غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-10-2015, 07:42 AM
صورة هدوء .~ الرمزية
هدوء .~ هدوء .~ غير متصل
©؛°¨غرامي فعال ¨°؛©
 
Upload4e28175c4a ها قصة كل شهيد


لقصة
يما اعمليلي مسخن و كثري عليه البصلات و تنسيش السماك ~
بس أنا اليوم بدي أعمل ركاك و عدس مشان أدفي عظامك إنت و اخوانك ~
يما مشان خاطري اعمليلي مسخن ~
خلص يما بتؤمر أمر، طبعا منتا آخر العنكود بطلعلك كل شي~
حبيبتي يما والله غير أرفعلك راسك عن كريب و تكولي صحيح هالولد هامل و مشكلجي بس سدكوني مخلفتش غيرو ~
هههه أسكت ولا هسا بسمعوك اخوانك و بزعلو ~
يما كيف كان شكل أبوي ؟؟
يما منتا عارف كيف كان شكله، هو أنا بدي أظل أكلك كيف شكله !! هو صحيح استشهد في النكسة و كصفولنا الدار و راحن صوره معها بس صورته يما محفورة في كلبي من جوى ~
ههههه كنتي تحبيه يما و مش كادرة تنسيه يلا اعترفي !! ~
ولا يا أزعر، اه كنت بعشكه كمان .. كانن شواربه خمال بوكف عليهن صكر و كانت عنده شامة عخده و لا غمازته تكول حفرة في خده .. لما كان يطل في بدلة هالجيش كل بنات البلد يوكفن عالشبابيك ~
هههه ول ول هاظ الحج كاين توم كروز بزمانه ~
اخرس ولا تتخوثش و يلا روح من وجهي مشان أعملك المسخن ~
#‏بعد_شوي :
يما مخلصش الأكل .. متت جووع ~
يما هالولد شو كردك عجوول .. خلص هيو جاهز تع كل ~
يا باااي مزكا هالريحة .. بتعرفي يما إني بشم ريحتك في المسخن !! ~
يا عزااا يعني ريحتي بصل يا عكرووت
هههه لا يا غالية مش هيك كصدي .. تزعليش ريحتك مسك يا تاج راسي ~
يمااا منك إنت .. كول يما صحة و عافية .. مطرح ما يبني يأسس يا حبيبي ~
#بعد_شوي :
هيني طالع يما .. بدك إشي !! ~
وين رايح يا حبيبي !! ~
رايح عمكان بجنن يما ~
طيب يما تعال أبوس هالخدود الحمر ~
هههه هسا صرتي غشيمة عن خدوودي !! ~
شف الحيوان .. بس حاسس إني رح أشتاكلك بس تطلع .. خليني أشم ريحتك يما ~
هههه خذي شمي يا حجة منا كالولك عني أكسجين .. بس بدي آخذ هالشغلة من الغرفة ~
#بعد_شوي :
راح محمد الله يسهل عليه .. خليني أكووم أنظف غرفته هسا كايمة كاعدة ..
إييه بسم الله الرحمن الرحيم .. هذي الغرفة مرتبة .. كنه الولد مرتفعة حرارته ..
شو هاي الوركة !! خليني أكراها ~
المكتوب في الرسالة :
يما بحبك كد الدنيا .. بتعرفي ليش خليتك تعمليلي مسخن اليوم مشان يظل طعمه في ثمي و يكون آخر إشي بذوكه ..
شفتي لما حكيتلك بشم ريحتك بالمسخن، ما كان كصدي إنه ريحتك بصل يا غالية، بس إنتي أعطيتينا كل سنين عمرك .. شكيتي كثير يما !! و كل مرة بتطبخي بتحطي من نفسك في الطبيخ ..
يما أنا لو أشم ريحتك بين كل أميات الدنيا رح أعرفها !! فش زيها يما ~
بتعرفي يما لما سألتك عن شكل أبوي ؟ مكانش كصدي أتزانخ عليكي، كنت بدي أتأكد من ملامحه و أحفظها لإني كمان شوي رح أشوفه و ألتكي فيه و أحكيله ليش تركتني يابا ؟؟ بدي أبوس إجريه و أميز ريحته زي ما بميز ريحتك يما !!
كلبك كلك إنه هاي آخر مرة رح تشوفيني عشان هيك بستي خدودي الحمر و شميتي ريحتي .. رح تشتاكيلي يما بعرف و رح تشتاكيلي كثير !! بس رح تزغرتي و رح تفرحي، يما اللي بستشهدو مش أحسن مني و إمياتهم مش أحسن منك !!
#‏فلسطين بدها شبابها يما، حتى لو كنت آخر العنكود ~
اليهود يما بفركووش بين وحيد أهله و بين زغيرهم و بين كبيرهم ! ! والله ما بفركوا ~
ما رح نستناهم ييجونا، احنا رح نروحلهم بإجرينا .. هاض كدرنا يما، احنا انولدنا عشان نموت !! إنتي مرة مؤمنة يما ! بالله عليكي تعمليلي عرس زي اللي كنتي تكوليلي عنه دايما .. بدي مهاهاتك تصل للكدس يما .. ابنك ما مات يما عالفاضي !! ابنك استشهد عشان #فلسطين !! هاي فلسطين يماا !! لازم نمووت عشان فلسطين
ارضي غالية عليه
طلعت تركض في الشارع و تنادي عمحمد، يماااا فلسطين مليانة شبااب يما .. ليش إنت يما لييييش !! خليك يما مشبعتش منك ~
طيب كان أكلت كمان شوية مسخن و دبيت بطنك يا حبيبي !! مين بدو يطعميك هسا !!ليش إنت يما لييييش !! خليك يما مشبعتش منك ~
طيب كان أكلت كمان شوية مسخن و دبيت بطنك يا حبيبي !! مين بدو يطعميك هسا !!
طيب ليش رتبت الغرفة ؟؟ كان خليتها معفشكة زي دايما مشان أشم ريحة أواعيك و أكوول الله يهديه هالولد ~
يحرم علي طبيخ المسخن من بعدك يا محمد يماااا !!
أخذت ضحكتي و رحت يما ، تعال تزانخ علي يا محمد تعال !!
نطت الجارة من الشباك، هااااي يا ام محمد تع شوفي محمد وجهه منور عالتلفزيون .. طعن ثلاث و استشهد .. هنيتي يا خيتي هنيتي .. لولولوليييييييش !!
كعدت ام محمد في نص الطريك و بعديها مكامتش !!
#‏هاي_قصة_كل_شهيد ~
#‏محمد_وكل_شباب_فلسطين ~
#‏ام_محمد_كل_أمهات_فلسطين ~
#‏هاي_فلسطين_الغالية_يما !!
#‏فلسسسسسسطين_ياا_وجعععي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-10-2015, 06:43 PM
صورة Mustafa Ali الرمزية
Mustafa Ali Mustafa Ali غير متصل
©؛°¨غرامي مبدع¨°؛©
 
الافتراضي رد: ها قصة كل شهيد


بجد مؤثرة
الله يحفظ فلسطين
وشبابها ويرحم
شهداءها
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-10-2015, 10:02 PM
صورة MISS JOKER الرمزية
MISS JOKER MISS JOKER غير متصل
©؛°¨غرامي ذهبي¨°؛©
 
الافتراضي رد: ها قصة كل شهيد













هذه قصة كل الابطال
والمقاومين واعدادهم رح تزيد ان شاء الله
حتى تتحرر فلسطين
قصة موجعة بحق
ربي يحفظ فلسطين
وعن قريب عرس الحرية ان شاء الله












الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-10-2015, 11:54 AM
صورة هدوء .~ الرمزية
هدوء .~ هدوء .~ غير متصل
©؛°¨غرامي فعال ¨°؛©
 
الافتراضي رد: ها قصة كل شهيد


اقتباس:
المشاركة الأساسية كتبها اوف يازمن الخيانه مشاهدة المشاركة
بجد مؤثرة
الله يحفظ فلسطين
وشبابها ويرحم
شهداءها
يعطيك العافية
امين ياارب
الله يعافيك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-10-2015, 11:55 AM
صورة هدوء .~ الرمزية
هدوء .~ هدوء .~ غير متصل
©؛°¨غرامي فعال ¨°؛©
 
الافتراضي رد: ها قصة كل شهيد


اقتباس:
المشاركة الأساسية كتبها عـزة فلسطـين~ p.a <3 مشاهدة المشاركة
هذه قصة كل الابطال
والمقاومين واعدادهم رح تزيد ان شاء الله
حتى تتحرر فلسطين
قصة موجعة بحق
ربي يحفظ فلسطين
وعن قريب عرس الحرية ان شاء الله
ان شاء الله
طول ما في شباب مثل شبابنا باذن الله بتتحرر
شكرا لمرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-01-2019, 04:55 PM
صورة مِيْسَـانْ ؛ الرمزية
مِيْسَـانْ ؛ مِيْسَـانْ ؛ غير متصل
©؛°¨غرامي مجتهد¨°؛©
 
الافتراضي رد: ها قصة كل شهيد


.. ♪❥❆ ..



يالله جد اكتر قصة من بين كل القصص يلي قريتها بحياتي
بتأثر فيني هيك و جد اجمل قصة يعني كلماتي ما بتقدر توصف
روعتهـا و كميـه الاحاسيس يلي جواتها
و كيف انها بتلامس اوتار القلب الحساسـه
.
كل شهيد راح بسبيل بلادنا الحبيبه ..فلسطين..
ان شاء الله رح يكون بالفردوس الأعلى
..ربي يرحمهم و يصبر اهلهم و يجمعهم بالفردوس الأعلى يارب
.
ابدااع من نوع اخر ..دمتِ بِـوِد 💜




.. ♪❥❆ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-01-2019, 08:43 PM
صورة maria.gh الرمزية
maria.gh maria.gh غير متصل
©؛°¨غرامي مشارك¨°؛©
 
الافتراضي رد: ها قصة كل شهيد


قصة جميلة .
ابداع فوق ابداع

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1