منتديات غرام روايات غرام روايات كامله - يتم نقل الرواية هنا بعد اكتمالها رواية تاج الزين/للكاتبة :النوري العبدلي؛كاملة
زهور النوري ©؛°¨غرامي مشارك¨°؛©

المشاركة الأساسية كتبها لحظة لحظة اقتباس :
بانتظارك يالغلا سرد الروايه عجبني
هلا فيج يا عمري .. ااشكرج يا الغلا .. الرواية فيها الكثير من الحقيقة بطلتها عايشة بينا بس طبعا لا بد من مزج الحقيقة بالخيال .

زهور النوري ©؛°¨غرامي مشارك¨°؛©

المشاركة الأساسية كتبها لحظة لحظة اقتباس :
السلام عليكم
والله اني حاليا قريت الرواية ومبينه حزينه
المهم اني متحمسه اعرف التكملة
واذا انتي واثقة من روايتك كملي
أهم شي الثقة بالنفس
اشكرك على المتابعه .. وابشرى راح انزل الأجزاء الباقيه .. الرواية للكاتبه النوري العبدلي ..

زهور النوري ©؛°¨غرامي مشارك¨°؛©

[size="6"][size="7"]لقاء مع القدر :
[في المملكة العربية السعودية ..
هنا صورتني ميري وانا جالسة مع جدتي مزنة كنت ماسكة البادية اللي فيها الحنا ابغي احني جدتي .. هنا الجدة مزنة تحط يدها على الكاميرا ما تبغي التصوير تقول حرام ..بس قلت لميري تصورنا .. هي ما تدري الله يسامحني ..ويوم الخميس تحدد موعد العرس ....انا فرحانه واخيرا رح افتك من الدراسة .. ايه بس ما فكرت كيف ابعد عن امي كيف اعيش بعيد عنها .. اوه يا مزيونة كيف ما فكرت فيها حتى لو فكرت فيها يعني اقدر اقول لا . مستحيل اللي كاتبه الله لازم نرضى فيه ..وجاء اليوم الثاني وصل سلطان .. وانا كنت اراقبه من الشياك شكله حزين ضعفان كنت يومها اقول يا عزتي عنه ياولي عنك ويلاه ما ياكل كله من المذاكره ادري دافور تاكل الكتب اكل ، ولا يهمك يا سلطان بس ان شاء الله اذا تزوجتك اهتم فيك ، والله لاطبخ لك ذاك الأكل السنع اللي تاكل اصابعك من وراه ايه امي تقول عني فنانة بالطبخ خل عظمك يرم ويلي عنك يا بعدي ..عسى عمري فدوة لك .. ياربي انا فرحانه من قدي يارب لك الحمد والشكر بعد باجر عرسي يا فرحتي وينج يا النوري والجازي والسوري يا ليتكن معي هنيه ما احد عندي الحريم اللي حولي نحيسات حتى ما يجلسن معي ما ادري ليه ، يرني كاني جربا واعديهن ما كأني بنت عمتهن احس انهن ما يرني شيء يوه قلعتهن اكيد محترات مني اني اعرست وانا صغيرة الحسود ما يسود .. ما همني المهم رضى ربي امي وابوي وجدتي مزنة وخالي راضين عني وسلطاني ..قمت اضحك بس ما رقصت خفت تهتز الارض من تحتي تبت بعد طقة سعد لي .. مغرور اخذ مغرورة مالت .. اوف استغفر الله يا ربي الحين تأخذ حسناتي مهما صار يبقى اخوي الله يسعده ويهدية ويسعد الجميع .. ما قلت لكم قلبي طيب .. ياربي ما ادري الناس ليش تعتبر اللي قلبه طيب وعايش حياته في بساطة ومتواضع خبل وضعيف ويحتقرونه ويسخرون منه .. استغفر الله العظيم ...خلني اشوف اغراضي والله ما بوه غيرها ميري يا حبي لها ، هي اللي تسليني في وحدتي .. امي تقول عيب تظهرين للحريم ..لا يشوفنك مع اني اشوف منيرة ماشاء الله عليها صدق انها هي المزيونة تقول غزال صديقاتها حولها واهلها وخواتها وانا وحيدة ما حولي احد جدتي مزنة وامي ينامن بعد صلاة العشاء واخوي مناحي وزوجته مما راح يجون الاا يوم العرس .. وانا وحيدة ما عندي الا ميري وميري مشتاقة لراجو ابوي خلاه بالكوبت عند غنمنا .. يشرف على الرعيان..يا عيشة قشرا بس متى اعرس ..علشان القى من يشاركني حياتي .
.في يوم العرس حنا لعبنا والطرب زان .. واللي يتكبر لا يجينا .. العب العب .. ادري انها مغبرة بس دايما انا بنات جيراننا نغنيها .. في العيد واذا تجمعنا ..وفي هذه الليلة .. ولا الف ليلة على الخير تجمعنا .. جاءت الكوفيرة بدري ..جاءت وحدة لبنانية معها كم فلبنية انا مر الوقت ما احد عبرني اثاري بنات خالي النحيسات ما حجزن لي معهن هالكوافيرات جايات حق بنات خالي ،.واخوي مناحي بنته دخلت المستشفى ماقدر يخليهم هو يدرس في جامعة ام القرى في مكه ما فيه احد يساعدني ويوقف معي امي ماتعرف للمكياج وكل شيء عندها عيب . انا كنت اظن ان امي قالت لهن وامي حابستني في الغرفة ما اهرج ويا احد الاا مقابلتها هي وجدتي تقول مجدورة ..وبالأخير ويش السوات ياربي وتروح ميري ركض حق ماما اقصد امي لما شافت عيوني تهل .. وتعلم امي جدتي مزنة وتقول الحل عندي وانا امك ..متحقرات الضعيفة ارسلت شغالتها لبيت في آخر المزرعة بيت المزارع عوضين اللي يشتغل في مزرعة جدي ونادوا زوجته عدلاات جدتي تقول ذي مصرييه اكيد انها شاطرة وتعرف تزينها والله اني دايما اشوفها تحط الأزرق واالأبيض والحمر سار علم فرنسا هههه ، وراحت لجمي شغالة جدتي تنده حق زوجة عوضين اللي اسمها عدلات.. وتجي المنقذة عدلات.. فازعة .. جات ومعها عدتها كم حمره وبودرة امي قالت عندنا من البويا ذي يا بنيتي بس انا امك جهزيها .. طبعا دخلت المنقذة عسى ربي يوسع لها .ما ادري كيف اصف لكم شعوري دموعيي اربع اربع والله ان بنات خالي ماشاء الله عليهن خبيرات ما يحتاجن .. الله يستر علينا وعليهن ، لحد الحين قلبي طيب ما تلوث بالحضارة ليش ما حجزن لي معهن .. امي عاتبتهن وجدتي مزنة زعلت منهن ودعت عليهن .وقالت بنات نوره ما وراهن خير وبما اني حبيبتها لازم تدعي لي . انا بنت بنتها .. الغاليه .. ،ما علينا منهن الله يهديهن بس .. طلعت العلبة اللي يقالها مكياجي اللي اشتريته من الهنود في مجمعات الجليب وسلمته للخبيرة جويل اقصد عدلاات ولما .. وشافتني قالت يا اخواتي قميلة قميلة ما شاء الله عليك .. شعرك حرير ماشاء الله ما يحتاج سيشوار .. وجدتي مزنة تقول اذكري الله واسمعها تهمس في اذن امي تقول ناخذ من غسالها وتصيح لميري يا ميري جيبي حق عدلات ميوه .... وعدلات يقال لها خبيرة تجميل مصدقه نفسها جويل .. وهي تقول مش عاوزة يا حجة وجدتي لزمت عليها تشرب .. طبعا شربت نص الكوب وخلته .. واندمجت برسم اللوحة السريالية في وجهي ..وبعدها جدتي تمد لي الكوب اللي شربت منه عدلات وقالت اشربي يا امي .. قلت يا جده ما انا بظميانه غمزت لي بعينها وفهمت الصقلة .. يعني السالفة .. واخذت الكوب وشربته دفعة واحدة .،. بعدها عدلات حطت الشدو الازرق وامي تقول حطي من ذا وذا ام.سعود تقول خلها تحط .منه . تدرين ويش هو ؟ ويش هو لمعه ههههههههههههاي وما صدقت عدلات حطت ولطخت وانا مستسلمه لها ورحت لبست الفستان الابيض بلمسات الخياط مشتاق .... ابو عشر دنانير ... ههها شكلي طلع تحفه تصورت نفسي اية في الجمال امي وجدتي يقولون عني حلوة وعدلات حتى ميري خدامتنا تقول عني واجد واجد جين يعني زين .وانا اقولها يا الله ميري اسوي صورة .. وميري تصور . ما ادري كنت خبله ساذجة على نياتي المهم تفكيري ما يتعدي تفكير طفلة صغيرة لا تلموني يا انا انولدت لام والاب كبار بالسن وعشت مع اخوة ذكور، امي تخاف علي من كل شيء صورت لي العالم الخارجي غابة ووحوش ما اعرف اسوي شيء بدون شور امي او بنات جيراننا ولا اعرف كيف اتصرف حياتي تمشي حسب رغبتهم صحيح اتضايق في بعض الاحيان بس ارضى بالواقع ..
. جدتي تذكر الله وتدعي لي وامي بعد .. لاتهم هم ييروني بعين المحب ومن يحبك دايما يراك جميلا .. وبدأت الزفة ..طبعا ما فيه كوشة كل واحد في غرفة وانا طلبت من شغالتنا ميري تصورني انا دخلت غرفة محصصة لي في جناح سلطان وبعد اخوي سعد خصص له خالي جناج فيه صالة صغيرة وغرفة انا كنت داخل الغرفة .. ابوي جاء برفقة اخواني ا وباركوا لي وطلعوا ، بقيت انا بالغرفة مع امي وجدتي مزنة .. وين المعرس ؟؟ امحق عرس .. طلعت وجدتي وهي وامي وقعدت انا بروحي في الغرفة .. ما ادري ويش اسوي .. اصعب احساس هو االاحساس بالرفض لما تحس انك انسان مرفوض ..لا قيمة لك ؟؟ياربي ويش اسوي .. ؟؟ حتى امي ماهي فيه طلعت .. انا ما احب الوحدة استاحش منها الله يكفينا شر الوحده .. وحشرة القبر .. اوف قبر فيه وحدة تجيب طاري القبر يوم عرسها .،. وهو انا عروس ايه صج اني عروس بس فيه عروس بدون معرس ..

زهور النوري ©؛°¨غرامي مشارك¨°؛©

طلعت وجدتي وهي وامي وقعدت انا بروحي في الغرفة .. ما ادري ويش اسوي .. اصعب احساس هو االاحساس بالرفض لما تحس انك انسان مرفوض ..لا قيمة لك ؟؟ياربي ويش اسوي .. ؟؟ حتى امي ماهي فيه طلعت .. انا ما احب الوحدة استاحش منها الله يكفينا شر الوحده .. وحشرة القبر .. اوف قبر فيه وحدة تجيب طاري القبر يوم عرسها .،. وهو انا عروس ايه صج اني عروس بس فيه عروس بدون معرس .. ايه انا ؟؟؟؟مر الوقت .. يطق الباب .. فرحت قلت سلطان جاء يا حليله مؤدب يطق الباب يستأذن علي قبل لا يدخل .. ما شاء الله عليه مؤدب .. اكيد دكتور ومتعلم في امريكا اكيد مأخذ طبع الأجانب .. انا مرة شفت فيلم جابته الجازي ما ادري ويش اسمه .. كان عندها ا لاب توب.. كانت محملة عليه فيلم البطل مزيون ومؤدب ويحب البطله ويدللها .. وكنت اتخيل سلطان مثله ذاك الفيلم .. استعفر الله العظيم ... طق الباب مرة ثالثة وان يقال لي مستحية امي تقول انا امج اثقلي لاتسيرين عند رجلج خفيفه الرياجيل يحبون الثقل ..... ههه اكثر من اثقل هذا ما اعتقد يلقى ..وحدة وزنها مثلي ... حتى ما قدرت ألتفت .من الخوف من الشوق من الحيا ..ويطق الباب ..اسمع ييقول المزيونة ...بصوت عالي ...
الا وميري .. تقول المزيونة .افتح باب .. رحت فتحت الباب الاميري تقول :. ماما المزيونة .. اهلى اروس مبروك ماما ان شاء الله اشوف بجا مال انتى يترس بيت يارب .. انا يجيب اشا ومويه وعصير حق اروس... طلعت ميري الله يقلعج ياميري طيحتي قلبي وانا اقول سلطان اثاريها ميري .. ونزلت العشاء على الطاولة .. قلت ميري نادي ماما كبيير ..
ميري وتهز راسها : جين .. ماما ان شاء الله.


...... وجات جدتي مزنة .. وقالت الكلب ولد نوره هج للرياض.. وانا حطيت يدي على قلبي مرتاعه ..وكملت جدتي مزنة :. بنيتي حصة ما تدري ،، انا مك استرى علينا تراه سفيه ولد نوره ما بوه خير ناكر المعروف على امه بس ابشري اخوانه .. لحقوه والحين جايين بالطريق .. ابوه حلف عليه ..عاد..وانا صابتني ام الركب .. وادعي ربي بستر يارب استرها معي يارب انا ضعيفة مسكينة لا تفشلني عظامي اخذت تراجف من الخوف ..ارتباك .. قهر كلام بنات مشعا طلع ..ايه صحيح . يتركني معلقه لا متزوجة ولا مطلقه.جدتي حلفتني ما اعلم امي ولا اجيب سيرة لاخواني خايفة من المشاكل خايفة على منيرة .. تتطلق اكيد راح تتطلق وحده بوحدة .. يا شين زواج القرايب ما وراه الا المشاكل ... حسيت بالفشلة .. تقول لاا تخافين يا بنيتي ترى خالك معك وما تتنغبين وانا بنت مشعان .. .. بعد شوي ودخل خالي وسلطان .. وجهه اسود عيونه حمر ريحته دخان .. حب راسي خالي ..وحظني ووهمس باذني وقال انتي الداخله ولد نوره الطالع ..وسمعته جدتي كم كلمة وقالت والله انها خسارة فيك يا رخمة يا ولد نوره تفوه عليك ، جدتي تفلت عليه وطلعت هي وخالي.. امحق عرس .انا اشهد ان تفال جدتي ماي ورد والله انها بردت حرتي فيك يا ولد نوره اما فارس الاحلام سلطان ..كان معصب بالحيل عيونه حمر مثل الجمر ..واخذ يردد انا لله وانا اليه راجعون انا لله وانا اليه راجعون اللهم اجرني في مصيبتي واخلفني خيرا منها ...لا حول ولا قوة الا بالله العلي العظيم ..وانا مصدومة متروعة .من هو مات .. لا يكون امه نورة ماتت بالسكته القلبية لما خالي مشى كلمته عليها ، الله يرحمها ....انا اقول في قلبي انا لما بكيت ساح كحلي وعيوني . ا عيوني غاطسة بخدودي صارت خدوي سود .. ورقبتي لاصقة بجسمي طول بعرض كمية شحوم تحيط بي عن اليمين والشمال قمت ابكي وقام جسمي يهتز احذت وضع الجوال لما يكون هزاز كل شء في قام يهتز.. زين الأرض ما اهتزت تحتي ..سلطان راح جلس على الكنبه وحط كفوفه على خده اخذ وضعية الانسان اللي سامع في خبر شين الله يكفينا الشر .. هو بالضط كذا ثم اخذ ينظر لي نظرة المقهور مني نفسه يذبحني ينظر لي نظرة احتقار وثم قام يضحك ويضحك ويضحك بصوت عالي ويقول لا حول ولا قوة الا بالله العلي العظيم وقعد يقول ياربي انا ويش عملت في دنياي حتي ابتلي في الدبة هذي ..وقمت ابكي واهتز من كثر البكي وهو لما شافني اهتز من البكي وجسمي يتحرك .. امحق للية عمر امحق لليلة .. ليلة سودا اعوذ بالله من الشيطان الرجيم .. استغفر الله العظيم .. كل هذا الكلام اردده بيني وبين نفسي ، وقف سلطان ضحك وقرب مني وهو رافع اصبعه ويأشر على نفسه انا .. انا .. الدكتور سلطان اتزوج وحده بهذا الشكل جاهلة وتخينه انتي ما شفتي نفسك بالمرايه .. يا شيخه فارقي .. وقرب مني فرحانة في فستان المهرج تبعك الابيض ليه مصدقه عمرك عروسه .و.ما فيه كلمه تجرح المشاعر ما قالها.هو يراني كتلة مجتمعه من الشحوم والدهون وانا ارى نفسي كتلة من المشاعر والأحاسيس وعلا صوت سلطان وانا ابكي وهو يقول انطمي ما ابغى اسمع صوتك نهائي ما ابغي اشاهد خلقتك قدامي انقلعي من طريقي ..تعرفي انا ما وافقت عليك الا غصب عن ابويا حلف علي اني اخذك والا عمري ما فكرت فيكي ..انا ما ابغاكي ما ابغاكي اكرهك تعرفي انتي حطمتي حياتي ..واقترب مني وانا ارجع وراء من االخوف قام يضحك على بالك ميت عليكي ، لا تخافي ما ارح ألمسك، نفسي تقرف منك ما حسب احسابه وانا ارجع وراء تعثرت بالسجاد وهو يقرب انا طحت عليه ثم اغمى على سلطان ...يا هل ترى مات سلطان في ليلة عرسه ترقبوا معي البارت القادم ماذا حدث لسلطان........ نكمل قريبا باذن الله.

زهور النوري ©؛°¨غرامي مشارك¨°؛©

صدمة عمري


[/size] هو نحيف .. وانا اكس اكس اكس لارج .. اكيد مات .. ياحظج الاقشر يا المزيونة مات زوجك في ليلة

عرسج قلت خلني اتأكد انه للحين حي طبعا انا لحد الحين ما تحركت الرجال غدي وجهه اسود يا ويلي ويلاه واوقوم

عنه حطيت يدي على قلبه ما حسيت بشيء من الخوف قعدت ابكي الله يخليه لامه وابوه انا ما ابغاه خلااص بس حرام

لايموت هو ماله ذنب حطيت اذني ابغي اسمع صوت دقات قلبه .. عاد خدي لطخ ثوبه .. انا راشه عطر قوي خلطات ام

سعود قوية ما دريت الا والرجال يفتح عيونه ويفز وانا من الراعه ابغي اقوم تعثرت بذيل الثوب يعني انك فنان يا

مشتاق لازم تحط في الفستان ذيل واطيح فوقه لكن هو المرة هذي دفعني لوراء على الطاولة وطاحت الفازة على

الارض وتناثر القزاز .. قام يضخك وانا بعد قمت اضحك لما شفت ثوبه ههه حاشتني موجة ضحك ما هي طبيعية

وقمنا نضحك مع بعض حنا الاثنين وتحولت الليلة الكحل الي كوميديا .. وجهي اصبح كانه خريطة الكرة الارضية بعد

الزلازل والبراكين الكحل ساح الالوان احمر بيج ازرق اختلطت في بعضها .. وبعد انتهت موجة الضحك رجعنا للدراما

والتراجيديا .. ناظرني سلطان واخذ يتأملني بصمت ..ووثم قام يضحك مرة اخرى وناظر لي مرة ثانية وقال انتي ما

ناظرتي المراية شوفي خشتك اللي تقطع الرزق والخلف اقول يا بنت الناس انا مقهور على قرادة حظي اللي طيحتك

في كبدي عسي ربي يخلف علي باللي احسن منك , شوفي يا بنت الناس انا انسان عملي ما احب المجاملات هذا اذا فهمتي علي م اظن وحدة مثلك بشعة وتخينه وكمان جاهلة تفهم هذا الحكي.. ما ابغاكي في حياتي كلها بس حكم القوي

على الضعيف ابوي جبرني اتزوجك لما وافقت عليك قلت ممكن تكون مقبولة اصبر عليها ولكن سمعت انك من فئة

المدرعات والأحجام الكبيرة ما فيكي امل وانا رجل احب المرأة الرشيقة و ما اقبل على نفسي اخذ وحدة بالشكل ذا ،

بس رضيت علشان خاطر ابويا ..وكمان لاجل خاطر امي حصه والحين اقول لك بالفم المليان انتي من طريق وانا من

طريق ..مسألة الطلاق نأجلها لبعدين لحد ربنا ما يسهل انا لي حياتي وانتي لكي حياتك.. انا راح اقعد اسبوع هنا وبعدها انا راجع امريكا ...

.وبعد اسبوع بالتمام والكمال سافر سلطان للرياض ومنها راح لامريكا ...وبعدها بشهرين رجعنا الكويت اخوي

سعد عايش ايام العسل ولاا اهتم في ولا سأل عني ابد وسافر مع زوجته دبي وثم تركيا ...وسلطان من يومها لا حس ولا خبر

نستودعكم الله ....انتظروني ...

****** لا اله الا انت سبحانك اني كنت من الظالمين استغفرك ربي واتوب اليك ***

سہومريہة أحبّك كثر ما يهوى رضيع الصّدر غفواته

هههههههههههههههههه الله عليك يا تاج

والله العظيم متت من الضحك
أسلوب الكتابة ولا اروع
صدق صدق مواقف تضحك

أتمنى من المزيونه تخبر أمها بالي صار بينها وبين سلطان
علمود تعرفه حصة على حقيقته

سہومريہة أحبّك كثر ما يهوى رضيع الصّدر غفواته

ما اعتقد سلطان ياثر عليها
لأن من خلال سردها لقصة
اعتقدت أن تاج معجبه ب سلطان
بس ما اعتقد تحبه

بانتظار التكملة يالله
����������

زهور النوري ©؛°¨غرامي مشارك¨°؛©

المشاركة الأساسية كتبها لحظة لحظة اقتباس :
هههههههههههههههههه الله عليك يا تاج

والله العظيم متت من الضحك
أسلوب الكتابة ولا اروع
صدق صدق مواقف تضحك

أتمنى من المزيونه تخبر أمها بالي صار بينها وبين سلطان
علمود تعرفه حصة على حقيقته
:

اشكرك يا الغاليه الأروع هو مرورك ..

المزيونه متعلقه في امها حيل وهي كل عالمها وما تحب امها تتضايق .. ابد .. وهي وعدت الجده مزنه انها تحافظ على السر وسلطان كان بالنسبة لامها الولد المدلل.ما تبي امها تنصدم فيه .

زهور النوري ©؛°¨غرامي مشارك¨°؛©

المشاركة الأساسية كتبها لحظة لحظة اقتباس :
ما اعتقد سلطان ياثر عليها
لأن من خلال سردها لقصة
اعتقدت أن تاج معجبه ب سلطان
بس ما اعتقد تحبه

بانتظار التكملة يالله
💓💓💓💓💓
مثل ما ذكرت المزيونه ما عندها شخصية مستقله .. تنفذ كل ما يطلبه اهلها خاصة امها وابوها وهي بعدها ما تجاوزت 17 سنة .. وتربت في بيئة تؤمن بان زواج البنت ستر لها .. وابوها رجل كبير بالسن وكان حريص على ان يزوجها قبل وفاته خوفا عليها .

زهور النوري ©؛°¨غرامي مشارك¨°؛©


الجزء الثاني : رحلة عذابي

بارت 1

كثير ناس يهوون التقاطع
بعد ماكان نجم الوصل ساطع
ترى سيف الحسد مسلول قاطع
كثير من هجر عمه وخاله
وانسل سيف القطاعه .. وقطع سلطان الوصل .معنا . ذبحني من الوريد للوريد .. رجعت بقايا انسانه محطمة .. لكني علي إني اخبي وادفن همي داخل نفسي حتى ما ينهار باقي الجسد..
من اجل خاطر .. ابوي .وخالي . والغالي اخوي مناحي ..و جدتي مزنة الحبيبة وامي ما ابغاها تنصدم بسلطان . ما ابغاها تكتشف نكرانه لمعروفها فيه احد يذبح امه اللي ربته الله يسامحك. يا سلطان .. من اليوم وطالع ما فيه الا المزيونة وبس لازم انجح بدراستي ادخل الجامعه واكمل الماجستير والدكتوراه، وما توقف حياتي عند سلطان .. انا ما فيه مشكلة عندي خلني اضحي الحمدلله بعدني الصغيرة ما دخلت في الثمانية عشرة سنة والعمر قدامي حلمي وطموحي .. وحياتي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1