منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   سحر الرسم \ بقلمي (https://forums.graaam.com/598856.html)

أنّكِسَـآرْ ! 19-07-2015 03:10 PM

سحر الرسم \ بقلمي
 
بسم الله الرحمن الرحيم
والسلام عليكم ورحمة الله وبركاته

اضع بين ايديكم روايتي الاولى واتمنى ان تنال رضاكم واعجابكم
الروايه واقعيه وحصلت في الحقيقه
ولكنني غيرت بعض الاحداث وغيرت بعض اسماء الشخصيات الحقيقيه
كتبت الروايه باللهجه الخليجيه لكي تصل اليكم اسرع رغم انني من العراق
ولكنني مولعه بالروايات الخليجيه ..
اتقبل النقد برحابة صدر لانني اكتب روايه لاول مره ..
امانه الي ينقل الروايه يذكر اسمي بليز لاني تعبت فيها



مدخل ~

امنيات مجهوله..
سأتمتم بها ساعة خلوة
وسأجعلها تتراقص على سحابات.. الأمل


البــــــــارت الاول

تمشي بخطوات سريعه حتى وصلت لمجموعه من البنات كانوا واقفين يتكلمون مع بعض
قالت وهي تلهث : بنات ما سمعتوا الاغنيه الي غنتها ملك تهبل وصوتها احلى
مسره : جد والله ؟ ملك تغني ؟ انا ادري انها ترسم هالبنت خذت كل المواهب دافوره ورسامه والحين تغني هه !
ردت حنين : احم اه يالغيره هههه يلا وراي ابي اخذكم لها واسمعوا واحكمو بنفسكم
مشوا معاها البنات ووصلوا للفصل والفصل مقلوب فوق تحت اكيد لانه الدرس كان رياضه
وصلوا لبنت جالسه لوحدها وتكتب بهدوء
حنين : ملوكه يلا قومي غني الاغنيه الي غنيتيها لي قبل شوي
ملك وهي متفاجئه : حنين ايش سويتي ؟ انا قلت لك لا تقولي لاحد .
حنين بارتباك : نسيت والله ومن حماسي قلت للبنات يلا غني بليز
مسره بغيظ : يلا بنسمع صوتك الساحر
ملك بخجل : والله اني اخجل
تجمعوا البنات حولها وتمو يتوسلون فيها عشان تغني ... وافقت ملك والكل سكت وانصتوا لصوتها البسيط والناعم صح مو صوت مطربه قوي لكن متناسق مع كلمات الاغنيه بدت ملك تغني وكل الانتباه لها :

سمعنا بقصة الرجال
هذاك اللي رفضْه الحال
نوى يخطب هوى قلبه
تقدم صوب ابوها وقال صلاح
يا عم جيتك .. لحد بيتك
ليد بنتك انا اتقدمّ
على الملّه .. بشرع الله
ونص الدين ابا اتممّ
هي ْمرادي .. غلا فوادي
طلبتك قولها لي تم
فقير الحال .. ما عندي مال
غني المبدا خالي الهم
أعفّ النفس .. واصلّي الخمس
واراعي ربي الأعظم
ومهما صار .. مع الاقدار
ابرضى بالذي مقسّمّ

تصدد وجه ابوها وطال
سكوته ولا حكي ينقال
تفكّر ثمْ قال اسمع
ترى بنتي لأبن الخال صلاح
يا عم ارجوك .. لا ترمي الشوك
فعيني وقلبي المغرمّ
بطهر الأرض .. عرفنا بعض
من احنا صغار لو تعلمّ
لا تحرمنا .. لا تعدمنا
وربك ما رضى بالظلمّ
يا عم ناظر .. ترى الخاطر
يبيها من سنينٍ كم
يا راعي الخير .. هوانا طير
لا توقف في طريق الحلم
وخذ مني .. وعد أنّي
أخليها فمجرى الدم

تمايل راس ابوها ومال
يهزه يمنتن وشمال
همس في اذن صاحبنا
نصيبك مع سواها تنال صلاح
مهو معقول .. ولا مقبول
اعيش الفكره ذي يا عمّ
بعد بنتك .. انا احلف لك
علي تحرم بنات آدمّ
ولو دنياي .. حكاية ناي
ابحكيها جروح وهم
وهذا القلب .. يا عمي صعب
حلف أبعشقها وأقسمّ
بقولّك شي .. ما دامي حي
أموت وغيرها يحرمّ
بكل الياس .. بقول للناس
حياتي خانها درهمّ

فتحت عيونها وهي تناظر البنات في الي بكت وفي الي دمعت وفي الي تاثرت ملك شافت تعابير مختلفه على وجوه مختلفه وشافت الغيره بعيون بعض البنات خجلت ونزلت راسها ورفعته مره ثانيه ناضرتها وشافت عيونها مدمعه تقربت من هالبنت كانت قصيره جدا وملامحها ناعمه
سالتها : مريوم شفيك ؟ انا اسفه لاني غنيت وجرحتك
مريم بابتسامه صفراء : لا ملوكه لا تقولي هالكلام بس الاغنيه مؤثره وصوتك حلو وين مخبيه هالموهبه ؟ ههههه
ملك : لا موهبه ولا شي اصلا صوتي عادي بس الاغنيه حلوه
تدخلت بنت بينهم : بالعكس صوتك يهبل حرام ساكته طول هالسنين
ردت صاحبتها : وانتي الصادقه مدري شفيها طول هالسنين ما نعرف عن مواهبها والسنه هاذي يلا عرفنا انها رسامه والحين طلع صوتها حلو
ملك بخجل : انا بنت حالي حالكم عندي مواهب بس موهبتي الرسم مو الغناء
سحر : بالعكس هههههه تصدقين فكرتك من البنات الدافورات الي تهتم بدراستها وبس حسيتك مغروره ومعقده ..
نور: اي والله وانا بعد كنت احس مثلك سوسو
ملك : لا شدعوه
مريم : البنت طيوبه طلعت الحمد لله هههههه
جلست بنت جنبهم وهي تاكل ويفر كاكاو : انا برأيي رسمك احلى من صوتك
نور وهي تدفها : وانتي من طلب رأيك اصلا ؟
البنات عدا يارا : هههههههههههه
يارا : الحق علي انا اعطي رأيي
بدوا البنات يسولفون وكانت هاذي اول مره ينجمعون فيها بالرغم من انهم كانوا بنفس الفصل الا انهم ما حاولوا يتقربوا من بعض والحين بدت صداقه جديده بين نور وسحر وملك ومريم ويارا ..

...........

صحت على صوت المنبه وهي تتأفف : متى اخلص من هالعذاب افففف
قامت من سريرها ودخلت الحمام الي بغرفتها تسبحت ولبست مريولها وتعطرت ونزلت تحت شافت عائلتها متجمعه حول طاولة الاكل في الصاله الكبيره ويتناولون الفطور ...
اتجهت صوبهم وهي تقول : صباح الخير جميعا
ابواحمد : هلا وغلا صباح النور هلا بحبيبة ابوها
ام احمد : صباح الانوار كنت بدق توي ع موبايلك وانتي نزلتي
ملك : لا انا صاحيه من زمان ..
جلست جنبه وباست خده بقوه مسح خده بقرف وهو يقول : كم مره قلت لك لا تبوسيني كذا ماني ولد صغير
ملك : يا عمري ايش اسوي احبك اعرف انك كبير فديتك
احمد : اقول اتركي هالبزر واكلي صدعتي راسنا من الصبح
نزلت ملك راسها بخجل واكلت وهي مجروحه شوي من اسلوب احمد معاها .. اكلت سوي وقامت
ام احمد : وين حبيبتي ما كلتي شي ؟
ملك : لا خلاص ماما شبعت الحمدلله
قام نحوها وهو يقول بحن : ملك زعلتي مني ؟
ملك بابتسامه : انا ما ازعل من عبودي حبيبي يلا كمل فطورك
ابتسم عبدالله وجلس واتجهت ملك نحو البوابه بتروح للمدرسه

.....................................تعريف بعائلة ابواحمد.......................................

ابواحمد : علي دكتور عمره 50 سنه رجل طيب القلب ويحب عياله وخاصه بنته ملك مدللها اخر دلال صح هادئ بس اذا عصب ما راح تعرفه كان متزوج سابقا قبل نوره لكن طلقها لان ابو اجبره عليها وما كانوا متفاهمين وكان عنده منها ولد واحد الي هو احمد لكن من طلقها كان عمر احمد 8 شهور ونور هي الي ربته وتعتبره ابنها ومو مقصره معاه بشي

ام احمد : نوره زوجة ابو احمد استاذه في علم الاحياء ادرس احياء في الجامعه عمرها 48 سنه لكن شكلها يوحي انها ب30 لاهتمامها بنفسها طيوبه وتحب عيالها وما تبخل عليهم بشي لكن عصبيه جدا جدا

احمد : ابن ابو احمد من زوجته الاولى عمره 23 سنه شخص انتهازي ويتدخل بكل شي ما عنده شي اسمه خصوصيه ويحب يفرض سيطرته على ملك ويكرها كثير لان يحس ابوه يحبها اكثر من عنده عاطل وتارك المدرسه صار سنتين

ملك : بنت طيوبه وحلوه عمرها 18 سنه تحب ترسم والحياة لكن لما صار عمرها 12 سنه انقلبت حياتها وصارت منطويه ع نفسها وهادئه وما عندها اصدقاء وما تتقرب من اي احد عيونها وساع وفمها ممتلئ وشعرها اسود يوصل لنهاية ظهرها

عبدالله : الابن الصغير لنوره وعلي عمره 13 سنه ويموت بشي اسمه ملك مدلل والكل تحبه طيب القلب وما يحب يزعل احد لكن فضولي








أنّكِسَـآرْ ! 19-07-2015 03:41 PM

سًحًر ٱلرسًم / بّقَلميّ
 
دخلت الفصل وابتسمت للبنات وجلست جنبهم سحر ونور وملك بمقعد وخلفهم مريم ويارا الدرس رياضيات
والصف مقلوب ولا كأنه الابله واقفه وهي تشرح ولا همها البنات دخلت معاونة المدرسه وهدأ الفصل فجأة
ناضرت المعاونه البنات بطرف عين وقالت بدون نفس : من فيكم شاعره ؟ عندنا مسابقة للشعر الاسبوع القادم
رفعت مريم يدها وناضروها البنات باستغراب !!!
المعاونه : قومي بنتي .. انتي تكتبي شعر ؟
مريم : لا ابله لكن ولد خالتي يكتب شعر .. يصير اشترك بقصائده ؟
المعاونه بتفكير : اي ممكن لكن الثلاثاء ابي منك تجي ومعك قصيده وحده ع الاقل حتى اعرف اسلوبه ويستحق الاشتراك ام لا ..
مريم : حاضر ابله ..
تركت المعاونه الفصل ورجع للحوسه المعهوده ..
نور : استغربت فكرت انتي تكتبين شعر
سحر : اي والله حتى انا
مريم بضحك : هههههه لا يالخبلات ما اكتب ولا ودي اكتب لكن ولد خالتي قيس يكتب من زمان شعر واسلوبه يهبل
يارا : اسمه حلو بس يا ترا شكله حلو مثل وجهه ؟
سحر وهي تضرب يد يارا : وجع تفكرين بالشكل وبس ؟
يارا وهي تمسك يدها : ااي يالدوبه .. كنت امزح
نور وهي تلتفت لملك : ياهووو نحن هنا ليش ساكته ؟
ملك وهي تبتسم : ولا شي بس افكر بالاختبارات ...
سحر بتفكير : مممم الاختبارات بعد 3 شهور
ملك : اعرف بس انا خايفه مو من هالسنه
يارا : من ايش خايفه اجل ؟
ملك بحزن : من السنه القادمه لان بنصير في الثالث الثانوي ومرحله اخيره وانا ابي ادخل كلية الطب واحقق حلم بابا
مريم : وحلمك ؟؟
ملك : حلمي احقق حلم بابا هههه انا ما لي بهالخرابيط انا احب الرسم وبس لكن ادرس حتى احقق حلم بابا
نور : الله يعينك ..
الكل : امـــــــين


.................................


مشى بعصبيه وهو يهرب منها ومن كلامها الي تعيد وتزيد في وقال بقلة صبر : مريم اتركيني بحالي انا ما احب المدرسه ولا الدراسه اففف
مريم بملل : خلاص سكتت لا تدرس كيفك ... احم قيوسي
ناضرها قيس بطرف عين : خلصيني شتبين ؟
مريم : احم ابي قصيده منك عندنا مسابقة شعر
قيس بتفكير : طيب بس عن ايش تبيها ؟
مريم : ممممم عن الوطن شرايك ؟
قيس : اوك اتفقنا ... بس كم تعطيني ؟
مريم وهي تشهق : قيس يا الدب من متى تاخذ من صديقتك فلوس
قيس وهو يضحك : ههههه امزح معك خلاص بالليل ارسلها لك الحين لازم اروح بيقتلني خالد
مريم : اوك روح اخوي وانا اعرفه بتتاخر ثانيتين تصير ساعتين عنده هههه
تركها قيس وقامت مريم من المجلس ودخلت للصاله شافت امها تناضر التلفاز جلست جنبها وسندت راسها ع كتف امها ...

......................................تعريف بعائلة ابوخالد...................................

ابو خالد : رجل طيب عمره 55 سنه كان مهندس لكن تقاعد من مده وهو يحب مرته ومو مقصر مع عياله بشي لكن مريض بمرض السكر

ام خالد : ربة بيت عمرها 40 سنه حنونه وتحب عيالها وموفره لهم كل شي يبونه حلوة وانيقة

خالد : الابن الاكبر للعائله عمره 25 سنه .. حلو وشعره طويل وعنده لحية خفيفه وضعيف وصاحب عضلات شوي يشتغل بشركته الخاصه

مريم : بنت حبوبه وطيوبه وتحب تضحك الكل وقصيره جدا شعرها اسود طويل وعيونها سود تسحر تحب ابن عمتها من 4 سنين وهم لبعض من كانوا صغار



مخرج ~

مُـؤْلِمَه
هِيَ آلذِّكْرَيآتِ حِيِنَ يَغيبُ مَنْ شَآرَكَنَآ بهَآ


الحلوة المزيونه 19-07-2015 05:25 PM

رد: سًحًر ٱلرسًم / بّقَلميّ
 
بداية موفقه ..ولكن لو كان فيه احداث اكثر علشان نقدر نتعرف ع الروايه اكثر
عورت قلبي ملك
بانتظارك

أنّكِسَـآرْ ! 20-07-2015 02:29 PM

رد: سًحًر ٱلرسًم / بّقَلميّ
 
اقتباس:

المشاركة الأساسية كتبها الحلوة المزيونه (المشاركة رقم 27329040)
بداية موفقه ..ولكن لو كان فيه احداث اكثر علشان نقدر نتعرف ع الروايه اكثر
عورت قلبي ملك
بانتظارك

يسلمووو قلبي نورتي والله
اعرف لكن الروايه مو طويله كثير ما ابي اتسرع بالاحداث
شكرا لمرورك فديتك

الاميرة المجهولة ... 20-07-2015 03:39 PM

رد: سًحًر ٱلرسًم / بّقَلميّ
 
بدايه جميله


بانتظار بارت ثاني عشان نفهم الروايه

أنّكِسَـآرْ ! 20-07-2015 03:42 PM

رد: سًحًر ٱلرسًم / بّقَلميّ
 
اقتباس:

المشاركة الأساسية كتبها الاميرة المجهولة ... (المشاركة رقم 27331200)
بدايه جميله


بانتظار بارت ثاني عشان نفهم الروايه

شكرا ونورتي

ان شاء الله بكمل البارت 2 وبنزله اليوم

أنّكِسَـآرْ ! 20-07-2015 09:40 PM

رد: سًحًر ٱلرسًم / بّقَلميّ
 


مدخل ~

من أجمل الأشياء فى الحياة أن تشعر بأنك سبب لإدخال السعادة على قلوب الآخرين ... فمجرد محاولتك لإسعاد غيرك بكلمة صادقة ... بإبتسامة ... بلمسة حانية ... تجعلك أكثر سعادة وبهجة ورضا .


البارت الثاني

بكت بحرقه وهي تحضر الغداء لعائلتها وتدعي ربها يصبرها نادت عليها امها بصوت ضعيف : نور .. نور
تركت نور الي بيدها ومسحت دموعها باصابعها الصغيرة وتوجهت لامها كان البيت صغير ومكون من غرفتين فقط والمطبخ في ركن صغير من اركان احدى الغرف كانت امها نايمه ع فراش بسيط وتكح وتتكلم بصعوبه
مشت نحوها بخطوات سريعه وقالت بخوف : ماما شفيك ؟ يوجعك شي ؟
ام نور : لا حبيبتي بس ابي علاجي وماي
نور : حاضر ماما
قامت نور من مكانها ورجعت لامها وبيدها كيس اعطت لامها علاجها ورجعت تطبخ
دخل ابوها وهو يصارخ يبي اكل اتجه صوبها وقال بعصبيه : الي ساعه اصارخ وينك في ؟
نور : ما سمعت بابا اسفه الحسن احط الغدا
ابو نور : بسرعه لا بارك الله فيك
تركها ومشى وهي ضلت وحيده ودموعها ع خدها وبحزن : يا ربي بكرا امتحان الاحياء متى اقرا ؟'

..........................تعريف بعائلة ابو نور...........................

ابونور : شخص عصبي وانتهازي وما همه بس الفلوس عمره 44 ياخذ الفلوس ويسكر فيها ويضرب بنته وزوجته دايم لاسباب تافهه

ام نور : امرأة طيبه وحنونه لكنها مريضه بمرض القلب عمرها 40 سنه ما بيدها حيله ع الي بيصير

نور : بنت ناعمه وحلوة شعرها قصير يوصل لرقبتها عمرها 18 بيضا وعيونها عسلي ونحيفه جدا تحمل هموم الدنيا لكن تكتم بقلبها عشان امها تدرس وبنفس الوقت تعمل في مطعم بوقت فراغها عشان مصروف البيت

زين : اخ نور الصغير عمره 10 سنين طيوب لكن حزين دايم وتحاول نور قدر الامكان تعوضه حنان الاب والام

............. ... .. ...........

في حديقه ساحره كان جالس و مسرح ويفكر بعمق وماسك بيده قلم وورقه صحاه من شروده صوت الموبايل ناضر الاسم وابتسم ورد بهدوء : هلا والله حي الله هالصوت
مريم : هلا فيك دب اخبارك
قيس : تمام دامك تمام وانتي
مريم : الحمد لله اقول اخبار القصيده؟
قيس : كنت باكتبها الحين وانتي قاطعتي افكاري
مريم بلا مبالاة : طيب يا امرؤ القيس خلصنا
قيس : هاهاها تستهبلين انتي ووجهك ؟
مريم : خلاص بروح انا وانت كمل شغلك
قيس بابتسامه : طيب باي يالخبله
مريم : بايو قيسو ..
سكر الفون وبدأ يكتب بشغف ومو منتبه للي جلس جنبه وبعد دقايق رفع راسه وعقد حواجبه وقال بغيظ واضح : نعم ؟ ايش تبي؟
: اوف استاذ قيس شفيه معانا اليوم ؟
قيس : همام قسم بالله مالي نفس لك اخلص كم تبي ؟
همام بابتسامه وخجل واضح : ما ابي شي سلامتك بس حبيت اجلس معاك شوي
ندم قيس ع اسلوبه مع اخوه الصغير وقال باسف : اعتذر همام لكن انت ما تجيني الا وتبي مني فلوس
همام : عارف ياخوي انت تحمل شوي ما لي حد غيرك
قيس : عارف ومتحمل همام ... مد يده قيس في جيبه وطلع من عنده 5000 وقدمها لاخوه وقال بابتسامه : هذا كل الي معاي الحين دبر نفسك فيه لحين ما الله يفرجها
قام همام وباس راس اخوه وقال بخجل : اشكرك يا احلى اخ
قيس باستهبال : خلاص اتركني الحين عندي شغل مهم هع
همام وهو يقوم من عنده : طيب اخليك الحين اتجه همام لداخل البيت وكان الهدوء تام والكل نايم وصل لغرفته ودخل حتى ينام ...

.............................تعريف بعائلة ابوسلطان .................................
ابو سلطان : موضف متقاعد عمره 47 سنه عصبي ولا يطاق ويفرق بين ولده يحب همام ومعطي اهميه اكثر من اخوانه

ام سلطان : امرأة بسيطه وطيبه عمرها 41 سنه تحب عيالها وصديقتهم وتحاول تساعدهم بكل شي بحياتهم

سلطان : الابن الاكبر متزوج عمره 26 سنه ضابط (دوره ضعيف في الروايه ) متفهم وصبور لابعد درجة

قيس : شاب وسيم عمره 23 سنه اسمر وعيونه وساع وانفه حاد شاعر وحساس واجتماعي ويحب يساعد الكل ويهتم بالكل ويقدم الي يقدر عليه دايم بشوش وراعي مقالب وضحك ورغم سنه الا انه صديق للكبير وللصغير لكنه مظلوم في العائله واهتمامهم فيه قليل يكره كل شي متعلق بالدراسه لكن يحاول ينجح وهو لساه في الثانوي وهو ومريم علاقه قويه من هم صغار كانهم اخوان

همام : الابن الاصغر في العائله وعمره 22 سنه شعره طويل وعنده عضلات وغمازات لكنه طايش وما يحب يبقي فلوس بايدينه ودايم يستلف من قيس وابوه يحبه كثير

ميس : عمرها 25 ومتزوجه

................................

10:00 م
كانت جالسه بغرفتها وتتكلم مع البنات ع الواتس اب بعد ما كملت دراستها عشان الامتحان
ملك : اقول بنات وين نور مختفيه كل مره نتكلم مثل هالوقت مو موجوده
يارا : اي والله انا بعد انتبهت
مريم : بنات يمكن عندها ضروف ولا شي سحر وين الثانيه ؟
دخلت سحر بسرعه ورسلت فيس معصب
سحر : قسم بالله انكم ما تستحون عندنا اختبار احياء وانتو ماخذيها دردشه ؟
يارا : انا ما امتحن ما فاهمه الماده
ملك : ولا يهمك انا اشرح لك
يارا : يؤ يؤ لبيه قلبك
سحر : وهي ترسل فيس متضايق انا بروح باي
البنات : باي
مريم : اسفه بنات لكن قيوس اتصل عشان القصيده
يارا : قيوس اجل ها ؟ وارسلت فيس معاه قلوب
مريم فيس معصب : ياروه جب قيس مثل خوي
ملك : ههههه يارا شكلك نسيتي روميو تبع مريم هع
يارا : اي والله نسيت ههههه
مريم : فديت قلبه هع اقول ملوكه ابي رسمه منك ممكن ؟
ملك : مممم اوك ماشي
يارا : وانا بعد
ملك : طيب دوبه
واستمروا بالدردشه والبنات ما يدرون ان نور تشتغل بمطعم كارسون عدا وحده تعرف وهي سحر لانها الوحيده الي تعرف ضروف نور لكن نور قالت لها ما تقول لاحد

.................................

بعد يومين

نور مستمره في الشغل والفلوس يلي تجيبها الجزء الاكبر للاب وتاخذ جزء بسيط تشتري فيه علاج لامها واكل للبيت

ملك تعاني بسبب احمد الي مو تاركها بحالها ويتدخل بالصغيره والكبيره لكنها متحمله وتنسي همها بالرسم

مريم عايشه احلى قصة حب مع ابن عمتها ومو مقصر بشي معاها

قيس لا زال يقاتل في دوامة الحياة وقرر انه يترك المدرسه وكتب 3 قصائد لمريم

سحر ويارا لا جديد في حياتهم

.....................

: ايش هالخرابيط ؟
رفعت راسها عن رسمها وناضرت في وتنهدت بضيق ورجعت تكمل الرسم بدون اي جواب
عصب منها وصار وجهه احمر نزل لمستواها ومسك الرسم وسحبه من يدها تفاجأت بحركته وشهقت بخوف مزق الرسم قدام عيونها
وقال بابتسامه خبيثه : هذا درس لك عشان ما تتجاهليني مره ثانيه
وتركها وسط صدمتها نزلت دموعها وصارت تبكي بصمت
خرج من غرفتها وتوجه لغرفته وهو يكلم بنت في الجوال من الي يضحك عليهم وع وجهه ابشع إبتسامة نصر !!

...............

دخلت للبيت وهي شكلها محيوس فوق تحت رمت الشنطه ع الارض وتوجهت للمطبخ شربت كاس مي وتوجهت للصاله وكانت العائله جالسه مع بعض ناضرته بطرف عين وقالت بغيره : انت بس قول من وين لك كل هالموهبه ؟
امها بعصبيه : مريموه الناس تسلم اول بعدين شفيك ع ولد عمتك ؟
مريم : اسفه مامي لكن تعبانه ونسيت اسلم
ابو خالد : اقول شفيكم ع بنتي اتركوها بحالها ؟
قيس بضحك : هههه نعتذر خالي من سمو الاميره قولي لي عجبتهم القصائد ؟
مريم وهي تعدل مريولها : غصب عنك اميره يا الدب احم شوي وكانت المعاونه تبي تقوم وتعطيني بوسه ع هالقصيده ههههه خذتها وبتشترك مدرستنا بقصيدتك .
خالد : حشى ايش ماكله ؟ صدعتي راسنا قومي فزي غيري ملابسك نبي ناكل انا بموت من الجوع
مريم : اففف طيب ماشي الحين بروح
قامت من مكانها وهي تتحلطم وقيس يضحك عليها صعدت لغرفتها وقام قيس
ام خالد : وين ابني ؟
قيس : خالتي بروح اغسل ايديني
ام خالد : طيب ماشي ابني انا بقوم اشوف الشغاله بنحط الغداء
خرج قيس من الصاله وشاف بقرب باب الخروج شنطة مريم ابتسم ع هبل هالبنت وجا بيمشي لكن لفت نضره ورقه طايحه ع الارض واضح انها من شنطة مريم مسك الورقه وفتح عيونه من الي شافه وتم يناضر الي بيده بدهشه واعجاب ويمرر اصابعه ع الورقه ببطأ
جاه صوت من وراه : حلو ؟
قام قيس من مكانه والتفت بسرعه لمريم وقال بسرعه : يهببببل ... مريم يا الخبله من وين لك هالرسم الخطير ؟
مريم : هههه صديقتي بترسم هالرسم وطلبت منها ورسمت لي
قيس بتعجب وهو ما رفع عينه عن الرسم : جد والله ؟ قسم انها فنانه كم خذت منك ؟
ضربت مريم يده ع خفيف وهو ضحك سكت وناضرها باهتمام : عطيني رسمك
سحبت مريم الرسم بسرعه من يده وقالت بعصبيه : احلف ؟ انا ما صدقت انها رسمت لي رسمه
قيس : طيب قولي لها ابي ترسم لي رسم واي شي تامر في انا حاضر
مريم بطرف عين : نزل عليك حب الرسم فجأة -_-
قيس وهو يدفها : جب انا احب الرسم تقوليلها ولا كيف ؟ اقنعيها هي صديقتك
مريم : طيب ماشي اشوف الي اقدر اعمله
قيس بابتسامه : فديت مريومي انا بروح اغسل الحين يجي اخوك يقتلني هع
مريم : طيب يا الدوب
مشى عنها قيس وهي تضحك ع هبله توجهت للمطبخ وهي تحض مع امها والشغاله الغداء

.......................

: ملك ايش سويت انا ؟ ملك لا تتركيني
ملك : اسفه وربي مو قصدي
: بخاف وحدي لا تتركيني
ملك وهي تبكي : مو بيدي صدقيني مو بيدي امسكي يدي
:بيسحبوني معاهم ملك الله يخليك خذيني معاك
: ملك ملك بنتي قومي بسم الله عليك
فتحت ملك عيونها بفزع كان كابوس ونفس الكابوس يتكرر من خمس سنين ناضرت امها وحضنتها وبدات تبكي بخوف وامها تهدي فيها وتقرا ايات عساها تهدا شوي
ام احمد بهمس : خلاص حبيبتي مجرد كابوس هذا اني معاك
رفعت ملك راسها وقالت وعيونها محمره : انا خايفه نامي معي ماما
ام احمد : طيب حبيبتي انا ما بتركك يلا هذا اني نمت
نامت امها جنبها وحضنتها وباست راسها ونامت بحضن امها بعد ما هدأت شوي وامها تدعي بسرها ما يتكرر هالكابوس مره ثانيه

...........................

10:30 م
: نور
نور وهي تلتفت للعجوز يلي كان خلفها وبابتسامه : نعم عمي ابو وسام
ابو وسام : يا بنتي الوقت تاخر الحين خلاص روحي وانا اكمل
نور : بس انت ما تقدر لوحدك
ابو وسام وهو يربت ع كتفها : لا يا بنتي اقدر انتي روحي وبتصل بوسام يجي ياخذني للبيت ...
ابتسمت بحزن : اشكرك عمي طيب اي شي تحتاج اتصل فيني
ابو وسام : ان شاء الله واسف يا بنتي لاني تاخرت عليك براتبك بكرا بسلمك ان شاء الله
نور : لا تشيل هم الحمدلله على كل حال
غيرت نور ثيابها وعدلت حجابها وطلعت من المطعم الي كان قريب ع البيت وهي تمشي بخطوات ثقيله .. سارت جنبها سياره ببطء وانفتحت نافذة السياره وسمعت صوت الشباب يتكلمون وينادوها حست نور بالخوف الشديد وسرعت من مشيها وهي تحاول توصل البيت نزل من السياره احد الشباب وصار يمشي وراها وهو يقول بصوت مقرف : تعالي معاي بسعدك صدقيني الليله و.....
ما كمل كلامه لان يد وجهت ضربه لوجهة طيحت سنونه
التفتت نور بخوف وهي تناظر ايش الي يصير .... شافت الشاب بالارض وفوقه شخص يضارب فيه الشاب نفذ بصعوبه وركب بسرعه وهرب مع صديقه بأقصى سرعة ...
اتجه نحوها الشاب وهو يعدل قميصه وقال بغضب : كم مرة قلت لك لا تتاخري لمثل هالوقت ؟
نور بخوف وارتباك واثار الصدمه باينه بوجهها : كان عمي محتاج مساعده كثير بالمطعم اليوم ما قدرت اتركه لوحده
الشاب وهو يصارخ : كان اتصلتي فيني ؟؟ او اتصل فيني هو ؟
نور وهي مغمضه : وسام لا تصارخ انا اعرف انك في الجامعه ودراستك اهم ما حبيت اشغلك
تنفس وسام بعمق وغمض عيونه بقلة صبر ورجع فتحها وقال بضيق : امشي بوصلك
نور : لا خلاص انا وصلت
وسام : اقول امشي بلا كثر كلام بعدين ارجع للوالد
مشت نور بخوف من عصبيته ووصلها للبيت ورجع للمطعم عند ابوه

ابو وسام : عمره 61 صاحب مطعم وزوجته متوفيه وعنده وسام فقط عطف ع نور وشغلها معاه ويعتبرها مثل بنته وحالته الماديه متوسطه

وسام : شاب حلو وعيونه خضرا وشعره اسود وعنده لحيه خفيفه يداوم في الجامعه وعمره 25 سنه ومن جات نور للمطعم وهو يحس انها مسؤوليته

مخرج ~

هُناگ مَن يَحتاجُگ لـِ شَيٰء
وَهُنآگ مَن يَحتآجُگ لأنَّگ گل شَيءٰ ..

























أنّكِسَـآرْ ! 20-07-2015 09:45 PM

رد: سًحًر ٱلرسًم / بّقَلميّ
 
أّتٌـمًنِى أّشُـوٌفُـ ردٍوٌدٍ تٌـشُـيِّجّـيِّعٌيِّهّـ حًتٌـى أّکْمًلَ
وٌدٍيِّ ~

رذاذ المـطر 22-07-2015 02:03 AM

رد: سًحًر ٱلرسًم / بّقَلميّ
 
بداية موفقه خيتوو
والروايه بعدهه بالبدايه فـ م نكدرنحكم عليهه...!
واتمنى لو جانت باللهجه العراقيه لان بصراحه قريت اهواي روايات خليجيات ومليت
وصرت اريد اشوف لهجتنه تتجسد بروايه وتفكير الكاتبه العراقيه غير عن الكاتبه الخليجيه لان كل وحده والهه مجتمعهه

بس بالنهايه انتي الكاتبه والج كل الحريه بروايتج

موفقه خيتؤؤ.../

أنّكِسَـآرْ ! 22-07-2015 06:02 PM

رد: سًحًر ٱلرسًم / بّقَلميّ
 
اقتباس:

المشاركة الأساسية كتبها رذاذ المـطر (المشاركة رقم 27334901)
بداية موفقه خيتوو
والروايه بعدهه بالبدايه فـ م نكدرنحكم عليهه...!
واتمنى لو جانت باللهجه العراقيه لان بصراحه قريت اهواي روايات خليجيات ومليت
وصرت اريد اشوف لهجتنه تتجسد بروايه وتفكير الكاتبه العراقيه غير عن الكاتبه الخليجيه لان كل وحده والهه مجتمعهه

بس بالنهايه انتي الكاتبه والج كل الحريه بروايتج

موفقه خيتؤؤ.../

فديتج يا روحي نورتي
بصراحه اغلبية المتابعين للروايات من الخليج
وما رح استفاد شي اذا سويتها بالعراقي
لهجتنا وانتي تعرفين بيها ههههه
الكلام خليجي لكن مجتمع الروايه عراقي :)
مرورج فرحني كبد عمري
تحياتي


الساعة الآن +3: 03:57 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1