منتديات غرام

منتديات غرام (/)
-   روايات - طويلة (https://forums.graaam.com/134/)
-   -   روايتي الثانيه/ردي علي قبل لا تطلع الروح,اشتقت لك شوقاً طغا فوق حده-الكاتبه:غفران. (https://forums.graaam.com/601691.html)

غفران. 08-10-2015 11:52 PM

روايتي الثانيه:ردي علي قبل لا تطلع الروح اشتقت لك شوقاً طغا فوق حده-الكاتبه/غفران.
 
السلام عليكم ورحمة الله وبركاته.
بسم الله الرحمن الرحيم.

حبيت ان تُطرح لكم من كتاباتي ومحفوظاتي, كانت لي روايه سابقه ولكن لم تنجح بقدر ماردت.
ترددت في ان اضع الثانيه ولكن بحول الله سأضعها في التجمع الكبير المهتم بالكُتاب
-منتـديـات غـرام-.

بعنوان: ردي علي قبل لاتطلع الروح,اشتقت لك شوقاً طغا فوق حده.
الروايه:روايه واقعيه بحت,وقد تكون معظم الشخصيات من اشخاص بحياتي الواقعيه.
وان ضمن الروايه احداث خياليه.

اتقبل النقد واتمنى التحفيز.

وعند نقل الروايه اتمنى نقل اسمي- غفران..

دقـائق وسيكـون الـبارت بين ايديكـم.

غفران. 09-10-2015 01:41 AM

رد: روايتي الثانيه/ردي علي قبل لا تطلع الروح,اشتقت لك شوقاً طغا فوق حده-الكاتبه:غفران.
 
-الشخصيات الاساسيه-.
من سكان-الرياض-.
مشاري ال جعيثن،51 سنه،من مدارائ شركة ابوه.
زوجته؛سارا،40 سنه،ربة منزل.
الابناء؛.
حاتم،25سنه،اخر سنه جامعة قسم ادراة اعمال.
اشجان؛24سنه،جامعة طب،ثالث سنه،متزوجه وعندها،شجن؛4سنوات.
اريام،21،سنه،ثالث سنه جامعه قسم انقليز.
نوره،نوف؛توام،18¨سنه،ثاني ثانوي-علمي-.
نرويج،16،اول ثانوي.
-معاذ ال جعيثن،اخو مشاري متربي على ايد اخوه مشاري وزوجة اخوه سارا،19،ثالث ثانوي-علمي-.
.......
توزيع الغرف.
-الام سارا،الاب مشاري-.
-اشجان،شجن لهم غرفه بالبيت لكن قليل ماينامون فيها لان لهم بيتهم الخاص-
-حاتم-.
-اريام،نرويج-.
-نوف،نوره-.
-معاذ-.
||باقي التفاصيل نعرفها بأول خمس بارتات||.
.
.
.
"البارت1".

بأيام الاختبارات النهائيه،الاثنين الساعه11ص.

في احد البيوت المتواضعه بالرياض في بيت السكون هو اساسه، البيت ظلام مايدخله اشعة شمس ولا هواء الكل بغرفته اللي نايم واللي يهتم بنفسه
نوره؛نويفه.
نوف بقهر؛اف يويلي ماحليت زين فالاختبار
نوره؛الله ياخذ دفارتك انا ماكتبت شي بس اسمعيني.
نوف؛حنا اخر سنه وانا ابغا ادخل طب اكيد بحسب الدرجات درجه درجه.
نوره بجديه؛بقولك شي بس احلفي ماتعلمين احد.
نوف؛ها والله ماعلم.
نوره؛شوفي بقولك بس يويلك اذا علمتي.
نوف بملل؛ها وش طيب.
نوره؛طيب اسمعيني انا يمكن قبل اسبوع بهالوقت الكل نايم حتى انتي وطلعت اتغدا ورجعت وماحد جاب خبري.
نوف فزت؛احححلفي.
نوره؛والله العظيم ابوي بغرفته وامي كل يوم اثنين وثلاثاء دورها تجلس عند جدتي-الجده فاطمه،ظ¨ظ سنه،ساكنه ببيت لحالها وكل يومين وحده من بناتها تجلس عندها-، وحاتم بالجامعه ونرويج واريام كانوا نايمين ومعاذ اضن طالع بس مو بغرفته وماحد جاب خبري.
نوف قاطعتها؛لحظه لحظه وين رحتي وانا ماحسيت فيك اصلاً ليش ماخذيتيني.
نوره تغمز بخبث؛بعوضك اليوم.
نوف فتحت عيونها على الاخير؛لالا لا تكفين خلاص فكيني مابغا لو احد خطفني يمه يضيع شرفي.
نوره وهي تقوم تطلع عبايتها؛انا اللي خيالي واسع ماقلت كذا انتي واقعيه يعني المفروض ماتقولين كذا.
نوف بجديه؛هيه انتي من جدك؟
نوره وهي معطيتها ظهرها وتجهز شنطتها؛اي من جدي واللحين طالعه يعني معليش وعدت البنات.
نوف؛انا مو رايحه وترا اذا احد سالني عنك بجاوب بصدق بس اي بنات؟
نوره لفت لجهتها؛اسمعي نوفا حبيبتي انا والله قد وعدت ريما وديما وهم ينتظرونا انتي بس اسكتي ولا تخوفين نفسك والباقي علي والله ماحد يمد يده عليك ولا يغلط عليك يعني مثلاً لو احد فقدنا بنقول رحنا الصيدليه او السوبر ماركت.
نوف بشوية خوف؛خلاص بروح بس بشرط متى ماقلت نرجع نرجع.
نوره ماسكه عبايتها وشنطتها وجزمتها-وانتم بكرامه-وهي تطلع من الغرفه؛ماهو بكيفك دامه كذا اجلسي.
نوف بسرعه؛لالا خلاص دقيقه باخذ اغراضي.

-نوره؛18¨سنه ثالث ثانوي-علمي-،اكبر من نوف،طولها وسط سمراء عيونها عسلي على بني ورموشه كثيفه شعرها لأخر ظهرها وبني خلقه وكثير ومجعد،مغامره وفله تحب تسولف كثير وتسوي ازعاج مصايبها اكثر من عمرها اللي عاشته والباقي نعرفه مع الاحداث-.
-نوف؛18سنه ثاني ثانوي-علمي-،اصغر من نوره تشبه لنوره بكل شي ماعدا لون البشره نوف ابيض من نوره بكثير،خوافه وقليلة كلام طيبه مره وعلى نياتها ودايم تسحبها نوره معها بمصايبها واقرب ثنتين لبعض-.
.....
-بنفس البيت،بغرفة نرويج واريام-.
نرويج توها جايه من المدرسه فتحت باب الغرفه بقوه وحذفت شنطتها؛الله يوم جميل.
اريام من تحت البطانيه؛لعنه شهالازعاج..
نرويج وهي تبدل ملابسها؛خليك تحت البطانيه،المهم ابشرك حليت زين.
اريام بنفس الحاله؛الساعه كم.
نرويج؛ابداية الظهر ياحلوه.
اريام فزت من فراشها؛ييوه الله ياخذك ماصليت الغجر ليش ماقومتيني.
نرويج؛ماعرف حسبتك صليتي.
اريام؛قامت ودخلت الحمام-وانتم بكرامه-توضت وفرشت سجادتها وصلت وخلصت؛فيني نوم للحين.
نرويج؛ياحظك نمتي شوي على الاقل انا من امس العصر مانمت.
اريام بخبث؛فيه احد صاحي.
نرويج؛لا توني دخلت البيت ماسمعت صوت وحاتم اتصلت عليه يطلعني قال يطلع الساعه1، والتوأم طالعين 9ص اكيد نايمين والباقي ماعرف عنهم بس ليش هالنظره.
اريام؛زين اصبري لا تنامين ابغاك بحاجه.
نرويج؛وش الحاجه؟
اريام وهي تفتح الباب وتطلع؛اش مو اللحين.

-اريام؛21،سنه ثالث سنه جامعه قسم انقليز،اطول من الوسط شعرها قصير مره ودايماً يقولون لها ولد ملامحها حاده وجهه صغير وبيضاء وعيونها سوداء شعره لرقبتها واسود،عصبيه ودفشه لكن طيبة قلب وما تاذي احد ماسوا لها شي كوميديه-.
-نرويج 16سنه ثاني ثانوي،طولها وسط بيضاء مره وابيض وحده بعايلتهم لكن مع قو بياضها الا انها مملوح تشبه لعيون خواتها لان كلهم عيونهم تتشابه لونها اسود شعرها اسود حريري لنص ظهرها،بريئه وفاهيه على نياتها طيبه جداً وعايشه حياه اكبر من عمرها ونتعرف على الباقي بالروايه-..

....
-بنفس البيت،بغرفة معاذ-.
يكلم بالجوال.
معاذ؛هههههههه،جد والله،مبروك الله يعطيك خيرها ويكفيك شرها،لا ماطلعت عندي اختبارات،اي طالعين من امس بس شكلي بلحقهم،زين زين يالله سلام.
-معاذ؛19سنه ثالث ثانوي-علمي-عاد سنه،طويل واسمر شعره كثير اكتافه عريضه عيونه واسعه وحواجبه مرسومه خلقه،عصبي بس مايأذي احد ساكن مع اخوه الكبير من توفوا امه وابوه ويحاول مايقوي سلطة على بناته اخوانه يحبهم كثير شخصيته غامضه اقرب اصحابه-نوره بنت اخوه-.-.
-طلع من الغرفه وهو يغني؛احب الليله والسهره على شاطي بحر هادي،-لمح ثنتين يمشون بهدوء-تعالوا تعالوا انتم مين؟
نوره لفت لجهته؛هاه نعم شتبا؟
نوف؛انا والله مالي دخل والله هي تبي نتغداء انا بروح غرفتي-لفت تمشي-مع السلامه.
سحبتها نوره ووقفتها جنبها؛انت شتبي؟
معاذ؛وين رايحين انتم وبهالوقت مشاري يدري بتطلعون؟
نوف بشوية خوف؛بنروح لريما وديما فالم......
نوره شافت نوف بترد ردت بسرعه؛اي يدري-سحبت نوف وطلعت-.
-اريام سمعت كل اللي فات وطلعت فوق تركض؛هيه هيه قومي.
نرويج فزت؛هاه.
اريام؛اش لا تطلعين صوت البسي شحاطات الحمام والحقيني بالحوش بس مو من جهة الشارع لا من باب المطبخ-طلعت بدون تسمع رد نرويج-.
-بالحوش بجهة الشارع عند معاذ نوره نوف.
معاذ يلحقها؛بروح معكم.
نوره وقفت؛تمام بخليك تروح.
معاذ بيمشي بس تكلمت نوره قبل يطلع؛بس على شرط.
معاذ؛وانا انصدمت يوم وافقتي بدون شرط صراحه.
نوره؛هههههههههههههههه،ابغا تلبس ثوب وشماغ.
معاذ؛روحي بس قال ايش قال ثوب وشماغ.
نوف؛معاذ بنروح على سيارتك ولا نروح مع السواق.
معاذ؛انتم روحوا مع السواق وانا بس بجلس شوي معكم وبطلع للعيال مسوين مخيمات.
نوره؛اوك يالله نتلاقى بس خلك ورانا.

-بالحوش من جهة الجيران عند اريام ونرويج.
-وصف البيت؛كبير على ارضين واذا دخلنا من باب الشارع نافوره تتوسط الحوش وعلى اليمين زرع وجلسه خشبيه صغيره جنبها الشوايه وعلى اليسار المطبخ الخارجي ومتصل بالمطبخ الداخلي من جهة الجيران ومواقف السيارات وعلى اخر الحوش مسبح مسكر بمضله من فوق وباب لبيت الجيران،الباب صغير ويدخل على حوش الجيران-.
اريام تركض لجهة الباب المتصل بينهم وبين الجيران؛انا امس طاح عقدي الذهب بحوش جيرانا تعالي معي ندوره.
نرويج ركضت معها؛قداام.
-دخلوا،اريام؛يازين بيتهم شوفيه.
نرويج؛بيتنا احسن هم على ارض وحده.
اريام؛خليك من الارض انتي شوفي حوشهم.
نرويج؛اي صح حلو بس تكفين ابغا المرجيحه تكفين.
اريام؛اش اش ودوري معي لا يطلع علينا احد.
نرويج وقفت؛الا صح شجابك هنا عشان يطيح عقدك؟.
اريام تبلعمت؛ها...يعني...انا..اف اوك لاتناظريني كذا بقولك.
نرويج؛هاه اسمعك.
اريام؛امس الفجر كنت طفشانه وكل البيت هاجد طلعت اشوف الجو وانتابني الفضول عن جيراننا الجدد قلت بدخل اتفرج بالبيت وسمعت صوت.....
-نرجع لأمس،الاحد الفجر الساعه 3ص.
اريام تمشي بهدوء وتتمعن بالمكان مانتبهت لسطل حديد يحط فيه الورد الذابل الا وطاح؛يممه بسم الله.
كان بالملحق سمع صوت وطلع يركض برا؛مين هنا.
اريام قعدت تركض بتطلع وقفت عند الباب التفتت وراء مالقت احد ولفت لجهة الباب بتفتحه الا قوي ماينفتح سحبته بقوه وانفتح بسرعه وطاحت؛اااه
عبدالله انتبه لصوت الباب والصرخه؛مين انتي!.
اريام دخلت بيتهم وسكرت الباب وراها.

تعريف عبدالله؛28سنه،ضابط،متزوج بنت عمه ابتهال.

اليوم الاثنين،الساعه 11ص.
بعد نص ساعه وقفوا قدام المطعم الموعود-.
معاذ نزل بسرعه؛وراكم موقفين هنا؟
نوره تغمز له؛حبيبة القلب داخل بنتغداء معها.
معاذ ابتسم؛اها اذا كذا تمام،يلاا خلكم وراي تنحنح ومشى.
نوف تضحك؛خفيف قسم بالله مالومها يوم ماتعطيك وجه.
نوره؛عمي جميل وذكي انتي الخبله الكل يتمناه مالت على اللي ماتعطيه وجهه-غمزت لنوف يعني تكذب.
معاذ؛شفتك.
-ضحكوا وشافوا ديما وريما راحوا وسلموا.
ريما؛اللله معيذ هنا.
معاذ؛لا هناك،-لف لجهة ديما-كيفك ياديما؟
ديما؛تمام وانت؟
معاذ؛نحمدالله
نوره؛طولنا عليكم؟
ديما تتفادى نضرات معاذ؛اي والله وضنيت ماتجون.
معاذ؛جينا
نوره؛هاه شنطلب اكل؟
نوف؛جيبوا سلطه جيبوا اي شي بس لا تجيبون همبرقر.
ديما؛خلوا كل شي علي انا-راحت تطلب-.
معاذ حس بأنه مو مرغوب؛بنات بعد ماتخلصون وين بتروحون؟
نوره؛للبيت اكيد.
معاذ طالع بريما ثم بنوف ثم نوره؛تمام بثق فيك ترا-وقف-.
نوره؛وين الغداء؟
معاذ؛باخذ طلب خارجي يالله مع السلامه-طلع بدون يسمع كلامهم.
ريما؛شفيه ذا؟
نوف؛يمكن تضاي....
نوره بسرعه؛مافيه شي بس هو وضلنا وقال بيسلم عليكم ويمشي.
نوف طالعت بنوره وغمزت لها نوره يعني اسكتي.
جت ديما؛هاي،طولت عليكم.
وقفت نوف تاخذ نص الاكل عن ديما؛واو شكراً مرا.
ديما تطالع بكرسي معاذ؛وينه؟
-نوره بداخلها؛هه يقالها تهتم-.
نوف؛معاذ طلع.
-قعدوا ياكلون ويسولفون عن الاختبارات ووش بيسوون بالعطله والعطله وغيرهم قرروا كل وحده ترجع لبيتها بعد ماخلصوا غداهم-.
-ديما وريما،توام،ظ،ظ¨سنه،ثالث ثانوي،صاحبات نوف ونوره المقربات،بنات خالة نوف ونوره.


-ببيت الجيران عند اريام ونرويج-.
نرويج؛يمممماه كل ذا صارلك.
اريام؛اي والله ارتعبت مرا.
نرويج؛اوك اسمعي انتي وين طحتي.
اريام؛عند الباب هنا.
نرويج؛طيب دوري هنا وانا بروح بروح للجهه الثاني يمكن طاح وانتي تتمشين.
اريام؛لالا انا بروح.
نرويج؛تمام اذا مالقيته هنا ببقى انتظرك لا تطولين.
اريام راحت تمشي وهي تدور وقفت لاخر مكان مشت له مالقت شي انتبهت للملحق ماشفت احد حولها راحت ودخلته تلفتت في كل مكان قعدت تدور انتبهت لكومدينه خشبيه زي نظام الطاوله لها درج افتحته لقت سلسلتها اخذتها وطلعت تركض؛نرويج نرويج لقيتها.
نرويج تطلع من الباب؛اش اش قصري صوتك.
اريام طلعت من الباب وسكرته؛تخيلي وين لقيتها،لقيتها بالملحق وبدرج بعد.
نرويج شهقت؛شوداك هناك وانا اشوف يوم طولتي طيب فرضاً احد ماسكك اللحين.
اريام؛شوفيني قدامك مافيني شي.
نرويج؛امشي انا عيوني تدمع من الصداع فيني نوم والشمس احرقتني.
اريام؛تمام يالله.

غفران. 09-10-2015 01:44 AM

رد: روايتي الثانيه/ردي علي قبل لا تطلع الروح,اشتقت لك شوقاً طغا فوق حده-الكاتبه:غفران.
 
يـــتبـع.

-بيت مشاري ال جعيثن,الاثنين الساع9م,بالصاله.
مشاري:كيف اختباراتكم؟
الكل:كويسه,الحمدلله,ماشيه تمام.
مشاري:متى تعطلون.
نرويج:انا يا طويل العمر بكر اخر لي يوم.
اريام:انا بكرا عندي دوام وبعده اوف والخميس دوام واخر لي يوم.
نوف:انا ونوره للاربعاء.
مشاري:اجنهدوا وبالذات التوام اخر سنه لكم ابغا درجات كويسه.
نوف:انا مجتهده الحمدلله.
نوف قربت من نوره وبصوت خفيف:اللي اليوم يقول ماحليت شي مين.
نوره:هههههههه اسكتي لأحد يسمعك.
نرويج:الا العيال وين.
نوف:معاذ قبل شوي متصل علي طالع من الظهر لعيال عماني مخيمين.
حاتم:وحاتم جاء.
داروا لجهته يطالعونه..نوره:ياهلا تو مانور البيت.
حاتم باس راسها:هلا والله بأمي.
الكل:ههههههههههههههههههههههههه.
نوره:هههههههههههههه وينك طول هالوقت عاش من شافك.
حاتم: والله من الجامعه للمخيم ياقلبي.
مشاري:ليش مسوين مخيمات بالاختبارات.
حاتم:مسوينها اللي بوظايف وقطينا معهم.
مشاري:واخوك وين؟
اريام:معليش يبه من زمان انتظرك تقول هالكلمه عشان اناقشك فيها.
مشاري:اي كلمه؟
اريام:اخوك,ليش تقوله اخو وهو مكانته عم.
نوره:يقال انك تقولين له عمي اللحين.
مشاري:لان صغير وبسنكم وتربيتوا سوا فما له داعي الالقاب.
نوره:والذيب عند ذكره يبان.
معاذ رمى نفسه على الكنبه بين نوره ونرويج:سلام عليكم.
نرويج:امحق ذيب هذا خروف.
-كلهم ضحكوا لانهم فهموا المعنى الحقيقي للكلمه-.
مشاري بابتسامه:استحي يابنت هذا عمك.
نوف:هه هه توك تقول لاتقولون عمي.
اريام:يايبا معليش نبغا شوية انصاف يعني مايصير عمنا بالحاجات ذي بعد.
حاتم يوقف ويطالع بابوه:الله يعينك طحت بين شنق وونق ماراح يفكونك وراسك فيه شوية كيف.
نوره:بدري ياحاتم للحين ماتعشينا.
معاذ:انتم ماتعشيتوا بس حنا اكلنا مفاطيح.
نوره واريام سوا,يهبب,سمم.
معاذ:بسم الله الرحمن الرحيم انا شمسويلكم .
نرويج:يوه من زمان ماكلينا مفاطيح.
مشاري:العطله جايه بتاكلين لين تملين.
معاذ:انا والله ماكثرت لاني متغدي مع التوأم برا.
نوره:اي قصدك الغداء اللي طلبناه من المطعم.
معاذ بفهاوه:ماشاءالله اثاريكم طالبين غداء بعد.
مشاري بجديه اللتفت لنوره:ليش ماستاذنتوا.
نورهبتوتر:اي انت كنت بالشركه ومعاذ طلع معنا ومابغيت ازعجك.
وبهذا الاثناء وبوسط كلام نوره لأبوها نوف غمزت لمعاذ يسكت ونرويج واريام كانوا يسولفون عن تنظيم البارتي.
مشاري:هالمره معاذ معكم مره ثانيه يا تستاذنون مني يا من امكم.
معاذ عقد حواجبه وغمز لنوف تلحقه:يالله انا بنام تصبحون على خير.
الكل:وانت من اهله.
نوف بأرتباك:انا بروح اكلم صديقتي اظن تعبانه-قامت وطلعت قبل احد يرد-.
اريام:شسالفه كلهم راحوا.
نوره وهي مامشت عليها حركات نوف:وانا بروح لاتنادوني انا ونوف للعشاء مانبغا وزي ماسمعتوا معاذ وحاتم بعد متعشين يعني بالعافيه عليكم.
مشاري وقف:اذا حطوا العشاء قولوا لي انا بالمكتب.
اريام:يبا قبل لاتروح بطلبك طلب.
مشاري:وشهو؟
اريام:انا ونرويج يوم الخميس بنسوي بارتي صغير اذا تسمح يعني.
مشاري:عطي امك خبر ونرويج الحقيني بكوب شاهي للمكتب-وطلع.
نرويج:حاضر بيجيبه اللحين.

-بنفس البيت,بالممر عند نوف نوره معاذ.
معاذ:شسالفه ليش كذبتوا على ابوي؟
نوف؛لاتسالني انا ماكذبت على احد ولا تكلمت اصلاً.
معاذ؛اعرف بس الاكيد تعرفين نوره ليش كذبت.
نوف؛لا ماعرف.
معاذ يطالع فيها بجديه وبدا يعصب؛نوف قولي لي ولا والله لاعلم واخليهم يمنعونكم من الطلعات كلها.
نوره جت تمشي وبصوت عالي؛هيه هيه حدك شوي وتمد ايدك بعد.
معاذ غير اتجاه نظراته واخذ نفس رجع يطالع فيها؛يابنتي صدقيني بيجيكم يوم تندمون على ان مافيه احد وراكم يحاسبكم لكن صدقيني لو اشوفكم طالعات بيوم انا اللي بحاسبك مو ابوي ولا حاتم هالمره عدت.
نوف تطالع فيه لما اختفى طيفه من الممر؛معقوله زعل ذا-رجعت تطالع لنوره-ماكانك قليتي ادبك.
نوره؛معقوله؟
نوف؛لا جد زعلتيه.
نوره؛امشي نراضيه.
فتحت الباب،نوره؛هاي ياحلو
معاذ اللي كان منسدح؛هاي.
نوف جلست على طرف السرير؛معاذ زعلت.
نوره تجلس بالارض مقابل السرير؛لا مو معقوبه يزعل مني.
معاذ يلتفت على نوف اللي نسدحت؛سالتي وجاوبتك.
نوره؛وش اختبارك بكرا.
معاذ؛احياء.
نوره؛ذاكرت طيب؟
معاذ؛مذاكر في الاسبوع الميت والساعه ثلاث بقوم اراجع وصحيني.
نوره وقفت؛حلو انا بروح لحويتم ولا اريام ابغا يذاكرون لي.
اريام دخلت؛هاااي ياحلوين.
معاذ؛هاه كملت الشله.
نوره وهي طالعت بنوف اللي نامت؛نو...لا ابشرك نقصوا الله يعينك.
معاذ؛ياللليل.
اريام؛انا سمعتكم تسولفون قلت اجي اتكي عندكم.
نوره؛وراكم ماتعشيتوا؟
اريام؛لا للحين بس انا جيت ابغا اخذ جوالي من غرفتي وقلت اجلس اسولف ونسيته.
نوره؛حاتم يتعشى؟
اريام؛لا بغرفته يالله باي.
معاذ اللي يحاول يقوم نوف؛اف الله ياخذها ذي شلون تقوم لاحول الله نوف نوف قومي.
نوره؛هاذي لو تنطبق السماء على الارض ماتقوم لين تشبع فنصيحتي نام على سريرها وخلها تنام هنا-طلعت.
معاذ؛طيب تعالي ساعديني اسدحها زين شوفي كيف رجولها طايحه من السرير.
نوره رجعت؛تمام.
نرويج دخلت؛هيه انتي ابوي يبغاك
معاذ؛انا بروح انام لاتنسين نوره الساعه ٣-طلع.
نرويج؛وش وش شفيه الساعه ٣ ليش مانام بغرفته.
نوره ابتسمت؛وين ابوي؟
نرويج؛في الصاله.
نوره؛مشينا.

-الرياض،شجن الساعه،١١.
"في غرفه مضلمه،كانوا ثنين،منهم اللي نايم ومنهم اللي يطالع بالسقف."
توها صاحيه من النوم؛حبيبي صاحي.
عبدالعزيز التفت لجهتها؛ايوا ياقلبي.
اشجان؛اخ اسفه على كل هالنومه.
عبدالعزيز؛عادي شجونتي بعدين ارسلت شجن لبيت امي اتصلت تبيها وماحبيت ارفض وهي كانت طفشانه.
اشجان؛ اف ياللـه طيب شكان لبسها خذت معها لبسه ثانيه بجامه شي؟.
عبدالعزيز؛لا تقلقين الشغاله لبستها وخذت لها ملابسه وخليت الشغاله تروح معها عشان تنتبه لها.
اشجان؛اي اشوا بقوم اغسل وبسويلنا اكل.
عبدالعزيز؛ترا المغرب والعشاء ماصليتيهم بعد.
اشجان اللي تلبس شحاطات الحمام؛تمام.



-بالرياض،بيت مشاري،الساعه ١١ الليل.
نوره؛يعني كيف مافهمت.
حاتم؛ياربي ارحمني برحمتك لنا ساعه باللوغاريتمات والاسس افهمي تككفين،نوره تدرين لو مو مروق لان وراي بكرا اوف وش سويت فيك؟
نوره؛خلاص اخر مره بس شكلي كنت غايبه بهالدرس عشرن كذا مافهمت.
حاتم؛اخر مره هاه اسمعي،.............

-حاتم،٢٤سنه،اخر سنه قسم ادارة اعمال،اسمر وطويل نحيف مرا وشعره كثيف زي ابوه عيونه عسليه،شعره لاخر رقبته وكثيف حلو على شكله وجهه دائري وخشمه نحيف يعني نص جمال،خفيف ضل اجواءه رومنسيه اكثر من انها كوميدي.
-بعد ساعه وربع.
حاتم؛ تعبت خلاص قومي انقلعي.
نوره؛الله ياخذك باقي بابين.
حاتم؛انتي مذكره بالاسبوع الميت؟
نوره؛يعني الاشياء الصعبه بس.
حاتم حط اوراقها ودفاترها بكتابها وحذفهم عليها وانسدح؛ابشرك البابين الباقيه صعبات اكيد فاتحتهم من قبل يعني بس راجعيهم.
نوره وقفت بتطلع؛يهب ياوجهك مابحياتك كملت جميلك.
حاتم؛طفي اللمبه وسكري الباب معك.
-طلعت من عند حاتم تتحلطم،نرويج؛مانمتي.
نوره؛وين يجيني النوم ووراي رياضيات.
نرويج اخذت كتبها وحطتهم على طاوله بالممرات وسحبتها؛انسي همك يامي تعالي بنقولك شي انا واريام.
نوره؛ليش شفيها.
دخلوا الغرفه،اريام؛ياهلاً.
نوره؛هلا فيك.
اريام؛اخر اعلومك؟
نوره رمت نفسها على السرير؛يقولون العلوم عندك.
اريام؛ياكثر علومي اسمعيني كل من يعز عليك من قريب وبعيد تمونين عليه ولالا تحبينه ولا تكرهينه بعد يوم الخميس بارتي.
نوره ببرود؛ياكرهي لحفلاتكم ذي.
اريام؛وياكرهي لجوك.
نوره؛ اذا ناسيه ترا حنا اختبارات ماحد جايك.
نرويح؛واذا قروباتنا كلهم بمدرستنا وبصفنا يعني معطلين معنا اكيد بيجون.
نوره وقفت بتطلع؛لاتعزموني.
اريام؛يع ياكرهي لاجوائها.
نوره بالممر؛سمعتك ترا.

-الرياض،بيت عبدالعزيز وشجن،١٢ص،المطبخ.
اشجان تناظره وهو ياكل بسرعه؛اخ اسفه شكلي اهملتك.
عبدالعزيز؛شجن عيوني تكلمنا بذا الموضوع انا راضي انك تدخلين طب واعرف دراسة الطب زين لاني كنت طالب زيك يعني لاتشيلين همي ولا هم صغيرونتنا انا بهتم بكل شي.
اشجان؛اخ يلومني فيك.
عبدالعزيز؛لو يلمونك اتفلي بوجيهم.
اشجان؛تفو رومنسيتك خايسه.
عبدالعزيز؛ههههههههههههههههه،يازين الجو تبغين نطلع نتمشى.
اشجان؛يالله شورانا.

عبدالعزيز،ولد عم شجن وزوجها بنفس الوقت،٢٨،دكتور اسنان،طويل وجهه طويل تقريباً له غمازات دائريه كبيره عيونه دائريه جميله اسمر مملوح،رومنسي إلى ابعد مدى يحب شجن اكثر من نفسه وانفاسه.

اشجان؛24سنه،جامعة تخصص طب ثالث سنه،طويله بيضاء مره عيونها عسليه وشعرها عسلي-خلقه-ملامحها طفوليه خدودها وردي-خلقه-شعرها طويل لنص ظهرها وكثير لها خصر نحيف،هاديه حنونه لكن جريئه تزوجت بسن صغير وجابت شجن بسن صغير بس راضيه على ذا لانها مع عبدالعزيز.

-بيت مشاري ال جعيثن،الثلاثاء الصباح الساعه 7،على طاولة الاكل-.
حاتم يوقف؛اريام متى محاضرتك؟
اريام؛8 بس ابغا اروح من اللحين.
حاتم؛اوصلك لكليتك؟
مشاري؛ماعندك اوف اليوم؟
حاتم؛الا والله بس بروح اعدل اوراقي تعرف اخر سنه.
مشاري اشر له بالايجاب.
حاتم؛هاه اريام تروحين.
اريام وقفت؛السواق دايم يودي هذولا قبلي وياخرني وتبيني اقول لا.
-طلع ولحقته للسياره-.
معاذ جاء وجلس؛يبا مشاري ترا انا بترك سيارتي اليوم بروح مع البنات مع السواق.
مشاري؛ليش سيارتك فيها شي.
معاذ؛لا قصدي زحمة المواقف وانا مالي خلق.
مشاري؛خلاص اتركها هنا واذا طلعت دبر حالك لان السواق ابيه يجيب سارا اليوم.
نوره؛ليش يبا مو الاثنين والثلاثاء مناوبة امي عند جدتي؟
مشاري وقف بيطلع؛لا هي اخذه الاثنين الثلاثاء والاربعاء بالاسبوع اللي راح عشان كذا عطوها اليوم اعفاء.
نرويج تلتفت لمعاذ؛يكون بعلمك بيوصلني قبلك انا والوراعين ذولا-تأشر على نوف ونوره-.
معاذ؛مافيه مشكله.
نوف تضربها مع يدها اللي تاشر بها؛ماورع غيرك.
نوره كانت تناظر معاذ نظرات مو مفهومه وهو بعد.
اريام وقفت وحاطه شنطتها على كتفها؛يالله ياهوه مشينا.
نوف؛يادميه بدري خليني اكل.
اريام؛بدري بعينك بلاء الساعه 7.
اريام طلعت بدون ولا كلمه.
معاذ وقف بيلحقها،نوره؛معاذ.
معاذ التفت لها؛امري.
نوره؛عادي تطلع بسيارتك عندي موضوع اكلمك فيه.
نوف؛حبايبي ترا الوقت متاخر ويبغيلكم تراجعون لاتغامرون رجاءً.
نوره؛روحي راجعي انتي.
نوف؛اوك طالعه باي-طلعت تركض-.
معاذ؛شفيه وشو الموضوع؟
نوره؛امش للسياره.
معاذ طلع ولحقته تركض..
نوره سحب جوال معاذ من ايده وحطته بالسياره ورجعت قالت؛معاذ بقولك سر قوي لدرجة نوف توامي ماقلته لها.
معاذ بأستغراب؛وشو السر ووشدخل جوالي.
نوره؛بنطلع من البيت اول شي وبعدين اهرجك.
بعد ربع ساعه.
معاذ؛نوره تكلمي.
نوره؛انزل من السياره.
معاذ؛بالشارع انزل؟
نوره؛اي بندخل للجلسات اللي على شارع ذيك.
معاذ؛نوره خلصيني شفيه.
نوره-اشرت يعيطها جواله ومايتكلم عطاه اياها قفلته وحطته بدرج السياره ونزلت-يالله امش.
معاذ جلس؛جلسنا تكلمي يالله.
نوره؛انا متورطه بشي قوي لدرجه اني خايفه اللحين انا ماكلمك اللحين على اني ضعيفه بس جد شي يخوف شوف تتذكر صاحبة امي اللي تهاوشت معها؟
معاذ؛ام فهد،شفيها؟
نوره؛كان لها بنت اسمها رانيا كانت متورطه بقضيه بالمحكمه اضطريت اكلم واهدد اللي اشتكى عليها انه يتنازل صح غلطت بس طلبتني وانا كنت مضطره بذاك اليوم هي وامها كانوا يصيحون قدامي ماتحملت واتصلت عليه وبعدها غيرت رقم جوالي سبع مرات ومن محلات مختلفه بس توصلني رسايل غريبه واخرها حرف-ح-بالبدايه ماشكيت له علاقه بالغلط اللي سويته بس من بعدها لمح لي مره وفهمت.
معاذ انصدم وارتبك بس سيطر على نفسه؛قولي وش المصيبه اللي سوتها رانيا.
نوره؛انا ماقلت لك الا لان-ح-طلب مني هو يهددني باستمرار ومايخليني اعلم احد بس رسايل مو مكالمات بس يعرف عني كل شي بحياتي كل شي ومره ضربت بكلامه الحيط وهددني وسويت حادث انت .....-نرجع لقبل شهر الساعه 8ص.

كانت مرتبكه ووصلتها رساله وافتحتها-محتواها؛الساعه٦م راح توصلك علبه عند باب بيتك،انتي وحظك اذا احد فتحها قبلك-ح-.
حديث نوره مع نفسها-شيبي فيني،شيقصد بان اذا احد فتحها قبلي شداخلها،،،ياربي ارحمني ليش يلاحقني شيبي فيني،،اوك اوك كل هالاجوبه لازم الاقي لها جواب -بعد وقت طويل-للللقيتهــا.

الساعه5م.
ركبت سيارتها؛ياش-السواق-اسمع اللحين نزلني بالسوبر ماركت وارجع للبيت واخذ سياره ثانيه وتعالي اخذني بسرعه لاتطول،تمام؟
ياش؛اوك مدام.
بعد خمس دقايق وصلت السياره الثانيه ركبتها ووقفت قدام بيتهم بعد ربع ساعه وصلتها رساله-محتواها؛اذا تعتقدين انك ذكيه لدرجه تبدلين السيارات عشان البيت مراقب انتي غلطانه،اذا تبغين الكرتون يوصل لاهلك خليك مكانك -ح-.
نوره؛اااف اللله ياخذك الله ياخذك ياحيوان-نزلت ودخلت بيتهم وجلست بالجلسات الخشبيه وتعد الثواني.
الساعه6تمام نزل كرتون قامت تركض وفتحت الباب ومالقت احد ناظرت بالكرتون اخذته وراحت لغرفتها.
-محتواه دبدوب مقطع وكروت واضح ان من شكل صناعتها قديمه جداً والمكتوب فيها بخط واضح ومعروف انه توه مكتوب بس الكلمات الغزليه جداً قديمه.
نوره؛شيبي يوصله الكرت شكله قديم وراح سوقه بس الخط المكتوب بقلم واضح وواضح مكتوب اللحين بس بعد الكلمات قديمه وحتى من جداني ماسمعتها.

-معاذ ونوره،الثلاثاء،الصباح7:30
نوره؛معاذ معي.
معاذ سحب نوره مع ايدها وركبها السياره ثم ركب ونوره بصدمه من حركته جت بتتكلم بس سكتها وقف عند مدرستها؛شوفي نوره مالي بحاجه لتفليمك حركاتك قديمه وحفظتها ماقلتي شي مقنع ممكن ينشاف من كل ذا عشان كذا انزلي لمدرستك وصار اللي تبين وتاخر الوقت.
نوره بصدمه؛كيف مو مصدقني ولا حرف من اللي قلته تمام ماتبي تعرف موضوع حادثك؟
معاذ عصب وبصوت عالي جداً؛مابغا اسمع خلاص ماعندك شي تقولينه سكري الباب.
سكرت الباب ومشا بسرعه قويه ناظرت فيها لين اختفت سيارته.

-الثلاثاء،مدرسة البنات،الساعه 11ص.
وقعت على الاختبار وطلعت تمشي وهي تفكر بكل اللي قالته لمعاذ كيف ممكن مايصدقه ويتفاداه كانها مزحه.
نوف شافت نوره وراح تمشي لها بخطوات سريعه؛نوره متى جيتي اليوم.
نوره حاولت تخفي كل شي وابتسمت؛ماطولت7 ونص كذا جيتي.
نوف؛حليتي زين؟
نوره؛يعني وانتي؟
نوف؛مو مره حليت بس يعني الحمدلله اشوا من لاشي.
نوره؛توي ادرب ان حاتم صدق يعرف يدرس كل كلامه اتذكره-حديث النفس-هه لو تدري الورقه بيضاء بتروح لامي تعلمها-.
نوف؛نوره قاعده اناديك ليش ماتردين؟
نوره سمعت صوت بالمايك يناديها.
-على باب المدرسه مايك اللي يبغا يطلع احد من بنات المدرسه ينادي باسمها-.
نوف؛ماكأنه صوت معاذ.
نوره ابتسمت بقوه؛جاء جاء صدقني.
نوف؛ايش وش يصدقك فيه؟
نوره؛ولا شي قعدت تلبس عبايتها.
نوف؛اصبري جايه معك.
نوره؛لا لا السواق بيجيبك انتي واريام.
نوف؛شفيك انتي فيك شي؟بالبدايه حاله الاختبار بس بعد واضح ان مالك نفس لشي وبثانيه قعدتي تضحكين وتقولين كلام مو مفهوم-حطت قفا ايدها على جبين نوره-حبيبتي فيك شي.
نوره؛لا ياقلبي باي-وطلعت بدون تسمع ولا كلمه-.
معاذ لمح شكلها قرب من عندها؛انتي نوره؟
نوره؛اي.
معاذ مسكها مع ايدها وسحبها للسياره،نوره؛معاذ فك ايدي شوف الناس كيف تطالعنا.
معاذ؛يحسبونا حبايب ماعليك.
نوره؛وهاذي مشكلتي ياليت يعرفون انك عمي وبتذبحني ابرك من حبايب ومس......-سكتت لانه جلسها بالسياره وسكر الباب بعد عدة ثواني ركب.
معاذ؛نوره ابغيك تقولين كل شي تفسرين كل شي وانا اللي اسال وانتي تجاوبين.
نوره فزت من الخوف؛ههههههههههه قصدك تاخرت لما ناديت علي بالمايك شسوي نوف ازعجتني تب........
معاذ رفع حاجب؛تعرفين....
نوره قاطعته واشرت له يسكت صار جسمها كله حار من الخوف وترتجف؛اي قصدك امس لما طلعنا انا ونوف نتغدا معك وماستاذنت من ابوي عادي خلاص مرت السالف....
معاذ عقد حواجب وقعد يسالها بالاشارات خذت جواله واتصلت على ابوها؛الو ابوي،،لا انا نوره،،،ايوا مع معاذ،،يبا انا ومعتذ نبغا نروح للخيل ببيت المزرعه اشتقنا لهم،،،لا بس العصر ونرجع،يبا يمدي نذاكر،تمام وعد،باي باي.
معاذ؛حلو مشتهي رحله كذا.
نوره؛طيب بنتغدا اول شي ثم نطلع لبيت المزرعه.
معاذ؛باخذ طلب سياره من اي مطعم.
نوره؛تمام.


السواق عند الام سارا-نوف-اريام-نرويج.
سارا؛وليش ماخذوك معهم.
نوف؛امي والله مدري انا قلت اروح معك قالت لا السواق بيجيك.
سارا؛وين راحوا ذولا.
اريام؛خست بذا الحر،ياش رجاء ارفع بالمكيف على البارد.
نرويج؛انتي وين وحنا وين-التفتت لأمها-طيب يمه اتصلي عليهم.
سارا؛جوال معاذ مشغول.
نرويج؛وجوال نوره.
نوف؛حنا اختبارات شلون بتاخذ جوالها معها،،اا اقصد يعني بمدرسه شلون تاخذ جوالها يعني معها للمدرسه.
نرويج قربت من اذنها؛جبتي العيد وخلاص.
نوف؛لا امي قلقانه مانتبهت.
سارا؛ردت ردت مشاري،الو مشاري،السلام عليكم،بخير،اي مع البنات بالسواق،مشاري تعرف وين نوره ومعاذ،متى،شعندهم،اشوا الحمدلله يعني بخير خوفوني عليهم،تمام متى تجي للبيت،زين زين في امان الله.
نوف؛عرفتي وينهم يما؟.
سارا؛اي يقول مستاذنين منه بيرحون للخيل ببيت المزرعه والعصر بيرجعون.
نوف بدت تشك على هالافكار وان هاذي كذبتهم اذا بغوا يطلعون مكان ثاني.
نرويج؛اشوا بس انهم بخير.
اريام؛اتخيل يجي شي في نوره معاذ من جدكم انتم؟ذولا لو تفكونهم بغابه مليانه ذيابه اخر الليل ماينخاف عليهم.
نوف؛انتي اللي حلال من فكك بين الشيعه بيوم عاشورا.
اريام؛افتكينا من النسخه الاولى جتنا النسخه الثانيه.
نرويج؛نوفا اسحبي عليها نفسيه ذي.
اريام؛مالك خوي والله.
الكل؛ههههههههههههههههههههههههههه.

-الرياض،بالسياره بزحمة جامعة الملك سعود،الساعه12.
اشجان تحضنها؛شوشو حبيبتي ماشتقتي لماما.
شجن؛الا ماما اشتقت كثير.
عبدالعزيز؛شجن ترجعين لجدتك ولا ترجعين معنا البيت؟.
اشجان؛ليش مو تو ماخذها من جدتها ليش اخذتها يوم تبغا ترجعها.
عبدالعزيز؛لا ياقلبي ماخذها من الساعه 8راحت معي المستشفى وافطرنا سوا واللحين بنتغدا مع الماما باحسن مطعم ونودي الكتكوته عند جدتها ونرجع للبيت.
شجن؛ههههههههه هاذي ما ماما حقتك هاذي ماما حقتي انا.-هاذي مو امك حقتك هاذي امي حقتي انا-.
عبدالعزيز؛لا ياورع هاذي من قبل اعرفك حقتي انا.
اشجان؛ههههههههههههههههههههههههههههههه،مابقى الا تحانك ورع.
شجن؛بابا ابغا ماك.-مطعم-ماكدونالدز.
عبدالعزيز؛حاضر.

"انتهى البارت".

غفران. 09-10-2015 01:45 AM

رد: روايتي الثانيه/ردي علي قبل لا تطلع الروح,اشتقت لك شوقاً طغا فوق حده-الكاتبه:غفران.
 
السلام عليكم ورحمة الله وبركاته.
طُرح البارت بفضل الله,ومن عانوا في بداية الامر بالخط فـ لله الحمد تم تعديله.

والان اتمنى لكم قرائه ممتعه واتمنى ان تليق بمقاماتكم هذه الروايه
البسيطه .
واتقبل انتقادكم وتحفيزكم,سيطرح البارت القادم بأذن الله خلال الاحد...

بأنتظـر التشجيع.


الساعة الآن +3: 11:13 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1