منتديات غرام روايات غرام أرشيف الروايات المغلقة - لعدم إكتمالها روايتي الثانيه لوكان حظي حي ماجيتك اموت
عبيرالوردوالشوق ©؛°¨غرامي مشارك¨°؛©

الـــبــارت الــثـانـي عـشـر


عبير الورد والشوق


.
والحنين ان مرّ في صدري ترى
ما يُمرّ الا على شانك ... و بس ~





الساعه وحده منتصف الليل

الشارع سكون في كل مكان سكون

بالاخص في هذي الحواري

البيت قديم والابواب ركيكه وصوت الهوا بالرعب والبرد يذبح

وصوت الكلاب ترعب والاوادم نايمه وانا لحالي صاحيه

تنفسة برعب حسة بحركه غريبه ارتعبت زياده

الجسم صار بارد من شدة الخوف

والعيون صارت تسيل من الصياح

والصوت موراضي يطلع من الذهول

فزت من مكانها ورتكة علي الباب حتي محد يقدر يفتحه

طلة من قفل الباب بتشوف شنوو لا كن الظلام دامس مايبين شي

مسك : يارب اتكلت عليك يارب احفظني من شر الاشرار

قرب وفتح الباب لا كن لقاه مقفول

مسك وبصوت مرتجف : مـ مـ مـ نووو

الغريب : بِسْم الله الرحمن الرحيم انتي منوو أنس ولا جن

مسك : انت اللي منو اطلع برا

الغريب : اعوذو بالله من الشيطان الرجيم انتي اللي من

مسك : هذا البيت بيتي اطلع برا

الغريب : الله يهديك بابنتي هذا بيتي وانا شاريه لي سبوع

فتح الباب بقوه وخرعت الغريب ومن الخوف رجع لي ورا

مسك : شريت البيت كيف تشتريه وهذا ملكي وكل اللي في هذي الدنيا

الغريب : يابوك انا شريته ودفت فلوسه للبايع

مسك : ومنو البايع

الغريب : عواطف الخال

مسك : جلست علي الارض وصارت تصيح ليش ليش ياعواطف ليه تعاقبيني في ذنب مالي فيه كل شي حرمتيني منه حتي بقايا جدتي حرمتيني منه

سكتة شوي بس تذكرت شغله

راحت لغرفة جدتها تفتح الادراج تدور علي ورقه عطتها جدتها الها

لاكن للأسف مافي شي موجود كل الأغراض نرمت في الزباله

الغريب : بابنتي هذا البيت صار بيتي وباجر اهلي بيجون من الباديه وبيعيشون في البيت هذا بتسكنين معنا حياج الله

وبخيبة امل وقلب مكسور : لا مشكور بس ممكن تخليني الليله هذي

الغريب : خذي راحتج الليله هذي بس تكفين انا ابي اجي الصبح وماا القاج








لك الله .. ماكسرني خاطري المكسور
كسرني : ظني إنك .. كنت أحلامي !




مهند : مالك شوف شوف هذا البنيان شرايك فيه للفندق الجديد

مالك : اشوف مممممم حلو حيل بس انا في بالي بنيان ثاني

مهند : ورني البنيان اللي في بالك

مالك : المشكله البنيان مرسوم في خيالي ماله صوره علي اللابتوب

مهند : ههههه انت تتكلم جد اقول ماني فاضي لمزحك انا باجر برجع لندن

مالك : انا اتكلم جد خاطري فنادقنا يتكون من اربع طوابق وبنياته يكون بيت عربي خليجي يعني نخلي الاستقبال مثل حوش البيت القديم والغرف بنينها قديم

مهند : تصدق حلوه فكرتك بس في الخيال اما الواقع مستحيل المهم تبي البنيان هذا ولا ذا

مالك : خلنا علي الاول احلي الا بسالك سطام وينه

مهند : رايح يتبضع تدري صارله اسبوع هني وباجر يرجع للمملكه

مالك : صج بيرجع للمملكه ااااه يالمملكه ياني شتقت ثم شتقت ولج شتقت متي برجع بس متي

مهند :ان شاء الله قريب بترجع بس سطام يقول اصبر شوي لين تنحل الامور

مالك وبتنهد : صبرة 17سنه موقادر اصبر جم يوم الله يصبرني


في الجهه الثانيه من اوربا

اسيل : انا ابي اتوظف شغل اضافي

فنر : اسيل ودراستج ومستقبلك لا لا يااسيل حنا عندنا خير معاش الشؤون وأجار بيتنا يكفينا

اسيل :لا تقصين علي نفسج ولا علي اللي يجينا مايكفينا مصرفنا كله نقطه علي علاج امي

فنر : بس يااسيل

اسيل : لابس ولا شي انا اخذت قراري ودراسة ماراح اكمل

فنر : وامي

اسيل : امي ماراح تدري عن شي وانا احذرج ان قلتيلها

سكتت فنر وتفكر تبلغ أمها ولا لا







ارواحنا تعشق الحياة وتعشق من يزرع الحب فيها

هي صغيره بالعمر لاكن العقل عقل مرا

اقبلة انها تكون زوجه بشرط واحد انه مايسون وعرس

وان المهر يتسلم في ايدها لسبب ماا

في خطوات مستعجلة اتجهت لغرفت ابوها

طقت الباب لا كن مافي احد رد
كرتت الطق علي الباب مافي صوت
فتحت الباب ولقة الغرفه فاضيه

نزلة تدور علي ابوها

مرام : يبا يبا

عواطف : هلا بنتي عسي غيرتي رايج وبتسوين عرس وتسلمين المهر ابوج

مرام وبنظرات مثل السهام : عشم ابليس في الجنه ابوي وينه

عواطف وهي تسيطر علي الغضب : روحي دوريه

مرام : وهي تطلق ضحكه جنونيه هههههههههه

مشت عواطف منها وهي متضايقه معصبه ودها تقطعها بس ماتقدر تسوي شي



في الصباح

قلوبنا متفائله بالله

رغم كل المصاعب اللي مرينا فيها الا ان الصبر هو مفتاح الفرج

مزون كالعاده بالليل سهر وتفكير وبالنهار نوم واهمال

لاكن هذا اليوم غير عن يوم

اليوم بتغير كل شي فيها بتوقف ضد التيار وتواجهه

بتحل مشاكلها بروحها الصياح والزعل ماراح يفيد

شالت الجوال وقلب ينبض بالامل ضغطت علي الاتصال

مزون : رد تكفي رد شتقت لصوتك

وبصوت نعسان : الو منووو

مزون : ماشتقتلي ماعرفت صوتي

سطام وفز من نومه وعدلت جلسته : هلا بعمري وروحي

مزون : هلابك اكثر مشتاقه لك ودي نرجع مثل اول ونترك كل المشاكل ورانا

سطام : بنرجع ياروحي مثل اول وأحسن بس انتي عطيني فرصه لازم اكتشف منو اللي تلعب علي

مزون : بأسألك وجاوب بصراحه انت تحبها

سطام : هذا العشم فيج

مزون : متي راح تجي المملكه

سطام : كان في نيتي اجي اليوم لاكن في بعض شغلات ماخلصتها بس بعد ثلاث ايام بجيكم

مزون : بتنور بلادنا اجل انا بسبقك البيت ونتظرك تنورنا


انتهت مكالمتهم بكل موده وحب

هذه القلوب التي تعشق بصدق

رغم المشاكل الا انها تحب بصدق

مترابطه مع بعضها بقاوم الاعصار


في اوربا

مالك :امي فيها شي

سطام وهو مبطل عيونه : بِسْم الله علي امي مافيها شي

مالك : اجل ليش داقين عليك في هالحزه المتاخره

سطام : استغفر الله ياخوي العزيز زوجتي متصله علي

مالك : زوجتك اشوه علي بالي في اهلي شي

سطام : لا ان شاء الله مافيهم شي

مالك : الا سطام ماعندك صوره لامي وخواتي وزوجتك وبنتك واحشيني حيل

سطام : ابشر بعزك هذا تلفوني وكل اللي تبيه تلقي فيه

اخذ مالك جوال سطام وشاف كل الصور وسال سطام عن اسم كل صوره وركز كل صوره واسمها بذاكرته حتي ماينسي





في حي من الأحياء القديمه

هذا الصبح اشرقت بشمسها ولازال النوم مجافيني

شافته جاي وحامل اغراضه بيته

وقفت علي طولها ولبست عبايتها وتجهة صوب الباب

وقفها صوته

الغريب : يابوج سامحيني ماكان ودي تطلعين وانتي مكسورة الخاطر

لفة عليه مسك : انت مالك شغل ياعمي وعسي ربي يهنيك بس امانه حافظ علي هالبيت تراه كله بركه لان جدتي فيها بركه الله يرحمها

الغريب : الله يرحمها

مشت وتركت غريب حاير قلبه انكسر عليها

مشت وكن الارض اللي تمشي عليها لهيب من النار

مشت وتحسب علي عواطف مشت والقلب فيه غصه من عواطف

مشت والخاطر مكسور من ظلم الاقارب

انا لا زم اروح حق عواطف وقولها شلون تبيع البيت والبيت مسجل باسمي لازم اسألها منو ابوي انا منو بنته ليش تركني

كل هذا الكلام كان يدور في قلب مسك وعقلها




في الضفه الثانيه كانت عيون تراقب وقلب يترقب

كانت الخطوه تتبع الخطوه

الصعب : وش تقول

خلدون : ياعمي هذا اللي صار

الصعب : تابع كل الامور وبلغني اول باول

خلدون : تم ياعمي

نزل الصعب علي الدرج وهو مسرع ضرب كتف اخته غسق

غسق : الصعب ماتشوف الله يهديك تراك اوجعتني

تركها ومشي باله مومعها ولا انتبه لها

دخل مكتبه أبوه بدون استاذان

الصعب : يبا

كان ماجد يقرا أوراق مهمه له ومانتبه للي دخل

ماجد : بِسْم الله الرحمن الرحيم شفيك يالصعب

الصعب : مصيبه يبا مصيبه

ماجد : وشفيك تكلم لا تطالعني






علي غزل الدلع تدللي ياحبيبتي
لو لم تكوني حبيبتي رغم أنف الحاقدين انتي حبيبتي

هذي كلمات الدلع اللي كل يوم يوسف يقص علي عقل مريم

في باله اشياء رغم العشره الطريله والأولاد الا انه انسان خبيث

يوسف : اميرتي كم صرلنا من تزوجنا

مريم16سنه بس ليش السؤال هذا

يوسف : 16 سنه هذي ماهي كفيله تخليج تثقين فيني

مريم : يوسف تدري اني اثق فيك وأحبك كلامك موعدل

يوسف : اجل ليش ماسويتيلي وكاله أدير حلالك

مريم : يوسف الموضوع هذا تكلمنا فيه من زمان الحلال حلال سطام واخوانه مااقدر اتصرف في شي

يوسف : ليش عصبتي انا اتناقش معاج

مريم :



حصل خير


النفس اماره بالسوء والانفس تصير دنيئه عند الفلوس

مهما يكون رازقك ربي من خير الا عيونك دايم علي حلال غيرك

يوسف ماراح يسكت لين يكسر سطام ويصير الحلال بأيده





إلي هنا نتوقف

حتي نربط كل الخيوط لمعرفة مصير ابطالي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1