نيرمين فهد ©؛°¨غرامي جديد¨°؛©

بسم الله الرحمن الرحييم
وبالله سبحانه وتعالى نستعين بداية روايتي اسمها "العشق المجبور" هي تتكلم عن قصة بنت تبي تنتقم لعايلتها من زوجة عمها اللي متسلطه ع الجميع ويكون انتقامها من ولد هالحرمة اللي تكون وضيفته شرطي ،،، هاذي روايتي تكون اول رواياتي وليس اخرها ويليت القا منكم تشجيع وبإذن الله راح انزل البارت الاول اول م اخلص منه

وردة الزيزفون
✿ إدارة الإقسام ✿

صباح الخير .. ياهلا فيك بغرام .. موفقة بطرحك .. عزيزتي ممنوع تعلني عن روايتك بدون ماتنزلي بارت نزلي البارت بسرعة حتى لايغلق الموضوع وحتى تلاقي تشجيع

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

نيرمين فهد ©؛°¨غرامي جديد¨°؛©

المشاركة الأساسية كتبها قطر الندى3 اقتباس :
بالتوفيق
نحن بالانتظار
اميين ي قلببي 💕

نيرمين فهد ©؛°¨غرامي جديد¨°؛©

المشاركة الأساسية كتبها وردة الزيزفون اقتباس :
صباح الخير .. ياهلا فيك بغرام .. موفقة بطرحك .. عزيزتي ممنوع تعلني عن روايتك بدون ماتنزلي بارت نزلي البارت بسرعة حتى لايغلق الموضوع وحتى تلاقي تشجيع

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
اهلين حبيبتي امين يارب ان شاء الله بحاول انزلها بعد الفجر الحين قاعده اكتب فيها يليت م تحرميني طلتك

نيرمين فهد ©؛°¨غرامي جديد¨°؛©

العشق المجبووور (part (1

سمر جالسة بغرفة سحر يسولفون غرفة سحر عبارة عن سرير كبير بالوسط باللون الابيض وخداديات ملون كثيره مع مفرش صغير باللون الوردي ع نهاية السرير وكنب قريب من السرير باللون الاخضر وخداديات برتقاليه

سمر : اكره شي في حياتي ان الواحد يتلقف ع حياة احد ثاني ويخربها بكل برود جد شهالوقاحه؟؟؟
سحر تبرد اضافرها : كيفها ...
سمر مستغربه : كيفها ؟؟؟ هاذي جدتك ي خبله .. صدق شنو شعورك اول م قالت لك امي ؟؟؟
سحر : والله عادي ... انتي تعرفينها حصه مو غريب عليها هالحركات
سمر : سحر تصدقين اول م قالت لي امي وانا من ذاك اليوم افكر كيف انتقم منها ... وش تتوقعين انتقامي ؟؟؟
سحر بغير اهتمام : شنوو ؟؟
سمر : حصه من تحب اكثر من عيالها ؟؟؟
سحر : القرد عزوزوه وقطع
سمر تناظر بالفراغ وتفكر : من هنايبدا الانتقام ي حبيبي ههههههههههه
سحر : والله انك خبله ... وقامت وشغلت التلفزيون وحطت لها فيلم وسمر قاعده تفكر من وين تبدا بالخطه ؟؟

سمر : 23 سنه
سحر : 21 سنه
^^^^^^^^^^^^^^^^^

في مكتب صغير با اخر الشرطه قاعدين يتكلمون في المهمه الجايه

عبدالمجيد : خطر عليك ي عبدالعزيز ...
عبدالعزيز : لا خطر ولا هم يحزنون انت تعرفني اني م دخلت هالمهنه الا ابي اعرف من قتل فلاح الله يرحمه ...ويوم قربت تبي تمنعني ؟؟؟ وخصوصا اني وعدت اهله
عبدالمجيد : وانت تعرف بعد ان سامح متكفل بالمهمه بعد وسعد مو من النوع اللي بيرحمك ... انا اكبر منك شوف يدي انشلت بعد الحادثه منه وانت توك صغير ع هالاشياء الصعبه والعمر قدامك بعد ....
عبدالعزيز : انا ملزم على هالمهمه خاصه تونا ع الكلام فيها لان المداهمه مراح تصير الا بعد 6 اشهر ان شاء الله
عبدالمجيد : عبد العزيز انا مراح يردني الا ابوك كم مره اقولك ان هاذي خاصه صعبه وصعبه مره واكيد في ارواح
طاهره بتروح فيها اختار لك مهمه ثانيه
عبدالعزيز نزل راسه ع الاوراق وقعد يكتب بالاوراق : معليش ي عمي يليت م تدخل ابوي بالموضوع
انفتح الباب بسرعه سيدي فيه جريمه قتل قريبه من احد المجمعات
قام عبدالعزيز وعبد المجيد بسرعه
عبد المجيد : خلاص جايين

عبدالمجيد : 47 سنه
عبدالعزيز : 27 سنه
^^^^^^^^^^^^^^^^^

حصه عازمه اليوم جمايل وجيداء زوجات اخوان زوجها وخالتهم
جيداء تكون ام سمر وسحر
وحصه تكون ام عبد العزيز ، فهد ، خالد ، لمى
جمايل تكون ام عبدالله ، سامي ، راجح
جيداء وجمايل خوات *
نزلت حصه الحلا ع الطاوله وبكذا انتهت من ترتيبها وجلست تنتظرهم كنب الصاله اللي جالسه فيها باللون البيج
وعليه خداديات باللون البني ،،، وسراميك عليه سجاده صغيره باللون البني... ومقابل الكنب بلازما كبيره داخله بنفس الجدار
دق الجرس قامت حصه ترحب فيهم اول الواصلين كان جيداء وبناتها
حصه : هلا والله ي قلبي
جيداء : هلا فيك
سمر بكره : هلا
سحر : هلا فيك خالتي
سمر طقت سحر ع يدها لانها قالت خالتي وبصوت قصير سمر: تخلخلت عضامك
حصه دخلتهم الصاله وجلسو : حصه حطت رجل على رجل : وينها جمايل تاخرت ؟؟؟
جيداء : يمكن الحين مع الطريق
حصه : حلو ... وبا اسلوب مستفز لسمر لانها تعرف انها تكرها : ايوا اخبارك سمر شلون الجامعه معك ي قلبي ؟؟؟
سمر اكتفت بهالرد : كويسه ...
حصه : بالتوفيق
سمر م ردت
دق الجرس حصه : سيتي ي سيتي فتحي الباب
سيتي جايه تركض : اوك ماما
شوي الا ودخلت جمايل
جمايل : السلام عليكم ورحمه الله وبركاته
حصه وجيداء والبنات : وعليكم السلام ورحمة الله وبركاته
وقامو يسلمون عليها حصه : اتفضلي اجلسي
جمايل ب استغراب : وين خالتي م وصلت ؟؟؟
حصه : لا والله ننتضرها
ودق الجرس
حصه ضحكت : الذيب عند طاريه
سمر بداخلها : ضحكتي بلا ضروس ان شاء الله
ودخلت مناير وسلمو عليها وجلسو يسولفون في نص السالفه قالت حصه : الله يسهل لها الولاده ويرزقها بالولد الصالح صدق البنات م منهم الا الغثاء
جيداء انكسر خاطرها وهي تعرف ان حصه تقصدها بهالكلام : بالعكس البنات زينة البيت واللي يجي من الله حياه الله
حصه ب استفزاز : والله ي جيداء انك تقولين هالكلام من القهر لان م عندك الا ذولا
سمر حاولت تمسك لسانها بس م قدرت وبصراخ : نعم نعم وشفيهم البنات ووش قصدك بذوولا ؟؟؟،،
مناير تقاطع سمر وبصرخه : سمر اسكتي معاد تستحين على وجهك ؟؟؟،،
سمر م عطت لجدتها اي اهميه : ذولا اللي تقولين عنهم اشرف منك وم يتدخلون بحياة احد

[قبل ذا السالفه بشهر ]
جيداء : تدرون ليش تطلقو امي وابوي ؟؟؟؟
سمر : لا ليش ؟؟
جيداء : خربت بينهم حصه لما تطلقو ... سحر ب اهتمام : اي حصه ؟؟؟
جيداء : حصه زوجت عمك
سمر وبقهر ع جدتها : خير ان شاء الله هاذي كل حياتها عايشتها لخراب بيوت الناس ....
جيداء : هذا اللي حصل ..

[نرجع لهم ]

دخل عليهم عبد العزيز وبصراخ ع سمر : اص وقص وصل فيك ترفعين صوتك ع امي ؟؟؟؟؟؟

هنا اكون وصلت لنهاية بارتي يارب يكون ينال ع اعجابكم
واتمنى اشوف منكم التشجيع حتى اقدر اكملها

نيرمين فهد ©؛°¨غرامي جديد¨°؛©

معليش ع الاخطاء الاملائيه بس جد كان م عندي وقت اقراها مره ثانيه

نيرمين فهد ©؛°¨غرامي جديد¨°؛©

حبيباتي اللي تبي تنقل روايتي تنقلها ب اسمي " صصمت "

نيرمين فهد ©؛°¨غرامي جديد¨°؛©

ليش م فيه ردود ):

نيرمين فهد ©؛°¨غرامي جديد¨°؛©

ان شاء الله كمالة البارت الاول بنزلها بعد شوي

نيرمين فهد ©؛°¨غرامي جديد¨°؛©

العشق المجبوور( part( 1
فلاش بااااك
جلست سمر وبطفش : أوووف الفستان مره ضيق علي وهذا وين ذلف ..... ؟؟؟؟
سمعها عبدالعزيز : هذا ؟؟؟ هذا اللي تقولين عنه راح ينزل لك العشاء ي هانم بالصاله ..... ليه تبين شي ؟؟؟ ولا امدا تشتاقين لي ؟،
سمر رفعت راسها له وبصوت قصير : أنا سمر أشتاقلك ي وجه العنز وعووووه
عبدالعزيز يسوي نفسه م سمعها : قلتي شي ؟؟
سمر بسرعه : لا سلامتك
عبدالعزيز طلع من الغرفه وراح الصاله : ههههههههههههههه غبيه صدق تحسب اني م سمعتها
نرجع للغرفه ....
الغرفه كانت باللون الاسود والابيض السرير ابيض والسراميك اسود والدولاب باللون الابيض وعلى الجوانب باللون الاسود وبنص الارض فرو باللون الابيض قامت سمر وراحت لتسريحه سمر : ي اخي كيف افتح هذا الغبي وحاولت بالفستان عيا يفتح ي ربي م ابي اقوله بس المشكله موب قاعد يتحرك السحاب شكلي مالي الا اقوله وطلعت لصاله الصاله كانت باللون الاصفر والزرق لانه عبدالعزيز كان مأثثه عشان النصر لانه يعشق شي اسمه النصر المهم الكنب كان باللون الازرق وعليه خداديات باللون الاصفر و على الارض سجاد صغير باللون الاصفر سمر بحيا غريب عليها : اممممم عبدالعزيز
عبدالعزيز التفت لها لانه كان ع الكنب ومن ورا الكنب باب غرفة النوم
عبدالعزيز اعجبه اسمه بصوتها وخصوصا هي اول مره تناديه بس رد ببرود : ننععم ؟؟؟ سمر لعنت الساعه اللي فكرت فيها انها تقوله : ممكن تفتحي لي فستاني م قدرت افتحه
عبدالعزيز : طيب انتي ادخلي للغرفه وانا لا حقك
سمر: تمام
ودخلت
وهو وقف ودخل وراها اول م دخل لقاها جالسه ع طرف السرير وتفكر هي رفعت راسها وشافته وعلى طول وقفت ومسكت ايديها
عبدالعزيز ابتلش : من وين افتحه ؟؟،
سمر لفتت ع وراء : من هينا
قرب منها ويحاول فيه لما قدر يفتحه ولما فتحه قرب من رقبتها وشم عطرها وغمض عيونها وهو للححين ماسك الفستان عبدالعزيز بصوت خفيف : سمر
سمر غمضت عيونها لما قرب من رقبتها وبصوت خفيف : لبيه
^^^^^^^^^^^^^^^^

نرجع لوراء قبل ((( شهريين )))

عبدالعزيز : اص وقص ... وصل فيك ترفعين صوتك على امي ي قليلة الادب والله م ابقى الا انتي ...
سمر انقهرت :اتوقع م كلمتك انت
عبدالعزيز يرفع صوته : وترادديني بعد ؟؟ م تستحين انتي اللي مثلك المفروض ينزل راسه ...
مناير بخوف من عبدالعزيز : عزوز يمه اتركها هاذي جاهل وقامت له ومسكت يده تعالي يمه ابيك بموضوع
عبدالعزيز ونضراته كلها شر ويوجهها لسمر : طيب يمه طيب وطلعو
جيداء : سمر خير ان شاء الله انا مربيتك احسن تربيه والحين يوم كبرتي فشلتيني
سمر ب استغراب : ماما ماسويت شي هي ترد عليك وانا عندي انك انتي خط احمر يطلع العيب فيني ولا فيك
حصه بقهر : والله ي جيداء م ربيتي ان قلتي ربيتي سحر قلت لك صح بس سمر لا والله
سحر لعبت بشعرها اول م سمعت كلام حصه ....
جيداء : الله يهديك بس ي حصه يالله ي بنات ابوكم وصل
وقامو ولبسو عباياتهم وسلمو ع حصه م عدا سمر ثم طلعو
وتركو حصه بلحالها
حصه بقهر وتهز رجولها وبصراخ : لمى لمى وينك ي لمى
لمى جايه تركض : سمي ماما

حصه : تعالي اجلسي عند امك ولا م عندك ام انتي
لمى مستغربه من امها : شفيك ماما من مزعلك
حصه : اسكتي فكيني من قرقك
لمى تناظر امها ؟؟؟؟ لمى : طيب
^^^^^^^^^^^^^^^

مناير جالسه وتطق بعصاها ع الارض ومعصبه عبدالعزيز : وان قلت لك ي ولد امك ،،، بتاخذها يعني بتاخذها وتكسر خشمها المرفوع علينا وش بيكون ردك ؟؟؟؟
عبدالعزيز ينزل راسه ع ايدينه : يمه الله يهديك... لاتضغطين علي اكثر من ما انا مضغوط من كل ناحيه .... مناير بعصبيه : انا اخت عبدالله تنضغط مني هذا اللي ناقص ي ولد حصه
عبدالعزيز : على راسي انتي وحصه والله يخليكم لي ولا اشوف فيكم باس
مناير : لاتجيب راسي بالكلام الزين ي عزيزان انا ناذره اني لدق خشمها فالتراب اجل ترادد جدتها ؟؟
عبدالعزيز : وانا وش دخلني ي يمه ؟؟؟
مناير: تاخذها وان جالكم شهر تاخذ فوقها الثانيه وتطلقها واذا سالتك ليش طلقتني قولها عفتك لاكن انتبه منها الزين هي مزيونه مهو تجيب راسك بزينها وبعدها نطلع بلوشي من هالخطه
عبدالعزيز : ي يمه تكفين بنت جيداء ... م اني اخذها اشري لي على وحده والله ان اخذها اليوم قبل بكره بس سمر م ابيها
مناير طقت بعصاها ع الارض ووقفت : وانا قلت لك... بكره تروح انت وابوك تخطبونها ....

^^^^^^^^^^^^^^
من بكرا
خالد بترحيب : الله يحييكم ي هلا والله اتفضلو ي رجال اتفضلو
راجح : هلا فيك
عبدالعزيز : هلا فيك ...
دخلو بالمقلط اللي كان ... جلسه عربيه باللون الذهبي والاحمر جلسو وقرب خالد القهوه منهم
راجح : والله ي اخوي ... حنا جايينك اليوم خطاب
خالد ابتسم : ي الله تحييهم ...
راجح : حنا جايين نخطب بنتك سمر لولدي عبدالعزيز ع سنة الله ورسوله ونبي رايكم وعبد العزيز ... مهو ناقصه شي
خالد : بنشوف راي البنت وامها ونرد لك خبر ي اخوي واكيد ان عبدالعزيز م يعيبه شي
^^^^^^^^^^^^^^

غرفة لمى كبيره نوعا ما السرير كان كبير .. وبنص الغرفه ولونه ابيض وعليه فراش باللون الوردي ومخطط بالابيض... والدولاب باللون الابيض والوردي ...وبزاويه من الغرفه ورد كبير بالبون الابيض والستاره طويله وواصله الى الارض وبرضو لونها ابيض...
لمى كانت جالسه ع السرير وتكلم بالجوال
لمى : هلا حبيبي
طلال : هلا قلبي شخبارك
لمى : تمام
طلال : دوم ي قلبي الا حبيبي اشتقت لك متى بشوفك ؟؟ لمى بتفكير : والله ع حسب متى م طلعو اهلي للمجمع ب اقولك
طلال : طيب ،، ايوا احكيلي شصار اليوم بالمدرسه ؟؟؟
لمى : ................ ....... ..........

^^^^^^^^^^^^^^^

سمر : طيب بابا استخير واقولك
خالد : ردي علي من بدري حبيبتي عشان اقولهم ردك وطلع وجت سحر تركض وجلست ع السرير : شيبي بابا منك ؟؟؟؟
سمر بتفكير: عمي راجح جاي يخطبني
سحر تضرب سمر ع راسها : يخطبك لمن ؟؟
سمر : اي يخطبني له شرايك انتي اكييد يخطبني لولده عزوزوه
سحر متفاجأه : امانه
سمر : والله تصدقين خايفه
سحر : ليش عادي ،، هو حلو وكمان وضيفته حلوه
سمر : اي اعرف بس خايفه يضربني
سحر : يضربك ؟؟ ي خبله وين حنا فيه واكيد بابا وعمي مراح يسمحون له
سمر : م ادري م ادري
^^^^^^^^^^^^
بعد هالسالفه بكم يوم

خالد وجيداء كانو جالسين بالصاله ويتابعون مسرحيه ويتقهون
جيداء بضحك : والله هالممثل يعجبني
خالد : اي والله خفيف ددم
جيداء : اي
دخلت سمر : السلام عليكم جيداء وخالد : وعليكم السلام
خالد : تعالي ي بنتي اقعدي
سمر : لا لا هنا عادي
خالد : يلا اتحفينا ست سمر
سمر : بكلمك بخصوص ذاك الموضوع وبقولك اني استخرت
خالد : طيب وش ردك سمر : ................


الى هنا انتهى البارت نلتقي ببارت ثاني ان شاء الله

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1