Nona anosha ©؛°¨غرامي جديد¨°؛©



مساء الورد على عيونكم
طبعاً هذي روايتي الاولى واتمنى تعجبكم
وانتظر تعليقاتكم
طبعاً كتبتهه باللهجه العراقيه
وهذي لهجتي
طبعاً احداثهه عير حقيقيه
من نسج خيالي
اتمنالكم قرائه ممتعه

ابقى احبك رغم كل العذاب
Part1

في الصباح ....
في غرفة نومها...
رن الهاتف ....
رند: ( بصوت يملؤه النعاس ) الو
حسام: يسعدلي هالصباح ....
الحلو لسه نايم ...
شو حبيبتي مو ناويه تصحين
رند: امممم نعساااانه مو صار
هواي من نمت
حسام: مو هذا اني صحيت
واحنه نمنه نفس الوقت
رند: بس انا نعسااانه لسه
خليني انام وانت بالليل مو
مخليني انام للصبح تكلمني
حسام: امممم يعني ترديني
بعد ما اتصل بيج؟؟؟؟
رند: لا لا لا مو هذا قصدي
حسام: يله اصحي و روحي ادرسي
وراج امتحانات واريد حبيبتي تتفوق
وتطلع معدل حلووو حتى اجي
ونسوي الخطوبه رسمي
رند: ( بابتسامه عريضه)
مااااشي ياروووحي
حسام: ههههه اي هيج اريدج
رند: يلا روح لتعطلني وراي دراسه
حسام: هههههههه هسه صار وراج
دراسه ومن الي كان يريد ينام قبل شويه
رند: يووووه منك مو عاجبك شي
حسام: (بابتسامه) اوكِ حبيبتي
يلا روحي ادرسي ... بااااي
رند: بااااي حبيبي

سدت التلفون وقامت من النوم ودخلت
الحمام ( وانتو بكرامه) واخذت دوش
ولبست بجامة حتى تاخذ راحتهه وهي
گاعده تدرس

Stop.....
( خلونه نسولف شويه عن ابطالنا)
( رند: بنت عمرها 17 سنه طالبة سادس
اعدادي شاطره ومتفوقه بدراستها
وتحب الرياضيات موت لذلك
هي حلمهه تروح هندسه ...
.جميلة الى درجه بنت شعرهه
طويل جداً واصل عند افخاذهه
نااااعم جداً وهي تحبه حيييل
ومتقبل تقصه لون بشرتهه حنطي
عيونهه كبااار كحيله ورموش طويله
سود لون عيونهه عسلي انف صغير
وشفايف صغيره ومرسومه ولونهه زهري
يعني تجنن طولهه مناسب مو طويله بس
مو قصيره جسمهه متناسق وحلو جداً..
.. عايشه ويه اهلهه الي هم امهه
وابوهه واخوهه ... علاقتهم بالبيت كلش
حلوه امهه موظفه وابوهه عنده شركة
استيراد وتصدير وحالتهم الماديه جيده
وعلاقتهه هي واخوهه حلوه واحد يحب
الثاني موووت وكأنهم اصدقاء و ماكو
اسرار بينهم ...
تحب ابن خالها حسام من يوم كان
عمرهه 14 سنه يعني هو اول حب بحياتهه
حبته من بداية مراهقتهه وهو هم يحبهه )
( اما حسام: ابن خال رند
وهو وحيدامه وابوه عمره 25سنه...
شاب اسمر طويل صدره عريض
وعنده عضلات شعره حالقه حلاقه حلوه
عيونه واسعه ومرتب لحيته وشاربه ترتيب
حلو يعني شاب وسيم وقوي ....
اعتمد على نفسه من وهو عمره صغير
صار يدرس ويشتغل لانو اهله حالتهم
متوسطه فهو حب يكون نفسه ويعتمد
على نفسه ظل يشتغل ويدرس
دخل الجامعه وتخصص بالمحاسبه
لانو هالاختصاص حيساعده بعمله
كون شركة مقاولات واشتغل بيهه لحد
ما صارت معروفه بالبلد ....
ويحب رند بنت عمته موووت ويخاف
عليهه من الهوى الطاير وعنده هي
الهوى الي يتنفسه )

نرجع لبطلتنا ...

بعد ما لبست ملابسهه نزلت للطابق
الاول من البيت
حتى تفطر وترجع تدرس وكانت متحمسه
للدراسه ( هههه اكيد لانو حبيبها
حمسها بالخطوبه 😉)
مالگت احد بالبيت فقط العامله
لانو امهه وابوهه رايحين على
شغلهم واخوهه سيف بالجامعه سنه
ثالثه يدرس قانون
خلت العامله تحظرلهه الفطور
وفطرت وصعدت الغرفتهه وبدت تدرس ....
( طبعاً هي بالبيت لانو ماخذين اجازة
قبل الامتحانات النهائيه عندنا بالعراق
نسميه شهر المراجعه )
( وطبعاً اهلهه يعرفون انو هي وحسام
واحد يحب الثاني وهم مخطوبين بس
خطوبتهم غير رسميه فقط كلام بين الاهل )
الظهر ....
رجعت امهه من دوامهه دخلت غرفتهه
غيرت ملابسهه وطلعت للمطبخ شافت
العامله شنو مسويه عالغده وبعدهه
صعدت لغرفة رند ...
بعد ما طرقت الباب ...
رند: ( وهي مندمجه ويه الكتب والدراسه
وجالسه عالسرير والفوضى تعم ارجاء الغرفه
الاوراق المكوره ماليه الغرفه والكتب
منتشره عالسرير وعالارض ) تفضل
ام سيف : (بعد ما فتحت الباب وهي متفاجئه
بمنظر الغرفه) هاي شنو حبيبتي رنوده
هو هيج الي يقرأ ليش هالفوضى
رند: ماما حياتي خلي اشرحلچ وجهة نظري
من هالفوضى ...
شوفي حبيبتي لما حيجيني سؤال بالامتحان
راح اتذكر انو اني لما قريته كنت بكذا
وضعيه والورقه الي حفظته بيهه رميتهه بكذا مكان ..
. ( بضحكه عاليه ) شفتي نظريات بنتج الخورافيه ههههههههه
ام سيف: ( بابتسامه ) الله يعينه عليج
انتي راح تخرفين
بين ما تخلص امتحاناتج
رند: ( تنط لامها وتقبلهاوبضحكه )
حياتي امي هسه دخلي اخلص وخلي اخرف
ام سيف: هههههه حبيبتي تنزلين تتغذين ويانه
ابوج واخوج رح يوصلون
لو اخلي العامله تجبلج الغده هنا
رند: لا ماما انزل آكل وياكم تعبت
من الساعه 8 بلشت ادرس ولحد الآن
دخت انزل اغير مودي وياكم وارجع
ام سيف: ( بصدمه) شلوووووون هاي منو
الي اليوم صاحيه من وقت شنو هالنشاط
المفاجئ ؟؟؟؟
رند: ( تقلد الزعل) ليش ماما تعرفين عني
كسوله مو اني اصلاً شاطره اريد هندسه
فاكيد راح ادرس بجد
ام سيف: اممممم وبس هذا السبب يعني
حسام ما اله دخل وابتسمت
( طبعاً الاهل متفقين انو خطوبة رند وحسام بعد
متنجح رند من الاعداديه )
رند: (بخجل) ماما

سمعوا صوت طقطقة تحت ....
رند: هذا اكيد سيف وصل وجوعان وكالعاده
متخذ صينيه وملعقه ويطقطق
ام سيف: ضحكت يله ننزل نحضر الغدا
رند: اوكي

نزلوا وبالاثناء وصل ابو سيف وگعدوا
عالغده وتغدوا
وصعدت رند تكمل دراسه .....

مرت ايام شهر المراجعه بهالروتين واكيد
تتخللهه بعض المكالمات لحسام بس كانت
سريعه لانوا ما راد يعطلهه عن دراستهه
اي شيء حتى هو ...
وبدت الامتحانات وامتحنت رند ...
وبانتظار النتيجه ....


انتهى البارت
تعليقاتكم تهمني
لانو اول روايه اليه
توقعاتكم للاحداث ؟؟
شنو الي حيعكر هالهدوء الي بالعائله ؟
ومن هو الشخص الجديد الي حيدخل للعائله؟
وشنو حيكون تأثيره عليهم ؟؟؟
انتظر ردودكم وتعليقاتكم تهمني وتحفزني انزل بارت جديد

safa89 ©؛°¨غرامي مشارك¨°؛©

روايه رائعه واسلوبج جميل
استمري عزيزتي

Nona anosha ©؛°¨غرامي جديد¨°؛©

المشاركة الأساسية كتبها safa89 اقتباس :
روايه رائعه واسلوبج جميل
استمري عزيزتي
يا عمري فديييتج
وبنزل البارت هسه لعيوووونج

Nona anosha ©؛°¨غرامي جديد¨°؛©

Part 2
بعد الامتحانات ظلوا منتظرين النتيجه ....
رند كانت حيل قلقه وحسام كان
دائماً يهدئهه المهم ....
وبيوم طلعت النتائج رند كانت
اعصابهه نار وراح حسام وجاب نتيجتهه .....

اتصل عليهه ...
رند: الو
حسام: ليش هيج رند ابد
مو متوقعهه منج
رند: شنو حسام ( بصدمه )
حسام: نتيجتج عندي
رند: ...... (تبكي وبدون رد)
حسام: نجحتي حبيبتي
وحققتي حلمنا ومعدلج 90٪
رند: حسام ا ا ن ن ت ت صدك تحجي
حسام: حبيبتي وهذا الكلام للمزح
اكيد صح يا رووووح حسام
رند من الفرحه والصدمه رمت التلفون
من ايدهه وظلت تبكي
ام سيف: رند شصاير ؟؟؟؟
رند: ( وهي تبكي) اني ان ن ي ن ن جح
نجحت
ام سيف: من الفرح علت صوتهه بالهلاهل


.................................................. .....


عند حسام .... كانت الدنيا مو شايلته
من الفرح
" اووووف واخيراً رند راح يتحقق حلمنا
وتكونين اليه گدام كُل الناس
الحمد لله والشكر"
رجع حسام للشركه دخل مكتبه
اندق الباب
حسام: تفضل
السكرتير: استاذ سامر بره
حسام: خليه يتفضل
( سامر هو صديق حسام الوحيد
ويعتبره اخوه لانو حسام ما گدر
يكون علاقات بصغره لان انشغل
بالشغل وسامر من نفس عمر حسام
بس تخصصه قانون وكان محامي
شركة حسام ... سامر يحب ساره !!!)

.................................................. ......
عند رند ......

ابوهه وسيف سمعوا بنجاحها وباركولها ....
سيف:واخيراً جگومتي صارت بالجامعه
رند: جگومه بعينك ...
سيف: صدك رنوده حبيبتي اريدج بشغله
رند: امممم شعنده سيفو حبيبي
(بهمس)حاسه بحب بالطريق ....
سيف: ( بهمس) محد فاهمني غيرج
وتبادلوا الابتسامات

...........................................،...... ........

بالليل .... عند بيت ابو سيف واصواتهم
طالعه من الضحك والفرحه باينه من اصواتهم

ورند بالهه يم جرس الباب
( طبعاً لانو حسام اتصل بيهه
وگايللهه باليل حيزوروهم هو واهله)

سيف: شبيج رنود
رند: ماكو
سيف: شايف عينج عالباب ( وغمزلها)
رند: (بارتباك) ماكو شعندي بالباب يعني
بهالاثناء رن الجرس ...
دخلوا بيت خالهه ابو حسام وسلموا بينهم
ابو حسام: اي حبيبة خالو بيضت وجهنه
رند: ( بخجل) تسلم خالو
ام حسام: بعد نجاح ونجحت رنوده
وفرحتنه ولازم نسوي الفرحه فرحتين
ام سيف: ههههه ها حسام بعد متصبر
مو اليوم طلعت نتيجتهه
حسام: لا عمه كافي صبر ... اريد
كل الناس تعرف انو رند الي

بهالاثناء رن الجرس ودخلو بيت خالة رند
وعمة حسام
( خالة رند ام احمد شخصيه حاقده ومتحب
رند وتغار من اختهه ام رند من صغرهم
وتخطط مع بنتهه ساره حتى ساره تاخذ
حسام من رند وتخليه يحبهه
ساره 20 سنه حلوه بس مو احلى من رند اكيد
وتحب حسام وتكره رند لانو حسام يحب رند ...
احمد 25 سنه طييييب جداً عكس امه واخته
ويحب رند بس مو قايل لاحد لانو يعرف رند
تحب حسام )


Nona anosha ©؛°¨غرامي جديد¨°؛©

Part3



بعد ما صار السلام بينهم الكل جلسوا
وجابوا الكيك والعصائر وبدأوا بالاكل
واكيد الگعده يتخللهه الكلام والضحك
.....

......

.......

ام احمد: حبيبي حسومي باجر تگدر
انت تجي تاخذ ساره الشركه
لأنو السايق ميگدر يوصلهه
السياره بالتصليح
( طبعاً ساره تشتغل ويه حسام بشركته
هي مو مخلصه جامعه وظرفهم المادي ضعيف
فبعد ما كملت الاعداديه اشتغلت بشركة حسام
تنظم الشغل وتنظم المواعيد سكرتيره يعني )

حسام: اني باجر ما اروح الشركه الصبح
بالبدايه اروح لموقع العمل اشوف الشغل
شلونه وبعدين ارجع الشركه ....
بس راح اخلي استاذ سامر المحامي
يمرج يوصلج وياه واصلاً هو بيتهم يمكم


( طبعاً حسام يعرف سامر يحب ساره
حب شريف وقصده يتزوجهه
ويعرف بساره تحبه وتريد تتقرب منه بس هو
دائماً يصدهه ومينطيهه مجال لانو هو يحب
رند وميحب ساره نهائي )

ساره: ( بدلع ) لا حسومي فديتك انت
مرني اني ما احب لسامر هذا ...
( ساره تدري بسامر يحبهه بس هي
تريد حسام لانو حسام عنده شركه
وسامر محامي بشركة حسام لانو ساره
مو تحب حسام لانها تحبه لا لانو عنده
شركه .... ماديه.....)

حسام: حسومي بعينج اصغر جهالج اني
احترمي من تحجين وبعدين گتلج ما اگدر
متردين يمرچ سامر احسن توفرين اخذي
تكسي

ساره: اوووف خلص خليه يمرني

رند: ( فاهمه ساره وحيلهه وفاهمه انو هي تريد تتقرب من حسام ) .... حسومي تگدر تمرني الصبح اروح المدرسه اسلم كتبي واخذ
كارت النتيجه ( لانو هم طلعوا نتيجتهه من النت)

حسام: من عيونه لحسومي صااااار الصبح
امرج واوديج وانتظرج تكملين وارجعج تدللي

ام احمد: اهاااااا رند تگولك حسومي ما گلت شي
رند تگلك وديني المدرسه تگول تأمرين
وبنتي اكلتهه اكل هالمسكينه وينك يا ابو سيف
شوف بنتك وانت يا خوي يا بو حسام شوف ابنك
شبيهم على هالمسكينه بنتي لو لانها فقيره
وماعندها ابو ( تتمسكن وتمثل البراءه )

ابو سيف: والله يا ام احمد رند ما سوت شي
بس طلبت من خطيبها ياخذها مدرستها
ابو حسام: اي ياخوي يا ابو سيف صدقت

ام احمد و ساره : شنوووووووووووووو خطيبها
وشوكت خطبها على خير
ام حسام: احنه من زمان خاطبيهه واجينه اليوم
بعد نجاح رنوده حتى نحدد موعد الملكه ....

ام احمد: ( بضيقة نفس ) مبروك ولو احنه
اخر من يعلم
ساره: .......( تمثل الصدمه وعينهه على حسام)

احمد: الف الف مبروك رنوده وحسام
تستاهلون كل الخير ربي يوفقكم ان شاء الله
( وكاتم الحسره بصدره )
ام احمد: گوم گوم احمد رجعنه البيت الي
يسمعك وانت فرحان يگول خاطبين اختك

احمد: اي يا يمه مو هذي رند بنت خالتي
يعني اختي وحسام ابن خالي يعني اخوي

ام احمد: گوم عاااد

وطلعوا ساره وام احمد بدون حتى ميسلمون
واحمد استأذن منهم وطلع ....

بالطريق .....
ساره: شفتي يمه بياخذهه .. بيتزوجون
ام احمد: والله على جثتي ما اخليهم
حسام ما ياخذ غيرج
ساره: شلون يمه شوفيهم قرروا بعد
ام احمد: اراويهم بس اصبري
احمد: انتوا شبيكم ادعولهم الله يوفقهم
هم شسوولكم
ام احمد: اسكت انت يالطيب



Nona anosha ©؛°¨غرامي جديد¨°؛©

Part4



اليوم الثاني الصبح حسام اجه على رند وراحوا المدرسه سلمت الكتب واخذت كرت النتيجه

ورجعهه البيت وراح شغله

بالبيت ....

رند گاعده تگلب بالتلفزيون واجاهه سيف
اخوهه .....
( طبعاً سيف 21 سنه طالب مرحله رابعه علوم بايلوجي )
سيف: رنوده حبيبتي
رند: اممممم گول حبيبي شعندك من الاخير
سيف: مو اگول فاهمتني ههههههه
رند: هههههه اكييييد اعجبك
سيف: ربي يخليج لي ....
رند اني احب وحده ويايه بالجامعه
رند: صدگ !!!!!!!!!!
سيف: يعني شكلي اتشاقه خلي اكمل
رند: يعمررررري اسفه كمل كمل
سيف: اي احبهه واريد اخطبهه وبس اتخرج
نتزوج لانو ما اريد الطلاب ياخذون عليهه نظره
مو حلوه .....
رند: ( وهي فاتحه عيونهه عالآخر) اي كمل كمل

سيف: ( ضربهه على راسهه) شنو اكمل شبيج
مو سولفت واريدج تساعديني
رند: اي شلون
سيف: استغفر الله شبيج انتي خبله
رند: يوه سيف شبيك فهمني شنو اسوي
سيف: شوفي تجين ويايه للجامعه وتشوفيهه
وتتعرفين عليهه وبعدين اريدچ تقنعين امي
حتى تخطبهه اليه
رند:(بدلع) اممممم اذا عجبتني راح اقنع امي
بس اذا ماعجبتني تحلم هههههههه
سيف: و وجع هي عاجبتني انتي شكو
رند: بكيفي

وتناگروا ... عادي شقه اخوان

واتفقوا تروح وياه للجامعه

وراحت وياه للجامعه

وشافت حبيبة سيف ( فرح 21 سنه يعني مثل عمر سيف طويله وضعيفه شعرهه قصير لحد اذنهه حنطيه حلگهه كبير وتمووووت بالمكياج وماااايعه )
فرح: هلاو حبيبي شلونك
سيف: هلو بيج يعمري انتي شلونك
فرح: الحمد لله
رند: احم احم
سيف: هاا اي فروحه نسيت اعرفج
اختي رند
فرح: يا حيااااتي شنو هالقمر
سيف: تشبهني ههههه
فرح: يؤ يؤ يؤ منين اجتي تشبهك دشوفهه گمر
رند: تسلمين عيونج الحلوه
سيف: زعلت ....
فرح: لا سيوفي كلش ولا زعلك
سيف: اممممم يله انتو روحوا للكافتريا
سولفوا براحتكم واني شويه وارجعلكم
فرح و رند : ماشي
وراحوا وبدوا يسولفون وفرح بدت تحبب نفسهه
عند رند وتسوي نفسهه المؤدبه والمحبه ومن
هالشغلات
واجاهم سيف وبقوا شويه يسولفون وبعدين
رجعوا رند وسيف للبيت
بالطريق ........



سيف: رنوده شلونهه فرح ؟؟؟
رند: اممممم حليوه
سيف: حليوه بعينج اني عاجبتني لتتدخلين
رند: اذا ما اتدخل شكو جايبني اشوفهه
سيف: جبتج تتعرفين عليهه وتشوفين طبعهه
حتى تقنعين امي
رند: ( طبعاً رند اقتنعت انو فرح طيبه وحبوبه)
اممممم اي مبين عليهه خوش بنيه وياااي
شكثر طيبه وحبوبه الله يسعدكم يارب
سيف: ياااارب

وصلوا البيت ..... طبعاً رند اتصلت بحسام
وسولفتله كلشي .... وقرروا انو يكلمون امهه
سويه حتى تقتنع وتوافق تخطبهه


واجاهم حسام وحچوا ويه ام سيف وطبعاً
ما كانت موافقه لانو سيف لسه ما كمل دراسه
ولازم يكمل دراسه ويعتمد على نفسه وبعدين
يحطب ويتزوج
المهم قنعوهه انو يخطبوهه والزواج بعدين
بعدما يتحرج




safa89 ©؛°¨غرامي مشارك¨°؛©

روعه البارت تسلمي غاليتي

Nona anosha ©؛°¨غرامي جديد¨°؛©

المشاركة الأساسية كتبها safa89 اقتباس :
روعه البارت تسلمي غاليتي
ربي يسلمك حبيبتي

Nona anosha ©؛°¨غرامي جديد¨°؛©

Part 5




وأخيراً تحدد موعد خطبة رند وحسام

وبدوا بالتحضيرات وطبعاً الكل فرحانين ....
ما عدا ام احمد وبنتهه ساره ......


يوم الخطوبه

رند راحت الصالون سوت مكياج خفيف
وتسريحه بسيطه جداً تركت شعرهه مفتوح
وسوته كوله رول ورفعته من الامام بشكل سمبل
ونزلت قذله بحيث طلع شكلهه يجنن
لبست فستان لونه زيتوني تحفه طويل وبيه
فتحه من الامام بس صايره على رجلهه اليمين
توصل لحد نص فخذهه وضهره مفتوح للنص
واكمامه طويله بس شفافه وعالصدر ايضاً
شفاف وتكرمون حذاء عالي لونه ذهبي
ولبست سيت ذهب مرصع بكريستال زيتوني
وطلعت تحفففففه .......


حسام لبس بدله سوداء وربطته كان لونهه زيتوني
مثل لون فستانهه ....

اجو المعازيم واجه الشيخ ......
بس ابو حسام مو موجود



قبل ساعه ....
تررن تررن

ابو حسام:الوو
ام احمد: مرحبا اخويه ابو حسام
ابو حسام:يا مرحبا ام احمد شلونكم اخباركم
اشو لسه ما اجيتوا
ام احمد: والله يا ابو حسام ما ادري شنو اگولك
ابو حسام:خير خويه ام احمد صاير شي
ام احمد: الشغله مو شغلة تلفون لازم تجينه للبيت
بس ما اريد احد يعرف انت راح تجي النه
ابو حسام: ماشي جاي



في بيت ابو سيف الناس مجتمعه وفرحانين
وصوت الاغاني والهلاهل تملئ المكان
بس بنفس الوقت يتسائلون عن عدم وجود ابو حسام
وصل الشيخ بس قرروا ميصير العقد قبل ميوصل ابو حسام


تررن تررن

حسام: الوو
.....: حضرتك حسام محمد ال.....
حسام: نعم تفضل
.....: والدك سوه حادث وهو هسه بالمستشفى ال...
حسام: جاي





وصلوا للمستشفى وطبعاً الشيخ راح واتأجلت الخطبه

والصدمه ......،،


Nona anosha ©؛°¨غرامي جديد¨°؛©

Part 6




بعد ما وصلوا المستشفى كانت الصدمه بوفاة ابو حسام بحادث سياره بس تفاصيل الحادث مبهمه
( راح نكتشفهه بالبارتات الي جايه)


انخبص الكل بالوفاة والفاتحه والكل كان حزين


بعدما خلصت الفاتحه بشهر ....

حسام: شلونچ يمه شاخبارج
ام حسام: بعد شلوني يايمه بعد ما راح الغالي
حسام: يمة اذكري الله هذي حكمة رب العالمين
ولا اعتراض على حكمه
ام حسام: ونعم بالله
حسام: يمه اني قررت اكلم عمتي ام سيف نسوي الملكه بالسكته علشان شغلة الوالد الله يرحمه وبعد هم ميصير نتأخر اكثر عليهم لانو البنيه سمعتهه الناس تحجي عليهه يوم ملكتهه صار الي صار
ام حسام: والله يا يمه اذا هذا رأيك براحتك
حسام: مشكوره يا يمه وعاد انتِ الخير والبركه
ام حسام: بس قبل حبيت اگُلك شغله
حسام: آمري يمه
ام حسام: اذا بتاخذ هالرند بتاخذهه وبتنسه امك
اني مو متحمله اشوف هالبنت الفگريه ببيتي اني مو طايقه حتى اسمع اسمهه بعد الي صار بابوك كله بسببهه الله ياخذهه ان شاء الله ( وبدت بالبكاء)
حسام: يمه ليش يمه هي شنو ذنبهه كل هذا امر رب العالمين ليش تخلين الذنب عليهه
ام حسام: هذا الي عندي يا يمه واذا رايدهه روح اخذهه وانساني
حسام: لا يمه لتخيرين بينج وبينهه انتي تدرين اني ما اعيش بلياج وهم احبهه من زمان وانتي تدرين
ام حسام: عقلك في راسك تعرف خلاصك
حسام: انه اتركج لما تهدين ... ( ترك البيت وطلع)




عند رند ........



تررن تررن
رند: الوو
حسام:( بضيقة نفس) شلونج رند
رند: الحمد لله حبيبي شبيك صاير شي
حسام: اووووف رند ما اعرف شنو اگولج ( ونزلت دمعته)
رند: حسام شبيك شصاير
حسام: امي مو موافقه اتزوجك
رند: شنو ؟ ليش؟ شصاير ؟
حسام: امي تگول انتي السبب بوفاة الوالد ولانه مات يوم ملكتنه وخيرتني بينك وبينهه
رند: ........( تبكي)
حسام: رند لتسكتين
حبيبتي ساعديني انتي تدرين اني احبچ وما اعيش بلياچ بس هذي امي امي يا رند امي
رند: حسام واني احبك واموووت بالتراب الي تمشي عليه بس هذي امك والي مابيه خير بأمه ما بيه خير بيه
حسام لازم تختار امك والي كاتبه ربك هو الي يصير ولو ربك كاتبلنه نكون لبعض بنكون بس هسه لازم تختار امك والله يكتبلك الي بيه الخير

حسام: رند انتي كل يوم تكبرين بعيني اكثر ( تنهيده) احبج يا رند وعمري ما راح انساج
رند: الله يحفظك
حسام: الله يحفظج مع السلامه
رند: مع السلامه






رجع حسام للبيت وقرر انو يترك رند ويختار امه ورند كلمت اهلهه بالموضوع واستقبلوه طبعاً بعد ما استغربوا بالبدايه ورادوا يتدخلون بس رند طلبت منهم عدم التدخل وظلت رند عايشه بعزله فتره

بعد فتره قبل الدوام بالجامعه باسبوعين قرروا يسوون خطوبة سيف وفرح .... وصارت الخطوبه
وفرح كانت فرحانه وسيف فرحان رند كانت فرحانه لاخوهه بس هي داخلهه متضايقه من الي صار الهه

بدت الدوامات وداومت رند بكلية الهندسه وشغلت نفسهه بالدراسه وحاولت تتناسه حب حسام بس كانت دائماً تصير وياهه مواقف تذكرهه بحبهم

حسام كان مواضب بشغله ويحاول يشغل معظم وقته بالشغل حتى ينسه حبه لرند وشوقه الهه بس كان دائماً يتذكرهه حتى باثناء الشغل كان يشوف صورتهه بين اوراقه ويسمع صوتهه بكل لحظه وتنرسم ضحكتهه بخياله كلما اخذ استراحه



اما ساره وامهه ام احمد كانو في قمة السعاده لانهم گدروا يخربون خطوبة حسام ورند وفرقوهم عن بعض ( يا ترى شنو يدهم بموضوع ترك حسام لرند) واكيد بدوا بخطه جديده حتى حسام يتزوج ساره



توقعااااتكم


ارائكم تهمني
اتمنى تنوروني


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1