ابـتـل ©؛°¨غرامي جديد¨°؛©


بتول : حاضر
فارس لف وطالعها وراح لها ومسك كتوفها : كحكح تكفين ماعاد ابي اسمع هذي الكلمه مره ثانيه
بتول ضمته : من عيوني كم فارس عندي
فارس ضمها وباس راسها وطلع فوق : واحد اكيد
بتول طالعته لين اختفى : الله يخليك لي ويطول بعمرك
وطلعت الثوب وراحت للجناح

عند ديم وريم ولوجين
لوجين : بنات شرايكم نمقلب بتول
ديم وريم : قدااام
لوجين : دقايق وبجي
نزلت وسحبت شنطه بتول وراحت لجناح ديم ودخلت
ريم : ووش بنسوي بالشنطه
لوجين : نطلع البلايز ولا البناطيل ؟
ديم : البناطيل صعبه كيف نلقى مقاسها البلايز احسن
لوجين : ايه صح تقدر تلبس من اي وحده مننا
ريم : طلعيها بسرعه قبل ماتحس
قامت لوجين وطلعت كل البلايز
لوجين : وين احطها
ديم : حطيها بدولابي
حطت البلايز بالدولاب وسكرت الشنطه ونزلت وحطتها مكانها
ريم : ديم عادي تنزلين عبايتي معك
ديم : يب
ونزلو ريم وديم

عند بتول
دخلت للجناح وراحت للغرفه
بتول : تراني حطيته على السرير
فارس : عادي تجين شوي كح كح
بتول دخلت الحمام : امر يابعدي
فارس : عادي تحددين لي ماقدرت كح كح يدي ترتجف
بتول : اوكي عطني الموس
فارس : خذي كح بس لاتجرحيني
بتول : تحسسني اني اول مره احلق
فارس : لا بس
بتول قاطعته وهي تلف راسه : لاتتكلم
وبدت تحلق : اذا بتكح امسك يدي عشان ما اجرحك
ربع ساعه وخلصت
بتول : نعيماً
فارس يمسح وجهه بالفوطه : ينعم عليك كح كح
دخل يده بشعرها وباس رقبتها
بتول بعدت عنه على طول : يعععع يادب -ولفت تغسلها بمويه-
فارس ببتسامه : امنيتي ابوس رقبتك كح ولا تسوين كح لي مشاكل
بتول تسكر المويه : امنيتك ماراح تتحقق ما احب هالحركه ياخي
فارس يمسح رقبتها بالفوطه : بس انا احبها
بتول : مشكلتك حاول تكرها
فارس ابتسم لها وطلع
بتول خنقتها العبره وعيونها مليانه دموع
وتكلم نفسها ( لاتبكين قدامه لا تخلينه يضعف لاتنسين وعدتي نفسك مايشوف الا ابتسامتك )
مسحت دموعها احم اححم وطلعت من الحمام يالله ترا تأخرنا
فارس : ثواني وانزل حبي
نزلت وشافت ديم تلبس ريم عبايتها ولوجين تلعب لين راحت ولبست عبايتها ونادت على اتباعها ونزل فارس وركبو الشناط وركبو
بتول قدام ومعها لين وورا ريم وديم ولوجين ووراهم اسامه وسامي
فارس وقف عند بقاله : وش تبون
ديم وريم ولوجين : شبسات وفطاير وعصيرات وغازيات وشكلاتات ووووووووووووو
فارس يطالعهم : اكتبو طلباتكم وارسلوها لي كح كح
لوجين طلعت جوالها وبدت تكتب تقريباً اللي طلبوه يكفيهم سنه
فارس : سامي واسامه تبون شي ؟
سامي : no شكراً
فارس يطالع بتول الهاديه : وانتي بتول بتول كحكح -ومد يده قدام وجهها- نحن هنا
بتول : هلا
فارس : فيك شي ؟
بتول : لا ليش
فارس : طيب تبين كحكح شي من البقاله ؟
بتول : لا يعطيك العافيه
فارس دخل للبقاله وطلع معه اكياس كثيره ركب للسياره وعطاهم للمجنن
وانطلق بعد 45 دقيقه
فارس لف وشاف كل المجنن نايمين
فارس : بتول فيك كح شي ؟
بتول : لا ليش ؟
فارس : كحكح اجل ليش ساكته ماتكلمتي
بتول بكذب : فيني النووم
فارس : طيب نامي لين نوصل كح
بتول : لا بس ياليت لو تاخذ لي قهوه
فارس : ابشري
بتول ابتسمت ولفت للشباك وشافت الشارع فاضي نزلت لثمتها ولحفت لين اللي نايمه على صدرها وقصرت على صوت الاغاني
فارس : ليش
بتول : نقصر عليها ربع ساعه وبعدين نعلي الصوت ونشغل اغنيه ونخرشهم هههههههه
فارس : كحكح ههههه بس يبي لها تصوير حرام تروح كذا
انتظرو ربع ساعه بتول طلعت جوالها : يوووو شحن جوالي بيخلص بالله عطني جوالك اصور فيه
فارس عطاها جواله وبتول بدت تصور وحطت يدها على اذن لين عشان ماتخاف
فارس : اشغل ؟
بتول : ههههه يب
وشغل اغنيه اجنبيه والصوت مره عالي ديم فزت منخرعه وطاحت على رجل ريم وريم من الالم والخوف ضربت عين لوجين اللي منخرعه وبتول وفارس ميتين ضحك بعد خمس دقايق من الضحك وتحلطم المجنن
بتول وقفت التصوير وتمسح دموعها : وربي اشكالكم هههههههههههههههههههههههههههههههههههه ايي يابطني حسبي الله على ابليسكم هههههههههههههههههههههههههههههههه
لوجين : كلي تبن يالدبا عيني تعورني
ريم : وانا وش اقول عن رجلي اااااييييييي
ديم : الحمدلله ماجاني شي
فارس يأشر لبتول انه بيلف بقوه وبتول فهمته وتمسكت ومسكت لين بقوه
ولف بقوه وصقع راس ديم بالشباك
فارس وبتول : هههههههههههههههههههههههههههههههههههههههههههههههههه ههه
بتول : خلاص تكفون بطني تقطع هههههههههههههههههههههههههههههههه
فارس : كح كح كحكح كح كح كح كحكح
بتول اخذت علبه ماء وفتحته وعطته : سلامتك اشرب
فارس اخذه وشرب : تسلمين
بتول ابتسمت
10 دقايق ووصلوا
فارس : يالله دحدروا
بتول تصحي لين : لين لين حياتي
وفتحت الباب ونزلت لين وجت بتنزل فارس مسك يدها وضغط عليها بمعنى انتظري
بتول : سامي حبيبي اخذ لين وروح مع عماتك داخل شوي واجي وانتبه للين
سامي : طيب
دقايق على مانزلت ريم وديم ولوجين يساعدونها
فارس نزل لثمتها : خليني اشبع ناظري لان بعد ماتدخلين من هالباب ماراح اقدر اشوفك كح كح
بتول بأبتسامه : اهم شي انا اقدر اشوفك -وطلعت لسانها-
فارس ابتسم وقرب لها وباس خدها
بتول : فارسوه لحد يشوفنا عيب
فارس : لا تخافين مافيه احد غير كح جدي وجدتي كح الباقي مايجون الا الظهر
بتول : لا يمكن هالمره احد جاي بدري
فارس ابتسم ورفع حاجبه : بلا اعذار كحكح- وقرب بيبوسها-
بتول : بعد عني
فارس قريب مره لها و بأبتسامته : ليش
بتول : لاني لاني حطيت روج
فارس رفع حواجبه : اها
مد يده لورا راسها وقربها له وباس شفايفها وعض شفتها عضه خفيفه وبعد عنها
فارس : عقاب لكذبك كح
بتول وجهها صار احمر و تلثمت ونزلت للمزرعه
فارس تنهد ورجع مرتبته لوراء وحط يدينه تحت راسه وسكر عيونه
بتول دخلت للمزرعه ووقفت عند الباب مرره كبيره والابواب كثيره وماتدري وين تروح وجوالها مافيه شحن مالها الا ترجع لفارس رجعت وطلت عليه من الشباك شافت كيف مرجع المرتبه لورا وواضح انه مهموم فتحت الباب وركبت بالمرتبه اللي وراه وجلست تلعب بشعره
فارس بدون مايفتح عيونه :كح ليش رجعتي ؟
بتول تلعب بشعره وبمزح : ابي بوسه ثانيه
فارس فتح عيونه على وسعهم ورفع راسه لها وهو منسدح : هاه !!
بتول تطل بوجهه : ابي بوسه
فارس مصدوم : من جدك انتي كحكح ؟؟
بتول : اكيد لا بس وش فيه حبيب قلبي مهموم
فارس : ياخي كيف بصبر 3 اسابيع يمكن بس اشوفك مرتين ومن تحت لتحت كحكح ولو يدري جدي بيزعل ياخي صعبه
بتول ابتسمت : كذاب مو عشان كذا
فارس كاشفتني :
بتول : وش عندك تكلم
فارس تعدل بجلسته وصار يطالعها : والله كحكح مافي شي مكدر خاطري غير هالموضوع وموضوع ثاني كح
بتول : واقدر اعرف هالموضوع وش ؟!
فارس تنهد : اسمعي انا واحد جدتي تكرهني ولا اعرف السبب كح ودايم تعاملني غير عن عيال عمي وعيال عماتي ودايم هي وجدي يتهاوشون على هالموضوع كح كح جدي مارضا احد يرفع صوته علي وجدتي كل ماشافتني صرخت علي كح وانا والله خايف عليك منها انا يالله متحملها وهي جدتي كح كح كيف انتي
بتول : اها كذا يعني
فارس : شرايك نرجع البيت ؟؟
بتول : لا وين نتعوذ من الشيطان الحين وننزل ونشوف اخرتها
فارس اخذ نفس طويل : ماقلتي لي وش رجعك كح كح
بتول : ماعرفت اي باب فيهم قسم الرجال
فارس : طيب يالله مشينا
نزلو ونزل الشناط بتول مشت مع فارس وصلها عن الباب
بتول : ماراح تدخل تسلم على جدتك
فارس : مو لازم
بتول سحبته ودخلت نزلت عبايتها وضبطت شكلها
فارس : يااااولد
الجد من سمع صوته فز : هلا هلا حيااك مافيه احد
دخل فارس وبتول وراه ببتسامتهم
اول مادخل الجده صدت والجد بانت انيابه من الفرحه
اول ماوصل فارس عند الجد ضربه بعصاه
فارس : هههههههههه كح كح افا هذا استقبالك لي
الجد بعتب وزعل : تستاهل يالتسلب هذا اللي مايمر جده
فارس : ههههههه عشان كذا بس زعلان ابشر ثلاث اسابيع بوجهك كح كح ولا تزعل
الجد بأهتمام : وش بك يابعد روحي وراك تكح
فارس يموت بجده : لا تخاف كح حساسيه بالصدر
الجد سحبه وضمه فارس يشم ريحه العود اللي ماتغير من سنين بحضن جده
فارس باس راسه ويدينه : بشرني عنك كيفك
الجد : بخير يالله لك الحمد انت بشرني عنك وعن علومك
فارس : بخير الحمدلله كحكح
وترك جده وراح يسلم على جدته باس راسها وهي جالسه ومسك يدها بيبوسها وسحبتها
فارس بأبتسامه صفرا : شلونك ياجده ان شاء الله بخير كحكح
الجده بطرف خشمها : بخير بخير
فارس يضيق صدره من تعامل جدته لف وشاف بتول تضحك مع الجد عرف ان فضايحه طلعت وابتسم وراح لهم
الجد : اححم احمم

ابـتـل ©؛°¨غرامي جديد¨°؛©


بتول : هههههههههههههههههههه
فارس : اكيد كح طلعت فضايحي
الجد وبتول : ههههههههههههههههه
فارس : والله اني حاس كحكح كل من شافها طلع لها من الماضي الاسود
الجد : تستاهل هههههههههه
فارس : جعلني فدا ضحكتك
الجد : تسلم يابوك مزنه مزززززززنه
فارس : هههههههه للحين ماسافرت
الجد : لا للحين لاهي ولا حفصى والباقي سافرن جعلهن للماحي
مزنه : امر تال = طال امرك
الجد : حوذي الشناط ووديهن للغرف
مزنه : ابشر ياتويل = ياطويل الامر =العمر
فارس وبتول انتظرو لين طلعت وانفجرو ضحك : هههههههههههههههههههههههههههه
فارس : كحكح وش ذا من متى صارت تتكلم كذا
الجده : وجعن يوجعكم صدعتو راسي من ضحككم
فارس عرف ان الحرب بتقوم : تعال ياجد نسولف برا
الجد يأشر بعصاه لها : وجعن يوجعك انتي يالعجوز ولا عاد اسمعك تدعين على ولدي
الجده : تدعي علي عشان ذا
فارس سحب جده لبرا
الجد : ايه ادعي عليكك انتي واهللككك
بتول ماصارت تسمع له صوت يعني طلعوا
راحت للباب بتطلع للمجنن
الجده : الواحد يستأذن قبل يطلع ولا مافيه احد مالي عينك
بتول : لا حشاك ماليه عيني اكيد بس عن اذنك بروح ارتاح تعبانه من السفر
الجده بتكشير : روحي روحي -وتتمتم بكلام مافهمته بتول-
طلعت بتول الا خدامه لبنانيه بوجهها
ماريا : مرحبا بك هون ممكن تعرفيني على اسمك
بتول : اهلاً بتول
ماريا : ممكن تتبعيني منشان افرجك على اوضتك
بتول تاخذ عبايتها : اكيد
وراحت وراها للدور الثاني بقسم منعزل وكله ابواب غرف مرقمه وصلتها لـ غرفه لشخصين رقم 21لقت شنطتها راحت تشوف الشباك وش يطل عليه فتحت الستاره ووضح الشباك الكبير يطل على زرع وشافت الجد وفارس يدخلون الخيمه لفت وشافت باقي الغرفه كراسي وطاوله وتلفزيون ثلاجه صغيره مكيفين ودوره مياه
رتبت اغراضها بالدولاب وشحنت جوالها اول ما اشتغل ارسلت للمجنن يجون عندها ثواني وسمعت ازعاج والباب ينفتح بدفاشه
بتول : اعقلو عيب عليكم
ديم : بنااات غرفتها على القسم الرجالي
لوجين راحت تركض للشباك وريم وراها بالعكاز وديم تمشي جنبها
بتول : وش تخربطون انتم اي قسم رجالي
ريم : حظظظظظظك بالسماء من كان عمري 11وكنت اتمنى جدي يعطيني هالغرفه
بتول : ووش الفرق
لوجين ضربتها على راسها : يابقره شباكك على القسم حق الرجال يعني حق اوادم من الجنس الذكري
بتول : طييييب !
ديم : يعني تقدري تتفرجين عليهم كنا نقول لجدي نبيها وكان يرفض يقول توكم بزران اذا كبرتو عطيتكم وهذانا كبرنا ويقول للحين بالمراهقه ووقتها عرفنا ان مافيه امل
بتول ببرود : حسبت عندكم سالفه
المجنن : ايييش ؟
بتول : تعالو اسمعوني الحين بدال ما انتم لازقين بالشباك
ريم تقول لديم بهمس : بالله سجلي واضح ان فيه درر بتطلع
ديم : شاحني 3
ريم بنفس الهمس : لوجيي
لوجين بهمس : نعم
بتول : وش عندكم
ريم بهمس للوجي : سجلي كلامها بالله
ديم : ولا شي
بتول : طيب تعالو
راحو وجلسو قدامها على السرير الثاني
بتول : انتم توكم مبزره وتدورون الرجال وعشان كذا ميتين على هذي الغرفه اما انا فمتزوجه وعندي واحد بحياتي ولا افكر حتى اطل بوجهه غيره عشان كذا جدكم تفكيره 100٪
ريم بقصد : من زين زوجك عشان ماتطلين بغيره
بتول : اول شي ماطلبت رايك بزوجي ثاني شي انا معجبني وميته عليه واحبه
لوجين : اووووخس ياروميو وجولييت خفي علينا ترا الرجال مايملي عينهم شي
بتول ببتسامه : يعني
لوجين : يا يطلقك او يتزوج عليك
بتول : الشرع محلل 4 مو وحده ولا 2
ديم : من جدك عادي عندك
بتول : اذا عنده سبب مقنع حياه انا اخطب له
خلص تسجيل الواتس وطلع صوت
بتول طيرت عيونها : يالحيوانه تسجلييين
ونطت على لوجين تشوف ارسلتها لمين وحرب وهواش
لوجين انحاشت : ارسلتها لروميووو
بتول : يالحيواااانه
وتلحقها ووراها وراها لحد ماشافت الجد بوجهها
بتول ارتبكت وابتسمت ابتسامه عبيطه
فارس جالس بهدوءه ابتسم على ابتسامه بتول
الجد بعصبيه على لوجين : يازفت الطين -ويضربها بعصاه- ماقلت لك الف مره لاتجين عند الرجال
لوجين تنحاش منه بالخيمه : بس مافيه احد
الجد : وانا وش قدامك
لوجين بورطه : مو قصدي انك مو رجال بس خلاص تعبت بجلس تكفى طلبتك تعبت من الركض
الجد بعصبيه مصطنعه : اجلسي اشوف وفسري كلامك اللي مثل وجهك
بتول جلست جنب فارس وتعلقت بيده عشان تضمن انها ماتنضرب بالعصاء
لوجين تاخذ انفاسها : ان .. انا ..... انا ماكان قص..قصدي
فارس رما عليها عبله ماء : اشربي وارتاحي وبعدها فسري كحكح
بتول بهمس لفارس : ابي جوالك
فارس بتعجب : ليه
بتول : ابي ارسل لي مقطع مقلب المجنن
فارس طلع جواله من جيبه لوجين شافته
لوجين : لا تعطيها لا تعطيها
فارس : ليش كحكح
بتول سحبته وانطلقت
لوجين بسرعه : فيه فضيحه لها اسمعها بالله لايروح تعبي على الفاضي
فارس حس بفضول وقام وراها بتول شافته طلع ركضت بس تبي تمسحه قبل ياخذه
فارس شافها تركض وركض ورها وش الشي اللي ماتبيني اسمعه
ركضو 3 دقايق وقربو يوصلون الاخير صارو بمكان كله ورد وزرع وشجر ونخل
فارس تعب وجلس وصار يكح بقوه بتول رجعت له بخوف
بتول : فارس فارس حاول تاخذ نفس منتظم فارس حاول تنظم تنفسك
فارس ياخذ هوا بس مايحس بأكسجين ف تعوره رئته ويطلعه بالكحه
بتول تضغط اصابعها بخوف : فارس مانفع معك
فارس يهز راسه وهو يكح ب "لا"
بتول راحت من وراه ويد سكرت فيها فمه ويد سكرت فيها انفه
بتول : انا بتركك بس لاتاخذ نفس بسرعه وكتمت نفسه لثواني وبعدت يدها عن انفه
بتول : خذ نفس شوي شوي
انتظرت دقيقتين تراقب تنفسه شافته طبيعي رمت نفسها بحضنه وهي تبكي فارس ضمها يهديها شاف يده اللي كان حاطها على فمه وهو يكح مليانه دم سحب شماغه اللي على الارض ومسح فيه عشان ماتشوفه بتول مسك يدها اللي سكرت فمه فيها وشاف فيها دم فردها عشان يمسحها بتول رفعت راسها عن صدره بتشوف وش يسوي وفارس ثبت راسها
فارس عشان نفسيتها ماتتعب : لا تطالعين
بتول احترمت رغبته وماشافت وش يسوي بس تبكي خايفه من الحال اللي وصل لها فارس
فارس خلص من يدها مسح فمه قام ومسك يد بتول يقومها
بتول تحاول تهداء : ابجلس شوي مافيني حيل اقوم
فارس : طيب بروح ثواني وبرجع كحكح
راح لاقرب براده وغسل فمه ووجهه شاف شماغه مو واضح الدم فيه لانه احمر حطه على كتفه ورجع شاف جواله بالارض اخذه
وجلس عند بتول وحطها بين رجوله وسند ظهره على الشجره وبتول ظهرها على صدره
بتول شافته يطقطق على جواله قامت
فارس : وين كحكح
بتول : برجع عند الحر...يم
فارس فز لها ومسكها : تعالي اجلسي اتوقع نزل ضغطك
جلس تحت الشجره وجلسها على رجوله وضمها لصدره حطت راسها على كتفه بتعب
فارس : ريحي اعصابك حياتي كح كح ماراح يصير الا اللي ربي كاتبه
بتول تنهدت فارس فتح الواتس وشاف رساله من لوجي دخل وشغل المقطع الصوتي
بتول نفسها تقوم بس جسمها مو مساعدها حطت وجهها عند رقبته تنحرج من نظراته
فارس خلص وسكر الجوال
فارس بصرامه : ليش تحبيني !!
بتول اجابه سريعه وواضحه : مادري شي ما اتحكم فيه
فارس : طيب شوفي كم مره مديت يدي عليك كح كح
بتول : وشوف كم مره تغزلت فيني ومشيتني وعشيتني وجبت لي هدايا وسفرتني ليش اشوف السلبيات ترا فيك ايجابيات
فارس : بس انا ما استاهلك
بتول : حتى انا ما استاهلك
فارس : ليش كحكح جمال واخلاق وجسم ويتمناك الف رجال
بتول : ما اعطيك حقوقك كامله متى ماتبيها
فارس : بس هذا كح كح وعشان كذا تقولين ما استاهلك
بتول : وانت بس عشان الضرب وتقول ما استاهلك
فارس : يعني انتي للحين تحبيني مثل قبل كح كح
بتول : لا
فارس :...............


نهايه البارت 30

ابـتـل ©؛°¨غرامي جديد¨°؛©

سبحان الله .. الحمدلله .. لا اله الا الله .. الله اكبر

انصهار الألماس ©؛°¨غرامي مشارك¨°؛©

روووووووووووووووووووووووووووووعه كملي يا بعد تسبدي >>>ههه بحاول اتكلم بالسين والله احب اتكلم كذا بس ما اعرف
روااااايه جمييلة يا جميييلة انتي
اممم فارس يا بعد حييي يااارب ما يموووت والدم يكون مجرد تشققات بالحلق اخخخ لو يموووت ببينفطر قلبي اااه هههههه والله دخلت جو
بتول ويه ويه فديتها حبييتها مررررررررررررررررره
اممم وبعد المجنن خخخخ وااللله عايشين حياتهم
تحياتي

انصهار الألماس ©؛°¨غرامي مشارك¨°؛©

وفاتن وفراس اخخخخ تكفين لا تنسينهم ابد عاد كل شئ إلا هم
طيب حبي عندك وقت محدد لتنزيل البارت وإلا لا ويسلمووووووووو
على البارت الخرااافي

انثىّ ملائكِيہْ ©؛°¨غرامي فعال ¨°؛©

روايـــــــــــــة ابداع
يعطيكـــ العافية على الرواية

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1