيت اللي طلبتيه من اكل واستيريو وشغلات حق التصوير لاتحاتين حبيبتي

نوران : يابعد عمري ياهديل عسي ربي يحفظج لي وانا شريتلج معاي كذا ترنق حق الكشته

هديل : فيديتج نوارتي ياهني اللي بياخذج

نوران : اقول جب وروحي للي نقطع صوته وهو يناديج

هديل : الله ياخذه وافتك منه

نوران : استغفري ربج صج انج جذابه جايبه منه عيال وتدعين عليه

هديل : اقول سكري التلفون بلاج ماتدرين في الهم اللي انا عايشه فيه

سكرت هديل من نوران وراحت حق بدر

هديل : خير شفيك تصارخ

بدر : يعني كنتي تسمعيني وحاقرتني

هديل : كنت اكلم اهلي يعني الواحد مايقدر يحاجي اهله

قرب منها ومسكها مع شعرها وقرب وجهها لوجه وصرخ عليها

بوجهه اللي انترس من الغضب

بدر : ان ماكسرت راسج ماكون بدر

ودفها علي الارض ووجعتها الدفه

ولف عليها ولازال الغضب مسيطر عليه

بدر : عندج ساعه ان مالقيت اغراظج جاهزه دوري احد يوديج

طلع وتركها ميته من الصياح تدعي عليه وعلي نفسها ان الله ياخذها ويريحها من بدر

نزل بدر للدور الأرضي واجه امه

أم بدر : بدر شفيك صاير شي

بدر : لاابد يما مافي شي

أم بدر : تخش علي وانا امك اللي اعرفك

بدر : يعني شفيني يما من العله اللي ابلشتوني فيها من زمان وانا اقول مابيها وشوفي اخر عنادكم كل يوم مشكله

ام بدر : الغلط منك انت شلون تبي البنت تحبك وهي ماشافت الحب منك

بدر : من قبل لااتزوجها انا مابيها لو بيدي طلقتها لاكن مابي اكسر عمي

ام بدر: الله يكملك بعقلك ياولدي ويهدي سركم وتفتكون من المشاكل

بدر : الله كريم المهم قولي لأبوي اذا انتو جاهزين روحي انا متي ماخلصت جيتكم



في جهه ثانيه منطقه من مناطق الكويت

ليان : ماما

ام ليان : هلا يما

ليان : تكفين مانبي نروح البر الحين نخلي سرايرنا ونروح نام علي التراب

ام ليان : اقول يالترفه وشفيها نومت الارض اقول جهزي شغلج تري أبوج بيمشي

ليان : ياربي كل سنه لازم تطلعون البر شفيها قعدة البيت

نوره : بالعكس ليانو تغير جو ونرجع نفس ايام اول

ليان : اقول ارجعي بروحج بقعد في حاضري

جاهم صوت ام ليان : خلّصونا نبي نمشي

كل وحده هتمت في ترتيب اغرضها استعداد للرحله




استعدت العوائل الاربعه وتجهت الي تخيمهم

طبعا ابو راشد وعائلته في سياره وحده

وأبو معاذ وعائلته بسياره

وأبو بدر مع بناته بسياره

وبدر مع هديل بسياره

وعمتي وعيالها وزوجها بسياره


في طريجنا حق المطلاع كانت هنالك قلوب تتوجع


مسكة جوالها كانت تناظر في صوره بين كل صوره وصوره تحس بالوجع

وهي مندمجه في صوره حسة بطقه جت علي كتفها فوقتها من السرحان

ليان : نوره وجع شفيج

نوره بصوت خفيف : انتي اللي شفيج موحاسه بنفسج

ليان وبصوت اخف منه : محد يشوف

نوره : اقول سكري جوالج لا اكسره لج وعيب اللي تسوينه

طنشت ليان كلام نوره وقالت موشغلج ولغة الجهه الثانيه



في سيارة عمي ناصر كان تركي يسوق فيهم وكانت معاه خالتي ام معاذ وشيخه

تركي يبا انا ابي اكمل دراستي برا وشرايك

شيخه فيها فرح : صج تركي وناسه اخذني ادرس معاك

ابو معاذ : ماعندنا بنات تدرس برا اذا تبين كملي وإذا ماتبين انطري لين يجي نصيبج

شيخه وبخيبة امل : اكيد ابي اكمل والزواج مافكر فيه ابد

ابو معاذ :خير ان شاء الله

تركي : اقول يبا طلعتو من موظوعي

ابو معاذ : لا ماطلعت بس يابوك اختار الجامعه اللي تبيها بالكويت ولا تسافر عني وتخليني

تركي : ودي يبا افرحكم وأخذا شهادة الماجستير

ابو معاذ : جان تبي رضاي يابوك لا تسافر

تركي : ابشر يبا مايهمني الا رضاك

ام معاذ : الله يكملك بعقلك فرحت قلبي ياولدي

تركي : الله يحفظكم لي ياجنتي


في سيارة معاذ

معاذ : انت تعرفني نومة البر ماحبها تراني برجع بالسياره بالليل

ريان : وليه ماقلتلي اجي بسيارتي

معاذ : سيارة ابوي عندكم وانتو وين بتروحون بعد

ريان : خير ان شاء الله

معاذ : وبعدين انت تبي تنطق عندهم يعني ماعندك شغل

ريان :خلاص السياره مابيها وإذا حتجت عندي عديلي

معاذ : ام حق عديل ومحق عيال عّم

ريان : انا ابي شسالفك ماتحب عيال عمي

معاذ : هذول تسميهم عيال عّم الود ودي اتبري منهم ياخي بدو

ريان : شفيهم البدو موانت اصلك بدوي بس ماقول الا الله يهديك.

معاذ مع رفع الحاجب : وانت الله يهديك

ريان سوي نفسه ماسمع يعرف معاذ ماينفع معاه الكلام



بنسولف عن معاذ

معاذ شخصيه حلوه لاكن في شغلات تخلي الواحد يكره

إنسان جداا جميل طوله 177 وزنه 80وفوق هذا مغرور واثق في نفسه

عيبه انه مايحب عمانه مايحب قربهم لما يزورهم او يطّلع معاهم يكون مجبور ومن النوع اللي ماياخذ من القرايب وموتي وحده يحبها ولا اي بنت تعجبه
عشان جذي عازف عن الزواج لين هو يختار شريكة حياته

ريان

إنسان راقي ومهذب وفوق هذا جماله خلاب رجل ضخم طويل وزنه87 وطوله128 عازب لأجل مسمي



تركي
اسمر طويل ضعيف ماشبه اخوانه هو ودراسته بكفه والعالم كلها بكفه
يحب يكون مثق دراسيا واخلاقينا ودايم يحب يرضي امه وابيه



في سيارة بدر وهديل


كان الصمت سيد الموقف

طول الطريج محد يكلم الثاني

عشر سنين والمشاكل بينهم عشر سنين محد راضي يقبل الثاني

عشر سنين وفي كل سنه قلوبهم تتطحم

عشر سنين غصب طيب جابو عيال

وحنا في السنه العاشره ننطر شي جديد يغير حياتهم

ولا بتمر السنه نفس السنين اللي راحت

كسر الصمت صوت فراس

فهد : بابا متي نوصل

بدر : نص ساعه ونوصل

فهد : بابا جوعان

بدر : قول لامك تعطيك

سكتت هديل وماحبت ترد

هديل : ماما فراس شوف الجيس اللي ورا تلقا بطاط وعصير اخذ وعط اخوك

خزها بدر تكلم وهو يرص علي اسنانه

بدر : ام فاشله مثل مافي حياتج فاشله

لفة عليه والمحجز امتلي من الدموع

هديل : طلعت عليك انت زوج فاشل مامديت إيدك لي عشان أصير ممتازه

لفة الجهه الثانيه وخنقة عبرتها ماتبي تذل نفسها اكثر من الازم


بدر وهو يتكلم بهدوء عشان عياله مايحسون بشي

بدر : تكلمي بهداوه عشان العيال مايحسون بشي ويعقدون

هديل بصوت كله الم : انا منو يحس فيني منو يحل عقدتي منو يشيلني منك ويبعديني

بدر ولازال علي هدوئه : انا عندي الحل

لفة عليه بسرعه وحوطة ادينها بادينه وكانها تستنجده

هديل : شنو الحل بسرعه

بدر وكل ماله صوته يثقل وبتردد : لازم نتطلق عشر سنين موقادرين نحب بعض

طاحت أيدها وخرت عن ايدينه وبذهول الصدمه عدلة جلستها
ورجعت راسها لي ورا وسكَّرت عيونها تحاول تحبس الدمعه

اما بدر قرر انه يتخذ القرار ويسوي اللي كان وده يسويه من عشر سنين


نسولف عن بدر وهديل

هديل عمرها 30سنه الطول161 الوزن 70 جسمها يناسب طوها الحلو تشتغل في احد الوزارات
جمالها طبيعي كل شي طبيعي شعرها لي ظهرها أشقر طبيعي
بيضه وكتومه ومحترمه مع الكل

بدر
بنت تحلم فيه كل بنت من جمال واخلاق ورزانه

العمر 27 الطول180 الوزن76 حنطاوي


انا وعائلتي


ام راشد : يعقوب خل التلفون وانتبه للسياره

يعقوب : يمه لا تخافين علي ولدج منتبه للسياره

نوران : يعقوب عينك في عيني الكلام هذا مايدخل راس امي اترك التلفون وننبّه للسياره

يعقوب : نوارن شغلج لي وصلنا

نوارن : انا في حماية الماما والبابا وإذا فيك خير قرب

يعقوب : هههههه غلطانه لاتنسين انا اخر العنقود

ابوراشد : بس ازعجتوني وانت انتبه لسيارتك واترك تلفونك

يعقوب وبحركات توعد لنوران :ابشر يبا هذا التلفون عندك.


راشد وشهد

كان يستمع لاغنية احبك ليه انا مدري

لف علي شهد وقال وليه اهواج انا مدري

شهد : وانا أهواك ياروحي ودنيتي وقلبي الله يخليك لي ياراشد

راشد : ويخليج لي ياعيون راشد

راشد وشهد تزوجو بعض زواج تقليدي

حبهم اكتمل بعد الزواج قررو يكونون اسره وبيت وعالم لهم بروحهم

مشاكله في بيته ماتطلع لاحد غريب عود شهد وربها علي أيده
وصبحو متشابهين في كل شي

هم اقل ناس تكونلهم قصه او احداث في روايتي




!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!


اتمني ألقا منكم التشجيع عشان مايكون برود في تكملة الروايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-12-2018, 02:49 PM
زينب السالم زينب السالم غير متصل
©؛°¨غرامي جديد¨°؛©
 
الافتراضي رد: روايتي الثالثه:عاشق الخيانه


مته البارت
🙈

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-12-2018, 07:40 PM
صورة امل النجاح الرمزية
امل النجاح امل النجاح غير متصل
©؛°¨غرامي مشارك¨°؛©
 
الافتراضي رد: روايتي الثالثه:عاشق الخيانه


القصة بدايتها مشوقة

الرد باقتباس
إضافة رد

روايتي الثالثه:عاشق الخيانه

الوسوم
الثالثه🎈 , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مأقسى من غيابك الا شوفتك صدفه / بقلمي ؛كاملة اتالم بصمت روايات كامله - يتم نقل الرواية هنا بعد اكتمالها 43 08-06-2017 04:39 PM
روايتي الاولى: ابي عطر من ريحتك 1nawal روايات - طويلة 53 26-11-2016 06:04 PM
روايتي الاولى : تائه في متاهة الدنيا كـــلاي..! روايات - طويلة 19 12-06-2015 01:40 PM
روايتي الأولى : أيام عشناها زمان أمل مستحيل روايات - طويلة 10 21-04-2015 12:21 PM
شرفوني في روايتي الثانية : ^^ خفايا القلوب ^^ NaduRim روايات - طويلة 2 21-04-2015 10:25 AM

الساعة الآن +3: 05:11 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1