اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 11-04-2016, 05:34 PM
(Maysa) (Maysa) غير متصل
©؛°¨غرامي نشيط¨°؛©
 
الافتراضي رد: رواية فاض الأنين بداخلي /ضاقت أنفاسي


عندي رأي للجميع
الي يقولوا لو قالت لأمها احسن انتوا شفتوا امها وش قالت " وين الاخلاق ؟ "
انتي امها الي تعلمينها الاخلاق وزين انها خبرت ابوها مع انه مافي اي تأثير من شوق ،، وحتى لو خبرت امها شوق راح تبقى تكن الضغينه لمريم
بإعتقادها انه مالها دخل فيها

متعودين ع ابرار بواقعيتها بالأحداث وطبعاً ع كذا
فهد بيختار مريم والرجاجيل يبون وحده تهتم بعمرها واخلاقها حلوه وموجوده كلها بمريم
بينما شوق لا اهتمام لا اخلاق !

ونشوف في البارت اليوم :)


آخر من قام بالتعديل (Maysa); بتاريخ 11-04-2016 الساعة 05:51 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-04-2016, 08:10 PM
صورة جود joj الرمزية
جود joj جود joj غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


وننتظر الباااارت اليوم:،"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 11-04-2016, 09:35 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


اقتباس:
المشاركة الأساسية كتبها لامــارا مشاهدة المشاركة
السلام عليكم

مبروك روايتك الجديدة

احس شوق اكشن بس عوبة من قلب

للحين ما حبيتها

وأحس فهد ما راح يخطب مريم ما أدري ليه

يمكن يبون يستفزون مشاعرها عشان تتعدل وتتسنع

أو يمكن العكس يخطب مريم وهي تتسنع بعدين

العلم عندك ننتظرك

بالتوفيق لك

دمت بود
وعليكم السلام ورحمة الله وبركاته :)
الله يبارك فيك ^_^
يسلموووو على توقعاتك يا عسل ^_*


اقتباس:
المشاركة الأساسية كتبها **maggie** مشاهدة المشاركة
مشكوره ع الدعوه
بداية موفقه بنسبه لشوق مهمله بنفسها كثير ويمكن بعدين بتنقهر
لما فهد يخطب مريم فتصير تهتم بنفسها
مريم تصرفها غبي لو خبرت ام شوق بدال ما تزيد كره شوق لهم
بنتضارك بالبارت الجاي
تقبلي مروري...
هلا وغلا :)
يسلموووو على توقعاتك ...... وان شاء الله يعجبك
بارت اليوم وانتظر ردودك عليها :)

اقتباس:
المشاركة الأساسية كتبها اميرة الغرور مشاهدة المشاركة
السلام عليكم بداية تجنن
ليش شوق محمية السوق من اولها هههههه
اتوقع خطبة فهد بتكون عكس الجميع
وياريت توضحيلنا اكثر الشخصيات
لاتتاخري بالبارت الجاي
وعليكم السلام ورحمة الله وبركاته ......يسلموووو على توقعاتك
وان شاء الله مع الايام تتوضح الشخصيات اكثر ^_^

اقتباس:
المشاركة الأساسية كتبها **maggie** مشاهدة المشاركة
متى بتنزلي البارت؟؟؟
يمكن على الساعه عشره ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 11-04-2016, 09:43 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


اقتباس:
المشاركة الأساسية كتبها (maysa) مشاهدة المشاركة
عندي رأي للجميع
الي يقولوا لو قالت لأمها احسن انتوا شفتوا امها وش قالت " وين الاخلاق ؟ "
انتي امها الي تعلمينها الاخلاق وزين انها خبرت ابوها مع انه مافي اي تأثير من شوق ،، وحتى لو خبرت امها شوق راح تبقى تكن الضغينه لمريم
بإعتقادها انه مالها دخل فيها

متعودين ع ابرار بواقعيتها بالأحداث وطبعاً ع كذا
فهد بيختار مريم والرجاجيل يبون وحده تهتم بعمرها واخلاقها حلوه وموجوده كلها بمريم
بينما شوق لا اهتمام لا اخلاق !

ونشوف في البارت اليوم :)
يسلموووو على رأيك ^_^
ورح نشوف اليوم بالبارت^_*
اقتباس:
المشاركة الأساسية كتبها جود joj مشاهدة المشاركة
وننتظر الباااارت اليوم:،"
شوي وانزله كوني بالقرب ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 11-04-2016, 10:04 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي







السلام عليكم ورحمة الله وبركاته ...اتمنى الجميع
بخير ......


البارت الثاني
**
**
**
**




نزل من السياره ما يشوف قدامه من العصبيه
بس توقف لما مسكته امه من يده
وبصوت راجي : الله يوفقك يمه خلي هالليله تعدي
على خير وما نبغى مشاكل
قاطعها وهو مفور من العصبيه : ما شفتيها وش عملت
هزت راسها بالموافقة : شفت يمه بس خلاص تحملها علشان أمها
أخذ نفس عميق يطفي البركان للي بداخله
وفك يد امه بشويش وتوجه للبيت
تنهدت شريفه بضيق وناظرت بناتها للي دخلوا بهدوء
بدون كلام وتوجهت خلفهم وهي تستغفر
**
**
**
**
**

باليوم الثاني قاعده على الارض قدام امها
والدمعه بعيونها وماسكه يد امها : شفتي يمه
أكيد رح يخطبون مريم كل نظراتهم تقول كذا
فاطمه ناظرت شوق وكأنها تمثل مقطع وما مسكت نفسها واطلقت ضحكات عاليه
وشوق تناظرها وهي فاتحه عيونها عالاخير : انا الحين اشكي لك وانت تضحكين
فاطمه وهي تمسح دموعها من الضحك : هههههه حاضره فلم وجايه تطبقينه عندي
ههههههه يقطع شرك يا شوق ههههه
وضمتها وباستها على خدها بقوه
شوق ابعدت نفسها عن حضن امها وتكلمت بقهر : انا اتكلم جد اي فلم واي خرابيط
عريس المستقبل رح يطير مني وانت قاعده تضحكين
فاطمه اخذت نفس وناظرتها والدموع بعيونها من بعد ما رجعت البارحه وبعد كلام فوزيه توقعت انهم رح يخطبون مريم
مع انه من كانت شوق
صغيره وعمها يقول انها لفهد بس ما تدري كيف
صارت الحين مريم بالموضوع
بس ما حبت تظهر قدام شوق ردت بهدوء : وخير يا طير
خله يخطب مريم
انت وهي واحد هذي اختك ولازم تفرحون لبعض
شوق بقهر قاطعتها : لا تقهريني يمه بكلامك فوق قهري
فاطمه حزنت عليها بالرغم من اخطاء شوق بس تبقى ابنتها للي انتظرتها من سنين قطعه من روحها تنهدت وردت : وش تبغين مني اروح اقول لهم لا ترى فهد لشوق ؟
حطت يدها على كتف شوق وبنبره حانيه : يا يمه كل شيء قسمه ونصيب
اذا لك نصيب فيه رح يكون لك غصب عن الكل واذا
ما لك نصيب فيه لو الكل موافق ما رح يتم النصيب
شوق بغصه : ادري يمه بس صعب
موقفي
كيف اختي تأخذ مني
قاطعتها فاطمه : يمه انسي ولا تفكري بالموضوع وبعدين بعدك صغيره ما شبعت من
شوفتك خلك عندي على وش مستعجله
هزت راسها والتفتت على ابوها للي دخل البيت
قفل الباب خلفه بهدوء
وتقدم للصالة
ورد السلام وجلس بهدوء جنب فاطمه
فاطمه بابتسامة ردت السلام وهي تهلي وترحب فيه
ناصر ابتسم لها و ناظر شوق للي جالسه على الارض قدام امها هو بطبعه يحب النظام : ليه جالسه على الارض؟؟
شوق بتوتر : ها
وبعدها وقفت
ناصر ناظر فاطمه وابتسم : هالبنت نفسي اسألها وتجاوب بجواب مثل العالم والناس دايما تقول ها
فاطمه ناظرت شوق للي وجهها احمر وتناظر الارض ابتسمت وهي عارفه شوق تستحي تكلم ابوها : شوق شوفي
اخوانك بالغرفه تفقديهم
هزت راسها وبسرعه طلعت من الصاله
ابوها له هيبه عندها تتوتر بوجوده
طالعها ناصر وهي طالعه وبعدها التفت على فاطمه ،: تصدقين اني احيانا اشك بالشكاوي للي اسمعها
عن شوق لاني لما اشوفها اقول مستحيل تعمل
كذا شكلها بريء ومو صاحبة مشاكل
فاطمه بنفسها لا صدق وتعمل ابو ابوها بس ابتسمت على هبال بنتها للي تموت عليها
وطالعت ناصر : بعدها صغيره باكر تكبر وتعقل
قاطعها ناصر : اي صغيره الله يهديك ؟؟
للي بعمرها متزوجات وعندهم بزران
وهي للحين
لازم كل يوم تيجيني شكوى عنها
واليوم فارس يشتكي منها طولت لسانها عليه
حتى يقول انه فهد كان قريب وسمع وما احترمته
والباب بغت تكسره
ومع ذلك سكتت وما قلت لها شيء ولا فتحت
معها الموضوع
فاطمه ما تدري وش ترقع عن شوق : الله يهديها
ناصر بهدوء : امين
***
***
***
***
***
دخلت غرفه اخوانها وتنفست براحه
وناظرتهم وهم يلعبون
وبتحقيق بعد ما تخصرت : البارحه ليه تلعبون مع وليد وعبود ؟؟
خالد بلامبالاه : ذول اخواني ولازم العب معهم
شوق بحده وهي تناظرهم : لا مو اخوانكم
ذول ما يحبونا
لو كنتم تحبون امي كان ما لعبتم معهم
سامي : بس امي وابوي يقولون لازم نلعب مع بعض وما نفترق لأننا اخوان
شوق رفعت يدها بتهديد: لا تبسبس
من متى تسمع الكلام
يا ويلكم اذا شفتكم تلعبون معهم الا اقول عنكم انكم
وناظرتهم بتوعد
خالد بخوف طفولي : خلاص ما رح نلعب معهم
بس لا تقولين
هز سامي راسه بالموافقه
ابتسمت شوق بنصر وطلعت من غرفتهم
وحقدها معميها ما فكرت انها قاعده
تقطع بالرحم للي ربنا امرنا نوصلهم
أطفال صغار ليه نزرع فيهم الحقد والبغض من
الصغر ؟؟!!
اطفال للي مفروض نزرع فيهم المحبه والتسامح
بس حقدها وكرها اعماها ما ندري وين رح
توصل بحقدها
**
**
**
**
بنفس البيت بس بالدور الثاني
جلست على سريرها وتكورت على نفسها
وهي تفكر بعلاقتها بشوق
ما تدري ليه تعاملهم كذا ؟؟؟
تنهدت وهي تفكر لو خطبها فهد وش رح تكون
رد فعل شوق ؟!!!
هزت راسها بالخفيف ما تبغى تزيد الفجوه
بينها وبين شوق
تذكرت لما قالت لأمها تقول لابوها
يخبر فهد اذا يبغى يخطب انه يخطب شوق
وهي يطلعونها من الموضوع كله
امها عصبت عليها وقالت لها روحي بنفسك
وقولي لابوك
لانها عارفه نقطة ضعفها مستحيل تروح تقول لابوها وتطلب منه هالطلب
حتى فارس لما سمع مسح فيها الارض
يقولون هذا هبل زايد عندها
لانه شوق ما تستاهل التضحية
دوم يقولون لها انها هبلة وسهل انه ينضحك
عليها بكلمتين
تنهدت باستغراب غريبه هالدنيا للي يتسامح مع الغير يقولون عنه اهبل
هي مو رافضه فهد بالعكس كل بنت تتمناه
بس خايفه من العقبات للي رح تواجها اذا خطبها
وشوق اكبر عقبها قدامها
لانها تعرفها قوية وما رح تسكت عن هذا الامر
رفعت راسها وقررت تروح تساعد امها بالمطبخ
احسن من القعده مع افكارها العقيمة
**
**
**
**
**


جالس بين امه واخواته وهو يسمع
كلامهم
حك راسه وهو
يتذكر من زمان جده كان يقول رح يخطب له
شوق
بس الحين مريم دخلت بالخيارات
رفع حاجب بتعجب صاير تغيرات على الموضوع
وناظر امه للي تستخدم اسلوب الاقناع : يمه صدقني شوق ما تنفعك
بنت ملسونه
عكس مريم جمال واخلاق وسنعه
خلود تكمل عن امها : وبعدين مريم بنت خالتك واولى من شوق
يعني لازم تخطب بنت خالتي شريفه
ناديا : بعدين انا سمعت عمي ناصر مو فارقه
معه يقول مريم او شوق للي يبغاها يخطبها
تنهد فهد وناظر امه : ومين قال لك اني ابغى اخطب الحين ؟؟؟
فوزيه عقدت حواجبها : انت قلت بعد ما تتوظف
رح تخطب
وهذا انت توظفت
فهد هز اكتافه ببرود : قلت وغيرت رأيي
ما افكر بالموضوع الحين
فوزية بهتت ملامحها : يعني تبغى تطلعني كذابة
قدام الحريم ؟؟؟
انا قلت لهم قريب نروح نخطب من بنات عمك
ناصر
تبغى تطلعني بسواد وجهي ؟؟؟
وقف وهو يحط يدينه بجيوبه : انت بطريقتك
إلغي الموضوع
واستأذن وطلع
خلود ناظرت امها للي القهر باين بوجهها
فوزيه تكلمت بقهر : اخوك رح يجلطني
دينا : انا اقول انك تسرعت يمه المفروض
خبرتيه قبل ما تقولين قدام الحري...
قاطعتها فوزيه بعصبية : انقلعي عن وجهي
ترى مو فايق لمحاضراتك
حسبي الله على إبليس
خلود تخفف عن أمها : انت الحين اهدي واترك
الموضوع اسبوع يمكن يتقبل هالموضوع
وانا متأكدة الاسبوع الجاي رح يوافق يخطب
بس قاعد يتدلل علينا
فوزيه بأمل ضعيف وهي تعرف ابنها اذا قال لا
صعب يتراجع : ان شاء الله يوافق واطلع من الموقف البايخ
للي انحطيت فيه
**
**
**
**





في اليوم الثاني جالسه بالفسحه مع اميره بنت عمها
ومنال بنت عمتها
وصوت ضحكهن مرتفع شوي
اميره قطعت ضحكتها وبتذكر : فهد ما جاء عندكم
يخطب ؟؟؟
لوت شوق بوزها : لا ما جاء
منال باستغراب : كيف رح يختار بينكم ؟؟
اميره بجديه وهي تناظر شوق : اكيد رح يختار مريم
ما شاء الله تلفت الانظار يعني انا بنت وتلفت
نظري كيف اذا شافها رجال ؟؟
يميزها جمالها ونعومتها ورقتها وادبها وذكا
قاطعها ضربه على راسها من شوق وملامح الغيره على وجهها : وش رأيك نخطبها لك ؟؟
اميره ضحكت : ههههههه
مو قصدي شيء بس انا اقول الحقيقه حتى ما تنصدمين بالواقع
شوق بحنق : لا تخليني اقول تلاقيك شاحنه وتصدمك علشان تتكلمين زين
منال ضحكت على شكل شوق : هههههههه
والله انك تحفه يا شوق هههههه
برطمت شوق شفايفها تتظاهر بالزعل
اميره مطت خدينها وابتسمت : لا تزعلين يا حلوه
انت تدرين لو عندي اخ كان خطبتك له وما بخطب
مريم
تدرين ليه ؟؟
حررت خدينها من اميره وابتسمت كلامها رفع معنوياتها شوي : ليه تختاريني انا ؟؟/
أميره وقفت وابتسمت : لانها مريم مثاليه كثير
وانا ما افضل هذا النوع
احب زوجة اخوي تكون مثلك
منال غمزت لاميره وشوق : قصدك انها شوق
همجيه ؟؟
وضحكت بصوت عالي
فتحت شوق عيونها عالاخير : انا همجيه ؟؟؟
اميره وهي تحط يدينها على بطنها من الضحك
ووجهها احمر : لا لا ههههههههه انا ما قلت هههه كذا هههههههه
واشرت على منال : هي للي قالت
وانفجرت من الضحك
منال وهي تحاول تتكلم بدون ما تضحك: هذا معنى كلامك يا اميره هههههههههه
تنهدت شوق وعدلت جلستها وغطت وجهها بيدينها
سكتت منال واميره وناظروها وتندموا على كلامهم
خافوا انها زعلت وجلستها كذا اكبر دليل
اقتربوا منها وجلسوا على مستواها
حطت اميره يدها على ركبتها وبندم : شوق أنا
قاطعتها منال : والله مو قصدنا شيء
كنا نمزح معك
وانت تدرين بمعزتك عندنا
اميره تكمل : والله
فجأة حطت يدها على راسها مكان الضربه
ومنال نفس الشيء
وفتحوا عيونهم بدهشه وهم يشوفون شوق
وقفت وهي تضحك : هههههههه صدق انكن مخبولات ههههه
وقفت منال : يا دبه
وركضت خلفها واميره معها حتى يمسكونها
كانت تركض وتناظر للخلف وتمد لسانها
وتضحك بصوت مرتفع
فجأة حست نفسها ضربت بشيء ضخم
وقاسي
رفعت نظرها بصدمه وغمضت عيونها بألم
من قوة الاصطدام
ومنار واميره شهقوا وحطوا يدينهم على
فمهم من الصدمه
والبنات يناظرون الموقف بدهشه ......
**
**
**
**
**
**
نايمه بحضن أمها على السرير ودموعها تنزل بهدوء
كل شيء يوجعها غمضت عيونها بألم
مسحت فاطمة على شعرها بحنان : بعده يعورك؟؟
هزت راسها بالخفيف مو قادره تتكلم
حاسه راسها يدور فيها للحين
تكلمت فاطمه بحنيه : الحين مع المسكن بروح
الوجع
رجعت غمضت عيونها وما تكلمت
والموقف ينعاد عليها
كانت تركض وتضحك وهي تناظر للخلف
ما انتبهت قدامها
تفاجأت لما اصطدمت بشيء قاسي
رفعت نظرها ما شافت الا بياض قدامها
ومزين باللون الاحمر
تحسست مكان الضربه وهي تحس بلزوجه مكان الضربة
تأكدت انه اللون الاحمر للي على الجدار
هو لون دمها
ناظرت كتفها كان لونه احمر
ضغطت مكان الضربه حتى توقف تدفق الدم
للي كان وكأنه حنفيه
حست بتجمع البنات حولها
بس ما تدري عن شيء الا بعد ما رجعت على البيت
بدت تستوعب للي حولها
نزلت دموعها وهي تحس جسمها مهدد
من قوة الصدمه
غمضت عيونها بقوة وهي تتمنى تنام
لعلها تنسى وجع جسدها
**
**
**
**
**
**
**
بعد المغرب نزلت شريفة مع بناتها لبيت فاطمه
دخلوا بعد ما سلموا وجلسوا بالصالة
شريفه بهدوء : اخبارها شوق ؟؟
فاطمه هزت راسها : بخير
الحمد لله
شريفه : ان شاء الله ما تشوف شر
فاطمه بهدوء : الشر ما يجيك
دخل ناصر البيت ورد السلام ومشى بخطواته
باتجاه غرفة شوق بس
وقفه صوت فاطمه : اتركها يا ناصر
دوبها نامت
ناظر فاطمه وهز راسه ورجع جلس معهم بالصاله
بعد ما اعطى فاطمه كيس صغير : هذي مسكنات للوجع
هزت فاطمة راسها بعد ما اخذت الكيس
وعم الصمت بالمكان
للحظات وناظر مريم : انت كنت موجوده وقتها ؟؟
ناظرت مريم ابوها بتوتر : لا
وناظر دانا : وانت ؟؟؟
دانا بنفس التوتر : لا
فاطمه : ليه تسأل ؟؟
ناصر بقهر : ودي اعرف يمكن وحده من بنات المدرسة
ضربتها
قاطعته شريفه : بس منار واميره كانوا معها
وقالوا انها ما انتبهت على الجدار واصطدمت فيه
ناصر بضيق كل ما يتذكر شكل شوق ودمها : هذي السوالف
ما تمر علي
كيف ما انتبهت للجدار ؟؟!!
يمكن يسترون على الموضوع ما يبغون تصير مشكله
وبحده : والله لو ادري انه وحده من البنات ضاربيتها
ما يحصل خير
ليه ابنتي جايبها من الشارع حتى يضربونها ؟؟
فاطمة بهدوء : انا اعرف ابنتي مخبوله
تمشي وما تناظر قدامها
ما احد ضربها
بس انت هدي وما له داع لكل ذي العصبيه
هز راسه بتوعد : يصير خير
وعم الصمت المكان وكل واحد غارق بأفكاره
**
**
**
**
**
**
جالسين بالمطعم ويغلب الهدوء على الاجواء
فارس بحقد : يا ليتها كانت القاضيه
وماتت وخلصنا منها
فتح مهند عيونه باستنكار : وش تقول انت ؟؟
استغفر ربك يا رجال
فارس بفحيح : اكرها ما تتصور كرهي لها
فهد باستغراب : بس ما تصل لذي الدرجة !!
فارس هز راسه : تراكم ما تعرفونها
ذي حيه
وعض على شفته بكره
خليني ساكت احسن لي
تدرون وش للي خايف منه ؟؟
تقول انه وحده من اخواتي هي للي ضربتها
فتح فهد عيونه بصدمه : معقول توصل لذي الدرجه ؟؟؟
فارس بحقد : واكثر من كذا
تراها انسانه خبيثة خبيثة الله يكفينا شرها
سكت مهند وفهد بصدمه ما توقعوا
بنت عمهم تكون كذا !!!!!

**
**
**
**
**
**
جلست على السرير بتعب وناظرت ابوها
ونزلت نظرها وهي تفرك يدينها بتوتر :ءء كنت امشي وما انتبهت للجدار
ناصر وكلامها ما دخل راسه : شوق هذا الكلام ما يدخل راسي
وقف وهو يناظرها : هذا انا رح امشي باتجاه
الجدار وبدون ما انتبه له
ما رح يصير جرح مثل للي براسك
قولي لي الصحيح
مين ضربك ؟؟؟
فتحت عيونها على وسعها وناظرته : ما احد ضربني
هز ناصر راسه بتفهم : براحتك
واقترب منها وباسها على راسها واستأذن وطلع
من الغرفة
تنفست براحة من تحقيق ابوها
وناظرت الباب لما شافت امها داخله ومعها
كأسه عصير وتناظرها بابتسامة
ردت الابتسامه لامها بتعب
جلست امها على السرير بعد ما حطت الصينيه على جنب ومسكت يد شوق : كيفك الحين ؟؟
هزت راسها : بخير
فاطمه بهدوء: اشربي العصير مفيد لك
هزت راسها بهدوء وما تكلمت
فاطمة بابتسامة: لو ادري انك بعد الضربه
رح تعقلين كان من زمان ضربتك بالجدار
هههههههه
ابتسمت على كلام امها وما تكلمت
فاطمة وهي تسحب منها الكلام : والحين ابغى
بالتفصيل الممل كيف صقعتي بالجدار ؟؟
شوق بصوت متعب : كنت جالسه مع منار واميره
ونضحك وقمت اركض وهم من خلفي
يلحقوني وكنت اناظرهم وانا اركض بسرعه
واما انتبهت لزاويه الجدار واصطدمت فيه بقوه
هزت فاطمه راسها بتفهم : هذا درس لك علشان تتعلمين مره ثانيه تناظرين قدامك يا متسرعه
هزت راسها ونزلت دمعتها وعيونها اغرورقت
بالدموع
مسحت فاطمة خدها وبابتسامه : ليه الدموع
يا بعد روحي ؟؟
شوق بدموع : تمنيت وقت الحادث يكون عندي
أخت توقف معي وتسعفني
فاطمه وهي تمسح على شعرها : عندك اخوات
بس انت مو معترفه فيهن
ردت شوق بنبره استهزاء : أخوات ؟؟؟؟!!!
فاطمه حطت اصبعها على فم شوق : خلاص
ما ابغى تفتحين هذي الاسطوانه
وتنهدت وهي تناظرها : ما ادري متى يطيح الحطب للي براسك ؟!!!
ناظرت امها وسكتت ما لها مزاج تتكلم
**
**
**
**
**
**
: انا كل عتبي عليك انت يا مريم
انت الكبيره العاقله المفروض تكونون دوم مع بعض
لازم تكونون يد وحده .......ما ادري وش اقول لك
اختك بنفس المدرسه وبنفس المرحله وما تدرين
عنها وما معك خبر عنها ؟؟؟
ليه اميره ومنال معهم خبر ؟؟؟
شريفة ترقع عن مريم : يا ناصر تراها شوق
للي رافضه وجود مريم معها
ناصر بحده :مو على كيفها شوق
انت اختها الكبيره ولازم تسمع كلامك وتكون معك
واذا رفضت تعالي وقولي لي وانا اتفاهم معها
مريم ؛ بس انا ما احب افرض نفسي على حد
ناصر بزعل : قولي انك ما تبغينها وانتهينا
ما توقعتك كذا يا مريم
لكن مشكوره
وطلع من البيت
مريم بصدمه من كلام ابوها سكتت وما ردت
فارس للي دخل اخر الكلام انقهر : الحين ليه حطت مريم بالسالفة ؟؟
والله متوقع تحط مريم بالسالفه وقلت هالكلام
من قبل
لكن يصير خير
وناظر مريم للي تبكي بصمت : لا تهتمي
بقلعتها
طالعت شريفة فارس بهدوء : اسكت تراك فاهم الموضوع
شوق ما قالت شيء بس ناصر عاتب على مريم ليه ما يمشون مع بعض بالفسحة
فارس بقرف : والله مو مضطره مريم تسد نفسها بالجلسه مع هالاشكال بالفسحه
شريفه : وبعدين معك ؟؟؟
فارس ناظر مريم : ولا تهتمي لهذي الاشكال
انا للي رح أخذ حقك منها
وتوجه لغرفته وهو يتوعد
هزت شريفه راسها بضيق : لا حول ولا قوة إلا بالله
وناظرت مريم : ليه تبكين الحين ؟؟؟
مريم وعيونها حمر هزت راسها بالنفي: ما في شيء
وراحت لغرفتها
ودانا ووليد وعبود يناظرون بهدوء
**
**
**
**
في اليوم الثاني
راحت مع امها للمركز الصحي تنظف الجرح
للي براسها
ورجعوا عند البيت بعد ما دخلت امها
شافت فارس نازل من الدرج ومستعجل
بس وقف لما شافها ورفع حاجب باستهزاء : سلامات سلامات
ان شاء الله المره الجايه تكون القاضيه ونرتاح
منك للابد
ناظرته بكره العالم وتكلمت : رح ابقى شوكه
بحلقك وبحلق امك واخواتك
احتدت ملامحه : وقسم بالله كلمه زايده عن امي واخواتي امسح فيك الارض
لفت وجهها وطنشته ودخلت وقبل ما تقفل الباب
ناظرته : إن شاء الله تموت امك واخواتك قدام
عينك وما تقدر..
وبسرعه قفلت الباب بالمفتاح لما شافته متوجه لها
صرخ بصوت عالي : والله لتندمين يا زفته
وتمتم الله يأخذك ويريحنا منك
وتوجه طالع من البيت وهو يغلي من العصبيه
يكرها وشوفتها تنرفزه
**
**
**
**
دخلت لغرفتها واسندت نفسها على الباب
وهي تتمنى تغير من حالها
مشكلتها تتنرفز وتتكلم بدون وعي
توجهت تبدل ملابسها بحذر
بعدها ناظرت نفسها بالمرايه وجهها منفخ
من حر الضربه انتفخ
للحين أثار الدوخه فيها
ناظرت الباب لما شافت خالد دخل عليها : تعالي
جدتي لطيفه هنا
تنهدت وهزت راسها وطلعت من الغرفه
خلف اخوها
دخلت الصاله ولما شافتها الجده
وقفت وعملت فلم آكشن
وجلستها جنبها وباهتمام مسكت يدها : يوجعك
شيء ؟؟
هزت شوق راسها بالنفي بدون ما تتكلم
طالعتها الجده وهي تمسح دمعها من طرف عينها : يا ويلي عليك كيف وجهها منتفخ
انا ما ادري انه صاير كذا
قالوا شوق ضرب راسها بالجدار وهي تمشي
ما كنت ادري انه هالجدار عامل فيك الحسايب
لو كنت ادري كان من البارحه كنت فوق راسك
ناظرتها شوق وبنفسها الحمد لله انك ما دريتي
كان صجت راسها من البارحه
ما تنكر حنان جدتها لها بس لما تتذكر انها
هي للي شجعت ابوها على الزواج تكرها
مدت الجده يدها للي كلها تجاعيد ومسحت على
شعرها بحنيه : الحمد لله انك بخير يا حبيبتي
وناظرت فاطمه للي دخلت ومعها صينية العصير : ترى انا ما رح اجلس عندكم لحتى اطمئن
على شوقتي انها بخير
فاطمه بابتسامة : حياك الله البيت بيتك خالتي
شوق برطمت شفايفها وبنفسها عشتو
هذا للي ناقص تقابل خشتي لاجل غير مسمى
والله لتطلع روحي فيها
جدتي واعرفها الله يكون بعوني
ناظرت امي للي قرصت عيونها تتوعد فيني
تبغاني اتكلم وارحب فيها ناظرت جدتي : ما في داعي
تكلفين على نفسك يا جده وتجلسين هنا
انا بخير
فاطمه اعطت شوق نظره حاره وغيرت الموضوع : نور البيت بوجودك يا خالتي
الجده بابتسامة : منور بوجودك
وين ناصر ؟؟
فاطمه : قريب يوصل ان شاء الله
ارتاحي يا خالتي
وبدت فاطمه والجده بالسوالف باندماج
وشوق حاطه يدها تحت خدها وتسمع
السوالف بملل
***
***
***
***
***
بعصبية : انت تبغى تجلطني ؟؟؟
فهد ببرود : وليه اجلطك ؟؟
فوزيه مو عارفه كيف تقنعه تمنت لو لسانها
انقص ولا تكلمت قدام الحريم
هذي جزاتها فرحانه انها تبغى تزوجه وتفرح فيه
تنهدت وتكلمت بنفاذ صبر : لما يرجع ابوك انا رح اخليه
يتفاهم معك
يعني بعد ما قلت للجماعه جاي الحين تسود
وجهي
فهد مو عاجبه تصرف امه : ومين قال لك تروحين تقولين لهم ؟؟؟
انا الحين ما ابغى اخطب ولا مفكر بالموضوع
وخاصه بهذا الوقت
فوزيه بقهر : اعطيني سبب واحد بس يقنعني
حرك فهد شفتيه بملل وقبل ما يتكلم
تكلمت خلود وهي داخله : يمكن مو عاجبه
بنات عمه
ناظرها فهد وابتسم : أموت على للي فاهميتني
فتحت فوزيه عيونها بصدمه : وش تقول ؟؟؟!!!!!

**
**
**
انتهى البارت .......انتظروني يوم الخميس بإذن الله .... لا يلهيكم البارت عن الصلاة ......دمتم بخير








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 11-04-2016, 10:30 PM
صورة نهى عبد الرمزية
نهى عبد نهى عبد غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


السلام عليكم
جميل البارت يعطيكي العافية يا أبرار موفقة ^_^ فهد حكى هيك مو القصد بنات عمه بس مشان أمو ما تضلها تحكي معاه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 11-04-2016, 10:37 PM
صورة ..Maysan.. الرمزية
..Maysan.. ..Maysan.. غير متصل
©؛°¨غرامي مشارك¨°؛©
 
الافتراضي رد: رواية فاض الأنين بداخلي /ضاقت أنفاسي


وعليكم السلام ورحمة الله وبركاته

ياهل فيك خيتو وتسلم يديك .. فارس وشوق يكرهوا بعض ؟! من الاحداث واضح انه شريفه انجبت قبل .. ووجدت جواب سؤالي تبع أمس عندها اخوان ههههه .. توقعتها لما اصدمت بالعامود تفقد الذاكره او تتعدل مااعرف ليه هههه .. شخصيتها لسى ماخشت مزاجي يمكن مع تقدم البارتات تتغير خاصه وهي تهدد الصغار مايلعبوا مع اخوانهم ؟!
لو كانت الام فاطمه هي اللي تتصرف تصرفات شوق كان قلت معذروه بحكم انه زوجها متزوج عليها لكن شوق مالها عذر خاصه انه العلاقه بين الامهات فاطمه وشريفه حلوه :) ..

احسن حاجه انه فهد مايبقى الاثنتين لانه من جد مو ناقصين الخوات عداوه زياده وخاصه من جهة شوق ..

دمتي بحفظ الله ويعطيك العافيه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 11-04-2016, 10:45 PM
صورة $ نسمة براءة $ الرمزية
$ نسمة براءة $ $ نسمة براءة $ غير متصل
©؛°¨غرامي فعال ¨°؛©
 
الافتراضي رد: رواية فاض الأنين بداخلي /ضاقت أنفاسي


روووووعه

شوق يا حرام كله بسبت جدار وعمل العمايل فيها هههههههه

فارس شخصيته لسى ما حبيتها وننتظرك بالبارت الجاي ويكون طويل

ياليت تحددي ايام تنزلي فيها البارت

تقبلي موروي ي عسل^-^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 11-04-2016, 11:57 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


اقتباس:
المشاركة الأساسية كتبها نهى عبد مشاهدة المشاركة
السلام عليكم
جميل البارت يعطيكي العافية يا أبرار موفقة ^_^ فهد حكى هيك مو القصد بنات عمه بس مشان أمو ما تضلها تحكي معاه
وعليكم السلام ورحمة الله وبركاته :)
الله يعافيك ......يسلموووو على التوقعات ^_^
ربي يوفقك ويحقق كل أمنياتك يا عسل :)
دمت بخير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 12-04-2016, 12:02 AM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي متألق ¨°؛©
 
الافتراضي رد: رواية فاض الأنين بداخلي /ضاقت أنفاسي


اقتباس:
المشاركة الأساسية كتبها ..maysan.. مشاهدة المشاركة
وعليكم السلام ورحمة الله وبركاته

ياهل فيك خيتو وتسلم يديك .. فارس وشوق يكرهوا بعض ؟! من الاحداث واضح انه شريفه انجبت قبل .. ووجدت جواب سؤالي تبع أمس عندها اخوان ههههه .. توقعتها لما اصدمت بالعامود تفقد الذاكره او تتعدل مااعرف ليه هههه .. شخصيتها لسى ماخشت مزاجي يمكن مع تقدم البارتات تتغير خاصه وهي تهدد الصغار مايلعبوا مع اخوانهم ؟!
لو كانت الام فاطمه هي اللي تتصرف تصرفات شوق كان قلت معذروه بحكم انه زوجها متزوج عليها لكن
شوق مالها عذر خاصه انه العلاقه بين الامهات فاطمه وشريفه حلوه :) ..

احسن حاجه انه فهد مايبقى الاثنتين لانه من جد مو ناقصين الخوات عداوه زياده وخاصه من جهة شوق ..

دمتي بحفظ الله ويعطيك العافيه ..
وعليكم السلام ورحمة الله وبركاته :)
يسلمووووو على تعليقك يا عسل :)
بالنسبة لشوق كثير بنشوف بمجتمعنا عداوه بين
الاخوه من الاب وكره متبادل بين بعض الا ما رحم ربي :/
اشكرك مره ثانية على تعليقك :)
دمت بخير ^_^

الرد باقتباس
إضافة رد
الإشارات المرجعية

رواية بديت أنساك يا لون السعادة /بقلمي؛كاملة

الوسوم
الانين /رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مابعد مر الرحيل إلا إنكسار /بقلمي؛كاملة انفآس الهجر ! روايات كامله - يتم نقل الرواية هنا بعد اكتمالها 232 02-01-2018 06:02 AM
رواية عربجية بنات /بقلمي؛كاملة عزة نفس :$ روايات كامله - يتم نقل الرواية هنا بعد اكتمالها 586 27-08-2017 09:35 PM
رواية اصلا حياتك بس مجرد وجودي /بقلمي؛كاملة خياآليهـ روايات كامله - يتم نقل الرواية هنا بعد اكتمالها 175 16-02-2017 07:51 PM
رواية التقيتك غريبة وودعتك حبيبة الموسم الأول /بقلمي؛كاملة شهد الراشدي روايات كامله - يتم نقل الرواية هنا بعد اكتمالها 1857 10-10-2016 09:04 PM
قواعد السعادة في القرآن الكريم { عـمـــــر } مواضيع إسلامية - فقه - عقيدة 8 04-09-2015 03:47 PM

الساعة الآن +3: 06:35 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1