اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-03-2016, 07:55 PM
like_the_moon like_the_moon غير متصل
©؛°¨غرامي جديد¨°؛©
 
الافتراضي رواية كل شي يتغير في لحظة /بقلمي


* الشخص الذي تعرفته عليه قبل 10 سنوات ليس هو نفسه الان فأن الناس تتغير .. لا تستطيع وضع رجلك في نفس ماء النهر مرتين، فإن الماء يتغير..البذور التي وضعتها اليوم ليست هي نفسها بعد شهر فأنها ستكبر و ستتغير ..
كل شي يتغير في هذه الحياة ..لا شي يبقى على حاله ..فهذه هي الحياة

رواية " كل شي يتغير في لحظة" /بقلمي : عالية


البارت الاول
عائشة : طيبة و جميلة عمرها 18 سنة عيونها عسليات , مودبة و هادية

قامت عواش للمدرسة ( اخر سنة في المدرسة : ثالث ثنوي )مثل العادة و تريقت و راحت المدرسة .
و هي داخلة المدرسة شافت ربيعتها و قالت : امووووووووووووووووون شخبارجج ؟ عساج بخير
امون : الحمدلله اناااااااااا بخير
امون : ربيعة عوااااش ., جميلة ( لكن عوااش اجمل ) – راح ادخل بالتفاصيل بالبارتات الياية -
و قعدوا يرمسوا شوي و دخلوا المدرسة .
سالفة ورا سالفة و حصة ورا حصة و خلص الدوااام .
رجعت عواش البيت سلمت على امها و بعدها صاروووووخ على الغرفة بدلت و مسكت الفون .
# # عواش من النوع الي يحب يكتشف اشياء يديدة فهي كل اسبوع تنزل برامج يديدة على الايفون و تجربها __ هوايتها __:)
يا وقت الملل ! فكرت عواش شو تسوي ؟ في وقت فراغها و قالت ما شي غير انزل برامج و نستكشف .. :)
نزلت و قعدت تجرب البرامج الي نزلتها ,!
و فجاأة !!!!!!!!!!!!!! دخلت على برنامج و قعدت تلعب فييه فجاة سمعت : الووو االووووووووووووو
هني خاافت عوااشش و على طوول سكرت البرنامجج

شوي و رجعت فتحته و قالت بتشوف اذا هي صدق تكلم احدد ولا هو مجرد تسجيل .!!///
الولدد : الوووو الووووو ! في احد يتكلم
عواش : أألو _ بصوت خفيف _
الولد : يا هلا و مرحبا
عوااش : مرحبتين _و من الخوف سكرت بويهه _ :)
و على طول اتصلت لربيعتها امون و خبرتها عن البرنامجج و طلعت امون تعرف هالبرنامج .
البرنامج : يعرفج على نااس و تتكلمين معاهم على مواضيع معينة مثل هواياتج و غيرهم من المواضيع
يوم بعد يوم استوى هالشي ادمان لعواااااش
كل ما تحس بالملل تفتح البرانامج و تسولف و تستهبل مع الناااااااااااااااااس .
كل يوم تتعرف على شخص يديد !
لين يا اليوم الي تعرفت في على ....

البارت الثاني :

لين يا اليوم الي تعرفت فيه على ولد اسمه راااشد ؟؟ :
عواش : هلا
راشد : اهلين
عوااش : منو ويايه ؟ كم عمرك ؟
راشد : اسمي راشد و عممري 20 سنة
عوااش : انا عايشة و عمري 18
راشد : تشرفت بمعرفتج
عوااش : و انا بعدد
راشد كاان محطي صورته في البرنامج
سالته عوااش : الي في الصورة انتت ؟؟
راشد : هيه ! شو رااااايج فيني
عواااش- بحمااس - : كشششششششششخة
رااشد ضحكك و بعدها قااال : شكراا هذا من ذووقج
سالفة وراا سالفة , و اكيد رااشد ما نسى يااخذ انستقرامها ,, ضافها على الانستا و بدت تكلمه
بععدها عواش اتصلت لامون و خبرتها انها تعرفت على وااحد اسمه رااشد و عمره 20 و انه هوو من رااس الخيمة (( للعلم عواش من الفجيرة ))..
في اليوم الثاني .. في المدرسة
عوااش و امووون يتمشوون من الساحة ..
امون : اقوولج عوااش طرشيلي صورة الي تعرفتي عليه البارحة خاطري اشوفه
عوااش : امممممم .. اوكك بس هااا لا تحفظينها تراني اغااااار ههههه
امون : انشاءالله بسس انتي طرشيلي و انا اوعدج اني ما احفظها
عوااش : ذكريني اطرشلج ايااااها
و قطعت بكلامها شوقيه الي كانت ياية من بعيد بلقافتها و تقوول : شفييكم سكتوو اول ما شفتوني يايهه ... هااااهه قولووو
قالت عوااش : ولااا شي يا الفضووليه
و بعدها دقق الجرس و كملوو همم الثلااث للكلاااس
## شووقيه او شووق : ف كلاس امووون و عوااش .. قزمة و عيوونها سوود .. فضووليه و ملقوفة و تعررف كل بناات المدرسة و تعرف كل مصايبهمم ..
رااحواا الكلام و هني خلص يومهم في المدرسة بدوون اي احداااث يديدة
رجعت عوااش البيت
و دخلت غرفتها و على طوول فتحت الانستا و كلمت رشووودد
## خللووني اوصف لكم رشوود : عمره 20 سنة,, بدوي (( من البدوو )) ,, و عايش في راااس الخيمة طوله 169 يعني طوله وسسط .. و عيونه اه يا عيونه يعقون الطيير من السماا من جمالهمم (( لازم اسلووب المبالغة هههه بسس من جد حلويين ))
نرجع لاحداثنا --- فتحت عوااش الانستا و شاافت انه رشوود يبااا صورتها .. هني ترددت عوااش بهذاا الشي استشاااارت ربيعتها امووون و اموون قالت لها : اذا تبين طرشي و اذذا من تبين لا تطرشيين
هني عوااش تمت تفكر لان الشي فيه سمعتها و سمعة اهلها .. و سلمت امرها لله و طرشت صورتها ..(( طرشتها بشيلة ))
اولل ما شااف رشود الصورة تخببل خبلل و كتب لهااا : ماشاءالله عليج جميلة .. اول مرة اشووف قمر يتصوور
هني عوااش ماتت من الفرحح و كتبت له :: شكرا .. و انت بعد جميييل
و بعدها نزلت عند امها و هي ميتة من الفرحح ..
خلووووووووووووووونا نتكلم شووي عن عايلة عوااش
# ابو محمد : عمره 50 سنة . عنده شركة و معرووف بين النااس بالسمعة الطيبة و الاخلاقق
# ام محمد : عمرها 45 سنة طيبة و حبووبة .. كل من يشووفها يحبهاا
## و اللحين عوااش : عمرها 18 سنة في صفف ثالث ثنوي و حبوبة عيونها عسلياات و طووولهاا وسطط .. وزنها 47 يعنيي جسمهاا حلوو
# محمد : عمره 13 سنه في الصف الثاامن .. (( رااح تعرفونه اكثرر في البارتات اليايهه ))
# ميرة : عمرها 5 سنواات تشبه عوااش (( يعني جميله شرااتها ))
... نرجعع لاحداثناا
نزلت عوااش عند امها و اهي ميته من الفرح
ام محمد : هلاا شوفيج متشققة
عوااش : هاااا .. امم . ولاشي بسس ..
ام محمد : بسس شوو
عوااش : لا لا ولاشيي
ام محمد : امييه العقل نعمة ولا فيه احد صاحي يضحك بدوون سبب ..و قعدت امها تتحلطم
الساعة 12 بالليل
ياات عوااش تبا ترقدد عسب بااجرر مدرسة
قبل ما ترقد فتحت الانستاا عسبب تشووف اذاا رشووود مكلمنها
ششافت رشوود كاتب الهاا :....



البارت الثالث
قبل ما ترقد فتحت الانستاا عسبب تشووف اذاا رشووود مكلمنها
ششافت رشوود كاتب الهاا :
" مجنون شافج وأصبح اليوم عاقل ...... وعاقل ترى في غيبتج صار مجنون"
تصبحين على خير يالجميلة ..
ابتسمت عوااش و كتبت له :
:و انت بخيير يالمينون "
رد عليها راشد :
"يا حلوها منج "
ضحكت عوااش و راحت تررقد
في اليوم الي بعده
الساعة 6:30 الصبح
رنن منبه عوااش كالعادة .. قاامت و على طوول مسكت فونها ...
**على رسالة من راشد :
"لا شيء أجمل من إشراقةِ صباحٍ هادئ، يقول لك فيه من يُحبك "صباح الخير" فيغدو الصباح صباح الخير، والحب، والأمل، والهدوء ، وكل الأشياء الجميلة"
"صبااح الخير "
عواش :
"اصبح بخير عندما ارى رسائلك لي ..يا مجنون "
" صبااااااااح النووور "
راشد :
"  "
قامت عوااش غسلت وييها و تلبست و نزلت تحت عند امها و ابوها
** في الصالة
عوااش : صبااح النور اميه و ابويه
ام محمد : صبااحج نوور و سرور حبيبتي .. تعالي تريقي وياناا
عوااش : اوكك
و قعدت عوااش مع امها و ابوها و حممود اخوها و ميروه (ميرة ترووح الروضة ** اول سنة في الروضة **) عسبب يتريقونن
عوااش : الحمدلله انا شبعت .. يلا اميه معع السلامة .. يلا ابويه معع السلامة
** و راحت ركبت في السيارة ووصلها السوااق **
في المدرسة
دخلت عوااش كلاسهااا و سلمت على الشلة و قعدت .. اموون شوقيه شموووه شمسوووه و الشلة الكريمة ..هههه
قعدواا يسولفون ليين ما دق جرس الطابوور .. و راحت الشلة الكريمة و باقي بنات الكلاااس للطابور

الساعة 10:30 الصبح في جامعة رااشد ..
**(( راشد يدرس قانون ))
راشد : اقوولك عبوودي متى يبدا كلاسكك ؟؟
عبودي : الساعة 11
رااشد : اوكك ,, انا كلاسي بدأ , عن اذنكك بلتقي ويااك الساعة 12 في كووفي الجامعة
عبودي : اوكك يلا انا بقعد هني بقرأ كتاااب و انت رووح كلااسك ..
رااشد : يلاااا عن اذنكك
** و راح رااشد كلاسه و قعد عبدالله في الكوفي يقرا كتاااب
## عبدالله : عمره 20 سنة ..و سيم و عيونه وسااع .. (( لكن بطلنا رااشدد اجمل )) هوو ولد خالة راشد .. لكنهم قريبين من بعضض واايد يعني كأنهم اخواااااانن .. و يزقرونه (( عبوووودي ))

في مدرسة عوااش
*****وقت البرييك .. امون و عوااش و شموه و شوقيه يتمشوون في الساحة
شمة : تبوون شي من الكانتين .. انا بموت من اليوع مب متريقة
امون : اناا اباااا .. سندوييج جبن و عصيرر
شمة : و انتي ياا عواش تبين شيي
عوااش ( سرحانة )
شمة : ايهه عويييشش تبييييين شيي ؟؟ .... ايييييه
**شوقيه تضرب عوااش – و تقوول :: ايه ايه وين رحتي ؟؟
عوااش : هااا هااا شو فيكم ؟؟ سرحت شووي
شمة : هاااااااااااااااا عشقانة
عواش : هاااا !!!!! لا لا ؟؟ امممم لااا سرحتت شوي بالدراسة و مستقبلنا .. تعرفين هذي اخر سنة لناا و لازم نشد حيلنا و نجتهد في دراستنا
امون : اهاااااااا .. (( تعرف انها تكذب ))
و بعدها راحوا يشتروا من الكانتيين

الساعة 12 في كلية راشد
عبودي و راشد قاعدين في الكوووفي
راشد طلب اسبريسو و عبودي طلب فرابتشينوو .. و قعدوا
رااشد : عبوودي دامك انت مثلل اخويه .. ف ابا اقول لكك شيي .. و اتمنى ان هــ الشي يظل سرر بيننا
عبودي : اكييد نحن اخواان .. قوول كل الي ف خاطرك !! في احدد مضايقنك ؟؟ مستوية لك مشكلة ؟؟
راشد : لا لا .. السالفة مب جيه
عبودي : عيل شووو السالفة ؟؟ قوول خوفتني
رااشد :: ااناااا .. تعرفت على بنت من الفجيرة .. بنت حبوبة و اخلاقق و جماال و كل شيي .. و احسس اني بديت احبها ف تعتقد اخبرها اللحين اني ارتحت الهااا و لا شوو
عبودي : متى تعرفت عليهااا ؟؟
رااشدد : تقريبا من ثلاث اياااام او يومين
عبوودي : و مسرعع ما حبيتها
رااشد : البنت تدخل القلب بسرععة
عبوودي : اصبر شووي لا تخبرها اللحين .. لانك اذا قلت الهااا اللحين ما راحح تصدقك لانه ما فيه احدد يحب شخخصص ب هذي السرعة
راشد : والله ..
عبوودي : هيه ... بسس هي كم عمرها؟؟ و شو اسمها ؟؟
راشد : عمرها 18 و اسمها عايشة
عبودي : اهااا
و بعدها قعدوا يسولفوون
... خلصصت كلااساات راشد في الكلية وانتهى يووم عوااش في المدرسة بدوون اي احداث يديدة ...

بقااياا همسات :
"و لنا في القدر...أشياء جميلة لا نعرفها "
"الدنيا محطات للدموع....اجمل ما فيها اللقاء....واصعب ما فيها الفراق"
"هذه هي الحياة .. نلتقي بأحد ما .. ربما نكرهه او ربما نحبه "


البارت الرابع
الساعة 3 الظهر رجعت عوااش من المدرسة
دخلت البيت
عواش : السلام عليكم
ام محمد : و عليكم السلام و رحمة الله
عوااش : شششووو الغدااا ؟؟ تراني يوعانه
ام محمد : غداناا سمجج
عواشش : سمجج !!!!! انا ما احب السمج ؟؟؟
ام محمد : شو فيه السمجج !! يا حلاته
راحتت عواش غغرفتها و مسكت فونها و شافت رشوود كاتب الها:
" يا هلااا ؟؟ شخباارج ؟؟"
ردت عليه :
" اهليين ..انا بخيير الحمدلله و انت ؟؟"
دقايق و رد عليها رااشد ..
"تماام ... تغديتي ؟؟"
عواش :
"لا ..غدا سمج و انا م احب السمج "
رااشد :
"روحي تغدي"
عوااش:
"ما احب السمج "
رااشد :
" اوكك سويلج شي ثاني .. اذا ما تغديتي بززعلل منجج تراااا "
عوااش و هي ميتة من الفررح :
"انشاءالله "
بدلت عواشش ملابسها و رااحت تسويلها سندوييج نوتيلا .. ((تموت على شي اسمه نوووتيييييلا ))
كلت .. و شوي و اتصلت لها بنت خالتها فطووووم
فطوم : هلا عويشش
عواش : اهليييين
فطووم : اقوولج عندج شي اليووم .. امتحان ولا شي
عوااش : لا لا فاضيهه !!! ليشش ؟؟
فطووم : اليوم بننروحح الستي بتروحين ويااااانااااا /////// الستي : ستي سنتر الفجيرة
عوااش : هيه .. مني بيروحح ؟؟
فطووم : انا و ريموهه اختي و شمسوووووه
عوااش : اوكيهه برووح بسس بخبر الوالدة ؟؟
فطووم : اوكك يلااا عيل ..مع السلامة
عوااش : باي
# فطووم : بنت خالة عوااش ..عمرها 19 سنة .. قزمة و وييهها دائري و هي في اولل سنة في الجامعة
#ريمووه : اخت فطووم عمرها 22 سنة و تحب الطلعة و الكشخة و هي في اخرر سنة درااسة و هي تدرس بزنسس ( ادارة )
# شمسوووه : بنت خالة عوااش الثانية ...وحيدة امها و ابوها ..عمرها 20 سنة و هي من النووع الي دووم يررمس في النااس و داايم تبى تكوون الاحسسن ....يعني باختصاار ما ترضى انه في احدد يكوون احلى منها ..
راحت عوااش خبرت امها و امها وافقت ... و بعدها اتصلت لرااشد عسب اتكلمه لانها راح تقدر تكلمه بعدين
عواش : هلا رااشد
راشد : اهلين ؟ شخبااارجج ؟؟\
عوااش : الحمدلله بخير
رااشد : تغديتي؟
عوااش : هيه
راشد : في خاطرج شيي
عوااش : هيه .. ابا اقولك اني اليوم ما راح اقدر اكلمك لاني بطلعع
رااشد : وين بتروحين ؟
عوااش : بروح الستي
راشد : متى ؟؟
عوااش : اللحين بعد شووي .. انا نبخليك بروح اتكشخخ
رااشد : اوكك بسس عادي اطلب طللب
عواش : امرر
راشد : ما يامر عليج عدوو .....بسس دامج بتتكشخين و جيه يعني .. ف اباج تتصورين ليي !!
عواشش : اممم .. انشاءالله . مع السلامة حـ....
راشد : مع السلامة و بعدين ..شو تبين تقولين ؟ ليش سكتي
عوااش : هاااا اممم .......كنت بقوول مع السلامة حياااك
رااشد : يلا .. تحملي على عمرجج
عوااش : انشاءالله .. بااي
((اصلا هي كانت تبا تقول مع السلامة حبيبي بسسس ))
راااحت عواش تلبس و تتكشخ .. لبست عباية عنابيهه و شيلة بيج ... و حطت روج عنابي و سحبت الايلاينر ..و لبست كعب بيج .. و جنطة مايكل كورس بييج ...
اتصلت لفطووم و قالوا الها انهم اللحين بالدرب .. دقايق و خطفوا عليها و رااحوا الستي ...
في دربهم للستي ..(( اغنية ))
مدري ش بلاي اليوم نست عيوني "النوم"
"احساس"قلبي غير.. شكلي كذة مغروم
نبضات قلبي تزيد "و انفاسي " و التنهيد
"الحب " مو ب الايد منهو بس الي بيلوم
اغنية مغروم ..اسماعيل مبارك
و هني عوااش سرحت بأفكاارها ... و ب راشد ...و الي كانت تبا تقوله اليوم ..
((وصلوو الستي ..))
قعدوا بستار بووكسس ... و كل وحد طلبت الهاا شيي عااد عوااش تموت بشي اسمه فرابتشينوو ..و فطووم تحب الايس قرين تيي (ice green tea) و الي طلب بلاك كوفي ..و غيرهاا
و بعدها راحوا يتسوقون ..
رجعوا البيت الساعة 10:30 بععد ما شروا السووق كله
عواش كانت تعبااانة و تبى ترقد .. سبحت على السريع و قبل لا ترقد كتبت لراااشد :
"قبل المنام اقولك تصبح على خير
ياللي غلاك بداخل القلب ساكن"
" تصبح على خيرر رشوودد"
راشد :
"قبل نومك وقبل لايسرقك مني فراشك.. عساني أجمل أحلامك لانك أجمل احلامي!"
عوااش :
 ..انشاءالله اول ما اقوم من رقاادي اكلمكك
بقايا همسات :
" ارتحت لك ..صادقتك ..احببتك ..هكذا تنشأ العلاقات .."
"حياتي لا طعم لها .. بدوونك "
" هناك اشخاص .. هم الامل بذاته "

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-03-2016, 08:04 PM
صورة نهى عبد الرمزية
نهى عبد نهى عبد غير متصل
©؛°¨غرامي متألق ¨°؛©
 
الافتراضي رد: رواية "كل شي يتغير في لحظة " /بقلمي


لي رد بعد القراءة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-03-2016, 08:12 PM
صورة أسامه العراقي الرمزية
أسامه العراقي أسامه العراقي غير متصل
©؛°¨غرامي مشارك¨°؛©
 
الافتراضي رد: رواية "كل شي يتغير في لحظة " /بقلمي


احسنت والجميل ماكتبت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-03-2016, 08:14 PM
صورة نهى عبد الرمزية
نهى عبد نهى عبد غير متصل
©؛°¨غرامي متألق ¨°؛©
 
الافتراضي رد: رواية "كل شي يتغير في لحظة " /بقلمي


السلام عليكم

كيفك يا بت

الرواية حلوة وان شاء الله اكون من المتابعين بس عفكرة علاقة راشد بعيوشة حرام واتمنى تنتبهين له لهالشيء

بانتظارگ غاليتي


آخر من قام بالتعديل وردة الزيزفون; بتاريخ 09-03-2016 الساعة 09:13 PM. السبب: حذف اسم الرواية
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-03-2016, 10:43 PM
like_the_moon like_the_moon غير متصل
©؛°¨غرامي جديد¨°؛©
 
الافتراضي رد: رواية "كل شي يتغير في لحظة " /بقلمي


اقتباس:
المشاركة الأساسية كتبها نهى عبد مشاهدة المشاركة
السلام عليكم

كيفك يا بت

الرواية حلوة وان شاء الله اكون من المتابعين بس عفكرة علاقة راشد بعيوشة حرام واتمنى تنتبهين له لهالشيء

بانتظارگ غاليتي
اسم الرواية كل شي يتغير في لحظة و المقصود انه هذي البنت بتتغير .. تابعي احدااث الرواية ما ابا اخربب علييج ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 10-03-2016, 07:06 PM
like_the_moon like_the_moon غير متصل
©؛°¨غرامي جديد¨°؛©
 
الافتراضي رد: رواية كل شي يتغير في لحظة /بقلمي


البارت الخامس:
يوم الجمعة الساعة 11 الصبح :قاممت عواش من الرقاد ..غسلت وييها و مسكت الفون و ما نست وعدها لراشد ..
كتبت لراشد :
"أستيقظ كل صباح وأسأل نفسي متى؟.. متى تسللت لحياتي واستوطنت في كل ركن..ومتى سمحت أنا لقلبي أن يبقيك داخله ويحرسك....صباح الخير يا اجمل شي في حياتي "
رد عليها راشد :
" و صباح النور يا نور حياتي "
"لم يحددوا علاقتهم بين بعض هل هي صداقة؟ ام حب ؟ ام فقط لتبادل الخواطر و الكلام العذب ؟"
نزلت عوااش عند امها و ابوها ..باستهم على راسهم و قعدت عسب تتريق ..و بعدها راحت تقرأ سورة الكهف ..
الساعة 12:30 راحت امون تسبح و تتكشخ لان خالاتها و بناتهم بيتغدوا عندهم ..
لبست مخوور و شيلة ..و حطت روج وردي و اي شدوو خفيف و سحبت الايلاينر ..
نزلت تحت عند خالاتها و بنات خالاتها ..و سلمت على ام ريم و ام شمسة و ام خالد و ريم و فطوم و شمسة و مريم
#ام ريم : خالة عوااش هي الاقرب لــ ام محمد ..طيبة و حنونة شرات ام محمد ..ما يخصها بأحد ..تحب البساطة و الاناقة ف نفس الوقت .. بناتها ريم و فطووم
#ام شمسة : عندها بنت وحيدة و الي هي شمسة ..الله رزقها بولد اسمه عبدالله لكنه من اول ما انولد وهو فيه اعاقة ..توفى عنها و ظلت الها البنت و الي هي شمسة..تحب بنتها تكوون الافضل بين النااس ..تعيب على لبس النااس و مع انه بنتها تلبس نفس اللبس ..
#ام خالد :عندها بنت و ولد :البنت : مريم عمرها 15 و الولد خالد عمره 19 ..طيبة و تحب النااس ..يعني صفاتها قريبة من صفات ام محمد و ام ريم ..
#مريم : عمرها 15 سنة ف الصف التاسع ..شاطرة بدراستها و ذكية ..جمالها متوسط يعني مقبولة لكنها متكبرة و شايفة عمرها ما اعرف لشوو ..
نرجع لقصتنااا . ...... بعد ما سلمت عوااش قعدت صوبهم و قالت ام خالد : ماشاءالله عليج حبيبتي ..عرووس عرووس ماشاءالله
عواش و هي مستحية : شكرا خالوه هذا من ذووقج ..
ام شمسة بغيرة : امم انا اشوفها عادية يعني مب هذاك الزوود
ام ريم : لا لا لا ماشاءالله عليها جماال و دلاال ماشاءالله
ام محمد : هههه ..خلوو عنكم السوالف احين و تعالو تغدوو .. اليوم مسوية لكم مجبووس ديااااايي
رييم : ياااي خالوه انا اموت على مجبووس الديااي مالجج
ام محمد : تعالي كلي بالعافية
و راحوا كلهم يتغدوااا ..

في صوب الرياييل .. ابو محمد و محمد و ابوخالد و خالد و ابو ريم و ابو شمسة ...
بعد ما تغدوو
ابو محمد : بالعافية عليكم
رد الكل عليه : الله يعافيك
خالد :عمي بو محمد .. عن اذنك انا بروح عند الحريم اسلم على خالاتي ..بسس ابغيك تاخذ لي دربب
بو محمد : تعال تعال .. البيت بيتكم و خدوو راحتكم فييه
و راحواا صوب الصالة ..بو محمد : يوو حريمم ..خالد يباا يدخل يسلم على خالاته
ام محمد : خله يدخل محد غرييب
_دخل خالد و سلم على خالاته _ و من اول ما دخل ما قووم عينه عن عووااش _
عوااش تكلم فطووم : اقولج فطوم شفيه خالد من اول ما دخل يطالعني .
فطوم : انتي سحرتي امه بجمالج ما بتسحرينه هوو اللحين
عوااش تضرب فطوم و تقول : يلا عااد هوو مب اول مرة يجوفني ..عسب يطالعني جييه
فطووم : لا لا لا بس الصرااحة اليوم انتي كااشخة ..ما الللوومه يوم يطاالعج
.......
خالد : شخبارج فطووم
فطوم : الحمدلله بخيير
خالد : و انتي عوااش ؟؟
عوااش سرحانة ..
خالد : عواشش شو فيج انا اكلمج
عوااش : هاااا ..شوو ؟؟ منو يرمسني
خالد يضحك عليهاا : اناا! اقولج شخبارج و شخبارالدراسة ويااج ؟؟
عوااش : الحمدلله بخير ..
خالد : شدي حيلج ..هذي اخرر سنة لجج
عوااش : انشاءالله .. ادعولي بسس
خالد : الله يوفقج و تييبين نسبة عالية
الكلل : امييييييييييييييين

_ الكل قعد يسولف و مستانسين ما عداا ام شمسة ..غيرانه ليش قالوا لعوااش انها جميلة ..و ليشش خالد يطاااالعها و يسولف وياهاا_
## خالد : عمره 19 سنة ..في اول سنة في الجامعة ..يدرس قانون ..و عيونه حلوين و وسااع ..يحب الكشخة و يحب الطلعات و السفرات ..
العصر .. الكل رجع لبيته بعد السوالف و الغداا العجيييب _
ف بيت ام خالد
ام خالد ترمس بو خالد : اليوم شفت عايشة بنت اختي ام محمد ماشاءالله عليها جماال و اخلاق
ابو خالد : انزيين .. كملي رمستج
ام خالد : ف انا اقوول انشاءالله يوم بيكبر خالد وبيشتغل ..بنخطب له اياها
ابوخالد : انا اوافقج الراي لكن الولد لازم يختار زوجته بنفسه نحن ما نقدر نغصبه على شي
ام خالد : اكيد ما راح نغصبه ..بس راح نكلمه عنها
ابو خالد : خله يشتغل و يشتغل على نفسه و بعدها لكل حااادث حديث
ام خالد : انشاءالله
_و ف الوقت الي كانوا يتكلمو فيه عن عوااش و خالد ..خالد كان يسمعهم و كان ميت من الفرح لانه من زمان يحبها بس هي كانت ساحبة عليه _
خالد بخاطره : عساج لي يا عوااش و عساني لجج

في بيت بومحمد
عواش قاعد على الشبريه و تكلم رشود على الواتس اب :
عواش: رشود ! ابا اعترف لك بشي ؟
رشود : قولي يالغالية
عواش : بس اخافك تعصب مني
راشد : لا لا .. انا مستحيل اعصب منج
عواش: اناااا حبيتك ..و انا افكر فيك دووم ..انا اسفة اعرف انه انت تعتبر علاقتنا صدااقة بس انا ما اعرف شو استوى فيني ..ياخي و الله حبيتك
رااشد : و انا بقولج شي بعدد.. اني احبج و اموووت فييج ..في خاطري اقول لجج هالشي من زماان بسس قلت خلها علاقة صدااقة
عوااش : صجججج ..صدمتني
راشد :هههه اوكك اللحين في احد صوبج ؟؟
عوااش : لا
_ ترن ترن _ صوت فون عوااش و المتصل رااشد _
راشد : حبيت اقوولها لج بصوتي .. احببببج
عوااش استحت و قالت بصوت هادي : و انا اككثرر
راشد : فديت المستحية انا
وقعدوو يسلفون ..
الساعة 12:30 بالليل:
كتبت عوااش لراشد على الواتساب :
" لاخر نفس في روحي ... اريدك "
رد عليها راشد :
" و لاخر نبض في قلبي..احبك "
# تبادل الاثنين اعذب و اصدق الكلام ..فهذا ما تعودا عليه ..الكلام العذب و الخواطر الصادقة ..
بقايا همسات :
"الحب مجرد صدفة لكنها ....تمتد لفترة طويلة او مدى الحياة "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-03-2016, 05:44 PM
صورة انصهار الألماس الرمزية
انصهار الألماس انصهار الألماس غير متصل
©؛°¨غرامي مشارك¨°؛©
 
الافتراضي رد: رواية كل شي يتغير في لحظة /بقلمي


مرحبااااااااااااااا
يسلموا رواااااااااااااية جميلة وتوي اقراها تسلم اناملك عليها حبيبتي ننتظرك بالبارت الـ 3
تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-03-2016, 07:51 PM
صورة الكاتبة طلحي نسرين الرمزية
الكاتبة طلحي نسرين الكاتبة طلحي نسرين غير متصل
©؛°¨غرامي متألق ¨°؛©
 
الافتراضي رد: رواية كل شي يتغير في لحظة /بقلمي


امممم مابقدر احكم كنت راح علق نفس تعليق نهى وان العلاقو حرااام بس بعدين شفت ردك وقلت خلينا نصبر بس اسلوبك عجبني وراح تابعك

بتمنى تشرفينيhttp://forums.graaam.com/604097.html

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-03-2016, 07:04 PM
like_the_moon like_the_moon غير متصل
©؛°¨غرامي جديد¨°؛©
 
الافتراضي رد: رواية كل شي يتغير في لحظة /بقلمي


البارت السادس
يوم السبت الساعة 8 الصبح .. راحت ام محمد تقووم عوااش من الرقاد ..عسب بيروحون البر في رااس الخيمة ..
ام محمد : عوااش اميه يلا قومي .
عواشش بكسل : ها هاا اميه احين بقومم ,, اليوم فيه مدرسة شووو ؟
ام محمد : هههه لا لا قومي بنروح البرر ...تلبسي و جيه ويلااا لا تتأخرين !
عواش : منوو بسير ويانا ؟
ام محمد : نحن و خالاتجج و عيالهمم ..بنتسوي الغداا هناك
عوااش بكسلل : انا م ابا اروووح .. بقعد هنيه ..ابااااااااااا ارقد
ام محمد : شقايل بعد م تروحين ؟؟ محد بيقعد ويااج بالبيت
عواش : ويين انزين ؟؟
ام محمد : برر راس الخيمة
عواش بفرح و شوية توتر : هاااااااااااا ... وييين ... قلتيلي رااس الخيمة ..قامت من شبريتها و قالت : اللحين اللحين بلبسس على السرييع .. دقايق و تشوفيني جااهزة
ام محمد : بسم الله علييج امييه .. فييج شيي
طلعت ام محمد و هي تتحلط .. والله هالبنت مينونهه .. العقل نعمة اميه .. خبله خبله هالبنت ...( تعرفون حلطمة الامهات )
لبستت عواش و كشخت ..الساعة 9 اتصلت لرااشد ..
راشد بصووت قايم من الرقااد : اللوووو .
عواش : عسى ما قومتك من الرقااد
راشد : لا لا عادي
عوااش : بتطلع اليوم
راشد : مممم .. م بروح مكاان بعيد بسس بروح العزبة
عوااش : اهاا .. ما تبا تعرف انا وين بروح اللحين ؟
راشد : ويين ؟؟؟
عوااش : بنيي صوبكم .. راس الخيمة
رااشد من الشبرية : صدددددددق .. وين براس الخيمة
عوااش : عواافي
راشد : اول ما توصلون ..خبريني ؟؟
عوااش : ليش ؟؟
راشد : انتي خبريني و بسس ؟؟
عوااش : اوككك
.. الساعة 9 و نص طلعو من البيت و راحوو راس الخيمة ..
| من صوب رااشد |
قام رشودد من الرقاد و هوو فرحان ..
الرقاد تكشخخ و لبس احلى شي عنده .. تعطرر و تبخرر .. سرحح شعره الاسود ...
نزل عند امه ..و خبرها انه بيروح العزبة ..
ام راشد : بتروح العزبة و انت متكشخ جييه
راشد : هيه اماية .. لاني بروح ويا ربيعي و بعدها بروح العزبة
ام راشد : قوول جيه من الاول ... يلا بحفظ الرحمن
طللع راشد و ركب سيارته .. و راح بتمشى صووب عوافي
| من صووب بيت ام محمد و عوااش|
الساعة 10 و نصص تقريبا
وصلل الكل .. ام خالد و ام ريم و ام شمسة .. مريم .. ريم و فطووم ... و شمسة ( اليمعة كانت بس للبنات )
الي يرتب المكان .. الي يجهزز ادواات الطبخ .. و الكلل منشغل ما عداا عوااش
... تتصل لرااشد ...
الوو هلا رشود
راشد : اهلين .. وين وصلتوو ؟
عوااش : هيه
راشد : امممم انتي صووب وين ؟
عوااش : ليش ؟
راشد: اباا اشوففج
عوااش : تشوفني ؟ لا لا انا معع اهلي
راشد : عادي انا ما راح ايي صوبكم بسس من بعيد
عوااش : لا لا ما اباا
راشد يهددها : تراا اذا ما خبرتيني انتي وين بزعل منجج ..
عوااش سلمت امرها لله و شرحت له همم ف اي جهة و جيه ..
دقاايق و عوااش شافت سيارة متقربة منهم ... خافت انه يكوون راشدد
.. شوي و السيارة وقفت و نزل منهاا ريال و رجعع يركب السيارة .. كأنه يباا شي منهمم
ام محمد : عوااش اميه روحي شوفي هذاا شو يباا
عوااش مترددة : هااا امييه .. يمكن مب لناا
ام محمد : لا لا لناا روحي شوفي
عوااش : انشاءالله
_ تتقرب خطواتها للسيارة .. شوي شوي .. بخطوات مترددة و خايفة _
و صلت للسيارة .. فتح لها الجامة ..و قال : هلاااا
ردت عوااش بدون ما تطالع ويهه : اهلين اخويه .. تباا شيي ..؟؟
ردد الولد : انا اباج انتي ..
رفعتت عوااش راسها و قالت : يااا قليل ...و وقفت .. انصدت انهه راشد ياي لها
قاالتت : رشوود روحح ما ابا مشاككل .. بليزز رووح يلا يلا عن اذنكك
قال رااشد : تعالي و لا بزعل منجج
وقفت و رجعت له و هي خيفانة : شوو تبا تورطني
راشد : امم هيه .. و ضحكككككككك
عوااش : يلا عاد .. انا برووح
راشد : اوكك روحي .. بس اتصليلي
عواش : انشاءالله .
دخلت عند اهلها
ام خالد : ها بنتي عوااش .. شو يبا هذا الريال
توهقت عوااش : هااا خالوه .. امم يباني ادليه عنن مكاان
ام خالد : اهااا .. و انتي كيف تعرفين الاماكن هنيه
عوااش : انا قلت له يفتح قوقل مااب
دخلت ام شمسة عرررض : بل بل كل هالوقت تقوليله يفتح قوقل مااب
عوااش: علمته كيف يستخدمه
ام شمسة : اهااااااااااااا
.. راحت عوااش تساعدهمم . طبخواا و سووا برياني لحمم .. انشغل الكل .. الي ينجب الغداا و الي يجهزز السفرة و الي يصوور و الي يسوولف و الي محطي ريل على ريل و ما يساااعد اححد ..
.. من صوووب راشدد في السيارة ..
" حبيبي مابي احدٍ سواك عندي كل شي اراك انت الاغلى تراك فالكووون
لاتظن اتركه حبك من الله بركة قلبي غرام اهلكه!
تموووون"
..حبيبي - اسماعيل مبارك

راشد سرحان باللي استوى .. مب مصدق انه شافف عوااش ... سرحان فيها و بعيونها .. يتذكر صوتها و يبتسم ..
و فجأأأأأأأأأأأأأأأأأأاة .... طرااااااااااااااااااااااااخ ...
صوت اسعاف .. نااس متجمعة .. صوت صراخخ و صياااح ..

صوت فون راشد و المتصل "قلبي"

ردد عبدالله عليهاا بعدد 7 مكالماتت
عوااش : الوو راشد .. شو فيك ؟؟ اتصلت لك مليون مرة و ما رديتي
عبدالله : مرحبا
عوااش : الوو منوو ؟؟
عبدالله : انا عبدالله .. ولد خالة راشد
عواش : وين راشد ؟؟
عبدالله : رااشد بالمستشفى
عوااش منصدمة : بالمستشفى ..لييييش شو فيه – و تصيح –
عبدالله : لا تخافين .. راشد بخير.. اليوم سوى حااددث ..
عوااش : حااااااااادث .. متى؟؟ و وين؟؟ و كييف ؟؟
عبدالله : دعمم شاحنة بسس هو اللحين بخير .. بسس انكسرت ايده اليساار ..
عوااش : انتو وين احين ؟؟ بأي مستشفى
عبدالله : في مستشفى ....
عوااش : انشاءالله ..مسافة الزمن و اكوون عندكممم ..
اهل عواش كانواا قاعدين في العزبة يسوولفوو ...
عواش زقرت فطووم و خبرتها السالفة .. خبرت امها انها بتروح تتمشى وياا فطوم ..
و راحوا المستشفى
فطووم : عوااش شوو السالفة ؟؟
عوااش و هي تصيح : انتي ركبي السيارة اللحين .. و وصليني المستشفى

- ف الدرب ..خبرت عوااش فطووم سالفة رااشد - ..
وصلت عواشش المستشفى ... دخلت غرفة رااشد ..


بقايا همساات :
• " انا قوية امام كل شي في هذه الحياه ..و لكن قوتي تموت كلها عندما اراك "
• "ودي ابعد عن تفاصيل الزمان ، واسكن جروحك ولو فيها نكد .."


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-03-2016, 04:56 PM
صورة انصهار الألماس الرمزية
انصهار الألماس انصهار الألماس غير متصل
©؛°¨غرامي مشارك¨°؛©
 
الافتراضي رد: رواية كل شي يتغير في لحظة /بقلمي


رررررررررررررررررررروعه البارت
جمييييييييييييييل حده
اتوعق راشد هو إللي ينهي العلاقة
تحياتي

الرد باقتباس
إضافة رد
الإشارات المرجعية

رواية كل شي يتغير في لحظة /بقلمي

الوسوم
يتغير لحظة , رواية , كل شي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ماكنت اتوقع أني أحبها /بقلمي Remoz أرشيف الروايات المغلقة - لعدم إكتمالها 94 19-09-2016 06:21 AM
رواية فلتمضي بعد الفراق /بقلمي جلنار،، ارشيف غرام 5 22-11-2015 08:49 PM
رواية قصة حب عاشت معاناه /بقلمي xx_tosh7 روايات - طويلة 15 13-10-2015 01:56 AM
رواية طيات الحاضر والماضي /بقلمي امبراطورة الانمي روايات - طويلة 14 09-03-2015 10:50 PM
رواية في هالدنيا عابرين /بقلمي ماضي جميل روايات - طويلة 2 09-03-2015 02:20 PM

الساعة الآن +3: 10:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1