اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-04-2016, 01:43 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي روايـة لا شفتني اتأملك استغفلني واترك عيوني تشبعك/بقلمي


وايـد منّـا يتساءل..! شو هـو العـشق'؟
العشـق هـو الشعور اللي تحس بنفَسَه و كأن قلبكـ بيطلع من مكـانه..!
العشـق هـو الاستمتـاع مع نصفي الثانـي مثـل الصغار'..!
العشـق هـو بنـاء الحب وَيَا بـعض..!
العشـق هـو المـشاركـه و هـو تحـقيق الاحـلام و هـــو الـلـــقا ...'!


احط بيـن ايدينكـم بـدايه محـور قلـمي فـ نقش روايـة الحـب .. روايـة الصـداقه .. روايــة الفـراق و الألـم .. روايــة اللقـــا .. روايـة العـــشاق....'

روايـــــــة " لا شفتـني اتأمـلك استغفلـني و اترك عيونـي تشبعك "




الــــبـارت '1'



مـــدخــــــــل....؛

ببتـدي اول حــروفي بكـ ..~
و بنهـيها بقــول يـاصاحـبي هـويتكـ...~







نــزلت من الســياره و هـي شايله شنطتهـاا بيدهـا و كالعــاده نشاطهـاا كان زايــد عكس ربعهـا اللي معاهـا بالصف ... و مشت لي مادخلت من بـاب المـدرسه و فصخت شيلتهـا و عباتهـا و حطتهم بالشنطه و مع كل خطوه كانت تخطيهـا يبدا شعرهــا الطويل اللي مسويتـه ذيل حصـان يتناثر مـع كل نسمة هــوا و كـل انظــار البنات اللي بالساحه تلتفت لهـا و هـي تمشي بوسط السـاحه لي ماوصلت لصفهـاا و دخـــــلت وو......



.........: هـااا وصلت الشيخه دانـــــه .
.........: و مثل مايقولون الطـيب عند ذكــره .
دانـه ' حطت شنطهـا ع كرسيها ' : يالحـميرر وحشـتووني .
و كل ربعهـا قامو يسلمون عليهـا و يلمونهـااا ....

دانـه : الا وين فطيم و سارره..؟ .
.......: يعني ماتعرفينهم أكيد بالحمام يتعدلون .
" بهالوقت دخلو فاطـمه و ســاره "

فـاطمه : دانووووووهه ، سمييووه وحشتووووننننييي < و راحت تلمهم > .
ســاره : منووونه وحشتينييي يالدبببهه .
مـنّه < تلمهـا > : جبجب إنتي الدبه .
الكل : ههههههههههههههههههههههههههه .
دانـه : وينكـم انتو صار لنا ساعه ننطركم .
مـنّه : هيييه ماعليكم منها ذي توها يايه .
فاطـمه : كنّا بالحمام نتعادل شوي تعرفين اول يوم اليوم لازم نكون مرتبين .
سميه : خفي علينا يالمرتبه أقول قعدي قعدي بس .
^ و طـق الجرس مـعلن بداية الطابور الصباحي ^




سـتووب شـوي ...

أعرفكم عـ الخـماســي الاهـبل و اللي كــل اللي بالمدرسـه تعرف مصايبه و تـعرف قوة صداقتهـم الخـالده....'


دانــــــه " بنيـه ميننه خـلق الله بهـبالها و خفـة دمهـاا و شطانتهـا بين الحصص و مـعروفه بعشقهـا للـجوكليت و اكـيد ماتحلى القعده الا بوجودهـا لكـن اكـثر صـفة حـلووه طـاغيه عليها طيبتهـا و حبها لـمساعدة غـيرهـا و معروفه بعد بذوقهـا الراقـي اللي يـزيــد من جمـالهـا ..."



فــاطمـــه " مــعروفـة بحبهـا للاغانـي الانقليزيه و ستـايلهـا الانقلـيزي و تمـوت ف شـي اسمه تمـثيل و حلمهـا انهـا تصـير ممثلـه بالمستقبل و اغلب اوقاتها ف الصالون و اكـثر صفـه جمـيله طاغـيه عليهـا هـي ان مهـما يصـادفها او يصادف ربعها مشاكل هي تكون اقوى وحده فيهم و تحاول تقويهم و ترفع معنوياتهم ..."



ســميه " بنت معروفـه برومنسيتهـا الزايييـده و خيالهـا الواسع و حلمهـا انهـا تصير كاتبه مبدعه لان شغفهـا كله صوب التآليف و قصص الحب لكنها بنفس الوقت حساسـه وايد و اكثر صفه جميله طاغيـه عليها هـي الخجل لكنها مع ربعها انسانه ماتعرف شو يعني الخجل ..."



ســـاره " بنـيه مشـهـوره بمـقالبهـا و خططهـا الجهـنميه اللي دايـم نهـايتها يا تكون ناجحه يا تكون فاشله و معروفه بأسمهـا المشهـور ساره ام المقالب و تعـشق شي اسمــه كرة قـدم و اكثر صفـه طاغييه جميله طاغيه عليهـا هـي الاصرار و العزيمه و انها اذا حطت شي براسها تسويه ..."




مـنّــه " بنـت ذكــييه و مجتهـده ف دراستهـا دايم تكـون الاولى عالصف لكنهـا بنفس الوقت تتمتع بروح مـرحه و دايم تكون بشوشه و ابتسامتها ماتفارق ويهها و لها اسم معروف بيـن البنـات اللي هو ' منّـه الحمصيشن ' و اكثر صفه حلوه طاغيه عليهـا هـي انها بنيه متسامحه لابعد الحدود و ماتحب احد يزعل منها ..."







" فـــ الطــابـور الصباحــي "



بـدا الطابور و طبعا الخماسي الاهبل كعادته اخر بنات يصطفون بالطابور لكن مو ورا لا يصفون يدام و اول ناس بعد ........ و بدا النشيد الوطني و اغلب المـدرسه كانت نشيطه لان هـذا كان اول يوم ف بداية الفـصل الدراسـي الثــالث و اللي راح يكـون اخر فصل بالنسبه لبناتنا اللي بثالث ثانوي .....'




فاطمه تهمس للبنات : يا ناكرين المعروف صفيتو كلكم و خليتوني بروحي وراكم .
دانـه : والله كيفج محد قالج تيين اخر وحده .
ســاره : استني شوي خل اشوف لك وحده تيجي و توقف معك .
سميه : ف وحده واقفه بروحها ورا بس مدري اذا بترضى تيي ولا لا؟ .
فاطـمه : خلصيني ناديها انزين .
سميه تأشر للبنت : هـيييييه نـــــور .
فاطـمه فتحت عيونها ع اخرها : نعـــممممم عيدي اقين الله يخليج من بتنادين .
منّه تلف ع سميه : جاك الموت يا تارك الصلاه .
دانـه : عاد إنتي مالقيتي الا نور عشان تصف يمب ذي .
ســاره : بالله عليكي سميه عاد إنتي بتعرفي اديش فاطـمه بتكره البنات يلي هيك .
سميه : انزين انا شدراني جفتها هي الوحيده اللي واقفه بروحها قلت اناديها .
فاطـمه : كاج قلتيها الوحـيده يعني متوحده تفهمين شنو يعني متوحده .
منّه : فطوم حرام عليج لا تظلمينها انزين يمكن عندها ظروف مخليتها بهالحال .
فاطـمه : انزين انتي بالله عليج جايفه نظراتها اللي تخرع و لا تبيني اوقف يمبها بعد خيييير ان شاءالله .
دانـه كـانت بتـرد لكن قطعت عليهـم ابـلتهم مالت العـلوم ' نوال '....!!
ابله نوال : انتو يالرغايات بسكم رغي كتير بتحكو ييي عليكو مابتتعبو من كتر الحكي .
ســاره بهمس لسميه : و اشتغل الراديو تبع ابله نوال .
سميه بنفس الهمس : سكتي لا تسمعج احين و تخليج واقفه طول حصتها .
ســاره : لا لا خلص حنطم ، بكفي حصتها بتجيب لي النوم و فوق هاد أوقف لا دخيل الله .
ابله نوال ' تكلم فاطـمه ' : إنتي وليك ليه واقفه لحالك يلا روحي لورا .
فاطـمه : لا ابله احين بتيي رفيجتي و توقف معاي .
ابله نوال : يلا روحي لورا من غير نفس يلاا .
دانـه : آبله نوال تكفين لا تودينها ورا حرام تفرقينا حرام والله < و عطتها الويه البريئ .
منّه : ابله حرام جوفي احين دانوه بتصيح حرام خلي فاطـمه .
ابله نوال : ماتسكتي إنتي وياها ، ايي عليكو يلا فاطـمه لورا .
سميه : ععاادد ابله تكفيـ...... * قاطعتها الابله * .
ابله نوال : إنتي التانيه ماتسكتي ولا والله لا اخليكي إنتي تروحي لورا .
ســاره : لا لا خلاص ابله بتسكت والله بتسكت " و ردت تهمس لسميه " إنتي بالهبله لا تتكلمي عشان ماتوديك لورا .
سميه : انزززينن يه'! .
ابله نوال : يلا فاطـمه لورا اشوف .
فاطـمه : انزين ابله مابي يمب نور! .
ابله نوال : لا إنتي ماينفع مع عنادك الا المديرة امشي لورا ولا والله حناديلك المديرة تبهدلك هون .
فاطـمه : خلاص والله بروح < و سارت لورا و تحاول كثر ماتقدر انها ماتقرب يمب نور اللي ع قولتهم المتوحدة...!! ..
و البنات يدام ميتين من الضحك عليها ............'




اعرفكـم بـ نور " نور بنيه كلها غموض ف غموض و كله تيلس بروحها و مثل ما نعرف اي وحده البنات يجوفونها بروحها يسمونها متوحده .. لكن خلف هالغموض أكيد ف مليون سبب و أكيد لها شخصيه ثانيـه غير عن اللي يعرفونه البنات ...."





^*^*^*^*^*^*^*^*^*^*^*^*^*^*^



نـخلي جـو المـدرسه شوي و نـروح لـجـو الجامـعه و اهـلها ....'




عنـد بوابـه الجــامعه نزل من سيـــارته السبورتيـه الـسودا و نزل من الباب الثاني ربيعه و هم داخلين من باب الجامعـه انـظار الكل و خاصـة البنـات مـوجهه لراعي الموتر السبورت و هـو ينزل نظارتـه عن عـيونه اللي ميننه خلق الله بجمالهـا ... و اللي يمبه يمشي و يصور سنـاب ...!




............: يلاا سلـطون سلم ع متابعيني .
سلـطان ' ابتسم و بانت غمازته اللي عاليسار ' : ياخي خلوف مو من صجك يعني متفيج انته من الصبح تصور سنـاب .
خليفـه : عاد من زين ويهك احين تلاقي كل متابعيني بيشردون من يجوفون ويهك .
سلـطان : هههههاي حبيبي اصلن يحصلهم هالويه الجميل .
خليـفه : ياشين الغرور بس أقول امش امش الربع صار لهم ساعه يتريونا .
سلـطان ' ابتسم ' : يلاا خنسير لهم .


ستـوب ...! اعرفكــم بـ ســلطان و خـليفـــه ....'


ســلطان " انـسان مينن خلق الله بجـماله و بالذات جمـال عيونه و احيانا يجيه ثقه و غرور مدري من وين لكنه بنفس الوقت انسان حنــون و طيـب لابعـد الحدود و مهما يصير يظل قلبه ع قلوب ربعه و محد فيهم يترك الثاني و له هـيبه كبيره بين اهله و ربعه و يملك شخصيه قـويه و بنفس الوقت انـسان عنـيد و احيانا اذا عَصّب مايشوف من يدامه لكنه انسان ينحب بسرعه "


خـــليفه " انـسان دمـه خفيف و مينن ربعه و خلق الله بهباله و ضحكتته الهبله و بنفس الوقت انـسان طيووب و متسامح لكنه اذا عَصّب عَصّب و مشـهـور بحبه العميق للسيارات و سوالفهم و كلـمته الشهـيره بــين ربعه و ناسه ' اهم شي الاخلاق ' و هـو انسان كتــوم و مايحب يفضفض لأحد "




نـروح لـقروب الشبـاب ' ربـع سلطان و خليفه '

سلـطان : سلام شباب .
.........' الكل ' : عليكم السلام .
........: خلـووف ها الاهبل ' يأشر ع سلطان ' شو مسوي ف سنابك...؟ .
خـليفه : اسكت ميوود قسمبالله هالانسان عليه ثقه مش طبيعيه .
.......: لا ها مب ثقه ها يسمونه غرور .
مـايد : ههههههه هيه والله صدقت حمود .
سلطان ' حذف ع مايد القلم اللي بأيده ' : اقول محد غيرك المغرور و بعدين من حقي اصير واثق من نفسي انتو جفتو طابور البنات اللي يتمنون اعطيهم نظره بس .
محمد : و رجع الاخ اقين يقول اثق بنفسي ياخي استسلم و قول انك مغرور .
سلـطان : اقول حمود اسكت لا افضحك احينه .
محمد ' توهـق ' : ها شو تفضحني شو سويت انا؟! .
سلـطان : والله انت ادرى < و عطاه ابتسامه جانبيه > .
.......: حمـوود بالله عليك شو خاش عنا .
مـايد : طروق بلاك ماتعرف يعني اكيد متخرفن ع وحده ولا مضبط له بنيه شو بيكون يعني .
هنـي سلطان انفجر ضحك : هههههههههههههههههههههههههههههههه .
محمد ' فتح عيونه ع اخرها ' : هااا شو بنيه انت وياه من صجكم انا اتخرفن ع بنيه ' و بلع ريجه ' .
سلـطان ابتسم ف ويه محمد و هو يرفع حايبه ...'
خـليفه : الا وين ناصر و احمدوه و فصول .
طارق : احمد و فصيل قالو عندهم محاضره و راحو و نويصر قالي ماعنده محاضرات اليوم عشان كذا ماجا .
سلطان : انزين شباب اجوفكم عالبريك ان شاءالله احينه عندي محاضره < و راح لمحاضرته > ..

و يلسو الباقي يسولفون لي ماراح كل واحد منهم لمحاضرته ....'




ستـوب خفيفـي ....'
اعرفكـم ع ابطالنـا الشبـاب .......'


مــايد " انـسان معـروف بصـوته الجميل اللي دايـم يطرب ربعه فيه و بنفس الوقت يملك قلب ابيض و طيب و يعشق شي اسمـه بليستيشن و ألعاب الفيفا و و حلــمه انه يسجل البـوم بأسمه و ف هذا المجال ربعه يالسين يشجعونه و يرفعون من معنوياته عشان يقدر يحقق حلمـه اللي بدا يبنيه من اول مادخل الجامـعه "



مـحمـــد " هذا الانسـان يعشق شي اسمه رياضه يوميا طايح ف الجـم الا ف الويكند طبعا لانه يطّلع وَيَا ربعه و و كله مستطرب بس يغني و يرقص لكـن حلــمه انه يكمل دراسته بأسرع وقت لان ف شـي يبغي يسويه و محد يعرفه من الشباب الا سلطان و اللي هـو.....!< بتعرفونه عقب > و بنفس الوقت هو انـسان حبوب و طيووب "



طــــارق " انــسان هــــادي لكنــه بنفس الوقت يحب سوالف الفرفشه و الضحك و يملك خــبره ف استكشاف الاشيـاء و حلمـه انه يصيـر دكتـور نفسي لانه انـسان يحب يساعد الناس و يغير من نفسيتهم و يخليهم باحساسه يرتاحون و بعد هو شخص يقدس شي اسمه الثقه و اذا وثق ف حد و خانه صعب انه يرد ثقته مره ثانيه "



نــــاصـر " عـاد هـذا اللي يسمونه ابو المقالب اللي دايم يسوي بربعه مقالب و مايتوب و شغـفه كله بالتصــوير و التمثيل و حلــم حياته انه يصير ممثل مشهـور و ناجح بحياته و بنفس الوقت انـسان متســامح و طيــوب لابعد الحدود و يعشق شي اسمه ســفر و حواطـه بين العالم "




احــــــمـد " انــسان يعشق شـي اسمـه لعب الكـوره و اكثر فريق يحبه ' برشلونـه ' و هو انـسان بشوش و بنفس الوقت ذكـي لابعد الحدود و حلــمه انه يصير مهنـدس معماري ف المستقبل و يعشق شي اسمــه أفلام رعب و اكشن و بعد هـو انـسان فكـاهي و دايم يسوي جو لربعه و اللي يقعد وياهم "




فـــيصل " انــسان رومنـسي لابعد الحدود و يعشق الأفلام الرومنسيه و الأكشن و بنفس الوقت يحب شـي اسمه يهـال و صغاريه من يجوفهم ينسى نفسه و يبدا يلعب معاهم و هو انـسان مـبدع ف أفكاره و خططه و دايم هو اللي ينسق لربعه الرحلات و الطلعات لانه يملك ذوق رفيع ف اختيار الأماكن الحلوه "




^ أسفه طولت عليكم شوي ^





نــــرد لــ ثــانويه البنـــات .....'



بــصف الخــماسي ... " كانت عنـدهم ابــلة الريـاضيات "



كـانو البنات يحاولون يقنعون الابله ان ماتشرحلهم اليوم لانه اول يوم ف الفصل الدراسي الثالث ........."



ســاره : عااااد ابله الله يخليكي بلاش ندرس اليوم .
سميه : انزين ابله بدال لا ندرس خنسولف أحسن .
ابلة الرياضيات ' إسراء ' : سكتي إنتي وياها قال إِيش قال نسولف .
دانـه : ابله يعني حرام عليج تونا ف اول يوم خلينا نتفس شوي .
هـاجر " وحده من بنات الصف " : ياخي خاطري مرا وحده اسمع ان أبلة إسراء تقول مابدرسكم .
فاطـمه تهمس لـدانـه : و بدت ام المشاكل هويجر .
دانـه : سكتي لا تسمعج احين و تسويلج مصيبه لاصارت ولا استوت .
فاطـمه ' علت صوتها ' : يووه خل تسمعني يعني هي تدري انها مشكلجيه و المشاكل كله تيي من ورآها .
هـاجر ' عرفت ان تقصدهـا ' : اقـوول إنتي انطمي لا افرك حلجج بالأرض احين .
فاطـمه ' وقفت ' : نعمم يختي اقـوول احترمي نفسج و عدلي الفاظج لا صج انا اللي اييج احين و امردغج .
هـاجر : هه أجوف يلا تعـالي لو فيج خير تعالـي .
منّه : بنات خلاص هـدو اللعب .
أبلة إسراء : انتو بناااات ولا ايه يربي حتى الصبيان ما بيعملوش كدا .
هـاجر : آبله ممكن تصفين ع يمب شوي لانه وربي لو ماتسكت ذي يمكن بذبحها هني .
دانه و ساره و سميه ' يصفقون و صراخ ' : هوشه مهوشه هوشه مهوشه .
فاطـمه ' ماسكتها منّه ' : وااي يمه خفت يعني اقول عطينا مقفاج بس يالمشكلجيه .
هـاجر ' كانت بترد بس وقفها دخـول مشرفتهم و معاها بنـيه مايعرفونهـا.....'

المشـرفه : بس انتي وياها حشى انتو بنااات حتى الشباب مايسوون نفسكم .
ابله إسراء : يختي يا عبير < المشرفه > ماتشوفيلك حل ويا هدول التنين دول كليوم عاملين لي مشكله بالصف الله يخليكي شوفيلي شغلك معهم .
المشـرفه : فاطمه هاجر وقفو < و لفت ع ابله اسراء > و ف حد بعد يا ابله اسراء مسويلج مشكله او مسوي ازعاج بالفصل؟ .
الخماسي ' كل وحده قامت تطالع الثانيه و كل وحده طلعت فيسها البريئ '
ابله إسراء ' اشرت عالخماسي ' : دووول الخمسه اللي هناك هدول دايما عاملين لي ازعاج و مصايبهم متخلصش نهائيا .
المشـرفه : عااد هذول انرفعت الجلسه عنهم ملفاتهم كلها تعهدات .
الخماسي قامو يغنون : خلاص انرفعت الجلسه و ابيك قبالي من هسـ.......' وقفهم صراخ المشرفه ' .
المشـرفه : انتوووو اللي هناااك عبالكم يالسين ف البيت ولا وشو يلا كلكم وقفو انتو ماينفع معاكم الا الاستدعاء .

الخماسي ' فتحو عيونهم ع اخرها ' ..!

دانه : لاااا ابله خلاص اسفين اخر مرا .
ساره : ايش اي استدعاء خلاص والله اسفين مارح نعيدها مرا تانيه تكفين ابله .
فاطمه : ابله حرام عليج شنو استدعااء ماسوينا شي ترا .
هـاجر : ترا ماسوينا شي شحقه استدعاء؟! .
المشـرفه : عاد انتي بالذات يبيلج استدعائين مو واحد .
الخماسي : هههههههههههههههههههههههههه .
المشـرفه : خلاااااااااص < و تذكرت البنت اللي وياها > حسبي الله عليكم خليتوني انسى زميلتكم اليديده زين احين دخلت عليكم و جافتكم بهالمنظر احين شو بتقول عنكم .
البنت اللي معاها ' بنفسها ' < الله يعينني عليهم شكلهم مال مشاكل هذول > ...
فاطمه : انزين ابله عرفينا عليها .
المشـرفه : هاذي طالبه يديده اسمهـا ' ياسمين ' و اتمنى انكم تبيضون الويه معاها < و لفت ع يـاسمين > يلا حبيبتي جوفي لج مكان فاضي و يلسي عليه .
ياسمين : ان شاءالله < و لفت تدور مكان > .
دانه : ياسمـينننن تعاللي صوبناا هنيي .
ساره : يب يب تعالي هون يمب منّه لانها قاعده لحالها .
المشـرفه : بس خلاص خلو البنت براحتها .
سميه : اصلا مافي مكان الا يمب منه < و طالعت ربعها و ابتسمت ابتسامه جانبيه > ..
البنات : اي صح صح .
ياسمين : خلاص ابله بروح اجلس هناك < و بنفسها : الله يعينني > .
منّه : اهلا اهلا بالضيفه اليديده .
دانه : منوررره يالسنفوره .
ياسمين : نعم من السنفوره .
سميه : حبيبتي ياسمين انتي من اليوم اسمج ياسمين السنفوره .
ياسمين : بكيفكم هو .
ساره : لمعلوماتك يعني نحن اي لقب بنقوله للبنات خلص يثبت بمخنا .
فاطمه : صح صح .
ياسمين ' ضحكت مجامله ' : حمدلله والشكر .
فاطمه : ويييه انتي شكلج نفسيه شوي .
منّه : هييه فطيم عيب .
ياسمين : لا عادي خل تقول اللي بقلبها انا كذا مرات نفسيه مرات عاديه و بتتعودون علي مع الايام .
المشرفـه : اجوف تأقلمتو بسرعه وياها .
ساره : ابله احكي ماشاءالله لاننحسد .
المشرفـه : لا تخافين عيوني مب حاره .
دانه : ابله حتى لو يعني انتي عارفه ان العين حق .
منّه : صح صح .
المشـرفه : اقول سكتي انتو وياها بس .. و انتي يا هاجر هاذي اخر مرا اسمع انج مسويه مشاكل بالصف و انتي بعد يالخماسي تراني عارفه حركاتكم ف ما يحتاي تغطون ع نفسكم مهما سويتو < و طلعت > .
هـاجر : مع نفسها اقـول .
ابله إسراء : هاجرر خلللص .

و بالنسبه للخمـاسي تمـو يسولفون ويا البنت اليديده و يعرفون نفسهم اكثر < و بنجوف هل بتتأقلم البنت معاهم ولا كيف؟! ...


أعـرفكـــم بـ هـاجر و يـاسمين ...'


هـاجر " بنيه طبعهـا انها ماتتحمل اي كلمه تنقال لها و عطول تصارخ و تتهاوش و عشان جي البنات سموها < المشكلجيه > و بما ان فاطمه كذا مرا ردت عليها فصارت هاجر تكرهها و بس تبي تتهاوش وياها لكن مايدرون البنات ان هاجر تملك شخصيه وايييد طيبه و بنفس الوقت رومنسيه بزياده و ان وراهـا قصه محد يعرفهـا و مايندرى اذا بتنكشف بعدين او لا ؟! "



يـاسمين " بنيه يديده عالمدرسه انتقلت للبلاد لان ابوها عنده شغل و هـي بنيه نفس ماذكرنا بين كلام البنات انها مرات تصير نفسيه و مرات تكون فيها طاقه ايجابيه و تحب تنرفز اللي حولها و بما انها قصير ف الطول < اطلقو عليها البنات السنفوره > و تملك ياسمين قوة ذكاء خارقه < ع قولة افلام الكرتون > "


و هـذيل ثنتين من ابطالنا هل بيقدرون يتأقلمون مع الخماسي و يصيرون قروب واحد ولا لا < ترقبوا > ..





بالجـامعه ....'



سلطـان كان توه مخلص محاضرته و راح لمكان قروبـه ..


احمـد : هلا والله بـ سلطان حياك .
سلطان : حبيبي احمدوه اخبارك .
احمد : تمام الحمدلله وانته ازيك .
سلطان : تمام دامك تمام .
فيصل : و انا مالي رب يعني .
سلطان : انت الغالي كيف انساك انا .
فيصل : هههههه عبالي بعد .
طارق : شباب سمعو ايش رايكم نطلع كلنا اليوم لان صدق ملييت من جو الجامعه و كذا .
خليفه : اي والله حتى انا ودي اتنفس شوي احس وايد هالكين اعمارنا ف الدراسه .
احمد : خلوف اذا ماهلكت عمرك بالدراسه صدقني راح تندم بعديها لان هاي الدراسه هي اللي راح تنجحك من بعد فضل الله .
محمد : و اشتغل الدكتور احمد خلاص فهمنا انك حمصيشن بدراستك كليوم نفس الاسطوانه مليت والله .
سلطان : عالاقل ياحمار < قصده محمد > كلامه صح مو انت بس مغازل و بنات .
طارق : ووصلناا خير سمعو ايش رايكم نروح مول اليوم ولا ناخذها حواطه شوي ف جميرا .
خليفه : والله ع هواكم انا ماعندي شي .
سلطان : انا بعد .
محمد : خلاص عيل كلمو الشباب و جوفو وين بتسيرون .
سلطان : تمام عيل بعد صلاة العشا بأذن الله نتواعد .
مايد : تماام .
سلطان : ها خلوف خلصت محاضراتك ولا بعدك .
خليفه : لا خلاص خلصت .
سلطان : عيل يلا انا بسير خل اوصلك ع دربي .
خليفه ' قام ' : اوكيه ، يلا شباب فأمان الله .
الشباب : الله معاكم .

و سارو سلطان و خليفه و الباقي تمو شوي و عقب حركوا كلهم لانهم تواعدو كلهم انهم بيلتقون ف دبـي مول بالليل ...'




^*^*^*^*^*^*^*^*^*^*^*^*^*^


بثـانويه البنـات < كـان عندهـم بريـك > ...


و الخمـاسي كـعادته كـانو يلعبون صـياد حرامي مع ربعهم اللي يعرفونهم من الصفوف الثانيه ..."



ساره : يلااااا سميه دوورك هلأ .
سميه : انزين يلاا < و تمت تلحقهم لي ماصادت فاطمه > ..
سميه : يلا فطييم دورج .
فاطمه : انززين < و كملت تركض بين البنات > .
ياسمين ' كانت يمبها دانه ' : وجججعع تعبت خلااص .
دانه : يالعيوز ترا تونا باديين .
ياسمين : اقول مالعجوز الا انتي .
دانه ' صررخت ' : انززيين خللي السوالف عنج ترا فطيم ورانا .
ياسمين ' صرخت ' : ااييييشش < و كملت ركض > .
دانـه و هـي تركض بالغلط دعمت ف وحـده ...
...........: وججع بلاج ماتجوفين .
دانه : انزين بالغلط يه سـوور.....< كانت تبي تكمل بس جافت فاطمه تلاحقها و كملت ركض > ..

البنت اللي دعمتها دانه : اافففف شهالبنت تحر .
ربيعتهـا : تهاني من صجج ختولي ماتعرفينها ذي لو سويتي لها شي ربعها مابيسكتون لج .
تهـاني : عدال عاد خفت يعني مدري من تكون ذي يعني .
ربيعتها : اقول امشي بس فكينا من كلامج .

و راحو يكملون مـشي ....'

" تهـاني راح تكون لهـا مواقف معانا بالروايه لكن مع الوقت راح نعرفها اكثر و اكثر "



عنـد فاطمه و دانـه ...
فاطمه : تعالللي وين بتروحين انتي .
دانـه : واي شمعنى تلحقيني انا .
فاطمه : والله كيفي جفتج اقرب وحده لحقتج .
دانـه ' فجأه صرخت ' : اه شعررررري فطيييم ياحماره هدي شعرري .
فاطمه : و جان نصيد دانه ، يلا دورج < و راحت تركض > .
دانه ' تعدل شعرها ' : انزين انا اوريج فطـيم .







و بـعد مرور الساعـات و الاوقــات وصلنـا لنـهاية الدوام الدراسي ... نسير للبنات اللي ينتظرون عند مواقف السيارات ....'



ساره : بنات اسمعو كلكو فاضين اليوم؟ .
البنات : اي كلنا .
ساره : دام كلكو فاضين شو رايكو تيجو لبيتي و انتي كمان ياسمين عشان نسوي لقاء تعريفي و منها بنخطط لطلعه جنونيه .
ياسمين : ايش طلعه جنونيه ذي بعد .
دانه : حبيبتي ياسمين انتي توج يديده ف تعالي اليوم بيت سارووه و بتعرفين كلشي .
ياسمين : خلاص عيل بعطيها رقمي و بخليها تطرشلي اللوكيشن .
ساره : تماام .
فاطمه : دانوووه سيارتكم وصلت .
دانـه : ويييه يلا عيل بنات اجوفكم ببيت ساروه بااي .
البنات : بااي .






^*^*^*^*^*^*^*^*^*^*^*^*^

عنـد سلطان .....'

من بعد ماوصل خليفه لبيتهم و هو ساير لبيتهم فجأه ارتفعت عليه حرارة المـوتر و وقف عليه .....'

سلطان : ياااخي كلش مب وقتك < و راح يتصل ف الشباب بس ولا واحد فيهم رد > .. و تم بتصل لي مارد عليه ناصـر ...

نـاصر : هلا سلطان .
سلطان : هلاا نصور وينك انت؟ .
نـاصر : بالبيت ليش؟! .
سلطان : اذا فاضي مر علي بشارع ** و خذني من هناك لان بيون ياخذون موتري احين يودونه القراج .
ناصر : ليش شبلاه موترك .
سلطان : ارتفعت الحراره و توهقت انا بنص الشارع .
ناصر : افا عليك نص ساعه و اكون عندك .
سلطان : تسلم حبيبي < و سكر و هو ينطره و كان مطنش اللي وراه و صار له ساعه يدق له هـرن لـي ما.....***** ..



^*^*^*^*^*^*^*^*^*^*^*^*^



عنـد دانـه بالسياره ... خذت فونهـا اللي تخليه بالسياره و تمت تحوس فيه لي ماحست ان الدريول صار له فتره موقف بنص الشارع و مب عارفه شسالفه ...!


دانـه ' بأستغراب ' : عـارف < الدريول > شبلاك ليه ماتمشي؟! .
عارف : ماما هدا في نفر واقف يدام مايتحرك .
دانـه : افف بلااه هاي بعععد؟! .
عارف : انا يسوي هرن و يسوي فلش بس هو مايتحرك .
دانـه : انزين انزل جوف شسالفته .
عارف : لا انا في خوف يمكن نفر مو زين هذا .
دانـه : اقول انزل انزل بس و جوف شسالفه .
نـزل عـارف < و جافت دانه ان اللي بالسياره السبورتيه ماقاعد يفتح الدريشه ولا قاعد يرد ع عارف و طقت فيها اللقافه انها تنزل و تجوف من هالاهبل اللي ع قولتها ماقاعد يرد ولا يتحرك > ...!


نزلت دانـه و راحت صوب عارف و خلته يـوخر و طقت دريشة صاحـب السياره السبورتيه ....

اللي بالسياره من جـاف انهـا بنت فتح الدريشه و نزل نظـارته عن عيونـه الفتـانه...... < عرفتوه صح سلطان ماغيره > ..'


دانـه ' من جافت عيونـه قعدت تتأمله و نست نفسهـا انها واقفه بنص الشارع و ماحست الا بدقات قلبها اللي قامت تدق طبووول ' ..

سلطـان ' حالته ماكانت اقل من دانــه كان ذايب اكثر منهـا بعيونهـاا اللي تلمع مع ضوء الشمس اللي عاكسه لون عيونهـا الجميله و تم هـو يتأملهـا و دقات قلبه شوي و تطلعه من مكانـهه لي مـا......**!





خـلص البـارت ..."

اتمنى ان البدايه عجبتكم و توقعـاتكم للبارت الياي..؟



اختكـم : يـونيكـ


مخــرج...'

اذكري اول لقـاء بيني وبينج...!
واستعيدي مامضى يانور عيني..'
التقينا و التقت عينـي بعينـج...!
و المحبـه جمعت بينـج و بينـي..'



آخر من قام بالتعديل يــونــيــكـ; بتاريخ 17-04-2016 الساعة 02:31 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-04-2016, 06:31 PM
صورة Bnt a Boy الرمزية
Bnt a Boy Bnt a Boy غير متصل
©؛°¨غرامي فعال ¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك


روووعة وين التكلمة .!!!
عطيني موآعد البــآأرتــآت واتركي اسئلة للتوقع .!
بالتوفيييييييييييق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-04-2016, 02:17 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك


اقتباس:
المشاركة الأساسية كتبها bnt a boy مشاهدة المشاركة
روووعة وين التكلمة .!!!
عطيني موآعد البــآأرتــآت واتركي اسئلة للتوقع .!
بالتوفيييييييييييق


مشكـوره على مرورج الجميل ... و موعد البارتات ان شاءالله راح يكون كل خميس و اذا بيتغير راح اكتب بالبارتات اليايه ....'

تقبلي فآئق تحياتي لج .. اختج يونيكـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-04-2016, 05:51 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


الـــبـارت '2'



مـدخـــل.....'

على درب الهوى جينا ..
من أول ما تلاقينا ...
تغير كل ما فينا ....
وعشنا اجمل الايام ...






مـلاحظه قبل ما ابدا ... اذا حطيت الحوار بين ' ..... ' يعني حوار بين الشخص و نفسه .. اما اذا حطيت الحوار بين *.........* يعني ردة فعل الشخص و افعاله ..




بـشارع ***


كـانو اثنيهـم وسط زحـام البشر و الناس .. هـايمين فـ عيـون بـعض كأن الزمن وقف فيهـم .. عـبارات و مشـاعر متلخطبه و دقـات قلوبهـم مستمـره و بـقوه .. شعـور مش طبيعي شعور غـــيرر......' لكـن فجــأه '


عــارف : مدام دااانه هدا في صديق مال انته جاي مع سياره .
دانـه *ردت لوعيهـا و استغربت من الوضع اللي هي فيه * : هـا اي سيـاره < و لفت تناظر المكـان اللي عـارف يناظره > .. و صرخـتت : ووييييه ذي سارووه شيابها هني؟! .
سلطـان * تم يناظرها و يراقب حركاتها كأنه يبي يحفظهـا بعقله لكـن فجأه استوعب كلشي من صرختهـا و حركتهـا السريعه *
دانـه من جافت سيارة سـاره < ربيعتها ذكرتوها > فتحت بـاب سياره سـلـــطان الخلفي و دخلت بسرعه و سكرت الباب و انخشت تحت ... و سلطـان منصدم من حركتها ..! و عارف عطاها ظهره عشان ماتلمحه...'


بـالنسبه لـساره ... و هـي مـاره بسيارتها لمحت سيارة دانه و لمحت بعد بنيه واقفه : هـاذي مو كأنها سيارة دريول دانوه؟! .

و قربت من السياره السبورتيه بحيث تتأكد لكن ماجافت حد غـير الريّال اللي قاعد يدام بمقعد السواق : لا لا عم بيتهـيألي انها دانه ، هي اكيد بتكون وصلت لبيتها شو بيخليها توقف بنص الشارع < و حركـت بأتجاه بيتهم > ..




نــرد لـسيارة سلطـان .....

سلطـان ' اتكلم و لا انطرها لي ماتقوم لا لا خل اكلمها ' : عفوا لو سمحتي ممكن تفهميني شحقه يايتني و منخشه ف سيارتي تراني مو ناقص مشاكل .

دانـه *ارفعت راسهـا و بلعت ريجهـا و مادرت بتلفونها اللي طاح منها بسيارة سلطان * : انا آسفه ماكان قصدي *و استوعبت انها بسيارته و انزلت و لفت تكلمه * ويت ويت انا شحقه اتأسف المفروض انت اللي تأسف مو انا واقف لي بنص الشارع و معطل الناس عن مشاويرهم .

سلطـان ' بل ذي طلعت ام لسان بس هين ' : حشى مب لسان هـا و بعدين من انتي عشان تيين و تصرخين ف ويه الاوادم صدق ماتستحين .

دانـه ' وجعع شبلاه هاي ' : لما تحترم الناس و ماتحقرهم و ماتعطلهم ذيك الساعه قولي ليش قاعده اصرخ .

سلطـان * فتح عيونه ع اخرها * : انتي هيي مو لو تفارجين احسن ترا يبتيلي عوار الراس < و لف عالدريول > هيه انت شل ذي و فارجو .

دانـه * حست ان وقفتها بنص الشارع غلط * : يعله دووم هالعوار < و هـي رايحه لسيارتهـم لفت عليه > صج الله يعين ربعك و اهلك ع غرورك و ويهك المليق و هذا اذا عندك ربع اصلا < و خذتها ركضه لسيارتهم و قالت لعارف يحاول يتجاوز السيارات و يروح من بينهم > .

سلـطان * كان بينزل و بيلحقها عالكلام اللي قالته بس يوم جافها راحت * : اخخ بس لو اعرف من انتي وربي ماخليتج ف حالج .

نـاصر * توه واصل * : اعصـاب ياحلو و بعدين من ذي اللي مابتخليها ف حالها .

سلطـان : بسمالله من وين طلعت انته؟ .

نـاصر : توني واصل انا ، انزين ماقلت لي من هاذي اللي مابتخليها ف حالها ليكون بنيه من الجامعه .

سلطـان : لا مو من الجامعه المهم خلنا من هالسالفه احينه ، وصلني البيت تكفى ابغي ارتاح .

نـاصر : انزين و موترك شبيسون فيه؟! .

سلطـان : بياخذونه بعد شوي للقراج يجوفون شسالفته ، خلاص انت روح انا باخذ كتبي و تقاريري من ورا و بجيك .

نـاصر : اوكيه يلا ناطرك < و راح ... .

و نزل سلطان و فتح الباب اللي ورا و هو ياخذ كتبه و التقارير بـس لمح شي وردي طايح تحت .. و يوم سحبه طلع جوال و استغرب و فتح الشاشه جاف صورة ياهـل و يوم دقق ف الصوره جاف ان ملامح صوره الخلفيه تشابه ملامح البنت اللي توه جافها * و مايدري ليه حس بسعاده و ابتسم لكن * قال بنفسه ' بلاني انا ذي مو اول بنيه انا اجوفها من صدقي انعجبت فيها !! ' و صحى من افكاره ع صـوت الهرن و خذ جوال دانه و حطه بمخباه و هو بباله افكار جهنميه قاعده تنرسم .. و خذ اغراضه و راح لموتر نـاصر ....







^~^~^~^~^~^~^~^~^~^~^~^~^~^


بـسيارة دريول يـاسمـين .. كانت توهـا واصله لبيتهـم و يوم نزلت لمحت الريّال اللي يسكن بيمب بيتهم يعني جيرانهم .. كان واقف و يطالعها استغربت من نظراته ' وش بلاه ذا يطالعني كذا ' و ماهتمت وايـد و دخلت لبيتهم ...'


~~

بالنسبه لفـيصل كان توه واصل من الجامعه و نزل و لمح سيارة بيت جيرانهم توها واصله و تم يطالع البنيه اللي نزلت و بنفسه قال ' مـلاك مب انسان ذي ' و حس باللي قاله و طرد هالافكار من راسه و عرف انهم توهم ناقلين من مكان ثاني و بيسكنون ف هالبيت ..'



^~^~^~^~^~^~^~^~^~^~^~^~^


ببـيت نــــــور ..او نـقول ' ببيت خال نـور '



مرت خالها * تناديها بصراخ * : نوووووررر نووور وصمخ ويينجج .

نـور * يات و هـي ميته رعب من اللي بيجيها * : هـ هـلا.. خـالتي .

مرت خالهـا : يعل تخلخل عظامج قولي امين صارلي ساعه اناديج انبح صوتي ليييه ماتردين .

نـور * و علامات الخوف بدت تزيد عليها * : اسفه والله كنت ابدل و ماسمعتج .

مرت خالهـا : لااا والله و كل هالصراخ و ماتسمعيني .

نـور : آسفـ..... * قاطعتهـا *!

مرت خالها : جبب ولا كلمممه و احييين يداامي روحي المطبخ و جهزي السفرا يلاااا العيال بيردون احين من دواماتهم .

نـور : ان شاءالله < وراحت بسرعه و هي تحمد ربهاا مليون مرا ان ماضربتها و ماسوت لها شي > .. .



اختصــر لكم حياة نــور

نــور البنت الوحيـده لأمهـا .. عاشت مع امهـا من ولدت ببيت خالهـا و يوم وصلت للمرحله الاعداديه فقدت امهـا من غير ماتعرف من ابوها و من بنته و مثـل ماسمعت من مرت خالهـا و بناتهـا ان ابوهـا ترك امهـا من بعد ماجذب عليها و من يومهـا صارت مرت خالها تعاملها مثل الخـدامه و اذا ماتسمع كلامها تضربها .. و مب بس جي حتى بنات خالها الثنتين ' شهـد و نـوف ' كل مايجوفونها لازم يقطون عليها كلمه و يجرحونها و مع ذلك هي تكتم كلشي بداخلها لان امهـا علمتها شي واحد و اللي هـو ' الصـبر ' و بالنسبه لخالهـا كله مسافر برا و مايدري عن اي شي صاير بالبيت..."






^~^~^~^~^~^~^~^~^

نـروح لـدانـه ...'


اول مانزلت من السيـاره تذكرت جوالهـا و دخلت مره ثانيه بالسياره تدور عليه بس مالقته ....

دانـه : عـارررف تعال شوي .

عـارف : هـاشنو يبي .

دانـه : اتصل ف جوالي لانه توني دورته بالسياره و مالقيته .

عـارف : ان شاءالله < و اتصل ف جوالهـا و تم يرن و يرن لي مـا** ..





^~^~^~^~^~^~^~^~^


...........: انزين هـجور قولي احبك مرا ثانيه .

هـاجر : يوووه حمود كم مرا بقولها .

محمـد : شدعوه انزين لو تقولينها مليون مرا ماراح اشبع .

هـاجر : انزين احبك .

محمـد : يربيي و انا اموت و اعيش فيج .

هـاجر * استحت * : انزين حمود اخليك بروح اتغدى و يوم بفضى بكلمك .

محمـد : اوك حبـي بترياج .

هـاجر : يلاا بااي .

محمـد : باااي .




' و بيـّن لنـا سر هـاجر و محمد المخفي .. اختصر لكم السالفه اللي محد يعرفها الا سلطــان اللي صايد محمد و هو يكلم هـاجر و من هني محمد اضطر انه يقول كلشي لسلطـان و اللي هو انه على علاقه حب بهـاجر تقريبا صار لهم سنه و ان محمد يبغي يخلص دراسته بسرعه عشان يخطب هـاجر '




^~^~^~^~^~^~^~^~^~^~^


ببـيت فـاطمـه ...'

كانت يالسه ويا امهـا ف الصــاله ..


فاطمه : يمـه المغرب بروح بيت ساروووه .

ام فاطمه : ليش باجر مو عندج مدرسه؟ .

فاطمه : هـا اي عندنا مشروع و لازم باجر نسلمه .

ام فاطمه : خلاص حبيبتي روحي بس لا تتأخرين ف الرده .

فاطمه : اووكييههه < وراحت لغرفتهـا .. .



^~^~^~^~^~^~^~^~^~^~^~^~^

نــرد لسـلطان ....'


كـان منسـدح ف سريره و هـو يناظر السقف و تفكـيره ف عـالم ثاني .. عـالم لحين ماله اسـم بحياته و ف هـالعالم الغريب صورتهـا مافارقت خيالـه من جافهـا و عقـله كلش مو مـعاه ... و قال بنـفسه ' معقـوله من بين كل البنات اللي اعرفهم ماأثرت فيني غيرهـا بس ليـش؟! ' قطـع حبل افكــاره صـوت تلفون يهتز نساه بمخبـاه ..

و تذكر تلفونهـا و طلعه و جـاف مكتوب " عـارف " استغرب من هـاي و حس بشي فـ قلبه فـ هاذي الثـواني و قرر إنـه يـرد ....'

سلـطان < رد بس تم ساكـت > : .............. .

عـارف : الووو منو انته؟! .

سلطـان ' بلاه ذا يتكلم كذا ' : عفوا انت اللي من .

عـارف * استغرب من الصوت * : بسم الله هادا مو تلفون مال دانه ؟! .

سلطـان ' اويـلي طلع اسمهـا دانـه ' : انـزين انته شو تصير حق دانـه .

عـارف < كـان بيرد بـس > ..!

وصـل لسلطـان صـوت انوثـي رجعت له كل احاسيسه بعالمـه الغريب .. حس بروحه تغوص بين اعمـاق هـالصوت لكـن رجعه لوعـيه نفس الصـوت ،....


دانـه * تكلمه بالجوال * : لو سمحت من معـاي ؟! .

سلـطان * رجع يكلمها بثقتـه المعروفه * : مـعاج سلطـان بن حمـد الـ*** .

دانـه ' اسمهه جميييل المليق ' : عاشت الاسامي ممكن ترد لي جوالـي .

سلطـان : انزين الناس يسلمون .

دانـه ' ميته عليك انا عشان اسلم عليك ' : اقوول انا ماعندي لف و دوران انا سيده اعطي دايركت فـلو سمحت رد جوالي .

سلطـان ' اونـه ماعندي لف و دوران قالت ' : انزين يصير اسأل سؤال .

دانـه ' ياربي شهالنشبه اللي طاح ع راسي ' : انت هييه ترا مو فاضيتلك ياخي خلصني و رد لي الجوال .

سلطـان ' هه هذا اذا خليتج بحالج ' : عبالج بعطيه لج جي بارده مبرده ف احلامج والله .

دانـه ' شبلاه ذي شقاعد يخربط ' : نعم شنو اللي ف احلامي اقولك ابغي جوالي تفهم شنو يعني ابيه .

سلطـان ' صبري بس اذا مايننتج احينه ' : بعطيج ياه بس بشرط .

دانـه ' قسمبالله ذي يبيله كف يعلمه كيف يرد اغراض الناس بدون مايتفلسف عليهم ' : اخللص شتبي .

سلطـان : وصلنا خـير ، اذا تبين جوالج تعالي خذيه من العنوان اللي انا بعطيج ياه و روحج تيين مو تيبين احد وياج .

دانـه * فتحت عيونها ع اخرهـا * : هـيييه انت لاتحسبني من هذول البنات اللي تغازلهم و مدري وشو .

سلطـان : عيل شو عبالج انا بييبه لج .

دانـه : خلاص عيل بطرشلك الدريول عالعنوان اللي بتعطيني ياه .

سلطـان ' ف احلامج ارضى ' : لااا انتي تيين تاخذينه بيدج انا شو يعرفني انه الدريول مالج .

دانـه : يوم يوصل عندك انت بتعرف لانك جفته اليوم .

سلطـان * يسوي نفسه ناسي * : مدري نسيت شكله .

دانـه : لا تقعد تستهبل ع مخي .

سلطـان : كيفج عيل مب معطيج جوالج .

دانـه : خلاص عيل بقول حق ابـوي و هو بيتصرف وياك .

سلطـان : شو بتقولين له انج دخلتي سيارتي و التلفون منج و بيقولج عقب شحقه دخلتي ؟! هـا شو بتردين عليه بعدين .

دانـه * توهـقت صج * : افف يعني لازم انا اخذه .

سلطـان : اي لازم انتي ولا مب معطيه لج .

دانـه ' ي ربي شهالبلووه ' : اخلص عطني العنوان و بمر اخذه منك قبل المغرب .

سلطـان ' ع كيفج قبل المغرب تحلمين والله ' : لا لا قبل المغرب و بعده مشغول انا تعالي خذيه عقب العشا .

دانـه ' لا ويتشرط بعد ' : شو بعد العشا تستهبل .

سلطـان : والله كيفج اذا تبين جوالج تعالي هالوقت ولا مافيه .

دانـه ' اللهم طولك يارووح ' : اف زييين و لاتنسى تطرش اللوكيشن ع هالجوال < و قبل ماتسمع رده سكرت ف ويهه > ..

سلطـان : بل صكته ف ويهي بس ماعليه انا اوريج .

و بدا يخطط حق الـشي اللي راح يسويه و كيف راح يرد لها الجوال .........!



^~^~^~^~^~^~^~^~^~^~^~^~^~^~^


بــعد المــغرب ... كـل البنـات تيمعوا بيـت ساره الا فاطمـه و يـاسمين ..

بـملحق البنـات اللي دايـم يتيمعون فـيه ..."

.
.

منّـه : وين فطيم و ياسمين لحين ماوصلو .

ساره : كلمت فاطمه و قالت انها كانت بالصالون و هلأ جايه اما ياسمين شوي و توصل لانها ضيعت بالطريق .

فاطـمه * توهـا دخلت * : سلااام بنـات .

البنات قامو يسلمون عليهـاا ...."

سميه : ليش تأخرتي جي .

فاطمـه : كنت بالصالون و أخروني لانه زحمه وجي .

دانـه ' اقولهم احين ولا كيف ' :..........! .

فاطمـه * لفت ع دانـه * : شفـيه الحلو صاير مؤدب اليوم ؟! .

سميه : اي صج شفيج من يوم ماييتي وانتي ساكته ! .

سـاره : صاير شي بالبيت ولا حدا من اهلك فيه شي لاقدر الله .

دانـه * هزت راسها بلا * : لا مافي شي بـس .. .

منّـه : بس شـو ...؟! .

دانـه ' خلاص بقولهم ' : ف سالفة ابغي اقولكم ياها و ابيكم تساعدوني .

البنـات * بحـماس * : قـوووولي .

دانـه : الـيـوم يوم كنت راده البيت * و قالـت لهـم كل اللي صار بينها و بين سلطـان بأختصار * .. .



< نقطه بس بوضحهـا قبل مانكمل .. الخماسي كل اسرارهم يقولونهـا لبعض و مستحيل وحده تخش شي عالثانيه و هـاذي النقطه الحلوه المشتركه بينهم كلهم >



سـاره : صدق حمـار شو هاد مابيستحي .

سميه : ليكون عباله انتي من هالبنات اللي يغازلهم صج قليل ادب .

منّـه : و انتي ليكون بتسيرين له..؟! .

دانـه : للاسف لازم اروح مجبوره بعد شسوي .

فاطـمه : عيل اذا جي كلنا بنروح وياج .

دانـه : لااا قال اروح بروحي .

ساره : دانننه مجنونه انتي تروحي لحالك لا طبعا احنا كمان بدنا نروح وياك .

سميه : من صجج انتي كيف بتروحين له بروحج .

دانـه : انزين انا مدري وين هالمكان قال بيطرش اللوكيشن ع جوال عارف .

منّـه : انزين بس اكيد نحن بنروح وياج .

دانـه : تصدقون خلاص تعالو كلكم بس ويت! .

فاطمـه : ها شنو ؟! .

دانـه : انتو ناسيين ان ياسمين معانا .

ساره : احنا مو قلنا بنطلع لدبـي مول و هناك لازم وحده منا تقعد معها بكافيه و الباقي يروحو ويا دانـه .

دانـه : انزين من بيقعد وياهـا ..؟! .

منّـه : خلاص انا بقعد وياهـا .

دانـه : خلاص تمام .

ساره : طيب عم تتصل هي شكلها وصلت .

سميه : انزين كلميها و خليها تيي للملحق .

ساره : طيب .



^~^~^~^~^~^~^~^~^~^~^


بـعد العـشا تيمعـوا الشبـاب كلهـم بدبـي مـول ...'



كانـو يمشـون و مروا من صـوب قـروب بنـات يالسين و سمعـوا كلامهم ...."


البنت 1 : هييه بنااات جوفو ذاك اللي واقف بينهم بالنص .
البنت 2 : ي ربيي جمممااال .
البنت 3 : عيونـه دمـار .
البنت 2 : و الحمدانيه عليه تينن .
البنت 4 : كأنه مو معطينا ويه .
البنت 1 : ويت ويت نطرو جوفو شو بسوي .


خـليفه يهمس لسلطان : ترا ناوين ع شي هذيل .

سلطـان : ماعليك خل تيي هي بس انا عارف حركات هالبنات .

محمـد : انت سامع كلامهم بس .

احمـد : سلطون هلأ شوف المياعه اللي حتجيك .

يات البنت و سوت نفسهـا بتطيح و طبعا سلطان عارف هالحركـات و بحركه سريعه دز خليفه اللي كان واقف يمبه للصوب الثاني و هو بعد بـحيث اللي صـار إن ....

البنت طاحت ع ويهها بالارض و فجـأه كـل اللي حولينهـا بالمـول انفجروا ضحك و اولهـم < سلطـان و ربعه > ...


قامت البنت و هـي سايره لقروبها اللي صج تفشلو من اللي صـار ...."


نـاصر : الصـراحه سلـطون بدعت .

سلطـان * ابتسم * : انا من يومي مبدع .

طارق : ياربي ذا مدحته احين شاللي بيسكته .

الشباب : ههههههههههههههه .

مـايد : انزين خل نسير نيلس ف كافيه .

الكل وافقو ع رايـه و راحـو لـ مطعم ذا اوركسترا .. و يلسو فيه يسولفون و يتمتعون بالاجواء الهـاديه "




^~^~^~^~^~^~^~^~^~^~^~^~^



نــرد للبــنات ..."

بـعد حنّه و رنـه من البنات ع ياسـمين وافقت انهـا تروح معاهـم لدبـي مول و طبعا كالعاده الفكره من ساره ام المقالب ... و راحو كلهم بسيـاره ساره طبعا لانها هي الوحيده اللي عندها الليسن ..."




وصلـو لـدبي مول و اتفقو انهـم يقعدون بـ مطعم ذا اوركسترا < و بالصدفه قعدو بالطاوله اللي ورا طاولـة قروب سلطان و ربعـه ....."




فاطمـه تهـمس لدانـه : هـا متى بنروح؟! .

دانـه بنفس الهمس : شفيج تونا واصلين نطري شوي .

سمـيه : ياسمين شبلاج جي خايفه و ويهج مخطوف .

ياسمـين : من البلوه اللي رميتوني فيها انتو تدرون ان اهلي مايرضون لحالي بالمولات .

منّـه : ويه ترا هاي ولاشي انتي لوجفتي مغامراتنا اللي سويناها شو بتقولين .

ياسـمين كـانت بترد بس قطع عليهـا صـراخ ****! ..



^~^~^

عنـد سلطـان و ربعـه .."


مـايد : سمعوا شباب الخميس ف فلم رعب يقولون توه نازل شو رايكم نسير نجوفه .

فيـصل : حلو انزين خل نروح ليش لا .

احمـد : اذا رعب قداااام .

سلطـان : خلاص تمام الخميس بس اي ساعه بتحجزون .

خليفـه : ف عرض الساعه ثمان و ف الساعه ثنتين الفجر .

طارق : لا الساعه ثمان احسن لان ثنتين واجد متأخر .

مـايد : خلاص عيـل تمـا....... < قطع عليه صراخ > ..!



احمـــــد و ســــاره * بنفس الوقت * : الـيوم مباراة مـدريـد و برشـلونـه < و فجأه اثنيناتهم لفو ع بعض > ...


نفس اللي صار معاهم صار مع القروبين الكل لف عالثاني .......!


فـيصل لمح ياسميـن و نفس الشي هـي لمحته ...

فيصل بنفسه ' هاذي مو كأنهـا بنت جيرانا اللي شفتها اليوم '
ياسمـين بنفسهـا ' ياويييلللييي هاي مو كأنه ولد جيرانا اللي كان يناظرني اليوم لا بالله رحت فيها ' * و حاولت تبين انها عاديه و انها ماجافته *


سلطــان لمـح دانـه و دانـه نفس الشي ..!

سلطـان بنفسه ' هـاذي مو كأنهـا دانـه بس شو تسوي هني! '
دانـه بنفسها ' بسمالله هاي شيابه هني عاد من بين كل هالاماكن مالقى الا هالمكان عشان يقعد فيه ' * و نزلت راسها بحيث انها تتجاهـله *



فجـأه صرخت سـاره : قووووووووووووووووووووووول .

فاطمه : انتي هييي سكتي فضيحتناا .

احمـد : لاااااااا شو هالحظ ياخي .

محمـد : اعصاب اعصاب انتي وياه .

ساره : انت ف حد كلمك؟! .

احمـد : سؤال يعني انتو يالمدريدين شو بتحبو ف هاد الفريق .

ساره ' هاد شو بلاه كمان ' : بالله عليك طيب انتو يالبرشلونين شو بتحبو ف هاد الفريق .

محمـد : مو كأنج عايده نفس سؤاله ؟! .

ساره : و انته مو كأنك كتير بتتفلسف .

هني سلطـان * غمـز لدانـه و ابتسم و وقف * : يلا شباب انا سايـر البيت < قالها بصوت عالي عشان دانـه تسمع > .

دانـه * كانت ودها تقوم و تذبحه من حركاته ، بس ماتدري ليش من جافت ابتسامتـه نست العالـم كله و كأن الزمن وقف من جافت ابتسامته لكن مادامت هاللحظه الا ثـواني من سمعت كلام سلطان .. بلعت ريجهـا وو...! *

دانـه * اشرت لفـاطمه و سميه * : هيييي انتوو .

فاطمه : شفيج .

سميه * لفت عليها مستغربه *

دانـه * بهـمس لهم * : جفتو ذي اللي توه راح و قال انه رايح البيت .

فاطمـه و سمـيه * طالعو بعض بصدمه ولفو عليها * : لا تقوليييين انه سلطـان .

دانـه : الله ياخذ ابليسكم قصرو حسكم ، للاسف هاي هو و قال جي انها نغزه عشان اروح للمكان اللي بيعطيني فيه الجوال .

فاطمـه : انزين احين شبتسوين؟! .

سميه : ويت ويت خل اكلم ساره واتس و اقولها .

دانـه : اوك .

ساره كانت مندمجه ف وسط المباراه و استغربت من المسج اللي وصلها من سميه و يوم قرتـه .....!


ساره : بدي اروح الحمام ف حد بدو يروح .

دانـه : انا انا بروح .

فاطمه : انا بعد .

سميه : و انا بعد ابي اروح .

ياسمين : ايش هي طرشت برودكاست عدوى الحمام < الله يعزكم > عشان كلكم فجأه تروحون .

منّـه * تغطي عالوضع * : انزين خليهم عادي .

و قامو الاربعـه و راحو للمكـان اللي طرشه لهم سلطان باللوكيشن ع جوال سـاره ...


^~^~^~^~^~^~^~^


و هـالمكان طلـع بيـت و اتضح انـه بيت سلطـان ...



" بالسـياره "


فاطمـه : دانوووه من صجج بتنزلين بروحج .

دانـه * من داخلها متوتره بس مابينت لهم * : مدري والله .

سميه : انزين كيف بتدخلين و اهله داخل .

ساره : يمكن مو موجودين بالبيت .

دانـه : احين كيف انزل ولا لا؟! .

ساره : اذا بدك ننزل معك مافي مشكله .

دانـه : لا لا خلاص سمعو انا بدخل بروحي عشر دقايق ماطلعت ذيك الساعه انتو دخلو .

البنات : خلاص تمام .

ساره : انتبهي ع حالك .

دانـه * هـزت راسهـا و نزلت *



^~^~^

سلطـان كان بغرفته يطالعهـا من الدريشه و مع كل خطـوه كانـت تخطيهـا يفز قلبـه اكثر و اكثر ...'


بالنسبـه لدانـه .. كانت تمشي و هـي حدهـا متوتره و قلبهـا كان يدق بقو من كثر ماهي متوتره و احاسيس غريبـه بدت تتملكهـا من اول خطوه دخلت فيها من باب الصـاله ... دخلت و البيت كان هـدووء كأن مافي احد فيه و بدت تدور ع سلطان ...


دانـه : سلطـان وينك؟ .

سلطـان كان يسمع صوتهـا و هـي تناديه فـقال بصوت عالي من فوق : تعـالي انا فـوق .

دانـه ' من صجه هاي يبيني اروح له فوق ' : نعم شنو اييك فوق انت انزل .

سلطـان * سوا نفسـه ماسمع و دخل غرفته *

دانـه ' اف شسوي احييين ؟! ' و راحت تركب الدري و مع كل خطوه كـانت تحس انهـا تدخـل ف عـالم غريب و لـه شعور و احاسيس غير عن الواقـع .. وصلت لي فوق و لمحت ورقه يمبها مكتوب < كملي سيده و دخلي اخر غرفه ع يسارج > سحبت الورقه و كملت مشي لي ماوصلت للغرفه اللي بابهـا كان مفتوح دخـلت و ناظرت من حولينها كان اغلبه طاغي عليه اللون الرصاصي و النقشه باللون الاسود اما الاثاث كان طاغي عليه اللون الابيض فجـأه...!


سلطـان * من وراهـا * : القمر منور غرفتي بجيته .

دانـه * تصرقعت ولفت عليه * : بسمالله من وين طلعت انت .

سلطـان : بلاج جايفه يـنّي شو .

دانـه : وجع ان شاءالله طاح قلبـي من حركتك البايخه .

سلطـان * من غير شعور * : اسمالله ع قلبج .

دانـه * بلعت ريجها * ' شفيه ذي استخف ' : اا..ممكن جوالي لو سمحت .

سلطـان ' مـلاك ذي ولا شو ' * و جوالها كان بيد سلطان * : عبالج بعطيج ياه بهالسهوله < وكان كل مايقرب خطوه هي تبعد > .

دانـه ' ابيييه انا لييش سمعت كلامه وجيت شسويي احين ' : شـقـ..صــ..دك ؟! .

سلطـان < تم يقرب لي ما ظهرها صقع بالطـوفه > : انزين بلاج خايفه ترا مو مسويلج شي .

دانـه * علامات الخوف و عيونها اللي بدت تلمع كلها جافهـا سلطـان و من غير شعور حس بالضعف يدامها * : .......................... .



عـند البنـات ....


سـاره : هييي ترا مرت اكتر من عشر دقايق .

سميه : ترا تأخرت وايد ليكون صار لها شي .

فاطمـه : انزين امشوو خل ندخــل .


و راحـو يدخـلون ووو............. !





^~^~^~^~^~^

بالــمــول


ياسمين : ياخي بلاهم تأخرو هذيل .

منّـه * تحاول تألف سالفه * : وييه يقولون ردو بيت ساروه لانه فاطمه امها اتصلت و قالت ان بتاخذها .

ياسمين * فتحت عيونها ع اخرهـا * : نعممم و كيفف يتركونا لحالنا هنا .

منّـه : انزين قومي قومي مافي الا ناخذ لنا تاكسي و نسير .

ياسمين : هاذي اخر مرا اسمع كلامكم و اطلع وياكم .

منّـه : امشي امشي بس .



فـيصل * كان يسمع كل حواراتهم و يوم جافهم يقومون راح و لحقهم * ...'



بــرا المـول ....."


فـيصل * بتردد * : لو سمحتي .

ياسمين و منّـه لفو عليـه و بالنسبه لياسمين انصدمت من وجوده !!!!

منّـه : خير اخوي .

فيصـل : اذا تبغون حد يوصلكم عادي انا بوصلكم مافي مشكله .

منّـه : لا اخوي مانبغي نتعبك ويانا .

فيصـل : لا افا عليج لا تعب ولا شي .

ياسمين : شكرا مانبغى مساعده احد .

فيصـل : انتو بنات مايصير كذا توقفون لحالكم بنص الشارع .

ياسمين : شفتنا كلمناك و قلنا نبغى احد يوصلنا .

منّـه : ياسسسمييين عييب و بعدين الريال معاه حق باللي يقوله .

ياسمين : انتي من جدك تبغينا نركب ويا واحد غريب .

فيصـل : عساس راعي التاكسي مب غريب يعني .

ياسمين ' وجع لازم يفشلني ذا '

فيصـل : اذا ماعليكم امر تفضلو معاي و انا راح اوصلكم للمكان اللي تبغونـه .

منّـه : خلاص اوكيه < و سحبت ياسمين معاهـا و راحو لبيت سـاره ويا فيصـل > ..'




^~^~^~^~^~^~^~^~^~^~^



" نـرد لــدانـه و سلطـان "



كـان كل واحـد فيهم قاعد يبحـر بمركب ف عيـون الثـاني و هـالمركب هـو الطريق الوحيـد لعالـمهم الغريب .. لاكن قطع حبل افكـارهم صـوت صراخ البنـات من تحت ...!



البنات يوم دخلو كلهم صرخو بصوت واحد : داانــــــــه .


سلطـان * صحى من افكاره و لف للبـاب *
دانـه * بهـاذي اللحظه استغلت الوضع و سحبت جوالها من يد سلطان و شردت منه و قبل ماتطلع قالت لـه ...'


دانــه : عبالك بتقدر علي انت و ويهك < و شردت لتحت > .

سلطـان راح يركض لهـا لكـن.... ماقدر يلحقها ..'

دانـه * يوم نزلت * : بـناااااااات امشوووو نطللللعععع بسـرعهه < و كلهم شردو للسيـاره و سيـده ع بيت سـاره >



سلـطان * تحسف انه ماقدر يلحقهـا و ان هاذي ممكن تكون اخر مرا راح يجوفهـا * ....."





^~^~^~^~^~^~^~^~^~^


الـساعه 11 الكـل رد لبيتـه من بـعد يوم متعـب عاشـوه البنات مع سلـطان .......؛




ياسمـين كانت توهـا واصله لبيتهـم لكن قبل لا تدخل وقفهـا صـوت فيصـل ..... و قالت للدريول يدخـل عشان مايجوفه فيصـل وعقب تتوهـق ..."


ياسمـين : نعم ف شي؟! .

فـيصل : كيف تروحين المول بذا الوقت .

ياسميـن : وانت من تكون عشان تحاسبني .

فيصـل : امك و ابوك يعرفون انك طالعه ويا صديقاتك للمول .

ياسميـن * بلعت ريجها و قالت * : اي يعرفون اني رحت المول و بعدين انت ايش اللي تبغاه مني ياخي اتركني ف حالي .

فيصـل * حس انه بيعصب بس مسك نفسه * : انا مابغى شي بس اللي ابغاه انك تنتبهي لوين تروحين لان انتي توك يديده هنا و ماتعرفين شي .

ياسميـن ' ياربي شفيه ذا ' : اسمعني اولا انت مالك دخل فيني و ثانيا مو من حقك تمنعي اني اروح للاماكن اللي ابغيها دام اهلي راضين ثالثا الله يخليك خلني ف حالي و الله يسهل دربك < و لفت و دخلت لبيتهم و خلت فيصـل هـايم بأفكاره و اهـتمامه فيهـا ... شعـور فيصل نحو ياسمين وراه قصـه مايعرفهـا الا فيـصــل و ذكرياتـه >





^~^~^~^~^~^~^~^~^~^~^

مـر اللـيل بهـدوء ... لي مابدت خيوط الفجـر تظهر عالسمـا يعلن حضور يوم يـديد ع ابطالنـا ....."




السـاعه 7 الصبح " بالمــدرسه "

بـدا الطـابور الصبـاحي و دانـه لحين ماوصلت



منّـه * تهمس للبنـات * : هييي انتو دانوه ليش لحين مايات ؟! .

ساره : ليكون عشان اللي صار امس ؟! .

منّـه : ليش شصاررر ليكون حد درا انها راحت لذاك الريّال .

سميه : لا مستحيل كيف بيدرون بس ان امس طلعنا و احنا نركض و ماعرفنا شاللي صار بالضبط بينها وبينه ! .

فاطمـه : اي حتى يوم سألناهـا شصار قالت خلاص سكرو السالفه و كأن ماصار شي .

فجـأه دخلو بينهم دانـه و ياسمين و وقفو يدام ساره و منّـه .."


ساره : نعم انتي وياها مالقيتو الا توقفون يدامنا .

دانـه * ضحكت و قالت * : عجبني المكان و جفت ياسمين واقفه ورا سحبتها و ييت و وقفت .

فاطمـه : وينج ليش تـأخـرتـ.....* و كالعـاده قطعت عليهم ابلـه نوال *

ابلـه نوال : دانـه ، ياسمين انت ع كيفكو بتتحركو بالطابور انا كم مرا حكيت مابديش حركه اثناء الطابور .

ياسميـن : ابله شنو يعني نرد ورا .

دانـه * ضربتها بكتفها * : عكيفج انتي شنو نرد ورا .

ابله نوال : دي اخر مرا اشوفكو بتعلمو هيك سامعين .

دانه و ياسمين : ان شاءالله < و اول ماراحت الابله > .

فاطمـه : هييه دانوه ليش تأخرتي اليوم؟ .

دانـه : نمت بالليل متأخر و راحت علي نومه عشان جي تأخرت .

منّـه : ليكون تفكرين ف حبيب القلب .

دانـه : نـعمم اي حبيب قلب انتي و ويهج .

ساره * بهمس لمنّـه * : منّـه سكتي لا تفضحينا .

ياسميـن : دانوه عندهـا حبيب < و لفت ع دانه > طحتي من عيني يا دانـه .

ساره : لاا منّـه عم تمزح .

فـاطمه : شو فيها اذا حبت انزين الحب لاهو حرام ولاهو عيب .

ياسمـين : انزين ماقلنا شي بس جي امزح وياها .

سميـه : اقول انتي وياها ترا الطابور خلص و صفنا راح من زمان .

و مشـوا كلهم لصفـهم و بدت كالعـاده حصصهم الدراسيه ..."





مـرت الايــام و جـا اليـوم اللي بالنـسبه للبنـات و الطلاب اجمل ايـام الاسبـوع " الخـميس "

و ف هـاليوم اتفقو البنـات انهـم يغيبون و يخلون جو الدراسـه شوي و ياخذون ع قولتهم راحـه "



و بـالصدفـه قررو انهـم يروحون للـسينما عـشان الفـلم اليديد اللي راح ينزل و اللي هـو فلــم الرعـب لكن مو كلهم راح يروحون بس الخمـاسي لان ياسمين امها و ابوها مارضو انها تروح للمول بروحها ..."



عنـد محمـد " كـان بالجـم "

محمد : سمعي هجور اليوم ف فلم رعب يديد توه نازل خذت لج تذكره بيكون الساعه ثمان شو رايج تيين وياي .

هـاجر : انزين انت مابتكون ويا ربعك؟ .

محمد : لا بقعد بعيد عنهم و ان شاءالله ماراح يجوفوني .

هـاجر : خلاص عيل بسأل امي و برد لك خبر .

محمد : اوكيه عمري .





" السـاعه 7 العـشا "



كلهـم وصلو للـمول الا دانــه ...'
و عند الشباب كلهم وصلو الا سلطـان ...'


و كلهم كانو ف صوب يدورون بالمول لان الكل متفق ويا الثاني انهم بيدخلون لقـاعة العرض الساعه 7:30



^~^~^~^~^~^~^~^~^~^



فـاطمــه كانـــت تــدور بيت المـحلات و دخلت لمـحل ستايله كله انقليزي ف انقليزي ... عجبهـا تيشرت لـونه اسود ف خذته و لفت و من غـير ماتنتبه دعمت ف احد و كل اغراضها طاحـو بالارض ..."


بنـفس الوقت .."


نـاصـر دخل نفس المحـل و كان قاعد يجوف التيشيرتات و من غير ماينتبه دعم ف احـد و طاحت كل اغراض هالشخص بالارض ..."

و يوم اثنينهم ارفعو راسهم ...*****



^~^~^~^~^~^~^



آخر من قام بالتعديل يــونــيــكـ; بتاريخ 22-04-2016 الساعة 06:33 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-04-2016, 05:53 AM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


عنـد ساره كانـت معاهـا منّـه و كانو ف ستـاربكس ياخذون لهم شي يشربونـه .. و عقب ماخذو اللي طلبوه كانت سـاره تمشي و مو منتبهة و هي تسولف مع منّـه ..ووو** !



فيـصل كان توه داخل ويا احمـد لستاربكس و قالو انهم بيقعدون فيه لي مايبتدي الفلم .. لكن و هم يسولفون من غير ماينتبهون ... احمـد دعـم ف شخص و كل الملك شيك اللي ف يـد ذاك الشخص طاح ع قمـيصه ....


و يـوم طالعو بعض ....

سـاره : انا اسفـ..... * و يوم دققت فيه * انت يالبرشلوني .

احمـد : انتي يالمدريديـه...! .

منّـه و فيصـل يطالعونهم و مستغربين..!"



^~^~^~^~^~^~^~^~^~^~^


صـارت الساعـه 7:30


دانـه كانت توهـا واصله و دخلت المـصعد .. و دخل وراها واحد و اثنينهم ضغطو ع الطابـق رقم 4 و تلامست اصابعهـم و يوم لفـو عـ بعض .....!"


دانـه * منصدمـه * : سلطــااااان!!!!! .
سلطــان * كان منصدم بس مايدري ليه حس بسعاده * : دانـــــه!!!!!!! .

و فجـــأه وقف فيهـم المصعــد و تسكـرت الليتات ..."

دانـه من الخوف و من غير شعـور تعلقت بكتف سلطـان و سلطـان انصـدم من حركتهـا وو.........**!





" خـلص البــارت "

توقـعــاتكـم ..!؟

- فـاطمـه و نـاصر و شاللي راح يصير بينهم..؟!
- سـاره و احمـد و اللي راح يصير بينهم ..؟!
- دانـه و سلطـان و نهـاية عنادهـم و شاللي راح يصير بالمـصعد..؟!



مـلاحظه • موعد البارتات راح يكون كل خميس او جمـعه •







مخـــرج

لا ثقه لدي إلّا عينيك..فعيناك أرض لا تخون ..فدعني أنظر إليهما..دَعني أعرف من أكون!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-04-2016, 09:05 PM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


' بــارت 3 '


مـــدخـل..؛

[ ع ا ل م آ خ ر ]
هذا هو عالمي..'
عالم آخر ..'
لايسكنه أحد سـواي ..!
فقط أنا و ملـكـ احساسـي...'









بــالمــول تحـديدا " بالمــصعـد "


اول ماوقف المصـعد و تسكرت الليتات .. دانــه خافت و مسكت كتف سلطـان ...'

سلطـان * حس بشعـور غريب نفس الشعور اللي ف عالمـه الغريب * :................. .

دانـه * كانت خايفه و لما تخاف تصـير هـاديه و ماتكلم احد * : .............. .

سلطـان * كان متردد ان يكلمها فـ طلع جواله و فتح الفلاش و هـني دانـه حست بروحهـا و هـي متعلقه ف كتف سلطـان و تركته و بعدت شوي *

دانـه ' ي ربي شسووييت اناا ' : انـا اسفـه مـا.....< قطع عليها سلطـان > .. .

سلطـان : ماصار شي .. حصل خير .

دانـه ' شبلاه منفس ذي! ' .

سلطـان ' احسن خل تحس شوي اني ساحب عليها ' * و لف يطق باب المصعد * : ف حد هـننييي؟!! .

دانـه ' عساس بيسمعونه يعني ' * مسكت جوالها و جافت مافي ارسال * : افف هاي ووقته بعد ..؟! .

سلطـان * طق فيه عرج الفضـول * : بـلاج ؟! .

دانـه ' صج والله ' : الارسال ضعيف بجوالي مايصير اتصل .

سلطـان ' لهدرجـه تبي تفتك مني جي بسرعه ' : انزين نطري خل اجوف جوالي < نفس الشي > حتى انا عندي الارسال ضعيف .

دانـه : يعني اذا مالي مافيه ارسال اكيد جوالك مابيكون فيه لازم التفلسف الزايد .

سلطـان : اقول حمدي ربج انج مو روحج بالمصعد .

دانـه * رفعت حاجبها * : شقصدكـ..؟! .

سلطـان : اقصد ان المفروض تحمدين ربج اني وياج .

دانـه ' بل شهالثقه اللي فييه ' : اقول لاتصدق نفسك وايد و بعدين احس ان ف حد داعّي علي و طحت بهالمصيبه وياك .

سلطـان : صدق ام لسان اعوذبالله قلنا شي ردتها بعشر .

دانـه : عبالك بسكت لك يعني ولا عبالك اني من هذول البنات اللي تغازلهم .

سلطـان * حس بأنه بدا يعصب شوي * : عفوا يعني شقصدك باللي اغازلهم .

دانـه : والله انت ادرى .

سلطـان ' ذي ليكون عبالها عالحركه اللي سويتها ذاك اليوم < قصده يوم رد لها الجوال > ' : ويت ويت انتي ليكون عبالج اني كنت بسوي لج شي ذاك اليوم .

دانـه ' ي ربي شياب هالطاري احين! ' * و حست بتوتر شوي * : هـا اي يوم؟! .

سلطـان * بصـوت حـاد و صارم * : دانــهه لاتستغبين انتي عبالج ان كنت بسويلج شي ذاك اليوم صح .

دانـه * خافت من نبرة صوته و توترت اكثر * : سلطان و اللي يعافيك سكر الموضوع خلاص .

سلطـان * بنفس الصوت * : لا مب مسكر الموضوع الا لما تعرفين انا شو كان قصدي ف ذاك اليوم .

دانـه * خلاص ماتحملت * : لا انا عارفه قصدك انت عبالك انا من هالبنات اللي تكلمهم؟! .

سلطـان : دانـه انتي شدراج بنيتي اذا كانت مثل ما انتي فاهمه ولا لا .

دانـه : سلطـان شبيكون الريّال ف نيته اذا قال لبنـيه تعالي لبيتي و البيت مافيه حد و شبتكون ردة فعل البنيه اللي هي انا < و تأشر ع نفسها > عقب الحركه اللي سويتها .

سلطـان * خلاص حس بأعصابه بدت تنفعل * : والله العظيم ان ماكنت مسوي لج شي كل اللي كنت ابي اسويه اني اخرعج بهالحركه و اجوف ردة فعلج .

دانـه * ماقتنعت * : هه دور غيرهـا .

سلطـان * فجأه صرخ صرخه قويه * : دانــــــــهه بـلااااج صار لي سـااااعهه اقولج ان ماكان قصدي شي ف ذاك اليـوم .

دانـه * توترت اكثر و حست انها مب قادره تنتفس من كثر التوتر اللي ياها * : .............. .

سلطـان * جافها ساكته و استغرب * : ..........؟! .

دانـه * حست انهـا مب قادره تنتفس خلاص * : اخخ راســي ...! .

سلطـان ' توها مافيها شي بلاها احينه! ' : دانـه فيج شي .

دانـه ' توك تحس ' : مدري احس مب قادره اتنفس < و حست بعدم توازن و كانت بتطيح لكن .......* > ...'




^•^•^•^•^•^•^•^•^•^•^•^•^


عنـــد سـاره و احمــد ..."



احمـد : انتي هبله شو مابتشوفي لوين بتمشي؟! .

سـاره ' هاد من وين طلع لي كمان ' : طيب اسفه ماكنت منتبهه .

احمـد ' قال ايش ماكنت منتبهه ' : بعرف انك كنتي قاصده .

سـاره ' شو بلاه هاد ' : نعم شو يعني كنت قاصده .

فيصـل ' هذيل مو كأنهم صديقات ياسمين ليكون هي بعد جات وياهم وربي مب احسن لها '

احمـد : يعني ف عاقل بيمشي و هيك بيرمي عالناس الملك شيك .

منّه : عفوا اخوي بس صج هي ماكان قصدها .

فيصل * يهمس لاحمد * : ايش بلاك احمد ترا البنيه ماكانت قاصده .

سـاره ' هـلأ هالاسم الجميل < قصدها احمد > لهاد الويه الاهبل! ' : حكينا اسفين ماعجبك عيل شو بدك نعملك مثلا!! بدك يانا نغسلك القميص! .

احمـد ' لك شو هاد اللسان اللي عليها ' : الصراحه بخاف لو عطيتك القميص يتوسخ زياده ف اسف مابقدر اعطيكي ياه .

سـاره : لك هاد صدق اني بغسله القميص اقوول طير من قدامي لا افصل عليك فصله بعمرك ماشفتها .

منّه : سارررهه بلاااج خلاص عاد .

سـاره : مابتشوفي كيف عم يحكي هاد البرشلوني .

احمـد : عفوا بس لمعلوماتك اسمي احمد يالمدريديه .

سـاره : و لمعلوماتك يا اخ احمد اسمي سـاره .

احمـد ' اسمها جميييللل المجنونه ' : متل ماتوقعت موحلو نفس وجهك .

فيصـل : احممممممـد عيييييب خلاص عاااد! .

منّه * تسحب ساره * : يلا ساررره امشي بلا فضايح .

سـاره : انته هيي حدك ع اسمي طيب .

فيصـل * متوهـق * : ياجمااعـهه ايش فيكم صلو عالنبي .

الكل : عليه الصلاة والسلام .

احمـد : احكيلك اشي يا فيصل امشي امشي قدامي لانو الصراحه المكان صاير كتير حشره و خنقه .

سـاره : اللهم طولك ياروح ، شو هاد البلوه اللي طاحت ع راسنا .

منّه : يلااا ساره بيبدا الفلم و البنات تلاقينهم منتظرينا بالقاعه .

فيصـل ' ليكون ياسمين منهم!! هاذي لازم اكسر عنادها صدق راسها يابس و ماتسمع الكلام بس هين '

احمـد : اي فلم ليكـون انتو كمان حاجزين بفلم الرعب! .

سـاره : اااييييششش انتو كمان حاجزين لهاد الفلم .

منّه : لا بالله ماخلصنا منكم! .

فيصـل : احمدوه واللي يعافيك امش نروح مانبغى مشاكل خلاص راح يبدا الفلم و انتو هواشكم مايخلص .

منّه سحب سـاره لكن قبل مايطلعون قالت ساره ...!


سـاره : بتعرف انك اكتر انسان اهبل و مجنون شفتو بحياتي < و شردت ويا منه > ....

فيصـل * يطالعه و هو ميت ضحك * : وين جبهتك .

احمـد * معصب * : اقول امش انته كمان لا صدق افصل عليك و اتعشى فيك اليوم .

فيصـل : خلاص اسفين حقك علينا اخ احمد < و راحو للقـاعه ... .




^•^•^•^•^•^•^•^•^•^•^•^•^


عنــد نــاصر و فــــاطمـه ....."



نـاصر ' هاذي انا جفتها ف مكان بس وين! ' : اسف ماكان قصدي < و نزل يشل اغراضها لكن > .. .

فـاطمه ' هاي انا وين جفته! ' : لا عادي < و نزلت تشل اغراضها لكن... > .. .

الاثنين ضربو ف راس بعض.....'

فاطمـه * مسكت راسها * : اخخ .

نـاصر : تعورتـي .

فاطمـه * ابتسمت * : لا عادي ماتعورت ، انت تعورت،؟ .

نـاصر ' ي ربي تينن ' : لا ماتعورت < و عطاها اغراضها > .. .

فـاطمه ' جمييلل ماشاءالله ' : شكراا .

نـاصر ' ابتسم ' : معاج ناصر و قريبا ان شاءالله الممثل ناصر .

فاطمـه * انصددمت * : صججج بتصير ممثل ' كأنه اشتطيت ' اقصد اني انا بعد وايد احب التمثيل وجي .

نـاصر : ماشاءالله طلعت ف اشياء مشتركه بينا .

فاطمـه : اي صح < و تذكرت الفلم > وويييه اكيد بدا الفلم .

نـاصر < تذكر ربعه > : ليكون فلم الرعب .

فاطمـه * استغربت * : ايي ليش ليكون انت حاجزه بعد ! .

نـاصر : حتى ف هالشي انا و انتي نتشابه جفتي شلون .

فاطمـه ' هذا شفيه شدخل احين نتشابه و مدري وشو ' : ها اي صح < و لفت رايحه > يلا ع اذنك .

نـاصر ' شفيها طنشت! ' : اذنج معاج < و بنفسه قال > ' يعني ريّال واقف يكلم بنيه بهالطريقه اكيد بتطنشه صج اني اهبل > و راح لـربعـه ..'




بــقاعه السينمـا ...."



كانو البنـات حاجزين اللاين اللي بالوسط و اللاين اللي تحتهم قروب سلطان و ربعه .."


< لكـن لحد اللحين محـد انتبه للثـاني الا فـيصل عرفهم و عيـونه تمت تدور ع وحـده و لما ماجافها حس بقلبـه ارتاح شوي لانها مو معاهم " اكيد عرفتوها ياسمين ماغيرها " > بـالنسبه لــ سلطــان و دانــــه لحـين ماوصلو للقـاعه و محد يدري هم وين .....!



منّـه * بهمس لسـاره * : سويير وينهـا دانه لحين ماوصلت؟ .

سـاره * بنفس الهمس * : ويت خل اسأل سميه هي توها حكت معها < و لفت ع سميه > سمووي انتي توك حكيتي مع دانه صح .

سميه : اي كلمتها قالت دقايق و بتوصل بس مدري ليه تأخرت ، ويت خل اتصل لها < لكن استغربت يوم جافت ان تلفونها مغلق > ......! ف استأذنت من البنات ع اساس انها ماقاعده تسمع شي و طلعت تتصل لها مره ثانيه برا ....."


^^

عنـد الشبــاب ..."


مـايد : خـلوووف سلطوون وينه ؟! .

خليفـه : توني مكلمه و قال لي انه وصل بس مدري ليه تأخر .

نـاصر : انزين دق له فون جوفه وين .

خليـفه : اووكيه < و اتصل له و استغرب ان جهازه كان مغلق > ...! و قام من مكانه و استغربو الشباب لكن قال لهم ناصر انه يمكن ماقاعد يسمع او شي عشان جي طلع. .."





عنــــد سلـــــــطان و دانــــه ........"



سلطـان * يوم دانـه فقدت توازنها و كانت بتطيح مسكهـا سلطـان و طاحت هي بحضنه * : دانننننــــهه .

دانـه * كانت حاسه فيه لكن مو قادره تتكلم * : ....................! .

سلطـان * ماحس الا بدقات قلبه اللي ميته عليها خوف * : دانننـهه < و يطقها عالخفيف ف خدها > دانــههه بلااجج داننـهه!! .

فجـــأه رن تلفونها < و هذا يعني ان الارسال شبك ويا الجوال > و جاف مكتـوب سمـوي < و احتار اذا يرد او لا و اخر شي رد > .....'


سميـه : دانوووه وينج .

سلطـان : احم معاج سلطان .

سميـه * استغربت و ردت تجوف الاسم اللي متصله عليه * : عفوا اخوي بس من انت ؟ .

سلطـان : انتي اخت دانه؟! .

سميـه ' بسمالله من هاي!! ' : لا انا رفيجتهـا بس من انت؟؟! .

سلطـان : انا سلطـان بلاج ماعرفيتيني .

سميـه ' وييييه ليكون هذاك اللي رحنا بيته ' : ولك ويه بعد تيي و تكلمناا!! وين دانه و اصلا انت شحقه ماخذ جوالها .

سلطـان ' بل بل هذيل كلهم لسانهم طويل صج بنات ' : عفوا بس انتي اعرفي السالفه بعد قولي اللي تبين تقولينه .

سميـه ' ليكون سوا ف دانه شي ' : خلصني ياخي وقول وين وديت دانـهه؟! .

سلطـان ' بلاها هاااي؟؟ ' : ي ربي ياخي اللفت وقف علينا و هي احين طايحه مدري شفيها؟ .

سميـه * فتحت عيونها ع اخرها * : انننت شتقووووللل ، انزين اي لفت وينكم انتو .

سلـطان : مدري اتوقع وقف علينا ف الطابق الثالث .

سميـه * بخوف * : انززززييين < و سكررت > .


^^

عنـد خليفـه ..."


خليفـه : الوووو سلطووووون .

سلطـان : وينك خلوف ؟! .

خليفـه : انته اللي وينك ترا بدا الفلم .

سلطـان : خل الفلم يولي احين ياخي الحق علي وقف علي المصعد ويا دانه ' افف انا شو سويت ' اقصد.....! .

خليفـه * استغرب * : دانـه؟ من دانـه و بعدين شو اي طابق وقف عليك .

سلطـان ' فضحت نفسك بنفسك يا سلطان ' : خلك من دانه سالفه طويله بقولها لك بعدين احينه انته تعال طلعني من هالمشكله اللي انا فيها .

خليفـه : انزين اي طابق .

سلطـان : الثااالـث ، تعال بسررعه لا تطول لان البنت مدري شفيها مو يالسه ترد علي .

خليفـه : انزين لا تخاف ثواني و اكون عندك < و سكر و راح يركض للـدور الثالث ....'





^•^•^•^•^•^•^•^•^•^•^•^•^•^



بــبيت يـاسمين ...."


جـافت سنابات البـنات و اشتطت انهـا تروح فـ فكرت بخطه انها تشرد من البيت لكن بطريقه عقلانيـه و فكرت و فكرت لـي مـا جات ببالهـا فكره عظيمـه ع قولتهـا ...!


قـامت و راحت لامهـا......"


يـاسمين : يمـاااا .

ام ياسمين : سمعي انا بروح انام و بقفل باب جناحي عشان لي يات خالتي بزرانها مايلعوزوني كل ساعه ناطين علي بالجناح .

ام ياسمين : عيب عليك يابنت خالتك لو جات وش تقول عنك 24 ساعه نوم .

يـاسمين : واي عاد ماما انا قلت لج راح اقفله و انام و يمكن لي باجر ما اقوم ف رجاءا لحد يزعجني .

ام ياسمين : خلاص بكيفك .

يـاسمين ' يس يس انجحت الخطه هه فديتني و انا اعرف امثل ' < و خذتها ركضه لغرفتها > ... .




و يـوم راحت لغرفتهـا ... قفلت الباب و شغلت المكيف عساس ان اللي برا يحسبونهـا نايـمه ......!

و طلعت لها لبس و البست و تجهـزت و مسكت جوالها و اتصلت ف دريولهم ...'


يـاسمين * بهمس * : كـوماار تعال عند شباك جناحي بسرعهه .

كـومار : ان شاءالله .

و يـوم جـا عند دريشتهـا .. ياسمين فتحتها

كـومار : ها شنو يبي؟! .

يـاسمين : وججع ققصر صووتك .

كـومار * بهمس * : شنو يبي .

يـاسمين : ابغيك توديني لـمول** .

كـومار : لا لا انا لازم يقول لماما مال انتي اول .

يـاسمين ' واي هذا من صجه ' : لاااا كومار الله يخليك انا ابغي اروح من غير مايعرفون .

كـومار : لا لا انا ف خوف يسوي جنجال بابا مال انتي بعدين .

يـاسمين : لا تخاف انا قلت لماما اني نايمه و اذا سألوك وين رحت قول لهم رحت عند خويك او اللي هو المهم ماراح يعرفو انك وديتني للمول .

كـومار : لا لا انا ف خوف بابا مال انتي يعرف بعدين يقول مافي معاش حق انا .

يـاسمين : الله يخليك كوممممااار والله لك مني وعد اني راح ازيدك بالمعاش انا بس طلعني الله يخليك .

كـومار : خلاص بس مافي يسوي تأخير ف مول .

يـاسمين ' و اخخخخيييييييييراا ' : ان شاءالله ان شاءلله يلا دقايق و اطلع لك من الدريشه انت روح و جهز السياره .

كـومار : ان شاءلله ماما ياسمين .


و راحت ياسمين و خذت شنطتهـا و جوالها و انقزت و طفت ليتات غرفتها و انقزت من الدريشه و اركضت للسياره ............"




^•^•^•^•^•^•^•^•^•^•^•^


عــند هـاجر ....."

توهـا صفت سيارتهـا قريب المول و انزلت و راحت لسيارة مـحمد ...."


هـاجر : هلا قلبي سوري تأخرت عليك شوي .

مـحمد * يناظر ساعته * : بدري كان تأخرتي ساعه بعد .

هـاجر ' ويه زعل ' : انزين سوري والله مو بيدي لي ماقنعت امي اخذ السياره و اطلع و حاله ، حموود لا تزعل عاد صج ماحب اجوفك زعلان مني .

مـحمد * ابتسم * : و ليش انا اقدر ازعل من حبي و حياتي و كلشي ف دنيتي .

هـاجر * استحت * : انزين وين بنسير احينه .

مـحمد : افهم من هاي ان تسليك حق كلامي ، المهم دام ان فلم الرعب فاتنا بنسير نفس المول و بنقعد ف كافيه و نسولف شوي وجي .

هـاجر : خلاص براحتكـ .




‏"معَ منّ نُحب نَجد فيّ أبسَط الأشيَاءْ فرحًا ،."




^•^•^•^•^•^•^•^•^•^•^•^



نرجــــع للـمــول شـوي......."



تـحــديدا فـ الطابـق الثـالث .... الاثنين وصلو ف نفس الوقـت ....'


سـميه : داانـــــــه .
خـليفه : سلطـــــــاان .

*و الاثنـين ناظرو بعض*

خـليفه : انتي تصيرين لدانـه؟ .

سـميه : انت تصير لسلطـان؟ .

خـليفه : ترا انا ساءلج بالاول .

سـميه : و انا مو مجبوره ارد عليك .

خـليفه ' بلاها ذي! ' : و انا مو مجبور ارد عليج بعد .

سـميه : حتى الكاسكو ماسواها يقعد يردد الكلام مليون مرا .

خـليفه ' بل شفيها ذي صدق بنات اخر زمن ' : والله قولي لروحج هالكلام .

سـميه : اووه مو فاضيه لك كافي ربيعك مدري اخوك ذي سلطان بس شغلته يلاحق بنات الناس .

خـليفه ' ذي بلاها ترا تعدت حدودها ' : شقصدجج؟ .

سـميه : والله انت ادرى ولا ماقالك شسوا ف دانـه .

خـليفه : انتي هييييه ترا سلطون مو من هالنوع اللي انتي حاطته ف بالج و يا دانه ذي! و بعدين شقصدج بأنه يلاحق بنات الناس .

سـميه : عيل شتسمي ان ف واحد لاحق بنيه لي المصعد و فجـأه يوقف عليهم المصـعد؟ .

خـليفه < كانت بيرد بس وقفه صـوت حد يكح داخل المصعد > ......!

سـميه * تطق الباب * : دااااننهه ويننج تسمعيني دانننه .

خـليفه : سلطاااااننن سلطاااااااانن وينكك؟ .

و داخـــــــل ......!


سـلطان * حس بروحه مب قادر يتنفس و بدا يكح * : دانه تسمعني < و رد يكح > دانـ....'! .

دانـه * فتحت عيونهـا بس لحين مب قادره ترد او تتكلم *

سـلطان * حس بفرح يوم جافها فتحت عيونها شوي * : دانـه...انتـ...ي .......بخـ..يــر .

دانـه * بتعب * : سـ..لـ...ـطــ..ـا...ـن.. .

سـلطان * من غير وعي * : عيـ...وو..ن ....سلـ..طـا..ـن .

دانـه : سـلـ....! .

سـلطان لـف عالباب مال المصعد : خـليـ..فـه وينـ..ـك .. البـنـ..ـت ... تـعبانـ..ـه .. .


خـليفه < من برا > : انا هني انتو بخيييير .

سـميه * بخـوف * : دانـهه وينهـاااا؟؟؟ .

خـليفه * بصراااخ * : ووووييييييين الامـن ؟!! .

< و ثـواني و وصلو الامـن > و الحمدلله دقايـق و فتحو البـاب ...... و سميه و خليـفه دخلو يساعدونهم عشان يطلعون........."

خليفه من غير مايحس سحب جوال دانه و حطاه بجيب سلطـان .....!

و سميه من غير ماتحس سحبت جوال سلطان و حطته بشنطه دانـه.....!



و يوم طلعو......"


خـليفه * حـده خايف ع سلطـان * : سلطاااان سلطاااان انت بخييــر .

سـميه * قعدت ويا دانه بأقرب كرسي و هي حدها خايفه * : دانــــههه انتي بخـيييير؟! .

دانــه * حست بأنها ردت لوعيهـا شوي * : ســ..لـطان وينـه..!؟ .

سلطـان * لخليفـه * : دانـــــ...ــه...وينـهـ...ـــا؟! .



هـني سـميه و خـليفه طالعو بعض مستغربين...!



سـميه : دانه حبيبتي تعالي اخذج البيت ترتاحين لج شويه و عقب نتكلم احسن .

دانـه * هزت براسها اي * < و خذتهـا سميه و راحو مع الدريول لبيت دانـه > ...."


خـليفه : سـلطان شو رايك اخذك لبيتكم احينه و بعدين نتكلم ف الموضوع .

سلطـان * قام معاه من غير مايعارضه *




و كـل واحد منهـم راح فـ طريقـــه لكـن لا عقلهم و لا قلوبهم وياهم ... كل واحـد فيهم كان مع الثاني و يفكـر بالثانـي و اسأله وايييـد تدور ف عقـولهم...."




^•^•^•^•^•^•^•^•^•^•^•^•^•^•^•^




بـقـــاعة العــرض....."


كـان بـاقي شوي ع نـهـاية الفـلم ... و اكثـر وحده فيهم كانت خايـفه منّــه ....."


فجــأه طلع ويـه يخرع بنص الشاشه وو****..."

منّــه : يمــــــــــه < و البوبكورن اللي بيدها كله فرتـه يوم انقزت من مكانـهـا و طاح عالشخص اللي كان يدامهـا و هـذا الشخص كــان....!


مـايد : من هالحـيـوا....*** < و يوم لف انصدم انهـا بنت > .

منّـه * منحـرجه * : اسفـه والله ماكان قصدي بس لاني كنت خايـفه...* .

احمـد < لف عليها > : و دام انك بتخافي ليه دخلتي انتي بتعرفي ان هالافلام مو للاطفال .

سـاره < هاي مو كأنه احمد البرشلوني > : انته هييه يالملقوف شو دخلك فيها هي بكيفها تدخل وين ماتدخل شو اللي حشرك بينهم .

احمـد < هاي مو كأنها ساره المدريديه > : و انتي من حكى معك لازم تتلقفي و تحكي .

طـارق : احمد خلاص عاد يه! .

منّـه < تمت تناظر مـايد و ببالهـا مليون سؤال و سؤال! > ' ي ربي شهالصدفـهه! مستحيل جي شبه كبير بينـه و بين نور من غـير سبب ليكون تصير له و احنا ماندري > ...'

مـايد < يناظرهـا > ' بـلاها ذي تطالعني جي شو مو جايفه ريّال من قبل! ' ..

فاطـمه < طاحت عيونها ع نـاصر و نفس الشي هو > ..!

سـاره : الصراحه اما حاسه بخنقه هون ، شو رايكو نطلع بنات لان seriously المكان صار بيجيب المغص .

احمـد : بتعملي خير انتي و ربعك والله .

نـاصر : احممدوه عيييب خلاااص .

فيصـل : بنات اذا تبون تقعدون عادي قعدو لان احنا بنطلع احين .

احمـد : هييييه ترا بدي اخلص الفلم .

سـاره : لا اخوي نحن بدنا نطلع لانو تأخرنا و اصلا الفلم مو حلو < و طلعو الثلاثه و اللي هم سـاره و فاطـمه و منّـــه > ....."


فـيصل : احمـد ياخي ويش بلاك انته حاط دوبك بدوب البنت.

احمـد : شفتها كيف بتستفز الواحد .

مـايد : عساس انت اللي مب مستفز .

نـاصر : شباب انا لاعت جبدي بطلع خلاص .

الكل عدا احمـد : اي صج خل نطلع احس عالفاضي قاعدين .

احمـد : ياخي مو من صجكم .

طلعو الكل و خلـوه...!

احمـد : هييييييييييه يا ناكرين المعروف استنوني < و طلع وراهم > ...'



^•^•^•^•^•^•^•^•^•^•^•^•^



عـند البـنات...."


سـاره : هيييه بنات شفتو القروب بالواتس .

فاطـمه : اي قريت .

منّـه : ليش شصاير جوالي مافيه جرج ماقريت! .

سـاره : مدري سميه كاتبه عالقروب ' بنات اكيد بتسألون وين رحنا انا و دانه .. احنا ردينا البيت و باجر الساعه 4 العصر كلكم تعالو بيت داانوه ' .. .

منّـه : ليكون صار شي لدانه .

فاطمـه : كلمت سموي توني تقول كانت تعبانه شوي عشان جي ودتها البيت و باجر دانوه قالت تبيكم كلكم ببيتها .

سـاره : بـننننااااااااات .

فاطـمه * مسكت اذانيها * : وجع بطيتي اذني .

منّـه : بـلاااج انتيي ؟! .

سـاره * تأشر ع مكان داخل الكافيه * : جوفو هـناااك هاذي مو كأنها هاجر .

منّـه : اي والله هاذي هي بس شتسوي مع هالريال .

سـاره : يمكن حبيبها .

فاطـمه : الله ياخذ ابليسكم يمكن اخوها صفو النيه انتي وياها .

منّـه : بس غريبه يعني مايشبهها ! .

سـاره : صح شوفي ما يشبهها كتير .

فاطـمه : اوووووه انتو شعليكم منهاا انزين امشو امشو نروح البيت لاني صج تعبت .

منّـه : اي والله حتى انا تعبت .

سـاره : عجايز اخر زمن امشو بس الله لا يبلانا .

منّـه و فاطـمه : هههههههههههههه .


و كل وحـده راحـت لبيتهـا....."




بـالكـافيه ......."


هـاجر * متوتره * : اف حموود خلاص ردني لسيارتي برد البيت .

محـمد : بلاج مخترعه؟! .

هـاجر : ياخي بنات صفي توهم لمحوني هني و اكيد عرفوني .

محـمد : انزين عادي اذا سألوج قوليلهم اخوي .

هـاجر : و هذا اللي بيصير اصلا .

محـمد : انزين خل نتعشى و عقب نرد .

هـاجر * ماحبت تكسر بخاطره * : انزين ع هواك .

محـمد : احببج .

هـاجر * ابتسمت * : و انا اموت و اعيش فيك...' .


و راحـو يتعشـوون......"



^•^•^•^•^•^•^•^•^•^•^•^•^•^


عنــد ياسـمين تمت تحـوس بالمــول و تدور عالبـنات لكن عيزت و مالقتهم ...' و اخر شي من التعب راحت و يلست بأقرب كافيه جافته...."


بـهالوقت فـيصل كان يمشي مع ربعه و لمحهـا قاعده و انصـدم و بنفس الوقت حس بنيران قلبه اللي قامت تغلي و تغلي ....." انسحب شوي شوي من ربعـه و راح لها ...


فـيصل * سحبها من يدها و قرب منها * : ياسميين انا كذا مرا حذرتك كيف تطلعين كذا لحالك من غير مايكون معك احد ؟! .

يـاسمين ' ذي شيابه هي و وش عرفه بأسمي ' : وش تبغى مني انته ياخي وخررر عني .

فـيصل * رص اكثر ع يدهـا * : سمعيني احين بتجين معي اوصلك للبيت من غير ولا حرف < و سحبها وراه > .

يـاسمين ' اخخخخ الحيوان عورني ' : بـس.....* < ماقدرت تكمل كلامهـا لان فيصل سحبهـا ...... .


بـــرا يوم طلعــــوا ......"


كـومار * جاف ياسمين و فيصل و راح لهم * : انت هييه شو يبي من ماما ياسمين .

فيـصل : نعم انت الثاني؟! .

كـومار : انا ف دريول مال ماما ياسمين .

ياسمين ' بالاهـبل انت الثاني اسكت '

فيـصل : و انت كيف تاخذها لبرا البيت من غير ما ابوها يعرف؟ .

كـومار * خاف من جاف فيصل معصب * : انا اسف والله مافي يسمع كلام مال هي مرا تانيه .

يـاسمين * ضربت جبهتها من كلتم كومار الاهبل *

فـيصل ' يعني هي اللي حادته يجبيها هنا ' : اسمعني زييين احييييين تاخذهـا و توديهـا البيت وربي لو مرا ثانيه طلعت من غير بابا و مالها يعرفون والله مايحصلك خير فاهم .

كـومار * صج خاف * : ان شاءلله ان شاءالله .

يـاسمين : و انت من تكون عشان تمنعني ها من تكون و بعدين راح اطلع و اسوي اللي ابيه و اعلى مابخيلك اركبه و اجوف شراح تسوي * و دزته بحيث يبعد عنها و ركبت السياره و حست بأنها عطته الكلام اللي تبغي تقوله له من قبل لكـن مع ذلك كانت معصبه و مستغربه من حركاته الغريبه و اهتمامه لها * .. .

بالنسبه لفيـصل .. كان حده معصب من حركاتها و كلامها و قال خلاص لازم يسوي الشي اللي براسـه ' وربي يا ياسمين لتندمين عالساعه اللي رفعتي فيها صوتج علي هين بس ' < و من هالموقف بدت عصبيـة فـيصل تزيد بأتجاه ياسـمين و جمرات اعصابه تزيد لهبها ........ > .. .


^•^•^•^•^•^•^•^•^•^•^•^



بـاللــيـــــــل .....^


فـ من النـاس عيـونهم غفت اول ماحطت راسها عالمخده و فـ منهم عيـونهم ماعرفت وش معنى النـوم ف هاليوم بالذات....."


عنــد دانــــــه .........''''


كـانت منسدحـه بفراشهـا و تناظـر القمــر من بعيــد و تفكـيرهـا بكـلام سلـطان و اللـي صـار اليـــــوم...."


' هـو صج ماكان يبغي يسويلي شي ولا يجذب! بس لا نبرة صوته و عصبيته تقول العكس انه مايجذب كان يقول الصج! عقلي يجذبه و قلبي يصدقه اسمع من ولا من؟ اه ي ربي مدري ليه مو راضي يروح عن تفكيـري ليـــه! '



‏لو بقيت الليل بأطيافك سهير
‏تستلذ العين لأجلك بالسّهر

^•^•^•^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-04-2016, 09:07 PM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


عنـــد سلـــــطان ...."


وضـعه كان نفس وضع دانـه .. كان منسدح بفراشه و متلحف و ينـاظر القمر من بعيـد و دانــه مافارقت خياله ...."


' اه ي ربي شاللي صايـر فيني ليه بس تفكيري فيها و مو لغيرها لـيه كل ماحاول انساها طيفها يمر و يذكرني فيها ليـه!؟ ودي اعرف شقـصة هالعالم الغريب اللي انا فيـه و ليش بس دانـه تطلع ف هـالعالم كل دخلت فيـه .. معـقوله حبيتهـــــــــــا!!!!!!!! '



أعاتبُ طيفَهُ إن لم يزرني لعلّ ‏الطيفَ أوعى للعتاب,ألا يا‏طيفَهُ أبلغْهُ عنّي بأن الشوقَ ‏أفقدني الصواب.."




^•^•^•^•^•^•^•^•^•^•^•^•^•^•^



صــــــباح يــــــديـــد .. صــباح يـــوم الجمــعه


ببــيت خـــال نـــور..."




كــانت ع السجـاده و تـــدعي ربهـا و عيونهـا مليانــه دموع ... كانت تدعي بآهـات طالعه من صميم قلبهـا المجروح قلبهـا اللي ينبض بحبها لامهـا و ابوهـا اللي بعمرها ماجافته ..... لكـن قطــع عليــهـا دخـــول .......



شهـد : يامال الراحه قومي فزي سوي الغدا متنا يوع ترا .

نـور * تمسح دموعها * : ان شاءالله خل اخلص صلاتي و اسويه .

نـوف : اقول اخلصي علي ترا وربي مب فاضية لج قووومي سوي الغدا .

شهـد : حشى مب صلاة ذي تراويح! .

نـور : استغفرالله شهد مب زين تقولين جي .

شهـد < سحبتها بقو من كتفها > : و انتييي شعليييييج من كلامي قومي سوي الغدا من غير تفلسف زايد .

نـور : اااااه كتفي .

نـوف < سحبت شيلتها و جرت شعرها > : كتفج ها انا اعلمج .

نـور : اه حرام عليكم والله .

شهـد : يداممي يلا انجلعي سوي الغدا ولا وربي اقول لامي تحرمج من الاكل و تحبسج تحت بالمخزن .

نـور < قامت من مكانها و تحس بضلوعها المكسوره و دموعها اللي خانت التعـابيــر و ويهـا الي قلب احمر و زاد من اكتآبهـا > : ان شاءالله بروح اسويه .

نـوف : يلااااااا .




^•^•^•^•^•^•^•^•^•^•^•^•^

بـيت ســـاره...."

كانت يالسـه بالصـاله و حاطه السماعات و تحوس ف الانسـتا و بالصـدفه طلع لها ف السيرج صـورة احمــد و استغربت و دخلت اكاونتـه و ظلت تحــوس فيه...."


سـاره ' ي ربي شو هاد الجمـــال اسم الله عليه ... هييييه ساره شو مالك عليه نسيتي انو هاد البرشلوني بس كلو بيستفزك اصحي من الحلم اصحي ... و من غير ماتحس ضغطت لايكـ ع صورتـه '

و دقـايق الا وصلتهـا رساله عالدايركت من نفس الاكاونت ....!


الرساله كانت..؟

اوه المدريديه شكلها معجبه فيني ...< و حاط فيس يضحك > .....!

سـاره مصــدومه!!!!!!!!!!!



^•^•^•^•^•^•^•^•^•^•^•^



عنـد سلـطان من بـعد مارجع من صلاة الجمـعه .. صعد لغرفته لانه نسى جواله امس بجيبه يوم نام و راح ياخـذه لكن تفاجأ بـجوال دانه مرا ثانـيه.....!


سـلطان : ذي شياب جوالها عندي مرا ثانيه ، لا بالله ماخلصنا من سـالفة الجوال!! .

و قال انه بيتصل ع رقمـه يمكن جواله يكون عندهـا..و اتصـل لـــكن....**


عنـــــد دانــه كانت توها مخلصه صلاتهـا و راحت تتجهز عشان البنات بيونها العصر لكن سمعت صوت جوالها يرن ف شنطتها و يوم طلعته تفاجأت بـ جوال ثاني لكن اللي قـاعد يتصل فيه رقـمهـا.....!

ردت لكن ظلت سـاكته :............ .

سـلطان * يبي يتأكد * : دانــه؟! .

دانـه * بـصدمه * : سلطــــــان......؟! .







خلص البــارت


توقعـاتكم للـبارت...؟!

- فيصـل و ياسمين..؟!
- سـاره و احمد و رسالة الدايركت..؟!
- نــور و حياتها المأساويه..؟!
- دانـــه و سلــطان و نهاية قصة الجوال بوشو راح تنتهي..؟!


اسمحولي ع تأخييير البارت .. و تقبلو مني فائق الاحترام .. اختكم : يونيـكـ...."







مخــــرج....'

‏ما عشقتك مثل باقي العاشقين جيتك أعمى يبصر بعين الهيام..'


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-05-2016, 09:25 PM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


سلااام فرندز


اسمحولي ع تأخير البارت الرابع ... و ذلك لظروف خاصـهه و ان شاءالله باججر الخميس بإذن الله راح ينزل البارت الرابع


مع خالص حبي...:
اختكم..يــونــيــكـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-05-2016, 04:47 PM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


بـــــــارت ' 4 '


مــــدخــل..."
‏‏حسرة الغيره في رابح لما قال:
يحبونه وانا يتعب فؤادي!






عنـد سلـطان من بـعد مارجع من صلاة الجمـعه .. صعد لغرفته لانه نسى جواله امس بجيبه يوم نام و راح ياخـذه لكن تفاجأ بـجوال دانه مرا ثانـيه.....!


سـلطان : ذي شياب جوالها عندي مرا ثانيه ، لا بالله ماخلصنا من سـالفة الجوال!! .

و قال انه بيتصل ع رقمـه يمكن جواله يكون عندهـا..و اتصـل لـــكن....**


عنـــــد دانــه كانت توها مخلصه صلاتهـا و راحت تتجهز عشان البنات بيونها العصر لكن سمعت صوت جوالها يرن ف شنطتها و يوم طلعته تفاجأت بـ جوال ثاني لكن اللي قـاعد يتصل فيه رقـمهـا.....!

ردت لكن ظلت سـاكته :............ .

سـلطان * يبي يتأكد * : دانــه؟! .

دانـه * بـصدمه * : سلطــــــان......؟! .

سلطـان ' صوتهـا يجيب العافيه ' : احم اخبارج اليوم ان شاءالله صرتي احسن .

دانـه ' فديت اللي يسأل عني < و ردت تكلم نفسها > داننه شبلاج اثقلي شووي ' : اي الحمدلله ، بس ويت ويت جوالي شيسوي عندج .

سلطـان ' اعوذبالله بديننااا ' : و هذا اللي انا ابغي اعرفه بعد جوالي شو يسوي عندج! .

دانـه ' لا والله يستغبي يعني! ' : انت هييه < قاطعها سلطان > ...!

سلطـان : ترا اسمي سلطـان مو انت هيه! .

دانـه ' ي ربي ليش نشبه ذي ' : اللي هو اسمعني ابي جوالي و هالمره انت اللي ترده مو تقول تعالي بيتي و مدري وين ، المره اللي طافت طوفتها لك بس هالمره تحلم .

سلطـان ' بل شفيها ذي ' : ماخذه جوالي و تتشرط صج شين و قوات عين .

دانـه ' وجـعع ' : احيين انا الشينه و لا انت و ويهك اللي يشابه الثور .

سلطـان ' انا ثور هـا ' : تكلمي عن نفسجج يالهبله .

دانـه : مو اهبل منكك صدقني .

سلطـان : اي واضح الصراحه .

دانـه : اختصر الموضوعع و رد لي جوالي ولا والله اقول لابوي و اخليه يسويلك مشكله لا صارت ولا استوت .

سلطـان : لا والله احين انتي اللي ملخبطه و ماخذه جوالي و يالسه تهددين بعد! .

دانـه : احلف بس ان انا اللي ماخذته اقول طير انت و ويهك .

سلطـان : عيل من اللي مبدل الجوالات انا !! .

دانـه : ليش ف حد غيرك كان ويانا لمن طلعنا .

الا شوي و الاثنين صرخـوا بأسامي....!!!

دانــه : سمــــيه! .

سلطــان : خــــليفـه! .

دانـه : لا مستحيل سموي ماتسويها .

سلطـان : ولا خلوف يسويها .

دانـه ' مو كأن كثرنا كلام ' : اقول اخلص علي و رد جوالي .

سلطـان ' اعوذبالله و جان تقلب مرا ثانيه ' : زين قوليلي وين بيتكم و انا ارده لج! .

دانـه ' هه ف احلامك اقولك عنوان بيتنا ' : لا لا لا بعطيك اللوكيشن مال مدرستنا و انت تعال و عطه دريولنا و هو بيعطيك جوالك .

سلطـان : لا انتي تيين .

دانـه ' شبلاه ذي مينون! ' : نعم شنو اللي انا ايي جايفني ميته عليك ولا وشو بالضبط .

سلطـان : كيفج اذا ماجيتي انتي انسي جوالج و بالنسبه لي انا عندي جوال ثاني و مسجل فيه كلشي < طبعا كان يجذب بس عشان تقول اي و تروح له > ...!

دانـه ' ي ربيي عنيييد لازم يسوي اللي براسه ' : افف انت لازم توهق الناس ماعندك احساس! .

سلطـان ' انتي نطري علي بس هذا ويهي اذا خليتج بحالج ' : والله عاد انا اذا حطيت شي براسي اسويه .. و احين بتيين ولا كيف .

دانـه ' الله يعيني شهالحظ الخايس ' : انزين انا ماقدر اجي احين ، بجوف اذا قدرت بيي اخذ جوالي بالليل .

سلطـان ' و ذي ماعندها غير بالليل ' : شكلج تحبين الطلعات بالليل .

دانـه ' نشبهه اعوذبالله ' : عبالك الناس فاضيين مثلك ماعندهم مشاغل .. عالعموم انا بسكر احين لاني صج مو فاضيه لك ولا لسوالفك البايخهه < و سكرته بويهه و راحت تكمل تجهيزها > .. .

سلطـان : اعوذبالله ذي ف كل مره تسده ف ويهي! .




^*^*^*^*^*^*^*^*^*^*^*^*^*^*^*^


عنــــــد يــاسمين ..."


كــانت يالسـه عالبلكونـه و فاتحهه البوم صورهـا و تناظر صديق طفولتهـا اللي اشتاقت انها ترد له ... و هـذا مثل مايقولون حب طفولتهـا....و ظلت تتأمل ف الصوره لـي مـا..؟!

يـاسمين < بنفسها > ' شهالصدفـه ليه احس فصّول < قصدها صديقها بالطفوله اللي اسمه فيصل > يشابه ولد جيرانا!!!! ليكون يصير له ولا انا يتهـيألي! لا مستحيل شياب القمر للاهبل ولد جيرانا .. ياخي وحشني هالدب ودي اشوفه ' < و سكرت البوم ذكرياتهـا ويا صديق طفولتهـا >

و راحت تحت و قعدت تسولف ويا امها و ابوها...."






^*^*^*^*^*^*^*^*^*^*^*^*^*^*^


نـــروح لــ سـاره ...."



كـانت مصدومـه من الرسـاله اللي وصلتهـا عالدايركت..."


اوه المدريديه شكلها معجبه فيني ...< و حاط فيس يضحك > .....!

سـاره * ضربت جبهتها * : ي ربي شو عملت انا!!! و هاد البرشلوني طلع مابيستحي .

و ردت عليه بالدايركـت..."

سـاره : اقول لاتصدق نفسك كتير لانو بالغلط عملت لايك و ماكنت بعرف ان هاد يوزرك .

احمـد * جاف الرساله * : بالله عليك كيف بالغلط يعني! اوكيه بنقول انو بالغلط بس انك دخلتي عالصوره هيك من غير ماتعرفي هاد كذب .

سـاره : ياخي قلت لك بالغلط بدك تصدق صدق مابدك روح بأي مكان و اصقع راسك بالحيطه .

احمـد : اعصاب ياحلو .

سـاره : اسمع وربي لو مافارجت عن وجهي هلأ راح يجيك بلوك كبر جبهتك .

احمـد : بل عليكي شو هاد اللسان .

سـاره : احكي ماشاءالله لا يصير فيني شي .

احمـد : لا تخافي انتي قطه بسبع ارواح ماراح يصير فيكي اشي .

سـاره : هييييه انتهه شو قطه بسبع ارواح قلت احكي ماشاءالله و بعدين انقلع لاني صدق مش فاضيه لسوالفك البايخه .

احمـد : انزين شو بلاكي معصبه ترا ماحكينا شي .

سـاره : ي ربي خلللص < و مسحت المحادثه و سكرت الانستا و راحت تتجهز > .."

احمـد <بنفسه> ' شو بلاها هاي منفسه ' < و تم يحوس ف حسابهـا و جاف صورتهـا ويا ياهـل صغير ' ي ربي شو هاد الجمال اللي عليها ' < و تم يناظر الصوره بهيام لي ما حس بنفسه و استوعب الامر الواقع > و سكر جواله و راح لغرفته ...."





^*^*^*^*^*^*^*^*^*^*^*^*^*^*^*^


الــــعــصر ....." بـبيت دانـــه "


تيمعوا البنـات عندهـا و كانو قاعدين يسولفون عاللي صار امس ...."



فاطـمه : نعم شـ يبي ليه يصارخ عليج .

سـاره : اصلا مو من حقه يصارخ عليكي من بعد اللي سواه .

دانـه : مدري حسيت من كلامه انه كان يقول الصج .

منّـه : هييه انتي ينيتي شو! انتي تذكرين شسوا فيج صح! .

سـميه : بنات بنات وييت ترا دانه صاجه < قاطعتها ساره > .

سـاره : سميه انتي شو عم تقولي!!! انتو مجانين شي بتصدقو هاد المغازلجي .

سـميه : عيل شنو تفسرين اللي صار امس .

الكل تم يناظر سميه بأستغراب!!!! ..

فاطمـه : ليش شصار؟ .

سـميه : اللي صار ان من عقب ماطلعانهم من المصعد انا و رفيج سلطان الاهـبل < قصدها خليفه > الاثنين سألو عن بعض قبل لا كل واحد يروح بطريجه .

دانـه * حست بدقـات قلبهـا بدت تزيد من تتذكر الموقف *

منّـه : كييف يعني مافهمت! .

سـميه : يعني يوم طلعو سلطان قال وين دانه .. و دانه قالت وين سلطان .

سـاره : دانه صدق صار هاد الكلام ولا هاذي عم تتخيل .

سـميه : جايفه خيالي واسع قلتي هاذي قاعده تخيل شفيج ياخي والله هذا اللي صار .

دانـه * تذكرت جوالها * : انزين و جوالي كيف تبدل مرا ثانيه؟ .

فاطمـه : كيف تبدل ذي بعد؟ .

دانـه : امس و احنا طالعين من المصعد سميه خذت جوال سلطان و رفيج سلطان خذ جوالي و بجذي تبدلت الجوالات .

سـميه * ضربت يبهتها * : ويييه شهالغباء اللي علي من صجي ماجفت انا .

منّـه : سميه انتي صج بالغلط بدلتي الجوال ولا متفقه ويا رفيجه < قصدها خليفه > .

سـاره : تعالي انتي ليكون بتعرفيه لرفيق سلطان .

سـميه * رفعت حاجبها * : نعم شنو اللي متفقه و مدري وشو انتو من صجكم!! انا اول ماجفته هذاك كان ودي اصفقه كف من اسلوبه الغبي! و انتو تقولون متفقه معاه! .

فاطمـه : اي صح و بعدين شحقه بتتفق وياه ع سالفة الجوال مرا ثانيه دام ان لا سلطان ولا دانه يبون يجوفون بعض مرا ثانيه! .

منّـه : لا بالله ماخلصنا من سالفة هالفونات .

سـاره : طيب و انتي شو بدك تعملي يا دانـه؟! .

دانـه * قالت لهم عن الاتصال اللي صار بينها و بين سلطان الظهر * ...."

منّـه : لا لا عاد جي مصخت .

سـاره : يعني هاي المرا كمان انتي بتروحي له .

دانـه : عيل تبوني اعطيه عنوان بيتنا ينيتو انتو! .

فاطمـه : عيل هالمرا بعد كلنا بنروح وياج .

سـميه : انزين شنو بتقولين حق امج يمكن ماراح ترضى انج تطلعين ف هالوقت .

دانـه : امي خلوها علي انا بكلمها و بقنعها بطريقتي .

سـاره : خلاص عيل كلنا رح ننزل معك و لنشوف السيد سلطان شو راح يعمل .

دانـه * سرحت ف العـالم الغريب من اسمعت اسم سلطـان *

منّـه : الحلو وين سرح ؟! .

دانـه * استوعبت * : ها لا ولاشي .

فاطمـه : هاا عليناا اعترفي انج كنتي سرحانه بـ سلطان .

البنات عدا دانه : ههههههههههههههههههه .

دانـه : اوووه خلوكم احين من سلطان و سوالفه سؤال انتو فيكم طاقه؟ .

البنات : ايييييه .

دانـه : عيل قومو نرقص يلااا < و شغلت دانه الاغاني و رقصو البنات لي ماقالو بس > ......"




^*^*^*^*^*^*^*^*^*^*^*^*^*^


الســاعه 8 باللـيل...."


عـند ثانويـة البنــات * بالسـيارة *




سلطـان : و هـاذي كل سالفتي ويا دانـه .

خـليفه : اعوذبالله صج بنات اخر زمن هي و ربعها! .

سلطـان : و حاضرتك انت و ربيعتها امس بدلتو الفونات و ابتلشنا فيهم مرا ثانيه .

خـليفه ' فديت طاري ربيعتها ' : اي قصدك ذيك اللي كلمتك من جوال دانه؟ .

سلطـان : اي من غيرها .

خـليفه : ذي بعد ترا شكلها ام لسان .

سلطـان : كلهم نفس الشي اعوذبالله حتى ابليس مايقدر عليهم .

خـليفه : صدقكك والله ، انزين احينه بنتم نترياهم هني عند المدرسه .

سلطـان : خليفه اقولك شي وماتعصب .

خـليفه * استغرب * : لا افا علييك قول .

سلطـان : احس ف شي يجذبني ف دانـه .

خـليفه * فتح عيونه ع اخرهـا *

سلطـان : مدري احسها من عالم ثاني ، كل ماشوفها احس اني اعرفها من زمان ، و احس اني ادخل ف عالم غريب و ف هالعالم مافيه غيرهـا يعني مدري مدري شو هالشعور ..!

خـليفه * من غير مقدمات * : يعني تحبـهـا .

سلطـان * رفع عيونه له * : هــاا...! .

خـليفه : اي هذا معنى تفسير كلامك انت تحبها .. .

سلطـان * لمحهم من بعيد * : وييت كاهم كاهم .

خـليفه * التفت للمكان اللي يناظره سلطان * : ليكون هذيل .

سلطـان : اي من غيرهم! .

خـليفه : باال ذي شكلها يابت كل فريجهم .

سلطـان : صدقك والله ، عزة الله رحنا فيها .

خـليفه : انزيم قم قم خل ننزل و نجوف اخرتها وياهم! .


*و نـزلــو*


عنــد دانــه و البنـات ...."



سـاره : مين هاد ياللي مع سلطان؟ .

سـميه : هاي ربيعه الاهـبل .

منّـه : انزين احين كيف من بينزل .

دانـه : كلكم بتنزلون .

فـاطمه : انزين يلا خل ننزل و نجوف هالمره الاخ سلطان واللي وياه شوراهم .



*و نــزلو*



سلطـان ' شوفتها تييب العافيه ' :ماشاءالله انتي جايبه الفريج كله شكلج .

فـاطمه : ليش مب عاجبينك ولا وشو بالضبط .

خـليفه * طاحت عيونه ع سميه * : هلا هلا بالمصيبه الثانيه .

سـميه ' شبلاه ذي! ' : اوه الكاسكو هني .

خـليفه ' اعوذبالله مانست ذي! ' : والله الكاسكو يعرف نفسه .

منّـه : شبلاه ذي الثاني اي كاسكو؟ .

خـليفه : والله سألي ربيعتج الهبله .

دانـه : ممكن تنطم انت < و لفت ع سلطان > و انت الثاني وين جوالي .

خـليفه * تفشل * :..........! .

سـميه : نو جبهه ههههههههه .

البنـات : هههههههههههههههههههههههه .

سلطـان : صدق بنات اخر زمن ماتسحتون انتو؟ .

خـليفه : ماعليه اهم شي الاخلاق ي صاحبي .

سـاره : والله اللي مايستحي يعرف نفسسهه .

دانـه : خلصني و رد جوالي .

سلطـان : بالاول انتي ردي جوالي عقب خذي جوالج .

دانـه ' لا بالله خلصنا من هالويه ' : اففف ، اللهم طولك ياروح < و راحت له > .

سلطـان * اول ماجافها قربت و وقفت راح لها و وقف يدامها بالضبط يعني فيس تو فيس *

و هـني دانـه * توترت شوي *


عنـد البنـات..."

فـاطمه : ايا بن الذين....* قاطعتها سميه * .

سمـيه : فاطمه شبلاج؟ خليه ماراح يسوي شي .

سـاره : سميه شو مالك انتي شوفي كيف قرب منهـا .

خـليفه بنفسه ' اويل قلبي طلع اسمهـا سمـيه '

منّـه : هذا لازم نوقفه عند حده .

خـليفه * جاف البنات و نظراتهم و عرف ان بيسوون شي ف من غير ما سلطان و دانه ينتبهون راح لهم و قال... *


خـليفه : خلكم لاتسوون شي .

فـاطمه : لا والله تبينا نجوف قلة الادب اللي صايرة و نسكت .

سـاره : والله انتو الشباب ياحبكو لقلة الادب .

منّـه : انا مايخصني لازم اوقف ذي عند حده ترا واييد مصخها انت جايف كيف قاعد يقرب .

فـاطمه : واللي حارني ان دانه واقفه ماتسوي شي .

سـميه : شوي شوي ع الريّال < قصدها خليفه > ترا ماقالكم شي .

سـاره : انتي شو مالك ، شايفة اديش مصخها سلطان ليه مصره توقفينا .

خـليفه * خلاص ماتحمل و من غير مايحس صارخ بصوت عالي * : لان ســــــلطــان يحـــب دانـــــــــه < و فجأه حس بنفسه و بلع ريجه و قعد يسب نفسه عاللي سواه > ..

البنـــات * ف صـــــدمه *


دانـه و سلطـان * لفـو ع خليفـه منصدمين من كلامه و عقب لفـو ع بعـض و التقت عيونهم ببعض *




في عيونك ضاع قلبي و اكتفى
و في غرامك يَ معين الصآبرين..."



عنـد البنات .....'''


منّـه : انتتته هييه شو يالس تخربط .

سـاره : الوو انت صاحي شو؟! .

فـاطمه : سلطان! يحب دانهه! .

خـليفه *لف ع سميه* : و انتي ليه ساكته كملي فضولج و اسألي معاهـم .

سـميه : لا تخاف ماراح اسأل لاني اصلا كنت حاسه من لما صارت سالفة المصعد .

خـليفه : و انا اقول شفيه الكاسكو ساكت اليوم و ما تلقف مثل العاده .

سـميه : انت و بعدين معاك ياخي مصختها ترا .

سـاره : لا لا لا دانه مو من صدقها استسلمت لهاي الاهبل .

خـليفه : لو سمحتي اسمه سلطان .

فـاطمه * تأشر ع سميه * : و ذي اسمها سميه مب كاسكو .

خـليفه * غمز حق سـميه * : و انا اسمي خليـفه .

سـميه بنفسهـا ' صج قـلة ادب بس الحمار اسمه حلو '

منّـه : لا لا وشو هاي دانه شبلاها واقفه جي .

فـاطمه : ذي مو دانه اللي نعرفها!! .

سـميه : الحب و مايسوي .

سـاره : شو حب ماحب هاد كلو خرابيط .

خـليفه : اللي ماعاش الحب و اسراره بحياته ماراح يعرف شو يعني السعاده .

سـميه * طالعته و حست بشي غزها بقلبها * ' ذي ليـكون يحب ، اووه و انا شعلي منه '

و لفـو يناظرون دانـه و سلطـان اللي صارلهـم اكثر من كم دقيقه و هـم يناظرون بعض و حروف و كلام قاعده تنرسم بعيونهـم ...........!


دانــه * كانت تطالعه بعيونـه و كأنهـا تبي تتأكد ان صج الكلام اللي قاله خليفه ولا بس مجرد كلام .. و حست من عيونـه اللي ذابحه الناس من جمالها انه شعوره صاج نحوهـا و فجأه من بين هالمشاعر لقت نفسهـا بالعالم الغريب و محد فيه غيرها و غير سلطــان *

ســلطان * و اخيـرا من حط عينه بعينهـا تأكـد من مشاعره تجاهها .. و تأكد انه حبه لها ما كان حب وهـمي و كانت دانــه اول بنـت حبهـا و تعلق فيهـاا من اول ماجافهـا .. و تأكد ان هـالعالم الغريب هـو عالمه الخاص بحبه لدانـه و عشـقه لعيونهـا و كلشي فيهـا *


كـل هــاذي المشـاعر كـانت بهـالدقايق اللي مرت و هـم يناظرون بـعض ....* لكــن قطــع عليهـم صوت جوال سلطان اللي كان بيد دانـه * ....."


الاثنـين استوعبو الامر الواقع و بعدو عن بعض .. و دانـه رفعت الجوال و لمحت اسـم " المصيبه تهـاني " استغربت من الاسم و حطت ف بالها ان هاذي وحده من البنات اللي يغازلهم و بلحظه نست كل اللي صار من مشاعر و الكلام اللي بعيونهم ... و مدت يدها ليد سلطان * حست بجسمها تكهرب من لمسـة يدها ليده * و بسرعه حطت جواله بيده وسحبت جوالهـا و راحت لكـن ......"



سلطـان : دانــــــه سمعينـي انـ.......* قاطعته دانـه * .

دانـه : سلطــان خلااااص بسك لعب < و لفت ع البنات > يلا بنات مشينا .

خـليفه : بـس.....* وقفه يـد سلطـان * .

سلطـان * هز راسه بلا * : .................. .


و البنـات ركبـو السيـاره و هـم ف حالـة صمت و كل وحـده تناظر الثانـيه الا دانــه رغم المسافه اللي بينه و بين سلطان الا ان عيونهـا ابد مافارقت عيون سلطان لي ما ابتعدت السياره نهائيا عن ذاك المكـان......."




^*^*^*^*^*^*^*^*^*^*^*^*^*^*^


نـــروح لـ فــيصل...."



كـان كـعادته يالس بالبلكونه و عيـنه ما تفارق البلكونـه اللي يمب بيتـهم ... ثـواني و لمح ظل طالع للبلكونـه و من حسن حظه طلعت هالبنت يـاسمين...."



كـانت واقفه و تناظر السما و نسمات الهوا تلعب بشعرهـاا و بيدهـا ماسكه صورتهـا ويا صديق طفولتهـا اللي تمنت تشوفـه صار لهـا سنين .. حست بشي يناديها عشان تلتفت للصوب و لمـا التفتت....!


يـاسمين ' يممه ذا من وين طلع! '

فـيصل * تـم يناظرهـا و هو متعمد يحط عينه بعينهـا *

يـاسمين ' لا بالله ابتلشنا فيه ، ي ربي وش ذا ليه كذا مرره نشبهه ' < و لفت بتدخل لكن قبل لا تدخل لفت ع فيصل و هني فيصل عطاها نظره ماعرفت تفسرها .. بلعت ريجهـا و دخلت داخل و سكرت باب البلكونه و ببالهـا نظرة فيصل الغريبـه > ..

فـيصل ' مردج لي يا ياســمين صدقيني ' ....!




^*^*^*^*^*^*^*^*^*^*^*^*^*^*^*

عنـد سلطـان اللي انحـرق تلفـونه من كثر مايرن بأسم " المصيبه تهـاني " ....


خـليفه : ياعميي رد و فكنا من هالحنّه ولا حطه صامت .

سـلطان * و اخيرا رد * : نعم؟! .

تهـاني * معصبه * : انت تستهبل ولا وشو .

سـلطان ' لا بالله ابتلشنا ' : لا اله الا الله خييير بعد انتي ترا والله مو ناقصنج .


تهـاني : لا والله يعني تسوي روحك مضايق عشان البنيه ماعطتك ويه .

سـلطان * استغرب * : مينونه انتي شو! اي بنيه؟ .

تهـاني ' يسوي روحه مايعرف ' : البنيه اللي كنت معاها يدام المدرسه او بالاصح دانـه .

سـلطان * ضرب يبهته * ' بسمالله ذي كيف عرفت ' : اي دانه انتي شو يالسهه تخربطين!! ينيتي شو؟ .

خليـفه * هني ضرب يبهته و رفع ايده لشعره و هو منصدم من ان تهاني عرفت انهم كانو ويا البنات * ...."

تهـاني : سلطان لا تلعب بأعصابي انت تدري من هالبنت و ترا جفتك انت و ربيعك كنتو واقفين معاها و مع ربعها .

سـلطان ' يخرب بيتها ذي مايطوفها شي ' : اقول لا تيلسين و تتوهمين وايييد و صج صدقت شيخـه < اخت سلطان > يوم قالت ان يبيلج دكتور نفسي * و سكر ف ويهها * ... .

خـليفه : لا بالله رحت وطي يا سلطان احينه شو بتقول حق امك اذا ذي المصيبه بنت خالتك < تهـاني > بتقول لها انها جافتك اليوم ويا دانه .

سـلطان * غمض عيونـه و شريط موقفه ويا دانه يمر مثل الفلم * : مدري مدري ، الله يخليك حرك روح اي مكان اقدر اتنفس فيه .

خـليفه حرك بأتجـاه البحر .. لانه المكان الوحيد اللي تهـدي من اعصاب سلطـان و تخليه يروق شوي ...."



بالنـسبه لـ تهـاني اللي كانت عـند خالتهـا < ام سلطـان > ....


تهـاني * تمثل الحزن * : جفتي يا خالتي كيف يعاملني هذا و انتي تبيني اصير خطيبته .

شـيخه < اخت سلطان > * بهمس سمعتها تهاني * : هه باحلامج يا ابليس .

تهـاني * عصبت من كلام شيخه * : شيخه ممكن اسألج سؤال .

شـيخه * و خي متنرفزه منها * : اخلصصي لاني مو فاضيه و وراي دراسه .

تهـاني * و البراءه اللي تمثلها ماكله عيونها * : شيخه انتي ليش تكرهيني و ماتحبيني .

شـيخه : لانـج ابلـــــيس * و قامت من مكانهـا و راحت لغرفتها * .... .

ام سلطـان * ماعرفت شتسوي ببنتها من بعد اللي صار * : ماعليج منها حبيبتي خليها انا بتفاهـم معاهـا بعدين ، و سلطان خليه انا بكلمه و لا تحاتين لانه ماراح ياخذ غيرج .

تهـاني : حبيبتي خالتي * و هـي بداخلها تقول * ' و بنشوف اخرتها يا سلطان ويا عنادك ' ..........!


و من هـالموقف تعرفنا شوي بشخصيـه شـيخه < اخت سلطان > و اللي هي انهـا ماتحب الناس اللي يجذبون و انهـا جريئه و ماتخاف من قول الصج و دايم توقف مع الحق لكنها تكره تهاني بنت خالتها لانها بنيه مغروره و بس تبي سلطـان علشان فلوسـه و ورثه من ابوه .. و بعد شيخه انسانه طيبـه و بنفس الوقت تملك روح اللعب و الهبل و طبعا اخوها سلطان مستحيل يرفض لها طلب لانها اختـه الوحيــده ......"




*^*^*^*^*^*^*^*^*^*^*^*^*^*^*^*^*



بـاللـيل.....**


عنـــد ســاره ... " كانت تكلم منّـه فويس "


سـاره : لا لا اللي صار اليوم حلـم مش حقيقه انتي شايفه كيف استسلمت لهاد اللي اسمو سلطان .

منّـه : لا ماتوقع استسلمت له بهالسرعه مستححييل دانه تستلم بهاذي السهوله عاد كلنا نعرف انها مو مالت هالسوالف .

سـاره : عيل شو تفسيرك للي صار اليوم؟! .

منّـه : يمكن كانت منصدمه من كلام خليفه عشان جي تمت واقفه و ماعرفت شتسوي و بعدين دانوه حتى لو تجوفينها تتكلم عن الحب و سوالفه اعرفي انها يالسه تستهبل ف من الاخر مستحيل دانه تكون صدقت كلام خليفه .

سـاره : انزين ويت انا اللي محيرني ملامح سلطان حسيتها كأنها بتقول الحقيقه يعني ان خليفه كلامه حقيقه مو كذب .

منّـه : انا بعد حسييت فيه لكن دانـه مدري حسيتها كانت حدها متوتره و مب عارفه شتسوي .

سـاره : حياتي دانووه .. الله يكتب لها اللي فيه الخير .

منّـه : آميـن .




*^*^*^*^*^*^*^*^*^*^*^*^*^*^*^*^*


عنـد سمـيه .. اللي كانت تسولف فيديو كول ويا فـاطمه


فـاطمه : سمووي انتي مستوعبه اللي صاير انا كلش مب مصدقه اللي صار ؟؟ .

سـميه : مستوعبه و حتى متأكده ان دانه تبادل سلطان نفس الشعور لكن الاثنين يكـابرون و محد يبغي يعترف للثاني .

فـاطمه : و كيف جي متأكدده ؟!! .

سـميه : انتي ما لاحظتي ويه سلطان كيف قلب من بعد ماخليفه قال ان سلطان يحب دانه .

فـاطمه : الصراحه ويه سلطان صج تغير حتى دانه لكنها تمت تناظره و هي منصدمه من غير اي ردة فعل .

سـميه : انا احس ان سلطان صج يحبها لكن دانه هي بنفسها اصلا ماتدري اذا هي صج تحبه او لا و تبي شي يثبت لها انها تحبه بس وشو هالشي مدري .

فـاطمه : و ذي خليفه مايعرف يمسك نفسه عطول يفضح الناس .

سـميه : حرام عليج لاتظلمينه انتي جفتي كيف كلكم هبيتو بويهه حسيته ماتحمل و طلع اللي بقلبه و ارتاح .

فـاطمه * شكت ف اهتمام سميه لخليفه * : سموي انتي مو ملاحظه انج واييد مهتمه بـ خليفه .

سـميه * توهـقت * : هـاا شدخل يمكن يتروالج و بعدين مينونه انتي تبيني اهتم ف هالاهبل .

فـاطمه : والله عيونج جي تقول .

سـميه : لا تخافين مافي شي .

فـاطمه : انزين تعالي سمعي شو رايج باجر نطلع نروح هـيلي اللي ف العين .

سـميه : والله جمييلهه الفكره لكن ماتوقع كل البنات يروحون لان تعرفين الاحد دوامات وجي .

فـاطمه : لا عادي ماتوقع يقولون لا لان ماراح نطول بالكثير لي الساعه 7 بنقعد و بنرد .

سـميه : اي اذا جي تمام .

فـاطمه : و بعدين تعرفين مع اللعب و هالسوالف دانوه يمكن ترتاح نفسيتها من بعد اللي صارلها .

سـميه : اي والله صج اللي صار لها مب شويهه .

فـاطمه : الله كريم .

سـميه : خلاص انا بكلم البنات و بالمره بكلم ياسمين بجوف اذا امها بترضى تيي ولا لا .

فـاطمه : اوكييه تمام .




^*^*^*^*^*^*^*^*^*^*^*^*^*^*^*^


عـلى السـاحل ... صـوت الامـواج يملأ ارجاء المكان و الهوا كان هـادي و الانفـاس هاديه و مروقـه شوي..."



كـان واقف يتأمل البحر بأمواجه العاليه و عقله و قلبه مشغولين بالتفكير و السرحـان بـ دانـه ..... فجـأه قطع سرحانـه صوت وقف كل كيانه .. صوت حس انه احلى صوت سمعه بحياتـه .. صوت يختلط فيـه الجمـال و الحـب صـــــوت.......؟


دانـه * بتوتر * : سلـطان .

سـلطان * لف عليهـا بلهـفه * : لبـــيه .

دانـه * ابتسمت و طالعته بعـيون هـايمه فيه * : لبيت بمـكه ، ا.....اا...سلطـ..ــان..ابغي اقولك شي .

سـلطان * قرب منهـا شوي و حط عينه بعينها * : قـولي .

دانـه * مسكت ايده و بشوق ممزوج بالحب قالت * : سلــطان...انـا...انـ..ـا...! .

سـلطان * حضن ايدهـا بدفى إيده اكثر * : انتـ..ـي..شـو.....؟ .

دانـه * و عيونهـا ترمش مع كل دقه من دقات قلبهـا * : انـا....احـ..ـبـ..ــــ..ــك .

سـلطان * سحبهـا لحضنــه و لمهـا بقو * : و انا اموووت فـيـ.....***** < فجـــــــــــــــأه > .."



صحـــت من احلامهـا و نومـــهـا و هـي تتنفس بسـرعه و ترجف بسريرهـا و حاضنـه مخدتهـا بإيدهـااا.......!!


دانــه : استغفرالله شهالحلم..! ، ي ربي ليش هو بالذااات لييييشش؟؟؟؟ < راحت الحمام ^ الله يعزكم ^ و غسلت ويهها و توضت .. و عقب ماطلعت قرت شوي من آيـات القرآن الكـريم بصـوت هـادي لكـن يرجف ... و عقب ماخلصت نزلت تحت للمـطبخ و سوت لهـا نسكـافيه و راحت للـصاله و فتحت التلفزيون و قعدت > ...."


** ملاحظه قبل ماكمل **

اذا حطيت الحوار بين ((...........)) يعني هذا حوار بالواتساب و الرسايل اللي بالجوال ....."




بــاك لروايتنا...'



فتحت الواتـس و جـافت ان ربعها بالقروب كاتبين انهم بيروحون لمـدينه هـيلي اللي بالعين و حست انه هالشي ممكن بيساعدها ف تغيير نفسيتها ... فـ كتبت (( انا بعد بـروح بس ماراح نطول صح )) ..'

دقـايق و وصلها رد من فـاطمه (( اي لا تحاتين حبيبتي ماراح نطول ))

دانـه (( خلاص تمـام )) < و سكرت جوالهـا و عيونهـا راحت للدريشه ... طلت من فـوق و نـاظرت السمـا و بدت تنرسم يدامهـا صـــورة ' سـلطــــــان ' و سرحـت مره ثانيه بعالمها الغـريب ويا سـلطان ....!



و بنفس هاللحظـه .. سلطــان كـان قـاعد ع البـحـر و يناظر السمـا و صورة دانـــه مافارقت خـياله ...."


خـليفه * كان منسدح ويـاه * : تحبـهـا ..؟ .

سلطـان * تنهـد تنهيده طويـله * : اجذب عليك اذا قلت لا و الصج اني احبها لكن ف شي بداخلي يكابرني و يقول لا تستسلم بسهـوله .

خـليفه : ياخوي اقولك شي .. خل كلشي ع الله و مع الزمن بتعرف اذا هي تبادلك نفس الشعور ولا لا .

سـلطان : الله كريم .

خـليفه * فتح جواله و جاف احمد كـاتب .. (( شباب جاي ع بالي اروح العب بمدينه العاب ))

نـاصر (( يالبزر تراك بالجامعه متى بتكبر ))

فـيصل (( تصـدق انا بعد ودي اروح بس مدري اي مدينه نروح ))

طـارق (( خنروح لمدينه هيلي ))

مـحمد (( صدق بزراااااان اكبرو انت وياه ))

احمـد (( والله كيفكو نحن بنروح اللي بدو يجي حياه الله واللي مابدو يطق راسه بالطوفه ))

خـليفه (( انا و سلطان بنسير ))

نـاصر (( دام جي خلاص كلنا بنروح ))

احمـد (( تمــام ))


**

خـليفه : سلطون قم قم خنسير لان باجر ورانا مغامراااات مالها اول من تالي .

سـلطان * قام * : يا الله شو ف بعد غير مغامراتنا اللي صارت لنا اليوم .

خـليفه : خلااص باجر تعرف ان شاءالله .. يلا مشينا .

سلطـان : يـلا < و راحـــو > ...."





صــدفه جمعتهم من بـين كل النـاس ... و هـذا مثل مايسمونـه ^ احـلى صـدفه ^





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 14-05-2016, 04:49 PM
صورة يــونــيــكـ الرمزية
يــونــيــكـ يــونــيــكـ غير متصل
©؛°¨غرامي مشارك¨°؛©
 
الافتراضي رد: روايـة لا شفتني اتأملك استغفلني واترك عيوني تشبعك/بقلمي


غـابت خـيوط الليل و تسللت خـيوط النهـار ع ابطالنـا بيوم حـافل و مليئ بالمغامرات........."




السـاعه 3 العصـر ... مرو البنـات ع دانـه و خذوهـا و انطلقـو لمـلاهـي مدينه هـيلي......"


و نـفس الشي بالنسبه للشباب .. مرو ع الكل و انطلقـو لمدينه هـيلي......"




*^*^*^*^*^*^*^*^*^*^*^*^*^^*^*



بـمدينه المـلاهـي......."




وصلـو الشبـاب و دخلـو و وراهـم وصلو البـنات و دخـلو من غير محد ينتبه للثـاني .........."



عنـد الشـباب كـل اثنين او واحد منهم راح بجهه و يدور...

امـا عنــد البنـات ......!


سـاره : يلاااا بدنا نسير للشـاحوف < الشاحوف هي مثل سفينتين مسكره من فوق و تدور دوره كامله يعني راس الشخص يصير لتحت و ريله لفوق ^ ان شاءالله فهمتو ^ >

يـاسمين : لا نبغى الرولركوستر اول .

فـاطمه : لا هاي ولا ذاك بنسير سينما 3d .

سـميه : اخلصو علينا و قولو وين تبون تروحون .

منّـه : انا بلحق ياسمين ف خاطري اركب الرولركوستر .

فـاطمه : خلاص كيفكم انا بروح السينما .

يـاسمين : ها دانـه وين تبغي تروحي .

دانـه : ف خاطري اركب الشاحوف .

سـميه : خلاص عيل مشينا الشاحوف اللي بيي ايي واللي مابيي كيفه < و خذت ساره و دانه و راحو > ..

بالنسبه لفـاطمه لحقت ياسمين و منّـه و راحت معاهم للرولركوستر ......"



^*^*^*^*^

بــالرولـركوستـر....."


كـان فيصـل و نـاصر و مـايد و محمـد رايحين صوبـه و وقفو...."


كانو واقفين بالـدور و بكل رولركوستر مايصير الا اثنين بس يركبون... و اللـي صــار .....!


فـاطمه : احين كيف لازم ثنتين بس يركبون .

منّـه : انزين سمعو شو رايكم احينه ثنتين يركبون و الدور اللي بعده وحده من هالثنتين تركب ويا الثالثه .

يـاسمين : مجنونه انتي شايفه الطابور الطويل اللي ورانا بالله عليك من فينا يقدر يدخل عقب .

فـاطمه : والل كيفكم عاد انا هالدور بدخل .

منّـه : انزين احين من بيدخل مع فطووم ؟ .

مـايد * كان وراهـم * : اخلصو علينا قاعدين تتعازمون .

فـاطمه : و انت ليه حارق دمك اذا مب عاجبك روح .

نـاصر * لمحهـا من ورا * ' ها الويه مب غريب علي! '

منّـه * لمحت مـايد * ' هاي انا وين جفته؟ '

يـاسمين : خلااص منّـه اركبي مع فطوم و انا اركب بالدور اللي بعده .

فـيصل * من سمع صوتهـا لف عليهـا و انصدم انها هني * و قال بهمس لمـايد : هيه الدور اللي بعد انا اللي بركب .

مـايد * بنفس الهمس * : اوه قصدك تبغى تركب ويا البنت .

فـيصل : اووه بعدين تقولك احين بتخليني اركب ولا كيف .

مـايد : خلااص اوكيه .

فـيصل ' و طحتي بيدي يا ياسمين و محد سمى عليج '




*^*^*^*

بـالشاحــوف..."



الريّال ^ اللي يدخل الناس عشان يركبون ^ : لا لا بس واحد يصير يدخل .

سـاره : ياخي لا تستهبل ع مخي ترا مب فاضيه لك خلاص بندخل الدور اللي بعده .

الريّال : لا مافي سكر لازم واحد يدخل .

سـميه : و احنا مب متحركين من هني! .

دانـه : خلاص اذا تبون تركبون ويا بعض ركبو انا بركب احين عشان ماخرب عليكم .

سـميه : دانه من صجج احنا نبي نركب الثلاثه ويا بعض .

سـاره : هاد الاهبل عم اقول له انه يبدا و احنا بعديهم بنركب بس مش راضي .

دانـه : خلاص سمعو دام ماتبون انا بركب احين و عقب كلنا احنا البنات بنركب ويا بعض شرايكم .

سـميه : خلاص براحتجج .

سـاره : يوم تخلصي بتلاقينا هنناك مكان العصاير المثلجه .

دانـه : تمـام < و ركبت وو.. مانتبهت ليمب مين قعـدت > .."

بالنسبـه لسـاره و سـميه راحو لمكان العصاير المثلجه و طلبو لهم شي يبرد ع جبدهم و مادرو باللي يمبهم واقفين...."

سـاره : ها ايش تبغي سمسم؟ .

سمـيه و خـليفه ^ اللي كان يمبها و مايدري بنفس الوقت قالو ^ : تـــوت ازرق < و فجأه لـفو ع بعض > ..!


سـميه * بلعت ريجها من جافته و تذكرت كلام فاطمه يوم قالت ان سميه مهتمه ف خليفه * : خـ..ـليـفه! .

خـليفه ' شهالصدفـه ' : انتــي!!! .

سـاره * لمحت اللي واقف ورا خليفه * : هاي يالبرشلوني .

احمـد * لف عليها * : اوه المدريديه هـوون..! .


^*^*^*^*^*^

عنـد فـاطمه و منّـه .. عقب ماخلصـو قالـو ليـاسمين انهم بيروحون للسينما و راحـو ....."


بـالنسبه لـ ياسمين ركـبت و وراهـا ركـب " فـــيصل "


يـاسمين * اول مارفعت عينها انصدمت * : انـــت .

فـيصل * من داخله معصب لكن يحاول يضبط نفـسه * : مفاجـأه صـح .......؟ .

يـاسمين * و علامات الاستغراب ع ويها *

و بدت اللعـبه ووو............!



^*^*^*^*^*^*^

عنـد فـاطمه و منّـه......"

منّـه : فطوم فطوم سمعي انا بسير اخذ لي شي بارد لاني صدق تعبت و انتي سيري للسينما .

فـاطمه : لا عاد تكـفين .

منّـه : بليز والله تعبت ماقدر خلاص انتي سيري و انا بترياج هني .

فـاطمه : خلاص اوكـيه ^ و راحــت ^ ......."


و يوم دخلت فـاطمه لـ سينما 3D ... قعدت و ف واحـد قعد يمبهـا و فجأه يوم تحركت الكراسي .....!


فـاطمه : يمــــــهه واااي .

اللي يمبهـا ^ نـاصر ^ : شفيييج؟!! .

لفت عـليه و طاحت عيونها بعيونه ووو........؟ ..




...

بالنـسبه لمنّـه و هـي رايحـه فجأه........


منّـه * بـألم * : ااااااه ريلي ^ و قبل لا تطـيح ^

مـايد * كـان وراها و معطيها ظهره و اول ماسمع صراخها لف عليها و مسكها *

و طاحت عيونهم ببعض وو...........!!!



^*^*^*^



عنـــد دانــــه و ســـلطـان.........."


بـدت اللعبه و لحـين محد منهـم انتبـه للـثاني...و اول مارتفعت و انقلبت....."


دانـه * غمضت عيونهـا و من غـير ماتحس حطت ايدهـا ع ايـد سلطـان و جاها شعور غريب * ......!

سـلطان * حس بشي ف قلبه و لف عليهـا و انصـدم * و قال بـصوت هـادي : دانـــ...ـــه......؟! .

دانـه * سمعت صـوت وقف كيانـها و حست بالزمن وقف فيهـم .. و يوم فتحت عيونها و لفت عليـه * قالت بصـووت يرجف و خايف : ســـلــ...ــطان ...؟! .












خـلص البـــارت......."



احلـى صدف اجمعت ابطالنـا مع بعض ... توقعاتكـم للبارت الياي و اللي راح يصير مع ابطالنا..؟


مع خالص احترامي اختكم : يونـيكـ...'




مخــرج......."
‏ياصدفه ايامي يانعمة الرحمن يالذه دنيتي واجمل اشيائي..^


الرد باقتباس
إضافة رد
الإشارات المرجعية

روايـة لا شفتني اتأملك استغفلني واترك عيوني تشبعك/بقلمي

الوسوم
/بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
سأبقى أنثى/بقلمي سأروي حياتي كالقصة روايات - طويلة 203 20-01-2017 12:38 AM

الساعة الآن +3: 06:33 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1