غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 28-07-2015, 04:03 PM
الحلوة المزيونه الحلوة المزيونه غير متصل
©؛°¨غرامي فعال ¨°؛©
 
الافتراضي رد: إختاري الحب أو ا لاحب/بقلمي


بارت راااااائع

يعطيك العافيه
محمد خطوه ممتازه ان راح للدكتور ...وبكذا ان شاء الله راح يقدر يتغلب على مشكلة نوف
ثامر وريم ...يا حبي لهم هالاثنين ... ان شاء الله تقتنع اكثر واكثر ام ثامر

بانتظارك لا تطولي علينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 28-07-2015, 06:07 PM
صورة Amnah الرمزية
Amnah Amnah غير متصل
♥ رَبّنآ لآ تُزِغْ قُلُوبَنَآ بَعْدَ إِذْ هَدَيْتَنَآ ♥
 
الافتراضي رد: إختاري الحب أو ا لاحب/بقلمي


اقتباس:
المشاركة الأساسية كتبها الهاموشا مشاهدة المشاركة



وعليكم السلام ورحمه الله وبركاته..

اهلا وسهلا فيك امنه..

شرفتيني جدا جدا بمرورك هنا..

تسلمي على كل حرف كتبتيه لي يا غاليه

فتحتي عيني على اشياء كنت غافله عنها.. احتاج انا للردود اللي مثل ردك فهي تريني صوره ليست موجوده في ناظري..

شكرا مره اخرى على مرورك..


تحيتي لك ولكل اهل البحرين ف انا املك حب خاص لاهل البحرين ولدي ذكريات جميله مع اصدقائي من البحرين


شكرا لرحابة صدرك وتقبلك لردي
يعطيك ربي الف عافية
و استمري في طرحك الرائع

موفقة لكل خير عزيزتي
و بانتظار البارت الجاي
ولكن ، هل لديك مواعيد محددة للبارتات ؟

شكرا لطرحك
ودي لكِ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 30-07-2015, 05:50 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي


اقتباس:
المشاركة الأساسية كتبها sinyowrh sarah مشاهدة المشاركة
مجهوود حلووو حبيبتي و الرواية جميلة مع انه علي حسب كلامك ما قريتي روايات قبل او قصص بس ابددعتي استمرري ... و شكررا ع الدعوة :*
اهلا وسهلا ساره.. حياك الله

الشكر لك انت غاليتي..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 30-07-2015, 05:52 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي


اقتباس:
المشاركة الأساسية كتبها الحلوة المزيونه مشاهدة المشاركة
بارت راااااائع

يعطيك العافيه
محمد خطوه ممتازه ان راح للدكتور ...وبكذا ان شاء الله راح يقدر يتغلب على مشكلة نوف
ثامر وريم ...يا حبي لهم هالاثنين ... ان شاء الله تقتنع اكثر واكثر ام ثامر

بانتظارك لا تطولي علينا
اهلا وسهلا فيك حلوتي..

افرح جدا جدا بردودك وتشجيعك لي..

كوني بالقرب دائما..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 30-07-2015, 05:57 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي


اقتباس:
المشاركة الأساسية كتبها Amnah مشاهدة المشاركة
شكرا لرحابة صدرك وتقبلك لردي
يعطيك ربي الف عافية
و استمري في طرحك الرائع

موفقة لكل خير عزيزتي
و بانتظار البارت الجاي
ولكن ، هل لديك مواعيد محددة للبارتات ؟

شكرا لطرحك
ودي لكِ
اهلا وسهلا فيك مجددا امنه..
هذا من ذوقك غاليتي..
ماعندي موعد محدد متى ماتيسرت لي ظروفي..

عزائي لك فيما حدث لاهلنا في البحرين جعلها الله اخر الاحزان..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 01-08-2015, 06:40 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي






السلام عليكم ورحمه الله وبركاته..

يسعد صباح الجميع بكل خير..

تفضلوا الجزء الثامن واتمنى قراءه ممتعه لكم




**


نيلوفر قلبها صار يدق ماتوقعتها منه.. نيلوفر: قول ايش تبغى طيب..
فيصل: انتي ماتحسين.. ولا تستهبلين على راسي.. اقولج اغار عليج وروحي معلقه فيج.. ابيج معي ولي بروحي..
نيلوفر ساكته وتلعب ب اظافرها..

فيصل: انزين اشحقه ساكته.. قولي لو كلمه.. انتي شنو حاسه..؟
ماردت عليه راح لسيارته فتحها وطلع كيس..
رجع لها: هاج.. اليوم كنت مع اختي بالمول وشافت صبغ اظافر اشترت كل الالوان تقول عجيب.. اخذت لج بعد انتي منها..
نيلوفر فتحت الكيس: اها مناكير.. شكرا مرا شكرا.. بس كيف عرفت اني احبها..
فيصل: عرفت لاني مهتم فيج وفي ادق تفاصيلج.. يالله انا بروح.. بس الله يخليج لاعاد تلبسين جذي بالبيت ولا برا البيت._وطالع في عيونها_: نيلوفر لا تتعبيني معاج الله يرضى عليج..
ركب سيارته وراح..

نيلوفر جلست على عتبه باب البيت وصارت تاخذ نفس تحاول تهدى.. وطالعت في الكيس.. صارت تتفرج على الالوان.. دقت على فيصل

فيصل: هلا..
نيلوفر: أيت لون تحب..؟
فيصل معصب منها ويصرفها: كحلي..
نيلوفر: ما اعرفه..
فيصل: ازرق عامج..
نيلوفر: اوكي.. باي

وقفلت منه اخذت مناكير كحلي وصارت تحط بيدنها..
استنت فتره لين حست نفسها هدت ودخلت على البنات..

شروق: ششيبي منج..
نيلوفر: ولا شي..
حطت الكيس بغرفتها وماتعرف ليه بدلت الشورت ولبست بنطلون..
رجعت للبنات

شروق: يابنت قولي شيبي منج فيصل..
نيلوفر: ولا شي جاب ليا مناكير..
شروق: عشتو..بنت انتبهي تطبين على وجهج.. تراه يتنقل من بنت لبنت..
نيلوفر: والله عرفت انه يتنقل من بنت لبنت خلااااااص كل مين قال المعلومه ليا ههههههههههههه لا لاتخافي تسلايه يومين بس.. نتسلى ليش لا..
شروق: احسن شي.. لاتصدقينه مهما قال..

وصارو يتكلمون عن اشياء ثانيه وهي معاهم بس كل شوي يطري على بالها كلام فيصل لها..



كندا 12 الظهر


ثامر: اسمعي بس عشان اكون بالصوره .. الحين لو رجعت اهلي راح يخطبون لي ريم..
رحاب: ان شاء الله..
ثامر: طيب رحاب استعدي الله يخليج ابي نسوي حفله للمكله.. انا ابعطيج ميزانيه وتصرفي فيها.. وانتي ماشاء الله عليك خبره لسى خارجه من زواجك.. بس شوفي الفلوس اللي احولها لك بس للحفله.. العربيه والدبله والشبكه بعدين اذا جيت نشتريها..
رحاب: هوووب هووب فرمل يالاخ.. خير حفله وطقطقه.. امي وابوي ب طلعت الروح اقتنعو.. اساسا مومقتنعين مره عشان تقول حفله.. وحتى لو اقتنعو ماراح يرضون على حفله لاتنسى انك فارضها فرض عليهم..
ثامر: لا عاد.. مايصير.. شلون ملكه بدون حفله..
رحاب: زي ما اهلي تنازلو لك.. انت تنازل بعد.. وبعدين على فكره ثامر.. ماتعرف ان اهل البنت هم اللي عليهم الملكه.. عمي يسوي لها مو انت..
ثامر: انا ودي اسوي لها .. رحاب هذا بيكون يوم فرحتنا..
رحاب: عارفه والله بس عيب مايصير.. وعمي ماراح يرضي.. وانت عوضها بالزواج ان شاء الله..
ثامر: الله يخليك لي ي رحاب والله انا من دونك اضيع..
رحاب : ولو.. وانا من لي غيرك انت وخالد وابوي..
ثامر: وسعد..
رحاب: وسعد ههههههههههههه ع قوله ريم.. زوجي..
ثامر: يسعد لي ريم ويخليها لي..


:


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 01-08-2015, 06:48 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي






جده..
محمد ونوف خرجو عند البحر..


محمد: نوفي.. بسالك شي بس لاتزعلين مني..
اللي سوو فيك كذا.. يقربون لك صح..
نوف: ح تنصدم والله.. واحد جدي ابو بابا.. والثاني اخو زوجه خالي..
محمد: حسبي الله عليهم.. ماتوقعتها والله
نوف:ايوا صدمه كانت ليا.. انو ما صرت اثق الا في نفسي بس او في البنات.. في الرجال لا..

محمد يحاول يغير الموضوع: اليوم بالدوام صديقي عزمني انا وانتي لبيته.. بكرا ان شاء الله
هو متزوج من سنتين وزوجته طيبه وتبغى تتعرف عليك.. ايش قلتي..؟
نوف: ايوا ياليت طفشت والله من قعده البيت وانا تعرفني ما احب اقعد بالبيت كثير..

محمد: الترم الجاي ان شاء الله ابنقلك طالب زائر لجامعه عزوز.. لو اعجبك الوضع يصير تكونين طالبه منتظمه..
نوف : كيف طالب زائر ما اعرف..؟
محمد: انا اودي اوراقك لنفس قسمك هنا.. يقارنون الخطه الدراسيه بين جامعه طيبه وبين الخطه الدراسيه هنا.. يضيفون لك نفس المواد اللي راح تدرسينها هناك.. واخر الترم تنرصد الدرجات لك من جامعه طيبه..

نوف مبسوطه: مررررررا حلو كذا.. يعني اكون عندك وبنفس الوقت ادرس هنا بجده.. الله يخليك ليا ياقلبي ميدو..



من بكرا..
الكويت




نيلوفر صحيت وكل احلامها ب فيصل..ضحكت على نفسها .. لانه باين انها تعلقت فيه..
على 5 العصر اتصلت على فيصل..

فيصل: شمسج من وين اشرقت..
نيلوفر: ايش يعني..
فيصل: زين خطرنا على بالج والله..
نيلوفر: كنت ابغى اشوف انت فين عشان اجيب لك البلوفر حقك.. مغسول ونظيف..
فيصل : خليه عندج متى ماتقابلنا اخذه منج..
نيلوفر: لاتزعل مني..
فيصل: حصل خير
وقفل منها..

نيلوفر فتحت دولابها وطلعت بلوفر فيصل ولبسته..

كندا
9 الصباح..



ثامر: هاتي البشاره
ريم: ايش..؟
ثامر: تو نزلت جدول الفاينل.. شفت اخر اختبار لي اخلص واركب طيارتي للسعوديه.. يصير يمديني اقعد 3 اسابيع

ريم: مرا حلو .. انبسطت.. بس احنا راح نسافر اسبوعين ..
ثامر: متى..؟
ريم: يوم عرفه ماشيين ..
ثامر: لوين.؟
ريم: مصر..
ثامر: حلو طيب.. يصير باقي على رجعتي 5 ايام..
ريم: على خير بأذن الله..

ثامر: روي..ولهان عليك ..
ريم: مو قدي والله..
ثامر: في شي نفسي اقولك عليه بس ودي اصبر شوي
ريم: ايش
ثامر: ماراح اقول
ريم: عادي جدا جدا وكمان جدا.. كل شي مهم يصير لك ماتقول لي.. تعودت يعني..
ثامر: ريييم..
ريم: ايش ريم.. مو الوضع كذا.. كل شي مو وقته انك تقول لي..
ثامر: خلينا مروقين.. لا نتهاوش
ريم: انا ابغى نتهاوش.. ابغى شر..
ثامر: فيك شي..؟ ليه معصبه
ريم: ولا شي.. تعبت منك والله
ثامر: مو تو كنا حلوين ورايقين.. فجاه قلب مودك..
ريم: لانه تعبت انت هناك مرتاح وانا كل شي جاء على راسي.. امي بس تخاصمني عليك.. وتقولي كلام يخوف
ثامر: اللي هو ايش؟
ريم: مره تقول انك تتسلى فيني.. ومره تقول لو انك صادق كان خطبتني وجيت مع الطريق الصح.. ومره تقول حتى لو تزوجنا ربي ماراح يوفقنا لان بدينا بشي غلط.. كلام كثير ثامر بس كله سلبي..

ثامر: وانتي مقتنعه بكلام امك..؟ اقصد اني انا العب واتسلى فيك..؟
ريم: قلبي يقول لا .. بس احيانا عقلي يقول ممكن
ثامر: افا.. روي لاتحطين هالكلام براسك ازعل منك ترا.. بنت انا من لي غيرك..؟ انتي كل شي لي.. وانتي عارفه وش كثر انا احبك ومن عرفت نفسي وانا احبك.. لا اتسلى ولا العب.. بس ضروفي.. اصبري ريم..
ريم: ايش هيا ضروفك..؟ ولامو وقته تعلمني كالعاده..؟
ثامر: مايصلح اقولك الحين ريم.. اصبري.. اذا انخطبنا اقولك..
ريم: اقولك شي؟ لاتقولي عنك أي شي.. اخر همي انت..
ثامر: بنت عن الجنان.. اوك معصبه بس انتبهي لكلامك.. ذا شي ماينقال يوم تعصبين او تزعلين مني..
ريم: الا ينقال .. لمتى راح اراعيك واراعي ظروفك وانت اخر همك تراعيني ..؟ حتى كلامي معاك اداريه اخاف تزعلك كلمه مني..وانت ايش سويت لي..؟ سافرت ولا قلت لي حتى..!
ثامر: وانا اداري واراعي فيك.. بس ما اقولك اني داريت وراعيت مشاعرك في الموضوع الفلاني اسكت وما اخليك تحسين بشي ..ومو على اساس تكلمنا على سفري..؟ ليه تعيدين الكلام بموضوع سكرناه..
ريم: اصفق لك انك تراعي مشاعري..؟ وبعدين لاتقول سكرنا الموضوع انت اللي سكرت من نفسك.. انا لسى شايله بخاطري منك..
ثامر: ريم وش تبين اسوي لك..؟ امريني..؟
ريم: لاتسوي شي.. استريح طال عمرك.. وكبر مخدتك ونام وانت مرتاح.. اهم شي راحتك والباقي بحريقه..
ثامر: انا الغلطان اللي معطيك وجهه.. شكل ماعندك سالفه بس تبين تهاوشين معي وخلاص
ريم: من الاخر كذا.. يا تقول لي ليش سافرت.. او انا اسيبك واتركك زي ما انت سويت يوم سافرت..
ثامر: تهددين يعني؟
ريم: ايوا اهدد.. لان خلاص وصلت معي للأخير..
ثامر: ماتقدرين..
ريم: مرا واثق الاخ..
ثامر بعصبيه: اولا لا تقولين لي الاخ.. انا مو اخ لك.. ثانيا أي واثق ومتأكد زي ما انا ما اقدر ابعد عنك انتي ماتقدرين على بعدي..
ريم: تكلم عن نفسك يالاخ
ثامر ياخذ نفس يهدي نفسه: روي حبيبي انا .. انت مو قلتي لي قبل انك تتمنين احضنك.. العرب قالو زمان ان الحضن هو الحب الحقيقي..
ريم: يا تفاهتك انت والعرب زمان.. اقولك يالاخ انت فاضي وانا مو فاضيه لك.. وزمان لما قلت لك الكلام كنت نايمه ..
ثامرعصب : شيبتي فيني والله.. الشيب ملى شعري منك .. روي كلام قلتيه في اصدق حالاتك.. وبقولك شي بس مو عشان خايف من تهديدك السخيف بس عشان تدرين اني شاريك وان الكلام اللي براسك نتيجه افكارك السودا وكلام امك اللي ماله معنى.. انا سافرت وبعدت عن اهلي وقاطعت امي وابوي عشانك.. شفتي شلون انا اراعي مشاعرك واقدمك على كل شي بحياتي ولا احسسك ب أي شي..

ريم ساكته..

ثامر: مو مقتنعه صح.. انا اقولك.. اهلي مو موافقين اني اتزوجك يبوني اتزوج وحده غيرك.. وابوك لو خطبتك يبي يقول ليش تخطب لحالك وين امك وابوك..؟ وانا صرت بالنص بينك وبينهم..

ريم صارت تبكي وكل شوي يرتفع صوت بكاها..
ثامر: لاتصحيين.. تدرين ما احب تصيحين بسببي..
ريم: ليه مايبغوني..؟
ثامر: مو مايبغونك ياعيني .. في احد يعرفك ولا يحبك..؟ بس هم مو موافقين على فكره اني احبك وابيك انتي.. تعرفين سوالف الحب عندهم خط احمر
ريم: تعرف انك ماتعرف تكذب.. انا من اول اعرف ان امك ماترتاح لي.. بس عمي ما يبغاني زوجه ولده صدمه..ثامر الكلام هذا ثقيل على قلبي.. خلاص قفلت ونفسيتي صارت بالارض.. ابغى اقفل ولاتكلمني لين ما انا اكلمك.. لين ما استوعب كلامك والوضع اللي صاير حواليني وانا اخر من يعلم..
ثامر: ريم لاتضيقيين صدري عليك.. اسمعي مني وتاكدي منها.. لو بعد الف سنه مالي غيرك ومالك غيري.. طمني بالك ماراح تاخذين الا ثامر.. وتذكري كلامي هذا..
ريم وهي لسى تبكي: ان شاء الله ثامر ان شاء الله.. خلاص راح اقفل.. بس الله يخليك لاتزعل من كلامي اول.. ماكنت اعرف شي..
ثامر: حصل خير.. انتبهي لنفسك..
ريم: وانت كمان.. والله يخليك لي..
ثامر: اممين..

قفلت ريم المكالمه وحست انها تبغى تعتذر من ثامر ارسلت لثامر ( اتمنى ان تمسي انت على خير وان اصبح انا زوجتك وعائلتك) و قفلت جوالها
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 01-08-2015, 07:03 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي




..
جده


نوف العصر نزلت محل واشترت هديه لزوجه صاحب محمد.. ورجعت بيتها سوت كيكه ..
على الساعه 8 جهزت وراحو للعزيمه..


الكويت
6 العصر..


امس كله نيلوفر ماشافت فيصل.. واليوم الكل مشغول عنها وسهى وامها وابوها خارجين مع بعض يجيبو اغراض للبيت..

نيلوفر طفشانه دق عليها فيصل وانبسطت..: الو
فيصل: هلا والله..
نيلوفر: كيفك..ايش مسوي
فيصل: بخير يعلج بخير.. انتي شلونج..؟
نيلوفر: تمام..
فيصل: مسوين خيمه فيها فعاليات حلوه زي المهرجان كذا.. ربحها لجمعيه خيريه وفيها مسرحيه حلوه وتضحك تبين نروح لها..؟
نيلوفر: ايوا ياليت مرا طفشانه وقاعده لحالي..
فيصل: استعدي الحين امرج..

نيلوفر بسرعه قامت تلبس ومو عارفه ايش تلبس..لقيت عندها تنوره طويله بنفسجي غامق لبستها مع بدي قصير اسود منقط ب ابيض.. فتحت شعرها وحطت ماسكرا وبلشر خفيف وروج بنك..


دق فيصل وخرجت.. فيصل اول ماشافها مات ضحك على التنوره الطويله ..
فيصل: الله وش هالستر..
نيلوفر: ههههههههههه طفشانه وماصدقت اخرج خفت تخاصمني ..
فيصل: مصالح يعني.. اقولج.. ليش بلوزتج قصيري جذي.. أي حركه مني مناك يبان بطنج..
نيلوفر: لا ماراح يبين.. خلينا نروح الله يخليييييييك

راحو للخيمه كان فيها اركان وكل ركن فيه شي غير الثاني.. نيلوفر كانت مبسوطه وهي تكتشف ثقافه ودوله جديده..
كان في حرمه تسوي نقش بالحنا.. نيلوفر حبت تسوي بين اصابيعها..

الحرمه: اختاري شكل من الكاتلوج اللي قدامج وانا اسويلج..
نيلوفر: لا ارسمي لي بين كل اصبع حرف بالانقلش.. ..
الحرمه : يمه وش تبين بلغه الكفار.. خليني اسويها لك بالعربي..
نيلوفر.: طيب..

خلتها ترسم بين اصباعها الخنصر والبنصر على اصابعها الخنصر حرف ن..
وبين البنصر والاوسط على اصابعها البنصر حرف ح.. ح ...
وبين اصابعها الاوسط والسابابه على الاوسط حرف ج..

الحرمه: يابنتي بشويش ولا تحركين يدج كثير لين ينشف عشان مايخرب..
نيلوفر: اوك..

نيلوفر قامت من عندها وراحو ركن يبيع اكل.. اخذو اكل ونيلوفر ماقدرت تاكل بسبب يدها..

فيصل: اوكلج ولا تبي تعصبين علي..
نيلوفر: تسوي خير..
كان فيصل يوكلها بالشوكه وياكل بعدها من نفس شوكتها..

فيصل: شنو ح ح ج.. ن نيلوفر فهمتها.. وابوج يوسف.. مين ح ح ج..
نيلوفر: اقولك بعدين.. انت حكي عنك.. فيصل كم عمرك..
فيصل: 22 بس شهرين واتم 23
نيلوفر: انت اكبر من سهى.. كيف تدرسو سوا..
فيصل: مواد مشتركه وفي مواد انا متأخر فيها..
نيلوفر: كم ميلادك.؟
3/10
نيلوفر: يعني انت ميزان..
فيصل: ما اؤمن بالابراج..
نيلوفر: بالعكس هذا علم زي علم النفس كل برج لو مواصفات نفسيه مشتركه ومواليد كل برج تجمعهم الصفات المشتركه .. اما حكايه يعرف المستقبل دا كذب وحرام كمان وشرك..
فيصل: تحبي علم الابراج..؟
نيلوفر: فوق ماتتخيل..
فيصل: طيب ايش مواصفات الميزان اللي شفتيها فيني ..؟
نيلوفر: مباشر وصريح..منطقي.. دبلوماسي.. انطوئي شويا..
فيصل وهو يأكلها: انطوائي!!
نيلوفر: ايوا.. زي حكايه اخوك الله يرحمه.. ماقلت لاحد عنها..
فيصل: انتي ايش..؟
نيلوفر: انا نيلو..
فيصل: ههههههههههه

نيلوفر: تبغى تقولي ايش صار؟
فيصل: قلتج لج قبل.. لما توفو كان فيه تحقيقات.. اكتشفو ان العامل المصري باعها لهم ب 100 دينار.. تخيلي 3 ارواح بريئه تروح ب 100 دينار.. العامل كانت اقامته منتهيه ماقدرو يحاكمونه سفروه ترحيل لبلده..
نيلوفر: لا تقولها.. مو معقوله..
فيصل: الله لايوريج يومها وش صار.. احس الدنيا كلها بقلبي.. ماقدرت اخذ حق اخوي الى يومج.. بس قبل مايسافر.. رحنا انا ويعقوب و2 من اخوان الاولاد اللي توفو..
طقيناه طق الى يوم الطق.. صح ماراح من قهرنا شي.. لكن اسمها اخذنا حقنا لو شي 1 بالميه..
نيلوفر: قهر والله..

فيصل: جاوبي شنو ح ح ج..؟
نيلوفر: نيلو حره.. في حياه جديده..
فيصل: حلو.. نيلوفر معليش على سؤالي.. بس شنو علاقتج ب سهى واهلها..

نيلوفر: بابا جابهم مربين ليا.. كان مسكنهم في لندن ويزوروني كل يوم وينتبهو ليا.. وكان بابا يعامل سهى زيي وصرنا اخوات.. لما صرت 12 سنه.. خرجت في شقه لحالي انا وسهى واهلها.. وكنت اروح للمدرسه بس ما انام فيها.. ارجع انام في شقتي.. 3 سنوات كدا خاله سهى هنا بالكويت مرضت ودخلت المستشفى واضطرو ينزلو الكويت ويعيشو فيها.. وكان ثاني انفصال ليا مع ناس احبهم..

فيصل: وعشتي لحالج بالشقه..؟
نيلوفر: لا بابا جاب عندي طباخه و هاوس كيبر كانو معايا.. بس كنت اروح الشقه وقت النوم..طوال الوقت في المدرسه
فيصل: الفله اللي انتم فيها.. لمين.؟
نيلوفر: لبابا..
فيصل: وهم ساكنين فيها ..
نيلوفر: يب لهم جناح وليا جناح ولبابا جناح..
فيصل: ابوج وين.؟
نيلوفر: في دبي يفتتح فندق جديد بعدين رايح شيكاغو..
فيصل: ماقلتي وش قررتي تدرسين هنا او لندن..
نيلوفر: لندن..

فيصل كان يشرب نيلوفر عصير: قبل يومين تساليني أي لون احبه.. عشان تحطينه على اظافرج..
نيلوفر انحرجت.. : ايوا
فيصل: قومي بدت المسرحيه..



بعد المسرحيه.. راحومطعم..

نيلوفر: فيصل كيف عرفت اني احب المناكير..
فيصل: كل مره قابلتج فيها تكون يدينج مليانه خواتم.. وكل مره تحطين مناكير لون غير..
بعد تحبين السلاسل.. الحين لابسه 3 سلال على بعض.. الهديه اليايه بييب لج سلسال .. واللي بعدها تدرين شنو.. ربطه شعر.. عشان تلمين شعرج عن وجهج وتخليني اشوف هالوجه زين..
نيلوفر: احب شعري على وجهي..
فيصل: نيلو.. شنو معنى اسمج..؟
نيلوفر: معناه ورده .. هيا كلمه فارسيه.. نوع معين من الورد ينبت على اطراف النهر.. زهره النيلوفر تتميز انها قويه.. لانها تطلع فوق سطح المويه مو على الارض.. مكافحه وتمشي عكس التيار.. لكن هي وحيده..
فيصل: وانتي تحسين نفسج نفس الصفات..
نيلوفر:يب شويا بس.. ابحث عنها بقوقل اسمها العلمي هوا nymphaea alba
فيصل تحمس وفتح صورتها بجواله..

نيلوفر: بابا يقول اسمي من زمان معروف وكانو الشعراء زمان يكتبو عنه قصائد..
فيصل: عجييب..

قرب يده ل يد نيلوفر وصار يحرك اصابيعه على اصابيعها..سحبت يدها نيلوفر..

فيصل: شفيج.. ابي اشوف الحنه شلون صارت يوم غسلتيها.. ولا مايحق لي..لي ساعه اوكل فيج واشربج واخرتها مالي حق اشوف يدينج..

نيلوفر ساكته مسك يدها وقامو مع بعض..
السياره كانت بعيده شوي عن باب المطعم..
فيصل ماسك يدها ومدخل اصابيعه بين اصابيعها.. يوم وصلو باب السياره رفع يدها لعند وجهه صار يطالع الحنه بعدين باسها بوسسه طويله على باطن يدها..
نيلوفر ارتبكت.. سحبت بدها وركبت السياره..
فيصل ركب جنبها..

فيصل كعادته بعد مايقرب من نيلوفر يرجع شخص هادي ومسالم: نيلو.. تعرفي ايش معنى بوسه اليد..
نيلوفرعارفه المعنى الحقيقي بس ماتبغى الحوار يوصل للدرجه هذي: تقدر واحترام..
فيصل: هذا تقبيل كف اليد.. بس باطن اليد تعرفي ايش معناها..؟
نيلوفر وقلبها يدق: لا..
فيصل: اقولج ولا تبغين تبحثين عنها انتي..
نيلوفر تحاول تنهي الحوار: انا ابحث عنها..
فيصل: نصابه بنص عينج.. تصرفيني بس عارف ماراح تبحثين عنها..
انا اقولج.. لما رجل يبوس انثى مثلج على باطن يدها..يرسل لها مسج انا اعشقج..والعشق هذا صافي وبريء..
نيلوفر: فيصل خلينا نرجع للبيت..
فيصل: على راسي..
شغل السياره..

فيصل: انا متأكد ان البنات حذروج مني وقالو لج كلام عني.. بس لو انتي حاسه تجاهي لو بشي بسيط لا تخبين.. خلينا نعطي نفسنا فرصه..
نيلوفر: مو حاسه شي..
فيصل: جذابه(كذابه).. نيلو باين على عيونج ترا وخدودج تحمر لما اقرب منج..

نيلوفر طنشته وفتحت شنطتها وطلعت البلوفر: تفضل شكرا لك
اخذه فيصل وشمه..
فيصل: قلتي لي ان الخدامه غسلته.. فيه ريحتج.. لبستيه مره ثانيه بعد ما انغسل صح..
نيلوفر ارتبكت..
فيصل: شفتي مو قلت لج انج تحسين بشي.. ليش تضغطين على عمرج وعلى مشاعرج.. مو على اساس حريتج وحياتج الجديده.. وين حريتج وانتي حتى مشاعرج تخبينها عن نفسج ..

نيلوفر ساكته ولافه وجهها عن فيصل..
لين وصلو بيتها..

فيصل: تصبحين على خير..
نيلوفر: شكرا المسريحه جميله والمطعم لذيذ وكمان الخيمه حلوه حبيتها مع انو مافهمت شي ههههههه شكرا ع اليوم اللطيف.. وتصبح على خير..
نزلت ودخلت بيتهم..

بعد مده جاها مسج من فيصل..(بعد اذنج افتحي تويتر وشوفي اخر بوست..)
فتحت نيلوفر تويتر وراحت على حساب فيصل وشافت صوره مصورها للخيمه.. بعد مده انتبهت انها موجوده بالصوره ..

الصوره عباره عن الخيمه ونيلوفر كانت جالسه على احد الكراسي تلعب بجوالها وشعرها نازل على وجهها مو مبين هي مين
قريت التعليق على الصوره

(
إختاري الحبَّ.. أو اللاحبَّ
فجُبنٌ ألا تختاري..
لا توجدُ منطقةٌ وسطى
ما بينَ الجنّةِ والنارِ..
)








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 01-08-2015, 07:14 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي





نيلوفر مافهمت المعنى نسخت الكلام وصارت تبحث بقوقل لين فهمت المسج..
طلعت للحوش تشم هوا وتفكر ايش وضعها مع فيصل..
دقت عليه..

فيصل: هلا
نيلوفر: هلا
فيصل: امريني..
نيلوفر: دقيت بس بقولك على شي.. انت على أي اساس حبيتني..
فيصل: لانج طبيعيه.. والحب مافيه سبب شي جذي انت تحس فيه..
نيلوفر: كيف طبيعيه
فيصل: يعني تصرفاتج تلقائيه شخصيتج بسيطه.. مو بسيطه غبيه.. لا بسيطه مريحه.. اقولج شلون.. اول يوم طلعنا فصخت جزمتي قمتي فصختي جزمتج.. بنت غيرج بتقول لا برستيجي.. شعرج تطلعين فيه زي ماهو ماتستشورينه ولا تسوين فيه شي زي باقي البنات.. تفكيرج ابعد من انج تفكرين بشكلج وان لازم يكون بيرفكت..
نسلو فهمتي علي ..؟
بعد فيج شي حلو تحترمين غيرج بكل شي وتعطينه حريته معاج.. زي يوم تاكلين مع احد ماتوقفين اكل لين هو يوقف اكل حتى لو شبعانه..
غير تربيتج عندج اتيكيت عالي ولباقه مع الكل.. ومثقفه تعرفين تتكلمين وتعرفين تنصتين لغيرج.. اشياء كثير نيلو بس انا لقيت نفسي ارتحت معج بدرجه عمري م ارتحتها مع غيرج

نيلوفر: بقولك شي بس لاتزعل
فيصل: قولي
نيلوفر: انت صاحبت بنات كثير..
فيصل: ايه..
نيلوفر: ايش ايوا..
فيصل: مافهمتج..
نيلوفر: انو انت تعرف بنات كثير تمام.. ليه انا طيب..؟
فيصل: انا اقولج.. اول مره حبيت وعمري 19 بنت عمي.. كنت احسب اني احبها بس طلع كلام مراهقين.. بعدين عجبتني السالفه.. جذي بنت تهتم لج ولتفاصيلج..شخص يخليك تحس انك عنده شي غير .. والله مو شر فيني. نيلوفر. بس كنت ابي شخص ارتاح معاه..
نيلوفر:ايش صار لبنت عمك.. ؟
فيصل: بالبدايه هي اللي تقربت مني.. بعمري كانت .. اول بنت بحياتي كان شعور حلو.. اول لمست ايد.. اول مره تحس قلبك دق.. اول مره تحس برعشه صغيره.. تعلقت فيها..
لين قعدت معاها سنه ونص.. فجاه كلمتني يوم قالت خلاص مافي شي بيننا وانا اتسلى معاك وانا انخطبت لواحد احبه وابي اتزوجه..
نيلوفر: ايش سويت..
فيصل: زعلت اول شي بعدين تحسفت على ايامي معاها..
نيلوفر: كنت بعمر قريب من عمري..
فيصل: ايه..
نيلوفر: اخاف لما اكون بعمرك اقول عنك نفس كلامك لبنت عمك.. فيصل كان يتسلى..
فيصل: واللي خلقني اني ما اتسلى فيج.. ماا اخترتي..
نيلوفر: ايش
فيصل: الحب او اللا حب..؟؟

.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 01-08-2015, 07:20 AM
صورة !..Roy الرمزية
!..Roy !..Roy غير متصل
©؛°¨غرامي مشارك¨°؛©
 
الافتراضي رد: إختاري الحب أو ا لاحب/بقلمي




نهايه الفصل الثامن..

اتمنى انه اعجبكم..



حبيت اوضح حاجه.. انا انسانه تفتخر بعروبتها جدا.. تعشق ان تقرا الادب العربي والجاهلي ايضا.. لذلك يوم استخدمت في حوار ريم وثامر كلمه (يا تفاهتك انت والعرب زمان) لم يكن القصد التقليل او التحقير للعرب ولكن القصد هو توضيح الحاله العصبيه لريم وانها تتكلم قبل ان تفكر او تعي ماتقول .. فقط تحاول استفزاز الطرف الاخرر للحصول على هدفها وهو معرفه سبب غربته عنها..


شاكره قراءتكم ..


الرد باقتباس
إضافة رد

إختاري الحب أو ا لاحب/بقلمي

الوسوم
اللاحبَّ , الحبَّ , إجباري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لإطلالة مميّزة، إختاري حقيبة غوتشي الجديدة! Sinyowrh Sarah أزياء - فساتين - موضة - اكسسوارات 12 07-10-2015 06:33 PM

الساعة الآن +3: 11:46 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1