غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 02-10-2015, 05:50 AM
صورة كـِفى يـآ شوق الرمزية
كـِفى يـآ شوق كـِفى يـآ شوق غير متصل
©؛°¨غرامي مشارك¨°؛©
 
الافتراضي رد: ابعد عن عيوني ترى جرحك مأذيني,واتركني من طلمك وارجع وجافيني/بقلمي


البارت الثالث
&&&
الرياض
بيت ابو عبدالله
ريما : تصدقين ريناد وقسم مو مصدقه عبود خطب اخيرااا !! ولا بعد اعز صديقاتي والملكه بعد يومين فرحاانه قسسم
ريناد بحقد : ماتوقعتها كذا ياريما وربي ماتوقعتها كذا
ريما بطنازه : وليه ماتوقعتيها كذا ؟
ريناد بعصبيه : دايما اسولف لها عن عبدالله وحبه لجنى وانه للحين مو قادر ينساها وهي تخطط من ورانا بنت الكلب
ريما بصراخ : لاتقولين بنت الكلب بعدين مين اللي راح يخطبها عبدالله ولا هي جات تخطب
ريناد : هي اكيد حشت راس امي هي وامها السوسه انا اعرف امها طماعه
ريما : وانا ادري ان امها تحب الفلوس بس هي عمرها م اهتمت بذي الاشياء ويكون لعلمك انها كانت تحب جنى كثير وانت ادرى
ريناد بسخريه : وااضح كانت تحبها ,, صدقيني كانت تتقرب منها بس
ريما : هه تصدقين عقلك صغير رغم انك اكبر مني الله يعين عزام مدري وشلون بيتحملك لاتزوجتو
ريناد عصبت : انننققلععي من الغررفه واقففلي البباااب
ريما تتحلطم وهي طالعه : ماعرفنا لك والله ,, الله يعينه منن جدد
راحت غرفتها وتركتها
"" اعمار عايلة ابطال روايتي عبدالله ولتين ""
بيت ابو لتين
ابو لتين ميت
خالد : 27 سنه
طلال : 22 سنه يدرس ببريطانيا
هديل : متزوجه وعنده بنت اسمها اسيل عمرها 5 سنوات وولد اسمه فارس عمره سنتين عمرها 25
لتين : 18 سنه بثالث ثانوي
''
بيت ابو عبدالله
تركي متزوج ماعنده عيال عمره : 31 سنه
عبدالله : 29 سنه
ندى : 27 سنه متزوجه ولد خالتها من اربع سنوات وحامل بالشهر الثاني
فواز : 24 سنه
ريناد : 21 سنه مخطوبه
ريما : 17 سنه بعد شهرين تدخل 18 سنه
""
في احدى الشقق
: ههههههههههههههههه شكرا
ابتسم : عفوا ,, متى يجي ابوك
كشرت : يوووه عزوز ليش تذكرني
عبدالعزيز : يالله قولي متى يرجع ؟
: الاسبوع الجاي
عبدالعزيز : هههههههههههههه زوجته معاه ؟
: مدريي بس اكيد راح يجيبها ويقعدون هنا كم يوم وبعدين ياخذني معاه لعمامي كالعاده !!
عبدالعزيز : هه الله يعينك
**********
بيت خالد > ماراح اقول لتين لان الاب قبل مايموت كتب البيت باسم خالد
خالد دخل البيت وشاف طلال : هلا هلا متى جيت
طلال وهو يسلم عليه : مو من وقت طويله
خالد وهو مكشر : ليش تجي ؟
طلال ناظر فيه فتره بعدين قال : هااه !! ليش بجي يعني
خالد : ياخي انا ناقص تشاركني بالغرفه
طلال انفجر ضحك : هالمره مطول للاسف
خالد يمثل الضيق والحزن : ياحسرة قلبي !! متى بتروح ؟
طلال : ههههههههه يمكن مااروح بعد
خالد : لا ف هذي بتروح مستحيل تضيع سنتين وترجع ماتكمل
وجلسو يضحكون ويستهبلون
- بغرفة لتين
كان اليوم خميس وهي ماداومت وتناظر بفستانها الهادي مره وشكله حلو وحق ملكة عائليه لان ماراح يجون الا اخوالها بما انه ماعندها الا عمه بس وماتعرفها يعني بالسنه حسنه تجيهم ومستحيل تجي الملكه هذا اذا تدري اصلا وبعد اهل عبدالله وعمامه
نزلت دمعه من عينها ومسحتها بس سرعان مارجعلها تفكيرها وسرحت وهي تقول : ليه خطبني ؟ وهو اكيد مانساها
**********
يوم الملكه ,, بيت خالد
كانو الموجودين خوال لتين وعبدالله واهله وعمامه
ريما وبنات خالة لتين ملاك وميهاف كانو جالسين فغرقة لتين ومحد كان ملاحظ حزن لتين الا ريما
بعد دقايق جات ام لتين وواضح بوجهها الفرحه : لتين يمه تعالي الشيخ يبغى ياخذ موافقتك
قامت لتين وراحت مع امها وسمعت الشيخ يسألها اذا هي موافقه ولا لا ,, ماردت ولا قالت اي شي
همست لها امها : المملك يسألك
لتين بهدوء : اا موافقه
تمنت تموت ولا تقول موافقه ,, حست اطرافها بردت وصارت ترتجف وهي ماسكه يدها بقوه
بعد دقايق جا خالد ومعه الكتاب عشان توقع
اول ماشافته نزلت عيونها بسرعه والدموع بدت تتجمع بعينها
همست لامها : ي..يمه مااب..غ..ى
ام لتين بهمس : اشش يلا وقعي
وقف عندها خالد وهو يعطيها القلم وهي قلبها يرجف بخوف : لا
انقجر خالد ضحك : وش اللي لا
لتين : ه..هاه
مسكت القلم ومدت يدها وهي متردده ووقعت بسرعه وجلست ,, اول ماجلست نزلت دمعه من عينها ونزلت راسها بسرعه ,, حضنها خالد وهو يبوس راسها ويبارك لها ونفس الشي امها ,, دخل طلال وبارك لها وهو يستهبل عليها ويفكر ان كل حركاتها من الخجل
- مجلس الرجال
بعد حوالي ساعه من توقيع لتين وقف عبدالله وهو يقول : استاذنكم
وقف معاه اخوه تركي وهو يهمس له بحدة : انهبلت انت
عبدالله وهو يخرج ووراه تركي والكل كان مستغرب انه ماطلب يشوفها عكس جنى اللي كان متوله على شوفتها ,, قال باستهزاء : اي انهبلت من خطبتها
تركي : دامك ماتبيها تروح تخطبها ليييشش ؟
عبدالله : كذا خاطري اخطب !! تامر على شي انا رايح السياره ؟
تركي بعصبيه : الله يهديك بس !
*********
في الشقه
: عزووز وينك تأخرت متى راح تجي
عبدالعزيز : اسف حبيبتي انا عند زوجتي
قالت بتذمر : اففف من هالزوجه النشبه
عبدالعزيز : وش اسوي ياقلبي بس هي زوجتي مااقدر اتركها لحالها
: طيب وش رايك ا..
قاطعها عبدالعزيز بهمس : نور جات مع السلامه
وقفل على طول ,, وهي جلست تتحلطم وتسب بنور زوجة عبدالعزيز
**********
بيت ابو دانيا
كانت دانيا وامها وابوها مع فهاد اللي جا قبل كم ساعه من بريطانيا الا عبدالعزيز
- جناح عبدالعزيز
نور بصراخ : وبعدين يعني ؟ لمتى بتظل مهمشني كذا
عبدالعزيز بسخريه : اذا تركتيه
نور انقلب حالها لحزن : انا والله نسيته صدقني انا اح..
عبدالعزيز : هه تحبيني اي واضح !! للحين تكلمون بعض
نور : والله اخر مره كلمته بداية الزواج واللي خلقني انس نسيته ماعدت احبه
عبدالعزيز بنرفزه : يوه نوووور روحي عني
طلع من الجناح وهو يتجه للباب عشان يطلع من البيت
ابو دانيا بصرخه : عبدالعزيز
عبدالعزيز لف له وهو يتأفف : خير
ابو دانيا وهو يتجه له وبعصبيه : هذا كبرك عمرك 26 سنه تترك زوجتك فوق كل يوم وتجي هنا تتأفف علي
عبدالعزيز باستهزاء : والله عاد من زين الوجه يوم اقعد اقابله بس تنرفزني و..
ابو دانيا وهو يعطيه كف ويصارخ عليه : ههههذذذيي بنننتت ععممكك وللللو ماكنتت تبيييهاااا ماجلسسسست سنننهه كاااامله تنتظظرهااا تتخررررج وتتتزووجهااا
عبدالعزيز بعصبيه : الحين تضضضربنيي عشاان وححدهه لااراحت ولااجات وبعد..
ابو دانيا يقاطعه : وااتتففل عليك ببععدد اطلععع براا بييتييي ولااا تتجييني الاا بورقققة طلاااقهاا
عبدالعزيز وهو يتجه للباب قال بصوت عالي : تخسي اطلقها
طلع وابو دانيا جلس وهو يتمتم بعصبيه
ابو دانيا بخوف منه ومن ولدها اللي تغير عن اول كان بار فيهم الحين بس يتأفف ويصارخ عليهم وتصرفاته مو زي اول : س..سالم اهـ..دا
ابو دانيا : وووششششلوووون وشلون اههدا وهذا الولد مطيح راسي بكل مكان ماكأنه ولد ال26 سنه !!!!
محد تكلم الا هو ظل يخاصم
قامت دانيا وهي رايحه لغرفتها ,, اول مادخلت غرفتها مسكت بطنها وتلقائياً نزلت دموعها بخوف !! توها لها شهر واسبوع من حملت ومو واضح بطنها ابد ,, فكرت لو يبرز بطنها وش بتقول ؟ لو عرفو او هو فضحها وش بيقولون اهلها والناس !!
بكت وهي تلوم نفسها : استاهل استاهل انا اللي غضبت ربي وخنت ثقة اهلي استاهل ماجاني
**********
اليوم الثاني
في المغرب ,, بيت ابو عبدالله
في الصاله
ريناد : والله ياندى ماتوقعت توصل فيها حقارتها كذا !! انا اكلمها من هي وهي تخطط تاخذه من هنا
ندى اللي روحت معاهم بعد الملكه قالت بنرفزه من ريناد وكلامها : اففففف ريناد اعقلي !! وشو تبغينه يبقى على ذكرى وحده ميته
ريناد بعناد : بس هو مانساها بحبها
ندى : ريناد اسكتي امانه
ريناد بعصبيه : انتي ليه مو راضيه تصدقين كلامي هذي امها لاعبه بعقل امي
ندى بصرخه : اصصصص ااصصص جننتيني خلااص ججنى مااتت ماااتت ,, ومن حقه يعيش حياته بعدها مايقعد يذكرها وهي بعد من حقها تتزوج ووافقت وخلاص ملكو وش عادك بتسوين
ريناد بحقد : والله لاانتقم لجنى
ندى : ماكذبت ريما لما قالت صغيرة عقل !! مجنونه انتي تنتقمي لوحدة ميته ؟
ريناد : ا..
قاطعهم دخول عبدالله اللي واضح سمع كل شي ,, ناطر ريناد بنظرات ناريه وسرعان ماتحولت نظراته لبرود وهو يلف راسه ويتوجه للدرج
ريناد بخوف : يممممه نظراااتته تخوف
ندى وهي تتجاوزها وتمشي : انا لو قعدت معك بموت وبيموت اللي ببطني خليني اروح عند امي احسن من اني اسمع كلامك
ريناد ناظرتها بعصبيه وبعدين طلعت غرفتها وهي تحس بنار بقلبها وتمشي وتردد بنفسها : والله لاانتقم لك ياجنى والله
شافت بطريقها ميار جالس عند غرفة ابوها ,, راحت لها بسرعه وهي تشيلها : يااااععمررييي مين مخليك هنا
باستها بقوه وهي تدق جناح عبدالله بعد تردد وفتح عبدالله الباب ,, اشرت على ميار : اا اا لقيت ميار جالسه هنا لحالها
ناظرها كم ثانيه ببرود بعدين لف على ميار اللي بيدها واخذها وقفل الباب
**********
بعد ثلاث ايام ,, يوم رجعة بروايتي صاحبة الشقه وزوجة ابوها
ماصار شي بهالثلاث ايام ابد
بيت ابو عبدالله
عبدالله كان يدور على ريما ومالقيها وشاف ريناد طالعه من غرفتها وسألها : وين ريما
ريناد : ببيت عمي
عبدالله ناظر فيها بهدوء وقال : زين ادخل الغرفه بكلمك
هي من قبل تخاف من نظراته اللي كذا تحسسها انها مسويه مصيبه ,, دخلت الغرفه بدون ماتقول اي شي وهو دخل وراها وقفل الباب
**********
في الشقه
عبدالعزيز يكلم : وينك ؟ جيت الشقه مالقيتك
: انا رايحه بيتنا الحين ابوي وزوجته بيجون ولازم اروح قبل مايوصلون
عبدالعزيز : اممم طيب مو مشكله
: يالله باي حبيبي انا وصلت
**********
بيت خالد
غرفة لتين ,, كانت سادحه وسرحانه وتفكر بحياتها ,, من بعذ الملكه وهي تفكر وش ممكن يصير لها ؟
اكثر شي هي تفكر فيه من قبل الملكه لييييييه خطبهاا ؟ بس تبغى تدري وترتاح هذا اللي يدور ببالها
همست بعبره : يااااررببب ريحني ؟ وشلون بعيش معاه وشلون
انفتح الباب بدفاشه وفزت من السرير لدرجة بغت تطيح اول ماشافت طلال صصرخت : يااااحييوااانن خخوففتني
طلال : هههههههههههههههههه
لتين بغيض : ليه ماتدق الباب ؟
زاد ضحكه : ههههههههههه ادق الباب ؟ هههههههههههه حاضر عمتي
لتين : اي دق الباب يمكن قاعده البس يم..
انفجعت انه مو موجود !! وين اختفى ؟ وسمعت الباب يتقفل ويندق : ممكن ادخل ؟
انفجججرت ضحك : تععاال تعال يااممجنووون
دخل وهو يحك راسه : مؤدب صح
لتين : اي اي صح ,, اجلس بس سولف معي طفشانه
طلال وهو يطلع جواله ويسوي انه بيتصل : ابشششري ماطلبتي شيي الحين اتصل على عبدالله اقووله تعال الاخت طفششانه
لتين بصددمه : هااااه
طلال ضحك : يمه يمه امزح
لتين كشرت من طاريه توها تضحك ومستانسه وبمجرد ماانذكر اسمه خافت
**********
بيت ابو عبدالله
غرفة ريناد
ريناد وهي خايفه منه اول مره من فتره طووويله يدخل غرفتها ويقفل الباب
قالها بغموض : عندك رقم لتين ؟
&&&


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 15-10-2015, 12:21 AM
صورة اميرةة ابوها الرمزية
اميرةة ابوها اميرةة ابوها غير متصل
©؛°¨غرامي جديد¨°؛©
 
الافتراضي رد: ابعد عن عيوني ترى جرحك مأذيني,واتركني من طلمك وارجع وجافيني/بقلمي


بالتوفيق حبيبتي

ننتظر البارت

يعطيك ربي الف عافيه
تحياتي ^_^

ابعد عن عيوني ترى جرحك مأذيني,واتركني من طلمك وارجع وجافيني/بقلمي

الوسوم
مأذيني , ابغى , جرحك , عيونى , واتركني , وارجع , وجافيني/بقلمي , طلمك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية طفولتي المشتتة/بقلمي؛كاملة ضاقت أنفاسي روايات كامله - يتم نقل الرواية هنا بعد اكتمالها 4294 21-06-2020 08:15 PM
روايتي الأولى : كادي إيلآيل أرشيف الروايات المغلقة - لعدم إكتمالها 667 17-05-2017 02:43 PM
رواية:مت أو لتتركني أمت اختر مماتا أو حياة وأختف/بقلمي { في خفوقي لك حكاية } أرشيف الروايات المغلقة - لعدم إكتمالها 566 29-11-2016 04:52 PM
تفرح عيوني صاااااافي الود خواطر - نثر - عذب الكلام 12 22-12-2015 12:26 AM
روايتي الثانيه:بحر/كاملة *er روايات كامله - يتم نقل الرواية هنا بعد اكتمالها 998 30-08-2015 06:26 PM

الساعة الآن +3: 03:26 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1