منتديات غرام روايات غرام أرشيف الروايات المغلقة - لعدم إكتمالها دخلت دائرة الأنتقام،أثاريها دائرة الغرام
zxijp.55 ©؛°¨غرامي جديد¨°؛©

ياقاسيَ القلبِ قدْ أشعلتَ أحزاني

ناراً بها مقلتي ذابتْ وأجفاني

آلامُ بعدكَ كالإعصارِ هائجةٌ

ضجَّتْ بها مهجتي، واعتلَّ شرياني

تأتي إليَّ بذكرى عشتُها فرحاً

بينَ الجفونِ وفي صدري ووجداني

أعانقُ الطفلَ عبرَ الطيفِ أحضنُهُ

فأشعرُ الدِّفءَ أنفاساً بأحضاني

طويتُ عمراً مضى شوقًا لمغتربٍ

ياليتَهُ ساعةً بالشوقِ يلقاني

ياقاسيَ القلبِ هلْ طيفي يمرُّ بكمْ

أمْ غمَّهُ الهجرُ ممتدَّاً بنسيانِ

أنا التي مااشترتْ سلوى بحرقتِها

علِّي ألاقي بها قبراً لأحزاني

فخذْ فؤاداً بنبضٍ قد غدا قلِقاً

وعدْ بهِ زاهياً يازهرَ بستاني

لاتهجرِ القلبَ إنْ أهداكَ خافقَهُ

اِرحمْ بهِ دمعةً فاضتْ بتحنانِ

أمٌّ أنا، فلذتي، قد صرتُ عاجزة ً

عن التصبَّرِ فارحمْ نارَ حرماني
-
انسج لكــم رواية من خيـالي بأحداث جديدة وغريبــه غير عن المألوف،اطرحها لكــم للمتعه والتشويق والاثـــارة وكيف لأن يصبح العــدو الحبيب والملجـأ الوحيد لنـا ودواء أوجاعنــا وأحزاننا
..أتشرف بمتابعتكم لي ولي الشرف بالانظمام لصرحكم
الشـامخ ،كنت كما كان قـارئة وسأظل قارئة،لاأطمح للكمال ولا ارضى بالنقصــان،،
الكـاتبة/رنا
Insta:zxijp.5

البــــٌـــــدايــةة
......
جالس على الكرسي مصدوم من اللي يسمعه رفع عينه وناظر لشخص الواقف قدامه،
قال وبصوت مصدوم اقرب للهمس:انت وش تقول ؟؟؟!
سعود:اذكر الله هذا قضاء وقدر وهذا يومهم لاتعترض على قضاء ربك
وقف وراح لنافذة الطويلة غمض عيونه وهوا مازال في صدمة من هالخبر
وبكل مافيه من ضعف وحزن:إنا لله وإنا إليه راجعون ،اللهم اجرني في مصيبتي وخلف لي خيرا منها ...
يحس برجفة تسكن في كل خليه من جسمه وكيف الموت قدر يخطف أغلى شخصين بحياتة،يحس ان رجوله راح تخونه وراح يطيح على الارض بأي لحظه حاول يتماسك ويقوي نفسه وهو مازال مغمض عيونه ...حس بيد عمه سعود على كتفه يشد عليه وهو يقول :جهز نفسك رحلتنا لسعوديه بعد ساعتين
بهمس:أبغى أجلس لحالي
سعود تفهم وضعه وان الخبر نزل "كصاعقة" عليه وخرج من المكتب
سرح بخياله وتذكر اخر مره شاف فيها امه وابوه قبل سنة
امه:ياولدي بفرح فيك واشوف عيالك قبل ما اموت
بد:الله يطول في عمرك وش هالكلام بدري على الزواج
ابوه:وش بدري عليه وانت عمرك صك الثلاثين
بدر:ما افكر فالموضوع حالياً واذا فكرة فيه خبرتكم
امه طفشت من راس ولدها اليابس:الله يهديك
_
في بيت أبو عبدالله بعد الغداء
أبو عبدالله:ليش مارحتو الجامعه اليوم؟؟؟
رتيل:مالنا خلق قلنا نسحب أحسن
أبو عبدالله: تقولين كذا وهذي آول سنة لك
رتيل بملل: تكفى يوبه لاتذكرني انها آول سنه لي
افنان تضحك عليها: احم احم ياحرام مسكينه أختي
رتيل: يوبه شفها تتشمت فيني
افنان بشهقه دراميه:أنا اتشمت فيك!!
ابو عبدالله:افنان اتركي أختك بحالها
رتيل:اصلاً عادي الدراسة والكرف حلو
افنان: يحليلها أختي تسلك لنفسها ترى باقي لك ثلاث سنوات
قامت رتيل واتجهت ل افنان وافنان لما شافتها وقفت وهربت قبل لا تتوطى رتيل في بطنها
_
وصلت طائرتهم لرياض، من سنة ماجاء لرياض
طلعو من المطار واصر على عمه سعود ان هو من يسوق السياراة لاكن سعود منعه وان حالته ماتسمح لان الارهاق واضح على ملامحه الذابله،اكتفى بدر بالصمت وتوجهوا لبيت ابو بدر نزلو من السيارة وشاف بدر تجمع كبير من أقاربه عند البيت بدأُ بتعزيته كان يرد عليهم بكلمات مختصره جداً
_

nadaah850 ©؛°¨غرامي جديد¨°؛©

كملييي بداية راائعه


zxijp.55 ©؛°¨غرامي جديد¨°؛©

المشاركة الأساسية كتبها nadaah850 اقتباس :
كملييي بداية راائعه
يابعــد قلبي مرورك اروع💗

zxijp.55 ©؛°¨غرامي جديد¨°؛©

البــــــارت الثــانـي..
-
'في اليوم الثاني
في الجامعة بعد انتهاء المحاضرة
رتيل وهي تغمض عيونها:اووووف ودي أنام
رشا:آيه حتى انا ودي انام ذا الدكتورة تجيب النوم
غادة: يلا انتي وهي نروح الكفتيريا
رتيل:مالي حيل امشي للكفتيريا
غادة: ياربي من الكسل ترى خطوتين وانتي بالكفتيريا!!
رتيل تستهبل: ياكذابه انا حاسبتها عشر خطوات
رشا:ههههههههههههههههههه كفك كفك
رتيل ترفع كفها وتضربه في كف رشا
غادة: شكلكم فصلتو اروح اجيب لكم شي يصحصحكم أحسن
راحت غادة للكفتيريا ورتيل ورشا حطو روسهم على الطاولات ودهم ينامون
_
كان جالس مع اقاربه هذا ثالث ايام العزاء ماكان موجود الاقليل من جماعتهم كان جالس بهدوء مايتكلم إلا اذا تكلم معه احد
رجل كبير في السن من اقاربه: يلا انا أستأذن
وقف بدر وودعه مابقى الا هو وعمه سعود في المجلس
سعود:بدر روح ارتاح في غرفتك اكيد تعبان
بدر:و كيف يجيني النوم
سعود حزن على حاله كثير :لاتسوي في نفسك كذا ولاتعترض وتتسخط على قضاء ربك
خرجت من بدر تنهيده حزن و ضيق
بدر وقف واخذ مفتاح السيارة وكان متجه للباب
سعود: وين رايح ؟؟؟
بدر من دون مايلف عليه: بروح اتمشى شوي
سعود: تبيني اجي معك؟؟
بدر: مايحتاج تروح معاي ارتاح
سعود: فمان لله وانتبه لنفسك
طلع وركب في السيارة وهو يحس بضيق يستوطنه رخى راسه على مقعد السياره وهو يفكر ويسرح بخياله مع امه وابوه .... _
في غرفة رتيل
افنان: رتيل يلا اصحي وش ذا النوم
رتيل بصراخ: افنانوه اتركيني أنام حرام عليك
افنان: من جيتي من الجامعة وانتي نايمة راحت عليك الصلاوات
رتيل تجلس بسرعة:كم الساعه الحين؟؟؟
افنان:الساعة ثمانية الليل
رتيل: يوووه ليش ماصحيتيني لصلاة
افنان طلعت عيونها: يالظالمه لي ساعتين اصحي فيك انتي الي مارضيتي تصحين
رتيل وهي توقف: ياربي اغفر لي راحت علي صلاوات
افنان: وش تنتظرين روحي صلي بدال الهذره
رتيل راحت الحمام وغسلت وتوضت وصلت الصلاوات الي فاتتها
__
'كان جالس في جناحه على السرير ويفكر قرر يترك الرياض باللي فيها ويرجع تورينو ويكمل شغله و حياته،هناك يقدر ينساهم وينشغل بشغله،ماتوقع ولافكر انه ممكن يفقدهم ويظل وحيد من دونهم هو صحيح انه كان في الخارج وبعيد عنهم بس كان يحس فيهم حواليه يكلمهم ويتطمن عليهم،تعوذ من الشيطان وهو يمسح على وجهه يبعد هالافكار من باله،، __
في بيت ابو عبدالله اجواء عائليه عفويه لا تخلو من الضحك والمقالب
هادي يهايط:اليوم بالجامعة مسكت الدكتور وعلقته بالسقف رفع ضغطي
عبدالله: الحين متأكد انك انت الي علقت الدكتور بالسقف ماهو العكس؟؟؟
هادي مكمل هياط:ايه على بالك أني رخمه مثلك
عبد الله يجاريه:الحين انا رخمه صح؟؟
هادي من دون ماينتبه لنظرات عبدالله:ايه وانا الصادق انت ارخم......
ماكمل هادي كلامه لان عبدالله راح له وسدحه بوسط الصاله وحط رجله على ظهره
عبدالله: من الرخمه الحين هاه؟؟؟
هادي بصوت مكتوم:أنا الرخمه
عبدالله:ههههههههههههههههههههههههههههههههههههههه شفت الهياط مو زين
افنان: هههههههههههههههههههههههههههههه شف وجهه صار احمر كأنه طماطم
أم عبدالله: قوم عن أخوك لا تذبحه الحين
هادي: فديت الي تخااااف علي
رتيل: هاادي وش تحس فيه الحين ؟؟؟
هادي:أحس اني مبسوط يعني وش بالله احس اني مخنوق وذا عبيد علي
عبدالله يمثل العصبيه: أصغر عيالك انا تقولي عبيد
هادي:خلاص طال عمرك اسفين ممكن لو تكرمت الحين تخليني اقوم
عبدالله يسوي نفسه يفكر: خلاااص بترك بس لاتهايط علينا مرره ثانيه
هادي يقوم من على الارض ويقول وهو يركض خارج من الصاله:اقول يالوررع انت الي لاتهايط
رتيل: ههههههههههههههههههههههههههههههه فديت أخوووي الي يهايط وينحااش
عبدالله:كأنك رجال وقد كلمتك تعال
هادي يستهبل:قالو لك مهبول اجيك يلا تشااااو

___

اسراء بنت احمد ©؛°¨غرامي جديد¨°؛©

بداية روعة وحبيتها كتير بس اتمنى انك تطولي البارتات

zxijp.55 ©؛°¨غرامي جديد¨°؛©

المشاركة الأساسية كتبها اسراء بنت احمد اقتباس :
بداية روعة وحبيتها كتير بس اتمنى انك تطولي البارتات
يابعــد قلبي أنتي مرورك الاروع،وان شاء الله بطول البـارتات لعيونك😪💗..

انصهار الألماس ©؛°¨غرامي مشارك¨°؛©

هههههههههههههههههههاي حبيييت هادي وهياطه يذكرني بولد عمتي(فارس)
والروااااااااااااااايييية روووووووووووووعه مثل كاتبتها الجميلة والحبيبة لقلبي من اول كلمة كتبتها
وتسلم اناملك عليها حبيبتي
بس طلب لا ترديني...زوجيني هادي ؟؟؟هههههههههههههه
رتيل وافنان أحس اني اشوف بنات عمي قدامي وبجد كأني عايشة وسط ناس اعرفهم
بدر الله يعينه فقد الأب والأم بنفس الوقت صعبببببب مرررره
انتظرك ي عسل بس حددي وقت للبارت
ملاحظة صغنونة مررره؟؟كبري الخط لـ رقم 5 بليييييز
ويسلموا
تحياتي....ألماس


zxijp.55 ©؛°¨غرامي جديد¨°؛©

المشاركة الأساسية كتبها انصهار الألماس اقتباس :
هههههههههههههههههههاي حبيييت هادي وهياطه يذكرني بولد عمتي(فارس)
والروااااااااااااااايييية روووووووووووووعه مثل كاتبتها الجميلة والحبيبة لقلبي من اول كلمة كتبتها
وتسلم اناملك عليها حبيبتي
بس طلب لا ترديني...زوجيني هادي ؟؟؟هههههههههههههه
رتيل وافنان أحس اني اشوف بنات عمي قدامي وبجد كأني عايشة وسط ناس اعرفهم
بدر الله يعينه فقد الأب والأم بنفس الوقت صعبببببب مرررره
انتظرك ي عسل بس حددي وقت للبارت
ملاحظة صغنونة مررره؟؟كبري الخط لـ رقم 5 بليييييز
ويسلموا
تحياتي....ألماس
هههههههههههههههههههههههههههههه أبشري وهادي صار لك،وبخصوص البـارتات انا الروايه مخلتها كلها وكل يوم بأنزل بارتين او ثلاثه والوقت مافي وقت محدد الصراحه،والحمدلله اعجبتك البدايه ولاتحرميني من ردودك

zxijp.55 ©؛°¨غرامي جديد¨°؛©

البـــارت الثـالث..
.
'اتصل عليه سعود وطلب منه يجي الشركة لانه يبيه في موضوع ضروري استغرب وكان يفكر وشي الموضوع الضروري،،،
وصل الشركة بهيبته الي ترعب الكل ، لما شافوه الموضفين وقفو بسرعه ورحبو فيه وكان بعض منهم يعزيه كان يرد عليهم بهدوء عكس الي بداخله ،،،
بدر لأحد الموضفين: وين سعود؟؟
الموضف بكل احترام: هو في مكتب الوالد طال عمرك
توجهه بدر لمكتب أبوه دق الباب ودخل شاف سعود واقف عند المكتب وفي يده ملفات
بدر: السلام عليكم
سعود وهو يحط الملفات على المكتب: وعليكم السلام
بدر: عسى ماتأخرت عليك؟؟؟
سعود: لا اصلاً انشغلت بالملفات شوي
بدر: قلت انك تبيني في موضوع ضروري لايكون فيه شي
سعود بأبتسامه: تعال اجلس وش فيك مستعجل
جلس بدر ع الكرسي المنفرد وجلس سعود بالكنبه المقابله لبدر، نظر فيه بدر بنظرات كأنه يقول له تفضل....
سعود بداء كلامه: بدر انا حبيت اتكلم معك عن شركة الوالد الله يرحمه
بدر بأستغراب:الله يرحمه،،، بس وش فيها الشركة؟؟
سعود: أنت لازم تترك شغلك بتورينو وتمسك شركة ابوك هنا
بدر بهدوء: نفسي عافت الرياض من بعدهم ومستحيل اظل هنا
سعود بتفهم: طيب وشركة ابوك؟؟؟؟
بدر بنفس الهدوء: تقدر تديرها انت وأنا اشوف اني ماراح ارتاح اذا ظليت برياض
سعود وهو حاس ان بدر مو مرتاح برياض ويعرف ان هذا راح يريحه:الي تشوفه انا مو حاب اضغظ عليك وسو اللي يريحك
بدر: يلا أنا أستأذن
طلع بدر من الشركة ونفسه عاااايفه الرياض يحس انه اذا ظل بالرياض ماراح يرتاح وبيظل يتذكرهم........ __
في المحاضرة انواع الاستهبال والضحك ولا معبرين الدكتوره الي تشرح
رشا: بنات ودي اعطي احد كف واصارخ عليه
رتيل: ابد ماينفع تعصبين
رشا: اعرف انا راح اخرب أم العصبيه واجلس اضحك
غادة: انا مجرد تخيل مقدر اتخيلك تعصبين
الدكتوره بصوت عالي: انتي وهي اذا مو عاجبتكم المحاضره تقدرون تطلعون برا
رشا تناظر في الدكتوره وهي تأشر عليهم: تكلمينااا؟؟؟
الدكتوره بعصبيه: لا أكلم الجدار الي وراك
رشا تلف وتناظر في الجدار وترجع تناظر في الدكتوره: الله يهداك يادكتوره في احد صاحي يكلم جدار
نص بناات القاعه جلسو يضحكون على شكل الدكتوره وهي شوي وتنفجر من القهر والعصبيه
الدكتوره بصراخ: يلا بسررعه اطلعي من القاعه
رتيل تمتمت: لاتكفين بنموت إذا ماحضرنا محاضرتك
الدكتوره: بسررعه برا والي مو عاجبتها المحاضره تطلع
رتيل وافنان ورشا طلعو وهم يضحكون وطلع وراهم نص بنات القااعه لانهم يكرهون ذا الدكتوره (
_
'كـــــان جالس في مزرعته خارج الرياض يبي يبعد عن الرياض قد مايقدر ومو قادر يظل في بيت ابوه كل مكان في البيت يذكره فيهم، كل ما ناظر بمكان يتذكر موقف له معاهم، وقف وراح يمشي متوجه لاسطبلات الخيل الموجودة خلف القصر، دخل الحظيره وناظر بالخيل الموجود فيها كان لونه اسود،قرب منه وصار يحرك يده عليه وهو يتذكر اليوم اللي اهداه ابوه ذا الخيل لما كان عمره 7سنوات سرح بذاكرته وهو يتذكر ابوه لما كان يعلمه ركوب الخيل وكيف تعلم بسرعة واعتمد على نفسه بركوبه،،،خرج من الحظيرة بسررعة وهو يفتح ازارير ثوبه العلويه رفع راسه لسماء وغمض عيونه يحس انه مو قادر يتنفس وبهمس وصوت مخنوق:،،،يــارب رحمتك
__
كانت جالسه في الصالة وتتابع فلم رعب وخايفه ماهي متعوده تتابع فلم رعب لحالها كانت تتابع مع افنان او هادي وبس افنان نايمه وهادي خارج البيت،كان صحن الفشار بحضنها وتاكل وهي مندمجه مع الفلم بعد شوي حست بيد احد تغطي عيونها،نطت من مكانها بخوف وهي تحاول تشيل اليد عن عيونها،،،سمعت صوت هادي يضحك عليها وهو يشيل ايديه عن عيونها،،
هادي وهو يجلس ع الكنبه ويضحك:ههههههههههههههههههههههههههههههه اخ يبطني
رتيل بعصبيه وخوف وهي تتحلطم:ليشش كذا خوفتني كان بيوقف قلبي من الخوف
هادي:ماكان قصدي اخوفك بس انتي اللي نطيتي وجلستي تصارخين هههههههههههههههههههههههه بس والله شكلك كااان توحفه وانتي خايفه
رتيل وهي ترمي عليه المخده وبزعل:مااالت عليك كنت بتجلطني
__
خرجت سيارته الـبنتيلي السودا من المزرعة متوجهه للمطار كان جالس بهدوء ونظراته متوجهه للطريق،يبي يترك الرياض وكل مافيها رافض يعيش هنا واهله مو موجودين بحياته،، يحس الحياة صارت كئيبه في نظره ،قرر يرجع تورينو ويكمل شغله اللي ابوه كان كارهه وكان يتمنى ان بدر يتركه بس بدر كان عنيد ومارضى يتركه وكان يقنع ابوه انه مرتاح وان شغله عاجبه رغم كل المشـاكل اللي فيه،، ___
'في غرفة افنــــــــان
رتيل جالسه على السرير، وافنان واقفه قــــدام المرايه تقيس فستان ناعم بلون العنابي ورتيل تتفرج فيهــــــا،،،،،
لفت افنان على رتيل وهي تقول: وش رايــــك؟؟؟
رتيل بأبتسامه: بسم الله عليك تهبلين
افنان ترد لهــا الأبتسامه: تسلمين،بس مو احلى منك
رتيل أكتفت برد ابتسامه،افنان جلست جنبها ومسكت يد رتيل وبحنان
افنان:رتيوول حبيبتي احس في شي مضايقه قوليلي!!!
رتيل بتنهيده:لاتخافين مافيني شي بس شوي متضايقه
افنان:ومن اللي مضايقك؟؟
رتيل ناظرت في افنان وبعدها ضمتها وهي تحبس دموعها
رتيل بصوت مبحوح:أفنان احس قلبي ناغزني واحس بيصير شي
افنان بخوف:رتيل يقلبي بسم الله عليك ان شاء الله مو صاير إلى كل خير بس أنتي تعوذي من الشيطان
رتيل:والله يا أفنان احس اني مو مرتاحه
افنان:قوومي يقلبي قوومي جعلني افداك صلي لك ركعتين وبترتاحين ان شاء الله
__
وصل المطـــار ونزل من سيارته بهيبته اللي متعودين عليها،دخل صالــة المطار وتوجه لطائــــرته الخاصه رفع نظراته لدرج الطائرة وبعدها رفع ايدينه ومسح وجهه لف على يوسف اللي كان واقف ويناظر فيه بصمت،،،
قرب بدر من يوسف وسلم عليه وهو يودعه،،،
بدر:انتبه على نفسك يايوسف واي شي تحتاجه انا موجود
يوسف:ماتقصر طال عمرك
بدر:تبي شي قبل لا اروح
يوسف:ماأبي الا سلامتك استاذ بدر
بدر:الله يسلمك
لف بدر وقرب من درج الطائرة وقبل لا يصعد جاه صوت يوسف المتردد،،
يوسف بتررد:متى راح ترجع الرياض طال عمرك؟؟
بدر دون مايلف عليه قال:ماأظن أني راح ارجع مره ثانيه خلاص عفت الرياض وكل مافيها
صعد درج الطائرة وهو يحس بنار تشتعل بقلبه يحس بحاجته لهم مهما كبر يظل بحاجتهم يحس انه تغير عن بدر اللي قبل صار انسان بارد انسان يخلو من المشاعره انسـان قاســــي حتى على نفسه...
__

مالي مثال ©؛°¨غرامي مشارك¨°؛©

لاااااا��
كملي بليييييييييزز
تحمسسسسست كثيررررر

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1