اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 03-08-2017, 07:29 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


و نــروح للـ الشباب اللي بدت مسيرتهـم و استهبالهم و وناستهم بعرس رفيجهم فـيصل......كانوا مسوين له احلى الاجواء ى هم رايحين مـعاء لـ قاعه الحـريم، و اللي اوعدوا فيصل بإنهم يدخلون معاه للـ قاعه بما انه يعتبرهم اخوانه......"




و الســـــاعه 11:20 ......." تم الاعلان عن دخـول المعرس و ربعه "


بـهاللحظه بدا توتر يـاسمين يزيد و يزيد و بدت ترجف عالخفيف و حطوا يدامها الحاجز الابيض المزين بالكرستالات الفضيه.......و دخل المـعرس و ربعه و ابوه ع انغام موسيقيه شبابيـه...."

و انفتح البـاب الملكي مرا ثانـيه، معلن الدخـول الفخـم لـ معرسنا فـيصل و ربـعه الهيبه.......و طبعا احمـد اللي بإيده كان عصا السلفي و يصور فيها......، ادخلوا بكل هـيبه و فخامه و كل واحد فيهم كان له الجمال الخـاص فييه اللي سحر كل وحده من بناتنا طبعا الا....!!!!


و بـصوت مــايد الراقــي........."



يامعيريس عين الله تراك
القمر والنجوم تمشي وراك
ويتغني القمر ... والنجوم ترد عليه
يامعيريس عين الله تراك
القمر والنجوم تمشي وراك

تحلي أيام العمر ...
تحلي ... تحلي ... تحلي
واتغني للعروس
والعروس ترد عليك
يامعيريس عين الله تراك
القمر والنجوم تمشي وراك



و بهاللحظه وصلوا للـستيج و صفوا كلهم صفه وحده و بدوا يصورون مع المعرس ى شوي يرقصون............و بالنـسبه لـ.....!




و عيون منّـه ما فارقت مـايد..صوته اللي دخل بأعماقها، و اخييييرا عرفت من هالشخص لا و طلع اخو رفيجتها......." احيانا الصدف تكون بدايه حياه جديده و داخلها مليئ بالمفاجآت تتعقبها مسائل غرام لبناء حياه هاديه و جميله مع الشريك اللي يختاره الانسان و اللي يكون من نصيبه ..."



و يكمل مـايد غناءه بصـوته الجميل...."



نسمع الطار يترنم ويتكلم
والطبل قام يتكلم ويترنم
والأمل صار يتبسم
علشانك في هنا
يامعيريس عين الله تراك
القمر والنجوم تمشي وراك



لف يمين و يسار قام يدورها بعيونه....وينها وينها وينها...و فجأه طاااااحت عينه بعينها و هنيييي بدت لـغه العيـون تـاخذ مجراها.....بـلحظه لـقاها تاخذ شنطتها و طلعت من البـاب متجهه لـ برا...........نسى كل اللي حواليـنه و من غير استيعاب ركض وراهـاااا.....و الكل مستغرب من حركته...جافه رفيجه خـليفه و الحقه لـ برا.."


و فـ حد ثـاني لـمح خـليفه و ركض ورااااه......"



فـاطمه * اللي طـاحت عيونها بعيون ناصر و ابتسمت بخجل .........و شوي الا وصلها مسج منه....*

افتحت و لقتـه كاتب لها (( القمر شعنده نازل من السما اليوم، عالعموم ترا طالعه ملااااااك ماشاءالله عليك ))


من قوة وناستها و خجلها ماقدرت ترد عليـه بس اكتفت بنظـره و معاهـا ابتسامه خلت نـاصر يتخرفن عليهااتا زياده........."


^^^^^^

و عنــد البــنات......."


هـاجر : بنااااات مفتاح السويت مال فيصل و ياسمين وين؟ .

سـاره * تطلعه من شنطتها * : عندي انا لييش؟ .

فـاطمه : وييييه انتو ماجهزتوا الشي اللي اتفقنا عـليه .

منّـه : ووووي صح شنطه الملابس مالت ياسمين و التجهيزات اللي سويناها لهم .

سـاره * تضرب راسها * : اه صحيح انا نسيييت، خلص خلص رح اروح احين و اجهز قبل لا يصعدوا لـ فــوق .

نـور : تبيني اسير وياج؟ .

سـاره : لا لا حخلص بسرعه و اجي < و راااحت بسرعه .



^^^^^^^^^^^^^^^^^^^^^^^


و عنـــد ســلطان * اللي جاف دانـه ادخلت لـ حمام البنات < الله يعزكم > و نطرها و مرت خمس دقايق و جافهت طلعت و ماسحه كل الميكاب اللي بويهها و شكلها كانت مبدله الفستان لان و هي طالعه من القاعه ذيل الفستان كان مبين و احين مب مبين.....استغرب من اللي قاعده تسويه كان يبي يلحقها بس جافها ركبت سـياره سبـورت لونها احمر و استغرب ان اللي قاعد يسوقها واحد بس ويهه ماةان يبين عدل......ركب سيارته السـبورت و طيران وراهـم....و جاف انهم متجهين لـ طـرييق المطـار!!!!!!!!!!!!!!!.......




^^^^^^^^^^^^^^^^^^^^^^^^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 03-08-2017, 07:31 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي



























نـروح لــ خـليفه اللي مالقى سـلطان و فجأه وقفه صـوت رجع له كل احاسيسه اللي قاعد يدفنها حاليا بمكان الاعجاب فقط لا اكثر ولا اقل......"



..........* بصوت يرجف * : خـ...خـليفه! .

خـليفه * بلع ريجه بصمت و لف عليهـا * : اوه...سمـيه .

سـميه * استغربت من رده فعله البارده بس مابينت له شي و ابتسمت * : اخبارك، وينك مختفي من كم اسبوع؟، ولهـ......* و فجأه اسكتت و حاولت ترقع اللي كانت بتقوله * اقصد قمت احاتييك .

خـليفه * فهم شكلنت تبي تقول لكن مابين لها * : لا بس كانت عندي كم شغله ضروريه و شويه اشغال عند الاهل من جي ماقدرت اطلع ولا قدرت اتواصل مع احد .

سـميه * لا اراديا قربت منه بس كانت فيه بينهم مسـافه * : خـ..ـليفه اذا حسيت انك محتاج احد تسولف له ولا تفضفض له انا موجوده تمام .

خـليفه * ابتسم و هو يحاول يسلك لها * : اي اي مب مشكله، اقصد تمام، يلا شو رايج نسير داخل، بعد شوي المعاريس بيدخلون و الشباب بيدخلون مرا ثانيه .

سـميه : خـلاص يلا خنروح < و ادخلوا اثنيهم....

و طبعا بـرود خـليفه كان حيل مبين عليه و هذا الشي اللي خلا سميه تتضايق من هالاسلوب بس مابينت له و السبه احاسيسها اتجاهه....بالنسبه لها راحت للبنات..."

و بالنسبه لـ خليفه حاول بأي طريقه يتهرب من سميه عشان مايبين لها انها كانت له مجرد بنيه انعجب فيها و خلاص انتهى الشي فقلبه و عقله و ان هالشي كان مجرد اعجاب مافيه اي شي من علاقات الحب......و راح للشباب اللي كانوا واقفين برا القـاعه طبها ماعدا احمـد اللي.......؟؟؟؟.......



^^^^^^^^^^^^^^^^^^^^^^^^^^^

اطلـعوا الشبـاب....و انشال الحاجز عن يـاسمين اللي ابهـرت فيــصل بجمـالها الهـاادي......وقفت و هي منزله راسها و مب قادرع ترفعه من الحيا........"

قرب منـها حييل و رفــع راسهـا بأنامله و قرب ويهه لها و باس جبينها بهدوء و كانت هاذي من اجمل اللقطات اللي التقطتها المصوره بعدسة تصويرها....."


يـاسمين بهاللحظه حست بحراره عاليه بجسمها و دقات قلبها كل مالها و تزييييد ........رفعت راسها و طاحت عيونها بـعيون فيصـل العسليـه.....عيونه اللي خذت قلب ياسمين من اول نظررره.....بهاللحظه حست بإنها تعرف صاحب هالنظره بس وييييين مب قادره تذكر...قطع سرحانها فـيصل اللي نزل ايـده لخصرهـا و قربها منه حييل خلاها تحط ايدها ع صـدره و طبعا فرق الطول بينهم كـان عجيييب......"


و بكذا و بأبداعات المصوره خذت لهم اجمل الصـور بأجمل الوضعيات........طبعا فـ جزء ثاني للتصوير بس مو بالقاعه....."




و عقـب ما اقعدوا المـعاريس....."

فـيصل* شبك ايده بإيدها * : مبـرووووك حياتيي .

يـاسمين * بخجل و هي منزله راسها * : الله يبـ..ـارك فيك .

فـيصل بباله كان يقول " هـين بس، انا ماخليتك ليل نهار تهذين بأسمي من الخوف مايكون اسمي فيصل الـ.. "

فـيصل * و هو يحاول مايبين لها الشي اللي ناوي عليه من زمان * : صايره ملاك اليوم، بيحسدوني عليك .

يـاسمين * استحت و نزلت راسها *

فـيصل * رفع راسها بأنامله و حط عينه بعينها * : وين هالجمال عني من زماان ، ليه مخبيته عني! .

يـاسمين * معروف عنها اذا حد تغزل فيها ماتعرف شترد ولا شتقول و ودها لو الارض تنشق و تبلعها * : ............. .

فـيصل * كان بيقولها شي بـس...وقفته المصوره و هي تقوله انه يوقف و خلت ياسمين بعد توقف عشان تكمل تصـوير...."


^^^^^^^^^^^^^^^^^^^^^^^^^^^^



عنــد البـنات طبعا من بعد ماطلعوا الشباب ......"


فـاطمه : واااي خلاااص ابي اتزوووج، تكفون خلتني اشتط ياسمينووووه .

منّـه * و هي تطالع المعاريس و مبتسمه * : ماشاءالله طالعييين قمر هالاثنين .

نـور : واي جوفوا كييف ماسكها من خصرهااا ، صج المصوره عليها حركات عجبيه .

هـاجر : اي حركات عجيبه انتي الثانيه، دقيقه وحده ماخلتهم براحتهم يسولفون .

سـميه * توهـا جات *

فـاطمه * تغمز لها * : ي حلوووه وين رحتي هاا؟ .

سـميه * بأبتسامه طالعه بالغصب * : لا ولاشي بس رحت اشك شويه هوا و رديت .

منّـه : اييي مبين مبين سايره تشمين هوا، عيل شورا هاي الابتسامه هاا .

هـاجر : اكيد راحت لحبيب القلب ولا شبيكون ورا هالابتسامه يعني .

سـميه * تضايقت من هالطاري * : اوه خلاص عاد، اي رحت لخليفه و بعدين! هذا اللي تبون تسمعونه < و لفت تبي تروح ......

نـور : تعالي سموي نمزح وياج وين سايره .

سـميه * لفت و بعينها الدمعه بس حاولت انها ماتنزلها * : لا بس احس راسي شوي يعورني، بروح غرفتنا اللي فوق و بريح شوي عقب يمكن برد البيت .

منّـه * راحت لها * : فييج شي حياتي، تبين اسير وياج؟ .

سـميه * ابتسمت * : لا حبيبتي انتي استانسي وياهم، انا شوي بريح و عقب بردلكم تمام .

منّـه * ابتسمت * : تمام حياتي، اذا تبين شي رمسيني .

سـميه : خلاص تمام < و راحت .




^^^^^^^^^

نــروح لــ ســاره اللي كانت راده من حديقه الفندق اللي ورا و هي مـاره من المسبح الخارجي الخاص بالفندق ، طبعا سوت و رتبت اللي اتفقوا عليه هي و البنات بالسويت الخاص بـ فيصل و ياسمين......و عقب ماخلصت حبت انها تطلع تشك شويه هوا و تتمتع بمناظر الفندق عند المسبح

لـكن وقفها صــووت.......؟!


...........: اخيييرا لقيت الحلو .

سـاره * تصرقعت من الصوت و لفت معصبه * : خيييير اخـ.....* و انصدمت و فجأه اسكتت * .

.......* طالعها و هو رافع حاجبه بأبتسامه جانبيه * : مفاجأه صحح؟ .

سـاره * عقب ما استوعبت اضحكت * : اخخخ اكحي مفاجعه والله كنت بدي امسك الكعب و افقعه بوجهك من كتر مافجعتني ، والله كنت بحسب انو واحد ماعندو دم عم يغازل .

احمـد * يمزح وياهـا * : لك انتي ف حد مابيشوفك و مابيغازلك ، لك يخرب بيت جمالك شو بياخد العقل .

سـاره * استانست ع كلامها بس مابينت له * : وليي احممد ترا عن جد حـ اضربك بالكعب و بعدين مو لانك بتعرفني و بعرفك بتعطيها ميانه هييك .

احمـد * ماهتم لكلامها و بدا يقرب منها شوي شوي بحيث انه يبي يخرعها * : و ليش ما اعطيها ميانه و انا عندي هيك فرند جمييله .

سـاره * بلعت ريجها و حست بقلبها يطق طبووول * : احـ...ـمد .........< و قطع كلامها .

احمـد * اللي قرب منها و كانت بينهم مسافه صغيره * : ااششش.... .

و تـلاقت عيونهـم بعيــون بـعض.......و ابتدت حـكايه العيــون.....عيـون العشـاق لا تلاقت صـابها صمت عظـيم يحمل الكثـير من المشـاعر الصامته اللي تنفضح بمجرد ماتلاقت العيــون......."

بـهاللحظه.."

سـاره * استوعبت و انتبهت انهم قراب من المسبح و جات ببالها فـكره جهـنميه..*

و بـلحظه احمـد قرب منها و كان حـاس بشي لــكن....؟!

فـــجأه دزتــه ســـاره عالمسبح لــكن.......؟!؟!؟!؟



^^^^^^^^^^^^^^^^^^^^^^^^^^^


نـــرد لـ ثنـائي الليله......


اللي وقفوا معلنين خروجهم من القـاعه بأتجاه السويت الخـاص فيهـم.....و مشوا عالستيج بـموسيقى هـاديه و قبل وصولهم للـباب الملكي اللي بيلطعون منـه.......سحبها فيصل و تفاجئت ياسمين من حركته و من غيـر شعــور شلهـا بين احضــانه و تعلقت بـرقبته...........و فجأه انفجرت القــاعه كلها صـراخ بتصفيـق و بتصـفير........"


يـاسمين * اللي حست بالارض ودها لو تنشق و تبلعها و هي خاشه ويهها بصدر فيصل و كانت حيل قريبه من فيصل لدرجه انه كان يحس بـ انفاسها الحاره ع رقبتـه و كان من داخله مبتسم و مستانس ع حركتـه اللي سواهـا و اللي زاد من حمـاسه التصفير و الصراخ اللي صـاير بالقاعه...*



يـاسمين * بصوت شبه خافت و طفولي * : فييييصل و اللي يعافيك نزلنييييي .

فـيصل * و هو ماشي و بطرف فمه ابتسامه هـاديه وراهـا اعاصيــر اجتمعت فـ مثل يقول " هدوء ماقبل العاصفه " : ليش خايفه تطيحين؟ .

يـاسمين * رفعت راسها و تلاقت عيونها بـعيون فـيصل العسليه * : ،.................. .


و صـمت غلبهم هم الاثنين........مجـرد حكايـه تحاكت بالعيـون لمن تلاقت ببعضها.........."





و وصـلوا للـسويت و نزلهـا فـيصل و لف عليها و مسكها من خصرها و قربهـا لـه .....و تخالطت انفاسها بانفاسـه..و و بشويـش قرب منها و**

جـااااااااااك * فــلاش قـوي عاللقطه اللي صـارت *


المـصوره * طبعا من غير ماينتبهون دخلت هي وراهم و صورت هاللقطـه * : هادي الصوره حتطلع اجمللللل صوره بالالبوم كلو عنجد لقطه ناريييه .


يـاسمين * بســرعه بعدت عن فـيصل و ادخلت الحمام < الله يعزكم > و هي ساحبه شنطة الملابس معاها...........


فـيصل * اللي انحرج شوي من المصوره و قالها ان خلاص مايبغي ياصور اكثر من جي بالعربي يعني خلاص اطلعي لنا خصوصيات انا و زوجتي.....*

و راح و بـدل و تم نـاطر ياسمين بس حس انهـا تأخرت *

فـجأه ........،،، طـلعت يـاسمين و هي لابسه روب قصييير < طبعا اللي صار معاها ماتوقعته..."

طلع ان ربعها مجهزين لها ملابس خاصه لهاليوم الكبير بالنسبه لها و مبدلين شنطتها اللي هي مرتبتها بشنطه ثانيه......و المسكينه توهـقت و و دورت ع استر شي و البسته...........و طلعت لـ فصيل و هـي كلـهـا حيـا...."


فـيصل من جـافهـا خـق بـقوو......و قرب منها بشويش و حط يده اليسار ورا خصرهـا و قربها منه حيل،.......

يـاسمين * حطت ايدهـا ع صـدره و نزلت راسها و هي تحس ان قلبها بيطلع من كثر مايدق.......رفع فيصل راسها بأنامله و تلاقت عيونه بـعيونها، و بدا يتحسس خدهـا الناعم و بــلحظه غير متوقعه حس بأنه قاعد يدوس ع كرامته باللي يسويه، بلحظه نسى كل اللي سـوته فيه يـاسمين و نسى كل تخطيطه لـهالليله........، هـدها و لف عنهـا و صد عنها،

ياسمين استغربت من حركـته و حست بشي فـ قلبهـا يخزهـا و كأنه فـيه شي...حست بأنه سوا كذا لانها مستحيه و مب جالسه تبين له حبها.....راحت له و لمته من ورا و سندت راسها عـ ظهره..."


يـاسمين * بصوت هادي * : وشفيك فيـصل، شاللي مضايقكك .

فـيصل * حس بأنفاسه اللي قامت تتضارب ويا دقات قلـبه كلشي ولا كرامته تنداس بالارض سحب ايدها و راح عنها و قعد....و من غير مايناظرها..."


فـيصل : جهزي اغراضك من احين لان باجر الساعه 6 رايحين المطار و ماراح يمدينا نسلم عالاهل .

يـاسمين * انصدمت من هالكلام و راحت تواجهه * : وش اللي مايمدينا، خلنا نقوم بسرعه و نروح لهم عالفجر .

فـيصل * وقف و راح لها و مسكها من كتوفها بقو و قربها منها * : لمن انااااا اقوووول كلمه تسمعين و تقولييين حاضررررر سامعه، و بعدين منهو بفاضيلك الفجر و يقوم و يسلم عليك؟ .

يـاسمين * بألم * : فيصلللل هد ايدي جالس تعورني، و بعديييين انت مالك حق تعاملني بهـالطريــقه .

فـيصل * اللي فقـد اعصابه و صار بهاللحظه كل ماحط عينه بعينها تـذكر الكف اللي عطته ياه ياسمين بيوم من الايــام........و بــلحظـــه......



طـررررراااااااااااااااااخ......"


طـاحت عالارض من قوه الكف اللي جـاها.....و ماحست بنفسها الا بـ فصيل اللي سحبها من مكـاااانها و دزهـا عالسـرير....و*************** ......






^^^^^^^^^^^^^^^^^^^^^^^^^^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 03-08-2017, 07:33 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي



بــالمــطار........."

و تحـديدا عنـد احد البـوابات المتجهـه لـ***** ..


........... * بأبتسامه باهته * : مشكور مصعب، صج ماعرف كيف اشكرك عاللي سويته لي، انا ماقدرت اقول لفهد اخوي اني بسافر لانه ادري راح يعارضني فـ قلت راح اخلي امي تقوله و ان شاء الله كلشي يصير بـخير .

مصـعب * ابتسم * : ولو يـ دانه حنّا عيال عم و بنفس الوقت تربينا ويا بعض ماله داعي تشكريني لاني ماسويت الا الواجب و اللي طلبه مني عمي، عالعموم انتبهي ع نـفـ.......* قــاطعه الايـد اللي انحط ع كتفه من ورا و يوم لـف....."


.............* و هو شوي و بيضربه * : انت شو يالس تسوي عند دانه؟ .

دانـه * جـافته و حست بالدموع تتجمع عند جفونها بس حاولت انها تكتمهم و تنفست بهدوء و حاولت تتدارك نفسها * : سـ.....ــلطان...، انت شـ..ـتسوي هني؟ .

سـلطان * لف عليها و هـو مــعصب * : دااااانــه هذا ذاك اليوم بعد جفته معاج و سكت قلت يمكن عمج ولا خالج، بس اليوم ماراح اسكت، و احينه ابا اعررررف من هذا و ليش بكل مكان وياج؟ .

مـصعب * طبعا سوا نفسه مستغرب * : خير اخوي انت اللي من، و بعدين انت من تكون علشان تكلم دانه بهالطريقه؟ .

سـلطان * لف عليه و دزه عالخفيف * : الكلام مهب معاك، انا ياي اكلم دانـه * و لف ع دانه * داااانه جاوبيني ولاتخليني افقد اعصـابي .

دانـه * خذت نفس عمييييق و غمضت عيونها بلحظه و افتحتها و قــالت * : اعـرفك يـ سلطان، هـذا خطــيبي مــصعب ولد عمي، مـصعب الـ... < و من غيـر شعور راحت و شبكت ايدهـا بـإيد مصعب و لفت ع سـلطان و طـالعته بـنظره محد عرف تفسيرهـا...."

سـلطان.....و ما ادراك ما حال سلطان، عينه تعلقت بعيونها، طـالعه بنـظره الانسـان اللي انكسرت ثقته بـأكثر انسان يـحبه...نظره تحمل الكثير من المشــاعر، مشـاعر تخالطت بـأنكسار و خذلان.............!!!!!!!!


دانـه * لفت عيونها عنـه لانها لو ثانيه بس طالعته عادي تترك كلشي و تروح تلمه و مايهمها احد، خلاص تبي تترك هالحب، تبي تنسى انها تعـرفه، لفت ع مصعب و قالت * : يــلا مصـعب سرينا .

مـصعب * ابتسم و شد ع ايدهـا اكثـر * : يلا ي دانــه .



و مشــوا الاثنيـن........لــكن بـلحظه لفـت دانـه و كأنهـا ودهـا لو تناظره لو آخر مرا، لانه احساسها كان يقول هاذي اخر مرا تشوفينه......ناظريه مابتخسرين شي....."


و حست بمصعب اللي يسحبها...."

مـصعب * يحاول مايخليها تغير رايهـا * : يـلا يـ دانــه راح تروح عنج الطـياره .

لـفت دانه و هـي حـاطه ايـدهـا عـ قلبها و تحاول تتنـاسى وجوده بهـالمطـار ...."

سـلطـان * اللي ظل ينـاظرها لـي ماختفت من بين انظاره، مب قادر يـستوعب شـي.....شاللي صار، و شاللي حصل مايدري عن شي.....حس بأنفاسه كل مالها و تنكتم اكثر، طلع يركض من المطــار.....ركب سـيارته و مـايدري لـوين قـاعده تاخذه....بـلحظه لقى نفسه بوسط السـاحل قريب البـحر....نزل و هـو يـحاول يهدي نفسه و اعصـابه شاللي صار شاللي صاااااار........طاح عـ ركبته و تخالط ايده بالرمل الموجود بالبحر، فـجأه ماحس غـير بدمعه حـاره طـاحت عـ خده من غير شـعور....بهاللحظه حس بأنه خسر اكثر انسان يثق فيه بهالدنيا و اكثر انسان يـحبه، خــسر دانــه اللي حبته و حبها و عاشوا اجمل قـصه حب نهايتها فـرااااق...."

< فهل بيستمر هالفـراق و تكتمل قـصه الحب الخالده؟ >






^^^^^^^^^^^^^


طـلع من المــطار و طلع جواله من جيبه و اتـصل عـ...."


تـهـاني * ردت بسرعه * : هـااااا بشر يـ مصعب؟ .

مـصعب * بأبتسامه انتصار * : تم يـ تهاني سـلطان صار بين اياديـج .



؟؟؟؟؟؟؟؟؟؟؟؟؟؟؟؟؟؟؟؟؟؟؟






انتـهى البــــــارت


توقـعاتكــم......؟!

اول شي احب اشكركم عـ تفاعلكم الحــلو و اتمنى منكم العذر و السموحه ع تأخير البارت و ذلك لاسباب خاصه...، و دام انكم حابين الروايه و متفاعلين اقترحو علي يوم بالاسبوع اقدر انزل فـيه البـارتات الجـايه ، و تسلمووون واييييد مرا ثانيه ع تفاعلكم..."

اختكـم؛ يونيـــكـ




مخــرج؛
‏يعني راحوا واتركونا ،
‏ يعني آخرها فراق !
‏ ياللي قلتوا الحب قاتل ،
‏أنا ميّت من زمان....."


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 12-08-2017, 10:39 PM
عروسة البحر1 عروسة البحر1 غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


روايتك جدا رائعه
استمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 14-08-2017, 12:24 AM
عروسة البحر1 عروسة البحر1 غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


البارت قمه في الروعه تسلمي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 14-08-2017, 09:00 PM
عروسة البحر1 عروسة البحر1 غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


البارت كثير تسلمي يا حبي على السرد
واتمنى انو تقع تهاني بشر اعماله بدي نهايه شريره 😈😈😈

الرد باقتباس
إضافة رد
الإشارات المرجعية

روايـة لا شفتني اتأملك استغفلني واترك عيوني تشبعك/بقلمي

الوسوم
/بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
سأبقى أنثى/بقلمي سأروي حياتي كالقصة روايات - طويلة 203 20-01-2017 12:38 AM

الساعة الآن +3: 01:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1