غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-08-2015, 03:08 AM
صورة canada.. الرمزية
canada.. canada.. غير متصل
©؛°¨غرامي جديد¨°؛©
 
الافتراضي مثل ما عمر الشيب مايرجع شباب انا لا كرهت ما ارجع احب/ بقلمي


بسم الله الرحمن الرحيم
من فتره ابي انزل روايتي و اول روايه لي تنزل في منتداي الغالي غرام و اتمنى من كل قلبي ان تنال اعجابكم والقى تفاعل
روايتي فيها من الواقع و الخيال و الضحك و الحزن





البداية

في حديقة القصر جالسه على كرسي قبال النافوره و تناظر النجوم وطلع صوت من داخل القصر تكسير و صراخ
مريم : لا اله الا الله . قامت تشوف وش صاير و اهي تعرف ب الضبط وش صاير فتحت الباب و تشوف اختها معها فازه كبيره و تصصارخ و ترمي الفازه الا اهي كلها متكسره و تششد شعرها ب اقوى ماعندها و تمشي و تركض للمطبخ لحقتها مريم بسرعه و تمسكها و تذكر الله في وجهها وتمسكها و تضمها و تدخل بها الاصنصير للجناح حقهم
الماسه تبكي تصارخ : مرييييييييييم تكفين تكفين مقدر اعيش بدونه مريم الله يخليك جيبه لي مرررريم كيف اعيش بدونه انا اموت اموووت اموت حيه جيبيه لي كيف يروح و يخليني ..
مريم ماسكتها بقوه و ضامتها : ماسي حبيبتي اذكري ربك ما يبي منك الا الدعاء الله يرحمه ويسكنه الجنه انتي تعذبينه كذا ترضين ابوك يتعذب منك
الماسه : تعبت حااولت حاولت بكل مكان اشوفه بكل مكان كيف قدر يروح و يتركني كيف يخليني كذا ب احلامي معي و انا صاحيه بكل مكان اهو فيه انتي ماتشوفينه ما تشوفينه انا اشوفه بكل مكان و تمد اصبعها و تاشر علي مكان اليوم اهو كان هنا و تاشر علي الشباك و كان واقف هنا امس و امس تحت مع امي مريم تكفين ساعديني .
سدحتها مريم و لحفتها و حطت ايدها على شعر الماسه و تقرا قران لما نامت الماسه و هدت و تشهق و اهي نايمه
على ان مر على وفاة ابوها شهرين !!
ــــــــــــــــــــــــــــــــــــــــــــــــــ ـــــــــــــ
عائلة ال ملهم (ابو يعقوب)
ابو يعقوب عمره 56 توفى قبل شهرين بسبب مرض ..!!
ام يعقوب فائقة الجمال حنونه و حبوب مع الجميع عمرها 49
يعقوب عمره 32 سنه اخذ جمال امه و لون ابوه غامض جدا حنون اذا عصب ما يعرف هذا اخو او صديقة
ماسك جميع شركات ابوه و اعمامه معتمدين عليه اعتماد كلي علي انه اعمامه كبار .
مصعب 27 سنه يدرس طب وسيم مجتهد في دراسته جدا كل شي الا دراسته عايش حياته ضحك و فله موسع صدره
مريم 22 سنه تدرس ادارة اعمال نسخت امها جميله جدا متوسطة الطول عيونها كبار ولونها اسود شعرها لنص ظهرها لونه اسود فاحم شخصيتها على حسب الموقف
الماسه 19 خلصت ثانوية ولا قدرت تكمل جامعه بسبب وفاة ابوها جميلة شعرها بوي عيونها كبيره لونها بني فاتح حساسه ام دميعه متوسطة الطول جسمها اعرض من مريم


ــــــــــــــــــــــــــــــــــــــــــــــــــ ـــــــــــــــــــــــــ

في حي راقي جدا ثلاث قصور بجانب بعض القصر الاول من عائلة ال ملهم
قصر ابو يعقوب
القصر الثاني ابو بندر
القصر الثالث ابو فارس
ــــــــــــــــــــــــــــــــــــــــــــــــــ ـــــــــــــــــــــ
: يمممممممماااااااه شوووووفي نواف يمممممممممااااااه
ام بندر متكتفه ومسنده ظهرها ع الجدار تنتظر متي يخلصون
نواف : قولي عمي نواف و ابعده عنك
و يقرب شوي شوي لمها و يقرب
نوره : يمممممممممممممممممماه الحيوان معه ضضضب يمه
نواف : بتقولين عمي نواف ولا احطه على شعرك .
سكتت نوره و فتحت عيونها بقوه و تحط ايدها على شعرها و تصارخ فجاه : والله توني مستشوره شعري ي نواف تكفى بعد عني
وينفتح باب القصر ويدخل بكل هيبته و يسمع الصراخ و تنحنح و يرمي الضب نواف من ايده و ارتاحت نوره
ابو بندر : وش هالصوت اللي طالع بالحديقة ..!
نواف يناظر امه و اهي شوي و تطلع عيونها و مستغرب منها .!!
ابو بندر : اكلم من انا وش ه الاصوات اللي طالعه كذا احد ميت عندكم على هالصياح .!!
نوره و اهي متوتره : يبه نواف كان معه هذا و تدوره ب ايد نواف ولا لقته وتدور ب الارض و ناظرت امها و نواف يناظرون في ايدها الضب متمسك في الكم حق قميصها و تحولت البنت للهنود الحمر و تنطط و تصارخ و تصايح و ابوها بتطلع عيونه
ابو بندر : نوووووووووووووره
نوره تصارخ و تنطط
ام بندر : نوافووووه ووجع يوجع عدوينك بعدددده عن اختك لا تفقد عقلها
راح نواف لها و يحاول يمسكها و تصقع ايدها في وجه نواف مسك نواف خششمه و يقرب لمها و يمسكها بقوووه و قدر عليها
نوره تصيح بقوه : نواف الله يخليك تكفى والله انت عمي و كل شي تكفى بعده عني الله يخليك
نواف ميت ضحك
نواف: شوفي شوفي الضب وصل لرقبتك ههههههههههههههههههههههههههههههههههههههه
نوره انهارت
ابو بندر : نوووووااااااااف
نواف يمسك ضحكته : سم طال عمرك
و يعطيه نظره فهمها و يمسك نوره بقوه و اهي تشاهق من الصياح
ام بندر : نوره خلاص عاد ماقصرتي في الضب راسه صقعيه بالجدار و تلتفت و تشوف ايدها و رقبتها سكتت
مشى ابو بندر و تركهم وواضح عليه معصب
جلس نواف و امه ب الصاله و توها نوره بتروح فوق تتروش التفت نواف عليها : نوووره شوفي شوفي الضب يلاحقك .
نوره التفتت عليه و جت تركض و هجمة عليه و تعضضضه مع ايده بقققوه تعضضه و تسحب جلددده ب اقوى ماعندها
ام بندر : نوره خلاص عاد انتهى قطعتي اخوك
على دخلت فواز (اكتمل الثنائي المرح)
فواز : نواره جوعانه انتي هههههههههههههههه ترا لحم نواف خربان يسممك
نوره تبعد عن نواف و تركض قبل لا يجيها
و يشوف ايد نواف
فواز :ههههههههههههههههههههههههههههههههههههههه مو من جدها ابد وش فيها عاجبها طعمك
ام بندر : خلاص انت وياه و هذا ترا مو مزح ي نواف محد بيوقف قلب اختك الا انت و الزفت اللي جنبك
فواز : يمه وش دخلني لو يطب النار نواف قلتي الحقه وش دخلني
ام بندر : ولا كلمه انت ولا اسمع صوتكم اليوم كله
و تقوم من مكانها و تروح فوق

نتكلم عن عائلة ابو بندر

بندر عمره 30 سنه دكتور وسيم كل همه شغله محترم محبوب بين الجميع
محمد عمره 26 حنطي في غمازات شعره كثيف مره لونه اسود هادي عايش جوه يشتغل في الشركه مع ابوه و اعمامه و يعقوب .
فواز و نواف تؤام العمر 23 نسخه من بعض نفس الطول و فواز اعرض من نواف و فيه جرح ب جبهته واضح
ما يحبون الدراسه نهائي لكن مو بكيفهم هالشي يدرسون محاسبة مهبلين ب الدكاتره بس اسم العائلة يكفي
نوره عمرها19 قصيره بيضاء فيها جاذبيه غير طبيعيه شعرها لما كتفها تدرس في الجامعه تخصص انجليزي مستوى 1
ــــــــــــــــــــــــــــــــــــــــــــــــــ ـــــــــــــــــــــــ
صحت الماسه وسط الغرفه الكبيره و البارده و هدوء جلست بوسط السرير و تلتفت بشويش تحس فيه احد و بهمس : يبه
بابا بابا انت هنا و تتحرك شوي من السرير تبي تنزل منه : يمممممممه يممممممممممممه في احد عندي يمممممممممه يممممممممه .
في الاحلام احد يسمعك و انتي بجناحك
و تركض و تفتح الباب و تفتح الباب الثاني و تطلع و بالدرج تركض و الدرج وسط البيت كبير مره و بالقصر اصنصير الدرج زينه بس محد يصعد معه ولا ينزل معه و تركض فيه الماسسسه و ترفع رجلها و تعثر ب الدرج و تطيح لممما تحت و مسكت رجولها و تصيح و تنادي : يببببببببببببه آآآآآآآآآآآييي يممممممه
على دخلت مصعب و يشوفها ب هالمنظر وين الماسه الجميله وين الماسه الدلوعه كيف مبهذله كذا
مصعب (من بعد وفاة ابوه ب اسبوع سافر و توه يرجع على انه يبي يتناسى )
مصعب يركض ل الماسه بخوف عليها مره : الماسه حبيبتي وش فيك الماسه تكلمي وش فيك
الماسه تبكي من الالم : رجولي مصصصعب رجولي
و يناظر رجولها
مصعب يناظر وجهها المرهق و التعبان : ماسي انتي طايحه مع الدرج
الماسه : وششش رايك انت وش شايفني
مصعب : اتوقع انه كسر اصبر بنادي الشغاله تجيب عبايتك و اوديك للمستشفى
سكتت الماسه
راح مصعب يدور الشغالات ولا وحده موجوده : وجع يوجعهم مدري ليه جايبينهم ولا وحده فيه
ناظر ساعته 2 ونص اووووووف و راح لجناح الماسه و دخل عليه بارد مره و ظلام و يمشي و يشغل النور و يلاقي صور ابوه بكل مكان بغرفة اخته علي سريرها و على الارض و يمسك الصوره اللي على التسريحه فيها صورة ابوه و صورت اخوانه و خواته و طاحت دمعته و اهو يتذكر ايام هالصوره و كيف كانو فرحانين برجعت ابوهم من السفر و عزيمه و الكل كان موجود راحت ذكرياته بعييييد
عجزت أنا يا بوي بالصوت أعزيك. . . . . تخنقنـى العبـرة وجفـت دمـوع
لو البكا يرجعـك يابـوي نبكيـك . . . . . لا شك درب الموت مابه رجـوع
ولو الدمع يابوي لو سـال يبقيـك . . . . . .نذرف كثير الدمع طـول السّبـوع
الله يبيحك كل مـا حـل طاريـك . . . . . . . ويرحمك ربي في نهـار يـروع
عزيز في ربعك حنـون بأهاليـك . . . . . . كريم بضيوفك ولـو هـم جمـوع
وياما ضعيف الحال شلته بأياديـك . . . . . . . وقمت وحميته من قريـب قطـوع
الله يبيحك كل مـا حـل طاريـك . . . . . . . ويرحمك ربي في نهـار يـروع




يااااااااابوي ياااااااابوي ياااااااابوي
تاقف مع المحتاج هـذي مماشيـك . . . . . . ويشهد على قولي كثيـر الربـوع
عساك بالجنـة تقطّـف بأياديـك . . . . . . . .أثمارها يا بوي مـن كـل نـوع
عسى العوض من بعد غيبة لياليـك . . . . . . في واحد لاعه مـن الدهـر لـوع

تذكر الماسه و قام بسرعه يدور أي عبايه لها و يفتح الدولاب وياخذ وحده و يركض فيها لها و يلبسها و يشيلها و يطلع فيها لسيارته و يطلع برا القصر كله و يسرع سرعه جنونيه بما ان الشوارع فاضيه الفجر وصل للمستشفى لاقى
بندر في الطوارى بندر كان يكلم بجواله و و يضحك شاف مصعب و قفل بسرعه و راح له بسرعه
بندر : سلامات ي ولد العم عسى ماشر ليكون الاهل فيهم شي و يشوف الماسه حاطه طرحتها على كتفها و متغيره 180 درجة
مصعب : الله يسلمك بندر دخلها على دكتور عظام اتوقع رجلها مكسوره
بندر : ابشر ابشر و ينادي النيرس و يجون عنده ثلاثه و ياخذون الماسه لدكتور
ووقف مصعب برا و مسند ظهره على الجدار من تعب السفر و غمض عيونه شويات الا جايه بندر جايه
بندر : الحمدلله ع سلامتك متى وصلت ما خبرتنا نستقبلك
ناظره مصعب : تستقبلني و انت مستلم و يضحك ع جنب
بندر : لو مو انا أي احد من اخواني
مصعب : اخبار اختي الحين..؟
بندر عرف ان ابد مو وقته ولا اهو رايق يسولف
بندر : شويات تو طلعت الاشعه صار كسر مضاعف
مصعب سكت


ــــــــــــــــــــــــــــــــــــــــــــــــــ ـ
ام يعقوب بين فتره و فتره تدخل على غرفة الماسه
صحت توضت صلت اخر الليل و دخلت و النور مشغل استغربت
دخلت مافيه احد ب الغرفه راحت الحمام مفتوح الباب مافيه احد طلعت من الجناح و تنادي بصوت عالي : المااااسسسسه , الماسسسس , يممممه الماسسسسسه ماااااسسسسسسي الماسسسسس و تصارخ و تبكي و اهي تنادي
اذن الفجر
طلع من جناحه يعقوب يسمع صوت صراخ امه و يمشي لها
يعقوب و مريم وراه : يمه وش فيك
ام يعقوب : يممممه يعقوب بنتي موموجوده و تبكي
يعقوب : يمه وش فيك بسم الله عليك الماسه كبيره و اكيد انها تضايقت وراحت للحديقة برا او ب احد الغرف
ام يعقوب : اققققققققولك مو بالبيت ما تفهم انت ما تفهممممم دورت بكل مكان
مريم : يمه و تقرب لم امها و تضمها
مريم : يمه ماراح يصير شي اهي موجوده بالبيت
طلع يعقوب يدورها ب الحديقة راحت مريم تدورها في مكتب ابوها اللي من طلع محد تجراء يفتح المكتب و تسمي و بشويش تفتحه وواضح ان مافيه احد و قفلته بسرعه و حست بخوف لو تفقد اختها جت هالفكره ببالها حطت ايدها على اذذذنهااااا و صصصصرخت : يمممممه ما لقيتهاااا
جت امها و دخل يعقوب و يسمعونه و يطلعون برا القسم و ينتظرون يقول شي
ام يعقوب : يعني وش تكلم ما لقيتها وش قول تككككككللللللم انفتح الباب
كلهم التفتو على الماسه و مصعب
ام يعقوب تركضضض ل الماسه و مصصصعب و تضضضم الماسسسه : يمممممه وش فيك خوفتيني عليك يمه وش صار لك و تبكي و توقف و تضضم مصصصعب : يممممه اشتقت لك ليه ترتكتني ورحت كذا حرام عليك انا امككك
مصعب ضضضمها و باس راسها : اسسسسف ي الغاليه ماراح ابعد عن عينك و انا من ايدك هذي ل هذي فديت رجولك يكفي لا تبكين و اهي تشهاهق من البكي بحضنه مشششتاقه لولدها شهرين ما شافته
يعقوب طلع يصلي
مريم سلمت على اخوها وباست راسسسه
وتطلع لهم الشغاله منار و اهي مو مصدقه اللي تشوفه طارت من الفرحه : مسسساب (مصعب) الهمدلله على السلامه
و يناظرها و يضحك : ي حليلك ي منار
ام بندر : منار روحي ودي الماسه فوق
الماسه : لا يمه مابي الغرفه بروحي ابي تحت
ام بندر : ارتاحي بغرفتك يمه
مريم : لا يمه خليها هنا و اذا تبي أي مكان انا بوديها





اليوم الجمعه الساعه 11:00 ص كل جمعه يجتمعون بقصر ابو يعقوب الله يرحمه عاده
الكل صاحي بالبيت ما عدا مصعب
وكل جمعه كذا ام يعقوب فوق راس الخدم يصلحون السفره الفلانيه و تضبيط من كل جهه بالقصر
انفتح الاصنصير و يطلع منه يعقوب و يقرب لم امه و يبوس راسها : جمعه مباركه ي الغاليه
ام يعقوب ب ابتسامه لولدها الكبير : علينا و عليك يمه
يعقوب : اخبار الماسه .!؟
ام يعقوب : لا تخاف عليها اهي بخير
منسدحه ب الصاله و تشوفهم يتكلمون عنها ولا تسمع وش يقولون
الماسه بصوت مبحوح : علي صوتك ما اسمعك
يعقوب بحنان الاخ : ماسي هنا و يروح لها و يبوس راسها كيفك حبيبتي
الماسه : الحمد لله بخير ناقصني شي واحد بس
يعقوب فهمها : ماس هذا درب الكل بيمر عليه و خلك قويه اذا جو اعمامي بتستقبلينهم ب هالشكل .!!
الماسه : من قالك اصلا اني راح استقبلهم من مات البابا الله يرحمه ما شفتهم ولا راح اشوف أي احد منهم
يعقوب : مو بكيفك حبيبتي بتطلعين لهم و تجلسين معهم ولا بزعل عليك
الماسه تناظر عيونه : ازعل !
يعقوب طلعت عيونه : عااااادي يعني
الماسه : عشان ابوي ميت تقول كذا و و و بدت تطيح الدموع و تصيح و تصارخ
ام يعقوب : خلاص يمه يعقوب روح لصلاة راح اخليها تجلس معهم و تغير جو
و طلع يعقوب و عند الباب نورس
نورس : طويل العمر السيارة جاهزه
يعقوب يطلع من جيبه نظراته الشمسيه و يلبسها و على الثوب و العوارض صاير شكله جنان و عطره القوي
هز يعقوب راسه و يقرب السياره لم يعقوب و يركب ورا و يركب نورس معه
ــــــــــــــــــــــــــــــــــــــــــــــــــ ــــــــــــــــــــــــــــــــــ
: بسسسسسسسرعه ولا مشيت وخليتكم
: كان فيك خير امششششي
فارس : عيييييدي عيييدي كلامك
ديمه و اهي فوق و تطل عليه و اهو تحححت و كشتها طايره و حالتها صعبه : يعني ما سسسمعته اصصصبر بعيد
و تنحنح كاااااااان فيك خييييير امشششششششي
فارس : و انا ولد ابوي
ديمه : ياليتك ساكت بسسسس
فارس : شيلي كششششتك لا تروعين العالم غابه متحركه لاحول ولا قوة وانا اعلمك كيف
و يمشي و يفنح باب القصر و تسمع صوته ديمه و حاسه انه بيسحب عليهم
و قفل الباب و طلع و دخلت على خواتها
بسم الله عليك وش فيك كاشخه كل هالكشخه ترا بيت عمي مو زواج
رحيل : و اذا بيت عمي انا دايم اكشخ و اطلعي برا بالله تراك غاثتني و من صوتك المزعج لا نوم زي الناس ولا هدوء وانا جالسه و تعليق على كل شي ولا شفتي نفسسسسسك لو تمر حمامه وقعت على شعرك عششششه
ديمه و اهي تجلس على كرسي رحيل و بهدوء : انتي تغارين مني صح
رحيل طلعت عيونها : ديمه اقلبي وجهك و روحي غرفتك البسي و فكيني من شرك محد بياخرنا غيرك كل مررره
و يدخل عليهم طفل صغير : رهيل انا حلصت يالله نلوه
ديمه ب لقافه : لا حبيب خالتك ماراح تروح فارس راح
رحيل و اهي معها البلشر و تلتفت بقوه عليها : لااااا تقولين انك خليتيه يروح
ديمه بكل برائه : لا اهو يبي يروح و انا حاولت اخليه يجلس ينتظر و راح
رحيل : اوووووف منك ي ديمه اوووووووف
عبود :رهيل يعني ما نروه
رحيل تقرب تبوسه : الا ي عيوني بنروح بس شويات روح لماما
ديمه : ايه دلعوه وو بعدين قولو الولد لسانه طويل من عليه وش هالتربيه و انتو مدلعينه
رحيل احذت عبايتها و تركت ديمه تتكلم بروحها و نزلت تحت عند امها و تبوس راس امها
: انا جهزت يمه
: و انا جهزت
فارس : بسرعه بسرعه أي وحده مو راكبه خلال خمس دقايق والله العظيم ل امشي و اتركها
ام فارس بصوت عالي تنادي : ديييمممممممممممممممممممه
ديمه بغرفة رحيل تتكلم نطت من مكانها : بسم الله الرحمن الرحيم و تلتفت يمين و يسار وينها الهبله و تسمع صوت امها تنادي
و تركض و تطل من الدرج :نعممممممممممم يممممممممه
فارس : لك ثلااااااث دقايق و امشششششي و اخليك
و طلعت امه و رحيل و ديمه و عبود
ديمه : ههههههههههههههههههههههههههههههههههه من قبل قلتها ولا انت قدها و تدخل غرفتها تدور لبس لها و تحوس و تحوس اووووف وش هذا يبي لي المول ما لقيت شي .


بالسياره حرك فارس
ام فارس بعصبيه : فارس انتظر اختك
فارس : يممممه كل مره كذا تلطعنا ب السياره ساعه و زين تتكرم ست الحسن و الجمال تجي
ام فارس : اتصصصصل فيها
فارس اخذ جواله و اتصل يرن يرن
شافت اسمه ديمه و تضحك و تعطيه مشغول
فارس ضغطه وصل ثلاث الاف : ششششفتي يمه اعطططتني مشفول
رحيل : كل مره كذا يعني بننتظرها ساعه و اهي طول الوقت تسولف علينا و تستهبل
فارس حرك سيارته بقوه عشان تسمع الصوت
و تطل ديمه من الشباك و تششششوف صدق راح
جطت ايدها على قلبها : الحيوان صادق راح و خلاني يمممممممه
و تتصل فيه و يعطيها مشغول

اعرفكم على عائلة ال ملهم ابو فارس

نجلاء 28 سنه مطلقه معها ولد
رحيل 24 سنه تخصص علم نفس نعومه جدا صوتها واطي و كلها انوثه
ديمه وما ادراك ما ديمه 22 سنه كبر مريم بنت عمها مع مريم بالجامعه و القسم ادارة اعمال لسانها مضيعها
دبدوبه
فارس الولد الوحيد 20 سنه تخصص صيدله

ــــــــــــــــــــــــــــــــــــــــــــــــــ ـــــــــــــــــــــــ
الكل اجتمع ببيت ابو يعقوب الله يرحمه
ابو بندر ابو فارس اختهم مشاعل و عيالها ابوهم متوفي من فتره و عايشه ببيت اهي وعيالها

الاخت الوحيده مشاعل الملهم
عساف 27 سنه هندسه
مروى 25 تخصص اقتصاد
نادر 20 سنه
بتعرفونهم اكثر
بجناح الماسه
مريم و اهي شوي و تنفجر من الماسه : اخلصصصصصي انزلي الكل موجود ولو يدري يعقوب بيسسسسسوي سالفه اخلصي علي
الماسه بوجهها التعبان امسكيني و تمسكها مريم و تعطيها عكازها و ينزلون

ازعاج و سوالف الحريم و البيت يتحرك و الكل يعرف حالة الماسه دخلت عليهم مريم سلمت على الكل و اهي تدور بعيونها على ديمه
و دخلت الماسه الكل سكت ام يعقوب فرحت حيل بدخول بنتها
ام بندر : هلا والله ب الماستنا و تقرب شوي شوي
و تجلس الماسه و جو يسلمون عليها و يشوفون اخبارها و كيف صارت رجولها كذا من ايش و اساله كثيره و الماسه ماله بوجع الراس

ب المجلس اللي برا الرجال كلهم
الاعمام مع يعقوب يتناقشون بحماس
و الباقي يلعبون و اللي يسولف واللي ماسك جواله
التفت عليهم ابو بندر ي عيالي اسمعو الاسبوع الجاي كلنا ان شاءالله مسافرين فرنسا
فواز و نواف من الفرحه وقفو و ضمووو بعضضض و صراخ
فواز : عاششش ابوي عااااش عاشش
يردد وراه نواف : عاش عاش
و يرقص نواف بدون اغنيه بدون شي
ابو فارس : الله يكملك بعقلك و انا عمك
كل المجلس انفجر ضحك عليهم
الكل كان مره مبسوط يبي يطلع من اللي اهو فيه من بعد وفاة عمهم
عند الحريم ينفتح الباب بقققوه و تفح من الركض و الشمس صيف الرياض غير
و الكل التفت عليها و يشوف شكلها
مريم : بسم الله الرحمن الرحيم
و ترمي الطرحه و النقاب و تمشششي ل دورات المياة و اهي تتوعد : والله ل اوريك ي زفت والله ما اخليك بحالك انا اوريك و الشنطه مفتوحه و حالتها صعبه مريم ماتت ضحك على شكلها هذي وش فيها كذا منحاشه من مين
رحيل حكت لها السالفه كلها
الكل مات ضحك عليها حتي الماسه ابتسمت
دخلت عليهم بعد ما ضبطت نفسها مسكتها امها على جنب
ام بندر و ماسكتها من كتفها : تكلمي من جايبك .؟!
ديمه : يوه يمه من جايبني يعني اكيد السواق
ام بندر بشك : ايه زين و جربي تتاخرين ثانيه
و تمشي
ديمه : الحمدلله ما اعترفت و تمشي للبنات و تشوف ماس و تسلم عليها و تتحمد لها ب السلامه
و نوره تكلم بجوالها بعيد عنهم شوي و صرخت و تناقز مبسوطه كل البنات يتسالون وش فيها
و تروح تضم ديمممه و الماسسسه : اعشششششقكم فديتكم
!!!!!
نوره توقف على الطاوله و الكل التفت لها و تنحنحت : اخطابكم من هذا المنبر
تقاطعها ديمه : اخلصي علينا وش عندك لا اصكك كف على عينك <<هياط
نوره تكمل : فواز اخوي كلمني من شوي اعمامي اتفقو يسافرون كلهم ل فرنسا و ينططون و يضمون بعض البنات
انتشر الخبر للكل و كل وحده تخطط وش تسوي وش تجهز وش بتجيب معها من ملابس
وقت الغدا
مريم لابسه بنطلون جنز ازرق و قميص اورنج شيكت على غدا الحريم كله .. على ان فيه خدم بس تحب تشوف كل شي مثل ما تبي اهي
راحت لصالة الطعام الرجال و تضبط الشموع و الصحون و كل شي كويس وحاطه ايدها على خصرها تحاول تتذكر شي
دخل عسساف عليها لان مافيه الا الخدم ما توقع مريم موجوده
ولا انتبهت له تنح و يتفرج عليها
مريم التفتت : مقدر اتذكر وش ابي
صارت عيونها ب عيون عساف و طارت عيونها كيف ما حست فيه قلب لونها احمر اخضر ازرق اصفر
عساف حس على نفسه و طلع قابله مصعب : وش فيك ي رجال مزعجنا جوعان جوعان ولا دخلت شوي بتاكلني
عساف : شكل فيه احد داخل من الاهل
مصعب دخل ما شاف احد طلع شاف عساف سرحان و يقاطعهم ابو بندر يالله ادخلو وين الجوعانين ولا بس كلام تاكد عساف انها طلعت و دخلو كلهم اصوات ملاعق و ضحك فواز و نواف و سوالف و سحب الكراسي

مريم ميته خوف تحت طاولة الطعام خافت مصعب يشوفها و يطير راسها ليه انها موجوده و اهو بس لرجال ما قدرت تطلع دخلت تحت الطاوله و الطاوله الخشبيه ب الذهبي كبيره جدا و من الخوف عرق تمتي يطلعون بس


عند الحريم

الماسه : وين مريوم
ديمه : ليه مو عاجبينك
رحيل : ديممممممه
ديمه : عيون و روح ديمه
رحيل : مريضه انتي

جـا ديمه مسج و فتحته
رقم غريب
ديمه منصور ال ملهم ما توقعتك حلوه كذا
ديمه :!!!!!!!!!!!
الرقم :
حيل حيل عجبتيني
ديمه تركت جوالها تبي تنسى موضوع الرقم
ــــــــــــــــــــــــــــــــــــ
عند مرريم تحت الطاوله ابو فارس سحب الكرسي على ورا و قام يغسل هنا مريم تشهدت لو احد يمر بيشوفها خلاص
و تحاول تبعد بدون صوت ولا تلامس رجول احد من العيال ولا بتنفضح و حركتهم كثيره
و تناظر لشي مجهول و حطت ايدها على فمممه لا تصرخ نححله من وين جت تدور تدور و اهي وجهها احممممرررر
ودها تصرخ قربت لمهااا و اهي تحبي على ايدها و رجولها حطت ايدها على رجل شخص ما تعرف مين بسرعه شالتها دقات قلبها بتطلع خلاص
فتح عيونه بقوه و بعد القماش و شافها و قرب الكرسي
فارس : عساف وش فيك تغير لونك
عساف يمثل : شبعت مررره مافيني اتحرك ابد
فواز : وين العضلات و الياقه و انا في اكلي نظامي ولا بس هذا كلام
عساف : ياليتك ساكت انت
الكل بدا يطلع
مريم تبكي بهدوء ما تدري من هذا و اهو الوحيد اللي موجود
بعد القماش السكري و ناظرها : اطلعي اطلعي
مريم خايفه مره ما تحركت
عساف : مافيه احد اطلعي
مريم تبعد الكرسي شوي شوي و اهي ميته حر و كلها دموع
عساف : ليه ما طلعتي من الاول وش مجلسكك هنا
مريم تناظره من فوق لتحت : و انت وش عليييييك وش دخلك من انت تحاسبني و تدفه و تمشي
عساف يمسكها من ضراعها : انتي هيه انا اكلمك لو مو انا كان انتي مفضوحه
تلتفت عليه مريم و تشوف ايده ماسكها و تعطيه كف و تبعد عنه بسرعه و تركض و اهي غرقانه دموع من الموقف السخيف و قبل لا تدخل عندهم مسحت دموعها و غسلت وجهها من النافوره و دخلت



أحن لك .. كل ما تطري و أنا كاره , مدري شسم هالشعور اللي معذبني



تعديل canada..; بتاريخ 17-08-2015 الساعة 03:12 AM. السبب: تعديل العنوان
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-08-2015, 04:58 AM
نيرمين فهد نيرمين فهد غير متصل
©؛°¨غرامي جديد¨°؛©
 
الافتراضي رد: مثل ما عمر الشيب مايرجع شباب انا لا كرهت ما ارجع احب/ بقلمي


بدايه رائعه جدا
لكن ينقصك السرد والوصف
وان شاء الله راح اكون من متابعين الروايه ��

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-08-2015, 04:59 AM
نيرمين فهد نيرمين فهد غير متصل
©؛°¨غرامي جديد¨°؛©
 
الافتراضي رد: مثل ما عمر الشيب مايرجع شباب انا لا كرهت ما ارجع احب/ بقلمي


متى موعد نزول البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-08-2015, 05:34 AM
صورة canada.. الرمزية
canada.. canada.. غير متصل
©؛°¨غرامي جديد¨°؛©
 
الافتراضي رد: مثل ما عمر الشيب مايرجع شباب انا لا كرهت ما ارجع احب/ بقلمي


اقتباس:
المشاركة الأساسية كتبها صصمت. مشاهدة المشاركة
بدايه رائعه جدا
لكن ينقصك السرد والوصف
وان شاء الله راح اكون من متابعين الروايه ��
شكرا حبيبتي من ذوقك و نبهتيني على ملاحظه حلوه

و اكلي فخر انك تتابعين روايتي


البارت الجاي خلال هاليومين ان شاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-08-2015, 07:00 AM
صورة canada.. الرمزية
canada.. canada.. غير متصل
©؛°¨غرامي جديد¨°؛©
 
الافتراضي رد: مثل ما عمر الشيب مايرجع شباب انا لا كرهت ما ارجع احب/ بقلمي


[
size="5"] حتى الكلام العادي نرجع نقراه أكثر من مره بس عشانه من شخص مو عادي



يوم الخميس الرحلة 4:00م

الساعة 11:30ص
بيت ابو فارس الملهم
اصوات ازعاج اغاني يصدر من الدور الثاني
ديمه بوسط الغرفه و الملابس من كل جهة فوق السرير و ب الارض و ع التسريحة و عطورات بكل مكان الغرفه مقلوبة فوق تحت و صوت الاغاني . و ترقص بوسط الزحمة و الشنط مرميه
و تهز وسطها و رافعه ايده و مغمضه عيونها داخل جو مره و تكرر :هيله يالله هيله يالله و ترقص
امها فتحححت الباب بقوووه طلعت عيونها : ديممممه
و ترقص ولا انتبهت : هيله يالله هيله يالله . و تدور حول نفسها : عاششششو بنت ابو فارسس لا يووووقف
و تدور وتفتح عيونها : بسم الله الرحمن الرحيم و تمشي لسماعات و تقفلها
ام فارس : زين انتبهتي ترا البيت محد عايش فيه الا انتي كان عليتي الصوت اعلى و انا امك اعلى اعلى ماتستحين انتي الصوت واصل تحت ووش هذي العفسسسه هذي غرفة بنت ولا ايش

ديمه تجلس ع السرير : يمه عاد اتجهز لسفره و تغمز ل امها و على الغرفه شويات و انادي الخدم ينظفونها انتي لا تهتمين و ال
طلعت امها و تركتها .

ديمه : الحمدلله رب العالمين طيب انتظري اخلص كلامي
و يرن جوالها الرقم غريب من جديد : اووووف تركته و شغلت السماعات و كملت رقص
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ينزل يعقوب من الدرج بكل هيبة
ام يعقوب تناظره : وش فيك نازل مع الدرج ماعندنا اصنصير ولا ايش
يعقوب : رياضة رياضة
ام يعقوب مشتها
يعقوب : جهزتو الشناط
ام يعقوب : روح ل اختك ماس اقنعها بنفسك انت
يعقوب : لا اله الا الله
و يروح فوق و يفتح باب جناحها البارد و ظلام على انه الظهر قشعر جسمه من البروده ما كان فيه احد عايش في هالمكان و يفتح الستاير و يتسلل ضوء الشمس للغرفه و يشغل النور و يمشي لغرفتها يطق الباب مره مرتين ثلاثه
: ماس ترا بدخل
مافيه رد
فتح الباب شافهها حاطه راسها ع السرير و جسمها ع الارض و نايمه و يشغل النور الخفيف و يمشي لمها بشويش و يقرب و كل سريرها صورهم و صور ابوها و يحط ايده ع كتفها و يهزها بشويش : ماسي ماس اصحي
قامت مفزوعه : يممممممه شفتتتته شفتتتته
يعقوب يمسكها : بسم الله عليك الرحمن الرحيم حبيبتي انا يعقوب و يضمها ع صدره
الماسه تضمه بقوه : انا شفته وربي شفتتتته
يعقوب : اووصص خلاص هذا حلم و انتهى فيه يوم جديد في انتظارك
رفعت راسها له : وش قصدك ؟
يعقوب : ماسي قومي جهزي نفسك بنسافر
بعدت عنه :تروح و ترجع ب السلامه
يعقوب بحححده : جههههززززي نفسسسسك
الماسسسه من رفع صوته تغارقت عيونها : مابي اروح مابي مو غصب وش فيكم انتو
يعقوب و يقرب من اخته الصغيره و يجلس معها ع السرير : الماسه انتي مو طفله انتي تعرفين الصح و الخطاء رايحيين نغير جو و الحي ابقى من الميت الميت مو محتاج صياحك ونياحك كل هالشهور اللي بكيتي فيها صار شي رجع شي من اللي راح ..؟
الماسه :.................
يعقوب : ردي علي بكيك رجعه او بيرجعه
تهز راسها ب لا
يعقوب يكمل :لو البكي بينفع انا ما سكت انا ضعت من بعده ولازم ارجع اقوى من اول لو اسوي مثلك ضعنا كلنا مو بس انتي اضيعك اضيع العائلة كلها خلك قويه وين الماسه الدلوعه وين الماسه النشيطه اللي ما تشوفين كيف صرتي كبرتي عشرين سنه قدام كانك عجوزه
ابتسمت على كلامه
استانس انها ابتسمت
يعقوب : لك ساعه وحده بس ما تخلصين بجي اعضك و يطب ع اخته و يدغدها و و اهي ميته ضحك
الماسه : بعععدددد خلااااصصصصص بمممموت هههههههههههههههههههههههههههههههههه
تدخل عليهم مريم و مكتفها ايدها : ي سلاااااام عليكم و انا بنت البطه السودا يعني
و يبعد عنها يعقوب و تقوم الماسه و اهي مقتنعه بكلام يعقوب : ايه انتي بنت البطه السودا يالله حبيبتي انتي و اخوك برا بجهز نفسي
استانست مريم و يعقوب فيه تطور في حالتها و تنطط مريم بعد ما طلعت من جناح اختها : عاش يعقققوب عاش عاش و تضضضضمه بقوه اخييييرا
يعقوب يبعدها : بنت هيه كبرك انا تسوي هالحركات اكبري اكبري
مريم و تضوق عيونها : يعني ما سويتها مع ماس
يعقوب :مريم تعرفين ما احب هالحركات
مريم تقرررب منه و تبوسه مع خده : لا تحبها المهم ماس ترجع طبيعيه
الساعه 3 في مطار الملك خالد الدولي في صالة رجال الاعمال الاربع العوائل متواجده
اهل يعقوب , ابو بندر , ابو فارس , العمه مشاعل
جهة البنات قايمه قاعده و صوت ديممه واضح مررره من بين جميع البنات مريم راميه الطرحه ع وجهها الماسه على كتفها طرحتها نوره لابسه نقاب و نجلا و رحيل كلهم بنقابات ديمه متلثمه
ديمه بحماس : انا بجلس يم الشباك مفهوم
مريم : مع نفسك حبيبتي انا جنبه
ديمه : من قال باخذ رايك الحين انتي
مريم : انا جنب الشباك رضيتي ما رضيتي انا جنبه
ديمه :لا تهايطين فوق راسي مريموه تراك كبر اصبعي اشوتك اوصلك قبلنا
مريم : يا خف دممممك
نوره : مو لازم تجلسون جنب بعض خلكم ورا بعض و تنحل المشكلة
مريم و ديمه بصوت واحد و عالي مره : لااااااااااااااااااااااااااا جنب بعض
كل اللي بالصالة التفتو عليهم
فارس يتحلطم : الله ياخذك ي ديموه الزفت عارف صوتك لو بينا بحار ومحيطات
فواز سمعه : وسع صدرك ههههههههههههههههههههههههههههههههه عندك اخت تحفه
فارس يصرف : ماتبي تشرب شي بروح للكوفي
فواز : بروح معك تعال نقول للبنات اذا يبون حاجه و يمشون بصالة لجهة البنات ...واضح قصده



يعقوب ابو بندر ابو فارس يتناقشون ب الصفقات و الشغل وبندر مثل الاطرش في الزفه يتفرج عليهم
نواف و نادر و عساف للحين مالهم وجود
فواز بصوت عالي : تبوووووووون شي من الكوفي القريب
ديمه بصصصراخ يفقع الاذن :آآآآآآآآآآآآآآآآآآآآآآآآآآآآآآآآآآءء ابي ابي ابي قهوووه تركيا و ابي سينابون و ابي سنكرز و و و اصبر اتذكر كنت مشتهيه شي بعد
فارس : وجع يوجعك وش بقيتي للبنات
فواز متشقق : خلها تاخذ راحتها و كل طلباتها بتوصل لها
فارس عطاه نظره : هيه ترا ما معي فلوس لا تسوي طاق الصدر
فواز :و انا شاد الظهر فيك الله ياخذك
ديمممه : عيال الفقر ذولا انا بعطيكم
فارس : الحين الكل ساكت و انتي اللي تطلبين اذا محد طلب مع ماراح اجيب طلبك
ديمه مو مهتمه بكلامه و تفتش بشنطتها : ايه ايه بيطلبون وينه الحين هذا و تفتش ب الشنطه و تكبها
فارس : حشى وش تدورين ي بنت الفقر ههههههههههههههههههههههههههههههههههههههه اجل ما معك
ديمه : والله معي و تلتفت على مريم مريمووووه لا تكوني مسويه مقلب خايس مثل وجهك
مريم : وشي !!!
ديمه : مالقيت محفظتي انا فاقدتها من فتره
فواز : فارس تعال بس ذولا مطولينها و اهي قصيره
و يمشششون
ديمممه : لحظظظظظظظه بلاقيها
و يسفهونها و يكملون مشي
ديمه تلتف للبنات بعصبيه : لا تستهبلون معي بمسح وجهه ب الارض لو الاقيه مع وحده منكم
عبدالله ولد نجلا يشيل الجوال من الارض :حالوه ديمه جوالك
ديمممه نبت براسها نخل : وشش جاب جوالي بيدك
نوره : بسم الله عليك وش فيك انتي اكلتي الولد الجوال ب الارض طايح و شاف نور الجوال و و اخذه يعطيك اياه
و تسحبه من ايده الجوال و تقرا المسج من نفس الرقم الغريب كتبت على رقمه الغريب
المسج : بتروحين ولا راح تودعيني و انا اللي عندي امانه لك
انزعجت وراحت على جنب و جلست بروحها
ديمه كتبت مسج : من أنت .؟!
الغريب : انا تبين تعرفين من انا ردي علي اذا اتصلت
ديمه : اخلص من معي انا مو فاضيه لك
الغريب يتصل بك
ديمه : اوووووووف و ترد
ديمه : الووو خير
ديمه : اخلص علي وش عندك
الغريب : افا ديمه منصور الملهم ما عرفتيني سويت لك معروف ورميتيه ب البحر
ديمه وصل ضغطها 3000: انت بتتلم زي الناااااااس ولا اقفلللللللل
و صوت نداء لطائرة فرنسا
الغريب : مسافره !!!
ديمه : شكل ما عندك سالفه انسي هالرقم لا انسيك حليب امك و تقفل
و مشت للبنات

مروى تكلم امها : اتصلت فيهم قال بنجي بكرا او بعده
مشاعل ام عساف : كيف بكرا او بعده و اهم حاجزين معنا
مروى : هذا كلامه تبين كلميه انتي
مشاعل : طيب قومي نمشي خوالك ينتظرون

وركبوا لطياره و حرب مريم و ديمه ما خلص و اهم ب الدرجة الاولى
الماسه عند الشباك و جنبها يعقوب
فواز جنبه فارس
مصعب جنبه محمد
نجلا جنبها رحيل
نوره جنب بندر
الاعمام جنب بعض
و الطياره في السماء
ديمه : مريم قومي خليني اجلس مكانك ابي اصور سناب اخلصي قومي قومي
مريم : والله ما اقوم لو تموتين عندي
ديمه بصوت عالي : بلاااا نذاله عاد قومي تراني عطيتك وجه
يعقوب انزعج : بنااات وش هالاصوات
ديمه بصوت خفيف : يمه من اخوك هذا صوته رعب عكس شكله
مريم : يالبى اخوي و روح اخوي
ديمه : لا تغيرين الموضوع و قومي عن مكاني لا اشوتك
مريم : نعمممممم وش مكانه بعد انتي على كيف اهلك اهو ماكانك و تطلع لسانها
ديمه : بقصصصه لك ان شاءالله
مريم : ديمه ي قلبي اسكتي الناس تبي تنام و انتي قرقر كثير
ديمه سكتت و مسكت جوالها

عند الماسه و يعقوب
الماسه : يعقوب
يعقوب : هلا
الماسه : ابي اطلب منك طلب
يعقوب : امري
الماسه : ابي اشيل الجبس اول ما نوصل طفشت مره منه
يعقوب : ثاني يوم نروح نشوف اذا نقدر نشيله ولا لا

عند فواز و فارس
فارس نايم و يجي فواز قباله و معها فاين و يبرمها و يقربها لم اذنه و يحكها فارس وواضح من عيونه متضايق
و يقربها لم خشمه و يحركها على خشمه و يحرك راسسه فارس و يدخل الفاين ب خشمه و يصصحى فارس
و يشوف كيف فواز جالس و نصه بحضن فارس
فارس فتحت عيونه بقوه : وجع يوجعك ي الدب القطبي و تقوم المعركه بينهم فارس فوق فواز و طاحو تحت الكراسي و فارس الا بيدخل الفاين بخشم فواز و و يحاول يبعده فواز ولا قدر وميت ضحك ولا اهو قادر عليه و اهو فوقه
فواز : يمممه ههههههههههههههههههههههههههههههههههههههههههههههههه ي الدوب بعد عني
فارس و اهو شاد حيله فوق فواز : ياحححيوان كنت ب احلى نووومه اوريك شغلك
فواز ميت ضحككك ما يقدر يتكلم ابد
الكل يتفرج عليهم وقف ابو فارس
ابو فارس بجديه : فاااااااارسسسسسسس
فارس قام من فوقه : سم يبه
ابو فارس : انت ب الارض ما تسوي كذا تسويها ب السماء اجلس مثل العالم و الخلق
فارس : ابشر طال عمرك ولا تزعل و يروح يبوس راس ابوه و يرجع مكانه
فواز يضحك بصوت خفيف و عارف ان الدور جاي عليه :خخخخخخ صادق عمياجلس زي الخلق ب الكراسي مو فوق الاوادم

مد ايده لفخذه و يقرصصصه ب اقوى ما عنننده
فواز : اوووووووشششششششششش وجع يوجع عدوينك ولا عجوووووز ي هب عليك
و يقرصه ثانيه : اذكر ربك عاد انت دعوتك و القبر

عند مريم و ديمه
مريم نايمه و مسنده راسها على ديمه و ديمه حاطه السماعات ب اذنها و مشغله اغاني و تغني تركي مع الاغنية و تحمست مره و تجلس زين و تقدم نفسها مريم طاحت و قامت مفزوعه و انتبهت ل ديمه اللي ذبحها الحمس و ترقص و تغني بصوت عالي و يعقوب يشوفهم من بعيد و الماسه تضحك و فواز عاجبه الوضع ما وده تسكت
و تحححرك ايديها و بصوت عالي : ووووووووووآآآآآآآآآآآآآآآه آآآآآآآآآآآآييييااااااااه اشششششقكم وآآآآآآآآآآآآيه
مريم تمسكها مع كتفها و تضربها بخفيف : ديمه ووجع ديموه
ديمه تهز راسها و بصوت عالي : وش فيك خليني وآآآآآآآآآآآآآآآآآآه آآآآآآيآآآآآآه اششششقكم
مريم تسسسحب السماعات من اذنها
ديمه تنط ة تلتفت عليها : مريموه وش تحس فيه بالله قولي لي وش تحسين فيه تبين افرك وجهك ب الارض ولا وش تبين اسوي فيك ما خليتيني عنر الشباك و خليتيني اسكت ولا اتكلم ولا تبيني اسمع اغاني ولا ارقص وش تبين مني تراك رافعه ضغطي ي كلبه خليني بحالي و ...
مريم تقاطعها : بعد فيه و خلاااااص وش بالعه انتي حشى ولا مسجل اسكتي كل هذا بخاطرك
و تمر عليهم الموظيفه : لو سمتحوا اخواتي الرجاء الالتزام ب الهدوء
ديمه ب انفعال : هاه شفتتتتي حتى الكافره هذي تقول هدوء ما هدوء خليتينا على كل لسان من فوضتك و السانك الطويل
مريم : يووووووووه ديموه كل هذا منك اسكتي ازعجتي العالم


فواز ميت ضحك و يضحك بصوت عالي و يشهق من الضحك
فارس : الحين انت مستانس عشان تضحك
فواز : ياخي اختك ف .
و تنط لهم ديييمه : وشششش فيها اختككككك تكلم قول وش فيها اخته

فارس ياشر على ديمه و يحط ايده على رقبته و ياشر بعيونه شوفي وراك
ديمه تناظره :وش فيك انت تكبس بعيونك ههههههههههههههههههههههههههههههههههههههه
شافت نظرات فارس تغيرت لها ولشي وراها
ديمه : يعني تبي تخوفني ا ما وراي احد شوف هاه ما اخاااف و تلتفت الا قباله وجهه ابوها
ديمه تقلب وجهه 77 لون : يبه انت هناء
ويناظرها بنظرات كلها شرار بلعت ريقها و مشت لمكانها بصمت و ولا حركه
ديمه بصوت خافت : الله ياخذك ي فواز الزفت

قربت الطياره من باريس و البنات فكو نقاباتهم و تكشخو و تحجبو
وقت هبوط الطائره
ديمه : اكره لحظه ب الطياره الهبوط
من بدت تنزل و اهي تذكر الله و تدعي و تستغفر و فواز ميت ضحك عليها و اهي ما ترد على احد تبي تهبط الطياره ب سلام
هبطت الطياره ووصلوا راضي باريس و اتجهو كلهم لفله كبير فلة عمهم الله يرحمه ابو يعقوب
البنات كلهم بغرفة وحده كبيره و الشباب كلهم بغرفه وحده و الكبار كل واحد مع زوجته بغرفة
كل وحده راميه نفسها ع سرير و ديمه متربعه ب النص بالله بترجعون تنامون احنى ما صدقنا نوصل نروح نشوف الشقر و الحمر
مريم و كلها نوم : ديمه متاكده انك بنت
ديمه : وش قصدك وش قصدك تلكمي
نجلا : ديمه ياحبك للمشاكل خلينا ننام الله يرحم امك
ديمه : بكيفكم انا بطلع
رحيل : ابوي ماراح يرضى انك تطلعين بروحك لا تتفشلين خلك جالسه بس
ديمه ما ردت عليها و قامت اخذت شاور و غيرت ملابسها لبست بنطلون طويل اسود و قميص ابيض منقط بكحلي و تحط ميك اب خفيف و روج و تتعطر و تلبس شوز كحلي و حلقاتها و تطلع برا الغرفه و تنزل مع الدرج و تطلع برا الفله و الجو ب هالفصل باارد و تمشي حوال اسوار الفله غريبه الهدوء بالشوارع و الشمس باديه تغيب و الليل بدا مشواره مع الارض تعرف هالمكان زين و ذكريات جميله و جلست و ابتسمت
: عسى دوم هالابتسامه
ديمه التفتت على مصدر الصوت : انت .؟ّ!
: لا ابوي
جلس جنبها و يناظرها من فوق لما تحت : انتي كيف تطلعين كذا
ديمه : و انت وش عليك ابوي انت ابوي استغفرالله و توقف
مسكها من ايدها و نزلها للكرسي : اجلسي مابيك تطلعين بروحك المره الثانيه
ديمه : انت هيه ترا ما اخذ مقلب بنفسك وش اللي لا تطلعين بروحك و اجلسي كلمني زين لا احط راسك ب الارض
فواز : والله قويه ي بنت وريني عضلاتك هههههههههههههههههههههه
يتصل جوال ديمه و تطلعه من الشنطه و اهي ترتجف من البرد : الوووه
: وينك فيه قلقتيني عليك
ديمه : لو قلقتك علي كان طلعتي معي ي معفنه
فواز : هههههههههههههههههههههههههههه مو عاقله والله ام كشه
مريم : تعالي صوت البرق و الرعد ما يخلي الواحد يطلع
ديمه بتافف :طيب راجعه
وقفت ديمه : خلصت ي ابو راس كبير بمشي انا للبيت
فواز : اوكيه امشي معك
مشت تركته و يمشي وراها بسرعه و يمسكها من ايدها ويمشي
وقفت : ما تلاحظ انك تماديت
فواز ضغط على يدها و يمشي و اهي تمشي وراه : انا مستانس كذا اعد الايام و الليالي عشان امسك ايدك و انتي بتحرميني منها
ديمه تتنفس بسرعه و ذبحها الحر على انه الوقت في باريس بارد

فواز يبي يحرجها : اشوف عجبك الوضع ولا مرتاحه كذا
ديمه الدم وصل وجهها فكت ايده بقوووه و طاحت شنطتها من ايدها و تنزل لشنطتها و تشيل اغراضها و اهو موقف فوق راسها : خليها بشيلها
ديمه : لا احلف بس
: انتي و ياه وش تسوون هنا ب هالجو و هالوقت
رفعت راسها لشخص اللي يتكلم طاح قلبها في بطنها بصوت خافت : يمممه
فكرت على طول لو شافهم وش بيسوي فيها بيذبحها بيقطع راسها ولا بعد كاشخه انا وراسي ياويلي ويلاه
فواز : ابد شفتها صاحيه بروحها متضايقه قلت نطلع نجلس برا ب الجو الحلو زاد الجو بروده قلت ندخل
ابو فارس : لعد تطلعووون الا مستاذنين من احد كبير مو تااااخذها و تمشي وين عايششين احنا ولا خلاص في باريس نسيت دينك و اصلك
فواز : وش فيك عمي الله يهديك هات راسك ابوسه و يمسك راس عمه و يبوسه بس من الضيقه طلعنا و هذي اول مره و اخره مره نطلع بدون اذنك

ابو فارس : امشو قدامي للفله
و كل خطوه و ابوها وراها تحسها سنه و تفتح باب الفله و تمشي و تكبر الخطوه عسى توصل فوق بسرعه فتحت باب الغرفه بقققوووه :آآآآآآآآآآآآآآآآآآآآآآآآآآآآآآآآآآآآآآآآه يمممممممممممممممممممممممممه يمممممممممه
اووووووووووووووف مستحيل كان بيطير راسي
بالغرفه نوره و مريم لابسين بجايم و يتابعون فلم التفتو عليها و تركض ديمه تضم مريم و نوره : اسمعو اسمعو دقات قلبي اسمعووو
نوره : ديمه وش فيك كذا لونك اصفر
ديمه تتنفس بقوه : لا تلومينه لو يصير فسفوري
مريم و نوره يناظرون بعض :هههههههههههههههههههههههههههههههههههههههههههههه
وش فيك وش صاير احكي
و تحك لهم السالفه .

عند ابو فارس و فواز و اهو حاله مو اقل من حال ديمه يبي يوصل بسرعه لجناح العيال ومسوي قدام عمه ان اهو اللي مو خايف ووضعه اوكيه فتح باب الغرفه و سكره بقوه و ياخذ نفس بقووه
فارس حاط رجل على رجل و فاتح لاب بتوبه و لابس نظارته : بشويش خلصت الاكسجين
دخل الحمام سفهه ولا كانه كلمه

في مكان ثاني كندا .!
مشاعر : سجلت ولا باقي
محمد بطفش و ينسدح ع الكنبه :لاحق لاحق تونا بدري
مشاعر : وش تونا بدري محمد انت لازم تكون معك شهاده
محمد يجلس ع الكنبه : مشاعر عندي فلوس الدنيا مو مهم الشهاده
تحط ايدها على خصرها : ي شيخ احلف بس انت انت بدون شهاده بتروح هالفلوس كلها خلك جدي كل سنه تقولي راح علي التسجيل
محمد يبيها تسكت : طيب ي روح محمد ولا يهمك من يجي الصباح و انا اكون بالجامعه
مشاعر : سلك لي سلك حيوان كبير


فرنسا
حتي اللي ماجو معهم وصلو كلهم على العشاء الكل مجتمع
و ازعاج و سوالف و صوت الملاعق
متراس الطاوله ابو بندر و ياكل بهدوء
:الماسه
الماسه التفتت على عمها و الكل سكت يشوف وش يبي عمها منها
ابو فارس و يعقوب يعرفون وش بيقول
:سم عمي
و عيون تراقب الماسه بعشق
سجلتي بالجامعة او باقي
الماسة : لا باقي
ابو بندر : سجلتك و خلصت بتروحين مع يعقوب لكندا
الماسسه تضرب الملعقه على الطاولة : كييف كذا ليييه انا مالي راي ولا كيف كيييف تسوي شي من راسك ولا تاخذ رايي بشي
بندر :لا ترفعين صوتك على ابوي
ابو بندر : بندر خلك برا الموضوع .. انا ما كملت كلامي اسمعيني لنهائيه
مريم بتروح معك و نقلنا كل شي وهناك تخصص مريم زين بكندا
مريم التفتت على الماسه بعدها على يعقوب
مريم بهدوء وتناظر يعقوب : يعقوب تكلم قول شي مصعب تكفى تكلم
مصعب منصدم , بندر يفكر كيف عشقه بيروح لدولة ثانيه مو معهبنفس الديره ولا جنب البيت
ديمه منصدمه والكل الل على الطاولة منصدمين
ابو فارس : وسعو صدوركم هالشهر هنا ولا تخلون شي بخاطركم والله يسهل عليكم احنا بنرجع السعودية بعد شهر و انتو لكندا
ترجع الكرسسي بققوه صدر صوت مزعج و تصقع ب ايده الططاوله و بصوت عالي : مو عششان ابوي مات تمشوني على كيفكم
ديمه تمسك الماسه و تجلسها : بعدين نعرف وش السالفه اهدي شوي
الماسسه تبعد ايدها : أي سالفه أي بطييخ بعد انتي جايبيني هنا بالقوه عشان تحطوني امام الامر الواقع
نواف : الكل يتمنى اللي انت فيه الحين محد قدك بتدرسين برا هذ مريم ما سوت مثلك ولا صارخت
الماسه بحماس بدون ما تحس: كييييييف انت تقارني بمريم و مين مريم انا من لحمك و دمك تقولي انت مررررريييييم
يعقووب بصصصصصوت عاليي: الماسسسسسسسسسسه انقلعي فووووق ولا اششوف وجهك
مرييم بكل هدوء تقوم : الحمدلله شبعت
ابو بندر : مريم مررريييييم
نوره قامت وراها تعرف انه الموضوع حساس جدا بالنسبه لمريم و للعائله كلها





نهاية البارت
توقعاتكم
مين مريم ووش تصير .!
مشاعر و محمد بيدخلون بقوه بالبارت القادم
شخصيات جدد بالبارت القادم
[/size]


الرد باقتباس
إضافة رد

مثل ما عمر الشيب مايرجع شباب انا لا كرهت ما ارجع احب/ بقلمي

الوسوم
مايرجع , الصحة , ارجع , شباب , كرهت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
اخبار الامطار والزلازل والبراكين في العالم تحديث مستمر ! بدرالتميمي أخبار عامة - جرائم - اثارة 803 22-11-2016 07:50 PM
متابعة الامراض الخطيرة والاوبئة القاتله كورونا ايبولا انفلونزا الخنازير والطيور ! "عطر المساء" أخبار عامة - جرائم - اثارة 463 17-11-2016 10:23 AM
فطوركم فلسطيني بنــت فلسطيــن مطبخ حواء - أكلات - معجنات - حلويات 26 01-08-2015 12:51 AM
اضحى الثناء من بعد الشيب ذميما .. تاليفي الْثلجْ خواطر - نثر - عذب الكلام 29 11-05-2015 10:58 PM
كيف يحقق اﻹسلام الصحة النفسية R.eham مواضيع إسلامية - فقه - عقيدة 5 20-03-2015 07:04 PM

الساعة الآن +3: 11:27 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1