غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-08-2015, 09:53 PM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي جعلت مني شيطان فجعلتها بركه من الدماء / بقلمي


االبــارت الاول



لام بصوت باكي : تكفه اسررع ماقدر اتحمل
البنت الصغيره بصوت باكي : يمااا تحملي
الاب : طيب طيب الحين بنوصل باقي شوي شوي

فجأااااه بعد لحظات مو بعيده من هالمحادثه

صوت الاسعاف و الدوريات بكل مكان يحاولون يسعفون هذا و يداوون هذا و ينقلون هذا و جت الهيليكوبتر لنقل مريضه بسرعه قصوى لان حالتها حرجه و مع وصول الهيليكوبتر وقف نبض قلب الاب و البنت ماتت من ساعتها اييي نعم صار على هالعايله حادث بشع (الله يكفينا و اياكم)

اسعفت الهيليكوبتر الام و بسرعه نقلوها لاقرب مستشفى كان الحادث على طريق المؤدي للقصيم

هبطت الهيليكوبتر و نزلو المريضه بسرعه و على طول غرفه العمليات
اضطرو يسوون لها عمليه قيصريه للولاده بعد ما خلصت العمليه انسمع صوت بكاء الطفل الثاني بعد الولاده ولدت الام و ماتت من ساعتها و بعد لحظات قليله (ثواني) اتضح ان احد المولودين صعب تنفسه نقلوه بسرعه للفحص و كان المولود الاول الي ما انسمع صوت بكائه بعد العمليه
اخذو المولود الثاني بعد دقايق من اخذ المولود الاول
نظفوه غسلوه

و بعد عدة ايام

ما عرفو احد يمد باي صله للمتوفين لا اعمام ولا خوال و لا اجداد كانت عايله التوأم الاثنين مقطوعين من شجره ما عندهم خوال ولا عمام ولا اي اقارب فخلو المولودين بالمستشفى لحد ما يلقون حل لكن بنفس اليوم المولود الاول صار عنده مضاعفات الي ادت لوقوف قلبه عن العمل حاولو يسعفونه لكن !!!!

و بنفس الوقت لكن بغرفه غير و هي الغرفه الي اجريت فيها عمليه ولاده التوأم امرأه تتحمل الام الولاده و بعد لحظات انسمع صوت الطفلين بسس فجأه وقف صوت الطفلين بنفس الوقت و اتضح بعد الفحوصات و الاسعافات ان عندهم فتحه بالقلب الي ادت لموتهم بسرعه تحطمت الام و ما قدرت تتحمل و انهارت

بعد يومين قامت شافت بوجهها الممرضه و اهي تقول لها : الهمدلله على سلامه انتي ماما
لفت المريضه و بدت تجمع دموعها بعيونها بعد ما استوعبت الي صار بس !!
فجأه دخل عليها دكتور و قال لها ان احد اولادها بخير انصدمت و جابو الولد تشوفه و صاحت بفرحه

المريضه (ساره-ام عبدالله) : الحمدلله لك ي رب الحمدلله
الدكتور بارتباك : استأذن الحين و شوي و يجي وقت الزياده و ان شاء الله تشوفين اهلك و بالنسبه للمولود الثاني بنجيبه لك بعدين تسلمين عليه عشان الدفن هزت راسها بانكسار


ومرت دقايق و دشت عايله ساره تبارك لها على سلامتها و تعزيها بنفس الوقت لمفقودها ساره كان عمرها 25 سنه كان هذا حملها الرابع بعد عيالها (تتعرفون عليهم بعدين)

بعد وقت الزياده راح شخص يستفسر عن موضوع و شاف احد التوائم و قرر يتبنى هالتوأم

بعد مرور خمس وعشرين سنه ي ترا شنو الي صار على ساره و على مولودها الي كانت تضن انه مات و شنو صار للتوأم الاول الي كان تعبان من لحظه الولاده



بيت ابو ناصر (محمد ) جد ابو عبدالله زوج ساره


نزل بسرعه من الدرج و هو ماسك عكازته بيد و كتبه بيد نزل بهدوء و برود مو مهتم لاي شخص يشوفه قدام وجهه وصل لنهاية الدرج و بعدها التفت يمين و شاف عايلته مجتمعه كالعاده ضحك و سوالف ما يدري ليش امه تكرهه لهالدرجه
حتى لمى يقعد مع خواته ما يحس براحه معاهم و

قال بنفسه وهو يتنهد : لو اني ما انولدت كان احسن الكل يتجنبني و ما يعطيني وجه الكل يكرهني مادري شالسبب لكن ما هموني الاهم الحين امي ليه تكرهني اذكر يقولون كانت مستانسه بولادتي لكن بنفس الوقت كانت تستقبل التعازي على اخوي التوأم اخخخ يماا ليش تسوين
فيني جذي شنو ذنبي انا تكرهيني والله مالي
علاقه بموته والله ولف وجهه بسرعه متوجه للباب

لكن وقفه صوت جده و هو يأمره ما يطلب منه

ابو ناصر بحزم : اقعد تريق قبل تروح خلص قبل يشيلونه
الكل التفت لي بعد كلام جدي ما كانو منتبهين لي
مشيت ببرود و انا اسند نفسي على العكاز و قعدت بكرسي و خذيت كاسه و صبيت لي شاي و قعدت اشرب بدون نفس و عيني تحت و احس بانظار الكل علي احس بكره كبير يجي لي من ناحيه التفت لهالناحيه و كنت بشهقق من الصدمه حسيت بنظرات امي لي تاكلني كنها تقول قوم مابي اشوف وجهك نزلت راسي و نطرت دقايق و بعدها قمت و استأذنت منهم و طلعت للجامعه

انا اسمي رائد طالب بكليه الطب تخصصي القلب مادري ليه بس اهتميت بامراض القلب لمى عرفت ان موت اخوي بسبب قلبه و فتحت القلب المهم

مابي اكثر الكلام عني لكن بقول لكم عايلتي


امي ساره و يسمونها ام عبدالله عندي اخوان توأم عبدالله و عبدالرحمن عمرهم 31 و خوات اصغر منهم بسنه توأم رناد و رند كلهم متزوجين و ينشافون نادراً بالبيت الا عبدالله دايم عندنا اهو و مرته و عندي بعد اخو اكبر مني بسنه اسمه رائف يعني عمره 26 و تحتي ثلاثه انس و راكان و رغد عمرهم بالترتيب 18 و 10 و رغد عمرها 5

عندي عمامي ثلاثه و ابوي رابعهم و عندي عمات ثنتين مرح اطول بوصفهم لكن

عمامي بالترتيب من الاكبر

عمي ناصر (ابو خديجه) بعده ابوي بعده عمي نايف (ابو نادر ) و الاخير توه صغير مو متزوج اسمه رائف مثل عمري

عماتي خديجه ام فهد و نوال ام محمد

عيالهم تتعرفون عليهم بعدين

ركبت سيارتي احدث موديل متوجه للجامعه الكل يظن ان اذا كان جدي رجل اعمال معناته ان انا غني لكن العكس تقدرون تقولون اني فقير يمكن تستغربون السياره ان احدث موديل لكن هالسياره ما جبتها منهم جبتها من حلالي و عرق جبيني
اكتشفت كره امي لي وانا عمري 14 سنه و بعد ما اعترفت امي قدام الكل انها تكرهني و ما تحس بالارتياح مني الكل بدا يبتعد عني من هذاك اليوم محد قام يصرف علي ابد ولا اكل معاهم ابد
بعدها بديت ادور وظيفه امشي حالي و لقيت وظيفه وهي عند سوبرماركت اشتغل فيه محاسب مرات و ومرات اشتغل فيه حمالي و مرات احط اغراض العميل بالاكياس كان راتبي 1400 كان لا بأس فيه و لازت مستمر بشغلي و بنفس السوبرماركت لهذا اليوم و الحمدلله مع الاعانه الي تنزل لي حمد وشكر صرت متوسط الحال مو غني ولا فقير حالياً اجمع فلوس اطمح اني اطلع لبيت بروحي ابي افتك من عايلتي لكن توني ماقدر افارقهم مهما كان هذول عايلتي الله يعين


بالجامعه نزلت و فاجئني صوت شخص ينادي اسمي من بعدين لفيت و لقيته واحد من ربعي الي كانو يدرسون بالخارج و انصدمت و رحت اضمه و اسلم عليه اغلب اصدقائي يدرسون بالخارج وانا ما قدرت لظروفي طلبت من امي لكن رفضت رفض قاطع ان توديني تقول تروح بس ما اصرف عليك ولا شي و رفضت لان ماقدر اوقف على رجولي بدون شغل ولا شي


رائد : وينكك ي رجال ما تدق ولا تسلم ترضى اتبهذل عند كل شخص يعرفك اسأل عنك
...: والله ياخووي ان حالتي كسيفه هالغربه هدت ححيلي و ماقدرت اكمل هناك ابد ابي ارد لديرتي بعدت عن كل شي و قعدت اتفرغ ابي انحاش و ابي اهج من هالجو ابي اهلي و ناسي و هاه مثل ما انت شايف قدرت بعد ما خلصت ارد هنا و اكمل الدراسه هنا

ابتسم رائد بفرح و قام بهمس : اخيراً مرح احس بالمعاناة (و كمل بصوت عالي) اخخخيراً يااخي ما بغغيت قسم كنت بروح هناك ولا شفتك اسحبك من شوشتك هذي

.: هههههههههه يا رجال خلها على الله شف (رفع الكاب الي كان لابسه و بينت صلعته) اي شوشه تسحب وانا اخوك

ابتسم رائد له و قال : اقول عمر باي جامعه بتدرس

عمر : يعني وين بالله بذي واشر على الجامعه
زادت ابتسامه رائد و ضحك : ههههه احححلففف

عمر وهو يضحك : هههههه والله بذي تعرفني بعد كافي اني مفارقك خمس سنين فالحين لو افارقك اكثر اموت

ابتسمت له و سكت و كملنا نمشي و اعرفه على الجامعه و معامها يقالي دليل اعلمه





ببيت ابو ناصر بعد ما راح رايد بلحظات



ام عبدالله


تنهدت ام عبدالله و قالت ودمعتها بعيونها : مدري ليه كل ما شفته زاد كرهي هو ولدي بس مدري ليه اكرهه ابييي اضمه لصدري من زمان ما ضميته بس مدري احسه غريب عني ما ابيه و لا ابي قربه مدري شسوي

التفت لها ابو ناصر : انتي عارفه ان الكل قام يتجنبه من سنين و ما نتكلم معاه الا شوي ولا نصرف عليه و كل هذا منك انتي مانعتنا نتقرب له

التفتت لعمي ابو ناصر الي للحين عجز يفهمني و قلت له اوضح له : مدري شسوي مابي اشوفه بس ابي اضمه مدري شسوي قلي شسوي قلي


سكت عمي ابو ناصر و ما تكلم

التفتت اشوف الموجودين و طاحت عيني على كرسي زوجي ابو عبدالله الي و كان فاضي توفى زوجي من خمس شهور بحادث سياره و كان معه رايد كلنا حطينا اللوم برايد واحنا ندري ان مو اهو لكن مالنا الا اهو نلومه على موتت ابو عبدالله
تنهدت و قعدت اطالع صحني


: ليه ما تطردينه و تفكين نفسك منه خليه يعيش مع نفسه

لفيت لصاحب الصوت و شفت خديجه بنت ابو خديجه تكلمني

ام عبدالله : شلون اطرده انا مانعته من الفلوس اروح اطرده وين يروح

رائف العم : خديييجووووه وجججعع وش هالاقتراح الي زي وجهك لا اشوفك تجيبين طاري طرد رايد من البيت ابد ولا والله لالفع وجهك ذا

لفنا على رايف للحين مو راضي يعطي رايدطاف و يطنشه لانهم تربو مع بعض و كبر بعض كنهم توام
تنهدت لمى تذكرت كلمه توام و تذكرت اخو رايد الي مات

سكتت خديجه بس ردت اختها
خلود بعصبيه : وبعدين يعني ما نقدر ناخذ راجتنا بالبيت منه


*رائف *
لفيت وجهي لها مستغرب : ليه ما تاخذين راحتك لا يكون تغطين عنه وانا مدري وتوكم طالعين له بدون حجاب ولا شي
تكلمو بنات اخوي ابو خديجه بصوت واحد : اييي بنتغطى
طالعتهم مصدوم : طيب و ذا اشرت على عيال عمي ابو عبدالله : مرح تغطن عنهم !
البنات : لا هذول نمون عليهم مرح نتغطى
كشرت بوجهن وش هالوقاحه الي عليهن بس فجأه قمت بقوه من الكرسي معصب و طاح الكرسي من قرار جدي

ابو ناصر : خلاص نطرده و يدبر نفسه

رايف بصدمه : من وين يصرف على نفسه

ابو ناصر جا بيرد بس قاطعته خديجه

خديجه : عنده بالبنك حول 100 الف ريال واكثر بعد
لفيت لها : وانتي شدراك ان هذا الي معه

خديجه سكتت مرتبكه محد يعرف الي بالبنك كم غيري انا بس وش عرفها لا يكون تعرف رقمه و تاخذ من بطاقته

لفيت وجهي عنها و رديت على ابوي بعد اقتراحه

رايف : يبا انت رجل اعمال مشهور وش بيقولون الناس لا شاف طارد حفيدك اليتيم و ما تصرف عليه فلس واحد

خديجه بذكاء : نقول ان اهو الي يبي يطلع عطيناه فلوس بس عيا و يبي يعتمد على نفسه

سكتت هذي شكلها مو ناويه ما تعدي الليله على خير وش سوا رايد عشان تكرهه كذا

اخذت مفتاح سيارتي وجيت ابطلع بس وقفني كلام ابوي
ابو ناصر : رايف انت الي تطرده من البيت سامع

لفيت لابوي بقهر و شفت خديجه واقفه عنده و كنها تهمس باذنه و بعدت لمى لفيت لها شفيهم ما يحسون ليه كلهم كذا معاه وش سوالهم بديت اعوف هالعايله جد حياتي تقرف
طلعت بدون ارد عليه و ركبت سيارتي و حركت



بحاره من حارات القصيم

*معاذ*
وقف معاذ صاحب عمر 25 بتعب بعد ما اخذ من هالضرب واللفع من ابوه
معاذ : يبااا والله مو انا صدقني
ابو معاذ : و تكذب علي يالخسيس
وقف بسام ورا ابوه و هو يراقب معاذ ينضرب قدامه بالعقال من ابوه مستمتع
بسام اصغر من معاذ بعشر سنين لكن تفكيره و طريقة كلامه تحس واحد عمره بالعشرين
وجه معاذ تشوه من ابوه وجسمه يبكي من الم الحرق الي يحرقه ابوه كل يوم

معاذ بهمس و هو طايح : تكفه خلاص
ابو معاذ : والله لاكسر راسك هذاا ان عدتها مره ثانيه
وفتح ابوي علبه الزقاير و قعد يشرب اول ما شافتها نقزت بخوف و ركضت بسرعه لغرفتي و سكرت الباب او بالاحرى للملحق الي اهو غرفتي

تنهدت بقوه و حمدت ربي اني تجنبت الحرق اليوم
ابوي و اخوي بسام اشرار واكرهم و هم يكرهوني يمكن تقولون ما فيه اب يكره ولده لكنه يكرهني كذا مدري ليه من بعدما جاب بسام تغيرت معاملته لي و قام يضربني و يهاوشني على اشياء ما سويتها بس بسام يقول اني سويتها
تنهدت و رحت اترنح لفراشي وانسدحت عليه بتعب و شوي شوي تجمعت الدموع يعيوني بكره كيف بروح للجامعه بهالشكل اخخخخ بس لو ما يحرجوني ربعي باسإلتهم كان انا بخير بس دايم يقولون اشتك عليه هذا مو ابو معاملته مهي معامله انسان و من هالاشياء لكن اصمد و اقول يظل ابوي بعد كل شي



رايد


طلعت من المحاضره بعد ما خلصت ودي ارجع للبيت ارتاح لكن مابي اشوفهم رحت افرفر بشوارع القصيم بالنهايه استقريت بكوفي بعد ساعتين من قعدتي فيه رن جوالي بوصول رساله رفعته و انصدمت بالمكتوب


((تعال شل اغراضك من عند عتبه باب بيت جدك ولا عاد اشوف وجهك بالبيت مره ثانيه ما عاد ابيك تكفه ريحني و روح عني تكفه ريحني و لا توريني وجهك ابد <امي>))

انصدمت من كلامها قمت بسرعه و رحت طيران للبيت اشوف كلامها صحيح ولا تمزح معي و كلامها الاخير يتردد ببالي (تكفه ريحني و لا توريني وجهك) معقوله امي ما تبي تشوف وجهي لهالدرجه
وصلت البيت و انصدمت بالي اشوفه لقيت شنط عند عتبه الباب برا السور و لقيت رايف واقف معطيني ظهره اتجهت له

رايد بهمس و بصوت مصدوم : رايف !


رايف العم

افففف الحين لزقومي بهالمصيبه شقول لرايد اهلنا ما يبونك تبرو منك ولا وش اقول له
بس لفيت لهمس اسمي الي سمعته و شفت رايد ارتبكت
رايف : آآآ.... ر... رايد !
رايد بعدم استيعاب : ليه اغراضي برا ؟
رايف مدري شقول بس تشجعت و مسكته من اكتافه كني احاول اعطيه قوه عشان يثبت

رايف : رايد والله مالي علاقه وهقوني و قالو قل لرايد ان ما نبيه و عذرهم ان بنات اخوي فهد يتغطن عنك و قالو البيت يتعذرك قسم ي رايد ان مالي علاقه والله لو بايدي كان ما طلعت شنطك برا بس شسوي غصب عني والله غ.... سكتت وانا اشوف عيونه تغورق بالدموع بس لف وجهه عني فجأه تنهدت على حاله وش بيسوي الحين قربت منه و همست له

رايف بهمس : رايد لا يكسرونك اكسرهم بس لا يكسرونك لا يكسرونك ياخووي لا يكسرونك


رايد

ما قدرت اتحمل و تغرقت عيوني دموع و قعدت ابكي من الصدمه و اسمع كلام رايف عمي رايف اقرب شخص لي مع ان اهو عمي لكن مو نفس عماني الباقي اهو مثل اخوي كبري و كبره واحد احسه اخوي التوام الي فقدته
لفيت وجهي لوجهه و قربت وجهه لوجهي و قلت له بهمس

رايد بهمس : رايف ادري انه مو انت و تنهدت و كملت : انا تعودت خلاص بس تكفه لا تنساني و ذكرهم فيني كل يوم

سكت رايف وهو يمسح دموعي و قال بقهر : وين بتروح الحين شلون بتعيش

تنهدت و قلت : عندي فلوس و الحمدلله الحال مستور ياخوي

سكت رايف و ما رد علي تنهد و قال لي : ربك يكون بالعون

رحت شلت شنطي و حطيتهم بالسياره
و ركبت السياره و حركت و كل هذا و رايف يتابعني بصمت لحد ما اختفى عن انظاري بالمرايه
تنهدت بالم الحين وين اروح منو يضفني الفنادق غاليه لازم ادور على عماره زينه و ااجر فيها
الساعه كانت ثلاث العصر فيه وقت قعدت ادور و ادور لحد ما يأست كل الشقق لازم عوايل و انا شاب و يمنعون
قلت مالي الا فندق والي فيها فيها استاجرت بفندق على العشا و نمت بعد الصلاة و التعب




معاذ

رديت من المسجد وانا اشوف احد الجيران بعد ما بنى بيته حاط شقق للايجار همممم لو بايدي كان رحت سكنت عنده ابرك من هنا بس ماش

تنهدت و رديت البيت ونمت


عند عايلة ابو ناصر (رايف العم)

دشيت البيت معصب عليهم بس صدمني منظرهم منهارين و ام عبدالله منهاره و متسانده على ولدها عبدالله و تبكي و سمعتها تقول

ام عبدالله : راح ولدي ااااه ياااوليدي وش بتسوي بعدي ااااه ليتني ما طردتك بس اكرهك مدري ليه اكرهك و بنفس الوقت قلبي يتقطع على فراقك

ابو ناصر تنهد : ام عبدالله انتي الي طلبتي هالشي و عاد خلك قد كلامك

قاطعتهم و قلت انبههم : ربي بيحاسبكم على هاليتيم الي طردتوه و لو كان اخو ابو عبدالله موجود كان ما تجرأتو كلكم على طرده

كانت حياة رايد قبل موت اخوي زينه كان يدافع عنه و يعصب على مرته لدرجة انه طلق مرته مره بعد ما اعترفت ان اهي تكرهه قدام الكل وقف ابوه معاه و كل ما شاف تصرف بارد اتجاه ولده قعد يزف و يهاوش و بسبب وجوده قررو بعضهم يتكلمون مع رايد عادي مو مهتمين لكن بعد موته لاموه ان اهو الي قتل ابوه و اهو السبب بموته و بعدها بدو ما يعتبرون له وجود ابد تنهدت و رحت غرفتي اطقطق على اللاب توب مطنشهم و نمت بعد الصلاة


معاذ



الصبح رحت للجامعه بدري عشان اتحاشى ابوي مالي نفس لهواشه الصبح سيارتي كانت على قد حالي اتوقع لو ابيعها ماتجيب الا ميه ريال السياره رايحه فيها مرره
وصلت الجامعه و حمدت ربي ان ابوي وافق على الاقل يدخلني جامعه ابيها و هي جامعه الطب ابتسمت و نزلت وانا احمد ربي على هالشي

قعدت بالكافتيريا وشد انتباهي محادثه واحد قاعد وراي مع صاحبه


...- : ياخي اقول لك دورت بس ما لقيت شالحل عمر
عمر : مو معقوله كل الشقق عوايل اجل الشباب وين يروحون يعني افففف اقول رايد احسن لك تنحش من الفندق لا تروح فيها صدق و تضيع كل فلوسك
رايد : عمر انت الحين وين ساكن
عمر : انا عند خالي
رايد : اهااا و تنهد : احسبك بشقه قلت يمكن اسكن بنفس عمارتك
عمر : للاسف ، سكتو شوي عقب كمل عمر : رايد للحين مو مصدق ان جدك طردك ياخي صدق هذا مو صاحي و بعدين امك ليه كذا معك انت بس ليه تكرهك
رايد : اسكت عمر تكفه مالي خلق لمشاكلهم و ما عليك انا خلاص تبروو مني ولدهم بالكرت فقط ولا المصرف و الملبس كله من فلوسي ولا عطوني فلس واحد و اممي ..... امي تكرهني بس تبيني بقربها مدري شالحل معاها

تنهدت و همست : حتى هذا يعاني اكثر من معاناتي
ولمى ما سمعت صوت عمر و رايد الي وراي التفتت ولقيت الطاوله فاضيه يوووه الحين كيف اعرف شكلهم افففف يلا ما عليه مو لازم

نطرت شوي و بدو يجتمعون ربعي حولي
مشعل و مصعب و عبدالله
مشعل اقرب واحد لي و قال منصدم من شكلي

مشعل بصدمه : معاذ وش فيه وجهك كذا
لفيت عنه و همست : وش فيه ما فيه شي
سكت مشعل عني بس كمل عبدالله
عبدالله : معاذ مو معقول بتستمر على هالحال انا بديت اشك ان هذا ابوك الي يسوي لك كل هذا

تنهدت و كمل عليه مصعب : صادق لو شنو الاب مستحيل يسوي كذا
لفيت لهم و قلت احمد ربي على حالي
معاذ بضيق : على الاقل احسن من غيري الي امه و اهله تبرو منه و طردوه من البيت

مشعل باستغراب : شتقصد ؟
تنهدت و قلت لهم سالفة الي كانو وراي عمر و رايد
عبدالله : الي يشوف مصيبت غيره تهون عليه مصيبته
هزيت راسي وسكت و قمت رايح لمحاضرتي بعد ما استأذنت منهم

مشعل و مصعب و عبدالله ربعي من الثانوي اتفقنا على طموح واحد و دشينا هالطموح لكن لولاهم كان ما وافق ابوي على دخولي لهالجامعه
وقفو بوجه ابوي و تحدوه و خلوه يوافق يدخلني الجامعه







قبل سبع سنين

معاذ بترجي : تكفه يبا ابي ادخل هالجامعه تكفه لا توقف بوجهي تكفه
ابو معاذ بعصبيه : تخخسي ما تدشها لو تموت عندي
و واح ابو معاذ عنه
قام معاذ و دق على ربعه و قال و اهو يشكي لهم

معاذ : قلت لكم مرح يوافق يقول لو تموت ما دخلتك
مشعل بتفكير : فكرت انا بخطه اذا ما وافق المهم الحين تعال عندي الشباب عندي و خل نسوي الخطه

بعد ثلاث ايام بالمسجد كان ابو معاذ قاعد ينتظر طلوع الناس لكن صدمه ان واحد من جيرانه يهمس باذن واحد جنبه و يقول بصوت مسموع لابو معاذ

احد الجيران ابو مشعل : شف شف هذا ابو معاذ قال لي ولدي ان هالرجال ماهو راضي يدخل ولده للجامعه الي يبيها ولا زود على هذا شف وجه معاذ معلم فيه الله لا يبلانا

الجار الثاني ابو عبدالله : والله ما عمري شفت شخص مثله نذل ولا زود على هذا حارمه و يضربه صدق انه مو كفو لاسم الاب

كمل ابو معاذ طريقه و اهو معصب على ولده معاذ الي نشر الخبر بين الجيران
ابو معاذ بنفسه : انا اعلمك يا معاذوه قسم لاكسر راسك هذا و اقطع لسانك
دش البيت معصب و قال لمعاذ بصراخ : معاااذوووه يالككلب تعاااال هناال بسرعه
جا معاذ لابوه خايف منه و من صراخه : سم يبا

ابو معاذ بصراخ : سم فيك ان شاء الله و مسك شعره يسحبه : شف الجامعه و بدخلك اياها و رح انشر بين ربعك الي علمتهم عن كل شي اني موافق و ان انت كنت تكذب علي ساااامع و ان قلت مره ثانيه ان هالتشوهات الي فيك مني قسم لتشوف شي ما شفته سااامع
معاذ بخوف : سامع سامع
و رفسه ابوه بقوه و راح عنه معصب من كلام الناس عليه




قطع علي ذكرياتي صوت شخص وراي يهمس للي جنبه و اكتشفت انهم عمر و رايد

عمر: رايد هذا من الي قدامنا و ش فيه وجهه صاير كذا و رقبته ورا كلها حرق
رايد : هذا اسمه معاذ و انا اخوك الله يكون بعونه ابوه يعذبه بس صدق الي يشوف مصيبته تهون عليه مصيبته مصيبتي عنده ولا شي الله يكون بالعون بس

ابتسمت بسخريه على كلام رايد هذا انا اقول ان مصيبتي اهون من مصيبتك و انت تقول ان مصيبتي اهون من مصيبتك

خلصت المحاضره و شفت اخيراً وجه عمر هذا و رايد و انصدمت رايد يمشي على عكاز
و قلت بتفكير : لا يكون هذا من اهله ؟
مشيت وراهم اتسمع لسوالفهم لكن ما من سوالف مشيت بنصهم اتعداهم لكن ما انتبهت الا وانا مطيحح رايد الي يتساند على العكاز يصعوبه حاولت امسكهه بس فلت مني قبل امسك و كانت وراه عتبتين بالدرج وطاح منهاا بقوه

شهققت بصددمه والله ما كان قصدي بس سادين الطريق و ابي اطلع

طاح رايد على راسه بقوه و صاح بألم

رايد : اااااه رااااسي
ركض له عمر صاحبه : و قومه لكن تفاجأت بالدم الي بدا ينقط على الارض
قلت بارتباك : ووووو ال..الله مممم مما ... ماكان .. قصدي
عمر بصراخ علي : دقق على الاسعاف بسرررعه

تلفتت يمين و يسار المشكله ما عندي جوال وش هالمصيبه ابوي سحب جوالي من سنه
معاذ : مماعندي جوال
عمر و اهو ماسك شماغه و يضغط على راس رايد حذف علي جواله و كمل باصراخ : اتصل هذا جوال بسرعه

دقيت بسرعه على الاسعاف و انا خايف من هالمصيبه الي صارت ما كان قصدي
دقايق و الاسعاف توصل اخذوه و رحت مع عمر بسيارته ورا رايد

بعد ساعه طلع لنا الدكتور
عمر : هاه بشر دكتور شلون رايد
الدكتور : الحمدلله اخوك طيب و ما عليه بس الحين اتمنى تروح تملى البيانات عند الاستقبال عشان تنصرف له ادويه
هز عمر راسه و راح
لف لي الدكتور مستغرب : وش فيه وجهك كذا و ليه ما نظفت الجروح الي فيه
لفيت عنه متضايق حتى الدكتور لاحظ
و قلت : ااااا..... ما كان عندي وقت
الدكتور بعصبيه : انت خخبل روح الحين لقسم الطوارئ و خلهم ينظفون جروحك لان بعضها يبيلها خياطه وبعدها مر مكتبي قول لهم الدكتور نادر
معاذ : بسس ما يحتاج انا ../.
الدكتور نادر : اقول رح بس بعدها مر مكتبي
تنهدت مالي حيله اكلمه شكله لا قال كلمه تتنفذ رحت و نظفو لي الجروح و كان فيه جرح بجبهتي خاطوه لي و انتبهت الممرضه لرقبتي و فتحت الزرار الاول لي و الثاني و طلت على صدري و شهقت و خفت من شهقتها و انا ابعدها عني

معاذ : وو ... وش .. وش فيه ؟؟
الممرضه : شنو هذا ما يسير يقأد آدي لازم سوي نظف بعدين خيط (ما يسير تقعد عادي لازم ننظف بعدين نخيط)

التفتت لها : ليه وش فيه عادي ما يعورني
طنشتني الممرضه و اتجهت للتلفون و قامت تكلم شوي و دش الدكتور نادر علي وجا عندي

د نادر : افصخ دشداشتك بسرعه
التفتت له بصدمه هذا شفيه مو صاحي !
معاذ : ليه ش....
قاطعه بصراخ : قلت لك افصخ و شيل فنيلتك
طعت كلامه وانا خايف منه
اول ما رفعت فنيلتي عني ما اسمع الا شهقات الممرضه و الدكتور
د.نادر : من وش كل هذا و الي بوجهك بعد قلي من وش !!
معاذ بضيق : وانت شعليك مني مالك دخخل فيني
التفت للممرضه و قال يأمرها
د.نادر : عالجيه و التفت لي : و انا لي تفاهم معاك الحين بتصل على الشرطه يتفاهمون معاك
لفيت له و شهقت : لااااا وش سويت انا ما سويت شي والله
د نادر : ادري بس بيسوون تحقيق معاك على الجروح منو الي مسويها فيك و شكله اعتداء

سكتت وانا افكر اعتداء بس اذا شرطه بيعرفون ان ابوي بس بعدها بعدها ابوي بيضربني اكثر و يمكن يقتلني

لفيت واخذت فنيلتي و لبستها بهدوء و اخذت دشداشتي
لف لي الدكتور و بعصبيه : اقعد مكانك ولا تتحرك
معاذ بعصبيه : مالي قعده هنا و هالجروح مالك دخل فيها
مسك الدكتور ايدي لمى لفيت باطلع
د نادر : مالك طلعه شكله الي صاير لك شي مو هين وانا بصفتي دكتورك مرح اخليك تطلع بدون لا نعرف منو سوا فيك كذا
نفضت يدي منه و مسكت دشداشتي بقوه و نححشت منه و لمى استوعب نحشتي قعد يلحقني

معاذ بصراخ : وش تبي مني يااخي مرح اقعد ولا ابي اتعالج انقلع عني
د نادر : والله لو ما وقفت لاخلي الشرطه تلاحقك بكل مكان
معاذ : اصلاً ما تعررف لا اسمي و لا شي
مريت من عمر الي انصدم من شكلي و سحبته معي و خليته يركض معي
عمر بصراخ : هيييه وش فيك انت صاحححي ليه تركض بملابسك هذي
معاذ : عمر تكفه فكني من هالدكتورالمجنون يبي يدخلني بقضايا عشان هالجروح الي بصدري
عمر بصدمه : طيب لحظه وش عرفك باسمي
معاذ : بعدين تعرف المهم انقذني
عمر : اقول لف يمين و عقب دش غرفه رقم 30 هذي غرفه رايد بسرعه رح
نفذت كلامه و رحت دشيت على عمر الي متمدد عالسرير و قربت منه مسحت على راسه

معاذ بهمس : والله مو قصدي سامحني انا حتى ما اعرفك بس مدري ليه احس بالذنب و احس الضربه براسك تعور حيل تنهدت و سكتت
انا مشكلتي حساس ححيل على اي شي بسيط احتمال ابكي
دقايق و دش علي عمر
عمر و اهو ياخذ نفس : قلت له انك نحشت وان انت معي بالجامعه بس ماعرف اسمك
و اخذ نفس و كمل : و الحين وش عرفك باسمي
معاذ : اااا ... شسمه سمعتك انت ورايد وانتو تتهامسون وراي و ابتسمت بالم : سبحان الله لمى سمعت مصيبة قلت من سمع مصيبة غيره هانت عليه مصيبته و لمى سمع رايد بمصيبتي قال نفس ما قلت
عمر : يعني سمعت باللي صار لعمر و احنا بالكافيتيريا
هزيت راسي : ما كان قصدي بس كنت انتظر ربعي و سمعتكم بالصدفه
هز عمر راسه و التفت لرايد و انصدم انه قايم


رايد

كنت اسمعهم يتكلمون و فتحت عيوني وانا اشوف الشخص الي دفعني قدامي و يتكلم مع عمر
و بعد ما خلصو لف علي عمر وابتسم لي و ابتسمت له
عمر : الحمدلله على السلامه
رايد : الله يسلمك
لفيت عليه اطالع الي واقف عند عمر
معاذ بارتباك : الحمدلله ... اااا ... على السلامه
عمر : الله يسلمك
كمل معاذ يبرر فعلته : عمر والله ما كان قصدي بس كنتو سادين الطريق علي وكان عندي محاضره مهمه و ما كنت منتبه و مريت من النص وووو ..... وووو وصار الي صار
هزيت راسي بتفهم وابتسمت له : ما عليه حصل خير
معاذ قرب و مد يده علي يعرفني على نفسه : ااااا .... معك معاذ
رايد : تشرفنا معاذ
هز معاذ راسه و التفت لعمر : كم الساعه
عمر : الساعه ثلاث ونص
شهق معاذ : اوووه الحين وشلون برد البيت افففف
راح متوجه للباب بس وقفته
رايد : معاذ ممكن رقم جوالك
التفت عمر لي حسيته بيقول لي شي بس سكت لمى تكلم معاذ
معاذ نزل راسه : ما معي جوال اعذرني و كمل طريقه للباب و طلع

رايد : وش كنت بتقول انت
عمر : ما كنت ابيك تحرجه لان عرفت ان ما معه جوال
رايد : اوووه شكلي والله حرجته بس يلا ما عليه اعتذر منه بكره
طلعنا و عطاني الدكتور اذن بالخروج و رحت للفندق مع عمر الي وصلني لهناك
عمر : رايد بتبقى هنا على طول يعني ولا وش بتسوي
رايد : والله مدري يا عمر بس يحلها ربي بعدين
عمر : والله لو بايدي كان خليتك تجي معي تسكن عند خالي بس انا بنفسي مستحي من خالي الي رافض يخليني اطلع اروح لشقه بروحي و بيته موجود
رايد بابتسامه : ما تقصر يا عمر طول عمرك طيب بس ما عليه ادبر نفسي ان شاء الله
ابتسم عمر لي
نزلت و سلمت عليه و رحت لغزفتي انسدحت على السرير و انا حاط ايدي على صدري احس بالم كنه جلدي يحترق من شي طردت هالافكار مع ان الالم صدق موجود و رحت قعدت على اللاب توب لحد ما يذن العصر


معاذ

رجعت البيت وانا مدري وش اقول لابوي
ابو معاذ : وين كنت
معاذ : اااا .... صاحبي كان بالمشفى و رحت ازوره
ابو معاذ : طيب طيب رح هات العقال اشوف
انصدمت من ابوي يكلمني ببرود مو عصبيه نفس دايم بس خفت من العقال رحت و جبته له و قام علي و قعد يطقني و طلعت عصبيته وقتها
و بعد ما خلص من عقابي رمى العقال و دش للبيت و انا رحت للملحق و انا ماسك بطني بالم
انسدحت على السرير وانا مقرر انحاش من هالبيت خلاص ما عاد اتحمل باقي لي بس سنتين و اتخصص و خلاص عقب اشتغل شغلي اخخخخ بس مرح اتحمل لحد ما اتوظف لازم انحاش بس سمعت رايد يقول مافيه احد ياجر شقق لشاب عزوبي اجل بروح ادور لي بيت بهالحارات ياجر لي شقه مابي من العماير احس البيت ابرك لي
قمت و قعدت ادور و افر لحد ما لقيت اخيراً واحد رضى ياجر لي شقه ببيته و كان سعرها مناسب 3500 بالشهر بس المشكله انا ابيها سنه وش اسوي الحين و ما معي بالبنك الا 25 الف وش هالمصيبه اصلاً ابوي لو يعرف ان عندي هالمبلغ كان ما رحمني و خذاه لكن فتحت بطاقه بنك غير الي يعرفها ابوي و حطيت فيها بكل شهر ست اميه و اعطي ابوي ميتين اقول هذا الي بقى معي و مع ذلك يضربني
سألت صاحب البيت ابو احمد : طيب كم تأجيرها سنه
ابو احمد : والله يا ولدي الي تبيه انا حاضر بس اقل شي اقدر عليه تأجيرها سنه على 35 الف
تنهدت : طيب اقدر ادفع لك 25 الف الحين بعدين ادفع لك 35 لان والله ما معي الحين الا هالمبلغ
ابو احمد بتفكير : اممممم طيب بس وشلون بتصرف على نفسك بالاكل و الشرب
تنهدت بضيق : صححح ما فكرت فيها
ابو احمد : انا اقول يا ولدي ترد لبيتك احسن لك
معاذ : بس انا ما عندي بيت البيت الي فيه يبيه راعيه و لازم اطلع منه بكره تكفه يا عم والله لرد لك حقك كامل بس خلني اعطين 20 الف وبعدين اعطيك ال 30 الف تكفه
ابو احمد بتفكير : طيب طيب مثل ما تبي يا ولدي و انا بثق بكلامك و احط ثقه فيك وانك منت بسارقني
ابتسمت و انا اقول بثقع له : والله يا عم اني ما اخونك و لرد لك حقك كامل صدقني
ابو احمد : طيب طيب و متى بتجي تاخذ الشقه
معاذ بابتسامه : بكره ابيها و اسكن فيها من بكره
ابو احمد ابتسم : طيب الحين خلنا نوقع العقد و نتوكل على الله
وقعت العقد و رحت للبنك سحبت الفلوس و رديت له و سلمته و شكرته على تعاونه الحين بس باقي خطه للهرب من البيت

رجعت البيت و خذيت الشنطه وقعدت ارتب اغراضي فيها باحاول انحاش من هالبيت خلاص ابوي ما عاد يبيني من كلامه معي و يعذبني وانا انلاعت كبدي من هالعيشه بروح اسكن عن ابو احمد و الله ييسر لي حياتي




تعديل Angel sinless; بتاريخ 12-08-2015 الساعة 10:40 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-08-2015, 10:46 PM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: جعلت مني شيطان فجعلتها بركه من الدماء / روايتي الثانيه


موعد تنزيل البارت الثاني ان شاء الله بيكون بعد ثلاث ايام او بعد اسبوع ، و الي عنده انتقاد او رد و راي على الروايه اتمنى يكتبه و ان شاء الله بتفهم هالانتقاد و الراي و بانتظار ردودكم ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-08-2015, 08:29 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: جعلت مني شيطان فجعلتها بركه من الدماء / بقلمي


السلام عليكم ورحمة الله وبركاته

شخبارك يا عسل

الروايه بدايتها تقهر وكمان رايد يطلع مو ولدهم

غلطة الدكتور كبيره انه ما بلغ ام عبدالله ( ساره )

وكمان ما حبيت اسلوبهم معاه بالمره حقاره زيهم ما شفت بحياتي

يا قلبي على معاذ الله يكون بعونه يارب وكويس انه فكر يطلع من عند ابو بدل ما يغضب ربه

الدكتور نادر احس له دور قوي وكبير بحياة الاعضاء

كملي يا عسل

لا تيأسي

بإنتظارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-08-2015, 10:56 PM
صورة MISS JOKER الرمزية
MISS JOKER MISS JOKER غير متصل
©؛°¨غرامي ذهبي¨°؛©
 
الافتراضي رد: جعلت مني شيطان فجعلتها بركه من الدماء / بقلمي













السلام عليكم ...
اسفة تأخرت بالرد ...
روووووووووووعة
انا بنتظر المزيد ...
ابعتيلي الرابط لما تنزلي رجاااااااااااااااااااااااااااااااااااااءً












الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-08-2015, 03:18 AM
صورة mnayer343 الرمزية
mnayer343 mnayer343 غير متصل
©؛°¨غرامي مشارك¨°؛©
 
الافتراضي رد: جعلت مني شيطان فجعلتها بركه من الدماء / بقلمي


السلاااااااام عليكم
ماشاأاااااء الله روااااايتك روعه
رايد ومعاذ بيعشون في نفس الشقه سبحان الله اخوان ولا يعرفون قهرررر قسم
ب اننظار البارت الجاي متحمسه له وبقووووه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-08-2015, 05:41 PM
صورة Queen gum الرمزية
Queen gum Queen gum غير متصل
©؛°¨غرامي مشارك¨°؛©
 
الافتراضي رد: جعلت مني شيطان فجعلتها بركه من الدماء / بقلمي



و عجبني عنوان الرواية و كتييييييييير عجبتني المقدمة مع انها حزينة شوي بس وااو
رائد مش ابنهم كتير مبين و احس ان فية قرابة بينه و بينن معاذ بس مدري وش هي يكمن يكون اخوه ؟؟ مع الجاي بنعرف
ياقلبي على معاذ كتيييير عور قلبي هو و رائد بس تربيتهم واااو استغربت الصراحة كيف معاذ متأدب مع ابوه هيك و اساسا هو طول بالقعدة معااه كان لازم ينحااش من زمااان عاد مش سمعة رجاال وش كبره ينضرب من أبوه

اتمنى معاذ و رائد يسكنون مع بعض

البداية كانت كتييييييير موفقة اختي و باين الرواية روعة
متحمسة للبارت الجاااااااااي لا تطوليييييين و اتمنى ما توقفين الرواية لانها بااين رح تكوون كتييييييير روعة
[/size][/color]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-08-2015, 08:40 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: جعلت مني شيطان فجعلتها بركه من الدماء / بقلمي


انجل وينك يا بنت

يلا اسدحي بارت جديد

حاسه وربي من توقع كوين انهم اخوان وكل واحد فيهم عاش عند عيله

كوين حبيب الرضا خلا يستحمل ضرب ابو له وبهذلته له ولا يتشرد بالشارع وينحرف
وكويس انه عنده مبلغ هوا ورائد يمشو امورهم فيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-08-2015, 12:15 PM
صورة assyirt alhorrya الرمزية
assyirt alhorrya assyirt alhorrya غير متصل
©؛°¨غرامي نشيط¨°؛©
 
الافتراضي رد: جعلت مني شيطان فجعلتها بركه من الدماء / بقلمي


السلام عليكم

كيفك؟؟

روايتك مستفزة هههههههههههه ما بحب ضعاف الشخصية بيقهروني

المهم

انا مش فاهم ام عبد الله ميغ بتكرهه
مش ابنها صح بس الام اللي بتربي مش اللي بتنجب؟
وبعدين اميد رضعته منها يعني ابنها بالرضاعة يعني أخوا اولادها ولا ناسية انو انولد بنفس اليوم اللي أتوفى فيها توأمها يعني ما كان حليبها ناشف

ومعاذ هاد
اعوذ بالله كيف بيرضى ينضرب هيك؟؟
ابوه ؟؟ وخير يا طير واذا ابوه يضربه هيك وهو أطول منه مرحبا طلو
اصلا سكوته وانصياعه هو اللي خلاه يتمادى معاه هيك
اخر شي لما جاب العقال لأبوه ذكرني بطرفة لما جمل رسالة موته بايده ههههههههه
انا لو اختي تتبلى علي هيك لاخليها تندم ع الساعة اللي كانت فيها اختي
تاسكت لفصعون بتبلى علي

أتوقع معاذ ورائد بينهم قرابه
او رح يكونوا الثنين صحاب فوق العادة
ورح يسكنوا سوا

صح انسيت اعبر عن خلود
تخلخلن عظامها البعيدة الحقيرة النذلة
شو بدك في الشب؟؟ ما الها الو يضبها يحكيلها اله اهل يحكوا إنتي اخرسي؟؟
يا حبيبي اذا الام كرهت ابنها سيدة وعمامه يكرهوا بدل ما ينهروها؟؟
لك يخرب بيتك ابن ابنك اولالك من هالـ .... اسكت عن الغلط احسن

بانتظارك برافع ضغط جديد ههههههههههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-08-2015, 02:29 AM
صورة عبيرالوردوالشوق الرمزية
عبيرالوردوالشوق عبيرالوردوالشوق غير متصل
©؛°¨غرامي مشارك¨°؛©
 
الافتراضي رد: جعلت مني شيطان فجعلتها بركه من الدماء / بقلمي


السلام عليكم

أهنيج علي الروايه الأكثر من جميله

ننتظرج علي احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-08-2015, 04:39 PM
صورة Queen gum الرمزية
Queen gum Queen gum غير متصل
©؛°¨غرامي مشارك¨°؛©
 
الافتراضي رد: جعلت مني شيطان فجعلتها بركه من الدماء / بقلمي


وينك فيــه ؟؟

الرد باقتباس
إضافة رد

جعلت مني شيطان فجعلتها بركه من الدماء / بقلمي

الوسوم
رواية،دماء،توأم،تيتم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
اعشقك يانبض قلبى (بقلمى) مصريه وأفتخر خواطر - نثر - عذب الكلام 12 14-10-2015 03:11 AM
روايتي الاولى :بشري بين مصاصي الدماء Nono_12 روايات - طويلة 1 26-06-2015 05:07 AM
رواية عالم للجميع دون استثناء \ بقلمي Masa Almas روايات - طويلة 4 20-06-2015 06:29 AM
رواية معركة الدماء غرورره روايات - طويلة 20 14-04-2015 10:19 AM
الحمام المحشى من ايد الدكتورة ام المعتصم اميرة مصرية تعشق الكعبة مطبخ حواء - أكلات - معجنات - حلويات 0 25-03-2015 03:30 PM

الساعة الآن +3: 06:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1