سلاممم عليكم .


جميللة روايتكك ، حبيتك تنظيم الكتابة مرتب .
وفكرة الرواية جديدة . بس احس للحين م بدت القصة .
ومن الابطال ؟ .

اسلوبك جميل مثلك .
صار عقلي يتكلم مصري من جيهان ونهال . Xd

ثقال دم ثنتينهم ، غثيثات .
مسعودة يقهرتي ضعفها بعد .، شخصيتها ضعيفة جداً .
تركي ، ووالله شكله طايح في مصيبة عودة .يخوف .
سلطان احلا شي ف الرواية . . مسوي جو لطيف .
ملاك و مشاعل لططيفات بعد . احس القصة الرئيسية عنهم ؟

حالياً احس بربكة يعني ماادري اركز ع شنو .
بتوفيق في كتابتك واعتبريني من متابعيك . �� .

ننتظر البارت الجاي وان شاء الله تلقين تفاعل اكبر .

عليككم السلام .
ياهلا ويامرحبا نورتي روايتي
يابعد عيني تسلمين والله
لي الشرف بمتاببعتك لي .

البارت الخامس

عند الرجال..
وقف رشيد وهو يرحب بإخوه أبو راجح(خلف) : ياهلا ويامرحبا ، يامرحبا بكم .
أبو راجح وهو يسلم عليه : يا مرحبا فيك ، عيدكم مبارك .
رشيد : الله يبارك فيك .
وجلسو الرجال بعد ما سلمو على بعض وتعايدو .
وما مرت عشر دقايق إلا وهذا أبو ماجد(زيد) : سلام عليكم .
وقفو الرجال : عليكم السلام .
وأكمل رشيد : يامرحبا بأبو ماجد ، سلامة الأسفار .
أبو ماجد بإبتسامه : الله يسلمك ويبقيك ، من العايدين .
رشيد : من الفايزين .
أبو راجح اللي جالس بجنب أبو سليمان(رشيد) : وشلونكم يا أبو ماجد ؟
أبو ماجد إبتسم : بخير جعلك بخير ، وش أخباركم يا عيال .
ردو العيال ..
أبو سليمان ناظر لولده خالد : وين سليمان ؟
خالد حك رقبته بإحراج : نايم .
أبو سليمان عصب : نايم للحين ؟ ليه ما يدري أن اليوم العيد ؟
ساير وهو معقد حواجبه : روح ياخالد وخلهم يصحونه .
قام خالد وطلع من عند الرجال وهو معصب من أخوه اللي نايم وهم بالعيد .
وقف بالمقلط قبل لا يدخل قسم الحريم : يممممه .
سمع صوت نهال : تعالَ يا خالد مافيش أحد .
دخل خالد وطالع ألطاف اللي جالسة مع نهال وجيهان وقال بعصبية : وين سليمان ؟
جيهان وقفت بتعب وهي تتركى على الكرسي : اخرس بنات عمي زيد وعمي خلف هنا بائه مش عايزين فضايح .
خالد زعل أكثر : أبوي يبي سليمان .
ألطاف نزلت راسها وهي متفشلة : سليمان يعوره ضرسه .
خالد : لو يعوره ضرسه يقوم يشوف الناس يعايد أهله على الأقل .
ألطاف وقفت : بروح أصحيه .
تكلمت أم ساير اللي واقفة وراهم شوي : خلوه يمكن يشم .
خالد : خليه يشم ماهو ميت .
نهال بهدوء : ليه كل هالعصبية يا خالد ؟
خالد ناظرها بعصبية ورفع صوته شوي : أنتي لا تكلميني .
نهال ناظرته بنظرة أستحقار وقامت .
خالد ناظر لألطاف اللي منزلة راسها بإحراج : وأنتي قومي صحي زوجك .
قامت ألطاف بسرعة وبلعت ريقها : طيب إن شاء الله . - وراحت تمشي بسرعة -
أم ساير : ياوليدي خالد علامك عليها ؟ هي مالها ذنب .
خالد راح لأمه وحب راسها وهمس لها : يمه تكفين لا تدخلين فيهم .
أم ساير : على أمرك ، ياوليدي قل لنهال وبنتها يروحن يجلسن مع أم ماجد وبناتها ماعندهن إلا تهونة وأم راجح وبنتها.
خالد هز راسه بالإيجاب : يمه روحي كملي شغلك وهم يعرفون وش لهم ووش عليهم بدون مانقولهم .
أم ساير بإستغراب : الظاهر أنهن يحترن أحد بس ماقالن لي شي .
خالد : يمـ... - وقطع كلامه وهو يشوف سليمان نازل وهو لابس ثوب نوم وواضح أنه ما غسل وجهه - أنت وش فيه حالك كذا ؟
سليمان وهو حاط يده بشعره : حتى ما تخلون الواحد يرتاح .
خالد وهو يقرب له بعصبية : أنت ماتعرف علوم الرجال ؟ قسم بالله لو عمي خلف شافك وأنت كذا ليأخذ بنته معه .
سليمان إبتسم : عادي خله ياخذها .
خالد أنقهر منه ومن برودة : قسم بالله لو أنت مو أكبر مني كان ربيتك من جديد .
سليمان ضحك ببرود ورجع .
خالد صرخ فيه : وين رايح ؟ ما أنت جاي أبوي يبيك .
سليمان ناظر له : أنت وساير عنده وتكّفون عني .
خالد قبض يده بغضب : أصلا مدري وش يبي فيك أبوي .
وراح يمشي بعصبيه .
.
.
بيت أمينة .
تركض من مكان لمكان وتنادي خلف طلعت من بيتها وراحت لحنان اللي توها بتنزل : حنان .
طالعتها حنان بخوف وإستغراب من بكاء أمينة : هلا .
أمينة قربت منها : ماشفتي ولدي .
حنان : لا والله ماشفته يمكن مع خواتك .
إتصلت على أختها مشاعل : ألوو .
مشاعل : هلا .
أمينة بصوت باكي : ماشفتي خلف؟
مشاعل : لا والله اصلا من البارح ماشفته ولا حتى سلمنا عليه .
سكرت أمينة الخط وهي خايفة مرة نزلت تركض وهي ترفع طرحتها على شعرها ولقت تركي جالس وتغطت وهي تقول : تركي ماشفت خلف.
تركي : ماشفت أحد .
أمينة وهي تبكي : عمتي وينها ؟
تركي تنرفز وقام وأخذ معاه الفصفص ودخل بغرفته وسكر الباب بقوة وأمينة أتصلت على عمتها أم راجح اللي ردت على طول : هلا يانور عيني.
أمينة وهي تبكي : عمة ماشفتي ولدي ؟
خافت أم راجح : لا والله ماشفته يا حبيبتي يمكن مع أبوه .
أمينة : المشكلة من البارحة ماشفته ولا أدري وينه .
أم راجح تحاول تهديها : البارحة هو نايم عندي بس من صليت الفجر قالي بروح لأمي وقلت له بكيفك عاد والله مدري وين راح .
أمينة رجعت لبيتها ولقت حنان تدور خلف هي وبناتها اللي ينادونه بصوت عالي
حنان طالعت أمينة : كلمتي راجح ؟
أمينة تدور بجوالها رقم راجح : بكلمه الحين .
وحطت الجوال على أذنها وهي تبكي بقوة : راجح وين ولدي ؟
راجح بعصبية وهو يطلع من عند الرجال : وأنا وش دراني عنه ، من متى ماشفتيه ؟
أمينة زاد بكاها وجلست على الأرض : البارح يوم خذيته أنت من عندي .
راجح : المفروض اللي مثلك ما تسأل وين ولدها لأنه ماهمها أصلا .
أمينة انقهرت من اسلوبه : إلا همني هذا ولدي أنت اللي ماهمك .
راجح : ماشفت خلف وأخر خبري فيه عند أمي وغير كذا لا تشغليني ، تعالي أنتي وحنان مع سلطان ابرسله لكم الحين .
أمينة بعصبية : أحر ماعندي أبرد ماعندك ولدي ما ادري وين ارضه من سماه وانت تبيني أروح عند الحريم .
راجح : إذا ماجيتي والله ماتعينين خير .(تعينين=تحصلين)
قفلت أمينة الخط وراحت بسرعة وغسلت مكياجها اللي خرب ونزلت فستانها الوردي ولبست جلابية زرقاء ولبست عبايتها وهي تبكي
ودخلت حنان وشافت أمينة تمسح دموعها وتلف طرحتها : خلاص أمون قطعتي قلبي بنلقاه إن شاء الله .
أمينة وهي تربط نقابها : والله ما عاد أشوفه وأبوه راجح .
حنان بإستغراب : ليش وش فيه راجح ؟
أمينة : يقول لا تشغليني .
ونزلو هي وحنان وأمينة شايلة لطيفة بنت حنان اللي عمرها سنة وحنان تقول : أمينة هاتيها أشيلها عنك .
أمينة : لا خليني أنا ودي أشيلها ياعمري ياخلف يوم كان كبرها وأنا أشيله ومالية يديني فيه .
حنان تحاول ماتبكي عشان مايخرب مكياجها : وش رايك تبلغين الشرطة .
أمينة بفزع : عشان يذبحني راجح، إذا مالقيت ولدي والله لأعلم أبوي وذنبه برقبة أبوه ترا هو اللي مضيعه ماهو أنا .
ومن شافت سيارة سلطان مدت لطيفة لحنان : خذي بنتك عني .
وراحت تركض للسيارة وفتحت الباب اللي قدام وأنفجرت ببكاء عميق وهي تقول : خلف .
راح لها خلف وضمته وبكاها يزيد : وين انت يا ابوي ليه تسوي بأمك كذا .
خلف بحماس: ماما أنا صليت مع الرجال .
أمينة ضمته أكثر : حرام عليك من ساعة وأنا أدورك عقلي طار وانا اركض من مكان لمكان أصوت عليك .
وركبت خلف قدام وهي ركبت وراء وقالت قبل لا يحرك سلطان بإستعجال : سلطان سلطان اصبر ابروح أحط مكياج .
سلطان طالع الساعة : مامعنا وقت يا أم خلف.
بكت أمينة وهمست لها حنان : أنا معاي مكياجي.
أمينة بندم : أنا نزلت فستاني .
حنان : عادي خذي فستان من تهاني ولا من جيهان .
أمينة طالعت لها بسرعة : لا إن شاء الله جيهان ماني أخذه منها ، بأخذ من تهاني .
.
.
أم ساير وهي تفتح غطاء القدر اللي فيه الغداء : جيبي صحن يا تهاني ، بحط لنهال وأبو سليمان من المرقه والله لو أحط الرز وهم ما ذاقو المرقه ليزعلون وما يتغدون .
تهاني وهي تطلع صحن من الدرج : أبشري .
وغرفت أم ساير مرقة بالصحن وحطتها على الطاولة : يارب إنها حلوة وتعجبهم .
تهاني بإبتسامة : ومن مايعجبه طبخك يا خالتي .
أم ساير : الله لا يخليني منك والله مو مونسني بذا البيت إلا أنتي جعلني ما أفقدك .
تهاني باست رأسها : والله إنك بحسبة أمي .
قاطعتهم نهال اللي دخلت ورشيد وراها : قهزتي المرئة يا مسعودة ؟
أم ساير وهي تأشر على الصحن اللي على الطاولة : إيه هذي هي - طالعت رشيد وهي تبتسم - إن شاء الله تعجبك يا أبو سليمان .
رشيد طنشها وجلس جنب نهال : ذوقيها قبلي ياحياتي إن شاء الله ما تصير ملح مثل دايم - قالها وهو يناظر لمسعودة اللي أرتبكت - .
نهال صرخت بعد ما ذاقت المرقه ودفتها وأنكبت كلها على الأرض ووقفت : إيه ده يا مسعودة .
رشيد وقف معها : ملح ؟
نهال بصوت عالي : ياليتو ملح ياحبيبي ، ده كلو سكر .
مسعودة وهي تضرب يدها بصدرها : ياويلي .
رشيد عصب وقرب لمسعودة : عمياء يوم إنك تحطين سكر ؟ ولا تعانديني .
مسعودة رجفت وقالت وشفايفها ترجف بخوف : والله والله يا أبو سليمان أني ما دريت .
وبكت مسعودة وهي خايفة منهم ومتفشلة .
نهال دفتها : أنتي ما ينفعش معاكِ إلا الضرب .
تهاني تطالعهم وهي خايفه على أم ساير خايفه أن رشيد يضربها ، خذت جوالها وأرسلت على ساير " ساير تعال للمطبخ بسرعه " .
أبو سليمان مسك يد مسعودة بقوه : بهيمه أنتي ما تفهمين ؟
مسعودة ودموعها مالية دموعها : والله والله يا أبو سليمان أني ما دريت وكان تبيني أطبخها من جديد بطبخها .
دخل ساير وشاف أبوه ماسك يد أمه ويهاوشها : وش صاير ؟
نهال : تعالَ شوف أمك إيه عاملة .
ساير عقد حواجبه وناظر لأبوه : وش صاير ؟
أبو سليمان بعصبية : أمك قليلة البركة حاطه بدل الملح سكر .
ساير طالع لأمه اللي تبكي ومنزلة رأسها ويدينها ترجف : ماعليه يمه الحين نطبخ غداء ثاني بالمطعم .
أبو سليمان وهو يطالع اللحم المستوي : آه ياحر كبدي على لحمي ، والله لو تلف الدنيا كلها ما انت لاقي لحم طازج بالمطاعم .
والتفت لمسعودة اللي مشبكة يدينها ببعض وترجف وتبكي : والله ياللحم هذا لتاكلينه كله ولا والله لا أطلقك .
ساير بعصبية وهو يخفض صوته عشان مايعلى على أبوه : ماهي قادرة تأكله لحالها والفاعل والله ليتعاقب وأنا أبو رشيد .
نهال رفعت حاجبها وهي تتوجه له وتقول بعصبية : تئصدني أنتا ؟
ساير : والله اللي على راسه بطحاء يحسس عليها .
رشيد توجه لساير وعطاه كف وهو يقول بعصبية : إلا نهال ما ارضى عليها مغز أبرة .
تهاني اللي واقفة جنب عمتها ام ساير صرخت وجلست تبكي وقالها رشيد بعصبية : أطلعي برا وش اللي مجلسك ياللي ماتستحين .
طلعت تهاني تركض وهي تبكي وساير توجه لأبوه : أمي ماهي لعبة عندك أنت ومرتك وأدري أن اللي مسوي كل هذا هالشياطين .
نهال استانست وتخصرت : بتئصد مين يا ضنايا ؟
ساير عدل شماغه اللي خرب يوم ضربه ابوه : أنتي ولا جيهان ولا سلميان اللي ماواجه الرجال .
قربت نهال لرشيد وهمست له وطالعة أم ساير وهي تبتسم ورشيد يقول : أنتي طالق .
ساير أنصدم وطالع أبوه : يبه مايجوز !!! هذي أم عيالك !!
رشيد قرب من نهال وسمع وش تقول وطالع ساير : وأنت بعد خذ قشك وعيالك وأطلع من بيتي .
ساير راح لأمه ومسكها من ذراعها وهو يقول : والله ما اعديها لهم ، أمشي يايمه .
أم ساير تبكي بقوة وتقول بين شهقاتها : والله مالي ذنب .
.
.
أمينة طالعت حنان بصدمة وهمس : تهاوشو ؟
حنان هزت أكتافها : مدري والله .
أمينة وقفت : بروح أشوف وش صاير .
سحبتها حنان وهمست لها بغضب : أقعدي أقعدي تبين راجح يذبحك ؟
أمينة : شكل عمي طلق نهال .
قطع كلامهم صوت أم راجح اللي تقول : سلامات يا جيهان وش فيك ووش هالضروب ؟
جيهان اللي تعبانة مرة وباين على وجهها قالت بإبتسامة : ضربت أم طارئ امبارح وطارئ ضربني وطلئني كمان .
انصدمو كلهم..!
مطلقة وكاشخة وجالسة معهم ومطلقة ليلة العيد بعد ومستانسة وتفتخر باللي هي مسوية .
أمينة طالعت أمها اللي تقول : والله لو أمينة ترفع صوتها على أم رجالها أني لا أذبحها .
جيهان طالعتها وابتسمت : عارفة تفكيركم المنحط ، اصلا انتم مش فاهمين الحياة .
وحطت رجل على رجل وازداد ألم ظهرها وهي تقول وكأن الموضوع مايعنيها : لو قوزك عايز يتقوز عليك تعيطي ويسكتك بسبيكة دهب وخلاص وتسيبيه يعمل اللي هوا عايزاه بس أنا لا مش كده ، عرفت أن قوزي عايز يتقوز واتطلئت دالوئتي ماعنديش مشكلة لو اتقوز عشرة .
أم راجح تهز راسها بأسى : لا حول ولا قوة إلا بالله ، على شين بنتي هالة والله أنها جنة عند هالفاسخة .
جيهان ضحكت بصوت عالي وهي تطالع أم راجح وكشرت فجأة : مالكيش دخل في حياتي وماتتكلميش في خصوصياتي .
بلعت أم راجح ريقها وطالعت أم ماجد اللي تقول : نارن تشتعل ما احد يقدر عليها .
مشاعل طالعت أمينة وحنان اللي يتفرجون على الإنستقرام وإلتفتت بملاك اللي ماسكة ضحكتها وابتسمت وهي تهمس : علامك تضحكين ؟
ملاك ضحكت بصوت قصير : جيهان طيرت جبهة عمتي لطيفة .
مشاعل قرصت ملاك : اص اص لا احد يسمعك .
دخلت نهال بغرور وجلست جنب بنتها وحطت رجل على رجل : يابت .
رفعت راسها أمينة وهي تقول بإستغراب : أنا ؟
نهال : ايوه ، روحي بائه(الآن) وقيبي الئهوة والشاي من المطبخ .
أمينة طالعت أمها وبعدين طالعت أم راجح : لا ماني رايحة بيتكم كله عيال ماشاءالله .
نهال انقهرت : بتلبسي عبايتك وتروحي ئبل ما تطلع عفاريتي عليك .
أمينة تورطت ماتدري شتقول : أقولك ماني رايحة .
نهال طالعت أمينة من فوق لتحت وهي تطالع بلبسها : روحي أدي تهاني فستانها لأنها مروحة لبيت أهلها .
أمينة تفشلت وضحكت ملاك بصوت عالي ونهال تقول : مائلتش ليكو مسعودة تطلئت .

مشاءلله روايتك جميله تابعي





اتمنى تدعمون روايتي الاولى : نمشي على كف الاقدار وماندري عن المكتوب /بقلمي

ماشاء الله روووعه.الروايه يسلمووو الأيادي يالغالية