غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-04-2016, 12:39 AM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رواية جاري البحث/بقلمي


جاري البحث



[size="5"]جالسه على الأرض تلاعب ولد صديقتها الوحيده ومو مهتمه ابدا لعصبية زوجها إللي بنضرها مو منطقيه ابدا
مشعل/ ريمو لما اكلمك تنتبهي لي
ريم/نعم خير
مشعل/انت متى بتسمعي الكلام
ريم/(بعصبيه)/ وش اسمع. بذمتك هذا كلام واحد دارس الحين ها المسكين وامه واش دخلهم بحياتنا من متى يا مشعل كنت اطالع الناس على اساس جنسيتهم ووضعهم
مشعل/ اقول عن الفلسفه انت الثانيه انا ما ابي ولدي يكبر مع ناس زي كذا ماينعرف اصلهم من فصلهم
ريم. إلي كل يوم صدمتها في حبيبها وزوجها إللي تحدت اهلها وباعت الكل عشانه ورضت تعيش زوجه ثانيه له وفي الخفاء
عصب مشعل من برودها/ تكلمي قولي شي
ريم(تحارب دموعها)/ وش تبيني اقول تبيني اقولك حاضر ما طلبت شي واقطع علاقتي في اعز صديقه لي وش تبيني ارد عليها لاسألتني اقولها انتو مو من مستوى زوجي انت مجرد صوماليه لا رحتي ولا جيتي
مشعل (بنرفزه)/يوهههه بدينا
ريم/انت تبي تقطع علاقتي فيها عشان ها السبب السخيف ولا عشان امها الله يرحمها كانت خدامه عندكم. وخايف انها توصل لأهلك وزوجتك خبر زواجنا وحملي
مشعل/ لا منجد انهبلتي الحين انا مشعل ولد ناصر ال اخاف من ها الأشكال حبيبتي انا ما ابي ولدي يختلط مع عيالهم
ريم(حبت تنرفزه)قصدك بنتنا
مشعل/ لا ولدي عندي احساس انه ولد بعدين انا وشوله متزوجك دامك بتجيبين بنت مثلها. على العموم انا طالع وانت خلك مع ولد الشغاله سلااام

ريم( الله يصبرني ويلهمني السكينه)

في قصر كبير دخل من البوابه ركن سيارته في الباركن دخل البيت بعد ما رسم على وجهه ابتسامه دافئه لزوجته إللي تعودت تستقبله بحب باس يدها بعدها امال نفسه وطبع بوسه على بطنها.
مشعل/شخبار حبيب ابوه
العنود/حبيب ابوه زعلان
مشعل(بأبتسامه)/ افا ليه
العنود/يقول بابا مقصر في حق ماما وخواتي. مايجلس في البيت مثل قبل وكله مشغول
مشعل/غصبن علي ياقلبي شسوي الشغل زايد علي ها الفتره خصوصا بعد ما اخوي ابو فهد سافر ابو ظبي بس إن شاء كلها كم شهر وبيرجع الوضع مثل قبل واحسن
العنود/وعد حبيبي
مشعل وعد يا روح حبيبك المهم وينهم بناتي مشتاق لهم بالحيل
العنود في غرفة عمي وعمتي
مشعل/تعالي خل نطب عليهم
وصلو جناح ابو محمد وام محمد لقو اصوات الضحكات منتشره
مشعل/دوم ها الضحكه
ابو محمد. وام محمد/امين يارب
ام محمد/شخبارك يمه ماقمنا نشوفك حتى بناتك فاقدينك
مشعل/شسوي يالغاليه تعرفين الشغل ومحمد مسافر ومشاء الله الوالد مرابط جنمبك
ابو محمد/ اقول مشيعل وخر عني إنساني
مشعل(يضحك) ههههههههه فهمت عليك
ابو محمد/ اقول يابنتي. شخبارك مع الحمل
العنود/ بخير ياعمي
ام محمد(إن شاء الله ها المره ولد يفرح قلب ولدي المسكين
تضايقت العنود من اسلوب عمتها المعتاد بس ما بينت واكتفت بالسكوت

بعد مرور ٣اشهر على هذه الأحداث مشعل مع زوجته العنود في المستشفى والإرتباك واضح عليه خصوصا انو زوجته ريم كمان تولد لكنه فضل سمعته على حياة زوجته والجنين واكتفى بأنه جاب لها دكتوره وممرضه اتفق معهم ودفع لهم مبلغ كبير عشان يولدوها في البيت كانت ام محمد جالسه بجانبه تهديه بعد مرور وقت مرت سنين على مشعل إستأذن من امه وتوجه للرسبشن وطلب رقم بيته هو وريم ردت عليه ايان صديقة ريم(صديقة ريم من زمان انسانه طيبه لأبعد الحدود طويله جسمها متناسق وهذا شي معروف عند البنات الصوماليات. سمارها جميل مثل لون الشوكولاه عيونها تتميز بوسعها وكثافة رموشها شعرها اجعد مائل لنعومه بسبب ظروفها وافقت تتزوج من ابو فلاح اكبر منها ب٢٥ سنه سعودي الجنسيه عندها منه ولد اسمه طلال عمره ٣سنين) ردت عليه بفرحه وهي تسمع صوت البيبي
ايان / مبروك يا ابو سيف
مشعل كان مو مستوعب اتسعت ابتسامته وقام يضحك/ الحمد الله يارب الحمدالله (سمع امه تناديه )
مشعل / انا مطر اقفل الحين. الله يعافيكم ديرو بالكم عليها وعلى ولدي
توجهه لأمه وهو مو قادر يمسك نفسه من الفرحه
مشعل/هلا يمه
شاف امه تبكي
مشعل/يمه شفيكعلي
حمد/عظم الله اجرك يمه
مشعل(بخوف)/العنود فيها شي
ام محمد / العنود بخير بس الجنين كان ميت وقت الولاده
تنهد مشعل بهدوء/الحمد الله على كل حال المهم سلامتها
ام محمد بعصبيه/انت شقاعد تخربط اقولك سيف مات ولدك إلي جلست طول عمرك تنتظره
رد مشعل بعدم تفكيره/ بسم الله على ولدي(وبإبتسامه)الحمد الله ربي رزقني بعد إنتظار سنين
ام محمد كانت شاكه فيه من فتره بس ما بينت ها الشي بس تصرفه اليوم خلا ها تنفجر فيه وبعصبيه/ مشيعل اصدقني القول انت متزوج على العنود
مشعل/ بصراحه ايه يمه والحمدالله ولدت من شوي يمه سيف جا يمه
ام محمد كانت بين فرحتها بحفيدها. وصدمتها بزواجه بالسر على بنت عمه جلست بتعب على احد الكراسي بعد صمت دام لخمس دقائق
ام محمد( وبتفكير شيطاني كان كل همها في ها اللحضه شلون تخفي زواج ولدها بالسر وتحميه من غضب ابوه لو عرف لانه ابو محمد متلعق ببنت اخوه خصوصا انه ربي ما رزقهم بنات)مشعل هي باي مستشفى منومه
مشعل/لايمه هي والده في البيت انا ارسلت لها دكتوره مع النيرس من عندنا(ملاحضه طبعا المستشفى تابعه لأملاك عمه ابو صالح. ابو العنود)
ام محمد بعصبيه/ انت خبل روح بالمره اعترف لعمك لا بالله منت صاحي
مشعل/ من ها الناحيه تطمني ماراح يفتحون فهم بكلمه لأحد انا اعرف ها النوعيه من الناس
ام محمد /اجل امش معي
مشعل/وين
ام محمد /لزوجتك باخذ حفيدي
مشعل(بإستغراب)/ نعم
شرحت ام محمد لولدها عن إللي في راسها
مشعل/لايمه مستحيل اسوي ها الشي في المسكينه
ام محمد/ بتسويه غصبن عليك يا مشيعل مو تجي انت بعد كل ها السنين تخرب علاقة ابوك بأهله انت فاهم لاتنسى ابوك عنده القلب اي حركه غبيه منك راح تنهيه
مشعل /بس يمه ان
قاطعته/ لا بس ولا شي انت فكر فيها ولدك يعيش بين اهله معزز مكرم بحضنك انت وحضن العنود واذا على امه انا بتفاهم معها ولاتخاف ماراح اقصر معها
سكت مشعل بإقتناع خصوصا انه يعشق العنود


بيت ريم كانت ريم مستلقيه على السرير وسيف بحضنها تتأمله وتحفظ ملامحه دخلت عليها الدكتوره هنا ومعها ايان
هنا/ كيفك هلاء مدام ريم
ريم/ الحمد الله احسن
هنا/شايفتك منك مبسوطه
ايان/معها حق شفيك يا بنتي فكي ها العبوس عن وجهك
هنا/ مابيسوى لك الزعل منو منيح لصحتك روقئي
ريم/مدري شفيني احس بكتمه مو راضيه تروح خايفه يا ايان
ايان/تمسح على راسها/ ياقلبي انت تعوذي من ابليس واقري المعوذات مافي إلا الخير إن شاء الله هذا كله من التعب عاد انت الله خير باذله مجهود مدري كيف تحملتي اهنيك الصراحه انا طلال وطلع عيني في الولاده ها الدور انتي توم
ريم/بسم علي قولي ماشاء الله
ايان تحضنها/ماشاء الله يختي
ريم تضحك وهي لسه حاضنه سيف/يا بنت الناس فكي ذبحتي ولدي
ايان/ فكينا من الحين حاسه بتميز. الله يعينك يا إلا على طاري حبيبة خالتها وش راح تسميها
ريم/مدري والله بتشاور مع مشعل
ايان تذكرت شي وبدت تضحك
الدكتوره هنا/يه شوبيك إنجنيتي
ايان/هههههههههه مو انا زوجك هو إلي انجن
ريم/اش قصدك
ايان/المسكين دق وانت لسه جالسه تنازعين في البنوته أول ما قلت له سيف جا صار يسكت ويضحك يرجع يسكت رحمته المسكين
ريم/ الله يخليه لنا
الكتوره هنا وايان /امين يارب
ريم تعالو النيرس وينها
الكتوره هنا استدعوها في المستشفى وراحت
ريم اها ايان بالله روحي شوفي بنتي اخاف فاقت
لاتوني كنت عندها نايمه الله يخليهم لك
ريم/امين يارب اندق جرس الباب
ريم /هذا اكيد مشعل
لبسو ايان وهنا عباياتهم وراحت ايان فتحت الباب استغربت وجود حرمه كبيره مع مشعل
مشعل بنظرات تكبر/وينها ريم
ايان بنرفزه من اسلوبه /بغرفتها
تركها وسحب يد امه ودخلو على ريم ألي كانت معهم الدكتوره هنا
مشعل/السلام عليكم
الكل/وعليكم السلام
مشعل وعيونه على ولده/ طمنيني يادكتوره كيف صحة الطفل
هنا/ الحمد الله صحتون عال العال مبهون شي
استغرب مشعل الجمع في كلامها لكنه ما ابدى اهتمام
ريم/ حبيبي ربي رزقنا بالولد إلي تمنيناه
تقدمت ام محمد وجلست بجانب ريم بعد ما اشر مشعل لهنا إنها تطلع
في الصاله/ اش صاير داخل
هنا/ مابعرف بس تصرفاتون منا طبيعيه خصوصي الختياره إلي مع الاستاز مشعل. دقايق وسمعو الاصوات تعلى طلعت ام محمد وهي شايله حفيدها ومشعل يمشي جنبها طلعت وراهم ريم وهي يالله تسند نفسها وتبكي
ريم/ مشعل الله يخليك مابي ملاينكم ما ابي فلوسكم ابي ولدي الله يعافيك ابي ولدي ارجوك لاتحرمني مني سيف محتاج امه
مشعل يحاول ما يضعف قدام دموعها
مشعل/ ياريم ولدي راح يعيش معزز مكرم تحت عيني ورعاية اهلي وامه العنود
ريم تصرخ بشكل هستيري / لا تقول العنود العنوم مو امه انا امه انا امه يا خاله حرام عليك رجعو لي ولدي ابي ولدي كانو هنا وايان في حالة ذهول من إللي قاعد يصير خارة قوى ريم وطاحت على الارض ركضت لها هنا تساعدها وايان تسمرت مكانها من الخوف في ها الوقت جا طلال ولد ايان يشد عباية امه
طلال/ماما ماما. البيبي
إلتفت مشعل على ايان إلي راحت معى ولدها بسرعه وما انتبهت لمشعل إللي لحقها حضنت الطفله وهي تبكي خافت لما شافته
ايان/ الله يخليك خذيت منها سيف لا تاخذها بعد والله تموت من غيرهم شافت لمعت دموع حاول يخفيها
مشعل بعد ما عطاها ظهره/ ديرو بالكم عليهم وانا راح اتم اصرف عليهم مشى بسرعه
ام محمد /وين رحت
مشعل/خل نمشي قبل لاتقوم العنود وما تحصلنا
ريم كانت في حاله غريبه والدكتوره هنا معها بالغرفه
ريم ضلت تبكي بصمت تعرف زوجها اذا اتخذ قرار مستحيل يرجع عنه

المستشفى
الكل حواليها والفرحه على وجووهم العنود وجها كان ينور من السعاده ربي استجاب لدعواتها ورزقها بسيف بعد خلفة اربع بنات
ابو صالح/ مبروك يا ابوك مابروك ما جاكم
العنود/ الله يبارك فيك يبه
الكل كان ملاحظ تعبير مشعل الخاليه من الفرحه
ابو محمد/مشعل
مشعل /سم يبه
ابو محمد/شفيك واناوابوك ضايق صدرك
صالح/وش بلاك ولد العم ضايقه اخلاقك
مشعل/ مافيني شي بس تعرف ضغط الشغل شوية صداع
العنود/ روح البيت ارتاح انت من البارح ما نمت
مشعل/ يشيل ولده بحضنه وهو حابس دموعه لا انا بجلس مع ولدي
ام محمد/ مشعل روح البيت ارتاح نفسيتك تعبانه من الشغل وتوترك طول فترة ولادتها ارهقك قم يمه
ناظر امه بنظرات محد عرف يفسرها غير امه. باس جبين سيف وبعدها طلع

بعد مرور ٢٥ سنه على هذي الأحداث. دخل البيت سمع اصوات خواته وامه توجه للمطبخ شافهم محتاسين كل وحده لاهيه
سيف/ السلام عليكم
الكل/ وعليكم السلام
سيف/الله يعطيكم العافيه الريحه تشهي
ام سيف/الله يعافيك يمه
سيف جلس بجانب اخته هند
سيف/كيفها. حبيبتي
هند/ واضح حبيبتك من متى اتشحد جيتك عندي
سيف يبوس راسها/ ياقلبي انتي شسوي انا ودي اجي بس الاستاذ نادر مانعني يقول لسه ما خلصتو شهر عسل هههههههههه
كانت هند في وضع محرج انصبغ وجهها باللون الأحمر
هند بعصبيه تغطي فيها خجلها خصوصا بعد ضحك خواتها وامها/اقول انقلع عني بس فالح تتريق علي
لف عنها ورجع جلس جنبها وهو يرسم البرائه على وجهه/ طب انا وش ذنبي اذا زوجك مانعني عنك
هند/ لا والله اصلا ما يقدر ونادر انا بوريه شغله بس نروح البيت
استغربت. ضحكته الخبيثه. وابتسامة الجميع
ام سيف/ سيف كف عن إختك تراك مصختها
رفع جواله لإذنه/سمعت يالنسيب. من واقع خبرتي اقولك النحشه زينه
نادر/ههههههههه طول عمرك جبان اقول عطني حرمتي بس
عطاها الجوال وهي تتحلف فيه
هند/ألو
نادر/حيالله ها الصوت
هند(مستحيه)/هلا
نادر/سمعت انك متحلفه فيني
هند/ هههههههه اجل انت على الخط من ذاك الوقت. ايه ليه تمنع اخوي يزورني البيت
نادر/ أول شي دلوع خواته نصاب ما منعته وإن منعته حقي لساتنا معاريس لازم محد يقاطعنا
هند طبعا المسكينه غاصت بملابسها من الحياء/ نادر
نادر/ههههه عيون نادر
سيف اخذ من الجوال/ اقول يا النسيب فليتها
نادر/ اقول فكنا تعال ننتظرك في الخيمه
سيف/ دقايق وانا عندكم


امام البوابه
ريم/ يمه قلبي يرجف احس بيطردوني مع الباب انا وعيناتي
احلام/ اقول خليك واثقه بنفسك الكوب كيك إللي تسوينه مافي اطعم منه خلن اتصل عليها
كانو البنات كلهم مجتمعين في الصاله
جواهر /٣٠ سنه متزوجه من ولد خالهاحمد عندهم توأم ولد وبنت خالد وخلود
غاده/٢٨سنه حنونه لأبعد الحدود تتميز بغمازت معطيتها جاذبيه حنطية البشره متوسطة الطول مطلقه لسبب راح نعرفه بعدين
هند/٢٦سنه انسانه مرحه نسخه من من سيف في المرح متزوجه حديثا من نادر ولد عمها

دق جرس الباب وفتحت لهم بيبي الخادمه طلبت منهم ينتظرو عند الباب وراحت للبنات
غاده/مين يا بيبي
بيبي / هذا اتنين حرمه مدام
جواهر/ اه تلقينها البنت اللي تسوي حلويات وكب كيك طلبت منها عينات بس غريبه جايه بنفسها
ام محمد /وراك منقعتهم عند الباب ما دخلتيهم لين متى بعلمك(بعصبيه)/ انقلعي دخلي الضيوف المجلس وضيفيهم
بيبي/ اوكي مدام
هند/ جدتي كم مره قلنا لك خففي من ها العصبيه موب زينه لك
ام محمد/شسوي ماتشوفينهم شغالات العازه من متى وانا اعلم فيهم شاب شعر راسي منهم
هند/ ههههههههه الحين الشيب طلع بسبهم
ام محمد وش قصدك يابنت مشعل
غاده/ مو قصدها شي ياجدتي وانتي ياجواهر قومي شوفي ضيوفك عيب نخليهم يستنو

في المجلس
احلام/ حدي متحمسه هذي راح تكون أول طلبيه كبيره نسويها
ريم/ الله يستر الناس ما بعد ذاقوه
دخلت عليهم جواهر ومعها هند
جواهر وهند/ السلام عليكم
احلام وريم/ وعليكم السلام ورحمة الله وبركاته
جواهر/ اهلا وسهلا انا جواهر مشعل الصالح وهذي اختي هند
احلام / تشرفنا انا اسمي احلام راجح وهذي ريم صاحبة المشروع
جواهر تناظر العينات ماشاء الله هذا شغلكم
ريم/ ايه اتمنى يعجبكم شغلي
هند اخذت قطعه عشان تذوق وعجبها شغل وحتى جواهر بعدها صارو يسألو عن الأسعار وموعد المناسبه وعدد الضيوف في اثناء حديثم رن جوال ريم
جواهر/ لاتستحي حبيبتي اخذي راحتك ردي
ريم/ لا عادي بعدين ارد
لكن الجوال ابى ان يسكت
هند/ ريم شكلك منحرجه تردي قدامنا اتفضلي للحديقه وردي
ريم/ بإحراج اسفه ثواني وراجعه

طلعت للحديقه وردت
ايان/ ووجع وراك ماتردين وينك فيه
ريم/ انا عند ناس بسوي لهم حلا وكب كيك
ايان/ لا ياشيخه وماقدرتي تطلي تبلغيني صرت زي المجنونه وانا استناك
ريم/ اسفه حبيبي من الحماس والخوف نسيت
ايان / ها بشري
ريم/ اتفقنا لا والمبلغ إلي بيطلع لنا مره كويس
ايان / الحمد الله اهم شي ابوك مايدرى واذا سألك كل المعتاد عن الفلوس قولي اي شي اي مبلغ صغير عشان لما ياخذ يبقى معك شي عشان نفسك
ريم/ اكيد هذا أللي بيصير
في هذا الوقت دخل سيف للبيت مستعجل اخذ الشاحن وطلع بسرعه بدون ماينتبه صدم فيها وطاحت على الأرض اطلقت انين بصوت خافت
ريم/ اه يدي التفت رفعت راسها لسيف اللي كان متفاجئ من اللي صار
ريم/ عمى ما تشوف ان( بترت كلمتها وهي تشوف ملامح سيف وبدت تتكلم بدون تفكير مثل عادتها
ريم(بدهشه) وهي تدقق في ملامح سيف/ يوه والله يشبه ايان نسخه بس على ذكر سبحان الله جد نسخ لصق
سيف كان مستغرب كلامها معه/ خير اختي
ريم/ ها
سيف ابتسم على عفويتها / اسف اختي صدمت فيك بدون قصد
ريم وهي توها تستوعب وش قالت بعد ما شافت ابتسامته قامت بسرعه ودخلت جوا و الخجل اكل وجهها
طلعت بعد دقايق مع احلام بعد ما اتفقو على كل شي صادفو سيف وفهد ونادر عند البوابه شي في داخلها خلاها توجه نظرها لسيف
سيف حس بنظراتها له وكأنها تتأكد من شي
احلام/ هي ريمو وين فهيتي
ريم/ ها لافهيت ولا شي
احلام/ واضح واللومزين من ساعه واقف اركبي
ريم/ حاضر بس سكتي فضحتيني


في سيارة فهد.
كانو ملاحضين سكوت سيف أللي على غير عادته وابتسامته لكنهم فضلو يخلوه براحته في المقابل كان سيف سارح في خياله للحضه اللي مد يده لها عشان يساعدها لكن صنم في مكانه وهو يشوف ملامحها
(تعريف لريم/
ريم بنت ايان نصف سعوديه نصف صوماليه طبعا اخذت صفات الجسمانيه من أمها تتميز بلونها الأسر خليط بين الشوكولاه والحليب الأغلبيه للحليب. ورثت وسع عيون امها واخذت من ابوها كثافة الرموش وسواد عدسة العين السواد الجميل واخذت من امها طبيعة الشعر الكيرلي الكثيف بس طبيعة الشعرناعمه ٢٢سنه توفت والدتها واخوها امام ناظريها شكل ها الشي صدمه في حياتها وكان له الوقع الأكبر في شخصيتها الحاليه. انسانه حساسه لكن كتومه ماتحاول تبين ضعفها لأحد لكنها في نفس الوقت ضعيفه وبسهوله تنكسر لكن ها الشي مامنعها تكون انسانه مرحه عايشه مع ابوها واخوانها من ابوها مهدور حقها في البيت)
نادر/ ياهو سيف
سيف/هلا
نادر(بأبتسامه)/وش فيك بالك مو معانا
سيف/ ولا شي
فهد/ انزلو تأخرنا على الناس
اعرفكم
سيف/٢٥سنه يمتلك بياض صافي عيونه بني مائل للفاتح يتميز ايضا بحواجبه المرسومه و غمازته الجانبيه جهة اليمين وهذي الصفات تخلي الكل يسألو العنود هل هي فعلا والدته الموضوع يضايقه احيان لكنه يحاول يتجاهل لما يشوف ثقةوالدته وعدم اكتراثها بكلام الناس طويل مثل ابوه ما اقدر اقول ان بنيته رياضيه لأنه يكره الإلتزام يمشي على مزاجه لكنه نحيف شكلو مرتب

فهد/٣١ سنه طويل حنطي اللون رياضي يتميز بعيونه الواسعه والرموش الكثيفه انسان هادئ يعمل في القاعده الجويه

نادر/٢٦ سنه زوج هند وولد عمهم اخو فهد انسان مرح وبنفس الوقت ثقيل وهادي مثل اخوه ماقدر اقول انه وسيم لكنه مملوح ميزته بإبتسامته طويل ونحيف

دخلو الاستراحه لاحظ فهد وجود فراس ولد عمتهم

سيف يهمس لفهد/ فهد خل الليله تعدي على خير ماله داعي تعصب
فهد/ الله يصبرني

خالد/ ياهلا والله بعيال الصالح وانا اقول الاستراحه منوره
نادر وفهد/تسلم منوره بوجودكم
سعد/ ها يانادر شخبار الزواج معك تنصحنا فيه
نادر/ انصحك وبقوه
سيف/ وبقوه ها خذها نصيحه لاتستعجل مافي احلى من العزوبيه
فارس/ من واقع تجربه اقولك مافي احسن من الاستقرار

كان يتكلم لكن نظراته تدل ان فهد هو المقصود نظرات مليئه بالشماته ولإستهزاء














/size]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-04-2016, 12:40 AM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رد: جااااري البحث


اتمنى منكم الدعم
لملئني الحماس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 10-04-2016, 01:21 PM
صورة غيمة طُُهر! ~ الرمزية
غيمة طُُهر! ~ غيمة طُُهر! ~ غير متصل
©؛°¨غرامي مشارك¨°؛©
 
الافتراضي رد: رواية جاري البحث/بقلمي


وااااااااو جميلة أستمري ,..

بس سؤال ؟ ..
اللي صدم في سيف . ريم أمه ولا لا ..؟ !

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 10-04-2016, 01:22 PM
صورة غيمة طُُهر! ~ الرمزية
غيمة طُُهر! ~ غيمة طُُهر! ~ غير متصل
©؛°¨غرامي مشارك¨°؛©
 
الافتراضي رد: رواية جاري البحث/بقلمي


ننتظرك .. ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-04-2016, 11:10 PM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رد: رواية جاري البحث/بقلمي


اقتباس:
المشاركة الأساسية كتبها غيمة طُُهر! ~ مشاهدة المشاركة
وااااااااو جميلة أستمري ,..
بس سؤال ؟ ..
اللي صدم في سيف . ريم أمه ولا لا ..؟ !
اسفه جدا على ردي المتأخر اسعتيني بتفاعلك
وبالنسبه لسؤالك لا هذي ريم بنت ايان صديقة ام سيف الحقيقيه

بأذن الله راح يكون البارت الجاي يوم الاثنين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-04-2016, 01:17 PM
صورة غيمة طُُهر! ~ الرمزية
غيمة طُُهر! ~ غيمة طُُهر! ~ غير متصل
©؛°¨غرامي مشارك¨°؛©
 
الافتراضي رد: رواية جاري البحث/بقلمي


اقتباس:
المشاركة الأساسية كتبها عطر الصبا مشاهدة المشاركة
اسفه جدا على ردي المتأخر اسعتيني بتفاعلك
وبالنسبه لسؤالك لا هذي ريم بنت ايان صديقة ام سيف الحقيقيه

بأذن الله راح يكون البارت الجاي يوم الاثنين

عاادي حبيبتي .. أهم شي ردك

اهاا يعني فيه ثنتين ريم ..

ننتظرك .. متحمسة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-04-2016, 05:19 PM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رد: رواية جاري البحث/بقلمي


اسفه على التأخير. البارت راح ينزل اليوم بالليل بإذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 20-04-2016, 02:12 AM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رد: رواية جاري البحث/بقلمي


جالسه بجانب والدتها والشعور بالتعب من حالهم يعتريها رسمت ابتسامتها المزيفه سالت والدتها ايش حابه تاكل لكنها مثل عادتها جاوبتها بصمتها نزلت دمعت قهر من عيونها وحقدها على توأمها ووالدها يزيد لبست جلال الصلاه وطلعت
( ايان وأمها ساكنين في بيت خالها)
طلعت من غرفتها وهي تتحاشا زوجة خالها لكن مامن مهرب
ام عادل/ايانو اكلمك
ايان (بتنهيده)/نعم ياخالتي
ام عادل/على وين
ايان/يعني على وين بشوف لي شي اكله
ام عادل/سوي لي شاي راسي مصدع ذا الولد راح يجنني
ايان(بفضول)/عرفتو عنه شي
ام عادل/لا والله وجواله مغلق
اكتفت ايان بالصمت وتوجهت للمطبخ كانت شاردة الذهن رجعت للواقع على صوت صراخ امها توجهت بسرعه للغرفه لقتها تبكي بصوت عالي وام عادل واقفه بشماته
ام عادل /حمد الله والشكر امك قاضيه
ايان بعصبيه/انت شقلتي لها
ام عادل/يعني وش قلت لها امك من يومها وهي جانه الله لا يبلانا
استفز كلامها ايان وبادرت بالرد واثناء عراكهم لاحضت انسحاب امها للحمام(وانتو بكرامه) تركت زوجة خالها وراحت وراها بدت بطرق بالباب سرت موجة الخوف فيها وبدت تزيد بطرق بالباب ردت عليها والدتها تهديها حاولت تطمنها وانها دقايق وتطلع مرت من جانبها ام عادل وتعمدت تلقي كلام جارح لكي تجرحها كانت كل كلمه خنجر يجرح في قلبها دخلت غرفتهم كي تفتح باب الدموع املة بالراحه بعد مضي نصف ساعه افاقت ايان من حالتها استغربت تأخر ولدتها طلعت من الغرفه بدة تطرق باب الحمام ولكن بدون استجابه اصبح طرقها اقى وهي تنادي امها تترجاها تفتح وبين دموعها وصراخها طلع خالها من غرفته بعصبيه سألها عن سبب ازعاجها بعدها بدا بكسر الباب لما فقدو الأمل بإستجابتها صعقو بالمنظر وهي طريحه على ارضية الحمام وماده بيضاء على شفايفها ومادة الكلوركس بجانبها ارتعش جسم ايان وهي تستنجد بخالها انو يساعدها اتصلت بنت خالها مريم بالأسعاف
في ممر المستشفى بعد تلقيهم خبر وفاتها اثر التسمم جالسه على الأرض في حالة ذهول من سرعة الأحداث حاول خالها يقومها
ابوعادل/قومي يا ايان
ايان(تبكي)/راحت الغاليه ياخالي راحت
ابو عادل/الله يرحمها ادعيلي لها يابنتي
قومها ووداها البيت وهو رجع عشان يخلص الإجرائات
مرت ايام العزا عليها بدون ما تطلع من غرفتها طول ها الفتره ريم وبنت خالها مريم كانو معها
ملاحضه(بما ريم وايان صديقات سمو بناتهم على اسامي بعض)

بيت ابو فهد
كانت ام فهد جالسه تتقهوى مع عيالها وزوجها
روان/اقول بابا من زمان واعدني بطلعة المزرعه
ام فهد/أي والله يا محمد
ابو فهد/توني بقول لكم اتقت مع الوالد وعمكم إن شاء وسط الاسبوع بنطلع
وعد/ينفع اعزم بيت خالتي نوره
روان/مو لازم
ام فهد(بحده)/روان
روان /خلاص بسكت اقول حبيبي فهود
فهد/هلا امري
روان/ما ابي شي بس شفتك ساكت حبيت اسمع صوتك
وعد/ أول مره اشوف وحده تغازل اخوها
روان/كيفي اخوي حبيبي
ابو فهد/هههههههههههههه الله يخليكم لبعض
الكل/امين
في هذا الوقت دخل نادر
نادر/السلام عليكم
الكل/وعليكم السلام ورحمة الله وبركاته
وعد(بتريقه)/المعرس عندنا غريبه المدام خلتك
نادر(بحده)/وعد
روان تقوم وتحضنه/ماعليك منها حبيبي عندنا اليوم
نادر/حبيبك مشتاق لكم
ام فهد/وينها هند ما جت معك
نادر/طلعت مع خواتها السوق عشان الحفله بكرا
ابو فهد/دامك جيت تعال اجلس مع اخوانك وامك انا موعد نومي تصبحون على خير
الكل/وانت من اهل الخير


بيت ابو سيف كان سيف جالس بغرفته بالظلمه دخلت عليه امه واخته غاده
غاد(تشغل النور)/سيف
ام سيف/سيف يمه شفيك صار لك كم يوم على ها الحال كله متضايق لا تاكل ولا تشرب وكل قاعد لحالك
سيف(يحاول يكتم دموعه)/مادري صدوقني احس بضيقه خانقتني يايمه
غاد جلست جنمبه وحطت راسه على رجولها وصارت تمسح على راسه وهي تقرا المعوذات



ايان جالسه بغرفتها وتفكريها في شي واحد كيف تنتقم من والدها إللي في نظرها هو السبب في موت والدتها دخلت عليها ريم
ريم/السلام عليكم
ايان/وعليكم السلام ورحمة الله وبركاته
ريم/كيفك اليوم ماشاء الله الوجه منور
ايان/الحمد الله على كل حال بس انت وش جايبك
ريم/افا طرده يعني
ايان/لا يقلبي بس انت اليوم عندك طلبيه واظن قلتي بتوصلينه بنفسك
ريم/وهذا سبب جيتي ابيك تقومي تلبسي اكش خشي عندك عشان تروحي معي
ايان/وين صديقتك احلام
ريم/احلام معزومه في بيت عمها ما تقدر تجي معي
ايان/طيب عطيني عباتي وراك
ريم/بتروحي كذا توجهت لدولاب الملابس بعد تفحص ملابسها انسب حل كان انها تنادي مريم

ريم/مريوم طلبتك
مريم/امري
ريم/ابي فستان بسيط وناعم من عندك لأيون عادو انتو قياس بعض
ايان/وشوله
ريم/اذكر اني قلت لك انهم عيال عز ومايصير نروح لهم عادي لازم نكشخ
ايان/لا امي ماصار لها فتره من وتبوني اكشخ
مريم/يا قلبي انتي الحزن في القلب ماعليك منها دقايق بس

جابت لها فستان اسود ياقته مطرزه بإكسسوار ذهبي جابت معه كعب وسط اسود انيق قصير للركبه
مريم/يوه زعلت طالعه تجنني فيه
قربت منها وشالت الكلبس من شعرها شعرها قصير اسود لحد الرقبه تتميز ببياض صافي وغمازه جانبيه وعيون واسعه بني عسلي مثل سيف جسمها جميل ومتناسق تتميز بخصرها
ريم/تجنن وبس
طلعت من شنطتها روج احمر صارخ ورسمت لها شفايفها
ريم/ماشاء الله عيني عليك بارده يلا إلبسي عباتك
قربت منها ايان وحضنتها
ريم/ايون وش سبب ها الحضنن
ايان/مشكوره انا عارفه انو صديقتك ماعندها عزيمه بس انتي اخترعتي ها الفلم عشان تطلعيني من جو الحزن
مريم/دامك عارفه بطلو دراما ويلا روحو قبل ما تشوفك امي وتقلب الطلعه نكد
ايان وريم/هههههههههههه يلا مع السلامه


بيت ابو سيف
دخل سيف وهو هلكان جلس على احد الكنبات لكن سرعان ما قومته جواهر
جواهر/وراك منسدح هنا يلا توكل
سيف/ارحموني شوي فوق ما إنكم مستغليني مشاوير من صباح رب العالمين
غاده نازله وهي في كامل اناقتها لابسه فستان ليموني معطيها شكل ناعم اكتفت الإستشوار وخلت شعرها مسدول
غاده/هلا بحبيبي
سيف/هلا بقمر ها البيت اوووف وش ها الجمال
غاده/جوجو ارحمي حبيبي يكفي هلكان من الصبح مشاوير وكله عشان جواهرك الصغار
جواهر/طبعا ياقلبي هذولي جواهري لازم اسوي عيد ميلاد ما انساه
رن الجرس وراحت واحده من الخادمات تفتح عطتهم خبر بوصول ريم

طلبت ريم انو هي تنظم الاغراض توجهت مع جواهر وايان إللي طول الوقت ما خلعت نقابها للحديقه اذهلها التنظيم كان الغالب عليه اللون الازرق والموف بدت ريم بتوزيع الكب كيك وباقي الحلويات في الطاوله المخصصه وبعدها قامت بنثر الورود المجففه على شكل فواصل وقامت بعدها بتوزيع الشموع

جواهر(تمد لها الظرف)/الله يعطيك العافيه صراحه شغلك مرتب ماشاء الله
ريم/ العفو هذا واجبي
جواهر(توجه الكلام لأيان)/ وشفيها المزه مستحيه خذي راحتك نزلي النقاب
ايان(بإحراج)/انا مرتاحه كذا

سمعت جواهر صوت والدها توجهت لها وتغطت ريم لكن الصدمه مافارقت ايان وهي تشوف والدها صورته ما تقدر تنساه الصوره إللي ظلت والدتها محتفضه فيها
ايان/ريم وش اسم العايله ذي
ريم/تصدقين مدري ما سألت ليش
ايان/احس اني اعرفهم
ريم(تذكرت)/على طاري المعرفه تصدقين شفت واحد هنا بغى قلبي يوقف نسخه منك يا ايان ما ابالغ لوقلت لك للحضه قلت انو هذي انتي
ايان(تحاول تهدي من رجفة يدها)/اها يخلق من الشبه اربعين
جتهم غاده/طبعا راح تحضروا لحفله
ريم/ماله داعي مره ثانيه
ايان(بجديه)/ماعليك منها ولا يهمك بس عفوا اخت
غاده/غاده اسمي غاده
ايان/ عفوا بس ممكن اعرف اسم عايلتكم
غاده/حنا بيت مشعل الصالح
ايان تحاول تسيطر على غضبها وحقدها لما سمعت الأسم تبادر لذهنها معاناتها طول ها السنين الحرمان وفاة والدتها
حاولت تستجمع شتات نفسها لكن للأسف الغضب تمكن منها رجعت لمكانها بجانب ريم اللي ما فاتت عليها حالة ايان لكنها فضلت تسكت لما شافت حالتها انتظرت لحد نهاية الحفله قامت من مكانها وتوجهت لجواهر طلبت منها تقابل والدتها استغرب الكل طلبها لكنهم ما اعترضو توجه الكل معها لداخل البيت كان ام سيف جالسه مع زوجها وولدها سيف وام محمد وابو محمد
عصبت ام محمد لما شافت بنتين غريبين في وسط البيت
ام محمد/جواهر خير إن شاء الله
على رد جواهر قاطعتها ايان اللي كانت تتكلم وهي متوجهه لسيف ومركزه نظرها فيه النظره اللي اعتبرها الكل في منتهى الجرأه ووالوقاحه
ايان/ما عليه ياجدتي اعذريها انا طلبت منها هالشي وقت قدام سيف ونزلت للمستواه فجلست على الطاوله وخلعت نقابها وهي لازالت مركزه نظرها بعيونه
ايان/ حبيت اشوف توأمي إلي امي الغاليه انتحرت بسببه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 20-04-2016, 02:13 AM
عطر الصبا عطر الصبا غير متصل
©؛°¨غرامي جديد¨°؛©
 
الافتراضي رد: رواية جاري البحث/بقلمي


تكملة البارت غدا بإذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 20-04-2016, 02:52 AM
لؤلؤة امها لؤلؤة امها غير متصل
©؛°¨غرامي جديد¨°؛©
 
الافتراضي رد: رواية جاري البحث/بقلمي


ما شاء الله ابدعتي
والقفلهةاليمه

الرد باقتباس
إضافة رد

رواية جاري البحث/بقلمي

الوسوم
البيت , جااااري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 127 13-09-2019 01:45 AM
رواية أنا معهم ونبض قلبي معك ألماسة نوال روايات - طويلة 19 01-06-2017 04:56 AM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية هناك / للكاتب ابراهيم عباس شرقاوية شيتونة أرشيف الروايات المغلقة - لعدم إكتمالها 7 22-01-2017 09:53 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 12:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1