غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-04-2016, 11:46 AM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي روايتي الاولى : فجاءة صرت اكبر من عمري


بسم الله الرحمن الرحيم
السلام عليم ورحمة الله وبركاته ..
اقدم لكم روايتي الأولى : فجاءة صرت اكبر من عمري !
أتمنى ان تنال اعجابكم وأي خطأ اقع فيه نبهوني فالأنسان دائما ما يخطأ .
بعد شوي راح انزل البارت الاول اتمنى القى تفاعلكم معي :graaam (274
):

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-04-2016, 11:49 AM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي


البارت الاول
الساعة .. 11:15
قامت من عز نومها مفجوعة من الصراخ نقزت من فراشها وفتحت النور عشان تشوف الساعة و انصدمت من الوقت؛ بالعادة بيتهم هالوقت الكل نايم وش صاير ؟ وش السالفة ؟
طلعت بسرعة تدور مصدر لصوت انصدمت لما نزلت من الدرج و هي تشوف هوشة وواضح انها قوية بين أمها و ابوها ، فجاءة صرخت : لااااااااااااااااااااااااااااااااااااااااااااااا !
لف لها ابوها : جواهر !
جواهر : لا بابا الله يخليك لا تضرب ماما ،هي الحين معصبة ما تدري وش تقول ، الله يخليك لا تضربها .
أبو جواهر : اللي تخالف رأيي وترفض شيء انا قلته تستاهل الضرب والقتل بعد ولا انا غلطان ؟
ام جواهر : لا مالك حق ، ما بقى الا هي تغلط وتجي تخلي الغلط علي !
أبو جواهر : وش غلطت فيه هذا حقي و ما فيه احد يقدر يحاسبني عليه عطيتك وجهه ترى !
ام جواهر : لا وانت الصادق انا اللي عطيتك وجهه ، اخوي بيجي ياخذني الحين و ابي ورقة طلاقي توصلني سامع ولا اعيد ؟
جواهر : لا ماما الله يخليك لا وحنا من يبقى لنا؟
ام جواهر : عندك ابوك و حريمه ما راح يقصرون .
جواهر : حريمه !
أبو جواهر : ايه حريمي عندك اعتراض ؟
جواهر : وش السالفة ترى ما فهمت شيء !
رن جوال وكلهم التفتوا له
ردت ام جواهر : هلا حمد .. يالله البس عباتي واطلع .. مع السلامة .
نقزت جواهر ومسكت يد أمها تترجاها : يمه الله يخليك اكسري الشر، يمه الله يخليك من بيربي اخواني اذا رحتي ، يمه الله يخليك فكري قبل تأخذين أي قرار .
ام جواهر : فكرت وبزيادة ، وخري عني ما ابي اخوي ينتظر برى .
لفت جواهر على ابوها بعد ما اختفى طيف أمها : اقدر اعرف وش السالفة ؟
أبو جواهر : امك زعلانة ليه اتزوج عليها رغم اني متزوج قبلها !
جواهر : هه ما فهمت برضوا كيف متزوج قبلها وبعدها ؟
أبو جواهر : اوووه ناقصك انا تفهين يعني الله يسلمك انا قبل سنين كثيرة كنت متزوج و عندي عيال عطيت زوجتي هذيك كل مالي وحلالي اللي جمعته في شبابي وتزوجت امك ، و كنت اشوف زوجتي وعيالي بين فترة وفترة ، وقبل كم شهر تزوجت الثالثة امك كانت عارفة بزواجي الأول وما كان عندها اعتراض ابدا لكن لما تزوجت عليها زعلت صراحة مدري كيف تفكرون انتم يالحريم !
جواهر : الحين هذا استهبال و لا صدق ؟
ابوجواهر : وهذي أمور يستهبل فيها ؟ وطلع من البيت وتركها .
مسكت جواهر راسها و حست بدوخة كل هذا يصير و هي ماهي حاسة ! معقولة ابوها متزوج وعنده عيال بعد ! مصيبة كبيرة وطاحت فيها ! رفعت راسها وشافت اختها نور و دموعها على خدها وهي تناظر فيهم واضح انها سمعت كل شيء ، راحت لها جواهر مسكتها وودتها سريرها و حظنتها وقالت بهدوء : كل شيء بيرجع مثل ما كان ان شاء الله .
ليلتها ما قدرت جواهر تنام تحس ان المستقبل بيصير ثقيييل عليها ما تدري كيف راح تتحمل عندها مشاريع كثيرة بداية باخوانها .. و أمها وابوها وكيف تراضيهم ! وكيف تستقبل فكرة ان ابوها متزوج غير أمها وثنتين بعد و عنده عيال بعد ! ما تدري وش تسوي بالضبط !
الساعة .. 5:30 الصباح
دخلت غرفة خواتها الثنتين نور وحلا :
جواهر : بناات يالله اصحوا ترى راسي بينفجر ماله داعي تصير حرب اليوم .
نور قمزت من السرير : رجعت امي ؟
قلت جواهر بابتسامة : ان شاء الله بترجع قريب .
حلا : ليه وينها امي ؟
جواهر : رايحة لخوالي تبي تأخذ فترة نقاهه تعرفين شطحاتها . وغمزت لنور عشان ما تقول شيء وقالت : يالله بنات لا تتأخرون بروح اشوف العيال .
نور وحلا : ان شاء الله .
طقت باب غرفة العيال خالد و بدر :
جواهر : حبايبي يالله اصحوا تأخرتوا على صلاة الفجر !
ما لقت رد خذت نفس و فتحت الستارة و سكرت المكيف وقالت : لكم 3 ثواني اما تقومون اما انادي لكم ابوي و تراه معصب و انتم وكيفكم .
بدر : جوهرتي الله يخليك خمس دقايق بس .
جواهر : ههههههههههههههههه لا تحاول تغريني وتدلعني بتقوم يعني بتقوم يالله بسرعه .
بدر : اعوذ بالله مافي امل تعطي احد مجال .
جواهر : اقول يالله بس اخلص علي ، وانت خالد متى ناوي تقوم ان شاء الله ؟
خالد بهدوء : انا بغيب .
جواهر : بأمر مين ان شاء الله مسيو خالد ؟
خالد : امي .
جواهر : اسفة ما اقدر اصدقك قوم اخلص علي .
خالد : اففففففففففف الله يعين زوجك عليك .
جواهر كانت بترد بس هو دخل الحمام و ما عطاها مجال .. اخذت نفس و في قلبها تردد يا رب تثبتني يا رب .
نوقف هنا اعطوني رايكم اتقبل النقد بكل رحابة صدر انتظروني في البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-04-2016, 12:25 PM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي



السلام عليكم ورحمة الله وبركاته
بدايه حلوه واسلوبك رااائع
لكن البارت قصير ومافيه أحداث كثيره
واضح إن جواهر بتتحمل مسؤلية أخوانها
نزلي كم بارت وطولي البارت حتى يكون فيه أحداث تشد القارىء ويعلق عليها
وياليت تكبرين الخط وماتعتمدي على الحوار فقط أوصفي الأشياء الأشخاص
وحالتهم النفسيه
وبالتوفيق إن شاء الله




تعديل فيتامين سي; بتاريخ 13-04-2016 الساعة 02:40 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-04-2016, 02:00 PM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي


اقتباس:
المشاركة الأساسية كتبها فيتامين سي مشاهدة المشاركة

السلام عليكم ورحمة الله وبركاته
بدايه حلوه واسلوبك رااائع
لكن البارت قصير ومافيه أحداث كثيره
واضح إن جواهر بتتحمل مسلية أخوانها
نزلي كم بارت وطولي البارت حتى يكون فيه أحداث تشد القارىء ويعلق عليها
وياليت تكبرين الخط وماتعتمدي على الحوار فقط أوصفي الأشياء الأشخاص
وحالتهم النفسيه
وبالتوفيق إن شاء الله

انا قلت تكون بداية فقط ان شاء الله راح اطول البارتات اكثر ما اقدر وان شاء الله تنال اعجاب الجميع شاكرة لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-04-2016, 05:48 PM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي


البارت الثاني
قراءة ممتعة للجميع
الساعة .. 6:25 .. في السيارة .
جواهر : اخر مرة انتظركم ترى كم لي أقول لكم اطلعوا اففف !
حلا ضحكت وقالت : جوجي هدي شوي ترى لسى بدري .
جواهر : شوفوا كلكم لازم تفهمون انكم لما تستعبطون علي راح يجيكم شيء ما تتمنونه وصلت المعلومة ؟
خالد تكلم بجدية : جواهر هدي اعصابك شوي وش فيك اليوم ؟
جواهر : مافيني شيء بس رجاء منتوا بزران عشان اقعد اعطي محاضرات كل يوم !
ضحك بدر بقوة وقال : الله الله مدام جواهر وصلنا للبزرنة حياتي تراني لسى في اول متوسط .
جواهر : لا احلف عاد اعرف انك في اول متوسط ما بقى الا تعلمني هالأشياء بعد !
تكلمت نور بصراخ : خلااااااااااااااااااااااااااااااااااااااااااااااص بس اسكتوا انتم تدرون اننا في مشكلة كبيرة ماما زعلانة بقوة هالمرة ويمكن ما عاد نشوفها كلكم ما تحسون .
ونزلت هي وحلا للمدرسة .
عم الهدوء السيارة لين نزل بدر لمدرسته .
خالد : اقدر اعرف السالفة ؟
جواهر : لا .
خالد : انا مو بزر قولي .
جواهر : ما تعرف ماما وبابا اذا تهاوشوا كل مرة كذا .
خالد : جووواهر اخلصي !
جواهر :وش اخلص خالد حبيبي ما فيه شيء صدقني نور تحمست بس لانها شافتهم وهم يتهاوشون وهي مو متعودة تشوفهم بس .
خاد : لما ارجع بيكون بينا كلام انزلي للمدرسة .
جواهر نزلت هي تقول بقلبها انا وياك يا خالد نفس التفكير كلنا كبرنا انفسنا وحنا صغار وكلنا نفكر نتحمل مسؤولية اه ب الله يعين .
دخلت فصلها وراسها بينفجر مالها خلق أي شيء .
سمر : جواهر فيك شيء ؟
جواهر : راسي مصدع اليوم ما نمت مواصلة .
سمر : بسم الله ما عرفتك جواهر ومواصلة خبري فيك من العشاء تنامين ؟
جواهر ضحكت باستهزاء : الدنيا كذا فجاءة تجبرك تتغيرين الله يعين بس .
سمر : لالالا الوضع اوفر وش صاير ؟
جواهر : دخلت الأستاذة اوص .
سكتت سمر وهي تناظر بجواهر واضح انها تعبانة وبقوة .
خلصت الثلاث حصص وجت الفسحة اخذت نفس وابتسمت ما تبي احد يعرف ابدا .. راحت للحمامات ( الله يكرمكم ) وقابلت شلتها هناك كلهم لا اراديا ابتسمت صديقاتها حياتها الثانية ما تحس ان ممكن تكمل حياتها بدونهم .
صرخت نورة : بعد قلبي شوكلاته وينك اليوم هاجدة ؟
ضحكت جواهر : والى متى اسم شوكلاته بيصير لي ؟
ضحكت نورة : للابد يا حبي .
ضحكت جواهر وقالت : هيه بنت تكلمي زين لا احد يفهم غلط !
ضحكت ندى : لالالالا اما جواهر ينشك فيها ما في امل .
ضحكت جواهر : وش فيكم علي اليوم ؟
ندى : مشتاقين لك اليوم بزيادة .
جواهر : هههههههههههههههههه يا شيخة توني امس معكم .
لمى : انا اخبر الناس تنبسط اذا قلنا لهم اشتقنا لكم مو يردون كذا !
جواهر : اوك اسفة بس وضعكم مريب كذا فجاءة تشتاقون لي !
لمى : امسكوني لاذبحها ذي !
نورة : خلاص سكروا الموضوع تعالوا عندي لكم سالفة خطييرة .
ندى : وش مهببه بعد ؟
نورة : مالت عليك وش قالوا لك ندى ؟
جواهر : راسي مصدع بلاش هواش و انتي وش مسويه ؟
نورة : امس امي جت عندي وقالت لي انتبهي توافقين على عيال عمك كذا فجاءة قالت كذا وقامت تتوقعون وش السالفة ؟
ضحكت جواهر بقوة : مبرووك يا حبي
لمى ضمتها وقالت : وبتتزوجين وتصبغين اشقر و تسحبين علينا !
ضحكوا كلهم على سالفة السحبة .
قالت جواهر : لالالالا وش تسحب علينا احنا متفقين ما نسحب على بعض !
نورة قالـت بجدية : تهقون السالفة كذا ؟
جواهر : ممكن لا تستبعدين شيء جهزي نفسك !
نورة : لا يارب ما اقدر أقول لابوي لا !
ندى : حياتك بيدك ! لا تكونين ضعيفة انتي تشوفين حياتكم كيف ؟ لا تعيدين التجارب ترى بتندمين !
لمى : قبل كل شيء نوني استخيري قبل الرفض و قبل ما توافقين والله هذا احسن حل !
جواهر : صح كلام لميم صح سويه !
نورة : كذا رايكم ؟
كلكم مع بعض : ايه .
نورة : خلاص ان شاء الله ، الحين خلص دوري جاء دووووووووووووووور جواهر وش فيك ما نمتي امس ؟
جواهر : يعني ما ينقال شيء لسمر !
ندى : وجعاه بعد ما تبي تقول لنا ؟
جواهر : مافيني شيء عشان أقول ، ارق بس !
نورة : جواهر احنا صديقات من ست سنين تخبين علينا ؟
جواهر : مافيني شيء ممكن تغيرون السالفة ؟
لمى : لا مو ممكن ! قولي .
جواهر : اووووه قلت ما فيه شي الا غصب يعني ؟
رن الجرس يعلن انتهاء الفسحة قامت جواهر بسرعة وراحت لفصلها .
الساعة .. 10:30 الحصة الخامسة .
جواهر : أستاذة ممكن اروح للمرشدة ؟
الأستاذة : لا خلك مكانك في حصتي محد يطلع !
جواهر مسكت يد سمر وقالت بصوت يختفي شوي شوي : احس بدوخه ، احس بيغمى علي !
سمر قالت بخوف : امانة جواهر لا يكون مقلب ؟
جواهر : سمر تكفين طلعيني من الفصل بسرعه .
وقفت سمر ووقفت جواهر معها ومجرد ما قالت الأستاذة : خير ان شاء الله وش عندكم ؟
طاحت جواهر مغمى عليها وبدوا البنات يصارخون و يتجمعون قالت سمر وهي ترجف : موية يا بنات موية بسسسسرعه !
جابت وحدة من البنات موية بس ما فاد
سمر صرخت : جيبوا عطر أي شيء بسررررعه ! جواهر حياتي قومي الله يخليك جووووواهر يمممه بنات دقوا على الإسعاف البنت مو راضية تصحى !
دخلت المرشدة و بدأت تحاول تصحيها بس مافي امل !
قامت سمر بسرعه ودخلت فصل نورة وقالت : نورة الحقي علينا جواهر مغمى عليها وما قدرنا نصحيها تعالي تكفيين .
قامت نورة وهي تركض وتدعي من جواتها يا رب يا رب الا جواهر يا رب ما اقدر أعيش من دون اختي يا رب !
دخلت نورة الفصل وصرخت : بنات وخروا بسرررعه وخروا ، شافت جواهر وجهها اصفر ولا تتحرك تلقائيا كش جسمها مسكت يد جواهر وقالت : جيبوا اكل هي اليوم ما افطرت !
جابو بنات اكل من عندهم وبدأت تاكلها نورة وهي ترجف و عيونها امتلت دموع وهي تقول يا رب يا رب يا رب الا جواهر يا رب !
بعد ثواني بدأت جواهر ترجع لوعيها وتفتح عيونها وهي تحس بدوخخخه شديدة وتحاول تتذكر هي وش صار لها ! ما حست الا وهي بحضن وحده تبكي من قلب وتقول : يا بزر خوفتيني هذي حركة تسوينها فيني يالشينة والله ما اخليك !
قالت جواهر بصوت تعبان مبحوح : حياتي نوني مافيني شيء شوفيني مثل البخت اهدي بس
المرشدة : جواهر تعالي معي للمكتب عشان ترتاحين
مسكوها نورة وسمر وطلعوها لمكتب المرشدة .
المرشدة : ليه يا جواهر المفروض تفطرين هذي هي عواقب انك ما تأكلين لازم تحرصين على الفطور هو الوجبة الرئيسية .
جواهر : ان شاء الله اخر مرة .
نورة : انا اضمن لك يا أستاذة كل يوم افطرها بيديني .
ضحكت المرشدة وقالت : الله يقويك .
غمزت نورة للمرشدة وسمر عشان يطلعون ، و مسكت يد جواهر وقالت : اقدر اعرف وش فيك ؟
جواهر وفي قلبها الف غصة وغصة : تعبانة والله تعبانة !
نورة : من ايش يا قلبي قولي لي من ايش ؟
جواهر : من كل شيء !
نورة : وش صار امس ؟
جواهروهي تمسك عبرتها : تهاوشوا وقرروا يطلقون .
نورة : يا حبيبتي انتي ما عليك دايم تصير هالهوشات .
جواهر : هالمرة غير امي مصرة على الطلاق لدرجة انها باعتنا انا واخواني .
نورة : م عليك ان شاء الله انه كلام وهي معصبة بس ، بس تروق بترجع و تقول انها ما كانت تقصد .
جواهر : ان شاء الله الله يسمع منك يا رب ، شكرا نوني .
نورة : شكولاته تزعلني منك ترى احنا اخوات و لا نسيتي ؟
جواهر : الله يخليك لي ولا يحرمني منك يا رب .
جلست جواهر في غرفة المرشدة عشان ترتاح ورفضت تدق على احد من أهلها ونورة غصبتها المرشدة ترجع لفصلها .
الساعة 12:10 الطلعة
لمى : أخيرا خلص الدوام
ندى ضحكت وقالت : هالجملة كل يوم بنسمعها الى متى ان شاء الله ؟
لمى ضحكت وقالت : الين اتخرج .
نورة وهي مخليه جواهر تتسند عليها : يالله هات ما بقى شيء كلها كم شهر ونخلص الترم الأول من ثالث .
لمى : ان شاء الله ، الا أقول جواهر وش فيك ؟
ندى : ايه صح وش فيك وجهك اصفر .
جت نورة بتتكلم قاطعتها جواهر : قل نوم بس اليوم برجع انام وبصير احسن ان شاء الله .
لمى : اكيد ؟ احس فيك شيء ؟
جواهر : اكيدين ارتاحوا انتم يالله بطلع نادى علي .
البنات : مع السلامة .
نورة : تبين اطلع معك ؟
جواهر : لا طبعا اهجدي في مكانك
نورة : اوك شكرا
ضحكت جواهر وطلعت وبمجرد ما ركبت بدوا اخوانها يكملون هوشاتهم
جواهر بصوووت مبحوح : الله يخليكم خلاص .
خالد : جوجي فيك شيء ؟ تعبانة ؟
جواهر : راسي مصدع شوي حبيبي
خالد : اوديك المستشفى ؟
جاهر : لا يا قلبي بس ابي هدوء شوي الله يسعدكم .
خالد : اوك لا اسمع لاحد صوت
الكل : ان شاء الله
الساعه 12:30 البيت
بدر : جوهرتي امي وين ؟
جواهر : في بيت خوالي
بدر : ادق على جوالها ما ترد
جواهر : اه بس الله يعين لاحد يدق عليها هي تعبانة منا وتبي ترتاح كم يوم .
نور : كم يوم بس صح ؟
جواهر : ان شاء الله ، تعبت جواهر من اسألتهم وقالت : انا بروح انام لا تزعجوني بلييز .
الكل : ان شاء الله
حلا : خالد جواهر تعبانة بقوة
خالد : ايه اشوفها انا
نور : وش نسوي طيب ؟
خالد : مدري خلوها تنام وتقوم ونشوف وش يصير
نور : الله يعين .
وتفرقوا كل واحد بغرفته ..
عند جواهر كان تعب الدنيا فيها مع ذاك مو قادرة تنام تحس بهم على قلبها ما راح يروح الا برجعة أمها لابوها وللبيت .
بوقف هنا وبنزل بعد شوي تعريف بالشخصيات اتمنى ان ينال البارت الثاني اعجابكم عطوني ردودكم وتوقعاتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-04-2016, 02:23 PM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي


اعتذر عن التأخير ولكن كنت آمل ان اجد تعليقاتكم هنا تعريف بالشخصيات و سيكون هناك بارت في اخر اليوم بإذن الله ..
عائلة أبو جواهر ( عبد العزيز ) عمره 50 قريب مرة لبنته جواهر بشكل جنوني كأنهم أصحاب مو اب وبنته الكل يحسدهم على هالعلاقة متزوج ام جواهر وثنتين غيرها راح نعرفهم مع الاحداث حالته المادية متوسطة تقرريبا لن راح تتغير بظهور زوجته وعياله و راح نعرف شخصيته من الاحداث .
ام جواهر ( حنان ) عمرها 39 تحب زوجها و عيالها كثير بس كان لازم تسوي كذا لانها انسانة غيورةما راح تقدر تعيش مع زوجات عبد العزيز قرار الطلاق تحس انه الأنسب في هالوقت لكن ما تدري هل راح تصير طليقة عب العزيز ولا زوجته للحين ؟ حنان بيضاء قصيرة شعرها صابغته بني وطالع عليها يجنن تحب طلعات صديقاتها و لجو اللي كله ضحك وفرفشه علاقتها بعيالها كويسة جددا وقادرة انها تسيطر على عيالها تقريبا .
( جواهر ) عمرها 17 ونص في ثالث ثانوي مغرمة بابيها جدا تشوف ابوها شيء نادر في هالوقت وهذا اللي مفروض يكون عند كل البنات جواهر برونزية عشان كذا صديقاتها يسمونها شكولاته وخاصة صديقتها نوني شخصيتنا قيادية وهذا السبب اللي خلا ابوها يتعلق فها كثير اخوانها يشوفونها قدوة ويسوون أي شيء تسويه عشان كذا هي حريصة على كل حركة تسويها وراح تتعرفون على شخصيتها مع الاحداث .
(خالد ) عمره 16 في أولى ثانوي اخو جواهر وقريب لها شخصيه مشابهه لشخصية جواهر يشوف جواهر كل شيء بحياته لانها في كل موقف تطلع له وتحسسه دائما انه الأخ الكبير و انه السند لها في كل المواقف .
(نور ) عمرها 14 في ثاني متوسط انسانة حساسة درجة أولى عند أهلها كلمة من أمها او ابوها تأثر فيها بشكل كبير رغم حساسيتها هذي الا انها تملك شخصية قوية قدام الناس وتبين العكس دايم هي وحلا دايم هواش .
( حلا ) عمرها 12 سنة في سادس ابتدائي طيوبة وشخصيتها رقيقة خوووافة بشكل يقهر لو احد من اخوانها انجرح جرح بسيط تجلس تصيح وتنهار بقوة وهذا اللي ينرفز جواهر و نور لانهم يبون تكون شخصية اختهم قوية وتبين للكل ان ما فيه شيء يهزها .
( بدر ) عمره 10 سنوات في رابع ابتدائي اخر العنقود شخصيته عسسسل أي احد يسولف معه ينبسط سواء كبير او صغير يموت بخالد و جواهر ويقلدهم حتى بالكلام و أي مكان يروح له خالد بتلقى بدر معه ما يقدر يعيش بدون ما يتأكد ان كل اهله بخير بالرغم من صغر سنة الا ان عقله اكبر منه .
صديقات جواهر :
(نورة) عمرها 18 في ثالث ثانوي هي وجواهر قصة صداقة نادرة تقريبا الي يشوف تصرفاتهم مع بعض يحلف انهم خوات كل وحدة تعامل الثانية على انها اختها خاصة نورة او مثل ما ينادونها صديقاتها نوني ما عندها اخوات قراب من عمرها فجواهر مالية حياتها عليها .
( لمى ) عمرها 18 في ثالث ثانوي شخصيته طفولية جدا تفكيرها محدود في الوضع اللي هي فيه أمها وابوها ربوها على نمط معينو هي متقبله هالموضوع وعاجبها هذا المميز في لمى غير انها حنونة كانها ام و ما ترضىعلى صديقاتها تكره حركات البنات بوة تتنفز منها .
( ندى ) عمرها 18 سنة في ثالث ثانوي صديقة البنات نعومة وحبوبة دائما في حالها على الرغم من انها في الدوام مع البنات الا انها اذا طلعت من الدوام تنشغل مع صديقتها اللي برا المدرسة البنات يعرفون هالشيء وعاجبهم انهم بالدوام مع بعض و يكفيهم ان ندى تصير سعيدة حتى لو كانت بعيدة شوي .
( سمر ) عمرها 18 سنة في ثالث ثانوي هي اللي في فصل جواهر صادقوها البنات عشان يعرفون اخبار جواهر عندها صديقات ثانيات بس في الفصل اغلب الوقت مع جواهر تحب جواهر كثير وتعزها .
طبعا نورة ولمى و عروب و جواهر كل وحدة في فصل لانهم كانوا سواليف وضحك في ثاني ثانوي ففرقوهم في ثالث و هالشيء قاهر البنات و بقوة .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-04-2016, 05:45 PM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري ! بقلمي


البارت الثالث
الساعة .. 7 المغرب ..
حطت جواهر صينية القهوة على الطاولة وهي تنادي اخوانها : بسسررعه بيبدأ المسلسل وبخلص القهوة بكيفكم .
نور : امانة جوجي خلي السواق يجيب حلا من أي مكان .
جواهر : احلفي بس تبين نسمن هاه ؟
خالد وهو يضحك : اوه عاد جوجي سمينة و بدون شيء كيف لو كلتي حلويات .
جواهر : انننن حرام علي والله وزني 55 !
كلهم ماتوا ضحك عليها .
ابتسمت هي و قالت : اسمعوا عاد بس يخلص المسلسل ما ابي اسمع حس النظام نظام !
بدر : كيف يعني ؟
جواهر : يعني يا حبيبي الساعة 8 تكون نايم .
بدر وهو يضحك بشر : و صلاة العشاء ؟
جواهر : يمه منك ، بعد الصلاة مباشرة خلني اشوفك بشرشحك .
بدر ضحك وقال : طيب طيب يصير خير .
جواهر : شف خير ان شاء الله ؟
بدر : وش ؟
جواهر : ما احب احد يسلك لي !
بدر : اسف جوهرتي .
جواهر : يمه منك من يصدق عمرك 10 سنوات .
خالد : يا بثارة خلاص اسكتوا !
جواهر : اوه اسفة وش صار اخر شيء بس ؟
نور : امانة خالد لا تقول لها كل يوم كذا تزعجنا بعدين تقول وش صار !
خالد : تصدقين انا ملاحظ شكل اختك تسوي كذا عن قصد !
جواهر : ايه ايه اتفقوا علي وانا المسيكينة مالي احد !
حلا : ومن قال ؟ انا وين رحت ؟
جواهر : بعد قلبي والله ، هاه نويرة تعلمي من الأصغر منك .
نور : ما بقى الا هي اتعلم من ذا البزر !
حلا : نعم نعم ، من البزر ؟
نور : فيه احد غيرك يعني ؟
جواهر : بسسسسسسسس قومي قومي انتي وياها على غرفتكم ما ابي اشوفكم هنا .
نور : اوووووف خالد شوفهم !
خالد : هي كلمة وحده لك انتي وياها مو معناته ان امي و ابوي مو في البيت يعني تفلونها اذا غابت امي جواهر موجودة وإذ غاب ابوي انا موجود و اي وحدة بتتعدى حدودها لي كلام ثاني معها وصلت المعلومة ؟
الكل : ايه .
خالد : حلو ، و الحين ولا كلمة ابي اكلم صديقي .
جواهر : قبل تدق باقي خمس دقايق على الاذان خلها بعد الصلاة .
خالد : بعد الصلاة ابي اكلمك عشان كذا بكلمه الحين .
جواهر : في وش نتكلم ؟
خالد : تعرفين بعدين ، هلا والله عبدالله .. وش الاخبار ؟ .. يا ربي لك الحمد بخير ، الا أقول بتكون في البيت بعد ساعة كذا ؟
.. حلو حلو يعني يمدي نطلع انا وياك ؟ .. خلاص اجل كذا ساعة واشوفك ان شاء الله .. يالله اشوفك على خير مع السلامة .
جواهر : الله الله ناوي تطلع بإذن من ان شاء الله ؟
خالد : بإذن نفسي !
جواهر : خالد انتم امانة عندي رجاءً انتبه لنفسك مو لازم امشي وراك يكفي الصغار !
خالد : يا هوه تراك اكبر مني بسنتين وهدي اعصابك رجاءً .
جواهر : تتطنز انت ووجهك ؟
خالد : ايه عندك شيء ؟
جواهر : ما أقول الا الله يهديك .
خالد : امين .
الساعة .. 8 ونص .. بعد صلاة العشاء
خالد : ابي اعرف كل شيء صار وسبب ان نفسيتك زفت اليوم ؟
جواهر : هوب هوب شوي شوي علي ما صار شيء بس تهاوشوا امي و ابوي ونفسيتي زفت لاني ما نمت بس !
خالد : بس تهاوشوا اجل ؟
جواهر تناظره بتمعن : ايه ليه سامع شيء ثاني ؟
خالد : كم مرة قلت لك انا مو بزر ! الى متى بتخبين خبر زواج ابوي ؟
جواهر : أي زواج ؟
خالد : بننننننننننننننت لا تنرفزيني ترى مو غبي انا مثل ما قمتي من الصراخ قمت انا بعد لا تنكرين أي شيء كل شيء سمعته !
جواهر ببرود : يعني سامع كل شيء ، ليه تسأل ؟
خالد : لانك نرفزتيني ليه مو واثقة فيني و تقولين لي كل اللي يصير ف البيت ؟
جواهر :لانك لسى صغير على الهم !
خالد ضحك بقهر : على أساس انك اكبر مني بعشر سنين ! ترى ما بينا الا كم سنة لا تأخذين مقلب بنفسك ؟
جواهر : الخلاصة الحين وش تبي ؟
خالد : كل شيء يصير تقولين لي .
جواهر : واذا رفضت وش بيصير ؟
خالد : ابدا بس ما راح تشوفيني مرة ثانية .
ضحكت جواهر وقالت : الله يحفظك .
خالد : كذا يعني ؟ اوك انتبهي لأخواني و انسيني بالطريق .
مسكت يده اول ما وقف وقالت : عرفت ليه ما أقول شيء ؟ لانه عند اول موقف صعب لك اخترت البعد ، انا عارفة ومتأكدة انك بتطلع من هنا وراح ترجع بعدها بنص ساعة بس حط شيء ببالك ان انا لما اخبي عنك شيء يكون هالشيء بمصلحتك ، عموما من هذاك اليوم ما صار أي حدث و لا شفت امي و ابوي .
خالد : طول عمرك تحسسيني اني الكبير واني المفروض اشيل همكم ليه الحين غيرتي رايك ؟
جواهر : ومن قال غيرته ؟ لا ابدا صدقني يا خالد انت للحين انت الكبير بعيني بس دائما قلب الانثى يتحمل مثل هالامور اكثر من الولد عشان كذا بس انا حريصة ان محد يعرف .
سحب يده وقال : انا طالع ، لا تنتظريني بطول .
جواهر : الساعة 10 ونص بقفل الباب و ترى الملحق ما فيه مكيف .
خالد ضحك : ان شاء الله برجع قبل .
جواهر :ايوه ذكي بسم الله عليك .
راحت جواهر تشيك على اخوانها و لقتهم يتجهزون للنوم راحت لغرفتها مسكت جوالها و أرسلت لامها : مساء الخير حبيبتي ماما البيت بدونك مظلم كثير و اخواني طول الوقت يسألون عنك محتاجين لك كثير يالغالية ارجعي لنا تكفين ïپŒ
و بعدها قامت تشوف الرسايل اللي جت لها شافت رسالة من لمى ورسايل من نوني لمى كانت تقول : جوج بكرا اختبار الحاسب القصير لا تنسين .
ردت جواهر : يوووه زين ذكرتيني كنت ناسية بذاكره بعد شوي شكرا يا آلبي .
اما نوني : جوج .. بنت ردي .. وش اخبارك الحين طيب ؟ .. بنننت رددي تكفين .. ترى بجي بيتكم لو ما رديتي ؟؟؟
جواهر : سوري يا حبي توني امسك الجوال الحمدلله انا بخير فيه شيء ؟
جاها الرد من نوني على طول : ايه كنت بتطمن عليك خفت صار عليك شيء بعد الدوام الا تعالي نمتي ؟ اكلتي ؟ بسرعة عطيني جدولك لليوم.
جواهر : هههههههههههههه ايه نمت واكلت الحمدلله ما فيه حدث مميز والله .
نوني : ايه صدقت ! كلمتي امك ؟
جواهر : أرسلت تو ولا ردت ïپŒ
نوني : الله يعدل الأوضاع يا رب
جواهر : امين يااااااااااااا رب
نوني : يالله ما أطول عليك كنت بشوفك ووش صار عليك بس
جواهر : حبيبتي و الله اييه صح بكرا اختبار ذاكرتي ؟
نوني : ايه يالله امي جت اشوفك بكرا ان شاء الله مع السلامة
جواهر : مع السلامة .
قامت جواهر مسكت كتابها وبدت تذاكر على الساعة 10 وربع خلصت وتحس خلاص ما فيها طاقة ابد ابد ، قامت تشيك على اخوانها و تشوف خالد وينه ، وهي تشيك على اخوانها كانت تدق على خالد رد عليها وهو يضحك من قلب ابتسمت لا ارادي على ضحكته وقالت : دوم هالضحكة حبيبي
تنحنح خالد وقال : بعد قلبي ورجع يضحك .
جواهر : اوف اوف لهالدرجة السالفة مضحكة .
خالد : بشكل ما تتوقعينه .
جواهر : ترى حمستني .
خالد : اذا جيت قلت لك .
جواهر : ان شاء الله ، شايف الساعة ؟
خالد : يالله هذاني جاي .
جواهر : بسرعه الباب بيتقفل ترى .
خالد : افتحيه وصلت .
جواهر : تمزح صح ؟
خالد : لا والله ، كنت عند عبدالله ولد جيراننا .
جواهر : ايواه كذا ، يالله الحين نازله ، ودك بعشى ؟
خالد : ما أقول لا .
جواهر: يالله افتح لك الباب و نشوف وش نتعشى عاد .
فتحت الباب له و دخل ووجهه للحين متأثر من الضحك .لا ارادي قامت تضحك من شكله .
خالد : خير وش فيك ؟
جوار وهي ميتة ضحك : شكلك يموت ضحك يا ربي .
خالد : هه هه هه ترى هو حلو بس عشانك ما تعودتي عليه .
جواهر : لا عاد تخاطر وتقص شعرك بليز
خالد: حلو التغير يا حُبي .
جواهر : صح اكيد حلو بس مو كذا .
خالد كان قاص شعره وحاط جل بشكل مضحك مررررررة .
جواهر : ايوه وش تبغى عشا ؟
خالد : مممممممممم والله وش رايك نصلح سلطة فواكهه ؟
جواهر : يالله بس بسرعة لاني ابي انام ïپٹ
خالد : اوكيه يالله بسرررعة .
وبدوا يقطعون وكل شوي يعلقون على بعض وهم يضحكون كانوا عايشين جو بقوة وأخيرا على الساعة 11 كذا خلصوا السلطة وبدوا ياكلون وهم يحسون انهم غيروا جو وبقوة فجاءة سمعوا صوت الباب يتسكر كلهم لفوا له و انصدموا من اللي يشوفونه ..
و هنا نوصل لنهاية البارت الثالث .. بكتب اسألة للتوقعات وأتمنى من قلبي القى رايكم في البارت لو شفت تفاعل راح انزل البارت الرابع بإذن الله ..
من اللي دخل البيت وخلا خالد وجواهر ينصدمون ؟
طلاق امهم وابوهم وش مصيرة ؟
نور و خالد وجواهر حضروا موقف هوشة امهم وابوهم يا ترى هالشيء بيأثر على علاقتهم بامهم و ابوهم ولا لا ؟
نكتفي بالتوقعات هذي أتمنى البارت يكون نال اعجابكم .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 12-05-2016, 05:09 PM
alm_xm alm_xm غير متصل
©؛°¨غرامي مشارك¨°؛©
 
الافتراضي رد: روايتي الاولى : فجاءة صرت اكبر من عمري


روايتك جداً جميله
استمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-07-2016, 01:40 AM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري


اقتباس:
المشاركة الأساسية كتبها alm_xm مشاهدة المشاركة
روايتك جداً جميله
استمري

اشكرك
باذن الله مستمرة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-07-2016, 01:52 AM
صورة aljowharah الرمزية
aljowharah aljowharah غير متصل
©؛°¨غرامي جديد¨°؛©
 
الافتراضي رد: روايتي الاولى : فجاءة صرت اكبر من عمري


الحين بنزل البارت الرابع وبحاول ابدأ في البارت الخامس لا تحرموني من توقعاتكم

الرد باقتباس
إضافة رد

روايتي الاولى : فجاءة صرت اكبر من عمري

الوسوم
رواية فجاءة صرت اكبر من عمري !
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى خانتني حبيبتي وعوضت باخرى Hena9 روايات - طويلة 27 26-11-2016 06:17 PM
روايتي الاولى : ياصديقاتي ترى لكم صديقه تبيع الدنيا عشانكم biack_shdow^_^ روايات - طويلة 175 08-06-2016 04:21 PM
روايتي الاولى / روايه توليب ^_^○ جود joj أرشيف الروايات المغلقة - لعدم إكتمالها 9 22-01-2016 01:50 AM
روايتي الاولى : لكل شخص ظروف وفي ظروف تجبرنا نسوي اشياء م نبيها . Miss Jo0oJ روايات - طويلة 9 30-04-2015 10:55 AM
روايتي الاولى / ودعتك الله ي حبٍ رسمته بحياتي حگايه‍ مشاعر روايات - طويلة 10 26-03-2015 02:30 AM

الساعة الآن +3: 06:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1