غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 30-01-2016, 01:52 PM
صورة ‏.. فِيولـيّت ، الرمزية
‏.. فِيولـيّت ، ‏.. فِيولـيّت ، غير متصل
©؛°¨غرامي نشيط¨°؛©
 
الافتراضي رد: انا انثى ولكن !!...







رواـــيتك جميلهـ


بس نزلي قبل 9 ..

ننتطرك ^^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 30-01-2016, 02:54 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


مرحبااا يا مزايين ..

لا تخافون ما نسيتكم اليوم فيه بارت باذن الله ..

بس اول شي ارحب بالمتابعين الجدد اللي شرفوني في روايتي وكمان اشكر اللي اتحفوني بردودهم وتعليقاتهم ..

وثاني شي راح اجاوب على الأسئله اللي انطرحت .. اول سؤال وش العلاقه بين البراء وابو محمد وكيف يقوله عمي ؟؟
الجواب .. ان ابو محمد اللي هو جد سلطان يكون عم ابو البراء وبشكل اوضح جد البراء يكون اخ ابو محمد عشان كذا هو يسميه عمي .. اتمنى وصلت المعلومه ..

والسؤال الثاني ليه ما انزل بارتين بالأسبوع ..
الجواب .. مثل ما قال اخوي الأمير انا انزل بارتين يوم الثلاثاء ويوم السبت ..

اما بخصوص البارت راح ينزل بعد دقايق باذن الله ..

انتظروني ..

محبتكم صمتي سلاحي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 30-01-2016, 03:02 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


**البارت الرابع **
**
**
**
**
**
**
الشباب وقفو كلهم ونظرهم للارض ما عدا سلطان اللي كان مبتسم وتوه بيمشي بسلما شاف الشباب واقفين لف عليهم .. وش فيكم يلا تعالو ..
ابو محمد .. روحو قلت لكم ..
مشو الشباب وكان قدامهم سلطان وطلعو لبرا المجلس..
الجد خالد .. يا عبد العزيز لا تقويهم علينا ..
ابو محمد .. عطوني اسبوع بس اجرب معهم الأسلوب اللي اتبعته مع سلطان وشوفو ايش التغير واذا ما عجبكم انا مستعد اني ارجعهم مثل اول واشد بعد .. واتوقع ان سلطان مثال حي قدامكم ..
الجد سعود لف على الجد خالد وكانهم موافقين بس مترددين ..
ابو محمد .. خلاص راح اعتبر انكم وافقتو .. وثقو فيني ..والحين قولو لي ايش صار بشركه ال ..
..............................





عند الشباب برا المجلس ..
راحو جلسو عند النافوره ..
سلطان .. من جد ما توقعتهم كذا ..
مشاري .. شفت كيف وانت تقول ما اصدق وما اعرف ايش ..
سلطان .. انصدمت ..
بسام .. بس بصراحه عجبني كلام عمي عبدالعزيز .. توي صدقتك يا سلطان على بالي انه مثلهم ..
سلطان .. قلت لكم من البدايه ان جدي غير بس ما صدقتوني .. لو جدي كان مثلهم كان ما شفتوني كذا الحين ..
مشعل .. من جد .. بس يارب ان عمي عبد العزيز يقدر يقنعهم ويغيرون تعاملهم معنا ..
البراء .. صحيح اني اتمنى هذا الشي بس بعد ايش ..
فيصل .. ليه بعد ايش .. قصدك عشان موضوع دراستك برا ..
البراء .. ايه ..
سلطان .. طيب ترا يمديك هذي السنه الثانيه لك يعني يمديك تسحب وتروح براء ..
البراء .. صح يمديني بس خلاص انا طابت نفسي ..
عزوز .. لا لو انك جد تبي الشي مستحيل تطيب نفسك منه بس انت خلاص استسلمت ..
البراء .. الا قصدك اني تحطمت ..
سلطان .. الواحد حتى لو تحطم وانكسر مرهومرتين اكيد راح يرجع ويكمل لو كان هو مصر على الشي اللي يبيه .. مو يقولون ان العثرات سبب النجاح ..تخيل ان الشياب وافقو انك تسافر من اول مره من غير اي تعب منك وسافرت ودرست برا بالتخصص اللي تبيه وبالجامعه اللي انت تبيها ولا صادفتك ولا مشكله .. تتوقع انك راح تكمل .. او حتى لو كملت ونجحت تتوقع انك راح تفرح بنجاحك فرح كبير ..طبعا لا لانك راح تمل وكمان تكون متعود على النجاح يعني ما فيه شي جديد لان كل شي مسهل قدامك ما تعبت في ولا شي .. غير لما تتعب بكل خطوه تخطيها وقتها لما تنجح راح تحافظ على نجاحك وتفرح فيه لانه جا بعد تعب ..
مشاري .. صح كلام سلطان .. حنا كلنا استسلمنا مو بس البراء .. الوحيد اللي فينا كان يبي اداره اعمال هو احمد اخوي وبس الحادث اللي صار له ما قدر انه يشتغل بالمكان اللي يبيه .. وحنا اللي كلنا داخلين نفس التخصص اللي هو تمناه مو حابينه ولا نبيه .. ومع كذا حنا مستسلمين ولا حتى فكرنا اننا نعارضهم لو مره ودايم نقول ان هم اللي جابرينا وغاصبينا وحنا اللي ما سوينا شي ..
مشعل .. وكيف نفكر نعارضهم وحنا عارفين عقابنا اصلا ..
سلطان .. وايش عقابكم لو عارضتوهم .. الطرد من البيت مثلا او يحرمونكم من سياراتكم .. او حتى من الطلعات .. عادي تحملو فتره وراح يجيكم اللي تبونه ..
بسام .. مشكلتك يا سلطان منت عارف جدانا زين ولا راح تعرفهم بعد لان تربيه عمي عبدالعزيز لك غير جدا غير انت كل اللي تبيه يوصلك حتى من غير ما تطلبه ما مره جربت انك تنحرم من شي او يرفضون لك طلب ..
سلطان .. لحظه لحظه ومين قالكم ان جدي كان مدلعني كل هالدلع مو لاني اخذ كل شي ابيه معناها ان جدي مدلعني ولا مره رفض لي طلب .. لا انتو غلطانين انا جدي كل ما يبي يعطيني شي ينصحني قبلها ويقولي اضرار هذا الشي علي وانا اقرر اذا ابيه او لا جدي علمني اني اعتمد على نفسي من الصغر .. حتى لو كان هو اللي يصرف علي قرارتي انا اللي اتخذها بنفسي وحتى لو اتخذت قرار غلط جدي ينصحني واذا عاندته يعاقبني ترا انا عشت حياه عاديه مثل اي شخص بعمري وبجيلي بس انتو اللي عايشين ححيأتكم غير .. عمي سعود وعمي خالد مسيطرين عليكم سيطره تامه .. ما باقي الا انهم يختارون لكم زوجاتكم بعد ..
الشباب ناظرو بعض .. ههههههههههههههههههههههههه ..
سلطان يناظرهم باستغراب .. وشفيكم بسم الله ..
فيصل .. ومين قالك يا حبيبي انهم مو هم اللي يختارون لنا زوجاتنا ..
سلطان بصدمه .. احلف .. يعني اخوانكم اللي متزوجين من قبل كلهم زوجاتهم مو من اختيارهم ..
عزوز .. بالضبط ..
مشعل .. حتى اخوي عبد الله اللي ماخذ من برا العيله هم اللي مختارين له زوجته ..
سلطان .. لا مستحيل .. لهذي الدرجه وصل التحكم .. طيب والحين كل اخوانكم مرتاحين بزواجاتهم ..
عزوز .. والله فيهم اللي مرتاح وفيهم اللي متعذب بس ما يقدر يتكلم ..
سلطان .. بعد حتى هم ما يقدرون يتكلمون ..
فيصل .. انت وش جالس تقول ابائنا اللي هم ابائنا ما يقدرون يرفضون ولا اي طلب وانت تقول اخواننا الكبار ..
مشاري .. يا حبيبي القوانين تمشي على الصغير والكبير .. ما في اي تفرقه ..
سلطان .. يوه الله يعينكم بصراحه ماتوقعت المساله توصل لكذا ..
البراء .. الا كذا واكثر .. خلها على ربك بس ..
عزوز وقف .. اقول بس خلونا نروح للمرسم ابوريكم اللوحات الجديده ..
سلطان لف عليه باستغراب .. مرسم ؟؟.. مين اللي يرسم عندكم ..
بسام .. اما ما تدري ان عزوز يحب يرسم ..
سلطان .. بالله كيف ابعرف وانتو ما قد جبتو لي طاري .. ووقف .. بصراحه تحمست اشوف ..
عزوز .. عاد وش نسوي ماجات مناسبه .. يلا تعالو ..
وقامو كل الشباب واتجهو للمرسم ..
عزوز انتبه بالانوار مفتوحه وقال باستغراب .. ليه الأنوار شغاله ..
مشعل .. يمكن ناسيهم خلنا ندخل بس ..
عزوز تقدم وفتح الباب وانتبه بالبنات اللي كانو معطينه ظهورهم ما عدا ريماس هي اللي كانت مقابلته واول ما شافته شهقت ورمت الشيله على وجهها .. عزوز على طول رجع لورا لما استوعب ..
الشباب يناظرونه باستغراب ..
مشاري .. وش فيك رجعت ..
عزوز .. هاه .. ايه البنات داخل ..
..
..
..
داخل المرسم ..
البنات اللي ما انتبهو لعزوز ارتاعو لما سمعو ريماس تشهق .. وش فيك ..
ريماس وهي تضبط شيلتها وتتلثم .. عزوز دخل من شوي شكله ماكان يعرف اننا هنا ..
ريوف .. يوه كويس ما شافنا ..
ريماس .. اي ما شافنا شافني وشبع برضو ..
رهف .. عادي هذيك المره برغد والحين انتي ..
البنات ما عدى رغد وريماس .. ههههههههههههه ..
ريماس ... مالت ان شاء الله تجربونها كلكم .. المهم تلثمو خلوه يدخل يمكن يبي ياخذ شي ..
البنات تلثمو ..
ريماس قربت من الباب وفتحته وانصدمت لما شافت الشباب كلهم .. بسم الله مادريت ان كلكم فيه ..
عزوز منحرج منها لانه شافها قال من غير مايناظرها .. اي جايين عشان اوريهم رسماتي ولا درينا انكم هنا ..
ريماس .. ايه مو مشكلهحنا الغلطانينما قلنالكم .. طيب ادخلو مادامكم وصلتو حنا راح نطلع ..
الشباب دخلو وانبهرو من شكل المرسم اللي تغير عليهم ..
اما سلطان اول ما دخل ما في وجهه اي تعابير .. مشى وصار يتفرج على اللوحات ودقه الرسم وكانه داخل معرض ويبي يشتري احلى اللوحات منه ..
الشباب وقفو وصارو يناظرون سلطان اللي كان يتمشى بين اللوحات بهدوء وكانو ينتظرونرده فعله ..
سلطان لف بهدوء على عزوز وقال وهو ياشر على وحده من الرسمات .. هذي مو انت راسمها .. او بالأصح فيه حد مشارككك في الرسمه صح ..
البنات وقفو يسمعون كلام سلطان بعد ما اقنعتهم ديم انهم يبقون ..
عزوز قرب من سلطان وهو مستغرب ولما شاف الرسمه ابتسم .. ايه صح.. بس كيف عرفت ..
سلطان .. انا مريت على اكثر من لوحه وعرفت كيف طريقه رسمك وايش الأشياء اللي تحب تدقق عليها وتوضحها بس هذي الرسمه شفت فيها شي مختلف وقلت اكيد حد مشاركك فيها ..
مشعل .. ماشاء الله وكيف تعرف كل هذا ..
سلطان لف عليه بابتسامه .. انا لما دخلت المرسم ما اعتبرته مرسم عادي او لشخص مبتدأ لا انا دخلته وكانه معرض لرسامين كبار فعشان كذا نظرتي للوحات مو نظره عاديه صرت اطالع فيهم وادقق بكل خط مرسوم عشان اعرف مدى جمال الرسمه وهذا الشي تعودت عليه بالمعهد اللي كنت داخله عشان اتعلم كيف احلل الشخصيات ..
مشاري .. واااو .. يعني الحين بكل بساطه تقدر تحلل شخصيه عزوز ..
سلطان .. صح وكمان اقدر اعرف كل رسمه ايش كانت حالته لما رسمها .. واشر عل رسمه شوف هذي الرسمه مرسوم فيها منظر الغروب مع البحر وشخص جالس ويناظر البحر ويدينه على خده وهذا معناه ان عزوز لما رسم هذي الرسمه كان متضايق ومتشاءم بعد .. ولف على عزوز صح ..
عزوز بتعجب .. ايه صح .. هذي رسمتها لما قررت اني ادخل الجامعه وكان نفسي ادخل تربيه بس عارضو الشياب وجبروني على اداره الأعمال ..
بسام .. يوه الحمد الله اني مو رسام كان انفضحت قدامك ياسلطان ..
سلطان .. ههههههههههههههههه .. لا ترا انا ما احلل شخصيات بالرسم بس عندي طرق كثيره ..
ديم تهمس لرهف .. وواه ماشاء الله عليه خطير ..
رهف بنفس الهمس .. من جد ..
فيصل .. مثل ايش ..
سلطان .. بعدين تعرفونها .. ورجع لف على عزوز .. ها ما قلت لي مين اللي رسم معك هذي الرسمه ..
عزوز ابتسم لما تذكر واشر على فوق الرسمه .. شوف انا حاط فوق كل رسمه متى رسمتها وفي اي سنه .. هذي لما كان عمري 14 سنه اذكر يومها كنا متجمعين ببيت عمي هشام ابو فيصل .. وكنا نلعب مع البنات بالحوش وكانت وحده من البنات جالسه بعيد عنا وماسكه ورقه وقلم وترسم .. ما كنا مهتمين لها لاننا مشغولين باللعب بس بعد ما خلصنا لعب ونادونا اهلنا عشان ندخل انا كنت اخر واحد ادخل لان جزمتي ضاعت وصرت ادورها وانا ادورها انتبهت للورقه اللي كانت على الكرسي اللي هي نفس الورقه اللي كانت ترسم فيها البنت اخذتها وعجبتني الرسمه حطيتها بجيبي ولما رجعت البيت اخذت لوحه ورسمت فيها نفس الرسمه اللي كانت بالورقه بالضبط وزدت عليها من عندي لما طلعت هذي الرسمه ..
سلطان .. واااو .. طيب ومينهذي البنت ممكن تصرح عن اسمها ..
عزوز لف على البنات .. والله مدري اذا هي تذكر السالفه راح تقول ..
البنات صارو يناظرون بعض ماعدا ريماس تناظر الأرض ..
سلطان كان يناظرهم وابتسم .. ريماس صح ..
ريماس رفعت عيونها له بصدمه ..
عزوز لف عليه باستغراب .. ايه ريماس بس كيف عرفت ..
سلطان .. لان باين من شكلها انها عارفه بس مستحيه تقول غير باقي البنات اللي يناظرون بعض ويتسالون مين تكون ..
بسام .. بصراحه يا سلطان كل شوي جالس تصدمنا فيك ..
سلطان .. وليه .. ترا المساله عاديه ..ولف على ريماس .. امم ريماس انتي لسا ترسمين ولا خلاص ..
ريماس .. لا ما ارسم اصلا ما اعرف ..
ريوف .. نصابه هي تحب ترسم ورسمها مره جميل بس لان الكل عارضوها دفنت موهبتها ..
سلطان .. وليه حرام باين من رسمتك هذي ان عندك موهبه ولو استمريتي راح تبدعين مثل عزوز ..
ريماس .. ليه اتعب نفسي على شي ماراح يوصل للناس وش الفايده لما ارسم لنفسي بس ..
سلطان .. لا باين ان كلكم متحطمين مو بس البراء .. انتو ليه سلبيين كذا .. طيب شوفي عزوز اقرب مثال هذا هو عارضوه مثل ما عارضوك وكمل وماقال انا ليه ارسم لنفسي ..
ريماس .. يمكن لان عزوز ولد وفي الأخير راح يقدر يسوي اي شي عشان يوصل رسماته للناس حتى لو يسوي معرض من ورا الشياب بس انا بنت وش اقدر اسوي ..
سلطان .. ياربي انتو مستحيلين .. احلف ان كميه السلبيه اللي فيكم لو وزعتها على مدينه كان قتلتهم .. ايش هذا من جد غريبين ..
مشعل .. يمكن انت اللي غريب لان اتوقع مجتمعنا كله كذا ..
سلطان .. الله يعينكم بس .. ورجع لف على ريماس .. انا انصحك يابنت العم انك ما تدفنين موهبتك واذا على وصول رسماتك للناس انا مستعد افتح لك معرض بس ترجعين ترسمين ..
ريماس .. اذا كذا انا مستعده ارجع بس فيه بعض الأشياء احتاج اتعلمها واكيد اهلي ماراح يرضون اني ادخل معهد ..
سلطان .. وليه تدخلين معهد وعزوز موجود ..
عزوز لف عليها .. صح انا مستعد اعلمك اي شي تبين تتعلمينه وهذا من بعد اذن فيصل طبعا .. وتاكدي ان اهلنا ماراح يعرفون ..
فيصل .. انا بالنسبه لي ما عندي مانع مادام سلطان قال انها موهوبه اكيد انها موهوبه ..
ريماس انبسطت .. وناسه ..
سلطان لف على عزوز .. وانت لو سمحت ابي اصور بعض من لوحاتك احتاجها بشي ..
عزوز .. في ايش ..
سلطان ابتسم .. بعدين راح تعرف .. ممكن اصور ..
عزوز ..اكيد تفضل ..
سلطان طلع جواله .. يوه كذا الرسمات ماراح تطلع مثل ما هي على الطبيعه .. ولف على الشباب حد منكم عنده كاميرا ولا اروح اجيب كاميرتي من البيت ..
مشعل .. لا وين تجيب كاميرتك مشوار انا كاميرتي بالسياره ما اشيلها لحظه اجيبها ..
سلطان .. كويس ..
مشعل راح يجيب الكاميرا دقايق ورجع .. خذ ..
سلطان وهو ياخذ الكاميرا .. اووه كويس كاميرا كانون .. راح تفيدني كثير .. وفتحها وصار يصور اللوحات اللي يبيها ..
في هالوقت دخلت ساره للمرسم وهي متلثمه لان ديم ارسلت لها ان الشباب موجودين .. السلام ..
الكل .. وعليكم السلام ..
فيصل .. هلا بالعروس المختفيه ..
مشعل .. من جد مختفيه وين سوير اللي قبل .
بسام .. محد يفزع مع ريوف غيرها ..
الشباب .. هههههههههههههههههههه ..
اما ساره استحت ..
سلطان لف عليهم .. مين ساره ..
ساره اللي اول مره تشوفه عن قرب فهت عليه .
عزوز .. ساره اختي اللي زواجها الأسبوع الجاي على احمد ..
سلطان .. اهاا مبروك مقدما ..
ساره انتبهت على نفسها ونزلت عيونها وبحيا .. الله يبارك فيك ..
سلطان وهو يتفرج على الصور اللي صورهاشاف الصور اللي كان مصورهامشعل من قبل .. مشعل كم لك وانت تصور ..
مشعل .. امم اربع سنوات تقريبا ..
سلطان رفع عيونه له .. ولا مره فكرت انك تشارك بمسابقه تصوير عالميه ..
مشعل .. لا طبعا كيف راح اشارك وانا تصويري مره عادي ..
سلطان .. ومين قال .. انت تصويرك احترافي جدا اناابصم لك بالمليون انك لو شاركت مع مصورين عالمين راح تفوز ..
مشعل .. لا عاد مو لهذي الدرجه لا تجامل ..
سلطان .. وهذي موهبه ثانيه مدفونه.. انا ما قد جاملت حد بس بكيفك لو ما تبي تصدقني .. المهم انا جايب الاب حقي بالسياره ابي انزل الصور اللي صورتهم فيه ..
مشعل .. اوك مو مشكله معي كل شي ..
عزوز .. سلطان ما تلاحظ انك للحين ما قلت رايك بروسوماتي ..
سلطان ابتسم .. راح تعرف رايي فيهم بعدين ..
عزوز باستغراب .. ليه ..
سلطان .. كذا..
بسام .. غموضك احيانا يخوف يا سلطان ..
سلطان .. ههههههههههههههههههههه .. تذكر شي ولف على البنات .. الحين يابنات ابسالكم دفعتو الفلوس لاخوانكم ..
البنات اللي نسو السالفه انصدمو ..
البراء .. اي فلوس ترا حنا نسيناالموضوع يا سلطان ..
سلطان لف عليه .. بس الموضوع ما كان مزح عشان تنسونه .. البنات غلطو لازم يتعاقبون على غلطهم ..
ريوف .. بس ..
سلطان قاطعها .. ما ابي اي نقاش الكلام اللي قلته امس يتنفذ .. الا اذا كنتو فاكرين ان.. ونزل عيونه للارض .. الموت مزحه فهذا شي ثاني ..
البراء حس بضيقه سلطان .. ولف على البنات .. اللي قالكم عنه سلطان يتنفذ يلا ..
سلطان ابتسم رفع عيونه لهم .. كل وحده الحين تجيب بطاقه الصراف حقتها ..
ريوف .. لحظه فيه غش بالموضوع انا ادفع لاثنين ليه ..
سلطان .. والله قلت لك لانك انتي اللي مدبره المقلب ..
ريوف .. طيب لو ساره تدفع عن اخوها عادي ..
ساره لفت بصدمه عليها وهي مو فاهمه السالفه اصلا .. وش ادفع ..
سلطان ... والله اذا وافقت ما عندي مانع بس اهم شي اشوف بطاقاتكم كلها عندي الحين .. يلا بسرعه ..
رغد .. يعني مصر الحين .
سلطان .. ايه .. ولا تبون ازيد عقابكم ..
البنات اللي خافو .. لا ..
سلطان .. طيب الحين يلا كلكم تروحون تجيبون بطاقاتكم .. البنات طلعو من المرسم من غير ولا كلمه ..
بسام .. هههههههههههههههه .. مساكين رحمتهم ..
مشاري .. اول مره اشوف البنات يخافون ..
فيصل .. على ان سلطان اصغر منهم بس مدري كيف خافو منه ..
سلطان .. احم احم .. الهيبه الهيبه..
مشعل .. اقول استريح بس ..
البراء .. خلونا نطلع من هنا احسن ..
سلطان .. يلا ..
وطلعو الشباب ورجعو عند النافورا ..
سلطان قبل ما يجلس .. انا بروح اجيب الاب من السياره واجي .وراح اخذ شنطه الاب ورجع لهم وجلس .. فتح الاب وبدا ينزل الصور من الكاميرا ..
شوي جاو البنات لهم وكل وحده بطاقتها بيدها حتى ساره اللي رحمت ريوف وقررت انهاتدفع عن اخوها ..
سلطان انتبه لهم .. اوه حلو ما تخارتو يلا كل وحده تعطي بطاقتها اخوها .. وانتي يا ريوف عطيها بسام ..
وبعد ما اخذو الشباب البطاقات ..
سلطان .. والحين كل وحده ترسل الرقم السري لبطاقتها لاخوها .. بعد دقيقتين اذا ما شفت الرسايل وصلت لشباب ياويلكم .. يلا روحو ..
راحو البنات وهم مقهورين منسلطان بس ما يقدرون يتكلمون لان هم الغلطانين ..
الشباب .. ههههههههههههههههههههههههه ..
بسام .. خطيير خطير..
فيصل .. انت وينك عننا من زمان ..
سلطان .. هذا انا جيت ..المهم تعالو اوريكم صوري وانا بامريكا .. وتجمعو عليه الشباب وصار يفتح مجلد مجلد ويوريهم الصور اول مجلد فتحه كان صوره وهو صغير ..
مشاري .. ما اصدق هذا انت .. هذي واضح بنوته ..
سلطان .. مو قلت لكم من صغري وهم يفكروني بنت ..
عزوز .. عاد لما كنت صغير كان اكثر يبين عليك مو مثل الحين ..
سلطان .. خلاص عاد كبرنا .. وقفل هذا المجلد وفتح لهم مجلد ثاني وهو بالابتدائي والمتوسط .. وبعدها فتح مجلد الثانوي .. وعرض الصور ولما جات صور كان فيها سلطان مع حسام كان بيوخرها على طول بس فيصل قاله .. وقف وقف .. مو هذا ولد خالت مساعد ..
مشاري .. الا و الله هو .. ولف على سلطان .. يعني كلامه صحيح هو كان معك بامريكا ..
سلطان نزل عيونه ولا يدري وش يقول ما وده انه يشوه صوره حسام قدامهم ..
البراء للمره الثانيه حس فيه وانقذه .. يمكن شبه وحتى لو كان هو يمكن كانو مع بعض بالمدرسه وبس ..
سلطان ابتسم ورفع عيونه وغير الصوره وبين العدم موبالاه .. ايه صح كان معي بنفس المدرسه يعني ززملاء وبس ما تربطني فيه اي علاقه .. المهم شفو هذا حفل تخرجي .... وبعد ما خلص وقفل البوم الصور .. ها وش رايكم ..
مشعل .. بسم الله عليك مزيون ..
سلطان .. ههههههههههههههههههه .. ليه انا قايل لك اخطبني عشان تقول مزيون .. اقول يعني وش رايكم بطفولتي وكذا ..
مشاري .. بصراحه يا حظك ..
سلطان وهو يقفل اللابوبصوت حزين ما لاحظه الا البراء .. يمكن يا حظي ويمكن لا ..ورجعت نبره صوته العاديه .. المهم يلا خلونا ندخل الجو كانه برد ..
الشباب .. من جد ..
سلطان وقف .. انتو روحو وانا بودي الاب السياره والحقكم ..
الشباب ..اوك.. ومشو كلهم ما عدى البراء اللي قال انه راح ينتظر سلطان .. وراح ورا سلطان للمواقف ..
سلطان استغرب وجود البرائ .. بسم الله ليه لحقتني ترا ماراح اهرب ..
البراء ابتسم .. ادري بس ممكن سؤال..
سلطان وهو يفتح السياره .. ايه تفضل ..
البراء .. وش قصدك لما قلت .. يمكن يا حظي ويمكن لا .. وكمان انا لاحظت انه فيه مجلد كان مخفي ما فتحته ..
سلطان لف عليه باستغراب ..وكيف عرفت انه في ملف مخفي ..
البراء ابتسم .. يمكن ماتدري ان عندي خبره بالتقنيه واعرف كل شي فيها يعني هذا الشي البسيط ما يفوتني ..
سلطان ابتسم .. للاسف ما توقعت ان فيه حد منكم راح ينتبه لان لو ادري كان ما وريتكم الصور من الأساس ..
البراء .. اوف لهذي الدرجه المجللد المخفي مهم ..
سلطان يقفل السياره بعد ما حط اللاب .. جدا ..
البراء .. وهذا اكيد يتعلق باجابه السؤال الاول اللي سالتك صح ..
سلطان .. صح .. بس ماراح اقدر اتكلم الحين باي شي ..
البراء فهم عليه .. اوك اجل بعد ما تخلص العزيمه تاخذني معك نتمشى بالسياره وتقولي كل شي ..
سلطان .. راح اجي معك للبيت اذا مافيه مشكله .. او ليه ما نروح للاستراحه اريح لي ولك ..
البراء .. باين ان الموضوع كبير .. خلاص راح اخذ المفتاح من فيصل ونروح بعد ما نطلع ..
سلطان .. بسمابي حد يعرف من العيال ما ابيهم يزعلون ..
البراء .. ولا يهمك انا اعرف اتصرف .. بس تعال ندخل الحين قبل ما يقلبون علينا الشياب ..
سلطان .. هههههههههههههههههههههه .. من جد ..
ودخلو للمجلس ..
.................................................. ................







في مجلس الحريم ..
عند البنات بالتحديد ..
ريوف .. اوف يقهر سلطانوه ..
رغد .. من جد كان ودي ارد عليه بس المشكله ان حنا غلطانين ..
رهف .. ليه غلطانين حنا مسوين مقلب مثل ما الشباب يسون فينا مقالب يعني عادي ..
ريماس .. لا يا رهف بس مقلبنا جد كان خطير سمعتي سلطان ايش قال امس تخيل لو واحد فيهم صاير له شي بسبب مقلبنا ايش راح نسوي ..
رهف .. لا بسم الله عليهم ..
ديم .. شفتي ان حنا الغلطانين .. وبعدين احس ان سلطان معه حق باللي يسويه ..
ريوف .. وكيف ان شاء الله معه حق.. حتى لو كنا غلطانين ماله داعي يعاقبنا كذا ..
ديم .. تلاقينه يبي يحسسنا بالغلط بس بطريقته ..
ريماس .. صح كلام ديم يعني لو قال لنا ان هذا غلط من غير لا يحسسنا بمدى الغلط كان رجعنا سويناه من غير اي اهتمام ..
رغد .. من جد .. بس برضو حاقدده عليه ..
رهف .. ههههههههههههههههههه .. الله يعينه مادام رغد حقدت عليه ..
البنات .. ههههههههههههههههههههههههههههههههه ..
ساره جات لهم .. يلا بنات قومو العشى ..
......................................






بعد العشى ..
بمجلس الرجال ..
بسام يهمس لسلطان .. سلطان جا وقت المقلب ..
سلطان بنفس الهمس .. تصدق نسيته .. يلا خلنا نبدا ..
بسام .. يلا .. واشر لشباب وقامو كلهم وطلعو بعد ما استاذن سلطان من الشياب ..طلعو للحديقه ..
مشاري .. ها وقت المقلب ..
سلطان .. ايه .. الحين يلا واحد منكم يبدا باول خطوه ويخلي البنات يطلعون لبرا ..
مشعل .. اترك هالموضوع علي ..
بسام .. بس لحظه لازم نصور لهم العلبه عشان يتحمسون ..
سلطان .. من جد .. لحظه اجيبها من السياره ..
بسام .. بجي معك عشان اشيل العلبه الثانيه ..
وراحو لسياره سلطان واخذو منها علبتين كبار او بالأصح صحنين كبار ولهم غطى .. جابوهم وحطوهم على الطاوله اللي بجنب النافورا ..
مشعل .. اي وحده فيهم اللي اصورها ..
سلطان .. هذي .. وفتح اول صحن وكان مليان ورق عنب ..
مشاري .. اوف راح ينجلطون انا اللي ما احبه مره حسيت ودي اكله ..
سلطان .. هههههههههههههههه .. ماعليك راح ناكله بس ينتهي المقلب ..
بسام .. مشعل صور وانت تتكلم وارسله لهم ..
مشعل .. طيب وش اقول ..
سلطان .. قول هذي هديه من سلطان لكم لانكم نفذتو العقاب.. واذا تبونه تعالو كلكم خذوه هذا هو الشرط .. ..
مشعل .. اوك .. وصوره وارسله لاخته ..
...............................






عند البنات ..
رغد فتحت جوالها لما سمعت صوت رساله .. دخلت الواتس وشافت اخوها مرسل لها استغربت ولما شافت الفديو انجنت .. ولفت على البنات .. بنات شوفو ..
البنات تجمعو عليها ..
رغد شغلت الفيديو ..
ديم .. وااااااااااااه ورق عنب كانه يدري ان نفسي فيه ..
ريوف .. جا بوقته عاد حلاته بعد العشى ..
ريماس .. وش عنده حن علينا ولد العم ..
رغد .. شكله ما يبينا نكرهه ..
رهف .. ههههههههههههههههه .. يمكن .. اقول يلا خلونا نروح ..
رغد .. لحظه ارد عليه .. وارسلت لاخوها .. طيب ..
وقامو البنات لبسو عباياتهم وطلعو لللحديقه وراحو لعند النافوره وشافو الشباب هناك
..
..
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 30-01-2016, 03:07 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


طبعا الشباب اول ما قالهم مشعل ان اخته ردت عليه شالو الصحن الللي فيه ورق عنب وحطو الصحن الثاني اللي يشبه الصحن الأول بالضبط .. ولما شافو البنات متجهين لهم ابتسمو ..
سلطان .. عاد قلت اراضيكم اكيد كرهتوني بعد اللي سويته لكم وسالت وش اكثر شي يحبونه البنات وقالو لي ورق العنب عشان كذا جبته لكم ..
رغد .. عاد تصدق كنت حاقده عليك ..
سلطان .. اما .. بس انتي قلتي كنتي يعني الحين لا ..
رغد .. ايه مادام السالفه فيها ورق عنب اكيد لا ..
سلطان .. ايه زين.. طيب حنا راح نخليكم الحين ونروح بس بشرط تاكلون هنا لا تدخلونه داخل يعني عشان الحريم ما يسون لي مشكله ليه اجيب لكم وكذا .. اوك ..
البنات .. اوك ..
الشباب مشو وهم ماسكين ضحكتهم على اشكال البنات المتحمسات .. واتجهو لجهه المواقف عشان يقدرون يشوفون البنات بس البنات ما يشوفوونهم ..
اما البنات اول ما شافو الشباب راحو على طول تجمعو على الصحن ..
ديم . انا راح افتحه ..
ريوف .. يلا بسرعه افتحيه خلينا نصور اول ..
ديم حطت يدها على مسكه الغطى واول ما فتحتها طارو الصراصير بوجهها ..
والبنات اول ما شافو الصراصير صارو يصرخون .. اااااااااااااااااااااااااااااااااااااااااااااااااا اا.. وعلى طول ركضو لداخل ..
اما ديم وقفت مصدومه وبنفس الوقت خايفه ورجولها مو راضيه تتحرك .. العلبه كانت مليانه صراصير صغيره وتطير .. وما حست بنفصسها الا تطيح على الأرض ..
..
..
الشباب كانو يراقبون البنات وانفجرو ضحك لما شافو البنات يهربون وهم يصارخون بس ما انتبهو لديم اللي طاحت على الارض ما عدى سلطان .. اول ما شافها طاحت على طول راح لها وهو خايف وماكان يدري مين هي .. قرب لها .. فيك شي ..
ديم واللي كانت محتاجه حد يساعدها اول ما شافت سلطان من غير شعور مدت يدها له .. تكفى شيلني مو قادره اوقف ..
سلطان بسرعه مسك يدها ورفعها .. يلا امشي ..
ديم وهي ترتجف .. مو قادره ..
سلطان كان يناظر حوله يبي ينادي حد من الشباب بس ماشاف حد عند المواقف .. .. رجع لف على ديم وبتردد شالها بين يدينه واخذها لكراسي كانت بعيده عن النافوره تقريبا كانها ورا الفله .. حطها علىالكرسي عشان ترتاح ..
ديم ما كانت حاسه بشي هي بس كانت ترتجف ولا هي قادره تشيل منظر الصراصير وهم يطيرون بوجهها من بألأها ..
سلطان يجلس بجنبها .. هدي خلاص بعدنا عنهم ..
ديم صارت تناظر حولها وكانها توها تستوعب .. ولفت على سلطان .. خلاص راحو..
سلطان توه يعرف انها ديم ابتسم على نبرتها الطفوليه الخايفه .. ايه خلاص راحو تططمني ..
ديم اخذت نفس وتذكرت اللي صار من شوي واستحت ونزلت عيونها .. وبهمس .. شكرا ..
سلطان بعد نظره عنها عشان ما يحرجها اكثر .. العفو ما سويت شي وبعدين لو ادري انك خوافه لهذي الدرجه كان ما سويت هالمقلب ..
ديم لفت عليه .. انت اللي مسوي المقلب ..
سلطان وهو يحك شعره .. اممم ايه ..
ديم رجعت نزلت عيونها .. حرام عليك انا عندي فوبيا من الصراصير ..
سلطان .. بس هذول لعبه مو جد ..
ديم رجعت لفت عليه .. صدق ..
سلطان .. ايه بالله من وين راح اجيب كل هالكميه .. بس شوفي ياويلك تقولين للبنات شي انا قلت لك بس عشان ترتاحين لان عندك فوبيا منهم ..
ديم ابتسمت من تحت اللثمه .. طيب ماراح اقول .. بس بجد حرام عليك اتوقع لو ما جيت انقذتني يمكن اموت ..
سلطان بسرعه . بسم الله عليك لا تقولين كذا .. وبعدين قلت لك هم لعبه مو حقيقيين .. تبين تتاكدين بنفسك ..
ديم .. لا لا خلاص مصدقتك ..
سلطان ضحك على شكلها الخايف .. ههههههههههههههههههه .. طيب الحين تحسين نفسك صرتي احسن ؟؟..
ديم .. ايه الحمد الله .. ومشكور مره ثانيه ..
سلطان .. ما سويت شي .. والحين يلا ادخلي من الباب الخلفي اكيد فيه صح ..
ديم وهي توقف .. اكيد باب المطبخ ..
سلطان وقف معها .. راح اوصلك لين هناك عشان اتطمن انك بخير ..
ديم بحيا .. لا ماله داعي ..
سلطان .. يلا امشي قدامي ولا كلمه ..
ديم .. بس ..
سلطان .. ولا كلمه يلا اشوف ..
ديم ابتسمت .. ومشت قدامه وهو وراها ..
وصلو لباب المطبخ وكان مفتوح والمطبخ مافيه الا الخدم ..
سلطان ينادي وحده من الخدم .. اكسيوزمي ..
الخدامه جات .. يس ..
وكل هذا تحت استغراب ديم ..
سلطان ابتسم .. اهتمي بها ..
ديم لفت عليه .. ليه ماله داعي اعرف اوصل لداخل لحالي ..
سلطان .. انا السبب في اللي صار لك ولازم اتطمن عليك ..
ديم استحت ونزلت عيونها .. بس بجد ماله داعي انا بخير تطمن ..
سلطان .. مالك دخل .. ولف على الخدامه .. مثل ما قلت لك اهتمي بها ..
الخدامه ابتسمت وهزت راسها بالموافقه ..ومسكت يد ديم .. يلمس ديم ..
ديم ابتسمت ولفت على سلطان .. شك...
سلطان قاطعها .. كم مره تقولين شكرا باليوم انتي .. وابتسم انتبهي لنفسك .. سلام ..
ديم .. طيب .. باي .. ودخلت ديم مع الخدامه ..
اما سلطان مشى بحذر عشان ما يضيع ورجع لعند المواقف وشاف الشباب متجمعين عند سياره بسام . راح لهم .. وينكم انتو .. وين اختفيتو ..
مشاري .. انت اللي وين رحت اتصلنا عليك وشفنا جوالك على السياره ..وبالمجلس ما شفناك ..
سلطان .. هاه .. توهق ما يبي يقولهم اللي صار مع ديم .. امم ايه رحت لجدتي اتصلت علي .. تصدقون بالبدايه فكرت ان البنات مشتكين علي عندها ..
مشعل .. اما عاد ..
عزوز .. لا ما يسوونها ..
سلطان .. لا تطمنو ما سوها كانت تبي تطمن علي .. المهم وش رايكم بالمقلب ..
البراء .. خطيير ..
بسام .. كل شي بجهه وصراخ البنات بجهه .. ههههههههههههههه ..
الشباب .. ههههههههههههههههههههههههههه ..
مشاري .. ههههههههه .. من جد .. للاسف ما شفت ديم ايش سوت عاد هي اكثر وحده تخاف منهم ..
سلطان ابتسم وسكت ..
عزوز .. انا ابصم بالعشره انهم الحين كلهم بالدور على الحمام .. ههههههههههههههههههههه ..
الشباب .. ههههههههههههههههههههههههههه ..
سلطان .. اقول شباب خلونا ندخل وناخذ الصحن معنا للرجال ..
مشاري .. ونصور بالسناب بعد عشان نقهر البنات اكثر ..
بسام تحمس .. من جد حماس .. يلا يلا ..
سلطان بنفسه .. الحمدالله محد لاحظ .. يلا مشينا .. واخذو الصحن الثاني من سياره سلطان ودخلو لعند الرجال . واول ما دخلو ابو عزوز قاله يروح يجيب الشاي ..
طلع عزوز من المجلس وراح للمطبخ من الباب الخلفي ..دخل وكان المطبخ مافيه الا الخدم طلب من وحده منهم تصلح الشاي وهو جلس ينتظر وشاف صنيه حلى على الطاوله وكان مقطع ومرتب بشكل حلو .. فتحه واخذ قطعه واكلها .. اممم لذيذ .. وتوه بيمد يده وياخذ قطعه ثانيه سمع صوت بنت تنادي الخدامه .. قام بسرعه ووقف برا ينتظر ..
ريماس وهي تدخل للمطبخ .. اموريا اموريا ..
الخدامه اموريا .. يس مس ريماس ..
ريماس .. وين الحلا اللي جبته من البيت لي ساعه اناديكم ولا وحده تسمع ..
الخدامه .. هذا هو واشرت على الطاوله ..
ريماس قربت من الطاوله وشهقت .. مين اكل منه مو انا قايله لحد يلمسه ..
الخدامه توها بتتكلم بس سبقها صوته ..
عزوز من ورا الباب .. السموحه يا بنت العم مادريت انه لك بصراحه ما قدرت اقاوم شكله واخذت قطعه ..
ريماس عرفت صوته .. اوه عزوز .. من متى وانت هنا..
عزوز .. كنت انتظر الشاي ..
ريماس .. اها .. وترا عادي بس فكرت ان وحده من الخدم اكلت منه .. واذا تبي قطعه ثاني خذ ..
عزوز.. بصراحه عجبني ولو تعطيني كله ما اقول لا ..
ريماس ابتسمت .. بالعافيه .. الحين احط لك كم قطعه بصحن انتظر ..
عزوز .. طيب .. سكت شوي وقال .. امم كيف المقلب ..
ريماس تذكرت وحقدت عليه . وجع والله حرام عليكم ما لقيتو الا هذا الكاءن ..
عزوز .. ههههههههههههه .. هذي فكر سلطان ..
ريماس .. اما سلطان .. والله وطلع يمقلب . خربتوه ..
عزوز .. لا هو جاي خربان هههههههههههههههههه ..
ريماس وهي تعطي الخدامه الصحن عشان تعطيه عزوز.. لا ويقول انا ما ابيكم تكرهوني ..
عزوز وهو ياخذ الصحن من الخدامه .. ههههههههههههههههه .. شفتي كيف ..
ريماس .. مالت عليه ..
جات الخدامه الثانيه تعطي عزوز الشاي ..
عزوز يكلم الخدامه .. خذي الصحن وخبيه بالثلاجه لحد ياكله برجع اخذه بعدين ..
ريماس سمعته .. ماعليك انا راح اخبيه ..
عزوز .. طيب .. يلا بايو ..ورجع للمجلس ..
اما ريماس اخذت صنيه الحلا وطلعت للبنات .. بنات اسمعو هالخبر ..
البنات اللي كانو متجمعين بالصاله الداخليه لحالهم ..
ريوف .. وش بعد ..
ريماس وهي تجلس .. تتوقعون مين صاحب المقلب ..
البنات بصوت واحد ماعدا ديم .. بسام اكيد ..
ريماس .. لا .. سلطان هو اللي مدبر المقلب كله ..
ديم كانت ساكته من لما جات ولا قالت لهم ان سلطان اللي مدبر المقلب ولا حتى قالت لهم اللي صار لها ولما سالوها عن تاخرها قالت انها كانت بالحمام ** الله يكرمكم **..
ريوف .. احلفي ..
ريماس .. ايه والله تو قابلت عزوز بالمطبخ وقال لي ..
رهف .. ما توقعت ان هالوسيم يطلع منه كذا ..
رغد .. لا وهو ووجهه يقول انا ما ابيكم تكرهوني .. انا اوريه ..
ريوف .. مو بس انتي كلنا لازم نوريه .. والحين لازم نفكر بمقلب جبار مو اي كلام ..
ديم كان ودها تقول حرام هو طيب بس كذا راح تفضح نفسها ف سكتت ..
.......................






وعلى الساعه 12 كل العوايل تحركو لبيوتهم ..
الشباب كل واحد ركب سيارته ومشى ..
والبراء وسلطان اتفقو انهم يتقابلون عند الأستراحه بعد ما استاذنو من اهلهم من غيرما يعطون الشباب خبر ..
..................................






عند الأستراحه .. وصلو البراء وسلطان ودخلو للمجلس ..
البراء ابتسم .. توقعت انك خلاص ما راح تتكلم بعد المقلب توقعت انك نسيت ..
سلطان وهو يجلس .. صح اني ضحكت وفليتها وتناسيت الموضوع بس مادمي قلت لك اني راح اقولك ليه ااجل مادامي بالنهايه بقولك ..
البراء جلس بجنبه .. طيب .. وانا اسمعك ..
سلطان كالعاده انسدح وحط راسه على رجول البراء .. اجل تسالني ليه قلت يمكن ياحظي ويمكن لا ..
البراء اللي رجع له الأحساس الغريب من لما حط سلطان راسه على رجوله بس ابتسم لانه حاب هذا الأحساس كثير ودايم وده سلطان يكون بقربه عشان يحس هذا الأحساس الحلو اللي ما يدري ايش معناه .. ايه ..
سلطان .. يمكن انتو ما تلاحظون الفقدان اللي احسه .. كلكم عندكم اباء وامهاهات معدى انا .. جد ان جدي وجدتي ما قصرو وحاولو قد ما يقدرون انهم ما يحسسوني بالحرمان ونجحو بس مو كثير .. لان مهما حسسوني بالحنان والحب والأمان يبقى فيه شي ناقص لا يمكن يعوض .. مستحيل حد يعوض حنان الأم وحب الأب حتى لو كانو جدي وجدتي .. بس طبعا مستحيل اقول كذا لهم كنت اخبيه في داخلي واحسسهم ان مو ناقصني شي بوجودهم معي .. عشان كذا انا اقول يمكن يكون مو حظي ..
البراء بدا يلعب بشعر سلطان ..كلامك صح حنا ما حسينا ابد بهذا الشي .. وهذا لانك انت ما تبين لنا .. وياسلطان انا قلت لك من قبل حنا اهلك ولا تعتبر ابائنا الا ابائك وامهاتنا امهاتك . . صحيح ان هذا الشي ما يعوض بس انت احسن من ناس كثير يا سلطان .. انت بنعمه احمد ربك عليها .. فيه غيرك ما يعرفون مين يكنون اهلهم ولا عمرهم لقو حب ولا حنان .. اما انت بالعكس ..
سلطان ابتسم .. صح كلامك .. الحمد الله على كل حال ..
البراء ابتسم .. طيب وبخصوص المجلد المخفي .. هاه ليكون عندك خرابيط هنا ولا هنا وماتبينا نعرف ..
سلطان .. ههههههههههههههههه .. لا والله لا يروح فكرك بعيد .. ونزل عيونه وتغيرت نبره صوته .. هذا المجلد فيه صور امي وابوي جدي عطاني اياهم وانا حفظتهم بالمجلد وكل ما اشتقت لهم فتحته وجلست اناظرهم واحيانا اتكلم لهم واقولهم كل اللي يصير معي ..
البراء .. طيب ليه مخفيه ومقفله ..
سلطان .. اممم مره كنت فاتح صورهم واتكلم معهم وابكي ودخل علي جدي وخاف كثير لما شافني ابكي لانه يعرف اني ما ابكي على اي شي .. ولما شاف صور امي وابوي قالي اذا شوفتهم راح تضايقك وتبكيك الحين تحذف الصور وكل ما اشتقت لهم تجي عندي واوريك صورهم .. انا وافقت عشان جدي ما يخاف علي قلت له ابشر وحذفت الصور قدامه .. وبعد ما طلع رجعتهم وخفيت الملف عشان ما يشوفهم وصرت احاول اني ما ابكي او اني اقفل الغرفه لما ابي اتكلم معهم .. وفي هالحظه نزلت دمعه يتيمه على خد سلطان ..
البراء اللي كان متاثر انتبه لدمعه سلطان ولا ارادي رفع يده ومسح دمعته ..
سلطان رفع عيونه والتقت بعيون البراء ..
البراء يحس قلبه صار يدق بقوه بمجرد ما التقت عيونهم ..بعد عيونه عن سلطان .. اممم لا تبكي ما احب اشوف حد يبكي قدامي ..
سلطان ابتسم وضبط جلسته ..البراء ..
البراء لف عليه ..
سلطان .. شكرا ..
البراء ابتسم .. وانت مصر تشكرني في كل مره اسمعك فيها ..
سلطان .. وانت مصر انك تعيد هالكلام في كل مره ..
ضحكو اثنينهم ..
البراء .. مرتاح ..
سلطان .. كثير .. بس فيني نوم ..
البراء . اجل يلا خلنا نروح ..
سلطان .. ما اتوقع فيني اسوق الا اذا راح توصلني ..
البراء وقف .. يلا راح اوصلك وش نسوي بلشت فيك ..
سلطان وقف معه .. غصب عنك محد قالك صير صديقي ..
البراء .. ههههههههههههههه .. امشي بس ..
وطلعو لبرا وركبو بسياره البراء .. وطلعو من الأستراحه ..
سلطان .. مريحه سيارتك تجيب النوم ..
البراء .. طيب نام على مانوصل الطريق شوي طويل ..
سلطان .. لا ماراح انام بحاول اصمل ..
البراء .. طيب بكيفك .. ومد يده وشغل الراديو وطلعت اغنيه اكسوجيني ..
..
..
كتمه كتمه يا سنيني .. كتمه كتمه شي فيني
انتو هاتو لي حبيبي بسرعه يرجع اوكسوجيني
انا اتنفس هواك .. قلبي متعلق معاك
من بغيت احس فجأه كاني فاقد نور عيني
لحظه لحظه وينه حبي .. لحظه لحظه وينه قلبي
مابي كل الخلايق روحو قولوله يجيني
انا ما اعشق بداله .. ساكن في قلبي لحاله
انا عاجبني جماله والغلى بينه وبيني
روحو روحو بس عنده .. وهو يدري كم اوده
روحو قلوله واحشني وانا دمعي وسط عيني
ساعه بقربه تكفي لا لمس كفه بكفي
كل نار الشوق تطفي بسرعه يرجع اوكسجيني
..
..
سلطان وهو يسمع الأغنيه لف على البراء وشافه مبتسم.. وابتسم ورجع يناظر قدام ولما خلصت الأغنيه .. تحب ..
البراء اللي كان مندمج مع الأغنيه صدمه سؤال سلطان ولف عليه .. ايش .. ورجع يناظ الطريق .. ايش تقول ..
سلطان وهو للحين مبتسم .. اقول تحب ..
البراء.. هههههههههههه .. لا .. بس ليه تسال ..
سلطان .. جد مع ان يبين عليك العكس ..
البراؤ بعد ما وقفو عند اشاره لف عليه . اما يبين علي .. لا بجد ما احب .. بس كيف باين علي ..
سلطان .. وانت كنت تسمع الأغنيه كنت مبتسم وكانك كنت تفكر بشخص .. وان جد الشخص هذا لو بعد عنك تحس بكتمه ..
البراء لف يناظر قدام بعد ما فتحت الأشاره وهو يفكر بكلام سلطان وبنفسه .. وانا اسمع الأغنيه كل تفكيري كان بسلطان واني ابيه يكون مبسوط .. بس ايش دخل الحب ..
سلطان .. ليه سكتت ..
البراؤء ابتسم .. ولا شي بس جالس اتذكر انا وش كنت افكر فيه ..
سلطان .. ايه ووش طلع معك ..
البراء بعد ما دخل لقصر ابو محمد ..لف على سلطان .. كنت افكر فيك بصراحه وكنت افكر كيف اخليك مبسوط ولا تتضايق ..
سلطان .. يووه البراء احرجتني ترا مدري ايش اقول .. وبعدين يكفي انك تسمعني وهذا اكثر شي يخليني سعيد ..
البراء .. دوم يارب تكون سعيد وانا مثل ما قلت لك في اي وقت راح اسمعك وعلى فكر ترا كله انا اللي اجيك لما احسك متضايق اما انت ما تتكلم ..
سلطان .. تعودت اني ما اتكلم ..
البراء .. لا معي تكلم ..
سلطان وهو يفتح الباب .. ابشر راح احاول .. وشكرا على التوصيله .
البراء .. العفو ..
سلطان وهو ينزل .. بكرا راح تمرني اوك ..
البراء .. اكيد ..
سلطان .. يلا باي ..
البراء .. سلام ..
دخل سلطان للفله بعد ما ودع البراء بيده ..
اما البراء بعد ما شاف سلطان يدخل طلع من القصر واتجه لبيته وهو مبسوط ومايدري ليه ..
...........................................







اليوم الثاني ..
كانو الشباب متفقين انهم يتعشون برا اليوم بس كنسلو الطلعه لان اليوم فيه عزيمه ببيت العم سعد اللي هو ابو مشاري وديم ..
الساعه 7 المساء ..
في قصر ابو محمد ..
سلطان كان ينزل من الدرج والجوال على اذنه يكلم البراء .. وش فيك انت مستعجل قلت لك هذا انا بطلع ..
البراء .. مو قبل نص ساعه متصل عليك وقلت لك تجهز هذا انا جايك .. ليه تاخرت ..
سلطان وهو يطلع للحديقه .. ياخي احترت وش البس عشان كذا طولت .. وانتبه بسياره البراء تدخل للحديقه .. يا نصاب توك داخل وتقول لك ساعه واقف برا ..
البراء .. ههههههههههههههههههههه .. عشان تستعجل .. يلا شفتك تعال ..
سلطان .. يلا باي .. قفل واتجه لسياره البراء .. فتح الباب وركب .. السلام ..
البراء .. وعليكم السلام .. وصار يناظر لبسه .. هذا اللبس اللي جلست ساعه عشان تختاره ..
سلطان وهو يناظر لبسه اللي كان عباره عن بنطلون جينز وقميص ابيض ومشمر الاكمام الى نص الذراع مع ساعته السوده اللي ما يستغنى عنها ولابس جزمات بيض .. ورفع عيونه للبراء.. ايه ليه مو حلو ..
البراء ابتسم ولف لقدام وحرك السياره وهو يقول .. الا حلو بس انا مستغرب ليه اخذت كل هذا الوقت وانت تختار ملابسك حسستني انك بنت ..
سلطان .. وليه بس البنات اللي يتاخرون في اختيار ملابسهم .. وبعدين مدري من صغري وانا كذا احب اطلع بافضل شكل وكذا ..فعشان كذا احتار كل يوم وش البس ..
البراء .. طيب حتى انا احب اطلع بافضل شكل بس ما اخذ كل هذا الوقت وانا اختار ملابسي ..
سلطان يناظر لبس البراء اللي كان عباره عن بنطلون اسود مع تيشيرت اصفر عليه كتابات بالأسود وعليه جاكت خفيف اسود .. اممم صح حتى انت لبسك حلو بس مدري ليه انا اخذ وقت ..
البراء .. حاول تتعود انك ما تاخذ وقت كثير .. واوايه صح تبيني اوديك للاستراحه تاخذ سيارتك ولا لبيت عمي سعد على طول ..
سلطان .. لا الأستراحه بعيده خلنا لما نطلع من بيت عمي سعد نروح ناخذها ..
البراء .. طيب ..
سلطان لف عليه .. الا ابسالك وش سبب العزيمه اليوم ..
البراء.. الله يسلمك هذي عاده من عوايد عايلتنا ان قبل اسبوع من زواج اي حد يوم نتججمع ببيت العروس واليوم الثاني ببيت العريس ولا تسالني وش الحكمه لاني مدري ..
سلطان .. لا تخاف مراح اسالك لاني عارف انك ما تدري بعد اللي شفته امس خلاص ..
البراء .. ههههههههههههههههههههه .. شكلك تعقدت من جداننا ..
سلطان .. مررره ما عمري شفت تسلط بهذي الدرجه ..
البراء وهو يوقف السياره بمواقف فله العم سعد .. ههههههههههههههههههه لسا ما شفت شي بعد .. يلا انزل بس ..
ونزلو سلطان والبراء من السياره وتلاقو بالشباب اللي كانو واقفين برا .. السلام ..
الشباب .. وعليكم السلام ..
البراء.. وش عندكم واقفين برا ليكون مطرودين ..
مشاري .. لا وش مطرودين بس قلنا ننتظركم ..
سلطان .. اوه لهذي الدرجه انا مهم عشان تنتظروني ..
بسام .. مو كانك ماخذ بنفسك مقلب كثير يابو ..
سلطان بغرور مصطنع ... يحق لي اشوف نفسي مادامي سلطان بن محمد ..
عزوز .. الحين وش فيه الأخ ..
مشعل .. مدري حد يعرفه يا شباب ليكون مضيع ..
الشباب ماعدى سلطان .. ههههههههههههههههههههههههههههههههههههههههه ..
سلطان عفس وجهه .. مالت كنت امزح معكم ..
الششباب لسا يضحكون وهذي المره على شكل سلطان المقهور .. هههههههههههههههههههههههه..
سلطان بقهر اكبر .. وجججع خلاص عاد اسكتو .. ولما شافهم مستمرين بالضحك .. طيب انا بروح .. وعطاهم ظهره .. ولما شاف محد ناداه كمل مشيه للمجلس وهو مقهور منهم ..
البراء بعد ما وقف ضحك .. شباب شباب شكله زعل ..
بسام .. وليه يزعل ما قلنا شي كنا نمزح معه ..
مشاري .. عاد لو جد زعل بيكون ما عنده سالفه ..
فيصل .. خلونا ندخل نشوف وش فيه ..
عزوز .. يلا ..
ودخلو الشباب كلهم للمجلس وانتبهو بسلطان جالس بجنب جده ابو محمد .. ولا ناظرهم ..كملو طريقهم وراحو جلسو بوحده من الزوايه .. ماعدى البراء اللي صار يسلم على الكل ..
البراء .. كان يسلم على الرجال ولما وصل للجد ابو محمد وسلم عليه لف على سلطان وهمس له تعال بجنبنا .. ومشى يكمل سلام ..
سلطان اللي كان جالس ما اهتم وعمل حاله ما سمعه ..
البراء بعد ما خلص ورجع لشباب ..
بسام .. من جده ذا زعلان ..
البراء .. ما اتوقع ..
مشعل .. اجل ليه ما يناظرنا حتى ..
البراء .. مع اني قلت له يجي بجنبنا بس مدري وش فيه ..
فيصل.. ليكون هو من النوم اللي يزعل بسرعه ..
مشاري .. لا ما اتوقع هو اكبر من ككذا ..
عزوز .. اجل وش فيه ..
مشعل اسكتو اسكتو عمي ابو محمد يكلمه ..
ابو محمد .. الا وش فيك ياسلطان مو جالس بجنب الشباب ليكون متهاوشين ..
الجد سعود .. يا سلطان لو اي واحد منهم مزعلك قول لي وانا اوريك وش اسوي فيه ..
الجد خالد .. ايه كل شي الا ولد الغالي ..
سلطان ابتسم وبنفسه .. اللي ابيه صار والحين اقدر ابدا .. ولف على الشياب .. انا راح اتكلم بصراحه مادام الكل موجود .. بس اتمنى محد يزعل ..
ابو محمد ..قول يا سلطان وانا اوعدك ان محد فينا يزعل ..
مشعل بهمس .. وش فيه ذا الحين ليه قلب جدي فجأه ..
عزوز بنفس الهمس .. ليكون بيشتكي علينا عند الشياب ..
فيصل بنفس الهمس .. الله يستر اسكتو خلونا نسمع ..
سلطان .. بصراحه انا مو عاجبتني العيشه هنا حتى الشباب مو عاجبيني احس ما عندهم شخصيه ولا حتى يقدرون يقررون بانفسهم وهذا الشي انا ابد ما تعودت عليه بحياتي ..على كثر ما كنت متحمس اني ارجع للسعوديه على كثر ما ندمت الحين بعد الأشياء اللي شفته .. الشباب جالسين يشوفوني اني غير عنهم لاني انا متربي غير تربيتهم وهذا الشي انا ما ابيه .. ولف على جده .. يبه انا ابي ارجع لامريكا ..
الجد سعود ..انت وش جالس تقول يا ولدي ليه عيشتنا مو عاجبتك ليكون الشباب ضايقوك بشي عشان كذا حسيت انك غير عنهم ..
سلطان .. لا يا عمي سعود الشباب ابد ما سوو لي شي بالعكس هم يحبوني كثير بس انا ما قدرت اتاقلم معهم ..
الجد خالد .. وليه ..
سلطان .. بصراحه يا عمي انتو السبب .. وسكت لما انتبه لوجيه الكل تغيرت ولف على جده وشافه يناظره من غير اي تعابير .. اخذ نفس وكمل .. انا اسف بس جدي علمي اني اقول الصراحه ولا اجامل او اخبي .. تربيتكم لهم هي اللي خلتني اصير غير عنهم .. تسلطكم وسيطرتكم عليهم هي اللي خلتهم بدون شخصيه .. يمكن هذا يكون كلام كبار وانتو تشوفوني اصغر من اني اتكلم معكم بهذا الموضوع بس انا ما تكلمت الا من شي شفته وجربته .. وصدقوني الشباب ماراح يقدرون يستمرون بحياتهم من بعدكم بعد طوله العمر طبعا .. لانكم عودتوهم على انكم تاخذون كل قرراتهم الدراسه والجامعه وحتى الزواج والوظيفه كمان يعني كل شي انتو اللي تختارونه لهم كيف راح يقدرون يعتمدون على انفسهم من بعد ما يصير عندهم بيت وعيال كيف ..
الكل كانو ساكتين ومصدومين من كلام سلطان وكيف انه تجرئ وقال هذا الكلام ..
ابو محمد كان ساكت ويسمع من غير اي تعابير بوججه ..
الجد خالد لف على الجد عبدالعزيز ابو محمد .. اشوفك ساكت يا عبدالعزيز ..
الجد سعود .. شكلك ما علمت حفيدك كيف يتكلم مع الكبار ..
سلطان لف يناظر جده اللي كان يناظر الأرض وساكت .. ورجع يناظر الجد سعود والجد خالد .. جدي موافقني على كلامي لانه لو كان رافض كان منعني اني اكمل .. وبعدين يا عمي سعود اتوقع انك عارف تربيه جدي وعارف انه مستحيل يربي حفيده على شي غلط .. وانا ما غلطت عليكم او عليت صوتي عليكم انا كل اللي سويته اني قلت اللي حاس فيه وانتو سالتوني وانا جاوبتكم وبس .. بس اذا كنتو ما تتقبلون الحقيقه مو غلطتي .. وانا اسف .. ووقف ..عن اذنكم ..
ابو محمد وقف .. لحظه يا سلطان .. ولف على اخوانه .. ما اتوقع انه فيه كلام ازيده على كلام ولدي سلطان والتقليل من شان سلطان يعتر التقليل منشاني .. واذا تركتوه يطلع من هالمجلس انا بطلع وراه ..
سلطان انصدم من كلام جده هو كان في باله شي ويبي يوصل له بس ما توقع ان الأمور راح توصل لهذي الدرجه .. بس يبه ...
الجد ابو محمد قاطعه .. انت ما غلطت يا سلطان عشان يكلمونك كذا ..انت كل اللي تبيه هو مصلحه عيالهم بس هم شكلهم مو فاهمين هالشي ..
الجد سعود وقف .. استهدي بالله يا عبدالعزيز وحنا ابد ما صغرنا كلام سلطان بس حنا مو متعودين ان واحد في هالعمر يجي يكلمنا كذا ..
الجد خالد وقف معهم ... صح كلام سعود .. لا تزعل يا عبدالعزيز بس سلطان فجأنا ..
سلطان .. انا اسف لو غلطت بس كل هذا كا..
ابو محمد .. سلطان لا تعتذر انت ما سويت شي .. هم لازم يفهمون ان اللي جالسين يسووونه بعيالهم غلط انا امس كلمتهم بس ما شفت شي تغير ..يمكن هذي الطريقه اللي تنفع معهم ..
الجد سعود .. لهذي الدرجه حنا مدمرين عيالنا ..
ابو محمد .. واكثر يا سعود والنتايج راح تطلع بعدين او يمكن طلعت بس ما تبون تشوفونها ..
الجد خالد .. وكيف ..
ابو محمد .. ابي اعرف كم واحد من الشباب المتزوجين من اختاركم مرتاح ..
الجد سعود .. كلهم ..
ابو محمد .. طيب نسالهم ونشوف .. ولف على العيال امتزوجين .. كل واحد يقول بصراحه اذا هم مرتاح بزواجه او لا ..
كلهم سكتو خايفين يتكلمون ..
الجد خالد .. حتى لو كانت فيه شويه خلافات بين الزوجين مو معناه انهم مو مرتاحين بحياتهم ..
ابو محمد .. مادام محد فيه متكلم يعني هذا انهم كلهم مو مرتاحين بزواجهم بس خايفين يتكلمون .. هذا الشي اللي نتج من معاملتكم لهم وغصبهم على كل شي ولسا ما شفتو شي .. حتى هذول الصغار اللي لسا ما تزوجو راح تشوفون كيف تسلطكم عليهم بيدمرهم .. وانا بصراحه انصدمت من طريقتهكم معهم وبعد امس توقعت انه فيه شي راح يتغير بس للاسف.. وانا قررت ان بعد زواج احمد وساره راح نرجع لامريكا ..
سلطان انصدم اكثر من كلام جده هو ما يبي يرجع لامريكا وكل اللي سواه بس عشان يغيرون معاملتهم مع عيالهم ما توقع ان جده من جد راح يرجع لامريكا ..
الجد سعود .. يا ابو محمد استهدي بالله واجلس وخلنا نتفاهم بهدوء لا تخلي موضوع مثل كذا يفرق بينا ..
الجد سعود .. خلونا ندخل للمجلس الداخلي ونتفاهم لحالنا ..
ابو محمد .. اذا تبون تتفاهمون انا ما عندي ماعنع .. يلا ..
وقامو الجدان الثلاثه ودخلو للمجلس الداخلي لحالهم ..
اما سلطان من غير ما يتكلم طلع من المجلس ..
الشباب اول ما شافوه طلع طلعو وراه ..
اما بقيه الرجال جلسو يتكلمو بالموضوع ومدى جراءه سلطان ..
..
..
..
بالحديقه وبالتحديد عند المسبح اللي يكون على يمين الفله .. كان سلطان جالس على واحد من الكراسي الموجوده هناك ويناظظر المسبح ويفكر باللي صار من شوي ..
الشباب اللي كانو يدورون عليه شافوه عند المسبح وجاو لعنده وجلسو بجنبه ..
البراء .. سلطان ..
سلطان لف عليهم وتوه ينتبه بوجودهم لانه كان سرحان .. هلا ..
بسام .. سلطان انت راضي على اللي سويته ..
سلطان .. ليه انت تشوف ان اللي سويته شي غلط ..
فيصل .. يمكن بالنسبه لنا شي عادي بس بالنسبه للشياب اكبر غلط ..
عزوز .. وبعدين يا سلطان حنا ما اشتكينا لك جد حياتنا مو عاجبتني بس متحملين ليه تروح وتقول لهم ..
مشاري .. من جد الحين شوف وش القرارات اللي راح تطلع من بعد اللي قلته اكيد راح يشدون علينا اكثر ..
مشعل .. ويفكرون ان حنا اللي قلنا لك تتكلم .. وهذا الشي راح يضرنا مو ينفعنا ..
سلطان من اول كان متضايق من قرار جده والحين العيال بدل ما يواسونه ضايقوه زياده .. وقف وهو معصب .. اذا كنت ابي مصلحتكم تشوفوني غلطان .. بصراحه ما اقدر اقول الا اني ما الوم جداني على اللي يسونه فيكم لان الخوف مسيطر على قلوبكم .. وعطهم ظهره ومشى ..
البراء .. سلطان سلطان وقف ..
سلطان ولا يسمع حد وراح للمواقف ولما وصل تذكر ان سيارته مو موجوده .. رفع جواله بيتصل على واحد من السواقين الا يشوف البراء جاي له .. ومن غير ما يتكلم مسك يد سلطان وراح لسيارته وفتحها وركبه وراح هو ركب بالجهه الثانيه وحرك السياره وطلع من الفله .. وهو للحين ساكت ..
سلطان ما عارض ولا قال ولا كلمه رجع راسه لورا وغمض عيونه ..
البراء لما شاف حالته قرر انه يوديه للبيت عشان يريح ..
سلطان وهو على حالته قال بصوت هادي عكس القهر اللي بداخله .. خذني للمطار ..
البراء انصدم من طلب سلطان ووقف السياره على جنب ولف عليه .. ايش ..
سلطان وحس ان السياره وقفت بس ما غير وضعيته وعاد بنفس الهدوء .. خذني للمطار ..
البراء .. وليه .. سلطان لا تتهور ادري انك معصب ومقهور من اللي صار من شوي بس لا تسافر الموضوع للحين ما انتهى بين الشياب يمكن يطلعون بحل .
سلطان فتح عيونه ولف على البراء .. انا اشكر على كل اللي سويته لي وكل اللي راح تسويه بس انا ابي اسافر ولو سمحت لا تحاول تقنعني .. ممكن الحين تاخذني للمطار ..
البراء .. بس يا سلطان ..
سلطان .. راح توصلني ولا اخذ تا:سي ..
البراء .. لا لا راح اوصلك .. وحرك السياره وهو يفكر وش يسوي عشان سلطان ما يسافر ..
اما سلطان رجع لنفس وضعيته وسكت ..
البراء لف على سلطان وشافه رجع على نفس وضعيته .. رجع يناظر الطريق وهو بباله فكره ولما وقف عند اشاره طلع جواله وارسل لقروب الشباب ان سلطان رايح للمطار الحين تصرفو .. وبعد ما فتحت الاشاره حرك وحاول انه يروح للمطار من ابعد طريق عشن يضيع الوقت والشباب يقدرون يتصرفون ..
............................





في فله العم سع..
عند الشباب تحديدا ..
مشاري .. مجنون هذا ..ليه بيسافر الحين ..
مشعل .. لازم نتصرف البراء يقول انه مصر ..
عزوز .. ليه طيب كل هذا لاننا عتبناه ..
فيصل .. مو مهم ليه الحين المهم اننا نمنعه يسافر .
بسام .. لقيتها ليه ما نقول لعمي عبدالعزيز .
فيصل .. وانت تتوقع انك راح تقدر تدخل عليهم وهم يتكلمون ..
عزوز .. اجل مافي الا الحريم اقصد خالتي ام محمد اكيد هي تقدر تقنع سلطان انه ما يسافر ..
مشاري .. صح .. راح اكلم امي واقولها السالفه ..
..
..
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 30-01-2016, 03:10 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


عند الحريم انتشرت سالفه اللي صار بالمجلس وسالفه سفر سلطان ..
وام محمد اول ما عرفت وهي تتصل على سلطان بس ما يرد ..
بزاويه بالمجلس كانو البنات متجمعات ..
ريوف .. اما كل هذا يطلع من سلطان ..
رهف .. بصراحه صدمني ..
ريماس .. من جد ما توقعت يطلع منه شي . لا ويعارض الشياب مره وحده ..
رغد .. الله يستر من اجتماعهم ..
ديم .. الحين انتو فكرتو بكل شي ونسيتو سفر سلطان .. هو خلاص بيسافر ماراح يرجع مره ثانيه يعني ..
رهف .. جد هو ليه راح يسافر ..
ريماس .. اكيد يشوف نفسه غلطان عشان كذا راح يهرب ..
ديم بانفعال استغربوه البنات .. وليه انتو شايفين انه غلطان عشان يبي مصلحتنا يطلع غلطان .. ووقفت هذا جزاه اللي خايف على مصلحتنا .. ومشت عنهم وطلعت لغرفتها تحت استغراب البنات ..
رغد .. وش فيها عصبت ..
رهف وقفت .. بروح اشوفها ..
ريوف اتركيها ما تعرفين ديم يعني اذا عصبت ما تحب حد يكلمها .. بس يا بنات ترا كلامها جد بس حنا تعودنا نكون سلبييين ..
ريماس .. من جد ..
رغد .. شوفو خالتي ام محمد يا عمري عليها تكسر الخاطر تبكي ..
رهف .. ايه سلطان ما رد عليها .. الله يعينا ..
البنات .. امين ..
..
..
..
عند ديم بغرفتها .. اول ما دخلت وقفلت الباب رمت نفسها على السرير وهي تفكر بسلطان .. تفكر كيف تخليه ما يسافر .. ما تبيه يسافر بعد ما حست بالأمان بوجوده تبيه يكون معها وحوالينها دايم وماتدري ليه بس كل اللي تفكر فيه الحين كيف تخليه ما يسافر .. اخذت جوالها وقررت تتجرئ وتتصل عليه .. فتحت الأساماء وشافت اسمه اللي ما حذفته لما قال لها وماكانت تدري ليه بس الحين حمدت الله انها ما حذفته .. ضغطت على رقمه واتصلت حطت الجوال على اذنها وهي تنتظر الرد .. كان يرن ويرن ومع كل رنه قلبها يدق اكثر ..
............................................






عند سلطان بالسياره .. كان يشوف جواله يرن وكانت جدته بس مارد عليها عرف ان الخبر وصل لها وعارف انه لو رد راح تقنعه ويرجع بس هو ما يبي يرجع .. وبعد خمس مكالمات من جدته طفش وكان يبي يقفل الجوال بس شافه يرن بس هذي المره كان رقم غريب .. صار يناظر الرقم ويحس انه شايفه من قبل بس مو متذكر مين رقمه ..
البراء كل شوي يناظر سلطان ويشوفه وش يسوي ولما شاف جواله رن عرف ان الشباب تصرفو بس تحطم لما شاف سلطان ما رد .. ما حب يتكلم عشان سلطان ما يصر على راييه اكثر .. كان كل ما يرن الجوال يتامل ان سلطان يرد بس يخيب ظنه لما يشوف الجوال يسكت وسلطان ما يرد عليه .. ابتسم لما شاف سلطان يرفع الجوال ويحطه على اذنه ..
سلطان بعد تردد فيه شي من داخله خلاه يرد .. حط الجوال على اذنه .. بس ما تكلم ..
..
..
..
عند ديم فرحت لما سمعت الخط ينفتح .. انتظرت ثواني بس ما سمعت صوته .. قررت تستجمع شجاعتها وتتكلم .. سلطان اعرف انك تسمعني .. مو لازم تتكلم بس كل اللي ابيه انك تسمع وش راح اقول ..
سلطان عقد حواجبه لانه عرف مين المتصل عرفها من صوتها واستغرب ليه متصله .. بس ما قال شي ..
ديم .. يمكن تستغرب اتصالي وجرائتي بس صدقني لو انك مو مهم كان ما سويت كذا .. سلطان جدتك تحت تبكي وحالتها حاله تكفى عشانها لا تسافر .. انت اللي سويته صح لا تفكر انك غلطان هم الغلطانين وما عرفو كيف يتصرفون معك .. انا عرفت بكل اللي صار بالمجلس صدقني انت مو غلطان .. لا تخليهم يفكرون انك تهرب لما تسافر وبكذا تثبت لهم انك غلطان ويروح كل اللي سويته بالهوى .. تكفى يا سلطان ارجع حنا محتاجين حد مثلك بجرائتك عشان يخلصنا من التسلط اللي حنا فيه .. لا تروح وتخرب كل اللي سويته كمل وحنا معك انت صح يا سلطان ..
سلطان كان يسمع الكلام وكانه محتاج له وهذا الكلام اللي يعطيه القوه والثقه بالللي سواه .. ابتسم وهو يسمع الكلام .. ولما خلصت .. صدقيني كل كلمه قلتيها راح تنحفر ببالي ومستحيل انساه .. شكرا كنت محتاج هذا الكلام عشان يقويني .. انا راجع الحين ..
ديم انبسطت وفرحت من كل قلبها .. وحنا ننتظرك ..وقفلت وهي مبسوطه باللي سوته .. راحت للمرايا تضبط شكلها ونزلت لتحت وما قالت ولا شي وتنتظر اللي راح يصير الحين ..
...............................







عند سلطان لما قفل لف على البراء وهو مبتسم .. رجعني لبيت عمي سعد ..
البراء كان يراقب سلطان من لما رد على الجوال واستغرب من الكلام اللي قاله انبسط وبنفس الوقت يبي يعرف مين هذي اللي بكم كلمه قدرت تغير قراره .. ابتسم لما سمع سلطان يكلمه .. ابشر .. وغير اتجاه السياره ورجع ..
وبعد نص ساعه وصلو لفله العم سعد .. ودخلو للحديقه و اول ما نزلو من السياره شافو الشباب متجهين لهم ..
بسام .. كويس انك رجعت ..
فيصل .. انت مجنون كنت تبي تتركنا وتسافر ..
سلطان ابتسم لهم وهو مستغرب كيف كلهم عرفو بموضوع سفره الشباب وديم ووحتى جدته .. لف على البراء وشافه يناظره وهو مبتسم شك فيه وبعدها لف على الشباب .. لحظه بس .. ومشى للباب اللي يدخل على داخل الفله ودق الباب وفتحت له وحده من الخدم .. قولي لهم يتغطون ابي ادخل .. قولي لهم سلطان اوك ..
الخدامه هزت راسها وراحت للحريم وقالت لهم وهم تغطو ..رجعت الخدامه لسلطان وقالت له يدخل ..
سلطان دخل بعد ما نحنح .. احم احم ..
ام محمد اول ما شافته وقفت .. وليدي ..
سلطان راح لها وحضنها.. يمه ليه تبكين هذا انا عندك ..
ام محمد .. ليه يمه كنت بتسافر وتتركني .. وليه ما ترد على اتصلاتي ..
سلطان بعد عنها .. بصراحه ما كنت اعرف اني غالي عندك لهذي الدرجه بس كنت ابي اعرف غلاتي .. وهذا انا جيت .. تطمني راح اكون معك ..
ديم كانت تراقب الموقف من بعيد وهي مبتسمه من تحت اللثمه ومن داخلها فرحانه ان سلطان راح يكون حولها وما يبعد عنها ..
سلطان بعد ما طمن جدته طلع لبرا .. وارسل لديم شكرا .. ومشى لشباب ..
بسام .. اكيد جدتك اقنعتك انك ترجع ..
سلطان .. لحظه ولف على البراء .. الحين انت متى امداك توصل لهم الخبر اني مسافر ما انتبهت لك ..
البراء ابتسم .. سر .. المهم انك اقتنعت ورجعت .. بس فيه سؤال محيرني مين اللي اتصلت عليك خلتك تقتنع وترجع .. انا متاكد انها مو جدتك لاني شفت جوالك كان رقم بس ..
سلطان ابتسم .. انسانه الواضح انها تغليني اكثر منكم وفاهمتني عشان كذا قدرت انها تقنعني ..
الشباب .. ياهوووووووووووووووووووووووووووووو ..
مشاري .. بالله مين هذي نعرفها ..
سلطان وبكل ثقه .. طبعا لا .. بس مدري كيف وصل لها خبر سفرتي . ياعمري اكيد تحس فيني ..
فيصل .. سلطانوه لا يكون تحب وحنا ما ندري ..
سلطان لف عليه .. واذا كنت احب ..
عزوز .. راح يكون حب مراهقه ..
سلطان .. اما وليه ..
مشعل .. بكل بساطه لان عمرك 19 يعني لسا بعمر المراهقه ..
سلطان .. بس انا عديت سن المراهقه لان ببساطه عقلي اكبر من عمري ..
بسام .. خف علينا يا انشتاين ..
سلطان .. هههههههههههههههههههههههههههه .. وش دخله ذا الحين ..
بسام وهو يحك راسه .. مدري بس جا على بالي .. المهم ما علينا بمين اللي اقنعك اهم شي انك رجعت ..
سلطان .. هذا الكلام السليم .. المهم الشياب ما عرفو ..
مشاري .. تطمن حرصنا انهم ما يعرفون ولا كان انذبحت اليوم ..
سلطان .. لا انا مو خايف منهم بس كل اللي همني جدي خفت انها يزعل علي ..
فيصل .. بصراحه بعد اللي شفته منك اليوم وجرائتك قدام الشياب اتوقع منك كل شي .. ومن حقك ما تخاف منهم ..
سلطان حس بشوي الم ببطنه بس حاول يتجاهله .. ايه الحق حق .. المهم خلونا نروح نجلس عند المسبح ..
الشباب .. يلا ..
راحو لعند المسبح وشافو البنات موجودات وكانو ماخذين احتياطهم ومتلثمات كانهم عارفين ان الشباب برا ..
الشباب .. السلام ..
البنات .. وعليكم السلام ..
بسام وهو يجلس على الكرسي .. وش عندكم هنا ..
ريوف .. عادي نغير جو .. وبعدين وش عندك جلست ترا حنا جايين قبلكم ..
فيصل وهو يجلس بجنب بسام .. بس ما نتوقع ان المكان باسمكم ..
رهف .. وليه هو باسمكم يعني ..
مشاري .. لا بس حنا جلسنا قبلكم ..
رغد لفت على البنات .. بنات خلونا نرجع مالي خلق اتهاوش معهم ..
مشاري .. يوه وش عندها العصبيه مالها خلق ..
سلطان سبق رغد اللي لفت على مشاري بعصبيه .. احم احم .. ليه تتهاوشون الحين انتو ترا المكان كبير ويكفينا كلنا ..
عزوز .. صح كلام سلطان .. انتو اجلسو بالجهه الثاني مقابلنا ..
ريماس .. من جد ..
وجلسو الشباب والبنات ..

سلطان حس ان الألم يزيد بس حاول انه يكبت المه ..
البراء.. سلطان وش ناوي عليه الحين ..
سلطان لف عليه .. في ايش ..
فيصل .. البراء قصده بالسالفه اللي سويته راح تصمل على رايك ولا راح تعتذر منهم ولا كان شي صار ..
ريوف .. جد سلطان ابي افهم انت ليه سويت كذا ..
سلطان لف عليها .. حب العيله وحب الأخوه اللي انحرمت منه هو اللي خلاني اسوي كذا عشانكم .. انا من لما انولدت وانا مو حاس بهذول الأشياء بس لما جيت عندكم عرفت يعني ايش اخوه يعني ايش عايله ولما شفتكم بهذي الحاله وبالتسلط اللي عليكم قررت اني اسوي شي عشانكم .. لان هذا الشي لو استمر راح تتدمرون انتو وانا راح افقدكم ..
ريماس .. بس انت عرفت عواقب هذا الشي قبل ما تسويه ..
سلطان .. بصراحه انا كنت حاط ببالي انهم راح يعصبون وكنت مخطط لكل شي بس رده فعل جدي لخبطت كل افكاري فعشان كذا انا قررت السفر .. لان مابي جدي يخسر علاقه الاخوه مع اخوانه بسببي .. وانا اشكر الأنسانه اللي صحتني وبعدت الغشاوه عن عيوني واقنعتني اني ارجع لاني ما كنت عارف اني بسفري الأمور راح تتدهور اكثر ..
ديم لما سمعت كلام سلطان ابتسمت ..
رهف .. ومين هذي اللي خلتك تقتنع وترجع ..
بسام .. لا تحاولين ماراح يصرح عن اسمها الواضح انها حبيبته بس ما يبي يقول ..
ديم دققبلها بقوه لما سمعت كلام بسام وشافت ابتسامه سلطان ..
سلطان توه بيتكلم بس الألم زاد عليه وضغط على بطنه بيده وعقد حواجبه من قوه الألم ..
البراء انتبه له .. سلطان فيك شي ..
سلطان حاول يبتسم .. لا شويه الم ويروح ..
فيصل .. شوف وجهك كيف صاير وتقول شويه الم ..
البراء .. من جد .. وش فيك ..
بسام انتبه ليده اللي على بطنه .. بطنك يالمك ..
سلطان كابر وبعد يده عن بطنه وابتسم .. كان الحين خلاص راح الألم لا تقلقون ..
مشاري .. متاكد ..
سلطان .. ايه تطمنو ..
البراء ما كان متطمن حاس انه ياكابر .. وقف وراح له .. طيب قوم معي خلنا ندخل داخل يمكن الجو اثر عليك ..
سلطان .. لا ماله داعي قلت لك انا بخير ..
فيصل وقف .. صدق الجو برد خلونا ندخلرداخل ..
الشباب كلهم وقفو ماعدى سلطان ..
مشعل .. سلطان وش فيك يلا ..
سلطان حاول يوقف بشويش واول ما ثبتت رجوله على الارض ..حط يده على بطنه بسرعه .. اااااااه .. وطاح على الأرض مو قادر يوقف ..
البنات والشباب كلهم خافو وتجمعو عليه ..
البراء نزل لمستواه .. سلطان فيك شي ..
سلطان مو قادر يتكلم وكان عاض على شفته من قوه الألم و يده تضغط على بطنه ووجهه انقلب ازرق ..
**
**
**
**
**
**
** انتهى البارت الرابع **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 30-01-2016, 03:14 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: انا انثى ولكن !!...


وكالعاده بانتظار ردود وتعليقات المزايين ..

لا تحرموني منها ..

والاقيكم يوم الثلاثاء باذن الله ..

محبتكم صمتي سلاحي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 30-01-2016, 03:32 PM
صورة ذربــة الرمزية
ذربــة ذربــة متصل الآن
♤عيونٌ تختبأ خلف غُرّةٍ سوداء ! ♤
 
الافتراضي رد: انا انثى ولكن !!...


...






نبي التكمله حمااااس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 30-01-2016, 03:38 PM
صورة ذربــة الرمزية
ذربــة ذربــة متصل الآن
♤عيونٌ تختبأ خلف غُرّةٍ سوداء ! ♤
 
الافتراضي رد: انا انثى ولكن !!...


...






ي ويلييي شغيها الجازي
خلاص انا تقبلت انها ولد لا تقلبيها بنت ههه امزح
وااو بارت خقققه ي اختيييي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 30-01-2016, 04:43 PM
صورة مجرد جنون الرمزية
مجرد جنون مجرد جنون غير متصل
©؛°¨غرامي مشارك¨°؛©
 
الافتراضي رد: انا انثى ولكن !!...


اهلين .... البارت. يخرفن يجننن ...
المهم لايكون سلطان في هذاك شي يوه بيتورط الجد(︶ï¸؟︶)



معك .."مجرد جنون"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 30-01-2016, 11:33 PM
naion97 naion97 غير متصل
©؛°¨غرامي جديد¨°؛©
 
الافتراضي رد: انا انثى ولكن !!...


روعه البارت ، الاحداث جدا جميله :)
عجبني المقلب اللي سووه الشباب نقطة ضعف البنات الصراصير هههه
البراء احلى شخصيه فالروايه يحليله واايد حنون ويفهم سلطان

مشكووره على هالبارت الحلوو الله يسعدك ، بأنتظار البارت الياي

الرد باقتباس
إضافة رد

أناأنثى ولكن !!/بقلمي؛كاملة

الوسوم
انتي , سلطان , ولكن
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بيت جدي اللي جمع كل المحبة والأماني والحنين /بقلمي؛كاملة _A.M_ روايات كامله - يتم نقل الرواية هنا بعد اكتمالها 149 15-09-2018 03:44 PM
شهم الطبايع يا بشر هذا هو الفهد /بقلمي؛كاملة auroraa2015 روايات كامله - يتم نقل الرواية هنا بعد اكتمالها 196 31-05-2018 04:10 AM
رواية أتركوا بعضهم بلحظات /بقلمي؛كاملة ixmg_02 روايات كامله - يتم نقل الرواية هنا بعد اكتمالها 20 09-11-2017 01:13 PM
رواية عيون الألم /بقلمي؛كاملة نهى عبد روايات كامله - يتم نقل الرواية هنا بعد اكتمالها 196 19-05-2017 05:08 PM
روايه حبك عذبني /بقلمي؛كاملة انين الروح16 روايات كامله - يتم نقل الرواية هنا بعد اكتمالها 46 09-08-2015 10:55 PM

الساعة الآن +3: 01:48 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1