اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 05-11-2015, 06:26 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


‎السلام عليكم ورحمة الله وبركآآته .

مسآء السعآده يآ أحبهً ..مسآءَ اللقآءَ ، وآلابتسآم
‎، وآلرحمه

،،

‎آرحب بكل متواجد جديد انظم لنآ وأقول للي خلف الكواليس اظهروا
‎عآآد هآلله بالتعليقآت والردود الصرآحه اكثر من مره بوقف كتآبة الروآيه...
بس اترآجع وارجع اكتب الفصل من غير شعور،،قلة الردود وعدم التعليق تقلل من حمآسي ،،بس ان شاء الله اوآصل معآكم لي النهآية ،،
عآد الفصل ذَا اهداء لي(الحلوة المزيونه) الله يطعني ،،مع كل فصل هي اول رد الله يسعدهآ
‎بنسبه للفصول القآدمه كل خميس ان شآءالله فصل ،،
الروآيه في البدآيه مع كل فصل يتوضح لكم شي
‎أخليكم مع الفصل قراءة ممتعه


،،،



الفصل الخامس.


سحبتهآ من كم عبآتهآآ الرآآس وهي تقول بسرعه :شوق يلآ.

شوق بضيق لبست نقآبهآ ومسرع مآآعدلت عبآتهآآ ألي سحبتهآآ فجر وهي تلمهآآآ:طيب وش فيك مستعجلة.؟

فجر :أيه مستعجلة ،،خل فطوم تلحق هي وعيآلهآ مآ ابغآهم معنآآ.

شوق نآآظرتهآ وصدت حتى تسحب مقبض الباب الحديد الأحمر تبغى تطلع من حوش بيتهم ،،دفت الباب ومسرع مآشهقت شكله كآن واقف عند الباب يبي يدخل رجعت خطوة لي وراء ضآربه بظهرهآآ بصدر فجر ألي قآلت :شوق وجع مآ تشوفي.

سكتت فجر وعيونهآ على الرجآل بثوبه الأسود وغترته البيضآآء ... صد بسرعه وهو يقول بصوت رجولي أكثر :آسف ما آنتبهت.

شوق بجمود بعد مآ انتبهت لي ملامح وجهه همست لي فجر :مو ذَا أخو فطوم.

فجر دققت فيه وهي تشوفه ينسحب :ألا ذَا نصر.

تقدمت شوق وهي جآره فجر خلفهآ،،طلعت حتى تطيح نظرآتهآآ عليه وآقف عند سيآرته ومعطيهم ظهره ،،
شوق رفعت حآجبهآ وهي تقول:أتوقع البيت له حرمه مو كل من هب ودب دخله.

فجر شهقت وهي تشوفه يلتف صوبهم ويقول بصوت حاد :احترمي نفسك يآبنت.

شوق بحده :محترمه نفسي قبل اشوفك.
فجر جرتهآ صوبهآ وهي تقول بهمس:شوق تكفين اسكتي قسم لو درا مفلح بتروحي فيهآ.

جاهم صوته وهو يقول بحزم :احفظي لسآنك..وترا مو زينه وقفتكم بالشآرع.؟

فجر سحبتهآآ ومشوآ بتجاه بيت عمهآ ألي مقآبل لي بيتهم :إنتي ما تستحي على وجهك ..رافعه صوتك على الرجال.

شوق بعصبيه :مالت عليه من رجآل ..درينآ ان اخته سآكنه في نفس البيت ..بس ماله حق يدخل من غير مايحمحم.

فجر بحده وهي تمسك كف شوق وتضغط عليه :شوق إنتي تدرين من يوم ما تزوج مفلح والشاهد الله اخوان فاطمه مآعمرهم قلوآ أدبهم ولا سمعنآ حسهم .. لا تدخلي المواضيع في بعضهآ.

دخلوآ بيت عمهم من المدخل الثآني وشوق ملتزمه الصمت بعد كلام فجر ..تدري انهآ قلة ادبهآ،،هي بنفسهآآ ما تدري ليش سوت كذا ،،عمرهآ مارفعت صوتهآ على احد غريب وخصوصاً مو محرم لهآ،،،
بس هي من شآفته حست بكرهه له وودهآ لو تتخلص منه ،،
بس الحين أكيد بيقول لي مفلح اخوهآآ،،
همست دآآخلهآ ويدهآ على قلبهآآ من الخوف (الله يستر).

ابتسمت فجر لمآ شآفة العنود تقول :هلا والله بالشوق والفجر.
فجر بحب :هلا فيك ياقلبي.
العنود:نزلوآ العبايات مابه احد كلهم بالمجلس.

فجر لفت على شوق وهي تشوفهآ سرحآنه:بنت وش فيك.

شوق انتبهت على يد العنود ألي مادتهآ بتسلم ..ابتسمت وهي تحس بخجل:هلا العنود.

العنود ضحكت وهي تقول :وين الناس.
شوق بعد ما سلمت :موجودين.
فجر :العنود من جا.
العنود بهدوء:بنات عمك وكذا وحده من القريه.

فجر هزت رآسهآ،،تقدموآ صوب مجلس الحريم حتى تشوف سآره طالع بترمس القهوة :أهلين سارونه.

سآره بطفش:أهلين فيك ..أقول سلموا والحقوني المطبخ.
العنود :أنا بلحقك.

شوق ببتسآمه :اوك ..أصلاً ما أحب هالجمعات.
سارة تحركت مبتعده وهي تقول :اجل ألحقيني.

دخلوآ ومسرع ماطاحت عيون فجر على ام فاطمه حتى تشوفهآ جالسه بصدر المجلس جنب زوجة عمهآ..همست لي شوق:ام زوجك هنا.

شوق بحده ردت :مو زوجي لِسَّه ما صار شي.
ابتعدت فجر وسلمت على الموجودين وشوق وراهآ تسلم ..قربت من ام فاطمه ألي قالت بحب وهي تشوف زين شوق:هلا بنات وش اخباركم.

فجر باحترام :هلا يآخاله الحمد الله بخير.
ابتعدت فجر وقربت شوق ألي ضمتهآ ام فاطمه وهي تقول بهمس لهآ:يازينك ياشوقه والله نصر محظوظ دآمه بيآخذك.

شوق ابتسمت بخجل وابتعدت بسرعه من غير ما تقول شي ..أصلاً وش ترد عليهآ،،هي لين الحين كارهه ولدهآآآ وتتمنى مايتم هالزواج.

،،،،،،،

:قم صب قهوة للرجآل.
عقد تركي حوآجبه وهو يقول :علي موجود من اول يقهويهم.

سعود بنرفز قال: أقول لا ترادد وقم انقلع..(صد بنظرآته صوب فيصل ألي جالس بقرب جده ورجع قال ) يكفى ولد عمك مفشلنآ هو وملابسه ذي تقول اجنبي.

تركي بضيق وعيونه على ملابس فيصل ألي تتكون من بنطلون وقميص :انت وش فيك على الرجال.

سعود صد عليه ومسرع مآآرفع يده يضبط غترته من جهة اليمين : وانت وش دخلك قم بس.

تركي وقف حتى يعدل ثوبه وتقدم صوب علي يسآعده وهو متضآيق من حركآت سعود أخوه.

طآرق حرك جوآله بيده وهو منتظر اتصال متعب ،،
من وقت ماطلع يدق عليه مايرد خايف جرا له شي ..صد على صوت عمه ألي قاله :ابو محمد متعب اخوك وينه في.

طارق بهدوء: اعتذر من ابوي فيصل.. يقول دقوا العمال بالمعرض ..ما ادري وش صآر.. وهو طلع يشوف وش السآلفه.

هز عبد العزيز راْسه وهو مو مصدق بس سكت عشآن المجلس مليآن بالرجآل ..ما يبغى يتكلم الحين.
طارق حس ان عمه ما صدقه ،،بس وش يقول له ،،
جدي طرده ولا طلع متزوج ولا ايش يقول ،،

ابو سطام احد أعيان الديره : والله يآبو جراح اني فرحت يوم سمعت ان ولد جراح رجع لي ديرته.
ابو جرآح بثقل : تسلم يآبو سطام .

قآل ببرود وهو يعتدل بجلسته بعد ما نزل فنجان القهوة : ألا سعيد وينه في يآ بو جرآح ..ماعاد سمعنآ عنه علم صآر له فترة ما زار الديرة.

ابو جرآح بعيونه الحاده رد :كلن مشغول بحيآته يآبو سعد ..وَذَا ودك تشوف سعيد دق عليه (صد على البآب ومسرع ماعدا جلسته وعيونه عليهم).

دخل وهو يقول بصوت سآخر .. يشوف الكل سكت بالمجلس :مآدرينآ ان الفيصل رجع يآشيخ على الأقل نقوم بالواجب (رفع سلاحه وأشر على فيصل ألي ملتزم الصمت ورجع كمل بجديه ) هذا ألي قلت انه انطرد وش رجعه.

ابو جرآح بحده :نزل سلاحك يآ مسفر وتعوذ من الشيطان.
مسفر بحده :دامه رجع..انآ جيت هنا طالب حق.

ابو سطام بضيق :عيب عليك يآ ولد انت داخل مجلس الشيخ.

وقف عبد العزيز وهو يقول بعصبيه :وش حقه يآولد هزاع ..وَذَا تبي حق على قولك ترفع السلاح بوجهنآ بمجلس الشيخ ..(كمل هو يقول بصوت حاسم ) وَذَا على السآلفه مرة عليهآ سنين وخلصت.

مسفر بحده اكثر :لا والله ما خلصت دآمه حي (التف صوب الموجودين وعيونه تتحرك بكل مكآن وكمل بنفس النبره ) قولوا يآ العرب يرضيكم ألي يقوله ولد الشيخ ..ولا عشآنه شيخ له الحق بكل شي وحنآ نسكت عن حقنآ.

ابو جرآح مد يده ومسك عصآه يرتكى عليهآ حتى يوقف وهو يقآبله : وش من حق تطالبه يآ مسفر.

مسفر أشر على الفيصل :دم ولدك.

مفلح ألي كآن سآكت فز واقف وتوجه صوب عمه ومسرع ماوجهه كلامه لي مسفر :ما أتوقع بعد عشر سنين تبي الدم ..نسيت وش صآر يآولد الجابر.

عبد العزيز بصبر : اسمع يآولد بتدخل تجلس مع الرجآل ارحب وحيآك الله ..عندك كلام ثآني اطلع برآ. !؟

تركي نآظر فيهم ونآظر بمسفر ألي لين الحين سلاحه بيده حتى يتقدم منه يغفله ومسرع ما سحب السلاح من يده وهو يقول :أتوقع انك بمجلس الشيخ.. وانت ادرا من هو فيصل الصآلح.!!

فيصل فز وآقف حتى بان طوله الفارع ،،تقدم من تركي وسحب السلاح من يده وتقدم من مسفر جر يده حتى يحط السلاح بكفه وهو يقول بصوت يملاه الرجوله والحده :عندكم شي يالجآبر موب هنآ وإذا تبي الحق خذه بس برآ.!؟

مسفر بنرفزة سحب يده من يد فيصل وقآل بنبرة كرهه:دامك رجعت ارحب يالفيصل ..والنار ألي شبيتهآ تحمل ألي يجيك منهآ.

الفيصل ضيق عيونه وقال بحده اكثر : تأكد موب خآيف منكم لا من كبيركم ولا من صغيركم.؟

مسفر نآظره من فوق لي تحت حتى يبتعد عنه معطيه ظهره ومسرع ماطلع من المجلس بكبره.

فيصل التفت صوب الموجودين وقال بصوت عآلي :أتوقع تعرفون من هو فيصل الصآلح ..مآهوب هو ألي ينرفع السلاح بوجهه ..والحين ألي بخاطره شي يطلعه.!؟

التزموآ الصمت ورجع كمل غير مهتم بأحد :اجل الوجه من الوجه ابيض ولا تلوموني بشي وأنتم الشآهدين.

سلمآن نآظر فيصل ولد خآله لي فترة وآقف بطوله بالمجلس وعيونه عليهم واحد واحد حتى يصد على ابوه غير مهتم وهو يقول :ليش سآكت يبه ماهم خوآلك الجآبر ..وترا ذَا ماني معتبرة رجال بسواته زمان.

ابو سلمان بغير اهتمام :ماعليك منهم المشاكل بينهم وش دخلنا حنا.

سلمان كأنه تذكر شي :يبه مو قلت لي بتخطب لي العنود بنت خالي.

ابو سلمان بحده قال :البنت ذي طلعهآ من رأسك..انت ما شفت وش صآر.. وَذَا بخاطرك العرس نخطب لك بنت عمك..

سكت سلمان بعد كلام ابوه ..كل ما قاله يبغى العنود رفض،،
هو يدري ان ابوه يكرهه أخواله وخصوصاً بعد السآلفه ألي صارت ،،

،،،،،

برآ المجلس انسحب بعد كلام فيصل وهو يفكر في أخوه ألي طلع ومايرد على جوآله ،،نزل الجوال من آذانه وهو يزفر بضيق،،
اذا جرا شي لي اخوه هو السبب ،،

عاد الاتصال ورفع الجوال لي أذنه ومسرع ما عقد حوآجبه بعد ما درا ان جوال متعب تقفل.

صد بسرعه على صوت خلفه :طارق وش فيك طلعت من المجلس.
طارق بضيق:لا مابه شي.
فيصل بهدوء : ان شاءالله...والحين تعال معي نشوف وصآر على العشا.

طآرق :ان شآء الله.

رِن جوآل فيصل ..دخل يده بجيب بنطلونه حتى يطلعه ومسرع ما ابتسم ورد :هلا والله.
جآه صوت هادي:هلا فيك وش اخبارك.
فيصل : الحمد الله تسرك.
سالم بفرحه : جعله دووم على هالحال ..المهم خلصت لك كل شي ما بقى إلا تجي انت.
فيصل بهدوء: اجل ان شاءالله الأسبوع الجاي وانا عندكم.
سالم :انتظرك.
فيصل : اوك مع السلامه.

سكر ورجع جوآله بجيب البنطلون حتى يقول طارق: بتسآفر؟
فيصل بهدوء: أيه برجع اخلص اشغالي.

طارق باستغراب : وهنا ..اقصد يعني بتكون هناك ولا.
فيصل :كلهآ كم يوم وبرحع استقر هنا.
طارق ابتسم وهو يقول : احسن والله وش لك بذيك البلاد ..خلك بديرتك أزين.

ابتسم فيصل وما رد عليه ،،هو يبغى يستقر بديرته اكيد ،،
بس شكل البعض مو متقبله ،،أولهم أهله..
صحيح مو هامه احد غير جده وجدته ..بس شعور المنبوذ يقهر وخصوصاً نظراتهم له.


،،


:عمه الله يهديك وش ذُا الهرج.
قآلتهآ العنود وعيونهآ على عمتهآ حصه ألي رجعت تقول : وانا صادقه ..هالولد ما جانا منه غير الفضايح ليته يرجع من فين ماجا.

ام سعود بحكمه : ألي فات مات وهالحكي مايصير ياحصه ..الولد ولد اخوكم ..ماشاءالله قده رجال طول بعرض ماهوب بزر.

حصه والهرج ماعجبها: والله لو هي وش تظل سمعته شينه.

العنود بهدوء : ماله داعي هالهرج ..لا تسمعك جدتي والله لايضيق صدرهآآآ.

شريفه وهي مقبله عليهم :وش معكم هنا.

حصه بسخريه :بنت نورة ماعجبهآ الهرج عن ولد عمهآ.
شريفه عقدة حواجبهآ:مين ليكون فيصلوه الخايس.

ساره بصبر وعيونهآ على العنود ألي تحركت طآلعه من المطبخ :لا إله ألا الله.
صدت صوبهآ حصه :وش فيك إنتي بعد.

ساره سحبت صينية الفناجين والكأسات وتحركت طالعه من المطبخ :مافي شي سلامتك ياعمه.

البندري لحقتهم وهي تقول :وش فيها عمتك.
سارة بقهر: سلمان جعل مابه سلمان قولي امين.

البندري شهقت وهي تدقهآ بكوعهآ لي تختل حركة سارة ويطيح فنجان من الصينيه على الارض: أستغفري ربك وش ذَا الهرج.

انحنت البندري ومسرع مالمة اجزاء الفنجان بكفهآ وهي تسمع ساره تقول :يقال ولد الجابر داخلن مجلس ابوي فيصل بسلاحه ..يهدد بقتل فيصل.

البندري ضيقة عيونهآ وهي تقول بخوف: صآر به شي.
سارة تقدمت صوب مجلس الضيوف وهي تهمس :لا ما صار شي ..بس الله يستر.

دخلت ساره صوب الضيوف.. وهي تفكر في ولد عمهآ،،
ما تدري وش صآر وش بيصير دآم ولد الجآبر داخل بسلاحه يهدد.

لفت البندري وراحت الغرفه حقتهم ..حتى تسمع حنين تقول : ماعليك إنتي اهدي ..هذيل هم عمآتي وحركآتهم.

العنود رفعت يدهآ ترجع خصلات من شعرهآ خلف اذنهآ: ما احترموا احد ..عمتي حصه فاتحه فمهآ.. وكأن مابه احد عندنا والله اني استحيت من ام سطام وهي طالعه.. وتسمع هالهروج منهآ.

البندري تغير الموضوع وعيونهآ على شوق :بنات ما دريتوا شوقه انخطبت.

العنود ابتسمت :ماشاءالله..مبروك ياقلبي.
شوق بخجل :الله يبارك فيك.

انفتح الباب ودخلت ساره وهي تقول :شوق كلمي ام فاطمه تبيك.
شوق باستغراب: وش تبي.
انفجرت فجر من الضحك على ملامح شوق :هذي ام العريس تبغى تودعك ياعيني.

العنود بضحكه : ألي يسمعك يقول ما تعرفهآ..ما كأنهآ كل أسبوع تزور بنتهآ ومقابله شوق.

فجر ببتسآمه: الشاهد الله ما عمرهآ لمحت بشي ..وصآر لهآ فترة ماجتنا.

شوق وقفت والبنات يعلقوا عليهآ ..قربت من حنين ومسرع ما سحبت الوساده من حضنهآ حتى ترميهآ على فجر وهي طآلعه.

شهقت العنود وطلعت بخطوآت سريعه :يمه الحريم لِسَّه موجودين وحنآ هنا متجمعين.

حنين وقفت وهي تعدل البطانية على ولدهآ وهي تقول بتريقه :أقول اطلعوا ..لا يصحى ولدي من أزعاجكم.


،،،،،،،،،،،،،،،،،،،،،


الساعه 6 الصبآح،
الرياض،،

مد يده حتى يسحب غترته وعقآله من جهة الراكب حتى يفتح باب السيآرة ومسرع مانزل منهآ ،،
بحركه سريعه رجع يدينه الثنتين خلف ظهر حتى يتمآيل،،
السوآقه تعبته وهو له كم سآعه..ماسك خط الجنوب ومآصدق انه وصل.،،

تحرك بخوآت سريعه صوب العمآرة حتى يدخل يده بجيبه يسحب مفتآح الشقه،،
أخذ نفس بعد ما دخل وهو ضآيق من لي صآر ،،خصوصاً جدة ألي ماتوقع انه يطرده.

رمى غترته وعقآله على الطاولة حتى يطّلع جواله ومفتآح سيآرته من جيب ثوبه ويرميهآ على الغترة..وهو يسمعهآ خلفه صوتهآ تقول :متعب.

جلس على الكنبة ومسرع مآ رفع بيده على رآسه من قوة الصدآع وهو يضغط على جبينه :مهآ..جيبي لي بندول.

مهآ بغيره :وش فيك..ولا شوفتي جابت لك الصداع وشوفة بعض الناس شي ثآني.

متعب نزل يده عن جبينه حتى يقول بعصبيه :قلت لك جيبي بندول..وإذا عندك كلام زايد احتفظي فيه لي نفسك..مو نآقص هرج ووجع راس.

مهآ تقدمت بخطوآت سريعه حتى تجلس قبآله :لا بتكلم يا متعب ..صآر لك أسبوعين وشوي بالجنوب ما تدري عني لين أنا اتصل عليك اذكرك فيني ..والحين داخل ولا كأني شي عندك حتى اخبارك ما قلتهآ.

متعب بنبرة الغآآضبه : تو دآخل يابنت الناس ..ماسك خط ومهدود حيلي ..وانتي تبيني اسأل عنك.

مهآ رفعت حآجبهآ وبسخريه : اقل واجب تسويه.

متعب زفر بضيق وهو يقول بحده : اسمعي أنا رجال تعبان ابي انام ..قسم بالله يامهآ لو سمعت كلمة وحده ما تلومي ألا نفسك.

مهآ بقل صبر وعتب:أيه أنا ماتبي تسمع مني شي ..لكن ست الحسن عادي تسمعهآ... انت حتى مافرحة بخبر حملي ..ماادري وش مغيرك علي.

ما انتهت من عتبهآ له ..حتى يتقدم بخطوآت سريعه وصآر قدآمهآ..
انحنى حتى يقبلهآ على جبينهآ وخدهآ اليمين ويدينه تحآآوط اكتآفهآ.. وهو يقول بهمس قريب من اذنهآ خلاهآ تهدأ : ولا تزعلين..بس الحين تعبان وابي انام لا صحيت أوعدك اعوضك.

وقفت حتى يعتدل هو بوقفته ومسرع مالمته لهآ وهي تحضنه :اوك حبيبي.

مهآ ابتعدت عنه وهي تقول ببتسآمه حب :انت روح تروش..وانا بسوي لك فطور مايصير تنآم وانت جوعان.

هز رآسه حتى يبتعد عنهآ،،،مايدري وش فيه،،يحس نفسه رجع بآرد من نآحيتهآ،،
ماعآآآده بشوق اول ،،صحيح هو اختارهآآآ وبأقتنآآع منه،،
بس يحس ببرود يحآوطه ،،صآر يجآملهآ بكل شي على حسآآب نفسه،،،
هو حتى لما بآسهآ مآحس بأنجذاب لهآ،،
ماعآآد تثيره ولا تملى قلبه ،،مايبي يظلمهآ هو ألي سعى وراهآ ،،

هو ألي تحدى الكل وخذهآ بالسر من دون علم احد ،، وكأنه بيثبت لي نفسه ان له حرية الاختيآآر بكل شي،،
ويوم دروا حس انه فعلاً غلط بفعلته،،
أخذ نفس وهو يذكر زين ام العيون السود،،
يآ الله مآآآيدري وش صآآر فيه.
وليش وصل بتفكيره لهآآ،،

هذيك ألي خلهآ متعلقه فيه ،،متعلقه بكلمة منه ،،
مآآكآن يشوفهآ مثل الحين ،،
كانت عآآديه بكل شي ،،بس الحين من يتذكر زينهآ يذكر الله دآخله عليهآآ،،

يخآآف عليهآ من عيونه..؟؟
وشلون عيون النآآس..تنآآظر لهآ ذيك الجنوبيه،،
صدق من قآل،،بنت السمآ يآ فتنة عيون البرى يضحك لهآ البرق وتحفآهآ الرعد،،!!

انسدح على سريرة حتى يغمض...وهو يذكر عيونهآ السود وآآه من عيونهآآآ الجذآآبة وخصلآت شعرهآ المبرومة على جبينهآآ : يآآ فآتنه يآ ام العيون النجلاء (عبس هو يذكر كلام جدة وتهديده ألي جرحه وأشعل نآر دآخله ) امعصي يشوف زينهآ غيري ..وانآ لهآ لو فيهآ قبايل يآآ عيآآل الصآلح.



آخر من قام بالتعديل ورود الجنوب; بتاريخ 05-11-2015 الساعة 06:53 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 05-11-2015, 06:35 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


الساعه 6 الصبآح،
الرياض،،

مد يده حتى يسحب غترته وعقآله من جهة مقعد الراكب ،،حتى يفتح باب السيآرة ومسرع مانزل منهآ ،،
بحركه سريعه رجع يدينه الثنتين خلف ظهر حتى يتمآيل،،
السوآقه تعبته وهو له كم سآعه..ماسك خط الجنوب ومآصدق انه وصل.،،

تحرك بخطوات سريعه صوب العمآرة ..دخل يده بجيبه ومسرع ما سحب مفتآح الشقه،،
أخذ نفس بعد ما دخل وهو ضآيق من لي صآر ،،خصوصاً جده ألي ماتوقع انه يطرده.

دخل شقته والهدوء مسيطر عليهآآ..رمى غترته وعقآله على الطاولة حتى يطّلع جواله ومفتآح سيآرته من جيب ثوبه ويرميهآ على الغترة..وهو يسمعهآ خلفه بصوتهآ الانثوي تقول :متعب.

جلس على الكنبة ومسرع مآ رفع يده على رآسه من قوة الصدآع وهو يضغط على جبينه :مهآ..جيبي لي بندول.

مهآ بغيره :وش فيك..ولا شوفتي جابت لك الصداع وشوفة بعض الناس شي ثآني.

متعب نزل يده عن جبينه حتى يقول بعصبيه :قلت لك جيبي بندول..وإذا عندك كلام زايد احتفظي فيه لي نفسك..مو نآقص هرج ووجع راس.

مهآ تقدمت بخطوآت سريعه حتى تجلس قبآله :لا بتكلم يا متعب ..صآر لك أسبوعين وشوي بالجنوب ما تدري عني لين أنا اتصل عليك اذكرك فيني ..والحين داخل ولا كأني شي عندك حتى اخبارك ما قلتهآ.

متعب بنبرة الغآآضبه : تو دآخل يابنت الناس ..ماسك خط ومهدود حيلي ..وانتي تبيني اسأل عنك.

مهآ رفعت حآجبهآ وبسخريه : اقل واجب تسويه.

متعب زفر بضيق وهو يقول بحده : اسمعي أنا رجال تعبان ابي انام ..قسم بالله يامهآ لو سمعت كلمة وحده ما تلومي ألا نفسك.

مهآ بقل صبر وعتب:أيه أنا ماتبي تسمع مني شي ..لكن ست الحسن عادي تسمعهآ... انت حتى مافرحة بخبر حملي ..ماادري وش مغيرك علي.

ما انتهت من عتبهآ له ..حتى يتقدم بخطوآت سريعه وصآر قدآمهآ..
انحنى حتى يقبلهآ على جبينهآ وخدهآ اليمين ويدينه تحآآوط اكتآفهآ..
وهو يقول بهمس قريب من اذنهآ خلاهآ تهدأ : ولا تزعلين..بس الحين تعبان وابي انام لا صحيت أوعدك اعوضك.

وقفت حتى يعتدل هو بوقفته ومسرع مالمته لهآ وهي تحضنه :اوك حبيبي.

مهآ ابتعدت عنه وهي تقول ببتسآمه حب :انت روح تروش..وانا بسوي لك فطور مايصير تنآم وانت جوعان.

هز رآسه حتى يبتعد عنهآ،،،مايدري وش فيه،،يحس نفسه رجع بآرد من نآحيتهآ،،
ماعآآآده بشوق اول ،،صحيح هو اختارهآآآ وبأقتنآآع منه،،

بس يحس ببرود يحآوطه ،،صآر يجآملهآ بكل شي على حسآآب نفسه،،،
هو حتى لما بآسهآ مآحس بأنجذاب لهآ،،
ماعآآد تثيره ولا تملى قلبه ،،مايبي يظلمهآ هو ألي سعى وراهآ ،،

هو ألي تحدى الكل وخذهآ بالسر من دون علم احد ،، وكأنه بيثبت لي نفسه ان له حرية الاختيآآر بكل شي،،
ويوم دروا حس انه فعلاً غلط بفعلته،،
أخذ نفس وهو يذكر زين ام العيون السود،،
يآ الله مآآآيدري وش صآآر فيه.
وليش وصل بتفكيره لهآآ،،

هذيك ألي خلهآ متعلقه فيه ،،متعلقه بكلمة منه ،،
مآآكآن يشوفهآ مثل الحين ،،
كانت عآآديه بكل شي ،،بس الحين من يتذكر زينهآ يذكر الله دآخله عليهآآ،،

يخآآف عليهآ من عيونه..؟؟
وشلون عيون النآآس..تنآآظر لهآ ذيك الجنوبيه،،
صدق من قآل،،بنت السمآ يآ فتنة عيون البرى يضحك لهآ البرق وتحفآهآ الرعد،،!!

انسدح على سريرة حتى يغمض...وهو يذكر عيونهآ السود وآآه من عيونهآآآ الجذآآبة وخصلآت شعرهآ المبرومة على جبينهآآ : يآآ فآتنه يآ ام العيون النجلاء (عبس هو يذكر كلام جدة وتهديده ألي جرحه وأشعل نآر دآخله ) امعصي يشوف زينهآ غيري ..وانآ لهآ لو فيهآ قبايل يآآ عيآآل الصآلح.


""""""""""""""""""""

السآعه 8 الصبآح.
الجنوب.

نزلت جوآلهآ على الطاولة حتى تأخذ نفس بعد ماتطمنت على طارق ألي وصل الريآض.. لازم يدوآم بعد ما انتهت إجازته.

لفت الشآل أكثر عليهآآ وعيونهآ على الشبآك وهي تسمع المطر القوي برايضرب على الشبآك.. رددت بهمس بعد ما تحركة عدة خطوآت حتى تشوف القهوة: اللهم صيبا نافعا.

رفعت الدله ومسرع ما نزلتهآ بعد ما تنآثرت القهوة على يدهآ وهي تفكيرهآ عند متعب ..ألي اشغلهآ وما رد عليهآ وكل ما دقت جوآله مغلق.

حطت ترمس القهوة على الصينيه وعيونهآ على صحن التمر والفناجين،،،رفعت يدينهآ ومسرع ما عدلت جلالهآ ولفته عدل من فوق شآلهآآ الصوف الثقيل.

أخذت الصنية وتحركت طآلعه لي المقلط ألي موجود مع الدرج مدخل البيت ،، دخلت حتى تبتسم وعيونهآ على جدهآ وجدتهآ ،،نزلت الصنيه حتى تقول :ما شاء الله المطر قوي ..والله البرد جمدني.

تعدل ابو جرآح بجلسته بعد مآكآن مرتكي على المتكى حتى يقول :وصل طارق.
جلست قريب منه وهي تصب له قهوة :أيه انفداك وصل ،،تو كلمني وهو طالع من المطار.

سحب صحن التمر حتى يقول :ومتعب ما دق.
العنود أبعدت الفنجان عن شفآيفهآ وهي تقول بضيق : لا والله ..كل ما ادق عليه جواله مقفل.

ام جرآح بعتاب بعد مآنزلت فنجآن القهوة على الارض قبآلهآ : ما كان له داعي يآبو جرآح تقسى عليه ..انت ادرا بمتعب خذه حبه حبه ..مو تتطرده من البيت .

ابو جرآح بحده ودآخله قلق على حفيدة : متعب ما عآد يحترم أحد ..ما خذن وحدة على بنت عمه من غير علمنا..والحين تذكر انه له زوجة وولد..امعصي ترجع له بنت محمد دآمه أعرس.

ام جرآح بهدوء: تكفى يا فيصل لا تقسى عليهم والله ان قلبي يوجعني لا شفت أحد منهم متضآيق.

ابتسمت العنود على كلام جدتهآ الحنونة ..تحبهم ومآ تشوف غيرهم ،، ودهآ ترآضي الكل ولا احد يزعل حتى لو هو غلطان.

: يآعرب.

ابتسم ابو جرآح وعيونه على العنود ألي تغطت بجلالهآ : تعآل يآبوي..مابه احد غريب.

دخل بطولة الفارع وهو ملتف بفروة جده وخصلات من شعره متمردة على جبينه بسبب المطر ألي جآه بعد طلوعه من جهة المجلس الخآرجي ،،
طآحت عيونه على للي جالسه جنب جده مو وآضح منهآ شي غير شرابآتهآ السود الثقيلة تدفيهآ من البرد.

رجع خطوة لي وراء وهو يقول :ما دريت ان به احد صاحي غيركم.

ام جراح بحب :تعال يمه ..هذي العنود بنت عمك ماهي غريبه.

تقدم بخطوآآت متوآزنه حتى ينحنى ومسرع مآجلس بالجهه الثآنيه لي جده وهو صآد عنهآ:صبحكم الله بالخير.

ابو جرآح :صبحك بالنور،،،العنود يآبوي صبي فنجان لي ولد عمك.

طلعت يدينهآ من تحت جلالهآ الأزق الغامق حتى تسحب طرف الصينيه بآصآبع يدهآ مقدمتهآ صوبهآ،،
مدت يدهآ وهي تأخذ فنجان حتى تصب له ومسرع مامدته لي جدهآ ألي بقربهآ وهي تقول بصوت وآآطي اكثر : سم يبه.

ابو جرآح خذآ الفنجآن ومده لي فيصل : خذ يآبوي
فيصل خذآه ومسرع مانزله على الارض :سلمت يالغالي.

ابو جرآح اعتدل بجلسته حتى يقول بجديه :دريت انك بترجع ذيك البلاد يابوي.

فيصل: أيه يبه ..عندي اشغالي هناك لازم ارجع.
عقد ابو جرآح حوآجبه حتى يقول بضيق: ليكون يآبوك متزوج مثل ولد عمك.

فيصل ابتسم حتى يقول بصوت رجوآآلي اكثر : وش لي بالعرس وانا كلي هنآآ...أنا لا بغيت أخذن لي وحده بأخذ الستر والزين.

ام جرآح بفرحه : اجل من بكره بدور بنت الحلال.
فيصل رفع يده حتى يدآعب بآصبعه طرف حآجبه الأيسر :لا يالغاليه مآلي في الزواج الحين.

ابو جرآح وهو ينآظر بشعر فيصل ألي تتخلله بعض الخصلآت الرمآديه مدفونة بين السواد ..تنهد بحسر وهو يصد :يآبوي قدك شآيب مع ذَا الشعر.

فيصل رفع يده ومسرع ما رجع شعره لي وراء كأنه يخفي همومه ويدفنهآ بين السواد ليقول ببتسآمه : مآهيب وآضحه يبه..بس الشيب ولا العيب.

ابو جراح هز راْسه وهو يقول :من شاب راْسه قالو الناس شايب..مادريو ان الشيب لظهوره أسباب ..كم من صغيراً أتعبته المصايب وشاب الشعر في وسط راْسه وهو شاب.

رد الفيصل وهو ينزل الفروة عنه حتى يظهر بنطلونه القطني الرصآصي مع بلوفر أسود :صبرت صبرن شفت فيه الغليبه..مثل الذي ياطى على الشوك حافي.

ام جرآح :صدقت يمه ..ماهو من قله هالشيب.

العنود ضمَّت كفوفهآ وهي تأخذ نفس ،
لين الحين تحس بغصة جدهآ ووجعه على الفيصل ،،
رغم وجوده لكن ألي بقلب جدهآ ما ينطفى ،،يمكن يتداوء مع الأيام ،،،
ويمكن يصير من الماضي ،،يعني بالمختصر صفحه ونشقة من مكآنهآ.

حركت عدسة عيونهآ من غير شعور حتى تستقر عليه،،ماكانت تسمع وش يقول لي جدتهآ قد ماهي متابعه حركة شفآيفه ،،
صدت بسرعه بعيونهآ عنه حتى توقف بعد ماقلت بهمس لي جدهآ: تآمر على شي يبه ..بروح انام.

الجد بحب :سلامتك ..روحي ريحي من أمس صاحيه.

ابتعد بخطوآت سريعه حتى تطلع من المقلط وهي تلم نفسهآ أكثر بجلالهآ بعد ما حست بالبرد احتوآهآ،،وقفت دقآيق بعد مآ شدتهآ الأجواء البارده ،،تتأمل المطر بقوته وآصوآت البروق والرعود مع الريآح البآردة حتى تقول :سبحآن الذي يسبح الرعد بحمده والملائكة من خيفته.

ابتسمت وهي تحس النوم طآر،،أخذت نفس وهي مستمتعه بريحة المطر والأرض :يازين جوك يالجنوب.

،،

صد على جده وهو يقول بجديه بعد ما طلعت العنود:يبه وش صآر يوم طلعت من هنا.

عقد ابو جراح حوآجبه حتى يفهم قصده :ماصآر شي.
الفيصل بجديه اكثر :عشر سنين ما كفت عيآل الجآبر..يبغون الدم بشي مآلي يد فيه ..أصلاً ماصآر شي من ألي هم يقصدونه.

ابو جراح سحب المركى صوبه حتى يقول بغموض :كل شي اتضح ..لا تشيل همهم ..أصلاً مابه شي صآر.

فيصل عقد حوآجبه مستنكر كلام جده :وش ألي اتضح يبه ..طلعت وكأني هارب او متلبس قضيه كبيره..بشي مالي يد فيه..والحين تقول مابه شي صآر.

ابو جراح بحده :قلت لك الموضوع إندفن من عشر سنين.

فيصل زفر حتى يقول :شلون إندفن ..ونظرات أهل القريه بالعشا أمس..دخول ولد الجآبر بسلاحه يهدد..وكل ذَا ماصار شي.

ابو جراح :ولد هزاع مالك دخل فيه ..والموضوع أنهيته انآ.

فيصل نزل رآسه ورجع رفعه وهو يقول برجولته : لا تظن خوف من الجآبر ..لا والله ..رجعت بعد مامليت من غربتي ..وإذا برجعتي بندفن بإرضي..راضي ولا اموت ومآحولي احد.!

شهقت ام جرآح حتى تنفجر بالبكاء: لك طولة العمر يمه ..وش ذَا الهرج ..لا عاد تقوله يآولد جرآح.

فيصل لاحظ سكوت جده حتى يمد يده ويحاوط جدته ألي دفنت رآسهآ بصدره.

ابو جرآح أخذ نفس حتى يآخذه الفكر لي عشر سنين وراء،،يذكرهآ زين وكأنهآ بالامس،،سالفه انظلم فيهآ ناس ،،
واتضح المستور كله ،،
صآرت سواليف ووعود ،،
امآ الحين صآر وقت والوفاء والحلوف،،
مآهو وقت الحزن واللوم،،
قآلهآ من عشر سنين وامس قرآهآ بعيونه (وين الوعد يبه ).

كل شي صآر مآضي ومضى ألا الوعود إللي من سنين ،،صآرت حآضر لززوم يوفي فيه.



،،،،،،،،،،،،،،،،،،،،،،،


الريآض.

جلس قربه وهو يعدل غترته بآطراف اصآبعه :طيب وش قال بعد.
فهد بحيره :والله يآعناد ماآدري وش سآلفته ..عمي قالي انه اتصل عليه وقاله انه مو بسوريآ.

عناد بضيق :وين رآح ذَا ..اذا مو بسوريآ اجل وين.
فهد بعد صمت :العلم عند الله.
عناد :الله يستر بس.
فهد وقف :المهم أنا طالع ..عندي دوآم..لا تنسى المشروع ألي قلت لك عليه ..أدرسه زين.

عناد هز رآسه حتى يشوف فهد طالع لي برآ...عقد حوآجبه وأخذ نفس عميق،،الأسبوع هذا بذآآت أرهق نفسه كثير،،
صآر له يومين نومه متقطع بسبب المشروع ،،
وهو عارف لو نجح المشروع بيتحسن دخله ويفتح له مكتب خاص فيه ،،

وقف وتحرك طآلع من المجلس حتى يدخل الصآله ألي قبآله وصوت امه ألي قالت :اخوك وينه يمه.

عنآد وعيونه على نوف ألي تتجاهل وجوده :طلع عنده دوآم.
ام عنآد :الله يوفقه ويوفقك يمه.

جلس قرب أخته حتى يقول من غير شعور :يمه نويت أخطب.

نوف صدت صوبه وانفجرت تضحك وهي تقول بسخريه :مبروك ..مين سعيدة الحظ.

ندى نآظرت اخوهآ ببتسآمه وهي مقهورة من ضحك نوف المستمر:على البركة ان شاء الله.

عنآد ببرود :ان شاء الله.

ندى بضيق صد صوب نوف حتى تنزل بنتهآ على الارض من كثر حركتهآ: نوف وش ذَا الضحك.

نوف رفعة حآجبهآ آليسار :ما سمعتي اخوك وش يقول.

ندى لوت فمهآ حتى تقول :وش قآل يستاهل هالضحك..ويمكن صادق بيعرس عليك.

نوف بسخريه :ومن وين له عشان يعرس..خلنا ساكتين بس.

عناد ببرود :خلهآ يا ندى مصير هالضحك بكى.
شهقت نوف وهي تقول :وعلى ايش ابكي ياعيني ..تبغى تخطب أخطب مين ماسكك.

ام عناد بهدوء: اقطعوا هالسآلفه.

نوف ببرود قالت حتى تسحب كاسة الشاي: وليش نقطعهآ..وانا صادقه ..خله يصرف علي اول بعدين يجيب الثآنيه (نآظرت عنآد حتى تقول باستفزاز ) ألا وين بتسكنهآ ياقلبي.

عناد ميل فمه حتى يقول بسخريه : لا عاد وين بسكنهآ شي ثاني ..مالهآ الرضى لو تبي عيوني عطيتهآ.

نوف عقدة حوآجبهآ وهي ترفع يدهآ اليمين حتى ترجع شعرهآ بكل غرور وراء ظهرهآ ..تحس كلامه بدا يستفزهآ وكأنه صآدق بقوله ،،،
هي صح جارته بالكلام لي انهآ تدري ماعنده ألي يخليه يتزوج عليهآ،،
لو انهآ تدري ولو واحد بالمئه انه بيعرس عليهآ ما كان سكتت له ،،
بس ثقتهآ بنفسهآآ وغرورهآ وكبريآئهآ يخليهآ ترفض حتى لو مجرد خيآل يمر في بآلهآ انه مع وحده غيرهآ،،

عناد بستنكآر مستغرب سكوتهآ: وش فيك سآكته.

نوف وقفت حتى تلبس عبآتهآ الرآس وتلف طرحتهآ وهي متجآهلته ،،مسكت نقآبهآ بيدهآ حتى تسحب شنطتهآ وتعلقهآ بذرآعهآ اليسآر :أقول امش بس ..اليوم العشا بيت أخوي.

عناد سحب جوآله حتى يوقف بطوله ومسرع مآآرفع يده حتى يعدل غترته :طيب ..اخلصي أنا انتظرك بالسيآرة.

ما أنهى كلامه ألا وهو طآلع من باب الشقه حتى تلف ندى صوب امهآ وهو تهمس:وش فيهم..ماعمري شفتهم متفاهمين.

ام عناد بحسره :أما أقول إلا الله يهدي النفوس.

نوف لبسة نقآبهآ حتى تقول :يلا مع السلامة.
ام عناد وندى :مع السلامه.

طلعت بخطوآت سريعه حتى تنزل الدرج ومآهي ثوآني ومسرع مافتحت باب السيارة وتركب : عناد شغل المكيف.

نآظرهآ بطرف عينه وهي تمد يدهآ تسكر الباب حتى يلف الدركسون وهو يقول : خربآن ..بس بنزل القزاز.

نوف تأففت بضيق واصبعهآ على الزر حتى تنزل القزاز شوي : وليش ما صلحته..عاد اجواء الرياض ماشاءالله ما تحتاج مكيف.

عناد صد صوبهآ حتى يقول بحده وعيونه على عيونهآ المرسومه بدقه بالكحل غير العدسه الرمآدي: نزلي الغطا على عيونك.

نوف صدت بنظرآتهآ برا السيآرة ومسرع ما رفعت يدهآ حتى تنزل طرف طرحتهآ على عيونهآ من غير ما تقول شي.

عناد أخذ نفس وما أعطها اي اهتمام ،،على قول المثل لا من خيرهآ ولا من كفاية شرهآ،،
مآحس انهآ هي ألي يكتمل فيهآ،،،
لا حب جمآلهآ ولا لسآنهآ،،
كل شي فيهآ منظر ،،
امآ دآخل كلهآ غرور وسوآد،،


"""""""""""""""""""""""

الجنوب.
زوآج الشوق.

ابتسمت العنود على دهشة سآره ألي قآلت : بنات شوفوآ كييف شكل الاسترآحه ..الصرآحه ابدع هالنصر ..قلب الاسترآحه قصر أفرآح.

حنين: تستأهل شوق الله يسعدهآ.
تقدمت صوبهم فجر بخطوآت متوآزنه وهي تقول : بنات تعالوآ شوفوآ شوق.

وقفت سآرة حتى تسحب شنطة آلكآميرآ من نوع كانون ومسرع مآقالت : اوك يلآ عشآن اللقط لهآ كم صوره (غمز حتى تكمل) للذكرى ..هذي ليلة العمر.

حنين عبست حتى تقول : والله مو لازم هالتصوير.
شهقت ساره ومسرع ماقالت بعفويه وهي تعدل فستآنهآ: إنتي اسكتي احسن لك ..اخر وحده تتكلمي يكفي انك رفضتي تتصوري يوم عرسك ..قسم لين الحين مقهورة منك.

العنود نآظرت حنين ألي وجهآ انقلب حتى تقول : أقول سوير انقلعي لي شوق ..ماله دآعي الهرج الزايد.

وقفت البندري ومسرع مارجعت شعرهآ للخلف حتى تسحب سآره موجهه كلامهآآ لي فجر : امشي بس..خل نلحق على شوقه.

صدت العنود على حنين ألي تمسح فم وليد بالمنديل ويديه من الشوكليت حتى تقول : ماشاء الله ..وآضح ألي اختار الكوشه مع الطاولات ذوق..بس مين ألي قالهم يحطوآ العرس هنا.

حنين نآظرت حولهآ ومسرع ماصدت: هذا الله يسلمك تركي قال لا مفلح بدل الخساير حطوهآ بالاستراحة ..كانوا مو مقتنعين حتى قالهم سواهآ مثل القاعات احسن وأقرب من الديره..عشان أهل الديره يحظرون.

العنود بضحكه: ماشاء الله عليه تركي..والله جابهآ..قلب استراحتهم لي قاعة زواجآت.

حنين بهمس قالت :العنود صدي وراك ..هذي ام سطام ألي جنب جدتي صآر لهآ فتره تنآظرك.

العنود بعدم إهتمام : وإذا ماعليك خل تنآظر.
حنين ببتسآمه : ليكون الحرمه تبيك لي ولدهآ ..عاد من يوم العشا وهي عيونهآ عليك ( غمزت لهآ وهي تكمل حتى تنفجر تضحك) شكل الشعر الأحمر جاب مفعول.

ابتسمت العنود حتى ترفع يدهآ بحركه عفويه.. ومررتهآ على شعرهآ ومسرع مآسحبت.. المشبك حتى تلمه كله : عاد من ناحية احمر فهو احمر ..أمي شيخه ماقصرت كل يومين تحط لي حنا.

حنين : ماشاءالله اللون خطير عشانك بيضاء ..بس ماتقدري تغيري لون شعرك اذا بتصبغي.

العنود : ومن قال بغير لونه خل كذا وش زينه طبيعي.


،،

عدلت لهآ الطرحه وهي تقول ببتسآمه : ماشاءالله شويق طالعه جنان.
شوق أخذت نفس حتى تقول بطفش: ترا سوير ذبحتني بالتصوير.

صرخة ساره بصوت عآلي حتى تقول : بندري ابعدي وجع.
صدت البندري صوبهآ حتى تحط يدهآ على خصرهآآ وتقول : خفي علينآ سوير .. لقطاتك خايسه مثل وجهك ( تذكرت شي حتى تشهق ومسرع مآسحبت علبة المويه من يد فجر حتى ترميهآ على سآره) بعدين لا تقولي وجع ..وجع يوجع عدوك يآشيخه.

ساره انحنت بسرعه حتى تصدم العلبه بالجدآر خلفهآ وتطيح على الارض : وعدوك ..يمه بغت تفقع وجهي..ماعندهآ تفاهم.

دخلت فآطمه وعطت الجوآل فجر وهي تقول :مفلح يبيك.

فحر مدت يدهآ حتى تسحب الجوآل ورفعت لي اذنهآ :هلا..طيب.
نزلت الجوآل حتى تمده لي فآطمه وهي تقول : نصر بيدخل.
شوق بخوف قالت :وين.
تقدمت صوبهآ فجر حتى تهمس:شوق لا تخافي..بعدين لازم يشوفك..صآر زوجك حبيبتي.

شوق ودموعهآ بعيونه وهي تقول بصوت يرجف: بس مآ ابيه أنا.
فجر بجديه :شوق لا تنسي أمس كآنت الملكه ..يعني خلاص الحين زوجك وبتروحي معآه ..(نآظرت بعيونهآ المرسومه بدقه حتى تقول ) لا تنزل دموعك أوكيه.

ابتعدت فجر عنهآ حتى شوق تقول :لا تروحي خلك جنبي.
هزت فجر والغصه فيهآ:بلبس عبآتي دآمه بيشبكك هنا.

طلعوآ البندري وسآره بسرعه وهم يسمعوآ صوت الرجآل قريب منهم حتى تلبس فجر عبآتهآ بسرعه وعيونهآ علي شوق،،

تقدمت فآطمه بخطوآت سريعه وهي تقول ببتسآمه بعد مآ شافت زوجهآ وأخوهآ: هلا ..تعال يآعريس.

انفتح باب الغرفة حتى تدخل ام فآطمه ببتسآمه وهي تذكر الله :ماشاء الله ماشاءالله.

ابتعد مفلح عن شوق ألي اول ماقربوآ منهآ وقفت ..حرك عيونه ومسرع مآطآحت على فجر ألي وآقفه قرب الباب ..تقدم صوبهآ حتى يسحبهآ صوبه.

نصر تقدم بهدوء حتى ينحنى ومسرع مآ بآس شوق على جبينهآ.. وهو يقول بأعجاب وآضح بنبرة صوته :ماشاءالله..الف مبروك يآ شوق.

شوق انتفضت من الصوت الرجولي حتى تبلع عبرتهآ،،عقد حوآجبه ومسرع مآمسك يدهآ حتى يحس ببرودتهآ.

قدمت فآطمه الشبكه حتى يلبسون الدبل ويلبسهآ عقدهآ الذهب ..وكل ذآ ورجفت يدهآ الوآضحه له.

صد على فآطمه أخته..حتى يسمع همسهآ ببحة صوتهآ الوآطي ..ومسرع مآعقد حوآجبه وهو يسمعهآ ترجع تقول :...

.
.
.
ورود الجنوب



آخر من قام بالتعديل ورود الجنوب; بتاريخ 05-11-2015 الساعة 06:48 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 05-11-2015, 07:08 PM
الحلوة المزيونه الحلوة المزيونه غير متصل
©؛°¨غرامي فعال ¨°؛©
 
الافتراضي رد: على حد الزمن واقف و أشاهد عبرة الأيام/بقلمي


احم احم من قـــدي ..ورود الجنـوب مسـويه إهــداء
تــسلمــي فـرحتـيني مـره ....ولا تيأســي إن شاء الله راح يجونك متابعـين كـثير

صـراحه مستانســه على طـردة متعـب ..يستاهـل ...حلوه دي الحين صار ما يحس إتجاه مها بشي...ما راح تطـول حنــين إلا اذا عـدلت حالــك

مـادري بالنـسبه لقصـة فيـصل ....ماادري أحسه كان متـهم بقتــل واحـد ..شي زي كــذا ...ما توقع عيـال الجابر راح يسكتون دامـه رجع

وأنتـي تتـكـلمي عن البـرد والمطـر ....والله شهيتـيني على دي الأجـواء ...هالسنــه الصيف أحسـه طـول عنــدنا
وأنـي عشـقي المطـر

نـرجع للروايه ههههههه
أحــس نصـر راح يكـون زيـن مع شـوق ...بس لو شـوق تعطيـه فرصــه وما تهاجمه وإلا شي ..راح يكون الوضع كـويس

استانســت لما عناد قال بيتــزوج ...أحــسن إليــه وياليـت بعد يطـلق نوف المغروره ...والله تقهــر

بـارت رووعه ..يعطيك العافيـه ...ويسلمو مره ثانيـه ع الإهداء ..جدا أسعدنـي

بإنتظارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 05-11-2015, 11:55 PM
joj17 joj17 غير متصل
©؛°¨غرامي جديد¨°؛©
 
الافتراضي رد: على حد الزمن واقف و أشاهد عبرة الأيام/بقلمي


سلام قبل كل شيء
ثاني شيء بارتاتك كل يوم تزداد جمال على جمالها
ثالث شيء تعليقي على البارت
فرحت لقرار عناد بالزواج احسن تستاهل نوف تقهرني احسها ضعيفه شخصيه والي تبي توري الناس الي واو شوفو عندي ولا قدرت حالة عناد مع نفسها
زواج متعب من مها اتوقع كان نزوه او ماشابه والديل تعلقه الكبير بحنيين لدرجة دايم يتخيلها
العنود باقي ماتضحت شخصيتها الى الآن بس خوفها على اخوانها يعجبني ونفس الشيء لطارق
فيصل انا من اول قلت شخصيته عجبتني ولازلت تقولها بعد مع اني احسه الين الحين شايل بقلبه عليهم الى انه عاملهم بكل ود وهاذي نقطه تحسب لصالحه اما عن وعد الجد فمدري اذا يقصد انه يثبت برأة فيصل فهذا شيء اتمناه علشان الناس الحاقدين ينرذعون ويسكتنون اما سعود صراحه مادري كيف مفروض انه يكون اول من يساعد فيصل ويوقف معه صدمني حقده لذي الدرجه المثل يقول انا وأخوي على ولد عمي وانا وولد عمي على الغريب اما الي دخل المجلس ويهدد احس مال امه داعي يعنني انا الي مانسيت والي ابغا اخذ بثار مدري مين اعجبني موقف فيصل معه شوق وفجر وساره ونصر وكثير منهم ماقد اتضحت لي شخصياتهم لين ذلحين بس اتوقع مع البارتات الجايه بيدخلون ضمن التعليق
الجده كثير كثير كثير حبيت طيبتها وحنيتها وخوفها على كل احفادها والجد بعد خوفه على احفاده يعجبني احسه يهتم فيه لدرجه يمكن اكثر من ابائهم يمكن هاذا الشيء خطاء بس هذا من رأيي
وعن توقيفك الروايه عاد تكفين لاتوقفينها والله اني تعلقت فيها وان شاء الله مع الأيام بتزيد التعليقات
موفقه حبيبتي وانتظر البارت الجاي بفارغ الصبر
تحياتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 06-11-2015, 02:19 PM
3beer~•• 3beer~•• غير متصل
©؛°¨غرامي جديد¨°؛©
 
الافتراضي رد: على حد الزمن واقف و أشاهد عبرة الأيام/بقلمي


جمعه مباركه للجميع .....

بارت جدا رائع حبيته من جد واسمتمتعت وانا اقراه ...

اما بالنسبه للتوقعات.....
فاتوقع فيصل راح يتزوج العنود :)) ،،،اما شوق راح تتفاهم مع نصر
اما متعب فلازلت مو متوقع ايش ممكن يصير معه

روايه جدا مميزه لانها من ارضي ارض الجنوب والاحداث جدا جدا مشوقه استمري وانا معك ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 06-11-2015, 03:18 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


اقتباس:
المشاركة الأساسية كتبها الحلوة المزيونه مشاهدة المشاركة
احم احم من قـــدي ..ورود الجنـوب مسـويه إهــداء
تــسلمــي فـرحتـيني مـره ....ولا تيأســي إن شاء الله راح يجونك متابعـين كـثير

صـراحه مستانســه على طـردة متعـب ..يستاهـل ...حلوه دي الحين صار ما يحس إتجاه مها بشي...ما راح تطـول حنــين إلا اذا عـدلت حالــك

مـادري بالنـسبه لقصـة فيـصل ....ماادري أحسه كان متـهم بقتــل واحـد ..شي زي كــذا ...ما توقع عيـال الجابر راح يسكتون دامـه رجع

وأنتـي تتـكـلمي عن البـرد والمطـر ....والله شهيتـيني على دي الأجـواء ...هالسنــه الصيف أحسـه طـول عنــدنا
وأنـي عشـقي المطـر

نـرجع للروايه ههههههه
أحــس نصـر راح يكـون زيـن مع شـوق ...بس لو شـوق تعطيـه فرصــه وما تهاجمه وإلا شي ..راح يكون الوضع كـويس

استانســت لما عناد قال بيتــزوج ...أحــسن إليــه وياليـت بعد يطـلق نوف المغروره ...والله تقهــر

بـارت رووعه ..يعطيك العافيـه ...ويسلمو مره ثانيـه ع الإهداء ..جدا أسعدنـي

بإنتظارك

هلا بالعسولة تستاهلي الإهداء ياعسل
وش فيك على متعب مستانسه على طرده
يمكن تحبيه مع الفصول القآدمه
بالنسبه لي فيصل بنشوف توقعك صح او لا
ان شاء الله يجيكم مطر مثل جنوبنآ
اما نصر وشوق وعناد بنشوف وش يصير عليهم
الأروع تواجدك
ودي لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 06-11-2015, 03:27 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


اقتباس:
المشاركة الأساسية كتبها joj17 مشاهدة المشاركة
سلام قبل كل شيء
ثاني شيء بارتاتك كل يوم تزداد جمال على جمالها
ثالث شيء تعليقي على البارت
فرحت لقرار عناد بالزواج احسن تستاهل نوف تقهرني احسها ضعيفه شخصيه والي تبي توري الناس الي واو شوفو عندي ولا قدرت حالة عناد مع نفسها
زواج متعب من مها اتوقع كان نزوه او ماشابه والديل تعلقه الكبير بحنيين لدرجة دايم يتخيلها
العنود باقي ماتضحت شخصيتها الى الآن بس خوفها على اخوانها يعجبني ونفس الشيء لطارق
فيصل انا من اول قلت شخصيته عجبتني ولازلت تقولها بعد مع اني احسه الين الحين شايل بقلبه عليهم الى انه عاملهم بكل ود وهاذي نقطه تحسب لصالحه اما عن وعد الجد فمدري اذا يقصد انه يثبت برأة فيصل فهذا شيء اتمناه علشان الناس الحاقدين ينرذعون ويسكتنون اما سعود صراحه مادري كيف مفروض انه يكون اول من يساعد فيصل ويوقف معه صدمني حقده لذي الدرجه المثل يقول انا وأخوي على ولد عمي وانا وولد عمي على الغريب اما الي دخل المجلس ويهدد احس مال امه داعي يعنني انا الي مانسيت والي ابغا اخذ بثار مدري مين اعجبني موقف فيصل معه شوق وفجر وساره ونصر وكثير منهم ماقد اتضحت لي شخصياتهم لين ذلحين بس اتوقع مع البارتات الجايه بيدخلون ضمن التعليق
الجده كثير كثير كثير حبيت طيبتها وحنيتها وخوفها على كل احفادها والجد بعد خوفه على احفاده يعجبني احسه يهتم فيه لدرجه يمكن اكثر من ابائهم يمكن هاذا الشيء خطاء بس هذا من رأيي
وعن توقيفك الروايه عاد تكفين لاتوقفينها والله اني تعلقت فيها وان شاء الله مع الأيام بتزيد التعليقات
موفقه حبيبتي وانتظر البارت الجاي بفارغ الصبر
تحياتي لك
وعليكم والسلام يالغلا
الاجمل توآجدك وتعليقك الحلوو
بالنسبه لي عناد ونوف يمكن يتزوج يمكن لا
متعب ومهآ عاد مع الفصول القآدمه وش بيصير عليهم
سعود حبيت كلامك عنه <<بس ترآه حبوب وسذا
عآد مو لازم يحب فصول ههههههه
فيصل عاد حبوب وشخصيته حلوه وبنعرف وش سآلفته
شوق نصر ساره والكل في لهم ظهور ان شاء الله
الجدة بحبتيهآ حتى انآ حبيتهآ <<تنحب جدة فيصل هههه
ان شاء الله مآراح اوقفهآ وبكون معآكم لي النهآيه بإذن الله
ودي لك يآعسل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 06-11-2015, 03:51 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: على حد الزمن واقف و أشاهد عبرة الأيام/بقلمي


هلا وغلا

وردة

بالنسبة للامطار فعندنا وعندكم خير قبل كم يوم جانا شي غريب اشبه بالسيل بس

مو ب سيل سيل يعني نقدر نقول سويل صغرونو بالنسبة لكم الجنوب الأخضر نقطة في بحر

ذكرني بكلمات أغنية بو نورة السيل

السيل يا سدرة الغرمول يسقيك
من مزنةٍ هلت الماء عقربيّه

كم ليلةٍ جيت ساري في حراويك
عجلٍ واخاف القمر يظهرعليّه

نطيت انا الداب وانيابه مشاويك
والله وقاني من اسباب المنيّه

يا رجلِ لو هو مصيبك وين اداويك
ودواكي يم الحساء صعبٍ عليّه


آه يا قلبي بارت حلو رغم المشاكل إللي فيه

إللي بيتزوج على امرته

ولي انطرد

ولي بفترقون عن بعض

المهم ننظر البارت الجاي بكل حب وشوق

مع ابطالنا

الشباب

فيصل و متعب و عناد.......ونصر

والبنات

مها وشوق والعنود وحنين .......ونوف

وغير هم اكيد لهم دور في الطريق

بالتوفيق لك

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 06-11-2015, 04:19 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


اقتباس:
المشاركة الأساسية كتبها 3beer~•• مشاهدة المشاركة
جمعه مباركه للجميع .....

بارت جدا رائع حبيته من جد واسمتمتعت وانا اقراه ...

اما بالنسبه للتوقعات.....
فاتوقع فيصل راح يتزوج العنود :)) ،،،اما شوق راح تتفاهم مع نصر
اما متعب فلازلت مو متوقع ايش ممكن يصير معه

روايه جدا مميزه لانها من ارضي ارض الجنوب والاحداث جدا جدا مشوقه استمري وانا معك ....

هلا والله 3beer منوره يالغلا
أسعدني توآجدك عسوله
ممكن يتزوجون ويمكن لا
شوق ونصر بنعرف وش بيصير عليهم
عاد متعب يمكن تكرهونه << امزح
حي الله بنت الجنوب كوني بالقرب
ودي لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 08-11-2015, 09:31 PM
صورة ورود الجنوب الرمزية
ورود الجنوب ورود الجنوب غير متصل
©؛°¨غرامي مشارك¨°؛©
 
الافتراضي رد: على حد الزمن واقف و أشاهد عبرة الأيام/بقلمي


اقتباس:
المشاركة الأساسية كتبها لامــارا مشاهدة المشاركة
هلا وغلا

وردة

بالنسبة للامطار فعندنا وعندكم خير قبل كم يوم جانا شي غريب اشبه بالسيل بس

مو ب سيل سيل يعني نقدر نقول سويل صغرونو بالنسبة لكم الجنوب الأخضر نقطة في بحر

ذكرني بكلمات أغنية بو نورة السيل

السيل يا سدرة الغرمول يسقيك
من مزنةٍ هلت الماء عقربيّه

كم ليلةٍ جيت ساري في حراويك
عجلٍ واخاف القمر يظهرعليّه

نطيت انا الداب وانيابه مشاويك
والله وقاني من اسباب المنيّه

يا رجلِ لو هو مصيبك وين اداويك
ودواكي يم الحساء صعبٍ عليّه


آه يا قلبي بارت حلو رغم المشاكل إللي فيه

إللي بيتزوج على امرته

ولي انطرد

ولي بفترقون عن بعض

المهم ننظر البارت الجاي بكل حب وشوق

مع ابطالنا

الشباب

فيصل و متعب و عناد.......ونصر

والبنات

مها وشوق والعنود وحنين .......ونوف

وغير هم اكيد لهم دور في الطريق

بالتوفيق لك

دمت بود

هلا فيك عسوله
أيه عاد يازين هالأيام الأجواء روعه جعلهآ امطار خير وبركة
الله يسعدك يالغلا..عاد الفصل السادس احلى
كوني بالقرب
ودي لك عسوله


الرد باقتباس
إضافة رد
الإشارات المرجعية

على حد الزمن واقف و أشاهد عبرة الأيام/بقلمي

الوسوم
مشآهد , الأيام , الزمن , عبرة , واقف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
انتهيت ومن الزمن اكتفيت (مشاركتي في المسابقه ) Kaouthar قصص - قصيرة 26 01-10-2016 09:28 AM
رواية : قلت لك بنساك بس الزمن ما نساني | بقلمي عاشقة وهمم روايات - طويلة 31 15-02-2016 11:04 PM
ف الزمن لم يتوقف بعد ! &دنيا ماترحم& مواضيع عامة - غرام 4 31-08-2015 01:56 AM
مجدداَ | لو قدامك جدار شنو راح تكتب عليه ahmed korashy العاب - مسابقات 2016 03-04-2015 02:37 PM
النص الكامل للأوامر الملكية امير العزم أخبار عامة - جرائم - اثارة 9 01-02-2015 10:58 AM

الساعة الآن +3: 09:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1