حُلم تائه ©؛°¨غرامي جديد¨°؛©

رأيتُ في عينَاها من الحُسن مالم أرهُ
في إنسيةٍ قط ، وكأن الكواكِب أصطفت فِي بُؤرتِها صف .

*كنت اكتب روايتي ف الانستا بس خرب جوالي وبما انه مطوله ع بال م يلح قلت انقلها هنا لعل وعسى تعجبكم والقى حماس وتشجيع منكم
_________________________________
بريطانيا عام ٢٠٠٥م : الساعة ٧:٠٠ صباحاً من أجمل صباحات لندن .
فتح شباك غرفته وأخذ نفس عمِيق ، ...:أخيراً برجع الديره أخيرا بشوف أهلي وناسي ، تمدد ع السرير وأبتسم ؛ وعدتك أول م أخلص دراستي برجع لك و م أبعد عنك ولا لحظه...
قطع تفكيره صوت دق الباب : تفضل
الخادمة: سيدي ، تفضل للفطور .
...: أغراضي كلها جاهزة ؟
الخادمة: نعم كلها جاهزة.
...:طيب روحي وبنزل الحين .
_______________________
في ربوع بلادي
بيت أبو فهد :
رهف بصراخخ: عطني الريموت ي حيوان .
فراس : وجع فقعتيلي اذني يلا مناك بس أبي أتفرج .
أم فهد نازله من عالدرج: خير خير وشهالصراخ م تستحون سمعتو الجيران ؟
فراس: بنتك حشريه مو مخليتني اتفرج ع راحتي .
رهف :مامي من أول وهو جالس عليه م عطاني ولا فرصه بشوف الفلمم
أم فهد : أقول طفو التلفزيون ناظرو الساعه كم ، يالله بكره معزومين ع الغدا .
رهف وفراس : عند مين ؟
أم فهد : عند عمكم لافي ولده عناد أخذ الماجستير وبيرجع اليوم الديره يالله روحوا نامو .
رهف تتأفف : إن شاءالله.
وكل واحد راح ع غرفته .
@أعرفكم ع عيلة أبو فهد :
أبوفهد ٥٧ متواضع وطيب ويحب الخير يشتغل بشركه كبيره له ولأخوانه .
أم فهد ٤٨ طيبه حييل وتحب عيالها وأكثر شي فهد لانه الكبير .
فهد ٢٤ يدرس طب أسنان وسيمم حيل شاب طموح وكل همه دراسته وكيف ينجح بحياته ويرضي والدينه.
ريم ٢٠ أول سنه جامعه فلاويه وتحب الوناسه واهم شي عندها سعادتها
فراس ١٨ بثالث ثانوي مشاكس مره وع طول يتضارب مع رهف.
رهف ١٧ ثاني ثانوي حبوبه وتحب الوناسه .
________________________
في صباح يوم جديد☀️
في فلة كبيرة مره وجميله عباره عن صاله كبيره فيها درج ومصعد يودي فوق هناك فيه أربع جناحات جناح للأولاد مره كبير وكل واحد له غرفه لحاله وجناح للبنات بعد كل وحده لها غرفه وكل غرفه بينهم باب من داخل يعني يكونو فاتحين ع بعض وجناح للأم والأب والحناح الرابع فاضي وتحت ملحق خاص للخدم وغير كذا المجالس وغيره وغيره ،
بيت رجل الأعمال أبوفيصل:
أم فيصل تبخر البيت : سفانا سفانا تعالي ؟
سفانا : نعم مدام .
أم فيصل خذي كملي بخري عني وأنا بروح أصحي العيال .
وطلعت فوق وهي تدعي ف صدرها يالله إنك ترد لي ولدي بالسلامه يارب .
دخلت جناح الأولاد دقت باب غرفة فيصل م رد فتحت الباب ودخلت تصحيه : فيصل يمه قوم م صارت نومه وراك دوام وأخوك اليوم بيرد من الغربه يالله حبيبي قوم .
دخلت جناح الأولاد دقت باب غرفة فيصل م رد فتحت الباب ودخلت تصحيه : فيصل يمه قوم م صارت نومه وراك دوام وأخوك اليوم بيرد من الغربه يالله حبيبي قوم .
يفتح عيونه بالغصب و يقعد : إن شاءالله يمه الحين بقوم .
بعده مرت بغرفه مقفله لها سنين ناظرت بإبتسامه وقالت : أبشرك اليوم بيجي راعيك وبيفتحك وبتتنفسين الهوا من جديد . وبعد راحت غرفة سطام وصحته وبعده راحت صحت البنات .
ننزل لحديقة الفلة كانت جالسه تشرب كافي وتشرف ع تجهيزات الاستقبال كل واحد من العاملين منهمك بشغله كانت تجهيزات رهيبه ، كانو فارشين سجاد أحمر مكان م توقف السياره بحيث ينزل عالسجاده ع يمين السجاده جلسه كبيره رح يجلسون فيها وع يسارها طاولتين كبار للأكل وحده للحريم ووحده للرجال - الحضور للأقارب بس لذلك كلهم مع بعض - وغير كذا حاجات كثيره >>عجزت تفكر 😟
نزل فيصل الحديقه : الله الله كل هذا عشان حبيب القلب والله لو إنه حال قضية ديانا ، كلها شهاده ومسوين ذ كله .
ساره: أعوذ برب الفلق حاسد أخوك سوينالك مثله ذاك اليوم وخر عني بس خليني اشوف التجهيزات وراحت .
أبو فيصل طلع من بدري ع الشركه لأن عنده شغل بيخلصه وبيروح يستقبل ولده ف المطار .
@ أعرفكم على بيت أبوفيصل
أبوفيصل-لافي- ٦٥ أكبر واحد في أخوانه رجل أعمال غني جداً يحب الفلوس واجد وكلمته هي المسموعه ومحد يقدر عليه بس ف نفس الوقت طيب أخوه أبوفهد.
أم فيصل ٤٩ طيبه حيل وتحب عيالها و م ترفض لهم طلب .
فيصل أكبرهم ٢٩ يشتغل مع ابوه فللله وحبوب وبنفس الوقت رجال شهم .>>تتفلسف🌚
ساره ٢٤ بالجامعه هادئه وغالبا مالها حس منغمسه بدراستها.
سطام ٢٢ بالجامعه هادي وحبوب ويحب أخوانه واحد بالنسبه له هم أفضل أصدقائه .
ريناد وسلطان توأم -سبحان الله بنت وولد- عمرهم ١٩ بثالث ثانوي فلاويين مرهه وم يخبون عن بعض شي .
وخلاصص ،،
لحظه لحظه نسيت أهم شخصية بالعيله الولد اللي كل منتظر رجعته من السفر بس حخبركم أنتظروه يرجع من الغربه وتعرفو على شخصيته
____________
جالسه تطقطق بجوالها انفتح الباب بقوه كانت ريوف : هاااايي شتسوين ؟
رفيف : وجع كذا الناس يفتحون الباب ، زي م انتي شايفه .
ريوف: طفش طفش خلينا نطلع أو نعزم البنات ونتجمع ونستانس .
رفيف : ما حيجون الا بنات عمامك بنات الجيران لا .
ريوف : ليه؟
رفيف : سارة أخوها بيرجع من بريطانيا ومسوين له استقبال وبيكونون البنات كلهم مع اقاربهم هناك .
ريوف: إف ، طيب يلا خلينا نروح السوق اروح الطفش اللي فيني .
رفيف: اوك لبسي جهزي نفسك وانا بكلم ماما انه بنطلع.
ريوف نقزت من عالسرير :٥دقايق الا انا جاهزه .
_______
إنتهى البارت , رايكم وتشجيعكم عشان اكمل

ملك الأحساس..! ©؛°¨غرامي مشارك¨°؛©

صباح الخير؛)
بارت صغير ياحلم
لكن بدايه موفقه ..
كثفي الوصف والسرد ..
واتمنى تشرفيني بروايتي ..
انت نبض قلبي وسلطانه ..!
https://forums.graaam.com/608130.html
اخوك: ملك الأحساس..!


ora_chii ©؛°¨غرامي مشارك¨°؛©

بداية جمييييلة

ننتظر البارت القادم

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1