عرض نتائج التصويت: رأيكم بالرواية ؟؟
رائعة جدا
0%
0
رائعة
0%
0
لا بأس بها
0%
0
غير رائعة
0%
0
فاشلة
100.00%
1
faisal.4o ©؛°¨غرامي جديد¨°؛©

الشخصيات :-


عائلة ابوسلطان
ناصر ابوسلطان : عمره 55 سنة معه مصنع هو واخوه ابويزن
غلا ام ناصر : عمرها 50 سنة متواضعة واهم ماعندها ولدها الوحيد سلطان
سلطان : عمره 29 سنة يشتغل مع ابوه في المصنع عيونه عسليه ورموشه كثيفه متزوج من سنة عن علاقة حب
ملاك : عمرها 24 سنة زوجة سلطان عيونها واسعه وعندها غمازة في خدها اليمين



عائلة ابويزن
سالم ابويزن : عمره 48 سنة ويشتغل مع اخوه ابوسلطان في المصنع
بدرية ام يزن : عمرها 42 طيبة وحنونه مع عيالها وتحب زوجها ابويزن حب لايوصف وكمان تحب عيالها
نوره : عمرها 22 سنة عيونها رمادية وشعرها طويل لونه بني تدرس في الجامعه محاسبة
يزن : عمره 19 ملامحه جذابة يدرس هندسة كهربائية ويحب اخته ريم اكثر من باقي اخوانه
ريم : توأم يزن عمرها 19 سنة عيونه رمادية مثل اختها نوره وشعرها قصير وتدرس فالجامعه مع نورة محاسبة
عبدالرحمن : عمره 17 سنة عيونه عسلية و رموشه طويلة وعنده غمازات يدرس 2 ثانوي واهم شيء عنده السوني والكوره



عائلة ابوبندر
حسام ابوبندر : عمره 57 سنه عنده شركة فنادق فالشرقية ومنها 3 فنادق في دبي ومتزوج ام بندر اللي تعرف عليها في دبي قبل 30 سنة
شريفة ام بندر : عمرها 56 سنه مرحة وتحب المزح بس وقت الجد جد
بندر : عمره 32 سنة عيونه عسلية وشعره اسود داكن وماسك ادارة فنادق ابوه في دبي
فارس : عمره 25 سنة طالع على اخوه عيونه عسلية وشعره اسود داكن ويشتغل مع اخوه بندر في دبي وعنده بعض العقارات خاصة فيه
العنود : عمرها 18 سنة شعرها بني فاتح وقصير وعيونها مثل اخوانها عسلية آخر سنة بالثانوي وطموحها تطلع دكتوره



عائلة ابورغد
نايف ابو رغد : عمره 47 سنة عنده معرض سيارات وفاتح مشغل نسائي وتديره زوجته ام رغد
منيرة ام رغد : عمرها 40 سنة شخصيتها قوية ومعها مشغل نسائي فاتحه لها زوجها تتسلى فيه
رغد : عمرها 22 سنة عيونها واسعه وعسلية ورموشها طويلة وجذابة وشعرها قصير يوصل للرقبتها تدرس فالجامعه تخصص تربية خاصة
مريم : عمرها 21 سنة تشبه اختها كثير الفرق الوحيد ان مريم شعرها طويل الى نص ظهرها وتدرس فالجامعه تخصص طب
لينا : عمرها 15 سنة شعرها صابغته اشقر وعيونها لونها بني وتدرس ثالث متوسط اهم شيء عندها جوالها



منال ام عبدالملك : عمرها 39 سنة
توفى زوجها قبل 5 سنوات وعمرها 34 سنة وساكنة في قطر
عبدالملك : عمره 20 سنة شعره طويل شوي ورموشة كثيفة ويدرس هندسة ميكانيكية في جامعة قطر
وجدان : عمرها 19 سنة شعرها اسود وعيونها زرقاء جسمها منحوت اول سنة لها فالجامعه تخصصها لغة عربية



البارت 1

كان نايم و صحاه صوت جواله اخذ الجوال ورد بصوت كله نوم : نعم
ابوسلطان : باقي نايم والاجتماع نسيته تراك اخرتنا
سلطان : اوه نسيت الحين اخذ شور واجيكم
ابوسلطان : لا تأخر حنا بنتظارك
وقفل
عند سلطان
قام من سريره وطالع في ساعته كانت الساعه 9:30 واخذ شور سريع وبدل ملابسه ونزل
وهو نازل مع الدرج قابل ملاك طالعة فوق باسها على خدها
سلطان : انا طالع حياتي تبين شيء
ملاك : سلامتك وانتبه على نفسك
طلع وركب سيارته وراح متجه للشركة
------------- عند نورة وريم -----------
كانت قاعده تصفح المجلة
نوره : ريم وش رايك اقص شعري مثل ذا اللي فالصورة
ريم : انتي صاحية لا وش تقصينه خليه كذا احلى
نورة : والله مدري احسه صار يضايقني
صوت ام يزن ينادي : ريم
ريم : هلا يمة
ام يزن : روحي ليزن يقول يبيك في حاجة
ريم : ان شاء الله يمه ونزلت لأخوها
--------- عند يزن ----------
كان منسدح على السرير ويقلب بجواله ودخلت عليه ريم
ريم : السلام عليكم صصباح الخير ✋
يزن : وعليكم السلام صباح النور اخبارك 😘
ريم : الحمدلله تمام وش تبي مناديني
يزن : سلامتك بس انتي فاضية ولا مشغولة 😄
ريم : فاضية
يزن : اجل وش رايك نلعب سوني 😥
ريم : اوك 😄.
.

البارت 2
يزن : اجل وش رايك نلعب سوني
ريم : اوك
وقعدوا يلعبون الى أذان الظهر،
------------ عند ام عبدالملك في قطر ------------
كانت جالسة فالصالة وتقلب ع Tv وجات وجدان وجلست جنبها : يمه نبي نروح لخوالي فالشرقية من توفى ابوي ما رحنا لهم 😢
ام عبدالملك : بس اخوك مشغول على نزلت عبدالملك من فوق وسمعهم : لا يمه لا مشغول ولا شيء عندي الأسبوعين هذي فاضية ماعندي شغل
وجدان : سمعتي يمه ماعنده شيء
ام عبدالملك وكأنها بدأت تقتنع : الله يصبرني عليكم انتوا تدرون ما اقدر ارفض لكم طلب
وجدان قامت تبوس راس امها : الله يخليك لنا ي احلا ام بالدنيا
عبدالملك في نفسه : اخيراً بشوفها لي 5 سنوات ماشفتها ولا سمعت صوتها 😍
ام عبدالملك : عبدالملك عبدالملك < لاحياة لمن تنادي
وجدان دقت عبدالملك : هيي امي تناديك لها ساعه
عبدالملك : هااه
وجدان : امي تناديك ماسمعتها
عبدالملك : هلا يمه
ام عبدالملك تبتسم : ما ودك تقول شكرا
عبدالملك ابتسم : شكراً الله يخليك لي ي تاج راسي،
------------- عند ابورغد بالتحديد فالصالة -------------
مريم جالسة على الأيباد ولينا على جوالها دخلت عليهم رغد : محد شاف ساعتي الذهبية
مريم : اخر مره شفتها يوم كنا عند عمي حسام ( ابوبندر)
رغد تذكرت يوم كانوا عند ابوبندر انها دخلت غرفت فارس تحسبها غرفة العنود ونزلت ساعتها عالطاولة وكانت تزين شعرها لين سمعت صوت رجال ينادي من دورة المياه (يكرم القارئ ) : العنود الععنووود
رغد طلعت من الغرفة بسرعة وهي ترجف وقابلت العنود : مين هذا اللي يصارخ داخل غرفتك
العنود ميته من الضحك : هذا فارس وبعدين هذي ماهي غرفتي هذي غرفة فارس
رغد قامت تضحك على نفسها 😂
ومريم تطالع فيها بـ استغراب : شفيك تضحكين مع نفسك الله لا يبلانا 😒
رغد رمت عليها الخدادية وهي تضحك : مالك دخل
وطلعت لغرفتها تكلم العنود ،

البارت 3
رغد رمت عليها الخدادية وهي تضحك : مالك دخل
وطلعت لغرفتها تكلم العنود،
------------- عند ابوبندر في غرفة العنود ------------،
دق جوالها وهي كانت تبي تنام اخذت جوالها و ردت : هلا
رغد : اهلين فيك اخبارك
العنود : والله بخير الحمدلله اخباركم انتوا
رغد : والله كلنا طيبين الحمدلله اخبار عمي وعمتي
العنود : ابشرك كلهم طيبين
رغد : بغيت اسألك ساعتي الذهبية عندكم
العنود : لا وش يجيبها عندنا
رغد : إلا انا نزلتها في غرفة فارس
العنود بأستغراب : غرفة فارس !!
رغد : ايه يوم دخلت غرفته احسبها غرفتك
العنود تذكرت وقامت تضحك
رغد : وجع لا تضحكين
العنود باقي تضحك : والله يارغد لو انك شفتي وجهك ذاك اليوم 😨
رغد ضحكت : الله يرجك المهم دوري لها واذا حصلتيها جيبيها
العنود : نننععم
رغد : وش فيك ؟؟ العنود : اصغر عيالك انا عشان اجيبها لك بدور لها واذا حصلتها بدق عليك
رغد : الله يسعدك
العنود : يالله انا ابي انام صاحية من بدري
رغد : الله يحفظك
وسكرت الجوال ونامت،
----------- عند رغد -----------،
بعدما سكرت من العنود لبست بجامتها ونامت
في يوم جديد،
----------- عند ابوبندر الساعه 5 العصر -----------،
كانوا جالسين فالصالة ابوبندر وام بندر والعنود ابوبندر قام : شريفة تعالي معي ابيك بموضوع
شريفة ام بندر : ابشر
وقامت معه ،
----------- في مطار قطر ------------،
كان عبدالملك وام عبدالملك ووجدان فالمطار بنتظار رحلتهم بعد ماخلصوا إجراءات السفر في صالات الأنتظار
وجدان : يمه منو بيستقبلنا في الشرقية
ام عبدالملك : والله مدري بكلم عبدالملك إذا جاء يدق على اي واحد من عيال خوالك يستقبلنا
جاء عبدالملك : السلام عليكم
ام عبدالملك و وجدان : وعليكم السلام
ام عبدالملك : عبدالملك يمه دق على اي واحد من عيال خوالك يستقبلنا
عبدالملك : من عيوني يالغالية
ام عبدالملك : تسلم عيونك
عبدالملك : الحين ادق على يزن

البارت 4،
---------- عند ابو يزن ----------
كان الكل مجتمعين فالصالة يسولفون دق جوال يزن اخذ جواله ورد : هلا عبدالملك
عبدالملك : هلا فيك كيف حالك
يزن : بخير ابشرك يالقاطع
عبدالملك يضحك : تعرف مشاغل الدنيا
يزن : خمس سنوات ماشفناك كلها مشاغل اللي يسمعك يقول نص العالم بأسمك
عبدالملك : عشان كذا انا متصل فيك
يزن : امر وش بغيت
عبدالملك : ما يامر عليك عدو حنا جايين ان شاء الله ونبيك تستقبلنا
يزن : ابشر يولد العمة حنا تحت امرك بس متى موعد الوصول
عبدالملك : والله مدري بس اتوقع وصولنا بعد المغرب
يزن : اوك انا اصلا بصلي المغرب فالمطار
عبدالملك : الله لايهينك تعبناك معنا
يزن :اي تعب الله يهديك اللي يسمعك يقول بجيكم كعابي
عبدالملك يضحك : الله يوفقك تامر خدمة ولا شيء
يزن سلامتك وتوصلون بالسلامة
عبدالملك : الله يسلمك
وقفل جواله
ابويزن : وش يبي عبدالملك
يزن : سلامتك يبه بس هم جايين ويبيني استقبلهم من المطار
ابويزن : اي والله زين انهم جايين
ام يزن : صادق لنا 5 سنوات ماشفناهم
ريم : وربي مشتاقة لوجدان اخيراً بتجي
نوره : اي والله مطولين منهم
ابويزن : اجل الليلة نسوي عشاء بمناسبة وصول ام عبدالملك ولا شرايك يابدرية ( ام يزن )
ام يزن : اللي تشوفه
ريم : بروح ادق على العنود اقول لها ان عمتي جاية وان فيه عشاء الليلة،
--------- عند ابوبندر في غرفتهم ----------- ،
ابوبندر : اسمعي ياشريفة بندر صار رجال وش كبره وعمره وصل 30 وللحين ماتزوج
ام بندر : والله بندر ماكلمني بخصوص هذا الموضوع وانا احسب ان في باله وحده
ابوبندر : دقي عليه وافتحي معه الموضوع و اسمعي رده عالموضوع
ام بندر : ان شاء الله،
--------- في غرفة فارس -----------،
كان يجهز اغراضه لأنه بيسافر بعد يومين لدبي
دخلت عليه العنود
العنود : السلام عليكم
فارس : عليكم السلام وش عندك 😶
العنود : بغيت اسألك عن ساعه ذهبية انت شفتها
فارس : اي كانت عالطاولة واخذتها واعطيتها امي بس اول مره اشوفها
العنود : الساعه ماهي لي لرغد بنت عمي نايف
فارس مستغرب : رغد !! وش يجيب ساعتها عندي
العنود حكت لفارس السالفة كلها
فارس يضحك : ياحليلك يارغد 😂
العنود بنظرات خبث : وش تقول ياحليلك يارغد هاااه 😒
فارس يضيع الموضوع : اقول وش اخبار دراستك ،
،
رايكم بالبارت ؟.
.
اكتبو توقعاتكم 😘

للمتابعة باقي الرواية على حسابي في الأنستقرام F.novel
وهذه اول رواية اقوم بكتابتها وارجوا ان تحوز على رضاكم وشكرا

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1