غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 08-11-2015, 12:57 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


2bl ftra kona noktb bhay
elo'3a elhbla almusamah
3rbeze!

bjd lo'3a bsh3a o mshwaha tmamn
Omneeee7 enha e'7tft
hhhhhhhhhhhhhhh

sd9n ma b3rf sho 56rle aktb feha
Zmaaaan 3nha!
7aseh ene bktb hero'3lef
e

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 26-11-2015, 07:44 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


اليوم قررات في المنتدى موضوع
عن الحب

لفت انتباهي راي صبيه هاجمت
الحب بعنف
حكت انه كذب وخيانه وقلة دين واخلاق

نفسي اعرف :
جربت تطلع من بيتها تلاقي ع الدرج ورده حمرا من معجب
جربت ينسرق رقمها وتوصلها مسج بتحبس الانفاس !
جربت تخجل متل ورده لسى ما تفتحت من نظره جريئه
جربت تغمض عيونها وتسترجع نبرة صوته الخشنه الهاديه ببالها وهو بيحكي بحبك!


بغض النظر تفاعلنا مع الحب او لا
عشناه او حبسناه ومضه بتعبر الخلايا بلذه سماويه

الحب موجود وحلو

ويا ريت نتعلم مانحكي نظريات
عن اشياء ما عشناها



كلمه فقط

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 31-01-2016, 07:14 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


اليوم
شايفه حالي ابشع انسانه في الوجوووووووود

يا الله
جواي وحش غريب
وحش مخلوق من الاحباط وضغوطات العمل ومداراة الناس
وظلم البشر والتعب والوحده والازدواجيه

اليوم
ضربت بنتي الزغيره !!
ضربتهاوالممممتها
كانت بتصرخ خاااايفه مني !!
تخيلو بنت خايفه من امها !!
غلطت باشي نبهتها عليه بدل المره الف مره
بس عمرها 5 سنوات طبيعي تغلط
وعمري 25 طبيعي افهم
بس بلحظه تحولت لحيواااان بشري
او بشر حقيقي
لانه الحيوانات ما بتعذب اطفالها
البشر بس بعملو هيك

نامت وهي بتبكي ..
لا اصلا خافت تبكي

بتفرج فيها وهي نايمه متل الملاك
وبتفرج بغرفتها
شو فايدة القصص والالعاب والملابس والحلويات
وانا ما عرفت اكون متل ام افريقيه حامله ولادها
طول اليوم ع ظهرها بتقاسمو حتى شربة المي

زعلت لانه بنتي " تبولت " على الفرش الغالي الي اشتريته
انا ام انا ؟؟؟؟؟؟؟؟؟؟؟؟

حاسه الدنيا مزاعليتني
حاسه اني مفرغه من اي نجاح او انجاز
حاسه روح زوجي اليوم زعلاااانه
لا رح تزورني ولا راضيه عني

انا بحب بناتي
انا بعمل المستحيل لاعيشهم
انا غيرت حياتي كرمالهم
انا خسرت 30 كغ من وزني عشان ما يخجلو مني
عشان العب معهم
انا بشتغل بيدي وبسهر ع شغلي لاامن مصاريفنا

محتاجه احكي وابكي
محتاره
اصحيها واضممممممها واشممممممها واعتذر منها
او اخليها نايمه براحتها
رح اضل اتاملها لطلوع الضو


الحياه ما بترحم
وانا ضعفت او استقويت
قدام الشخص الغير مناسب ابدا
بننننننننننتي !!!
طفلتي
ملاكي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 03-02-2016, 04:16 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
01302797316 رد: تطريز ........


اليوم بعد ما وصلت شغلي وتفقدت الموظفين وشربت القهوه معهم
رحت اصلح 《بنشر》 سيارتي
امقت النظره الي بشوفها بعيون الميكانيكي والي مفادها : مش ملاقية زلمه يجي بدلك؟!
لا يا خوي مش ملاقيه ما ينعزش زوجي ومتوفي واخوي مش مجبوره ازعجه كل ما احتجت اشي بسيط
يا ريت وقفت على هيك
طلبت منه 《يهوفرلي》السياره من جوا ، ولما شغلت وطلعت فقدت سي دي مياده الحناوي الي كان شغال!

الميكانيكي المفروض يكون انسان فهماااااااان ، بعرف يقرا كاتالوج بالانجليزي، بعرف يستخدم الكمبيوتر حتى يشخص الاعطال
امين ، لسانه مهذب، زوق بعرف يتعامل مع الناس

لكن للاسف في بلادنا الي مش فالح في الدراسه، والطنجره ، بروح ميكانيكي
المشكله بوخذ مصاري اكثر من دكتور الاسنان!!!!!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 02-03-2016, 08:33 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
11302798240 رد: تطريز ........


شيرين لما فسرت سبب اعتزالها
المفاجئ حكت: بدي أعيش للبنات
أكون أم ....

ما بعرف ليش التسجيل الصوتي
أثر فيي كثير
يمكن صوتها إلي بغالب البكا
لانها رح تترك إشي بتحبه


أشياء كثيره الأم بضحي
فيها عشان ولادها
ومش خساره

لكن جوانا في حكي
محتاجين نحكيه










بدي أحكي معك سامعني؟
أكيد سامعني
أنا اشتقت الك
أنا تعبت
لا _ لا تحزن
أنا قويه
وبناتي رائعات






تعال يوم _ يوم واحد
إضحك
صرخ
إحكي معنا كثير
وروح .........

[YOUTUBE]2qofcFT1Ftc[/YOUTUBE]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 23-07-2016, 02:32 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


من شوي كنت بشرب القهوة انا وصديقه
في كافيه عالي ومشرف على عمان كلها
الصراحه جو خيالي

صحيح انا بشرب شيشه بس اليوم
ما كان الي فيها مزاج واكتفية بخليط
الروائح من المحيطين
حتى عادة ما بحب افسد طعم القهوه
ولا حتى بمي لكن اليوم على غير العاده
طلبت بوظه عربي مليانه فستق حلبي

بمنتهى الصدق كنت مستمتعه بمنظر عشاق
على طاوله بعيده عني شوي
عشاق حسب التصنيف العام محترمين !!
بس العشق مفضوح مش محتاج تفاصيل
تكشف عنه


بستغرب من الناس الي بتنكر العشق
وبتهاجم العشاق وبتلاحقهم وبتطفل عليهم
وبتزعجهم بحجة انهم حماة الاخلاق

ما بدي ادخل بتفاصيل دينيه
بس الي بعرفه انه رغم عمر
الاديان على الارض
لسى سكان الارض بحبو
ولسى الحب الذ سرقه بنظفر فيها من الزمن
ولسى شكل المحبين وقصصهم اشياء بنحب
نتلصص عليها ويمكن كمان بنتمنى نكون ابطالها


ما دخلنا بالغش والخيانه والتسليه
انا بحكي عن الحب الحب



بنتي طلبت مني لعبه بتبكي!!
سالتها ماما قصدك بتحكي حبيبتي
حكتلي لا بتبكي
اشتريتلها لعبه بتضحك
والله يستر!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 23-07-2016, 02:44 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


سيارتي الغاليه صايره كثير تخرب وتتعطل
أمي بتحكي انها عين وصابتها

اليوم بفكر اروح اعمل test drive
كخطوه اولى نحو مشروع احتمال تجديدها
حاسه حالي بخونها!!
انا بحبها كانها فرد من افراد اسرتي
يا رب ترجع كويسه وتظل معي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 21-04-2017, 11:22 AM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


يصيبني الملل الشديد من ادوار البطوله
دور السوبر ماما
الام الخارقه التي تعد البسكويت مع الحليب
وتضبط درجة حرارته ليناسب الفم الصغيره
المتحمسه للالتهام والتي تقرر في اللحظه
الاخيره استبدال البسكويت برقائق الذره!!
والثانيه التي تصر على خفق سائل البان كيك اللزج
بنفسها بينما احاول جاهدة غض النظر عن النقاط
التي لوثت ملابسها وجزء من الارض مما يعني ضمنيا
عملا اضافيا ينتظرني
كل ذلك يبدو حسنا اذا ما قورن بالمعركه التي علي ان
استعد لها بسبب علبة النوتيلا التي تلفظ انفاسها الاخيره
كيف ساقنعها اننا نستطيع تزين الاقراص بالعسل المربى
او حتى بالسكر الناعم عوضا عن الشوكولا
يبدو انني يجب ان استعد بقرصين من بانادول ادع¤انس لتجاوز
كل ذلك
عندما اشاهد كل ذلك من بعيد اتسآل
ما الذي صنعتيه؟ بعض اكواب الحليب!! الا تملين الشكوى؟!
ربما لانني اتوق لدور ثانوي لبعض الوقت
انعم فيه بحصة اضافيه من النوم في اوقات الاجازه






اضغط على الصورة لرؤيتها بحجمها الطبيعي


تعديل (NOOR); بتاريخ 21-04-2017 الساعة 01:09 PM. السبب: فاااضية اشغال وحبيت ازيد صوره تلون الصفحه 😂
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 21-04-2017, 12:35 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


يجتاحني الحنين
لتلك القبله التي كنت تزرعها على جبيني
قبل مغادرتك لصلاة الجمعه
حنينا تذكيه اصوات التهاليل المنبعثة
من اعناق المآذن في كل مكان

كان لوقع خطاك على الارض
هيبة لم ارها في سواك
رحمك الله كيف جمعت بين الهيبة والوداعة باقتدار

يا كل الاذكار المنبعثة من كل الحناجر
فل تحملي له في معراجك الى السماء
حبي ودعائي واشتياقي





تعديل (NOOR); بتاريخ 21-04-2017 الساعة 01:15 PM. السبب: لنفس السبب اعلاه 💜
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 21-04-2017, 05:44 PM
صورة (NOOR) الرمزية
(NOOR) (NOOR) غير متصل
©؛°¨غرامي مشارك¨°؛©
 
الافتراضي رد: تطريز ........


عصرونيه


اضغط على الصورة لرؤيتها بحجمها الطبيعي


https://www.youtube.com/watch?v=ii0_uVzQ_44


بينما تستفرق اهداهن بطبع الالوان على القماش
وتتعمد الثانيه افساد خلوتي بسؤالي عن رايي
في مشغولاتها من المعجون

الرد باقتباس
إضافة رد

تطريز ........

الوسوم
........ , تطريز
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتى الاولى معاناتى مع حبيب العمر نجمة elamar روايات - طويلة 75 19-08-2018 03:02 PM

الساعة الآن +3: 11:22 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1