غلاي امي ©؛°¨غرامي مشارك¨°؛©

السلام عليكم
مافيه شي مهم مر حابه اتكلم وافضفض شوي يعني ابي اعرف وش وضعي وش الي احس فيه وفيه احد مثلي ولا ...
قبل اربع سنوات تقر يباكنت امشي بممشى قريب من الحي الزبده فيه واحد كان يمشي الصراحه لفتني مدري حسيت بشي غريب المهم رجعت البيت ونسيته ومر كم يوم ونفس الشي رجع انبسطت يوم شفته بس عادي مرور الكرام وثالث مره ورابع مره وكلها مرور الكرام وارجع البيت وانساه الزبده بعد فتره بسيطه شفته بالصدفه بتاق بالانستقرام وطلع قريب بيتهم وامي تعرف امه.. ماضفته ولاشي لكن صرت كل بين فتره وفتره يجي فجاءه في بالي وبالاخص لاجا طاري زواج يطلع بين عيوني مع اني ابد مافكر فيه من يجي هالشي ادخل اشيك على حسابه واحس بشعور جد غريب.. االفترات يعني من ثلاث شهور للشهرين.... المهم عاد اخر مره دخلت كان قبل ثلاث شهور وكان بيسافر... ورجعت دخلت حسابه قبل شهر طلع رايح يتعالج من سرطان انا هنا لاشعوريا انهرت ابكي وامي قدامي قالت شفيك وقلتلها طلعت عارفه عنه بس ماتكلمت لان اصلن علاقه سطححيه مع امه ومافيه طاريي يجيب الموضوع امي قالت ادعي له ربي يشفيه.. الي مستغربه منه وش أحس فيه لاهو شاغل بالي مره يعني عادي بس ليش انهرت وبكيت وليه بين فتره وفتره يطري علي ومن عقب ماكنت من وقت بعيد لبعيد ادخل صرت يوميا اشوف حسابه وبس



لحد يقول سالفه بايخه شي احس فيه وحبيبت افضفض. واتكلم ولاتنسون تدعون له

e3nad آلحَمدلله عَلى كُلِ حَآل

قبل اربع سنوات
طلع قريب بيتهم وامي تعرف امه
امي قالت ادعي له ربي يشفيه..
لاهو شاغل بالي مره يعني عادي بس ليش انهرت وبكيت
الله يشفيه يارب ويشفي جميع مرضى المسلمين

مدري يمكن اعجاب قبل 4 سنوات وبعد السنيين صرتي تتخيلي زوجك المستقبلي هو لمى امك تزورهم يخطبوك وش زي كذا .. ولمى عرفتي عن مرضه بكيتي


المهم عاد اخر مره دخلت كان قبل ثلاث شهور وكان بيسافر
الحب مايخلي الشخص يصبر لو يوم بدون مايعرف اخبار من يحب ..... فأستبعده من رأي الشخصي


الله يوفقك ويوفق الجميع ويرزقك الذرية الصالحه وكل المسلمين

^^

غلاي امي ©؛°¨غرامي مشارك¨°؛©

ماتخيلت بيوم امه تخطبني لأن اصلن هالشي مستحيل اللهم امين

مشكوره ع الرد حبيبيتي

الـعـمـده ©؛°¨غرامي ماسي ¨°؛©

وعليكم السلام ورحمة الله وبركاته
اهلا وسهلا ومرحبا بك اختي الكريمة
نورت ومنورة والله
اعتقد هذا اعجاب الله اعلم

رجل عسطح القمر ©؛°¨غرامي ذهبي¨°؛©




عندك فراغ عاطفي ..
وشغلتيه باقرب قشة قدرتي تتعلقي بها


شخص ما تعرفي منه غير شكله ورمزه
يمكن لو فتح فمه،
يمكن لو عرفتي تفكيره .. وشخصيته،
لنصدت نفسك ..
وسخرتي منها .. ومن مشاعرك تجاهه


الشيطان .. اقسم على نفسه عند الله سبحانه وتعالى
على ان يقعد لبنوا ادم عن يمينهم وشمائلهم وامامهم وخلفهم
ولان .. يغويهم

تعوذي من الشيطان،
واشغلي قلبك بما ينفعك عند الله
فهو جل في علاه .. اللي سيقدر لك ابن الحلال المناسب






، دعواتي لك


عنود الريم 1 ©؛°¨غرامي مجتهد¨°؛©

يقدر اكون اعجاب ،او كما قال الي قبلي عندك فراغ عاطفي فانتي لقيتي شيء تشغلي بالك فيه وتتخيلي اشياء بس ماانصحك توهمي نفسك وتعيشيها باوهام انتي البطلة فيها
وشيء عادي بما انك عرفتي من هو وانه. مريض بلالسرطان (ربي يشفيه ويشفي سائر مرضى المسلمين) انك تبكي لانك بديتي تعلقي نفسك فيه وهو ولا داري عن هوى دارك
نصيحتي طلعي نفسك من كل ذا واملي فراغك بشيء تحبينه وبعدي ذي الافكار عن راسك ولا تتعلقي بحبال ذايبة

اتمنى تتقبلي ردي لاني مااقصد اجرحك

مصلح السعد السدحان ©؛°¨غرامي مشارك¨°؛©

اتمنى ماتمشين لحالك بالممشى مرة ثانية البنات عاطفيات كثير اسال الله ان يهديك ويصلح بالك

لاتخبين اي موضوع عن امك اكبر غلط ان يكون هنالك مواضيع من هالنوع وتخبين عن امك اللي تحبك اكثر من اي شخص في العالم




اخيرا حطي ببالك زين الحب والشعور الجميل لايكون الا بعد الزواج


واي امور قبلها عبارة اعن اوهام شيطانية غريزية يتمنا الشيطان ان تقعي فيها حتى ماتوقفين على رجليك بعد كذا




واخيرا اتركي فضولك عنه

رِيّ. ©؛°¨غرامي جديد¨°؛©

المشاركة الأساسية كتبها إحكي وحاكيني اقتباس :



عندك فراغ عاطفي ..
وشغلتيه باقرب قشة قدرتي تتعلقي بها


شخص ما تعرفي منه غير شكله ورمزه
يمكن لو فتح فمه،
يمكن لو عرفتي تفكيره .. وشخصيته،
لنصدت نفسك ..
وسخرتي منها .. ومن مشاعرك تجاهه


الشيطان .. اقسم على نفسه عند الله سبحانه وتعالى
على ان يقعد لبنوا ادم عن يمينهم وشمائلهم وامامهم وخلفهم
ولان .. يغويهم

تعوذي من الشيطان،
واشغلي قلبك بما ينفعك عند الله
فهو جل في علاه .. اللي سيقدر لك ابن الحلال المناسب






، دعواتي لك


رأيي نفس دا تمامَا .

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1