اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-09-2015, 01:24 AM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رواية بيت جدي اللي جمع كل المحبة والأماني والحنين /بقلمي؛كاملة


بسم الله الرحمن الرحيم

السلآم عليكم
هآهي زهرتي الاولى تطل عليكم بعد الكثير من التردد والتفكير قررت ان اضعها بين ايديكم واتمنى ان تنال على اعجآبكم
هذه الرواية ستكون حصريه على منتديين والثالث قريبا بأذن الله واتمنى ان يكون لكم النصيب الاكبر من التفآعل
لآأحلل من ينقل الروآيه بدون ذكر اسمي _a.m_ او ينسبهآ لنفسه
ملآحظه ** اتمنى ان لاتلهيكم الرواية عن الصلاه والدراسه وحيآتكم الطبيعيه * البارتات رآح تكون كل ثلاثاء بأذن الله وان رأيت منكم التفآعل الكبير وضعتها لكم قبل الموعد المحدد وبس مآعرف في المقدمات


روايتي الآولى ,, بيت جدي اللي جمع كل المحبه والامآني والحنين ,,
تتحدث عن عايله تعيش كلها في بيت واحد(بيت الجد) بس عايله من نوع اخر
فله..صرقعه.. دجه..ضحك..حزن..دموع..فرح ومزيج من المشآعر اختلطت في هذآ المنزل

,,,,


الشخصيآت
* ماكان ودي ابدأ بتعريف الشخصيات لكن حطيتها لكم بالبدايه عشان ماتتلخبطون
بسم الله نبدأ

..

ابو عبد الكريم..الجد
طيب وحنون جدآ بس وقت الجد جد كلمته تمشي ع الكل يفكر بحكمه ويوزن الامور
فيه قوة وشده وكآنه باول شبابه عنده شركات واموال موزعه بالمملكه
يحب يشوف عيآله واحفآده تحت عينه اهم شي عنده بالدنيآ احفآده


***
الولد الاكبر فهد

زوجته ندى

عيالهم

منال..29 سنه
متزوجه وعندها ولد(فآرس 5 سنوات )طيبه واللي بقلبها على لسآنها

سعود..27 سنه
وسامته ورجولته تخلي كل بنت تتمناه وفوق جماله اخلاقه وطيبة قلبه
يشتغل مع ابوه وجده ومركزه راقي وسيم بقوه ورجال بمعنى الكلمه

يآسر..24 سنه
وسيم مثل اخوه ويشتغل معهم بالشركه حنون وخصوصا عَ البنات مزاجي نوعا ما

مرام..20 سنه
سنه ثانيه بالجامعه حسآسه ورومانسيه جميله شعرها يوصل لنص ظهرها بني وعيونها سود مخطوبه لولد عمها

مشاعل 19 سنه
فله ومصرقعه شعرها قصير تحت كتوفها بشوي فاتح اقل جمال من مرام لكنها جميله

وليد..18 سنه
فالها بالدنيا دايم يتهاوش مع خواته ويحب يلعب بلايستيشن عقله اكبر من عمره بكثير


***

الولد الثآني حمد

زوجته هدى

عيآلهم

عبد العزيز 25 سنه
يحب شغله ودايم تلقاه يشتغل بامور الشركه طيب وفيه وسآمه خطيب مرام

فهد..23 سنه
يحب الطلعات والفله ودايم هو اللي يضبط طلعات العايله ودايم تلقاه يضحك وينكت

ترف..21 سنه
هاديه جدآ تحب الهدوء وتحب تقرا كثير يسمونها (المستشآره) حلوه

نآيف..20 سنه
نفس شخصيه اخوه فهد ودايم معاه اللي يشوفهم يحسبهم توام

جود..18 سنه
حلوه اتفه سبب يضحكها واتفه سبب يبكيها حنونه ومصرقعه وقلبها طيب

وعد..16 سنه
فله وعنيده وماتحب حركات البنات والمكياج قاصه شعرها بوي يجنن عليها وتحب المباريات

سلاف 6 سنوات

***
الولد الثالث ماجد
زوجته منار متوفيين في حادث سيآره
عيآلهم


فيصل..26 سنه
يشبه شخصية سعود كثير وسيم يحب الضحك بس وقت الجد جد واذا عصب مايشوف احد قدامه اهم شي عنده بالدنيآ اخته في بحه حلوه مع صوته الرجولي

امل..20 سنه
جميله مثل اخوها وعيونها آه من عيونها اللي يطالعها يروح بعالم ثاني عسليه وواسعه عندها غمازات تميزها ورموشها طويله وكثيفه بشكل ملفت شعرها لنهاية ظهرها
حنان الكون كله بقلبها اذا حطت شي براسها تسويه هي ومرام صديقات الروح وبالروح ولا يخبون شي عن بعض


***
الولد الرابع سالم

زوجته وفاء

عيالهم

سلطان.. 25 سنه هآدي ومزاجي نقدر نقول عنه غامض

عمر..23 سنه يحب الكوره بجنون مستحيل يفوت مباراه ويحب النوم وسيم وراعي فزعه

مها..20سنه حلوه و فله وتحب الطلعات والوناسه ماتحب قعدة البيت ودايم مع امل ومرآم

فجر..17 سنه تحب حركات المكياج والموضه وكل يوم طالعه بشي جديد حلوه بس اقل جمال من مها

فواز .. 14 سنه مايحب احد يعامله على انه صغير يحب يثبت نفسه



***
الولد الخامس ريان اصغر اخوانه 32 سنه
مرح ويحب التنكيت وسيم ومايحب يشوف احد متضآيق مع فيصل وسعود كانه صديقهم مو عمهم
عايش مع ابوه في البيت ويشتغل معاه زوجته متوفيه وعنده بنت(سديم 4 سنوات) متعلقه في امل حيل لانها ساكنه معاها بنفس البيت

***

ــــــــــــ


مقدمه
وصف بيت الجد
قصر كبير مره والحراس منتشرين حوله مقسم اربع اقسام قسم لآبو وسعود وقسم لآبو عبد العزيز وقسم لابو سلطان والقسم الرئيسي للجد
طبعآ البيت في منتهى الجمآل والروعه بآب كبير جدآ مزخرف ثم تقآبلك حديقه فيهآ مسبح كبير بتصميم جميل
وورد الوان واشكآل على كبر الحديقه وفيه قسم جلسه عربيه عشآن اذا حآبين يقعدون برآ
وفيه اشجآر تعطي المكآن جمآليه اكثر اللي يدخل البيت ينبهر بجمآله
بعدين يواجهك بآب كبير آخر لمدخل القصر هو الباب الرئيسي اللي فيه الجد
وفيه ثلاث بيبان اصغر شوي على جوانب البيت وهم بيت ابو سعود وابو عبد العزيز وابو سلطان بس كل قسم بعيد عن الثآني
مدخل البيت تصميم اوروبي من اروع واجمل التصآميم وفيه مرآيه كبيره تقآبلك عند الدخول
وبعدهآ صآله كبيره جدآ ورآقيه بكنبهآ وستآيرها ويتوسطهآ درج
عمومآ البيت ككل جميل جدآ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-09-2015, 01:26 AM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبه والامآني والحنين / بلقمي



-
الجزء الاول

>>>>
ظلآم .. هدوء .. غرفة بآرده ..
قطع هذي الرآحه صوت البآب وهو ينفتح بدفآشه وضحكآت بنات واصوات مزعجه تتسلل لاذنها والنور يتسلل لعيونهآ وهي نآيمه مثل الملآك حآولت ماتفتح عيونهآ عشان لايطير النوم
بس وين ترتآح نطت عليهآ مشآعل :امممل امووول اممممممممآآآآل قومي يلا ماصارت نوم وبعدين وش هالبرد اللي فَ غرفتك مجنونه انتي تنآمين كذا
مرآم عند التسريحه :وآآآآآو يجنن لون هالروج باخذه وامممم هالعطر ريحته جنان اموت فيه - بخت كثير وهي تبتسم بخبث - شنو آخذ بعد شنو اممممممم هالمنآكير حلو
مها تقعد على كرسي التسريحه : شرايك تحطين لي ميك اب اشكالهم تحمس كذا وتشجع الوآحد يحط - ابتسمت ببلاهه - ابي خفيف مرآ ويكون كذا امممممم مثــــ
قآطعتهم امل :لآ والله احلفي انتي ويآهآ اطلعوا من غرفتي خلوني اكمل نومي واتركوا اغراضي كآنكم اول مرآ تشوفون ميك اب - صرخت - انقلعوا برآآآآآآآ
فجر تسحب يدهآ: قومي مو حلوه القعده بدونك -شهقت- ماقلنا لك عن شيمآء ملكت على واحد من برا العايله وولد عمهآ حالف ماتكون الا له قومي والله عندنآ سوآلف خطيررررره
امل تأففت بمل وقآمت: طيب يلا كلكم برا باخذ شور وابدل واجيكم
دخلت تاخذ شور منعش وريحة منتجات ذا بودي شوب الحلوه منتشره ف المكآن بعد نص ساعه طلعت شآفتهم مآتحركوا هزت رآسها تدري مامنهم فايده ورآحت غرفة التبديل تبدل
لبست جينز غامق مع تيشيرت اصفر فيه كتآبات ب الاسود اول ماطلعت مسكتهآ مرآم :تعالي تعالي استشور شعرك طفشانه ابي اسوي شي
تأففت تدري انها ماراح تتركها الا لمآ تسوي اللي براسها جلست على كرسي التسريحه باستسلام ومرام بدت تستشور شعرها الناعم خلقه كانت تقريبا بس تجففه
ترف وهي تعدل نظآرتها الطبيه بذوق : امول ماشاء الله محلوه علمينآ شتسووين يَ الخايسه خنرقع عمرنآ
امل وهي تبتسم لترف من المرآيه : ماشاء الله عليك مآتحتآجين ترقيع وربي انك قمر يكفي هالسنع والذوق والثقافه
وعد :هوووهوو علينا بدو يتغزلون وش يسكتهم الحين شوفي انتي وياها كل وحده تتغزل بزوجها لاتزوجت مو هنا طايحين لي غزل - رمشت وهي تقلدهم - ماشاء الله وش الجمآل
ضحكوا البنات عليها يعرفونها ماتحب هالحركآت قالت جود وهي تضحك :ههههههههههههههههه وعيد انتي شتبين قومي انزلي تحت روحي تهاوشي مع وليد ولا شوفي لك دبره
وقبل ماترد وعد دخلت سديم الصغيره وهي تفرك عيونهآ ورآحت لامل اللي حضنتهآ بقوه وباستهآ : حيآتي انتي توك قآعده روحي لمهآ حبيبتي لين اخلص
سديم هزت راسها بلا وتعلقت فَ امل اكثر ابتسمت امل بحب ماتتخيل حيآتها بدون هالصغنونه قعدتها على رجولها وضمتها بحنان ومرام قربت تخلص
بعد فتره خلصت مرآم وقفت امل وهي تبتسم : ثانكس مروم انا بروح ابدل لسدومه وجايتكم
نزلوا البنات كلهم تحت وامل بدلت لسديم لبستها فستان وردي ناعم وشوز وردي ورفعة شعرها القصير كله لفوق وربطته لها بشريطه ورديه ورشت لها عطر طلع شكلها كيوت
وهي بعد حطت قلوس وشوي بلاشر ورشت من عطرها ونزلت وهي ماسكه سديم فَ يدها اول ماوصلت الصاله جاتها الخدامه معصبه وشكلها يضحك
امل :ههههههههههههههههههههههههه شفيك ميري ليش معصبه - ناظرت المطبخ وهي تسمع صراخ البنات وهبالهم - اكيد المهابيل مطلعين لك قرون
ترف اللي قآعده وبيدهآ مجله :هههههههههههههههههههه يقولون بيسوون كيك المجآنين وحاسوا ام المطبخ حوس
ميري :مس امممآآل قول هق بنت هدا كووولو يطلع برا مطبخ كولو مطبخ وصخ كوول مكان ايش هادا انا تعبان كتيير
كتمت امل ضحكتها وقالت :وين نتآلي عنك والسا و ريتا
ميري :نتآلي روه مع حريم مجلس ثاني والسا وريتا عند رجال ودي قهوه جيب شاي ودي عصير جيب ماي
ضحكة امل وتوجهت امل للمطبخ وصرخت :اطلعووووووو جننتو المره لاتسوون شي امشو نطلب من سعد الدين
البنات كانوا يضحكون وقمة الازعاج والمطبخ حوسته حوسه الصحون والملاعق ف كل مكآن والثلاجه مفتوحه وكاس مكسور ف الارض ولا احد عليه منه
طلعوا البنات وهم ميتين ضحك بعد ماطفروا ميري المسكينه وخلوها تعصب
وعد تقلد ميري : انتا مآفي كويس مثل مس امل انت بنت كوولوو خربان مخ خرباان
انفجروا البنات ضحك وامل ضحكة معهم على اسلوب وعد وهي تقلد ميري المسكينه
دخلت نتآلي وتاففت من ازعاجهم : مساء الخير انسه امل ريان بدو سديم ازا كانت جاهزي
امل :نتالي بلاها انسه هذي كم مرا اقول ناديني امل وسديم جاهزه زي القمر خذي وديها لابوهآ -قربت من سديم وهي تقول - وين بوستي سدومه
باستها سديم وهي تضحك ببراءه وراحت تركض بمرح بفستانها وكانها فراشه مسكت يد نتالي وقالت بطفوله : وديني لبابا يلا
نتالي قرصت خدها : تؤبريني شو حلوي
طلعت نتالي وسديم وامل مسكت الجوال بتدق تطلب من سعد الدين يجهز الطلب وبتروح تاخذه وهي تسمع اصوات البنات: شيز كيك .. كيك شوكلاته .. سوفليه
امل :بس بس وجع شوي شوي شلون اطلب انا اسكتوا الووو ايه اسمع ابي شيز كيك كبير وابــ
وعد بصراخ تعاند : بقلاوه بقلاوه لاتنسين امول
تكمل جود باستهبال : وايسكريم فروله وكيكة الفواكه
الهندي تحلطم وسكر السماعه امل ناظرت السمآعه معصبه :ارتحتوا الحين يَ المشآفيح فشلتوني وخليتو بو هنود يسكر ف وجهي الله يقلع هالوجيه اللي عليكم
البنات تسدحوا ضحك وامل ماتقدر اذا شافتهم يضحكون الا تضحك معاهم ابتسمت وقالت : كلو تبن زين قومي مرام نروح السوبر ماركت هذول مو وجه سعد الدين
وقبل ماتتحرك مرآم ركضوا كلهم يلبسون العبايات وخلال ثواني رجعوا اللي تلبس عبايتها واللي تلبس جزمتها -اكرمكم الله- واللي تلبس النقاب واللي تلم اغراضها فَ الشنطه
طلعو كلهم برجه وازعاج وكل وحده تدف الثانيه وصراخهم واصل لعند الجيران شافو وليد واقف ف الحوش وبيده صنية القهوه بيوديها للرجال
طالعهم وهز راسه : انتو متى تهجدون قصروا اصواتكم فضحتونا عند الجيران وش بيقولون ماعرفوا يربون بناتهم
ركبوا البنات بدون لاحد يرد عليه الا وعد اللي قالت باحتقار : مو ناقص الا البزارين يتحكمون رح ي ماما ود القهوه الله يستر عليك
وليد عض على شفايفه بقهر لو هو مو ماسك صينية القهوه عرف يربيها : ماراح انزل عقلي لعقلك جد متخلفه الحمد لله والشكر
وقبل لاترد وعد مشى وليد متوجه لمجلس الرجال ووعد معصبه تسب وتلعن وتبي تنزل له
مشاعل ماسكتهآ :اقووول اركدي بس مو فاضيين لك كملوا هواشكم بعدين وترا مصدقه نفسك انتي وش بتسوين له يعني
وعد بحماس : بفقع وجهه تفقيع وبمخشه مثل القطوه وبعضه وبشد شعره واخر شي بعطيه ركبه اخليه ينسى اسمه
مرام :هههههههههههههههههههههههه والله انك حفله انتي زين اذا قدرتي تقربين منه عشان تسوين كل هذا والله لايمسكك ويعلقك فَ السقف
وعد بهياط : نعم نعم مين اللي يعلقني ف السقف هالبزر وليدوه ياليتكم تاركيني انزل واعلمه ان الله حق واخليه يحرم يتطاول على عمامه مره ثانيه اخليه اذا شافني ماشيه بطريق يروح هو بطريق ثاني
ضحكوا البنات على وعد وهي دايم كذا مع وليد مايطيقون بعض وطول وقتهم هواش قالوا للسواق يعلي على صوت الاغنيه وتحمسوا معاها : اوم نادي ع الصعيدي وابن اخوه البور سعيدي والشباب الاسكندراني المه دي لمة رجال
وصلوا السوبر ماركت ونزلوا كالعاده بهبال وضحك دخلوا وكل ثنتين راحوا لجهه ومعاهم سله
مرام :هههههههههههههههههههههههههههههههههههههههههههههههه امول شوفي المهابيل الله يفشلهم بيفضحونا ههههههههههههههههه
التفتت امل شافت جود قاعده ف العربه وفجر تفحط فيها ويصارخون حمدت ربها ان السوبر ماركت مو زحمه :هههههههههههههههههههههههههههه امشي مرام احنا مانعرفهم مين هذول
مشت مرام وامل وهم ياخذون اللي يبون ويضحكون على هبال البنات ويسوون نفسهم مايعرفونهم وكل ماقربوا منهم راحوا لطريق ثاني عشان مايكلمونهم
امل كانت ملتفه على البنات وميته ضحك وماحست الا بجسم قوي يصقع فيها وكانه جدار
التفتت شافت واحد يلم اغراضه من الارض معصب :ماتشوفين انتي عميه طالعي قدامك وجع
امل بعصبيه : وجع يوجعك انت العمي ماتشوف قدامك انا كنت ملتفه
الشاب رفع راسه يناظر هالصوت الناعم اللي حتى وهي معصبه ناعم طاحت عيونه بعيونها ارتخت ملامحه وابتسم وهو يذكر الله على هالعيون : انا اسف صرخت عليك
طالعته امل شاب طويل ووسيم بقوه حنطاوي وله سكسوكه مملوح وواضح انه ولد نعمه من لبسه وساعته قالت بهدوء : عادي حصل خير وانتبه مرا ثانيه قدامك
راكان ابتسم بهدوء: انا اسف مرا ثانيه وسلتكم هذي والله ماحد يحاسب عليها غيري
ابتسموا البنات بخبث يبي يبين لهم انه بطران هزت امل راسها ومسويه نفسها منحرجه منه مشى واشر لهم يمشون وراه مشوا وراه واي شي يقابلهم ياخذونه ويحطونه بالسله عناد فيه
خذو اشياء كثيره كثيره مرا خمو نص المحل ولما وصلوا للمحاسبه شهقت جود وهي تصرخ : وش ماخذين انتوا انهبلتوا شدعوه ماخذين عزبه
انحرجوا امل ومرام وتمنوا يذبحونها اشروا لها تسكت وراكان كان ساكت وكاتم ضحكته واضح انهم فله ومهابيل
حاسب على اغراضه القليل وعلى اغراضهم الكثير وابتسم لهم وهو يقول ويناظر في عيون امل اللي تجنن العاقل: هذا شي بسيط عشان اعتذر منك على اللي صار فرصه سعيده يلا باي
اول ماطلع ضحكوا البنات وخذوا الاكياس الكثيره وطلعوا شافوه يركب سيارته البورش ويعلي على صوت الاغاني وشخط بالسياره(مشى بسرعه) يعني شوفوني بطران
ركبوا البنات السياره وهم ذابحين امل اسأله .. من هالمزيون .. ليش حاسب عنكم و يستهبلون ويتغزلون فيه وكل وحده تقول خلاص محجوز لي ويتهاوشون عليه وهو مو داري عن هوا دارهم وذابحته ام عيون عسليه
رجعوا البيت وحطوا لهم شبس وبيبسي وخرابيط وقعدوا يتفرجون على مسرحيه جديده لطارق العلي وهم ميتين ضحك
دخل ريان وهو يبتسم وماسك سديم بيده : وانتوا مادخل ولا اطلع الا واسمع ضحككم واصل لنهاية الشآرع
جود: تعال تعال عمو لاتفوتك المسرحيه وربي تموووت ضحك والله لو كنت عارفه اوقات عرضها فَ الكويت كان قلت لجدي نروح نحضرها
قعد ريان وقعد سديم اللي جاها النوم بحضنه : ههههههههههههههههههههه شايفينها انا والشباب قبلكم
وعد : عمو بلا كذا متى شفتوها وهي جديده توها نازله
ريان : شايفينها صار لنا اكثر من شهر المهم ترا ابوي يقول بنروح المزرعه بعد يومين وبنطول جهزوا اغراضكم وترا بنمشي الفجر يعني بكرا ف الليل ناموا بدري
انبسطوا البنات وكملوا المسرحيه وكل شوي يضحكون ريان طالعهم واشكالهم تضحك وضحك معاهم
قامت امل وقعدت جنبه :اقول ريان -هي الوحيده اللي ماتناديه عمي لانها متعوده عليه ومعاه بنفس البيت - لاتنسى تسجل سدوم فَ الروضه قبل لاينتهي التسجيل حق السنه الجديده
ريان :سجلتها قبل يومين فديتها قاعده تكبر الله يخليها لي ولا يحرمني منها - لمعت عيونه بحزن وضيق -انا والله مادري لولا الله ثم هالبنت شنو كانت حياتي من بعد وفاة المرحومه
باس راس بنته اللي نامت بحضنه : الله يعطيني طولت العمر لين اشوفها عروس واسلمها للرجال اللي يستاهلها وانا متطمن عليها
امل :الله يطول بعمرك ويخليها لك ويخليك لها وان شاء الله تشوف عيالها وعيال عيالها بعد هههههههههههههههههههههههه اتخيل شكلك وانت جد بتصير مثل جدي فديته
ريان :هههههههههههههههههه انا خليني الحق عليها وهي عروس عشان الحق على عيالها وعيال عيالها شدعوه مومياء مو انسان ههههههههههههههه
ضحكت امل وهي تقول : جب سديم خلني اوديها فوق لاتقعد من ازعاج البنات
ريان : لا انا رايح فوق باخذ غرض اوديها معاي -راح سدح سديم ف سريرها وغطاها زين واخذ اغراضه اللي يبيهم ونزل -
مرام :وش عندك انت وياها ماتقعدون كذا الا وراكم بلا اعترفوا تحشون في مين
ريان رفع حاجبه وقال يغيضها : نحش في عبد العزيز اقولها توني سامعه قبل يومين يكلم وحده ويقول لها اوعدك بس اطلق البومه اللي عندي واتزوجك هههههههههههههههههههه
عصبت مرام وصار وجهها احمر هي تدري انه يمزح بس ماتحب هالمزح قالت بغرور : عزوز مايطالع غيري ولا تملي عيونه الا انا
ريان يغمز لها : في هذي صدقتي عنده كل هالجمال ويروح لغيره مادام عندي القمر مالي ومال النجوم
مرام انحرجت وقالت تضيع الموضوع : خل اكمل المسرحيه بس
ضحكوا عليها امل وريان وهي ابتسمت بحب من يجيبون طاري عبد العزيز قلبها يدق تحبه بشكل مو طبيعي حنون معاها ولا يرفض لها طلب وطيب ورجال بمعنى الكلمه
ريان :قامت توزع ابتسامات رايحه فيها هالبنت اروح انام احسن لي قصروا حسكم مابي ازعاج مو تقولون جناحه بعيد وماراح يوصل الصوت صوتكم يوصل للمريخ مو بس لجناحي
ضحكوا البنات عليه وقالت مها : بناااااااات شنو بنسوي فَ المزرعه طلعوا لنا افكار قبل مانروح انا صراحه ودي اسبح ولا علي منكم من زمان ماسبحنا فَ المزرعه
مشاعل : هبله انتي ترا جو المزارع بارد مو مثل هنا حر والله ان سبحتي وطلعتي ولفحك الهواء ان تقعدين شهر تعاطسين وتكحين
دخلت سلاف بفستانها الكحلي وجسمها الصغير وقالت بصوت طفولي : جدي يقول كلكم تعالوا لمجلس الحريم الحين
قاموا البنات وكل وحده شايله معاها شي اللي بيبسي واللي فوشار واللي شيبس المهم مايروحون ويدهم فاضيه وتوجهوا لمجلس الحريم الواسع بتصاميمه الحلوه وتدل على ذوق صاحبها
دخلوا بهدوء عكس الازعاج اللي كانوا فيه من شوي وكل وحده تفكر وش يبي فيهم جدهم اللي الكل يحترمه ويعزه ويعمل له الف حساب ورغم هيبته ومكانته عند الناس الا انه مع احفاده غير حنون وطيب بس لابد يقسى لاشاف احد منهم مخطي
سلموا على جدهم وباسوا راسه وقعدوا كلهم بجهه وحده قال جدهم بصوته القوي : شلونكم اليوم يبه
ردوا عليه باصوات متفرقه : الحمد لله.. بخير .. طيبين .. كويسين .. تمام
قال وهو يضحك : تتكلمون كلكم مع بعض شلون افهم انا كذا هههههههههههههه
قالت وعد بمزح : طيب جدي انت سألتنا عن احوالنا كلنا شلون نرد عليك وحده وحده هههههههههههه
الجد : مقبوله منك ياوعيد - ناظرها شوي وقال - تعالي تعالي اشوف شعرك قاصته من شهرين وللحين ماطول تلعبين علي تبين ارقص العصا على ظهرك
ضحكوا البنات ووعد قالت : جدي ماحبه طويل والله يضايقني خلني كذا مرتاحه ومرده بيطول
الجد : اقول اعقلي وصيري مثل البنات السنعات شعرهن طويل وحلو اجل كذا كانك واحد من العيال وش الفرق بينك وبين وليد نفس القصه ناقصك شنب بس
كشرت وعد مالقى يشبهها الا بوليد والبنات ضحكوا عليها وعلى وجهها المكشر
ام عبد العزيز : تعبت ياعمي وانا اكلمها واقول لها صيري مثل خواتك وتسنعي واعقلي خلاص كبرتي بس لاحياة لمن تنادي
مدت وعد بوزها وقالت بزعل : جدي الحين مناديني عشان تهزءون فيني
الجد : لا بس قلت بدل ضحككن اللي ماله فايده تجون هنا نسولف معاكم شوي - تذكر - الا قال لكم ريان عن المزرعه
امل بابتسامه : ايه قال لنا بس وش المناسبه جدي غريبه قلتوا فجاءه بنروح المزرعه
الجد : مافي مناسبه بس قلنا نغير جو - ابتسم بحب لامل الحبيبه والغاليه على قلبه واللي لها معزه خاصه - شفيك يبه كذا تعبانه ووجهك اصفر كلي وانا ابوك انتي عندك فقر دم ولازم تتغذين
وعد : ايييييييه الله لنا هي بس لها الحب والدلع واحنا لنا التهزيء وبعدين وين وجهها اصفر الا منور وش حلاته ماشاء الله فلقت قمر
الجد بعصبيه : الله عليك اكبر اذكري الله لاتصكين بنتي بعين ادري ان وجهها منور وحلو بكل حالاته بس لازم تتغذى زين وتقوي عظمها هي بسن زواج الحين ووراها حمل وولاده وتعب لازم جسمها يكون قوي
حمر وجه امل من كلام جدها وقالت بخجل : ان شاء الله جدي بتغذى زين وانا علاجي محافظه عليه ولله الحمد ولا يوم تركته
ام سعود :هههههههههههههههههههه احرجت البنت ياعمي الله يحفظهم هالبنات كبروا وصاروا عرايس وكلهم حلا وسنع
ابتسموا البنات وكملوا سوالف مع جدهم والحريم واخذهم الوقت لين دخل فواز وقال للبنات يطلعون لان فيصل بيجي قاموا البنات كلهم ماعدا امل اللي كملت سوالف مع الحريم لين دخل فيصل وقال بصوته المميز : السلام عليكم
الكل رده عليه السلام وقعد بهيبته وحضوره بجنب جده وطبعا هو يعتبر زوجات عمامه امهاته ولا يتغطون منه قال له جده : ها يبه كلمت سعيد يودي العمال للمزرعه ينظفونها ويجهزونها
فيصل : كلمته يبه وخليته يجهز كل شي لاتشيل هم انت بس ارتاح ياتاج راسي وريح بالك وكل شي بيكون جاهز ومثل ماانت طلبت جعلني فدا راسك
ابتسم جده وهو فخور بعياله واحفاده اللي رافعين راسه بين الناس ومريحينه بكل شي هو صح ماسك الشركات وكل شي بس كل الشغل عليهم ولا يخلونه يشتغل بس يوقع على الاوراق والمستندات المهمه وهو مسلمهم كل شي
خذتهم السوالف عن السوق والاسهم والمزرعه والذكريات وامل مو معاهم ابد كانت تطقطق على جوالها لين سمعت فيصل يقول : الله يرحمه ابوي كان يحب طلعاتنا للمزرعه وكان يحب الكشتات والقنص
سكت بعد ماشاف نظرات امل ونظرات جده اللي يعاتبه عض شفايفه على زلة لسانه يعرف ان امل تتاثر كثير من طاري اهلها الله يرحمهم حس الدموع تتجمع بعيونها كان بيروح يكلمها لكنها قامت بسرعه واستأذنت بادب وطلعت بسرعه وماتبيهم يشوفون دموعها
ركضت من الباب الخلفي لغرفتها ماتبي احد يشوفها رمت نفسها على السرير هم مايروحون عن بالها لحظه لكن لما احد يجيب طاريهم وذكرياتهم تنفتح الجروح بقلبها مسكت الصوره اللي جنب السرير صوره فيها امها وابوها وهي وفيصل كانوا مبتسمين وعيونهم تبرق بسعاده
نزلت دموعها اكثر كانوا اسعد عايله بالدنيا وقلوبهم على بعض والكل حاسدهم على هالحب اللي بينهم كانوا يدلعونها كثييير ماتنكر ان فيصل الحين يدلعها وشايلها بعيونه بس دلع الام والاب غيييير شهقت وهي تذكر ذاك اليوم اللي اخذ منها اغلى اثنين بحياتها
كانت قاعده مع فيصل يسولفون ويضحكون لين جاه اتصال وفجاءه تغير وجهه وطاح الجوال من يده قالت امل بخوف : وش فيه وش صاير
قال فيصل بصدمه وبدون شعور :امي وابوي مسويين حادث
توسعت عيون امل بصدمه وهمست : حادث -نزلت دموعها ومسكت يده برجاء - ودني لهم فيصل تكفى
ركض فيصل لسيارته وامل سحبت عبايتها بسرعه ولحقته وهي تهدي نفسها وتقول بداخلها يمكن فيه غلط فَ الموضوع يمكن مو اهلي غلطانين
وصلو المستشفى بسرعه قياسيه نزل فيصل بسرعه وامل وراه لكن تبخرت كل ذرة امل عندهم وهي يشوفون جدهم قاعد على الكرسي بضعف ويمسح دموعه بشماغه وعمهم واقف يهديه ودموعه على خده
قرب فيصل وقال بلهفه : شفيهم طمنوني الله يخليكم قولوا لي مافيهم شي - نقل بصره بين جده وعمه ينتظر منهم اجابه صرخ - لا لاااااا اهلي بخير تكفووووون انطقوا قولوا انهم بخير كانوا معنا قبل لايطلعون مافيهم شي
وقف جده وشد على كتفه وقال : انت مسلم وصابر تماسك خلك قوي عشان اختك مالها غيرك - نزل راسه وقال بحزن - عظم الله اجرك هم محتاجين دعائك الحين
ابتسم فيصل بعدم تصديق : اثنينهم -صرخ وماهمه الناس - شلووووووووووون كانوا طالعين لمشوار صغير وراجعين جدي لاتمزح معي الله يخليك - حط يده على راسه بعدم تصديق من هول الصدمه - ماتوا شلون ماتوا
قرب عمه منه وهو يضمه ودموعه تنزل : البقيه في حياتك تماسك يافيصل خلك قوي عشان اختك انت انسان مؤمن بَ القضاء والقدر هذي كتبت ربي وهذا يومهم لاتجزع وانا عمك
فيصل لف على امل اللي واقفه بدون ولا حركه ولا تعبير خاف عليها حس انه لازم يكون قوي عشانها قرب منها وضمها بقوه حس ان ضلوعها بتتكسر من ضمته : قولي لا اله الا الله اذكري الله الله يرحمهم ادعي لهم محتاجين الدعاء لاحول ولا قوة الا بالله لا حول ولا قوة الا بالله
ولا حركه ولا دمعه ولا كلمة طاحت بين يدينه مثل الجثه شالها وهو يصرخ وينادي الممرضات مو ناقص يفقدها هي بعد والله مو ناقص دخلوها للغرفه واول ماصحت كانت تصرخ وتبعدهم عنها وتضربهم وهي تقول : ابعدووووووووووا بروح لامي وابوي وخروا عني شفيكم انتوا ماتفهمون
ماقدر فيصل يدخل عندها دخل جدها وهو يضمها ويهديها : خلاص يبه خلاص اذكري الله مايصير اللي تسوينه ادعي لهم بالرحمه والمغفره وان ربي يجمعك معهم بالجنه ادعي لهم وانا ابوك ادعي لهم
عطوها الابره المهدئه بصعوبه بعدها نامت بهدوء وسلام بدون لاتحس بنفسها دخل فيصل وهو يشوفها كيف نايمه واثار الدموع على وجهها قرب ومسك يدها وهو يبوسها بضعف اذا هو الرجال ماتحمل شلون اخته الدلوعه الرقيقه اللي متعلقه في اهلها بجنووون قال بصوت تعبان مبحوح : خلاص جدي رح انت وعمي وانا بقعد مع امل مابي اتركها
صحت من ذكرياتها على صوت باب غرفتها اللي انفتح ودخل فيصل بطوله الفارع قرب منها وشال الصوره من يدها وحطها على جنب : انا اسف ماقصدت اذكر ابوي قدامك بس لمتى يا امل خلاص ادعي لهم واصبري واجرك عند الله مايصير كذا ياقلبي
شهقت بَ البكا وهي تغطي وجهها بيدها : ماقدر فيصل والله ماقدر
ضمها لصدره وقلبه يتقطع عليها مو مستعد يفقدها هي بعد هي حياته ونور عيونه من بعد ماراحوا اهله وهو حالف يسعدها : اهدي حبيبتي الله يخليك وقلت لك الدموع والزعل ماينفعهم الدعاء لهم والاعمال الصالحه هي اللي بتنفعهم
مسح على ظهرها بحنان : يلا نامي ارتاحي - بعد الغطا وخلاها تنسدح وغطاها زين - مسكت يده : لا تتركني فيصل
ابتسم ومسح على شعرها : ماراح اتركك لين تنامين حبيبتي - مسك مصحف قريب منه وصار يقرا ويمسح على راسها - بعد ربع ساعه كانت قاطه ف النوم باس راسها بهدوء وقصر على التكييف وطلع وهو متضايق على حال اخته وحبيبته ويدعي ان الله يقدره على اسعادها
قابله جده اللي قال : ها وانا ابوك طمني عن اختك
فيصل بضيق : والله مادري وش اقول لك يبا انا خايف عليها
جده بثقه وجديه : لاتخاف عليها من شي دام راسي يشم الهواء بس انت وانا ابوك خلك معاها وجنبها على طول وحاول تقويها وتصبرها بكلامك لاوصيك عليها يافيصل ترا اللي صار لها مو سهل فقدت اهلها بلمحة بصر بعد ماكانوا النور اللي تشوف فيه هالدينا
حط فيصل يده على كتف جده : افا عليك يبه توصيني على روحي - سكت شوي بعدها قال - انا بروح ارتاح يبه توصي بشي
ابو عبد الكريم : سلامتك يبه نام وارتاح ولا تضيق خلقك ربك كريم
ابتسم فيصل وهو يبوس راس جده : ان شاء الله يالغالي يلا تصبح على خير

# انتهى هاليوم بحلوه ومره على ابطالنا #

* توقعاتكم
سبحآن الله وبحمده سبحآن الله العظيم *


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-10-2015, 12:11 AM
صورة غــيّــم • الرمزية
غــيّــم • غــيّــم • غير متصل
©؛°¨غرامي مجتهد¨°؛©
 
الافتراضي رد: رواية بيت جدي اللي جمع كل المحبه والامآني والحنين / بلقمي


قريت جزء بسيط من الجزء الاول وشكل الروااييهه خورراافيييههه ان شاءلله لما افضى اقراهاا حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-10-2015, 01:28 AM
صورة olli الرمزية
olli olli غير متصل
©؛°¨غرامي فعال ¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي


جمميل البارت وحماس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-10-2015, 05:52 PM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبه والامآني والحنين / بلقمي


اقتباس:
المشاركة الأساسية كتبها غــيّــم • مشاهدة المشاركة
قريت جزء بسيط من الجزء الاول وشكل الروااييهه خورراافيييههه ان شاءلله لما افضى اقراهاا حبيبتي

نورتي حبيبتي ومشكوره على كلامك الطيب انتظر قرآئتك وتعليقك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-10-2015, 05:54 PM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي


اقتباس:
المشاركة الأساسية كتبها olli مشاهدة المشاركة
جمميل البارت وحماس
شآكره لك مرورك وذوقك وانتظريني الثلاثاء بالبارت الثآني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-10-2015, 06:35 PM
صورة !! أتعــبــنے غــروري !! الرمزية
!! أتعــبــنے غــروري !! !! أتعــبــنے غــروري !! غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي


حبيت الرواية ...
..بأنتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 03-10-2015, 03:09 AM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي


اقتباس:
المشاركة الأساسية كتبها !! أتعــبــنے غــروري !! مشاهدة المشاركة
حبيت الرواية ...
..بأنتظار البارت الجاي

نورتي حبيبتي
البارت الثلاثاء باذن الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-10-2015, 03:34 AM
(Maysa) (Maysa) غير متصل
©؛°¨غرامي نشيط¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي




صراحةً ماحبيت انك خليتي التعريف اول شئ لما اشوف احد يسوي هشئ احس ماعنده مؤهلات اشوئ زي كذا
او خليتها مع الاحداث نتعرف عليهم او كل ماتطلع شخصيه تكتبين تحت اسمها الكامل وعمرها واحنا نتعرف ع شخصيتها مع الاحداث
انا حبيت فقط اعطيش هـ النقد وان شاء الله يطورك
اما روايه ماقدرت اكملها بس ان شاء الله اذا اكتملت قريتها

ودي لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-10-2015, 05:33 PM
صورة _A.M_ الرمزية
_A.M_ _A.M_ غير متصل
©؛°¨غرامي مشارك¨°؛©
 
الافتراضي رد: رواية بيت جدي اللي جمع كل المحبة والأماني والحنين /بقلمي


اقتباس:
المشاركة الأساسية كتبها (maysa) مشاهدة المشاركة


صراحةً ماحبيت انك خليتي التعريف اول شئ لما اشوف احد يسوي هشئ احس ماعنده مؤهلات اشوئ زي كذا
او خليتها مع الاحداث نتعرف عليهم او كل ماتطلع شخصيه تكتبين تحت اسمها الكامل وعمرها واحنا نتعرف ع شخصيتها مع الاحداث
انا حبيت فقط اعطيش هـ النقد وان شاء الله يطورك
اما روايه ماقدرت اكملها بس ان شاء الله اذا اكتملت قريتها

ودي لك
اشكرك حبيبتي على مرورك
وسبق وذكرت اني حطيتهم بالبدايه عشان لايصير لخبطه وعشان اكتب برآحتي وانا شخصيا مااحب كتابة الشخصيات في البدايه ولكن للسبب اللي ذكرته لان الشخصيات كثيره
شرفتيني واشكرك على نقدك البنآء نورتي


الرد باقتباس
إضافة رد
الإشارات المرجعية

رواية بيت جدي اللي جمع كل المحبة والأماني والحنين /بقلمي؛كاملة

الوسوم
اللي , المحبه , بلقمي , رواية , والامآني , والحنين
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عربجية بنات /بقلمي؛كاملة عزة نفس :$ روايات كامله - يتم نقل الرواية هنا بعد اكتمالها 586 27-08-2017 09:35 PM
رواية اصلا حياتك بس مجرد وجودي /بقلمي؛كاملة خياآليهـ روايات كامله - يتم نقل الرواية هنا بعد اكتمالها 175 16-02-2017 07:51 PM
رواية مابعد مر الرحيل إلا إنكسار /بقلمي؛كاملة انفآس الهجر ! روايات كامله - يتم نقل الرواية هنا بعد اكتمالها 229 11-08-2016 05:02 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 09:41 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1