منتديات غرام روايات غرام أرشيف الروايات المغلقة - لعدم إكتمالها ابعد عن عيوني ترى جرحك مأذيني,واتركني من طلمك وارجع وجافيني/بقلمي
كـِفى يـآ شوق ©؛°¨غرامي مشارك¨°؛©

السلام عليكم ورحمة الله وبركاته
بسم الله الرحمن الرحيم
افتتح روايتي ( ابعد عن عيوني ترى جرحك مأذيني , واتركني من ظلمك وارجع وجافيني )
بيوم الاثنين ,, التاريخ : 14/12/1436
وهي اول روايه لي بمنتدى غرام وخامس روايه اكتبها لان لي اربع روايات بالانستقرام بحساب "" تهكر ""
انتظرو البارت الاول💓.

كـِفى يـآ شوق ©؛°¨غرامي مشارك¨°؛©

البارت الاول ,, الجزء الاول
في حي متواضع وبيت متواضع نزلت لتين وشنطتها بظهرها ومستعجله
ام لتين : شوي شوي يابنتي
لتين : مستعجله يمه تاخرت
ام لتين : اي ومن متى تهتمين تاخرتي ولا لا
لتين بضحكه : يمه تغير الوضع ريما اللي لها فتره ماداومت بتداوم اليوم
ام لتين : ماشاءالله متى خرجت من المستشفى ؟
لتين : من اول يايمه بس تتدلع ماتداوم انا اطلع الدلع من عيونها اليوم
ام لتين : طيب اذا رجعتي لا تنامين عندي موضوع بكلمك فيه
لتين : وش هو يمه ؟
ام لتين : اذا رجعتي
لتين كشرت : يمه انتي تعرفيني اكره ماعندي احد يقولي بقولك شي بس مو الحين
ام لتين ضحكت : روحي بس بتشوفين ريما وبتنسين اني قلت بكملك بموضوع
لتين : هههههههههههههههههه ,, الا خلود وينه ؟
ام لتين : روحي صحيه
لتين بصدمه : وووششوو ؟ للحين مانزل !
ام لتين : تعرفينه انتي اذا جهزتي يقوم
لتين وهي رايحه غرفة اخوها وتتحلطم ,, فتحت باب الغرفه بقوه وهي تصرخ بكل صوتها : خخخلوووووووودد
خالد ماتحرك ولا حس فيها
لتين وهي تهزه : خالد خالد قوم وديني المدرسه خااااالد
خالد لف لها وهو يتأفف : طيب خلاص روحي
لتين تحاول تسحبه بس وين ماتقدر لها
خالد وقف وهو يروح للحمام يتشطف ويبدل ملابسه ويطلع
لتين : لا كان قعدت ساعه بالحمام شووف الساعه سبعه وربع
خالد بصدمه : طيب بدري انتي بالعاده تجي سبعه وربع وانتي عادك ماطلعتي من الغرفه
لتين : اص يلاا نطلع
وطلعت وهي مروقه وتغني
خالد يطلع وراها ويكلم امه : يمه وش فيها بنتك مروقه وتغني على هالصبح ؟
ام لتين تزفر وتوقف : اي هذي ريما بتداوم اليوم
خالد ضحك : وانا اقول مو عادتها تطلع هالوقت ,, باس راس امه وقال : يالله مع السلامه
راح وركب السياره ولتين ركبت قبله ومشى للمدرسه
**********
في شركة كبيره ومعروفه وصاحبها معروف في السعوديه
دخل عبدالله بهيبته المعروفه وهو متضايق من اللي سوته امه ويحس بقهر منها ,, راح لمكتبه وجلس على الكرسي وهو سرحان : لييه يايمه ماعدت بزر تخطبيلي من وراي وماتعلميني ,, تنهد وهو معقد حواجبه ومعصب : ياويلها ياسواد ليلها لو وافقت
**********
في مدرسة لتين
اوم مادخلت شافت بوجهها ريما وصرخت وهي تحضنها : حيوااانه وحشتيني
ريما وهي تضحك : وانتي اكثر والله
لتين تبعد عنها وتضربها في كتفها : اي واضح ,,بعدين وشهو له تتغلين هاه
ريما بوناسه : ههههههههههههه تدرين اصلا مافيني شي بس كذا ماابي اداوم قلت خليني اتدلع وانا تعبانه توي طالعه من مستشفى
لتين : امشي الفصل الله لايبارك فيك شوفي الوكيله وشلون تناظرنا
ريما : ماعليك منها هذي لها فتره شاكه فينا وووجججع ياخي صاحبات حرام يحضنون بعض
لتين تضحك بوجه الوكيله عشان تغيضها واما شافوها من بعيد جايه لهم سرعو بمشيتهم وراحو للفصل وهم يضحكون
**********
في بيت ابو عبدالله ,, المغرب الساعه : ظ¦:ظ£ظ 
دخل وهو يزفر وتجاهل امه وابوه اللي جالسين
ابو عبدالله : عبدالله
عبدالله وهو يلف له : هلا يبه ؟
ابو عبدالله : تعال هنا
راح له عبدالله وسلم على راس ابوه وهو يتجاهل امه وجلس جمب ابوه : هلا يبه وش بغيت
ابو عبدالله استغرب ان عبدالله ماسلم على امه : ولا شي بس بغيتك تجلس معانا من زمان ماجلسنا سوا
عبدالله : اي يبه تعرف شغل الشركه وتعبان عشان كذا ,, الا وين الباقي ؟
ام عبدالله تكسر صمتها : بغرفهم
دقايق وقام ابو عبدالله وبقي عبدالله وامه
ام عبدالله : عبدالله
عبدالله بضيق : سمي ؟
ام عبدالله : يمه عبدالله انا ماسويت كذا الا ابي اشوف عيالك قبل مااموت و..
قاطعها : بسم الله عليك يمه جعل يومي قبل يومك
ام عبدالله : لا تكسرني يمه وترا اللي خطبتها تعرف اخواتك وهم اكثر من اخوات
عبدالله ماسأل مين هي ولا اهتم : خلاص اصلا خطبتيلي وانتهى الموضوع مايحتاج اقول شي الحين
ام عبدالله : اسمع اذا وافقو بتشوفها ولا لا ؟
عبدالله ابتسم بمجامله : يمه شفيك مستعجله يمكن مايوافقون
ام عبدالله : فال الله ولا فالك ,, احد يحصله ولد بندر ومايوافق عليه
عبدالله بمحاوله اخيره : طيب اذا شفتها وماعجبتني ترا ماباخذها
ام عبدالله : لا ياولدي والله انها اخلاق وجمال وكل شي فيها يعني كامله والكامل الله
عبدالله وهو يوقف : يمه ترا ماابي شوفه
ام عبدالله : ورااه ؟
عبدالله : قلتلك ماابي ,, ومابشوفها الا بالزواج
ام عبدالله بصدمه : والملكه ؟
عبدالله : ماابي اشوفها لا خطبه ولا ملكه ولو يحصلي مااشوفها حتى بالزواج هاللي ماادري مين هي ولا بنت مين
ام عبدالله : بنت المرحوم ...
قاطعها : بعدين يمه بعدين الحين راسي يعورني وابي اروح غرفتي وانسدح
&&&&&&&&&&
انتهى الجزء الاول من البارت الاول ,, انتظرو الجزء الثاني
&&&&&&&&&&
واتمنى اي مشرفه تدخل الروايه تعدل الاسم لاني بدال مااكتب ظلمك كتبت طلمك��.

آنسة بيهو ©؛°¨غرامي فضي¨°؛©

بداية موفقة ...
التعريف بالاشخاص بسيط ..
بـآنتظـآآرك بالبارت الثاني ...

كـِفى يـآ شوق ©؛°¨غرامي مشارك¨°؛©

البارت الاول ,, الجزء الثاني
&&&
في بيت لتين
لتين بصدمه : وش تقولين يمه ؟
ام لتين بفرحه : اللي سمعتي وانا راح ابلغهم بالموافقه بكره وبيحددون وقت عشان يجون يخطبون رسمي
لتين وقفت وهي معصبه : لااا يمه خير تبغيني اخذ واحد شايب
ام لتين شهقت : وشو شايب ؟ ماشاءالله رجال جامل وفلوس و...
لتين تقاطعها : لا لا لا ,, انتي مايهمك الا الفلوس ماابببي
ام لتين تحط رجل على رجل : العلم وصلك
لتين : يمه عمر الفلوس ماهمتني , افهميني تكفين هو كبير يايمه وعنده بنت
ام لتين : واذا عنده بنت ؟ هذا مايقلل لا من قيمته ولا رجولته
لتين بعناد : قلت لك ماابيه
ام لتين : غصب عنك
لتين شهقت : وششو يمممه بتغصبيني عليه ؟
ام لتين بلا مبالاه : وصلك العلم
لتين راحت غرفتها وهي معصبه ومقهوره وتتحلطم على امها : هه توي بثالث ثانوي اخذلي واحد عمره 29 اكبر مني ب 11 سنه ,, ولا عنده بنت عمرها سنتين !! ,, تنهدت : امي مستحيل تجبرني مستحيل
نزلت دمعه من عينها ومسحتها بسرعه
**********
اليوم الثاني
بيت ابو عبدالله
ام عبدالله بفرحه : وافقو ياولدي ,, يافرحتي ف...
عبدالله عقد حواجبه وهو معصب : وشهووووو وااافقت ؟
ام عبدالله : ااي ياولدي وش فيك معصب افرح وافقت عليك
عبدالله وهو معصب : ومين تكون هذي الحيوانه اللي بتوافق ؟ يمممه انا قلت لك من بعد المرحومه ماابي اتزوج يممه مايملي عيني غيرها
ام عبدالله بعصبيه : وهذي احلى واحسن من ذيك اللي مدري وش شايف فيها
عبدالله جلس بضيق : القلب ومايهوى يايمه القلب ومايهوى
**********
بيت ثاني
شهقت بصدمه : انتييي متاكده خطبها ولد العالي
بحقد : اايي ذيك الخايسه خطبها ولد العالي يادانيا
دانيا : ههههههههههههههههههه ماعرفتك يالتين ماشاءالله ولد العالي مره وحده
بعصبيه : وانتي فرحانه لهالحيوانه
دانيا باستغراب : اجوان وش فيك ؟ وربي تستاهل ماشاءالله اخلاق وحلوه بعد و..
اجوان تقاطعها وهي تصارخ : ااصصص اص من عرفتها وانا اكرهها ولا شي فيها من اللي تقولينه وبعدين انا اتقرب من ريما من زمان وفي النهايه تاخذه لاختها مو يكفي جنى لما اخذته مني
دانيا عصبت : اجوااااان هي ماتت والمفرووض تترحمين عليه
اجوان باستهزاء : لا تعالي اضربيني احسن
دانيا : على بالك مااقدر ؟
وتوها بتمد يدها مسكتها اجوان وقالت بابتسامه خبيثه : احذري يادانيا تمدين يدك لان وقتها بتنفضحين في الرياض كلها ,, لا مو الرياض السعوديه بكبرها بتنفضحين فيها بس حاولي تخالفين اوامري !!
**********
استراحة عبدالله واصحابه
: ياولد شفيك من يوم جيت سرحان
عبدالله تنهد : سعود ترا واصل حدي
سعود : افا ليه ياخوك
عبدالله وهو يقوم بنرفزه : مالك دخل
سعود وهو معقد حواجبه ومستغرب : وش فيه ذا ياساتر ؟
: مدري عنه من جا وهو معصب
**********
بعد يومين
بيت لتين
لتين شهقت : هاااه يممه وش تقولين انتي !!
ام لتين بحده : اعتقد انك سمعتي الكلام ومن قال هاه سمع
لتين وهي تدمع : حرام عليك يمه والله حرام بعدين انا اللي اعرفه من خواته انه كان يحبها ويموت فيها
ام لتين بصراخ : وانتي وش عليك بالمااضيي هاااا ؟ اكيد نساها وهي ماتت من اكثر من سنه
لتين تنزل راسها بانكسار والم : يمه وشلون نساها ؟ هي كلها سنه وشهرين من ماتت وهو يحبها مستحيل ينساها بهالفتره
ام لتين : انااا اذذا قلللتت كللمة تنطمين وماتقولين ولااا حرفف ففااااهههمممهه ؟ وبععدين اذاا مانسااها ماخخطبكك
&&&


كـِفى يـآ شوق ©؛°¨غرامي مشارك¨°؛©

السلام عليكم ,, هذا حسابي ف الانستقرام ؛ rwaia.9
وانا انزل ثلاث بارتات هنا بعدين انزلها هنا بارت واحد💓💓.


كـِفى يـآ شوق ©؛°¨غرامي مشارك¨°؛©

البارت الثاني
&&&
لتين بسخريه : هه !! هذا لو مو انتي حشيتي براسها ,, انتي اصلا ماصاحبتيها الا مصلحه ويوم تزوج جنى جلستي ت...
قاطعتها امها بحده : ابببلعيي لساانك ياللي ماتحشمميين امك ,, وزي مااقلت اليوم جايين يخطبونك رسمي من اخوك ويحددون الملكه
**********
اجا عبدالله وابوه واخوه وخطبو لتين من اخوها خالد وحذذو الملكة بعد اسبوعين ويومين
بعد مارجعو البيت عبدالله كان كاره نفسه ومايبغى احد يكلمه لان بدري اذا احد كلمه بيفجر الدنيا عليه ,, كان طالع غرفته وشاف امه بطريقه وكانت مبتسمه وفرحانه له : مببروووك يمه عقبال الملكه والزواج
عبدالله بعصبيه : ارررتتححتييي يمممه هاااهه قوووولليييليي ارتحتييي ؟ وشششش استفدتي الحيين يوم خليتيني اخخذهاا !! انتي تعرفيننن انني للحين عاييشش ذكرى ججنىى ومو قاادرر انسااهاا تبغيني اظظلم البنت ممععايي يايمه ؟
ام عبدالله نزلت راسها : يايمه انا ابي اشوف عيالك قبل لااموت
عبدالله بضيق : وممييااار يممه ؟ ميياار بنتي وتتكفييني عن الكون كله
ام عبدالله : ولو ميار ,, انا ابي اشوف اولاد يحملون اسمك
عبدالله وهو يفصخ شماغه وقال بلحظة غضب : ذنبها برقبتك ,, مع السلامه
وطلع وهو مايدري ان اللي قاله خلا امه تبكي ندم وهي تدري انه مو راضي تجي وحده مكان جنى ,, تمنت ماخطبت له
طلعت له غرفته ودقت الباب ودخلت وهي تقول : عبدالله اذا تبغى ابلغهم ونفصخ الخطوبه ترا بكلمهم ياولدي اهم شي رضاك !!
**********
بيت ابو اجوان
اجوان تكلم دانيا : اااه ياقهر قلبي يادانيا ,, هذي اللي طول عمرها ماتهتم لا بزواج ولا بذي الامور تجي تاخذه مني
دانيا باستهزاء : ومتى كان لك عشان تاخذه منك ؟
اجوان بصراخ : اصلا هو طول عممره لي ومابياخذ الا انا
دانيا : هه !! اي صح الحين يجي يخطبك بس اصبري كم دقيقه
اجوان بتهديد : دانياا ؟ قلت لك احذري من كلامك ترا افضحك والله
دانيا بعدت الجوال عن اذنها وتنهدت بحزن وذل من اجوان اللي غصب تكون معاها وضد لتين وضد كل شي تكرهه اجوان عشان ماتفضحها


كـِفى يـآ شوق ©؛°¨غرامي مشارك¨°؛©

تابع البارت الثاني
&&&
**********
بيت ابو دانيا
دخل وهو يقول : السلام عليكم
ابتسمت : وعليكم السلام ياولدي
جلس بجمبها بعد ماباس راسها وقعد يسولف معاها
شوي ونزلت دانيا بعد ماخلصت مكالمتها مع اجوان وهي باين عليها التعب : هلاا سعود متى جيت
سعود : قبل شوي ,, الا وين عبدالعزيز ؟
دانيا : طالع
سعود وهو يهز راسه : الله يهديه ,, متى يفهم ان وراه زوجه ؟ دايم طالع او نايم !!
دانيا : امين يارب
سعود : دانيا وشفيه وجهك متغير وتعبانه كذا ؟
دانيا بارتباك : هاه ؟ بس حراره وبتروح
سعود : اوديك المستشفى ؟
دانيا بارتباك اكثر : هـ.. هاه لا لا
سعود لاحظ ارتباكها بس قال يمكن عشان حرارتها مرتفعه ترجف من البرد وقال بعدم اقتناع : لا شكلها حراره قويه يوديك المستشفى
دانيا وقفت بخوف وهي تلف عشان تروح لغرفتها : لا لا سعود بنام وتخف الحراره مع السلامه بنام تعبانه
وراحت وهي تسرع بخطواتها وسط استغراب سعود وامها منها
**********
بيت ابو عبدالله
طلعت له غرفته ودقت الباب ودخلت وهي تقول : عبدالله اذا تبغى ابلغهم ونفصخ الخطوبه ترا بكلمهم ياولدي اهم شي رضاك !!
عبدالله قام من سريره وهو يبوس يد امه : لا يمه انا بس متضايق وخلاص موافق


كـِفى يـآ شوق ©؛°¨غرامي مشارك¨°؛©

تابع البارت الثاني
&&&
ام عبدالله ابتسمت بفرحه : والله ؟ الحمدلله ياولدي والله انها بنت مافيه احسن منها ماشاءالله عليها
عبدالله وهو يحاول يبين انه عادي : هههههههههه خلاص يمه
ام عبدالله طلعت من غرفته وهي تقول : الله يوفقك
طلعت وعبدالله جلس على سريره وهو يتمنى ان امه قالت له هذا الكلام قبل مايخطبون رسمي وقبل مايحددون الملكه ,, يدري ان امه ماراح تقدر تبلغهم بهذا الخبر وبتتفشل مره منهم : الله يهديك يمه الله يهديك
حس بالباب ينفتح ولف يطالع وهو معصب من اللي دخل كذا ولما شاف بنته ميار وشايلتها ريما نسي كل شي وهو يبتسم لها ويفتح يدينه ويشيلها وهو يبوسها بخدها
**********
بيت لتين
كانت لتين بغرفتها تبكي بقهر وحسره ,, تحس بفرحه لانها بتكون مع ريما واخواتها وهي تعرف انهم يعتبرونها اكثر من اختهم لكن اللي مخوفها ان عبدالله اكبر منها بكثير وغير كذا كان متزوج ومتعلق بزوجته كثير ,, ويوم ماتت كانت عارفه وش اللي يصير ولما راحت بيتهم تزور اخواته صادفته وكان مر على وفاة جنى 4 شهور وشكله مبهذل وواضح فيه التعب والهالات السودا تحت عينه واللي يشوفه مايصدق ان هذا عبدالله ,, لانه يهتم بمظهره كثير ومايحب يطلع بهالشكل ,, عارفه يحبها كثير وللحين يعيش ذكراها واكيد امها تدري بس ليش تغصبها ليييششش !!
قالت بألم : الله يرحمك يبه الله يرحمك ,, عمري مافكرت ان ممكن امي تغصبني على واحد عشان فلووس ؟ ولو ماكان يحب وحده قبلها كان ممكن تتقبل الموضوع
جا ببالها سؤال ؟ ليش خطبها عبدالله وهو يحب جنى وللحين مانساها ؟ قبل يومين قالت لي ريناد اخته انه للحين متعذب على فراقها ,, شكت لي عن حاله كثير !!
الله يسامحك يمه
**********
في بريطانيا
: ياولد تعال استمتع معانا شفيك
باستحقار : انا صح كنت اكلم بس ماتوصل اني اشرب ,, وانتو خلوكم على ماانتو مع السلامه
وطلع وهو مستحقرهم وراح لصاحبه فهاد اللي تعرف عليه قبل اسبوعين


كـِفى يـآ شوق ©؛°¨غرامي مشارك¨°؛©

تابع البارت الثاني
&&&
بعد ماطلع جلسو يضحكون
: ههههههههههههههه هههههه شفيه ذا ؟
: ماعليك ياسعد ههههههههههههههه
سعد بخبث : خله مايدري ان فهاد اللي متعرف عليه اخوها ياعبدالرحمن
عبدالرحمن : اخو مين ؟
سعد : اللي خبري خبرك
: مين هذي هاه ؟
عبدالرحمن يعطيه كاسه : شي مالك دخل فيه ههههههههههه اشرب اشرب بس
**********
بيت ابو دانيا ,, بعد ساعه ونصف
كانت بغرفتها تبكي وترجف : يارررببب ساااممححننيي ياربي سامحني اااه ياقلبي والله ندمانه ياربي ندمانه ماتوقعت بيصير اللي يصير ياااويلي يايمه وش بتسوين لو دريتي ؟ وانت يايبه بتذبحني بتذبحني الله يستر ,, يارب صبرك ااااه الله لايسامحك على اللي سويته فيني الله لايسااااممحكك
جلست تدعي بحرقة قلب وشوي دق جوالها مسكته تشوف مين اللي اتصل وكان رقم بدون اسم عرفت ان هذي اجوان وردت لانها مو مسجله رقم اجوان عندها
دانيا بارتجاف وواضح انها كانت تبكي : اجـ..وان ااا انا مالي دخخل تكفين انا بروح انزله بس كلميه تكفين كلمي ولد خالتك ماراح يوافقون ينزلونه كذا
بخبث : هههههههههههههههههههه اخيرا رديتي
دانيا شهقت بصدمه : انننت ؟ تكفى لاتخيبني تعال تكفى ابي اسوي عملية تسقيط
ابتسم بحقاره : راح اجي افرحي ,, بس بجي افضحك وساعتها بتكون فضيحتك انتي واهلك على كل لسان
دانيا بحرقة : لاااا تتتكفى لاا والله ادعيييلككك
: هههههههههههههه لا دنو مااحتاج دعواتك مع السلامه
هو سكر وهي قعدت تصيح وتحاول تكتم شهقاتها عشان محد يسمعها
**********
بعد اسبوعين ,, باقي يومين على الملكه
بيت لتين
فتح الباب وهو ينادي : يمممممااااااه
طلعت ام لتين وهي حاطه يدها على قلبها : طلاااال
طلال وهو يحضنها ويضحك : كيفك يمه
ام لتين بعتب : بخير ,, ليه تكذب وتقول مااقدر اجي الملكه هاه ؟
طلال بضحكه : شفيك يمه مفاجأه
دخلت لتين وصرخت : طلوووول
راحت جري لعنده وهي تحضنه : وحشتني
طلال : هههههههههههه وانتي اكثر ,, ماعرفتك ولد العالي مره وحده هاه
لتين تحاول تمسك عبرتها ولفت لامها على طول
ام لتين ارتبكت وتحاول ان طلال مايعرف انها مو موافقه على الزواج لان لو يدري مستحيل لتين بتاخذ عبدالله
طلال بخبث : تستحين هاااه
لتين وهي تضربه : على تبن
طلال جلس يضحك ويستهبل عليها وهي تتمنى لو تقوله بس سكتت وامها ماراحت عشان ماتقول شي
**********
بريطانيا
عند عبدالرحمن وسعد
سعد : ترا طلال روح بس فهاد موجود
عبدالرحمن : هههههههههههههه اي ومتى ناوي تفضحها
سعد : هههههههههههه باقي ماانتقمت منها
عبدالرحمن : اووبب !! هذا كله وم انتقمت منها
سعد وهو ياشر على الكاسه : مو شغلك ,, وعطني وانت ساكت


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1