غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-11-2015, 07:13 PM
sajarashid sajarashid غير متصل
©؛°¨غرامي جديد¨°؛©
 
الافتراضي رواية : قلص ساعتك أيها الليل المنهك خلصني من وحدة اهلكتني/ بقلمي


رواية " قلِص ساعاتِكَ أيها الليلُ المنهكْ ، خلصني مِن وحدةٍ اهلكَتني ..
بسم الله على بركة الله ابدا روايتي الاولى .. اتمنى تنول على إستحسانكم ..
وطبعا مثل باقي اخواتي الكاتبات اتمنى م تنشغلون بالروايه عن الصلاة والفروض الي عليكم
كما انوه اني م احلل ولا ابيح من ينسبها او اي فكره من أفكارها لنفسه ..
وضرورة ذكر المصدر عند النقل ..
رواية " قلِص ساعتِكَ أيها الليلُ المنهكْ ، خلصني مِن وحدةٍ اهلكَني .. للكتابه الناشئه : saja rashid ..
(تهمس في اُذن السارق .. لا اُبِيحُك)


أمَل : بنات
البنات محد لمه
امل بصراخ : بنننناااااااتتت
نجود : هاه
امل بابتسامته عريضه : ابغى وحده تروح معي بكرا للكليه كل صديقاتي بيغيبون
مها ترميها بالمخده :الحين مزعجنا من ساعه عشان كذا ؟؟
عجايب: حمد لله والشكر في احد يداوم اول يوم ؟ لسى بسم الله أمس خلص العيد
امل : بلا سخافه بنات محاضرة بكرا لو غبت رح يعطونن حرمان يلا عاد !
نجود : وصديقاتتس بالاسم بس !
حرام نوره متوفي عمه ونجلا تتجي بس جدولها فل
البنات : ...
امل :قسم بالله سخيفات انا بقوم انام .. لميا قولي للسايق يجي يأخذن من هنا للجامعه منب راجعه البيت *وطلعت*
لمياء : طيب ..
بعد تقريبا 4 ساعات راحت لمياء لبيتهم ووصلت عجائب ورحاب ودانه بنات عمتهم لبيتهم وسجى ونجود كان بيتهم جمب بيت عمهم خالد ابو امل ولمياء نزلوا البنات قبل تنزل لمياء قالت للسائق
: سمير بكرا خذ امل للجامعه من بيت يوه
سمير : اوكي
ورقت تنام ..

من البكرا الجده حصه قامت تصلي وتقوم عيالها شافت غرفة البنات مسكره علطول عرفت ان امل نيمه عندهم اليوم
امل مره متعلقه بجدتها وكثير تنام عندها
الجده : اموله يالله يمه قومي صلي
امل : ..
الجده : اممووول .. يالله قومي يمه
امل مغمضة عين وفاتحه الثانيه وبابتسامه : صباح الخير يوه
الجده : صباح النور .. يالله قومي يمه لا تأخرين الصلاة ..

صلت امل وجهزت للجامعه دايم تجيب لها ملابس احتياط عشان تنام عند جدتها

نزلت تفطر شافت عمها الصغير رآئد ع الطاوله
رآئد : اوووه أمول عندنا اليوم ؟
امل ابتسمت بحيا : صباح الخير ..
جلست تفطر ..

شوي الا نزل عادل همس رآئد : قام النفسية
ضحكت امل والتفتت لم عادل
عادل يحاول يكبح ابتسامته : وش الي يضحك
امل ترقع : اخوك الظريف يقولي سوالفه بالمدرسة ههه
عادل يمد أيده يأكل زيتون ويمشي بيطلع .. : اها
امل : مرح تفطر ؟
عادل : م يمدين بمر واحد من العيال ونروح الجامعه م ابغى اتاخر.. انتي م شالله جاهزه من بيوديك .. ليكون هالخبل؟ (ياشر على رائد)
امل : هههه لا السايق بيجي بعد شوي
رآئد : منيب راد عليكم ..
ضحكوا على شكل وجهه وطلع عادل وتوجهه لم بيت خويه بيمره وآمل بعد شوي جا السايق وراحت الجامعه كان جدولها محاضره الساعه 8 لين 10 بعدين بريك ساعتين بعدين محاضره من 12 لين 12:40 لما خلصت رجعت لبيتهم شافت أبوها جالس يقرا جريده .. سلمت عليه وجلست تسولف عليه شوي وجت لمياء
امل : م شالله غايبه اليوم !
لمياء : ليه على بالك دفره مثلك !
امل عصبت بس م بينت : فليها غيبي كلها سنتين ونشوف دفارتك بالجامعه
دخل سليمان : احلى احلى صرنا كبار ونتكلم عن الجامعه
ضحكو وسلم سليمان على ابوه .. كان توه راجع من العمل


خلونا نعرفكم على عائلة ابو سليمان
الأب خالد : صاحب شركه شراكه فيها كل اخوانه وخواته ورثوها من أبوهم ناصر الله يرحمه
الام عبير : ام نظاميه تشتغل مدرسه تاريخ للمتوسط في قريه بعيده بالقصيم وهالشي بعدها شوي عن عيالها مع ذلك هي حنونه عليهم وقد م تقدر تحاول توافق بين شغلها وبيتها وبالمقابل عايلتها تقدر هالمجهود الي تبذله ..
سليمان : 26 خريج أداره اعمال وهذي اول سنه له بالوظيفه طلب منه ابوه يشتغل بشركة العايله لكنه رفض وحب يعتمد على نفسه بدون محد يساعده بشي وهالشي يميزه عن باقي شباب العيله ،،
اروى : 24 متزوجه وعندها ولد اسمه سعود سنه ونص خريجة إنجليزي
أمَل : 20 اول سنه جامعه سنه تحضيري فيها شوية سمار وعيونها وساع معروفه بالعائله بجمال عيونها جسمها جميل ومو قصيره مره بس بعد مو طويله نحيفه وجسمها جميل وشعرها بني لنص ظهرها شخصيتها شقيه بس طيبه بشكل وبريئه عيونها تنطق برائه صديقاتها روح قلبها وبعد سجى بنت عمها اقرب بنات العيله لها
لمياء : 16 تدرس اول ثانوي بيضاء وشعرها طويل اسود جسمها مربرب مو دبه بس بالجسم صايره اكبر من امل
محمد: 12 يدرس اول متوسط

لميا تدخل على امل بالغرفه : اموله تدرين أمس لما كنتي نيمه اتفقنا نطلع شاليه
امل : نننععممم !!
لمياء : بسم الله عليك وشبك !
امل : منب طالعه معكم
لمياء : وليه ان شالله !!
امل : الاسبوع الجاي كله اختبارات الميد بجلس اذاكر والا أقابل وجيهكم !
لمياء : بكيفك بس لا تفجرين اذوني مره ثانيه عما !!
امل : منكم دايم وقتكم غلط يارب عماني يعييون وتخرب طلعتكم
لمياء: جعلتس ان شالله م تجاوبين ان خربت طلعتنا
امل : عما يعميتس الحين هذا كلام ينقال :"""""( ؟
لمياء : سادتس اجل ما تبينن اساتنس
امل : وانتي م تستانسين الا بدوني تقدرون تحددون وقت الشاليه بعد اختباراتي
لمياء: احسن اجل خلتس تـ ..
سليمان دخل عليهم : ببسس وهذا انتم بس تناقرون ؟ قلة حيا .. أنقلعي انتي لم غرفتك يلا ..
طلعت لمياء من الفشله وطلع سليمان ورآها بعد م قال : ازعجتون عيا يجين النوم .. (سكر الباب)

بعد اسبوع سجى تكلم امل :
اموله مو من جدك مرح تجين
امل : انتم بعد بالله م حلا لكم تطلعون الا بوقت اختباراتي !!
سجى بتأنيب ضمير : والله كان ودنا نطلع كلنا قبل يسافرون مها و سديم
امل سكتت تفكر بمها وسديم الي بيسافرون الفجر كان ودها تكون معهم : ..
عرفت سجى وش تفكر فيه قالت بسرعه قبل تغير رأيها لان لازم تذاكر وترفع معدلها زي م وعدت أهلها ف قالت سجى : م يخالف عطلة الصيف بعد ثلاث اشهر بس رح نشوفهم مره ثانيه ان شالله ونحجز شاليه على شرف اجتيازك للمواد ك تعويض منا ..
امل : حبيبتي سجو الله لا يحرمن منكم ... سلمي لي على البنات امانه ..
سجى: يوصل وانتي طمنين عنك اذا طلعتي من الاختبار بعد بكرا
امل : ابشري ..باي
وسكرت منها كلها ساعتين وأذن العصر بعد الصلاه فضى البيت سليمان اخذ لميا لم الشاليه على طريقه ..
وراح لم استراحته هو وعيال عمه وأصحابه .. وأخذ محمد معه لان البيت فاضي وعشان تذاكر امل على راحتها ..
وكانت الام عبير طالعه والأب كل ويكند يروح المزرعه مع اخوانه


قفلت امل كل الأبواب عشان تكون مرتاحه ورقت تذاكر بعد صلاه المغرب بشوي حست بجوع قامت بتسوي شي تأكله .. قبل تنزل كلموها سديم ومها يتطمنون عليها ويقولون لها انهم فاقدينها وفرحت كثير بمكالمتهم لما دخلت المطبخ بعد المكالمة حست نفسها ودها تروح لم البنات للشاليه تفكر بصوت عالي : يا بنت الحلال وشوله اتعب نفسي بالطبخ والشاليه مليان أصناف اساسا الماده سهله مو اهم من بنات عمتي الي بيسافرون .. خل اكمل سمير اذا قريب بقول يمرن ..

جت بتكلم سمير الا جوالها مابوه رصيد راحت كلمته من الثابت قالت له يجي
ورقت تتجهز لبست بلوفر خفيف لونه زيتي وعليه رقم 94 بالانقلش مكتوبه بالأبيض موديل البلوفر يكون قصير مهب طويل
ولبست تنوره كحلي قصيره فوق الركبه ولبست سبورت ابيض واساسا شعرها ناعم حطت ايلاينر بإتقان ومسكرا زادت جمال عيونها البنيه وروج مات وبلاشر خفيف مات بعد.. ولبست كروس باق من توري بورش لونها بني صغيره .. طلع شكلها كيوووت شوي الا كلمها سمير قالها انه تحت لبست عبايتها ونقابها ونزلت ركبت السياره وقالت له يؤديها للشاليه الي ودا لمياء لمه ..
سمير :مس امل لمياء روح مع سليمان ..
امل :اممما يا ربيييه .... اصبر انا سامعته تقول اسم الشاليه اتوقع رفيف او زي كذا قريب من المستشفى تعرفه ،
سمير: هذا شاليه رفاء مافي رفيف ..
امل : ايوه هو يلا بنروح لمه ..

بعد خمس دقايق وصلوا لم الشاليه .
نزلت امل وراح سمير
دخلت امل بثقه واستغربت وين البنات !! اكيد عند المسبح فصخت عبايتها وعلقتها بتعليقه ورا الباب
لبست شنطتها على جمب وجلست تستكشف الشاليه .. جلست تمشي كان اول م تدخلين حوش صغير ع اليمين مدخل المدخل علطول يمينك مجلس وحمام لحالهم واليسار سييب مترين اذا مريتي فيه تلقين قدامك يسار صاله مفتوحه ومطبخ امريكي وقدامك حمام ثاني وجمله غرفة نوم جمب الصاله من يسار باب يطلعك ع الثيل يكون الثيل قدامك فيه جلسه عربيه ويسارك في المسبح بزجاج عاكس ويمين الثيل ملاهي جلست تتمشى وعلقت عبايتها اول م دخلت بالباب حق الغرفه الي لحالها مرت من المسبح شافته فاضي خافت مر انها غلطانه بالشاليه طلعت ركض لم المجلس البعيد بتاخذ عبايتها وتطلع قبل يجون اصحاب البيت او عمال يلعبون بحسبتها !! اول م دخلت السيب رجعت علطول لما شافت شخص عند المرايه يغسل رجعت علطول وفتحت غرفة النوم انصدمت ان المكيف شغال وبوه احد نيم فيها سكرته بقوه من الخوف وركضت تدور بنفس المكان لو طلعت لم الثيل رح تنكشف لا محال مالها الا ورا الكنب دخلت بسرعه ورا الكنب وكان مو لاصق بالجدار وهي اساسا نحيفه
وصارت جمبها مزهريه كبيره تساعدها تتخبى سمعت خطوات الشخص الي كان برا يقرب لم غرفة النوم فتحها وبدأ يصارح
يلا فصووول قوم العيال بيجون بعد شوي ..
فيصل : طيب خلهم يجون م منعتهم !
طارق : فيصلوه قوم مب حاله كل م يجون يلقونك نيم بيقولون م يبينا بشاليهه
فيصل : ليه من الاساس من قالك اني ابيهم !!!
استغرب طارق بس ارتاح لما سمع صوت فيصل يضحك على شكله
طلع طارق وبعد شوي قام فيصل تروش ولبس جينز فاتح وتيشرت بيج غامق كله شخابيط باللون الأبيض شوي وبدو العيال يجون عماد وطارق يلعبون بلايستيشن ع الارض وكانت ظهورهم لم الكنبه الي ورآها امل .. وفيصل ونواف واحمد وراكان كانو يلعبون بلوت و وسعود وبدر وطلال كان دورهم بالشوي ..
نرجع لعند امولتنا الي كانت ميته من الخوف لو انكشف وجودها وش رح يصير فيها يا ترا ..
اول حاجه سوتها حاولت م تبكي لانها من النوع الي اذا بكى يزكم ورح تبتل تعطس وهالشي مو لصالحها جلست تسمع سوالفهم وهي ميته خوف وبنفس الوقت تشنجت رجولها من الجلوس على السيراميك وهو بارد تحسفت انها لبست قصير
جلست تندب حظها وغبائها المفروض اول م حسيت الشاليه فاضي اطلع مهب اتمختر فيه بعدين انزل عباتي ليه :""""( ؟
صارت الساعه تقريبا 9 وهي للحين مكانها تعبت نفسيا من الوضع الي هي فيه من كثر التفكير بدت تنزل دموعها حاول تكبحها وهي قادره بس التفكير يغلبها من جهه وأنها خايفه من جهه ثانيه عرفت ان مالها غير الدعاء ينجيها من مصيبتها جلست تدعي
شوي سمعتهم يتهاوشون على البلوت قام فيصل زعلان وجلس على الكنبه الي امل ورآها يعني لو بس يلتفت يشوفها
جلست تدعي امل انه م يشوفها
المصيبه وسط ضجيجهم اتصل جوال امل اتفجعت حاولت تطلعه بسرعه
نواف: من جواله الي يدق ! العيال كل واحد يشيك على جواله
امل طلعت جواله من الخوف طاح وطع صوت خفيف التفت فيصل لم صوت الطيحه
وانصدم من وجود بنت ورا الكنب امل تحوس بالجوال حطته صامت بعد م قفلت بوجهه سجى الي اتصلت عليها بتطمنها ..
دخلته جوا الشنطه ورفعت راسها انفجعت لما شافت فيصل يناظر فيها
وفيصل اهتزت كل مشاعره لما رفعت راسها وتقابلت عيونها بعيونه حس بقشعريره كانت خمس ثواني الي دامت نظراتهم معلقه ببعض بس كأنها خمس سنين انتبه لدموعها تنزل وحطت أيدها على فمها خلاص بتنفظح وبصير سمعتها بالتراب شافت كل شي اسود قدامها مستقبلها كله اسود من بيطلعها الحين من بين ايدينهم ..
نواف : فيصل شفيك .. كل هذا زعل ..
انتبه فيصل وحاول يرقع : امم اقول كمل لعبك وانت ساكت
نواف : اي لعب انت خربت ابو اللعب
فيصل مهب لمه يهاوشه وبنفس الوقت يعرف حركات نواف يجي لمه يمزح بالضرب خاف انه يجي ويشوف البنت ورا
قال بسرعه : اقول قم شف الشوي وش صار عليه
نواف : اذا جوعان قم انت ..
امل تذكرت انها ما اكلت شي قبل تطلع حست بشعور الم جواتها شعور اول مره تحس فيه انها مو بامان وممكن تضيع باي لحظه بس استغربت ان فيصل م تكلم لما شافها .. يمكن يبغى يستفرد فيني .. يمممه قلبي يا ويلي وش رح اسوي

شوي ودخل طلال وسعود وبدر بالعشاء والمشروبات جلسو وفيصل كل عقله ورا الكنب كيف بيساعدها وهو يعرف أصحابه مستحيل يطلعون قبل الفجر وهالشي اكيد بيخوف أهل البنت عليها .. لا لا لازم ألقى طريقه أطلعهم من الشاليه بأسرع وقت ان شالله اذا اضطريت اطردهم
طلال اقرب الشله من فيصل : فصول شفيك م تاكل !!
فيصل : ههمم !! ااا مو مشتهي ! وقام يغسل وهو يغسل تذكر ان البنت اكيد م أكلت شي ومدري من متى هي موجوده هنا ! اكيد انها جوعانه
رجع لم العيال وقال : بدر باقي اكل غير ذا
بدر : لا .. وراه !
فيصل خلو شوي منه لي يمكن اجوع اذا رحتو
طارق : بالصباح كلنا بنفطر قبل نروح ..
فيصل : معليش يا عيال اليوم اول م تخلصون الأكل بتطلعون مالي خلق أسهر ..
راكان : مهب اول مره دايم تنام واحنا نسهر عادي وش الي تغير اليوم
فيصل مرتبك وخايف انهم يفهمون ان فيه شي صاير قال : اليوم اعذروني مرح استقبلكم حاب اجلس لحالي
طلال : ليه فيصل صايرلك شي !
نواف بلقافه : كل هذا عشان كسرت راسك ههه





تفاعلكم حبايبي


تعديل sajarashid; بتاريخ 16-11-2015 الساعة 08:14 PM. السبب: خطاء املائي
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-11-2015, 04:08 PM
صورة أصـــايـــل الرمزية
أصـــايـــل أصـــايـــل غير متصل
©؛°¨غرامي جديد¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


السلام عليكم ورحمة الله وبركاته
بدايه جميله ومشوقه
بس بارت واحد مايكفي لكتب توقعاتي
حاولي تنزلي بارت ثاني عشان تلاقي تفاعل وتجذبي متابعين
وموفقة حبيبتي ان شاء الله لي عودة


تعديل أصـــايـــل; بتاريخ 17-11-2015 الساعة 04:18 PM. السبب: ....
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-11-2015, 01:22 AM
صورة أحلام ميتة..$ الرمزية
أحلام ميتة..$ أحلام ميتة..$ غير متصل
©؛°¨غرامي جديد¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


وااااااو تحمسسسسست 😍💗
بداية جميلة ومشوقه بس حاولي توصفين اكثر وتطولين البارت
توقعي ان فيصل بيطلع الشباب وبيبقى مع امل ويجلس معها جلسة مصارحة ويسألها عن كل شي
ويمكن هو يوديها بنفسه لشاليه صديقاتها وبعدين يحبها
اتمنى تكملين بأسرع وقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 19-11-2015, 03:00 PM
sajarashid sajarashid غير متصل
©؛°¨غرامي جديد¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


اقتباس:
المشاركة الأساسية كتبها أصـــايـــل مشاهدة المشاركة
السلام عليكم ورحمة الله وبركاته
بدايه جميله ومشوقه
بس بارت واحد مايكفي لكتب توقعاتي
حاولي تنزلي بارت ثاني عشان تلاقي تفاعل وتجذبي متابعين
وموفقة حبيبتي ان شاء الله لي عودة
وعليكم السلام ورحمة الله وبركاته
ربي يخليك .. اكيد رح انتبه لهالشي
اتشرف بعودتك
مشكورة حبيبتي ع المرور

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-11-2015, 03:04 PM
sajarashid sajarashid غير متصل
©؛°¨غرامي جديد¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


اقتباس:
المشاركة الأساسية كتبها أحلام ميتة..$ مشاهدة المشاركة
وااااااو تحمسسسسست 😍💗
بداية جميلة ومشوقه بس حاولي توصفين اكثر وتطولين البارت
توقعي ان فيصل بيطلع الشباب وبيبقى مع امل ويجلس معها جلسة مصارحة ويسألها عن كل شي
ويمكن هو يوديها بنفسه لشاليه صديقاتها وبعدين يحبها
اتمنى تكملين بأسرع وقت
الله على حماسك
توقعك قريب من الي رح يصير
ايوه رح اكملها الان شوفي التكمله وعطين رايك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-11-2015, 04:39 PM
sajarashid sajarashid غير متصل
©؛°¨غرامي جديد¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


طلال : ليه فيصل صايرلك شي !
نواف بلقافه : كل هذا عشان كسرت راسك ههه
عطاه فيصل نظرات سكته ثمن التفت على طلال وقاله : لا مافي شي بس ابغى اكون لحالي انتم كم لو السهره بحدا بيوتكم
راكان لا والله كل واحد يرجع لبيته احسن
فيصل حس بذنب وقال : معليش عيال انا اليوم متضايق م ابغاكم تشيلون بخاطركم من هالسالفه !
نواف حس بتأنيب ظمير : ترا كنت امزح معك لا تزعل انت بعد
فيصل بسخريه : ادري فيك مزحك ثقيل هه
نواف يمثل العصبيه وضحوك العيال
خلصو العشا وشربو شاهي وشوي وطلعوا واحد واحد
اخر واحد طلال
طلال : فصول اكيد م صار شي !
فيصل : لا م صار شي
طلال : انت فيك شي بس مرح اضغط عليك بكرا تراكب تقولي وش فيك
فيصل يصرفه : خلاص ان شالله ..
ضمه طلال وطلع اول م طلع كان فيصل معه عند الباب ألي عند الغرفه الي فيها عباية امل تتذكرونها (خخخخخخ)
ورجع بدا قلب امل يقرقع عرفت انه بيوصل خويه ويرجع لمها قامت بسرعه حست رجولها نايمه م قدرت تتحرك بس قامت تغصب نفسها ع المشي (يا شينه تمشين ورجولك نايمه :) .. )
قامت تفتح ادراج المطبخ تدور اي حاجه تدافع فيها عن نفسها لقت سكين بصل التفتت بتتخبى انصدمت من الي واقف قدامها ..
نروح لم فيصل الي وصل طلال لم الباب ورجع شاف البنت تنبش بإدراج المطبخ عرف تفكيرها
تكتف وهو يحاول يكتم ضحكته ..
التفتت امل لقته متكتف. رافع حاجبه
امل : يا ويلك تقرب ونزلت دموعها تبكي
فيصل هزته دموعها حس بالخوف الي هي فيه
مسكينه وانا جالس اضحك على تصرفها وهي اساسا ماها حل غير انها تدافع عن نفسها : لا تخافين انا مرح أضرك !! وعد
امل : وش الي يضمن كلامك !!
فيصل : وعد !!
امل حسته صادق ..
قرب منها ومسك أيدها وسحبها وراه لم الصاله امل ماتت خوف وش رح تسوي يسحبها وراه وهي بدون اي حيله !!
جلسه على الكنب وجلس قدامها
في ثلاجه به علب مويه برف المطبخ مد أيده لم علبة مويه وأعطاها اياه وجلست تشرب ورجعت له اللعبه قالت مشكور
رفع حاجبه بيضحك على حركتها البريئه .. : ايش اسوي فيها !!
بعدين لسى م شربتي شي


استوعبت امل حركتها رجعت اللعبه لحجرها وهي منزله راسها من الحيا وخوف وخليط مشاعر
جلس فيصل قدامها وهو يتأمل شكلها .. سبحان الي خلقها .. اكيد غلطانها مستحيل تكون داخله متعمده
اصلا باين من ملامحها وتصرفاتها الخآئفه .. بس وش حكايتها !!
فيصل : ااا ممم ممكن تقولين لي وش السالفه ؟ وش الي جابك هنا !
رفعت أمَل رأسها علطول وقالت :
الله يخليك تساعدن ارجع لبيتنا الله يخليك (نزلت دموعها)
انا بنات عمي اتفقو يطلعون شاليه ولان عندي اختبارات م طلعت معهم (تبكي )
فيصل : ارتاحي انا أأكد لك انك بامان معي (اهتزت مشاعر امل لما سمعت كلامه ) واوعدك أرجعك لبيتكم سالمه بس أهدي وقولي الحكايه على رواق كيف دخلتي هنا!..
امل اخذت نفس عميق ثمن قالت :
بنات عمي اتفقوا يطلعون شاليه يودعون سديم ومها لان بيسافرون الفجر ..
وانا لان اختبارات الميد بتبدا الاسبوع الجاي م رحت للشاليه مع اختي الصغيره ..
كلمون سديم ومها بعد المغرب وقالو انهم فاقدينن .. حز في خاطري انهم يسافرون قبل اودعهم ! كلمت السايق يجي يأخذن لمهم قلتله يودينن لنفس الشاليه الي ودا اختي له
قال ان اختي راحت مع اخوي .. جلست اتذكر سوالف اختي والله العظيم متاكده تكلمت عن شاليه رفاء مدري رفيف الي قريب من المستشفى
ولما وصلت هنا راح السايق. اساسا م معي رصيد اقوله يرجع بس بعد م استوعبت ان الشاليه غلط الا لما شفت صاحبك جاي يصحيك م كان قدامي غير اني اتخبى ورا الكنب خفت والله . .
غطت وجهها بايدها وجلست تبكي ..
فيصل : أهدي أهدي .. خلاص انا فهمت السالفه وراح أساعدك ..
امل : رح ترجعن يعني ؟ (قالتها بترجي)
فيصل : بس بالأول رح نتعشى اكيد جوعانه ؟
امل نزلت راسها وقالت : هو اساسا لو م كنت جوعانه كان انا الحين بغرفتي وبامان ..
م فهم فيصل قصدها بس بنفس الوقت حز بخاطره كلمتها لانه مو ناوي يضرها بشي ..
وبعد ماله حق يلومها البنت محتاجه لشخص م تعرفه اكيد وطبيعي بتاخذ وضعية الدفاع
قام وجاب العشاء الي بقوه له أصحابه .. تفشل لان بدر م بقى كثير من الأكل يا دوب يكفي شخص واحد
قعد الصحن قدامها ..
فيصل : بالعافيه ..
امل : بس انت بعد م تعشيت ؟؟!
ابتسم فيصل اول مره احد يسأله هالسوال !
وقال : لا مو جوعان بالعافيه عليك ..
لاحظ انها بس تاكل من سلطه ..!
فيصل : شكلك نباتيه !
امل : لا بس م ادري ايش هذا .. (ناظرته باستغراب ) لونه غريب !! اكيد مو دجاج (البنت فلتها نست هي وين)
انبسط فيصل وقال : هذا حمام
تقززت امل بس استحت تبين هالشي أكلت لقمتين من السلطة وشربت رشفه من الببسي وقامت
: انا شبعت .. يلا نرجع ؟
ناظر فيصل بالصحن ثمن ناظر فيها .. م حب يناقشها
وسالها: وين عباتك !!
تفشلت امل دوبها تستوعب انها م لبست عبايتها قامت وراحت لم الغرفه الي فيها عبايتها
وفيصل قام يمشي ورآها وبدا يتأمل جسمها من ورا وهي تمشي .. تلخبطت كل مشاعره حس نفسه يبغاها وسوس له الشيطان انه م يخلي هالفرصه تضيع من يده ..
دخلت امل المجلس تحديدا ورا الباب تاخذ عبايتها
لحقها فيصل بيدخل ويقفل الباب ورآها ... قبل تخطو رجله الباب استوعب الي رح يصير تعوذ من الشيطان وتراجع خطوه ..
طلعت امل بعد م لبست عبايتها ونقابها تقابلت عيونهم امل كانت تتامل ملامح فيصل الحاده حست نفسها بأمان معه اقل من ساعه قضتها قباله بس كلها كفيله بانها تمحور كل تفكيرها حوله ..
بالمقابل كان فيصل يتأمل عيونها وسحرها الجذاب ..
كلها ثواني واستوعبوا الوضع قال فيصل .. تدلين البيت ؟
امل :اااا ايوه �� *الله يستر لا أجيب العيد*


فيصل : طيب يلا مشينا
لحقته امل لين وصل الباب فتح الباب بس م طلع وقف على جمب و اّشر لها تمر عشان يقفل الباب هو اذا طلع
مرت امل من قدامه تعلقت نظراتهم للحظه وهي ماره من قدامه ..
طلع وراها وقفل الباب .. كانت سيارته واقفه قدام الشاليه بمسافة كان فيصل قدام وراه امل تمشي لما وصلوا السياره طلعت بسه من تحت السياره لم امل ..
امل انتبهت لها صرخت وعلطول تمسكت بتيشرت فيصل من ورا ولفته لم البسه يعني صارت البسه مقابل فيصل الي وراه امل متمسكة فيه ..
بالنسبه لفيصل شعوره كان لا يوصف كان بيطير من الفرحه من حينها امل طيرت عقله لا بعد تحتمي فيه ؟ وش يغى اكثر !! ..
بعد البسه عن طريقه معنو ما كان وده تبعد *جازله الوضع* ..(ترا كل هذا دام ثواني بس)
قال فيصل بثقل عكس مشاعره الهائجة : لا تخافين راحت
امل استحت وقالت تبرر تصرفها : اكرهه البساسه وأخاف منها كثير :"""( !!
فيصل : لا تخافين انا معك .. (ناظر بعيونها)
حست امل بسعاده .. تعلقت روحها بهالانسان الي واقف قدامها .. حست معه بالأمان .. تبادلوا نظراتهم كان كل واحد فيه يحاول يحفظ الثاني ..
هم يعرفون انو بمجرد رجوع امل للبيت بالسلامه خلاص رح ينتهي كل شي .. بس الأكيد مشاعرهم الوليده مرح تنتهي ابد .. أنهى فيصل هالنظرات المتبادلة وفتح لها الباب الأمامي ..
ناظرته امل وقالت : رح اركب هنا ؟
فيصل : اكيد مرح تركبين ورا ..! والا كيف بتوصفين لي الطريق !!! ..
ركبت امل بدون م تناقش .. وهي تقول بنفسها : اساسا شفتن وشبعت جت على كذا الحين !

شغل فيصل السياره وكانت الساعه ظ،ظ،:ظ¥
ومشى قال : باي حي بيتكم ؟
امل : بـ(...)
فيصل : اها وين قبل الدوار والا بعد ..
تورطت امل قالت : اتوقع بعد ..
فيصل : تتوقعين :) ؟
امل ببرائه : ايوه دايم ندور معوه ثمن نلف بالطريق مدري اذا درنا نصير قبل والا بعد ؟
ضحك فيصل على جوابها وقال : طيب لما تطلعون من بيتكم تمرون بحديقة الملك ؟
امل : ايوه لما نطلع على الشارع الرئيسي نلف يمين واحنا ماشين قدام يصير تناظر يسارك تشوف الخط المعاكس ووراه الحديقه ..
ناظر فيصل بأمل يتأمل طريقتها بالكلام بدون م يرد ..
امل لما شافته طول م رد قالت : لااا لا تقول م فهمت علي :( ؟ ..
فيصل : لا فهمت .. ( لا زال يناظر به ) ..
استحت امل وقالت تهرب من نظراته : طيب ناظر بالطريق .. لا يصير فينا شي ..
فيصل م حب يحرجها .. كمل طريقه ومشى على الوصف الي عطته امل ..
وقف عند شجره كبيره بالزاويه وقال : هاه وين البيت ؟ ..
امل : امم ممكن نروح لم البقاله ؟ لان م اعرف الوصف الأكيد الا من عندها ..!
فيصل : طيب ..
تقدم وصار يدور على بقاله في هذي الجهه الحي .. لقى وحده باخر الشارع من يسار قال : هذي هي البقالة ؟
امل : ايوه ..
فيصل: يلا وين نروح ..
امل : الان نأخذ اللفه الي باليسار بعدين سيدا .. يلا لف ثاني لفه يسار .. الان لف يمين وبعده وقف بالزاويه بالاخير يسار ..
وقف فيصل: اي واحد بيتكم ؟ ..
امل أشرت على اليمين بالجهه المقابلة : هذا بيتنا ..
فيصل : ههه طيب وراه وقفتين هنا ؟ ..
استحت امل تقوله م ابغى احد يشوفن انزل من سيارتك .. لذلك سكتت ..
فيصل فهم عليها وم علق ..
امل : مشكور فيصل .. معروفك مستحيل أنساه ..
فيصل : ولو سويت الي لازم اسويه ..وأي شخص مكاني رح يسويه ..
امل : والله غيرك م يسويه .. كان الله اعلم بحالي لو طحت بأحد غيرك :"( !!
فيصل : مدري وش اقول .. احرجتين صراحه !
امل : لا تقول شي .. تصرفاتك وشهامتك كلها تدل على طيب اصلك .. مشكور مره ثانيه ..
فيصل : العفو .. لفت امل بتفتح الباب وتنزل .. بس قال فيصل بسرع : اامم ممكن اعرف اسمك ؟
ابتسمت امل على سؤاله وقالت : اسمي أمَل ..
فيصل : عاشت الأسامي ..
امل : شكرًا ..
فتحت الباب بتنزل الا تسمعه يناديها : امل !
ناظرته امل : سَم ؟
فيصل أشر على قدام بعيد وقال : ناظري ����


توقعاتكم فيصل وش شاف !!!
وهل امل خلاص صارت بأمان ورجعت لبيتها بدون ما يصير لها شي !!!
وايش رح يسوي فيصل !!

يلا حمسون اكمل لكم ������

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-11-2015, 05:12 PM
صورة فجر يونا الرمزية
فجر يونا فجر يونا غير متصل
©؛°¨غرامي متألق ¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


روايتك جدا جميلة انا تحمست مع امل كتيييييييييييييير بس ان شاء الله تشوف فيصل مرة ثانية بس كيف
والله الي شدني اكثر اسم فيصل احبه كثيييييييييير وامل كمان بالتوفيق كملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 20-11-2015, 08:21 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


شكلها حلو من العنوان

ننتظرك

بس ما تركزي فقط على الحوار دخلي احداث

بالتوفيق لك

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-11-2015, 03:57 PM
صورة فجر يونا الرمزية
فجر يونا فجر يونا غير متصل
©؛°¨غرامي متألق ¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


متى البارت ينزل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-11-2015, 01:14 AM
صورة ..JWAN الرمزية
..JWAN ..JWAN غير متصل
©؛°¨غرامي مشارك¨°؛©
 
الافتراضي رد: رواية : قلص ساعتك أيها الليل المنهك خلصني من وحدة اهلكتني/ بقلمي


كممممملليييي

الرد باقتباس
إضافة رد

رواية : قلص ساعتك أيها الليل المنهك خلصني من وحدة اهلكتني/ بقلمي

الوسوم
#بقلمي.سجى #سجى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عاشقي/ بقلمي آحـْـسَآس عَآشِقهـْـ روايات - طويلة 114 08-01-2019 11:39 AM
رواية : حب مخلوق من الندم / بقلمي. امجاد العنزي. روايات - طويلة 8 17-02-2018 03:58 PM
رواية من عام وأكثر كنت أجي وأدور أحبابي هنا/ بقلمي حكايا ناي أرشيف الروايات المغلقة - لعدم إكتمالها 5 21-12-2015 08:26 PM
رواية /كلي ملكك ، بقلمي Maryooma013 روايات - طويلة 19 07-08-2015 03:34 PM
لـآ تتصنع الحب , إنه لآ يليقُ بكـ || رواية بقلمي Real Reema روايات - طويلة 1 22-03-2015 03:18 PM

الساعة الآن +3: 06:33 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1