منتديات غرام منتديات إدارية - يُمنع طرح اقتراحات ارشيف غرام اول كتاباتي : عشقتك لانك غير كل البشر
ضحكتي جنان.. ©؛°¨غرامي نشيط¨°؛©

بسم الله الرحمن الرحيم
انا مدمنه روايات من كثر ما شفت روايات خلتني احب اني اكتب وطبعا هذا بعد دعم من صديقاتي الله لا يحرمني منهم راح اقدم لكم اول كتاباتي عشقتك لانك غير عن كل البشر
البارت الاول
في احدى بلاد الغرب وبالتحديد المانيا
دخلت المستشفى وهي حامله بوكيه ورد جوري احمر
صعدت اللفت ووصلت الدور المطلوب تمشي وهي خانقتها العبره وصلت عند باب الغرفه وتصنعت الابتسامه
طقت الباب ودخلت وهي تبتسم : هاي بابا كيفك اليوم وراحت باست ابوها على راسه و نفس الشي لامها
اخباركم شنو قال الدكتور
الاب : شتبيني اقول يابنتي بس تعبان
الام : اذكر الله يا محمد ان شاء الله انك بتتعالج ونرجع لاهلك زين حبيبتي تعرفين اللي بالغرفه اللي عندنا في هذا الدور
زين :اي ماما شفيهم
الام: طلعوا جايين يعالجون امهم لان فيها نفس مرض ابوك
محمد (الاب): الله يشفيها ويشفي جميع المسلمين روحي يا بنتي ودي لهم بوكيه الورد لعل الله يكتب لنا اجر في اسعاد المريض
زين: من عيوني يا احلى حمود في العالم كله
ام زين بمزح : بس يا بنت محد يدلع ابوك الا انا
زين : الله الله يا محمد نوره تغار عليك
ابو زين و هو يضحك : يلا يا زين روحي قبل لا تطردك امك
زين : واهه فديت الضحكه بس اعرف ماماتي ما تطردني صح نواره
ام زين تتصنع العصبيه : بلى اسويها امشي يلا اشوف ودي الورد للناس عيب
زين: الواحد ما يمزح وطلعت قبل لا تسمع اي كلمه من امها
~~~~~~~~~~~~~~~~~~~~~~~~~~~~~~~~~~
اعرفكم على العائله السابقه
محمد انسان محترم له مكانته في المجتمع وعنده خير من الله ويموت على بنته زين وحيدته معاه مرض الخبيث الله يبعده عني وعنكم عمره 49
نوره زوجه محمد وهي من اصول تركيه تزوجت محمد عن حب والله ما كتب ان يكون لهم عيال غير زين وهي ماسكه شركات زوج الى ان تكبر بنتها وتسلمها كل شي و عمرها 44
زين بنت جميله بكل ما تعنيه الكلمه شعرها لاخر ظهرها ولونه كستنائي وعيونها عسلي فاتح على جدتها التركيه ام امها و طولها طبيعي بالنسبه لانثه و جسمها حلو لا هي اللي متينه ولا هي الحيل ضعيفه بيضه مع لون شفايفها اللي نفس حبه التوت وعمرها 18
~~~~~~~~~~~~~~~~~~~~~~~~~~~~~~~~~~
في مكان ثاني في نفس المستشفى بس غرفه ثانيه

يلا يمه انا رايح تبين شي
الام : سلامتك ياولدي بس خذ معك اريج
اريج: لا يمه ماراح اروح بقعد معك يمكن تبغين شي منو بيكون موجود صح يزيد كلامي
يزيد : صحين وفي احد يقدر يقول غلط حق اريج الملسونه هههه
الام:هههه
اريج :الحين انا ابي مصلحه ماما وانت تقول اني ملسونه تتكلم وهي خانقتها العبره
يزيد:افا تزعلين مني امزح معك يا بنت المهم انا الحين بمشي واذا بغيتو شي اتصلوا علي وجاء يبي يطلع
اريج وهي تنادي : يزيد لحظه
يزيد:ها بغيتي شي انا مستعجل ابي اروح السفاره
اريج: تدري الغرفه الثانيه طلعوا نفسنا من السعوديه
يزيد : والله جد بشري امي
اريج: تصدق اني هبله اتكلم معاك روح مابي اشوفك
يزيد: ماشي مو بعدين تتصلين علي يزيد تكفى تعال انا طفشانه ok
.................................................. .........................نبذه عن العايله الثانيه
ام يزيد هاجر عمرها 54 معاها الخبيث تتعالج منه صارلها 4 سنوات حبوبه وتحب عيالها اكثر شي بالدنيا
ابو يزيد توفى قبل اربع سنوات وكتب كل املاكه وشركاته باسم يزيد
يزيد شاب وسيم له معضل بس مو اللي اوفر جسمه حلو وابيضاني وشعره مخففه من الجنب و بالوسط مخلي شعره عادي عيونه وساع ولونهم عسلي وهو انسان بارد يكره الانسان اللي يعامله على انه غبي وله شخصيه قويه عمره 24
اريج :عمرها 19 شخصيتها قويه تحملت كل شي علشان امها وتحب ولد خالها
.................................................. .........................نرجع لبطلتنا
بعد ما طلعت من غرفه ابوها رن تلفونها
زين:يوه من يدق الحين ردت بدون ما تشوف الرقم
الوو
هلا والله بالقاطع... الحمدلله ......والله حالته ما تسر .....اخباركم انتم.... والله ......خلاص باي بعدين اكلمك وسكرت التلفون
مشت شوي وهي سرحانه (الحين انا شلون ادخل على الناس بصفتي شنو بتوكل على الله وبدخل ويصير اللي يصير) قطع عليها تفكيرها الجدار اللي دعمت فيه
زين : اعتذر لم اقصد طبعا الكلام بالاجنبي بس بترجم
سمعت صوت رجولي انا المخطأ
زين:رفعت راسها وهي تشوف الشخص اللي صدمت فيه
بينها وبين نفسها انا اعرف السخص هذا
انتي زين صح
زين بستغراب : اي نعم منو انت ؟؟!
زيون ما عرفتيني
زين:شهقت هييئ


هذا البارت الاول اذا عجبتكم قولولي علشان اكمل واذا ما عجبتكم اوقف
وابي ردودكم على البارت واعتذر اذا كان قصير
مع تحيآتي
جّـنِى

زهرة القمر مستشــ¸.·* غرام *·.¸ـــاري

ينقل للارشيف لطرحك الروايه ع هالرابط
https://forums.graaam.com/607584.html


أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1