fruity hoops ©؛°¨غرامي مشارك¨°؛©

السلام عليكم و رحمة الله و بركاته





انا انسانه لو ما اطلع اللي بقلبي امووت


عشان كذا فتحت هالموضوع ..


بتكلم بصراحه عن مواقف تصير بحياتي ..



..



و هذا اول موقف ..





من فترهـ كنت اقرا روايه .. ما راح اقول اسمها عشان ما احرق على احد ..

بس تعرفون وشلون لين لقيتوا اخيرا روايه تستحق القراءه .. يعني اسلوب مشوق .. ممتع ..

من نوع الروايات اللي تخليك تستنى كل اسبوع عشان ينزل الفصل الجديد ..

و قريت منها حوالي 40 بارت او اكثر .. عشت مع الشخصيات و حبيتهم وشفت تغيراتهم و تقريبا فهمت شخصياتهم ..

يعني شيء عجيب ..


فجأه


يطلع ثلاثة ارباع احداث الروايه حلم


يعني الشخصيات اللي حبيتهم مالهم وجود .. و الأحداث اللي عشتها مالها اي اساس ..

و الحين بتبدأ احداث الروايه الحقيقيه ..< يعني تعرف الشخصيات من جديد لأنهم مو نفس اللي قريت عنهم .. ولا شيء من الاحداث اللي ضحكت و بكيت فيها حقيقيه ..

يعني لازم انسى كل اللي صار لأن ماله تأثير بالواقع .. و ابدا اقرا روايه جديده كلياً ..


طيب و اللي قريته كله وين اوديه




احس اني انغشيت ..





كانت الروايه مره حلوه بنظري .. يعني الكاتبه من النوع اللي تغفر له اخطاءه بالروايه من روعة كتابتها ..< لسى نفسي اكمل الروايه .. و حاولت امس اقرا فيها .. ما قدرت .. حسيت بقهر ع البارتات اللي قريتها و طلعت حلم ..

و انقهرت ع الشخصيات اللي حبيتها و الحين لازم اكرهها و اللي كرهتها الحين لازم احبها ..!



آآآهـ يا ربي .. وش اسوي بعمري طيب ..




يعني انتوا لو مكاني وش بتكون ردت فعلكم .؟

fruity hoops ©؛°¨غرامي مشارك¨°؛©






كان عندي باربي و انا صغيره .. !


تخيل وانت مار سرحان تلقى الباربي تتحرك ..


و تشوف احد عند شباك الدور الثاني يكلمك في الليل .. وش ذا الطفوله .!


حتى ايام المراهقه شفت رجال واقف في المرايه .. و سمعت احد يهمس لي بالسماعه قبل لا اشغل شيء .. .. < حتى مراهقتي مدري وش تبي .!


و الحين نقلنا لبيت ثاني .. وقديم بس احنا اول ناس نسكنه من 20 سنه تقريبا .. ياليل الليل ..



.

.



قد صار لكم موقف زي كذا






fruity hoops ©؛°¨غرامي مشارك¨°؛©




كانوا البنات في الدوام يسألوني .. ليش تقولين بكوّن نفسي قبل لا اتزوج .؟

مدري و شلون يفكرون بعض البنات ..< لين تزوجت تركت الجامعه و تركت الشغل ..




اولا ..

وش يضمن لي اننا بنستمر ..< و اذا استمرينا و بعد سنوات تطلقنا لا سمح الله .. ابي يكون عندي القدره اني اشيل نفسي وعيالي بدونه .. و ابي تكون لي حياة خاصه و نجاحات برا بيتي و الا الطلاق ممكن يكسرني لأن حياتي متركزه على زوجي وبس ..


ماني من النوع اللي يقول ما احتاج رجال يعينني .. بس لو ما لقيت هالرجال حولي ابغى تكون عندي القدره اعيش انا وعيالي بدون ما اتكل على احد ..


احسن شيء انه تكون فيه اشغال او هوايات نمضي فيها وقتنا بعيدين عن بعض لمده معقوله .. برأيي هذا بيقربني منه اكثر ..


.

.

fruity hoops ©؛°¨غرامي مشارك¨°؛©

يعني لما ادخل عليكم الصبح توني غاسله وجهي .. و عين مسكره .. و يالله اتكلم .. < هذا وش معناتهـ .؟


ليش لازم تسألون صحيتي .؟!


آآخ هذا السؤال ينرفزني بشكل ..!

fruity hoops ©؛°¨غرامي مشارك¨°؛©

بنتي الحين عمرها سنه و كم شهر ..

شايله البيت كله فوق راسها .. !

.

اتذكر يوم كان عمرها بس كم شهر .. كانت تتمدد على ظهرها و تضرب في الهوا و هي تلعب بكل وحشيه ..

بس وقتها كانت تجنن و اموره مو الحين تغلط ع الكبير و الصغير .. و لا تعرف تلعب مع احد عشانها تضربهم ..


حتى قبل امس جت اختي تقص اظافرها و اضطرينا نمسكها سوا عشان ما تمشخ .. و يا عضتها توجع ..


وانا الحين اكتب كل شوي تجي و تحط خشمها على ظهر الشاشه و تناظرني بعيون كبار من الحماس .. لو تقدر نطت علي ..!



اسمها ايكو .. اناديها اننوني ..

و تعرف اسمها بعد ..


تحب الحلاو و خصوصا الكتكات ..< تعرف غلافه ما شاء الله ..!



و مع ازعاجها .. مستحيل اتخلى عنها لو يعطوني الدنيا ..

























اضغط على الصورة لرؤيتها بحجمها الطبيعي


ما عرفت احط الفيديو بس هذي صورتها لما كان عمرها تقريبا شهر ..


fruity hoops ©؛°¨غرامي مشارك¨°؛©

شوفوا هذي البنت ما شاء الله .. انا اجلس ساعه اتطاق مع صحن و لا اخلصه يعد !!!!



اذكروا الله


الفديو هنا


شفتوا

الحين لحد ينصدم من اللي يشتري له وجبتين برغر و يقدر ياكلهم بجلسه وحده ..< و اشوف رجال شوي ويبكون و هم يحاولون يخلصون تحديات أكل .. < هذي البنت محت انجازاتهم من القائمه ..



fruity hoops ©؛°¨غرامي مشارك¨°؛©

برد الوقت .. و تجمدت المويه .. و خربت السخانه .. و احترق فيش الدفايه ..


وش ذا الحظ


.. و انا مفلسه .. < اصعب شهرين تمر علي من 3 سنوات


الحمد لله على كل حال .. < من توظفت وانا اقول بجمع فلوس للمستقبل و جا المستقبل وانا ما جمعت شيء ..


آآخ بس .. < و نقلنا و لا عاد عندنا حوش نجلس فيه و نولع النار و نشوي و نتدفى ..

وين حلاوة الشتاء بدون فحم و حطب و شوي ..< اقعد استناهم لين يودوني للبر



آآآآه بس ..




.


الحمد لله على كل حال غيري مرضى و الا ما عندهم ياكلون .. الله يسهل على عباده و يساعدهم على برد الشتاء ..

بروح العب مع بنتي تلهيني شوي ..

fruity hoops ©؛°¨غرامي مشارك¨°؛©

السلام عليكم



تعرفون بنتي اللي صورتها في اول الموضوع ..

تخيلوا انا نايمه في الصاله ..< مدري ليه لين نمت في الصاله العصر تطلع النومه حلوه ..

المهم


انا نايمه و صحيت على شيء يصقع ..
رفعت راسي وشفتها مطيحه مناكير من عالطاوله .. تأكدت ان المناكير مسكره و رجعت نمت ..

اول ما غرقت بالنوم صرخت هي عند الباب تبغاني افتح لها ..
طنشتها و رجعت انوم

اول ما غطيت حسيت بها تحوس عندي .. قمت اناظر بالطاوله اللي هي واقفه عليها ..< تعرف لما تكون توك صاحي تناظر بس منت قادر تستوعب وش صار ..

الحلوه قالبه كاس مويه مليان على الطاوله ..< حقيره و انا حاطه الكاس عشان هي ما تعطش قليلة الأدب



من فتره هالقطوه حملت .. و كنت مستانسه عشاني مره احبها ابي اشوف عيالها ..< جده هع

بس يوم ولدت ما رضعت عيالها .. و حاولنا فيها ترفض ..
قمت حاولت ارضعهم انا بالقطاره بس ما عرفت ..

كانوا مرره ضعيفين و ماتوا بعد يومين من ولادتهم ..

عصبت منها مره وقتها ..

و يوم شلناهم صارت تدورهم و تناديني ..< ااه بكيت بشكل غير طبيعي و انا ادعي انها تنساهم المساكين ..

و بعد اسبوع لاحظت انها ما ترضع احد مع ان صدرها مليان ..< عندي بسه ثانيه والده بنفس الوقت و العاده قطاوتنا يرضعون عيال بعض من زود الحنيه

قمت اخذتها للعياده ..< طلع معها تشوه خلقي و لا تقدر ترضعهم .. حلماتها ما ينزل منها الحليب فلو حملت من جديد ممكن تتأثر

قال لي الدكتور لو ما جبتيها و عطيناها ابر توخر الحليب المتجمع كان ممكن يجيها التهابات تتحول لغرغرينا

و الحين مقدر اشوف ورعانها



اااه بس الله يخليها لي الشينه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1