غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 19-01-2016, 11:20 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


مرحباا ء

يهلا فيكم كلكم نورتو روايتي واكيد من بعد الله وجوذكم وتشجيعكم لي هو اللي يخليني استمر

يسعدني تواجدكم

وبخصوص وقت نزول البارتات راح يكون مثل الروايه الاولى اللي هو يومين الثلاثاء والسبت باذن الله
يعني البارت الجاي راح يكون يوم السبت

انتظروني

محبتكم صمتي سلاحي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 20-01-2016, 09:10 AM
تاج من ورد تاج من ورد غير متصل
©؛°¨غرامي جديد¨°؛©
 
الافتراضي رد: انا انثى ولكن !!...


هلا عزيزتي.
وااااو ماشاء الله بداية حلوة اول مره اواجه رواية كذا بس انا كنت متوقعه ان الجد راح يغير في جسدها بعمليات عشان تنجح مخططاته بدون اي مشاكل ممكن تواجه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 21-01-2016, 04:56 PM
صورة DIF. الرمزية
DIF. DIF. غير متصل
©؛°¨غرامي جديد¨°؛©
 
الافتراضي رد: انا انثى ولكن !!...


هلا بالمُزز��.
روايتك مرا حُلوه ياليت البارت الجاي يكون فيه أحداث كثيره،
أبا أتعمق في الروايه عشان أكتب توقعات:(3>.
صارلي فتره ما قريت روايات حلوه كلهم يشبهون بعض����.
المهم اتمنى انو يجي السبت بسرعه ونقرا البارت:($.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 22-01-2016, 09:09 PM
صورة فتى السلآم الرمزية
فتى السلآم فتى السلآم غير متصل
©؛°¨غرامي فضي¨°؛©
 
الافتراضي رد: انا انثى ولكن !!...


وااااااااو بكرا بارت كم الساعه؟؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 23-01-2016, 02:25 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


مرحبااا يا مزايين ..

وجا يوم السبت يعني فيه بارت ..

بس قبل ما انزل البارت احب اشكر كل اللي شرفني بروايتي شكر كثير .. واتمنى ان الروايه تكون على قد حماسكم لها واكثر ..

والحين اقول دقايق وينزل البارت بأذن الله ..

انتظروني ..

محبتكم صمتي سلاحي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 23-01-2016, 02:26 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


مرحبااا يا مزايين ..

وجا يوم السبت يعني فيه بارت ..

بس قبل ما انزل البارت احب اشكر كل اللي شرفني بروايتي شكر كثير .. واتمنى ان الروايه تكون على قد حماسكم لها واكثر ..

والحين اقول دقايق وينزل البارت بأذن الله ..

انتظروني ..

محبتكم صمتي سلاحي ..



تعديل الوعد _ ALWAAD; بتاريخ 23-01-2016 الساعة 02:48 PM. السبب: مشاركه متكرره
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 23-01-2016, 03:07 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


**البارت الثاني **
**
**
**
**
**
**
عند الحريم .. وبالتحديد عند البنات اللي كانو جالسين مع بعض بعيد عن الحريم ..
رغد .. بنات شفتو ولد عمنا الجديد ..
ريوف .. صدمه هالأنسان ..
ريماس .. انا اول ما دخل فكرته اجنبي .. اوه عليه وسامه ..
ديم .. اي والله ماشاء الله هذي عيشه امريكا وما تسوي ..
ساره .. كانه من الكوريين اللي بالمسلسلات ..
رهف .. ايه والله .. ولفت على ساره .. اقول انتي ياويلك تتغزلين فيه تراك مخطوبه .
ساره .. ما تغزلت فيه ارتاحي احمد فديته وش زينه ..
ديم .. ايه زين ولا كان علمت اخوي عليك ..
ساره .. لا تكفين ديوم كان اذبحك ..
البنات .. هههههههههههههههههه ..
رغد .. صدق صدق بنات ولد عمنا ماله حل .. ماشاء الله عليه ..
رهف .. يا حظ اللي بياخذها ..
ديم .. قصدك الله يعينها راح تتعذب خصوصا لو كان اجمل منها يووه ..
ساره .. ايه والله احمد الله اني مخطوبه ولا كان الحين تورطت فيه ..
ريوف .. اصلا تتمنيه انتي ..
البنات .. هههههههههههههههههههههههههه..
رهف .. بس بصراحه فكره عمي عبدالعزيز خطيره في انه يحط شاشه عندنا ونشوف كل اللي يصير عندهم فله ..
ديم .. اي من جد اول مره اشوف عزيمه رجال ونشوف ايش يسوون .. ولفت جهه الشاشه اللي كان مقطوع الصوت عنها .. شوفي كيف المجلس صار فاضي وين قبل شوي مليان ..
رغد . ايه رايحين يتعشون تبينهم يجلسون عشانك ..
ام محمد .. يلا يا جماعه تفضلو على العشى ..
وقامو الكل يتعشون ..
...................................







بمجلس الرجال ..
سلطان كان جالس بجنب جده يتعشون .. ولما خلص قام يغسل وقابل فيصل ابتسم له ..
فيصل رد له الأبتسامه .. هلا وغلا بولد العم ..
سلطان .. هلا فيك .. اممم انت فيصل صح ..
فيصل .. اوه اشوه ما نسيت اسمي ..
سلطان .. هههههههههههه .. يمكن لانك مميز بابتسامتك اللي ما تفارق وجهك ..
بسام من وراهم .. هوب هوب ياسلطان لا تمدحه زياده الحين يتشقق علينا شوف وجهه كيف صار ..
سلطان لف يناظر فيصل اللي ابتسامته شاقه وجهه .. عليه بالعافيه ..
فيصل يلف على بسام ويدقه من كتفه .. سمعت الكلام مو انت .. مالت عليك ..
سلطان لف على بسام .. اممم انت اتوقع اسمك بسام صح ..
بسام ابتسم .. صح عليك .. لا باين انك شاطر بالحفظ شكلك كنت ادبي ..
مشاري اللي توه جاي دق بسام على راسه بالخفيف .. يا خبل هو دارس بامريكا مو عندنا عشان تقول ادبي ..
بسام وهو يحك راسه .. يوه نسيت ..
مشعل .. لا تلومه ياخي ماقد احد فينا سافر لبرا يدرس وش عرفه بطبيعه الدراسه برا ..
فيصل .. ايه والله ..
سلطان ابتسم لهم .. اقول ما تحسون اننا مسوين زحمه عند المغاسل تعالو ندخل ..
بسام .. ايه والله صدقت ..
ودخلو الشباب وجلسو بزاويه ..
مشاري .. الا يا سلطان عرفتني انا مين ..
سلطان وهو يتذكر .. انت ولد عمي راشد ..
مشاري .. صح بس وش اسمي ..
سلطان .. امم احمد ..
مشاري بوجه عابس .. لا انا مشاري ..
سلطان ابتسم له باحراج .. معليش والله بس .. ولف على بسام .. شكله صكني بعين ..
كل الشباب ماعدى بسام .. هههههههههههههههههههههه..
بسام .. مالت عليكم بس ..
جا لهم عبد العزيز .. وراكمتضحكون ضحكوني معكم ..
فيصل لف على سلطان .. طيب خلنا نجرب مره ثانيه عشان نتاكد اذا كان بسام صاكك بعين ولا لا ..
سلطان .. طيب كيف ..
فيصل .. هذا مين واشر على عبد العزيز ..
سلطان .. اممم هذا اخو سعود وولد عمي سعد ..
عبدالعزيز صح .. واسمي ..
سلطان بفرحه لانه تذكر .. عزوز .. اوب .. قصدي عبدالعزيز .. معليش بس اول ما قالو لي اسمك على طول قلت ببالي يعني عزوز عشان ما نساك ..
عبدالعزيز .. صح عليك .. وعادي ترى لو تناديني عزوز الشباب كلهم ينادوني كذا ..
سلطان .. زين ..
مشعل .. هي باقي انا ماقلت اسمي ..
سلطان .. شوي شوي حسستوني اني داخل اختبار ..
الشباب . هههههههههههههههههههههه..
سلطان .. اممم انت ولد عمتي عبير ..
بسام .. لحظه ما تلاحضون انه متذكر اباءنا اكثر مننا ..
سلطان . اكيد مو هم عمامي .. المهم اسمك مشعل ..
مشعل .. صح عليك .. ولف على بسام .. لا طلعت بريء يا بسام ..
بسام .. الحمد الله ..
فيصل .. الا وين البراء ..
سلطان لف عليه .. البراء هذاك الثقيل .. اقصد اممم مدري كيف اوصف بس احسه ما يتكلم كثير ونظراته دايم بارده مافيها تعابير ..
كلهم يناظرونه مصدومين ..
مشاري .. انت تعرف تحلل الشخصيات ..
سلطان ابتسم .. اممم مو مره بس اعرف اقرا الوجوه والعيون ..
عزوز .. اها عشان كذا .. بصراحه كل اللي قلته عن البراء صح .. بس ترا هو شكله كذا بس من داخله غير هو طيب وحبوب ويبتسم ويضحك بعد ..
سلطان .. امم يمكن مع اني ما شفت هالشي ..
فيصل .. راح تشوفه بس بوقته ..ولف على البراء الي توه داخل للمجلس .. البرااااء تعال هنا ..
البراء لف عليهم وراح لعندهم وجلس بجنبهم وهو ساكت ..
بسام لف على سلطان .. سلطان اقولك شي بصراحه وما تزعل ..
سلطان ابتسم .. قول عادي ..
بسام .. بصراحه اول ما دخلت علينا فكرتك اجنبي .. والحين لما شفتك عن قرب احسك بنت تشبه البنات كثير ..
سلطان.. اكثر كلمه سمعتها من اول ما طلعت على هذي الدنيا .. كل من يشوفني يقول شكل شكل بنت بس ايش اسوي هذا شكلي .. صدق حتى لدرجه فيه ناس ما يصدقون اني بنت الا لما اطلع لهم البطاقه الشخصيه ..
فيصل .. اوف مو لهذي الدرججه يمكن شكلك صح يميل للبناتي شوي بس يبين انك ولد يعني ..
سلطان .. يمكن لان هناك بامريكا اشكالهم كلها كذا فا من الصعب انك تقدر تفرق بين الولد والبنت ..
مشاري .. صح يمكن .. المهم ما علينا من شكلك الوسيم .. تدري ان الحريم والبنات كانو يشوفونا ..
مشعل .. اكيد الحين تلاقي البنات خاقين مع سلطان ..
الشباب .. ههههههههههههههههههه ..
عزوز .. ايه عاد هم خفيفات يفكرونه ممثل اجنبي ..
سلطان .. من جد تتكلمون ..
فيصل لف عليه .. لا تقول انك ما تدري ان الحريم كانو يشوفونا ..
بسام .. ويمكن للحين يشوفونا بعد ..
سلطان .. لا والله مدري ..
مشاري .. علينا .. كل هالكشخه وما تدري ..
سلطان .. اي والله مدري وبعدين انا كاشخ لكم تعرفوناول مره اشوفكم وكذا .. تخيلو جدتي كانت تبي تخليني البس ثوب ..
بسام .. صح لانها عزيمه كبيره وكذا المفروض تلبس ثوب ..
سلطان لف عليه .. وانت تفكرني اعرف البس ثوب ياخي ما لبسته الا مره وشكلي طالع كاني جد اجنبي جاي للسعوديه ..
الشباب .. هههههههههههههههههههههههههه..
فيصل .. يوه خساره ما شفناك ..
سلطان .. ازين ما شفتوني انا مت على نفسي من الضحك كيف انتو .. ولف على البراء اللي لاحظ انه حتى ما يلف عليهم ويشااركهم بالسواليف .. البراء ..
البراء لف عليه .. هلا ..
سلطان .. ليه ما تشاركنا السوالف ..
البراء .. هذا انا اسمعكم ومافيه شي اتكلم فيه ..
سلطان .. طيب حتى ما ودك تتعرف علي اكثر ..مثل الشباب ..
البراء.. يكفي اسءله الشباب ما اتوقع عندي اسئله غير اسئلتهم ..
سلطان ابتسم له .. طيب على راحتك .. ولف على الشباب اللي كانو يسولفون مع بعض .. شباب ..
كلهم لفو عليه ..
سلطان .. بصراحه انا من جيت ما طلعت للشارع حدي المسجد ابي اتفرج على الرياض ممكن تمشوني ..
بسام .. اكيد ما طلبت شي .. بس اذا قدرت انك تقنع الثلاثه اللي هناك اننا نطلع ..
سلطان لف عليه باستغراب .. كيف يعني اقنعهم .. لو قلنا لهم ماراح يرضو ن..
مشاري .. اي لان العدات عندنا اننا حنا يالشباب ما نترك العزيمه الا بعد ما يطلعون الكبار ..
سلطان .. اهاا .. وابتسم .. لا ماعليكم الحين راح اقنعهم .. ولف جهه جده ورفع صوته عشان يسمعه .. يبه ..
ابو محمد لف على سلطان وهو مبتسم ..
سلطان .. يبه عادي اطلع مع الشباب عشان يفرجوني على الرياض وكذا تعرف انا اول مره اجيها .. طبعا هذا بعد اذن عمي سعود وعمي خالد كمان ..
ابو محمد لف على اخوانه .. عادي صح ..
خالد وسعود ابتسمو ..
ابو محمد .. تقدرون تطلعون ..
الشباب يناظرون بعض مستغربين كيف رضو بهذي السهوله ..
سلطان .. مشكورين .. ولف على الشباب .. اسهل من كذا مافيه حسستوني ان اقناعهم صعب .. يلا خلونا نطلع ..
قامو الشباب طلعو من غير ما يتكلمون .. واول ما صارو برا المجلس ..
عزوز .. انتو استوعبتو اللي صار من شوي ولا ..
فيصل .. انا صراحه للحين مو مستوعب ..
مشعل لف على سلطان .. انت ساحر ولا ايش ..
سلطان ابتسم .. لا بس يمكن لاني مميز ..
مشاري .. خف علينا بس ..
سلطان .. ههههههههههههههههههه .. امزح معكم بس يمكن كسرت خاطرهم وكذا ..
فيصل .. والله ما ندري بس المهم اننا طلعنا الحين .. يلا بسياره مين نطلع .. انا واحد ما جبت سيارتي جاي مع ابوي ..
وبسام ومشاري ومشعل مع بعض .. حتى انا .. ولفو يناظرون بعض وضحكو لانهم تكلمو بنفس الوقت ..
فيصل لف على عزوز والبراء .. وانتو ..
عزوز .. انا تعرفون سيارتي بالورشه .. ماباقي الا البراء ..
البراء وهو يطلع مفتاح سيارته ممن جيبه .. يلا تعالو ..
مشاري ... ياخي ليه ما تكلمت من البدايه ..
البراء مشى من غير ما يرد عليه ..
سلطان مستغرب من تصرفه .. لف على مشاري .. انتو متهاوشين ..
مشاري ضحك .. هههههههههههههههه .. لا بس البراء طبعه كذا اي سؤال ما يحب يجاوب عليه او يحس ماله داعي يجاوب يمشي ويترك المكان .. عادي تعودنا عليه ..
سلطان .. بس هذي اسمها قله ذوق ..
فيصل .. يمكن لاننا نمون عليه .. يلا بس خلونا نمشي ..
ومشو كلهم لجهه سياره البراء .
مشعل .. انا الكبير انا راح اركب قدام ..
عزوز .. هي لا تنسى اني انا وياك بنفس العمر ..
فيصل .. يا ياحلوين لا انت ولا هو سلطان اللي راح يركب قدام لان هو اللي يبي يتفرج لازميركب قدام ..
سلطان لف عليه .. صح كلامك ..
مشاري .. يلا اركبو ..
ركبو كلهم السياره وكان ترتيبهم ..
البراء يسوق وبجنبه سلطان .. وورا سلطان كان فيصل وبجنبه مشاري ومشعل وبسام وورا البراء كان عزوز ..
سلطان تذكر .. اوه جوالي .. نسيت جوالي بالغرفه اخاف جدتي او جدي يتصلون علي .. ولف على الشباب دقايق بجيبه واجي ..
فيصل .. اوك بس لا تتاخر ..
سلطان .. اوك .. ونزل من السياره وراح لباب الفله الوراني ودخل وهو متاكد انه ماراح يقابل حد بس قبل ما يدخل من الباب اللي يدخله على الدرج سمع صوت بنت ومن كلامها شكلها تكلم جوال ..
قرب من الباب اكثر عشان يقولها تروح بس سكت لما سمع كلامها ..
ديم .. تكفين يا نوره قولي ايش اسوي ازعجني برسايله وتهديداته وانتي قلتي لي انك راح تتصرفين والحين لك يومين وما سويتي شي .. انا من اسبوع وانا مو عارفه اتهنى بحياتي حتى الجمعه اللي اليوم جايته غصب عشان محد يشك ان فيني شي بس هو مو مخليني بحالي مدري ايش يبي ..نوره وش اللي اصبر قاهرني والله بس انا ابي اعرف هو كيف جاب رقم جوالي وكيف جاب صوري هذا اللي مو داخل عقلي .. ايش تقولين انت بالله يعني ما تعرفيني انا اكره البنات اللي يسوون كذا اروح انا اسوي مثلهم وبعدين مستحيل اخون ثقه اهلي وانتي تعرفين هذا الشي .. ايه توه من شوي راسل لي وقال ان بكره اخر يوم لي لو ما طلعت وقابلته راح يرسل صوري لابوي واخواني .. لا ما رديت عليه انا جيت اكلمك على طول شوفي لي صرفه .. اوووه يارربي وقته الحين .. طيب طيب لا تتاخرين انا راح انتظرك لازم الاقي الحل اليوم .. طيب باي .. وسكرت وجلست على الدرج وهي تفكر ..
اما من ورا الباب .. سلطان بنفسه .. هذي اكيد وحده من بنات عماني والواضح انها متورطه مع شاب بس كيف اعرف اذا هي صادقه وما عندها هالخرابيط .. سلطان وش فيك واضح تربيه ععمامك في عيالهم اكيد حتى بناتهم متربيات .. لا انا لازم اساعدها بس كيف راح اقدر اكلمها .. اممم .. لقيتها .. قرب من الباب .. احم احم ..
ديم اللي كانت حاطه راسها بين رجولها وتفكر نقزت اول ما سمعت صوت الرجولي ..وقالت وهي تنزل الدرجتين .. لحظه لحظه لا تدخل ..
سلطان بسرعه .. لحظه لا تروحين ..
ديم استغربت ولفت جهه الباب اللي كان مسكر ..
سلطان عرف انها ماراحت لانه ما سمع صوت كعبها اللي سمعه بالبدايه .. انتي اكيد وحده من بنات عمي . ممكن طلب ..
ديم قربت من الباب وفي نفسها .. اكيد هذا سلطان يمكن يبيني انادي خالتي حصه .. ايوا ..سلطان .. اممم اول شي انا اسف اني تطفلت عليك بس كنت جاي وسمعت كلامك بالغلط وشدني الكلام وماقدرت ابعد..
ديم ارتبكت .. ايش .. سمعتني ..ايش سمعت ؟؟..
سلطان حس الأرتباك بصوتها .. اول شي اهدي لا ترتبكين ولا تتوترين وتطمني ان الكلام اللي سمعته ماراح يوصل لحد وانا وربي ما تجرئتوجيت كلمتك الا اني ابي اساعدك .. انتي طايحه بمشكله كبيره وما تقدرين تحلينها ومستحيل تقولين لاخوانك وانتي محتاجه رجال في هالمسأله .. سكت شوي .. امم انتي معي ولا رحتي ..
ديم وهي حاطه يدها على فمها تمنع شهقاتها وعيونها بدت تتجمع فيها الدموع .. قالت بصوت مكبوت .. اي ..
سلطان ارتاح انها ماراحت لانه يبي يساعدها باي طريقه .. اسمعيني يمكن ما تثقين فيني لانك ما تعرفيني .. ويمكن تستغربين ليه انا اساعدك وانا ما اعرفك .. انا احب اقولك اني حسيت الصدق بصوتك لما كنتي تكلمينصاحبتك وعرفت ان انتي جد مالك علاقه باللي يهددك فعشان كذا انا راح اساعدك واذا ما كنتي واثقه فيني اممم ما اقدر اجبرك .. وراح اقولك تصرفي لحالك وراح اعتبر اني ما سمعت شي ولا حتى قابلتك او تكلمت معك ..
ديم بسرعه .. لا لحظه انا صحيح اني ما اعرفك ولا ادري اذا اوثق فيك او لا بس انا محتاجه اي حد يساعدني في هالوقت فماراح ارفض مساعدتك بس تكفى ابيك تفكني منه باسرع وقت ..
سلطان ابتسم .. ابشري هالحيوان راح ينال عقابه .. بس ممكن طلب ..
ديم .. ايش ..
سلطان .. ممكن تطلعين لفوق وتروحين لاول غرفه على اليمين افتحيها وجيبي جوالي منها تشوفينها على التسريحه ..
ديم وهي منحرجه كيف تدخل غرفته .. اممم بس ..
سلطان عرف انها منحرجه من نبره صوتها .. لا عادي روحي او تخبي في اي مكان وخليني اطلع اجيبه ..
ديم وهي تناظر حولها ومافيه مكان تتخبى فيه .. اممم لا خلاص انا بجيبه ..دقايق ...
سلطان .. طيب ..
ديم طلعت الدرج وهي تفكر كيف راح يساعدها وايش راح يسوي .. وصلت للدور الثاني وصارت تتذكر .. امم هو قال على اليمين او اليسار .. اي صح اليمين .. وراحت لاول غرفه علىى اليمين وفتحت الباب وانبهرت من شكل الغرفه المرتب وبنفسها .. اول مره اشوف غرفه ولد ومرتبه .. دخلت وهي تناظر الغرفه وانتبهت للجوال اللي كان على التسريحه .. صح تذكرت اني جايه عشان الجوال .. نسيت .. اخذت الجوال وبلقافه البنات فتحت الشاشه وشافت الخلفيه كانت صوره سلطان وهو بعبايه التخرج .. ابتسمت تلقائيا على شكله .. ونزلت بسرعه عشان تعطيه الجوال .. قربت من الباب .. احم انت هنا ..
سلطان اللي حسها طولت لف على جهه الباب لما سمع صوتهاوابتسم .. تاخرتي الله يهديك ..
ديم بنفسها .. وش اسوي فهيت على شكلك .. امم معليش بس ضيعت الغرفه ..
سلطان .. طيب مو مشكله .. وفتح الباب شوي ومد يده .. عطيني ..
ديم حطت الجوال بيده بارتباك ..
سلطان بسرعه .. لحظه يابنت العم .. وفتح الرمز ورجع مد لها الجوال .. سجلي رقمك عندي لاني الحين ما اقدر اتاخر اكثر لان الشباب ينتظروني برا سجلي رقمك وراح تقولين لي بالواتس كل شي يخص هذاك الحيوان وانا راح اقولك وش راح تسوين واليوم راح تخلصين منه باذن الله ..
ديم اخذت الجوال بتردد ..وجلست تناظر فيه ..
سلطان لما شافها تاخرت عرف انها متردده .. صدقيني ما طلبت رقمك الا عشان اساعدك وتطمني وعد مني بعد ما تخلص السالفه راح احذف ووعد الحر دين ..
ديم ابتسمت على كلامه واللي واضح فيه الصدق .. كتبت رقمها .. خذ كتبته ..
سلطان اخذ الجوال ودق عليها رنه وقفل .. هذا رقمي .. الحين تكتبين لي كل شي صار طيب وانا راح ارسلك وش تسوين اوك ..
ديم وهي تناظر جوالها .. طيب ..
سلطان .. يلا عن اذنك .. وتطمني .. ومشى ..
ديم حست انه راح من صوت خطواته .. وبنفسها .. يارب انه يكون صادق ويساعدني .. ورجعت للبنات وبينت انها طبيعيه ..
اما سلطان طلع بسرعه وشاف الشباب ينتظرونه .. فتح الباب وركب .. معليش شباب تاخرت بس جدتي الله يهديها وقفتني وصارت تسالني اسئله ..
فيصل .. لا ماعليك عادي هذا طبع الحريم متعودين ..
سلطان .. زين ..
البراء حرك السياره والشباب اللي ورا كملو سواليفهم ..
سلطان لف على البراء وانتبه على تعابير وجهه اللي تبين انه معصب .. احم البراء انا اسف لاني خليتك تنتظر كثير ..
الشباب سمعوه ..
مشاري .. هيه سلمات سلطان عادي قلنا لك ليه هالرسميه والبراء مو زعلان ..
سلطان وهو للحين يناظر البراء اللي مركز على الطريق .. صح انه ما تكلم بس تعابير وجهه تقول انه معصب ..
البراء لف عليه بعد ما وقفو عند اشاره وبنفسه لهدذي الدرجه مبين علي ..
مشعل وهو يناظ البراؤ .. تتهيئ يا سلطان شوف وجهه ما فيه شي .
فيصل .. هيه نسيت ان سلطان يعرف يقرا الوجوه والعيون ..
مشعل .. ايه والله عشان كذا هو يشوف شي حنا ما نشوفه ..
سلطان ابتسم .. يمكن فعشان كذا انا اعتذرت له ..
بسام .. بس حنا ما بينا اعتذرات وكذا عادي صرت تمون ..
سلطان لف عليه .. اممم مدري بس متعود لما اغلط اعتذر حتى لو كنت امون على الشخص ..
بسام .. حركات والله ..
البراء طالع قدام وكمل طريقه لما فتحت الأشاره .. وين تبون تروحون ..
فيصل .. اسأل سلطان هو اللي يبي يتمشى ..
سلطان وهويناظظر الطريق .. ما ابي اروح مكان معين بس ندور بالسياره كذا ..
عزوز .. وش رايك نوريك جامعتنا وين ..
سلطان .. وروني كل شي ما عندي مانع ..
مشاري يلف على عزوز .. وانت ما ذكرت الا الجامعه غاوي هم انت ..
عزوز .. لا والله بس شفت جامعه نوره وتذكت الجامعه ..وقلت نوريها له بما انه راح يدرس فيها ..
سلطان .. هذي جامعه نوره حقت البنات صح ..
الشباب .. صح ..
بسام .. لا ماشاء الله عليك شكل عندك معلومات ..
سلطان .. اكيد عندي معلومات اعرف كل شي موجود بالرياض بس وين اماكنهم مدري ..
فيصل .. طيب مثل ايش ..
سلطان .. اممم المملكه والفيصليه واممم جامعه سعود وجامعه الأماام .. واشياء كثيره ..
مشعل .. لا عندك معلومات ..
سطان .. الا ما قلتو لي ايش تخصصاتكم الا اعرفه انكم تدرسون بالجامعه ..
مشاري .. الله يسلمك كلنا تخصصنا واحد .. اداره اعمال ..
سلطان .. اما وليه لهذي الدرجه تحبونه ..
عزوز .. لا يا حبيبي هذا امر ولازم ننفذه ..
سلطان لف عليهم باستغراب .. كيف يعني ..
فيصل .. الله يسلمك جدانا جابرينا كلنا ندخل اداره اعمال عشان نشتغل بشركاتنا ..
سلطان .. يوه حرام كذا ..
بسام .. امر ما نقدر نقول لا .. ولا راح ننحرم منكل شي ..
سلطان .. حتى البنات ولا بس انتو ..
مشعل .. لا بس حنا الشباب البنات مدلعينهم مخلينهم يدخلون اي تخصص بس ماراح يستفيدون لانهم ما يرضونانهم يتوظفون ..
سلطان .. غريبه للحين فيه ناس كذا..
عزوز .. لين بكرا بعد .. خلها على الله بس ..
سلطان .. الله يعين ..
مشاري .. وترا حتى انت اكيد راح يمشي عليك الدور ..
سلطان .. لا انا ابي ادخل علم نفس وقايل لجدي وهو ما رفض ..
فيصل .. يمكن عمي عبدالعزيز ما رفض بس لو تناقش مع جدي وعمي خالد راح يرفضون ..
سلطان .. لا ما اتوقع ..
بسام .. راح نشوف .. وقول الشباب ما قالو ..
سلطان ابتسم .. طيب .. وسمع صوت رنه رسايل من جواله رفعه وفتح الواتس وشاف الكلام من ديم وصار يقراه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 23-01-2016, 03:11 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


من قبل اسبوع تقريبا اتصل علي رقم غريب وانا ما رديت جاتني رساله من نفس الرقم تيقول انا اسمي عادل وحاب اتعرف عليك ..طنشت المسج ومارديت عليه بعد دقايق جاني مسج ثاني من نفس الرقم وقال لي يا ديم بنت راشد بن خالد ال .. ليه ما تردين علي .. انا هنا خفت كيف عرف اسممي هذا .. رديت عليه برساله .. مين انت وكيف عرفت اسمي ورقمي .. رد علي قالي اذا تبين تعرفين كيف قابليني وانا اقولك .. انا خفت اكثر وجلس افكر ايش يبي مني هذا .. بس بالنهايه قررت اطنشه .. مر يومين وما رسل لي ولا شي وانا نسيت الموضوع اصلا .. وقبل يومين ارسل لي رساله فيها صورتي وكنت بزواج انصدمت لما شفتها وجلست ابكي وانا اقرا الكلام .. شفتك ما رديتي علي قلت ارسل لك هديه يمكن تردين ..رديت عليه وانا منهاره من البكي .. انت وش تبي وكيف جبت صورتي ..
رد علي .. قلت لك قابليني وتعرفين كل شي وترا يا حلوه هذا شي بسيط من اللي اعرفه عنك وترا عندي صور كثيره لك واذا تبين ارسلها لك ما عندي مانع .. انا صرت ابكي ولا عرفت ايش اسوي في نفس الوقت اتصلت علي صديقتي نوره ومالقيت نفسي الا اني اقولها كل السالفه وقالت لي خلاص تطمني وانا راح اساعدك وافكك منه .. ومر يومين وهي ما سوت شي وهو يرسل لي رسايل تهديد واخرها كان اليوم اللي سمعتني اقولها لما كنت اكلم نوره . يعني هو معطيني لبكرا بس ..
سلطان اخذ نفس يهدي نفسه لانه بدا يعصب من اللي جالس يقراه .. لف على الشباب وشافهم مشغولين بالسوالف ماعدى البراء اللي يسوق ومركز على الطريق .. رجع لجواله وكتب .. شوفي الحين ترسلين له وتقولين له راح اقابلك اليوم في مقهى .. ورفع راسه يقرا اسم مقهى ولما شافه رجع يكتب .. في مقهى ال بعد ساعه .. وتقولين له يجيب كل الصور اللي لك معه ..
..
..
..
عند ديم كانت جالسه بجنب البنات وهم يسولفون وهي بعالم ثاني تنتظر رد سلطان عليها .. رفعت جوالها لما سمعت رنه الواتس .. فتحته وانصدمت وهي تقرا الكلام .. وبنفسها .. مجنون ذا لازم اكلمه ما ينفع كذا .. ووقفت ..
رغد .. على وين ..
ديم ..الحمام ** الله يكرمكم ** ومشت لنفس المكان اللي كانت فيه لانها عرفتت ان هذا المكان ما يجيه حد واتصلت على سلطان ..
..
..
..
سلطان كان يهز رجله بتوتر ينتظر ردها عليه .. شوي شاف جواله يرن استغرب ولما ناظر الرقم شافه رقمها استغرب اكثر .. وبنفسه كيف راح اكلمها الحين قدام الشباب وهي اكيد ما اتصلت الا لشي ضروري .. راح ارد عليها وكاني اكلم ولد .. ورفع الجوال على اذنه بعد ما رد .. هلا ..
ديم بارتباك واضح .. الحين كيف تبيني اقوله اني راح اقابله وانت عارف اني ما اقدر اطلع ..
سلطان .. اول شي هد ومين قالك انك انت اللي راح تقابله ..
ديم .. كيف يعني ..
سلطان اسمع .. انت ارسل له اللي قلت لك وشوف ايش يقولك وانا اللي راح اقابله واخلص الموضوع انت ماراح تدخل بالموضوع ..
ديم .. بس اخاف يسوي لك شي هو اكيد مجرم مادام يهدد وانت جاي تساعدني فمستحيل اضرك ..
سلطان ابتسم .. ما عليك قلت لك انا اتصرف ولا تقلق كل شي راح يكون بخير باذن الله بس انت اترك الموضوع علي وحاول تثق فيني لو شوي ..
ديم .. طيب راح ارسل له الحين وارد عليك ..
سلطان .. اوك انتظرك .. سلام .. وسكر منها وانتبه لشباب ساكتين لف عليهم وشافهم يناظرونه .. بسم الله وش فيكم تناظروني كذا ..
فيصل .. وش وراك انت ..
بسام .. سلطان ليكون طايح بمشكله ..
مشاري .. ترا حنا بالخدمه نساعد ..
سلطان بنفسه .. والله لو تدرون ان اللي اكلمها الحين تقرب لكم كان ذبحتوني مو تساعدوني .. ابتسمله .. لا مافيه مشكله ولا شي بس هذا واحد من اخوياي اللي بامريكا هو سعودي ويبي يخلص شغله هنا وقلت له انا اللي راح اخلصها لك وبس ..
عزوز .. اهاا .. زين اجل ..
مشعل .. انا اقول ما امداك توصل للسعوديه على طول صار لك اعداء ..
سلطان .. ههههههههههههههههههههههههه .. الله لا يجيب الاعداء لا تطمنو .. ولف على البراء .. ممكن تنزلني هنا ..
البراء لف عليه بعد ما وقف في المكان اللي قاله عنه سلطان .... وتبيني انتظرك ..
سلطان .. لا لاتنتظروني لاني يمكن اطول ..
مشاري .. ومين اللي راح يرجعك انت ما تدل ..
سلطان .. مو مشكله ااتصل على جدي واخليه يرس لي واحد من السواقينياخذني ..
بسام .. متاكد ما تبي حد معك ..
سلطان بابتسامه . اي متاكد .. ومشكورين على التمشيه ..
الشباب .. العفو ..
فيصل .. ما سوينا شي وبكرا راح نكمل ان شاء الله ..
سلطان .. اي اكيد .. ايه صح انتو ما اخذتو رقمي صح ..
الشباب .. اي ..
سلطان طلع كرت من جيبه ومده لفيصل ..خذ هذا رقمي كلكم خذوه ..
فيصل وهو يناظر الكرت .. هذا رقمك الأمريكي ..
سلطان .. اي لسا ما طلعت لي شريحه سعوديه .. ولف على البراء شكرا .. وفتح الباب .. يلا مع السلامه شباب ..
الشباب . مع السلامه ..
نزل سلطان بعد ما ودعهم وراح للمقهى اللي قال لديم عنه .. فتح جواله وانتبه لرساله منها فتحها وكانت .. ارسلت له وقال انه راح يكون هناك ..
سلطان ارسل لها .. طيب ..
ديم .. تكفى طمني ..
سلطان .. ابشري .. طلع من محادثتها وفتح قوقل وطلع منه رقم الهيئه .. اتصل عليهم وبلغهم ان فيه شخص يبتز بنت وقالهم عن اسمه اللي اخذه من ديم ووين راح يكون .. وبعد ما قفل منهم وقف برا المقهى ينتظر ..بعد نص ساعه انتظار شاف شاب باين علىوجهه الاجرام كان لحاله ودخل للمقهى ..
سلطان بسرعه رفع جواله وارسل لديم .. انتي قد شفتيه ..
ديم اللي كانت تنتظر .. لا .. ليههو جا ..
سلطان .. الحين ارسلي له وقولي له يرسلك صورته عشان تعرفينه وارسليها لي ..
ديم .. طيب ..
وبعد 10 دقايق تقريبا ارسلت ديم صوره الشاب لسلطان وتاكد انه هو وابتسم .. شاف ديم مرسله له .. جا ..
مرد عليها لانه شاف الهيئه وصلو .. راح لهم .. السلام عليكم ياشيخ انت جاي هنا عشان الأتصال اللي جاكم من شوي ..
الشيخ .. ايه انت سلطان ..
سلطان .. ايه والشاب اللي قلت لكم عنه هذا هو داخل ..
ودخل سلطان مع الهيئه واخذو الشاب وركبوه بسيارتهم ..
الشيخ .. يا اخ سلطان انت الحقنا بسيارتك للمركز عشان نكمل هناك ..
سلطان توه بيتكلم ويقول انا ما عندي سياره بس الشيخ تركه ومشى ..سلطان وقف يفكر .. مالي الا اني اخذ لي تاكسي .. وتوه بيمشي للشارع عشان يوقف له تاكسي سمع حد يناديه من وراه .. سلطان .. لف وهو مستغرب مين اللي يعرفه هنا.. وانصدم لما شافه البراء ..
البراء جا له وهو معصب .. انت ايش مسوي هاه ليه الهيئه يبونك تلحقهم ..
سلطان نزل راسه واخذ نفس يهدي نفسه عشان ما يعصب لان طريقه البراء مستفزه .. رفع راسه وبهدوء قال .. وانت ليه تراقبني ما تدري ان التجسس ما يجوز ..
البراء .. انا ما راقبتك رجعت عشان اخذك خفت انك تضيع وشفت اللي صار ..
سلطان .. بس انا ما طلبت منك ترجع وبعدين انت من متى بلعتني اصلا عشان تخاف علي.. ولف عنه .. لو سمحت روح من مكان ما جيت ..
البراء جا ووقف قدامه .. لا تغير الموضوع وقول لي ايش مسوي ليه الهيئه يبونك .. ليكون متحرش بحد تذكر انك بالسعوديه مو بامريكا وكل شي هناك فري لا يا حبيبي هنا فيه قاوانينوعادات ..
سلطان رفع عينه له وقال بعصبيه .. اولا انا ادري اني مو بامريكا وثاني تراي اعرف قوانين هالبلد وعداتها حتى اكثر منك .. واذا انت مو فاهم السالفه ولا تدريوش اللي صاير لا تجلس تعصب علي وتسوي فاهم اوك ..
البراء رفع صوته .. احترم نفسك ترا انا اكبر منك وبعدين ما يحتاج افهم لان كل شي واضح ..
سلطان زفر بعصبيه ولف عنه .. اها قلت لي كل شي واضح .. ورجع لف عليه ممكن تقول لي وش اللي صار اجل مادام كل شي واضح يا استاذ البراء ..
البراء سكت شوي وناظر الأرض وبعدها رفع عيونه له .. الهيئه يبونك مالها الا تفسير واحد اكيد مغازل بنت ..
سلطان .. اوووه برافو صراحه مره فسرتها .. وصار يناظره من فوق لتحت .. تدري انك صدمتني فيك .. ما توقعت ابد تفكيرك راح يكون بهالسطحيه .. ولف عنه .. اتمنى انك ما تلحقني .. ومشى وقف له تاكسي وركب وترك البراء واقف بصدمته ..
سلطان بنفسه .. وانا ناقصه ذا .. بس الحمد الله انه ما سمع شي كان ديم راحت فيها الحين .. وكلها دقايق ووصل لمركز الهيئه ..دخل وعرفهم بنفسه .. ودخلوه للمكتب اللي فيه الشاب اللي يستفز ديم .. وبعد الضغط والتفتيش شافو ان صدق صور البنت معه وهو كمان اعترف بنفسه وقال ان فيه وحده تبي تنتقم منها وهي اللي قالتلي اسوي كذا وانا ابد مافي نيتي اني اذي البنت بس المساله كلها تخويف ..
سلطان لف عليه .. ومين تكون هذي البنت ..
الشاب .. اسمها نوره ال .. وهي عطتني فلوس عشان اسوي كل هذا ..
الشيخ .. اخ سلطان تطمن حنا حذفنا كل الصور والجوال ماراح يرجع له ابد وراحنحرقه .. والحين تقدر تتفضل وانا مرتاح وخل الباقي علينا ..
سلطان وقف وهو مبتسم .. مشكور يا شيخ والله يعطكم العافيه ..طلع سلطان وهو مبتسم على اللي سواه .. فتح جواله عشان يطمن ديم ..
...............................................






الساعه صارت 11 والكل راحو لبيوتهم وانتهت العزيمه ..
في فله راشد ابو ديم ..
ديم دخلت غرفتها وهي للحين تنتظر سلطان وكل شوي ترسل له بس هو ما يرد عليها رمت الجوال على السرير .. اوووه تاخر يارب سترك .. شوي سمعت رنه رسايل بسرعه نطت على السرير وفتحت جوالها بس استغربت لما شافت سلطان مرسلها مقطع صوت .. فتحته وسمعت اللي فيه وهو كان اعتراف الشاب وان صديقتها نوره هي اللي راسلته لها .. انصدمت وهي تسمع الكلام وبسرعه اتصلت على سلطان .. دقايق ورد عليها .. انا ما اصدق هذا الكلام جد ..
سلطان توقعت انك ماراح تصدقين لو انا قلت لك الكلام عشان كذا سجلت لك اعتراف الحيوان عشان تصدقين .. كنت شاك فيها لما قلتي لي انها قالت لك راح تساعدك لاني اعرف ان البنات ما يحبون يورطون انفسهم بمشاكل مثل كذا والحين تاكد ان هي السبب بس هي ليه سوت لك كذا ..
ديم .. مدري هذا اللي انا مصدومه منه اناماسويت لها شي هي ليه تبي تنتقم مني وبهذي الطريقه الشينه ..
سلطان .. والله مدري بس الحين الحمد الله كل شي صار تمام وارتحتي من هالحيوان وهذي صاحبتك اقطعي علاقتك معها ولا تقولين لها ولا شي هي راح تعرف لان الهيئه راح يمسكونها ويحققون معها .. وتطمني انتي طلعتي من المشكله كليا واحب اقولك نصيحه قبل ما اقفل انتبهي لنفسك ولا تتعرفين على من هب ودب اعرفي مين تختارين عشان تكون صاحبتك المقربه .. والحين انا خلصت مهمتي ومثل ما وعدتك رقمك ومحادثتك راح امسحهم ولا كان صار شي وانا ما عرفتك ولا كلمتك وانتي ما شفتيني ولا كلمتيني اوك ..
ديم ابتسمت .. مشكور سلطان على انك اصغر مني الا ان عقلك ماشاء الله ..
سلطان .. تسلمين .. والحين استاذن منك ..
ديم .. ربي حافظك مع السلامه .. قفلت ديم وصارت تناظر الجوال وهي مبتسمه .. الله يحفظك ويخليك لولا الله ثم انت مدري ايش صار فيني .. وانسدحت على السرير وهي تفكر بسلطان وباللي سواه ..
.................................................. ...






عند سلطان كان يكلمها وهو بالسياره اتصل على جده وقاله يرسل له سواق .. وبعد ما قفل منها وصل للقصر نزل وماشاف سيارات قال اكيد راحو . دخل للصاله وشاف جدته جالسه بالصاله وشكلها تنتظره راح وحبها على راسها.. وش عندك يمه جالسه لهالوقت ..
ام محمد .. انتظرك ليه تاخرت ..
سلطان .. كنا نتمشى انا والشباب ويفرجوني على الرياض ..
ام محمد .. زين عساك ارتحت معهم ..
سلطان .. اي الحمد الله كلهم مريحين وطيوبين ..
ام محمد .. الحمد الله .. ووقفت انا بروح انام اليوم تعبت كثير ..
سلطان .. الله يعطيكم العافيه .. وجدي وينه ..
ام محمد .. راح ينام لانه صاحي منبدري ..
سلطان .. اجل حتى انا بروح انام ..
وبعدها كل واحد راح لغرفته ينام ..
..................................







صباح اليوم الثاني ..
الساعه 9 الصباح ..
صحى سلطان منزعج من صوت جواله .. اخذه من على الكومدينه ورد من غير ما يشوف مين .. هممم ..
... ياهووووووووووووو انت للحين نايم ..
سلطان فز من السرير على صوت الصراخ .. ووجع فصيل فجرت اذني ..
فيصل .. هههههههههههههههه .. احسن .. بس كيف عرفتني ..
سلطان من هباك .. وبعدين وش عندك متصل هالوقت ومصحيني من نومي ..
فيصل .. بطلع انا والشباب نفطر تجي معنا ..
سلطان باستغرا ب.. ماشء الله كلكم صاحين من بدري ..
فيصل .. حنا متعودين نصحى لصلاه الفجر وما نرجع ننام الا بعد ما نفطر ..
سلطان يرجع ينسدح على السرير .. وليه ما قلت لي هالكلام امس عشان ما ارجع انام بعد الصلاه ..
فيصل .. والله فاتتني المهم راح تجي معنا او لا ..
سلطان .. امم مدري بفكر ..
فيصل .. ما حنا بفاضين لك نتظرك تفكر انت ووجهك بتجي او لا ..
سلطان .. ههههههههههههه .. اي بجي معكم بس مروني ..
فيصل .. اكيد اجل نخليك تضيع .. يلا انقلع خلني اكلم الشباب اشوف اقرب واحد عندك يمرك ..
سلطان .. طيب .. يلا باي ..
فيصل .. سلام ..
سلطان بعد ما سكر من فيصل قام من على السرير ويتمدد بعدها اخذ الروب حقه ودخل للحمام ** الله يكرمكم ** اخذ له شاور سريع وطلع وراحلغرفه الملابس اللي رتبو فيها الخدم ملابسه القليله وطلع لهبنطلون جنز وقميص اسود لبسه وشمر الأكمام .. راح لتسريحه وجفف شعره وسواه مثل العاده اخذ ساعته السوده الجلد ولبسها ولبس شوز اسود وتعطر بعطره المفضل واخذ جواله ونزل .. شاف جدته كالعاده موجوده بالصاله .. دخل وحبها على راسها .. صباح الخير يمه ..
ام محمد .. صباح النور .. غريبه وش مصحيك بدري ..
سلطان .. الشباب عيال عماني اقصد دقو علي وقالو راح يفطرون برا وراح ياخذوني معهم ..
ام محمد تضايقت من داخلها ما تبيها تتعود على طلعت الشباب بس ما تقدر تقول شي .. طيب يمه انتبه لنفسك ..
سلطان .. ان شاؤ الله وترا يمكن امر للسوق اشتري لي ملابس لان ما عندي ملابس كثيره ..
ام محمد .. طيب بحفظ الله ..
طلع سلطان للحديقه واتصل على فيصل .. وبعد ما رد عليه .. ها وينك ..
فيصل .. بسام راح يمر عليك الحين جايك ..
سلطان وهو يشوف سياره تدخل للقصر .. اي خلاص خلاص هذا هو وصل .. سلام .. سكر وراح لبسام .. صباح الخير ..
بسام بابتسامه .. صباح النور ..يلا اركب ..
سلطان بعد ما ركب .. ها اخبارك من بعد امس ..
بسام .. تمام .. الا ما قالو لك اي مطعم انا نسيت اسال فيصل ..
سلطان .. لا والله مدري .. اصبر اتصل على فيصل .. واتصل عليه واخذ اسم المطعم واتجهو له . بعد دقايق وصلو .. دخلو لمطعم وشافو الشباب موجودينوراحو لهم ..
بسام وسلطان .. صباح الخير ..
فيصل ومشاري ومشعل وعزوز .. صباح النور ..
بسام وهو يجلس .. الا وين البراء ماراح يجي ..
مشاري .. الا هذا هو بالطريق ..
سلطان تضايق شوي لانه ما يبي يشوفه بعد اللي صار امس ..
شوي جا البراء .. السلام عليكم ..
الشباب .. وعليكم السلام ..
جلس البراء بجنب سلطان لان هذا الكرسي الوحيد الفاضي ..ها طلبتو ..
فيصل .. لا لسا نتظرك ..
مشعل .. يلا نطلب ..
وطلبو الفطور ..
سلطان وهو يناظر المطعم .. يذكرني بمطاعم امريكا ليه ما وديتوني مطعم شعبي عشان احس اني بالسعوديه مو هذا نظام امريكي ..
مشاري .. ما كانك تتشرط يابو ..
الشباب .. هههههههههههههههههههههه ..
عزوز .. خله يتدلع مسوي انه سايح اجنبي ..
سلطان .. وش فيكم علي انتو ترا ما قلت شي .. يعني هي مجرد امنيه وكذا ..
بسام .. ما عليك منهم بكرا انشاء الله راح احقق لك امنيتك ..
فيصل .. وانت اذا تبي تتمنى تمنى شي زين مو مطعم شعبي ..
سلطان .. ياخي وش اسوي هذا اللي ابيه ..
مشعل .. خلاص انا وبسام نوديك وش عليك ..
سلطان .. كفو ازين من هاللي يتمسخرون ..
مشاري .. هاه شكلي بصير من اعدائك ..
سلطان .. ههههههههههههههه .. لا وش دعوه نمزح ..
مشاري .. ايه زين ..
سلطان كان طول الوقت وهو مطنش وجود البراء ولا كانه بجنبه ..
جا الفطور ..
بس قبل ما يفطرون شافو اربع بنات كاشفات جاييين لهم ..
عزوز وهو يناظرهم .. شباب هذول جيين لنا ولا انا اتخيل ..
مشاري .. ال بس .. وسكت لما شاف البنات وقفو عند الطاوله ..
وحده من البنات وشكلها رئيستهم كانت حاطه فل ميك اب والعبايه اللي مليانه الوان ماسكه على جسمها والشيله لفتها باهمال ..
الشباب كانو يناظرونهم اما سلطان شافهم لما وقفو عند الطاوله بعدها نزل عيونه وبما انه كان جالس على الطرف كانت البنت قريبه منه ..
البنت بوقاحه .. هيه انت يالمزيون ممكن نتعرف ..
كل الشباب ناظروها بصدمه ما عدا سلطان اللي ما رفع عينه عليها وما يدري انها تكلمه ..
البنت حطت يدها على كتف سلطان .. انا اكلمك ..
سلطان رفع عيونه لها بصدمه وصار يناظر يدها اللي على كتفه ورفع يدها وبعدها بقرف .. ورجع يناظرها .. اها اجل انتي تكلميني .. وطيب انا ما ابي اكلمك غصب مثلا ..
البنت ابتسمت .. اوه وسيم ومغرور كمان .. انا احب الرجال المغرورين ..
سلطان غمض عيونه واخذ نفس ورجع فتحها .. لا مو مغرور بس اعرف العدات والتقاليد واهم شي اخاف ربي ولا اكلم بنات ..وبذات اللي مو محترمات ..ولف عنها ..
البنت عصبت .. ايش قصدك يعني ..
سلطان لف عليها وصار يناظرها من فوق لتحت بقرف وصد عنها وقال .. ناظري شكلك وتفهمين قصدي والحين من غير مطرود ابعدي عن طاولتنا واحترمي نفسك انتي والشله اللي معك ..
البنت ضربت برجلها الأرض بعصبيه .. انا تقولي هالكلام .. انا اوريك ما اكون بنت ابوي اذا ما خليتك تلحق وراي ..
سلطان لف عليها وبنظرات احتقار .. اوه وانتي عندك ابو .. ماظنيت وهذا شكلك .. وصد عنها اقول توكلي بس وعلى ما في خيلك اركبيه ..
البنت انقهرت اكثر وشوي وتبكي اخذت شلتها وطلعو برا المطعم ..
اما الشباب يناظرون سلطان باستغراب ..
سلطان . يلا شباب افطرو .. ورفع عيونه عليهم . وش فيكم تناظرونيليكون سويت شي غلط ..
الشباب ابتسمو له ..
بسام .. كفو عليك بصراحه عجبتني وبنفس الوقت صدمتني ..
مشاري .. حتى انا انصدمت منك ..
مشعل .. كلنا انصدمنا مو بس انتو ..
سلطان .. اوف اوف ليه تنصدمون وش سويت انا ..
فيصل .. كل اللي سويته صح بس مو شي غريب ..
سلطان .. ايش الغريب ..
عزوز .. انك تكلم البنت كذا وحتى ما تعطيها وجه وانت اللي طول عمرك عايش بامريكا ومتعود على البنات ..
سلطان ابتسم .. اها الحين فهمت .. شوفو انا صحيح عشت حياتي كلها بامريكا وتعلمت على عداتهم واطباعهم بس في كلمه قالها جدي من لما كنت صغير وللحين ما شلتها من بالي .. قالي يا سلطان كل شي مباح في امريكا يعتبر عيب بالسعوديه .. وغير هذي الجمله جدي علمني كثير عن العادات والتقاليد هنا ف عشان كذا انا تعاملت مع البنت الوقحه كذا .. بس بصراحه ما توقعت اني اشوف هالنوعيه من هالبنات هنا ..
مشاري .. لا في هالزمن توقع كل شي وهالنوعيه بذات كثرانين ..
سلطان .. الله يستر على بناتنا بس ..
الشباب .. امين ..
سلطان .. يلا افطرو ..
وسمو بالله وبدو يفطرون ..
البراء بنفسه .. جد ما توقعت كل هذا يطلع منه يعني انا امس فهمته غلط بس اجل وش كانو يبون منه الهيئه .. يمكن شاهد وخصوصا انهم ما اخذوه معهم بالجمس .. جد اني غبي عصبت على الولد وخليته ياخذ عني فكره شينه بسبب سوء فهم .. ولف يناظره بعدها رجع يكمل اكله ..
سلطان .. اقول شباب ترا ابي اروح للسوق بعد ما نخلص ..
مشعل .. من جدك انت .. انا فيني فل نوم ماراح اروح ..
عزوز .. حتى انا بصراحه مواصل من امس ولا نمت ..
فيصل .. كيفكم انا عن نفسي بروح مع سلطان ..
سلطان ابتسم .. تسلملي ..
مشاري .. حتى انا معكم بروح .. اصلا يا حلاه السوق هالوقت فاضي ومافيه زحمه تتسوق على روقان ..
بسام .. من جد حتى انا بروح ..
الشباب لفو على البراء ماعدا سلطان ..
البراء يناظرهم .. وش فيكم ..
فيصل .. راح تروح معنا للسوق ..
البراء لف على سلطان اللي كان ياكل ولا لف عليه .. اذا سلطان يبيني رحت ..
مشاري .. وش اللي اذا سلطان يبيك ترا ما بينكم عداوه عشان تقول كذا صح سلطان ..
سلطان ناظر البراء بعدها ناظر مشاري وابتسم ..
مشاري .. شفت .. ها بتروح ..
البراء .. اي ..
فيصل لف على مشعل وعزوز .. وانتو ما غيرتو رايكم ..
مشعل ..ابدا ..
عزوز .. حتى انا ..
فيصل .. بكيفكم ..
وبعد ما خلصو فطور قامو ..
سلطان .. الحين كل واحد جاي بسيارته ..
فيصل .. لا انا ومشاري ومشعل وعزوز جينا بسياره مشعل ..
سلطان .. ويعني الحين كيف بيكون الترتيب ..
عزوز انا ومشعل نروح بسياره وحده يوصلني لبيتنا ويروح بيتهم اما انتو تصرفو ..
مشعل .. صح والحين حنا بنخليكم .. سلام ..
مشعل وعزوز راحو بعد ما ودعو الكل ..
فيصل .. والحين صار عندنا سيارتين ..
بسام .. انا بركب سيارتي واللي يبي يجي حياه ..
سلطان واللي ما يبي يركب مع البراء انا بجي معك ..
فيصل .. حتى انا ولف على مشاري انت روح مع البراء بسيارته ..
مشاري اوك .. بس اي سوق بتروحون ..
فيصل لف على سلطان . ها سلطان ..
سلطان .. نروح الفيصيله ..
الشباب .. اوك ..
وركبو سلطان وفيصل مع بسام
اما مشاري ركب مع البراء وتحركو للفيصليه ..
وبعد دقايق وصلو .. وقفو في المواقف وتقابلو ودخلو لداخل ..
فيصل .. سلطان وش المحلات اللي تبيها ..
سلطان .. اي شي حق ملابس وجزم ابيه ..
فيصل .. اجل خلونا ندخل هالمحل ..
دخلو كلهم وشرا سلطان له تيشيرتات وحتى الشباب شرو وطلعو منه ..
..
..
..
في جهه ثانيه من السوق ..
رغد .. هيه انتي معها حنا جايين نتسوق ولا نتفرج على اللي رايح واللي جاي ..
ريوف .. بسم الله وش فيك عصبتي علينا كنت اوريها عبايه البنت بس ..
رهف .. رغوده حبيبتي وش فيك من اليوم معصبه ترا يمدينا نخلص باقي 3 اسابيع على الزواج ..
ديم .. من جد .. الحين ابي افهم سوير ليه ما جات معنا هي العروس وحنا اللي جايين نتقضى ..
ريماس .. حضرتها تقول بتروح مع البنات الكبار هم احسن منا ..
ريوف .. مالت عليها بس .. المهم خلونا نخلص ترا بالموت خلونا اهالينا نطلع السوق الصباح ..
رغد .. بالله وانا من دخلنا وش اقول لكم وانتو جالسين تتمسخرون .. يلا خلونا نخلص ..
ريوف .. هيه بنات شوفو مو كان هذوليك شبابنا ..
البنات كلهم لفو الجهه اللي تناظرها ريوف ..
ريماس .. الا والله هم وهذا فيصل اخوي معهم ..
رغد .. حتى سلطان ولد عمنا الجديد معهم ..
رهف .. شكلهم مطلعينه يمشونه ..
ريوف .. اقول بنات وش رايكم نروح لهم ..
ديم اللي كانت ساكته من اول ما شافو العيال وهي تناظر سلطان ومبتسمه وتتذكر اللي سواه معها قالت بسرعه لما سمعت كلام ريوف .. لا وش اللي نروح لهم ..
كل البنات لفو عليها مستغربين ..
ريماس .. وش فيك حسستيني اننا اول مره نقابلهم بسوق ونروح معهم ترا عادي ..
ديم .. لا مو قصدي كذا بس لان ولد عمنا الجديد معهم وحنا مو متعودين عليه ..
ريوف .. تراه اصغر منا يعني عادي .. تعالي بس .. ومشت ريوف اللي كانت اكثر وحده جريئه فيهم ومشو وراها البنات ..
..
..
..
عند العيال كانو توهم طالعين من محل جزم وسلطان انتبه للبنات اللي كانو متلثمات وجايين لهم قال بصوت مسموع .. مره ثانيه بعد ..
**
**
**
**
**
** انتهى البارت الثاني **



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 23-01-2016, 03:15 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


اتمنى البارت يعجبكم ..

وطبعا بانتظار ردودكم وتعليقاتكم ..

محبتكم صمتي سلاحي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 23-01-2016, 03:27 PM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


مساء الخير
البارت روعه تسلمين

الرد باقتباس
إضافة رد

أناأنثى ولكن !!/بقلمي؛كاملة

الوسوم
انتي , سلطان , ولكن
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بيت جدي اللي جمع كل المحبة والأماني والحنين /بقلمي؛كاملة _A.M_ روايات كامله - يتم نقل الرواية هنا بعد اكتمالها 149 15-09-2018 03:44 PM
شهم الطبايع يا بشر هذا هو الفهد /بقلمي؛كاملة auroraa2015 روايات كامله - يتم نقل الرواية هنا بعد اكتمالها 196 31-05-2018 04:10 AM
رواية أتركوا بعضهم بلحظات /بقلمي؛كاملة ixmg_02 روايات كامله - يتم نقل الرواية هنا بعد اكتمالها 20 09-11-2017 01:13 PM
رواية عيون الألم /بقلمي؛كاملة نهى عبد روايات كامله - يتم نقل الرواية هنا بعد اكتمالها 196 19-05-2017 05:08 PM
روايه حبك عذبني /بقلمي؛كاملة انين الروح16 روايات كامله - يتم نقل الرواية هنا بعد اكتمالها 46 09-08-2015 10:55 PM

الساعة الآن +3: 07:49 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1